នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេច​តេជោចាត់ទុកពាក្យស្លោក «បរាជ័យក្នុងសាលាប្រសើរជាងបរាជ័យក្នុងជីវិត» របស់សម្ដេច​ធិបតី​មានតម្លៃ​មិនសាបសូន្យ
សម្ដេចធិបតីអញ្ជើញចុះត្រួតពិនិត្យ និងសួរសុខទុក្ខពលរដ្ឋរងគ្រោះដោយទឹកជំនន់នៅបន្ទាយមានជ័យ
សម្តេចតេជោ ហ៊ុន សែន អនុញ្ញាតឱ្យ លោកជំទាវ រ៉េឡែន ស្យ៉ាល់ តាហ្គាឡ័រ លៀវហ្វាឡានី (Raylene Siale Tagaloa LIUFALANI) ឯកអគ្គរដ្ឋទូតតែងតាំងថ្មី នៃប្រទេសនូវែលសេឡង់ ប្រចាំនៅកម្ពុជាចូលជួប និងប្រគល់សារតាំង
សម្តេចតេជោ ហ៊ុន សែន អនុញ្ញាតឱ្យ ឯកឧត្តម ទ្រីសម៉ាន់ អ៉ីហ្គោរ៍ (Driesmans Igor) ឯកអគ្គរាជទូតសហភាពអឺរ៉ុបប្រចាំកម្ពុជា និងជាប្រេសិតពិសេស EU ប្រចាំនៅមីយ៉ាន់ម៉ា ចូលជួបសម្ដែងការគួរសម

នយោបាយ​ និង ការអភិវឌ្ឍន៍

កំណើនយុវជនចុះឈ្មោះបោះឆ្នោតតាមខេត្ត បង្ហាញពីការយល់ដឹងលទ្ធិប្រជាធិបតេយ្យសេរីពហុបក្ស

2023/02/06 08:02:19 pm        249
Facebook Telegram Linkin
ភ្នំពេញ៖ ឯកឧត្តម ហង្ស ពុទ្ធា អ្នកនាំពាក្យគណៈកម្មាធិការជាតិរៀបចំការបោះឆ្នោត (គ.ជ.ប) លើកឡើងថា កំណើននៃយុវជនចូលរួមចុះឈ្មោះបោះឆ្នោតតាមបណ្តាខេត្ត បង្ហាញពីការយល់​ដឹង​ពីលទ្ធិប្រជាធិបតេយ្យ សេរី ពហុបក្សរបស់កម្ពុជា។ថ្លែងប្រាប់ BTV News បន្ទាប់ពីបានអញ្ជើញចុះពិនិត្យតាមលេខាធិការដ្ឋានរៀបចំការបោះឆ្នោត​ខេត្តចំនួន៦ ​ស្តីពីដំណើរការរៀបចំឆ្ពោះទៅរកការបោះឆ្នោតជ្រើសតាំងតំណាងរាស្រ្ត ​នីតិកាលទី៧ រួមមាន ខេត្តក្រចេះ ​ស្ទឹងត្រែង ព្រះវិហារ ឧត្តរមានជ័យ សៀមរាប ​និងកំពង់ធំ ឯកឧត្តម ហង្ស ពុទ្ធា សមាជិក និងជាអ្នកនាំពាក្យ គ.ជ.ប បានឲ្យដឹងថា តាមបណ្តាលេខាធិការដ្ឋានរៀបចំការបោះឆ្នោត​នៃខេត្តទាំង៦ បានត្រៀមរួចរាល់ជាស្រេចតាមផែនការជាតិរបស់ គ.ជ.ប។ ឯកឧត្តម ​បានវាយតម្លៃចំពោះការអនុវត្តរបស់លេខាធិការដ្ឋានរៀបចំការបោះឆ្នោតខេត្តនីមួយៗ មានស្មារតីទទួលខុសត្រូវខ្ពស់ ដើម្បីធានាដល់ការបោះឆ្នោតជ្រើសតាំងតំណាងរាស្រ្តប្រព្រឹត្ត​ទៅ​ប្រកបដោយនិរន្តរភាព ​និងសុខដុមរមនាជូនប្រជាពលរដ្ឋ។ ឯកឧត្តម ហង្ស ពុទ្ធា បញ្ជាក់ថា ផ្អែកតាមកំណើនអ្នកចុះឈ្មោះបោះឆ្នោតគ្រប់អាយុ១៨ឆ្នាំកើនឡើង គ.ជ.ប បានកំណត់ក្រុមយុវជនជាក្រុមគោលដៅ ​ហើយការចូលរួមរបស់ពួកគាត់យល់ដឹងពីតួនាទី និងលទ្ធិប្រជាធិបតេយ្យរបស់កម្ពុជា។លោក ជោ ម៉ាប់ ប្រធានលេខាធិការដ្ឋានរៀបចំការបោះឆ្នោតខេត្តព្រះវិហារ ​បានឲ្យដឹងថា ខេត្តព្រះវិហារ​ មានប្រជាពលរដ្ឋសរុបមានឈ្មោះក្នុងបញ្ជីឈ្មោះបោះឆ្នោតជាង២៦ម៉ឺននាក់ ក្នុងចំណោមនោះយុវជនមានអាយុចាប់ពី១៨ឆ្នាំឡើងជាង១៥ម៉ឺននាក់។ ជាមួយគ្នានេះ លោក ក៏បានដាក់ចេញជាផែនការចុះផ្សព្វផ្សាយតាមគ្រឹះស្ថានសិក្សា ​និងឧត្តមសិក្សា ដើម្បីជាមូលដ្ឋានឲ្យពួកគាត់យកដឹង ​មុនចូលរួមធ្វើការបោះឆ្នោតនាពេលខាងមុខ។បើតាមរបាយការណ៍របស់ គ.ជ.ប បង្ហាញកាលពីកន្លងទៅ ​ចំនួនអ្នកចុះឈ្មោះបោះឆ្នោត ក្នុង​បញ្ជីបោះឆ្នោតឆ្នាំ២០២២ ​ដែលនឹងត្រូវប្រើសម្រាប់ការបោះឆ្នោតជ្រើសតាំងតំណាងរាស្ត្រ នីតិកាលទី៧​ នៅថ្ងៃទី២៣ ខែកក្កដា ​ឆ្នាំ២០២៣ មានជាង៩លាន៧សែននាក់ ខណៈអ្នកដែល​នឹងត្រូវ​លុបឈ្មោះចេញពីបញ្ជីជិត ២៨ម៉ឺននាក់៕អត្ថបទ សេក ឧត្តម

ប្រតិភូគណៈមេធាវីនៃព្រះរាជាណាចក្រកម្ពុជា ដាក់កម្រងផ្កាគោរពវិញ្ញាណក្ខន្ធសពលោកជំទាវប៊ុន សុថា

2023/02/06 07:24:31 pm        48
Facebook Telegram Linkin
ភ្នំពេញ៖ ឯកឧត្តម លី ច័ន្ទតុលា ប្រធានគណៈមេធាវីនៃព្រះរាជាណាចក្រកម្ពុជា បានអញ្ជេីញដឹកនាំសមាជិក-សមាជិកាក្រុមប្រឹក្សាគណៈមេធាវី និងថ្នាក់ដឹកនាំគណៈមេធាវី ដាក់កម្រងផ្កាគោរពវិញ្ញាណក្ខន្ធសពលោកជំទាវមហាសទ្ធាភិរ័ក្ខធម្មសិរីរតន៍ អគ្គមហាឧបាសិកាពុទ្ធសាសនូបត្ថម្ភក៍  ប៊ុន សុថា ដែលត្រូវជាប្អូនស្រីបង្កើតរបស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា។ ក្នុងឱកាសនោះក៏បាននាំយកសារលិខិតរំលែកមរណទុក្ខ និងថវិកាមួយចំនួនចូលបច្ច័យក្នុងពិធីបុណ្យដែលប្រារព្ធធ្វើនៅគេហដ្ឋានលេខ៦៦ ផ្លូវ៥២៨ សង្កាត់បឹងកក់ទី១ ខណ្ឌទួលគោក រាជធានីភ្នំពេញ៕

ឯកឧត្តមរដ្ឋមន្ត្រីក្រសួងបរិស្ថានដឹកនាំគណៈប្រតិភូចូលរួមគោរពវិញ្ញាណក្ខន្ធសពលោកជំទាវ ប៊ុន សុថា ហៅ ប៊ុន សាមហ៊ឹង

2023/02/06 06:56:19 pm        95
Facebook Telegram Linkin
ភ្នំពេញ៖ ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន នាព្រឹកថ្ងៃទី០៦ ខែកុម្ភៈ ឆ្នាំ២០២៣ បានដឹកនាំគណៈប្រតិភូក្រសួង អញ្ជើញចូលរួមគោរពវិញ្ញាណក្ខន្ធសព លោកជំទាវ ប៊ុន សុថា ហៅ ប៊ុន សាមហ៊ឹង ដែលត្រូវជាប្អូនថ្លៃស្រីរបស់សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា និងជាប្អូនបង្កើតរបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ដែលបានទទួលមរណភាព នៅថ្ងៃសុក្រ ១៣កើត ខែមាឃ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី៣ ខែកុម្ភៈ ឆ្នាំ២០២៣ វេលាម៉ោង ១៨:១៣ នាទីល្ងាច ក្នុងជន្មាយុ ៦៧ឆ្នាំ ដោយរោគាពាធ។ក្នុងឱកាសប្រកបដោយក្តីខ្សឹកខ្សួលរំជួលចិត្ត ដ៏មហាក្រៀមក្រំនេះ ឯកឧត្តមរដ្ឋមន្ត្រី និងថ្នាក់ដឹកនាំ និងមន្ត្រីរាជការ នៃក្រសួងបរិស្ថានបានសម្តែងនូវសមានទុក្ខប្រកបដោយអនិច្ចលក្ខណធម៌ ដ៏មហាជ្រាលជ្រៅ ព្រមទាំងក្តីសង្វេគដ៏មហាធំធេង និងពោរពេញដោយក្តីសោកស្តាយស្រណោះអាឡោះអាល័យជាអនេកប្បការចំពោះការបាត់បង់ លោកជំទាវ ប៊ុន សុថា ហៅ ប៊ុន សាមហ៊ឹង ដែលនេះជាការបាត់បង់ភរិយា ម្តាយបង្កើត ម្តាយក្មេក ម្តាយមីង ប្អូនថ្លៃស្រី និងជីដូន ជាទីគោរពស្រលាញ់បំផុតប្រកបដោយព្រហ្មវិហារធម៌ សង្គហធម៌សព្វគ្រប់បែបយ៉ាង និងបានលះបង់បូជាកម្លាំងកាយ កម្លាំងចិត្ត ក្នុងការបីបាច់ថែរក្សាបុត្រ ធីតា ចៅប្រុស ចៅស្រី ឱ្យក្លាយទៅជាពលរដ្ឋល្អក្នុងសង្គមជាតិ និងបានបូជាអស់កម្លាំងកាយចិត្តប្រាជ្ញា ស្មារតី ដើម្បីបម្រើផលប្រយោជន៍ជូនជាតិ មាតុភូមិ។ឯកឧត្តមរដ្ឋមន្ត្រី និងថ្នាក់ដឹកនាំ និងមន្ត្រីរាជការនៃក្រសួងបរិស្ថាន សូមលំឱនកាយឧទិ្ទសបួងសួងដល់ដួងវិញ្ញាណក្ខន្ធ លោកជំទាវ ប៊ុន សុថា ហៅ ប៊ុន សាមហ៊ឹង សូមបានទៅសោយសុខក្នុងសុគតិភព កុំបីឃ្លៀងឃ្លាតឡើយ៕

លោកស្រី តែ ចន្ទមនោ ចូលរួមគោរពវិញ្ញាណក្ខន្ធលោកជំទាវ ប៊ុន សុថា ប្អូនស្រីពៅសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន

2023/02/06 05:00:35 pm        1045
Facebook Telegram Linkin
ភ្នំពេញ៖ លោកស្រី តែ ចន្ទមនោ ភរិយាលោក កឹម សុខា បានដឹកនាំក្រុមការងាររួមរំលែមរណកទុក្ខ និងគោរពវិញ្ញាណក្ខន្ធលោកជំទាវ ប៊ុន សុថាប្អូនស្រីសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន។តាមរយៈសារផ្ញើជូនសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន, លោកស្រី តែ ចន្ទមនោ មានខ្លឹមសារថា៖ សូមគោរពជូន សម្តេច កិត្តិព្រឹទ្ធបណ្ឌិត ប៊ុន រ៉ានី ហ៊ុន សែន នាងខ្ញុំ តែ ចន្ទមនោ មានសេចក្តីរន្ធត់ និងសោកស្តាយក្រៃលែង ដោយបានទទួលដំណឹងថា លោកជំទាវ ប៊ុន សុថា ដែលជាប្អូនស្រីបង្កើត របស់សម្តេចកិត្តិព្រឹទ្ធបណ្ឌិត បានទទួលមរណភាពដោយរោគាពាធ នារសៀលថ្ងៃសុក្រទី៣ ខែកុម្ភៈ ឆ្នាំ២០២៣នេះ។ក្នុងឱកាសដ៏ក្រៀមក្រមបំផុតនេះ នាងខ្ញុំ និងស្វាមី សូមចូលរួមរំលែកទុក្ខសោកសង្រេង ជាមួយ សម្តេចកិត្តិព្រឹទ្ធបណ្ឌិតនិងសម្តេចតេជោ ព្រមទាំងក្រុមគ្រួសារ ទាំងអស់៕

ឧ​ត្ត​ម​សេនីយ៍​ឯក ហ៊ុន ម៉ា​ណែ​ត ជួបពិភាក្សា​ការងារ​ជាមួយ​អគ្គមេបញ្ជាការ​កងទ័ព​នៃ​សាធារណរដ្ឋ​ឥណ្ឌា​

2023/02/06 01:42:07 am        694
Facebook Telegram Linkin
​ឥណ្ឌា៖ ឯកឧត្តម ឧ​ត្ត​ម​សេនីយ៍​ឯក ហ៊ុន ម៉ា​ណែ​ត អគ្គមេបញ្ជាការ​រង​នៃ​កងយោធពល​ខេមរភូមិន្ទ មេបញ្ជាការ​កងទ័ពជើងគោក នៅ​ថ្ងៃទី​៤ ខែកុម្ភៈ ឆ្នាំ​២០២៣ បាន​អញ្ជើញ​ចូលជួប​សម្តែង​ការគួរសម និង​ពិភាក្សា​ការងារ​ជាមួយនឹង ឯកឧត្តម នាយ​ឧ​ត្ត​ម​សេនីយ៍ អា​នី​ល ចូ​ហាន (Anil Chauhan) អគ្គមេបញ្ជាការ​កងទ័ព​នៃ​សាធារណរដ្ឋ​ឥណ្ឌា ក្នុងឱកាស​នៃ​ដំណើរ​បំពេញ​ទស្សនកិច្ច​ផ្លូវការ​ របស់​គណៈប្រតិភូ​ជាន់ខ្ពស់​កងទ័ពជើងគោក​នៃ​កង​យោធពល​ខេមរភូមិន្ទ ​នៅ​រដ្ឋធានី​ញូវដែលី សាធារណរដ្ឋ​ឥណ្ឌា​។​ ​ក្នុងជំនួប​នេះ ឧ​ត្ត​ម​សេនីយ៍​ឯក ហ៊ុន ម៉ា​ណែ​ត បាន​ជម្រាប​ជូន​នាយ​ឧ​ត្ត​ម​សេនីយ៍ អា​នី​ល ចូ​ហាន អំពី​ការ​ផ្ដាំផ្ញើ​សាកសួរ​សុខទុក្ខ​ពី​សំណាក់ ឯកឧត្តម នាយ​ឧ​ត្ត​ម​សេនីយ៍ វង្ស ពិ​សេន អគ្គមេបញ្ជាការ​នៃ​កងយោធពល​ខេមរភូមិន្ទ និង​បាន​រាយការណ៍​អំពី​លទ្ធផល និង​ទិសដៅ​កិច្ចសហប្រតិបត្តិការ​ដែល​កងទ័ពជើងគោក​ទាំង​ពីរបាន​ឯកភាពគ្នា ដោយ​រួមមាន​ទាំង​ការយកចិត្តទុកដាក់​ជំរុញ​អនុវត្ត​ឯកសារ​លក្ខខណ្ឌ​ស្តីពី​កិច្ចសហប្រតិបត្តិការ (TOR) ដែល​ទើប​ត្រូវបាន​ចុះហត្ថលេខា​រួច ឱ្យមាន​ប្រសិទ្ធភាព និង​ប្រសិទ្ធ​ផល​ខ្ពស់​។ ​ជាការ​ឆ្លើយតប អគ្គមេបញ្ជាការ​កងទ័ព​ឥណ្ឌា បាន​វាយតម្លៃ​ខ្ពស់​ចំពោះ​កិច្ចខិតខំ​ប្រឹងប្រែង និង​ការប្តេជ្ញាចិត្ត​រួម​របស់​កងទ័ពជើងគោក​ទាំងពីរ ក្នុងការ​ពង្រឹង​ចំណងមិត្តភាព និង​ជំរុញ​កិច្ច​សហប្រតិបត្តិការ​ឱ្យ​មាន​លក្ខណៈ​ផ្លូវការ​រឹងមាំ​លើ​មូលដ្ឋាន​នៃ​ឯកសារ TOR និង​បាន​បង្ហាញ​នូវ​ការ​គាំទ្រ​លើ​ទិសដៅ​សហប្រតិបត្តិការ​នានា​ ដែល​កងទ័ពជើងគោក​ទាំ​ង​ពីរបាន​ឯកភាពគ្នា​សម្រាប់​ពេល​បន្ត​ខាងមុខ​៕

លោក​ លឺ ឡាយស្រេង អញ្ជើញគោរពវិញ្ញាណក្ខន្ធលោកជំទាវ ប៊ុន សុថា

2023/02/06 01:10:47 am        702
Facebook Telegram Linkin
ភ្នំពេញ៖ លោក​ លឺ ឡាយស្រេង អតីតមន្រ្តីជាន់ខ្ពស់ នៃគណបក្សហ៊្វុនស៊ិនប៉ិច បានអញ្ជើញគោរពវិញ្ញាណក្ខន្ធលោកជំទាវ ប៊ុន សុថា ភរិយាឯកឧត្តម តាន់ បញ្ញាវុធ ដែលត្រូវជាប្អូនស្រីបង្កើតរបស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន​ នៅរសៀលថ្ងៃទី៥ ខែកុម្ភៈ ឆ្នាំ២០២៣នេះ៕

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្ញើលិខិតថ្លែងអំណរគុណប្រធានគណបក្សភ្លើងទៀន ដែលបានផ្ញើលិខិតចូលរួមរំលែកទុក្ខចំពោះមរណភាពលោកជំទាវ ប៊ុន សុថា

2023/02/06 12:29:22 am        924
Facebook Telegram Linkin
ភ្នំពេញ៖​ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្ញើលិខិតថ្លែងអំណរគុណដល់លោក ទាវ វណ្ណុល ប្រធានគណបក្សភ្លើងទៀន ដែលបានផ្ញើលិខិតចូលរួមរំលែកទុក្ខ ចំពោះមរណភាពលោកជំទាវ ប៊ុន សុថា ប្អូនស្រីបង្កើតរបស់សម្តេច។

ប្រតិភូជាថ្នាក់ដឹកនាំគណបក្សភ្លើងទៀន ចូលគោរពវិញ្ញាណក្ខន្ធលោកជំទាវ ប៊ុន សុថា

2023/02/06 12:24:34 am        846
Facebook Telegram Linkin
ភ្នំពេញ៖ លោក ចេប គឹមអ៊ាង អនុប្រធានគណបក្សភ្លើងទៀន នៅរសៀលថ្ងៃទី៥ ខែកុម្ភៈ ឆ្នាំ២០២៣នេះ បានដឹកនាំប្រតិភូជាថ្នាក់ដឹកនាំគណបក្សភ្លើងទៀន ចូលគោរពវិញ្ញាណក្ខន្ធលោកជំទាវ ប៊ុន សុថា ភរិយាឯកឧត្តម តាន់ បញ្ញាវុធ ដែលត្រូវជាប្អូនស្រីបង្កើតរបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន។

លោក ញឹក ប៊ុនឆៃ ប្រធានគណបក្សខ្មែររួបរួមជាតិ គោរពវិញ្ញាណក្ខន្ធលោកជំទាវ ប៊ុន សុថា

2023/02/06 12:21:13 am        57
Facebook Telegram Linkin
ភ្នំពេញ៖ លោក ញឹក ប៊ុនឆៃ ប្រធានគណបក្សខ្មែររួបរួមជាតិ នៅរសៀលថ្ងៃទី៥ ខែកុម្ភៈ ឆ្នាំ២០២៣នេះ បានចូលគោរពវិញ្ញាណក្ខន្ធលោកជំទាវ ប៊ុន សុថា ភរិយាឯកឧត្តម តាន់ បញ្ញាវុធ ដែលត្រូវជាប្អូនស្រីបង្កើតរបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន។

«​ការសម្រេចចិត្ត​ដ៏​ត្រឹមត្រូវ​មក​រួមរស់​ជីវភាព​ន​យោ​បាយ​ជាមួយ​គណបក្ស​ប្រជាជន​កម្ពុជា​ជា​ក្ដី​សង្ឃឹម​សម្រាប់​យើងទាំងអស់គ្នា​»

2023/02/06 12:19:45 am        593
Facebook Telegram Linkin
​ព្រះសីហនុ​៖ «​ការសម្រេចចិត្ត​ដ៏​ត្រឹមត្រូវ​មក​រួមរស់​ជីវភាព​ន​យោ​បាយ​ជាមួយ​គណបក្ស​ប្រជាជន​កម្ពុជា ជា​ក្ដីសង្ឃឹម​សម្រាប់​យើងទាំងអស់គ្នា​»​។ នេះ​ជា​ប្រសាសន៍​លើកឡើង​របស់ឯកឧត្តម សាយ សំ​អាល់ សមាជិក​គណៈកម្មាធិការ​កណ្ដាល និង​ជា​ប្រធាន​ក្រុមការងារ​ចុះ​មូលដ្ឋាន​ខេត្ត​ព្រះសីហនុ ក្នុងឱកាស​អញ្ជើញ​ជា​អធិបតី​ក្នុង​ពិធី​បញ្ចូល​សមាជិក​ថ្មី​គណបក្ស​ប្រជាជន​កម្ពុជា ឃុំ​បិត​ត្រាំ​ង ឃុំ​រាម ឃុំ​សាមគ្គី និង​ឃុំ​ទឹកល្អក់ ស្រុក​ព្រៃនប់ ខេត្ត​ព្រះសីហនុ ប្រព្រឹត្តទៅ​នា​ថ្ងៃ​ទី​៥ ខែកុម្ភៈ ឆ្នាំ​២០២៣​។ ​ឯកឧត្តម សាយ សំ​អាល់ បាន​សម្ដែង​នូវ​ការអបអរសាទរ​ដល់​សមាជិក សមាជិកា​គណបក្ស​ប្រជាជន​កម្ពុជា​ដែល​ទើប​ត្រូវបាន​បញ្ចូល​ថ្មី​ទាំងអស់ និង​ថ្លែងអំណរគុណ​ចំពោះ​ការសម្រេចចិត្ត​ដ៏​ត្រឹមត្រូវ​ ក្នុង​ការ​មក​រួមរស់​ជី​វ​ភាព​នយោបាយ​ជាមួយ​គណបក្ស​ប្រជាជន​កម្ពុជា​។​ ​ឯកឧត្តម​ក៏បាន​សង្កត់​ធ្ងន់​ថា នេះ​គឺជា​ការសម្រេចចិត្ត​ដ៏​ត្រឹមត្រូវ ដើម្បី​ចូលរួម​កសាង​សង្គម​កម្ពុជា​ជាមួយ​គណបក្ស​ប្រជាជន​កម្ពុជា ដែលជា​គណបក្ស​តែមួយគត់​បាន​រួម​រស់​ជាមួយ​ប្រជាជន​កម្ពុជា​នៅ​គ្រប់​ដំណាក់កាល និង​គ្រប់​កាលៈទេសៈ និង​ដែល​បាន​លះបង់ និង​បាន​រួមគ្នា​កសាង​សង្គម​កម្ពុជា​តាំងពី​ចំណុចសូន្យ​ឆ្ពោះទៅ​វឌ្ឍនភាព និង​ក្ដីសង្ឃឹម​រហូតដល់​មាន​អ្វីៗ​ដូច​សព្វថ្ងៃ​។ ​ឯកឧត្ដម​បន្តថា កម្រិតជីវភាព​ប្រជាពលរដ្ឋ គុណភាព​ជីវិត​កាន់តែ​ប្រសើរ និង​ការ​អភិវឌ្ឍ​លើ​គ្រប់​វិស័យ​យ៉ាង​ឆាប់រហ័ស ស្ដែង​ចេញ​តាមរយៈ​កំណើន​សេដ្ឋកិច្ច​ជាង​ ២​ទស្សវត្ស​ជាប់ៗ​គ្នា​ក្នុង​រង្វង់ ៧,៥% និង​ការ​លេច​ចេញ​នូវ​សមិទ្ធផល​ជាតិ​ធំៗ​ជាច្រើន ក្រោម​ការដឹកនាំ​របស់​សម្ដេច​អគ្គមហា​សេនាបតី​តេ​ជោ ហ៊ុន សែន ប្រមុខ​រាជរដ្ឋាភិបាល​កម្ពុជា ដែល​ជា​មគ្គុទ្ទេសក៍​ដ៏​ឆ្នើម​របស់​កម្ពុជា​។​ ​ឯកឧត្តម​បាន​គូសបញ្ជាក់​ថា ចំណុច​យុទ្ធសាស្ត្រ​របស់​កម្ពុជា​គឺ​រក្សា​ឲ្យ​បាន​ដាច់ខាត​សន្ដិភាព​។ សន្ដិភាព​គឺ​តម្លៃ​ស្នូល​អាច​ឲ្យ​កម្ពុជា​យើង​បន្តដំណើរ កសាង​នូវ​វិបុលភាព​សង្គម មាន​សិទ្ធិសេរីភាព​ និង​ការរស់រានមានជីវិត មានការ​អភិវឌ្ឍ​ប្រទេស និង​មាន​អ្វីៗ​គ្រប់យ៉ាង​៕

បណ្ដាញសង្គម

ព័ត៌មានថ្មីៗ

ទំនាក់ទំនងកម្ពុជា-ឡាវ រយៈពេល ៧០ឆ្នាំ បន្តលូតលាស់យ៉ាងរឹងមាំ និងផ្ដល់ផលប្រយោជន៍ទៅវិញទៅមក
10/06/2026 09:10 PM
Facebook Telegram Linkin
WHO កំពុងតាមដាន ចំពោះ​ការ​ស្លាប់​របស់បុគ្គលិកមន្ទីរពិសោធន៍រុស្ស៊ី ស្របពេល​សង្ស័យពី​ជំងឺប៉េស្តសួត
10/06/2026 06:10 PM
Facebook Telegram Linkin
សហជីព៖ សាលារៀនជិត ២ពាន់​កន្លែង ត្រូវបិទផ្លូវ ឬបិទទ្វារ ខណៈការតវ៉ាកើតឡើងទូទាំងបារាំង​
10/06/2026 06:10 PM
Facebook Telegram Linkin
សាកល​​វិទ្យាល័យ Cornell រៀបចំបោះឆ្នោតដក​សេចក្ដី​ទុក​ចិត្តលើ​រដ្ឋបាល​ ជុំវិញ​ដំណោះស្រាយ​ករណីរំលោភផ្លូវភេទ
10/06/2026 06:10 PM
Facebook Telegram Linkin
កងកម្លាំងអ៊ីស្រាអែលសម្លាប់មនុស្សម្នាក់ និងជាច្រើននាក់ផ្សេងទៀតរងរបួសនៅតំបន់វ៉េសប៊ែង
10/06/2026 06:10 PM
Facebook Telegram Linkin
លោកស្រី Von der Leyen ជំរុញឲ្យជំនួយថាមពលទៅដល់គ្រួសារខ្វះខាត់ខ្លាំងបំផុត
10/06/2026 06:10 PM
Facebook Telegram Linkin
កេនយ៉ាបញ្ជាក់ករណីជំងឺអេបូឡាលើកដំបូងដែលបាននាំចូលពីប្រទេសកុងហ្គោ
10/06/2026 06:10 PM
Facebook Telegram Linkin
សភាលីទុយអានីបោះឆ្នោតលុបចោលការហាមឃាត់ការដាក់ពង្រាយអាវុធនុយក្លេអ៊ែរ
10/06/2026 05:10 PM
Facebook Telegram Linkin
តៃវ៉ាន់៖ លទ្ធភាព​​​បែងចែកជាផ្នែកតូចៗនៃ​​ការលក់អាវុធថ្មីរបស់អាមេរិក មិន​ទាន់​ត្រូវបាន​ឮនៅឡើយទេ​
10/06/2026 05:10 PM
Facebook Telegram Linkin
លោក Vance៖អ៊ីរ៉ង់អាចមានជាប់ពាក់ព័ន្ធនឹងហេតុការណ៍នៅមូលដ្ឋានទ័ពអាកាស Fairford នៅព្រីត ថេន
10/06/2026 05:10 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.