នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតីអញ្ជើញចុះត្រួតពិនិត្យ និងសួរសុខទុក្ខពលរដ្ឋរងគ្រោះដោយទឹកជំនន់នៅបន្ទាយមានជ័យ
សម្តេចតេជោ ហ៊ុន សែន អនុញ្ញាតឱ្យ លោកជំទាវ រ៉េឡែន ស្យ៉ាល់ តាហ្គាឡ័រ លៀវហ្វាឡានី (Raylene Siale Tagaloa LIUFALANI) ឯកអគ្គរដ្ឋទូតតែងតាំងថ្មី នៃប្រទេសនូវែលសេឡង់ ប្រចាំនៅកម្ពុជាចូលជួប និងប្រគល់សារតាំង
សម្តេចតេជោ ហ៊ុន សែន អនុញ្ញាតឱ្យ ឯកឧត្តម ទ្រីសម៉ាន់ អ៉ីហ្គោរ៍ (Driesmans Igor) ឯកអគ្គរាជទូតសហភាពអឺរ៉ុបប្រចាំកម្ពុជា និងជាប្រេសិតពិសេស EU ប្រចាំនៅមីយ៉ាន់ម៉ា ចូលជួបសម្ដែងការគួរសម
សម្តេចតេជោ ហ៊ុន សែន អនុញ្ញាតឱ្យ ឯកឧត្តមឯកអគ្គរដ្ឋទូតសហភាពអឺរ៉ុប ប្រចាំកម្ពុជា ចូលជួបសម្តែងការគួរសម

នយោបាយ​ និង ការអភិវឌ្ឍន៍

អាស៊ាននឹងធ្វើសមយុទ្ធយោធារួមគ្នាលើកដំបូង នៅក្បែរឥណ្ឌូនេស៊ី ក្នុងសមុទ្រចិនខាងត្បូង

2023/06/09 03:53:05 pm        139
Facebook Telegram Linkin
ឥណ្ឌូនេស៊ី៖ យោងតាមប្រទេសឥណ្ឌូនេស៊ី ដែលជាប្រធានសមាគមប្រជាជាតិអាស៊ីអាគ្នេយ៍ ឬអាស៊ាន (ASEAN) បានឲ្យដឹងកាលពីថ្ងៃព្រហស្បតិ៍ថា (ទី៨ ខែមិថុនា)ថា ប្លុកនេះនឹងធ្វើសមយុទ្ធយោធារួមគ្នាលើកដំបូងមិនធ្លាប់មាន នៅសមុទ្រចិនខាងត្បូង ជាសមយុទ្ធសន្តិសុខពហុភាគីចុងក្រោយបង្អស់ ដែលធ្វើឡើង ក្នុងពេលដែលកំពុងកើតមានភាពតានតឹង និងភាពមិនច្បាស់លាស់ នៅក្នុងតំបន់។ការសម្រេចនេះត្រូវបានធ្វើឡើងនៅក្នុងកិច្ចប្រជុំនៃមេបញ្ជាការយោធានៃសមាគមប្រជាជាតិអាស៊ីអាគ្នេយ៍ ឬអាស៊ាន (ASEAN) ដែលមានសមាជិក១០ប្រទេស នៅប្រទេសឥណ្ឌូនេស៊ី ដែលនឹងធ្វើជាម្ចាស់ផ្ទះរៀបចំសមយុទ្ធនេះ នៅសមុទ្រ Natuna ខាងជើង ដែលជាដែនទឹកស្ថិតចុងខាងត្បូងនៃសមុទ្រចិនខាងត្បូង។ប្រមុខយោធារបស់ប្រទេសឥណ្ឌូណេស៊ី លោកឧត្តមនាវីឯក Yudo Margono បានប្រាប់ទីភ្នាក់ងារសារព័ត៌មានរដ្ឋ Antara ថា សមយុទ្ធនេះនឹងធ្វើឡើងក្នុងខែកញ្ញា ហើយនឹងមិនរួមបញ្ចូលការហ្វឹកហ្វឺនប្រតិបត្តិការប្រយុទ្ធណាមួយនោះឡើយ។ លោក Margono បាននិយាយថា គោលបំណងគឺការពង្រឹង «ភាពអព្យាក្រឹតរបស់អាស៊ាន»។ឯកភាពរបស់អាស៊ានអស់រយៈពេលជាច្រើនឆ្នាំមកហើយ ត្រូវបានសាកល្បងដោយការប្រជែងគ្នា រវាងសហរដ្ឋអាមេរិក និងប្រទេសចិន ដែលកំពុងបង្កើតឲ្យមានឡើង នៅសមុទ្រចិនខាងត្បូង។ សមាជិករបស់អាស៊ាន រួមមានវៀតណាម ហ្វីលីពីន ប្រ៊ុយណេ និងម៉ាឡេស៊ី បានប្រជែងអះអាងសិទ្ធិជាមួយទីក្រុងប៉េកាំង ដែលអះអាងនូវអធិបតេយ្យភាពលើមហាសមុទ្រដ៏ធំល្វឹងល្វើយ ដោយក្នុងនោះមានរួមបញ្ចូលផ្នែកខ្លះនៃតំបន់សេដ្ឋកិច្ចផ្តាច់មុខ (EEZ) របស់ប្រទេសឥណ្ឌូនេស៊ីផងដែរ។អ្នកនាំពាក្យយោធាឥណ្ឌូនេស៊ី លោក Julius Widjojono បាននិយាយថា សមយុទ្ធនេះ គឺទាក់ទងទៅនឹង «ហានិភ័យខ្ពស់នៃគ្រោះមហន្តរាយ នៅអាស៊ី ជាពិសេសអាស៊ីអាគ្នេយ៍»៕

លោក Trump ប្រឈមបទចោទប្រកាន់ព្រហ្មទណ្ឌរបស់អាមេរិកចំពោះការគ្រប់គ្រងឯកសារមិនបានល្អ

2023/06/09 03:23:32 pm        132
Facebook Telegram Linkin
អាមេរិក៖ យោងតាមប្រភពមួយស្និទ្ធនឹងបញ្ហានេះ អតីតប្រធានាធិបតីសហរដ្ឋអាមេរិក Donald Trump ត្រូវបានចោទប្រកាន់ដោយគណៈវិនិច្ឆ័យសហព័ន្ធចំពោះការថែរក្សាឯកសារសម្ងាត់របស់រដ្ឋាភិបាល និងរារាំងដំណើរការការងារស្វែងរកយុត្តិធម៌។ សំណុំរឿងព្រហ្មទណ្ឌដែលនាំមកដោយក្រសួងយុត្តិធម៌សហរដ្ឋអាមេរិក នឹងក្លាយជាបន្ទុកផ្លូវច្បាប់មួយទៀតសម្រាប់លោក Trump ខណៈលោកចង់ទទួលបានតំណែងជាប្រធានាធិបតីសហរដ្ឋអាមេរិកឡើងវិញនៅឆ្នាំក្រោយ។ លោកប្រឈមនឹងសំណុំរឿងព្រហ្មទណ្ឌនៅទីក្រុង New York រួចទៅហើយ ដែលគ្រោងជំនុំជម្រះទោសកាលពីខែមីនា កន្លងទៅ។  លោក Trump បានសរសេរនៅលើបណ្ដាញសង្គម Truth របស់លោកថា រដ្ឋបាលពុករលួយរបស់លោក Biden បានផ្ដល់ដំណឹងឲ្យក្រុមមេធាវីរបស់លោកថា លោកត្រូវបានចោទប្រកាន់ ដែលទំនងពាក់ព័ន្ធនឹងការមួលបង្កាច់ការពិត ។ លោក Trump បានសរសេរថា លោកត្រូវបានអញ្ជើញឲ្យបង្ហាញខ្លួននៅតុលាការសហព័ន្ធក្នុងទីក្រុង Miami កាលីថ្ងៃអង្គារសប្ដាហ៍នេះ ។ក្រុមមេធាវីរបស់លោក Trump ពុំបានឆ្លើយតបភ្លាមៗ ចំពោះសំណើសុំការអត្ថាធិប្បាយនេះទេ ។ អ្នកនាំពាក្យមួយរូបរបស់រដ្ឋអាជ្ញាពិសេសលោក Jack Smith ជាមន្ត្រីក្រសួងយុត្តិធម៌ដែលកំពុងទទួលខុសត្រូវការស៊ើបអង្កេតករណីនេះ ក៏បានបដិសេធមិនផ្ដល់ការអត្ថាធិប្បាយដែរ។  ប្រភពខាងលើដែលសុំមិនបញ្ចេញឈ្មោះ បាននិយាយថា លោក Trump ប្រឈមការចោទប្រកាន់បទព្រហ្មទណ្ឌចំនួន៧ករណី ។ សារព័ត៌មាន Reuters មិនអាចដឹងច្បាស់ភ្លាមៗទេ ថា តើលោក Trump ប្រឈមនឹងបទចោទប្រកាន់អ្វីខ្លះនោះ ៕

ប្រសាសន៍សំខាន់ៗរបស់សម្តេចតេជោ ក្នុងឱកាសអញ្ជើញជួបសំណេះសំណាលជាមួយកម្មករ-កម្មការិនីជិត ២ម៉ឺននាក់ បន្តទៀតនៅខេត្តកំពង់ឆ្នាំង

2023/06/09 02:18:37 pm        559
Facebook Telegram Linkin
កំពង់ឆ្នាំង៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញចុះជួបសំណេះសំណាលជាមួយកម្មករ-កម្មការិនីសរុបចំនួន ១៨០៥៧នាក់ មកពីរោងចក្រ សហគ្រាស ចំនួន១១ នៅស្រុកកំពង់ត្រឡាច និងស្រុកសាមគ្គីមានជ័យ ខេត្តកំពង់ឆ្នាំង នៅព្រឹកថ្ងៃទី៩ ខែមិថុនា ឆ្នាំ២០២៣នេះ។ប្រសាសន៍សំខាន់ៗរបស់សម្តេចតេជោ ហ៊ុន សែន ដែលមានខ្លឹមសារដូចខាងក្រោម៖សម្តេចតេជោ ហ៊ុន សែន បញ្ជាក់ទៅកាន់កម្មករ-កម្មការិនីជិត ២ម៉ឺននាក់នាព្រឹកនេះ នៅខេត្តកំពង់ឆ្នាំងថា កូវីដ-១៩ ប្រាកដជាមិនអាចធ្វើអ្វីយើងបានទេ ប្រសិនបើយើងចេះអនុវត្តវិធានការការពារខ្លួន និងបានចាក់វ៉ាក់សាំងទៅតាមការណែនាំរបស់ក្រសួងសុខាភិបាល។សម្តេចតេជោ ហ៊ុន សែន បានណែនាំដល់អភិបាលខេត្តកំពង់ឆ្នាំង និងផ្នែកសុខាភិបាលពាក់ព័ន្ធយកចិត្តទុកដាក់ពិនិត្យតាមដានចំពោះសុខភាពស្រ្ដីជាកម្មការិនីម្នាក់ នៅខេត្តកំពង់ឆ្នាំង ដែលបានសម្រាលកូនភ្លោះកាលពីថ្ងៃទី៨ ខែមិថុនាម្សិលម៉ិញនេះ ខណៈការសម្រាលកូនមិនទាន់គ្រប់ខែហើយបានបញ្ចូនទៅចិញ្ចឹមក្នុងកែវ នៅរាជធានីភ្នំពេញ។សម្ដេចតេជោ ក៏បានឧបត្ថម្ភថវិកាចំនួន ៥ លានរៀលដល់ក្រុមគ្រួសារស្រ្ដីសម្រាលកូនភ្លោះនេះផងដែរ។សម្តេចតេជោ ហ៊ុន សែន បានថ្លែងអំណរគុណដល់ប្រជាពលរដ្ឋ និងឪពុកម្ដាយកម្មករ-កម្មការិនីទាំងអស់ដែលបានចូលរួមជាមួយរាជរដ្ឋាភិបាលក្នុងការថែរក្សាសន្ដិភាពកម្ពុជា និងចូលរួមលុបបំបាត់សង្គ្រាមចេញពីប្រទេសកម្ពុជា ធ្វើឱ្យប្រទេសកម្ពុជាមានការអភិវឌ្ឍរីកចម្រើនដូចសព្វថ្ងៃ។សម្តេចតេជោ ហ៊ុន សែន បន្ត បញ្ជាក់ពីតម្លៃនៃសន្ដិភាពៗ គឺពិតជាលំបាកក្នុងការស្វែងរកខ្លាំងណាស់សម្រាប់ប្រទេសនីមួយៗនៅលើភិភពលោក ខណៈបច្ចុប្បន្នប្រទេសមួយចំនួន កំពុងរងគ្រោះព្រោះសង្គ្រាមបង្ហូឈាម ប្រជាពលរដ្ឋស្លាប់ ចំណាកស្រុក កុមារកំព្រាជាច្រើនកំពុងរងទុក ហើយហេដ្ឋារចនាសម្ព័ន្ធនានាដែលខិតខំកសាងក៏ត្រូវបានបំផ្លាញអស់។សម្តេចតេជោ បានប្រកាសប្តេជ្ញាថា ទោះបីតម្លៃណាក៏ដោយ សម្ដេចត្រូវតែរក្សាសន្ដិភាពរបស់ប្រទេសកម្ពុជាឱ្យបាន។សម្តេចតេជោ ហ៊ុន សែន បញ្ជាក់ថា គោលនយោបាយសោធននិវត្តន៍សម្រាប់កម្មករនិយោជិត គឺបានផ្ដល់អត្ថប្រយោជន៍ជាច្រើនដល់ប្រជាពលរដ្ឋ ដែលនេះគឺជាគោលនយោបាយរយៈពេលវែងរបស់រាជរដ្ឋាភិបាល សម្រាប់ជួយដល់ប្រជាពលរដ្ឋនៅពេលមានវ័យចាស់ ធ្វើការងារលែងកើត។សម្តេចតេជោ ហ៊ុន សែន ប្រកាសស្វាគមន៍ក្រុមប្រឆាំងគ្រប់និន្នាការនយោបាយទាំងអស់ ដែលមានបំណងចង់ចូលរួមជីវភាពជាមួយគណបក្សប្រជាជន ដើម្បីរួមកសាងប្រទេសកម្ពុជា។ ប៉ុន្ដែសម្ដេចមិនទទួលតែទណ្ឌិតក្បត់ជាតិ ៣ ជំនាន់១រូបគត់។សម្តេចតេជោ ហ៊ុន សែន បញ្ជាក់ថា តាមរយៈជំនួបជាមួយ រដ្ឋមន្រ្ដីក្រសួងពាណិជ្ជកម្មអេមីរ៉ាតអារ៉ាប់រួម និងការចុះហត្ថលេខាលើកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយរវាងកម្ពុជា-អេមីរ៉ាតអារ៉ាប់រួមនឹងនាំមកនូវផលប្រយោជន៍សម្រាប់ប្រទេសទាំងពីរ ជាពិសេសការវិនិយោគលើវិស័យកសិកម្ម។សម្តេចតេជោ ហ៊ុន សែន បញ្ជាក់ថា ក្រុមប្រឆាំងដែលចាកចេញពីទណ្ឌិតក្បត់ជាតិ៣ជំនាន់ ទាំងនៅកម្ពុជា និងក្រៅប្រទេស ដែលបានចូលរួមជីវភាពនយោបាយជាមួយគណបក្ស ប្រជាជនកម្ពុជា កំពុងចូលរួមជាមួយរាជរដ្ឋាភិបាល ធ្វើការងារនានាដើម្បីផ្ដល់ផលប្រយោជន៍ដល់ប្រជាពលរដ្ឋ និងកម្មករនិយោជិត ខណៈកាលពីមុនពួកគេបានចាញ់បោកទណ្ឌិតក្បត់ជាតិ ៣ជំនាន់ទៅធ្វើសកម្មភាពប្រមូលលុយពីកម្មករទៅឱ្យទណ្ឌិតក្បត់ជាតិដោយឥតប្រយោជន៍។សម្តេចតេជោ ហ៊ុន សែន សុំការយោគយល់ពីសំណាក់ម្ចាស់បុរីដែលលក់បុរី ផ្ដល់ការយោគយល់ចំពោះការលំបាករបស់ប្រជាពលរដ្ឋដែលមានការយឺតយ៉ាវក្នុងការបង់ប្រាក់ និងត្រូវរៀបចំឡើងវិញចំពោះការបង់រំលស់ផ្ទះនេះ។សម្ដេចតេជោ បញ្ជាក់ថា បច្ចុប្បន្ននេះ ធនាគារជាតិ និងគ្រឹះស្ថានមីក្រូហិរញ្ញវត្ថុ កំពុងរៀបចំឡើងវិញលើគណនេយ្យរាប់សែនលើការបង់រំលស់ផ្ទះនេះ ដោយអូសបន្លាយរយៈពេលសម្រាប់ការបង់រំលស់ផ្ទះនេះ។សម្តេចតេជោ ហ៊ុន សែន ស្នើទៅកាន់អ្នកឧកញ៉ា លី ហួរ សហការជាមួយម្ចាស់បុរី និងផ្នែកអចលនទ្រព្យពាក់ព័ន្ធធ្វើការដោះស្រាយចំពោះបញ្ហា ការយឺតយ៉ាវការបង់ប្រាក់សម្រាប់ការបង់រំលស់ផ្ទះរបស់ប្រជាពលរដ្ឋឡើងវិញ ដើម្បីអនុញ្ញាតឱ្យប្រជាពលរដ្ឋអាចបន្តបង់រំលស់ផ្ទះទៀតបាន ហើយមិនត្រូវបានរឹបអូសផ្ទះ។សម្តេចតេជោ ហ៊ុន សែន ណែនាំឱ្យជំនួយការរៀបចំបញ្ជីជូនសម្ដេចពោះបុរីណា ដែលបានរឹបអូសផ្ទះប្រជាពលរដ្ឋ ក្រោយពេលពលរដ្ឋមានការយឺតយ៉ាវ ក្នុងការបង់រំលស់ផ្ទះនាពេលកន្លងទៅ ដើម្បីស្វែងរកដំណោះស្រាយលើបញ្ហានេះ។ ជាមួយគ្នានេះសម្ដេច ក៏បានណែនាំឱ្យរៀបចំឥណទានឡើងវិញ ចំពោះវិធីបង់រំលស់ផ្ទះ របស់ប្រជាពលរដ្ឋ ដោយត្រូវលទ្ធភាពបែបណាឱ្យប្រជាពលរដ្ឋអាចបន្តបង់ប្រាក់រំលស់ផ្ទះបាន។សម្តេចតេជោ ហ៊ុន សែន បន្តផ្ដាំទៅកម្មករ-កម្មការិនី និងម្ចាស់រោងចក្រទាំងអស់ត្រូវរួមគ្នា រក្សាសន្តិភាព និងរួមរស់ជាមួយគ្នាប្រកបដោយសុខដុមនីយកម្ម និងចៀសឱ្យឆ្ងាយពីគ្រឿងញៀន។

កម្ពុជា-សហភាពអារ៉ាប់រួម ចុះហត្ថលេខាលើកិច្ចព្រមព្រៀងដៃគូសេដ្ឋកិច្ចគ្រប់ជ្រុងជ្រោយ

2023/06/08 11:03:57 pm        233
Facebook Telegram Linkin
ភ្នំពេញ៖​សម្តេច​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​បាន​មានប្រសាសន៍ថា កិច្ចព្រមព្រៀង​ភាពជា​ដៃគូ​សេដ្ឋកិច្ច​គ្រប់​ជ្រុងជ្រោយ​រវាង​កម្ពុជា​-​អេ​មី​រ៉ា​ត​អារ៉ាប់​រួម​នឹង​នាំមក​នូវ​ផលប្រយោជន៍​សម្រាប់​ប្រទេស​ទាំងពីរ​។​​​សម្តេច​តេ​ជោ​បាន​លើកទឹកចិត្ត​ឱ្យ​ភាគី​អេ​មី​រ៉ា​ត​អារ៉ាប់​រួមមាន​ការពិចារណា​លើ​ការវិនិយោគ​លើ​វិស័យ​កសិកម្ម​មាន​វិស័យ​ស្រូវ​អង្ករ ស្វាយចន្ទី និង​ដំឡូង​។ សម្តេច​តេ​ជោ ក៏បាន​ស្នើ​ឲ្យ​ភាគី​អេ​មី​រ៉ា​ត​អារ៉ាប់​រួម ជំរុញ​ឲ្យ​មាន​កិច្ចព្រមព្រៀង​មិន​យកពន្ធ​ត្រួតគ្នា​ដើម្បី​ជាការ​លើកទឹកចិត្ត​ដល់​អ្នកវិនិយោគ​និង​ជំរុញ​ឲ្យ​មានការ ហោះហើរ​ត្រង់​ពី​អេ​មី​រ៉ា​ត​អារ៉ាប់​រួម​មក​កម្ពុជា​ផង​។​​នេះ​ជា​អនុសាសន៍​ដែល​សម្តេច​តេ​ជោ ហ៊ុន សែន បានលើកឡើង​ក្នុងឱកាស​អនុញ្ញាត​ឲ្យ​ឯកឧត្ដម ថា​នី ប៊ី​ន អា​ម៉េ​ត អាល់ ហ្សេ​យូ​ឌី (Thani bin Ahmed Al Zeyoudi) រដ្ឋមន្ត្រី​ពាណិជ្ជកម្ម​អន្តរជាតិ​អេ​មី​រ៉ា​ត​អារ៉ាប់​រួម ចូលជួប​ស​ម្ដែ​អ​ការគួរសម និង​ពិភាក្សា​ការងារ​នៅ​វិមាន​សន្តិភាព​រាជធានី​ភ្នំពេញ​នា​រសៀល​ថ្ងៃទី​៨ ខែមិថុនា​ឆ្នាំ​២០២៣​។​​ឯក​ឧ​ត្ត​ម អ៊ាង សុផល្លែត ជំនួយការ​ផ្ទាល់​សម្តេច​តេ​ជោ ហ៊ុន សែន បាន​ថ្លែង​បន្ទាប់ពី​ជំនួប​នោះ​ថា ឯកឧត្ដម​ថា​នី ប៊ី​ន អា​ម៉េ​ត អាល់ ហ្សេ​យូ​ឌី បាន​សំដែង​ការរីករាយ​ជាមួយនឹង​កិច្ចព្រមព្រៀង​ភាពជា​ដៃគូ​សេដ្ឋកិច្ច​គ្រប់​ជ្រុងជ្រោយ​រវាង​កម្ពុជា​និង​អេ​មី​រ៉ា​ត​អារ៉ាប់​រួម ដែល​កិច្ចព្រមព្រៀង​នេះ​នឹង​នាំ​សេដ្ឋកិច្ច​និង​ប្រជាជន​នៃ​ប្រទេស​ទាំងពីរ​កាន់តែ​ជិត គ្នា​ថែម​ទៀតហើយ​រួមគ្នា​ជំរុញ​កិច្ចសហប្រតិបត្តិការ​លើ​សក្កដានុពល​ដែល​កំពុងមាន។​​ជាការ​ឆ្លើយតប​សម្ដេច​តេ​ជោ​បាន​សម្ដែង​សេចក្តី​រីករាយ​ចំពោះ​កិច្ចព្រមព្រៀង​ភាពជា​ដៃគូ​សេដ្ឋកិច្ច​គ្រប់​ជ្រុងជ្រោយ​រវាង​កម្ពុជា​និង​អេ​មី​រ៉ា​ត​អារ៉ាប់​រួម​ហើយ​បាន​មានប្រសាសន៍ថា កិច្ចព្រមព្រៀង​នេះ​នឹង​នាំមក​នូវ​ផលប្រយោជន៍​សម្រាប់​ប្រទេស​ទាំងពីរ។ ​សម្ដេច​តេ​ជោ ក៏បាន​លើកទឹកចិត្ត​ឱ្យមាន​ការពិចារណា​លើ​ការវិនិយោគ​លើ​វិស័យ​កសិកម្ម​នៅក្នុង​ប្រទេស​កម្ពុជា​ផងដែរ ក្នុងនោះ​មាន​ទី​១ វិស័យ​ស្រូវ​អង្ករ​ដែល​កម្ពុ​ជាមាន​ស្រូវ​នៅសល់​ប្រមាណ ៦ លាន​តោន​ដែល​អាច​នាំចេញ ក្នុងន័យនេះ​សម្ដេច​បានស្នើ​ឲ្យ អេ​មី​រ៉ា​ត អារ៉ាប់​រួម មានការ​ពិចារណា​វិនិយោគ​បង្កើត​ម៉ាស៊ីនកិនស្រូវ ឃ្លាំង និង​បណ្ដាញ​សម្រាប់​ទិញស្រូវ​កែច្នៃ​ជា​អង្ករ​បម្រើ​ឲ្យ​ការនាំចេញ​។ ទី​២ ស្វាយចន្ទី​ដែល​កម្ពុ​ជាមាន​ស្វាយចន្ទី​ជាង ១ លាន​តោន ហើយ​ស្វាយចន្ទី​នេះ មិនទាន់មាន​ការកែច្នៃ​សម្រាប់​បម្រើ​ឲ្យ​ការនាំចេញ​នៅឡើយ​ទេ ដូច្នេះ​សម្ដេច​ស្នើ​ឲ្យ​មានការ​ពិចារណា​ជំរុញ​ការវិនិយោគ​លើ​ការកែច្នៃ​គ្រាប់ស្វាយចន្ទី​បម្រើការ​នាំចេញ​ទៅកាន់ អេ​មី​រ៉ា​ត អារ៉ាប់​រួម ផង​និង​បំរើ​ឲ្យ​ការនាំ​ចេញទៅ​ប្រទេស​ជ្សេ​ង​ផង​។ សម្ដេច​តេ​ជោ​ក៏បាន​ស្នើសុំ​ឲ្យ​មានការ​ពិចារណា​ផងដែរ​ធ្វើការ​វិនិយោគ​នៅលើ​ដំឡូង​មី​ដែល​កម្ពុ​ជាមាន ច្រើន​សម្រាប់ធ្វើ​ការកែច្នៃ​និង​សម្រាប់​នាំចេញ​។ សម្ដេច​ក៏បាន​ស្នើ​ឲ្យ​ភាគី អេ​មី​រ៉ា​ត អារ៉ាប់​រួម ជំរុញ​ឲ្យ​មាន​កិច្ចព្រមព្រៀង​មិន​យកពន្ធ​ត្រួតគ្នា​ដើម្បី​ជាការ​លើកទឹកចិត្ត​ដល់ អ្នកវិនិយោគ​និង​ជំរុញ​ឲ្យ​មានការ​ហោះហើរ​ត្រង់​ពី​អេ​មី​រ៉ា​ត​អារ៉ាប់​រួម​មក​កម្ពុជា​ផង​។​​បន្ទាប់ពី​ជំនួប​នោះ សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​ក៏បាន​អញ្ជើញ​ជា​សាក្សី​ក្នុង​ពិធី​ចុះហត្ថលេខា​លើ កិច្ចព្រមព្រៀង​ភាព ជា​ដៃគូ​សេដ្ឋកិច្ច​គ្រប់​ជ្រុងជ្រោយ​រវាង​កម្ពុជា​-​អេ​មី​រ៉ា​ត​អារ៉ាប់​រួម ដែល​ចុះហត្ថលេខា​ដោយ លោក ប៉ាន សូរ​ស័ក្តិ រដ្ឋមន្ត្រីក្រសួង​ពាណិជ្ជកម្ម​កម្ពុជា​និង ឯកឧត្ដម ថា​នី ប៊ី​ន អា​ម៉េ​ត អាល់ ហ្សេ​យូ​ឌី រដ្ឋមន្ត្រី​ពាណិជ្ជកម្ម​អន្តរជាតិ​អេ​មី​រ៉ា​ត អារ៉ាប់​រួម​។​​សូមបញ្ជាក់ថា កិច្ចព្រមព្រៀង​ភាពជា​ដៃគូ​សេដ្ឋកិច្ច​គ្រប់​ជ្រុងជ្រោយ​កម្ពុជា​-​អេ​មី​រ៉ា​ត​អារ៉ាប់​រួម​នេះ គឺជា​ប្រទេស​ទី​៣ ហើយ​ក្រោយ​កម្ពុ​ជាមាន​កិច្ចព្រមព្រៀង​ពាណិជ្ជកម្ម​សេរី​ជាមួយ​ចិន និង​ជាមួយ​កូរ៉េខាងត្បូង​ដែល​បាន​ចូល​ជា​ធរមាន​រួចហើយ​។ ប្រសិនបើ​កិច្ចចរចា​ជាមួយ​អេ​មី​រ៉ា​ត​អារ៉ាប់​រួម​ទទួលបាន​ជោគជ័យ ទៀត​នោះ​មានន័យថា​កម្ពុ​ជាមាន​កិច្ច ព្រមព្រៀង​ភាពជា​ដៃគូ​សេដ្ឋកិច្ច​គ្រប់​ជ្រុងជ្រោយ​ជាមួយ​ប្រទេស​ចំនួន​៣​ហើយ​គិត​មកទល់នឹង​ពេលនេះ​។ ដូច្នេះ​គ្រប់​ទំនិញ​របស់​កម្ពុជា​នឹង​អាច​នាំ​ចេញទៅ​បណ្ដា​ប្រទេស​ទាំងនោះ​ដោយ​គ្មាន​របាំង​ពន្ធ​ឡើយ​ហើយ​ទំនិញ​នៃ​បណ្ដា​ប្រទេស​ទាំងនេះ​នាំ​ចូលមក​កម្ពុជា​ក៏​គ្មាន បង់ពន្ធ​ដែរ​៕​

សម្តេចតេជោ ហ៊ុន សែន អនុញ្ញាតឱ្យរដ្ឋមន្ត្រីពាណិជ្ជកម្មអេមីរ៉ាតអារ៉ាប់រួម ជួបសម្តែងការគួរសម

2023/06/08 10:36:08 pm        229
Facebook Telegram Linkin
ភ្នំពេញ៖ នៅវេលារសៀលថ្ងៃទី០៨ ខែមិថុនា ឆ្នាំ២០២៣នេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា អនុញ្ញាតឱ្យលោកបណ្ឌិត ថានី ប៊ីន អាម៉េត អាល់ ហ្សេយូឌី (Thani bin Ahmed Al Zeyoudi) រដ្ឋមន្ត្រីពាណិជ្ជកម្មអន្តរជាតិអេមីរ៉ាតអារ៉ាប់រួម ចូលជួបសម្តែងការគួរសម និងពិភាក្សាការងារមួយចំនួន។នៅក្នុងជំនួបសម្តែងការគួរសមហើយនោះ សម្តេចតេជោ នាយករដ្ឋមន្ត្រីកម្ពុជា នឹងអញ្ជើញជាអធិបតីក្នុងពិធីចុះហត្ថលេខា លើកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយរវាងកម្ពុជា និងអេមីរ៉ាតអារ៉ាប់រួម (Cambodia-UAE, Comprehensive Economic Partnership Agreement - CEPA)។សូមបញ្ជាក់ថា កម្ពុជា និងអេមីរ៉ាតអារ៉ាប់រួម បានចាប់ផ្តើមប្រកាសបើកការចរចាជាផ្លូវការលើកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយកម្ពុជា-អេមីរ៉ាតអារ៉ាប់រួម កាលពីថ្ងៃទី២៤ ខែតុលា ឆ្នាំ២០២២។ មុននឹងឈានដល់ការចុះហត្ថលេខានៅថ្ងៃនេះ ក្រុមការងារប្រទេសទាំងពីរ បានបើកការជជែកគ្នាយ៉ាងយកចិត្តទុកដាក់ខ្ពស់ចំនួន៣លើក។តាមរយៈកិច្ចព្រមព្រៀងនេះ កម្ពុជាមានរំពឹងថា អាចទាញផលប្រយោជន៍ជាអតិបរមា។ ក្នុងនោះ កម្ពុជា នឹងមានលទ្ធភាពក្នុងការធ្វើពិពិធកម្មទីផ្សារសម្រាប់ការនាំចេញ ទៅកាន់ប្រទេសអារ៉ាប់រួម និងអាចឈានទៅចាប់យកឱកាសទីផ្សារអារ៉ាប់ដទៃទៀត ក្នុងតំបន់បជ្ឈឹមបូព៌ា និងអាហ្រ្វិកខាងជើង ដែលជាតំបន់ស្ថិតនៅក្បែរនោះ។ ចំពោះទំនិញសំខាន់ៗ របស់កម្ពុជាមួយចំនួន ជាពិសេសសម្លៀកបំពាក់ស្បែកជើង នឹងត្រូវកាត់បន្ថយពន្ធ ឬត្រូវលើកលែងពន្ធ។ទន្ទឹមគ្នានេះកម្ពុជា ក៏នឹងពិចារណាក្នុងការនាំចូលមុខទំនិញអាទិភាព ដែលមានគុណភាពខ្ពស់ និងតម្លៃប្រកួតប្រជែងដើម្បីបំពេញតម្រូវការក្នុងស្រុក ដូចជាប្រេងរំអិល ជ័រកៅស៊ូក្រាលថ្នល់ និងចំណីសត្វ។តាមរយៈកិច្ចព្រមព្រៀងនេះ នឹងធ្វើឱ្យការធ្វើពាណិជ្ជកម្មរវាងកម្ពុជា និងអេមីរ៉ាតអារ៉ាប់រួម កាន់តែរស់រវើក ហើយទីផ្សារទំនិញប្រទេសទាំងកាន់តែទូលំទូលាយផងដែរ៕

សម្តេចតេជោ ប្រកាសសម្រួលឱ្យកម្មករមានពិការភាពចេញពីធ្វើការមុនម៉ោង ដូចកម្មការិនីមានផ្ទៃពោះដែរ

2023/06/08 08:24:52 pm        176
Facebook Telegram Linkin
កំពង់ឆ្នាំង៖ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានប្រកាសសម្រួលឱ្យកម្មករ ដែលមានពិការភាព នៅតាមរោងចក្រ សហគ្រាសនានា បានចេញពីធ្វើការមុនម៉ោង ដូចកម្មការិនីមានផ្ទៃពោះដែរ ។សម្តេចតេជោ ហ៊ុន សែន ក្នុងពេលថ្លែងសំណេះសំណាលជាមួយកម្មករ-និយោជិត ដែលកំពុង បម្រើការងារនៅតាមរោងចក្រ សហគ្រាស នានា ក្នុងខេត្តកំពង់ឆ្នាំង នៅព្រឹកថ្ងៃទី៨ ខែមិថុនា នេះ បាន រម្លឹកពីការយកចិត្តទុកដាក់ចំពោះកម្មករកម្មការិនី ដោយបានដាក់ចេញនូវគោល​នយោបាយ​ជាច្រើន ដែលផ្ដល់អត្ថប្រយោជន៍ដល់ពួកគេ នាពេលកន្លងមក ​និងពេលបច្ចុប្បន្ន ។ជនមានពិការភាព ត្រូវបានការការពារដោយច្បាប់ ស្តីពីកិច្ចការពារ និងលើកកម្ពស់សិទ្ធិជនពិការ ដោយមានគោលបំណង៖ ការពារសិទ្ធិ និងសេរីភាព ការពារផលប្រយោជន៍ជនពិការ ទប់ស្កាត់ កាត់បន្ថយ និងលុបបំបាត់ការរើសអើង ​ស្តារកាយសម្បទា សតិបញ្ញា ​និងវិជ្ជាជីវៈ​ដើម្បីធានាលទ្ធភាព​ក្នុងការចូលរួមដ៏ពេញលេញ និងដោយស្មើភាព នៃជនពិការ ក្នុងសកម្មភាព​នានា​របស់សង្គម ៕អត្ថបទ៖ មុត សុទ្ធ

អង្គការ OECD ដំឡើងកំណើន GDP ពិភពលោកប្រចាំឆ្នាំ ២០២៣ដល់ ២,៧ភាគរយ

2023/06/08 08:22:11 pm        139
Facebook Telegram Linkin
កាលពីថ្ងៃពុធម្សិលមិញ អង្គការអភិវឌ្ឍន៍ និងកិច្ចសហប្រតិបត្តិការសេដ្ឋកិច្ច (OECD)បានដំឡើងចំនួនតិចតួចនូវកំណើនផលិតផលក្នុងស្រុកសរុប( GDP)ពិភពលោកប្រចាំឆ្នាំ ២០២៣ ដល់ ២,៧ភាគរយ ស្របពេលដែលអតិផរណាលែងមាន ហើយការបើកប្រទេសឡើងវិញរបស់ចិន បានផ្តល់ការជំរុញដល់សេដ្ឋកិច្ចសកលលោក ប៉ុន្តែពួកគេបានព្រមានថា ការងើបឡើងវិញសេដ្ឋកិច្ចសកលោក ប្រឈមនឹងផ្លូវដ៏វែងឆ្ងាយ ។  យោងតាមរបាយការណ៍ចក្ខុវិស័យ២ដងក្នុង១ឆ្នាំចុងក្រោយគេរបស់ OECDបានឲ្យដឹងថា សេដ្ឋកិច្ចសកលលោក បានចាប់ផ្តើមល្អប្រសើរឡើង ស្របពេលដែលតម្លៃថាមពលទាបជាងមុន ធ្វើឲ្យលែងមានការលំបាកលើថិវកាគ្រួសារ វិស័យធុរកិច្ច ហើយអារម្មណ៍របស់អ្នកប្រើប្រាស់មានភាពធូរស្រាលឡើងវិញ ហើយការបើកប្រទេសរបស់ចិន បានផ្តល់ការជំរុញដល់សកម្មភាពសកលលោក ។  OECD បានព្យាករណ៍ពីកំណើនសេដ្ឋកិច្ច ២,៧ភាគរយសម្រាប់ពិភពលោកនៅក្នុងឆ្នាំនេះ ពោលគឺកើនឡើងពីការព្យាករណ៍ ២,៦ភាគរយ នៅក្នុងរបាយការណ៍លើកមុនរបស់ពួកគេ កាលពីខែមីនា ។  របាយការណ៍នេះ បាននិយាយថា ចិនត្រូវបានគេរំពឹងថានឹងមើលឃើញការផ្លាស់ប្តូរវិជ្ជមានខ្លាំងបំផុតនៅក្នុងកំណើនសេដ្ឋកិច្ចចន្លោះឆ្នាំ ២០២២ និងឆ្នាំ ២០២៣ ។ កំណើន GDPរបស់ចិន ត្រូវបានគេព្យាករណ៍ថា នឹងកើនឡើងដល់ ៥,៤ភាគរយ ក្នុងឆ្នាំ ២០២៣ ។  របាយការណ៍នេះ បន្តទៀតថា ទោះបីជាយ៉ាងណាក៏ដោយ ការព្យាករណ៍សេដ្ឋកិច្ចសកលលោក នៅតែទាបជាងអត្រាកំណើនសេដ្ឋកិច្ច ឆ្នាំ ២០២២ចំនួន ៣,៣ភាគរយ ដែលជាអត្រាប្រចាំឆ្នាំទាបបំផុត ចាប់តាំងពីវិបត្តិហិរញ្ញវត្ថុសកលលោកឆ្នាំ ២០០៨-២០០៩ ៕

មេធាវីរបស់លោក Trump បានផ្ដល់ដំណឹងថា លោកគឺជាគោលដៅនៃការស៊ើបអង្កេតពាក់ព័ន្ធនឹងឯកសារសម្ងាត់

2023/06/08 08:09:01 pm        170
Facebook Telegram Linkin
អាមេរិក៖ រដ្ឋអាជ្ញាសហព័ន្ធ បានជូនដំណឹងដល់មេធាវីរបស់អតីតប្រធានាធិបតីអាមេរិកលោក Donald Trump ថា រូបលោកគឺជាគោលដៅនៃការស៊ើបអង្កេត សម្រាប់ការការចាត់ចែងទុកដាក់ឯកសារសម្ងាត់។ មនុស្សដែលដឹងពីបញ្ហានេះ បាននិយាយ កាលពីថ្ងៃពុធ (ទី៧ ខែមិថុនា) ដែលជាការដាក់បន្ទុកបន្ថែមលើបញ្ហាផ្លូវច្បាប់ជាច្រើនរបស់លោក ខណៈដែលលោកកំពុងធ្វើយុទ្ធនាការ ដើម្បីប្រជែងតំណែងសេតវិមាន ក្នុងឆ្នាំ២០២៤។ក្រសួងយុត្តិធម៌ជាទូទៅ តែងជូនដំណឹងដល់គ្រប់បុគ្គលទាំងឡាយ នៅពេលដែលពួកគេក្លាយជាគោលដៅនៃការស៊ើបអង្កេត ដើម្បីផ្តល់ឱកាសឲ្យពួកគេបង្ហាញភ័ស្តុតាងផ្ទាល់ខ្លួនរបស់ពួកគេ នៅចំពោះមុខគណៈវិនិច្ឆ័យ ហើយការជូនដំណឹងនេះ ពុំមានន័យថា លោក Trump នឹងត្រូវចោទប្រកាន់នោះទេ។ព័ត៌មាននៃការជូនដំណឹងដល់ក្រុមអ្នកច្បាប់របស់លោក Trump នេះ បានកើតឡើងត្រឹមតែពីរថ្ងៃប៉ុណ្ណោះ បន្ទាប់ពីមេធាវីរបស់លោក បានជួបជាមួយមន្ត្រីក្រសួងយុត្តិធម៌ ដើម្បីពិភាក្សាអំពីករណីនេះ។ ក្រុមការងាររបស់លោក Trump មិនបានឆ្លើយតបភ្លាមៗនោះឡើយ ចំពោះសំណើសុំការអត្ថាធិប្បាយ ហើយមេធាវីរបស់លោក Trump ដែលទទួលខុសត្រូវករណីឯកសារនេះ ក៏មិនអាចទាក់ទងបានដែរ។លោក Trump ដែលជាបេក្ខជននាំមុខគេ ក្នុងការប្រជែងសម្រាប់ការតែងតាំងតំណែងប្រធានាធិបតីរបស់គណបក្សសាធារណរដ្ឋ ឆ្នាំ២០២៤ បានពណ៌នាម្តងហើយម្តងទៀតថា ការស៊ើបអង្កេតដ៏ច្រើននេះ ធ្វើឡើងក្នុងហេតុផលនយោបាយ។គណៈវិនិច្ឆ័យរបស់សហព័ន្ធ បាននិងកំពុងស៊ើបអង្កេតការរក្សាទុកឯកសារសម្ងាត់របស់លោក Trump ក្រោយចាកចេញពីសេតវិមាន ក្នុងឆ្នាំ២០២១ ហើយអមជាមួយនឹងករណីផ្សេង លោក Trump ក៏ប្រឈមមុខនឹងការស៊ើបអង្កេតឧក្រិដ្ឋកម្មដោយរដ្ឋអាជ្ញានៅរដ្ឋ Georgia ទាក់ទងនឹងការប៉ុនប៉ងរបស់លោក ក្នុងការលុបចោលការបរាជ័យ សម្រាប់ការបោះឆ្នោតឆ្នាំ២០២០ នៅក្នុងរដ្ឋនេះ៕

អាមេរិក បញ្ជាក់ពីតម្រូវការ សម្រាប់កិច្ចសន្ទនា ជាមួយចិន ដើម្បីបញ្ចៀស ការប៉ះទង្គិចដោយយោធាដោយអចេតនា

2023/06/08 07:13:15 pm        216
Facebook Telegram Linkin
អាមេរិក៖ មន្ត្រីជាន់ខ្ពស់រដ្ឋាភិបាលសហរដ្ឋអាមេរិក បាននិយាយថា ទីក្រុងវ៉ាស៊ីនតោនមានបំណងបញ្ចៀស សង្គ្រាមត្រជាក់ថ្មី ជាមួយប្រទេសចិន ហើយវាចាំបាច់ដើម្បីបង្កើតយន្តការនៃកិច្ចសន្ទនាដើម្បីការពារការប៉ះទង្គិចយោធាដោយអចេតនារវាងប្រទេសទាំងពីរ។ អ្នកសម្របសម្រួលក្រុមប្រឹក្សាសន្តិសុខជាតិ សម្រាប់តំបន់ឥណ្ឌូ-ប៉ាស៊ីហ្វិក លោក Kurt Campbell បានថ្លែងលើកឡើងនៅក្នុងព្រឹត្តិការណ៍របស់វិទ្យាស្ថានស្រាវជ្រាវសេដ្ឋកិច្ចនិងសង្គម កាលពីថ្ងៃពុធក្នុងទីក្រុងវ៉ាស៊ីនតោន។ លោក Campbell និយាយថា វាមិនប្រាកដនោះទេនូវអ្វីជាច្រកនៃការចូលរួមកិច្ចសន្ទនា ជាថ្មី និងការទូតរវាងសហរដ្ឋអាមេរិក និងប្រទេសចិន ។ ទីក្រុងវ៉ាស៊ីនតោន បានបង្ហាញការព្រួយបារម្ភជុំវិញនូវអ្វី ដែលខ្លួនចាត់ទុកថា ជាការពើបប្រទះដ៏គ្រោះថ្នាក់ ក្នុងរយៈពេលពីរបីសប្តាហ៍កន្លងទៅនេះ។យន្តហោះចម្បាំងចិន បានហោះកាត់មុខយន្តហោះស៊ើបការណ៍របស់សហរដ្ឋអាមេរិក នៅលើសមុទ្រចិនខាងត្បូង កាលពីថ្ងៃទី២៦ ខែឧសភា ហើយកាលពីថ្ងៃសៅរ៍ នាវាចម្បាំងចិន បានបើកកាត់មុខនាវាពិឃាតអាមេរិក នៅច្រកសមុទ្រកោះតៃវ៉ាន់។ លោក Campbell និយាយថា ទីក្រុងវ៉ាស៊ីនតោន និងទីក្រុងប៉េកាំង ចាំបាច់ត្រូវបង្កើតយន្តការទំនាក់ទំនងដើម្បីបញ្ចៀសឧបត្តិហេតុ នៅពេលដែលនាវាចម្បាំង ឬយន្តហោះ ខិតទៅជិតគ្នាបំផុត។ លោកនិយាយថា យន្តការបែបនេះបានកើតមានជាមួយអតីតសហភាពសូវៀត ដែលនាំទៅរកការកំណត់នៃស្ថិរភាពជាយុទ្ធសាស្ត្រ និងទំនុកចិត្ត អំឡុងសង្គ្រាមត្រជាក់។ កាលពីពេលថ្មីៗនេះ ប្រទេសចិន បានច្រានចោល សំណើររបស់សហរដ្ឋអាមេរិក សម្រាប់កិច្ចប្រជុំមួយរវាងប្រមុខការពារជាតិ នៅក្រៅវេទិកាសន្តិសុខប្រចាំឆ្នាំនៅក្នុងប្រទេសសិង្ហបុរី។

អ៊ីរ៉ង់បើកឡើងវិញស្ថានកុងស៊ុល និងការិយាល័យតំណាងអង្គការអ៊ីស្លាម OIC នៅទីក្រុង Jeddah ប្រទេសអារ៉ាប៊ីសាអូឌីត

2023/06/08 07:01:14 pm        108
Facebook Telegram Linkin
អ៊ីរ៉ង់៖ អ៊ីរ៉ង់ បានបើកស្ថានទូតឡើងវិញនៅក្នុងប្រទេសអារ៉ាប៊ីសាអូឌីតកាលពីថ្ងៃអង្គារ រយៈពេលជាច្រើនខែក្រោយទីក្រុង តេអេរ៉ង់ និងទីក្រុងរីយ៉ាដ យល់ព្រមបញ្ចប់ជម្លោះក្រោមកិច្ចព្រមព្រៀងផ្តួចផ្តើមឡើងដោយប្រទេសចិន ។  អនុរដ្ឋមន្រ្តីក្រសួងការបរទេសអ៊ីរ៉ង់លោក Alireza Bigdeli បានថ្លែងសុន្ទរកថានៅក្នុងពិធីបើកស្ថានទូតនៅក្នុងរដ្ឋធានីអារ៉ាប៊ីសាអូឌីត ដោយលើកឡើងពីសារៈសំខាន់នៃឱកាសសម្រាប់ទំនាក់ទំនងរវាងអារ៉ាប៊ីសាអូឌីត និងអ៊ីរ៉ង់ ។  លោក Bigdeli ថ្លែងថា ជាមួយនឹងការលើកទង់ជាតិអ៊ីរ៉ង់ឡើងវិញនៅក្នុងប្រទេសអារ៉ាប៊ីសាអូឌីត ហើយជំនួសមកវិញនូវកិច្ចសហប្រតិបត្តិការរវាងប្រទេសទាំង ២ ចូលដល់យុគសម័យថ្មី ។  លោកបន្តថា វិស័យការទូត គឺជាមធ្យោបាយល្អបំផុតសម្រាប់ការទំនាក់ទំនង និងការសន្ទនារវាងប្រទេសទាំង ២ ដើម្បីឈានដល់ការយល់ពីគ្នាទៅវិញទៅមក ស្ថិរភាព និងសន្តិភាព ។  មន្រ្តីអ៊ីរ៉ង់រូបនេះ បានធ្វើការសង្កត់ធ្ងន់ថា អ៊ីរ៉ង់តែងតែចង់ពង្រឹងទំនាក់ទំនងជាមួយប្រទេសជិតខាង ដោយផ្អែកលើគោលការណ៍ភាពជិតខាងល្អ ។  លោក Bigdeli បានកត់សំគាល់ផងដែរថា ការលើកកម្ពស់ទំនាក់ទំនងសេដ្ឋកិច្ច និងការវិនិយោគទៅវិញទៅមក នឹងនាំឲ្យប្រទេសកាន់តែខិតជិតគ្នា ដើម្បីសម្រេចបានសន្តិភាព និងស្ថិរភាពក្នុងតំបន់ ៕

បណ្ដាញសង្គម

ព័ត៌មានថ្មីៗ

ថ្ងៃដំបូងនៃការចាប់ផ្តើមអនុវត្តច្បាប់កាតព្វកិច្ចយោធា យុវជន​ប្រហែល​៣៥% ទទួល​ពាក្យ​សុំ​ចូល​បំពេញ​កាតព្វកិច្ច
10/02/2026 02:10 PM
Facebook Telegram Linkin
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត តំណាង​ដ៏​ខ្ពង់ខ្ពស់​សម្តេច​កិត្តិ​ព្រឹទ្ធ​បណ្ឌិត​ អញ្ជើញ​ទទួល​ជួប​សម្តែង​ការ​គួរសម និងពិភាក្សាការងារជាមួយម្ចាស់ក្សត្រី ទុនគូ ពូតេរី អ៊ីនតាន់ សាហ្វីណា
10/02/2026 02:10 PM
Facebook Telegram Linkin
សម្តេច ម៉ែន អំអន អញ្ជើញជាអធិបតីចូលរួមក្នុងកិច្ចប្រជុំលើកទី៩ រវាងក្រុមប្រឹក្សាជាតិរណសិរ្សសាមគ្គី អភិវឌ្ឍន៍មាតុភូមិកម្ពុជា ជាមួយក្រសួងការពារប្រទេស នៃសាធារណរដ្ឋសង្គមនិយមវៀតណាម
10/02/2026 02:10 PM
Facebook Telegram Linkin
មុនជួបអ៊ីតាលីយប់នេះ Zidane ថាគ្មានការសោកស្តាយចំពោះការបុកក្បាល Materazzi កាលឆ្នាំ ២០០៦
10/02/2026 01:10 PM
Facebook Telegram Linkin
ឥណ្ឌូនេស៊ី និងកូរ៉េឈ្នះមេដាយមាសបាញ់ធ្នូ ខណៈជប៉ុនគ្រប់គ្រងវិញ្ញាសាយូដូក្នុង Asian Games
10/02/2026 01:10 PM
Facebook Telegram Linkin
សម្ដេច​ធិបតី ណែដល់នាំគ្រូ និងសិស្ស ត្រូវចេះប្រើប្រាស់បច្ចេកវិទ្យា AI តែកុំពឹងផ្អែកទាំងស្រុង
10/02/2026 12:10 PM
Facebook Telegram Linkin
សម្ដេច​ធិបតី៖ វិស័យអប់រំ និងសុខាភិបាលជាវិស័យអាទិភាពបំផុតត្រូវបានបង្កើនថវិកា គ្មានកាត់បន្ថយឡើយ
10/02/2026 12:10 PM
Facebook Telegram Linkin
អាមេរិកផ្តល់កិច្ចសន្យាទឹកប្រាក់ ២៤,៤ ពាន់លានដុល្លារដល់ក្រុមហ៊ុន Raytheon ដើម្បីជំរុញការផលិតមីស៊ីល SM-6
10/02/2026 11:10 AM
Facebook Telegram Linkin
លោក Trump៖ អ៊ីរ៉ង់នឹងចុះហត្ថលេខាលើកិច្ចព្រមព្រៀងដ៏យុត្តិធម៌ ឬក៏ត្រូវរលាយបាត់ពីផែនដីក្រោយបដិសេធសំណើ
10/02/2026 11:10 AM
Facebook Telegram Linkin
តម្លៃប្រេងកើនឡើងបន្តិច ខណៈអាមេរិកបញ្ជូននាវាដឹកយន្តហោះនិងទ័ពបន្ថែមទៀតទៅកាន់ មជ្ឈិមបូព៌ា
10/02/2026 11:10 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.