BTV NEWS

សម្ដេចតេជោ៖ការពង្រឹងខឿនការពារជាតិមិនសំដៅតែនៅសមរភូមិមុខទេ ត្រូវយកចិត្តទុកដាក់ទំនុកបម្រុងអ្នកសមរភូមិក្រោយជាគ្រួសារយុទ្ធជនជួរមុខ និងអតីតយុទ្ធជន

ឯកអគ្គរដ្ឋទូតហុងគ្រីចប់អាណត្តិមើលឃើញថាកម្ពុជាគឺជាដៃគូដ៏ជិតស្និទ្ធរបស់ហុងគ្រី

ឯកអគ្គរដ្ឋទូតបញ្ចប់អាណត្តិស្វីស៖ រដ្ឋាភិបាលស្វីសនឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា

សម្តេចធិបតីផ្ញើសារច្បាស់លាស់ និងយ៉ាងម៉ឺងម៉ាត់ដល់អាជ្ញាធរមូលដ្ឋានឱ្យបង្ក្រាប Online Scams ឱ្យទាល់តែអស់ជាដាច់ខាតប្រកបដោយស្មារតីទទួលខុសត្រូវខ្ពស់បំផុត

នយោបាយ និង ការអភិវឌ្ឍន៍

សម្តេចតេជោ ហ៊ុន សែន សម្រេចលុបចោល ស.ជ.ណ ពាក់ព័ន្ធលោកស្រី សៀង ចាន់ហេង សិន រង់ចាំការសម្រេចពេលក្រោយទៀត

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី បានសម្រេចលុបចោ ស.ជ.ណ លេខ១៨មយ ចុះថ្ងៃទី៥ ខែមករា ឆ្នាំ ២០២៣ ចាប់ពីម៉ោងនេះតទៅពាក់ព័ន្ធលោកស្រី សៀង ចាន់ហេង។យោងតាមសារសម្តេចតេជោ ហ៊ុន សែន ចេញផ្សាយនៅតាមFacebookផ្លូវការសម្តេចនៅមុននេះបន្តិចថា «១ថ្ងៃនេះ មានការផ្សាយយ៉ាងព្រោងព្រាត នូវ ស.ជ.ណទាក់ទងជាមួយលោកស្រី សៀង ចាន់ហេង តាមសំណើរ របស់សម្តេច ស ខេង និងការសម្រេចរបស់ខ្ញុំ(សម្តេចតេជោ ហ៊ុន សែន )កាលពីថ្ងៃ២៩ ខែធ្នូ ឆ្នាំ២០២២។ នៅថ្ងៃទី៩ ខែមករា ឆ្នាំ២០២៣ តាមសំណើររបស់លោកស្រី សៀង ចាន់ហេង ខ្ញុំបានប្រគល់ជូនឯកឧត្តម ជា សុផារ៉ា ផ្តល់មតិដែលឯកសារនេះមិនត្រូវបានផ្សព្វផ្សាយទេ។ ដើម្បីបញ្ចប់នូវភាពមិនច្បាស់លាស់ មុនពេលឯកឧត្តមជា សុផារ៉ាផ្តល់មតិ ខ្ញុំសម្រេចលុបចោល ស.ជ.ណ លេខ១៨មយ ចុះថ្ងៃទី៥ ខែមករា ឆ្នាំ២០២៣ ចាប់ពីម៉ោងនេះតទៅ។ ការសម្រេចយ៉ាងណាទៀត នឹងធ្វើក្រោយពេលឯកឧត្តមជា សុផារ៉ាផ្តល់មតិ»៕

សម្តេចតេជោ លើកទឹកចិត្តឱ្យតួគីជំរុញវិនិយោគលើវិស័យកសិកម្មមកកម្ពុជា

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅព្រឹកថ្ងៃទី១១ ខែមករា ឆ្នាំ២០២៣នេះ ក៏បានអនុញ្ញាតឱ្យឯកឧត្តម វ៉ាហ៊ីត គីរីសស៊ី (Vahit Kirisci) រដ្ឋមន្ត្រីក្រសួងកសិកម្ម រុក្ខាប្រមាញ់ តួកគី ចូលជួបសម្តែងការគួរសម និងពិភាក្សាការងារផងដែរ។ក្នុងជំនួបនៅវិមានសន្តិភាពនេះដែរ បើតាមឯឧ អ៊ាង សុផល្លែត ជំនួយការសម្តេចតេជោថា ឯកឧត្តមវ៉ាហ៊ីត បានគោរពពាំនាំនូវការផ្ដាំផ្ញើសួរសុខទុក្ខពីឯកឧត្តមប្រធានាធិបតីតួគីជូនចំពោះសម្ដេចតេជោ ហើយក៏បានសូមសំដែងនូវការអបអរសាទរជូនចំពោះសម្ដេចតេជោ ចំពោះប្រជាជនកម្ពុជាទាំងមូលដែលទទួលបានជោគជ័យយ៉ាងត្រចះត្រចង់អំពីការរៀបចំនិងដឹកនាំកិច្ចប្រជុំកំពូលអាស៊ាន និងកិច្ចប្រជុំកំពូលពាក់ព័ន្ធកន្លងមក។ឯកឧត្តម ក៏បានគោរពជម្រាបជូនសម្ដេចតេជោថា៖ ដំណើរទស្សនកិច្ចរបស់ឯកឧត្តមនៅពេលនេះ គឺដើម្បីពង្រីកនូវកិច្ចសហប្រតិបត្តិការរវាងប្រទេសទាំងពីរលើគ្រប់វិស័យ ជាពិសេសជំរុញការអនុវត្តលើកិច្ចសហប្រតិបត្តិការដែលបានចុះហត្ថលេខាកន្លងមក។ឯកឧត្តម បានជម្រាបជូនសម្ដេចតេជោផងដែរថា ប្រទេសទាំងពីរកម្ពុជា តួគី គឺមានសក្តានុពលយ៉ាងច្រើនដែលអាចធ្វើកិច្ចសហប្រតិបត្តិការ និងជំរុញទំហំពាណិជ្ជកម្មរវាងប្រទេសទាំងពីរឲ្យបានកើនឡើង១ពាន់លានដុល្លារក្នុងមួយឆ្នាំ ក្នុងនោះរួមមានវិស័យកសិកម្ម ការកែច្នៃផលិតផលកសិកម្មសម្រាប់ការនាំចេញ រួមមានវិស័យវារីវប្បកម្ម វិស័យគ្រឿងយន្តកសិកម្ម វិស័យសំណង់វិស័យ វិស័យអាយធី វិស័យកែច្នៃម្ហូបអាហារ និងអាហារ ហាឡាល់ វិស័យអប់រំ ការផ្ដល់អាហារូបករណ៍ឲ្យនិស្សិតកម្ពុជាបានទៅបន្តការសិក្សានៅប្រទេសតួគី ការហោះហើរត្រង់ពីប្រទេសតួគីមកកម្ពុជានិងវិស័យជាច្រើនទៀត។ជាការឆ្លើយតប សម្ដេចតេជោ បានថ្លែងអំណរគុណចំពោះការផ្ដាំផ្ញើសួរសុខទុក្ខអំពីឯកឧត្តមប្រធានាធិបតី តួគី និងបានផ្ដាំផ្ញើសួរសុខទុក្ខចំពោះឯកឧត្តមប្រធានាធិបតីវិញផងដែរ ហើយសម្ដេចក៏បានថ្លែងអំណរគុណចំពោះការអបអរសាទររបស់ឯកឧត្ដមចំពោះជោគជ័យភាពជាម្ចាស់ផ្ទះដែលកម្ពុជាបានដឹកនាំកិច្ចប្រជុំកំពូលអាស៊ាន និងកិច្ចប្រជុំកំពូលពាក់ព័ន្ធបានយ៉ាងជោគជ័យ។សម្តេច ក៏បានលើកទឹកចិត្តឲ្យមានការជំរុញកិច្ចសហប្រតិបត្តិការលើវិស័យដែលជាសក្តានុពលដូចដែលឯកឧត្តមបានលើកឡើងខាងលើហើយក៏បានផ្ដល់អនុសាសន៍ជូនឯកឧត្តម វ៉ាហ៊ីតថា គប្បីណាជំរុញឱ្យមានអ្នកវិនិយោគតួគីមកវិនិយោគនៅប្រទេសកម្ពុជាតាមរយៈការដាក់ម៉ាស៊ីនកែច្នៃ សង់ឃ្លាំងស្តុកនិងរៀបចំបណ្ដាញទិញផលិតផលកសិកម្មពីកសិករកម្ពុជាយកមកកែច្នៃ ដើម្បីនាំចេញទៅទីផ្សារប្រទេសតួគីផង និងទីផ្សារដទៃទៀតផង។សម្តេចថា កម្ពុជាមានវត្ថុធាតុដើមច្រើនដែលរួមមានដូចជាស្វាយចន្ទី ដំឡូង កៅស៊ូ ស្រូវដែលអាចកែច្នៃសម្រាប់ការនាំចេញ ហើយជាមួយគ្នានោះដែរ គប្បីណាពិចារណាឱ្យមានកិច្ចព្រមព្រៀងមិនមានការយកពន្ធត្រួតគ្នាដើម្បីជាការសម្រួលនិងលើកទឹកចិត្តដល់វិនិយោគរវាងប្រទេសទាំងពីរ៕

សម្តេចតេជោ ហ៊ុន សែន អនុញ្ញាតឱ្យប្រតិភូក្រុមការងារត្រួតពិនិត្យរួមនៃក្រុមប្រទេសប៉ាស៊ីហ្វិក ចូលជួបសំដែងការគួរសម និងពិភាក្សាការងារ

ភ្នំពេញ៖ ប្រតិភូក្រុមការងារត្រួតពិនិត្យរួមនៃក្រុមប្រទេសប៉ាស៊ីហ្វិក អំពីកិច្ចសហប្រតិបត្តិការអន្តរជាតិ នៅព្រឹកថ្ងៃទី១១ ខែមករា ឆ្នាំ២០២៣នេះ ត្រូវបានសម្តេចតេជោ ហ៊ុន សែន នាយករដ្ឋមន្ត្រីកម្ពុជា អនុញ្ញាតឱ្យចូលជួបសំដែងការគួរសម និងពិភាក្សាការងារមួយចំនួននៅវិមានសន្តិភាព ទីស្តីការនាយករដ្ឋមន្ត្រី។ឯកឧត្តម អ៊ាង សុផល្លែត ជំនួយការផ្ទាល់សម្ដេចតេជោបានឱ្យដឹងនៅក្រោយជំនួបថា ក្នុងជំនួបនេះ លោកស្រី ម៉ាលីន បានសម្ដែងនូវសេចក្ដីរីករាយ ដោយបានដឹកនាំប្រតិភូមកកាន់កម្ពុជា។ លោកស្រី ម៉ាលីន បានសម្ដែងនូវការអបអរសាទរចំពោះសម្ដេចតេជោ ដែលបានចាត់វិធានការទប់ស្កាត់ការរីករាលដាលជំងឺកូវីដ-១៩ បានយ៉ាងជោគជ័យ ដោយបានបើកប្រទេសជាតិ និងបើកសេដ្ឋកិច្ចឡើងវិញ។លោកស្រី ម៉ាលីន ក៏បានគោរពវាយតម្លៃខ្ពស់ចំពោះការប្ដេជ្ញាចិត្តរបស់កម្ពុជា ហើយបានលើកទឹកចិត្តកម្ពុជាឲ្យនាំមុខប្រទេសដទៃទៀតលើវិស័យហិរញ្ញប្បទានបៃតង និងការអភិវឌ្ឍន៍បៃតង។ជាការឆ្លើយតប សម្ដេចតេជោ ហ៊ុន សែន បានស្វាគមន៍ចំពោះលោកស្រី ម៉ាលីន និងប្រតិភូទាំងមូលមកកាន់ព្រះរាជាណាចក្រកម្ពុជានាពេលនេះ។សម្ដេចតេជោនាយករដ្ឋមន្ត្រី បានជម្រាបជូនប្រតិភូទាំងមូលអំពីយុទ្ធសាស្ត្រទប់ស្កាត់ការរីករាលជំងឺកូវីដ-១៩ និងបានជម្រាបជូនប្រតិភូទាំងមូលផងដែរ អំពីកិច្ចផ្ដួចផ្ដើមការអភិវឌ្ឍបៃតង ដែលរាជរដ្ឋាភិបាលកម្ពុជាបានផ្ដួចផ្ដើមឡើងនៅក្នុងកិច្ចប្រជុំកំពូលអាស៊ាននាកន្លងមកនេះ៕

គ.ជ.ប ប្រកាសឲ្យពលរដ្ឋត្រៀមពិនិត្យឈ្មោះ ខណៈឈ្មោះជិត២៨ម៉ឺននាក់ នឹងត្រូវលុបចេញ

ភ្នំពេញ៖ ឯកឧត្តម ហង្ស ពុទ្ធា អ្នកនាំពាក្យគណៈកម្មាធិការជាតិរៀបចំការបោះឆ្នោត (គ.ជ.ប) បានប្រកាសឲ្យប្រជាពលរដ្ឋត្រៀមខ្លួនអញ្ជើញទៅពិនិត្យឈ្មោះបោះឆ្នោតដំបូងរបស់ខ្លួនតាមបណ្តាឃុំ-សង្កាត់ ខណៈឈ្មោះដែលនឹងត្រូវលុបចេញពីបញ្ជីចំនួនជិត ២៨ម៉ឺននាក់។បើតាមឯកឧត្តម ហង្ស ពុទ្ធា សមាជិក និងជាអ្នកនាំពាក្យ គ.ជ.ប បានឲ្យដឹងនៅថ្ងៃទី៩ ខែមករា ថា គជ.ប នឹងធ្វើការបិទផ្សាយបញ្ជីបោះឆ្នោតដំបូង និងបញ្ជីឈ្មោះអ្នកបោះឆ្នោតដែលនឹងត្រូវលុបចេញពីបញ្ជីបោះឆ្នោត ដើម្បីឱ្យប្រជាពលរដ្ឋទៅពិនិត្យផ្ទៀងផ្ទាត់ឈ្មោះ និងទិន្នន័យផ្សេងៗរបស់ខ្លួនក្នុងបញ្ជីបោះឆ្នោត ព្រមទាំងអាចសុំកែតម្រូវ តាមរយៈការប្តឹងតវ៉ា ឬប្តឹងជំទាស់។ឯកឧត្តម បញ្ជាក់ថា ក្នុងចំណោមប្រជាពលរដ្ឋបានអញ្ជើញចុះឈ្មោះជាង៩លាននាក់ នឹងមានឈ្មោះជិត ២៨ម៉ឺននាក់ត្រូវលុបចេញពីបញ្ជីឈ្មោះបោះឆ្នោតដំបូងដែលនឹងត្រូវបិទផ្សាយនៅថ្ងៃទី១៣ ខែមករានេះ តាមបណ្តាសាលាឃុំ-សង្កាត់នៅទូទាំងប្រទេស។ឯកឧត្តម ហង្ស ពុទ្ធា គូសបញ្ជាក់ថា ជនណាក៏ដោយមានសិទ្ធិប្តឹងតវ៉ា ឬប្តឹងជំទាស់ជាលាយលក្ខណ៍អក្សរទាក់ទងនឹងបញ្ជីបោះឆ្នោតដំបូង និងបញ្ជីឈ្មោះ អ្នកបោះឆ្នោតដែលនឹងត្រូវលុបចេញពីបញ្ជីបោះឆ្នោតទៅក្រុមប្រឹក្សាឃុំ-សង្កាត់ ក្នុងរយៈពេល១០ថ្ងៃយ៉ាងយូរ បន្ទាប់ពីថ្ងៃបិទផ្សាយ ហើយនឹងបិទការប្តឹងតវ៉ានៅត្រឹមថ្ងៃទី២៣ ខែមករានេះ។ពាក់ព័ន្ធនឹងការប្តឹងតវ៉ា ឯកឧត្តម ហង្ស ពុទ្ធា បន្ថែមថា ការប្តឹងអាចធ្វើឡើងបានក្នុងករណីបាត់ឈ្មោះរបស់អ្នកបោះឆ្នោត ឬមានឈ្មោះក្នុងបញ្ជីបោះឆ្នោត ប៉ុន្តែកត់ត្រាមិនច្បាស់លាស់នូវទិន្នន័យពាក់ព័ន្ធ ឬព័ត៌មានដែលបានផ្តល់ឱ្យ ឬត្រូវបាន គ.ជ.ប លុបឈ្មោះមិនត្រឹមត្រូវ។ ចំណែកការប្តឹងជំទាស់ អាចធ្វើឡើងចំពោះបុគ្គលណាម្នាក់មានឈ្មោះក្នុងបញ្ជីបោះឆ្នោតដំបូង ប៉ុន្តែជននោះមិនមានលក្ខខណ្ឌគ្រប់គ្រាន់ ដើម្បីមានឈ្មោះក្នុងបញ្ជីបោះឆ្នោត និងចំពោះជនណាម្នាក់ ដែលមានឈ្មោះក្នុងបញ្ជីបោះឆ្នោតច្រើនជាងមួយកន្លែង៕ អត្ថបទ៖ សេក ឧត្តម

សម្ដេចតេជោព្រមានចាត់វិធានការផ្លូវច្បាប់ លើអ្នកនយោបាយដែលវាយប្រហារបក្សប្រជាជនកម្ពុជា

កំពង់ចាម៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានព្រមានចាត់វិធានការផ្លូវច្បាប់លើអ្នកនយោបាយទាំងឡាយណា ដែលយកគណបក្សប្រជាជនកម្ពុជា ធ្វើជាគោលដៅវាយប្រហារ ដើម្បីកេងចំណេញ ផ្នែកនយោបាយ ខណៈការបោះឆ្នោតជ្រើសតាំងតំណាងរាស្ត្រ នឹងឈានមកដល់នៅខែកក្កដា ឆ្នាំនេះ។សម្តេចតេជោ ហ៊ុន សែន ក្នុងឱកាសអញ្ជើញជាអធិបតីបើកការដ្ឋានពង្រីក និងលើកគុណភាព ផ្លូវជាតិលេខ៧ ក្នុងខេត្តកំពង់ចាម នៅព្រឹកថ្ងៃទី៩ ខែមករា នេះ បានលើកទឹកចិត្តឱ្យគណបក្សនយោបាយ ទាំងអស់ ធ្វើនយោបាយតាមរបៀបដោះស្រាយបញ្ហារបស់ខ្លួន ដោយកុំយកគណបក្សប្រជាជនធ្វើជារបៀប វារៈនៃការវាយប្រហារ ។លោក គង់ គាំ ក៏ជាអតីតមន្ត្រីជាន់ខ្ពស់របស់បក្សប្រជាជនកម្ពុជាផងដែរ ។ ថ្មីៗនេះ លោក គង់ គាំ បានវាយប្រហារមកលើបក្សប្រជាជន នៅក្នុងកិច្ចប្រជុំ១ នៅខេត្តសៀមរាប និងស្រុកជើងព្រៃ ដោយចោទប្រកាន់ថា គណបក្សប្រជាជនកម្ពុជា ជាចោរលួចសន្លឹកឆ្នោត ជាដើម ។ដូច្នេះសម្តេចមិនទុកឱ្យពួកលោក គង់ គាំ ជាអ្នកប្រឆាំង ចោទថាគណបក្សប្រជាជនជាចោរអស់មួយជីវិតនោះទេ គឺត្រូវបញ្ចប់វប្បធម៌ឡាំប៉ាក្រោយការបោះឆ្នោត។ គណបក្សប្រជាជនមិនអាចទទួលយកបាននូវពាក្យថា ជាចោរលួចបន្លំសន្លឹកឆ្នោតនោះទេ អ្នកណាហ៊ាននិយាយយើងត្រូវតែប្តឹងព្រោះការវ៉ៃប្រហារបែបនេះមិនមែនជាសិទ្ធិបញ្ចេញមតិទេ៕អត្ថបទ៖ មុត សុទ្ធ

សម្ដេចតេជោ «គោលនយោបាយដែលសម្ដេចដាក់ចេញកាលពីជាង៣០ឆ្នាំមុន នៅតែត្រូវរហូតដល់ពេលនេះ»

កំពង់ចាម៖ សម្ដេចតេជោ ហ៊ុន សែន នាយករដ្ឋមន្រ្ដីនៃកម្ពុជា បានថ្លែងថា បើគ្មានផ្លូវ គ្មានស្ពាន គឺមិនអាចធ្វើការអភិវឌ្ឍបានទេ ដូច្នេះបានជាគោលនយោបាយ និងយុទ្ធសាស្រ្ដដែលសម្ដេចបានដាក់ចេញតាំងពីឆ្នាំ១៩៨៧ នៅតែត្រូវរហូតមកដល់ពេលនេះ ហើយអាចត្រូវរយៈពេល ៣០ ឆ្នាំទៀត នោះគឺប្រមូលផ្ដុំទៅលើការវិនិយោគ ទឹក ផ្លូវ ភ្លើង មនុស្ស ដែលឥឡូវនេះ ហៅថា មនុស្ស ផ្លូវ ទឹក និងភ្លើង ដែលនៅតែជាអាទិភាពសម្រាប់ការវិនិយោគរបស់កម្ពុជា។សម្ដេចតេជោ ហ៊ុន សែន ថ្លែងក្នុងឱកាសអញ្ជើញធ្វើជាសហធិបតីនៅក្នុងពិធីសម្ពោធបើកការដ្ឋានសាងសង់ពង្រីក និងលើកកម្រិតគុណភាពកំណាត់ផ្លូវជាតិលេខ៧ ចាប់ពីរង្វល់មូលស្គន់ ទីរួមស្រុកជើងព្រៃ រហូតដល់ទីរួមខេត្តកំពង់ចាម នាព្រឹកថ្ងៃទី៩ ខែមករា ឆ្នាំ២០២៣នេះថា ការខិតខំវិនិយោគរបស់រាជរដ្ឋាភិបាល លើធនធានមនុស្ស និងហេដ្ឋារចនាសម្ព័ន្ធ ផ្លូវ ទឹក និងភ្លើង បន្ដិចម្ដងៗដោយបន្តអនុវត្តតាមយុទ្ធសាស្រ្ដជាជំហានៗ។សម្ដេចតេជោ ហ៊ុន សែន បានបញ្ជាក់ថា ក្រោយថ្ងៃរំដោះ ៧ មករា ១៩៧៩ រាជរដ្ឋាភិបាលបានស្ដារប្រទេសឡើងវិញ បន្ដិចម្ដងៗដែលរហូតមកពេលនេះ ប្រទេសកម្ពុជា មានធនធានមនុស្ស និងមានហេដ្ឋារចនាសម្ព័ន្ធ ផ្លូវ ស្ពាន ទឹក និងភ្លើងអគ្គិសនីយគ្រប់គ្រាន់គ្រប់ទីកន្លែងទូទាំងប្រទេសកម្ពុជា។គួរបញ្ជាក់ថា នៅព្រឹកថ្ងៃទី៩ ខែមករា ឆ្នាំ២០២៣នេះ សម្ដេចអគ្គមហាសេនាបតីតេជោ ហ៊ុន សែន នឹងឯកឧត្តម វ៉ាង វិនធៀន ឯកអគ្គរដ្ឋទូតចិនប្រចាំនៅកម្ពុជា បានអញ្ជើញធ្វើជាសហធិបតីនៅក្នុងពិធីសម្ពោធបើកការដ្ឋានសាងសង់ពង្រីក និងលើកម្រិតគុណភាពកំណត់ផ្លូវជាតិលេខ៧ ចាប់ពីរង្វល់មូលស្គន់ ទីរួមស្រុកជើងព្រៃ រហូតដល់ទីរួមខេត្តកំពង់ចាម។គម្រោងនេះ នឹងត្រូវអនុវត្ដការសាងសង់ដោយក្រុមហ៊ុនសាជីវកម្មស្ពាន និងថ្នល់ចិន(CRBC) និងត្រួតពិនិត្យបច្ចេកទេសដោយក្រុមហ៊ុនទីប្រឹក្សា បច្ចេកទេសក្វាងចូវវ៉ានអាន ប្រើប្រាស់រយៈពេលសាងសង់ចំនួន ៤០ ខែ នឹងបញ្ចប់នៅក្នុងឆ្នាំ២០២៦ គ្រោងចំណាយថវិកាសរុបជាង ១១៧ លានដុល្លារអាមេរិក ដែលជាឥណទានសម្បទានពីរដ្ឋាភិបាលចិន រួមជាមួយនឹងថវិកាបដិភាគរបស់រាជរដ្ឋាភិបាលកម្ពុជា សម្រាប់ការដោះស្រាយផលប៉ះពាល់ ការបោសសម្អាតគ្រាប់មីន យុទ្ធភ័ណ្ឌមិនទាន់ផ្ទុះ និងពន្ធអាករផ្សេងៗ៕ អត្ថបទ វ៉ន ដារ៉ា

ឯកឧត្តម លី ធុជ៖ មានគណបក្សប្រជាជនកម្ពុជា និងសម្តេចតេជោ ហ៊ុន សែន ទើបប្រជាជនរួចផុតពីរបបគុកឥតជញ្ជាំង ,មានសន្តិភាព និងការអភិវឌ្ឍលើគ្រប់វិស័យដូចសព្វថ្ងៃ

ស្វាយរៀង៖ ឯកឧត្តមទេសរដ្ឋមន្ត្រី លី ធុជ ប្រធានក្រុមការងាររាជរដ្ឋាភិបាល ចុះមូលដ្ឋានក្រុងបាវិត ខេត្តស្វាយរៀង បានបញ្ជាក់ថា មានគណបក្សប្រជាជនកម្ពុជា និងសម្តេចតេជោ ហ៊ុន សែន ទើបប្រជាជនរួចផុតពីរបបគុកឥតជញ្ជាំង ,មានសន្តិភាព និងការអភិវឌ្ឍលើគ្រប់វិស័យដូចសព្វថ្ងៃនេះ។ថ្លែងក្នុងឱកាសអបអរសាទរខួបអនុស្សាវរីយ៍លើកទី៤៤ ( ៧ មករា ឆ្នាំ១៩៧៩ ៧ មករា ឆ្នាំ២០២៣) ដែលប្រារពធ្វើឡើងនៅសង្កាត់ច្រកម្ទេស ក្រុងបាវិត ដោយមានប្រជាពលរដ្ឋអញ្ជើញចូលរួមចំនួន៦០០នាក់ នៅថ្ងៃទី០៨ ខែមករា ឆ្នាំ២០២៣ ឯកឧត្តមទេសរដ្ឋមន្ត្រី បានលើកឡើងថា មុនថ្ងៃទី៧ មករា ឆ្នាំ១៩៧៩ យើងបាត់បងអ្វីៗទាំងអស់ សូម្បីតែជិវីតផ្ទាល់ខ្លួនយើង ក៏មិនអាចការពារបានដែរ។ ឯកឧត្តមបន្តថា ក្រោយថ្ងៃដោះ ៧មករា ឆ្នាំ១៩៧៩ ក្រោមការដឹកនាំរបស់គណបក្សប្រជាជនកម្ពុជា និងការខិតខំប្រឹងប្រែងរបស់ថ្នាក់ដឹកនាំគណបក្សប្រជាជនកម្ពុជា ជាពិសេសសម្តេចតេជោនាយករដ្ឋមន្ត្រី បានធ្វើអោយប្រជាពលរដ្ឋកម្ពុជាយើងបានរស់ឡើងវិញ និងចាប់ផ្តើមមានសិទ្ធសេរីភាព និងការអភិវឌ្ឍលើគ្រប់វិស័យដូចសព្វថ្ងៃនេះ៕

សម្ដេចតេជោ ហ៊ុន សែន៖ «បើគ្មានការគាំទ្រពីប្រជាពលរដ្ឋទេ កម្ពុជាក៏មិនអាចការពារពីកូវីដ-១៩ បានដែរ»

សម្ដេចតេជោ ហ៊ុន សែន បានថ្លែងអំណរគុណដល់ប្រជាពលរដ្ឋដែលបានផ្ដល់នូវការជឿទុកចិត្ត ចំពោះគណបក្សប្រជាជនកម្ពុជា ជាពិសេសការជឿទុកចិត្តចំពោះសម្ដេចផ្ទាល់ សម្រាប់ការដឹកនាំប្រទេសប្រកបដោយសន្ដិភាព និងការអភិវឌ្ឍ។ សម្ដេចបញ្ជាក់ថាប្រសិនបើគ្មានការគាំទ្រពីសំណាក់ប្រជាពលរដ្ឋក្នុងការចាក់វ៉ាក់សាំងការពារកូវីដ-១៩ទេ ប្រទេសកម្ពុជា ក៏មិនអាចបើកដំណើរការសង្គមសេដ្ឋកិច្ចជាធម្មតាឡើងវិញបានដែរ។ សម្ដេចតេជោ ហ៊ុន សែន បានថ្លែងនៅក្នុងឱកាសអញ្ជើញធ្វើជាសហធិបតីនៅក្នុងពិធីសម្ពោធបើកការដ្ឋានសាងសង់ពង្រីក និងលើកកម្រិតគុណភាពកំណាត់ផ្លូវជាតិលេខ៧ ចាប់ពីរង្វល់មូលស្គន់ ទីរួមស្រុកជើងព្រៃ រហូតដល់ទីរួមខេត្តកំពង់ចាម នាព្រឹកថ្ងៃទី៩ ខែមករា ឆ្នាំ២០២៣នេះថា បើគ្មានការគាំទ្រពីប្រជាពលរដ្ឋប្រទេសកម្ពុជា ក៏មិនអាចជោគជ័យលើការប្រយុទ្ធប្រឆាំងនឹងជំងឺកូវីដ-១៩ បានដែរ ប្រសិនបើប្រជាពលរដ្ឋមិនទទួលយកអនុវត្តនូវវិធានការសុខាភិបាល ៣ការពារ និង៣កុំ និងការទទួលវ៉ាក់សាំង។ សម្ដេចតេជោបានបញ្ជាក់ថា គ្រាន់តែមួយរយៈខ្លីប៉ុណ្ណោះ កូវីដ១៩ បានទាញយកជីវិតប្រជាជនកម្ពុជា ៣០៥៦ នាក់ ដែលជាចំនួនមួយ គួរឱ្យខ្លាច។ ប៉ុន្ដែដោយសារមានការគាំទ្រពីសំណាក់ប្រជាពលរដ្ឋទៅលើគោលនយោបាយ ទៅលើយុទ្ធសាស្រ្ដ និងបណ្ដាវិធានការទាំងឡាយ ដែលរាជរដ្ឋាភិបាលបានដាក់ចេញ គឺត្រូវបានប្រជាពលរដ្ឋទទួលស្វាគមន៍។សម្តេចតេជោ ហ៊ុន សែន ប្រកាសដល់ប្រជាពលរដ្ឋកុំភ្លេចខ្លួន ក្នុងកិច្ចការការពារការឆ្លងរីករាលដាលជំងឺកូវីដ១៩ ដោយនាំគ្នាទៅចាក់វ៉ាក់សាំងបង្ការជំងឺកូវីដ១៩ ឱ្យបានគ្រប់ៗគ្នា ទាំងដូសមូលដ្ឋាន និងដូសជំរុញ តាមការណែនាំរបស់ក្រុមគ្រូពេទ្យចាក់វ៉ាក់សាំង៕ អត្ថបទ៖ វ៉ន ដារ៉ា

សម្តេចតេជោ ហ៊ុន សែន៖ សន្តិភាព និងការអភិវឌ្ឍត្រូវតែដើរទន្ទឹមជាមួយគ្នាជានិច្ច

កំពង់ចាម៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជាបានលើកឡើងជាថ្មីម្តងទៀតថា កត្តាសន្តិភាពបាន ធ្វើឲ្យប្រទេសកម្ពុជាមានការអភិវឌ្ឍជាបន្តបន្ទាប់លើគ្រប់វិស័យ ហើយកត្តាសន្តិភាព និងការអភិវឌ្ឍនេះត្រូវ តែដើរទន្ទឹមគ្នាជានិច្ចមិនថាកាលៈទេសៈណានោះឡើយ។ថ្លែងនៅក្នុងឱកាស អញ្ជើញធ្វើជាសហធិបតីនៅក្នុងពិធីសម្ពោធបើកការដ្ឋានសាងសង់ពង្រីក និងលើកកម្រិតគុណភាពកំណាត់ផ្លូវជាតិលេខ៧ ចាប់ពីរង្វល់មូលស្គន់ ទីរួមស្រុកជើងព្រៃ រហូតដល់ទីរួមខេត្តកំពង់ចាម នាព្រឹកថ្ងៃទី៩ ខែមករា ឆ្នាំ២០២៣នេះ សម្តេចតេជោ ហ៊ុន សែន នាយករដ្ឋមន្រ្តីបានលើកឡើង ថា គោលនយោបាយរបស់គណបក្សប្រជាជនកម្ពុជាគឺដៃម្ខាងថែរក្សា និងការពារសន្តិភាព និងដៃម្ខាងទៀត ជំរុញការអភិវឌ្ឍ។ជាមួយគ្នានោះដែរ សម្តេចតេជោ ហ៊ុន សែន នាយករដ្ឋមន្រ្តីក៏បានលើកឡើងផងដែរថា ប្រសិនបើ ការដឹកនាំរបស់រាជរដ្ឋាភិបាលពុំមានការអភិវឌ្ឍទេនោះ ភាពវឹកវរប្រទេសនឹងកើតមានដោយសារតែកត្តាភាពក្រីក្រ ដូច្នេះមិនថាតម្លៃណានោះទេ ត្រូវតែថែរក្សា និងការពារនូវសុខសន្តិភាព និងការអភិវឌ្ឍនេះឲ្យ ខាងតែបាន។ក្នុងឱកាសនោះដែរសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា និងជាប្រធានគណបក្សប្រជាជនកម្ពុជា ក៏បានប្រកាសថ្លែងអំណរអគុណជាថ្មីម្តងទៀតចំពោះបងប្អូនប្រជាពលរដ្ឋខ្មែរទាំងអស់ ដែលបានបោះឆ្នោតគាំទ្រគណបក្សប្រជាជនតាំងពីដើមរហូតដល់បច្ចុប្បន្ននេះផងដែរ ខណៈដែលសម្តេចមានវត្តមាននៃការដឹកនាំប្រទេសដល់សព្វថ្ងៃនេះគឺកើតចេញពីការគាំទ្ររបស់បងប្អូននៅទូទាំងប្រទេស។ សម្តេចតេជោ រំពឹងផងដែរថា បងប្អូនប្រជាពលរដ្ឋទាំងអស់នឹង បន្តគាំទ្រសម្តេច និងគណបក្សប្រជាជនកម្ពុជាឲ្យដឹកនាំប្រទេសតទៅទៀត ដើម្បីសុខសន្តិភាព និងការអភិវឌ្ឍប្រទេសឲ្យកាន់តែរីកចំរើនបន្ថែមទៀតនោះ។យ៉ាងណាក៏ដោយសម្តេចតេជោ ហ៊ុន សែន នាយករដ្ឋមន្ត្រី ក៏បានលើកឡើងផងដែរថា សម្តេចនៅតែបន្តដឹកនាំ និងអភិវឌ្ឍប្រទេសកម្ពុជាតាមជំហ៊ានគីង្គក់ដដែល ដោយមិនធ្វើតាមជំហ៊ានយក្ស ឬមហាលោតផ្លោះអ្វីនោះទេ។ នេះគឺជាគោលនយោបាយរបស់គណបក្សប្រជាជនកម្ពុជា៕ អត្ថបទ៖ បាន ចក់

ប្រសាសន៍សំខាន់ៗសម្តេចតេជោ ហ៊ុន សែន ក្នុងពិធីសម្ពោធបើកការដ្ឋានសាងសង់ពង្រីក និងលើកកម្រិតគុណភាពកំណាត់ផ្លូវជាតិលេខ៧

នៅព្រឹកថ្ងៃទី០៩ ខែមករា ឆ្នាំ២០២៣នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីកម្ពុជា និងឯកឧត្តម វ៉ាង វិនធៀន ឯកអគ្គរដ្ឋទូតចិនប្រចាំនៅកម្ពុជា បានអញ្ជើញធ្វើជាសហធិបតីនៅក្នុងពិធីសម្ពោធបើកការដ្ឋានសាងសង់ពង្រីក និងលើកកម្រិតគុណភាពកំណត់ផ្លូវជាតិលេខ៧ ចាប់ពីរង្វង់មូលស្គន់ ទីរួមស្រុកជើងព្រៃ រហូតដល់ទីរួមខេត្តកំពង់ចាម។ខាងក្រោមនេះជាប្រសាសន៍សំខាន់ៗរបស់សម្ដេចតេជោ៖- សម្តេចតេជោបញ្ជាក់ថា ការសាងសង់ពង្រីក និងលើកកម្រិតគុណភាពកំណត់ផ្លូវជាតិលេខ៧ គឺជាវឌ្ឍនភាពថ្មីមួយទៀត សម្រាប់កម្ពុជា ដែលបានមកពីកិច្ចខិតខំប្រឹងប្រែងរបស់មិត្តចិនជួយដល់កម្ពុជា។- សម្តេចតេជោ ហ៊ុន សែន បញ្ជាក់ថា ក្រោយពេលកំណើនសេដ្ឋកិច្ច គួបផ្សំនឹងចរាចរណ៍របស់អ្នកដំណើរ និងការដឹកជញ្ជូនមានការកើនឡើងយ៉ាងគំហុក បានប្រែក្លាយកំណាត់ផ្លូវលេខ៧នេះឱ្យទៅជា «ផ្លូវកដប» ដែលមានសភាពចង្អៀត មានការកកស្ទះ និងមានគ្រោះថ្នាក់ញឹកញាប់ ទើបរាជរដ្ឋាភិបាលសម្រេចសាងសង់ពង្រីក និងលើកកម្រិតគុណភាពផ្លូវនេះជាចាំបាច់។- សម្តេចតេជោ ហ៊ុន សែន បានលើកឡើងពីការរិះគន់លើទំនាក់ទំនងដ៏ជិតស្និទ្ធបំផុតរវាងកម្ពុជា-ចិន រហូតដល់មានចោទសួរនានា ពាក់ព័ន្ធទំនាក់ទំនងនេះ ដោយសម្តេចបញ្ជាក់ថា «បើសម្តេចមិនពឹងចិន តើឱ្យសម្តេចទៅពឹងបរទេសណា..?»។- សម្តេចតេជោ ហ៊ុន សែន បានថ្លែងអំណរគុណដល់មិត្តចិន ដែលបានជួយកម្ពុជាលើការអភិវឌ្ឍហេដ្ឋរចនាសម្ព័ន្ធតភ្ជាប់(ផ្លូវ,ស្ពាន) និងការជួយផ្តល់ដល់វ៉ាក់សាំងកូវីដ-១៩កម្ពុជា ដើម្បីប្រយុទ្ធប្រឆាំងនឹងការឆ្លងរីករាលដាលជំងឺដ៏កាចសាហាវ រហូតដល់កម្ពុជាមានលទ្ធភាពបើកប្រទេសឡើងវិញ ហើយអត្រាកំណើនឆ្លងប្រចាំថ្ងៃមានចំនួនតិចតួច។-សម្ដេចតេជោ ហ៊ុន សែន៖«គ្មានផ្លូវ គ្មានស្ពាន គឺមិនអាចធ្វើការអភិវឌ្ឍបានទេ ដូច្នេះហើយបានជាអ្វីដែលខ្ញុំបានដាក់ចេញនូវឆ្នាំ១៩៨៧ កាលពីជាង ៣០ឆ្នាំមុន គឺនៅតែត្រូវរហូតមកដល់ពេលនេះ ហើយអាចត្រូវរយៈពេល ៣០ ឆ្នាំទៀត នោះគឺប្រមូលផ្ដុំទៅលើការវិនយោគ ទឹក ផ្លូវ ភ្លើង មនុស្ស ដែលឥឡូវនេះ យើងហៅថា មនុស្ស ផ្លូវ និងភ្លើង ដែលនៅតែជាអាទិភាព សម្រាប់ការវិនិយោគរបស់យើង»។- សម្តេចតេជោ ហ៊ុន សែន បានបញ្ជាក់ថា ជាភ័ព្វសំណាងក្នុងការសាងសង់ពង្រីក និងលើកកម្រិតគុណភាពកំណត់ផ្លូវជាតិលេខ៧នេះ នៅខេត្តកំពង់ចាម មានថ្មស្រាប់សម្រាប់ដំណើរការស្ថាបនា ខុសពីបណ្តាខេត្តផ្សេងៗដូចជា ស្វាយរៀង, កណ្តាលជាដើម ដែលមិនមានថ្ម ឬថ្មនោះមិនអាចយកមកប្រើប្រាស់ស្ថាបនាផ្លូវបាន។- សម្តេចតេជោ ហ៊ុន សែន ជាថ្មីម្តងទៀត បានប្រកាសថ្លែងអំណរគុណដល់ប្រជាពលរដ្ឋនៅខេត្តកំពង់ចាម ដែលបាននាំគ្នាបោះឆ្នោតគាំទ្រគណបក្សប្រជាជនកម្ពុជា ឈ្នះភ្លូកទឹកភ្លូកដី ក្នុងការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៧ កាលពីពេលកន្លងទៅថ្មីៗនេះ។- សម្តេចតេជោ ហ៊ុន សែន ប្រកាសដល់ប្រជាពលរដ្ឋកុំភ្លេចខ្លួន ក្នុងកិច្ចការពារការឆ្លងរីករាលដាលជំងឺកូវីដ-១៩ ដោយនាំគ្នាទៅចាក់វ៉ាក់សាំងបង្ការជំងឺកូវីដ-១៩ ឱ្យបានគ្រប់ៗគ្នា ទាំងដូសមូលដ្ឋាន និងដូសជំរុញនានា តាមការណែនាំរបស់ក្រុមគ្រូពេទ្យចាក់វ៉ាក់សាំង។ សម្តេចបញ្ជាក់ថា «កម្ពុជា មិនខ្វះវ៉ាក់សាំងចាក់ជូនប្រជាពលរដ្ឋនោះទេ..[]..»។- សម្តេចតេជោ ហ៊ុន សែន ប្រកាសថា ក្នុងពេលជំនួបរវាងសម្តេច និងអ្នកសារព័ត៌មានប្រចាំឆ្នាំនាពេលឆាប់ៗខាងមុខនេះ ក្រៅពីសុន្ទរកថា និងសង្កថា សម្តេចក៏នឹងផ្តល់ឱកាសដល់អ្នកសារព័ត៌មានសួរសំនួរផ្សេងៗទៅកាន់សម្តេចផងដែរ។- សម្តេចតេជោ ហ៊ុន សែន បានលើកឡើងជាថ្មីពីគុណតម្លៃ នៃសុខសន្តិភាព ដែលវាជាកត្តាចាប់ផ្តើមនូវរាល់វឌ្ឍនភាពនានានៅក្នុងសង្គម។ សម្តេចតេជោ ហ៊ុន សែន បញ្ជាក់ថា «ទស្សនវិស័យរបស់គណបក្សប្រជាជនកម្ពុជាគឺ សន្តិភាព និងការអភិវឌ្ឍ ត្រូវដើរទន្ទឹមគ្នា...[]..។- សម្តេចតេជោ ហ៊ុន សែន បានប្រកាសថា ឆ្នាំ២០២២ គឺជាឆ្នាំនៃសកម្មភាពការទូតកម្ពុជាដ៏រស់រវើកទៅកាន់បរទេសនានា តាមរយៈជាប្រធានរៀបចំកិច្ចប្រជុំកំពូលអាស៊ានលើកទី៤០-៤១ និងកិច្ចប្រជុំកំពូលពាក់ព័ន្ធនានានៅក្នុងប្រទេសកម្ពុជា ដែលជាមោទនភាព និងកិត្យានុភាពកម្ពុជាលើឆាកអន្តរជាតិ។- សម្តេចតេជោ ហ៊ុន សែន បានប្រកាសប្រើសិទ្ធិផ្ទាល់ខ្លួន ក្នុងច្បាប់ស្តីពីគណបក្សនយោបាយ ប្រឆាំងតបតទៅគណបក្សផ្សេងទៀត ដែលបានវាយប្រហារ បង្កាច់បង្ខូច មកលើគណបក្សប្រជាជនកម្ពុជាដោយគ្មានមូលដ្ឋានច្បាស់លាស់។- សម្តេចតេជោ ហ៊ុន សែន ប្រកាសផ្តល់ជម្រើសដល់បក្សនយោបាយទាំងឡាយ ដែលបានវាយប្រហារមកលើគណបក្សប្រជាជនកម្ពុជា តើចង់បានដំបង ឬវិធានការច្បាប់..?។ សម្តេចបញ្ជាក់ថា «យើងត្រូវការពារគណបក្សប្រជាជនកម្ពុជាជាចាំបាច់»។- សម្តេចតេជោ ហ៊ុន សែន បានប្រកាសដល់អ្នកនយោបាយចាស់វស្សាម្នាក់ឈ្មោះ «គង់ គាំ» ដែលបានធ្វើសកម្មភាពនយោបាយ រត់ទៅបក្សនេះ ឬបក្សនោះ និងតែងធ្វើអត្ថាធិប្បាយវាយប្រហារមកលើគណបក្សប្រជាជនកម្ពុជា សូមបញ្ឈប់ធ្វើសកម្មភាពនោះជាបន្ទាន់។- សម្តេចតេជោ ហ៊ុន សែន បានប្រកាសដល់ក្រុមមេធាវីគណបក្សប្រជាជនកម្ពុជាតាំងពីថ្នាក់ក្រោមដល់ថ្នាក់លើ ត្រូវប្រមូលឯកសារសំឡង និងភស្តុតាងនានាពាក់ព័ន្ធការវាយប្រហារមកលើគណបក្សប្រជាជនកម្ពុជា ដាក់ទៅតុលាការដោយគ្មានការលើកលែង។- សម្តេចតេជោ ហ៊ុន សែន បានប្រកាសឱ្យមានការគិតគូតពាក់ព័ន្ធបញ្ហាសញ្ជាតិ ដោយសម្តេចលើកឡើងថា «គួរមានការគិតគូរ ដោយធ្វើវិសោធនកម្មរដ្ឋធម្មនុញ្ញ..[]..មន្ត្រីរាជការ កម្លាំងប្រដាប់អាវុធគ្រប់ប្រភេទ និងអ្នកនយោបាយ ត្រូវមានសញ្ញាតិខ្មែរ តែមួយ»។សង្កថាសម្តេចតេជោ ហ៊ុន សែន ចាប់នៅវេលាម៉ោង ៩ និង២៤នាទី។

បណ្ដាញសង្គម

ព័ត៌មានថ្មីៗ

អ៊ីស្រាអែលបង្កើនការវាយប្រហារលើតំបន់ភាគខាងត្បូងលីបង់ បណ្តាលឲ្យមនុស្សយ៉ាងហោច ១៦នាក់ស្លាប់

រុស្ស៊ីចុះហត្ថលេខាលើកិច្ចព្រមព្រៀងតម្លៃ ១៦,៥ពាន់លានដុល្លារ ដើម្បីសាងសង់រោងចក្រថាមពលនុយក្លេអ៊ែរដំបូងនៅកាហ្សាក់ស្ថាន

រុស្ស៊ី៖ អឺរ៉ុបគួរបង្ហាញភ័ស្តុតាងពីអំណះអំណាងថាទីក្រុងមូស្គូរំខានសញ្ញា GPS

មន្ត្រីរុស្ស៊ី៖ គំនិតផ្តួចផ្តើមសន្តិភាពអ៊ុយក្រែន ជាមួយសហរដ្ឋអាមេរិក កំពុង «ជាប់គាំង»

ក្រុមហ៊ុន Temu របស់ចិនរងការផាកពិន័យ ២៣២លានដុល្លារ សម្រាប់ការបំពានច្បាប់លក់របស់ EU

ទីភ្នាក់ងារអាកាសធាតុអេស្ប៉ាញ ព្យាករសីតុណ្ហភាពខ្ពស់ខ្លាំងអំឡុងរដូវក្តៅ និងហានិភ័យភ្លើងឆេះព្រៃ

កូរ៉េខាងត្បូងធ្វើសមយុទ្ធបាញ់គ្រាប់ពិត ដើម្បីបញ្ជាក់ការជំរុញការការពារពឹងផ្អែកលើខ្លួនឯង

លោក Zelenskiy ៖ អ៊ុយក្រែនរៀបចំជំហានដឹរឹងមាំសម្រាប់យន្តហោះចម្បាំង Gripen

នាយករដ្ឋមន្រ្តីជប៉ុនលោកស្រី Takaichi ជួបពិភាក្សាការងារជាមួយប្រធានាធិបតីហ្វីលីពីននៅទីក្រុងតូក្យូ

កម្មករធ្វើផ្លូវនៅភាគនិរតីប្រទេសបារាំង ពិបាកស៊ូទ្រាំនឹងអាកាសធាតុក្តៅខ្លាំងអំឡុងខែឧសភា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

សម្តេចតេជោ ហ៊ុន សែន សម្រេចលុបចោល ស.ជ.ណ ពាក់ព័ន្ធលោកស្រី សៀង ចាន់ហេង សិន រង់ចាំការសម្រេចពេលក្រោយទៀត

សម្តេចតេជោ លើកទឹកចិត្តឱ្យតួគីជំរុញវិនិយោគលើវិស័យកសិកម្មមកកម្ពុជា

គ.ជ.ប ប្រកាសឲ្យពលរដ្ឋត្រៀមពិនិត្យឈ្មោះ ខណៈឈ្មោះជិត២៨ម៉ឺននាក់ នឹងត្រូវលុបចេញ

សម្ដេចតេជោព្រមានចាត់វិធានការផ្លូវច្បាប់ លើអ្នកនយោបាយដែលវាយប្រហារបក្សប្រជាជនកម្ពុជា

សម្ដេចតេជោ «គោលនយោបាយដែលសម្ដេចដាក់ចេញកាលពីជាង៣០ឆ្នាំមុន នៅតែត្រូវរហូតដល់ពេលនេះ»

សម្ដេចតេជោ ហ៊ុន សែន៖ «បើគ្មានការគាំទ្រពីប្រជាពលរដ្ឋទេ កម្ពុជាក៏មិនអាចការពារពីកូវីដ-១៩ បានដែរ»

សម្តេចតេជោ ហ៊ុន សែន៖ សន្តិភាព និងការអភិវឌ្ឍត្រូវតែដើរទន្ទឹមជាមួយគ្នាជានិច្ច

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

សម្តេចតេជោ ហ៊ុន សែន សម្រេចលុបចោល ស.ជ.ណ ពាក់ព័ន្ធលោកស្រី សៀង ចាន់ហេង សិន រង់ចាំការសម្រេចពេលក្រោយទៀត

សម្តេចតេជោ លើកទឹកចិត្តឱ្យតួគីជំរុញវិនិយោគលើវិស័យកសិកម្មមកកម្ពុជា

គ.ជ.ប ប្រកាសឲ្យពលរដ្ឋត្រៀមពិនិត្យឈ្មោះ ខណៈឈ្មោះជិត២៨ម៉ឺននាក់ នឹងត្រូវលុបចេញ

សម្ដេចតេជោព្រមានចាត់វិធានការផ្លូវច្បាប់ លើអ្នកនយោបាយដែលវាយប្រហារបក្សប្រជាជនកម្ពុជា

សម្ដេចតេជោ «គោលនយោបាយដែលសម្ដេចដាក់ចេញកាលពីជាង៣០ឆ្នាំមុន នៅតែត្រូវរហូតដល់ពេលនេះ»

សម្ដេចតេជោ ហ៊ុន សែន៖ «បើគ្មានការគាំទ្រពីប្រជាពលរដ្ឋទេ កម្ពុជាក៏មិនអាចការពារពីកូវីដ-១៩ បានដែរ»

សម្តេចតេជោ ហ៊ុន សែន៖ សន្តិភាព និងការអភិវឌ្ឍត្រូវតែដើរទន្ទឹមជាមួយគ្នាជានិច្ច

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍