នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
TOP STORY | សម្ដេចធិបតី បានចាត់វិធានការចាំបាច់​ជាបន្ត​បន្ទា​ប់ចំ​ពោះកា​រ​វិល​ត្រឡប់​ទ្រង់ទ្រាយ​ធំរ​បស់​ពលករ​ខ្មែរ និងជនភៀសសឹក
TOP STORY | សម្ដេចតេជោ៖ ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀតជាមួយនាយករដ្ឋមន្ត្រី, រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់
TOP STORY |សម្ដេចធិបតី ហ៊ុន ម៉ាណែត ដាក់លិខិតស្នើសុំ​​កោះប្រជុំក្រុមប្រឹក្សាសន្តិសុខជាបន្ទាន់ ដើម្បី​សុំ​ការ​អន្ត​រាគមន៍​បញ្ចប់​ការ​ឈ្លាន​ពាន​របស់​កង​ទ័ព​ថៃមក​លើដែនអធិបតេយ្យភាពរបស់កម្ពុជា
TOP STORY | សម្ដេចធិបតី៖ កងទ័ពថៃបានបើកការ​វាយប្រហារ​មក​លើ​ទីតាំង​ឈរ​ជើង​របស់​កង​ទ័ព​កម្ពុជា​ នៅប្រាសាទតាមាន់ធំ តាក្របី និងបានពង្រីកភូមិសាស្ត្រវាយប្រហារទៅដល់តំបន់មុំបី

នយោបាយ​ និង ការអភិវឌ្ឍន៍

ចំនួនជនអន្តោប្រវេសន៍ឆ្លងព្រំដែន អាមេរិកនិងម៉ិកស៊ិក ធ្លាក់ចុះ៥០% បន្ទាប់ពីវិធានការរឹតត្បិការឆ្លងវីរុសCOVID-19 មាត្រា៤២ផុតកំណត់

2023/05/15 08:50:49 am        36
Facebook Telegram Linkin
អាមេរិក៖ រដ្ឋមន្ត្រីក្រសួងសន្តិសុខមាតុភូមិ លោក Alejandro Mayorkas បាននិយាយកាលពីថ្ងៃអាទិត្យថា ចំនួនជនអន្តោប្រវេសន៍នៅតាមព្រំដែនសហរដ្ឋអាមេរិកភាគខាងត្បូង បានធ្លាក់ចុះប្រហែលពាក់កណ្ដាល ចាប់តាំងពីវិធានការរឹតត្បឹតការចម្លងវីរុស Covid-19 ត្រូវបានដកចេញកាលពីថ្ងៃព្រហស្បតិ៍ទី១២ឧសភា សប្ដាហ៍មុន។លោក Mayorkas បាននិយាយក្នុងកម្មវិធី របស់ទូរទស្សន៍CNN ថា ជាង២ថ្ងៃកន្លងទៅនេះ អង្គភាពល្បាតព្រំដែនសហរដ្ឋអាមេរិក បានមើលឃើញការធ្លាក់ចុះប្រមាណ៥០% នៃចំនួនអ្នករង់ចាំឆ្លងព្រំដែន បានថយចុះផ្ទុយពីអ្វីដែលយើងបានមើលឃើញកាលពីដើមសប្ដាហ៍នេះ មុនវិធានការទប់ស្កាត់ការឆ្លងវីរុស COVID-19 មាត្រា៤២ បានបញ្ចប់លើការធ្វើអន្តោប្រវេសន៍ កាលពីថ្ងៃព្រហស្បតិ៍។  ប៉ុន្តែលោកបានព្រមានថា វាឆាប់រហ័សពេក ពុំអាចប្រាប់បានថាតើការកើនឡើងចំនួនជនអន្តោប្រវេសន៍នេះ ឈានដល់កម្រិតខ្ពស់បំផុតឬ យ៉ាងណា។ គួររម្លឹកថាការរឹត្បិតការឆ្លងវីរុស Covid-19 ដែលត្រូវគេស្គាល់ថាមាត្រា២៤ ត្រូវបានអនុវត្តន៍ដោយរដ្ឋបាលរបស់លោក Trump កាលពីឆ្នាំ២០២០ និងបានបន្តដល់រដ្ឋបាលលោក Biden រហូតដល់ថ្ងៃផុតកំណត់ កាលពីយប់ថ្ងៃព្រហស្បតិ៍ សប្ដាហ៍មុន ។ការរឹតត្បិតនេះ បានអនុញ្ញាតឲ្យរដ្ឋបាលទាំង២ ពន្លឿនការបញ្ជូនជនអន្តោប្រវេសន៍ត្រឡប់ទៅប្រទេសកំណើតពួកគេវិញ ដោយពុំបានផ្ដល់សិទ្ធិសុំជ្រកកោន នៅក្នុងសហរដ្ឋអាមេរិកឡើយ៕

គណបក្សប្រឆាំងពីររបស់ប្រទេសថៃ នាំមុខប្រកៀកប្រកិតគ្នាក្នុងការបោះឆ្នោតសកល ខណៈការរាប់សន្លឹកឆ្នោតនៅតែបន្ត

2023/05/15 08:20:51 am        313
Facebook Telegram Linkin
ថៃ៖ គណបក្សប្រឆាំងថៃចំនួន២ កំពុងប្រជែងគ្នាយ៉ាងប្រកៀកប្រកិតក្នុងការប្រកាសជ័យជម្នះ កាលពីយប់ថ្ងៃអាទិត្យទី១៤ឧសភា ខណៈចំនួនសន្លឹកឆ្នោតដែលត្រូវបានរាប់ បានធ្វើឲ្យគណបក្សទាំងពីរ មានសំឡេងប្រកៀកប្រកិតគ្នាក្នុងការប្រជែងដឹកនាំរដ្ឋាភិបាលថ្មី។ ការបោះឆ្នោតកាលពីថ្ងៃអាទិត្យនាំឲ្យគបក្សបោះជំហានទៅមុខឬ Move Forward និងគណបក្ស ភើថៃ (Pheu Thai)របស់គ្រួសារមហាសេដ្ឋី Shinawatra នាំមុខលើគណបក្សកាន់អំណាចដែលត្រូវបានគាំទ្រដោយ អ្នកបន្តវេនពីក្រុមអ្នកមានទ្រព្យសម្បត្តិ ក្រុមអភិរក្សនិយម និងក្រុមឧត្ដមសេនីយ៍ដ៏មានឥទ្ធិពលលើស្ថាប័នសំខាន់ក្នុងភាពចលាចលរយៈពេល២ទសវត្សន៍កន្លងទៅនៅក្នុងប្រទេសមានសេដ្ឋកិច្ចធំបំផុតទី២នៅអាស៊ី-អាគ្នេយ៍មួយនេះ។ ថ្លែងបន្ទាប់ពីការរាប់សន្លឹកឆ្នោតបាន៥០% លោកស្រី Paetongtarn Shinawatra ជាបេក្ខជននាយករដ្ឋមន្ត្រីសម្រាប់គណបក្ស Pheu Thai  បាននិយាយថា  លោកស្រីសប្បាយចិត្តជំនួសគណបក្សបោះជំហានទៅមុខ។លោកស្រី បានប្រាប់ក្រុមអ្នកសារព័ត៌មានថា សំឡេងរបស់ប្រជាជនគឺសំខាន់បំផុត ។គណបក្សបោះជំហានទៅមុខ បានមើលឃើញការកើនខ្លាំងក្នុងការស្ទង់មតិ និងកំពុងវិនិយោគលើយុវជន រួមទាំងចំនួនអ្នកបោះឆ្នោតលើកដំបូងចំនួន៣,៣លាននាក់ ដែលបានចេញទៅបោះឆ្នោតក្នុងកម្លាំងជំរុញរបៀបវារៈរំដោះជាតិរបស់ខ្លួន រួមទាំងរំលាយភាពជាប់គាំង ធ្វើឲ្យតួនាទីនយោបាយរបស់យោធាចុះខ្សោយ និងការធ្វើវិសោធនកម្មច្បាប់ដ៏តឹងរ៉ឹងលើការប្រមាថព្រះមហាក្សត្រ ដែលក្រុមអ្នករិះគន់និយាយថា ត្រូវបានប្រើដើម្បីដាក់សម្ពាធលើក្រុមប្រឆាំង។មេដឹកនាំគណបក្សបោះជំហានទៅមុខ លោក ភីថា លឹមចារឺនរ៉ាត់ (Pita Limjaroenrat ) នៅក្នុងសន្និសីទសារព័ត៌មាន បានច្រានចោលការចងសម្ព័ន្ធភាពជាមួយបណ្ដាគណបក្សគាំទ្រដោយយោធា ដែលលោកបានព្យាករណ៍ថា មិនអាចបន្តកាន់តំណែងទៀតបានឡើយ៕

ប្រសាសន៍សំខាន់ៗរបស់សម្ដេចតេជោ ហ៊ុន សែន ក្នុងឱកាសអញ្ជើញក្នុងពិធីប្រគល់សញ្ញាបត្រជូនដល់និស្សិតជ័យលាភីផ្នែកកសិកម្ម

2023/05/15 08:16:29 am        303
Facebook Telegram Linkin
ភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញជាអធិបតីភាពដ៏ខ្ពង់ខ្ពស់នៅក្នុងពិធីប្រគល់សញ្ញាបត្រជូនដល់និស្សិតជ័យលាភី នៃសាកលវិទ្យាល័យភូមិន្ទកសិកម្មចំការដូង,វិទ្យាស្ថានជាតិកសិកម្មព្រែកលៀប និងវិទ្យាស្ថានជាតិកសិកម្មកំពង់ចាម ដែលពិធីនេះធ្វើឡើងនៅមជ្ឈមណ្ឌលកោះពេជ្រ នៅព្រឹកថ្ងៃទី១៥ ខែឧសភា ឆ្នាំ២០២៣នេះ។ប្រសាសន៍សំខាន់ៗរបស់សម្ដេចតេជោ ហ៊ុន សែន មានខ្លឹមសារដូចខាងក្រោម៖សម្ដេចតេជោ ហ៊ុន សែន បញ្ជាក់ថា វិស័យកសិកម្មមិនមែនគ្រាន់តែជាការដកស្ទូងប៉ុណ្ណោះទេ ។ វិស័យកសិកម្មមានវិសាលភាពធំធេងខ្លាំងណាស់ ដែលគ្របដណ្ដប់លើវិស័យផ្សេងៗជាច្រើន ហើយក៏ជាផ្នែកមួយក្នុងការចូលរួមជំរុញសេដ្ឋកិច្ចជាតិ និងវិស័យសន្ដិសុខស្បៀងផងដែរ។សម្ដេចតេជោ ហ៊ុន សែន បានប្រកាសបន្តស្វាគមន៍បណ្ដាសមាជិក-សមាជិកាបណ្ដាគណបក្សនានា ដែលចង់ចូលរួមជីវភាពនយោបាយជាមួយគណបក្សប្រជាជនកម្ពុជាពីគ្រប់ទីកន្លែងទាំងអស់។ សម្ដេចប្រកាសមិនទទួលតែមេដឹកនាំបក្សក្បត់ជាតិ រត់ចោលស្រុកម្នាក់គត់ប៉ុណ្ណោះ។សម្ដេចតេជោ ហ៊ុន សែន បញ្ជាក់ថា រាជរដ្ឋាភិបាលមិនខ្លាចក្នុងការចំណាយទៅលើមន្រ្ដីបច្ចេកទេសកសិកម្ម ដើម្បីឱ្យទៅបម្រើពលរដ្ឋនៅតាមមូលដ្ឋាននោះទេ។សម្ដេចតេជោ ហ៊ុន សែន រម្លឹកថា អនុសាសន៍របស់សម្ដេចតាំងពីមុនមកលើវិស័យកសិកម្មនេះ គឺការផ្ទេរពីការអភិវឌ្ឍតាមបែបបើកទូលាយ ទៅជាការអភិវឌ្ឍតាមបែបស៊ីជម្រៅវិញ។សម្ដេចតេជោ ហ៊ុន សែន មានប្រសាសន៍ថា ការអភិវឌ្ឍតាមបែបបើកទូលាយ ទៅជាការអភិវឌ្ឍតាមបែបស៊ីជម្រៅ គឺសម្ដេចបានខិតខំប្រឹងប្រែងធ្វើកំណែទម្រង់សុទ្ធតែត្រូវយកអាយុជីវិតទៅប្ដូរ ដើម្បីស្វែងរកសន្ដិភាព និងកំណើនសេដ្ឋកិច្ចជូនជាតិមាតុភូមិ។សម្ដេចតេជោ មានប្រសាសន៍ថា សម្ដេចមិនមានទម្លាប់ដណ្ដើមយករបស់ ឬស្នាដៃអ្នកដទៃទេ ដូច្នេះសម្ដេចសូមផ្ដាំទៅអ្នកដទៃ ក៏កុំមកដណ្ដើមយករបស់ ឬស្នាដៃសម្តេចដូចគ្នា។សម្ដេចតេជោ ហ៊ុន សែន មានប្រសាសន៍ថា ដើម្បីដោះស្រាយបញ្ហាកសិកម្មឱ្យទទួលផលកាន់តែច្រើន ចំណុចសំខាន់ គឺការដោះស្រាយបញ្ហាប្រភពទឹកជូនប្រជាកសិករ និងបណ្ដុះបណ្ដាលជំនាញបច្ចេកទេសបន្ថែម ដើម្បីពង្រីកការដាំដុះពីផ្ទៃដី១ហិកតាអាចចិញ្ចឹមមនុស្សបាន ១០ ឈានទៅអាចដី ១ហិកតាអាចចិញ្ចឹមមនុស្សបាន២០នាក់ ឬអាចលើសពីនេះ។សម្ដេចតេជោ ហ៊ុន សែន បញ្ជាក់ថា ក្រសួងកសិកម្ម មិនត្រឹមតែជំរុញឱ្យប្រជាពលរដ្ឋចេះដាំដុះ ឬចិញ្ចឹមសត្វនោះទេ ប៉ុន្ដែក្រសួងក៏ត្រូវជំរុញប្រជាពលរដ្ឋឱ្យចេះកែច្នៃផលិតផលសម្រេចលើផលិតផលរបស់ខ្លួនផងដែរ។សម្ដេចតេជោ ហ៊ុន សែន ជំរុញឱ្យក្រសួងកសិកម្ម និងភាគីពាក់ព័ន្ធរៀបចំឱ្យមានក្រុមការងារដើម្បីពង្រឹងកម្លាំងកសិករ លើការដាំដុះ ការផលិត និងការស្វែងរកទីផ្សារ ។សម្ដេចតេជោ ហ៊ុន សែន បញ្ជាក់ថា កម្ពុជាយកចិត្តទុកដាក់ខ្ពស់លើការផ្គត់ផ្គង់ទឹកសម្រាប់វិស័យកសិកម្ម។ សម្ដេចបន្ថែមថា ពេលមានទឹកគ្រប់គ្រាន់ហើយ អ្វីដែលត្រូវគិតគូរបន្ត គឺការស្វែងរកផលិតផលយុទ្ធសាស្រ្ដក្នុងការដាំដុះ ដូចជាមហិច្ឆតារបស់សម្ដេច គឺចង់ឱ្យកម្ពុជាក្លាយទៅជាប្រទេសនាំស្វាយចន្ទីសម្រាប់ផ្គត់ផ្គង់ទីផ្សារច្រើនជាងគេលើពិភពលោក។សម្ដេចតេជោ ហ៊ុន សែន បញ្ជាក់ថា បើនរណាចង់ប្រមាថ ឬធ្វើបាបអង្គព្រះមហាក្សត្រ ត្រូវឆ្លងកាត់ត្រកូល ហ៊ុន ជាមុនសិន ពីព្រោះត្រកូល ហ៊ុន គឺជាអ្នកត្រកូលការពារ ព្រះមហាក្សត្រ និងជាកម្លាំងដ៏ធំជាងគេក្នុងការការពាររបបរាជានិយម។សម្ដេចតេជោ ហ៊ុន សែន បញ្ជាក់ថា នៅសល់តែ ២ ថ្ងៃទៀតព្រឹត្តិការណ៍ស៊ីហ្គេមត្រូវបញ្ចប់។ សម្ដេចបញ្ជាក់ថា កម្ពុជាម្ចាស់ផ្ទះស៊ីហ្គេមប្រកបដោយជោគជ័យ។ សម្ដេច បញ្ជាក់ថា ការសម្រេចចិត្តរបស់សម្ដេច គឺត្រឹមត្រូវចំពោះការមិនគិតថ្លៃសំបុត្រ និងការផ្សព្វផ្សាយពីបណ្ដាញផ្សព្វផ្សាយនានា រួមជាមួយនឹងការផ្ដល់ការឧបត្ថម្ភដល់ប្រតិភូកីឡា និងកីឡាករដោយមិនគិតថ្លៃ។សម្ដេចតេជោ ហ៊ុន សែន មានមោទនភាពចំពោះការដឹកនាំរបស់សម្ដេចពិជ័យសេនា ទៀ បាញ់ ប្រធាន CAMSOC ដែលបានដឹកនាំព្រឹត្តិការណ៍ស៊ីហ្គេមលើកទី៣២ ដែលកម្ពុជាធ្វើជាម្ចាស់ផ្ទះនាពេលនេះប្រកបដោយជោគជ័យ។ សម្ដេចក៏បានកោតសរសើរដល់ឯកឧត្តម អូន ព័ន្ធមុនីរ័ត្ន ឧបនាយករដ្ឋមន្ត្រីរដ្ឋមន្រ្ដីក្រសួងសេដ្ឋកិច្ច និងហិរញ្ញវត្ថុ ដែលបានគិតគូរ ចាត់ចែង យ៉ាងល្អក្នុងការសន្សំថវិការៀបចំព្រឹត្តិការណ៍ស៊ីហ្គេមនេះផងដែរ។សម្ដេចតេជោ ហ៊ុន សែន បញ្ជាក់ថា ស៊ីហ្គេម គឺជាកាតព្វកិច្ចដែលជៀសវាងមិនបាន ដូច្នេះប្រទេសទាំងអស់ ដែលជាសមាជិកអាស៊ាន គឺត្រូវតែចូលរួមដោយខកខានមិនបាន។សម្ដេចតេជោ បានប្រកាសថា ក្រោយបញ្ចប់ស៊ីហ្គេម មរតកនៃសមិទ្ធផលស៊ីហ្គេម ដូចជាពហុកីឡដ្ឋានជាតិមរតកតេជោជាដើម នឹងនៅសល់រហូតបន្តកូនដល់ចៅប្រើប្រាស់ក្នុងវិស័យកីឡា។សម្ដេចតេជោ ហ៊ុន សែន បង្ហាញមោទនភាពចំពោះការខិតខំប្រកួតរបស់កីឡាករ-កីឡាការិនីកម្ពុជា បានប្រឹងប្រែងដើម្បីទទួលបាននូវមេដាយមាសជាច្រើន ធ្វើឱ្យកម្ពុជាឈានឡើងមួយកម្រិតទៀតក្នុងវិស័យកីឡានៅក្នុងតំបន់។ ក្នុងនោះក៏មានប្រភេទកីឡាមួយចំនួនអាចឈានទៅរកមេដាយមាសជាប្រវិត្តិសាស្រ្ដលើកដំបូងជូនជាតិក្នុងឱកាសព្រឹត្តិការណ៍កីឡានេះផងដែរ។សម្ដេចតេជោ ហ៊ុន សែន អនុញ្ញាតឱ្យកីឡាករ កីឡាការិនី និងប្រតិភូកីឡាដែលមកចូលរួមប្រកួតក្នុងព្រឹត្តិការណ៍ស៊ីហ្គេម អាចចូលទស្សនានៅប្រសាទអង្គរវត្តរបស់កម្ពុជាដោយគ្មានការលក់សំបុត្រឡើយ។សម្ដេចតេជោ ហ៊ុន សែន បានកោតសរសើរ និងអរគុណដល់សមត្ថកិច្ច និងអាជ្ញាធរដែនដី ប្រជាពលរដ្ឋ កីឡាករ កីឡាការិនី ក្រុមយុវជនស្ម័គ្រចិត្ត និងភាគីពាក់ព័ន្ធ ដែលបានចូលរួមគ្រប់រូបភាព គ្រប់ផ្នែក គ្រប់សកម្មភាព ធ្វើឱ្យព្រឹត្តិការណ៍ស៊ីហ្គេមដែលកម្ពុជាធ្វើជាម្ចាស់ផ្ទះ អាចដំណើការរៀបចំទៅដោយជោគជ័យ និងមានមោទនភាពជាតិបំផុតជាប្រវត្តិសាស្រ្ដ។សម្ដេចតេជោ ហ៊ុន សែន ប្រកាសអរគុណដល់ថ្នាក់ដឹកនាំតាមបណ្ដាប្រទេសអាស៊ានទាំងអស់ ដែលបានបញ្ចូនកីឡាករ កីឡាការិនី ប្រតិភូកីឡាមកចូលរួមគាំទ្រព្រឹត្តិការណ៍ស៊ីហ្គេមនៅកម្ពុជា ដែលកម្ពុជាធ្វើជាម្ចាស់ផ្ទះ។ ជាមួយគ្នានេះសម្ដេច ក៏បានអរគុណដល់ប្រធានាធិបតី និងប្រជាជនចិន ដែលបានឧបត្ថម្ភគាំទ្រដល់កម្ពុជា ជាពិសេសបានផ្ដល់ពហុកីឡដ្ឋានជាតិមរតកតេជោដល់កម្ពុជា។

សម្ដេចតេជោ ហ៊ុន សែន អញ្ជើញជាអធិបតីក្នុងពិធីប្រគល់សញ្ញាបត្រជូនដល់និស្សិតជ័យលាភី នៃគ្រឹះស្ថានឧត្តមសិក្សាកសិកម្មចំនួន៣

2023/05/15 07:38:56 am        218
Facebook Telegram Linkin
ភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាអញ្ជើញជាអធិបតីភាពដ៏ខ្ពង់ខ្ពស់នៅក្នុងពិធីប្រគល់សញ្ញាបត្រជូនដល់និស្សិតជ័យលាភី នៃសាកលវិទ្យាល័យភូមិន្ទកសិកម្ម,វិទ្យាស្ថានជាតិកសិកម្មព្រែកលៀប និងវិទ្យាស្ថានជាតិកសិកម្មកំពង់ចាម ដែលពិធីនេះធ្វើឡើងនៅមជ្ឈមណ្ឌលកោះពេជ្រ នៅព្រឹកថ្ងៃទី១៥ ខែឧសភា ឆ្នាំ២០២៣នេះ។និស្សិតជ័យលាភីនៃគ្រឹះស្ថានឧត្តមសិក្សាកសិកម្មទាំងបី មានចំនួនសរុប ៣ ២៧៩នាក់ (នារី ១ ៣១៩នាក់ ស្មើនឹងជាង៤០%) ដែលបានបញ្ចប់ការសិក្សាតាមជំនាញរបស់ខ្លួនដោយជោគជ័យ ក្នុងឆ្នាំ២០១៩, ២០២០, ២០២១ និងឆ្នាំ២០២២ ក្នុងនោះ មកពីសាកលវិទ្យាល័យភូមិន្ទកសិកម្ម ចំនួន ២ ៤៣៣នាក់, វិទ្យាស្ថានជាតិកសិកម្ម ព្រែកលៀបចំនួន ៥៣១នាក់ និងនិស្សិតវិទ្យាស្ថានជាតិកសិកម្មកំពង់ចាមចំនួន ៣១៥នាក់។សញ្ញាបត្រដែលនិស្សិតជ័យលាភីត្រូវទទួលបានមានចំនួន ៥កម្រិតផ្សេងគ្នាគឺ ថ្នាក់បរិញ្ញាបត្ររង ចំនួន ៣០១នាក់, ថ្នាក់បរិញ្ញាបត្រ ចំនួន ២ ៨៤៨នាក់, ថ្នាក់បរិញ្ញាបត្រជាន់ខ្ពស់ ចំនួន ៦៦នាក់ (នារី ២៤នាក់), ថ្នាក់បសុវេជ្ជបណ្ឌិត ចំនួន ៥៦នាក់ (នារី ២០នាក់) និងថ្នាក់បណ្ឌិត ចំនួន ៨នាក់ (នារី ១នាក់)។ ក្នុងចំណោមនិស្សិតជ័យលាភីទាំងអស់ មាននិស្សិតអាហារូបករណ៍ចំនួន ១ ០៧៧នាក់ (នារី ៤៩៩នាក់ ស្មើនឹងជាង ៤៦%)។គិតចាប់ពីឆ្នាំ១៩៨៤ មកដល់ឆ្នាំ២០២២កន្លងទៅ គ្រឹះស្ថានឧត្តមសិក្សាកសិកម្មទាំងបីបណ្តុះ បណ្តាលបានធនធានមនុស្សចំនួន ៣០ ៣៥៤ នាក់ (នារី ៧ ៨១៥ នាក់) ហើយក្នុងរយៈពេល៤ឆ្នាំចុងក្រោយនេះ ជាមធ្យម គ្រឹះស្ថានទាំងបីបណ្តុះបណ្តាលបានធនធានមនុស្សជាង ៨០០នាក់ ក្នុងមួយឆ្នាំ សម្រាប់ វិស័យកសិកម្ម។ជាមួយនឹងលទ្ធផលខាងលើនេះ គ្រឹះស្ថានឧត្តមសិក្សាទាំងបីបាននិងកំពុងអនុវត្តកម្មវិធីកំណែទម្រង់ ជាបន្តបន្ទាប់ ជាពិសេស ការជំរុញអនុវត្តយុទ្ធសាស្រ្ត១០ឆ្នាំថ្មី២០២១-២០៣០ ដែលត្រូវបានដាក់ឱ្យអនុវត្តដោយក្រសួងកសិកម្ម រុក្ខាប្រមាញ់ និងនេសាទ កាលពីឆ្នាំ២០២១កន្លងទៅ ដើម្បីជំរុញការអភិវឌ្ឍវិស័យកសិកម្ម ស្របតាមគោលនយោបាយ និងយុទ្ធសាស្រ្តចតុកោណរបស់រាជរដ្ឋាភិបាល។

ឯកឧត្តម វេង សាខុន និងលោកជំទាវ អញ្ជើញធ្វើបុណ្យឆ្លងឧបដ្ឋានសាលា និងសម្ពោធសមិទ្ធផលនានា ក្នុងវត្តសេដាសែនជ័យ ស្រុកតំបែរ

2023/05/14 12:01:10 pm        285
Facebook Telegram Linkin
ត្បូងឃ្មុំ៖ ឯកឧត្តម វេង សាខុន រដ្ឋមន្រ្តីប្រតិភូអមនាយករដ្ឋមន្រ្តី និងជាប្រធានក្រុមការងារថ្នាក់កណ្តាលចុះមូលដ្ឋាន ស្រុកតំបែរ ខេត្តត្បូងឃ្មុំ និងស្រុកកំពង់សៀម ខេត្តកំពង់ចាម និងលោកជំទាវ ព្រមទាំងពុទ្ធបរិស័ទជិតឆ្ងាយនៅព្រឹកថ្ងៃអាទិត្យ ១០រោច ខែពិសាខ ឆ្នាំថោះ បញ្ចស័ក ពស ២៥៦៧ ត្រូវនឹងថ្ងៃទី១៤ ខែឧសភា ឆ្នាំ២០២៣ បានអញ្ជើញក្នុងពិធីបុណ្យឆ្លងឧបដ្ឋានសាលា និងសម្ពោធសមិទ្ធផលនានា នៅវត្តសេដាសែនជ័យ ស្ថិតនៅភូមិសេដាសែនជ័យ ឃុំសេដា ស្រុកតំបែរ ខេត្តត្បូងឃ្មុំ។ ពិធីបុណ្យឆ្ឦងនេះមានការអញ្ជើញចូលរួមរបស់សមាជិក ក្រុមការងារថ្នាក់កណ្តាល ថ្នាក់ខេត្ត ស្រុក ឃុំ និងពុទ្ធបរិស័ទចំណុះជើងវត្ត សរុបប្រមាណជាង ៣០០នាក់។ ឯកឧត្តមរដ្ឋមន្រ្តីប្រតិភូអមនាយករដ្ឋមន្រ្តី បានចូលរួមអបអរសាទរដល់ប្រជាពលរដ្ឋនៅស្រុកតំបែរដែលទទួលបាននូវសមិទ្ធផលថ្មីមួយទៀតក្នុងវិស័យពុទ្ធចក្រ។ឯកឧត្តមបានពាំនាំនូវបណ្តាំផ្ញើសាកសួរសុខទុក្ខរបស់សម្តេចតេជោ និងសម្តេចកិត្តិព្រឹទ្ធបណ្ឌិត ដែលសម្តេចទាំងពីរតែងតែគិតគូរពីជីវភាព និងស្ថានភាពរស់នៅរបស់ប្រជាពលរដ្ឋគ្រប់ៗរូប។ឯកឧត្តម ក៏បានរលឹកឡើងពីអនុស្សាវរីយដែល ឯកឧត្តមបានមកកាន់ឃុំសេដា នេះជាមួយលើកដំបូងកាលពីជាង២៤ឆ្នាំមុន ហើយជាទីតាំងដំបូងបំផុតដែលឯកឧត្តម ចុះមកជួយកាងារមូលដ្ឋានស្រុកតំបែរនេះ ដែលកាលនោះគឺមានស្ថានភាពលំបាក ខ្វះហេដ្ឋារចនាសម្ព័ន្ធស្ទើរគ្រប់វិស័យរួមទាំងផ្លូវថ្នល់ផងដែរ ជាពិសេសវត្តសេដាសែនជ័យនេះ មានស្ថានភាពខ្វះខាតខ្លាំងនាពេលនោះ។ មកទល់ពេលបច្ចុប្បន្ននេះ ក្រោមម្លប់នៃសន្តិភាព និងស្ថិរភាពសង្គម ដែលដឹកនាំដោយ សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ប្រធានគណបក្សប្រជាជនកម្ពុជា និងជាមគ្គុទេសដ៏ឆ្នើមបំផុត ស្រុកតំបែរនេះបានទទួលនូវការអភិវឌ្ឍន៍ហេដ្ឋារចនាសម្ព័ន្ធជាច្រើនដូចជា ផ្លូវថ្នល់ ស្ពាន អគ្គិសនី សាលារៀន មន្ទីរពេទ្យ វត្តអារាម វិហារ សារ៉ាវជាដើម។ ថ្មីៗនេះក្រោមការដឹកនាំប្រកបដោយភាពប៉ិនប្រសប់របស់សម្តេចតេជោ បាននាំអោយកម្ពុជាមានភាពល្បីល្បាញ និងទទួលបានការកោតសរសើរ ទាំងក្នុងថ្នាក់តំបន់ និងលើពិភពលោក តាមរយៈភាពជាអ្នកដឹកនាំក្នុងការធ្វើជាម្ចាស់ផ្ទះកិច្ចប្រជុំកំពូលអាស៊ាន និងជាពិសេសកំពុងធ្វើជាម្ចាស់ផ្ទះនៃការរៀបចំកីឡាស៊ីហ្គេមលើកទី៣២ ដែលរៀបចំបានយ៉ាងរលូន និងអស្ចារ្យ។ ទន្ទឹមនឹងនេះ ឯកឧត្តមក៏បានលើកឡើងពីការគិតគូររបស់រាជរដ្ឋាភិបាល ក្នុងការជួយគាំទ្រជាសាច់ប្រាក់ដល់ប្រជាពលរដ្ឋក្រីក្រនិងងាយរងគ្រោះ ជួយដល់ផ្នែកបណ្តុះបណ្តាលវិជ្ជាជីវៈសម្រាប់ពលករ ដើម្បីបង្កើនតម្លៃបន្ថែមក្នុងការងារក្នុងវិស័យឧស្សហកម្ម ដោយផ្តល់កន្លែងស្នាក់នៅ និងហូបចុកសមរម្យ។ លើសពីនេះរាជរដ្ឋាភិបាលបានផ្តល់ការគាំទ្ររបបសន្តិសុខសង្គមជូនដល់បុគ្គលិក សេដ្ឋកិច្ចក្រៅប្រព័ន្ធ និងផ្តល់ការការពារសិទ្ធិក្នុងការងារតាមរយៈមេធាវីសម្តេចតេជោ។ ក្រៅពីនេះរាជរដ្ឋាភិបាលកំពុងគិតគូរពង្រីកហេដ្ឋារចនាសម្ព័ន្ធសំខាន់ៗបន្ថែមទៀតដូចជាផ្លូវល្បឿនលឿន កំពង់ផែទឹកជ្រៅ និងព្រលានយន្តហោះអន្តរជាតិខ្នាតធំ ដើម្បីពន្លឿនការអភិវឌ្ឍន៍សេដ្ឋកិច្ចឱ្យមានភាពធន់ និងធានាបាននូវចីរភាព។ ជាមួយនឹងការដាក់សម្ពោធឧបដ្ឋានសាលានេះ ឯកឧត្តមបាននាំយកថវិការបស់ឯកឧត្តម និងលោកជំទាវ ព្រមទាំងសប្បុរសជន ២០លានរៀល ប្រគេនដល់ព្រះសង្ឃ ព្រះចៅអធិការវត្តសេដាសែនជ័យសម្រាប់ការកសាងវត្ត និងថវិកាមួយចំនួនទៀតសម្រាប់ឧបត្ថម្ភដល់ការរៀបចំពិធីបុណ្យឆ្លងឧបដ្ឋានសាលានិងសម្ពោធសមិទ្ធផលនានានាពេលនេះ៕

ឯកឧត្តម ហ៊ុន ម៉ានី ប្រកាសបើកការដ្ឋានស្ថាបនាផ្លូវក្រាលកៅស៊ូប្រវែង ៧៨០០ ម៉ែត្រ នៅឃុំស្គុះ ខេត្តកំពង់ស្ពឺ

2023/05/13 12:43:34 pm        289
Facebook Telegram Linkin
កំពង់ស្ពឺ៖ ឯកឧត្តម ហ៊ុន ម៉ានី ប្រធានគណៈកម្មការទី៧នៃរដ្ឋសភា និងជាអ្នកតំណាងរាស្រ្តមណ្ឌលខេត្តកំពង់ស្ពឺ បានអញ្ជើញសម្ពោធបើកការដ្ឋានស្ថាបនាផ្លូវក្រាលបេតុង ប្រវែង ៧៨០០ ម៉ែត្រស្ថិតនៅភូមិក្រាំងត្រឡាច ឃុំស្គុះ ស្រុកសំរោងទង ខេត្តកំពង់ស្ពឺ នាព្រឹកថ្ងៃទី ១៣ ខែ ឧសភា ឆ្នាំ ២០២៣នេះ។ក្នុងពិធីនោះដែរឯកឧត្តម វ៉ី សំណាង បានសម្តែងការស្វាគមន៍យ៉ាងកក់ក្តៅចំពោះវត្តមាន ឯកឧត្តម ហ៊ុន ម៉ានី និងថ្លែងអំណរគុណដល់ថ្នាក់ដឹកនាំគ្រប់ជាន់ថ្នាក់ សប្បុរសជន ជាពិសេសក្រសួង​អភិវឌ្ឍន៍​ជនបទ ដែលតែងតែគិតគូរពីប្រជាពលរដ្ឋ និងបានខិតខំកសាងសមិទ្ធផលនានាជូន​ដល់ប្រជាជនខេត្តកំពង់ស្ពឺ ​ជាពិសេសពិធីសម្ពោធបើកការដ្ឋានស្ថាបនាផ្លូវក្រាលបេតុង នាថ្ងៃនេះ។ក្នុងឱកាសនោះឯកឧត្តម ហ៊ុន ម៉ានី បានសម្ដែងនូវការកោតសរសើរ និងវាយតម្លៃខ្ពស់​ចំពោះ​កិច្ចខិតខំ ប្រឹងប្រែងរបស់រាជរដ្ឋាភិបាលដែលមានក្រសួង ស្ថាប័នពាក់ព័ន្ធ និងរដ្ឋបាលថ្នាក់ក្រោម​ជាតិ​ដែលជានិច្ចកាលតែងតែ​គិតគូរ​ និងយកចិត្តទុកដាក់ក្នុងការលើកគម្រោងជួសជុល ស្តារ និង​កសាងសំណង់ហេដ្ឋារចនាសម្ព័ន្ធរូបវ័ន្តផ្សេងៗ ដើម្បីបម្រើឱ្យសេចក្តីត្រូវការរបស់ប្រជាពលរដ្ឋទាំង​នៅទីក្រុង ក៏ដូចជានៅជនបទ ​ដែលការងារនេះជាផ្នែកមួយដ៏សំខាន់ក្នុងការជួយជំរុញ ដល់កំណើន​សេដ្ឋកិច្ចជាតិ និងលើកកម្ពស់ជីវភាពរស់នៅរបស់ប្រជាពលរដ្ឋឱ្យកាន់តែមានភាពល្អ ប្រសើរឡើងជាលំដាប់។ឯកឧត្តម ហ៊ុន ម៉ានី បានចូលរួមអបអរសាទរជាមួយបងប្អូនប្រជាពលរដ្ឋនៃស្រុកសំរោងទង ជាពិសេសអ្នកឃុំស្គុះ ដែលបានទទួលផលប្រយោជន៍ដោយផ្ទាល់ពីសមិទ្ធផលនៅថ្ងៃនេះ។ ផ្លូវនេះនឹងសម្រួលដល់ការធ្វើដំណើររបស់បងប្អូនប្រជាពលរដ្ឋ ជាពិសេសទៅទៀត​នោះគឺជួយ​បង្កើននូវ ប្រសិទ្ធភាពនៃការដឹកជញ្ជូនកាន់តែល្អប្រសើរ ដែលអាចរួមចំណែកកាត់​បន្ថយបាន​នូវការចំណាយ និងបង្កើននូវចំណូលដល់សេដ្ឋកិច្ចគ្រួសារបានមួយកម្រិតថែមទៀតផង។ក្រោមបរិយាកាសដ៏សប្បាយរីករាយនេះ ឯកឧត្តម ហ៊ុន ម៉ានី បានបញ្ជាក់ថា ក្រោមការដឹកនាំរបស់គណបក្សប្រជាជនកម្ពុជា បាននាំមកនូវការអភិវឌ្ឍ និងការរីកមុខ​មាត់របស់ប្រទេសកម្ពុជាជាបន្តបន្ទាប់។ គណបក្សប្រជាជនកម្ពុជា តែងតែនៅក្បែរ​ប្រជាជនជានិច្ចមិនថាកាលៈទេសៈណាក៏ដោយ គឺមិនទៅណាឆ្ងាយ​ពីប្រជាជននោះទេ ប្រជាជនដែលរងគ្រោះ និងជួបការលំបាក គឺតែងតែមានគណបក្សប្រជាជនកម្ពុជាចុះជួយ និងសួរសុខទុក្ខភ្លាមៗ ។ ជាបទពិសោធន៍មានស្រាប់ នៅពេលដែលជួបព្យុះខ្យល់កន្តាក់ ទឹកជំនន់ ទោះមិនមែនចំយុទ្ធនាការបោះឆ្នោតក៏ដោយ គណបក្សប្រជាជនកម្ពុជា ចុះសួរសុខទុក្ខ និងជួយសម្របសម្រួលស្ថានភាពតាមដែលអាចធ្វើបាន។ ដោយហេតុថា ការបោះឆ្នោតជ្រើសតាំង​តំណាងរាស្រ្ត នីតិកាលទី ៧ នឹងប្រព្រឹត្តទៅនៅថ្ងៃអាទិត្យ ទី២៣ ខែកក្កដា ឆ្នាំ ២០២៣ កាន់តែខិតជិតមកដល់ឯកឧត្តម ហ៊ុន ម៉ានី បានអំពាវនាវឱ្យបងប្អូនប្រជាពលរដ្ឋ ទាំងអស់ អញ្ជើញទៅបោះឆ្នោតឱ្យបានគ្រប់ៗគ្នា ប្រើប្រាស់សិទ្ធជាប្រជាពលរដ្ឋ ​ដើម្បីជ្រើសរើសថ្នាក់ដឹកនាំ និង​គណបក្សណាដែលខ្លួនជឿជាក់ និងតែងតែនៅក្បែរជាមួយប្រជាពលរដ្ឋ។សូមជម្រាបជូនថា ផ្លូវក្រាលកៅស៊ូ (DBST) លើចម្ងាយផ្លូវប្រវែង ៧,៨០០ម៉ែត្រ ​និងទទឹង៩ម៉ែត្រ ឆ្លងកាត់ភូមិចំនួន៨ ក្នុងនោះឃុំស្គុះ ៦ ភូមិ និងឃុំសែនដី ២ភូមិ ដែលផ្លូវនេះ ជាគម្រោង​ថវិការបស់ក្រសួងអភិវឌ្ឍន៍ជនបទ ​ដែលចំណាយថវិកាសាងសង់សរុបអស់ ៧,០០០,០០០,០០០ (ប្រាំពីរពាន់លាន) រៀល ដែលគិតជាប្រាក់ដុល្លារប្រមាណ ១,៧៥០,០០០ (មួយលាន ប្រាំពីសែន ប្រាំម៉ឺនដុល្លារអាមេរិក) ៕អត្ថបទ រដ្ឋា

ភាគីជម្លោះនៅស៊ូដង់ ព្រមព្រៀងការពារជនស៊ីវិល ខណៈការចរចាបទឈប់បាញ់នៅបន្ត

2023/05/13 12:28:46 pm        52
Facebook Telegram Linkin
ស៊ូដង់៖ យោងតាមក្រសួងការបរទេសអារ៉ាប៊ីសាអូឌីត បានឲ្យដឹងថាកងទ័ពជាតិស៊ូដង់ និងកងកម្លាំងគាំទ្ររហ័សយោធាប៉ារ៉ា(RSF) បានចុះហត្ថលេខាលើកិច្ចព្រមព្រៀងបឋម ក្នុងទីក្រុងកំពង់ផែ Jeddah ប្រទេសអារ៉ាប៊ីសាអូឌីត ដើម្បីបញ្ចៀសការរងទុក្ខលំបាកដល់ជនស៊ីវិល ក្នុងពេលកិច្ចចរចា ដែលកំពុងបន្តធ្វើសម្រាប់បទឈប់បាញ់។ បន្ទាប់ពីរយៈពេល១សប្តាហ៍នៃការពិភាក្សា នៅក្នុងទីក្រុង Jeddah ភាគីជម្លោះ បានចុះហត្ថលេខាលើសេចក្តីប្រកាសកាលពីថ្ងៃសុក្រដោយប្តេជ្ញាធ្វើការឆ្ពោះទៅរកបទឈប់បាញ់រយៈពេលខ្លី ក្នុងកិច្ចពិភក្សាបន្ថែមទៀត។ឯកសារនៃសេចក្តីប្រកាស ដែលបានចេញផ្សាយ បន្ទាប់ពីកិច្ចពិភាក្សា បាននិយាយថា «ប្តេជ្ញាផ្តល់អាទិភាពកិច្ចពិភាក្សាដើម្បីសម្រេចបានបទឈប់បាញ់រយៈពេលខ្លី ក្នុងបំណងសម្រួលដល់ការដឹកជញ្ជូនជំនួយមនុស្សធម៌បន្ទាន់ និងស្តារឡើងវិញសេវាកម្មចាំបាច់នានា។ សេចក្តីថ្លែងការណ៍មកពីក្រសួងការបរទេសអារ៉ាប៊ីសាអូឌីត បាននិយាយថា ភាគីទាំងអស់ នឹងផ្តោតលើការឈានដល់កិច្ចព្រមព្រៀងសម្រាប់បទឈប់បាញ់មានជាធរមាន ដែលមានរយៈពេលរហូតដល់ប្រមាណ១០ថ្ងៃ។កងទ័ពជាតិ និងកងកម្លាំងគាំទ្ររហ័ស បាននិយាយនៅក្នុងកិច្ចព្រមព្រៀង ថាពួកគេ នឹងកំណត់ពេលកិច្ចពិភាក្សាដែលបន្ថែមពេលជាបន្តបន្ទាប់ដើម្បីសម្រេចបានការបញ្ឈប់អរិភាពជាអចិន្ត្រៃយ៍។ មន្ត្រីសហរដ្ឋអាមេរិក បាននិយាយថា ក្រុមអ្នកចរចា ដែលកំពុងធ្វើការជាមួយប្រទេសអារ៉ាប៊ីសាអូឌីត និងអ្នកសម្របសម្រួលសហរដ្ឋអាមេរិក នឹងពិភាក្សាបន្ទាប់ពីវិធានការសន្តិសុខជាក់លាក់សម្រាប់ការការពារការផ្គត់ផ្គង់ជំនួយបន្ទាន់។

សហរដ្ឋអាមេរិក និងចិន សំឡឹងហួសពីឧបទ្ទវហេតុបាឡុង ដើម្បីធ្វើឲ្យទំនាក់ទំនងមានស្ថិរភាព

2023/05/13 12:25:17 pm        288
Facebook Telegram Linkin
អាមេរិក៖ មន្ត្រីជាន់ខ្ពស់សហរដ្ឋអាមេរិក បាននិយាយថា ទីប្រឹក្សាសន្តិសុខជាតិរបស់ប្រធានាធិបតី លោក Joe Biden បានជួបជាមួយអ្នកការទូតជាន់ខ្ពស់របស់ប្រទេសចិន នៅសប្តាហ៍នេះហើយភាគីទាំងពីរ បានទទួលស្គាល់ភាពចាំបាច់ដើម្បីបោះជំហានឲ្យហួសពីឧបទ្ទវហេតុបាឡុងចារកម្មតាមដែលចោទប្រកាន់ ដែលបានបណ្តាលឲ្យមានការផ្អាកទំនាក់ទំនងរវាងប្រទេសមហាអំណាចកំពូលទាំងពីរ។សេតវិមាន សង្ឃឹមថា រយៈពេល៨ម៉ោងនៃការពិភាក្សាក្នុងទីក្រុងវីយែននកាលពីថ្ងៃពុធ និងថ្ងៃព្រហស្បតិ៍ រវាងមន្ត្រីសន្តិសុខជាតិសហរដ្ឋអាមេរិក លោក Jake Sullivan និង អ្នកការទូតជាន់ខ្ពស់ចិន លោក Wang Yi នឹងបានត្រួសត្រាយផ្លូវសម្រាប់ទំនាក់ទំនងបន្ថែមទៀតរវាងប្រទេសមានសេដ្ឋកិច្ចធំបំផុតទាំងពីររបស់ពិភពលោក។ ស្ថានទូតនៅទីក្រុងវ៉ាស៊ីនតោនរបស់ប្រទេសចិន បាននិយាយថា ភាគីទាំងពីរមានការពិភាក្សាត្រង់ទៅត្រង់មក ស៊ីជម្រៅ មានអត្ថន័យជ្រាលជ្រៅនិងប្រកបដោយស្ថាបនា លើការដាក់ចេញនូវឧបសគ្គក្នុងទំនាក់ទំនងចិន-អាមេរិក និងធ្វើឲ្យមានប្រក្រតីភាពទំនាក់ទំនងបន្ទាប់ពីការធ្លាក់ចុះដ៏យ៉ាប់យ៉ឺន៕

មន្ត្រីអាមេរិកដែលដឹកនាំផ្នែកការទូតជាមួយប្រទេសចិន និងរុស្ស៊ី នឹងចូលនិវត្តន៍

2023/05/13 12:20:04 pm        243
Facebook Telegram Linkin
អាមេរិក៖ អនុរដ្ឋមន្ត្រីការបរទេសសហរដ្ឋអាមេរិក លោកស្រី Wendy Sherman ជាអ្នកការទូតលំដាប់លេខ២របស់ប្រទេសនេះ បាននិយាយកាលពីថ្ងៃសុក្រថា លោកស្រី នឹងចូលនិវត្តន៍នៅចុងខែមិថុនា បន្ទាប់ពីរយៈពេល៣ទសវត្សរ៍នៅក្នុងក្រុមការងារបង្កើតគោលនយោបាយការបរទេសរបស់ទីក្រុងវ៉ាស៊ីនតោន។ លោកស្រី Sherman គឺជាស្ត្រីដំបូងគេក្នុងតួនាទីបច្ចុប្បន្នរបស់លោកស្រី ដែលលោកស្រីទទួលបន្ទុកផ្នែកការទូតរបស់រដ្ឋបាល លោក Biden ជាមួយប្រទេសចិន និងបានដឹកនាំការចរចាដែលពុំទទួលបានជោគជ័យជាមួយរុស្ស៊ី ដើម្បីបញ្ចៀសការឈ្លានពានទ្រង់ទ្រាយធំលើអ៊ុយក្រែន ក្នុងខែកុម្ភះឆ្នាំ២០២២។ រដ្ឋមន្ត្រីការបរទេសលោក Antony Blinken បានកោតសរសើរលោកស្រី Sherman ចំពោះការទម្លាយឧបសគ្គនានាសម្រាប់ស្ត្រី និងការងារលើបញ្ហាប្រឈមគោលនយោបាយដ៏តានតឹងបំផុតមួយចំនួន នៃពេលវេលារបស់យើង។ លោក Bliken បាននិយាយនៅក្នុងសេចក្តីថ្លែងការណ៍ថា ប្រទេសរបស់យើង កាន់តែមានសុវត្ថិភាពនិងសន្តិសុខបន្ថែមទៀត ហើយភាពជាដៃគូរបស់យើងកាន់តែខ្លាំងថែមទៀតដោយសារតែការដឹកនាំរបស់លោកស្រី។នៅក្នុងសេចក្តីជូនដំណឹងមួយ ទៅកាន់បុគ្គលិកក្រសួងការបរទេស ដោយប្រកាសពីការលាលែងពីតំណែងរបស់លោកស្រី លោកស្រីSherman និយាយថាអំឡុងពេលរបស់លោកស្រី នៅក្នុងរដ្ឋាភិបាល ចាប់តាំងពីឆ្នាំ២០២១ ត្រូវបានកត់សំគាល់ដោយការផ្លាស់ប្តូររលកភូមិសាស្ត្រនយោបាយ ដោយលើកឡើងពីការដកថយរបស់សហរដ្ឋអាមេរិកចេញពីប្រទេសអាហ្វហ្គានីស្ថានដែលកំពុងបង្កើនការប្រកួតប្រជែងជាមួយប្រទេសចិន និងសង្គ្រាមនៅអ៊ុយក្រែន៕

អតីតនាយករដ្ឋមន្ត្រីប៉ាគីស្ថាន ដែលត្រូវបានអនុញ្ញាតនៅក្រៅឃុំ បានចាកចេញពីតុលាការ

2023/05/13 12:16:00 pm        267
Facebook Telegram Linkin
ប៉ាគីស្ថាន៖ អតីតនាយករដ្ឋមន្ត្រីប៉ាគីស្ថាន លោក Imran Khan ត្រូវបានផ្តល់ផ្តល់ការធានាឲ្យនៅក្រៅឃុំដោយតុលាការជាន់ខ្ពស់ទីក្រុង Islamabad ប៉ុន្មានថ្ងៃបន្ទាប់ពីការចាប់ខ្លួនលោកដ៏ចម្រូវចម្រាស ជុំវិញការចោទប្រកាន់អំពើពុករលួយដែលបានរុញឲ្យផ្ទុះកំហឹងប្រឆាំងនឹងយោធារបស់ប្រទេសនេះ។ លោក Khan បានចាកចេញពីតុលាការ កាលពIថ្ងៃសុក្រ ក្រោមការការពារពីនគរបាលដើម្បីវិលត្រលប់ទៅកាន់ទីក្រុង Lahore វិញ។ មុនពេលចាកចេញ លោកបានគិតថា លោកអាចត្រូវបានតុលាករចាប់ខ្លួនម្តងទៀត ទោះបីជាបទបង្គាប់របស់តុលាការរារាំងអាជ្ញាធរមិនឲ្យចាប់ខ្លួនលោកលើបទចោទប្រកាន់ណាមួយក៏ដោយរហូតដល់ថ្ងៃចន្ទ។លោក Khan បានប្រាប់អ្នកសារព័ត៌មានថា ខ្ញុំនឹងត្រូវបានគេចាប់ខ្លួនដោយខុសច្បាប់ម្តងទៀត ពេលនេះ នៅខាងក្រៅតុលាការជាន់ខ្ពស់ ខ្ញុំដឹងថាខ្ញុំនឹងត្រូវបានគេចាប់ខ្លួន សារដ៏សាម័ញ្ញរបស់ខ្ញុំគឺ ខ្ញុំនឹងធ្វើយ៉ាងណាដើម្បីទប់ទល់នូវអ្វីដែលខ្ញុំយល់ថាវានឹងកើតឡើងបន្ទាប់ទៀតនោះ។ លោកបាននិយាយថា សាររបស់លោកទៅកាន់អ្នកគាំទ្រគឺត្រូវរក្សាភាពស្ងប់ស្ងាត់ ហើយលោកនឹងពុំទទួលខុសត្រូវចំពោះប្រតិកម្មណាមួយរបស់ក្រុមអ្នកតវ៉ានោះទេប្រសិនបើលោកត្រូវបានគេចាប់ខ្លួនម្តងទៀតនោះ។លោកKhan និយាយថា សម្រាប់រយៈពេល២៧ឆ្នាំ ខ្ញុំបានធ្វើនយោបាយ បានបង្ហាញខ្ញុំនូវសារមួយដែលខុសគ្នាចំពោះបញ្ហានេះ នៅគ្រប់ពេលទាំងអស់ ខ្ញុំបានប្រាប់អ្នកគាំទ្ររបស់ខ្ញុំ កុំធ្វើអ្វីឲ្យប្រាសចាកពីរដ្ឋធម្មនុញ្ញ។ នៅពេលអ្នកតវ៉ាដោយសន្តិវិធី យើងមិនបំពានច្បាប់ ទោះបីនាពេលបច្ចុប្បន្ននៅពេលខ្ញុំប្រាប់ពួកគេឲ្យតវ៉ា ខ្ញុំនិយាយថាពួកគេគួតែតវ៉ាដោយសន្តិវិធី ខ្ញុំតែងតែនិយាយដូច្នេះ៕

បណ្ដាញសង្គម

ព័ត៌មានថ្មីៗ

សាលាបឋមសិក្សាស្ថាពរខេត្តព្រះវិហារ ទទួលអំណោយមួយចំនួនពីសប្បុរសជន
07/27/2025 10:07 PM
Facebook Telegram Linkin
ច្ចសន្ទនាតាមទូរស័ព្ទរបស់ ឯកឧត្តម Marco Rubio រដ្ឋមន្ត្រីក្រសួងការបរទេសអាមេរិក និងឯកឧត្តម ប្រាក់ សុខុន ឧបនាយករដ្ឋមន្ត្រី និង​រដ្ឋមន្ត្រី​ក្រសួងការបរទេស​កម្ពុជា
07/27/2025 10:07 PM
Facebook Telegram Linkin
គណៈប្រតិភូសភាកម្ពុជា ដឹកនាំដោយសម្តេចរដ្ឋសភាធិបតី ឃួន សុដារី អញ្ជើញដល់ទីក្រុងហ្សឺណែវ ប្រទេសស្វីស ដោសុវត្ថិភាព ក្នុងការចូលរួមកិច្ចប្រជុំកំពូលប្រធានសភាស្រ្តីលើកទី១៥ និងសន្និសីទប្រធានសភាពិភពលោក លើកទី៦
07/27/2025 09:07 PM
Facebook Telegram Linkin
ឯកឧត្តម ឌិត ទីណា ស្វាគមន៍ពលករដែលបន្តចាកចេញពីប្រទេសថៃមកកម្ពុជាវិញ
07/27/2025 07:07 PM
Facebook Telegram Linkin
ក្រុមការងារមន្ទីរបរិស្ថានខេត្តព្រះវិហារ កំពុងរៀបចំអនាម័យបរិស្ថាន នៅតាមមណ្ឌលសុវត្ថិភាពជនភៀសសឹកដែលរដ្ឋបាលខេត្ត បានរៀបចំទទួលទាំង ១១កន្លែង
07/27/2025 06:07 PM
Facebook Telegram Linkin
ពលរដ្ឋខ្មែររាប់ម៉ឺននាក់ ចេញធ្វើបាតុកម្មទាមទារបញ្ឈប់ការឈ្លានពានភាគីថៃ និងលើកទឹកចិត្តវីរកងទ័ពជួរមុខកម្ពុជា
07/27/2025 06:07 PM
Facebook Telegram Linkin
ឯកឧត្តម ឌិត ទីណា ចូលរួមរំលែកទុក្ខវីរៈកងទ័ពដែលបានពលីជីវិតក្នុងបុព្វហេតុការពារដែនដី
07/27/2025 06:07 PM
Facebook Telegram Linkin
[BREAKING NEWS] រដ្ឋមន្ត្រីការបរទេសម៉ាឡេស៊ី៖ សម្ដេចធិបតី ហ៊ុន ម៉ាណែត និង​នាយករដ្ឋមន្ត្រី​ស្តីទីថៃ ជួបគ្នានៅប្រទេសម៉ាឡេស៊ីស្អែកនេះ
07/27/2025 06:07 PM
Facebook Telegram Linkin
សម្តេចកិត្តិសង្គហបណ្ឌិត ម៉ែន សំអន អញ្ជើញគោរពវិញ្ញាណក្ខន្ធសពឧត្តមសេនីយ៍ឯក ដួង សំនៀង ដែលបានពលីជីវិតនៅលើសមរភូមិប្រយុទ្ធជាមួយទ័ពសៀមឈ្លានពាន ដែនអធិបតេយ្យភាពកម្ពុជា
07/27/2025 05:07 PM
Facebook Telegram Linkin
រដ្ឋមន្រ្តីការងារចុះទទួលស្វាគមន៍ពលករខ្មែរ ដែលសម្រុកត្រឡប់មកពីប្រទេសថៃ នៅព្រំដែន
07/27/2025 05:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.