BTV NEWS

សម្ដេចតេជោ សង្ឃឹម យុវជនកម្ពុជា-ឡាវ រួមសាមគ្គី និងបន្តចែករំលែកផ្លាស់ប្ដូរទស្សនៈគ្នា គ្រប់វិស័យ

សម្ដេចតេជោចាត់ទុកពាក្យស្លោក «បរាជ័យក្នុងសាលាប្រសើរជាងបរាជ័យក្នុងជីវិត» របស់សម្ដេចធិបតីមានតម្លៃមិនសាបសូន្យ

សម្ដេចធិបតីអញ្ជើញចុះត្រួតពិនិត្យ និងសួរសុខទុក្ខពលរដ្ឋរងគ្រោះដោយទឹកជំនន់នៅបន្ទាយមានជ័យ

សម្តេចតេជោ ហ៊ុន សែន អនុញ្ញាតឱ្យ លោកជំទាវ រ៉េឡែន ស្យ៉ាល់ តាហ្គាឡ័រ លៀវហ្វាឡានី (Raylene Siale Tagaloa LIUFALANI) ឯកអគ្គរដ្ឋទូតតែងតាំងថ្មី នៃប្រទេសនូវែលសេឡង់ ប្រចាំនៅកម្ពុជាចូលជួប និងប្រគល់សារតាំង

នយោបាយ និង ការអភិវឌ្ឍន៍

មហាសន្និបាតអាយប៉ា ចាប់ផ្តើមជជែកពីបញ្ហាមីយ៉ាន់ម៉ា ខណៈស្ថានការណ៍ប្រទេសនេះមានការវិវត្តជាវិជ្ជមាន

ភ្នំពេញ៖ នៅថ្ងៃនេះ គណៈកម្មាធិការនយោបាយនៃមហាសន្និបាតអន្តរសភាអាស៊ានអាយប៉ា លើកទី៤៣ (AIPA-43) ចាប់ផ្តើមជជែកពីបញ្ហានយោបាយក្នុងតំបន់ និងសកលលោក ខណៈរបៀបវរៈបន្ទាន់គឺបញ្ហាមីយ៉ាន់ម៉ា។ ក្នុងពេលរដ្ឋសភាធ្វើជាម្ចាស់ផ្ទះនៃមហាសន្និបាតអន្តរសភាអាស៊ានអាយប៉ា លើកទី៤៣ នៅថ្ងៃទី២២ ខែវិច្ឆិកា ឆ្នាំ២០២២ បានបន្តដំណើរការកិច្ចប្រជុំរបស់សម័យប្រជុំពេញអង្គទី១ រួមមាន កិច្ចប្រជុំគណៈកម្មាធិការនយោបាយ, កិច្ចប្រជុំគណៈកម្មាធិការសេដ្ឋកិច្ច, កិច្ចប្រជុំគណៈកម្មាធិការសង្គមកិច្ច និងកិច្ចប្រជុំគណៈកម្មាធិការរៀបចំ។ បើតាមឯកឧត្តម ឃុត ដារ៉ា អ្នកនាំពាក្យមហាសន្និបាតអាយប៉ា លើកទី៤៣ បានឲ្យដឹងថា ដោយមានការស្នើសុំពីប្រធានសភាឥណ្ឌូនេស៊ី ស្តីពីរបៀបវរៈបន្ទាន់របស់មីយ៉ាន់ម៉ា មហាសន្និបាតអាយប៉ាលើកទី៤៣ បានស្វាគមន៍ និងបញ្ជូលរបៀបវរៈនេះចូលក្នុងគណៈកម្មាធិការនយោបាយដែលដឹកនាំដោយឯកឧត្តម ហ៊ុន ម៉ានី។យ៉ាងណាមិញ ពាក់ព័ន្ធនឹងបញ្ហាមីយ៉ាន់ម៉ា និងតាមរយៈមហាសន្និបាតអាយប៉ា ដែលជាក្របខណ្ឌនីតិបញ្ញត្តិ នឹងរួមចំណែកផ្តល់ជាទស្សនៈ យោបល់ តំណាងប្រជាពលរដ្ឋជិត៧០០លាននាក់ក្នុងតំបន់អាស៊ាន។គួរបញ្ជាក់ថា កាលពីថ្មីៗនេះ បេសកជនពិសេសនៃប្រធានអាស៊ានទទួលបន្ទុកបញ្ហាមីយ៉ាន់ម៉ា បានស្វាគមន៍ការដោះលែងអ្នកទោសទ្រង់ទ្រាយធំ ដោយក្រុមប្រឹក្សារដ្ឋបាលរដ្ឋនៃប្រទេសមីយ៉ាន់ម៉ា ដែលក្នុងនោះរួមមាន អតីតមន្រ្តីជាន់ខ្ពស់មីយ៉ាន់ម៉ាជាច្រើនរូប សកម្មជនគណបក្សនយោបាយ អតីតឯកអគ្គរាជទូតចក្រភពអង់គ្លេសប្រចាំនៅមីយ៉ាន់ម៉ា សាស្ត្រាចារ្យ សន ធើណែល ជាអតីតទីប្រឹក្សានយោបាយ សេដ្ឋកិច្ច និងអ្នកកាសែត ហើយជាផលិតករភាពយន្តជប៉ុនផងដែរ។ បេសកជនពិសេស បានចាត់ទុកការដោះលែងអ្នកទោសទ្រង់ទ្រាយធំនេះថា កាយវិកាដ៏សំខាន់ក្នុងទិសដៅត្រឹមត្រូវ ដើម្បីបង្កើតបរិយាកាសអំណោយផលសម្រាប់ចាប់ផ្ដើមដំណើរការសន្ទនា ក្នុងចំណោមភាគីពាក់ព័ន្ធទាំងអស់នៅប្រទេសមីយ៉ាន់ម៉ា។ អាស៊ាន បានបញ្ជាក់ថា នេះគឺជាសញ្ញាបង្ហាញពីសុឆន្ទៈក្នុងការស្វែងរកដំណោះស្រាយដោយសន្តិវិធីចំពោះវិបត្តិបច្ចុប្បន្ន និងជាការវិវត្តវិជ្ជមានស្របតាមស្មារតី នឹងបំណងប្រាថ្នានៃកិច្ចព្រមព្រៀងជាឯកឆន្ទ៥ចំណុច៕ អត្ថបទ សេក ឧត្តម

សម្តេចតេជោ៖ UNដាក់គោលដៅអភិវឌ្ឍន៍៨ តែកម្ពុជាបានស្នើឱ្យបញ្ចូលគ្រាប់មីនជាអាទិភាពផងដែរ

ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីកម្ពុជា និងជាប្រធានអាជ្ញាធរមីនបានបញ្ជាក់អំពីគោលដៅអភិវឌ្ឍន៍ដោយចីរភាព ជាពិសេសគោលដៅអភិវឌ្ឍន៍សហស្សវត្សរបស់អង្គការសហប្រជាជាតិមានត្រឹម៨គោលដៅប៉ុណ្ណោះ ប៉ុន្តែកម្ពុជាបានដាក់ចេញរហូតដល់៩គោលដៅ សម្រាប់ផែនការអភិវឌ្ឍន៍ជាតិសំខាន់ៗរបស់ខ្លួននោះគឺបានដាក់បញ្ចូលបញ្ហាគ្រាប់មីន និងយុទ្ធភ័ណ្ឌមិនទាន់ផ្ទុះជាគោលដៅអាទិភាពផងដែរ។សម្ដេចតេជោប្រមុខរាជរដ្ឋា ភិបាលបានមានប្រសាសន៍យ៉ាងដូច្នេះក្នុងពេលអញ្ជើញជាអធិបតីដ៏ខ្ពង់ខ្ពស់ក្នុងពិធី បិទសន្និបាតជាតិខួប ៣០ឆ្នាំ នៃសកម្មភាពមីននៅកម្ពុជា ដែលបានធ្វើឡើង នៅសាលមហោស្រពកោះពេជ្រនាព្រឹកថ្ងៃទី២២វិច្ឆិកានេះ។សម្តេចបានគូសបញ្ជាក់ថា៖កម្ពុជាបានដាក់បញ្ចូលបញ្ហាគ្រាប់មីនជាគោលដៅអភិវឌ្ឍន៍ដោយចីរភាពទៅក្នុងផែនការយុទ្ធសាស្ត្រជាតិសំខាន់ៗរបស់ខ្លួនរហូតដល់ ៩ចំណុច ខណៈUNបានដាក់ត្រឹមតែ ៨គោលដៅ ហើយគោលដៅអភិវឌ្ឍន៍ដោយចីរភាពUNបានដាក់ចេញត្រឹមតែ១៧ប៉ុណ្ណោះ ប៉ុន្តែសម្រាប់កម្ពុជាបានដាក់ចេញរហូតដល់ ១៨គឺបន្ថែមមីន១ទៀត។សូមជម្រាបថា អាជ្ញាធរកម្ពុជាគ្រប់គ្រងសកម្មភាពកំចាត់មីន និងសង្រ្គោះជនពិការដោយសារមីន កាលពីរសៀលថ្ងៃទី២១ ខែវិច្ឆិកា ឆ្នាំ២០២២ បានបើកសន្និបាតជាតិខួប ៣០ឆ្នាំ នៃសកម្មភាពមីននៅកម្ពុជា ក្រោមប្រធានបទ «ផ្តល់ដីសុវត្ថិភាព បង្កើតស្នាមញញឹម» ហើយនៅថ្ងៃទី២២ វិច្ឆិកានេះ គឺជាពិធីបិទសន្និបាតបូកសរុបលទ្ធផលការងារ ក៏ដូចជាបង្ហាញនូវសមិទ្ធផលស្នាដៃ៣០ឆ្នាំ នៃសកម្មភាពកំចាត់មីននៅកម្ពុជា។ ពិធីដ៏ប្រពៃនេះក៏មានការអញ្ជើញចូលរួមពីមន្ត្រីនៃរាជរដ្ឋាភិបាលកម្ពុជា តំណាងកម្មវិធីអភិវឌ្ឍន៍អង្គការសហប្រជាជាតិ ប្រចាំកម្ពុជា, ឯកអគ្គរដ្ឋទូត ស្ថានទូត ប្រចាំកម្ពុជា, លោកឧកញ៉ា លោក លោកស្រី តំណាងវិស័យឯកជន ភ្ញៀវកិត្តិយសជាតិ អន្តរជាតិ, ប្រតិបត្តិករសកម្មភាពមីន តំណាងអង្គការសង្គមស៊ីវិល តំណាងអ្នកទទួលផល តំណាងជនរងគ្រោះដោយសារមានផងដែរ ហើយគោលបំណង នៃខួប៣០ ឆ្នាំដែលបានរៀបចំមហាសន្និបាតនេះ គឺដើម្បីអបអរសាទរនូវសមិទ្ធផលជាប្រវតិ្តសាស្រ្ត នៃសកម្មភាពមីន រយៈពេល ៣០ឆ្នាំកន្លងមក ដែលយើងទាំងអស់គ្នា រាជរដ្ឋាភិបាលកម្ពុជា ដៃគូអភិវឌ្ឍន៍ ប្រទេសជាមិត្ត អង្គការជាតិ អន្តរជាតិ និងសហគមន៍សកម្មភាពមីន ទាំងអស់ បានផ្តល់ការគាំទ្រ ចូលរួមពោរពេញដោយសុឆន្ទះ ចិត្តសប្បុរស អាណិតអាសូរ ការលះបង់ និងការប្តេជ្ញាចិត្តខ្ពស់ ចំពោះការដោះស្រាយការគំរាមកំហែងពីគ្រាប់មីន និងសំណល់ជាតិផ្ទុះពីសង្រ្គាមនៅកម្ពុជា៕ អត្ថបទ៖ មុត សុទ្ធ

សម្តេចតេជោ ហ៊ុន សែន ភ្ញាក់ផ្អើលចំពោះព័ត៌មានផ្សាយរឿងមិនពិតទាក់ទងនឹងកិច្ចជំនួបសម្តេចជាមួយអគ្គ UN និងលោក ចូ បៃឌិន

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា មានការភ្ញាក់ផ្អើល បន្ទាប់ពីមានការលើកឡើងរបស់ជនអគតិ ឬសារព័ត៌មានមួយក្តាប់តូចបានផ្សាយថា អគ្គលេខាធិការអង្គការសហប្រជាជាតិ(UN) បានបញ្ជាសម្តេច ឲ្យធ្វើនេះធ្វើនោះ(ទាក់ទងសិទ្ធិមនុស្ស) ខណៈសម្តេចអះអាងថា ពេលដែលសម្តេចបានជួបជាមួយលោកអគ្គលេខាធិការរូបនេះ កាលពីប៉ុន្មានថ្ងៃមុននោះនិយាយតែអំពីបញ្ហាគ្រាប់មីន បញ្ហាសាលាក្តីខ្មែរក្រហម និងបញ្ហាការបញ្ជូនកងទ័ពមួកខៀវទៅក្រៅប្រទេសជាដើមនោះ។ថ្លែងនៅក្នុងឱកាសអញ្ជើញជាអធិបតី ក្នុងពិធីបិទសន្និបាតជាតិខួប៣០ឆ្នាំ នៃសកម្មភាពមីននៅកម្ពុជា ក្រោមប្រធានបទ«ផ្តល់ដីសុវត្ថិភាព បង្កើតស្នាមញញឹម» នាថ្ងៃទី២២ ខែវិច្ឆិកា ឆ្នាំ២០២២នេះ សម្តេចតេជោ នាយករដ្ឋមន្រ្តីបានបញ្ជាក់ថា សម្តេចពិតជាមានការភ្ញាក់ផ្អើល ក្រោយព័ត៌មាន ផ្សាយទាក់ទងកិច្ចជំនួបរបស់សម្តេចជាមួយ លោក Antionio Guterres នៅកម្ពុជា ក្នុងពេលប្រជុំកំពូលអាស៊ានលើកទី៤០-៤១ និងកិច្ចប្រជុំកំពូលពាក់ព័ន្ធនានាកាលពីប៉ុន្មានថ្ងៃមុននោះ ដោយមិនបានពិភាក្សា រឿងអ្វីដូចដែលក្រុមទាំងនោះបានផ្សព្វផ្សាយនោះឡើយ ហើយសម្តេចពិតជាឆ្ងល់យ៉ាងខ្លាំងមិនដឹងថា បានព័ត៌មានបែបបំភ្លើសនេះមកពីណា។ជាមួយគ្នានោះដែរ សម្តេចតេជោ ហ៊ុន សែន ក៏មានការហួសចិត្តចំពោះការផ្សព្វផ្សាយពីជំនួបរវាងសម្តេចតេជោ ជាមួយលោកប្រធានាធិបតីអាមេរិកចូ បៃឌិន ដែរថា ការជំនួបនោះលោក បៃឌិន បានលើកឡើងអំពីកញ្ញា សេង ធារី (អប្សារាក្បាលត្រងោល) ដែលកំពុងជាប់គុក និងបានដាក់គំនាបដល់សម្តេចរឿងនេះរឿងនោះ គឺគ្មានទាល់តែសោះ ដោយការផ្សាយរបស់ពួកគេទាំងនោះមិនដឹងបានព័ត៌មានមកពីខាងណានោះទេ។សម្តេចតេជោ ហ៊ុន សែន ក៏បានអំពាវនាវដល់ប្រព័ន្ធផ្សព្វផ្សាយទាំងអស់ ត្រូវគោរពអំពីក្រមសីលធម៌ និងវិជ្ជាជីវៈអ្នកសារព័ត៌មានផង ខណៈការផ្សព្វផ្សាយរបស់អ្នកព័ត៌មានទាំង នោះគ្មានការពិតទាល់តែសោះ ខណៈកិច្ចជំនួបរវាងសម្តេច ជាមួយអគ្គលេខាធិការអង្គការ សហប្រជាជាតិ និងប្រធានាធិបតីអាមេរិក កាលពីកន្លងទៅថ្មីៗនេះមិនបាននិយាយគ្នាដូចការផ្សព្វផ្សាយរបស់សារព័ត៌មានទាំងនោះឡើយ៕ អត្ថបទ៖ បាន ចក់

ប្រសាសន៍សំខាន់ៗរបស់សម្ដេចតេជោ ហ៊ុន សែន ក្នុងឱកាសបិទសន្និបាតជាតិខួប ៣០ឆ្នាំ នៃសកម្មភាពមីននៅកម្ពុជា

ភ្នំពេញ៖ នៅព្រឹកថ្ងៃទី២២ ខែវិច្ឆិកា ឆ្នាំ២០២២នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធី បិទសន្និបាតជាតិខួប ៣០ឆ្នាំ នៃសកម្មភាពមីននៅកម្ពុជា នៅមជ្ឈមណ្ឌលកោះពេជ្រ។ពិធីបិទសន្និបាតមីនព្រឹកនេះ មានការអញ្ជើញចូលរួមពីមន្ត្រីនៃរាជរដ្ឋាភិបាលកម្ពុជា តំណាងកម្មវិធីអភិវឌ្ឍន៍អង្គការសហប្រជាជាតិ ប្រចាំកម្ពុជា, ឯកអគ្គរដ្ឋទូត ស្ថានទូត ប្រចាំកម្ពុជា, លោកឧកញ៉ា លោក លោកស្រី តំណាងវិស័យឯកជន ភ្ញៀវកិត្តិយសជាតិ អន្តរជាតិ, ប្រតិបត្តិករសកម្មភាពមីន តំណាងអង្គការសង្គមស៊ីវិល តំណាងអ្នកទទួលផល តំណាងជនរងគ្រោះដោយសារមីនផងដែរ។គោលបំណង នៃខួប៣០ ឆ្នាំក៏ដូចជាពិធីបិទមហាសន្និបាតនេះ គឺដើម្បីអបអរសាទរនូវសមិទ្ធផលជាប្រវតិ្តសាស្រ្ត នៃសកម្មភាពមីន រយៈពេល ៣០ឆ្នាំកន្លងមក ដែលកម្ពុជាបានប្តេជ្ញាចិត្តខ្ពស់ ចំពោះការដោះស្រាយការគំរាមកំហែងពីគ្រាប់មីន និងសំណល់ជាតិផ្ទុះពីសង្រ្គាម។ខាងក្រោមនេះជាប្រសាសន៍សំខាន់ៗរបស់សម្ដេចតេជោ ហ៊ុន សែន៖- សម្តេចតេជោ ហ៊ុន សែន កោតសរសើរដល់អាជ្ញាធមីន, ប្រតិបត្តិករដោះមីន, អង្គការ-សមាគមដៃគូ និងប្រទេសជាមិត្ត ដែលបានប្រឹងប្រែងធ្វើកិច្ចការពាក់ព័ន្ធនឹងសកម្មភាពមីននៅកម្ពុជា ប្រកបដោយលទ្ធផលល្អប្រសើរ គួរជាទៅមោទនៈ។- សម្តេចតេជោ ហ៊ុន សែន ប្រកាសថា មីនជាបញ្ហាមួយ ដែលត្រូវបានយកចិត្តទុកដាក់នៅលើពិភពលោក ជាពិសេសប្រទេស ដែលធ្លាប់ញាំញីដោយសង្គ្រាម ហើយកម្ពុជាក៏បានដាក់ចេញគោលដៅសំខាន់ សម្រាប់សកម្មភាពមីននេះផងដែរ។- សម្តេចតេចជោ ហ៊ុន សែន ប្រកាសថា ជំនួបរវាងសម្តេច និងអគ្គលេខាធិការអង្គការសហប្រជាតិ លោក Antionio Guterres នៅកម្ពុជា ក្នុងពេលប្រជុំកំពូលអាស៊ានលើកទី៤០-៤១ និងកិច្ចប្រជុំកំពូលពាក់ព័ន្ធនានា មិនមានការពិភាក្សា ឬដាក់គំនាបមកកម្ពុជាពាក់ព័ន្ធបញ្ហានយោបាយផ្ទៃក្នុងកម្ពុជាឡើយ។- សម្តេចតេជោ ហ៊ុន សែន ប្រកាសថា កម្ពុជា-អង្គការសហប្រជាជាតិ បានពិភាក្សាគ្នា និងផ្តល់ធាតុចូល ពាក់ព័ន្ធសកម្មភាពមីន, សាលាក្តីខ្មែរក្រហម និងបញ្ហាសកល ដែលពិភពលោក និងតំបន់ កំពុងជួបប្រទះ។- សម្តេចតេជោ ហ៊ុន សែន ប្រកាសថា ការបោសសម្អាតមីន និងសំណល់ជាតិផ្ទុះពីសង្រ្គាម គឺជាការងារមួយយ៉ាងសំខាន់មិនអាចខ្វះបាន ក្នុងការជួយកាត់បន្ថយគ្រោះថ្នាក់ ដែលប្រែក្លាយដីរងផលប៉ះពាល់ទាំងនោះឱ្យក្លាយជាដីសុវត្ថិភាព សម្រាប់ប្រជាពលរដ្ឋប្រើប្រាស់។- សម្តេចតេជោ ហ៊ុន សែន បញ្ជាក់ថា កម្មវិធីសកម្មភាពមីនមនុស្សធម៌នៅកម្ពុជាចាប់ផ្តើមឡើងនៅឆ្នាំ១៩៩២ ដើម្បីឆ្លើយតបបន្ទាន់នឹងការធ្វើមាតុភូមិនិវត្តន៍ របស់ជនភៀសខ្លួន។- សម្តេចតេជោ ហ៊ុន សែន បន្តថា ក្នុងនាមជាប្រទេសស្រឡាញ់សន្តិភាព នៅឆ្នាំ១៩៩៧ កម្ពុជាបានចុះហត្ថលេខា និងបានក្លាយជារដ្ឋភាគី នៃអនុសញ្ញាស្តីពីការហាម ការប្រើប្រាស់ ការរក្សាទុក ការផលិត និងការផ្ទេរគ្រាប់មីនប្រឆាំងមនុស្ស (ឬហៅកាត់ថា អនុសញ្ញាអូតាវ៉ា) ក្នុងឆ្នាំ២០០០។- សម្ដេចតេជោ មានប្រសាសន៍ថា សន្តិភាពបានរួមចំណែកយ៉ាងខ្លាំងក្លាដល់កិច្ចដំណើរការពង្រឹងលទ្ធិប្រជាធិបតេយ្យ ការគោរពសិទ្ធិ និងសេចក្តីថ្លៃថ្នូររបស់មនុស្ស ដែលធ្វើឱ្យប្រជាជនកម្ពុជាបានយល់យ៉ាងច្បាស់អំពីគុណតម្លៃ នៃសុខសន្តិភាព និងប្តេជ្ញាចិត្តខ្ពស់ក្នុងការការពារមិនឲ្យបាត់បង់ទៅវិញជាដាច់ខាត ទោះបីក្នុងតម្លៃណាក៏ដោយ។- សម្តេចតេជោ ហ៊ុន សែន មានប្រសាសន៍ថា ក្នុងនាមជារដ្ឋភាគី កម្ពុជាមានមោទនភាពណាស់ ដោយបានក្លាយជាសមាជិកដ៏សកម្ម និងហ្មត់ចត់ក្នុងកិច្ចការបោសសម្អាតមីន និងមានការទទួលខុសត្រូវខ្ពស់ ចំពោះកាតព្វកិច្ចរបស់ខ្លួន។- សម្តេចតេជោ ហ៊ុន សែន បានសម្តែងដោយមោទនភាពថា ក្នុងឋានៈជាម្ចាស់ផ្ទះ កម្ពុជាបាននាំពិភពលោកឲ្យវិលត្រលប់មកកាន់ទីកំណើតដើម នៃចលនាហាមប្រាមការប្រើប្រាស់មីនប្រឆាំងមនុស្សនេះ ហើយបាននាំយកតថភាពពិត និងរូបភាពពិតរបស់អនុសញ្ញានេះ មកដាក់បង្ហាញចំពោះមុខកិច្ច ប្រជុំតែម្តង។- សម្តចេតេជោ ហ៊ុន សែន បន្តថា តាំងពីកម្ពុជាចាប់ផ្តើមស្តារ និងអភិវឌ្ឍន៍សេដ្ឋកិច្ចជាតិ រាជរដ្ឋាភិបាលបានកំណត់យកសកម្មភាពមីន ជាផ្នែកមួយដ៏សំខាន់ក្នុងគោលនយោបាយកាត់បន្ថយភាពក្រីក្រ និងផែនការយុទ្ធសាស្រ្តជាតិសំខាន់ៗ។ ដោយមើលឃើញពីសារសំខាន់នេះកម្ពុជា បានសម្រេចដាក់បញ្ចូលសកម្មភាពបោសសម្អាតមីន និងសំណល់ជាតិផ្ទុះពីសង្គ្រាម ចូលជាគោលដៅទី១៨ នៃគោលដៅអភិវឌ្ឍន៍ប្រកបដោយចីរភាពកម្ពុជា។- សម្តេចតេជោ ហ៊ុន សែន បញ្ជាក់ថា ថ្ងៃអនាគត កម្ពុជាគឺជាប្រទេសដែលគ្មានមីន ហើយការគំរាមកំហែងដោយសារសំណល់ជាតិផ្ទុះពីសង្រ្គាម ត្រូវបានកាត់បន្ថយឲ្យនៅកម្រិតអប្បបរមា និងមានការអភិវឌ្ឍសេដ្ឋកិច្ចសង្គម និងធនធានមនុស្ស ប្រព្រឹត្តទៅដោយសុវត្ថិភាព។ ផែនការយុទ្ធសាស្រ្តនេះ ជាផែនទីតម្រង់ទិស ដោះស្រាយបញ្ហាមីននិងសំណល់ជាតិផ្ទុះពីសង្រ្គាម និងឆ្លើយតបទៅនឹងការគំរាមកំហែងដែលនៅសេសសល់ក្រោយឆ្នាំ ២០២៥។- សម្តេចតេជោ ហ៊ុន សែន ប្រកាសថា ជាមួយនឹងចំណេះដឹង និងបទពិសោធន៍ ក្នុងរយៈពេល ៣ទសវត្សរ៍ កម្ពុជាបានប្រែក្លាយពីប្រទេសដែលរងគ្រោះដោយសារគ្រាប់មីន ទៅជាប្រទេសដែលចែករំលែកបទពិសោធន៍លើឆាកអន្តរជាតិ នៅតាមបណ្តាប្រទេសដែលកំពុងជួបប្រទះនឹងបញ្ហាមីន និងសំណល់ជាតិផ្ទុះពីសង្រ្គាម ដែលគណៈប្រតិភូមកពីបណ្តាប្រទេសជាច្រើន បានមកទស្សនាប្រទេសកម្ពុជា ដើម្បីរៀនសូត្រ និងទទួលបទពិសោធន៍។- សម្តេចតេជោ ហ៊ុន សែន ប្រកាសថា ការប្តេជ្ញាចិត្តរបស់កម្ពុជា បានធ្វើឱ្យមជ្ឈដ្ឋានជាតិ-អន្តរជាតិស្ញប់ស្ញែងនូវបេសកកម្មរបស់កម្ពុជា ក្នុងការចូលរួមប្រកបដោយកិត្តិយសដ៏ឧត្តុង្គឧត្តមបំផុត សម្រាប់មនុស្សជាតិលើពិភពលោកក្រោមឆ័ត្ររបស់អង្គការសហប្រជាជាតិ ដែលទង់ជាតិកម្ពុជាបន្តបង្ហូតខ្ពស់ត្រដែត ស្មើមុខស្មើមាត់ ស្មើសិទ្ធិ ស្មើភាពជាមួយបណ្តាប្រទេសបរិច្ចាគកងកម្លាំងទាំងអស់។- សម្តេចតេជោ ហ៊ុន សែន បានពិភាក្សាជាមួយនាយករដ្ឋមន្ត្រីថៃប្រាយុទ្ធ ច័ន្ទអូចា លើបញ្ហាដោះមីនតាមខ្សែបន្ទាត់ព្រំដែនកម្ពុជា-ថៃ ផ្តល់សុវត្ថិភាពដល់ប្រជាពលរដ្ឋទាំងសងខាង ទោះតំបន់នោះមិនទាន់ឯកភាពក្នុងការកំណត់ព្រំដែនក៏ដោយ ហើយកិច្ចការបន្ទាប់គណៈកម្មាធិការព្រំដែនប្រទេសទាំងពីនឹងធ្វើការជាមួយគ្នា។- សម្តេចតេជោ ហ៊ុន សែន មានប្រសាសន៍ថា កម្ពុជាបន្តកសាងស្នាដៃដ៏ធំធេងជាច្រើនដូចជា ការបោសសម្អាតមីន ការកំទេចគ្រាប់ ការស្ថាបនាសំណង់ផ្តេក-បញ្ឈរ ក្នុងតំបន់បេសកកម្មដែលមានហានិភ័យខ្ពស់។ ស្នាដៃរបស់វីរយុទ្ធនារីកម្ពុជា នាឆ្នាំ២០២២ នេះ បានទទួលលំដាប់លេខរៀងទី២ ក្នុងបណ្តាសហគមន៍អាស៊ាន និងលំដាប់លេខ១២ ក្នុងចំណោម ១២០ប្រទេសបរិច្ចាគកងកម្លាំង។- សម្តេចតេជោ ហ៊ុន សែន បានប្រកាសដល់អ្នកនយោបាយ និងក្រុមជ្រុលនិយមមួយចំនួន គប្បីកុំមានការធ្វើអត្ថាធិប្បាយលើសហួសហេតុ ភូតកុហក់ បំភ្លៃបំផ្លើស ពាក់ព័ន្ធជំនួបទ្វេភាគីរវាងសម្តេចតេជោ ហ៊ុន សែន ជាមួយលោក ចូ បៃដិន ប្រធានាធិបតីអាមេរិក ក្នុងពេលប្រជុំកំពូលអាស៊ានលើកទី៤០-៤១ និងកិច្ចកំពូលពាក់ព័ន្ធនានានៅកម្ពុជា។- សម្តេចតេជោ ហ៊ុន សែន ប្រកាសថា ជំនួបរវាងសម្តេច និងលោក Antionio Guterres អគ្គលេខាធិការUN ផ្តោតសំខាន់លើកិច្ចសហប្រតិបត្តិការលើវិស័យមីន, តុលាការកូនកាត់ (សាលាក្តីខ្មែរក្រហម) និងសកម្មភាពមនុស្សធម៌ក្រោមឆ័ត្រអង្គការសហប្រជាជាតិ តាមរយៈបញ្ជូនកម្លាំងទៅរក្សាសន្តិភាពប្រទេសដែលញាំញីដោយសង្គ្រាម។- សម្តេចតេជោ ហ៊ុន សែន ប្រកាសថា បើគ្មានការប្រែប្រួលទេ រដ្ឋមន្ត្រីការពារជាតិចិន និងជួបសន្ទនាជាមួយរដ្ឋមន្ត្រីការពារជាតិអាមេរិក លើទឹកសៀមរាបអង្គរ ក្នុងពេលកម្ពុជា កំពុងរៀបចំកិច្ចប្រជុំកំពូលរដ្ឋមន្ត្រីការពារជាតិអាស៊ាន។សង្កថាសម្ដេចតេជោ ហ៊ុន សែន ចប់នៅម៉ោង ៩និង០៣នាទី

សម្តេចតេជោ ហ៊ុន សែន អញ្ជើញជាអធិបតីបិទសន្និបាតជាតិខួប ៣០ឆ្នាំ នៃសកម្មភាពមីននៅកម្ពុជា

ភ្នំពេញ៖ នៅព្រឹកថ្ងៃទី២២ ខែវិច្ឆិកា ឆ្នាំ២០២២នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញជាអធិបតីភាពដ៏ខ្ពង់ខ្ពស់ក្នុងពិធី បិទសន្និបាតជាតិខួប ៣០ឆ្នាំ នៃសកម្មភាពមីននៅកម្ពុជា ដែលពិធីនេះត្រូវប្រារព្ធធ្វើឡើងនៅមជ្ឈមណ្ឌលកោះពេជ្រ។ សូមជម្រាបថា អាជ្ញាធរកម្ពុជាគ្រប់គ្រងសកម្មភាពកំចាត់មីន និងសង្រ្គោះជនពិការដោយសារមីន កាលពីរសៀលថ្ងៃទី២១ ខែវិច្ឆិកា ឆ្នាំ២០២២ បានបើកសន្និបាតជាតិខួប ៣០ឆ្នាំ នៃសកម្មភាពមីននៅកម្ពុជា ក្រោមប្រធានបទ «ផ្តល់ដីសុវត្ថិភាព បង្កើតស្នាមញញឹម» ហើយនៅថ្ងៃទី២២ វិច្ឆិកានេះ គឺជាពិធីបិទសន្និបាតបូកសរុបលទ្ធផលការងារ ក៏ដូចជាបង្ហាញនូវសមិទ្ធផលស្នាដៃ៣០ឆ្នាំ នៃសកម្មភាពកំចាត់មីននៅកម្ពុជា។ ពិធីបិទសន្និបាត នាព្រឹកនេះ មានការអញ្ជើញចូលរួមពីមន្ត្រីនៃរាជរដ្ឋាភិបាលកម្ពុជា តំណាងកម្មវិធីអភិវឌ្ឍន៍អង្គការសហប្រជាជាតិ ប្រចាំកម្ពុជា, ឯកអគ្គរដ្ឋទូត ស្ថានទូត ប្រចាំកម្ពុជា, លោកឧកញ៉ា លោក លោកស្រី តំណាងវិស័យឯកជន ភ្ញៀវកិត្តិយសជាតិ អន្តរជាតិ, ប្រតិបត្តិករសកម្មភាពមីន តំណាងអង្គការសង្គមស៊ីវិល តំណាងអ្នកទទួលផល តំណាងជនរងគ្រោះដោយសារមានផងដែរ។ គោលបំណងនៃខួប៣០ ឆ្នាំក៏ដូចជាពិធីបិទមហាសន្និបាតនេះគឺដើម្បីអបអរសាទរនូវសមិទ្ធផលជាប្រវតិ្តសាស្រ្ត នៃសកម្មភាពមីន រយៈពេល ៣០ឆ្នាំកន្លងមក ដែលយើងទាំងអស់គ្នា រាជរដ្ឋាភិបាលកម្ពុជា ដៃគូអភិវឌ្ឍន៍ ប្រទេសជាមិត្ត អង្គការជាតិ អន្តរជាតិ និងសហគមន៍សកម្មភាពមីន ទាំងអស់ បានផ្តល់ការគាំទ្រ ចូលរួមពោរពេញដោយសុឆន្ទះ ចិត្តសប្បុរស អាណិតអាសូរ ការលះបង់ និងការប្តេជ្ញាចិត្តខ្ពស់ ចំពោះការដោះស្រាយការគំរាមកំហែងពីគ្រាប់មីន និងសំណល់ជាតិផ្ទុះពីសង្រ្គាមនៅកម្ពុជា។

ព្រះមហាក្សត្រ ជំរុញលើកកម្ពស់កិច្ចសហប្រតិបត្តិការអន្តរសភា ឆ្ពោះទៅរកវិបុលភាពសហគមន៍អាស៊ាន

ភ្នំពេញ៖ ព្រះមហាក្សត្រ នៃព្រះរាជាណាចក្រកម្ពុជា ព្រះអង្គបានជំរុញឱ្យមានការលើកកម្ពស់កិច្ចសហប្រតិបត្តិការអន្តរសភា ដើម្បីឆ្ពោះទៅរកវិបុលភាពសហគមន៍អាស៊ានយូរអង្វែង។ក្នុងឱកាសដែលសភាកម្ពុជា ធ្វើជាម្ចាស់ផ្ទះ នៃកិច្ចប្រជុំអន្តរសភា អាស៊ានលើកទី៤៣ នៅព្រឹកថ្ងៃ នេះ ព្រះករុណា ព្រះមហាក្សត្រ សម្ដេចព្រះ បរមនាថ នរោត្ដម សីហមុនី បានប្រទាននូវព្រះរាជសារពិធីបើកមហាសន្និបាតនេះ ដែលក្នុងព្រះរាជសារព្រះអង្គ បានបញ្ជាក់ថា សម្រាប់តំបន់អាស៊ាន ស្មារតីនៃ "ការរួបរួមគ្នា" តែងតែត្រូវបានកំណត់ជាលក្ខខណ្ឌ នៃកិច្ចខិតខំប្រឹងប្រែងរួមរបស់អាស៊ាន ក្នុងការថែរក្សាសន្តិភាពនៅក្នុងតំបន់ក្នុងរយៈពេលពីរទសវត្សរ៍ចុងក្រោយនេះ។ ក្រោមមូលដ្ឋាន នៃក្របខណ្ឌកិច្ចសហប្រតិបត្តិការក្នុងតំបន់ និងអន្តរតំបន់ដ៏រឹងមាំ សន្តិភាពដ៏មានតម្លៃរបស់អាស៊ាន បានបង្កើតឱកាសសេដ្ឋកិច្ច សង្គមយ៉ាងធំសម្បើមសម្រាប់ប្រជាជន។ ប្រជាជនរាប់លាននាក់ ត្រូវបានរំដោះឲ្យរួចផុតពីភាពក្រីក្រ។ ស្ត្រីមានឱកាសការងារ និងបន្តលើកកម្ពស់ការងាររបស់ពួកគេបន្ថែមទៀតនាពេលអនាគត។ យើងបានវិនិយោគលើការអប់រំប្រកបដោយគុណភាពសម្រាប់យុវជន។ព្រះអង្គ បានបន្ថែមថា អាស៊ាន បានធ្វើឱ្យប្រសើរឡើងនូវសេវាថែទាំសុខភាពសម្រាប់ មនុស្សចាស់ជរា។ អាស៊ានមានភ័ព្វសំណាង ដែលស្ថិតនៅក្នុងតំបន់ប្រកបដោយការរីកចម្រើន ដែលជា កន្លែងទាក់ទាញការវិនិយោគបរទេស ពាណិជ្ជកម្ម និងទេសចរណ៍ ក្នុងគោលបំណងបង្កើតទ្រព្យសម្បត្តិ និងសម្រេចបាននូវវិបុលភាពបន្ថែមទៀតសម្រាប់ប្រជាជន។ព្រះមហាក្សត្រ បានជំរុញឱ្យបន្តការពារ ថែរក្សាពួនជ្រុំនូវសន្តិភាព ដែលសម្រេចបានឲ្យគង់វង្ស ស្ថិតស្ថេរយូរអង្វែង។ សន្តិភាព អាចនឹងត្រូវបានបំផ្លាញនៅពេលណាមួយ ដោយសារបញ្ហាប្រឈមជាប្រពៃណី ពីទីជិត ឬឆ្ងាយ ក៏ដូចជាការគំរាមកំហែងមិនមែនជាប្រពៃណីជាច្រើន ដែលអាចបង្កអស្ថិរភាពដល់សង្គម។ ផលប៉ះពាល់ក្នុងរយៈពេលវែងដោយសារជំងឺរាតត្បាតកូវីដ-១៩ នឹងបន្តជះឥទ្ធិពលលើសេដ្ឋកិច្ចតំបន់នេះ អស់រយៈពេលជាច្រើនឆ្នាំ ឬជាច្រើនទសវត្សរ៍ទៅខាងមុខទៀត។ វិបត្តិនយោបាយ ក្នុង ប្រទេសមីយ៉ាន់ម៉ា មិនត្រឹមតែបង្កឲ្យមានហិង្សានយោបាយ និងជម្លោះប្រដាប់អាវុធផ្ទៃក្នុងឲ្យកាន់តែធ្ងន់ធ្ងរប៉ុណ្ណោះទេ ប៉ុន្តែនឹងធ្វើឱ្យប្រជាជន នៃប្រទេសនេះ បាត់បង់នូវឱកាសសម្រាប់ការអភិវឌ្ឍន៍ធនធាន មនុស្សរបស់ខ្លួនផងដែរ។ អ្វីដែលធ្ងន់ធ្ងរជាងនេះទៅទៀត វាអាចបំផ្លាញមូលដ្ឋានគ្រឹះដ៏រឹងមាំ នៃសហ គមន៍អាស៊ាន ដែលយើងទាំងអស់គ្នាបានខិតខំកសាងរួមគ្នា នាពេលកន្លងមក។ ការកើនឡើងនូវ ភាព តានតឹង នៃការប្រកួតប្រជែងគ្នារវាងប្រទេសមហាអំណាច និងការគម្រាមកំហែងថ្មីៗ នៃការប្រើប្រាស់នូវ អាវុធនុយក្លេអ៊ែរ គឺជាក្តីបារម្ភយ៉ាងខ្លាំងចំពោះជោគវាសនារបស់មនុស្សជាតិទាំងមូល។ ប៉ុន្តែបញ្ហាដ៏ធ្ងន់ធ្ងរទាំងនេះ គឺពុំមានអ្វី ដែលពុំអាចដោះស្រាយបាននោះទេ អាចដោះស្រាយបញ្ហាទាំងនោះ តាមរយៈការធ្វើ ការងាររួមគ្នាដោយប្រើប្រាស់នូវធនធានមនុស្ស និងបញ្ញាគតិបណ្ឌិត និងការជឿនលឿនផ្នែកបច្ចេកវិទ្យា ប្រកបដោយនវានុវត្តន៍៕អត្ថបទ៖ មុត សុទ្ធ

សម្តេចតេជោ ហ៊ុន សែន៖ ក្នុងស្ថានភាពពិភពលោកកំពុងស្មុគស្មាញស្ថាប័នសភាពិតជាមានតួនាទីសំខាន់

ភ្នំពេញ៖ នៅព្រឹកថ្ងៃទី២១ ខែវិច្ឆិកានេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញជាអធិបតី និងថ្លែងសុន្ទរកថាគន្លឹះបើកមហាសន្និបាតអន្តរសភាអាស៊ាន (AIPA) លើកទី៤៣ ដែលរៀបចំដោយសភាកម្ពុជា នៅសណ្ឋាគារសុខា រាជធានីភ្នំពេញ។អញ្ជើញចូលរួមថ្លែងសុន្ទរកថាគន្លឹះក្នុងមហាសន្និបាតនេះ សម្ដេចបានបានគូសបញ្ជាក់ថាក្នុងស្ថានភាពដែលពិភពលោកកំពុងប្រឈម និងមានបញ្ហាស្មុគស្មាញយ៉ាងខ្លាំងស្ថាប័នរដ្ឋសភាពិតជាមានតួនាទីសំខាន់មិនអាចខ្វះបាន។សម្ដេចតេជោ ហ៊ុន សែន គូសបញ្ជាក់ថា “អង្គការនីតិបញ្ញត្តិ ជាពិសេស គឺស្ថាប័នរដ្ឋសភា ពិតជាមានតួនាទីសំខាន់ និងមិនអាចខ្វះបាន ក្នុងការចូលរួមចំណែកដោះស្រាយបញ្ហាតំបន់ និងសកល។ ក្នុងស្មារតីនេះ, ខ្ញុំយល់ថាការប្រារព្ធមហាសន្និបាតអន្តរសភាពអាស៊ានលើកទី៤៣ នាពេលនេះ គឺជាឱកាសមួយដ៏កម្រសម្រាប់ សម្ដេច, ឯកឧត្ដម, លោកជំទាវ ជាប្រតិភូអាយប៉ា ចូលរួមពិភាក្សាយ៉ាងទូលំទូលាយលើប្រធានបទរបស់យើង សំដៅពង្រឹងកិច្ចសហប្រតិបត្តិការជាធ្លុងមួយ និងរិះរកនូវអនុសាសន៍គោលនយោបាយ ជាពិសេសគោលជំហររួមមួយ ដើម្បីជាឧត្ដមប្រយោជន៍សម្រាប់ប្រជាជនយើងទាំងអស់គ្នា។”គួរបញ្ជាក់ថា ក្នុងឱកាសបើកមហាសន្និបាតអន្តរសភាអាស៊ានព្រះមហាក្សត្រនៃព្រះរាជាណាចក្រកម្ពុជាក៏សព្វព្រះរាជហឫទ័យស្តេចប្រទាននូវព្រះរាជសុន្ទរកថាផ្ញើជូនអង្គមហាសន្និបាតផងដែរ ហើយក្រៅពីនោះក៏មានការថ្លែងសុន្ទរកថាស្វាគមន៍ ដោយសម្តេចវិបុលសេនាភក្តី សាយ ឈុំ ប្រធានព្រឹទ្ធសភា ,សុន្ទរកថាគន្លឹះ ដោយសម្តេចតេជោ ហ៊ុន សែន នាយករដ្ឋមន្ត្រីកម្ពុជា និងជាប្រធានអាស៊ាន។ បន្ទាប់មកសម្តេចពញាចក្រី ហេង សំរិន ប្រធានរដ្ឋសភា និងជាប្រធានមហាសន្និបាតអន្តរសភាអាស៊ាន លើកទី៤៣ ក៏បានអញ្ជើញថ្លែងសុន្ទរកថាបើកមហាសន្និបាតជាផ្លូវការ។មហាសន្និបាតអន្តរសភាអាស៊ានលើកទី៤៣នៅកម្ពុជានេះក៏មាន ការអញ្ជើញចូលរួមពីឥស្សរជនជាន់ខ្ពស់ព្រឹទ្ធសភា រដ្ឋសភា គណៈប្រតិភូប្រទេសសមាជិកអន្តរសភាអាស៊ាន ព្រមទាំងវត្តមាននៃគណៈប្រតិភូបណ្តាប្រទេសជាអ្នកសង្កេតការណ៍ ភ្ញៀវម្ចាស់ផ្ទះ និងអង្គការដៃគូជាច្រើនទៀត។ មហាសន្និបាតប្រព្រឹត្តទៅចាប់ពីថ្ងៃទី២០ ដល់ ២៥ ខែវិច្ឆិកា ក្រោមមូលបទ «បោះជំហានជាមួយគ្នា ដើម្បីនិរន្តរភាព បរិយាប័ន្ន និងភាពធន់របស់អាស៊ាន»។ មហាសន្និបាតអន្តរសភាអាស៊ាន ហៅកាត់(AIPA)ជាវេទិកាសភា ប្រទេសជាសមាជិកអាស៊ាន ទាំង១០ដែលតំណាងឱ្យពលរដ្ឋប្រមាណជិត ៧០០លាននាក់ ក្នុងក្របខ័ណ្ឌនីតិប្បញ្ញត្តិ ដើម្បីប្រមូលផ្តុំនូវមតិ យោបល់ ទស្សនៈរបស់តំណាងពលរដ្ឋ ក្រោមចក្ខុវិស័យទូលំទូលាយ និងកិច្ចសហប្រតិបត្តិការជិតស្និទ្ធ ក្នុងគោលបំណងដោះស្រាយបញ្ហារួមរបស់ពិភពលោកដែលប៉ះពាល់ដល់តំបន់អាស៊ីអាគ្នេយ៍ និងដើម្បីជំរុញឱ្យមានសន្តិសុខ ស្ថិរភាពនិងវិបុលភាព៕

ឯកឧត្តម ហ៊ុន ម៉ានី បានអញ្ជើញដឹកនាំគណៈប្រតិភូនៃកិច្ចប្រជុំសមាជិកសភាវ័យក្មេងអាយប៉ា ចូលជួបគោរពសម្តែងការគួរសមសម្តេចពញាចក្រី ហេង សំរិន ប្រធានរដ្ឋសភា

ក្នុងនាមជាប្រធានដឹកនាំកិច្ចប្រជុំសមាជិកសភាវ័យក្មេងអាយប៉ា (YPA) ឯកឧត្តម ហ៊ុន ម៉ានី បានអញ្ជើញដឹកនាំគណៈប្រតិភូនៃកិច្ចប្រជុំសមាជិកសភាវ័យក្មេងអាយប៉ា ចូលជួបគោរពសម្តែងការគួរសមសម្តេចអគ្គមហាពញាចក្រី ហេង សំរិន ប្រធានរដ្ឋសភានៃព្រះរាជា-ណាចក្រកម្ពុជា និងជាប្រធានមហាសន្និបាតអន្តរសភាអាស៊ានលើកទី៤៣នាព្រឹកថ្ងៃទី២១ ខែវិច្ឆិកា ឆ្នាំ២០២២ ។ឯកឧត្តម ហ៊ុន ម៉ានី បានគោរពថ្លែងអំណរគុណយ៉ាងជ្រាលជ្រៅបំផុតចំពោះ សម្តេចប្រធាន ដែលបានចំណាយពេលវេលាដ៏មមាញឹកក្នុងឱកាសនៃមហាសន្និបាតអាយប៉ាលើកទី៤៣ ទទួលជួបគណៈប្រតិភូសមាជិកសភាវ័យក្មេងអាយប៉ា នាព្រឹកនេះ។ ទន្ទឹមនេះ ឯកឧត្តមបានបង្ហាញសេចក្តីសោមនស្សរីករាយ ដែលកិច្ចប្រជុំសមាជិកសភាវ័យក្មេងអាយប៉ា នឹងធ្វើឡើងជាលើកទី១ និងដោយផ្ទាល់ នារសៀលថ្ងៃនេះ ក្នុងអំឡុងពេលនៃមហាសន្និបាតអាយប៉ាលើកទី៤៣ ដែលសភាកម្ពុជាធ្វើជាម្ចាស់ផ្ទះនាឆ្នាំ២០២២ នេះ។ សម្តេចអគ្គមហាពញាចក្រី ហេង សំរិន បានលើកឡើងដល់គណៈប្រតិភូ YPA ថា៖ «យុវជន គឺជាធនធានប្រកបដោយថាមភាពខ្ពស់ ក្នុងដំណើរការកិច្ចការនយោបាយ និងការអភិវឌ្ឍសេដ្ឋកិច្ច ការថែរក្សាបាននូវសុខសន្តិភាព ស្ថិរភាពនយោបាយ ក្នុងតំបន់ និងសកល។ ភាពជាតំណាងរបស់យុវជន ត្រូវបានលើកកម្ពស់នៅគ្រប់ទិសទី»។ក្នុងឱកាសជំនួបនេះដែរ តំណាងឱ្យគណៈប្រតិភូសមាជិកសភាវ័យក្មេងអាយប៉ាទាំងអស់ ឯកឧត្តម ហ៊ុន ម៉ានី បង្ហាញសុទិដ្ឋិនិយមថា «ជាមួយការចូលរួមបន្ថែមពីសមាជិកសភាវ័យក្មេងអាយប៉ា ដែលឆ្លុះបញ្ចាំងពីការតាំងចិត្តរបស់សភានៃប្រទេសសមាជិកអាយប៉ា និងអាស៊ានជារួម យើងនឹងឈានទៅសម្រេចបានការកសាងសហគមន៍អាស៊ានមួយពោរពេញទៅដោយកាលានុវត្តភាព និងការចូលរួមចំណែកយ៉ាងសកម្ម និងជាវិជ្ជមានពីប្រជា-ជនវ័យក្មេង ដើម្បីផលប្រយោជន៍រួមនៃប្រជាជន និងប្រទេសក្នុងតំបន់អាស៊ាន»។សូមជម្រាបជូនថា កិច្ចប្រជុំសមាជិកសភាអាយប៉ាវ័យក្មេងលើកទី១ នឹងប្រព្រឹត្តលើប្រធានបទស្តីពី «ជំរុញការផ្សារភ្ជាប់ជាមួយប្រជាជនវ័យក្មេង ដើម្បីសហគមន៍អាស៊ានមួយប្រកបដោយចីរភាព ភាពធន់ និងវិបុលភាព» ដែលជាការគាំទ្រ និងចូលរួមចំណែកស្របទៅនឹងមូលបទរួមនៃមហាសន្និបាតអាយប៉ា លើកទី៤៣ ស្តីពី «ការបោះជំហានជាមួយគ្នា ដើម្បីតំបន់អាស៊ានមួយ ប្រកបដោយចីរភាព បរិយាប័ន្ន និងភាពធន់»។

ពិធីបើកមហាសន្និបាតអន្តរសភាអាស៊ានអាយប៉ា AIPA លើកទី៤៣ ចាប់ផ្តើមដំណើរការ

ភ្នំពេញ៖ នៅថ្ងៃទី២១ ខែវិច្ឆិកា ឆ្នាំ២០២២នេះ មហាសន្និបាតអន្តរសភាអាស៊ាន (AIPA) លើកទី៤៣ ចាប់ផ្ដើមនៅដំណើរការហើយ។ ក្នុងពិធីបើកមហាសន្និបាតនេះ មានការអញ្ជើញថ្លែងសុន្ទរកថាស្វាគមន៍ ដោយសម្តេចវិបុលសេនាភក្តី សាយ ឈុំ ប្រធានព្រឹទ្ធសភា និងថ្លែងសុន្ទរកថាគន្លឹះ ដោយសម្តេចតេជោ ហ៊ុន សែន នាយករដ្ឋមន្ត្រីកម្ពុជា និងជាប្រធានអាស៊ាន។ បន្ទាប់មកសម្តេចពញាចក្រី ហេង សំរិន ប្រធានរដ្ឋសភា និងជាប្រធានមហាសន្និបាតអន្តរសភាអាស៊ានលើកទី៤៣ នឹងអញ្ជើញថ្លែងសុន្ទរកថាបើកមហាសន្និបាត។ ក្នុងពិធីបើកមហាសន្និបាតនេះ ក៏មានការអញ្ចើញចូលរួមពីឥស្សរជនជាន់ខ្ពស់ព្រឹទ្ធសភា រដ្ឋសភា គណៈប្រតិភូប្រទេសសមាជិកអន្តរសភាអាស៊ាន ព្រមទាំងវត្តមាន នៃគណៈប្រតិភូបណ្តាប្រទេសជាអ្នកសង្កេតការណ៍ ភ្ញៀវម្ចាស់ផ្ទះ និងអង្គការដៃគូជាច្រើនទៀត។ មហាសន្និបាតអន្តរសភាអាស៊ានដែលរៀបចំដោយសភាកម្ពុជា ប្រព្រឹត្តទៅចាប់ពីថ្ងៃទី២០ ដល់ ២៥ ខែវិច្ឆិកា ក្រោមមូលបទ «បោះជំហានជាមួយគ្នា ដើម្បីនិរន្តរភាព បរិយាប័ន្ន និងភាពធន់របស់អាស៊ាន»។ នៅក្នុងកំឡុងពេលនៃការប្រារព្ធមហាសន្និបាតនេះ នឹងមានកិច្ចប្រជុំតាមគណៈកម្មាធិការជំនាញAIPAជាច្រើន ដែលសម្តេចប្រធានរដ្ឋសភា និងសមាជិកគណៈប្រតិភូចូលរួមប្រជុំ។ កិច្ចប្រជុំនោះមានដូចជា៖ កិច្ចប្រជុំគណៈកម្មាធិការប្រតិបត្តិ កិច្ចប្រជុំពេញអង្គ កិច្ចប្រជុំគណៈកម្មាធិការសេដ្ឋកិច្ច កិច្ចប្រជុំគណៈកម្មាធិការសង្គមកិច្ច និងកិច្ចប្រជុំគណៈកម្មាធិការរៀបចំជាដើម។

មនុស្ស ៥នាក់ស្លាប់ និង១៨នាក់ទៀតរងរបួសក្នុងហេតុការណ៍បាញ់ប្រហារនៅក្លឹបរាត្រី ក្នុងទីក្រុង Colorado Springs នៃរដ្ឋ Colorado

នគរបាលបាននិយាយថា មនុស្ស ៥នាក់បានស្លាប់ និង១៨នាក់ រងរបួសក្នុងការបាញ់ប្រហារនៅក្លឹបកម្សាន្តរាត្រី សម្រាប់ភេទទី៣ ក្នុងទីក្រុងColorado Springs នៃរដ្ឋ Colorado សហរដ្ឋអាមេរិក។ ជនសង្ស័យត្រូវបានគេកំណត់អត្តសញ្ញាណមានឈ្មោះថា Anderson Lee Aldrich វ័យ២២ឆ្នាំ ហើយស្នងការនគរបាលក្រុង Colorado Springs លោក Adrian Vasquez បាននិយាយកាលពីថ្ងៃអាទិត្យថា ជនល្មើសបានប្រើកាំភ្លើងវែង និងបានចាប់ផ្ដើមបាញ់ប្រហារភ្លាមៗ បន្ទាប់ពីចូលទៅដល់ក្នុងក្លឹបកម្សាន្តនោះ។

បណ្ដាញសង្គម

ព័ត៌មានថ្មីៗ

សម្ដេចធិបតី៖ ជាតិក្នុងពេលលំបាក រាជរដ្ឋាភិបាលបានធ្វើកំណែទម្រង់ច្រើនណាស់ដើម្បីពង្រឹងខ្លួនឯង

សម្ដេចធិបតី៖ កម្ពុជាលើកសំណូមពរឱ្យមាន AOT ចូលរួមធ្វើសាក្សីពេលវាស់វែងបង្គោលព្រំដែនកម្ពុជា-ថៃលើកក្រោយ

សម្ដេចធិបតី៖ រាជរដ្ឋាភិបាលបន្តច្បាំងតាមរយៈការទូត និងផ្លូវច្បាប់ទាមទារទឹកដីដែលថៃកាន់កាប់មកវិញ

សម្ដេចធិបតី៖ តាំងពីអាណត្តិមុន និងអាណត្តិនេះរដ្ឋាភិបាលខិតខំពង្រីកសាលារៀនឱ្យទៅដល់ភូមិ ឃុំ

នគរបាលជួយសង្គ្រោះតាមអាកាស ខណៈឧទ្ធម្ភាគចក្រជម្លៀសគ្រួសារដែលជាប់ខ្លួនដោយទឹកជំនន់នៅឈីលី

ប្រព័ន្ធផ្សព្វផ្សាយ៖ លោកTrump ស្វែងរកជម្រើសវាយប្រហារអ៊ីរ៉ង់ នៅមុនការបោះឆ្នោតពាក់កណ្តាលអាណត្តិ

យុវជនគាំទ្រការបញ្ឈប់ការប្តូររង្វាន់ពីក្រវិលកំប៉ុងស្រាបៀរ និងភេសជ្ជប៉ូវកម្លាំង

រយៈពេល៩ខែ, ការដោះដូរពាណិជ្ជកម្មរបស់កម្ពុជា មានទំហំទឹកប្រាក់កើនដល់ជាង ៥៨,៤ ពាន់លានដុល្លារ

ឧបនាយករដ្ឋមន្ត្រីប្រចាំការ៖ ការពន្លឿន និងជំរុញបរិវត្តកម្មឌីជីថល ជាការគាំទ្រដល់ប្រសិទ្ធភាពការងារ

ការព្រួយបារម្ភជាសកលកើនឡើងជុំវិញការភ័យខ្លាចជំងឺប៉េស្ត ខណៈរុស្ស៊ីទាត់ចោលរបាយការណ៍អំពីករណីស្លាប់ទីពីរ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ​ និង ការអភិវឌ្ឍន៍