BTV NEWS

ព្រឹកស្អែកនេះ សម្ដេចតេជោ ហ៊ុន សែន នឹងអញ្ជើញចែកស្រូវពូជ និងស្បៀងអាហារ ដល់ប្រជាពលរដ្ឋរងគ្រោះដោយទឹកជំនន់ នៅខេត្តបាត់ដំបង

នៅព្រឹកថ្ងៃទី២៤ ខែតុលា ឆ្នាំ២០២២ ស្អែកនេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នឹងអញ្ជើញសំណេះសំណាល និងផ្តល់ស្រូវពូជ ព្រមទាំងស្បៀងអាហារ ដល់ប្រជាកសិករដែលរងគ្រោះដោយទឹកជំនន់ នៅខេត្តបាត់ដំបងចំនួន ១១.៥២៨ គ្រួសារ។ ពិធីសំណេះសំណាលជាមួយប្រជាកសិករ និងចែកស្រូវពូជនេះ ធ្វើឡើងនៅព្រលានយន្តហោះខេត្តបាត់ដំបង។ កន្លងទៅថ្មីៗនេះ នៅភូមិសាស្ត្រខេត្តបាត់ដំបង បានជួបប្រទះគ្រោះទឹកជំនន់ដោយទឹកភ្លៀង បានប៉ះពាល់ដល់១៤ ក្រុង ស្រុក (លើ ៩១ឃុំសង្កាត់ និង៥០២ភូមិ) បណ្ដាលឱ្យរងផលប៉ះពាល់ដល់ប្រជាជន សរុបចំនួន ២៩.៣៨៤គ្រួសារ ក្នុងនោះបានជម្លៀសប្រជាជនមកទីទួលសុវត្ថិភាពចំនួន ១,០៥១ គ្រួសារ និងធ្វើឲ្យប៉ះពាល់ដល់ផ្ទះ សម្បែង សរុប ២៩.៣៨៤ខ្នង ខូចខាត ៣២ខ្នង ប៉ះពាល់សាលារៀន ៧៦ កន្លែង មណ្ឌលសុខភាព ០៦ កន្លែង វត្ត ១៩កន្លែង និងអគាររដ្ឋបាលសាធារណៈ ០៤កន្លែង។ លើសពីនេះ បណ្តាលឲ្យប៉ះពាល់ដំណាំស្រូវរបស់ប្រជាពលរដ្ឋ មានចំនួន ៤៥៨១២ ហិកតា និងខូចខាតចំនួន ២៧.២៣៣ ហិកតា។ ដោយឡែក តាមការពិនិត្យ និង ស្រាវជ្រាវរបស់មន្ត្រីជំនាញជាក់ស្តែង ផ្ទៃដី ដែលអាចធ្វើការស្តារឡើងវិញបានមានចំនួន ១១.៥២៨ ហិកតា ស្មើ ១១.៥២៨គ្រួសារ និងប៉ះពាល់ដំណាំរួមផ្សំផ្សេងៗ មានចំនួន ៣៣.៧៩៧ ហិកតា និងខូចខាត១៦.២១៩ ហិកតា។បន្ថែមពីនេះទៀត គ្រោះទឹកជំនន់បានបណ្តាលឲ្យប៉ះពាល់ និងខូចខាតប្រព័ន្ធស្រោចស្រព និងហេដ្ឋារចនា សម្ព័ន្ធជនបទ រួមមាន ផ្លូវកៅស៊ូប្រវែង ១.៧៥០ម៉ែត្រ, ផ្លូវគ្រួសប្រវែង ៥៦៨.៤៤៦ម៉ែត្រ, ស្ពានឈើ ១០កន្លែង លូ កាត់ផ្លូវ ១០៧កន្លែង ទ្វារទឹក ២កន្លែង បង្គន់អនាម័យចំនួន ១៣៨កន្លែង។

សម្តេចតេជោ ហ៊ុន សែន អញ្ជើញជួបសំណេះសំណាលជាមួយអាជ្ញាធរ មន្ត្រីរាជការនិងកងកម្លាំងក្នុងខេត្តបាត់ដំបង

នៅរសៀលថ្ងៃទី២៣ ខែតុលា ឆ្នាំ២០២២ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញជួបសំណេះសំណាលជាមួយក្រុមប្រឹក្សាខេត្ត ក្រុង ស្រុក ឃុំ សង្កាត់ មន្ត្រីរាជការ និងកងកម្លាំងប្រដាប់អាវុធក្នុងខេត្តបាត់ដំបងចំនួនជាង២ពាន់នាក់។ក្នុងឱកាសនោះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី បានលើកឡើងវាយតម្លៃខ្ពស់ចំពោះអាជ្ញាធរពាក់ព័ន្ធទាំងអស់នៃខេត្តបាត់ដំបងដែលបានខិតខំបម្រើការងារអភិវឌ្ឍន៍ខេត្ត បំពេញកិច្ចការងារបម្រើប្រជាពលរដ្ឋនៅតាមមូលដ្ឋាន។សម្តេចតេជោនាយករដ្ឋមន្ត្រីក៏បានថ្លែងដោយក្តីមោទនភាពចំពោះភាពជោគជ័យនៃការទប់ស្កាត់ជំងឺកូវិដ-១៩ របស់ប្រទេសកម្ពុជាតាមរយ:ការដាក់ចេញនូវយុទ្ធសាស្ត្រចាក់វ៉ាក់សាំងប្រកបដោយប្រសិទ្ធភាព ដែលធ្វើអោយយើងមានឱកាសបើកដំណើរប្រទេសជាតិឡើងវិញតាមគន្លងប្រក្រតីភាពថ្មី ហើយក្នុងនោះ មិនអាចមើលរំលងបានពីមន្ត្រីមូលដ្ឋានប្រឹងប្រែងសហការលើការងារនេះ។ ពេលនេះ កម្ពុជាបានក្លាយទៅជាប្រទេសឈានមុខគេក្នុងការទប់ស្អាត់ជំងឺឆ្លងកូវីដ-១៩។ ទាំងអស់នេះដោយសារមានការចូលរួមរបស់ពលរដ្ឋកម្ពុជា។សម្តេចតេជោបានមានប្រសាសន៍ប្រាប់ទៅដល់មន្ត្រីរាជការទាំងអស់ពីការទទួលខុសត្រូវរបស់កម្ពុជាក្នុងនាមធ្វើជាម្ចាស់ផ្ទះនៃកិច្ចប្រជុំកំពូលអាស៊ាននាឆ្នាំនេះ ដែលកិច្ចប្រជុំនេះនឹងមានការអញ្ជើញចូលរួមពីបណ្តាមេដឹកនាំពិភពលោកសំខាន់ៗចូលរួម ហើយនេះក៏ដោយសារភាពជោគជ័យនៃការទប់ស្កាត់កូវីដ-១៩នេះហើយ ដែលធ្វើអោយកម្ពុជាយើងអាចទទួលធ្វើជាម្ចាស់ផ្ទះនៃកិច្ចប្រជុំកំពូលអាស៊ាន និងកិច្ចប្រជុំពាក់ព័ន្ធដ៏ទៃទៀតក្នុងខែវិច្ឆិកាខាងមុខនេះ។ សម្តេចតេជោនាយករដ្ឋមន្ត្រីបានរំលឹកដល់មន្រ្តីទាំងអស់ ត្រូវបន្តយកចិត្តទុកដាក់រក្សាសន្តិសុខសណ្ដាប់ធ្នាប់សង្គម ដោយអនុវត្តគោលនយោបាយភូមិ ឃុំ មានសុវត្ថិភាព រួមមាន ការបង្ក្រាបនូវបទល្មើសផ្សេងៗ ដូចជា ចោរកម្ម ប្លន់ ការជួញដូរគ្រឿងញៀនជាដើម ដើម្បីផ្តល់ភាពកក់ក្តៅ និងធានាដល់សុវត្ថិភាពនៃការរស់នៅ និងការប្រកបរបរការងារផ្សេងៗរបស់ប្រជាពលរដ្ឋ។ទន្ទឹមនេះត្រូវយកចិត្តទុកដាក់ការផ្តល់នូវសេវាសាធារណៈ រួមមានសេវាតម្រូវការចាំបាច់ទាំងឡាយ និងសេវាសំណូមពរនានាជូនប្រជាពលរដ្ឋ អោយបានលឿន និងមានប្រសិទ្ធិភាព ហើយត្រូវខិតខំបំបាត់អោយអស់នូវភាពអសកម្មនានា។ ជាមួយគ្នានោះផងដែរ សម្តេចតេជោក៏សុំអោយអាជ្ញាធរត្រូវយកចិត្តទុក ដាក់ដោះស្រាយជម្លោះដីធ្លីជូនប្រជាពលរដ្ឋអោយបានរហ័ស និងមានប្រសិទ្ធិភាព ជាពិសេសការដោះស្រាយក្រៅប្រព័ន្ធតុលាការអោយបានច្រើន ដោយមិនត្រូវលំអៀងខាងភាគីណានោះទេត្រូវឈរនៅកណ្ដាល ដើម្បីបម្រើផលប្រយោជន៍ទាំងសងខាង។សូមបញ្ជាក់ថា ការជួបសំណេះសំណាលក្នុងខេត្តបាត់ដំបងនេះ ធ្វើឡើងបន្ទាប់ពីសម្តេចតេជោនាយករដ្ឋមន្ត្រីបានជួបសំណេះសំណាលជាមួយជាមួយក្រុមប្រឹក្សាខេត្ត ក្រុង ស្រុក ឃុំ សង្កាត់ មន្ត្រីរាជការ និងកងកម្លាំងប្រដាប់អាវុធ នៅក្នុងខេត្តសៀមរាប និងបន្ទាយមានជ័យ នឹងបន្តជួបជាមួយមន្ត្រីនៅខេត្តពោធិ៍សាត់ និងកំពង់ឆ្នាំងបន្តទៀតក្នុងដំណើរបេសកកម្មដោះស្រាយបញ្ហា និងចែកស្រូវពូជជូនពលរដ្ឋនៅខេត្តជុំវិញបឹងទន្លេសាប ផងដែរ៕

សម្តេចតេជោ ផ្ញើសារអបអរសាទរឯកឧត្តម ស៊ី ជីនពីង បានជាប់ឆ្នោតជាអគ្គលេខាធិការ គណបក្សកុម្មុយនីស្តចិនជាថ្មីទៀត

សម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា និងជានាយករដ្ឋមន្រ្តី នៃកម្ពុជា នៅថ្ងៃទី២៣ ខែតុលា ឆ្នាំ២០២២នេះ បានផ្ញើសារអបអរសាទរដល់ឯកឧត្តម ស៊ី ជីនពីង ប្រធានាធិបតីចិន ដែលត្រូវបានជាប់ឆ្នោតសារជាថ្មី ជាអគ្គលេខាធិការគណបក្សកុម្មុយនីស្តចិន(CPC) នៅក្នុងសមាជជាតិរបស់គណបក្សកុម្មុយនីស្តចិនលើកទី២០ កាលពីពេលថ្មីៗនេះ។យោងតាមសារលិខិតរបស់សម្តេចតេជោ ហ៊ុន សែន ដែលទូរទស្សន៍ BTVទទួលបាននារសៀលថ្ងៃ ទី២៣ ខែតុលា ឆ្នាំ២០២២នេះ សម្តេចតេជោ បានលើកឡើងថា ក្នុងឱកាសដ៏វិសេសវិសាលនេះ តាងនាមគណបក្សប្រជាជនកម្ពុជា (CPP) «ខ្ញុំសូមសម្តែងនូវអំណរសាទរយ៉ាងស្មោះស្ម័គ្រជូនចំពោះឯកឧត្តម។ ខ្ញុំក៏សូមឆ្លៀតឱកាសនេះ អបអរសាទរដល់ថ្នាក់ដឹកនាំ និងសមាជិកCPCទាំងអស់ ចំពោះការបិទបញ្ចប់ដោយជោគជ័យ នៃសមាជជាតិលើកទី២០ នៃគណបក្សកុម្មុយនីស្តចិន ដែលនឹងផ្ដល់កម្លាំងថ្មី ដល់ការកសាងប្រទេសចិនក្លាយជាប្រទេសសង្គមនិយមទំនើប»។ក្នុងសារលិខិតសម្តេចតេជោ ហ៊ុន សែន បានលើកឡើងទៀតថា ក្រោមការដឹកនាំប្រកបដោយសមត្ថភាព និងឈ្លាសវៃរបស់ឯកឧត្តម ស៊ី ជិនពីង ពិភពលោកបានសាទរចំពោះជោគជ័យដ៏ធំធេងរបស់ចិនលើការកាត់បន្ថយភាពក្រីក្រ នវានុវត្តន៍បច្ចេកវិទ្យា វឌ្ឍនភាពផ្នែកវិទ្យាសាស្ត្រ និងការកសាងសង្គមនិយមតាមលក្ខណៈពិសេសរបស់ចិនជាដើម។ សមិទ្ធផលជាប្រវត្តិសាស្ត្រ បានផ្ដល់ផលប្រយោជន៍ មិនត្រឹមតែដល់ប្រជាជនចិនប៉ុណ្ណោះទេ ប៉ុន្តែក៏ដល់ពិភពលោកទាំងមូលផងដែរ។ តាមរយៈសាលិខិតអបអរសាទរដដែលនេះ សម្តេចតេជោ បានជឿជាក់ថា ជាមួយនឹងចក្ខុវិស័យវែងឆ្ងាយ និងកិច្ចខិតខំប្រឹងប្រែងមិនខ្លាចនឿយហត់របស់ឯកឧត្តមប្រទេសចិន នឹងទទួលបានជោគជ័យធំធេងបន្ថែមទៀតព្រមទាំងសម្រេចបាននូវគោលដៅ១០០ឆ្នាំលើកទី២ ក៏ដូចជាសម្រេចជោគជ័យលើគោលនយោបាយ និងគោលដៅដែលដាក់ចេញដោយសមាជជាតិរបស់បក្សកុម្មុយនីស្តចិនលើកទី២០នេះ។ចំពោះទំនាក់ទំនងទ្វេភាគីកម្ពុជា និងចិនវិញសម្តេចតេជោហ៊ុន សែន ដែលជាប្រធានគណបក្សប្រជាជនកម្ពុជា បានបញ្ជាក់ផងដែរថា «មានទំនាក់ទំនងទ្វេភាគីដ៏ល្អប្រសើរ ដែលរីកចម្រើនជាលំដាប់ និងកិច្ចសហប្រតិបត្តិការជិតស្និទ្ធគ្រប់ជ្រុងជ្រោយ ដោយសារមិត្តភាពប្រពៃណី និងទំនាក់ទំនងដ៏ស្និទ្ធស្នាលរបស់ CPP និង CPC។ ប៉ុន្មានឆ្នាំកន្លងមកនេះ CPP និង CPC បានពង្រឹងទំនាក់ទំនងមិត្តភាពដែកថែប ដែលបានធ្វើឱ្យទំនាក់ទំនងទ្វេភាគីកម្ពុជា-ចិន រីកចម្រើនឥតឈប់ឈរសម្រាប់ជាផលប្រយោជន៍ដល់ប្រជាជន នៃប្រទេសទាំងពីរ»។ជាមួយគ្នានេះសម្តេចតេជោ ហ៊ុន សែន ក៏បានបញ្ជាក់អះអាថា សម្តេចទន្ទឹងរង់ចាំបន្តធ្វើការយ៉ាង ជិតស្និទ្ធជាមួយឯកឧត្តម ប្រធានាធិបតី ស៊ី ជីនពីង ដើម្បីពង្រឹងបន្ថែមទៀត នូវមិត្តភាពជាប្រពៃណី រវាង CPP និង CPC និងលើកកម្ពស់កិច្ចសហប្រតិបត្តិការភាពជាដៃគូយុទ្ធសាស្រ្តគ្រប់ជ្រុងជ្រោយកម្ពុជា-ចិន ទៅកាន់កម្រិតថ្មីមួយទៀតផងដែរ៕ អត្ថបទ៖ បាន ចក់

សម្តេចតេជោ៖ ការចូលព្រៃតស៊ូមិនស្គាល់ និងមិនមែនតាមប៉ុលពតទេ គឺតាមការអំពាវនាវរបស់ព្រះបិតា

ថ្លែងក្នុងពិធីជួប សំណេះសំណាលចែកស្រូវពូជ និងស្បៀងជូនពលរដ្ឋរងគ្រោះដោយទឹកជំនន់ធ្ងន់ធ្ងរចំនួន ៥០០០គ្រួសារនៅខេត្តបន្ទាយមានជ័យនាព្រឹកថ្ងៃទី២៣តុលានេះ និងដោយសារថ្ងៃនេះជាខួបកិច្ចព្រមព្រៀងសន្តិភាពទីក្រុងប៉ារីសសម្តេចតេជោ ហ៊ុន សែន នាយករដ្ឋមន្ត្រី បានរម្លឹកពីការខិតខំរបស់សម្តេចក្នុងការស្វែងរកកិច្ចព្រមព្រៀងសន្តិភាពដែលកម្ពុជាមានការបែកបាក់ជាយូរលង់មកហើយៗសម្តេចបញ្ជាក់ថា ការចូលព្រៃតស៊ូរបស់សម្តេចពីអតីតកាលមិនមែនតាមប៉ុលពតទេ ពោលគឺសម្តេចមិនស្គាល់ប៉ុលពតឡើយ។សម្តេចចូលព្រៃតស៊ូតាមការអំពាវនាវរបស់ព្រះបិតារបស់យើង ហើយការដែលប៉ុលពតគ្រប់គ្រងគឺដោយសារប៉ុលពតប្លន់អំណាច។សម្តេចក៏បានបន្តរម្លឹកពីគុណតម្លៃនៃកិច្ចព្រមព្រៀងសន្តិភាពទីក្រុងប៉ារីសដែលតែងតែមានអ្នកវិភាគយកមកបំភ្លៃការពិតទាញយកនូវគុណសម្បត្តិកេងចំណេញផ្នែកនយោបាយ។ទោះជាយ៉ាងណា សម្តេចថា អ្នកវិភាគដ៏ឆ្អិនឆ្អៅខ្លះនោះពេលមានកិច្ចព្រមព្រៀងសន្តិភាពទីក្រុងប៉ារីសថ្ងៃ២៣តុលាអ្នកទាំងនោះនៅដើរស្រាតនៅឡើយទេ។សម្តេចបានបញ្ជាក់ថា កិច្ចព្រមព្រៀងសន្តិភាពទីក្រុងប៉ារីសបានបញ្ចូលធាតុទៅក្នុងរដ្ឋធម្មនុញ្ញរបស់យើងអស់ហើយ៕

ប្រសាសន៍សំខាន់ៗរបស់សម្ដេចតេជោ ហ៊ុន សែន ក្នុងឱកាសផ្ដល់ស្រូវពូជជូនប្រជាកសិកររងគ្រោះដោយទឹកជំនន់ នៅខេត្តបន្ទាយមានជ័យ

បន្ទាយមានជ័យ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញផ្តល់ស្រូវពូជជាង ៥០០តោន ជូនប្រជាកសិករជាង ៥ពាន់គ្រួសារ ដែលរងគ្រោះដោយទឹកជំនន់ នៅខេត្តបន្ទាយមានជ័យ នៅព្រឹកថ្ងៃទី២៣ ខែតុលា ឆ្នាំ២០២២នេះ។ជំនន់ទឹកភ្លៀង និងទឹកហូរធ្លាក់ពីប្រទេសថៃ បានធ្វើឱ្យប៉ះពាល់ក្រុង ស្រុកចំនួន៨ រួមមាន៖ ក្រុងសិរីសោភ័ណ ក្រុងប៉ោយប៉ែត ស្រុកមង្គលបុរី ស្រុកភ្នំស្រុក ស្រុកព្រះនេត្រព្រះ ស្រុកអូរជ្រៅ ស្រុកថ្មពួក និងស្រុកម៉ាឡៃ។ ទឹកជំនន់នេះបង្កឱ្យប៉ះពាល់ប្រជាពលរដ្ឋចំនួន ១៥,៥០៦គ្រួសារ ស្មើនឹងប្រមាណ ៦៥,៦៨៨នាក់ ក្នុងនោះមានស្លាប់មនុស្ស ៤នាក់ ប៉ះពាល់ស្រូវ ៣៦,០៥៩ហិកតា ដំឡូងមី ២,៨៩៩ហិកតា ដំណាំរួមផ្សំ ១២៨ហិកតា សត្វពាហនៈ ២,៨៦៧ក្បាល សាលារៀន៧៥ វត្ត៣៨ មណ្ឌលសុខភាព៧ និងផ្លូវ ៨០២កន្លែង មានប្រវែង ៤០៦,២៩៥ម៉ែត្រ។ ខាងក្រោមនេះជាប្រសាសន៍សំខាន់ៗរបស់សម្ដេចតេជោ ហ៊ុន សែន ៖ - សម្តេចតេជោ ហ៊ុន សែន បានបញ្ជាក់ថា មិនមែនដោយសារតែបញ្ហាជំងឺកូវីដ-១៩ ធ្វើអោយរាជរដ្ឋាភិបាលមានលេសក្នុងការមិនចុះមកជួប និងផ្តល់ការឧបត្តម្ភគាំទ្រដល់ប្រជាពលរដ្ឋ ដែលរងគ្រោះដោយទឹកជំនន់នោះទេ។- សម្តេចតេជោ ហ៊ុន សែន បានប្រកាសថ្លែងអំណរគុណដល់ អាជ្ញាធរ និងកងកម្លាំងប្រដាប់អាវុធ ក្នុងខេត្តបន្ទាយមានជ័យ បានធ្វើសកម្មភាពសស្រាក់សស្រាំចុះជួយជម្លៀសប្រជាពលរដ្ឋចេញពីការជន់លិច និងជួយដោះស្រាយបញ្ហាផ្សេងៗជាបន្តបន្ទាប់។- សម្តេចតេជោ ហ៊ុន សែន បានប្រកាសថា សម្តេចគឺជានាយករដ្ឋមន្ត្រីដែលកាន់អំណាចយូរជាងគេ គឺជិត៤ទសវត្សរ៍ ហើយសម្តេចក៏មិនអោយគេដៀលសម្តេចថា អាអត់ពូជដែរ។ ត្រង់ចំណុចសម្តេចចង់សំដៅលើពូជស្រូវ ពូជដំណាំសម្រាប់ផ្តល់ជូន ប្រជាកសិករសម្រាប់បង្កបង្កើនផល។- សម្តេចតេជោ ហ៊ុន សែន ប្រកាសថា សម្តេចមិនដែលបង្ខិតបង្ខំអោយនរណាម្នាក់ ចូលរួមជាមួយរាជរដ្ឋាភិបាល ដើម្បីអន្តរាគមន៍ជួយដល់ប្រជាពលរដ្ឋរងគ្រោះដោយទឹកជំនន់ និងមហន្តរាយនានានោះទេ ដែលនេះគឺជាសន្តានចិត្តរបស់ប្រជាពលរដ្ឋខ្មែរ តាមទិសស្លោក”ជួយគ្នាក្នុងគ្រាមានអាសន្ន”។- សម្តេចតេជោ ហ៊ុន សែន ប្រកាសថា ប្រជាពលរដ្ឋដែលរងគ្រោះដោយទឹកជំនន់ នឹងទទួលបានពូជស្រូវចំនួន ១០០គីឡូក្រាម ក្នុងមួយគ្រួសារ។ សម្តេចក៏បានបញ្ជាក់ថា បើមុនពេលសម្តេចមកផ្តល់ជូន ប្រជាពលរដ្ឋណាដែលទទួលបាន ៥០គីឡូក្រាមពីអាជ្ញាធរហើយ ក៏សូមកុំច្រណែននឹងអ្នកបានក្រោយ។- សម្តេចតេជោ ហ៊ុន សែន ប្រកាសថា ភាគី នៃកិច្ចព្រមព្រៀងសន្តិភាពទីក្រុងប៉ាវីសមានចំនួន៤ភាគី ក្នុងនោះមានសម្តេចតេជោ ហ៊ុន សែន តំណាងឱ្យរដ្ឋាភិបាលកម្ពុជា ចលនាតស៊ូហ៊្វុនស៊ិនប៉ិច ដែលតំណាងដោយសម្តេចព្រះ នរោត្តម សីហនុ និងសម្តេចក្រុមព្រះ នរោត្តម រណប្ញទ្ឋិ រណសិរ្សជាតិរំដោះប្រជាពលរដ្ឋខ្មែរ ដែលតំណាងដោយ លោក សឺន សាន និង ក្រុមចលនាកម្ពុជាប្រជាធិបតេយ្យ (ប៉ុលពត) តំណាងដោយ លោក ខៀវ សំផន បានឈានទៅចុះហត្ថលេខា លើកិច្ចព្រមព្រៀងសន្តិភាព នៅទីក្រុងប៉ារីស ប្រទេសបារាំង ក្រោមវត្តមានសាក្សីមកពី១៨ប្រទេស រួមទាំងអគ្គលេខាធិការអង្គការសហប្រជាជាតិ (UN) ផងដែរ ដើម្បីបញ្ចប់សង្រ្គាមស៊ីវិលនៅកម្ពុជា។- សម្តេចតេជោ ហ៊ុន សែន មានប្រសាសន៍ថា មុនឈានមកដល់កិច្ចព្រមព្រៀងនាទីក្រុងប៉ារីស ២៣ តុលា សម្តេចបានជួបពិភាក្សាដំបូងបំផុតជាមួយ អតីតព្រះមហាក្សត្រខ្មែរ សម្តេចព្រះ នរោត្តម សីហនុ នៅថ្ងៃទី០២ ខែធ្នូ ឆ្នាំ១៩៨៧ នៅ FERE-EN-TARDENOIS នៅប្រទេសបារាំង។- សម្តេចតេជោ ហ៊ុន សែន បានបញ្ជាក់ថា ការចរចារវាងសម្តេច និងព្រះករុណា ព្រះបរមរតនកោដ្ឋ មានសេចក្តីប្រកាសរួមឡាយព្រះហស្តលេខាអតីតព្រះមហាក្សត្រ និងសម្តេចតេជោ ហ៊ុន សែន ហៅថា(ជំនួបចរចា សីហនុ-ហ៊ុន សែន នៅ FERE-EN-TARDENOIS ថ្ងៃទី០២-០៤ ខែធ្នូ ឆ្នាំ១៩៨៧។- សម្តេចតេជោ ហ៊ុន សែន ប្រកាសថា ជាបន្តបន្ទាប់ក៏មានកិច្ចចរចាបន្តរវាង សីហនុ-ហ៊ុន សែន លើកទី ២ ប្រព្រឹត្តឡើងនៅថ្ងៃទី២០-២១ ខែមករា ឆ្នាំ១៩៨៨ នៅ SAINT-GERMAIN-EN-LAYE ប្រទេសបារាំង និងនៅទីកន្លែងផ្សេងៗមួយចំនួនទៀត។ - សម្តេចតេជោ ហ៊ុន សែន បានប្រកាសថា ទោះមានកិច្ចព្រមព្រៀងសន្តិភាពប៉ារីស ២៣ តុលា ក៏ពិតមែន ប៉ុន្តែសង្រ្គាមស៊ីវិលនៅកម្ពុជា នៅបន្តដែលបង្កដោយភាគីកម្ពុជាប្រជាធិបតេយ្យ (ប៉ុលពត)។- សម្តេចតេជោ ហ៊ុន សែន បានបញ្ជាក់ថា វត្តមានអ៊ុនតាក់នៅកម្ពុជា និងបានចាយលុយអស់ប្រមាណ ២.០០០ លានដុល្លាអាមេរិក មិនបានធ្វើអោយកម្ពុជាមានសុខសន្តិភាពនោះទេ។- សម្តេចតេជោ ហ៊ុន សែន បានប្រកាសថា សុខសន្តិភាពនៅកម្ពុជា គឺរកបានដោយកម្ពុជាផ្ទាល់ តាមរយៈនយោបាយ ឈ្នះ-ឈ្នះ របស់សម្តេច តេជោ ហ៊ុន សែន គឺបានបញ្ចប់សង្រ្គាមស៊ីវិលទាំងស្រុង នៅឆ្នាំ១៩៩៨ ដែលកម្ពុជាទូទាំងប្រទេស បានស្គាល់នូវសន្តិភាពពេញលេញ និងសម្បូរសប្បាយរហូតមកដល់សព្វថ្ងៃ។- សម្តេចតេជោ ហ៊ុន សែន បានប្រកាសថា បន្ទាយមានជ័យ គឺតំបន់អតីតសមរភូមិក្តៅ ដែលមាន ៤ភាគីនៅទីនោះ។ ក្រោយការបោះឆ្នោត នៅឆ្នាំ១៩៩៣ ភាគីទាំងនោះ បានឯកភាពគ្នាចូលរួមក្នុងការបោះឆ្នោតតាមបែបប្រជាធិបតេយ្យ សេរី ពហុបក្ស រៀបចំដោយអ៊ុនតាក់។- សម្តេចតេជោ ហ៊ុន សែន ប្រកាសថា ការកាត់ទោសអតីតមេដឹកនាំខ្មែរក្រហម មិនបានចែងក្នុងកិច្ចព្រមព្រៀងសន្តិភាពទីក្រុងប៉ារីសនោះទេ តែតុលាការកូនកាត់មួយនេះបានកើ់តឡើងរវាងកម្ពុជា និងអង្គការសហប្រជាជាតិ ដើម្បីផ្តល់យុត្តិធម៌ និងព្យាបាលផ្លូវចិត្តជនរងគ្រោះ ដែលបានស្លាប់ដោយអំពើឃោរឃៅ យង់ឃ្នង នៃរបបកម្ពុជាប្រជាធិតេយ្យខ្មែរក្រហម។- សម្តេចតេជោ ហ៊ុន សែន បានប្រកាសថា បើស្រលាញ់ បើអាណិត បើពេញចិត្តលើការដឹកនាំរបស់សម្តេច សូមបោះឆ្នោតជូនគណបក្សប្រជាជនកម្ពុជា នៅថ្ងៃទី២៣ ខែកក្កដា ឆ្នាំ២០២៣ខាងមុខនេះ ហើយសម្តេចនៅតែបន្តនៅជានាយករដ្ឋមន្ត្រី នៃកម្ពុជា។-សម្តេចតេជោ ហ៊ុន សែន បានប្រកាសជួយដល់ប្រជាពលរដ្ឋរងគ្រោះដោយអតិផរណា ទំនិញឡើងថ្លៃប្រមាណ ៦០ម៉ឺនគ្រួសារទៀត រួមនឹងប្រជាពលរដ្ឋ ដែលរងគ្រោះដោយទឹកជំនន់ និងគ្រោះធម្មជាតិផ្សេងៗទៀត ដើម្បីអោយពួកគាត់អាចស្តារលទ្ធកម្មក្នុងកម្រិតជីវភាពរស់នៅប្រចាំថ្ងៃ។សង្កថាសម្តេចតេជោ ហ៊ុន សែន ចប់នៅវេលាម៉ោង០៨ និង៥០នាទី

សម្តេចតេជោ ហ៊ុន សែន៖ កិច្ចព្រមព្រៀងសន្តិភាពទីក្រុងប៉ារីស គ្មានបរទេសណាមកធ្វើជំនួសខ្មែរទេ

បន្ទាយមានជ័យ៖ ដោយសារ ថ្ងៃទី២៣តុលានេះជាខួបលើកទី៣១ នៃកិច្ចព្រមព្រៀងសន្តិភាព ទីក្រុងប៉ារីស ២៣តុលា សម្តេចតេជោ បានមានប្រសាសន៍ថា កិច្ចព្រមព្រៀងសន្តិភាពទីក្រុងប៉ារីស គ្មានបរទេសណាមកធ្វើជំនួសខ្មែរទេ។សម្តេចតេជោ ហ៊ុន សែន នាយករដ្ឋមន្ត្រីបានរម្លឹកពីកិច្ចព្រមព្រៀងចំខួប៣១ឆ្នាំនេះត្រូវបានធ្វើឡើងក្នុងពិធីសំណេះសំណាលចែកស្រូវពូជ និងស្បៀងជូនពលរដ្ឋរងគ្រោះដោយទឹកជំនន់ចំនួន ៥ពាន់គ្រួសារនៅខេត្តបន្ទាយមានជ័យ នាព្រឹកថ្ងៃទី២៣តុលានេះ។ សម្តេចតេជោក៏បានបន្តលើកឡើងថា ទោះជាយ៉ាងណាក៏ដោយ កិច្ចព្រមព្រៀងសម្រេចបានពិត ប៉ុន្តែអ៊ុនតាក់មិនអាចសម្រេចកិច្ចការបានដោយបន្សល់ទុកឱ្យកម្ពុជារដ្ឋាភិបាល២ គឺភាគីរដ្ឋាភិបាល និងខ្មែរក្រហម។ ដោយនយោបាយ ឈ្នះ ឈ្នះ ទើបកម្ពុជារកបាននូវការបង្រួបបង្រួមជាតិនាំមកនូវសុខសន្តិភាពពេញលេញ និងការអភិវឌ្ឍរីកចម្រើនរហូតមកដល់សព្វថ្ងៃ។ តាមរយៈហ្វេសប៊ុកសម្តេចក៏បានសរសេរថាថ្ងៃទី២៣ ខែតុលា ឆ្នាំ២០២២នេះ គឺជាខួប ៣១ឆ្នាំ (២៣ តុលា ១៩៩១-២៣ តុលា ២០២២) នៃកិច្ចព្រមព្រៀងសន្តិភាព ទីក្រុងប៉ារីស។ ៣១ឆ្នាំមុន ពោលគឺនៅថ្ងៃទី២៣ ខែតុលា ឆ្នាំ១៩៩១ ភាគីទាំង៤ របស់កម្ពុជារួមមាន សម្តេចតេជោ ហ៊ុន សែន តំណាងឱ្យរដ្ឋាភិបាលកម្ពុជា ចលនាតស៊ូហ៊្វុនស៊ិនប៉ិច ដែលតំណាងដោយសម្តេចព្រះ នរោត្តម សីហនុ និងសម្តេចក្រុមព្រះ នរោត្តម រណប្ញទ្ឋិ រណសិរ្សជាតិរំដោះប្រជាពលរដ្ឋខ្មែរ ដែលតំណាងដោយ លោក ស៊ឺន សាន និង ក្រុមចលនាកម្ពុជាប្រជាធិបតេយ្យ (ប៉ុលពត) តំណាងដោយ លោក ខៀវ សំផន បានឈានទៅចុះហត្ថលេខា លើកិច្ចព្រមព្រៀងសន្តិភាព នៅទីក្រុងប៉ារីស ប្រទេសបារាំង ក្រោមវត្តមានសាក្សីមកពី១៨ប្រទេស រួមទាំងអគ្គលេខាធិការអង្គការសហប្រជាជាតិ (UN) ផងដែរ ដើម្បីបញ្ចប់សង្រ្គាមស៊ីវិលនៅកម្ពុជា។ មុននឹងឈានមកដល់កិច្ចព្រមព្រៀងនាទីក្រុងប៉ារីស ២៣ តុលា គឺសម្តេចតេជោ ហ៊ុន សែន បានជួបពិភាក្សាដំបូងបំផុតជាមួយ អតីតព្រះមហាក្សត្រខ្មែរ សម្តេចព្រះ នរោត្តម សីហនុ នៅថ្ងៃទី០២ ខែធ្នូ ឆ្នាំ១៩៨៧ នៅ FERE-EN-TARDENOIS នៅប្រទេសបារាំង ដែលការចរចានេះ មានសេចក្តីប្រកាសរួមឡាយព្រះហស្តលេខាដោយ សម្តេចព្រះ នរោត្តម សីហនុ និង សម្តេចតេជោ ហ៊ុន សែន ដែលហៅថា (ជំនួបចរចា សីហនុ-ហ៊ុន សែន នៅ FERE-EN-TARDENOIS ថ្ងៃទី០២-០៤ ខែធ្នូ ឆ្នាំ១៩៨៧)។ បន្ទាប់មកក៏មានកិច្ចចរចាបន្តរវាង សីហនុ-ហ៊ុន សែន លើកទី ២ ប្រព្រឹត្តឡើងនៅថ្ងៃទី២០-២១ ខែមករា ឆ្នាំ១៩៨៨ នៅ SAINT-GERMAIN-EN-LAYE ប្រទេសបារាំង និងនៅទីកន្លែងផ្សេងៗមួយចំនួនទៀត។ ទោះបីមានកិច្ចព្រមព្រៀងសន្តិភាពប៉ារីស ២៣ តុលា ១៩៩១ ក៏ពិតមែន ប៉ុន្តែសង្រ្គាមស៊ីវិលនៅកម្ពុជា នៅបន្តដែលបង្កដោយភាគីកម្ពុជាប្រជាធិបតេយ្យ (ប៉ុលពត)។ ក្រោមនយោបាយ ឈ្នះ-ឈ្នះ របស់សម្តេចតេជោ ហ៊ុន សែន គឺបានបញ្ចប់សង្រ្គាមស៊ីវិលទាំងស្រុង នៅឆ្នាំ១៩៩៨ ដែលកម្ពុជាទូទាំងប្រទេស បានស្គាល់នូវសន្តិភាពពេញលេញ និងសម្បូរសប្បាយរហូតមកដល់សព្វថ្ងៃ៕

សម្តេចតេជោ ហ៊ុន សែន អញ្ជើញចែកស្រូវពូជជាង ៥០០តោន ជូនប្រជាកសិករជាង ៥ពាន់គ្រួសារ នៅខេត្តបន្ទាយមានជ័យ

បន្ទាយមានជ័យ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញផ្តល់ស្រូវពូជជាង ៥០០តោន ជូនប្រជាកសិករជាង ៥ពាន់គ្រួសារ ដែលរងគ្រោះដោយទឹកជំនន់ នៅខេត្តបន្ទាយមានជ័យ នៅព្រឹកថ្ងៃទី២៣ ខែតុលា ឆ្នាំ២០២២នេះ។ជំនន់ទឹកភ្លៀង និងទឹកហូរធ្លាក់ពីប្រទេសថៃ បានធ្វើឱ្យប៉ះពាល់ក្រុង ស្រុកចំនួន៨ រួមមាន៖ ក្រុងសិរីសោភ័ណ ក្រុងប៉ោយប៉ែត ស្រុកមង្គលបុរី ស្រុកភ្នំស្រុក ស្រុកព្រះនេត្រព្រះ ស្រុកអូរជ្រៅ ស្រុកថ្មពួក និងស្រុកម៉ាឡៃ។ ទឹកជំនន់នេះបង្កឱ្យប៉ះពាល់ប្រជាពលរដ្ឋចំនួន ១៥,៥០៦គ្រួសារ ស្មើនឹងប្រមាណ ៦៥,៦៨៨នាក់ ក្នុងនោះមានស្លាប់មនុស្ស ៤នាក់ ប៉ះពាល់ស្រូវ ៣៦,០៥៩ហិកតា ដំឡូងមី ២,៨៩៩ហិកតា ដំណាំរួមផ្សំ ១២៨ហិកតា សត្វពាហនៈ ២,៨៦៧ក្បាល សាលារៀន៧៥ វត្ត៣៨ មណ្ឌលសុខភាព៧ និងផ្លូវ ៨០២កន្លែង មានប្រវែង ៤០៦,២៩៥ម៉ែត្រ។ ជាមួយនឹងការកើតមានគ្រោះមហន្តរាយនេះ អាជ្ញាធរ និងកងកម្លាំងប្រដាប់អាវុធក្នុងខេត្ត បានធ្វើសកម្មភាពសស្រាក់សស្រាំចុះជួយជម្លៀសប្រជាពលរដ្ឋចេញពីការជន់លិច និងជួយដោះស្រាយបញ្ហាផ្សេងៗជាបន្តបន្ទាប់៕

សម្តេចតេជោ ហ៊ុន សែន ផ្ញើសារអបអរសាទរខួបទី៣១ឆ្នាំ នៃកិច្ចព្រមព្រៀងសន្តិភាពទីក្រុងប៉ារីស ២៣ តុលា

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី បានផ្ញើសារអបអរសាទរខួបទី៣១ឆ្នាំ នៃកិច្ចព្រមព្រៀងសន្តិភាពទីក្រុងប៉ារីស ២៣ តុលា។ ថ្ងៃទី២៣ ខែតុលា ឆ្នាំ២០២២នេះ គឺជាខួប ៣១ឆ្នាំ (២៣ តុលា ១៩៩១-២៣ តុលា ២០២២) នៃកិច្ចព្រមព្រៀងសន្តិភាព ទីក្រុងប៉ារីស។ ៣១ឆ្នាំមុន ពោលគឺនៅថ្ងៃទី២៣ ខែតុលា ឆ្នាំ១៩៩១ ភាគីទាំង៤ របស់កម្ពុជារួមមាន សម្តេចតេជោ ហ៊ុន សែន តំណាងឱ្យរដ្ឋាភិបាលកម្ពុជា ចលនាតស៊ូហ៊្វុនស៊ិនប៉ិច ដែលតំណាងដោយសម្តេចព្រះ នរោត្តម សីហនុ និងសម្តេចក្រុមព្រះ នរោត្តម រណប្ញទ្ឋិ រណសិរ្សជាតិរំដោះប្រជាពលរដ្ឋខ្មែរ ដែលតំណាងដោយ លោក សឺន សាន និង ក្រុមចលនាកម្ពុជាប្រជាធិបតេយ្យ (ប៉ុលពត) តំណាងដោយ លោក ខៀវ សំផន បានឈានទៅចុះហត្ថលេខា លើកិច្ចព្រមព្រៀងសន្តិភាព នៅទីក្រុងប៉ារីស ប្រទេសបារាំង ក្រោមវត្តមានសាក្សីមកពី១៨ប្រទេស រួមទាំងអគ្គលេខាធិការអង្គការសហប្រជាជាតិ (UN) ផងដែរ ដើម្បីបញ្ចប់សង្រ្គាមស៊ីវិលនៅកម្ពុជា។មុននឹងឈានមកដល់កិច្ចព្រមព្រៀងនាទីក្រុងប៉ារីស ២៣ តុលា គឺសម្តេចតេជោ ហ៊ុន សែន បានជួបពិភាក្សាដំបូងបំផុតជាមួយ អតីតព្រះមហាក្សត្រខ្មែរ សម្តេចព្រះ នរោត្តម សីហនុ នៅថ្ងៃទី០២ ខែធ្នូ ឆ្នាំ១៩៨៧ នៅ FERE-EN-TARDENOIS នៅប្រទេសបារាំង ដែលការចរចានេះ មានសេចក្តីប្រកាសរួមឡាយព្រះហស្តលេខាដោយ សម្តេចព្រះ នរោត្តម សីហនុ និង សម្តេចតេជោ ហ៊ុន សែន ដែលហៅថា (ជំនួបចរចា សីហនុ-ហ៊ុន សែន នៅ FERE-EN-TARDENOIS ថ្ងៃទី០២-០៤ ខែធ្នូ ឆ្នាំ១៩៨៧)។ បន្ទាប់មកក៏មានកិច្ចចរចាបន្តរវាង សីហនុ-ហ៊ុន សែន លើកទី ២ ប្រព្រឹត្តឡើងនៅថ្ងៃទី២០-២១ ខែមករា ឆ្នាំ១៩៨៨ នៅ SAINT-GERMAIN-EN-LAYE ប្រទេសបារាំង និងនៅទីកន្លែងផ្សេងៗមួយចំនួនទៀត។ ទោះបីមានកិច្ចព្រមព្រៀងសន្តិភាពប៉ារីស ២៣ តុលា ១៩៩១ ក៏ពិតមែន ប៉ុន្តែសង្រ្គាមស៊ីវិលនៅកម្ពុជា នៅបន្តដែលបង្កដោយភាគីកម្ពុជាប្រជាធិបតេយ្យ (ប៉ុលពត)។ ក្រោមនយោបាយ ឈ្នះ-ឈ្នះ របស់សម្តេចតេជោ ហ៊ុន សែន គឺបានបញ្ចប់សង្រ្គាមស៊ីវិលទាំងស្រុង នៅឆ្នាំ១៩៩៨ ដែលកម្ពុជាទូទាំងប្រទេស បានស្គាល់នូវសន្តិភាពពេញលេញ និងសម្បូរសប្បាយរហូតមកដល់សព្វថ្ងៃ៕

សម្តេចតេជោ ហ៊ុន សែន ផ្តល់ការព្យាបាលដល់កុមារី កើតជំងឺអូទីហ្សឹមកម្រិតធ្ងន់ធ្ងរ ម្នាក់ នៅខេត្តសៀមរាប

ក្រោយចប់ពិធីសំណេះសំណាលជាមួយបងប្អូនប្រជាពលរដ្ឋចំនួន៣,២០០គ្រួសារ ដែលបានផ្លាស់ប្ដូរទីលំនៅពីតំបន់រមណីយដ្ឋានអង្គរ មកកាន់តំបន់ពាក់ស្នែង នៅព្រឹកមិញនេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានជួយសម្រាលទុក្ខលំបាកក្នុងជីវភាពដល់ស្ត្រីម្នាក់ដែលមានកូនស្រីកើតជំងឺអូទីហ្សឹមកម្រិតធ្ងន់ធ្ងរ។ដោយក្តីអាណិតអាសូរជាពន់ពេក ខណៈដែលស្ត្រីជាម្ដាយបានពរកូនទាំងមានជំងឺនេះមកចូលរួមក្នុងកម្មវិធីនោះ សម្តេចតេជោនាយករដ្ឋមន្ត្រី ក៏បានឲ្យលោកជំទាវ យក់ សម្បត្តិ រដ្ឋលេខាធិការ ក្រសួងសុខាភិបាល ចាត់ចែងភ្លាមៗក្នុងការបញ្ជូនកុមារីមានជំងឺទៅព្យាបាលនៅមន្ទីរពេទ្យគន្ធបុប្ផា ព្រមទាំងបានផ្តល់ជាថវិកាមួយចំនួនធំ សម្រាប់ដោះស្រាយជីវភាពផងដែរ។កុមារី កើតជំងឺអូទីហ្សឹមកម្រិតធ្ងន់ធ្ងរនេះ មានឈ្មោះ ដន គ្រីស្ទីនរ៉ូសាណា អាយុ ៩ឆ្នាំ ។ ម្តាយកុមារីរូបនេះឱ្យដឹងថា កូនរបស់គាត់ ពេលមានអាយុ ១ខែ ៣ថ្ងៃ មានអាការៈមិនប្រក្រតី ហើយម្តាយបាននាំទៅទទួលសេវាព្យាបាលនៅមន្ទីរពេទ្យគន្ធបុប្ផាសៀមរាប តែមិនបានប្រសើរ ដល់កុមារអាយុរហូតដល់ ២ឆ្នាំ ទើបទៅទទួលសេវាព្យាបាលនៅកុមារអង្គរ។លោកជំទាវ យក់ សម្បត្តិ បានបញ្ជាក់ថា ក្រុមគ្រូពេទ្យនឹងខិតខំជួយសង្គ្រោះជីវិតកុមារីរូបនេះឱ្យអស់ពីលទ្ធភាព៕

ប្រសាសន៍សំខាន់ៗរបស់សម្ដេចតេជោ ហ៊ុន សែន ក្នុងពិធីជួបសំណេះសំណាលជាមួយប្រជាពលរដ្ឋ ដែលស្ម័គ្រចិត្តរើលំនៅឋានចេញពីរមណីយដ្ឋានអង្គរ

នៅព្រឹកថ្ងៃទី២២តុលានេះ សម្តេចតេជោ ហ៊ុន សែន នាយករដ្ឋមន្ត្រី បានបន្តអញ្ជើញជួបសំណេះសំណាលជាមួយ ប្រជាពលរដ្ឋប្រមាណ ៣,២០០គ្រួសារបន្ថែមទៀត ដែលជាអ្នកស្ម័គ្រចិត្តរើលំនៅឋានចេញពីរមណីយដ្ឋានអង្គរ ទៅរស់នៅតំបន់ពាក់ស្នែង ភូមិពាក់ស្នែងថ្មី ឃុំពាក់ស្នែង ស្រុកអង្គរធំ ខេត្តសៀមរាប។ តំបន់អភិវឌ្ឍន៍ពាក់ស្នែងមានចម្ងាយប្រមាណជា ២០គីឡូម៉ែត្រ ពីតំបន់អង្គរ ជាកន្លែងថ្មីមួយទៀតបន្ទាប់ពីតំបន់អភិវឌ្ឍន៍រុនតាឯក ដែលរាជរដ្ឋាភិបាលរៀបចំបង្កើតជាភូមិឋាន និងបែងចែកដីធ្លីជូនប្រជាពលរដ្ឋស្ម័គ្រចិត្តរើចេញពីរមណីយដ្ឋានអង្គរ និងតំបន់គ្រប់គ្រងដោយអាជ្ញាធរជាតិអប្សរា។ ខាងក្រោមនេះជាប្រសាសន៍សំខាន់ៗរបស់សម្ដេចតេជោ ហ៊ុន សែន៖ - សម្តេចតេជោ ហ៊ុន សែន មានប្រសាសន៍ថា ពីអតីតកាលតំបន់ពាក់ស្នែងសម្តេចធ្លាប់លឺឈ្មោះ និងល្បីរន្ទឺជាតំបន់អតីតសមរភូមិក្តៅ តែពេលនេះពាក់ស្នែងបានក្លាយជាតំបន់អភិវឌ្ឍន៍ និងជាអនាគតតំបន់រដ្ឋបាលស្រុកអង្គរធំ។- សម្តេចតេជោ ហ៊ុន សែន បានបញ្ជាក់ថា ការគិតគូររបស់រាជរដ្ឋាភិបាល លើប្រជាពលរដ្ឋនៅតំបន់អភិវឌ្ឍន៍ពាក់ស្នែង គឺទទួលបានដូចគ្នានឹងប្រជាពលរដ្ឋដែលតាំងលំនៅឋានថ្មីនៅតំបន់រុនតាឯកផងដែរ។- សម្តេចតេជោ ហ៊ុន សែន ជឿជាក់ថា ប្រជាពលរដ្ឋរស់នៅតំបន់អភិវឌ្ឍន៍ពាក់ស្នែង នឹងបោះឆ្នោតជូនគណបក្សប្រជាជនកម្ពុជា ដើម្បីរក្សាបាននូវសុខសន្តិភាព និងការអភិវឌ្ឍលើគ្រប់វិស័យ។ត្រង់ចំណុចនេះ សម្តេចបញ្ជាក់ថា «មិនមែនជាការឃោសនាមុនបោះឆ្នោតទេ វានេះជាសច្ចធម៌មួយ»។- សម្តេចតេជោ ហ៊ុន សែន បញ្ជាក់ថា ពាក់ស្នែងជាតំបន់ប្រវត្តិសាស្ត្រពាក់ព័ន្ធនឹងក្សត្រមួយអង្គព្រះនាម «តាត្រសក់ផ្អែម» ដែលជាក្សត្រកើតចេញពីសាមញ្ញជន។ សម្តេចបញ្ជាក់ថា «បើការស្រាវជ្រាវនោះពិត ដូចការអះអាងមែន តំបន់ពាក់ស្នែងនាពេលនេះ នឹងក្លាយជាតំបន់ដ៏ល្អប្រពៃមួយ អំណោយផលគ្រប់តម្រូវការ»។- សម្តេចតេជោ ហ៊ុន សែន ប្រកាសថា តំបន់អភិវឌ្ឍន៍ពាក់ស្នែង នឹងត្រូវត្រៀមបម្រុងទុកដីសម្រាប់ការកសាងទីអារាម ដូចនៅតំបន់អភិវឌ្ឍន៍រុនតាឯកផងដែរ ដើម្បីឱ្យប្រជាពលរដ្ឋបានធ្វើបុណ្យធ្វើទាន និងកម្មវិធីបែបសាសនានានាផងដែរ។- សម្តេចតេជោ ហ៊ុនសែន ប្រកាសថា ការចូលរួមរបស់សប្បុរសជនចូលរួមផ្តល់ថវិកាកសាងវត្ត និងសមិទ្ធផលនានាក្នុងទីអារាមវត្តនៅតំបន់អភិវឌ្ឍន៍រុនតាឯក បានច្រើនលើសការគ្រោងទុក ដែលផ្តល់ភាពងាយស្រួល សម្រាប់ការចំណាយតាមតម្រូវការជាក់ស្តែង។- សម្តេចតេជោ ហ៊ុន សែន ប្រកាសឯកភាពលើសំណើរកងវិស្វកម្មសម្តេចតេជោ ហ៊ុនសែន សៀមរាប ក្នុងការស្តារ -ស្ថាបនាផ្លូវប៉េតុងសសៃដែក ,ផ្លូវក្រាលក្រួសក្រហម, មណ្ឌលសុខភាព,របង,សាលាបឋមសិក្សា ,អនុវិទ្យាល័យ,វិទ្យាល័យ,ទីលានបាលទាត់ ,ផ្សារសហគមន៍ និងសមិទ្ធផលនានា បម្រើឱ្យសេចក្តីត្រូវការប្រជាពលរដ្ឋតំបន់អភិវឌ្ឍន៍ពាក់ស្នែង។- សម្តេចតេជោ ហ៊ុន សែន ប្រកាសបញ្ចេញអង្ករ ២០០តោន អំណោយអ្នកឧកញ៉ាទ្រីភាព និងថវិកាសប្បុរជននានាប្រមាណ ១៥ម៉ឺនដុល្លារអាមេរិក ផ្តល់ជូនប្រជាពលរដ្ឋរងគ្រោះដោយទឹកជំនន់នៅខេត្តកំពង់ធំ ហើយសម្តេចក៏គ្រោងជួបសំណេះសំណាល និងផ្តល់ស្រូវពូជដល់ប្រជាពលរដ្ឋនៅកំពង់ធំ បន្ទាប់ពីពីសម្តេចចប់បេសកកម្មការងារនៅកំពង់ឆ្នាំង។- សម្តេចតេជោ ហ៊ុន សែន ប្រកាសផ្តល់អង្ករ និងថវិកា ដល់ខេត្តបន្ទាយមានជ័យ ,ឧត្តរមានជ័យ និងប៉ៃលិន ដែលរងគ្រោះដោយជំនន់ និងប្រកាសឱ្យរដ្ឋបាលខេត្តទាំងនោះ ព្រមទាំងផ្នែកពាក់ព័ន្ធផ្តល់ជូនប្រជាពលរដ្ឋឱ្យបានឆាប់រហ័ស កុំចាំសម្តេចទៅដល់។- សម្តេចតេជោ ហ៊ុន សែន ប្រកាសជាថ្មីដល់ប្រជាពលរដ្ឋដែលយល់ព្រមរុះរើលំនៅឋានចេញពីតំបន់រមណីយដ្ឋានអង្គរ មកតំបន់អភិវឌ្ឍន៍ពាក់ស្នែង ត្រូវឈរលើគោលការណ៍នាយករដ្ឋមន្ត្រីចំនួន២ គឺ៖ ទីតាំងថ្មីត្រូវបានឈូសឆាយរួចរាល់ និងមានអ្នកដឹកជញ្ជូនមកកាន់កន្លែងថ្មីត្រឹមត្រូវ។- សម្តេចតេជោ ហ៊ុន សែន ប្រកាសថា តំបន់អភិវឌ្ឍន៍ពាក់ស្នែង មិនមែនជាដីសង្គមកិច្ចទេ។ សម្តេចប្រកាសផ្តល់ប័ណ្ណកម្មសិទ្ធិ(ប័ណ្ណរឹង)ដល់ប្រជាពលរដ្ឋទាំងអស់នៅតំបន់អភិវឌ្ឍន៍ពាក់ស្នែង ដើម្បីឱ្យប្រជាពលរដ្ឋយកទៅប្រើប្រាស់តាមលទ្ធភាពដែលអាចធ្វើទៅបានដូចជា៖ កម្ចីធនាគារជាដើម។- សម្តេចតេជោ ហ៊ុន សែន ប្រកាសផ្តល់ការតភ្ជាប់ចរន្តអគ្គិសនីដល់របងផ្ទះប្រជាពលរដ្ឋដោយឥតគិតថ្លៃ ដល់ប្រជាពលរដ្ឋរស់នៅតំបន់អភិវឌ្ឍន៍ពាក់ស្នែង(ទាំងអ្នកប្រើកម្លាំង-អំពែ តូច និងធំ) ។ ការផ្តល់ជូននេះ ធ្វើឱ្យប្រជាពលរដ្ឋចំណេញយ៉ាងច្រើន។- សម្តេចតេជោ ហ៊ុន សែន ប្រកាសថា ប្រជាពលរដ្ឋទាំងអស់រស់នៅតំបន់អភិវឌ្ឍន៍ពាក់ស្នែង ទោះមានកម្រិតជីវភាពបែបណាក៏ដោយ នឹងបានទទួលប័ណ្ណក្រីក្រប្រភេទ-១ ដែលត្រូវផ្តល់ជូនតាមអត្រាអ្នករស់នៅទីប្រជុំជនដូចៗគ្នា។- សម្តេចតេជោ ហ៊ុន សែន ប្រកាសថា សាលាស្រុកអង្គរធំ ដែលកំពុងស្ថិតនៅតំបន់១ នៃរមណីយដ្ឋានអង្គរ នឹងត្រូវរុះរើមកកាន់ទីតាំងថ្មី នៅតំបន់អភិវឌ្ឍន៍ពាក់ស្នែង ដោយរាជរដ្ឋាភិបាលបានផ្តល់ផ្ទៃដីបម្រុងទុកសម្រាប់សាងសង់អគាររដ្ឋបាលស្រុកថ្មីនេះ។- សម្តេចតេជោ ហ៊ុន សែន ប្រកាសថា ប្រជាពលរដ្ឋដែលរស់នៅតំបន់អភិវឌ្ឍន៍ពាក់ស្នែង នឹងទទួលបានចរន្តអគ្គិសនីគ្រប់គ្រាន់, ទឹកស្អាត,ប្រព័ន្ធទូរស័ព្ទ, Internet និងបណ្តាញតភ្ជាប់ផ្សេងៗទៀត ដើម្បីបំពេញតម្រូវការ នៃការរស់នៅរបស់ប្រជាពលរដ្ឋ។- សម្តេចតេជោ ហ៊ុន សែន ប្រកាសថា គ្មានគណបក្សនយោបាយណាមួយនៅកម្ពុជា ដែលរស់នៅជាមួយគ្នា យូរ និងស្រុះស្រួលគ្នាដូចគណបក្សប្រជាជននោះទេ។- សម្តេចតេជោ ហ៊ុន សែន ប្រកាសជាថ្មីថា ប្រជាពលរដ្ឋទាំងអស់រស់នៅតំបន់អភិវឌ្ឍន៍ពាក់ស្នែង ដែលទទួលបានប័ណ្ណក្រីក្រប្រភេទ-១ នឹងត្រូវគាំពារផ្តល់ជូនដោយរដ្ឋរយៈពេល ១០ឆ្នាំ នឹងបើកតាមប្រព័ន្ធធនាគារ(វីង)។- សម្តេចតេជោ ហ៊ុន សែន ប្រកាសដាក់កម្មវិធីចុះជួបសំណេះសំណាលជាមួយប្រជាពលរដ្ឋនៅតំបន់អភិវឌ្ឍន៍ពាក់ស្នែង និងរុនតាឯកអាចមួយឆ្នាំម្តង ទោះជាពេលក្រោយ សម្តេចស្ថិតនៅក្នុងតំណែងជានាយករដ្ឋ ឬអត់ក៏ដោយ និងបានផ្តាំផ្ញើដល់ប្រជាពលរដ្ឋពេលបានឃើញសម្តេចមកជួប សូមហៅសម្តេចចូលលេងផ្ទះផង។សង្កថាសម្តេចតេជោ ហ៊ុន សែន ចប់នៅវេលាម៉ោង០៩ និង៤៥នាទី

នយោបាយ និង ការអភិវឌ្ឍន៍

សម្តេចតេជោ ហ៊ុន សែន អញ្ជើញជួបសំណេះសំណាលជាមួយអាជ្ញាធរ មន្ត្រីរាជការនិងកងកម្លាំងក្នុងខេត្តបាត់ដំបង

សម្តេចតេជោ ផ្ញើសារអបអរសាទរឯកឧត្តម ស៊ី ជីនពីង បានជាប់ឆ្នោតជាអគ្គលេខាធិការ គណបក្សកុម្មុយនីស្តចិនជាថ្មីទៀត

សម្តេចតេជោ៖ ការចូលព្រៃតស៊ូមិនស្គាល់ និងមិនមែនតាមប៉ុលពតទេ គឺតាមការអំពាវនាវរបស់ព្រះបិតា

សម្តេចតេជោ ហ៊ុន សែន៖ កិច្ចព្រមព្រៀងសន្តិភាពទីក្រុងប៉ារីស គ្មានបរទេសណាមកធ្វើជំនួសខ្មែរទេ

សម្តេចតេជោ ហ៊ុន សែន អញ្ជើញចែកស្រូវពូជជាង ៥០០តោន ជូនប្រជាកសិករជាង ៥ពាន់គ្រួសារ នៅខេត្តបន្ទាយមានជ័យ

សម្តេចតេជោ ហ៊ុន សែន ផ្ញើសារអបអរសាទរខួបទី៣១ឆ្នាំ នៃកិច្ចព្រមព្រៀងសន្តិភាពទីក្រុងប៉ារីស ២៣ តុលា

សម្តេចតេជោ ហ៊ុន សែន ផ្តល់ការព្យាបាលដល់កុមារី កើតជំងឺអូទីហ្សឹមកម្រិតធ្ងន់ធ្ងរ ម្នាក់ នៅខេត្តសៀមរាប

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

សម្តេចតេជោ ហ៊ុន សែន អញ្ជើញជួបសំណេះសំណាលជាមួយអាជ្ញាធរ មន្ត្រីរាជការនិងកងកម្លាំងក្នុងខេត្តបាត់ដំបង

សម្តេចតេជោ ផ្ញើសារអបអរសាទរឯកឧត្តម ស៊ី ជីនពីង បានជាប់ឆ្នោតជាអគ្គលេខាធិការ គណបក្សកុម្មុយនីស្តចិនជាថ្មីទៀត

សម្តេចតេជោ៖ ការចូលព្រៃតស៊ូមិនស្គាល់ និងមិនមែនតាមប៉ុលពតទេ គឺតាមការអំពាវនាវរបស់ព្រះបិតា

សម្តេចតេជោ ហ៊ុន សែន៖ កិច្ចព្រមព្រៀងសន្តិភាពទីក្រុងប៉ារីស គ្មានបរទេសណា​មកធ្វើជំនួស​ខ្មែរ​ទេ

សម្តេចតេជោ ហ៊ុន សែន អញ្ជើញចែកស្រូវពូជជាង ៥០០តោន ជូនប្រជាកសិករជាង ៥ពាន់គ្រួសារ នៅខេត្តបន្ទាយមានជ័យ

សម្តេចតេជោ ហ៊ុន សែន ផ្ញើសារអបអរសាទរខួបទី៣១ឆ្នាំ នៃកិច្ចព្រមព្រៀងសន្តិភាពទីក្រុងប៉ារីស ២៣ តុលា

សម្តេចតេជោ ហ៊ុន សែន​ ផ្តល់ការព្យាបាលដល់កុមារី កើតជំងឺអូទីហ្សឹមកម្រិតធ្ងន់ធ្ងរ ម្នាក់ នៅខេត្តសៀមរាប

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

សម្តេចតេជោ ហ៊ុន សែន៖ កិច្ចព្រមព្រៀងសន្តិភាពទីក្រុងប៉ារីស គ្មានបរទេសណាមកធ្វើជំនួសខ្មែរទេ

សម្តេចតេជោ ហ៊ុន សែន ផ្តល់ការព្យាបាលដល់កុមារី កើតជំងឺអូទីហ្សឹមកម្រិតធ្ងន់ធ្ងរ ម្នាក់ នៅខេត្តសៀមរាប