នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេច​តេជោចាត់ទុកពាក្យស្លោក «បរាជ័យក្នុងសាលាប្រសើរជាងបរាជ័យក្នុងជីវិត» របស់សម្ដេច​ធិបតី​មានតម្លៃ​មិនសាបសូន្យ
សម្ដេចធិបតីអញ្ជើញចុះត្រួតពិនិត្យ និងសួរសុខទុក្ខពលរដ្ឋរងគ្រោះដោយទឹកជំនន់នៅបន្ទាយមានជ័យ
សម្តេចតេជោ ហ៊ុន សែន អនុញ្ញាតឱ្យ លោកជំទាវ រ៉េឡែន ស្យ៉ាល់ តាហ្គាឡ័រ លៀវហ្វាឡានី (Raylene Siale Tagaloa LIUFALANI) ឯកអគ្គរដ្ឋទូតតែងតាំងថ្មី នៃប្រទេសនូវែលសេឡង់ ប្រចាំនៅកម្ពុជាចូលជួប និងប្រគល់សារតាំង
សម្តេចតេជោ ហ៊ុន សែន អនុញ្ញាតឱ្យ ឯកឧត្តម ទ្រីសម៉ាន់ អ៉ីហ្គោរ៍ (Driesmans Igor) ឯកអគ្គរាជទូតសហភាពអឺរ៉ុបប្រចាំកម្ពុជា និងជាប្រេសិតពិសេស EU ប្រចាំនៅមីយ៉ាន់ម៉ា ចូលជួបសម្ដែងការគួរសម

នយោបាយ​ និង ការអភិវឌ្ឍន៍

ប្រសាសន៍សំខាន់ៗរបស់សម្តេចតេជោ ហ៊ុន សែន ក្នុងឱកាសអញ្ជើញសម្ពោធអគារសិក្សាថ្មី នៃពុទ្ធិកសាកលវិទ្យាល័យ ព្រះសីហមុនីរាជា

2023/05/30 03:07:46 pm        338
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី បានអញ្ជើញសម្ពោធអគារសិក្សាថ្មី នៃពុទ្ធិកសាកលវិទ្យាល័យព្រះសីហមុនីរាជា ស្ថិតក្នុងបរិវេណ វត្តស្វាយពពែ សង្កាត់ទន្លេបាសាក់ ខណ្ឌចំការមន រាជធានីភ្នំពេញ នៅព្រឹកថ្ងៃទី៣០ ខែឧសភា ឆ្នាំ២០២៣នេះ។ប្រសាសន៍សំខាន់ៗរបស់សម្តេចតេជោ ហ៊ុន សែន ដែលមានខ្លឹមសារដូចខាងក្រោម៖សម្តេចតេជោ ហ៊ុន សែន ណែនាំដល់អ្នកចម្រៀងអ្នកនិពន្ធបទចម្រៀងក្នុងឱកាសពិធីសម្ពោធ អគារពុទ្ធិកសាកលវិទ្យាល័យព្រះសីហមុនីរាជា និពន្ធឡើងវិញ ខណៈអ្នកនិពន្ធបាននិពន្ធមិនបានត្រឹមត្រូវ(ខុសទីតាំង នៃពិធីសម្ពោធ)។សម្តេចតេជោ បានបញ្ជាក់ថា អ្នកនិពន្ធចម្រៀងក្នុងពិធីផ្សេងៗមានច្រើនលើសលប់ ដែលបទចម្រៀងខ្លះសម្តេចមិនបានស្តាប់ ឬមិនមានពេលស្តាប់ឡើយ ដោយសារច្រើនពេក។សម្តេចតេជោ ហ៊ុន សែន បានប្រកាសថ្លែងអំណរគុណ និងកោតសរសើរដល់កិច្ចខិតខំប្រឹងប្រែងក្នុងការបង្កើតឱ្យមានការអគារសិក្សាថ្មី ក្នុងគោលដំណងចូលរួមចំណែកអប់រំ បណ្តុះបណ្តាលធនធានមនុស្សនៅកម្ពុជា។សម្តេចតេជោ ហ៊ុន សែន បញ្ជាក់ថា សមិទ្ធផលអគារពុទ្ធិកសាកលវិទ្យាល័យព្រះសីហមុនីរាជាថ្មីនេះ ក្រៅពីបណ្ដុះបណ្ដាលដល់ព្រះសង្ឃ ក៏បានបណ្ដុះបណ្ដាលដល់និស្សិតទូទៅផងដែរ ចាប់ពីថ្នាក់បរិញ្ញាបត្រ រហូតដល់ថ្នាក់បណ្ឌិត។សម្តេចតេជោ អំពាវនាវឱ្យមានការពង្រឹងគុណភាពនៃការបណ្ដុះបណ្ដាល នៃពុទ្ធិកសាកលវិទ្យាល័យព្រះសីហមុនីរាជា ចាប់ពីថ្នាក់មូលដ្ឋាន រហូតដល់ថ្នាក់ក្រោយឧត្ដមសិក្សា ដោយស្វែងរកសាស្ដ្រាចារ្យល្អៗមកបង្រៀនដល់សិស្ស។សម្តេចតេជោ ហ៊ុន សែន បានជំរុញបន្ថែមទៀតដល់ក្រសួងអប់រំ យុវជន និងកីឡា ឱ្យបន្តកិច្ចខិតខំប្រឹងប្រែងដើម្បីជំរុញ និងពង្រឹងវិស័យអប់រំសិក្សាធិការនៅកម្ពុជា ឱ្យមានកម្រិតគុណភាពកាន់តែខ្ពស់។សម្តេចតេចជោ បានបញ្ជាក់ថា កម្ពុជាមានការរីកចម្រើន លូតលាស់ក្នុងសម័យសង្គមរាស្ត្រនិយម ដោយប្រាក់ចំណូលរបស់ប្រជាពលរដ្ឋកម្ពុជាម្នាក់ៗខ្ពស់ជាងបណ្តាប្រទេសនានា រួមទាំងកូរ៉េខាងត្បូងផងដែរ តែដោយសារដើរនយោបាយខុស គឺរដ្ឋបហារទម្លាក់សម្តេចឪ កម្ពុជាបានធ្លាក់ចូលភ្នក់ភ្លើងសង្គ្រាមជាបន្តបន្ទាប់។សម្តេចតេជោ ហ៊ុន សែន បន្តរម្លឹកដល់គុណបំណាច់នៃការដឹកនាំមកសន្ដិភាពរបស់ព្រះបរមរតនកោដ្ឋ នរោត្តម សីហនុ កាលពីសម័យសង្គមរាស្រ្ដនិយម ធ្វើឱ្យប្រទេសកម្ពុជា មានសុខសន្ដិភាព និងមានការរីកចម្រើន ប៉ុន្តែដោយសារតែសង្គ្រាមបានបំផ្លាញសន្ដិភាពដែលខិតខំរកបាននាពេលនោះ។សម្តេចតេជោ ហ៊ុន សែន បញ្ជាក់ថា ថ្ងៃក្រោយទោះបីជាសម្ដេចមិនធ្វើជានាយករដ្ឋមន្រ្ដី ក៏សម្ដេចនៅគ្រប់គ្រងនយោបាយកម្ពុជាដែរ ដូច្នេះតម្រូវការចាំបាច់ នៃការកសាងហេដ្ឋារចនាសម្ព័ន្ធបម្រើឱ្យវិស័យពុទ្ធចក្រ និងអាណាចក្រនៅតែបន្ត។សម្តេចតេជោ ហ៊ុន សែន បានប្រកាសដោយពេញចិត្តចំពោះការចាប់លេខរៀងគណបក្ស ដែលជាលទ្ធផលនៃការចាប់សន្លឹកឆ្នោតកំណត់លេខរៀង គណបក្សប្រជាជនកម្ពុជា នៅលំដាប់លេខរៀងទី១៨ ដែលលេខល្អ និងងាយកត់ចំណាំ (ជួរទី២ ខាងក្រោយគេបង្អស់)។សម្តេចតេជោ ហ៊ុន សែន ប្រកាសឧបត្ថម្ភ អគារអន្តេវាសិកដ្ឋានមួយបន្ថែមទៀតដល់ពុទ្ធិកសាកលវិទ្យាល័យព្រះសីហមុនីរាជា ដើម្បីផ្ដល់ការស្នាក់នៅដល់និស្សិតក្រីក្រ អាចបន្តការសិក្សានៅថ្នាក់ឧត្តមសិក្សាបាននៅទីនេះ។ សម្ដេចតេជោបានប្រកាសបើកការដ្ឋាននៅថ្ងៃនេះតែម្ដង ដោយបញ្ជាឱ្យពិនិត្យរៀបចំសាងសង់តែម្ដង៕

លទ្ធផលចាប់លេងរៀងលើសន្លឹកឆ្នោតគណបក្សនយោបាយ គណបក្សប្រជាជនកម្ពុជា នៅលំដាប់លេងរៀង១៨

2023/05/29 06:54:04 pm        505
Facebook Telegram Linkin
ភ្នំពេញ៖ លទ្ធផលនៃការចាប់ឆ្នោតកំណត់លេខរៀងគណបក្សនយោបាយ នៅលើសន្លឹកឆ្នោត​សម្រាប់​ការបោះឆ្នោតជ្រើសតាំងតំណាងរាស្រ្ដ នីតិកាលទី៧ ឆ្នាំ២០២៣ នាព្រឹកថ្ងៃទី២៩ ខែឧសភា ឆ្នាំ២០២៣នេះ ក្នុងនោះគណបក្សប្រជាជនកម្ពុជា ឈរនៅលំដាប់លេខរៀង ១៨ សម្រាប់​ប្រកួតប្រជែង ក្នុងការបោះឆ្នោតជ្រើសតាំងតំណាងរាស្ត្រ អាណត្តិទី៧ ក្នុងខែ​កក្កដា ឆ្នាំ២០២៣ ខាងមុខនេះ។ការចាប់ឆ្នោតកំណត់លំដាប់លេខរៀង ឈ្មោះគណបក្សនយោបាយឈរឈ្មោះបោះឆ្នោតលើ​សន្លឹក​ឆ្នោត​សម្រាប់ការបោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣ ត្រូវបានរៀបចំដោយ គណៈកម្មាធិការជាតិរៀបចំការបោះឆ្នោត (គ.ជ.ប) ក្រោមព្រះវត្តមានសម្តេចសង្ឃរាជទាំងពីរគណៈ ព្រមទាំងមានការចូលរួមពីសំណាក់តំណាងគណបក្សនយោបាយទាំង១៨ ដែលបានចុះបញ្ជីនៅ គ.ជ.ប រួចរាល់។សូមជម្រាបថា គ.ជ.ប បានកំណត់យកថ្ងៃអាទិត្យទី២៣ ខែកក្កដា ឆ្នាំ២០២៣នេះ ជាថ្ងៃបោះ​ឆ្នោតជ្រើស​តាំង​តំណាងរាស្ត្រ អាណត្តិទី៧។គណបក្សប្រជាជនកម្ពុជាប្រកាន់ខ្ជាប់នូវគោលបំណង​ និងឧត្តមគតិរបស់ខ្លួន គឺឈរនៅខាង​ប្រជាជន រួមសុខរួមទុក្ខជាមួយប្រជាជននៅគ្រប់កាលៈទេសៈ ​ពុះពារជម្នះគ្រប់ឧបសគ្គ ហ៊ានធ្វើ​ពលិកម្មឥត​រុញរា​ ដើម្បី​ប្រទេសកម្ពុជា ​ឯករាជ្យ សន្តិភាព សេរីភាព ប្រជាធិបតេយ្យ អព្យាក្រឹត និង​វឌ្ឍនភាពសង្គម។ដូច្នេះសូមប្រជាពលរដ្ឋ ដែលបានឃើញច្បាស់ហើយនូវសមិទ្ធផលលើគ្រប់វិស័យដែល​គណបក្ស​បានសម្រេចជូនជាតិ បន្តគាំទ្រនូវគោលនយោបាយរបស់គណបក្សប្រជាជនកម្ពុជា និងទៅ​បោះឆ្នោតជូនគណបក្សប្រជាជនកម្ពុជា​ នៅថ្ងៃទី២៣ ខែកក្កដា ឆ្នាំ២០២៣ខាងមុខកុំបីខាន៕អត្ថបទ៖ វ៉ន ដារ៉ា

ឯកឧត្តមបណ្ឌិត ម៉ឹង មករា៖ គណបក្សប្រជាជន ធ្វើពលិកម្មគ្រប់បែបយ៉ាង ដើម្បីរក្សា ស្ថិរភាព សន្តិភាព និងការអភិវឌ្ឍជូនប្រទេសជាតិ និងប្រជាជន

2023/05/29 06:42:41 pm        372
Facebook Telegram Linkin
កំពង់ចាម៖ ឯកឧត្តមបណ្ឌិត ម៉ឹង មករា បានក្រើនរំលឹកដល់សកម្មជនបក្ស​ទាំងអស់ត្រូវប្រឹងប្រែង​ពន្យល់នូវប្រវត្តិនៃការតស៊ូ ដឹកនាំ និងស្នាដៃសមិទ្ធផលជាច្រើនឥតគណនា ដែលគណបក្សប្រជាជនកម្ពុជា ដែលមានសម្ដេចតេជោ ហ៊ុន សែន ប្រធានគណបក្សប្រជាជនកម្ពុជា និងជានាយករដ្ឋមន្ត្រី នៃព្រះរាជាណាចក្រកម្ពុជា បាន​ធ្វើពលិកម្មគ្រប់បែបយ៉ាងដើម្បីរក្សាសុខសន្តិភាព និងការអភិវឌ្ឍជូនប្រទេសជាតិនិងប្រជាពលរដ្ឋ។ឯកឧត្តមបណ្ឌិត ម៉ឹង មករា ប្រធានក្រុមការងារជនបង្គោលចុះជួយ ស្រុកជើងព្រៃ ខេត្តកំពង់ចាម តំណាងដ៏ខ្ពង់ខ្ពស់ ឯកឧត្តមបណ្ឌិត ហ៊ុន ម៉ាណែត សមាជិកអចិន្ត្រៃយ៍គណបក្ស និងជាប្រធានយុវជនគណបក្សប្រជាជនកម្ពុជា ថ្លែងបែបនេះ ក្នុងឱកាសអញ្ជើញជាអធិបតី ក្នុងពិធីសំណេះសំណាលជាមួយ ថ្នាក់ដឹកនាំ សកម្មជន នឹងយុវជនគណបក្សប្រជាជនកម្ពុជា ស្រុកជើងព្រៃ ចំនួនជាង ៣០០០នាក់។ពិធីសំណេះសំណាលធ្វើឡើងនា ថ្ងៃអាទិត្យ ទី២៨ខែឧសភា ឆ្នាំ២០២៣ ក្នុងគោលបំណង ពង្រឹង​ការផ្សព្វផ្សាយគោលនយោបាយ និងសកម្មភាពការងារនានា របស់គណបក្សប្រជាជនកម្ពុជា ដល់សកម្មជនគណបក្ស ដើម្បីអនុវត្តយុទ្ធនាការឃោសនាបោះឆ្នោតនាពេលខាងមុខនេះឱ្យ​មានប្រសិទ្ធភាព និងទទួលបានជោគជ័យ។ដោយធ្វើយ៉ាងណាកំណត់នូវប្រៀបឈ្នះពីចម្ងាយជូនគណបក្សឲ្យបានជាដាច់ខាត។ សាមគ្គីភាព ឯកភាពផ្ទៃក្នុង និងអំពើល្អរបស់មន្ត្រីបក្ស គឺជាកត្តាចំបងក្នុងការកៀរគប្រជាពលរដ្ឋ ឲ្យងាកមក​ចូលរួមរស់ជីវភាព ជាមួយគណបក្សប្រជាជនកម្ពុជា ដើម្បីរួមចំណែករក្សាសុខសន្តិភាព និង​ការអភិវឌ្ឍ​ប្រទេសជាតិជានិរន្តរ៍។ឯកឧត្តមបណ្ឌិត ម៉ឹង មករា បានពាំនាំការសួរសុខទុក្ខ និងការនឹករលឹកពី ឯកឧត្តមបណ្ឌិត ហ៊ុន ម៉ាណែត ជូនចំពោះថ្នាក់ដឹកនាំ សកម្មជន និងយុវជនគណបក្សប្រជាជនកម្ពុជា នៅស្រុកជើងព្រៃ ដែលមានវត្តមានក្នុងកម្មវិធីនេះ។ ឯកឧត្តមបណ្ឌិត ក៏បានសង្កត់ធ្ងន់ ថាគណបក្សប្រជាជនកម្ពុជា គឺជាគណបក្សតែមួយគត់ ដែលមានភាពចាស់ទុំជាងគេក្នុងការដឹកនាំប្រទេសជាតិឲ្យមានសុខសន្តិភាព ​និងការអភិវឌ្ឍ ជា​គណបក្សធំជាងគេ មានសមាជិកច្រើនជាងគេ មានគោលនយោបាយច្បាស់លាស់ និងមាន​សក្តានុពលភាពជាងគេ ក្នុងការគ្រប់គ្រង និងបន្តដឹកនាំ កសាងប្រទេសជាតិ ឱ្យមានសុខសន្តិភាព និងការអភិវឌ្ឍជានិរន្តរ៍។ ជោគវាសនាដ៏ល្អនៃប្រទេសកម្ពុជា ដែលទទួលបានជាងបួនទសវត្សរ៍កន្លងមកនេះ ក៏ដោយសារ ឧត្តមភាព​របស់គណបក្សប្រជាជន ដែលមានវីរៈជនដ៍ឆ្នើមជាច្រើនរូប ដែលបានធ្វើពលិកម្មគ្រប់​សព្វបែបយ៉ាង ដើម្បីបុព្វហេតុជាតិមាតុភូមិ ជាពិសេសសម្ដេចអគ្គមហាសេនាបតីតេជោ ហ៊ុន សែន ជាស្នូលដឹកនាំ ​ជាសសរទ្រូងដ៏រឹងមាំរបស់គណបក្សប្រជាជនកម្ពុជា និងជា ​អគ្គមគ្គុទ្ទេសក៍​ដ៏ឆ្នើម​នៃប្រជាជនកម្ពុជា ដែលបានដឹកនាំប្រទេសប្រកបដោយគតិបណ្ឌិត ភាពឈ្លាសវៃ និងភាអង់អាច សម្រេចបានជោគជ័យដ៏ត្រចះត្រចង់បំផុតជូនជាតិមាតុភូមិ និងប្រជាជន។ប្រជាពលរដ្ឋអាចធ្វើដំណើរដោយសុវត្ថិភាពនៅគ្រប់ទីកន្លែងទូទាំងប្រទេស មានឱកាសក្នុងការ​ប្រកប​អាជីវកម្ម និងធ្វើការងារដែលខ្លួនចូលចិត្តទៅបាន ក៏អាស្រ័យដោយប្រទេសជាតិមាន​សុខ​សន្តិភាព ឯកភាពជាតិ ឯកភាពទឹកដី និងមានការអភិវឌ្ឍន៍ពេញលេញ ក្រោមការដឹកនាំ​ដ៏ឈ្លាសវៃ និងប៉ិនប្រសព្វរបស់ សម្តេចតេជោ នាយករដ្ឋមន្ត្រី។ ឧត្តមភាពដែលមិនអាចកាត់ថ្លៃបានរបស់ សម្តេចតេជោ ក្នុងការតស៊ូលះបង់ ដើម្បីសង្គ្រោះជាតិនិងប្រជាជន ការកសាងប្រទេស​ពីបាតដៃ​ទទេរឲ្យមានការអភិវឌ្ឍន៍ដល់សព្វថ្ងៃ និងការនាំមកនូវសុខសន្តិភាពពេញលេញ តាម​រយៈ​នយោបាយ ឈ្នះ-ឈ្នះ បានធ្វើឲ្យប្រជាជនរស់នៅក្នុងភាពសម្បូរសប្បាយ ក្រោមម្លប់សន្តិភាព។ក្រោមការចង្អុលបង្ហាញដ៏ខ្ពង់ខ្ពស់ ពីសំណាក់ ឯកឧត្តមបណ្ឌិត ហ៊ុន ម៉ាណែត នាពេលកន្លង​មកក្រុមការងារជនបង្គោលចុះជួយស្រុកជើងព្រៃ ដឹកនាំដោយ ឯកឧត្តមបណ្ឌិត ម៉ឹង មករា បានសហការជាមួយអាជ្ញាធរមូលដ្ឋានចុះជួយប្រជាពលរដ្ឋតាមភូមិឃុំក្នុងស្រុកជើងព្រៃ តាម​រយៈសកម្មភាពមនុស្សធម៌ជាច្រើន រួមមានវិស័យសុខាភិបាល វិស័យអប់រំ ជាពិសេស វិស័យ​កសិកម្ម ដែលជាសសរស្ដមសេដ្ឋកិច្ចជាតិដ៏មានសារៈសំខាន់សម្រាប់គ្រួសារ​ប្រជាពលរដ្ឋ​នៅជនបទ។ លើសពីនេះក្រោមការចង្អល់បង្ហាញដ៏ខ្ពង់ខ្ពស់ ពីសំណាក់ ឯកឧត្តមបណ្ឌិត ហ៊ុន ម៉ាណែត ក្រុមការងារ​ជនបង្គោលក៏បានរួមចំណែកកសាងហេដ្ឋារចនាសម្ព័ន្ធជូនប្រជាពលរដ្ឋ ដូចជា៖ ការកសាងផ្លូវថ្នល់ សាលារៀន មន្ទីរពេទ្យ វត្តអារាម ទំនប់ទឹក ប្រឡាយទឹកស្រះទឹក ការដាំកូន​ឈើលម្អសងខាងផ្លូវ ព្រមទាំងហេដ្ឋារចនាសម្ព័ន្ធផ្សេងៗឯទៀត៕

ការប្រកួតប្រជែងរបស់កូរ៉េខាងត្បូងដើម្បីក្លាយជាអ្នកលក់អាវុធធំបំផុតមួយរបស់ពិភពលោក

2023/05/29 05:19:49 pm        374
Facebook Telegram Linkin
កូរ៉េខាងត្បូង៖ ប្រទេសកូរ៉េខាងត្បូងកំពុងប្រើប្រាស់កិច្ចព្រមព្រៀងអាវុធមានតម្លៃ ១៣,៧ពាន់លានដុល្លារជាមួយប្រទេសប៉ូឡូញ ជាកិច្ចព្រមព្រៀងធំបំផុតរបស់ទីក្រុងសេអ៊ូលដែលពុំធ្លាប់មាន ដើម្បីដាក់ចេញគោលការណ៍គ្រឹះសម្រាប់ឥទ្ធិពលផ្នែកឧស្សាហកម្មដែលក្រុមហ៊ុនវិស័យការពារជាតិរបស់ប្រទេសទាំងពីរ សង្ឃឹមថានឹងផ្គត់ផ្គង់ទីផ្សារផ្នែកយោធាដែលកំពុងត្រូវការបន្ទាន់របស់អឺរ៉ុបរហូតដល់ពេលអនាគត។ យោងតាមក្រសួងការពារជាតិរបស់ប្រទេសនេះបានឲ្យដឹងថា ការបង្កើនខ្លាំងរបស់ប្រទេសកូរ៉េខាងត្បូងក្នុងការលក់អាវុធជាសកល បានហក់ឡើងដល់ជាង១៧ពាន់លានដុល្លារក្នុងឆ្នាំ២០២២ បើប្រៀបធៀបឆ្នាំមុនមានត្រឹមតែ៧,២៥ពាន់លានដុល្លារដែលបានកើតឡើង ខណៈបណ្តាប្រទេសលោកខាងលិចប្រជែងគ្នាដើម្បីផ្តល់អាវុធដល់អ៊ុយក្រែន និងភាពតានតឹងជាច្រើនកើនឡើងនៅក្នុងបញ្ហាដ៏ក្តៅគគុកនានា ដូចជាប្រទេសកូរ៉េខាងជើង ច្រកសមុទ្រកោះតៃវ៉ាន់ និងបញ្ហាសមុទ្រចិនខាងត្បូង។ មន្ត្រីប្រទេសកូរ៉េខាងត្បូង និងប្រទេសប៉ូឡូញ និយាយថាភាពជាដៃគូរបស់ប្រទេសទាំងពីរនឹងជួយឲ្យពួកគេនូវជ័យជម្នះលើទីផ្សារអាវុធនៅអារ៉ុប ទោះបីក្រោយសង្គ្រាមនៅអ៊ុយក្រែនក៏ដោយ ដោយទីក្រុងសេអ៊ូលផ្តល់អាវុធដែលមានគុណភាពខ្ពស់ បានឆាប់រហ័សជាងប្រទេសផ្សេងៗទៀត ហើយប្រទេសប៉ូឡូញកំពុងផ្តល់សមត្ថភាពផលិតនិងបណ្តាញលក់ចូលទៅកាន់អឺរ៉ុប។ លោក Kim Hyoung Cheol នាយករងនៅរដ្ឋបាលកម្មវិធីទទួលបន្ទុកការពារជាតិកូរ៉េខាងត្បូង បាននិយាយថា យើងបានសម្រេចផ្តល់បច្ចេកវិទ្យាដល់ប្រទេសប៉ូឡូញដោយប្រើប្រាស់សមត្ថភាពឧស្សាហកម្មការពារជាតិប៉ូឡូញ។ យើងអាចនាំចេញរួមគ្នានិងផលិតប្រព័ន្ធអាវុធ ហើយបន្ទាប់មកនាំចេញប្រព័ន្ធអាវុធទាំងនោះទៅកាន់ប្រទេសជិតខាង។ លោក Kim និយាយបន្ថែមថា ប្រទេសកូរ៉េខាងត្បូងបានជំរុញអាវុធរបស់ខ្លួនទៅកាន់ប្រទេសប៉ូឡូញ មុនពេលសង្គ្រាម ប៉ុន្តែការវាយលុកលើអ៊ុយក្រែន ដែលរុស្ស៊ីចាត់ទុកថាជាប្រិបត្តិការពិសេសនោះ បានបង្កើនការចាប់អារម្មណ៍របស់ប្រទេសប៉ូឡូញុ៕

លោក Biden៖ កិច្ចព្រមព្រៀងការកំណត់អតិបរិមាបំណុលចុងក្រោយរបស់សហរដ្ឋអាមេរិកត្រៀមបញ្ជូនទៅសភា ដើម្បីបោះឆ្នោត

2023/05/29 04:39:01 pm        79
Facebook Telegram Linkin
អាមេរិក៖ ប្រធានាធិបតីអាមេរិក លោក ចូ បៃដិន (Joe Biden) កាលពីថ្ងៃអាទិត្យ បានបញ្ចប់កិច្ចព្រមព្រៀងថវិកាជាមួយប្រធានសភា លោក Kevin McCarthy ដើម្បីពន្យារពេលបង្កើនកម្រិតអតិបរិមាបំណុលលើចំនួន ៣១,៤សែនកោដិដុល្លារ រហូតដល់ថ្ងៃទី១ ខែមករា ឆ្នាំ២០២៥ ហើយបាននិយាយថា កិច្ចព្រមព្រៀងនេះ ត្រៀមរួចជាស្រេច ដើម្បីបញ្ជូនទៅកាន់សភា សម្រាប់ការបោះឆ្នោតអនុម័ត។បន្ទាប់ពីមានការជជែកតាមទូរស័ព្ទជាមួយលោក McCarthy ដើម្បីបញ្ចប់ការងារចុងក្រោយ រហូតឈានដល់កិច្ចព្រមព្រៀងបណ្ដោះអាសន្ន (មិនទាន់ផ្លូវការ) កាលពីយប់ថ្ងៃសៅរ៍ លោក បៃដិន (Biden) បានប្រាប់អ្នកយកព័ត៌មាន នៅឯសេតវិមានថា៖ «នេះគឺជាកិច្ចព្រមព្រៀងដែលជាដំណឹងល្អសម្រាប់ប្រជាជនអាមេរិក»។ លោក បៃដិន (Biden) បានថ្លែងថា៖ «កិច្ចព្រមព្រៀងនេះ ជួយឲ្យលែងមានការគំរាមកំហែងនៃការខកខានសងបំណុលដ៏មហន្តរាយ និងជួយការពារការងើបឡើងវិញនៃសេដ្ឋកិច្ចដែលបានមកដោយលំបាក និងជាប្រវត្តិសាស្ត្ររបស់យើង»។ប្រសិនបើទទួលបានការអនុម័តនោះ កិច្ចព្រមព្រៀងនេះ នឹងជួយការពាររដ្ឋាភិបាលសហរដ្ឋអាមេរិកពីការខកខានការសងបំណុលរបស់ខ្លួន ហើយកើតឡើងបន្ទាប់ពីការចរចារដ៏ក្តៅគគុកជាច្រើនសប្តាហ៍ រវាងលោក បៃដិន (Biden) និងសមាជិកសភាមកពីគណបក្សសាធារណរដ្ឋ។តែយ៉ាងណាក្ដី កិច្ចព្រមព្រៀងនេះ នៅតែត្រូវឆ្លងកាត់សភាដែលមានការខ្វែងគំនិតគ្នាយ៉ាងខ្លាំង នៅមុនថ្ងៃទី៥ ខែមិថុនា នៅពេលដែលរតនាគារសហរដ្ឋអាមេរិក និយាយថា នឹងអស់សាច់ប្រាក់ ដើម្បីបំពេញកាតព្វកិច្ចទាំងអស់របស់ខ្លួន។ លោក Biden បានរំពឹងថា លោក McCarthy នឹងធ្វើឲ្យមានការបោះឆ្នោតចាំបាច់ ដើម្បីឲ្យកិច្ចព្រមព្រៀងនេះទទួលបានការអនុម័ត ដោយលោកប្រធានាធិបតីបន្ថែមថា៖ «ខ្ញុំជំរុញយ៉ាងខ្លាំងឲ្យសភាទាំងពីរអនុម័តកិច្ចព្រមព្រៀងនោះ»។កិច្ចព្រមព្រៀងនឹងពន្យារការកម្រិតដែនកំណត់បំណុល រហូតដល់ថ្ងៃទី១ ខែមករា ឆ្នាំ២០២៥ កំណត់ការចំណាយថវិកា សម្រាប់ឆ្នាំ២០២៤ និងឆ្នាំ២០២៥ ប្រមូលយកមូលនិធិ COVID ដែលមិនបានប្រើមកវិញ ពន្លឿនដំណើរការដែលអនុញ្ញាតសម្រាប់គម្រោងថាមពលមួយចំនួន និងរួមបញ្ចូលតម្រូវការការងារចាំបាច់បន្ថែមដល់កម្មវិធីជំនួយស្បៀងអាហារ សម្រាប់ប្រជាជនក្រីក្រអាមេរិក៕

រុស្ស៊ី បើកការវាយប្រហារតាមអាកាសលើទីក្រុងគីវ ខណៈរដ្ឋធានីអ៊ុយក្រែនប្រារព្ធខួប

2023/05/29 04:33:48 pm        368
Facebook Telegram Linkin
រុស្ស៊ី៖ មន្ត្រីរដ្ឋបាលយោធារដ្ឋធានី បាននិយាយកាលពីថ្ងៃអាទិត្យនៅលើបណ្តាញសារតេឡេក្រាមរបស់ខ្លួនថា យានដ្រូនជាង៤០គ្រឿង ដែលបានចាប់ផ្តើមវាយប្រហារកាលពីពេលយប់ដោយរុស្ស៊ី ត្រូវបានបាញ់ទម្លាក់ នៅក្នុងដែនអាកាសរបស់ទីក្រុងគីវ។មន្ត្រីនិយាយថា រុស្ស៊ី បានធ្វើសកម្មភាពវាយប្រហារតាមដែនអាកាសកាលពីពេលយប់ជាបន្តបន្ទាប់ទ្រង់ទ្រាយធំចំនួន២លើកលើទីក្រុងគីវ បណ្តាលឲ្យមនុស្សយ៉ាងហោចណាស់ម្នាក់ស្លាប់។ ការវាយប្រហារនៅពេលព្រឹកព្រលឹម បានធ្វើឡើងនៅថ្ងៃអាទិត្យចុងក្រោយនៃខែឧសភា នៅពេលដែលរដ្ឋធានីនេះបា្ររព្ធទិវាទីក្រុងគីវ ជាទិវានៃការបង្កើតរដ្ឋធានីជាផ្លូវការរយៈពេល១.៥៤១កន្លងទៅ។ ទិវានេះជាធម្មតាត្រូវបានប្រារព្ធឡើងដោយមានការតាំងពិព័រណ៌នៅតាមដងផ្លូវ ផ្សាយផ្ទាល់ការប្រគុំតន្ត្រី និងមានពិព័រណ៌សារមន្ទីរពិសេសស ដែលផែនការទាំងអស់នេះ ក៏ធ្វើឡើងផងដែរនៅឆ្នាំនេះ ប៉ុន្តែមានទ្រង់ទ្រាយតូចជាងមុន។មន្ត្រីនិយាយថា សង្កាត់ជាច្រើនរបស់ទីក្រុងគីវ ជាទីក្រុងធំបំផុតរបស់អ៊ុយក្រែន មានប្រជាជនប្រមាណ៣លាននាក់ បានទទួលរងការវាយប្រហារកាលពីយប់មិញ។ សាក្សីរបស់សារព័ត៌មានរ៉យទ័រ និយាយថា អំឡុងនៃការវាយឆ្មក់តាមអាកាសដែលបានចាប់ផ្តើមភ្លាមៗបន្ទាប់ពីពេលពាក់កណ្តាលអធ្រាត្រ មនុស្សជាច្រើន បានឈរនៅលើវ៉េរ៉ង់ដារបស់ពួកគេដោយមួយចំនួនស្រែកឲ្យវាយលុកដោយផ្ទាល់ទៅលើប្រធានាធិបតីរុស្ស៊ីលោក Vladimir Putin និងស្រែលពាក្យថា អស្ចារ្យប្រព័ន្ធការពារដែនអាកាស។

ទីផ្សារអាស៊ីហក់ឡើង ខណៈផ្សារភាគហ៊ុនអាមេរិកកើនឡើងដោយសារកិច្ចព្រមព្រៀងបង្កើនកម្រិតបំណុលអាមេរិក

2023/05/29 04:30:06 pm        363
Facebook Telegram Linkin
អាមេរិក៖ ទីផ្សារភាគហ៊ុនអាស៊ីបានបើកជួញដូរក្នុងកំណើនស្ទើតែខ្ពស់បំផុត នៅថ្ងៃច័ន្ទនេះ ដែលបានធ្វើឲ្យប្រសើរឡើងពីការប្រឈមហានិភ័យ បន្ទាប់ពីមានកិច្ចព្រមព្រៀងរវាងប្រធានាធិបតីសហរដ្ឋអាមេរិក លោកJoe Biden និងប្រធានសភា លោកKevin McCarthy ដើម្បីបង្កើនកម្រិតបំណុល។ផ្សារភាគហ៊ុនសហរដ្ឋអាមេរិក ក៏បានហក់ឡើងផងដែរនៅក្នុងការបើកជួញដូរនៅព្រឹកថ្ងៃចន្ទនេះ នៅក្នុងតំបន់អាស៊ី បន្ទាប់ពីកិច្ចព្រមព្រៀង ក្នុងការបង្កើនកម្រិតបំណុលសហព័ន្ធដោយមានកិច្ចសន្យានេះរុញឲ្យភាគហ៊ុន S&P 500 និង Nasdaq 100 កើនឡើងប្រហែល០,៥%។  លោកប្រធានាធិបតី Bidenនិងប្រធានសភា លោក Speaker McCarthy បានឈានដល់កិច្ចព្រមព្រៀងចុងក្រោយមួយក្នុងការបញ្ចៀសការខកខានពេលវេលាសងបំណុលនិងដើម្បីពន្យារពេលការកំណត់កម្រិតប្រាក់កម្ចីបំណុលរហូតដល់ ខែមករា ឆ្នាំ២០២៥ ។ ពេលនេះ ក្រុមវិនិយោគិន បានប្ដូរចំណាប់អារម្មណ៍ទៅលើកិច្ចប្រជុំគោលនយោបាយរូបិយវត្ថុបន្ទាប់របស់ធនាគារសហព័ន្ធនៅក្នុងខែមិថុនា និងទិន្នន័យសេដ្ឋកិច្ចសំខាន់ៗផ្សេងទៀត រួមទាំងរបាយការណ៍ស្តីពីការងារសម្រាប់ខែឧសភានេះ៕

ប្រធានាធិបតីទួរគី Erdogan បានយកឈ្នះក្នុងការធ្វើតេស្តការបោះឆ្នោតនៃការគ្រប់គ្រងរយៈពេល ២០ ឆ្នាំរបស់លោក

2023/05/29 04:23:15 pm        410
Facebook Telegram Linkin
ទួរគី៖ លោកប្រធានាធិបតី Tayyip Erdogan បានពង្រីកអំណាចរយៈពេលពីរទសវត្សរ៍របស់លោកនៅក្នុងការបោះឆ្នោតកាលពីថ្ងៃអាទិត្យដោយឈ្នះមួយអាណត្តិទៀត ដើម្បីបន្តគោលនយោបាយផ្តាច់ការកាន់តែខ្លាំងឡើង ដែលបានធ្វើឲ្យប្រទេសទួរគីមានការបែកបាក់ និងពង្រឹងជំហររបស់ខ្លួនជាមហាអំណាចយោធាក្នុងតំបន់។ក្រុមអ្នកគាំទ្ររបស់លោក Recep Tayyip Erdogan បានអបអរសាទរជ័យជម្នះដ៏មហោឡារិកកាលពីយប់ថ្ងៃអាទិត្យ បន្ទាប់ពីប្រធានាធិបតីកាន់តំណែងដ៏យូររបស់ទួរគីរូបនេះ បានឈ្នះការបោះឆ្នោតមួយអាណត្តិ៥ឆ្នាំបន្ថែមទៀត។ លោកបានប្រាប់ក្រុមអ្នកគាំទ្រដែលកំពុងស្រែកហ៊ោនៅខាងក្រៅវិមានស្កឹមស្កៃរបស់លោក នៅជាយទីក្រុង អង់ការ៉ា (Ankara)ថា ប្រទេសទាំងមូល ដែលមានប្រជាជនសរុប៨៥លាននាក់ បានឈ្នះហើយ។ប៉ុន្តែការអំពាវនាវឲ្យរួបរួបគ្នា ទំនងជាពុំទទួលបានផ្លែផ្កាទេ ខណៈលោកបានចំអកឲ្យគូប្រជែងរបស់លោក គឺលោក ឃេម៉ាល គីលីកដារ៉ូគ្លូ (Kemal Kilicdaroglu ) និងបានសំដៅដល់មេដឹកនាំក្រុមជនជាតិភាគតិចឃើដ ដែលបានជាប់ពន្ធនាគារ និងគោលនយោបាយនានាដែលគាំទ្រអ្នកស្រឡាញ់ភេទដូចគ្នា។ មេដឹកនាំបក្សប្រឆាំងពុំបានទទួលស្គាល់ជ័យជម្នះនេះទេ។  ដោយលើកឡើងថា ភាគច្រើននៃការបោះឆ្នោតគឺអយុត្តិធម៌ក្នុងរយៈពេលប៉ុន្មានឆ្នាំថ្មីៗនេះ លោកគីលីកដារ៉ូគ្លូ បាននិយាយថា គណបក្សនយោបាយរបស់ប្រធានាធិបតី បានរិះរកគ្រប់មធ្យោបាយដើម្បីប្រឆាំងនឹងរូបលោក។ លោកបានបរាជ័យក្នុងការនាំមុខការបោះឆ្នោតជុំដំបូងរបស់គូប្រជែងលោក ដោយចាញ់ជាង២លានសំឡេង។  លោកប្រធានាធិបតី បានអបអរជ័យជម្នះរបស់លោក អមដោយសុន្ទរកថាដំបូងទៅកាន់ក្រុមអ្នកគាំទ្រនៅលើដំបូលរថយន្តក្រុងនៅក្នុងទីក្រុងធំបំផុត អ៊ីស្តង់ប៊ុល (Istanbul) របស់ទួរគី ក្រោយមេឃចាប់ផ្ដើមងងឹត ដោយការថ្លែងសុន្ទរកថាចេញពីរានហាលវិមានរបស់លោក ទៅកាន់ក្រុមអ្នកគាំទ្រដែលមានមនុស្សចូលរួមប្រហែល៣២ម៉ឺននាក់៕

សម្តេចទៀ បាញ់ ចូលរួមទិវាអន្តរជាតិកងកម្លាំងរក្សាសន្តិភាព UN និងដាក់កម្រងផ្ការំលឹកវិញ្ញាណក្ខន្ធជនដែលពលី

2023/05/29 03:23:47 pm        499
Facebook Telegram Linkin
ភ្នំពេញ៖ សម្តេចពិជ័យសេនា ទៀ បាញ់ ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិកម្ពុជា នៅព្រឹកថ្ងៃទី២៩ ខែឧសភា ឆ្នាំ២០២៣នេះ បានអញ្ជើញចូលរួមក្នុងពិធី«ទិវាអន្តរជាតិកងកម្លាំងរក្សាសន្តិភាពអង្គការ សហប្រជាជាតិ International Day of UN Peacekeepers» ព្រមទាំងដាក់កម្រងផ្ការំលឹកវិញ្ញាណក្ខន្ធ កម្លាំងរក្សាសន្តិភាព ដែលបានពលីជីវិតក្នុងតំបន់បេសកកម្មក្រោមឆ័ត្រ អង្គការសហប្រជាជាតិ។ កម្មវិធីនេះ បានធ្វើឡើងនៅសាលាហ្វឹកហ្វឺនកងកម្លាំងរក្សាសន្តិភាពពហុជាតិ ខេត្តកំពង់ស្ពឺ(អាស៊ីអូ)។សូមបញ្ជាក់ថា តាំងពីឆ្នាំ២០០៦មករហូតមកដល់ឆ្នាំ២០២៣នេះ កម្លាំងកម្ពុជាសរុបចំនួន ៨,៨៥៩នាក់ ក្នុងនោះនារី ចំនួន៦៨១នាក់ បានចេញបំពេញបេសកកម្មក្នុងប្រទេសចំនួន៩ ហើយបន្ទាប់ពីមានការស្នើសុំរបស់អង្គការសហប្រជាជាតិ។ប្រទេសដែលបានចូលរួមបំពេញបេសកកម្មនោះរួមមាន៖ ប្រទេសសាធារណរដ្ឋស៊ូដង់, ស៊ូដង់ខាងត្បូង, ឆាដ, អាហ្វ្រិកកណ្តាល, លីបង់, ម៉ាលី, ស៊ីរី, សាយប្រឺស និងយេមែនជាដើម។ ក្នុងដំណើរបេសកកម្មរបស់កងកម្លាំងមួកខៀវកម្ពុជានោះ គឺលើជំនាញបោសសំអាតមីន វិស្វកម្ម សំណង់ផ្តេក-បញ្ឈរ អាវុធហត្ថ មន្ទីរពេទ្យកម្រិត២ វិស្វកម្ម ព្រលានយន្តហោះ កំទេចគ្រាប់ មិនទាន់ផ្ទុះ នាយទាហាន សេនាធិការ និងសង្កេតការណ៍យោធា។ បច្ចុប្បន្នកម្លាំងកម្ពុជាចំនួន ៧៨៨នាក់ ក្នុងនោះនារី ចំនួន១៣០នាក់ កំពុងបំពេញបេសកកម្ម នៅប្រទេសចំនួន៤ រួមមាន៖ សាធារណរដ្ឋស៊ូដង់ខាងត្បូង លីបង់ អាហ្វ្រិកកណ្តាល និងម៉ាលី។ ដោយឡែកគិតមកដល់ឆ្នាំ២០២៣នេះដែរ កងទ័ពមួកខៀវកម្ពុជាបានពលីជីវិតចំនួន១១នាក់ ផងដែរអំឡុងពេលបំពេញបេសកកម្មនៅតាមតំបន់គោលដៅផ្សេងៗ៕អត្ថបទបាន ចក់

ឯកឧត្តម វេង សាខុន៖ ក្រោមម្លប់សន្តិភាព ប្រជាពលរដ្ឋរីករាយជាមួយសមិទ្ធផលកើតឡើងជាបន្តបន្ទាប់នៅគ្រប់មូលដ្ឋាន

2023/05/27 08:34:05 pm        503
Facebook Telegram Linkin
ត្បូងឃ្មុំ៖ ឯកឧត្តម វេង សាខុន រដ្ឋមន្រ្តីប្រតិភូអមនាយករដ្ឋមន្រ្តី និងប្រធានក្រុមការងាររាជរដ្ឋាភិបាលចុះមូលដ្ឋានស្រុកតំបែរ ខេត្តត្បូងឃ្មុំ និងស្រុកកំពង់សៀម ខេត្តកំពង់ចាម​ មានប្រសាសន៍ថា ម្លប់ នៃសុខសន្តិភាព ក្រោមការដឹកនាំរបស់សម្តេចតេជោ ហ៊ុន សែន នាយករដ្ឋមន្ត្រី បានធ្វើអោយប្រទេសជាតិមានការរីកចម្រើន ជាមួយនឹងសមិទ្ធផលទាំងវិស័យអាណាចក្រ និងពុទ្ធចក្រកើតឡើងជាបន្តបន្ទាប់ នៅគ្រប់មូលដ្ឋាន។ថ្លែងក្នុងពិធីសម្ពោធឆ្លងសាលាបុណ្យភូមិជាចកើត ស្ថិតនៅភូមិជាចកើត ឃុំចុងជាច ស្រុកតំបែរ ខេត្តត្បូងឃ្មុំ ដោយមានការចូលរួម ឯកឧត្តមប្រធានក្រុមប្រឹក្សាខេត្ត សមាជិក សមាជិកាក្រុមការងារថ្នាក់កណ្តាល ថ្នាក់ខេត្ត ស្រុក ឃុំ និងប្រជាពលរដ្ឋសរុបជាង ៤០០នាក់​ នៅព្រឹកថ្ងៃទី២៧ ខែឧសភា ឆ្នាំ២០២៣​​ ឯកឧត្តម វេង សាខុន បានចូលរួមអបអរសាទរជាមួយប្រជាពលរដ្ឋ នៅឃុំចុងជាច ស្រុកតំបែរដែលទទួលបាននូវសមិទ្ធផលថ្មីៗជាបន្តបន្ទាប់ ជាក់ស្តែងព្រឹកនេះមានការសម្ពោធឆ្លងសាលាបុណ្យមួយបន្ថែមទៀត ដែលបង្ហាញពីភាពរីកចម្រើន និងការអភិវឌ្ឍឥតឈប់ឈរ ក្រោមម្លប់សន្តិភាព ដែលដឹកនាំដោយ សម្តេចតេជោនាយករដ្ឋមន្រ្តី និងជាអគ្គមគ្គុទេសដ៏ឆ្នើម។ឯកឧត្តមបានពាំនាំនូវបណ្តាំផ្ញើសាកសួរសុខទុក្ខរបស់សម្តេចតេជោ និងសម្តេចកិត្តិព្រឹទ្ធបណ្ឌិត ដែលសម្តេចទាំងពីរតែងតែគិតគូរពីជីវភាព និងស្ថានភាពរស់នៅរបស់ប្រជាពលរដ្ឋគ្រប់ៗរូប។ ឯកឧត្តម ក៏បានលើកឡើងពីប្រវត្តិនៃការតស៊ូរបស់ថ្នាក់ដឹកនាំកំពូលរបស់គណបក្សប្រជាជនកម្ពុជាដែលបានស្រោចស្រង់កម្ពុជារួចផុតពីប្រទេសមានសង្រ្គាមរហូតដល់ទទួលបានសន្តិភាពពេញលេញតាមរយៈការដាក់ចេញនូវនយោបាយឈ្នះឈ្នះ។ទន្ទឹមនឹងនេះ ឯកឧត្តមក៏បានលើកឡើងពីការយកចិត្តទុកដាក់របស់រាជរដ្ឋាភិបាល ក្នុងការជួយគាំទ្រជាសាច់ប្រាក់ដល់ប្រជាពលរដ្ឋក្រីក្រនិងងាយរងគ្រោះ ជាពិសេសនៅក្នុងដំណាក់កាលរីករាលដាលនៃជម្ងឺកូវីត១៩។ លើសពីនេះរាជរដ្ឋាភិបាលបានផ្តល់ការគាំទ្ររបបសន្តិសុខសង្គមជូនដល់បុគ្គលិក សេដ្ឋកិច្ចក្រៅប្រព័ន្ធ និងផ្តល់ការការពារសិទ្ធិក្នុងការងារតាមរយៈមេធាវីសម្តេចតេជោ។ ក្រៅពីនេះរាជរដ្ឋាភិបាលក៏កំពុងគិតគូរពង្រីកហេដ្ឋារចនាសម្ព័ន្ធសំខាន់ៗបន្ថែមទៀតដូចជាផ្លូវល្បឿនលឿន រថភ្លើងល្បឿនលឿន កំពង់ផែទឹកជ្រៅ និងព្រលានយន្តហោះអន្តរជាតិខ្នាតធំ ដើម្បីពន្លឿនការអភិវឌ្ឍន៍សេដ្ឋកិច្ចឱ្យមានភាពធន់ និងធានាបាននូវចីរភាព។ឯកឧត្តម ក៏បានគូសបញ្ជាក់ពីភាពជោគជ័យរបស់កម្ពុជាក្នុងការរៀបចំព្រឹត្តការណ៍ប្រកួតកីឡាអាស៊ីអាគ្នេយ៍លើកទី៣២ ដែលកម្ពុជាបានទទួលមេដាយរហូតដល់ ២៨២មេដាយ ហើយការរៀបចំជាម្ចាស់ផ្ទះរបស់កម្ពុជាបានធ្វើឱ្យពិភពលោកមានការកោតស្ញប់ស្ញែង និងស្គាល់ពីកម្ពុជាកាន់តែច្បាស់។តាមរយៈសមិទ្ធផល និងគោលនយោបាយដឹកនាំដ៏ច្បាស់លាស់របស់គណបក្សប្រជាជនកម្ពុជា ឯកឧត្តម បានអំពាវនាវឱ្យប្រជាពលរដ្ឋនៅស្រុកតំបែរទាំងអស់ទៅចូលរួមបោះឆ្នោតនៅថ្ងៃទី២៣ ខែកក្កដា ឆ្នាំ២០២៣ និងបោះឆ្នោតជូនគណបក្សប្រជាជនកម្ពុជាឱ្យបានគ្រប់ៗគ្នា។ ឯកឧត្តមបានថ្លែងអំណរគុណដល់ក្រុមការងារទាំងអស់ និងបងប្អូនប្រជាពលរដ្ឋនៅស្រុកតំបែរដែលបានចំណាយកម្លាំងកាយ កម្លាំងចិត្ត ពេលវេលា និងថវិកា ក្នុងការរួមចំណែកកសាងសមិទ្ធផលនានានៅក្នុងស្រុកតំបែរ កាន់តែមានភាពសម្បូរសប្បាយ៕

បណ្ដាញសង្គម

ព័ត៌មានថ្មីៗ

សាលក្រមលើករណីរបស់​ក្រុម​ Man City ធ្វើឱ្យទំនាក់ទំនងការទូត រវាងព្រីតថេន​ និងអារ៉ាប់រួម​ តានតឹង
10/02/2026 07:10 PM
Facebook Telegram Linkin
ទិន្នន័យរបស់រដ្ឋាភិបាល៖ ការផ្ទុះឡើងនៃជំងឺអេបូឡា នៅកុងហ្គោ បានសម្លាប់មនុស្សជាង ៤.០០០នាក់
10/02/2026 06:10 PM
Facebook Telegram Linkin
ឯកឧត្តម គន់ គីម អញ្ជើញជួបសវនាការជាមួយ ឯកឧត្តម Winston Toh សមាគមអតីតយុទ្ធជនសាធារណរដ្ឋសិង្ហបុរី
10/02/2026 06:10 PM
Facebook Telegram Linkin
អនុប្រធានសមាគមអតីតយុទ្ធជន អញ្ជើញជួបសវនាការជាមួយ អនុប្រធានទី១សមាគមអតីតយុទ្ធជននៃសាធារណរដ្ឋប្រជាធិបតេយ្យទីម័រឡេស្តេ
10/02/2026 06:10 PM
Facebook Telegram Linkin
ម្នាក់ ក្នុងចំណោមជនជាតិម៉ាឡេស៊ីបាត់ខ្លួន​​ ៥៥នាក់ ត្រូវបានបញ្ជាក់នៅមានជីវិត ក្រោយ​ទឹកជំនន់ នៅនេប៉ាល់
10/02/2026 06:10 PM
Facebook Telegram Linkin
ម្ចាស់ក្សត្រី ប្រធានអឌ្ឍចន្ទក្រហមម៉ាឡេស៊ី យាងសួរសុខទុក្ខអ្នកជំងឺអេដស៍ នៅមន្ទីរពេទ្យសម្តេចឪ សម្តេចម៉ែ
10/02/2026 05:10 PM
Facebook Telegram Linkin
អតីតមេដឹកនាំ​តៃវ៉ាន់ លោកស្រី Tsai នឹងបំពេញទស្សនកិច្ច នៅសហរដ្ឋអាមេរិក នា​សប្តាហ៍ក្រោយ
10/02/2026 05:10 PM
Facebook Telegram Linkin
ចិនត្រៀមសម្រាប់តម្រូវការធ្វើដំណើរច្រើនបំផុត អំឡុងពេល​សម្រាកបុណ្យជាតិរយៈពេល ១សប្តាហ៍
10/02/2026 05:10 PM
Facebook Telegram Linkin
អនុប្រធានទី១ រដ្ឋសភា ជំរុញឱ្យនិស្សិតជ័យលាភីអាហារូបករណ៍ទៅសិក្សានៅបរទេស បំពេញតួនាទីជា «ទូតមិត្តភាព» និងជាកម្លាំងចលករក្នុងការកសាងមូលធនមនុស្សនៅកម្ពុជា
10/02/2026 05:10 PM
Facebook Telegram Linkin
កម្ពុជា ត្រៀមកងកម្លាំងជិត ២ម៉ឺននាក់​ ដើម្បីរក្សាសន្តិសុខ សុវត្ថិភាព ជូនថ្នាក់ដឹកនាំបរទេសដែលនឹងអញ្ជើញចូលរួមកិច្ចប្រជុំកំពូលហ្វ្រង់កូហ្វូនីលើកទី២០
10/02/2026 05:10 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.