នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេច​តេជោចាត់ទុកពាក្យស្លោក «បរាជ័យក្នុងសាលាប្រសើរជាងបរាជ័យក្នុងជីវិត» របស់សម្ដេច​ធិបតី​មានតម្លៃ​មិនសាបសូន្យ
សម្ដេចធិបតីអញ្ជើញចុះត្រួតពិនិត្យ និងសួរសុខទុក្ខពលរដ្ឋរងគ្រោះដោយទឹកជំនន់នៅបន្ទាយមានជ័យ
សម្តេចតេជោ ហ៊ុន សែន អនុញ្ញាតឱ្យ លោកជំទាវ រ៉េឡែន ស្យ៉ាល់ តាហ្គាឡ័រ លៀវហ្វាឡានី (Raylene Siale Tagaloa LIUFALANI) ឯកអគ្គរដ្ឋទូតតែងតាំងថ្មី នៃប្រទេសនូវែលសេឡង់ ប្រចាំនៅកម្ពុជាចូលជួប និងប្រគល់សារតាំង
សម្តេចតេជោ ហ៊ុន សែន អនុញ្ញាតឱ្យ ឯកឧត្តម ទ្រីសម៉ាន់ អ៉ីហ្គោរ៍ (Driesmans Igor) ឯកអគ្គរាជទូតសហភាពអឺរ៉ុបប្រចាំកម្ពុជា និងជាប្រេសិតពិសេស EU ប្រចាំនៅមីយ៉ាន់ម៉ា ចូលជួបសម្ដែងការគួរសម

នយោបាយ​ និង ការអភិវឌ្ឍន៍

សម្តេចតេជោ ហ៊ុន សែន នឹងអញ្ជើញបិទ និងបើកវគ្គបណ្តុះបណ្តាលមន្ត្រីរាជការ​នៅសាលាភូមិន្ទរដ្ឋបាលព្រឹកស្អែកនេះ

2023/04/27 01:02:17 am        393
Facebook Telegram Linkin
ភ្នំពេញ៖ នៅព្រឹកថ្ងៃទី២៧ ខែមេសា ស្អែកនេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា នឹងអញ្ជើញជាអធិបតីភាពក្នុងពិធីបិទ និងបើកវគ្គបណ្តុះបណ្តាលមន្ត្រីរាជការ​នៃ​សាលា​ភូមិន្ទរដ្ឋបាល នៅមជ្ឈមណ្ឌលសន្និបាត និងពិព័រណ៍កោះពេជ្រ។សម្តេចតេជោ ហ៊ុន សែន ប្រមុខរាជរដ្ឋាភិបាលកម្ពុជា តែងតែយកចិត្តទុកដាក់ខ្ពស់លើការបំពេញ​ការងារ​របស់មន្ត្រីរាជការនៅតាមក្រសួង និងស្ថាប័នសាធារណៈ ព្រោះជាធាតុដ៏សំខាន់​ក្នុងការងារ​អភិបាលកិច្ចរបស់រដ្ឋ។ សម្តេចតេជោ ហ៊ុន សែន ដែលធ្លាប់ជាគ្រូបង្រៀននៅសាលាភូមិន្ទរដ្ឋបាលដែរនោះ តែងតែឆ្លៀត​ឱកាស​អញ្ជើញជាអធិបតីក្នុងបិទ ឬបើកវគ្គបណ្តុះបណ្តាល​មន្ត្រីរាជការ​រៀបចំ​ដោយ​សា​លា​ភូមិន្ទ​រដ្ឋបាល​។ សម្តេចតេជោយកឱកាសនេះ ដើម្បីផ្តល់នូវឱវាទ និងអនុសាសន៍នានា ដល់មន្ត្រីរាជការ​ក្នុង​ការ​បំពេញការងារ ឬផ្តល់សេវាសាធារណៈទាំងឡាយ។សូមបញ្ជាក់ថា សម្តេចតេជោនាយករដ្ឋមន្ត្រី ធ្លាប់បានអញ្ជើញជាអធិបតីក្នុងកម្មវិធីបិទ និងបើក​វគ្គ​សិក្សា ក៏ដូចជាការចែកសញ្ញាបត្រសម្រាប់សិស្សសាលាភូមិន្ទរដ្ឋបាលនេះចំនួន ២៣ លើក​រួចមក​ហើយ​៕​

រដ្ឋាភិបាលបារាំងប្រគល់មេដាយឥស្សរិយសសិល្បៈនិងអក្សរសាស្ត្រ ( Grade d'Officier des Arts et des Lettres) ជូនលោកជំទាវសាស្រ្តាចារ្យ សុទ្ធ សុម៉ាលី អនុរដ្ឋលេខាធិការនៃក្រសួងវប្បធម៌ និង វិចិត្រសិល្បៈ

2023/04/26 08:11:56 pm        125
Facebook Telegram Linkin
ភ្នំពេញ៖ រដ្ឋាភិបាលបារាំងប្រគល់មេដាយឥស្សរិយសសិល្បៈនិងអក្សរសាស្ត្រ ( Grade d'Officier des Arts et des Lettresr) ជូនលោកជំទាវសាស្រ្តាចារ្យ សុទ្ធ សុម៉ាលី អនុរដ្ឋលេខាធិការនៃក្រសួងវប្បធម៌ និង វិចិត្រសិល្បៈ នៅស្ថានទូតបារាំង នៅល្ងាចថ្ងៃទី២៥ ខែមេសា ឆ្នាំ២០២៣ ដោយមានការចូលរួមពី ឯកឧត្តម Jacques Pellet ឯកអគ្គរដ្ឋទូតបារាំងប្រចាំកម្ពុជា មន្ត្រីស្ថានទូតបារាំង មន្ត្រីក្រសួងវប្បធម៌ សាស្ត្រាចារ្យសិល្បៈ រួមទាំងភ្ញៀវកិត្តិយសមួយចំនួនទៀត។ឯកឧត្តម Jacques Pellet ឯកអគ្គរដ្ឋទូតបារាំងប្រចាំកម្ពុជា បានលើកឡើងថា ពិធីបំពាក់មេដាយឥស្សរិយសនេះ គឺរៀបចំឡើងដើម្បីប្រគល់ឥស្សរិយសសជូនដល់ លោកជំទាវ សុទ្ធ សុម៉ាលី ជាម្ចាស់មេដាយឥស្សរិយសសិល្បៈនិងអក្សរសាស្ត្រថ្នាក់អស្សឫទ្ធិ (Grade d'Officier des Arts et des Lettres) សម្រាប់ការលះបង់របស់លោកជំទាវក្នុងវិស័យរបាំ សម្រាប់ការប្ដេជ្ញាចិត្តរបស់លោកជំទាវក្នុងការផ្ទេរចំណេះដឹង និងការបង្រៀនរបាំប្រពៃណីខ្មែរ។ដោយសារការលះបង់ និងការខិតខំប្រឹងប្រែងរបស់លោកជំទាវ ក្នុងសិល្បៈរបាំព្រះ រាជទ្រព្យត្រូវបានបញ្ចូលទៅក្នុងបេតិកភណ្ឌវប្បធម៌អរូបីនៃអង្គការយូណេស្កូ។ អ្នករបាំល្បីៗជាច្រើននាក់ ត្រូវបានបង្ហាត់បង្រៀនដោយលោកជំទាវផងដែរ ។ក្នុងឱកាសនោះ លោកជំទាវ សុទ្ធ សុមាលី បានលើកឡើងអំណរគុណដ៏ជ្រាលជ្រៅដល់សាធារណៈរដ្ឋបារាំង ដែលសម្រេចផ្តល់គ្រឿងឥស្សរិយយសនេះ ។ ហើយលោកជំទាវបន្ថែមថា មកទល់ថ្ងៃនេះមានរយៈពេលជាងសែសិបឆ្នាំ ដែលលោកជំទាវសាស្ត្រាចារ្យ បានបំរើការងារនៅក្រសួងវប្បធម៌ និងវិចិត្រសិល្បៈ ផ្តោតទៅលើការងារសិល្បៈ ហើយកិត្តិយសទទួលបាននៅពេលនេះ គឺបានមកពីការផ្ដល់ឱកាសអោយនៃថ្នាក់ដឹកនាំរាជរដ្ឋាភិបាល ថ្នាក់ដឹកនាំក្រសួងវប្បធម៌ ការផ្តល់នៅចំណេះជំនាញ ពីសំណាក់បុព្វបុរសព្រឹទ្ធាចារ្យ សិល្បៈ មានព្រឹទ្ធាចារ្យហស្ស ធន់ ហាក់ ទេពកោសល្យបញ្ញាវិសេសវិជ្ជា ឆេង ផុន ជាពិសេសសម្តេចរាជបុត្រី ព្រះរាមនរោត្តម បុប្ផាទេវី និងអ្នកម្តាយ សុទ្ធ សំ អុន ដែលជានិច្ចជាកាល អប់រំបណ្ដុះបណ្ដាល ផ្តល់ឱកាសអោយបង្កើតស្នាដៃសិល្បៈ ជាបន្តបន្ទាប់។ លោកជំទាវ សុទ្ធ សុម៉ាលី បានឧទ្ទិស នូវមហាកិត្តិយស តាមរយៈការទទួលបានមេដាយនេះ ជូនដល់បុព្វបុរសសិល្បៈទាំងអស់ រួមទាំងរៀមច្បងសិល្បៈ និងមិត្តសិល្បករ សិស្ស និស្សិតរបាំ ដែលអ្នកទាំងអស់ជាចំណែករួមការងារធ្វើអោយបានទទួលនូវ មហាកិត្តិយស ដែលមិននឹកស្មានដល់នេះ។  សូមបញ្ជាក់ថា សាធារណរដ្ឋបារាំងសម្រេចប្រគល់គ្រឿងឥស្សរិយសសិល្បៈនិងអក្សរសាស្ត្រថ្នាក់អស្សឫទ្ធិ (Grade d'Officier des Arts et des Lettres) ជូនលោកជំទាវសាស្រ្តាចារ្យ សុទ្ធ សុម៉ាលី អនុរដ្ឋលេខាធិការនៃក្រសួងវប្បធម៌ និង វិចិត្រសិល្បៈ ជាលើកទី២ហើយ បន្ទាប់ពីលោកជំទាវធ្លាប់បានទទួលមេដាយមាសលើកទី១ក្នុងឋានៈជា (Chevalier de IOrdre des Arts et des Lettres) នៅឆ្នាំ២០១៧។ ជាមួយជីវិតរស់នៅក្នុងសិល្បៈរបាំ ដែលមានវង្សត្រកូលជាអ្នករបាំ ព្រះរាជទ្រព្យបន្តបួនជំនាន់មកហើយ ដោយមានជីដូននិងម្តាយជាគ្រូបង្ហាត់របាំនៅក្នុងព្រះបរមរាជវាំង តាំងពីរជ្ជកាលហ្លួង ស៊ីសុវត្ថិ និងនរោត្តម លោកជំទាវ សុទ្ធ សុម៉ាលី បានបន្តហាត់រៀនរបាំព្រះរាជទ្រព្យ ក្នុងព្រះបរមរាជវាំង តាំងពីក្នុងរជ្ជកាលសម្ដេចព្រះមហាក្សត្រីយ៉ានីស៊ីសុវត្ថិមុនីវង្ស កុសមៈនារីរ័ត្នសិរីវឌ្ឍនា និងកូនស្រីលោកជំទាវ គឺ លោកស្រី វុធ ចាន់ម៉ូលី ក៏បានបន្តហាត់រៀនរបាំក្នុងរជ្ជកាលព្រះបាទនរោត្តមសីហនុ ដោយបានរៀនចប់ថ្នាក់បរិញ្ញាប័ត្រសិល្បៈផ្នែកនិពន្ធ និងដឹកនាំរឿង នៅសាកលវិទ្យាល័យភូមិន្ទវិចិត្រសិល្បៈ រហូតបច្ចុប្បន្នក្លាយជាគ្រូបង្ហាត់របាំ។ លោកជំទាវក៏ធ្លាប់បានដឹកនាំក្រុមរបាំព្រះរាជទ្រព្យ ទៅសម្ដែងលើឆាកអន្តរជាតិ មានប្រទេសអឺរ៉ុប អាស៊ី សហរដ្ឋអាមេរិច និងប្រទេសផ្សេងៗជាច្រើនទៀត។លោកជំទាវ មានមោទកភាពបំផុតក្នុងនាមជាប្រជារាស្ត្រខ្មែរ ជាសិល្បករមួយរូបក្នុងចំណោមអ្នករបាំព្រះរាជទ្រព្យ បាននឹងកំពុង ខិតខំពុះពារថែរក្សា សម្បត្តិវប្បធម៌ជាតិខ្មែរលើវិស័យសិល្បៈ របាំព្រះរាជទ្រព្យ(របាំក្បាច់បុរាណ)បន្តវេនពីសម្តេចរាជបុត្រីព្រះរៀម នរោត្តមបុប្ផាទេវី ទេពនាដ្ដវដ្ដីឯក។ ក្រោមការដឹកនាំដ៏ខ្ពង់ខ្ពស់របស់លោកជំទាវបណ្ឌិតសភាចារ្យ ភឿងសកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ បានដឹកនាំដោយផ្ទាល់ធ្វើការស្រាវជ្រាវចងក្រងឯកសារបាំព្រះរាជទ្រព្យ ដើម្បីបោះពុម្ពជាសៀវភៅឯកសារបាំ ក្រោមព្រះរាជូបត្ថមដ៏ថ្លៃថ្លា នៃព្រះករុណាព្រះបាទសម្តេចព្រះបរមនាថ នរោត្តមសីហមុនី ព្រះមហាក្សត្រនៃព្រះរាជាណាចក្រកម្ពុជា និងសហការណ៍ដោយមូលនិធិ ហ៊ុន ម៉ានី ប្រធានសហភាពសហព័ន្ធយុវជនកម្ពុជាផងដែរ ៕

សម្តេចតេជោ ហ៊ុន សែន អញ្ជើញសំណេះសំណាលជាមួយគណៈចលនាអ៊ីស្លាមគ្រប់ថ្នាក់របស់គណបក្សប្រជាជនកម្ពុជា

2023/04/26 04:50:33 pm        455
Facebook Telegram Linkin
ភ្នំពេញ៖ សម្តេចតេជោ ហ៊ុន សែន ប្រធានគណបក្សប្រជាជនកម្ពុជា នៅព្រឹកថ្ងៃទី២៦ ខែមេសា ឆ្នាំ២០២៣នេះ បានអញ្ជើញជាអធិបតីភាពដ៏ខ្ពង់ខ្ពស់បំផុត ក្នុងពិធីសំណេះសំណាលជាមួយគណៈចលនាអ៊ីស្លាមគ្រប់ថ្នាក់របស់គណបក្សប្រជាជនកម្ពុជា នៅទីស្នាក់ការកណ្តាលគណបក្សបក្សប្រជាជនកម្ពុជា(វិមាន ៧មករា)។ឯកឧត្តម អូស្មាន ហាស្សាន់ សមាជិកគណៈកម្មាធិការកណ្តាលគណបក្សប្រជាជនកម្ពុជា បេសកជនពិសេសសម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា ទទួលការងារអ៊ីស្លាម និងជាប្រធានគណៈចលនាសាសនិកអ៊ីស្លាមរបស់គណបក្ស បានឱ្យដឹងថា ពិធីជួបជុំសំណេះសំណាលនេះមានថ្នាក់ដឹកនាំ ប្រធាន អនុប្រធានគណៈចលនាសាសនិកអ៊ីស្លាមរាជធានី ខេត្ត ក្រុង ស្រុក ខណ្ឌ ឃុំ សង្កាត់ ភូមិ សមាជិក សមាជិកា សកម្មជននៃ គណៈចលនាសាសនិកអ៊ីស្លាម តំណាងមកពីទូទាំងប្រទេស រួមនឹងភ្ញៀវកិត្តិយសចំ នួន៣.៥៤០នាក់។របាយការណ៍បានគូសបញ្ជាក់ឱ្យដឹងថា នៅឆ្នាំ១៩៩៨ ដោយមានភាពចាំបាច់ ក្នុងការស្វែងរកសន្លឹកឆ្នោតក្នុងសហគមន៍អ៊ីស្លាម គណបក្សបានបង្កើតគណៈចលនាសាសនិកអ៊ីស្លាមរបស់គណបក្សប្រជាជនកម្ពុជា នៅថ្ងៃទី១៧ ខែមេសា ឆ្នាំ១៩៩៨ ដែលមានភារកិច្ច ធើ្វជាសេនាធិការ ឱ្យគណៈអចិន្ត្រៃយ៍គណៈកម្មាធិការកណ្តាលគណបក្ស ដើម្បីដឹកនាំ ការងារចលនាក្នុងសាសនិកអ៊ីស្លាមទូទាំង ប្រទេសគាំទ្រគណបក្ស រួមទាំងដឹកនាំសាសនិក ឱ្យអនុវត្តការងារបោះឆ្នោតតាមផែនការ របស់គណបក្ស ដែលជាគំនិតផ្តួចផ្តើមប្រកបដោយគតិបណ្ឌិតរបស់សម្តេចតេជោ ដែលមកដល់ពេលនេះ មានរយៈពេល ២៥ឆ្នាំហើយ។គណៈចលនាសាសនិកអ៊ីស្លាមបានអនុវត្តបានយ៉ាងខ្ជាប់ខ្ជួននូវអនុសាសន៍ ដឹកនាំដ៏ខ្ពង់ខ្ពស់បំផុតរបស់សម្តេចតេជោប្រធានគណបក្ស ជាលទ្ធផល គឺនៅគ្រប់អាណត្តិ នៃការបោះឆ្នោត ទាំងបោះឆ្នោតជ្រើសតាំងតំណាងរាស្ត្រ និងបោះឆ្នោតជ្រើសរើសក្រុមប្រឹក្សា-ឃុំសង្កាត់ បានកត់សម្គាល់ឃើញថា បងប្អូនខ្មែរអ៊ីស្លាមបានបោះឆ្នោតគាំទ្រគណបក្សប្រជាជនកម្ពុជា មានភាគរយខ្ពស់បំផុត។សម្ដេចតេជោ បានសំដែងនូវការរីករាយនិងស្វាគមន៍ដល់វត្តមាននៃអ្នកចូលរួមទាំងអស់ ដែលបានមកចូលរួមនៅវិមាន៧មករានាពេលនេះ ដោយសម្តេចបានចាត់ទុកបងប្អូនទាំងអស់ គឺសុទ្ធតែជាម្ចាស់នៃវិមាននេះ ដែលវាមិនមែនគ្រាន់តែជាម្ចាស់ដោយប្រធានគណបក្សឬ គណៈអចិន្ត្រៃយ៍ទេ សមាជិក សមាជិកាទាំងអស់គឺជាម្ចាស់នៃវិមានដ៏ស្កឹមស្កៃនេះ ។សម្តេចបានយកឱកាសអបអរជាមួយបងប្អូនសាសនិកឥស្លាមទាំងអស់ ដែលបានបញ្ចប់ដោយជោគជ័យនូវពិធី រាម៉ាឌន ដែលកន្លងទៅបានធ្វើដោយថ្នាក់ជាតិដែលមានការចូលរួមពីសំណាក់មិត្តភក្តិបរទេសហើយក៏បានធ្វើនៅតាមបណ្តាខេត្តនិងមូលដ្ឋានផងដែរ។សម្តេចមានប្រសាសន៍ថា នោះហើយអាចចាត់ទុកថាជាគំរូនៃការប្រណិបត្តិសាសនា យ៉ាងម៉ត់ចត់ហើយជារៀងរាល់ឆ្នាំបងប្អូនសាសនិកអ៊ីស្លាមយើងគោរពប្រតិបត្តិ បានយ៉ាងល្អ។សម្តេចបន្តថា គណបក្ស ប្រជាជនគឺរស់នៅជាមួយគ្រប់សាសនាទាំងអស់ ដែលក្នុងនោះឥស្លាមសាសនាបានរូបឡើងវិញ មានអាយុកាយជាមួយគ្នា និងព្រះពុទ្ធសាសនាឬគ្រិស្តសាសនា។បើតាមឯកឧត្តមបណ្ឌិត អូស្មាន ហាស្សាន់ បានបញ្ជាក់ថា៖នៅកម្ពុជា បច្ចុប្បន្នមានបងប្អូនអ៊ីស្លាម បានគោរពប្រតិបត្តិដោយប្រកាន់និកាយចំនួន ៤៖១. និកាយស៊ុនណៈ (ស៊ុន្នី) អ្នកនិយមចាស់ ថ្មី ប្រមាណជាង ៩៨% ។២. ក្រុមកនអ៊ីម៉ាំសាន់ ដែលមានបងប្អូនប្រមាណជាង ១%។៣. ក្រុមអះម៉ាឌីយ៉ះ មានប្រមាណ ១១៤គ្រួសារ ។៤. និកាយសៃអះ (សាអ៊ីត) មាន ៨៥គ្រួសារ ។ជាលទ្ធផល ទោះជានៅក្នុងកាលៈទេសៈតានតឹងយ៉ាងណាក៏ដោយ នៅរាល់អាណត្តិនៃការបោះឆ្នោត សាសនិអ៊ីស្លាម គឺបានគាំទ្រគណបក្សប្រជាជនកម្ពុជា នៅតែដណ្តើមបានសន្លឹកឆ្នោតយ៉ាងច្រើនដូចជានៅឆ្នាំ ២០១៣/២០១៧ ៕

ឯកឧត្តម ហ៊ុន ម៉ានី៖ ប្រទេសជាតិមានការអភិវឌ្ឍគ្រប់បែបយ៉ាងមកដល់ពេលនេះ ដោយសារសន្តិភាព

2023/04/25 10:49:50 pm        435
Facebook Telegram Linkin
តាកែវ៖ ឯកឧត្តម ហ៊ុន ម៉ានី បានលើកឡើងថា ការរីកចម្រើនរបស់ប្រទេសជាតិ នាពេល​បច្ចុប្បន្ននេះ គឺដោយ សារកត្តាសុខសន្តិភាព ហេតុដូច្នេះ ឯកឧត្ដម បានអំពាវនាវ​ឱ្យប្រជាពលរដ្ឋ​មានការជឿជាក់លើការដឹកនាំរបស់រាជរដ្ឋាភិបាល ជាពិសេស​បន្តបោះឆ្នោតគាំទ្រ​គណបក្ស​ប្រជាជនកម្ពុជា ដើម្បីបន្តការដឹកនាំអភិវឌ្ឍន៍ប្រទេសជាតិ និងរក្សាសុខសន្តិភាពតទៅ ។នៅក្នុងឱកាសតំណាងដ៏ខ្ពង់ខ្ពស់សម្ដេចតេជោ ហ៊ុន សែន នាយករដ្ឋមន្រ្តី និង​សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន អញ្ជើញចូលរួមធ្វើជាអធិបតីភាពនៅក្នុងពិធី​សម្ពោធឆ្លង​មហាកុដិធម្មត្រ័យ សមិទ្ធផលនានា និងស្រោចស្រពព្រះសុគន្ធវារី ក្នុងវត្តឧទុម្ពរក្រោម ក្នុងឃុំព្រះបាទជាន់ជុំ ស្រុកគិរីវង់ ខេត្តតាកែវ នៅថ្ងៃទី២៥ ខែមេសានេះ ឯកឧត្ដម ហ៊ុន ម៉ានី បានមាន​ប្រសាសន៍ថា ពាក្យសន្តិភាព​ស្តាប់ទៅហាក់បីដូចជា​សាមញ្ញ ក៏ប៉ុន្តែវាមិន​សាមញ្ញ​ពេក​នោះទេ។ ដើម្បីយល់ពីគុណតម្លៃនៃ​សុខ​សន្តិភាព ​គប្បីប្រៀបធៀបពេលដែលប្រទេសគ្មាន​សុខ​សន្តិភាព​ តើប្រទេសជាតិមានការអភិវឌ្ឍដែរ ឬទេ, ប្រជាពលរដ្ឋ​ជួបការលំបាកបែបណាខ្លះ, អាយុជីវិត​ប្រជាពលរដ្ឋប៉ុន្មាននាក់ ត្រូវបាន​បាត់បង់​ដោយសារសង្រ្គាម, ​និយាយជារួម គឺមានតែ​សុខសន្តិភាព ទើបប្រទេសជាតិមានការអភិវឌ្ឍ​ អាចធ្វើការទាក់ទាញអ្នកវិនិយោគជាតិ ​និងអន្តរជាតិ ដែលមានភាពប្រទាក់ក្រឡាគ្នា ​ក្នុងការ​ផ្តល់​ឱកាស​ឱ្យប្រជាពលរដ្ឋទទួល​បានការងារ និង​ប្រាក់កម្រៃ​សមរមសម្រាប់ទ្រទ្រង់ជីវភាពប្រចាំថ្ងៃ។ ​អត្ថប្រយោជន៍​ នៃសុខសន្តិភាព ​នឹងផ្តល់ជូនកូនចៅ​ជំនាន់​ក្រោយនូវភាពសុខស្រួលក្នុងការរស់រាន ​សិក្សារៀនសូត្រ ​និងប្រកបការងារចិញ្ចឹមជីវិត។ឯកឧត្តម ហ៊ុន ម៉ានី បានបន្តថា ​សុខសន្តិភាពនេះ ​គឺមិនមែនកើតមានឡើងដោយចៃដន្យនោះទេ ពោល​គឺវាបានកើតឡើងដោយសាការលះបង់ របស់យុវជនជំនាន់មុន​ ជាពិសេសការ​លះបង់​ប្រឹងប្រែងរបស់សម្ដេចតេជោ​ ហើយក្នុងនាមយុវជនជំនាន់ក្រោយ​ គឺមិនអាចបំភ្លេច និង​ទទួលស្គាល់​នូវអតីតកាលរបស់កម្ពុជា ជាពិសេស ការតស៊ូ ការលះបង់ពីសំណាក់យុវជនជំនាន់មុន ។ ដូច្នេះ ប្រជាពលរដ្ឋ និងយុវជនទាំងអស់ ​ត្រូវផ្ដល់នូវការជឿជាក់ ​និងបោះឆ្នោតគាំទ្រគណបក្ស​ប្រជាជនកម្ពុជា ​ដែលមានសម្ដេចតេជោ ជាប្រមុខដឹកនាំ ​ដើម្បីបន្តដឹកនាំនាវាកម្ពុជាបន្តទៀត ពី​ព្រោះថា សម្ដេចតេជោ ​គឺមេដឹកនាំដែលបានហែលឆ្លងកាត់ប្រវត្តិសាស្ត្រដ៏ជូរចត់ និងតែង​បានរួមសុខ រួមទុក្ខ ជាមួយប្រជាពលរដ្ឋកម្ពុជា​ គ្រប់កាលៈទេសៈ តាំងពីអតីតកាល មកដល់បច្ចុប្បន្ននេះ ៕អត្ថបទ៖ គុជ វិភាគ

ស្ពានឆ្លងទន្លេកោះពេជ្រ-កោះនរា នឹងសាងសង់រួចរាល់នៅចុងឆ្នាំនេះ

2023/04/25 07:59:42 pm        434
Facebook Telegram Linkin
ភ្នំពេញ៖ ស្ពានបេតុងខ្សែកាប ឆ្លងកាត់ទន្លេបាសាក់ ពីតំបន់កោះពេជ្រ ទៅកាន់តំបន់អភិវឌ្ឍន៍​កោះនរា បានសាងសង់រួចរាល់សម្រេចបាន៧០ភាគរយហើយ ។ តាមការគ្រោងទុក ស្ពាននេះ នឹងសាងសង់រួចរាល់ នៅចុងខែវិច្ឆិកា ឆ្នាំ២០២៣ខាងមុខនេះ ។ នេះបើតាមការបញ្ជាក់ឱ្យ​ដឹង ពី​លោក សាំ ពិសិដ្ឋ ប្រធានមន្ទីរសាធារណការ និងដឹកជញ្ជូន​រាជធានីភ្នំពេញ ។នៅថ្ងៃខាងមុខស្ពានថ្មីមួយខ្សែដែលនឹងកំពុងដំណើរការសាងសង់នៅពេលនេះ ​នឹងដើរតួនាទី​យ៉ាងសំខាន់ក្នុងការបម្រើដល់ការធ្វើដំណើររបស់ពលរដ្ឋ អាចឆ្លងពីតំបន់កោះនរា ទៅកាន់តំបន់​អភិវឌ្ឍន៍កោះពេជ្រ ​ដែលធ្វើឱ្យលំហូរចរាចរណ៍នៅភូមិសាស្ត្រខណ្ឌច្បារអំពៅ​ មានភាពល្អប្រសើរ ខណៈខណ្ឌច្បារអំពៅ មានភាពប្រឈមលើការកក់ស្ទះចរាចរណ៍ជាប្រចាំថ្ងៃ។ប្រជាអ្នកដំណើរ សម្តែងអារម្មណ៍សប្បាយរីករាយ ចំពោះសមិទ្ធផលថ្មីនេះ ដែល​នឹង​សាងសង់​រួចរាល់​នៅពេល​ឆាប់ៗ​ខាងមុខនេះ ងាយស្រួល​ឱ្យ​ពួកគាត់អាចធ្វើដំណើរបានលឿន​រហ័ស​ពីតំបន់មួយទៅតំបន់មួយ​ ឬការធ្វើដំណើរទៅបំពេញកិច្ចការងារជាដើម។ទន្ទឹមនឹងស្ពានកំពុងដំណើរការនៃការសាងសង់នោះ សង្គេតឃើញថា ពលរដ្ឋអ្នកដំណើរ បាន​ប្រើប្រាស់កំពង់ដចម្លងកោះនរា ​ឆ្លងកាត់ទន្លេបាសាក់​ ពីតំបន់កោះពេជ្រ ​ទៅតំបន់អភិវឌ្ឍន៍កោះនរា ជា​បណ្ដោះអាសន្ន​សិន ដោយ​ចាំ​ថវិកា​តិចតួច​ ក្នុងការឆ្លង​ទៅមកម្តងៗ ។សូម​បញ្ជាក់​ថា ​ស្ពានតភ្ជាប់ពីកោះពេជ្រ​ ទៅកោះនរា​ខាងលើនេះ ​បាន​បើក​ការដ្ឋាន​ដំណើរការ​សាងសង់​កាលពីថ្ងៃទី២៦ ​ខែតុលា ឆ្នាំ២០២០ ​ក្រោម​អធិបតីភាព​ដ៏ខ្ពង់ខ្ពស់​របស់​សម្តេច​តេជោ ហ៊ុន សែន នាយករដ្ឋមន្ត្រី នៃ​កម្ពុជា។ ​ស្ពាននេះ​មានប្រវែង ៨២៤ម៉ែត្រ ​មាន​ទទឹង ២៤,៥០ម៉ែត្រ ។ រាជរដ្ឋាភិបាល​ចំណាយ​ថវិកា​ចំនួន ៣៨លានដុល្លារ​ ក្នុងការសាងសង់ ៕ អត្ថបទ៖ លីហេង/កុម្ភៈ

សម្តេចតេជោ ហ៊ុន សែន អំពាវនាវឱ្យអភិបាលរាជធានី-ខេត្ត ត្រៀមកន្លែង និងLED(ស្លាយ)បញ្ចាំងការប្រកួតបាល់ទាត់ឱ្យប្រជាពលរដ្ឋទស្សនា

2023/04/25 07:51:29 pm        259
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី តាមរយៈតេឡេក្រាមផ្លូវការរបស់សម្តេច នៅថ្ងៃទី២៥ ខែមេសា ឆ្នាំ២០២៣នេះ បានអំពាវនាវដល់អភិបាលរាជធានី-ខេត្ត ឱ្យត្រៀមកន្លែង និងផ្តាំងLED(ស្លាយ) ដើម្បីផ្សាយបន្តផ្ទាល់ចេញពីការប្រកួតបាល់ទាត់ពីពហុកីឡដ្ឋាន និងត្រូវប្រកួតជាបន្តបន្ទាប់ក្នុងព្រឹត្តិការណ៍ស៊ីហ្គេម២០២៣ ឱ្យពលរដ្ឋទស្សនាកម្សាន្តសប្បាយ ។សម្តេចបញ្ជាក់ថា «ដោយហេតុថា កន្លែអង្គុយទស្សនាប្រកួតមានចំនួនកំណត់ ចាំបាច់ត្រូវត្រៀមកន្លែង និងស្លាយ បន្តផ្ទាល់ពីការប្រកួតនីមួយៗ ដើម្បីឱ្យប្រជាពលរដ្ឋបានទស្សនាទាំងអស់គ្នា»។សម្តេចតេជោ ហ៊ុន សែន ជំរុញឱ្យអភិបាលរាជធានី-ខេត្ត ត្រូវរៀបចំកន្លែងសមរម្យឱ្យប្រជាពលរដ្ឋបានទស្សនា និងត្រូវរៀបចំឱ្យបានឆាប់បំផុត និងរៀបសំសណ្តាប់ធ្នាប់ឱ្យបានល្អ៕

មេដឹកនាំចិន អំពាវនាវឱ្យមានកិច្ចសហប្រតិបត្តិការទិន្នន័យអន្តរជាតិ

2023/04/25 07:43:25 pm        155
Facebook Telegram Linkin
ប្រធានាធិបតីចិន លោក Xi Jinping បានថ្លែងកាលពីថ្ងៃចន្ទថា ប្រទេសចិនមានឆន្ទៈក្នុងការធ្វើឱ្យស៊ីជម្រៅ កិច្ចសហប្រតិបត្តិការទិន្នន័យអន្តរជាតិនៅក្នុងក្របខ័ណ្ឌនៃគំនិតផ្តួចផ្តើមអភិវឌ្ឍន៍សកល។ ការធ្វើអត្ថាធិប្បាយរបស់លោក Xi បានធ្វើឡើងនៅក្នុងសារអបអរសាទរទៅកាន់វេទិកាទិន្នន័យ​ពិភពលោកលើកទី៤ របស់អង្គការសហប្រជាជាតិនៅទីក្រុង​ ហាងចូវ(Hangzhou) រដ្ឋធានីនៃខេត្ត ជើជាំង(Zhejiang) ប្រទេសចិនភាគខាងកើត​ ដែលបានគ្រោងធ្វើចាប់ពីថ្ងៃទី ២៤ ដល់ថ្ងៃទី ២៧ ខែមេសា។ដោយកត់សម្គាល់ថា ការអភិវឌ្ឍប្រកបដោយចីរភាពគឺជាជម្រើសដែលមិនអាចជៀសបាន សម្រាប់​ភាពរីកចម្រើន និងវឌ្ឍនភាពនៃសង្គមមនុស្ស លោក Xi បានគូសបញ្ជាក់ថា ការសម្រេច​បាន​នូវ​ការអភិវឌ្ឍ​សកលរឹងមាំ បៃតង និងមានសុខភាពល្អ គឺជាបំណងប្រាថ្នារួមរបស់មនុស្ស​នៅជុំវិញ​ពិភពលោក។លោក Xi បាននិយាយថា ក្នុងនាម​ជាអ្នកគាំទ្រ និងជាអ្នកអនុវត្តនៃរបៀបវារៈឆ្នាំ​ ២០៣០ របស់​អង្គការសហប្រជាជាតិសម្រាប់ការអភិវឌ្ឍ​ប្រកប​ដោយចីរភាព ប្រទេសចិន​ប្រកាន់ខ្ជាប់​នូវ​ចក្ខុវិស័យថ្មីសម្រាប់ការអភិវឌ្ឍ ដែលកំពុងបង្ហាញពីការអភិវឌ្ឍឈានមុខ សម្របសម្រួល បៃតង បើកចំហ និងការអភិវឌ្ឍរួម។ លោក បានបន្ថែមថា ប្រទេសចិនតែងតែធ្វើអោយប្រសើរឡើងនូវហេដ្ឋារចនា​សម្ព័ន្ធឌីជីថល ពង្រឹង​ទិន្នន័យ និងការ​កសាង​សមត្ថភាព​ស្ថិតិ​ និងចែករំលែកយ៉ាង​សកម្មនូវការអនុវត្ត និងបទពិសោធន៍​របស់ខ្លួន ក្នុងការត្រួតពិនិត្យគោលដៅអភិវឌ្ឍន៍​ប្រកបដោយចីរភាព។ លោក Xi និយាយថា ប្រទេសចិន នឹងធ្វើការជាមួយប្រទេសផ្សេងទៀតដើម្បីជួយអនុវត្តរបៀបវារៈឆ្នាំ ២០៣០ សម្រាប់ការអភិវឌ្ឍ​ប្រកបដោយនិរន្តរភាពតាមរយៈ «ការគ្រប់គ្រងទិន្នន័យ» ។ប្រធានាធិបតី លោក Xi ក៏បានអំពាវនាវឱ្យមានការកសាងកិច្ចសហប្រតិបត្តិការអន្តរជាតិឈ្នះ-ឈ្នះ និង​បើកចំហ ក្នុងវិស័យទិន្នន័យ ​និងជំរុញការអភិវឌ្ឍ​ និងវឌ្ឍនភាពរួមគ្នារបស់ប្រទេសទាំងអស់។វេទិកានេះ​ត្រូវបានរៀបចំឡើងដោយអង្គការ​សហប្រជាជាតិ និង​បាន​សហការរៀបចំដោយ​ការិយាល័យ​ស្ថិតិជាតិរបស់ប្រទេស​ និងរដ្ឋាភិបាលខេត្ត Zhejiang ។

ការដាក់ប្រាក់បញ្ញើនៅធនាគារ First Republic Bank របស់អាមេរិក ធ្លាក់ចុះជាង១០០ពាន់លានដុល្លារ

2023/04/25 07:31:25 pm        65
Facebook Telegram Linkin
អាមេរិក៖ ភាគហ៊ុនរបស់ធនាគារ First Republic Bank សហរដ្ឋអាមេរិក បានធ្លាក់ចុះជាង២០%បន្ទាប់ពីបញ្ចប់ពេលវេលាជួញដូរកាលពីថ្ងៃចន្ទទី២៤មេសា បន្ទាប់ពីធនាគារផ្ដល់ប្រាក់កម្ចីមួយនេះ បាននិយាយថា ការដាក់ប្រាក់បញ្ញើ បានធ្លាក់ចុះជាង១០០ពាន់លានដុល្លារអាមេរិក ក្នុងត្រីមាសដំបូង ហើយខ្លួនកំពុងស្វែងរកជម្រើសផ្សេងៗ ដូចជា ការរៀបចំឡើងវិញនូវតារាងតុល្យការរបស់ខ្លួន។ ការធ្លាក់ចុះនៃប្រាក់បញ្ញើបានបង្កផលប៉ះពាល់លើប្រាក់ចំណេញដែលលើសពីការរំពឹងទុកសម្រាប់ធនាគារផ្តល់ប្រាក់កម្ចីកំពុងជួបបញ្ហាធ្ងន់ធ្ងរមួយនេះ ដែលត្រូវបានប៉ះពាល់ដោយសារការសម្រុកដកប្រាក់បញ្ញើចេញពីធនាគារធំៗ របស់សហរដ្ឋអាមេរិកកាលពីខែមុន បន្ទាប់ពីការដួលរលំរបស់ធនាគារផ្តល់ប្រាក់កម្ចីក្នុងតំបន់ចំនួនពីររបស់សហរដ្ឋអាមេរិក។  ធនាគារនេះគ្រោងនឹងកាត់បន្ថយការចំណាយដោយកាត់បន្ថយសំណងនាយកប្រតិបត្តិ រៀបចំកន្លែងការិយាល័យឡើងវិញ និងបញ្ឈប់បុគ្គលិកជិត២០ទៅ២៥ ភាគរយនៅក្នុងត្រីមាសទីពីរ។ក្រុមហ៊ុននេះ ក៏មានបំណងបង្កើនការដាក់ប្រាក់បញ្ញើដែលមានការធានារ៉ាប់រងរបស់ខ្លួន និងកាត់បន្ថយប្រាក់កម្ចីពីធនាគារកណ្ដាលផងដែរ។លោក Mike Roffler អគ្គនាយកក្រុមហ៊ុននេះ បាននិយាយក្នុងសន្និសីទព័ត៌មានតាមវីដេអូរយៈពេល១៥នាទី និងបានបញ្ចប់ដោយគ្មានសំណួរពីក្រុមអ្នកវិភាគថា យើងកំពុងចាត់វិធានការដើម្បីកាត់បន្ថយការចំណាយសមស្រមតាមហេតុផលដើម្បីភ្ជាប់ទៅនឹងការផ្ដោតលើការកាត់បន្ថយទំហំតារាងតុល្យការ៕

ការលំបាករបស់អ្នកដំណើរនៅអាល្លឺម៉ង់ ខណៈបុគ្គលិកអាកាសយានដ្ឋានទីក្រុង ប៊ែរឡាំងធ្វើកូដកម្ម

2023/04/25 07:26:58 pm        60
Facebook Telegram Linkin
អាល្លឺម៉ង់៖ អ្នកដំណើរតាមក្រុមហ៊ុនអាកាសចរណ៍ ត្រូវបានគេប្រាប់ពីការរំពឹងថា នឹងមានការអាក់ខានចំពោះជើងហោះហើរនៅក្នុងប្រទេសអាល្លឺម៉ង់ បន្ទាប់ពីបុគ្គលិកសន្តិសុខបានធ្វើកូដកម្មមួយថ្ងៃនៅអាកាសយានដ្ឋានអន្តរជាតិទីក្រុងប៊ែរឡាំង។ សកម្មភាពនេះ បានមើលឃើញថា ការធ្វើដំណើរចាកចេញទាំងអស់ពីរដ្ឋធានី ត្រូវបានលុបចោលពេញមួយថ្ងៃចន្ទ ដោយការធ្វើដំណើរមកដល់ក៏រងផលប៉ះពាល់។អ្នកនាំពាក្យរបស់អាកាសយានដ្ឋានបាននិយាយថា ជើងហោះហើរប្រមាណ ២៤០ជើង ដែលត្រូវបានគេកំណត់ហោះហើរនៅថ្ងៃច័ន្ទ ប៉ុន្តែត្រូវបានលុបចោលជាបន្តបន្ទាប់។ អ្នកដំណើរត្រូវបានគេប្រាប់ឱ្យទាក់ទងទៅក្រុមហ៊ុនអាកាសចរណ៍របស់ពួកគេសម្រាប់ព័ត៌មានអំពីការកំណត់ពេលឡើងវិញជើងហោះហើររបស់ពួកគេ។អ្នកដំណើរជាច្រើននៅទីក្រុង Hamburg ជាទីក្រុងធំបំផុតទីពីររបស់ប្រទេសអាល្លឺម៉ង់ ក៏បានរងផលប៉ះពាល់នេះដែរ បន្ទាប់ពីបុគ្គលិកមកពីក្រុមហ៊ុនឯកជន អេវីអេសិន ហេនដ្លីងសឺ វីស ហេមប៊ឺក(Aviation Handling Services Hamburg (AHS) ដែលផ្នែកគ្រប់គ្រងការត្រួតពិនិត្យចូល ការឡើងជិះលើយន្តហោះនិងបាត់បង់ បានរកឃើញថាក្រុមហ៊ុនអាកាសចរណ៍មួយចំនួនរួមទាំង ក្រុមហ៊ុនអាកាសចរណ៍  លុហ្វថានសា(Lufthansa) បានអំពាវឲ្យមានការធ្វើកូដកម្ម២៤ម៉ោង ដោយការជូនដំណឹងភ្លាមៗ។ អាកាសយានដ្ឋានដ៏មមាញឹកបំផុតចំនួនពីររបស់ប្រទេសអាល្លឺម៉ង់គឺ គឺអាកាសយានដ្ឋានទីក្រុង Frankfurt និង Munich មិនត្រូវបានរងផលប៉ះពាល់ដោយផ្ទាល់ពីការធ្វើកូដកម្មកាលពីថ្ងៃចន្ទនោះទេ ប៉ុន្តែទោះជាយ៉ាងណា ត្រូវបានគេរំពឹងថា អាចនឹងមានផលប៉ះពាល់ដល់ក្រុមហ៊ុនអាកាសចរណ៍អាល្លឺម៉ង់ Lufthansa ដោយសារតែការលុបចោលការធ្វើដំណើរចេញទាំងនៅទីក្រុងហាំប៊ឺក ទាំងនៅទីក្រុងប៊ែរឡាំង។ប្រទេសមានសេដ្ឋកិច្ចដ៏ធំបំផុតរបស់អឺរ៉ុប មួយនេះ បានឃើញការធ្វើកូដកម្មធំៗជាច្រើនលើក ដែលបាន រំខានដល់សេវាកម្មដឹកជញ្ជូនក្នុងរយៈពេលប៉ុន្មានខែថ្មីៗនេះ ខណៈសហជីព ទាមទាការដំឡើងប្រាក់ខែ ជាការឆ្លើយតបទៅនឹងអតិផរណាដែលកើនឡើងខ្ពស់៕

ភាគីជម្លោះនៅស៊ូដង់ព្រមព្រៀងឲ្យមានបទឈប់បាញ់៧២ម៉ោងខណៈជនបរទេសត្រូវបានជម្លៀសចេញ

2023/04/25 07:19:57 pm        165
Facebook Telegram Linkin
ស៊ុដង់៖ សហរដ្ឋអាមេរិកបាននិយាយថា គាគីជម្លោះនៅក្នុងប្រទេសស៊ូដង់បានព្រមព្រៀងឲ្យមានបទឈប់បាញ់ រយៈពេល៧២ម៉ោង ខណៈប្រទេសលោកខាងលិច អារ៉ាប់ និងអាស៊ី បានប្រជែងគ្នាដើម្បីមកទទួលយកពលរដ្ឋរបស់ពួកគេចេញពីប្រទេសនេះ។រដ្ឋមន្ត្រីការបរទេសសហរដ្ឋអាមេរិក លោក Antony Blinken បាននិយាយកាលពីថ្ងៃចន្ទថា កិច្ចព្រមព្រៀងបទឈប់បាញ់បានអនុវត្តតាមការចរចាដ៏តានតឹង រយៈពេលពីរថ្ងៃ ហើយនឹងចាប់ផ្តើមនៅថ្ងៃអង្គារនេះ។ ភាគីទាំងពីរ មិនបានគោរពតាមកិច្ចព្រមព្រៀងបទឈប់បាញ់ជាបណ្តោះអាសន្នមួយចំនួនក្នុងរយៈពេលមួយសប្តាហ៍កន្លងទៅនេះនោះទេ។ការប្រយុទ្ធគ្នាបានផ្ទុះឡើងរវាងកងកម្លាំងប្រដាប់អាវុធរបស់ប្រទេសស៊ូដង់ និងក្រុមយោធាប៉ារ៉ាកងកម្លាំងគាំទ្ររហ័ស (RSF) កាលពីថ្ងៃទី ១៥ ខែមេសា ហើយបានបណ្តាលឲ្យមនុស្សយ៉ាងហោចណាស់ ៤២៧ នាក់ បំផ្លាញមន្ទីរពេទ្យ និងសេវាកម្មផ្សេងទៀត ហើយបានប្រែក្លាយតំបន់លំនៅឋានពលរដ្ឋទៅជាតំបន់សង្គ្រាម។ក្នុងអំឡុងពេលនេះ សហរដ្ឋអាមេរិកជំរុញឱ្យកងកម្លាំងប្រដាប់អាវុធស៊ូដង់ និងក្រុមកងកម្លាំងគាំទ្ររហ័ស ប្រកាន់ខ្ជាប់បទឈប់បាញ់ជាបន្ទាន់និងពេញលេញ។ លោក Blinken បាននិយាយនៅក្នុងសេចក្តីថ្លែងការណ៍ថា ដើម្បីគាំទ្រដល់ការបញ្ចប់ការប្រយុទ្ធគ្នាយូរអង្វែង សហរដ្ឋអាមេរិកនឹងសម្របសម្រួលជាមួយដៃគូក្នុងតំបន់ និងអន្តរជាតិ និងភាគីពាក់ព័ន្ធជនស៊ីវិលនៅស៊ូដង់។ អគ្គលេខាធិការអង្គការសហប្រជាជាតិ លោក Antonio Guterres បាននិយាយថា អំពើហឹង្សាក្នុងប្រទេសដែលនៅជាប់សមុទ្រក្រហម តំបន់នៃទ្វីបអាហ្វ្រិក និងតំបន់ Sahel ប្រឈមគ្រោះថ្នាក់នៃការបំផ្លិចបំផ្លាញដ៏មហន្តរាយ ដែលអាចហ៊ុមព័ទ្ធនៅក្នុងតំបន់ទាំងមូល និងលើសពីនេះទៀត។លោកបានជំរុញឱ្យសមាជិកទាំង ១៥ ប្រទេសនៃក្រុមប្រឹក្សាសន្តិសុខអង្គការសហប្រជាជាតិ ប្រើអំណាចរបស់ពួកគេដើម្បីត្រលប់ប្រទេសស៊ូដង់ទៅរកមាគ៌ានៃអន្តរកាលលទ្ធិប្រជាធិបតេយ្យ បន្ទាប់ពីរដ្ឋប្រហារយោធាឆ្នាំ ២០២១ ដែលក្រោយមកមានការដួលរលំមេដឹកនាំយូរអង្វែង លោក Omar al-Bashir នៅក្នុងការបះបោរដែលមានការគាំទ្រច្រើន។ ក្រុមប្រឹក្សាសន្តិសុខ មានផែនការបើកកិច្ចប្រជុំមួយស្តីពីប្រទេសស៊ូដង់ នៅថ្អៃអង្គារនេះ៕

បណ្ដាញសង្គម

ព័ត៌មានថ្មីៗ

តំណាងរាស្រ្តខេត្តបន្ទាយមានជ័យ៖ ទោះបីមានការឈ្លានពានពីប្រទេសជិតខាង តែពលរដ្ឋកម្ពុជា នៅតែមានឱកាសធ្វើបុណ្យទានប្រកបដោយសទ្ធាជ្រះថ្លា
10/04/2026 05:10 PM
Facebook Telegram Linkin
ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញកាន់បិណ្ឌទី៨ និងនាំយកទេយ្យវត្ថុប្រគេនវត្តចំនួន១៣វត្ត និងចែកអំណោយដល់យាយជីតាជី នៅខេត្តពោធិ៍សាត់
10/04/2026 04:10 PM
Facebook Telegram Linkin
មន្រ្តីជាន់ខ្ពស់ធនាគារជាតិ៖ វិស័យធនាគារបានបន្តរក្សាលំនឹង និងមានសុខភាពល្អជាធម្មតា
10/04/2026 04:10 PM
Facebook Telegram Linkin
លោកជំទាវ ចម និម្មល អញ្ជើញសំណេះសំណាល សួរសុខទុក្ខ និងនាំយកអំណោយជូននាយទាហាន នាយទាហានរង និងពលទាហាន នៃបញ្ជាការដ្ឋានកាំភ្លើងធំ កងទ័ពជើងគោក ក្នុងឱកាសពិធីបុណ្យភ្ជុំបិណ្ឌ
10/04/2026 04:10 PM
Facebook Telegram Linkin
ប្រតិបត្តិការបង្ក្រាប Online Scam នៅប៉ោយប៉ែត ឃាត់ខ្លួនមនុស្សជិត៦០០នាក់
10/04/2026 03:10 PM
Facebook Telegram Linkin
ប្រធានក្រុមការងាររាជរដ្ឋាភិបាលចុះមូលដ្ឋានស្រុកស្អាង និងកោះធំ អញ្ជើញជួបសំណេះសំណាល និងសួរសុខទុក្ខគ្រួសារវីរៈកងទ័ព និងគ្រួសារក្រីក្រក្នុងស្រុកស្អាង និងកោះធំ សរុប ១៨០០គ្រួសារ
10/04/2026 03:10 PM
Facebook Telegram Linkin
ការនាំចេញអង្ករកម្ពុជាទៅកាន់ប្រទេសហ្វីលីពីន មានសន្ទុះខ្លាំង ខណៈការដឹកជញ្ជូនអង្ករចំនួន ២០.០០០តោនបានចាប់ផ្តើមចេញដំណើរហើយ
10/04/2026 03:10 PM
Facebook Telegram Linkin
រដ្ឋមន្ត្រីសុខាភិបាល៖ ការតម្កល់សុខុមាលភាពរបស់ប្រជាពលរដ្ឋ គឺជាអាទិភាពចម្បងជានិច្ចរបស់រាជរដ្ឋាភិបាល
10/04/2026 03:10 PM
Facebook Telegram Linkin
អតីតសមាជិកគណបក្សប្រឆាំង ចំនួន៣៩នាក់ សម្រេចចិត្តចូលរួមជីវភាពនយោបាយជាមួយគណបក្សប្រជាជនកម្ពុជា
10/04/2026 03:10 PM
Facebook Telegram Linkin
នេប៉ាល់ប្រារព្ធពិធីរំឭកវិញ្ញាណក្ខន្ធជនរងគ្រោះ និងទាមទារភាពយុត្តិធម៌អាកាសធាតុ
10/04/2026 02:10 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.