នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
គម្រោងស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) និងផ្លូវតភ្ជាប់ សម្រេចបាន ៤៥% ហើយ ដែលលឿនជាងផែនការ ៤,១១%
សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាល​ដែលកំពុង​ធ្វើកិច្ច​ការងារ​យ៉ាង​សកម្ម​ស្វែង​រក​ដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស
សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥
សម្ដេចធិបតី៖ រាជរដ្ឋាភិបាលប្តេជ្ញាចិត្តយ៉ាងមុតមាំលើកកម្ពស់ការងារអក្ខរកម្ម និងបំពាក់បំប៉ន ជំនាញ និងឱកាសសិក្សាពេញមួយជីវិត ជាពិសេសជំនាញឌីជីថល

នយោបាយ​ និង ការអភិវឌ្ឍន៍

ជិត១ខែរាជរដ្ឋាភិបាលទទួលបានថវិកាជាង ២០លានដុល្លារ សម្រាប់ការងារបោសសម្អាតមីន

2022/07/26 12:03:47 pm        522
Facebook Telegram Linkin
ភ្នំពេញ៖ ក្នុងរយៈពេលជិត១ខែ រាជរដ្ឋាភិបាលកម្ពុជា ទទួលព្រះរាជអំណោយពីព្រះមហាក្សត្រ សម្ដេចម៉ែ និង សប្បុរសជន ទាំងក្នុង និងក្រៅប្រទេស ប្រមាណជាង ២០លានដុល្លារ សម្រាប់​ប្រើប្រាស់​លើការងារបោស ​សម្អាតមីន ​នៅទូទាំងប្រទេស ។ក្នុងពិធីប្រគល់ និងទទួលព្រះរាជអំណោយព្រះករុណាជាអម្ចាស់ជីវិតលើត្បូង ចំនួន៥០ម៉ឺនដុល្លារ និងសម្ដេចព្រះមហាក្សត្រី ព្រះវររាជមាតាជាតិខ្មែរ ចំនួន ១លានដុល្លារ ជាព្រះរាជូបត្ថម្ភ​ដ៏ថ្លៃថ្លា​ជូនរាជ រដ្ឋាភិបាលក្នុងការដោះស្រាយបញ្ហាគ្រាប់មីន នៅព្រឹកថ្ងៃទី២៦ ខែកក្កដា នេះ នៅ​មជ្ឈមណ្ឌលសកម្មភាព កម្ចាត់មីនកម្ពុជា ឯកឧត្តមទេសរដ្ឋមន្ត្រី លី ធុជ អនុប្រធានទី១ អាជ្ញាធរមីន បានឱ្យដឹងថា បន្ទាប់ពីមាន ការអំពាវនាវរបស់សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា សកម្មភាពការចូលរួមបោសសម្អាតមីន បានទទួលការគាំទ្រពីប្រជាពលរដ្ឋ និងចូលរួមថវិកា​ជា​បន្តបន្ទាប់។ឯកឧត្តម បានបញ្ជាក់ថា សម្រាប់ថវិកាដែលទទួលបាននេះ អាជ្ញាធរមីន នឹងខិតខំប្រើប្រាស់ឲ្យចំ គោលដៅ លើការងារដោះស្រាយបញ្ហាមីន ខណៈកម្ពុជា នៅមានផ្ទៃដីចម្ការមីនជាង ៧០០គីឡូ​ម៉ែត្រក្រឡា​ ហើយប្រឹងប្រែងធ្វើយ៉ាងណាឲ្យសម្រេចគោលដៅកម្ពុជាគ្មានមីន នៅឆ្នាំ២០២៥។ឯកឧត្តម លី ធុជ បានបញ្ជាក់ថា កម្ពុជាគ្រោងនឹងបន្តប្រកាសខេត្តមួយចំនួនថាគ្មានមីន ក្នុងនោះ មាន​ខេត្តព្រះសីហនុ កំពត កណ្ដាល​ រាជធានីភ្នំពេញ ​តាកែវ ​និងខេត្តត្បូងឃ្មុំ ដោយ​កាល​ពីដើមឆ្នាំនេះ​ ក៏បានប្រកាសរួចរាល់ផងដែរ​ នូវខេត្តកែប ​ជាខេត្តគ្មានមីនដំបូងគេ ។គួរបញ្ជាក់ថា ក្នុងឱកាសអញ្ជើញជាអធិបតី ក្នុងទិវា​មច្ឆជាតិ​ កាលពីថ្ងៃទី១ ​ខែកក្កដានេះ ប្រមុខ រាជ​រដ្ឋាភិបាល​កម្ពុជា ​សម្ដេចតេជោ ហ៊ុន សែន បានអំពាវនាវដល់ប្រជាពលរដ្ឋឱ្យចូលរួមក្នុងការងារ​បោស សំអាតមីន ដើម្បីធ្វើឲ្យដីមានសុវត្ថិភាពនៅទូទាំងប្រទេស ៕ អត្ថបទ៖ បាន សុខរិទ្ធិ

សម្តេចតេជោ អនុញ្ញាតឱ្យនាយកប្រតិបត្តិក្រុមហ៊ុន Minebea Mitsumi ចូលជួបសម្តែងការគួរសម

2022/07/26 11:53:05 am        347
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានអនុញ្ញាតឱ្យលោក យូស៊ីហីសា កៃនុម៉ា នាយក ប្រតិបត្តិក្រុមហ៊ុន Minebea Mitsumi ចូលជួបសំដែងការគួរសម នៅព្រឹកថ្ងៃទី២៦ ខែកក្កដា នេះ។លោក យូស៊ីហីសា កៃនុម៉ា បានគោរពរាយការណ៍ជូនសម្តេចតេជោពីវឌ្ឍនភាព នៃដំណើរការរោង ចក្រជាប្រក្រតីនៅប្រទេសកម្ពុជា ទោះបីមានស្ថានភាពកូវីដ-១៩ក៏ដោយ ហើយលោកក៏បានគោរព អញ្ជើញសម្ដេចដើម្បីជាអធិបតីក្នុងពិធីខួប១០ឆ្នាំ ​នៃដំណើរការរោងចក្រមីនៀបៀ នៅកម្ពុជាផងដែរ។ នេះបើឯកឧត្តម អ៊ាង សុផល្លែត ជំនួយការផ្ទាល់សម្តេចតេជោ។សម្ដេចតេជោ ហ៊ុន សែន បានសម្តែងនូវការសាទរជូនចំពោះក្រុមហ៊ុន ​ដែលរយៈពេល១០ឆ្នាំ កន្លងមក ទទួលបានជោគជ័យ ​ដោយបានពង្រីកសកម្មភាពរបស់ខ្លួនជាបន្តបន្ទាប់។ សម្ដេចតេជោ បាន ថ្លែងអំណរគុណផងដែរដល់លោក កៃនុម៉ា ដែលបានចូលរួមចំណែក​ក្នុងការ​ទប់ស្កាត់កូវីដ-១៩ ហើយ សម្ដេច​ ក៏បានទទួលយកនូវការអញ្ជើញជាអធិបតីក្នុងខួប១០ឆ្នាំ របស់ក្រុមហ៊ុនមីនេបៀនៅកម្ពុជា។សម្ដេចបានរំឭកអំពីប្រវត្តិរបស់ក្រុមហ៊ុនមីនីបៀ ជាពិសេសនៅពេល ដែលក្រុមហ៊ុនសម្រេចចិត្ត មកវិនិយោគនៅកម្ពុជា ដែលពេលនោះ សម្ដេច​មាន​យុទ្ធសាស្ត្រ​ត្រី​ណា​មក​ដល់មុន គឺចាប់​យកត្រី​នោះមុន ​ហើយត្រូវធ្វើយ៉ាងណាឲ្យក្រុមហ៊ុនទាំងអស់មកកម្ពុជា មានជំនឿចិត្តមកលើកម្ពុជា៕អត្ថបទ៖ មុត សុទ្ធ

សម្តេចអគ្គមហាពញាចក្រី ហេង សំរិន អនុញ្ញាតឱ្យ សមាជិកគណៈកម្មាធិការកណ្តាលមជ្ឈឹមបក្សកុម្មុយនីស្ត វៀតណាម និងជាប្រធានសហព័ន្ធនារីវៀតណាម ចូលជួបសម្តែងការគួរសម

2022/07/26 09:52:13 am        331
Facebook Telegram Linkin
ភ្នំពេញ៖ សម្តេចអគ្គមហាពញាចក្រី ហេង សំរិន ប្រធានរដ្ឋសភា នៃព្រះរាជាណាចក្រកម្ពុជា បានអនុញ្ញាតឱ្យ លោកជំទាវ ហា ធីង៉ា សមាជិកគណៈកម្មាធិការកណ្តាលមជ្ឈឹមបក្សកុម្មុយនីស្ត វៀតណាម និងជាប្រធានសហព័ន្ធនារីវៀតណាម ចូលជួបសម្តែងការគួរសមនៅពេលដែលលោកជំទាវ ដឹកនាំគណៈប្រតិភូមកបំពេញទស្សនកិច្ចនៅព្រះរាជាណាចក្រកម្ពុជា។លោកជំទាវ ហា ធីង៉ា បានថ្លែងអំណរគុណយ៉ាងជ្រាលជ្រៅជូនចំពោះ សម្តេចប្រធានរដ្ឋសភា ដែលបានចំណាយពេលវេលាដ៏មមាញឹក និងមានតម្លៃរបស់សម្តេច អនុញ្ញាតឱ្យគណៈប្រតិភូបានចូលជួបសម្តែងការគួរសមនាឱកាសនេះ។ លោកជំទាវ បានជម្រាបសម្តេចប្រធានរដ្ឋសភា ពីលទ្ធផលការងារដែលសហព័ន្ធនារីវៀតណាម បានសម្រេចបាននាពេលកន្លងមក នៅក្នុងនោះមានកិច្ចសហប្រតិបត្តិការដ៏ល្អ រវាងសមាគមនារីកម្ពុជាដើម្បីសន្តិភាពនិងការអភិវឌ្ឍ ដែលទើបបញ្ចប់កិច្ចសហប្រតិបត្តិការជាមួយគ្នាពីឆ្នាំ២០១៧ ដល់ឆ្នាំ២០២២ និងត្រៀមចុះកិច្ចសហប្រតិបត្តិការ ៥ឆ្នាំបន្តទៀត។លោកជំទាវ ប្រធានគណៈប្រតិភូ បានជម្រាបជូន សម្តេចប្រធានរដ្ឋសភាថា នៅក្នុងរដ្ឋសភាប្រទេសវៀតណាម ដែលមានសមាជិកចំនួន ៤៩៩នាក់ មានសមាជិកជានារីចំនួន១៥១នាក់ ដែលស្មើប្រមាណជាង៣០%។ លោកជំទាវ ហា ធីង៉ា បានគោរពស្នើសូម សម្តេចអគ្គមហាពញាចក្រី ហេង សំរិន បង្កលក្ខណៈងាយស្រួលដល់កិច្ចសហប្រតិបត្តិការរវាងសមាជិករដ្ឋសភាកម្ពុជាជាស្រ្តី និងសហព័ន្ធនារីវៀតណាម នៅក្នុងការផ្លាស់ប្តូរបទពិសោធន៍ជាមួយគ្នានាពេលអនាគត។ក្នុងនាមរដ្ឋសភា សម្តេចអគ្គមហាពញាចក្រី ហេង សំរិន មានសេចក្តីសោមនស្សរីករាយ សូមស្វាគមន៍ លោកជំទាវ ហា ធីង៉ា និងគណៈប្រតិភូ ដែលបានអញ្ជើញមកបំពេញទស្សនកិច្ច នៅកម្ពុជា។ ដំណើរទស្សនកិច្ចនេះ ពិតជារួមចំណែកដល់ការពង្រឹងទំនាក់ទំនង មិត្តភាព សាមគ្គីភាពជាប្រពៃណី និងកិច្ចសហប្រតិបត្តិការ លើគ្រប់វិស័យរវាងបក្ស រដ្ឋ និងប្រជាជនប្រទេសទាំងពីរ។ សម្តេច បានអបអរសាទរលោកជំទាវ ដែលបានជាប់ឆ្នោតសារជាថ្មី ជាប្រធានសហព័ន្ធនារីវៀតណាម សម្រាប់អាណត្តិទី១៣ ឆ្នាំ២០២២-២០២៧ ផងដែរ។សម្តេចប្រធានរដ្ឋសភាបានមានប្រសាសន៍លើកឡើងថា វត្តមានស្រ្តីនៅក្នុងវិស័យនយោបាយ និងកិច្ចការសង្គមទូទៅ ទាំងនៅវៀតណាម និងកម្ពុជា មិនត្រឹមតែជួយលើកកម្ពស់សិទ្ធិនារី និងការជំរុញលើកកម្ពស់សមភាពយ៉េនឌ័រ ដែលជារបៀបវារៈនយោបាយដ៏សំខាន់របស់សកលលោកបច្ចុប្បន្នប៉ុណ្ណោះទេ ប៉ុន្តែការរួមចំណែកយ៉ាងសំខាន់ ក្នុងការអភិវឌ្ឍប្រទេសជាតិរបស់ខ្លួន និងសកលលោកផងដែរ។  វត្តមានស្រ្តី នៅក្នុងវិស័យកិច្ចការសង្គមនយោបាយ ជាកម្លំាងស្នូល និងជាឆ្អឹងខ្នងដ៏សំខាន់មិនអាចខ្វះបាន ក្នុងរួមចំណែកថែរក្សាសន្តិភាពសណ្តាប់ធ្នាប់សង្គម ជាពិសេស ជួយជំរុញកំណើនសេដ្ឋកិច្ចសង្គម។  សម្តេចអគ្គមហាពញាចក្រី ហេង សំរិន បានសង្កត់ធ្ងន់ថា នៅកម្ពុជា វត្តមានស្ត្រី ទាំងក្នុងក្របខណ្ឌបក្ស រដ្ឋ និងវិស័យឯកជន ត្រូវបានលើកកម្ពស់ជាមួយនិងបរិមាណ កំណើនគួរឱ្យកត់សំគាល់ នៅស្ទើរគ្រប់វិស័យសាធារណទាំង នៅថ្នាក់ជាតិ និងថ្នាក់ក្រោមជាតិ។ ឆ្លៀតឱកាសនោះ សម្តេចបានគាំទ្រ និងលើកទឹកចិត្តក្នុងការជំរុញការអនុវត្តកិច្ចព្រមព្រៀង រវាងសមាគមនារីកម្ពុជា ដើម្បីសន្តិភាព និងការអភិវឌ្ឍ និងសហព័ន្ធនារីវៀតណាម ឱ្យបានកាន់តែល្អថែមទៀត៕

ប្រធានអាស៊ានតក់ស្លុត និងសោកស្តាយយ៉ាងខ្លាំង បន្ទាប់ពីមានការប្រហារជីវិតសកម្មជនបក្សប្រឆាំងចំនួន ៤នាក់ នៅមីយ៉ាន់ម៉ា

2022/07/26 08:30:09 am        550
Facebook Telegram Linkin
ភ្នំពេញ៖ ប្រធានអាស៊ាន មានក្តីតក់ស្លុត និងសោកស្តាយយ៉ាងខ្លាំង បន្ទាប់ពីមានការប្រហារជីវិតសកម្មជនបក្សប្រឆាំងចំនួន ៤នាក់ បើទោះបីមានការស្នើឲ្យមានការពិចារណាឡើងវិញក៏ដោយ។ប្រធានអាស៊ាន នៅតែប្រកាសបន្តរិះរកវិធីសាស្ត្រឲ្យមីយ៉ាន់ម៉ាត្រលប់ទៅរកប្រក្រតីភាព និងដំណើរការកែប្រែទៅរកលទ្ធិប្រជាធិបតេយ្យ ហើយស្វែងរកដំណោះស្រាយនយោបាយដោយសន្តិវិធី។

រដ្ឋសភាបញ្ចូលសេចក្តីព្រាងច្បាប់ស្តីពីវិសោធនកម្មមាត្រាមួយចំនួននៃរដ្ឋធម្មនុញ្ញក្នុងសម័យប្រជុំពេញអង្គនៅថ្ងៃព្រហស្បតិ៍សប្តាហ៍នេះ

2022/07/25 11:06:57 am        555
Facebook Telegram Linkin
ភ្នំពេញ៖ សម្តេចអគ្គមហាពញាចក្រី ហេង សំរិន ប្រធានរដ្ឋសភា បានដឹកនាំកិច្ចប្រជុំគណៈកម្មាធិការអចិន្រ្តៃយ៍រដ្ឋសភា នាព្រឹកថ្ងៃទី២៥ ខែកក្កដា ឆ្នាំ២០២២នេះ នៅវិមានរដ្ឋសភា។ ក្នុងនោះ កិច្ចប្រជុំបានអនុម័តកំណត់កាលបរិច្ឆេទបន្តសម័យប្រជុំរដ្ឋសភាលើកទី៧ នីតិកាលទី៦ និងរបៀបវារៈនៃកិច្ចប្រជុំពេញអង្គ។ កិច្ចប្រជុំគណៈកម្មាធិការអចិន្រ្តៃយ៍ បានអនុម័តកំណត់កាលបរិច្ឆេទបន្តសម័យប្រជុំរដ្ឋសភា លើកទី៧ នីតិកាលទី៦ នៅព្រឹកថ្ងៃព្រហស្បតិ៍ ទី២៨ ខែកក្កដា ឆ្នាំ២០២២ ដោយមានរបៀបវារៈចំនួន៥ នៅក្នុងនោះ សម័យប្រជុំរដ្ឋសភានឹងធ្វើការពិភាក្សា និងអនុម័តសេចក្តីព្រាងច្បាប់ធម្មនុញ្ញ ស្តីពីវិសោធនកម្មមាត្រា១៩ ថ្មី (មួយ) មាត្រា៨៩ មាត្រា៩៨ ថ្មី មាត្រា១០២ ថ្មី មាត្រា១១៩ ថ្មី (មួយ) និងមាត្រា១២៥ ថ្មី នៃរដ្ឋធម្មនុញ្ញនៃព្រះរាជាណាចក្រកម្ពុជា និងមាត្រា៣ ថ្មី និងមាត្រា៤ ថ្មី នៃច្បាប់ធម្មនុញ្ញបន្ថែមសំដៅធានានូវដំណើរការជាប្រក្រតីនៃស្ថាប័នជាតិ។ក្រៅពីសេចក្តីព្រាងច្បាប់ខាងលើនេះ សម័យប្រជុំរដ្ឋសភានឹងធ្វើការពិភាក្សា និងអនុម័តសេចក្តីព្រាងច្បាប់ ស្តីពីការគ្រប់គ្រងចំណូលមិនមែនសារពើពន្ធ។ ការពិភាក្សា និងអនុម័តសេចក្តីព្រាងច្បាប់ស្តីពី ការអនុម័តយល់ព្រមលើ៖ កិច្ចព្រមព្រៀងរវាងរាជរដ្ឋាភិបាលនៃព្រះរាជាណាចក្រកម្ពុជា និងរដ្ឋាភិបាលនៃតំបន់សេដ្ឋកិច្ចពិសេសម៉ាកាវ នៃសាធារណរដ្ឋប្រជាមានិតចិន ស្តីពីការលុបបំបាត់ការយកពន្ធត្រួតគ្នាពាក់ព័ន្ធនឹងពន្ធលើប្រាក់ចំណូល និងការបង្ការការគេចវេះពន្ធ និងការចៀសវាងពន្ធ និង កិច្ចព្រមព្រៀងរវាងរាជរដ្ឋាភិបាលនៃព្រះរាជាណាចក្រកម្ពុជា និងរដ្ឋាភិបាល នៃសាធារណរដ្ឋតួកគី ស្តីពីការចៀសវាងការយកពន្ធត្រួតគ្នា និងការបង្ការការកិបកេងបន្លំពន្ធពាក់ព័ន្ធនឹងពន្ធលើប្រាក់ចំណូល។ចំណែករបៀបវារៈមួយទៀត គឺការពិភាក្សា និងអនុម័តសេចក្តីព្រាងច្បាប់ ស្តីពីការអនុម័តយល់ព្រមឱ្យព្រះរាជាណាចក្រ កម្ពុជាចូលជាភាគី នៃអនុសញ្ញាស្តីពីជំនួយក្នុងករណីមានគ្រោះមហន្តរាយនុយក្លេអ៊ែរ ឬគ្រោះអាសន្នវិទ្យុសកម្ម។ នៅក្នុងសម័យប្រជុំពេញអង្គរដ្ឋសភានាព្រឹកថ្ងៃទី២៨ កក្កដា ខាងមុខនេះ នឹងប្រកាសការសម្រេចអំពីសុពលភាពនៃអាណត្តិរបស់ ឯកឧត្តម ចាប ម៉ុច ជាតំណាងរាស្រ្តមណ្ឌលខេត្តកណ្តាល ជំនួស ឯកឧត្តមសន្តិបណ្ឌិត ឌុល គឿន ដែលបានទទួលមរណភាព ផងដែរ៕

បញ្ជាការដ្ឋានកងទ័ពជើងអាកាស ពង្រឹងស្មារតីចិត្តសាស្ត្រដល់មន្ត្រី ឆ្លើយតបព័ត៌មានផ្សេងៗលើបណ្ដាញសង្គម

2022/07/25 11:00:21 am        94
Facebook Telegram Linkin
ភ្នំពេញ៖ ឆ្លើយតបនឹងព័ត៌មានដ៏សម្បូរបែប នៅលើបណ្ដាញសង្គម មានទាំងព័ត៌មានវិជ្ជមាន និងអវិជ្ជមាន បញ្ជាការដ្ឋានកងទ័ពជើងអាកាស បានពង្រឹងចិត្តសាស្ត្រដល់មន្ត្រីឲ្យមានភាពម្ចាស់ការ ស្មោះត្រង់នឹងការងារតួនាទីរបស់ខ្លួន ។ ក្នុងពិធីវគ្គបំប៉នគ្រូបង្គោលអប់រំចិត្តសាស្ត្រ និងខ្សែរយៈជំនាញការិយាល័យទី៥ ប្រចាំឆ្នាំ២០២២ រយៈពេល៥ថ្ងៃ (ចាប់ពីថ្ងៃទី២៥ ដល់ទី២៩ ខែកក្កដា) នៅថ្ងៃទី២៥ ខែកក្កដា ឆ្នាំ២០២២ នាយឧត្តមសេនីយ៍ សឹង សំណាង អគ្គបញ្ជាការរងកងយោធពលខេមរភូមិន្ទ និងជាមេបញ្ជាការដ្ឋានកងទ័ពជើងអាកាស មានប្រសាសន៍ថា ប្រព័ន្ធព័ត៌មានវិទ្យាបច្ចុប្បន្ន ទំនើបខ្លាំងណាស់ ដែលពីមុននៅកម្ពុជាព័ត៌មានវិទ្យា មានកម្រិតទាបណាស់ មានត្រឹមវិទ្យុស្ដាប់ ឬទូរទស្សន៍មើល ហើយអ្នកខ្លះការទទួលព័ត៌មានផ្សេងៗ មិនបានជាក់លាក់ ឬច្បាស់លាស់ ។ឯកឧត្តមបន្តថា ឥឡូវបណ្ដាញព័ត៌មានវិទ្យានៅជាប់មនុស្សម្នាក់ៗ ពលរដ្ឋមានទូរស័ព្ទនៅក្នុងដៃ អាចមើលព័ត៌មានបានគ្រប់ពេល ដែលព័ត៌មានទាំងអស់នោះមកពីគ្រប់ទិសទី មានទាំងល្អ អាក្រក់ និងព័ត៌មានបំភ្លៃជាដើម ដែលព័ត៌មានខ្លះធ្វើឲ្យកងកម្លាំងមានភាពច្របូកច្របល់នៅក្នុងអារម្មណ៍ ដោយបញ្ហានេះហើយ ទើបមានវគ្គបំប៉ននេះ ។នាយឧត្តមសេនីយ៍ សឹង សំណាង បន្ថែមថា ការចូលរួមវគ្គបំប៉ននេះបានបង្ហាញឲ្យឃើញអំពីស្មារតីយកចិត្តទុកដាក់ក្នុងភារកិច្ច និងសារៈសំខាន់នៃការងារអប់រំចិត្តសាស្រ្ត ដែលជាកត្តាមិនអាចខ្វះបាន សម្រាប់កងកម្លាំងប្រដាប់អាវុធ និងនិយាយដោយឡែកចំពោះកងយោធពលខេមរភូមិន្ទ ព្រោះជាកម្លាំងចលករមួយដ៏មានឥទ្ធិពល ជាអាវុធដ៏មុតស្រួចផ្តល់នូវកម្លាំងចិត្ត កម្លាំងកាយ ដល់យោធិនគ្រប់រូបឱ្យរឹតតែមានភាពខ្លាំងក្លា រឹងមាំ ជាពិសេសជំរុញនូវគោលជំហរ ស្មារតី សតិអារម្មណ៍របស់យោធិនម្នាក់ៗ ឱ្យមានឆន្ទៈមនសិការស្នេហាជាតិមុតមាំ ឈានទៅអនុវត្តសម្រេចជោគជ័យនូវ ភារកិច្ចធំៗ ។មេបញ្ជាការកងទ័ពជើងអាកាស សង្កត់ធ្ងន់ថា ផ្អែកលើការងារនយោបាយចិត្តសាស្ត្រអប់រំផ្លូវចិត្តវិញ ត្រូវខិតខំឆ្លុះបញ្ចាំង សិក្សាឲ្យបានស៊ីជម្រៅថែមទៀតពីសច្ចៈភាព និងភាពមិនអាចខ្វះបាននៃការងារនេះ ហើយត្រូវត្រងត្រាប់ស្តាប់រាល់ការពន្យល់ បកស្រាយរបស់គ្រូដោយត្រូវមានការកត់ត្រា និងសាកសួរគ្រូរាល់ចំណុចសំខាន់ៗនៃមេរៀនឯកសារ ទុកជាទុនយកទៅផ្សព្វផ្សាយបន្ត ៕(ដោយ៖ បាន សុខរិទ្ធិ)

កម្ពុជា ធ្វេីជាម្ចាស់ផ្ទះរៀបចំកិច្ចសន្ទនាយុវជនអាស៊ានលេីកដំបូងក្នុងខេត្តសៀមរាប

2022/07/25 10:55:22 am        329
Facebook Telegram Linkin
សៀមរាប៖ ឯកឧត្តមបណ្ឌិតសភាចារ្យ ហង់ ជួនណារ៉ុន រដ្ឋមន្រ្តីក្រសួងអប់រំ យុវជន និងកីឡា នៅថ្ងៃទី២៥ ខែកក្កដា ឆ្នាំ២០២២ បានអញ្ជេីញក្នុងពិធីបេីកកិច្ចសន្ទនាយុវជនអាស៊ាន លេីកទី១ ក្រោមប្រធានបទ យុវជនក្នុងយុគសម័យបដិវត្តន៍ឧស្សាហ៍កម្ម ៤.០ ដែលកម្ពុជាធ្វេីជាម្ចាស់លេីកដំបូង ខណ:កិច្ចសន្ទនាអាស៊ាននេះមានការអញ្ជេីញចូលរួមពីបណ្តារដ្ឋមន្រ្តីយុវជនអាស៊ាន និងប្រតិភូយុវជនប្រមាណជាង២០០នាក់។ កិច្ចសន្ទនាយុវជនអាស៊ាន ដែលរៀបចំលេីកដំបូងនៅកម្ពុជានាពេលនេះ មានគោលបំណងក្នុងការបង្កេីតវេទិកាសម្រាប់យុវជនអាស៊ាន និងយុវជនមកពីសាធារណរដ្ឋកូរ៉េ ក្នុងការចូលរួមកិច្ចពិភាក្សាគោលនយោបាយដ៏មានអត្ថន័យ ជាមួយនឹងរដ្ឋមន្រ្តីយុវជនអាស៊ាន-សាធារណរដ្ឋកូរ៉េ និងដៃគូសន្ទនាជាន់ខ្ពស់សំខាន់ៗជាច្រេីនរូប៕

ព្រះករុណា ព្រះមហាក្សត្រ និងសម្តេចម៉ែ ប្រោសព្រះរាជទានព្រះរាជទ្រព្យចូលរួមជាមួយរាជរដ្ឋាភិបាលសម្រាប់ដោះស្រាយបញ្ហាគ្រាប់មីននៅទូទាំងប្រទេស

2022/07/25 10:50:50 am        313
Facebook Telegram Linkin
ភ្នំពេញ៖ ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា សម្ដេច ព្រះមហាក្សត្រី នរោត្តម មុនិនាថសីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ប្រោសព្រះរាជទានព្រះរាជទ្រព្យចូលរួមជាមួយរាជរដ្ឋាភិបាលសម្រាប់ដោះស្រាយបញ្ហាគ្រាប់មីននៅទូទាំងប្រទេស។យោងតាមព្រះរាជសារចុះថ្ងៃទី២៥ ខែកក្កដា ឆ្នាំ២០២២នេះ ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ប្រោសព្រះរាជទាន ព្រះរាជទ្រព្យ ៥០ម៉ឺនដុល្លារអាមេរិក និងសម្ដេច ព្រះមហាក្សត្រី នរោត្តម មុនិនាថសីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គលព្រះរាជទាន ព្រះរាជទ្រព្យ ១លានដុល្លារសហរដ្ឋអាមេរិក ចូលរួមជាមួយរាជរដ្ឋាភិបាល សម្រាប់ដោះស្រាយបញ្ហាគ្រាប់មីននៅទូទាំងប្រទេស៕

សមត្ថកិច្ចកម្ពុជារកឃើញបុរសជនជាតិនីហ្សេរីយ៉ាកើតជំងឺអុតស្វាហើយ

2022/07/23 06:57:52 pm        1612
Facebook Telegram Linkin
ភ្នំពេញ៖ ជនជាតិនីហ្សេរីយ៉ាដែលត្រូវបានរកឃើញថាមានជំងឺអុតស្វាដោយអាជ្ញាធរប្រទេសថៃ និងទទួលបានព័ត៌មានថាជនជាតិនីហ្សេរីយ៉ារូបនេះបានរត់គេចខ្លួនពីប្រទេសថៃចូលមកកាន់ប្រទេសកម្ពុជានៅព្រលប់ថ្ងៃទី២៣ ខែកក្កដា ឆ្នាំ២០២២នេះ សមត្ថកិច្ចរាជធានីភ្នំពេញបានរកឃើញនិងឃាត់ខ្លួនជនជាតិនីហ្សេរីយ៉ានេះហើយ។លោក វរសេនីយ៍ទោ មៀច ឈួនសុីម៉ូលីន អធិការរងទទួលផែនព្រហ្មទណ្ឌនៃអធិការនគរបាលខណ្ឌចំការមន បានប្រាប់ BTV ឲ្យដឹងថា សមត្ថកិច្ចបានឃាត់ខ្លួនជនជាតិនីហ្សេរីយ៉ានេះនៅត្រង់ចំណុចផ្ទះសំណាក់ពណ៌មាស ផ្លូវ៤៣០កែងផ្លូវ ៤៨០ ក្បែររង្វង់មូលផ្សារដើមថ្កូវ សង្កាត់ទូលទំពូង២ ខណ្ឌចំការមន រាជធានីភ្នំពេញ។

ព្រឹទ្ធសភាកម្ពុជា បដិសេធទាំងស្រុង ចំពោះខ្លឹមសារដែលមានលក្ខណៈលំអៀងរបស់ព្រឹទ្ធសភាអាមេរិក

2022/07/23 12:31:37 pm        761
Facebook Telegram Linkin
ភ្នំពេញ៖ ព្រឹទ្ធសភាកម្ពុជា បានសម្តែងការខកចិត្តយ៉ាងខ្លាំង ចំពោះខ្លឹមសារដែលមានលក្ខណៈលំអៀង ហើយបានធ្វើការបដិសេធទាំងស្រុង ចំពោះគណៈកម្មការកិច្ចការបរទេសនៃព្រឹទ្ធសភាសហរដ្ឋអាមេរិក បានអនុម័តនាពេលថ្មីៗនេះ ដោយផ្អែកលើហេតុផលភូមិសាស្ត្រនយោបាយជាងគុណតម្លៃសិទ្ធិមនុស្ស។យោងតាមសេចក្តីថ្លែងការណ៍មួយរបស់អ្នកនាំពាក្យព្រឹទ្ធសភាកម្ពុជា ដែលបានចេញកាល​ពីយប់​ថ្ងៃទី២២ ខែកក្កដា ម្សិលមិញនេះ បានលើកឡើងថា ព្រឹទ្ធសភាកម្ពុជាមានការខកចិត្តយ៉ាងខ្លាំង ចំពោះខ្លឹមសារដែលមានលក្ខណៈលំអៀង គ្មានមូលដ្ឋាន និងរើសអើងនៃ«ច្បាប់ប្រជាធិបតេយ្យ និងសិទ្ធិមនុស្សកម្ពុជា ឆ្នាំ២០២២ (Cambodia Democracy and Human Rights Act of 2022 (S.3052)» ដែលគណៈកម្មការកិច្ចការបរទេសនៃព្រឹទ្ធសភាសហរដ្ឋអាមេរិក បានអនុម័តនាពេលថ្មីៗនេះ ដោយផ្អែកលើហេតុផលភូមិសាស្ត្រនយោបាយជាងគុណតម្លៃសិទ្ធិមនុស្ស។សេចក្តីថ្លែងការណ៍ បានលើកឡើងទៀតថា ​ការអះអាងដែលថា គ្មានការ​បោះឆ្នោត​ណាមួយ​នៅកម្ពុជា​មានលក្ខណៈសេរី និងយុត្តិធម៌ ​គឺជាការបដិសេធទាំងស្រុងចំពោះការពិត ខណៈក្រុម​អ្នកសង្កេតការណ៍របស់សហរដ្ឋអាមេរិក ដែលដឹកនាំដោយអតីតសមាជិកសភា លោក Stephen J. Solarz បាន​ពណ៌នា​អំពីការបោះឆ្នោតកាលពីឆ្នាំ ១៩៩៨ ថាជា «អច្ឆរិយ​ហេតុ​លើដងទន្លេមេគង្គ» ។ ការបោះឆ្នោតបន្តបន្ទាប់មកទៀត ក៏ត្រូវបានអ្នកសង្កេតការណ៍ជាតិ និងអន្តរជាតិរាប់ពាន់នាក់​បានវាយតម្លៃថា មានលក្ខណៈសេរី យុត្តិធម៌ ដោយសន្តិវិធី និងមានសណ្តាប់ធ្នាប់ល្អផងដែរ។ ដូចគ្នានេះដែរ អ្នកសង្កេតការណ៍ក្នុងស្រុក និងបរទេសរាប់ពាន់នាក់ បានចាត់ទុកការបោះឆ្នោត​ជ្រើសរើស​ក្រុមប្រឹក្សាឃុំ-សង្កាត់ កាលពីខែមុននេះ​ ដែលមានគណបក្សនយោបាយចំនួន ១៧ បាន​ចូលរួមប្រកួតប្រជែងមានលក្ខណៈសេរី យុត្តិធម៌ មានសណ្តាប់ធ្នាប់ល្អ ដោយសន្តិវិធី មានតម្លាភាព គ្មានការ​គំរាមកំហែង ​និងសមស្របតាមស្តង់ដារអន្តរជាតិ។ លទ្ធផលនៃការបោះឆ្នោតនេះ ដែលមានចំនួនអ្នកចូលរួមជាង៨០% និងជិត ៧៥% នៃសន្លឹកឆ្នោត​បាន​ជ្រើសរើសការគាំទ្រគណបក្សកាន់អំណាច ​ពិតជាសក្ខីភាពបង្ហាញ​ឱ្យឃើញពីការបន្តផ្តល់​ទំនុក​ចិត្ត​និងការគាំទ្រ​ចំពោះ​តម្រូវការ​ក្នុងការថែរក្សា​សន្តិភាព ស្ថិរភាព​នយោបាយដែលទទួល​បានដោយ​លំបាក និងការ​អភិវឌ្ឍប្រកប​ដោយនិរន្តរភាព។ការជ្រើសរើសនិងសំឡេងរបស់ប្រជាពលរដ្ឋដែលត្រូវបានបាន​ឆ្លុះបញ្ចាំង​តាមរយៈលទ្ធផលនៃការ​បោះឆ្នោត ត្រូវតែគោរពតាម។តាមសេចក្តីថ្លែងការណ៍របស់ព្រឹទ្ធសភាកម្ពុជាដដែលនេះ បានលើកឡើងទៀតថា សេចក្តីស្នើ​ច្បាប់នេះ ​បានពឹងផ្អែកលើសលប់លើប្រភពព័ត៌មានមិនច្បាស់លាស់ ជាពិសេសអង្គការឃ្លាំមើល​សិទ្ធិមនុស្ស ដែលទំនុកទុកចិត្តលើអង្គការនេះត្រូវបានបាត់បង់តាំងពីឆ្នាំ២០០៤មក ។អតីតឧបការីរងអគ្គលេខាធិការអង្គការសហប្រជាជាតិ ​និងជ័យលាភីណូបែលសន្តិភាពពីររូប រួមជាមួយ​នឹងអ្នក​ស្រាវជ្រាវជាង ១០០នាក់ បានផ្សព្វផ្សាយលិខិតចំហររិះគន់អង្គការនេះ​ដែល​មានចរិតលំអៀង និងពោរពេញដោយស្តង់ដារពីរ។ព្រឹទ្ធសភាកម្ពុជា បញ្ជាក់បន្ថែមទៀតថា វិធីសាស្ត្រដែលគណៈកម្មាធិការព្រឹទ្ធសភានេះប្រកាន់យក គឺជាការ​ជ្រៀតជ្រែកចូលកិច្ចការផ្ទៃក្នុងរបស់​រដ្ឋអធិបតេយ្យ និងបង្កឱ្យមានការរាំងស្ទះ​ដល់ការ​ថែ​រក្សាសន្តិភាព ​និងស្ថិរភាពនយោបាយ ​និងការលើកកម្ពស់ការអភិវឌ្ឍសេដ្ឋកិច្ចសង្គម ។ លើសពីនេះ វាផ្ទុយទៅ និងស្មារតី និងបំណងប្រាថ្នារួមរបស់ប្រជាជននៃប្រទេសទាំងពីរ ដែលបាន​ខិតខំប្រឹងប្រែងកសាងទំនាក់ទំនងល្អ ​ក៏ដូចជាលើកកម្ពស់មិត្តភាពនិងកិច្ចសហប្រតិបត្តិការ​ឱ្យកាន់​តែល្អប្រសើរ ដោយផ្អែកលើមូលដ្ឋាននៃផលប្រយោជន៍រួម និងការគោរពគ្នាទៅវិញទៅមករវាង​ប្រជាជន និងប្រទេសទាំងពីរ។យ៉ាងណាក៏ដោយអ្នកនាំពាក្យព្រឹទ្ធសភា សូមបញ្ជាក់​សារជាថ្មីនូវការបេ្តជ្ញា​ចិត្តឥតងាករេរបស់​កម្ពុជា​នៅក្នុងការលើកកម្ពស់នីតិរដ្ឋ ​ការគោរពសិទ្ធិមនុស្ស​ ការថែរក្សាសន្តិភាព ​និងស្ថិរភាព ដែលទទួល​បានដោយលំបាករហូតមកដល់ពេលបច្ចុប្បន្ននេះ។ប្រជាជនកម្ពុជាទូទាំងប្រទេសបាន និងកំពុងរីករាយសាទរ​ជាមួយ​នឹង​ផ្លែផ្កានៃសមិទ្ធផលជាច្រើន​ទសវត្សរ៍​សម្រាប់ជីវិតសុខសាន្តរបស់ខ្លួន៕អត្ថបទ៖ បាន ចក់

បណ្ដាញសង្គម

ព័ត៌មានថ្មីៗ

ប៉ូឡូញ៖ ការវាយប្រហារដោយយានដ្រូនរបស់រុស្ស៊ី មិនមែនអចេតនា ក្រោយលោក Trump គិតថា អាចជាកំហុសឆ្គង
09/12/2025 05:09 PM
Facebook Telegram Linkin
លោក Macron ៖ បារាំងនឹងដាក់ពង្រាយយន្តហោះចម្បាំង Rafale ៣គ្រឿង ជួយការពារដែនអាកាសប៉ូឡូញ
09/12/2025 05:09 PM
Facebook Telegram Linkin
លោក Trump៖ ការលុកលុយយានដ្រូនរុស្ស៊ីនៅប៉ូឡូញអាចជាកំហុសមួយ
09/12/2025 05:09 PM
Facebook Telegram Linkin
អ៊ីតាលីប្រាប់អ៊ីស្រាអែលឲ្យគោរពសិទ្ធិជនជាតិអ៊ីតាលី ក្រោយនាវាផ្ដល់ជំនួយតម្រង់ទៅហ្កាហ្សា រងការវាយប្រហារ
09/12/2025 05:09 PM
Facebook Telegram Linkin
រដ្ឋមន្រ្តីក្រសួងពាណិជ្ជកម្ម ផ្ដល់អនុសាសន៍ ៧ចំណុច លើកកម្ពស់វិស័យពាណិជ្ជកម្មឌីជីថលនៅកម្ពុជា
09/12/2025 05:09 PM
Facebook Telegram Linkin
យន្តហោះដឹកកម្មករកូរ៉េខាងត្បូងត្រូវបានឃាត់ខ្លួននៅអាមេរិក បានមកដល់អាកាសយានដ្ឋាន Incheon
09/12/2025 05:09 PM
Facebook Telegram Linkin
វិស័យពាណិជ្ជកម្មតាមប្រព័ន្ធអេឡិចត្រូនិកនៅកម្ពុជា បានបង្ហាញពីភាពធន់ និងភាពប៉ិនប្រសប់របស់ប្រជាជនកម្ពុជា
09/12/2025 04:09 PM
Facebook Telegram Linkin
ប៉ូឡូញបិទព្រំដែនជាមួយបេឡារុស ជុំវិញសមយុទ្ធយោធាឈ្លានពាន Zapad-2025
09/12/2025 04:09 PM
Facebook Telegram Linkin
មនុស្សជាង ២លាននាក់ បានជម្លៀសខ្លួនចេញពីទឹកជំនន់ស្លាប់មនុស្សនៅប៉ាគីស្ថាន
09/12/2025 04:09 PM
Facebook Telegram Linkin
UN ព្រមានថា មជ្ឈមណ្ឌលឆបោកតាមអនឡាញដែលវាយប្រហារអាស៊ីអាគ្នេយ៍នឹងប្តូរទៅកាន់ទីម័រខាងកើត
09/12/2025 04:09 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.