BTV NEWS

គម្រោងស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) និងផ្លូវតភ្ជាប់ សម្រេចបាន ៤៥% ហើយ ដែលលឿនជាងផែនការ ៤,១១%

សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាលដែលកំពុងធ្វើកិច្ចការងារយ៉ាងសកម្មស្វែងរកដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស

សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥

សម្ដេចធិបតី៖ រាជរដ្ឋាភិបាលប្តេជ្ញាចិត្តយ៉ាងមុតមាំលើកកម្ពស់ការងារអក្ខរកម្ម និងបំពាក់បំប៉ន ជំនាញ និងឱកាសសិក្សាពេញមួយជីវិត ជាពិសេសជំនាញឌីជីថល

នយោបាយ និង ការអភិវឌ្ឍន៍

មន្ត្រីរាជការស៊ីវិល កងកម្លាំងប្រដាប់អាវុធគ្រប់ នឹងទទួលបានការដំឡើងប្រាក់បៀរវត្សរ៍ឆ្នាំ២០២៣

ភ្នំពេញ៖ សម្តេចតេជោ ហ៊ុន សែន បញ្ជាក់ថា នៅឆ្នាំ២០២៣ខាងមុខនេះ មន្ត្រីរាជការស៊ីវិល កងកម្លាំងប្រដាប់អាវុធគ្រប់ប្រភេទ និងនិវត្តជន សុទ្ធតែទទួលបានការដំឡើងប្រាក់បៀរវត្សរ៍ទាំងអស់ ដើម្បីជំរុញនិងបង្កើនល្បឿន នៃកម្រិតជីវភាព។ថ្លែងក្នុងពិធីប្រគល់សញ្ញាបត្រ ជូននិស្សិតជ័យលាភី របស់សាកលវិទ្យាល័យអាស៊ី-អឺរ៉ុប ប្រមាណ ៣,០៧៥នាក់ ថ្ងៃទី២៣ ខែសីហា ឆ្នាំ២០២២ ធ្វើឡើងនៅអគារពាណិជ្ជកម្ម និងពិព័រណ៍ជ្រោយចង្វារ សម្តេចតេជោ ហ៊ុន សែន នាយករដ្ឋមន្រ្តីកម្ពុជា ក្នុងរយៈពីរឆ្នាំចុងក្រោយនេះ ឆ្នាំ២០២០ និង២០២១ មន្ត្រីរាជការស៊ីវិល កងកម្លាំងប្រដាប់អាវុធគ្រប់ប្រភេទ និងនិវត្តជន មិនត្រូវបានដំឡើងប្រាក់បៀរវត្សរ៍ទេ ដោយសាររាជរដ្ឋាភិបាល ខិតខំសន្សំសំចៃថវិកាដើម្បីចំណាយលើការប្រយុទ្ធប្រឆាំងកូវីដ ១៩។សម្តេចតេជោ ហ៊ុន សែន បន្តថា រយៈពេលពីរឆ្នាំចុងក្រោយនេះ រាជរដ្ឋាភិបាលមានការចំណាយច្រើន ទន្ទឹមពេលដែលចំណូលមានការធ្លាក់ចុះ ដោយសារការបិទប្រទេស ហើយសកម្មភាពការនាំចេញ នាំចូល និងសកម្មភាពសេដ្ឋកិចុ្ចពាណិជ្ជកម្ម ក៏បានថមថយ។បច្ចុប្បន្ននេះ ចំណាយមានការថមថយបន្តិច លើការងារព្យាបាលព្យាបាលកូវីដ១៩ ខណៈចំណូលបានកើនឡើងវិញ។ប្រមុខរាជរដ្ឋាភិបាល បញ្ជាក់ថា ការដំឡើងប្រាក់បៀរវត្សរ៍នេះ គឺផ្តល់អាទិភាពលើវិស័យអប់រំ និងវិស័យសុខាភិបាល ដែលគ្រូបង្រៀន និងគ្រូពេទ្យជាអាទិភាព ដែលទទួលបានប្រាក់ខែខ្ពស់ជាងគេ៕ អត្ថបទ៖ វណ្ណៈ

សម្តេចតេជោ ហ៊ុន សែន៖ ការសិក្សាភាសាវៀតណាមមិនស្លាប់ទេមានតែចំណេញដល់ប្រជាជនកម្ពុជា

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានថ្លែងថា ការដែលក្រសួងអប់រំកម្ពុជា សម្រេចបង្កើតឲ្យមានការរៀនភាសាវៀតណាម នៅក្នុង សាកលវិទ្យាល័យភូមិន្ទភ្នំពេញ គឺមិនខុសនោះទេ ខណៈឲ្យមានការរៀនភាសាវៀតណាមនេះគឺមានតែចំណេញដល់ប្រជាពលរដ្ឋកម្ពុជា ក្នុងការយល់ដឹងបន្ថែម និងផ្តល់ភាពងាយស្រួលក្នុងការទំនាក់ទំនងរកស៊ីជាមួយភាគីវៀតណាម។ ការលើកឡើងរបស់សម្តេចបែបនេះគឺបានធ្វើឡើងបន្ទាប់ពីមានការរិះគន់ពីជនជ្រុលនិយមមួយក្តាប់តូច ដែលបានប្រឆាំង និងទិទានបន្ទាប់ពីក្រសួងអប់រំកម្ពុជាប្រកាសគ្រោងដាក់ឲ្យមានការរៀននូវភាសាវៀតណាម នៅក្នុងសាលាភូមិន្ទភ្នំពេញកាលពីកន្លងទៅថ្មីៗនេះ។ថ្លែងនៅក្នុងឱកាសអញ្ជើញប្រគល់សញ្ញាបត្រ ជូននិស្សិតជយលាភីរបស់សាកលវិទ្យាល័យអាស៊ី-អឺរ៉ុបប្រមាណ ៣,០៧៥នាក់នៅព្រឹកថ្ងៃទី២៣ ខែសីហា ឆ្នាំ២០២២នេះ សម្តេចតេជោ ហ៊ុន សែន បានបញ្ជាក់ថា ក្នុងដេប៉ាតឺម៉ង់ សម្រាប់កម្មវិធីសិក្សានៅក្នុងសាកលវិទ្យាល័យភូមិន្ទភ្នំពេញនោះ គឺមិនមែនតែភាសាវៀតណាមនោះទេ គឺមានភាសាបរទេសជាច្រើនទៀត ហើយការសម្រេចដាក់ភាសាវៀតណាម បន្ថែមទៀតនោះគឺវាកាន់តែផ្តល់ភាពងាយស្រួលដល់សិស្សនិស្សិត មន្រ្តីរាជការដែលជាប់អាហារូបករណ៍ទៅសិក្សានូវប្រទេសវៀតណាម និងផ្តល់ភាពងាយស្រួលក្នុងការទំនាក់ទំនងជាមួយភាគីវៀតណាមក្នុងគោលបំណងអ្វីមួយជាដើមនោះ។សូមបញ្ជាក់ថា ការគ្រោងបើកដេប៉ាតឺម៉ង់សិក្សាភាសាវៀតណាម នៅសាកលវិទ្យាល័យភូមិន្ទភ្នំពេញ បានក្លាយជាប្រធានបទក្ដៅដែលមានជជែកពិភាក្សាច្រើន ដោយមានប្រជាពលរដ្ឋមួយចំនួនមានការព្រួយបារម្ភដោយគិតថា មានការតម្រូវឱ្យសិស្សគ្រប់រូបនៅសាកលវិទ្យាល័យភូមិន្ទភ្នំពេញ ត្រូវសិក្សាភាសាវៀតណាម ហើយក៏មានអ្នកខ្លះបារម្ភពីឥទ្ធិពល វៀតណាមមកលើកម្ពុជាផងដែរ។ ប៉ុន្តែទោះបីជាយ៉ាងណាក៏ដោយសម្តេចតេជោ ហ៊ុន សែន ការសិក្សាភាសាវៀតណាមគឺមិនមែនសម្រាប់សិស្សទូទៅនោះទេ ខណៈការបើកការសិក្សាវៀតណាមនេះ គឺសម្រាប់ក្រុមនិស្សិតជាក់លាក់ ដែលមានតម្រូវការចង់រៀនភាសាវៀតណាម សម្រាប់បម្រើការងារក្នុងក្រុមហ៊ុនវៀតណាម និងជាពិសេសសម្រាប់សិស្សជាប់អាហារូបករណ៍ ដែលត្រូវទៅសិក្សានៅប្រទេសវៀតណាមផងដែរ៕ អត្ថបទ៖ បាន ចក់

ប្រសាសន៍សំខាន់ៗរបស់សម្ដេចតេជោ ហ៊ុន សែន ក្នុងឱកាសអញ្ជើញប្រគល់សញ្ញាបត្រ ជូននិស្សិតជយលាភីសាកលវិទ្យាល័យអាស៊ី-អឺរ៉ុប

ភ្នំពេញ៖ នៅព្រឹកថ្ងៃទី២៣ ខែសីហា ឆ្នាំ២០២២នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញប្រគល់សញ្ញាបត្រ ជូននិស្សិតជយលាភីរបស់សាកលវិទ្យាល័យអាស៊ី-អឺរ៉ុប ប្រមាណ ៣,០៧៥នាក់។ខាងក្រោមនេះជាប្រសាសន៍សំខាន់ៗរបស់សម្ដេចតេជោ នាយករដ្ឋមន្ត្រី៖- សម្តេចតេជោ ហ៊ុន សែន ប្រកាសពីកិច្ចខិតខំប្រឹងប្រែងរបស់ក្រសួងអប់រំយុវជន និងកីឡា ដែលជាវិស័យអទិភាព ក្នុងការអភិវឌ្ឍន៍ធនធានមនុស្ស ជាពិសេស ពង្រឹងកិច្ចខិតខំប្រឹងប្រែងបណ្តុះបណ្តាលតាមគន្លងថ្មី ក្នុងពេលវិបត្តិ នៃជំងឺកូវីដ-១៩។- សម្តេចតេជោ ហ៊ុន សែន បញ្ជាក់ថា ការប្រយុទ្ធប្រឆាំងជំងឺកូវីដ-១៩ មិនត្រឹមតែជាក្រុមជួរមុខរួមមាន៖ ក្រុមគ្រូពេទ្យ និងផ្នែកផ្សេងៗឡើយ ការរួមគ្នាទៅទទួលយកវ៉ាក់សាំងកូវីដ-១៩ និងការប្រឹងប្រែងគោរពវិធានការសុខាភិបាល និងវិធានការ ៣ការពារ និង៣កុំ ក៏ត្រូវរាប់បញ្ចូលក្នុងការប្រយុទ្ធប្រឆាំងកូវីដ-១៩ផងដែរ។- សម្តេចតេជោ ហ៊ុន សែន បញ្ជាក់ថា កម្ពុជាបានទទួលជោគជ័យយ៉ាងត្រចះត្រចង់ ក្នុងការប្រយុទ្ធប្រឆាំងការឆ្លងរីករាលដាលជំងឺកូវីដ-១៩ ទោះមិនទាំងស្រុងក៏ដោយ តែយើងអាចគ្រប់គ្រងបានក្នុងកម្រិតមួយយ៉ាងគាប់ប្រសើរ។- សម្តេចតេជោ ហ៊ុន សែន បញ្ជាក់ថា កម្ពុជាមិនមានករណីស្លាប់ថ្មីដោយសារជំងឺកូវីដ-១៩ រយៈពេលជាង៤ខែមកហើយ រាប់តាំងពីខែមេសា ឆ្នាំ២០២២ មកដល់ថ្ងៃទី២៣ ខែសីហា ឆ្នាំ២០២២នេះ។- សម្តេចតេជោ ហ៊ុន សែន ជំរុញឱ្យគិតគូរដល់សុខុមាលភាពប្រជាជន និងសុខភាពសាធារណៈ ជាអទិភាពខ្ពស់បំផុត ដោយប្រកាន់ខ្ជាប់ជានិច្ចនូវស្មារតីជួយគ្នាទៅវិញទៅមក និងពង្រឹងកិច្ចសហប្រតិបត្តិការលើគ្រប់វិស័យ ក្នុងពេលវិបត្តិកូវីដ-១៩។- សម្តេចតេជោ ហ៊ុន សែន បញ្ជាក់ថា កូវីដ-១៩ មិនទាន់ទៅណាឆ្ងាយពីយើងឡើយ ដោយកម្ពុជាត្រូវបន្តយកចិត្តទុកដាក់ខ្ពស់ លើករណីនេះជាចាំបាច់ ដោយស្មារតីបុរេសកម្ម និងប្រុងប្រយ័ត្នខ្ពស់ ជាពិសេសការបន្ត និងពន្លឿនដំណើរការចាក់វ៉ាក់សាំងកូវីដ-១៩ ដល់ប្រជាជនគ្រប់រូប។- សម្តេចតេជោ ហ៊ុន សែន ប្រកាសពីការបានផ្តល់គុណតម្លៃខ្ពស់បំផុត លើការងារចាក់វ៉ាក់សាំង ដើម្បីលុបបំបាត់ជំងឺកូវីដ-១៩ និងការពារអាយុជីវិតរបស់ប្រជាពលរដ្ឋកម្ពុជាគ្រប់រូប។- សម្តេចតេជោ ហ៊ុន សែន បានរំលឹកពីអតីតកាលដ៏លំបាក នៃការចាប់ផ្តើមវិស័យអប់រំ សិក្សាធិការជាថ្មី ក្រោយរំដោះរបបប្រល័យពូជសាសន៍ ប៉ុល ពត ឆ្នាំ១៩៧៩ ដែលកាលណោះ គ្រូ ឬសាស្រ្តាចារ្យ មានកម្រិតចំណេះដឹងលើសសិស្សតែបន្តិចបន្តួចប៉ុណ្ណោះ (អ្នកចេះច្រើនបង្រៀនអ្នកចេះតិច, អ្នកចេះតិចបង្រៀនអ្នកមិនចេះ) ហើយស្ថានភាពនេះ បានប្រែប្រួលជាបន្តបន្ទាប់ តាមរយៈកិច្ចខិតខំប្រឹងប្រែងរបស់រាជរដ្ឋាភិបាល។- សម្តេចតេជោ ហ៊ុន សែន បញ្ជាក់ថា រាជរដ្ឋាភិបាល តាមរយៈក្រសួងអប់រំ យុវជន និងកីឡា បានពង្រាយសាលារៀនទៅគ្រប់និគមន៍ តាមល្បាយនៃការរស់នៅរបស់ប្រជាពលរដ្ឋ ចាប់តាំងពីកម្រិតបឋម អនុវិទ្យាល័យ វិទ្យាល័យ និងសាកលវិទ្យាល័យ។ សម្តេចបញ្ជាក់ថា «ពីមុនមនុស្សរត់រកសាលា តែពេលនេះសាលារត់រកមនុស្សវិញ»។- សម្តេចតេជោ ហ៊ុន សែន បញ្ជាក់ថា នៅឆ្នាំ២០២៣ខាងមុខនេះ មន្ត្រីរាជការស៊ីវិល កងកម្លាំងប្រដាប់អាវុធគ្រប់ប្រភេទ និងនិវត្តជន សុទ្ធតែទទួលបានការដំឡើងប្រាក់បៀវត្សរ៍ទាំងអស់ ដើម្បីជំរុញ និងបង្កើនល្បឿន នៃកម្រិតជីវភាពរបស់ពួកគាត់។-សម្តេចតេជោ ហ៊ុន សែន បានប្រកាសឱ្យសិស្ស, និស្សិត ប្រឹងប្រែងរៀនសូត្រឱ្យបានល្អ ខណៈដែលរាជរដ្ឋាភិបាលបានផ្តល់ឱកាស និងលើកទឹកចិត្តយ៉ាងខ្លាំងចំពោះវិស័យសនេះ។ សម្តេចតេជោ ហ៊ុន សែន បញ្ជាក់ថា «[..]ពេលនេះបើសិស្សរៀនមិនចេះ ឬមិនកើត កុំបន្ទោសគ្រូ»។- សម្តេចតេជោ ហ៊ុន សែន ប្រកាសគាំទ្រដល់ការទស្សន៍ទាយមួយថា សម្តេចតេជោ នឹងបាត់បង់អំណាចនាពេលខាងមុខ ដែលត្រង់ចំណុចនេះសម្តេចបញ្ជាក់ថា «គ្មាននរណា កាន់អំណាចរហូតដល់ស្លាប់នោះទេ តែអំណាចនេះគ្មានធ្លាក់លើនរណា ក្រៅពីមនុស្សរបស់គណបក្សប្រជាជនកម្ពុជានោះឡើយ...!»។- សម្តេចតេជោ ហ៊ុន សែន ប្រកាសពីខកចិត្តយ៉ាងខ្លាំងក្នុងជួយដល់ សាន្ត ប៊ុនធឿន ដែលមិនកែចរិតអាក្រក់របស់ខ្លួន ហើយតែងភ្ជាប់បញ្ហារបស់ខ្លួនមកលើសម្តេច និងក្រុមគ្រួសារ នាំឱ្យមានការភាន់ច្រលំក្នុងចំណោមមតិសាធារណៈជាតិ។- សម្តេចតេជោ ហ៊ុន សែន ប្រកាសកុំឱ្យមានការភាន់ច្រលំលើការបង្កើតដេប៉ាតឺម៉ង់ភាសាវៀតណាម នៅសាកលវិទ្យាល័យភូមិន្ទភ្នំពេញ ព្រោះនៅសាកលវិទ្យាល័យនេះមានដេប៉ាតឺម៉ង់ភាសាបរទេសច្រើនណាស់មានទាំង អង់គ្លេស, បារាំង ជប៉ុន ចិន កូរ៉េ....[...] ដែលសកម្មភាពទាំងនេះ មានប្រយោជន៍ចំពោះនិស្សិតកម្ពុជា និងការផ្លាស់ប្តូរកម្មវិធីសិក្សា ព្រមទាំងធុរកិច្ច។- សម្តេចតេជោ ហ៊ុន សែន បានប្រតិកម្ម និងសោកស្តាយជាខ្លាំងដល់ក្រុមវិភាគមួយចំនួន ដែលបានវិភាគបែបអវិជ្ជមាន និងអគតិ លើ ហ៊ុន ម៉ាណែត ក្នុងដំណើរទស្សនកិច្ចទៅកាន់ប្រទេសវៀតណាមកាលពីពេលថ្មីៗនេះ ដោយសម្តេចបញ្ជាក់ថា ហ៊ុន ម៉ាណែត ទៅទស្សនកិច្ចនៅវៀតណាម តិចជាងនៅជប៉ុន និងសិង្ហបុរីទៅទៀត។- សម្តេចតេជោ ហ៊ុន សែន បញ្ជាក់ថា អ្នកវិភាគអាចយករឿង ហ៊ុន ម៉ាណែត ទស្សនកិច្ចនៅជប៉ុនកាលពីដើមឆ្នាំ២០២២មកវិភាគបានត្រឹមត្រូវ ព្រោះកម្រិតទទួល និងជំនួប មានចំនួនច្រើន ហើយកម្រិតខ្ពស់ទៀតផង។ សម្តេចបញ្ជាក់ថា ហ៊ុន ម៉ាណែត ត្រូវបាននាយករដ្ឋមន្ត្រីជប៉ុន ៣រូបហើយអញ្ជើញទៅទស្សនកិច្ច ក្នុងនោះ ហាតូយ៉ាម៉ា ឆ្នាំ២០១១ ,ស៊ីនហ្សូ អាបេ ឆ្នាំ២០១៨ និង គីស៊ីដា ឆ្នាំ២០២២នេះ។- សម្តេចតេជោ ហ៊ុន សែន បានប្រកាសពីនយោបាយជ្រុលនិយមរបស់ក្រុមមួយចំនួន និងអ្នកវិភាគខ្លះ លើទំនាក់ទំនងកម្ពុជា-វៀតណាម និងបញ្ហាទឹកដី ដែលបានបាត់បង់ទៅលើប្រទេសវៀតណាមពីអតីតកាល ដែលសម្តេចតេជោ ហ៊ុន សែន បានហៅថា ជាកម្រិតវិភាគដ៏អន់មួយ មិនស្តែងឱ្យឃើញពីស្ថានភាពជាក់ស្តែង នៃកម្ពុជា។- សម្តេចតេជោ ហ៊ុន សែន បានប្រកាសថា កម្ពុជាមិនត្រូវការការគាំទ្របេក្ខភាពនាយករដ្ឋមន្ត្រីពីប្រទេសណាទាំងអស់ មិនថាតែវៀតពណាមនោះទេ។ បេក្ខភាពនាយករដ្ឋមន្ត្រីសម្រាប់គណបក្សប្រជាជនកម្ពុជា ត្រូវតែងតាំង និងគាំទ្រដោយគណបក្ស ហើយការបោះឆ្នោតជាតិ ក៏ត្រូវបានកម្ពុជាធ្វើឡើងជាទៀតទាត់។- សម្តេចតេជោ ហ៊ុន សែន បានប្រកាសដោយចោទជាសំនួរថា «តើមានម៉ែឪណាមិនចង់ឱ្យកូនធ្វើធំ...[..] ខ្ញុំមិនបណ្តុះបណ្តាលកូនឱ្យធ្វើជាមេចោរនោះទេ»។- សម្តេចតេជោ ហ៊ុន សែន បានប្រកាសផ្តាំផ្ញើដល់អ្នកវិភាគក្រៅស្រុកក្បាលទំពេក ពុកមាត់ស្រម៉ូមម្នាក់ ដែលនិយាយថា បើហ៊ុន ម៉ាណែត ចង់ធ្វើនាយករដ្ឋមន្ត្រី ត្រូវតែធ្វើឱ្យខុសពីឪ(សម្តេចតេជោ ហ៊ុន សែន ) ដែលត្រង់ចំណុចនេះសម្តេចបញ្ជាក់ថា «បើធ្វើខុសពីឪ គឺមានន័យថាខុសពីគោលការណ៍គណបក្សប្រជាជនកម្ពុជាហើយ»។- សម្តេចតេជោ ហ៊ុន សែន ប្រកាសយកបញ្ហាស្ត្រីលង្ការជាបទពិសោធន៍ នៃការចំណាយរបស់រដ្ឋ ខណៈដែលនៅស្ត្រីលង្ការមានមន្ត្រីរដ្ឋការ និងបុគ្គលិក ជាង១លាន៨សែននាក់ ដែលរដ្ឋត្រូវរដ្ឋទទួលបន្ទុកចិញ្ចឹម ខណៈដែលនៅកម្ពុជាមានត្រឹមតែជាង ៤០ម៉ឺននាក់ប៉ុណ្ណោះ។ សម្តេចបញ្ជាក់ថា ដើម្បីស្ថិរភាពហិរញ្ញវត្ថុ រដ្ឋត្រូវចំណាយត្រឹមតែ៤ភាគរយប៉ុណ្ណោះ នៃផលិតផលក្នុងស្រុកសរុប(GDP)។សង្កថាសម្តេចតេជោ ហ៊ុន សែន ចប់នៅវេលាម៉ោង០៩ និង២២នាទី។

សម្ដេចតេជោ ហ៊ុន សែន ចំអកដល់ក្រុមវិភាគមួយចំនួនដែលវិភាគបែបអគតិក្នុងដំណើរទស្សនកិច្ចរបស់ឯកឧត្ដម ហ៊ុន ម៉ាណែត ទៅប្រទេសវៀតណាម

ភ្នំពេញ៖ សម្ដេចតេជោ ហ៊ុន សែន បានចំអកដល់ក្រុមអ្នកវិភាគមួយចំនួន ដែលបានវិភាគបែបអគតិក្នុងដំណើរទស្សនកិច្ចរបស់ឯកឧត្ដម ហ៊ុន ម៉ាណែត ទៅប្រទេសវៀតណាម ដោយសម្ដេចបញ្ជាក់ថា អ្នកវិភាគអាចយករឿង ហ៊ុន ម៉ាណែត ទស្សនកិច្ចនៅជប៉ុនកាលពីដើមឆ្នាំ២០២២ មកវិភាគបានត្រឹមត្រូវ ព្រោះកម្រិតទទួល និងជំនួប មានចំនួនច្រើន ហើយកម្រិតខ្ពស់ទៀតផង។សម្ដេចតេជោ ហ៊ុន សែន បានមានប្រសាសន៍បែបនេះ ក្នុងឱកាសដែលសម្តេច អញ្ជើញប្រគល់សញ្ញាបត្រ ជូននិស្សិតជយលាភីរបស់សាកលវិទ្យាល័យអាស៊ី-អឺរ៉ុប ប្រមាណ ៣,០៧៥នាក់ នាព្រឹកថ្ងៃទី២៣ ខែសីហា ឆ្នាំ២០២២នេះ។សម្ដេចតេជោបន្តថា “ហ៊ុន ម៉ាណែត ទៅទស្សនកិច្ចនៅវៀតណាមតិចជាងនៅជប៉ុន និងសិង្ហបុរីទៅទៀត” ។ សម្ដេចបញ្ជាក់ថា ឯកឧត្ដម ហ៊ុន ម៉ាណែត ត្រូវបាននាយករដ្ឋមន្ត្រីជប៉ុន ៣រូបហើយអញ្ជើញទៅទស្សនកិច្ច ក្នុងនោះ ហាតូយ៉ាម៉ា ឆ្នាំ២០១១ ,ស៊ីនហ្សូ អាបេ ឆ្នាំ២០១៨ និង គីស៊ីដា ឆ្នាំ២០២២នេះ។ជាមួយនឹងការវិភាគបែបអវិជ្ជមាន និងអគតិថា ដំណើរទស្សនកិច្ចរបស់ឯកឧត្ដម ហ៊ុន ម៉ាណែត ជាដំណើរទៅស្វែងរកការគាំទ្របេក្ខភាពនាយករដ្ឋមន្ត្រីរបស់ឯកឧត្ដមហ៊ុន ម៉ាណែត នៅប្រទេសវៀតណាមនោះ សម្តេចតេជោ ហ៊ុន សែន បានបញ្ជាក់ថា កម្ពុជាមិនត្រូវការការគាំទ្របេក្ខភាពនាយករដ្ឋមន្ត្រីពីប្រទេសណាទាំងអស់ មិនថាតែវៀតពណាមនោះទេ។ បេក្ខភាពនាយករដ្ឋមន្ត្រីសម្រាប់គណបក្សប្រជាជនកម្ពុជា ត្រូវតែងតាំង និងគាំទ្រដោយគណបក្ស ហើយការបោះឆ្នោតជាតិ ក៏ត្រូវបានកម្ពុជាធ្វើឡើងជាទៀតទាត់។

សម្តេចតេជោ ហ៊ុន សែន អញ្ជើញប្រគល់សញ្ញាបត្រ ជូននិស្សិតសាកលវិទ្យាល័យអាស៊ី-អឺរ៉ុប ជាង៣០០០នាក់

ភ្នំពេញ៖ នៅព្រឹកថ្ងៃទី២៣ ខែសីហា ឆ្នាំ២០២២នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នឹងអញ្ជើញប្រគល់សញ្ញាបត្រ ជូននិស្សិតជយលាភីរបស់សាកលវិទ្យាល័យអាស៊ី-អឺរ៉ុបប្រមាណ ៣,០៧៥នាក់។ និស្សិតដែលទទួលសញ្ញាបត្រនៅថ្ងៃព្រឹកនេះ រួមមាន៖ ថ្នាក់បរិញ្ញាបត្ររង ថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត ដែលបញ្ចប់ការសិក្សាក្នុងឆ្នាំសិក្សា២០១៩-២០២០ និងឆ្នាំសិក្សា២០២០-២០២១។ ក្នុងនោះមាននិស្សិតអាហារូបករណ៍របស់សម្តេចតេជោនាយករដ្ឋមន្ត្រី និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ៦៦នាក់៕

ឧក្រិដ្ឋជនជួញដូរមនុស្ស ៦០នាក់ត្រូវចាប់ខ្លួន ខណៈជនរងគ្រោះជាង ៦០០នាក់បានជួយសង្រ្គោះ

ភ្នំពេញ៖ អាជ្ញាធរកម្ពុជាបានធ្វើការចាប់ខ្លួនជនសង្ស័យ ដែលជាឧក្រិដ្ឋជនជួញដូរមនុស្សបានចំនួន ៦០នាក់ ខណៈសង្រ្គោះជនរងគ្រោះដែលមកពី១១ជាតិសាសន៍បានជាង ៦០០នាក់ ដោយករណីទាំងនេះ បានរកឃើញនៅខេត្តព្រះសីហនុ ខេត្តកណ្តាល កោះកុង បន្ទាយមានជ័យ ស្វាយរៀង និងរាជធានីភ្នំពេញ។ថ្លែងប្រាប់ទូរទស្សន៍BTV ក្រោយមានកិច្ចជំនួបពិភាក្សាជាមួយតំណាងអង្គការសហប្រជាជាតិទាក់ទងនឹងអំពើជួញដូរមនុស្ស នាព្រឹកថ្ងៃទី២២ ខែសីហា ឆ្នាំ២០២២នេះ នៅទីស្តីការក្រសួងមហាផ្ទៃ លោកជំទាវ ជូ ប៊ុនអេង បានបញ្ជាក់ថា ក្នុងរយៈពេល៧ខែ ឆ្នាំ២០២២នេះ អាជ្ញាធរកម្ពុជាបានបង្រ្កាបអំពើជួញដូរមនុស្សបានចំនួន ៤៧ករណី ហើយបានចាប់ខ្លួនជនជាតិចិន ,ម៉ាឡេស៊ី វៀតណាម និងជនជាតិខ្មែរបានចំនួន៦០នាក់ បញ្ជូនទៅកាន់តុលាការដោយសង្ស័យជាប់ពាក់ព័ន្ធនឹងអំពើជួញដូរមនុស្សខុសច្បាប់ ដែលជនសង្ស័យទាំងនេះ បានបោកបញ្ឆោតជនរងគ្រោះពីប្រទេសផ្សេងៗចូលមកកម្ពុជាដោយសន្យាឲ្យធ្វើការទទួលបានប្រាក់កម្រៃជាច្រើននោះ។នៅក្នុងកិច្ចសម្ភាសន៍នេះ លោកជំទាវ ជូ ប៊ុនអេង ក៏បានបញ្ជាក់បន្ថែមទៀតថា បទល្មើសជួញដូរមនុស្សដែលបានកើតឡើងលើទឹកដីកម្ពុជានេះ គឺពុំមែនកម្ពុជាជាអ្នកធ្វើខ្លួនឯងនោះទេ ពោលគឺជនបោកបញ្ឆោតជាជនបរទេស មេខ្យល់នាំចូលក៏ជាជនបរទេស ហើយបាននាំជនបរទេសមករងគ្រោះនៅប្រទេសខ្មែរយើងទៅវិញ រហូតត្រូវបានគេរិះគន់ ហើយបានឈានដល់ការដាក់កម្ពុជាចូលទៅក្នុងបញ្ជីខ្មៅ ដែលជាប្រទេសជាប់ពាក់ព័ន្ធ នឹងអំពើជួញដូរមនុស្សជាដើមនោះ។ទោះជាយ៉ាងណាក៏ដោយលោកជំទាវ ជូ ប៊ុនអេង បានលើកឡើងផងដែរថា កម្ពុជានៅតែមានការប្តេជ្ញាចិត្តជានិច្ចចំពោះកិច្ចខិតខំប្រឹងប្រែង ក្នុងបង្រ្កាប់អំពើជួញដូរមនុស្សនេះ នឹងធ្វើការសំអាតចំពោះបញ្ហានេះឲ្យអស់នាពេលឆាប់ៗនេះផងដែរ៕ អត្ថបទ៖ បាន ចក់

លោកជំទាវ ម៉ែន សំអន ជំរុញលើកទឹកចិត្តដល់កុមារកំព្រាត្រូវខិតខំរៀនសូត្រក្លាយជាយុវជនបន្តវេន

ភ្នំពេញ៖ លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច និងជាប្រធានសមាគមនារីកម្ពុជា ដើម្បីសន្តិភាព និងអភិវឌ្ឍន៍នៅថ្ងៃទី២២ខែសីហានេះ បានអញ្ជើញជួបសំណេះសំណាល និងចែកអំណោយជូនកុមារកំព្រា និងប្រជាពលរដ្ឋចំនួន ៣០០នាក់ ស្ថិតនៅខណ្ឌមានជ័យ រាជធានីភ្នំពេញ។ថ្លែងក្នុងឱកាសខាងលើលោកជំទាវកិត្តិសង្គហបណ្ឌិត បានពាំនាំនូវសេចក្តីនឹករលឹក និងការសាកសួរសុខទុក្ខពីសម្តេចតេជោនាយករដ្ឋមន្ត្រី និងសម្តេចកិត្តិព្រឹទ្ធបណ្ឌិត ប៊ុន រ៉ានីហ៊ុនសែន ប្រធានកាកបាទក្រហមកម្ពុជា ជូនដល់អង្គពិធីទាំងមូលនូវក្តីនឹករលឹករបស់សម្តេចទាំងពីរ និងការគិតគូរអំពីសុខទុក្ខប្រជាពលរដ្ឋនៅទូទាំងប្រទេស។លោកជំទាវ បន្តទៀតថា ក្រោមការដឹកនាំប្រកបដោយកិត្តិបណ្ឌិតរបស់ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានធ្វើឱ្យប្រទេសជាតិមានសុខសន្តិភាពពេញបរិបូណ៍ មានការអភិវឌ្ឍសង្គមសេដ្ឋកិច្ច យ៉ាងលឿន និងផ្តល់ឱកាស និងសិទ្ធិសេរីភាពដល់ប្រជាពលរដ្ឋ ក្នុងការប្រកបមុខរបរនានា មានជីវភាពរស់នៅកាន់តែប្រសើរជាលំដាប់ ដែលបានអនុញ្ញាតឲ្យយើងទាំងអស់គ្នាបានជួបជុំសំណេះ សំណាលគ្នានាពេលនេះ ។ ក្រៅពីនេះ លោកជំទាវជំរុញលើកទីកចិត្តដល់ កុមារកំព្រាទាំងអស់ កុំបាក់ទឹកចិត្ត កុំគិតថាយើងឯការ សូមក្មួយៗគិតថា នៅមានការថែទាំពីសំណាក់ លោកគ្រូ អ្នកគ្រូ ជាពិសេស ការយកចិត្តទុក្ខដាក់ពីសំណាក់ សម្តេចតេជោនាយករដ្ឋមន្ត្រី និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដោយមិនបានទុក្ខឲ្យនរណាម្នាក់ស្លាប់ដោយអត់អាហារនោះទេ ។ ហើយត្រូវខិតខំរៀនសូត្រ ស្តាប់តាមការណែនាំរបស់លោកគ្រូ អ្នកគ្រូ បង្កើនចំណេះដឹង បង្កើនជំនាញការងារ ដើម្បើចិញ្ចឹមជីវិត និងអភិវឌ្ឍន៍សមត្ថភាពរបស់ខ្លួនឲ្យក្លាយក្លាយជាទំពាំងស្នងឬស្សី និងក្លាយជាយុវជនគំរូ ដើម្បីចូលរួមចំណែកជាមួយរាជរដ្ឋាភិបាលក្នុងការអភិវឌ្ឍន៍ប្រទេសជាតិ ឲ្យកាន់តែមានភាពរីកចម្រើនបន្ថែមទៀត។ក្នុងពិធីជួបសំណេះសំណាងនេះ ជំទាវកិត្តិសង្គហបណ្ឌិត បានផ្តល់អំណោយមួយចំនួនជូនកុមារកំព្រាទាំងនោះ មានគ្រឿងឧបភោគបរិភោគ និងថវិកាមួយចំនួទៀតជាដើម៕ អត្ថបទ៖ ទូច សោភ័ណ

ប្រធានមហាសន្និបាតអង្គការសហប្រជាជាតិ កោតសរសើរកម្ពុជាចំពោះការអភិវឌ្ឍយ៉ាងឆាប់រហ័ស

ភ្នំពេញ៖ ក្នុងជំនួបជាមួយសម្តេចអគ្គមហាពញាចក្រី ហេង សំរិន ,លោក អាប់ឌូឡា សាហ៊ីដ ប្រធានរដ្ឋសភាកម្ពុជា ប្រធានមហាសន្និបាតអង្គការសហប្រជាជាតិលើកទី៧៦ បានកោតសរសើរកម្ពុជាចំពោះការអភិវឌ្ឍខ្លួនយ៉ាងឆាប់រហ័ស។ក្នុងពេលបំពេញទស្សនកិច្ច និងអញ្ជើញជួបជាមួយថ្នាក់ដឹកនាំសំខាន់ៗរបស់កម្ពុជា នៅថ្ងៃទី២២ ខែសីហា ឆ្នាំ២០២២ សម្តេចអគ្គមហាពញាចក្រី ហេង សំរិន ប្រធានរដ្ឋសភា នៃព្រះរាជាណាចក្រកម្ពជា បានអញ្ជើញស្វាគមន៍ និងជួបពិភាក្សាការងារជាមួយ លោក អាប់ឌូឡា សាហ៊ីដ (Abdulla SHAHID) ប្រធានមហាសន្និបាតអង្គការសហប្រជាជាតិលើកទី៧៦ និងជារដ្ឋមន្ត្រីការបរទេសនៃសាធារណរដ្ឋម៉ាល់ឌីវ នៅវិមានរដ្ឋសភា។នាឱកាសនោះ លោក អាប់ឌូឡា សាហ៊ីដ បានសម្តែងសេចក្តីសោមនស្សរីករាយដែលបានទទួលការស្វាគមន៍នៃដំណើរទស្សនកិច្ចរបស់ឯកឧត្តម មកកាន់កម្ពុជា ក្នុងតួនាទីជាប្រធានមហាសន្និបាតអង្គការសហប្រជាជាតិលើកទី៧៦ ។ លោក មានប្រសាសន៍ថា បន្ទាប់ពីបានមកដល់កម្ពុជា និងបានជួបថ្នាក់ដឹកនាំសំខាន់ៗ បង្ហាញថា អតីតកាលកម្ពុជា ពោរពេញដោយការលំបាក ទំរាំអាចរំដោះប្រទេស និងមានការអភិវឌ្ឍដល់សព្វថ្ងៃ។ លោកបានកោតសរសើរកម្ពុជាអំពីការអភិវឌ្ឍយ៉ាងឆាប់ ប្រែក្លាយពីប្រទេសអភិវឌ្ឍដែលទទួលរងសង្គ្រាមរាំរ៉ៃ រហូតធ្វើឱ្យប្រទេសពីមានការអភិវឌ្ឍក្នុងកម្រិតតិចតួចទៅជាប្រទេសអភិវឌ្ឍក្នុងកម្រិតមធ្យម។ក្នុងជំនួបនោះ លោក អាប់ឌូឡា សាហ៊ី បានបញ្ជាក់ថា ក្នុងដំណើរទស្សនកិច្ចនៅកម្ពុជា ក្នុងតួនាទីជាប្រធានមហាសន្និបាតអង្គការសហប្រជាជាតិនាពេលនេះ ក្នុងគោលបំណងដើម្បីឯកភាពកិច្ចព្រមព្រៀងនានា ដែលទាមទារឱ្យមានកិច្ចសហការពីរដ្ឋសភាកម្ពុជាតាមរយៈអន្តរសភា ពិភពលោក (IPU)។ លោក បន្តថា ដំណើរទស្សនកិច្ចនេះក៏មានបំណងឆ្ពោះទៅរកគោលដៅសហសវត្សន៍ SDG ដែលចាំបាច់ត្រូវមានកិច្ចសហប្រតិបត្តិការជាមួយរដ្ឋសភា។ ក្រៅពីនេះ លោកប្រធានមហាសន្និបាតអង្គការសហប្រជាជាតិលើកទី៧៦ បានស្ញប់ស្ញែងពីតួនាទីរបស់កម្ពុជា ក្នុងការបញ្ជូនកងរក្សាសន្តិភាពទៅជួយសកម្មភាពដោះមីនតាមរយៈឆ័ត្រអង្គការសហប្រជាជាតិ ដែលនេះបង្ហាញអំពីគំរូភាពដល់បណ្តាប្រទេសដ៏ទៃផ្សេងទៀត។ ជាការឆ្លើយតប សម្តេចប្រធានរដ្ឋសភា បានថ្លែងអំណរគុណអង្គការសហប្រជាតិ ដែលតែងគាំទ្រកម្ពុជា ចាប់តាំងពីការបង្កើតរដ្ឋាភិបាលក្នុងអាណត្តិទី២ ។ សម្តេច បានបញ្ជាក់ថា រដ្ឋសភាកម្ពុជា បានប្រកាន់ខ្ជាប់គោលការណ៍ពហុភាគីនិយម ដោយផ្អែកលើច្បាប់ដែលមានអង្គការសហប្រជាជាតិជាស្នូល ក្នុងការពង្រឹងសាមគ្គីភាពអន្តរជាតិ៕ អត្ថបទ សេក ឧត្តម

តម្លៃលក់រាយប្រេងឥន្ធនៈ(ថ្ងៃទី២១-៣១ ខែសីហា) ប្រេងសាំងធម្មតា ៤.៧០០រៀល/លីត្រ និងប្រេងម៉ាស៊ូត ៥.១០០រៀល/លីត្រ

ភ្នំពេញ៖ ក្រសួងពាណិជ្ជកម្ម បានប្រកាសពីតម្លៃលក់រាយប្រេងឥន្ធនៈ តាមស្ថានីយនានា ទូទាំងប្រទេសចាប់ពីថ្ងៃទី ២១-៣១ ខែសីហា ឆ្នាំ២០២២ ដោយប្រេងសាំងធម្មតាត្រូវលក់តម្លៃ ៤.៧០០រៀល/លីត្រ(ឡើង ៥០រៀល) និងប្រេងម៉ាស៊ូតត្រូវលក់តម្លៃ ៥.១០០រៀល/លីត្រ(ឡើង ១០០រៀល)៕

សម្តេចតេជោ ហ៊ុន សែន ទទួលជួបពិភាក្សាការងារជាមួយប្រធានមហាសន្និបាត UN លើកទី៧៦

ភ្នំពេញ៖ ក្នុងឱកាសមកបំពេញទស្សនកិច្ចនៅកម្ពុជា ឯកឧត្តម អាប់ឌូឡា សាហ៊ីដ (Abdulla SHAHID) ប្រធានមហាសន្និបាតអង្គការសហប្រជាជាតិ លើកទី៧៦ និងជារដ្ឋមន្ត្រីការបរទេស នៃសាធារណរដ្ឋម៉ាល់ឌីវ ត្រូវបានសម្តេចតេជោ ហ៊ុន សែន នាយករដ្ឋមន្ត្រី អនុញ្ញាតឱ្យចូលជួបសំដែងការគួរ និងពិភាក្សាការងារ នៅវិមានសន្តិភាព នាព្រឹកថ្ងៃទី២២ សីហានេះ។ក្នុងអំឡុងពេលទស្សនកិច្ចនេះ ឯកឧត្តម អាប់ឌូឡា សាហ៊ីដ ក៏នឹងអញ្ជើញជួបសម្ដែងការគួរសម ចំពោះសម្តេចអគ្គមហាពញាចក្រី ហេង សំរិន ប្រធានរដ្ឋសភា ព្រមទាំងថ្នាក់ដឹកនាំដទៃទៀតដូចជា៖ ឯកឧត្តម អ៊ុច បូររិទ្ធ រដ្ឋមន្ត្រីប្រតិភូអមនាយករដ្ឋមន្ត្រី និងជារដ្ឋលេខាធិការប្រចាំការ ក្រសួងការបរទេស និងសហប្រតិបត្តិការអន្តរជាតិជាដើម។ដំណើរទស្សនកិច្ចរបស់ឯកឧត្តម អាប់ឌូឡា សាហ៊ីដ បានសង្កត់ធ្ងន់អំពីតួនាទីប្រកបដោយការស្ថាបនារបស់កម្ពុជានៅក្នុងអង្គការសហប្រជាជាតិ ជាពិសេសក្នុងឋានៈកម្ពុជាជាប្រធានអាស៊ាន ក៏ដូចជាតួនាទីរបស់ អាស៊ាន និងអង្គការសហប្រជាជាតិក្នុងការពង្រឹងពហុភាគីនិយម ដើម្បីឆ្លើយតបទៅនឹងបញ្ហាសកលនានា រួមមាន ការប្រែប្រួលអាកាសធាតុ ការស្ដារឡើងវិញក្រោយជំងឺរាតត្បាត និងការអភិវឌ្ឍប្រកបដោយចីរភាព ។ការធ្វើឱ្យតួនាទីរបស់អង្គការសហប្រជាជាតិកាន់តែរស់រវើក និងការពង្រឹងតួនាទីភាពជាដៃគូរវាងអាស៊ាន អង្គការសហប្រជាជាតិ ក៏ស្ថិតក្នុងចំណោមប្រធានបទសម្រាប់កិច្ចពិភាក្សាផងដែរ ។សូមបញ្ជាក់ថា ឯកឧត្តម អាប់ឌូឡា សាហ៊ីដ បានមកបំពេញទស្សនកិច្ចការងារនៅកម្ពុជា នៅថ្ងៃទី ២១-២២ ខែសីហា ឆ្នាំ២០២២៕

បណ្ដាញសង្គម

ព័ត៌មានថ្មីៗ

អង្គការណាសារកឃើញភ័ស្តុតាងដែលអាចបញ្ជាក់ពីជីវិតបុរាណផុតពូជនៅលើភពព្រះអង្គារ

ជំរំជនភៀសខ្លួននៅម៉ាឡាវីប្រឈមនឹងការកាត់បន្ថយជំនួយ ខណៈមូលនិធិ UNHCR ធ្លាក់ចុះ

បុរសជនជាតិស៊ូដង់ ជួបជុំគ្រួសារវិញ ក្រោយរត់ភៀសខ្លួនពីទីក្រុងហែកហួរដោយភ្លើងសង្រ្គាម al-Fashir

ការអប់រំផ្តល់ជាខ្សែជីវិតថ្មីសម្រាប់ក្មេងៗជនភៀសខ្លួនហ្កាហ្សានៅប្រទេសអារ៉ាប់រួម

បារាំង សន្យាពង្រឹងកិច្ចសហប្រតិបត្តិការ គាំទ្រផែនការអាទិភាពរបស់ក្រសួងសុខាភិបាល

មេដឹកនាំស្លូវ៉ាគី លោក Fico កំណត់លក្ខខណ្ឌ ដើម្បីគាំទ្រការដាក់ទណ្ឌកម្មរុស្ស៊ីបន្ថែមទៀត

នេប៉ាល់ចាប់បានអ្នកទោសជិត ២០០នាក់វិញ ខណៈរាប់ពាន់នាក់ទៀត កំពុងរត់គេចខ្លួន

ក្រុមហ៊ុន VISA Worldwide Pte. Limited គាំទ្រគម្រោងរបស់ក្រសួងទេសចរណ៍លើការអភិវឌ្ឍន៍ប្រព័ន្ធទេសចរណ៍វៃឆ្លាត

ភាគហ៊ុនអាស៊ីជួបប្រទះលំហូរចេញនៃទុនបរទេសប្រចាំខែជាលើកទី១ រយៈពេល ៤ខែ ក្នុងខែសីហា

នគរបាលជាតិកម្ពុជា និងនគរបាលភូមិន្ទថៃ ជួបពិភាក្សាលើការពង្រឹងកិច្ចសហការទប់ស្កាត់ និងបង្ក្រាបបទល្មើសឆ្លងដែន ជាពិសេសបទល្មើសឆបោកតាមប្រព័ន្ធបច្ចេកវិទ្យា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

មន្ត្រីរាជការស៊ីវិល កងកម្លាំងប្រដាប់អាវុធគ្រប់ នឹងទទួលបានការដំឡើងប្រាក់បៀរវត្សរ៍ឆ្នាំ២០២៣

សម្តេចតេជោ ហ៊ុន សែន៖ ការសិក្សាភាសាវៀតណាមមិនស្លាប់ទេមានតែចំណេញដល់ប្រជាជនកម្ពុជា

សម្តេចតេជោ ហ៊ុន សែន អញ្ជើញប្រគល់សញ្ញាបត្រ ជូននិស្សិតសាកលវិទ្យាល័យអាស៊ី-អឺរ៉ុប ជាង៣០០០នាក់

ឧក្រិដ្ឋជនជួញដូរមនុស្ស ៦០នាក់ត្រូវចាប់ខ្លួន ខណៈជនរងគ្រោះជាង ៦០០នាក់បានជួយសង្រ្គោះ

លោកជំទាវ ម៉ែន សំអន ជំរុញលើកទឹកចិត្តដល់កុមារកំព្រាត្រូវខិតខំរៀនសូត្រក្លាយជាយុវជនបន្តវេន

ប្រធានមហាសន្និបាតអង្គការសហប្រជាជាតិ កោតសរសើរកម្ពុជាចំពោះការអភិវឌ្ឍយ៉ាងឆាប់រហ័ស

តម្លៃលក់រាយប្រេងឥន្ធនៈ(ថ្ងៃទី២១-៣១ ខែសីហា) ប្រេងសាំងធម្មតា ៤.៧០០រៀល/លីត្រ និងប្រេងម៉ាស៊ូត ៥.១០០រៀល/លីត្រ

សម្តេចតេជោ ហ៊ុន សែន ទទួលជួបពិភាក្សាការងារជាមួយប្រធានមហាសន្និបាត UN លើកទី៧៦

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

មន្ត្រីរាជការស៊ីវិល កងកម្លាំងប្រដាប់អាវុធគ្រប់ នឹងទទួលបានការដំឡើងប្រាក់បៀរវត្សរ៍ឆ្នាំ២០២៣

សម្តេចតេជោ ហ៊ុន សែន៖ ​ការ​សិក្សា​ភាសា​វៀតណាម​មិន​ស្លាប់​ទេ​មាន​តែ​ចំណេញ​ដល់​ប្រជាជន​កម្ពុជា

សម្តេចតេជោ ហ៊ុន សែន អញ្ជើញប្រគល់សញ្ញាបត្រ ជូននិស្សិតសាកលវិទ្យាល័យអាស៊ី-អឺរ៉ុប ជាង៣០០០នាក់

ឧក្រិដ្ឋជនជួញដូរមនុស្ស ៦០នាក់ត្រូវចាប់ខ្លួន ​ខណៈជនរងគ្រោះជាង ៦០០នាក់​បាន​ជួយ​សង្រ្គោះ

លោកជំទាវ​ ម៉ែន សំអន ជំរុញលើកទឹកចិត្តដល់កុមារកំព្រាត្រូវខិតខំរៀនសូត្រក្លាយជាយុវជនបន្តវេន

ប្រធានមហាសន្និបាតអង្គការសហប្រជាជាតិ កោតសរសើរកម្ពុជា​ចំពោះការអភិវឌ្ឍ​យ៉ាង​ឆាប់រហ័ស

តម្លៃលក់រាយប្រេងឥន្ធនៈ(ថ្ងៃទី២១-៣១ ខែសីហា) ប្រេងសាំងធម្មតា ៤.៧០០រៀល/លីត្រ និងប្រេងម៉ាស៊ូត ៥.១០០រៀល/លីត្រ

សម្តេចតេជោ ហ៊ុន សែន ទទួលជួបពិភាក្សាការងារជាមួយប្រធានមហាសន្និបាត UN លើកទី៧៦

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

សម្តេចតេជោ ហ៊ុន សែន៖ ការសិក្សាភាសាវៀតណាមមិនស្លាប់ទេមានតែចំណេញដល់ប្រជាជនកម្ពុជា

ឧក្រិដ្ឋជនជួញដូរមនុស្ស ៦០នាក់ត្រូវចាប់ខ្លួន ខណៈជនរងគ្រោះជាង ៦០០នាក់បានជួយសង្រ្គោះ

លោកជំទាវ ម៉ែន សំអន ជំរុញលើកទឹកចិត្តដល់កុមារកំព្រាត្រូវខិតខំរៀនសូត្រក្លាយជាយុវជនបន្តវេន

ប្រធានមហាសន្និបាតអង្គការសហប្រជាជាតិ កោតសរសើរកម្ពុជាចំពោះការអភិវឌ្ឍយ៉ាងឆាប់រហ័ស