BTV NEWS

ស្ពានមិត្តភាពកម្ពុជា-ចិន មេគង្គក្រចេះ នឹងបើកជូនពលរដ្ឋឆ្លងកាត់ចាប់ពីថ្ងៃទី១មេសា ឆ្នាំ២០២៦តទៅ

សម្តេចតេជោ ហ៊ុន សែន ដឹកនាំកិច្ចប្រជុំគណៈកម្មាធិការអចិន្ត្រៃយ៍ព្រឹទ្ធសភា ដើម្បីសម្រេចលើរបៀបវារៈចំនួន៧

បេក្ខជន និងសកម្មជនគណបក្សភ្លើងទៀនចំនួន៤នាក់នៅស្រុកកណ្តាលស្ទឹង ចូលរួមជីវភាពនយោបាយ ជាមួយគណបក្សប្រជាជនកម្ពុជា

ស្ថានីយប្រព្រឹត្តកម្មទឹកកខ្វក់ក្រុងកំពង់ឆ្នាំងតម្លៃជាង ១៩លានដុល្លារ ត្រូវបានសម្ពោធដាក់ឲ្យប្រើប្រាស់ជាផ្លូវការនៅថ្ងៃនេះ

នយោបាយ និង ការអភិវឌ្ឍន៍

បក្សប្រជាធិបតេយ្យកំពុងភ្នាល់ប្រឆាំងនឹងប្រវត្តិរើសអើងភេទរបស់អាមេរិក បើផ្ដល់បេក្ខភាពទៅលោកស្រី Harris

គណបក្សប្រជាធិបតេយ្យនឹងត្រូវធ្វើការប្រថុយប្រថានជាប្រវត្តិសាស្ត្រ ប្រសិនបើពេលនេះខ្លួនងាកទៅជ្រើសរើសអនុប្រធានាធិបតីអាមេរិក លោកស្រី កាម៉ាឡា ហារីស (Kamala Harris) ឱ្យក្លាយជាបេក្ខភាពប្រធានាធិបតីរបស់បក្ស ដោយភ្នាល់ថាស្ត្រីស្បែកខ្មៅម្នាក់អាចយកឈ្នះលើការរើសអើងជាតិសាសន៍ ការរើសអើងភេទ និងកំហុសផ្ទាល់ខ្លួនក្នុងនាមជាអ្នកនយោបាយ ដើម្បីយកឈ្នះលើបេក្ខភាពគណបក្សសាធារណរដ្ឋ លោក ដូណាល់ ត្រាំ (Donald Trump)។លោកប្រធានាធិបតី ចូ បៃដិន (Joe Biden) បានប្រកាសថាលោកនឹងបញ្ចប់យុទ្ធនាការបោះឆ្នោតឡើងវិញ ហើយបានគាំទ្រលោកស្រី Harris។ ក្នុងពេលជាងពីរសតវត្សរ៍នៃលទ្ធិប្រជាធិបតេយ្យ អ្នកបោះឆ្នោតអាមេរិកបានជ្រើសរើសប្រធានាធិបតីស្បែកខ្មៅតែម្នាក់គត់ និងមិនធ្លាប់ជាស្ត្រីនោះទេ ដែលជាកំណត់ត្រាធ្វើឱ្យសូម្បីតែអ្នកបោះឆ្នោតស្បែកខ្មៅមួយចំនួនឆ្ងល់ថា តើលោកស្រី Harris អាចពុះពារឧបសគ្គដ៏លំបាកនេះបានដែរឬទេ។លោកស្រី Harris នឹងប្រឈមមុខនឹងបញ្ហាធំៗផ្សេងទៀតដូចជា ប្រសិនបើត្រូវបានជ្រើសរើសមែន លោកស្រីនឹងមានពេលត្រឹមតែ ៣ខែប៉ុណ្ណោះដើម្បីធ្វើយុទ្ធនាការ ព្រមទាំងបង្រួបបង្រួមបក្ស និងម្ចាស់ជំនួយឱ្យគាំទ្រ ប៉ុន្តែអ្នកប្រជាធិបតេយ្យជាច្រើននៅតែមានសង្ឃឹម។ លោកស្រី Harris មានវ័យ ៥៩ឆ្នាំ ពោលគឺក្មេងជាងលោក Trump ពីរទសវត្សរ៍ និងជាមេដឹកនាំនៅក្នុងបក្សស្តីពីសិទ្ធិរំលូតកូន ដែលជាបញ្ហាដែលទាក់ទងនឹងអ្នកបោះឆ្នោតវ័យក្មេង និងជាមូលដ្ឋានរីកចម្រើនរបស់បក្សប្រជាធិបតេយ្យ។ ប៉ុន្តែទោះជាទទួលបានការសរសើរក្នុងពេលប៉ុន្មានសប្តាហ៍ចុងក្រោយនេះក្ដី ក៏អ្នកប្រជាធិបតេយ្យមួយចំនួននៅតែមានការព្រួយបារម្ភអំពីភាពរង្គោះរង្គើរបស់លោកស្រី Harris ក្នុងតំណែងរយៈពេលពីរឆ្នាំដំបូងរបស់ខ្លួន ពេលខ្លីពេកសម្រាប់យុទ្ធនាការ ហើយភាគច្រើនគឺការបារម្ភជុំវិញប្រវត្តិដ៏យូរលង់នៃការរើសអើងជាតិសាសន៍ និងភេទនៅសហរដ្ឋអាមេរិក៕

យុទ្ធនាការលោក Trump ផ្លាស់ប្តូរការផ្ដោតរបស់ខ្លួនទៅវាយប្រហារលើលោកស្រី Harris

បេក្ខជនប្រធានាធិបតីមកពីគណបក្សសាធារណរដ្ឋ លោក ដូណាល់ ត្រាំ (Donald Trump) នឹងព្យាយាមបង្ហាញអ្នកបោះឆ្នោតដែលមិនទាន់សម្រេចចិត្ត ថាអនុប្រធានាធិបតីអាមេរិក លោកស្រី កាម៉ាឡា ហារីស (Kamala Harris) ដែលទំនងជាគូប្រជែងថ្មីរបស់ខ្លួន ជាប់ពាក់ព័ន្ធលើបញ្ហាពីរដែលលោកTrump កំពុងពឹងផ្អែកដើម្បីយកជ័យជម្នះក្នុងខែវិច្ឆិកា ទីមួយគឺបញ្ហាអន្តោប្រវេសន៍ និងទីពីរគឺបញ្ហាសេដ្ឋកិច្ច។ប្រភពនៅក្នុងយុទ្ធនាការលោក Trump បាននិយាយថា យុទ្ធនាការនេះនឹងវាយប្រហារលើលោកស្រី Harris ដែលទំនងជាបេក្ខភាពរបស់បក្សប្រជាធិបតេយ្យ បន្ទាប់ពីលោកប្រធានាធិបតី ចូ បៃដិន (Joe Biden) ដកខ្លួនកាលពីថ្ងៃអាទិត្យ ថាជា «អ្នកចូលដៃជើង» ជាមួយនគរបាលរដ្ឋបាលដែលនៅពីក្រោយប្រភពនៃការមិនសប្បាយចិត្តរបស់អ្នកបោះឆ្នោតទាំងពីរនេះ។ប្រភពបានប្រាប់សារព័ត៌មានរ៉យទ័រថា យុទ្ធនាការរបស់លោក Trump បានត្រៀមខ្លួនអស់ជាច្រើនសប្តាហ៍មកហើយសម្រាប់ទប់ទល់លោកស្រី Harris ប្រសិនបើលោក Biden ដកខ្លួន ហើយលោកស្រីទទួលបានការតែងតាំងពីបក្ស។ យុទ្ធនាការលោក Trump បានផ្តល់សញ្ញាថា ខ្លួននឹងចងភ្ជាប់លោកស្រី Harris ទៅនឹងគោលនយោបាយអន្តោប្រវេសន៍របស់លោក Biden ដែលពួកសាធារណរដ្ឋនិយាយថា ជាមូលហេតុត្រូវស្ដីបន្ទោសចំពោះកំណើនអ្នកឆ្លងកាត់ព្រំដែនដោយខុសច្បាប់ជាមួយម៉ិកស៊ិក។ខ្សែទីពីរនៃការវាយប្រហារនឹងវិលជុំវិញបញ្ហាសេដ្ឋកិច្ច។ ការស្ទង់មតិសាធារណៈបង្ហាញជាបន្តបន្ទាប់បង្ហាញថា ប្រជាជនអាមេរិកមិនសប្បាយចិត្តនឹងតម្លៃដ៏ខ្ពស់នៃម្ហូបអាហារ និងប្រេងឥន្ធនៈ ព្រមទាំងអត្រាការប្រាក់ដ៏ខ្ពស់កប់ពពកនៅក្នុងប្រទេស៕

ឯកអគ្គរដ្ឋទូតចិននៅកម្ពុជាប្ដេជ្ញាបន្តជំរុញកិច្ចសហប្រតិបត្តិការឱ្យកាន់តែរឹងមាំនិងប្រកបដោយផ្លែផ្កាបន្ថែមទៀត

សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា នៅថ្ងៃទី២២ ខែកក្កដា ឆ្នាំ ២០២៤នេះ បានអនុញ្ញាតឱ្យ ឯកឧត្តម វ៉ាង វិនពីន (Wang Wenbin) ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋប្រជាមានិតចិនថ្មីប្រចាំព្រះរាជាណាចក្រកម្ពុជា ចូលជួបសម្ដែងការគួរសម និងពិភាក្សាការងារ នៅវិមានសន្តិភាព។ក្នុងឱកាសនៃជំនួប សម្ដេចធិបតីបានសម្ដែងនូវការស្វាគមន៍ និងអបអរសាទរចំពោះឯកឧត្តម វ៉ាង វិនពីន ដែលត្រូវបានតែងតាំងជាឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋប្រជាមានិតចិនប្រចាំព្រះរាជាណាចក្រកម្ពុជា។ សម្ដេចធិបតីជឿជាក់ថា ក្នុងបេសកកម្មការទូតរបស់ឯកឧត្តម ទំនាក់ទំនង និងកិច្ចសហប្រតិបត្តិការកម្ពុជា-ចិន នឹងកាន់តែត្រូវបានពង្រឹង និងពង្រីកបន្ថែមទៀត។ ឯកឧត្តម ឯកអគ្គរដ្ឋទូត បានសម្តែងនូវការកោតសរសើរ និងវាយតម្លៃខ្ពស់ចំពោះការខិតខំប្រឹងប្រែងរបស់រាជរដ្ឋាភិបាលកម្ពុជាក្នុងការសម្រេចបាននូវសមិទ្ធផលថ្មីៗបន្ថែមទៀតជូនប្រជាជន និងប្រទេសកម្ពុជា។ ឯកឧត្តម ឯកអគ្គរដ្ឋទូត ក៏ជឿជាក់ថា ក្រោមការដឹកនាំប្រកបដោយភាពឈ្លាសវៃរបស់សម្ដេចធិបតី កម្ពុជានឹងមានការអភិវឌ្ឍរីកចម្រើនខ្លាំងក្លាបន្ថែមទៀត ហើយជីវភាពរបស់ប្រជាជនកម្ពុជានឹងត្រូវបានលើកកម្ពស់បន្ថែមទៀតផងដែរ។ ឯកឧត្តមប្ដេជ្ញាបន្តជំរុញកិច្ចសហប្រតិបត្តិការឱ្យកាន់តែរឹងមាំ និងប្រកបដោយផ្លែផ្កាបន្ថែមទៀត។សម្ដេចធិបតី និងឯកឧត្តមឯកអគ្គរដ្ឋទូត ក៏បានសម្ដែងនូវការពេញចិត្ត និងបានវាយតម្លៃខ្ពស់ចំពោះទំនាក់ទំនងដ៏យូរលង់ និងរឹងមាំរវាងប្រទេសទាំងពីរ ព្រមទាំងបានផ្លាស់ប្ដូរយោបល់ និងពិភាក្សាអំពីការបន្តជំរុញការពង្រឹង និងពង្រីកកិច្ចសហប្រតិបត្តិការរវាងប្រទេសទាំងពីរឱ្យកាន់តែរឹងមាំលើគ្រប់វិស័យ ដែលរួមមាន ជាអាទិ៍៖ វិស័យការពារជាតិ និងសន្តិសុខ, វិស័យថាមពល, វិស័យទេសចរណ៍, ការតភ្ជាប់រវាងប្រជាជន និងប្រជាជន, វិស័យសេដ្ឋកិច្ច និងពាណិជ្ជកម្ម, វិស័យកសិកម្ម, និងកិច្ចសហប្រតិបត្តិការច្រករបៀងឧស្សាហកម្ម និងបច្ចេកវិទ្យា និងច្រករបៀងមច្ឆា និងអង្ករ៕

មេដឹកនាំតៃវ៉ាន់៖ កោះនេះត្រូវតែការពារអធិបតេយ្យភាព និងដឹងពីវប្បធម៌ និងប្រវត្តិសាស្ត្ររបស់ខ្លួន

មេដឹកនាំកោះតៃវ៉ាន់ លោក ឡៃ ឈឹង ទ័រ(Lai Ching-te)បាននិយាយកាលពីថ្ងៃអាទិត្យថា កោះនេះ ត្រូវតែការពារអធិបតេយ្យភាពរបស់ខ្លួន និងដឹងពីវប្បធម៌ និងប្រវត្តិសាស្ត្ររបស់ខ្លួន ដោយបដិសេធនូវអ្វីដែលលោកបាននិយាយថា ធ្លាប់ជាជំនឿខុសឆ្គងកាលពីមុន ដែលថាកោះនេះនឹងបម្រើជាមូលដ្ឋានដើម្បីចាប់យកប្រទេសចិនមកវិញ។លោក Lai ដែលចូលកាន់តំណែងកាលពីខែឧសភា និង គណបក្សកាន់អំណាចប្រជាធិបតេយ្យជឿនលឿន (DPP) របស់លោក តែងចង់ផ្ដាច់កោះតៃវ៉ាន់ពីប្រទេសចិន ជាជំហរមួយដែលធ្វើឱ្យទីក្រុងប៉េកាំងខឹងសម្បារជាញឹកញាប់ ដែលចាត់ទុកកោះនេះជាផ្នែកនៃទឹកដីចិនមិនអាចរំលោភបាន។ ថ្លែងទៅកាន់សន្និបាតប្រចាំឆ្នាំរបស់បក្ស DPP លោក Lai បាននិយាយថា អ្នកដែលបានប្រយុទ្ធដើម្បីនាំមកនូវលទ្ធិប្រជាធិបតេយ្យដល់កោះតៃវ៉ាន់ ច្បាប់អាជ្ញាសឹកបានបញ្ចប់ត្រឹមឆ្នាំ ១៩៨៧ មានការយល់ដឹងយ៉ាងច្បាស់អំពីកន្លែងរបស់កោះនេះនៅលើពិភពលោក។ លោក Lai ក៏បាននិយាយផងដែរថា ពួកគេ "មិនស្ទាក់ស្ទើរក្នុងការបង្ហូរឈាម និងប្រើជីវិតរបស់ពួកគេដើម្បីលុបបំបាត់គំនិតខុសឆ្គងដែលថា "តៃវ៉ាន់គឺជាមូលដ្ឋានដើម្បីដណ្ដើមយកដីគោកមកវិញ" នោះទេ ហើយបានបង្កើតគោលនយោបាយជាតិនៃការដាក់តៃវ៉ាន់ជាអាទិភាព ៕

ប្រធានាធិបតីអ៊ុយក្រែន សរសើរលោក Biden សម្រាប់ «ការសម្រេចចិត្តដ៏លំបាក ប៉ុន្តែរឹងមាំ»

ប្រធានាធិបតីអ៊ុយក្រែនលោក Volodymyr Zelenskyy បានថ្លែងអំណរគុណដល់ប្រធានាធិបតីសហរដ្ឋអាមេរិក លោក Joe Biden សម្រាប់ការគាំទ្ររបស់លោកចំពោះប្រទេសអ៊ុយក្រែន បន្ទាប់ពីការប្រកាសរបស់លោក Biden ក្នុងការបោះបង់ការប្រកួតប្រជែងតំណែងប្រធានាធិបតី។លោក Zelenskyy បាននិយាយនៅក្នុងការបង្ហោះលើបណ្តាញផ្សព្វផ្សាយសង្គមថា «ការសម្រេចចិត្តដ៏រឹងមាំជាច្រើន ត្រូវបានធ្វើឡើងក្នុងរយៈពេលប៉ុន្មានឆ្នាំថ្មីៗនេះ ហើយត្រូវបានគេចងចាំថាជាជំហានដ៏មុះមុត ដែលបានធ្វើឡើងដោយប្រធានាធិបតី លោក Biden ក្នុងការឆ្លើយតបទៅនឹងពេលវេលាដ៏លំបាក។ លោកបាននិយាយបន្ថែមថា យើងគោរពការសម្រេចចិត្តដ៏លំបាក ប៉ុន្តែរឹងមាំនៅថ្ងៃនេះ។លោក Zelenskyy បាននិយាយថា អ៊ុយក្រែនអរគុណចំពោះលោក Biden សម្រាប់ «ការគាំទ្រឥតងាករេ របស់លោកសម្រាប់ការប្រយុទ្ធដើម្បីសេរីភាពរបស់អ៊ុយក្រែន» រួមជាមួយការគាំទ្រទ្វេបក្សដ៏រឹងមាំ នៅក្នុងសហរដ្ឋអាមេរិក។

សម្តេចធិបតីកោតសរសើរធនាគារជាតិនៃកម្ពុជាដែលមានចំណាត់ការទាន់ពេលចំពោះក្រដាស់ប្រាក់ដុល្លារដែលមានសភាពចាស់

សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា ប្រកាសថ្លែងកោតសរសើរ និងអគុណចំពោះទេសាភិបាលនៃធនាគារជាតិកម្ពុជា ដែលបានចាត់ការទាន់ ពេលវេលាក្នុងការដាក់ចេញនូវគោលការណ៍ ពាក់ព័ន្ធនឹងការសម្រួលលក្ខ័ណ្ឌសម្រាប់ការចាយក្រដាស់ ប្រាក់ដុល្លារអាមេរិកដែលមានសភាពចាស់ ប្រឡាក់ ឬខូចខាត់ ខណៈចំណាត់ការនេះគឺបានសម្រួល ដល់បងប្អូនអាជីវករ និងភ្ញៀវទេសចរណ៍កុំឲ្យមានការថ្នាំងថ្នាក់បន្តទៀតនោះ។ តាមរយៈផេកហ្វេសបុក និងឆាណែលតេលេក្រាមផ្ទាល់របស់សម្តេច នៅព្រឹកថ្ងៃទី២២ ខែកក្កដា ឆ្នាំ២ឥ០២៤នេះ សម្តេចធិបតី បានបញ្ជាក់ថា«ខ្ញុំសូមអរគុណនិងកោតសរសើរចំពោះលោកជំទាវ ជា សេរី ទេសាភិបាលធនាគារជាតិនៃកម្ពុជា ចំពោះចំណាត់ការដ៏ឆាប់រហ័ស ក្នុងការដាក់ចេញនូវគោលការណ៍ពាក់ព័ន្ធនឹងការសម្រួលលក្ខ័ណ្ឌសម្រាប់ការចាយក្រដាស់ប្រាក់ដុល្លារអាមេរិក ដែលមានសភាពចាស់ ប្រឡាក់ ឬខូចខាតខ្លះ នៅខេត្តសៀមរាប។ បញ្ហាលំបាកពាក់ព័ន្ធនឹងការចាយវាយក្រដាសប្រាក់ដុល្លារអាមេរិកដែលមានសភាពចាស់ ប្រឡាក់ ឬខូចខាតខ្លះ បានបង្កការលំបាកសម្រាប់ការលក់ដូររបស់ប្រជាពលរដ្ឋនៅក្នុងខេត្ត ដែលបញ្ហានេះ ត្រូវបានបងប្អូនអ្នកលក់ដូរប្រាប់ខ្ញុំផ្ទាល់ ពេលដែលខ្ញុំចុះទៅ Pub Street កាលពីយប់ថ្ងៃទី ១៧ កក្កដា ២០២៤ កន្លងទៅនេះ»។ សម្តេចធិបតី បានបន្ថែមទៀតថា«ខ្ញុំសង្ឃឹមថាចំណាត់ការរបស់ធនាគារជាតិនៃកម្ពុជា នឹងលប់បំបាត់បញ្ហាលំបាកពាក់ព័ន្ធនឹងការចាយក្រដាសប្រាក់ដុល្លារអាមេរិក និងជួយសម្រួលដល់ការលក់ដូររបស់បងប្អូនប្រជាពលរដ្ឋ ក៏ដូចជាទេសចរណ៍ដែលទស្សនាខេត្តសៀមរាបផងដែរ។ ខ្ញុំសូមឱ្យសាខាធនាគារជាតិនៃកម្ពុជាខេត្តសៀមរាប បណ្ដាធនាគារឯកជនទាំងអស់នៅក្នុងខេត្តសៀមរាប ក៏ដូចជាបណ្ដាអាជីវកម្មឯកជន និងបងប្អូនប្រជាពលរដ្ឋអ្នកលក់ដូរទាំងអស់នៅក្នុងខេត្ត ចូលរួមអនុវត្តនូវគោលការណ៍ថ្មីរបស់ធនាគារជាតិនៃកម្ពុជាឱ្យបានស្រុះគ្នា ដើម្បីកុំឲ្យមានបញ្ហាពាក់ព័ន្ធនឹងការចាយក្រដាសប្រាក់ដុល្លារ ដែលមានសភាពចាស់ ឬប្រឡាក់បន្តទៀត»។ សូមបញ្ជាក់ថាក្នុងឱកាសអញ្ជើញជាអធិបតីភាព ពិធីបញ្ចុះបឋមសិលាសាងសង់សារមន្ទីរ សម្តេចព្រះព្រហ្មរតនមុនី ពិន សែម ស្ថិតនៅវត្តរាជបូណ៌ ខេត្តសៀមរាប កាលពីថ្ងៃទី១៨ ខែកក្កដា ឆ្នាំ២០២៤សម្ដេច ហ៊ុន ម៉ាណែត នាយករដ្ឋមន្រ្តីនៃកម្ពុជា បានដាក់បទបញ្ជាជាបន្ទាន់មួយឱ្យធនាគារជាតិនៃកម្ពុជា ធ្វើការជាមួយធនាគារឯកជនពិនិត្យឡើងវិញលើបញ្ហាពិបាកចាយលុយដុល្លារ ដោយសារមានបញ្ហាលុយចាស់ និងបញ្ហាបន្តិចបន្តួច ដែលបង្កជាការមិនសប្បាយចិត្តដល់ទេសចរ និងបងប្អូនប្រជាពលរដ្ឋ ជាពិ សេសគឺនៅខេត្តសៀមរាបតែម្តង។ យ៉ាងណាក៏ដោយក្រោយមានបទបញ្ជាពីនាយករដ្ឋមន្រ្តីពាក់ព័ន្ធនឹងបញ្ហាខាងលើនេះ ធនាគារជាតិកម្ពុជាបានសម្របសម្រួលចរាចរណ៍ក្រដាស់ប្រាក់ដុល្លារអាមេរិកនេះ នៅខេត្តសៀមរាបដោយសម្រេច ជាមួយយន្តការបន្ទាន់ចំនួនបួនចំណុច៕ អត្ថបទបាន ចក់

អភិបាលខេត្តឧត្តរមានជ័យ ណែនាំឱ្យអាជ្ញាធរមូលដ្ឋានពន្លឿនការដោះស្រាយ និងសំណូមពររបស់ពលរដ្ឋឲ្យបានលឿន និងមានប្រសិទ្ធភាពខ្ពស់

ឧត្តរមានជ័យ៖ នៅព្រឹកថ្ងៃទី១៩ខែកក្កដានេះ ឯកឧត្តម មាន ចាន់យ៉ាដា បានណែនាំដល់មន្ទីរជំនាញស្ថាប័នពាក់ព័ន្ធទាំងអស់ ពន្លឿនការដោះស្រាយបញ្ហានានា ដែលជាទុក្ខកង្វល់របស់ប្រជាពលរដ្ឋឲ្យបានលឿន និងមានប្រសិទ្ធភាពខ្ពស់។ឯកឧត្តម មាន ចាន់យ៉ាដា អភិបាលនៃគណៈអភិបាលខេត្តឧត្តរមានជ័យ ថ្លែងបែបនេះ ក្នុងវេទិកាសាធារណៈរបស់ក្រុមការងាររាជរដ្ឋាភិបាលចុះមូលដ្ឋានខេត្តឧត្តរមានជ័យ និងមានការចូលរួមពីមន្រ្តីមកពីមន្ទីរស្ថាប័នអង្គភាពជំនាញពាក់ព័ន្ធជុំវិញខេត្ត និងប្រជាពលរដ្ឋសរុប ១២០០នាក់ ស្ថិតក្នុងបរិវេណវត្តប្រាសាទរាជាសំរោង ភូមិសំរោង សង្កាត់សំរោង ក្រុងសំរោង ខេត្តឧត្តរមានជ័យ ។ក្នុងវេទិការនោះដែរឯកឧត្តម អភិបាលខេត្តឧត្តរមានជ័យ បានលើកឡើងថា រាល់បញ្ហារបស់បងប្អូនប្រជាពលរដ្ឋ និងទុក្ខកង្វល់ផ្សេងៗកន្លងមក ដែលពុំទាន់មានដំណោះស្រាយត្រូវលើកយកនូវបញ្ហា និងសំណូមពរទាំងអស់នោះ មកធ្វើការដោះស្រាយដើម្បីក្រុមការងារមន្ត្រីជំនាញធ្វើការបកស្រាយជូនបងប្អូនប្រកបដោយភាពច្បាស់លាស់ និងទទួលបានភាពយុត្តិធម៌ផងដែរ។ឯកឧត្តម មាន ចាន់យ៉ាដា បានបន្ថែមទៀតថា សម្រាប់រាជរដ្ឋាភិបាលថ្មី អាណត្តិទី៧នេះ ក៏មិនខុសពីរាជរដ្ឋាភិបាលអាណត្តិមុននោះដែរ។រាជរដ្ឋាភិបាលអាណត្តិថ្មីដែលមានសម្តេចធិបតី ហ៊ុន ម៉ាណែត ជានាយករដ្ឋមន្រ្តី តែងតែបានយកចិត្តទុកដាក់គិតគូរខ្ពស់ចំពោះបងប្អូនប្រជាពលរដ្ឋគ្រប់ៗគ្នា។ទន្ទឹមគ្នានោះដែរឯកឧត្តមអភិបាលខេត្តឧត្តមានជ័យ ក៏បានទទួលយកនូវសំណូមពរ និងធ្វើការដោះស្រាយបញ្ហាប្រឈមនានា ដែលជាទុក្ខកង្វល់របស់បងប្អូនប្រជាពលរដ្ឋក្នុងមូលដ្ឋាន ដើម្បីដោះស្រាយ និងឆ្លើយតបឲ្យបានភ្លាមៗ ដូចជា៖ បញ្ហាដីធ្លី ,ធ្វើប្លង់ដី ,ធ្វើអត្តសញ្ញាណបណ្ណ ,កែតម្រូវឈ្មោះ ,ធ្វើអត្រានុកូលដ្ឋាន និងបញ្ហាប្រព័ន្ធផ្លូវ ប្រព័ន្ធលូចល័តទឹកក្នុងមូលដ្ឋាន។ចុងបញ្ចប់ ឯកឧត្តម មាន ចាន់យ៉ាដា បានសង្កត់ធ្ងន់ថា ការរកដំណោះស្រាយចប្រឈមនានា ជូនដល់ប្រជាពលរដ្ឋគឺជាកាតព្វកិច្ចមួយដ៏សំខាន់ ក្នុងនាមអាជ្ញាធរ និងធ្វើឲ្យប្រជាពលរដ្ឋ កាន់តែមានជំនឿជឿជាក់ និងទទួលបានភាពកក់ក្តៅផងដែរ៕

ចក្រភពអង់គ្លេស ព្យាយាមដោះស្រាយបញ្ហាការធ្វើទេសន្តរប្រវេសន៍ខុសច្បាប់ជាមួយដៃគូអឺរ៉ុប នៅឯកិច្ចប្រជុំកំពូល

ចក្រភពអង់គ្លេស (UK) សង្ឃឹមថា ទំនាក់ទំនងដែលប្រសើរឡើងជាមួយដៃគូអឺរ៉ុប នឹងជួយឲ្យប្រទេសនេះ កាន់តែមានប្រសិទ្ធភាព ក្នុងការដោះស្រាយការធ្វើទេសន្តរប្រវេសន៍ខុសច្បាប់ ខណៈដែលប្រទេសនេះ ធ្វើជាម្ចាស់ផ្ទះទទួលមេដឹកនាំអឺរ៉ុបប្រមាណ ៥០រូប សម្រាប់កិច្ចប្រជុំលើកទី៤ នៃសហគមន៍នយោបាយអឺរ៉ុប (EPC) កាលពីថ្ងៃព្រហស្បតិ៍។នៅក្នុងសន្និសីទសារព័ត៌មានក្រោយកិច្ចប្រជុំកំពូលនៅវិមាន Blenheim ក្នុងទីក្រុង Oxfordshire នាយករដ្ឋមន្ត្រីចក្រភពអង់គ្លេសលោក Keir Starmer បានសង្កត់ធ្ងន់ថា ការដោះស្រាយបញ្ហាសំខាន់ៗដូចជាការធ្វើទេសន្តរប្រវេសន៍ខុសច្បាប់ និងសន្តិសុខជាតិ តម្រូវឲ្យមាន «ភាពចាស់ទុំ និងភាពជាអ្នកដឹកនាំ»។លោក Starmer បានគូសបញ្ជាក់ពីការប្តេជ្ញាចិត្តរបស់រដ្ឋាភិបាលរបស់លោកចំពោះដំណោះស្រាយជាក់ស្តែងដែលស្របតាមច្បាប់អន្តរជាតិ ផ្ទុយពីវិធីសាស្រ្តអភិរក្សពីមុនដូចជា «គម្រោងរ្វ៉ាន់ដា (Rwanda Scheme)» ដែលត្រូវបានបញ្ចប់ នៅពេលដែលលោក ចូលកាន់តំណែង។លោក Starmer ដែលដឹកនាំគណបក្សការងារទទួលបានជ័យជម្នះភ្លូកទឹកភ្លូកដី នៅក្នុងការបោះឆ្នោតសកល នាពេលថ្មីៗនេះ បានព្រមានថា៖«ពុំមានប្រាក់គ្រប់គ្រាន់» ដើម្បីដោះស្រាយការធ្វើទេសន្តរប្រវេសន៍ខុសច្បាប់ទេ។ រដ្ឋាភិបាលរបស់លោក បានបង្ហាញពីក្តីសង្ឃឹមចំពោះ «ការស្តារឡើងវិញ»នូវទំនាក់ទំនងជាមួយដៃគូអឺរ៉ុប ដែលមានភាពតានតឹង ដោយសារអង់គ្លេសចាកចេញពីសហភាពអឺរ៉ុប(Brexit)។

ហ្ស៊កដានី ថ្កោលទោសចំពោះសំណើរបស់សភាអ៊ីស្រាអែល ដែលប្រឆាំងនឹងការបង្កើតរដ្ឋប៉ាឡេស្ទីន

ក្រសួងការបរទេសហ្ស៊កដានី កាលពីថ្ងៃព្រហស្បតិ៍ បានថ្កោលទោសចំពោះការអនុម័តរបស់សភាអ៊ីស្រា អែលលើសំណើដែលប្រឆាំងនឹងការបង្កើតរដ្ឋប៉ាឡេស្ទីន។យោងតាមសេចក្តីថ្លែងការណ៍របស់ក្រសួង អ្នកនាំពាក្យលោក Sufian Qudah បាននិយាយថា ការសម្រេចចិត្ត និងសកម្មភាពដែលចេញដោយអ៊ីស្រាអែល មិនផ្លាស់ប្តូរការពិតនៃការកាន់កាប់ទឹកដីប៉ាឡេ ស្ទីនរបស់ខ្លួនទេ ហើយក៏មិនប៉ះពាល់ដល់ការអនុវត្តបន្តនៃអនុសញ្ញាទីក្រុងហ្សឺណែវទី៤ ឆ្នាំ ១៩៤៩ ដែលទាក់ទងនឹងការការពារជនស៊ីវិល ក្នុងសម័យសង្គ្រាម។សេចក្តីថ្លែងការណ៍នោះ បាននិយាយថា លោក Qudah បានសង្កត់ធ្ងន់ថា កិច្ចខិតខំប្រឹងប្រែងដែលកំពុងបន្តរបស់អ៊ីស្រាអែល ដើម្បីបដិសេធសិទ្ធិមិនអាចកាត់ផ្តាច់បានរបស់ប៉ាឡេស្ទីនចំពោះរដ្ឋឯករាជ្យ និងអធិបតេយ្យភាពរបស់ពួកគេ មិននាំមកនូវសន្តិសុខ និងសន្តិភាពដល់តំបន់នេះទេ ដោយអំពាវនាវឲ្យសហគមន៍អន្តរជាតិ បញ្ឈប់សកម្មភាពរបស់អ៊ីស្រាអែល ក៏ដូចជាការបន្តវាយលុកប្រឆាំងនឹងតំបន់ហ្កាហ្សា ស្ទ្រីប។ កាលពីថ្ងៃព្រហស្បតិ៍ផងដែរ ក្រសួងក៏បានថ្កោលទោសចំពោះដំណើរទស្សនកិច្ចរបស់រដ្ឋមន្ត្រីសន្តិសុខជាតិស្តាំនិយមអ៊ីស្រាអែល Itamar Ben-Gvir ទៅកាន់បរិវេណវិហារឥស្លាម Al-Aqsa ក្នុងទីក្រុងហ្ស៊េរុយសាឡឹមខាងកើត។

ប្រភព៖ លោក Trump និងលោក Zelenskiy គ្រោងពិភាក្សាតាមទូរសព្ទនៅថ្ងៃសុក្រនេះ

យោងតាមប្រភពដែលដឹងពីបញ្ហានេះបាននិយាយថា សហការីរបស់បេក្ខជនប្រធានាធិបតីមកពីគណបក្សសាធារណរដ្ឋ លោក Donald Trump និងប្រធានាធិបតីអ៊ុយក្រែន លោក វ្ល៉ូឌីមី ហ្សេឡិនស្គី (Volodymyr Zelenskiy) បានពិភាក្សាគ្នាលើការហៅទូរសព្ទរវាងមេដឹកនាំទាំងពីរ។ប្រភពបាននិយាយថាការហៅទូរសព្ទអាចកើតឡើងនៅថ្ងៃសុក្រ (១៩ កក្កដា) នេះ ប៉ុន្តែគេមិនអាចកំណត់បានភ្លាមៗថាតើការសន្ទនានេះត្រូវបានបញ្ជាក់ ឬយ៉ាងណាទេ ហើយប្រសិនបើជាការពិត វានឹងក្លាយជាការពិភាក្សាលើកដំបូងរបស់មេដឹកនាំទាំងពីរចាប់តាំងពីអតីតប្រធានាធិបតីអាមេរិករូបនេះបានចាកចេញពីសេតវិមានក្នុងឆ្នាំ២០២១ មក។CNN បានរាយការណ៍កាលពីព្រឹកថ្ងៃព្រហស្បតិ៍ថា មេដឹកនាំទាំងពីរមានគម្រោងហៅទូរសព្ទនៅថ្ងៃសុក្រនេះ ប៉ុន្តែក៏បានព្រមានថា កាលវិភាគរបស់អតីតប្រធានាធិបតី ដែលកំពុងស្ថិតនៅក្នុងទីក្រុង មីលវ៉ូឃី (Milwaukee) ដើម្បីទទួលយកការតែងតាំងជាបេក្ខជនប្រធានាធិបតីនៃគណបក្សសាធារណៈរដ្ឋ អាចនឹងត្រូវបានផ្លាស់ប្ដូរ។លោក Trump បាននិយាយថាលោកនឹងបញ្ចប់សង្រ្គាមនៅអ៊ុយក្រែន មុនពេលលោកចូលកាន់តំណែងនៅខែមករា ប្រសិនបើលោកឈ្នះឆ្នោតនៅថ្ងៃទី០៥ ខែវិច្ឆិកា ប៉ុន្តែមិនបានផ្តល់ព័ត៌មានលម្អិតអំពីថាតើលោកនឹងធ្វើដូច្នេះដោយរបៀបណាឡើយ។ អ្នកតំណាងយុទ្ធនាការបោះឆ្នោតរបស់ Trump បានបដិសេធមិនធ្វើអត្ថាធិប្បាយលើការហៅទូរសព្ទដែលមានគ្រោងទុកនេះទេ៕

បណ្ដាញសង្គម

ព័ត៌មានថ្មីៗ

លោក Zelenskyy៖ អ៊ុយក្រែន គិតចង់បញ្ជាទិញប្រព័ន្ធការពារដែនអាកាសប៉ាទ្រីយ៉ូត ២៧គ្រឿង ពីអាមេរិក

កម្លាំងយោធា បើកប្រតិបត្តការបង្ក្រាបបទល្មើសនេសាទរបាំងស្បៃមុង ក្នុងភូមិសាស្ដ្រស្រុកកំពង់ត្រឡាច

ប្រមុខការទូតរុស្ស៊ី បញ្ជាក់ពីការត្រៀមខ្លួនជួបសមភាគីអាមេរិក ដើម្បីពិភាក្សាសង្រ្គាមអ៊ុយក្រែន

មនុស្សរាប់សិបនាក់បានស្លាប់ ក្នុងកុបកម្មយ៉ាងហិង្សានៅពន្ធនាគារប្រទេសអេក្វាឌ័រ

រាជរដ្ឋាភិបាលគ្រោងប្រមូលចំណូលថវិការដ្ឋឆ្នាំ២០២៦ ក្នុងរង្វង់ ៣២,៧ ទ្រីលានរៀល ត្រូវជាង ១៥% នៃ ផសស

ថ្ងៃនេះជាថ្ងៃទី១០៤ហើយដែលវីរកងទ័ពកម្ពុជា១៨រូបត្រូវបានចាប់ខ្លួនស្ថិតក្រោមការឃុំគ្រងរបស់យោធាថៃ

ទីក្រុងនៅប្រេស៊ីល ប្រឈមការកសាងឡើងវិញទាំងស្រុង ក្រោយព្យុះកួចបានបំផ្លាញអគារ៩០%

អគ្គបណ្ឌិតសភាចារ្យ អូន ព័ន្ធមុនីរ័ត្ន៖ ឆ្នាំ២០២៦ សេដ្ឋកិច្ចកម្ពុជាព្យាករអាចនឹងសម្រេចកំណើន ៥% ខណៈរយៈពេល៩ខែឆ្នាំនេះ ស្ថានភាពសេដ្ឋកិច្ចសម្រេចបានកំណើនក្នុងរង្វង់ ៥,២%

គ្រូពេទ្យស៊ូដង់ចោទកងកម្លាំងRSF ពីការដុតនិងកប់សាកសព ដើម្បីបិទបាំង «អំពើប្រល័យពូជសាសន៍»

អាមេរិក បញ្ជាក់ពីការកើនឡើងជំនួយនៅហ្កាហ្សា ខណៈប៉ាឡេស្ទីនចោទថា «ទុរ្ភិក្សត្រូវបានរៀបចំឡើង»

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

បក្សប្រជាធិបតេយ្យកំពុងភ្នាល់ប្រឆាំងនឹងប្រវត្តិរើសអើងភេទរបស់អាមេរិក បើផ្ដល់បេក្ខភាពទៅលោកស្រី Harris

យុទ្ធនាការលោក Trump ផ្លាស់ប្តូរការផ្ដោតរបស់ខ្លួនទៅវាយប្រហារលើលោកស្រី Harris

មេដឹកនាំតៃវ៉ាន់៖ កោះនេះត្រូវតែការពារអធិបតេយ្យភាព និងដឹងពីវប្បធម៌ និងប្រវត្តិសាស្ត្ររបស់ខ្លួន

ប្រធានាធិបតីអ៊ុយក្រែន សរសើរលោក Biden សម្រាប់ «ការសម្រេចចិត្តដ៏លំបាក ប៉ុន្តែរឹងមាំ»

សម្តេចធិបតីកោតសរសើរធនាគារជាតិនៃកម្ពុជាដែលមានចំណាត់ការទាន់ពេលចំពោះក្រដាស់ប្រាក់ដុល្លារដែលមានសភាពចាស់

ចក្រភពអង់គ្លេស ព្យាយាមដោះស្រាយបញ្ហាការធ្វើទេសន្តរប្រវេសន៍ខុសច្បាប់ជាមួយដៃគូអឺរ៉ុប នៅឯកិច្ចប្រជុំកំពូល

ហ្ស៊កដានី ថ្កោលទោសចំពោះសំណើរបស់សភាអ៊ីស្រាអែល ដែលប្រឆាំងនឹងការបង្កើតរដ្ឋប៉ាឡេស្ទីន

ប្រភព៖ លោក Trump និងលោក Zelenskiy គ្រោងពិភាក្សាតាមទូរសព្ទនៅថ្ងៃសុក្រនេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

បក្សប្រជាធិបតេយ្យកំពុងភ្នាល់ប្រឆាំងនឹងប្រវត្តិរើសអើងភេទរបស់អាមេរិក បើផ្ដល់បេក្ខភាពទៅលោកស្រី Harris

យុទ្ធនាការលោក Trump ផ្លាស់ប្តូរការផ្ដោតរបស់ខ្លួនទៅវាយប្រហារលើលោកស្រី Harris

មេដឹកនាំតៃវ៉ាន់៖ កោះនេះត្រូវតែការពារអធិបតេយ្យភាព និងដឹងពីវប្បធម៌ និងប្រវត្តិសាស្ត្ររបស់ខ្លួន

ប្រធានាធិបតីអ៊ុយក្រែន សរសើរលោក Biden សម្រាប់ «ការសម្រេចចិត្តដ៏លំបាក ប៉ុន្តែរឹងមាំ»

សម្តេចធិបតីកោតសរសើរធនាគារជាតិនៃកម្ពុជាដែលមានចំណាត់ការទាន់ពេលចំពោះក្រដាស់ប្រាក់ដុល្លារដែលមានសភាពចាស់

ចក្រភពអង់គ្លេស ព្យាយាមដោះស្រាយបញ្ហាការធ្វើទេសន្តរប្រវេសន៍ខុសច្បាប់ជាមួយដៃគូអឺរ៉ុប នៅឯកិច្ចប្រជុំកំពូល

ហ្ស៊កដានី ថ្កោលទោសចំពោះសំណើរបស់សភាអ៊ីស្រាអែល ដែលប្រឆាំងនឹងការបង្កើតរដ្ឋប៉ាឡេស្ទីន

ប្រភព៖ លោក Trump និងលោក Zelenskiy គ្រោងពិភាក្សាតាមទូរសព្ទនៅថ្ងៃសុក្រនេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍