BTV NEWS

គម្រោងស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) និងផ្លូវតភ្ជាប់ សម្រេចបាន ៤៥% ហើយ ដែលលឿនជាងផែនការ ៤,១១%

សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាលដែលកំពុងធ្វើកិច្ចការងារយ៉ាងសកម្មស្វែងរកដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស

សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥

សម្ដេចធិបតី៖ រាជរដ្ឋាភិបាលប្តេជ្ញាចិត្តយ៉ាងមុតមាំលើកកម្ពស់ការងារអក្ខរកម្ម និងបំពាក់បំប៉ន ជំនាញ និងឱកាសសិក្សាពេញមួយជីវិត ជាពិសេសជំនាញឌីជីថល

នយោបាយ និង ការអភិវឌ្ឍន៍

សម្តេចក្រឡាហោម ស ខេង បន្តដឹកនាំកិច្ចប្រជុំ ស្តីពីការប្រយុទ្ធប្រឆាំងការជួញដូរមនុស្ស

ភ្នំពេញ៖ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ នៅព្រឹកថ្ងៃទី២៦ ខែសីហា ឆ្នាំ២០២២នេះ បានអញ្ជើញដឹកនាំកិច្ចប្រជុំក្រុមការងារអនុវត្តផែនការប្រតិបត្តិការប្រយុទ្ធប្រឆាំងគ្រប់ទម្រង់នៃអំពើជួញដូរមនុស្ស ជួញដូរពលកម្ម និងអាជីវកម្មផ្លូវភេទ នៅទីស្ដីការក្រសួងមហាផ្ទៃ។កិច្ចប្រជុំនេះ មានការអញ្ជើញចូលរួមពីឯកឧត្តម សក់ សេដ្ឋា រដ្ឋលេខាធិការប្រចាំការក្រសួងមហាផ្ទៃ ឯកឧត្តម លោកជំទាវ រដ្ឋលេខាធិការ អនុរដ្ឋលេខាធិការ ឯកឧត្តមនាយឧត្តមសេនីយ៍សន្តិបណ្ឌិត អគ្គស្នងការនគរបាលជាតិ ឯកឧត្តមនាយឧត្តមសេនីយ៍ មេបញ្ជាការកងរាជអាវុធហត្ថលើផ្ទៃប្រទេស ឯកឧត្តម លោកជំទាវ ជាថ្នាក់ដឹកនាំក្រសួង ស្ថាប័ន ឯកឧត្តម លោកជំទាវ អភិបាលខេត្ត និងមន្ត្រីជាន់ខ្ពស់ គណៈកម្មាធិការជាតិប្រយុទ្ធប្រឆាំងអំពើជួញដូរមនុស្សជាដើម៕

នគរបាលច្រកទ្វារអន្តរជាតិប៉ោយប៉ែត ស្នើភាគីថៃធ្វើកាតជូនពលរដ្ឋខ្មែរ ចូលផ្សាររ៉ុងក្លឿចេញព្រឹកចូលវិញល្ងាចដូចកាលពីមុនកូវីដ

បន្ទាយមានជ័យ៖ លោកឧត្តមសេនីយ៍ត្រី អ៊ី ចំរើន មេប៉ុស្តិ៍នគរបាលអន្តោប្រវេសន៍ ច្រកទ្វារព្រំដែនអន្តរជាតិប៉ោយប៉ែត ក្នុងជំនួបពង្រឹងកិច្ចសហការល្អជាមួយមេប៉ុស្តិ៍ខាងភាគីថៃ បានស្នើសុំឱ្យខាងថៃធ្វើកាតជូនពលរដ្ឋក្រុងប៉ោយប៉ែត បានប្រើប្រាស់ឆ្លងដែលចូលទៅផ្សាររ៉ុងក្លឿ ចេញព្រឹកចូលវិញល្ងាចដូចកាលពីមុនកូវីដ។ ការស្នើជាលើកទីបួននេះ នៅតែមិនទាន់បានដោយភាគីថៃនៅតែថាចាំឆ្លងថ្នាក់លើ។ កិច្ចពិភាក្សាលើកទីបួននេះ ធ្វើឡើងកាលពីរសៀលថ្ងៃទី២៥ ខែសីហា ឆ្នាំ ២០២២ រវាងលោកនាយប៉ុស្តិ៍ច្រកទ្វារព្រំដែនអន្តរជាតិប៉ោយប៉ែត និងលោកនាយប៉ុស្តិ៍ច្រកទ្វារព្រំដែនខ្លងលឹក ស្នាក់ការប៉ុស្តិ៍នគរបាលអន្តោរប្រវេសន៍ភាគីថៃ ស្រុកអរញ្ញាប្រាថេត ខេត្តស្រះកែវ។ក្នុងជំនួបនេះ លោកឧត្តមសេនីយ៍ត្រី អ៊ី ចំរើន បានឲ្យដឹងថា ទោះជាការស្នើលើការអោយពលរដ្ឋខ្មែរប្រើកាតចេញចូលនៅមិនទាន់បានលទ្ធផលក៏ដោយក៏ការជួបគ្នានេះបានធ្វើអោយការពង្រឹងនៅកិច្ចសហប្រតិបត្តិការកាន់តែល្អថែមទៀត រវាងភាគីទាំងពីរក្នុងការទប់ស្កាត់បទល្មើសនានា និងបានជួយសម្រួលដល់ភ្ញៀវជាតិអន្តរជាតិ រួមទាំងបងប្អូនប្រជាពលរដ្ឋ និងអាជីវករ ឲ្យបានឆាប់រហ័ស ហើយផ្តល់ភាពងាយស្រួលដល់ការចេញចូលដល់ពួកគាត់កុំឲ្យមានកកស្ទះ។លោកបញ្ជាក់បន្ថែមចំពោះសំណើរនេះ ខាងភាគីថៃ នឹងរាយការណ៍ជូនថ្នាក់ដឹកនាំរបស់គេបន្តទៀត សម្រេចយ៉ាងណានោះខាងថៃ និងជម្រាបជូនដំណឹងនៅពេលក្រោយ៕ អត្ថបទ៖ សាវី

សម្តេចតេជោ ហ៊ុន សែន បង្ហាញរូបថតអនុស្សាវរីយ៍ទាក់ទង ដល់ប្រវត្តិស្វែងរកសន្តិភាព សម្រាប់កម្ពុជា

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី បានបង្ហាញរូបថតអនុស្សាវរីយ៍ទាក់ទងដល់ប្រវត្តិស្វែងរកសន្តិភាព សម្រាប់កម្ពុជា អំឡុងឆ្នាំ១៩៩១។ សម្តេចតេជោ ហ៊ុន សែន បានសរសេរបណ្តាញសង្គម Facebook ផ្លូវការសម្តេចនៅព្រឹកថ្ងៃទី២៦ ខែសីហា ឆ្នាំ២០២២នេះថា “សូមអរគុណចំពោះបងប្អូនដែលបានផ្តល់រូបថតមកឲ្យខ្ញុំ តាមរយៈ messenger Facebook ។ រូបថតដែលបញ្ជូនមកមានមួយចំនួនខ្ញុំមិន ដែលបានឃើញពីមុនមិនដឹងថាថតនៅពេលណា នៅទីណានិងអ្នកណាជាអ្នកថត?។ លើកនេះមានរូបថត៤សន្លឹកដែលខ្ញុំគិតថា ថតក្នុងពេលតែមួយដោយសំគាល់ទៅលើអាវ ក្រវ៉ាត់ក និងផ្លាកសញ្ញា សម្រាប់ចូលប្រជុំតែអ្វីដែលមិនច្បាស់ គឺកន្លែង និងពេលវេលា។ខ្ញុំសង្ស័យ ៥កន្លែង ឬ ៥ប្រទេស គឺ៖១.ការប្រជុំក្រៅផ្លូវការហ្សាកាតា(JIM)ទាំងពីលក១៩៨៨.១៩៨៩និងការប្រជុំរៀបចំសមាសភាព SNC1991 នៅឥណ្ឌូណេស៊ី។២.សន្និសិទប៉ារីសចាប់ផ្តើមដំបូង១៩៨៩នៅប្រទេសបារាំង។៣.ការប្រជុំបង្កើតSNCនៅតូក្យូប្រទេសជប៉ុន១៩៩០។៤.ការប្រជុំSNCនៅបាងកកឬប៉ាតាយ៉ាប្រទេសថៃ១៩៩១។៥.ការប្រជុំSNCនៅប៉េកាំងប្រទេសចិន១៩៩១។សម្តេចតេជោ ហ៊ន សែន បញ្ជាក់ថា “ខ្ញុំសូមអំពាវនាវបងប្អូនដែលបានដឹងប្រភពរូបថតនេះជួយប្រាប់ព្រោះរូបថតទាំងនេះ ទាក់ទងដល់ប្រវត្តិស្វែងរកសន្តិភាព សម្រាប់កម្ពុជា”៕

ឧបនាយករដ្ឋមន្ត្រី ជា សុផារ៉ា ជួបពិភក្សាការងារជាមួយឯកអគ្គរដ្ឋទូតវៀតណាមប្រចាំកម្ពុជា

ភ្នំពេញ៖ នៅព្រឹកថ្ងៃទី២៥ ខែសីហា នេះ ឯកឧត្តម ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានអនុញ្ញាតឱ្យឯកអគ្គរដ្ឋទូតវៀតណាម ប្រចាំនៅព្រះរាជាណាចក្រកម្ពុជា ចូលជួបសម្តែងការគួរសម និងពិភាក្សាការងារ ។ឯកឧត្ដម ឧបនាយករដ្ឋមន្រ្តី ជា សុផារ៉ា បានលើកឡើងថា រាជរដ្ឋាភិបាលកម្ពុជា ចាត់ទុកមិត្តភាព សាមគ្គីភាពរវាងកម្ពុជា និងវៀតណាមថាជាចំណុចកំពូល ដែលត្រូវដើរឆ្ពោះទៅមុខសម្រាប់ការអភិវឌ្ឍប្រទេសជាតិ។ ចំពោះកម្ពុជា ការរក្សាស្ថិរភាពនយោបាយ ការលើកកម្ពស់ជីវភាពប្រជាពលរដ្ឋ គឺជាគោលដៅចម្បងក្នុងគោលនយោបាយជាតិដែលត្រូវរួមគ្នាអនុវត្ត។ឯកឧត្ដមបានលើកឡើងពីយុទ្ធសាស្រ្តប្រកបដោយភាពជោគជ័យរបស់សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា ក្នុងការទប់ស្កាត់ជំងឺកូវីដ-១៩ ពិសេសគឺការចាក់ស្រោចវ៉ាក់សាំងលើប្រជាជនទូទាំងប្រទេសការព្យាបាល និងការអនុវត្តវិធានការសុខាភិបាលនានា រហូតអាចមានលទ្ធភាពបើកដំណើរការឡើងវិញលើគ្រប់វិស័យ។ឯកឧត្ដម បានលើកឡើងអំពីលទ្ធផលការងារដោះស្រាយវិវាទដីធ្លី និងការចុះបញ្ជីដីធ្លី នៅទូទាំង ប្រទេស។ បានលើកឡើងអំពីការបោះឆ្នោតជ្រើសរើសក្រុមប្រឹក្សាឃុំសង្កាត់កាលពីខែមិថុនា កន្លងមកនេះដែលគណបក្សប្រជាជនកម្ពុជា ទទួលបានការគាំទ្រយ៉ាងច្រើនលើសលប់។ឯកឧត្ដម ជា សុផារ៉ា បានសម្ដែងសុទិដ្ឋិនិយមថា ចំណងមិត្តភាព សាមគ្គីភាព កិច្ចសហប្រតិបត្តិការរវាងក្រសួងរៀបចំដែនដី ក៏ដូចជារវាងកម្ពុជា ជាមួយវៀតណាម នឹងកាន់តែស្អិតរមួត និងចាក់គ្រឹះ យ៉ាងរឹងមាំថែមទៀត ទាំងក្នុងពេលបច្ចុប្បន្ន និងទៅអនាគត។ឯកអគ្គរដ្ឋទូតវៀតណាម បានបង្ហាញការសាទរចំពោះសមិទ្ធផលទាំងឡាយ ដែលប្រជាជន និង រាជរដ្ឋាភិបាលកម្ពុជាសម្រេចបាន ដែលសមិទ្ធផលទាំងនេះ ក៏មានការរួមចំណែកប្រកបដោយការខិតខំ ប្រឹងប្រែងពីក្រសួងរៀបចំដែនដី ក្នុងការងារចុះបញ្ជីដីធ្លី ដើម្បីផ្តល់សុវត្ថិភាពក្នុងការកាន់កាប់ដីធ្លីជូនប្រជាពលរដ្ឋ។ ឯកអគ្គរដ្ឋទូត សង្ឃឹមថា ក្រសួងនានា នៃប្រទេសវៀតណាម និងក្រសួងជាដៃគូនៅក្នុងប្រទេស កម្ពុជា នឹងមានកិច្ចសហប្រតិបត្តិការយ៉ាងស្អិតរមួតបន្ថែមទៀត ដើម្បីរួមគ្នាក្នុងកិច្ចការអភិវឌ្ឍប្រទេសជាតិ។ ការអភិវឌ្ឍរបស់ប្រទេសវៀតណាមនាពេលបច្ចុប្បន្ននេះ គឺមិនអាចកាត់ផ្តាច់ចេញពីការជួយឧបត្ថម្ភគាំទ្ររបស់ប្រជាជន និងរាជរដ្ឋាភិបាលកម្ពុជាបានឡើយ។ឯកអគ្គរដ្ឋទូត ប្ដេជ្ញា នឹងធ្វើជាស្ពានចម្លងដើម្បីពង្រឹងកិច្ចសហប្រតិបត្តិការ រវាងក្រសួងរៀបចំដែនដីកម្ពុជា ជាមួយនឹងក្រសួងរបស់វៀតណាម ហើយសង្ឃឹមថា ភាគីកម្ពុជា នឹងបន្តជំរុញការងារនេះ ដើម្បី ទទួលបានជោគជ័យលើភារកិច្ចការងារ៕ អត្ថបទ៖ យន់ វ៉ាន់

ក្រសួងយុត្តិធម៌ នឹងជំរុញឱ្យមានតុលាការជំនាញ ដើម្បីជាផ្នែកកាត់បន្ថយភាពចង្អៀតណែនក្នុងពន្ធនាគារ

ភ្នំពេញ៖ ក្នុងជំនួបជាមួយអ្នករាយការណ៍ពិសេសទទួលបន្ទុកសិទ្ធិមនុស្សប្រចាំកម្ពុជា ឯកឧត្តម កើត រិទ្ធ រដ្ឋមន្រ្តីក្រសួងយុត្តិធម៌ នឹងជំរុញឱ្យមានតុលាការជំនាញ ដើម្បីជាផ្នែកកាត់បន្ថយភាពចង្អៀតណែនកក្នុងពន្ធនាគារ។ក្រោយជំនួបរវាងឯកឧត្តម កើត រិទ្ធ រដ្ឋមន្រ្តីក្រសួងយុត្តិធម៌ បានជួបពិភាក្សាការងារជាមួយលោកសាស្ត្រាចារ្យ វិទិត មុនតាប៊ន អ្នករាយការណ៍ពិសេសទទួលបន្ទុកសិទ្ធិមនុស្សរបស់អង្គការសហប្រជាជាតិ (UNHCR) ប្រចាំកម្ពុជា នៅថ្ងៃទី ២៥ ខែសីហា ឆ្នាំ ២០២២ នេះ ឯកឧត្តម ជិន ម៉ាលីន រដ្ឋលេខាធិការ និងជាអ្នកនាំពាក្យក្រសួងយុត្តិធម៌ បានឱ្យដឹងថា ក្នុងជំនួបដោយផ្ទាល់នាពេលនេះ ត្រូវបានផ្តោតសំខាន់ទៅលើបញ្ហាចំនួនពីរ រួមមាន ទី១ ការកែទម្រង់ប្រព័ន្ធយុត្តិធម៌ព្រហ្មទណ្ឌ ដែលផ្តោតទៅការកែទម្រង់ច្បាប់នៃគោលនយោបាយនានាពាក់ព័ន្ធនឹងវិស័យយុត្តិធម៌និងទី២ ភាពចង្អៀតណែនក្នុងពន្ធនាគារ តាមរយៈការដោះស្រាយការកកស្ទះសំណុំរឿងតាមសាលាដំបូងរាជធានី-ខេត្ត។ពាក់ព័ន្ធនឹងភាពចង្អៀតណែនក្នុងពន្ធនាគារ ឯកឧត្តមរដ្ឋមន្រ្តី បានលើកឡើងថា កត្តានាំឱ្យមានភាពចង្អៀតណែនក្នុងពន្ធនាគារ ដោយសាររាជរដ្ឋាភិបាលបានអនុវត្តយុទ្ធនាការទប់ស្កាត់ និងបង្រ្កាបគ្រឿងញៀន និងយុទ្ធនាការកកស្ទះសំណុំរឿងនៅតាមសាលាដំបូងរាជធានី ខេត្ត រហូតមានការចាប់ខ្លួន និងបញ្ជូនជនសង្ស័យទៅពន្ធនាគារជាបន្តបន្ទាប់។ ចំពោះទិសដៅកំណែទម្រង់ដោះស្រាយភាពចង្អៀតណែនក្នុងពន្ធនាគារ ក្រសួងយុត្តិធម៌ នឹងរៀបចំឱ្យមានតុលាការជំនាញ ដើម្បីដោះស្រាយទាំងសំណុំរឿងព្រហ្មទណ្ឌ និងរដ្ឋប្បវេណី ដូចជាតុលាការពាណិជ្ជកម្ម ឬតុលាការការងារជាដើម។ ផ្អែកតាមយុទ្ធនាការដោះស្រាយសំណុំរឿងតាមសាលាដំបូងរាជធានី ខេត្ត ដែលបានបិទបញ្ចប់កាលពីឆ្នាំ២០២១កន្លងទៅ ការដោះស្រាយការកកស្ទះសំណុំរឿង នៅតាមសាលាដំបូងរាជធានី ខេត្ត រហូតដល់ថ្ងៃទី១៧ ខែមិថុនា ឆ្នាំ២០២១, តាមរយៈយុទ្ធនាការនេះសាលាដំបូងរាជធានី-ខេត្តទូទាំងប្រទេស បានដោះស្រាយសំណុំរឿងព្រហ្មទណ្ឌដែលកកស្ទះទាំងដំណាក់កាលអយ្យការទាំងដំណាក់កាលស៊ើបសួរ និងទាំងដំណាក់កាលជំនុំជម្រះ មានចំនួនសរុបជាង ៣៧.៩០០ រឿង ស្មើនឹង៩៦% នៃសំណុំរឿងព្រហ្មទណ្ឌដែលកកស្ទះសរុបជាង ៣៩.៥០០ រឿង៕ អត្ថបទ៖ សេក ឧត្តម

តួកគី នឹងបើកការិយាល័យពាណិជ្ជកម្ម នៅស្ថានទូតរបស់ខ្លួនប្រចាំកម្ពុជា ដើម្បីជំរុញកិច្ចសហប្រតិបត្តិការលើគ្រប់វិស័យ

ភ្នំពេញ៖សម្តេចតេជោ ហ៊ុន សែន នាយករដ្ឋមន្ត្រី បានអនុញ្ញាតឱ្យលោកជំទាវ អ៊ុល គី ឯកអគ្គរដ្ឋទូតថ្មី នៃសាធារណរដ្ឋតួកគីប្រចាំប្រទេសកម្ពុជាចូលជួបសំដែងការគួរសម។ក្នុងជំនួបនៅវិមានសន្តិភាពនាព្រឹកថ្ងៃទី២៥សីហា លោកជំទាវបានគោរពពាំនាំនូវការផ្តាំផ្ញើសួរសុខទុក្ខអំពីឯកឧត្តមប្រធានាធិបតី តួកគី ជូនចំពោះសម្ដេចតេជោ ហើយប្ដេជ្ញាថា បេសកកម្មរបស់លោកជំទាវនៅកម្ពុជា គឺដើម្បីពង្រីក និងពង្រឹងទំនាក់ទំនងរវាងប្រទេសទាំងពីរផង កិច្ចសហប្រតិបត្តិការរវាងប្រទេសទាំងពីរផង និងមិត្តភាពរវាងប្រទេសទាំងពីរផង។ លោកជំទាវបានបញ្ជាក់ថាការិយាល័យពាណិជ្ជកម្ម នឹងបើកឡើង ដើម្បីជំរុញកិច្ចសហប្រតិបត្តិការលើគ្រប់វិស័យ ទាំងទ្វេភាគី ទាំងក្នុងក្របខ័ណ្ឌតំបន់ និងក្នុងក្របខ័ណ្ឌពិភពលោក។ លោកជំទាវបានបន្តថាប្រទេសទាំងពីរកម្ពុជា តួកគី នៅមានសក្កានុពលច្រើនសម្រាប់ធ្វើកិច្ចសហប្រតិបត្តិការជាមួយកិច្ចព្រមព្រៀងមួយចំនួនដែលបានចុះហត្ថលេខារួចហើយ។ លោកជំទាវនឹង ធ្វើការ ទាញយកសក្កានុពលទាំងនោះជាមួយនឹងការជំរុញកិច្ចព្រមព្រៀងដែលបានចុះហត្ថលេខារួចហើយ ជាមូលដ្ឋានដើម្បីជំរុញកិច្ចសហប្រតិបត្តិការរវាងប្រទេសទាំងពីរ។នេះបើតាមការឱ្យដឹង ពីឯកឧត្តម អ៊ាង សុផល្លែត ជំនួយការផ្ទាល់សម្ដេចតេជោនាយករដ្ឋមន្ត្រី។ជាការឆ្លើយតប សម្តេចតេជោបានសម្ដែងនូវការអបអរសាទរជូនចំពោះលោកជំទាវ អ៊ុល គីដែលត្រូវបានតែងតាំងជាឯកអគ្គរដ្ឋទូតវិសាមញ្ញនិងពេញសមត្ថភាពរបស់ តួកគី ប្រចាំនៅកម្ពុជាហើយសម្ដេចក៏បានថ្លែង អំណរគុណជូនចំពោះលោកជំទាវផងដែរ ដែលបានពាំនាំនូវការសួរសុខទុក្ខអំពីឯកឧត្តមប្រធានាធិបតីជូនចំពោះសម្ដេចហើយសម្ដេចតេជោបានយល់ស្របជាមួយលោកជំទាវ អ៊ុលគី ដែលថាប្រទេសទាំងពីរកម្ពុជា តួកគី នៅមានសក្កានុពលជាច្រើនសម្រាប់ពង្រីក និងពង្រឹងកិច្ចសហប្រតិបត្តិការ។ សម្ដេចបានស្វាគមន៍ការិយាល័យពាណិជ្ជកម្មនៅស្ថានទូតតួកគីហើយសង្ឃឹមថា ការិយាល័យពាណិជ្ជកម្មនឹងធ្វើការសិក្សាស្វែងយល់រកកិច្ចសហប្រតិបត្តិការ លើវិស័យសេដ្ឋកិច្ច ពាណិជ្ជកម្ម និងវិនិយោគដែលជាមូលដ្ឋានគ្រឹះនៃកិច្ចសហប្រតិបត្តិការទៅលើវិស័យដទៃទៀត៕

អ្នករាយការណ៍ពិសេសរបស់ UN កោតសសើរការគ្រប់គ្រងមណ្ឌលជនវិបល្លាសស្មារតីនៅកម្ពុជា

ភ្នំពេញ៖ អ្នករាយការណ៍ពិសេសរបស់អង្គការសហប្រជាជាតិ ទទួលបន្ទុកផ្នែកសិទ្ធិមនុស្សនៅកម្ពុជា គឺលោក វិទិត មុនតាប៊ន បានកោតសសើរចំពោះការគ្រប់គ្រង នៅទីតាំងមណ្ឌលថែទាំ និងស្តារនីតិសម្បទា ជនវិបល្លាសស្មារតី របស់កម្ពុជាថា មានភាពល្អប្រសើរ។ ការកោតសសើរនេះ ធ្វើឡើងក្នុងឱកាសជួបពិភាក្សាជាមួយថ្នាក់ដឹកនាំក្រសួងសង្គមកិច្ច ក្រោយពេលដែលលោកបានចុះទៅពិនិត្យនៅទីតាំងមណ្ឌលដោយផ្ទាល់។លោក វិទិត មុនតាប៊ន អ្នករាយការណ៍ពិសេសរបស់អង្គការសហប្រជាជាតិ ទទួលបន្ទុកផ្នែកសិទ្ធិមនុស្សនៅកម្ពុជា បានជួបពិភាក្សាការងារជាមួយ ឯកឧត្តម អៀម គន្ធឌី រដ្ឋលេខាធិការក្រសួងសង្គមកិច្ច អតីតយុទ្ធជន និងយុវនីតិសម្បទា តំណាងឯកឧត្តមរដ្ឋមន្រ្តីក្រសួងសង្គមកិច្ច កាលពីថ្ងៃទី ២៤ ខែសីហា ឆ្នាំ ២០២២។ ក្នុងជំនួបនោះ លោក វិទិត មុនតាប៊ន បានកោតសសើរចំពោះក្រសួងសង្គមកិច្ច ក្នុងការគ្រប់គ្រងដំណើរការមណ្ឌលថែទាំ និងស្តារនីតិសម្បទា ជនវិបល្លាសស្មារតី នៅស្រុកកណ្ដាលស្ទឹង ខេត្តកណ្ដាលបានយ៉ាងល្អប្រសើរ។ ការកោតសសើរនេះ គឺលោកនិងក្រុមការងារបានទៅពិនិត្យនៅទីតាំងមណ្ឌលនោះដោយផ្ទាល់។ លោកលើកឡើងជូនថ្នាក់ដឹកនាំក្រសួងសង្គមកិច្ចថា លោកពិតជាពេញចិត្តនៅពេលបានទស្សនកិច្ចនៅទីនោះ។ លោកសង្កេតឃើញថា គ្រប់យ៉ាងនៅទីតាំងមណ្ឌលថែទាំ និងស្តារនីតិសម្បទា ជនវិបល្លាសស្មារតី មានស្ថានភាពល្អប្រសើរ ដោយមានការធ្វើការរួមគ្នាដោយក្រសួងចំនួន ៣។លោក ចាប់អារម្មណ៍ជាខ្លាំងចំពោះសកម្មភាពនៅទីតាំងមណ្ឌល ដែលរៀបចំឡើងប្រកបដោយភាពមនុស្សធម៌ និងមានសកម្មភាពជាច្រើនដែលអាចជួយឱ្យសុខភាពរបស់ពួកគាត់ទាំងនោះឆាប់មានភាពប្រសើរឡើង។ លោកថា មណ្ឌលថែទាំ និងស្តារនីតិសម្បទា ជនវិបល្លាសស្មារតី បានធ្វើរឿងដ៏ត្រឹមត្រូវ ដោយអនុញ្ញាតឱ្យក្រុមគ្រួសារអាចមានសិទ្ធិចូលសួរសុខទុក្ខ។ លើសពីនេះ គឺការដាក់ចេញនូវសកម្មភាពជាច្រើនដូចជា ការអប់រំ ការកំសាន្ត ការគូសរូប និងសកម្មភាពបៃតង ដែលរាប់បញ្ចូលទាំងការថែសួន ដាំរុក្ខជាតិជាដើម។ ទន្ទឹមនឹងការកោតសសើរនេះ លោកក៏បានរិះគន់ខ្លះដែរ ចំពោះ ការគ្រប់គ្រងនៅទីតាំងមជ្ឈមណ្ឌលសង្គមកិច្ចព្រៃស្ពឺ។ លោក បានស្នើឲ្យមជ្ឈមណ្ឌលសង្គមកិច្ចព្រៃស្ពឺ អនុវត្តយកគំរូតាមការគ្រប់គ្រងមណ្ឌលថែទាំ និងស្តារនីតិសម្បទា ជនវិបល្លាសស្មារតី៕អត្ថបទ៖ គឹមហុក

ប្រធានស្តីទីគណបក្សហ៊្វុនស៊ិនប៉ិច ជួបពិភាក្សាការងារជាមួយមន្រ្តីជាន់ខ្ពស់បក្សកុម្មុយនិស្តចិន

ភ្នំពេញ៖ ព្រះអង្គម្ចាស់ក្សត្រិយ៍ នរោត្តម រតនាទេវី អនុប្រធានគណបក្សហ៊្វុនស៊ិនប៉ិច ជួបពិភាក្សាការងារជាមួយលោក លីវ ជានចាវ (Liu Jianchao) រដ្ឋមន្ត្រីក្រសួងទំនាក់ទំនងជាមួយបរទេសនៃគណៈកម្មាធិការមជ្ឈិមបក្សកុម្មុយនិស្តចិន នៅរសៀលថ្ងៃទី២៤ ខែសីហា ឆ្នាំ២០២២ នៅព្រះដំណាក់ ផ្លូវសម្តេចប៉ាន់ សង្កាត់បឹងរាំង ខណ្ឌដូនពេញ រាជធានីភ្នំពេញ។ថ្លែងប្រាប់អ្នកព័ត៌មានក្រោយកិច្ចជំនួបនោះ លោក ញឿន រ៉ាដែន អ្នកនាំពាក្យគណបក្សហ៊្វុនស៊ិនប៉ិច បានបញ្ជាក់ប្រាប់អ្នកសារព័ត៌មានថា ជំនួបរវាងព្រះអង្គម្ចាស់ក្សត្រិយ៍ នរោត្តម រតនាទេវី និងលោក លីវ ជានជាវ ដើម្បីផ្តោតទៅលើទំនាក់ទំនងរវាងគណបក្សទាំងពីរ និងអនុស្សាវរីយ៍ ដែលបានបន្សល់ទុករបស់សម្តេច ព្រះបាទ នរោត្តម សីហនុ ដែលភាគីទាំងពីបានសាងរួមគ្នា ជាពិសេសគណបក្សហ៊្វុនស៊ិនប៉ិច ដែលជាកេរ្តិ៍ដំណែលរបស់សម្តេច ព្រះបាទ នរោត្តម សីហនុ។ អ្នកនាំពាក្យរូបនេះ បានបន្តថា ភាគីចិន នៅតែពង្រឹងចំណងទំនាក់ទំនងរវាងគណបក្សទាំងពីរ ជាពិសេសការផ្តោតយកចិត្តទុកដាក់ជួយបណ្តុះបណ្តាលយុវជនគណបក្សហ៊្វុនស៊ិនប៉ិច ឱ្យកាន់តែមានសមត្ថភាពបន្ថែមទៀត។ ក្នុងនាមព្រះអង្គម្ចាស់ នរោត្តម ចក្រាវុធ ព្រះប្រធានគណបក្ស, ព្រះអង្គម្ចាស់ក្សត្រិយ៍ នរោត្តម រតនាទេវី ទ្រង់មានបន្ទូលថ្លែងអំណរគុណដល់គណបក្សកុម្មុយនិស្តចិន ដែលបានផ្តល់ជំនួយជាច្រើនដល់ប្រទេសកម្ពុជា ជាពិសេសការផ្តល់វ៉ាក់សាំងបង្ការជំងឺកូវីដ១៩ ដល់រាជរដ្ឋាភិបាលកម្ពុជា ដើម្បីចាក់ជូនប្រជាពលរដ្ឋ ក្នុងស្ថានភាពពិភពលោកកំពុងតែរងគ្រោះដោយសារជំងឺដ៏កាចសាហាវមួយនេះ៕ អត្ថបទ៖ បាន ចក់

វ៉ាក់សាំងកូវិដ-១៩ (Pfizer) ជំនួយរបស់អូស្ត្រាលី ជិត៣០ម៉ឺនដូសទៀត នឹងដឹកមកដល់កម្ពុជានៅព្រឹកស្អែកនេះ

ភ្នំពេញ៖ លោកជំទាវយក់ សម្បត្តិ រដ្ឋលេខាធិការក្រសួងសុខាភិបាល បានប្រាប់ BTV ថា វ៉ាក់សាំងកូវីដ-១៩ ប្រភេទ Pfizer សម្រាប់ចាក់ជូនកូនក្មេងៗ ជិត៣០ម៉ឺនដូសទៀត(២៨៣.២០០ដូស ) ជាលេីកទីពីរ របស់រដ្ឋាភិបាល និងប្រជាជនអូស្ត្រាលី ជូនរាជរដ្ឋាភិបាលកម្ពុជា នឹងដឹកនាំមកដល់កម្ពុជានៅព្រឹកថ្ងៃទី២៦ ខែសីហា ឆ្នាំ២០២២ស្អែកនេះ៕

សម្តេចក្រឡាហោម ស ខេង ប្រាប់តំណាងUNថា កម្ពុជាអនុវត្តយ៉ាងខ្ជាប់ខ្ជួនតាមអ្វីដែលមានចែងក្នុងរដ្ឋធម្មនុញ្ញ

ភ្នំពេញ៖ សម្តេចក្រឡាហោម ស ខេង ឧបនាយករដ្ឋមន្រ្តី និងជារដ្ឋមន្រ្តីក្រសួងមហាផ្ទៃបានប្រាប់ដល់លោកសាស្ត្រាចារ្យ វិធិត ម៉ាន់តាផន អ្នករាយការណ៍ពិសេសសិទ្ធិមនុស្សរបស់អង្គការសហប្រជាជាតិ (UNHCR) ប្រចាំកម្ពុជាថា កម្ពុជាតែងអនុវត្តយ៉ាងខ្ជាប់ខ្ជួនតាមអ្វីដែលមានចែងក្នុងរដ្ឋធម្មនុញ្ញរបស់ខ្លួន ក្នុងនោះជាចំណុចសំខាន់ គឺការបោះឆ្នោតយ៉ាងទៀងទាត់ រួមមានការបោះឆ្នោតជ្រើសរើសក្រុមប្រឹក្សាឃុំ-សង្កាត់ ការបោះឆ្នោតជាតិ. ការបោះឆ្នោតជ្រើសតាំងក្រុមប្រឹក្សារាជធានី-ខេត្ត ក្រុង ស្រុក ខណ្ឌ និងការបោះឆ្នោតព្រឹទ្ធសភាជាដើម។ ការថ្លែងរបស់សម្តេចក្រឡាហោម ស ខេង នេះគឺបានធ្វើឡើងនៅថ្ងៃទី២៤ ខែសីហា ឆ្នាំ២០២២ ម្សិលមិញ បន្ទាប់ពីអ្នករាយការណ៍ពិសេសសិទ្ធិមនុស្សរបស់អង្គការសហប្រជាជាតិ នៅក្នុងកិច្ចជំនួបជាមួយសម្តេច ហើយបានសម្តែងនូវមន្ទិលសង្ស័យបញ្ហាមួយចំនួន ដូចជាបញ្ហាសិទ្ធិពលរដ្ឋ និងសិទ្ធិនយោបាយ, បញ្ហាប្រព័ន្ធនៃការរៀបចំគ្រប់គ្រងពន្ធនាគារ និងយុត្តិធម៌ព្រហ្មទណ្ឌ, ការស្ដារនីតិសម្បទាអ្នកញៀនគ្រឿងញៀន, បញ្ហាការជួញដូរមនុស្ស ការជួញដូរពលកម្ម ដោយបង្ខំ និងការកេងប្រវ័ញ្ចលើពលកម្ម និងបញ្ហាកិច្ចសហប្រតិបត្តិការ និងជំនួយអាទិភាពផ្សេង២ របស់អង្គការសហប្រជាជាតិ ពាក់ព័ន្ធនឹងការងារសិទ្ធិមនុស្ស ចំពោះវិស័យស្ថិតនៅក្រោមសមត្ថកិច្ច ក្រសួងមហាផ្ទៃជាដើមនោះ។ សម្តេចក្រឡាហោម ស ខេង បានបញ្ជាក់ទៅកាន់អ្នករាយការណ៍ពិសេសសិទ្ធិមនុស្សរបស់អង្គការសហប្រជាជាតិប្រចាំនៅកម្ពុជារូបនេះថា កម្ពុជាពិតជាមានមោទនភាព ក្នុងនាមជាប្រទេសមួយដែលធ្លាប់ឆ្លងកាត់នូវសង្គ្រាមដ៏ជូរចត់ ហើយបានរកឃើញផ្លូវមួយ សម្រាប់ការអភិវឌ្ឍប្រទេសរបស់ខ្លួនឱ្យទទួលបាននូវសុខសន្តិភាព និងស្របតាមគោលការណ៍នៃលទ្ធិប្រជាធិបតេយ្យ។ សម្តេចបញ្ជាក់ទៀតថា ជាការពិតនូវអ្វីដែលកម្ពុជាទទួលបានមកដល់បច្ចុប្បន្ននេះក្រៅពីកិច្ចខិតខំប្រឹងប្រែងរបស់កម្ពុជាផ្ទាល់ ក៏មានការចូលរួមចំណែក និងការជួយជ្រោមជ្រែងពីបណ្ដាមិត្តភក្តិរបស់កម្ពុជា រួមទាំងពីរអង្គការសហប្រជាជាតិផងដែរ។ សម្ដេចក្រឡាហោម បានប្រាប់ដល់ លោកវិធិត ម៉ាន់តាផនបន្តថា ការបោះឆ្នោតមួយទៅការបោះឆ្នោតមួយកម្ពុជា កត់សម្គាល់ឃើញនូវវឌ្ឍនភាពស្ដែងតាមរយៈការចូលរួមរបស់ប្រជាពលរដ្ឋ ជាពិសេស គឺការបោះឆ្នោតនាពេលកន្លងទៅថ្មីៗនេះ ក៏ទទួលបាននូវការពេញចិត្ត ដោយហេតុថា គណបក្សនយោបាយ និងប្រជាពលរដ្ឋបានចូលរួមដោយសេរី ហើយការបោះឆ្នោតក៏បានប្រព្រឹត្តទៅដោយគ្មានអំពើហិង្សា ឬការបង្កឡើងនូវរបួសស្នាម ឬក៏ការធ្វើឃាតនយោបាយណាមួយនោះដែរ ។ចំពោះសិទ្ធិនយោបាយ សម្ដេចក្រឡាហោមក៏បានជម្រាបជូនថា បច្ចុប្បន្ននេះ មានគណបក្សនយោបាយចំនួន៤៥គណបក្សបានចុះបញ្ជីនៅក្រសួងមហាផ្ទៃ និងក៏មានអង្គការមិនមែនរដ្ឋាភិបាល អង្គការ NGOs ជាច្រើនបាននឹងកំពុងអនុវត្តសកម្មភាពរបស់ខ្លួន ដែលអង្គការទាំងនោះ មានទាំងអង្គការដែលមានជំហរគាំទ្រ និងមិនគាំទ្ររាជរដ្ឋាភិបាលដែលពួកគេបំពេញការងារទៅតាមមុខងាររបស់គេរៀងៗខ្លួន។ចំពោះបញ្ហាប្រព័ន្ធគ្រប់គ្រងពន្ធនាគារ និងយុត្តិធម៌ព្រហ្មទណ្ឌ សម្ដេចក្រឡាហោម បានជម្រាបជូនថា ជាការពិតណាស់កិច្ចការងារនេះ គឺ នៅមានបញ្ហាប្រឈមមួយចំនួនដែលក្រសួងកំពុងតែខិតខំដោះស្រាយ និងរៀបចំឲ្យបានល្អប្រសើរ និងថាបច្ចុប្បន្នក្រសួងមហាផ្ទៃកំពុងយកចិត្តទុកដាក់កែលម្អ និងកសាងបន្ថែមនូវហេដ្ឋារចនាសម្ព័ន្ធពន្ធនាគារ ដើម្បីដោះស្រាយបញ្ហាប្រឈមនៃភាពចង្អៀតណែនក្នុងពន្ធនាគារ។សម្ដេចបន្ថែមថា ទន្ទឹមនោះក្រសួងមហាផ្ទៃ ក៏កំពុងសហការជាមួយនឹងក្រសួងយុត្តិធម៌ ដើម្បីអនុវត្តនូវវិធានការមួយចំនួនដូចជា ការដោះលែងក្រោមលក្ខខណ្ឌ និងការតាមដានរបស់តុលាការ និងមួយទៀត គឺការសិក្សា ទៅលើការអនុវត្តនូវយន្ដការទោសសហគមន៍ជំនួសឲ្យការឃុំឃាំង ដោយ កិច្ចការទាំងនេះត្រូវតែអនុវត្តដោយមានការប្រុងប្រយ័ត្នខ្ពស់ ដើម្បីធានាដល់ប្រសិទ្ធភាពយន្ដការ ក៏ដូចជារួមចំណែកកាត់បន្ថយនូវភាពមិនចង្អៀត ណែនក្នុងពន្ធនាគារផង។ពាក់ព័ន្ធទៅនឹងការស្ដារនីតិសម្បទាអ្នកញៀនគ្រឿងញៀន សម្ដេចក្រឡាហោម បានជម្រាបជូនលោកសាស្ត្រាចារ្យថា ជាង ៥០ ភាគរយ នៃអ្នកជាប់ឃុំនៅក្នុងពន្ធនាគារ គឺជាអ្នកដែលពាក់ព័ន្ធទៅនឹង បទ ល្មើសគ្រឿងញៀន ដោយក្រសួងមហាផ្ទៃកំពុងតែយកចិត្តទុក ដាក់ ដើម្បី បន្តដោះស្រាយបញ្ហានេះ តាមរយៈការខិតខំពង្រីកមជ្ឈមណ្ឌលស្ដារនីតិសម្បទាគ្រឿងញៀន និងការលើកទឹកចិត្តដល់រាជធានី ខេត្ត ក្នុងការបន្ត គាំទ្រដល់ការបង្កើតឲ្យមានមជ្ឈមណ្ឌលស្ដារនីតិសម្បទានៅក្នុងរាជធានី -ខេត្តនីមួយៗ និងបន្តកៀរគររកការចូលរួមពីវិស័យឯកជន ដើម្បី គាំទ្រដល់កិច្ចការនេះ។ យ៉ាងណាក៏ដោយសម្ដេចសូមស្វាគមន៍ចំពោះការចូលរួមរបស់ភ្នាក់ងារពាក់ព័ន្ធនៅក្រោមឆត្ររបស់អង្គការសហប្រជាជាតិ ព្រមទាំងដៃគូនានា នៅក្នុងកិច្ចការស្ដារនីតិសម្បទាអ្នកញៀនគ្រឿងញៀន ក៏ដូចជាការងារប្រយុទ្ធប្រឆាំងគ្រឿងញៀន ដើម្បីធ្វើយ៉ាងណាផ្តល់នូវលទ្ធភាព ឲ្យកាន់តែច្រើនថែមទៀត ប្រកបដោយប្រសិទ្ធភាពក្នុងការស្ដារនីតិសម្បទាអ្នកញៀនគ្រឿងញៀននេះ។ ដោយឡែកបញ្ហាពាក់ព័ន្ធទៅនឹងការប្រឆាំងនឹងអំពើជួញដូរមនុស្ស ពលកម្មដោយបង្ខំ និងការកេងប្រវ័ញ្ចលើពលកម្មនោះ សម្ដេចបាន ជម្រាបជូនលោកសាស្ត្រាចារ្យ វិធិត ម៉ាន់តាផនថា កម្ពុជាក៏ជាប្រទេស ដែលរងគ្រោះដោយសារអំពើទាំងនេះ ដោយហេតុថា ពួកឧក្រិដ្ឋជនបានឆ្លៀតការកេងចំណេញទៅលើចំណុចខ្សោយមួយចំនួន ហើយយកកម្ពុជា ជាកន្លែងដើម្បីធ្វើការឆបោកប្រព្រឹត្តអំពើជួញដូររត់ពន្ធ មនុស្សនេះ។ ទោះជាយ៉ាងនេះក្តី សម្ដេចក្រឡាហោម ក៏បានជម្រាបជូនលោកសាស្ត្រាចារ្យអំពីការប្ដេជ្ញាចិត្តរបស់រាជរដ្ឋាភិបាលកម្ពុជា ដូចជាក្រសួងមហាផ្ទៃក្នុងការចាត់វិធានការជាបន្តបន្ទាប់ ហើយបានបង្ក្រាបក៏ដូចជាជួយសង្គ្រោះជនរងគ្រោះបានអស់ជាច្រើននាក់នៅក្នុងរយៈពេលកន្លងមក និងក៏បានបន្តធ្វើកិច្ចការនេះជាប្រចាំផងដែរ។ សម្ដេចឱ្យដឹងថា នាពេលឆាប់ៗនេះ សម្ដេចនឹងបន្តដឹកនាំដើម្បីដាក់ចេញផែនការតស៊ូបង្ក្រាប និងប្រយុទ្ធប្រឆាំងបទល្មើសនេះ ព្រមទាំងដើម្បីកៀរគរការចូលរួមចំណែកផ្តល់កិច្ចសហការពីបណ្ដាភាគីពាក់ព័ន្ធឈានទៅបង្ក្រាបមេខ្លោងប្រព្រឹត្តបទល្មើសនេះយកមកផ្ដន្ទាទោសតាមច្បាប់។ពាក់ព័ន្ធនឹងបញ្ហាកិច្ចសហប្រតិបត្តិការ និងជំនួយបច្ចេកទេសផ្សេងៗវិញ សម្ដេចក្រឡាហោម បានជម្រាបជូនលោកសាស្ត្រាចារ្យថា សម្ដេចផ្ទាល់សូមថ្លែងអំណរគុណចំពោះលោកសាស្ដ្រាចារ្យ ដែលបានលើកឡើងនូវបញ្ហាជាមួយគ្នា ហើយសម្ដេចក៏បន្តគាំទ្រលើកទឹកចិត្តឲ្យមានការជជែកពិភាក្សាបន្ថែមទៀត ពីសំណាក់តំណាងរបស់អង្គការសហប្រជាជាតិ ទទួលបន្ទុកសិទ្ធិមនុស្សនៅកម្ពុជា ជាមួយមន្ត្រីពាក់ព័ន្ធរបស់ក្រសួងមហាផ្ទៃ ដើម្បីពិនិត្យជាក់ស្តែងទៅលើអ្វីដែលជាតម្រូវការ និងអាចឱ្យភាគី ទាំងពីរធ្វើការសហការ និងគាំទ្រគ្នាទៅវិញទៅមកផងដែរ៕ អត្ថបទ៖ បាន ចក់

បណ្ដាញសង្គម

ព័ត៌មានថ្មីៗ

ក្រុមហ៊ុន VISA Worldwide Pte. Limited គាំទ្រគម្រោងរបស់ក្រសួងទេសចរណ៍លើការអភិវឌ្ឍន៍ប្រព័ន្ធទេសចរណ៍វៃឆ្លាត

ភាគហ៊ុនអាស៊ីជួបប្រទះលំហូរចេញនៃទុនបរទេសប្រចាំខែជាលើកទី១ រយៈពេល ៤ខែ ក្នុងខែសីហា

នគរបាលជាតិកម្ពុជា និងនគរបាលភូមិន្ទថៃ ជួបពិភាក្សាលើការពង្រឹងកិច្ចសហការទប់ស្កាត់ និងបង្ក្រាបបទល្មើសឆ្លងដែន ជាពិសេសបទល្មើសឆបោកតាមប្រព័ន្ធបច្ចេកវិទ្យា

ហូឡង់គ្រោងនឹងហាមឃាត់ការនាំចូលពីតំបន់តាំងទីលំនៅរបស់ជនជាតិជ្វីហ្វអ៊ីស្រាអែល

ក្រុមហ៊ុនអចលនទ្រព្យហុងកុង សន្យាពិនិត្យលទ្ធភាពរៀបចំឱ្យមានមន្ទីរពេទ្យចល័ត នៅកម្ពុជា

វិមានក្រឹមឡាំង៖ សមយុទ្ធយោធារុស្ស៊ី-បេឡារុស គ្មានបំណងប្រឆាំងប្រទេសដទៃណាមួយនោះទេ

ជនប៉ាឡេស្ទីនមួយចំនួន រត់ភៀសខ្លនចេញពីទីក្រុងហ្កាហ្សា ខណៈពលរដ្ឋខ្លះទៀតកាន់ទុក្ខមនុស្សជាទីស្រលាញ់

កម្ពុជា ទាក់ទាញក្រុមហ៊ុនធំនៅទីក្រុងហុងកុង មកវិនិយោគការផ្គត់ផ្គង់អគ្គិសនី និងថាមពល

ព័រទុយហ្គាល់ចាប់ផ្តើមកំណែទម្រង់ច្បាប់ការងារ ដោយរងការរិះគន់ពីសហជីព

ក្រុងសេអ៊ូល៖ កម្មករកូរ៉េខាងត្បូងដែលចាប់ខ្លួននៅក្នុងការវាយឆ្មក់អាមេរិក ត្រូវដោះលែងឲ្យវិលត្រឡប់មកកាន់មាតុប្រទេសវិញ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

សម្តេចក្រឡាហោម ស ខេង បន្តដឹកនាំកិច្ចប្រជុំ ស្តីពីការប្រយុទ្ធប្រឆាំងការជួញដូរមនុស្ស

សម្តេចតេជោ ហ៊ុន សែន បង្ហាញរូបថតអនុស្សាវរីយ៍ទាក់ទង ដល់ប្រវត្តិស្វែងរកសន្តិភាព សម្រាប់កម្ពុជា

ឧបនាយករដ្ឋមន្ត្រី ជា សុផារ៉ា ជួបពិភក្សាការងារជាមួយឯកអគ្គរដ្ឋទូតវៀតណាមប្រចាំកម្ពុជា

ក្រសួងយុត្តិធម៌ នឹងជំរុញឱ្យមានតុលាការជំនាញ ដើម្បីជាផ្នែកកាត់បន្ថយភាពចង្អៀតណែនក្នុងពន្ធនាគារ

អ្នករាយការណ៍ពិសេសរបស់ UN កោតសសើរការគ្រប់គ្រងមណ្ឌលជនវិបល្លាសស្មារតីនៅកម្ពុជា

ប្រធានស្តីទីគណបក្សហ៊្វុនស៊ិនប៉ិច ជួបពិភាក្សាការងារជាមួយមន្រ្តីជាន់ខ្ពស់បក្សកុម្មុយនិស្តចិន

វ៉ាក់សាំងកូវិដ-១៩ (Pfizer) ជំនួយរបស់អូស្ត្រាលី ជិត៣០ម៉ឺនដូសទៀត នឹងដឹកមកដល់កម្ពុជានៅព្រឹកស្អែកនេះ

សម្តេចក្រឡាហោម ស ខេង ប្រាប់តំណាងUNថា កម្ពុជាអនុវត្តយ៉ាងខ្ជាប់ខ្ជួនតាមអ្វីដែលមានចែងក្នុងរដ្ឋធម្មនុញ្ញ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

សម្តេចក្រឡាហោម ស ខេង បន្តដឹកនាំកិច្ចប្រជុំ ស្តីពីការប្រយុទ្ធប្រឆាំងការជួញដូរមនុស្ស

សម្តេចតេជោ ហ៊ុន សែន បង្ហាញរូបថតអនុស្សាវរីយ៍ទាក់ទង ដល់ប្រវត្តិស្វែងរកសន្តិភាព សម្រាប់កម្ពុជា

ឧបនាយករដ្ឋមន្ត្រី ជា សុផារ៉ា ជួបពិភក្សាការងារជាមួយឯកអគ្គរដ្ឋទូតវៀតណាមប្រចាំកម្ពុជា

ក្រសួងយុត្តិធម៌ នឹងជំរុញឱ្យមានតុលាការជំនាញ ដើម្បីជាផ្នែកកាត់បន្ថយភាពចង្អៀតណែនក្នុងពន្ធនាគារ

អ្នករាយការណ៍ពិសេសរបស់ UN កោតសសើរការគ្រប់គ្រងមណ្ឌលជនវិបល្លាសស្មារតីនៅកម្ពុជា

ប្រធានស្តីទីគណបក្សហ៊្វុនស៊ិនប៉ិច ជួបពិភាក្សាការងារជាមួយមន្រ្តីជាន់ខ្ពស់បក្សកុម្មុយនិស្តចិន​

វ៉ាក់សាំងកូវិដ-១៩ (Pfizer) ជំនួយរបស់អូស្ត្រាលី ជិត៣០ម៉ឺនដូសទៀត នឹងដឹកមកដល់កម្ពុជានៅព្រឹកស្អែកនេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ប្រធានស្តីទីគណបក្សហ៊្វុនស៊ិនប៉ិច ជួបពិភាក្សាការងារជាមួយមន្រ្តីជាន់ខ្ពស់បក្សកុម្មុយនិស្តចិន