នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
គម្រោងស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) និងផ្លូវតភ្ជាប់ សម្រេចបាន ៤៥% ហើយ ដែលលឿនជាងផែនការ ៤,១១%
សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាល​ដែលកំពុង​ធ្វើកិច្ច​ការងារ​យ៉ាង​សកម្ម​ស្វែង​រក​ដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស
សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥
សម្ដេចធិបតី៖ រាជរដ្ឋាភិបាលប្តេជ្ញាចិត្តយ៉ាងមុតមាំលើកកម្ពស់ការងារអក្ខរកម្ម និងបំពាក់បំប៉ន ជំនាញ និងឱកាសសិក្សាពេញមួយជីវិត ជាពិសេសជំនាញឌីជីថល

នយោបាយ​ និង ការអភិវឌ្ឍន៍

សារសំឡេងពិសេសរបស់សម្ដេចតេជោ ហ៊ុន សែន ផ្ញើជនរួមជាតិអំពាវនាវឲ្យប្រជាពលរដ្ឋបន្តការពារខ្លួនពីការឆ្លងជំងឺកូវីដ១៩ ពិសេសក្នុងអំឡុងពេលទៅចូលរួមបោះឆ្នោត

2022/06/03 02:11:10 pm        703
Facebook Telegram Linkin
សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានក្រើនរំលឹកដល់បងប្អូនជនរួមជាតិទាំងអស់ ពេលទៅបោះឆ្នោតជ្រើសរើសក្រុមប្រឹក្សាឃុំ-សង្កាត់ នាថ្ងៃទី៥ ខែមិថុនា ខាងមុខនេះ គប្បីបន្តអនុវត្តឲ្យបានខ្ជាប់ខ្ជួនជានិច្ច ដោយត្រូវមានអាលកុល និងពាក់ម៉ាក់ ដើម្បីការពារមេរោគកូវីដ១៩ បើទោះបីជានាពេលបច្ចុប្បន្ននេះប្រទេសកម្ពុជាយើងពុំមានករណីឆ្លងថ្មីនូវមេរោគកូវីដនេះក៏ដោយ។

បក្សប្រជាជនកម្ពុជាខេត្តមណ្ឌលគិរីលេចធ្លោជាងគេ ក្នុងការដង្ហែរក្បួនបិទយុទ្ធនាការឃោសនាបោះឆ្នោត

2022/06/03 02:00:07 pm        638
Facebook Telegram Linkin
មណ្ឌលគិរី៖ សម្រាប់គណបក្សប្រជាជនកកម្ពុជាខេត្តមណ្ឌលគិរី នៅថ្ងៃបិទយុទ្ធនាការឃោសនាបោះឆ្នោតនេះ គេសង្កេតឃើញថា មានលក្ខណៈលេចធ្លោជាងគេនៃការហែរក្បួន ដែលមានអ្នកគាំទ្រចូលរួមច្រើនសន្ធឹកសន្ធាប់។ប្រជាពលរដ្ឋនៅក្រុងសែនមនោរម្យ ដែលបានចូលរួមក្នុងការឃោសនារកសំឡេងឆ្នោត នៅថ្ងៃបិទ​បញ្ចប់នេះ ​បាន​សម្ដែងក្ដីសប្បាយ​រីករាយ​ជាអនេក​ ត្បិតពួក​គេបាន​ទន្ទឹង​រងចាំ​ថ្ងៃបោះឆ្នោតយូរ ណាស់​មកហើយ​ នឹងអាចឲ្យពួកគេបានទៅបោះឆ្នោតជូនគណបក្សប្រជាជនកម្ពុជា ដើម្បីបន្ដដឹកនាំ​អភិវឌ្ឍន៍​ប្រទេសជាតិឱ្យកាន់តែរីកចម្រើនទៅមុខទៀត។ប្រជាពលរដ្ឋ ​បានបង្ហាញអារម្មណ៍ស្រឡាញ់គាំទ្រគណបក្សប្រជាជនកម្ពុជាជាខ្លាំងដោយសារការ ដឹកនាំដ៏ត្រឹមត្រូវនៃបក្សនេះ​ នាំមកនូវសុខសន្តិភាព ​និងការអភិវឌ្ឍរីកចម្រើនលើគ្រប់វិស័យ។ឯកឧត្ដម ថង សាវុន ប្រធានគណៈកម្មាធិការគណបក្សប្រជាជនកម្ពុជាខេត្តមណ្ឌលគិរី បានថ្លែង​អំណរគុណ​ចំពោះអ្នកគាំទ្រគណបក្សប្រជាជនកម្ពុជាទាំងអស់​ដែលស្រឡាញ់ពេញចិត្ត​ចំពោះ​គោល​នយោបាយ​ដឹកនាំរបស់គណបក្សនេះ​ ដែលមានសម្ដេចតេជោ ហ៊ុន សែន ជាប្រមុខដឹកនាំ។ឯកឧត្ដម បានបញ្ជាក់ថា រយៈពេល៤៣ឆ្នាំមកហើយ​ ក្រោយរំដោះជាតិចេញពីភ្លើង​សង្គ្រាម​ និង របប​ប្រល័យពូជសាសន៍ ​គណបក្សប្រជាជនកម្ពុជាតែមួយគត់ បានកសាងជាតិ តាំងពីគ្មានអ្វីទាំង​អស់ រហូតមានវឌ្ឍនភាពរីកចម្រើនគ្រប់យ៉ាងដូចបច្ចុប្បន្ននេះ ។ប្រធានក្រុមការងារគណបក្សប្រជាជនកម្ពុជា ចុះមូលដ្ឋានខេត្តមណ្ឌលគិរី ឯកឧត្ដម ងី ច័ន្ទផល បានបញ្ជាក់ថា រយៈពេល១៤ថ្ងៃនៃយុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំសង្កាត់ ត្រូវបាន សង្កេតឃើញថា សមាជិក-សមាជិកាទាំងអស់ ពិតជាបានផ្ដល់ភាពស្និតស្នាលឲ្យគ្នា​ទៅ​វិញទៅមក ដែលជា ទង្វើដ៏ល្អ និងបានកោតសរសើរចំពោះអ្នកគាំទ្រគណបក្សប្រជាជនកម្ពុជា ដែល​មានចរិតនយោបាយចាស់ ទុំ មិនខឹងតបតទៅនឹងក្រុមជ្រុលនិយមមួយចំនួនតូច ដែលតែង​លាបពណ៌ ​ឃោសនាមិនល្អចំពោះគណ បក្សប្រជាជនកម្ពុជា។ឯកឧត្ដម បានបញ្ជាក់បន្ថែមថា ៤៣ឆ្នាំមកនេះ​ គណបក្សប្រជាជនកម្ពុជា​ ទទួលបានភារកិច្ចជា​ប្រវត្តិសាស្ត្រ​ក្នុង​ការដឹកនាំប្រទេសកម្ពុជា ​ឆ្ពោះទៅរកសន្តិភាព ​ហើយគណបក្សនេះ នឹងបន្តដឹកនាំ​ជាមួយ នឹងសន្តិភាពទៅថ្ងៃអនាគតទៀត ៕អត្ថបទ៖ អ៊ិត ភីរុណ

គណបក្សប្រជាជនកម្ពុជាខេត្តរតនគិរី ដង្ហែរក្បួន​អធិកអធម​បិទ​យុទ្ធនាការឃោសនាបោះឆ្នោត

2022/06/03 01:29:26 pm        637
Facebook Telegram Linkin
រតនគិរី៖ នៅថ្ងៃបិទបញ្ចប់យុទ្ធនាការឃោសនាបោះឆ្នោត គណបក្សប្រជាជនកម្ពុជា ក្នុងខេត្តរតនគិរី បានធ្វើការដង្ហែរក្បួនដ៏អធិកអធមដោយមានការចូលរួមពីសមាជិកសមាជិកាច្រើនកុះករ។ឯកឧត្ដម ជៀង អំ សមាជិកគណៈកម្មាធិការកណ្តាលគណបក្សប្រជាជនកម្ពុជា និងជាប្រធាន ក្រុម​ការងារ​គណបក្សប្រជាជនកម្ពុជាចុះមូលដ្ឋានខេត្តរតនគិរី លោក ញ៉ែម សំអឿន ប្រធាន​គណៈកម្មាធិការ​គណបក្សខេត្តរតនគិរី បាន​ដឹកនាំ​ការហែរក្បួន​ឃោសនា​ស្វែងរក​សំឡេងឆ្នោត។ឯកឧត្ដម ជៀង អំ បានអំពាវនាវទៅកាន់សមាជិក សមាជិកា គណបក្សថា ប្រជាជន ត្រូវគោរពឱ្យ បាន​ហ្មត់ចត់នូវច្បាប់បោះឆ្នោត ​បទបញ្ជារនិតិវិធី ​នៃការបោះឆ្នោត​រហូតការបោះឆ្នោតចប់​ជាស្ថាពរ។ កុំធ្វើទង្វើណាដែលច្បាប់ហាមឃាត់។ កុំពិសារគ្រឿងស្រវឹង និងលក់គ្រឿងស្រវឹងនៅថ្ងៃស្អែក និងថ្ងៃខានស្អែក គឺនៅថ្ងៃទី៤ និងថ្ងៃទី៥ ដូចមាននៅក្នុងសារាចរណែនាំរបស់រាជរដ្ឋាភិបាល។ឯកឧត្ដម បានរំលឹកសមាជិក សមាជិកា និងក្រុមគ្រួសារ ​និងប្រជាពលរដ្ឋគ្រប់រូប ត្រូវត្រៀមឱ្យគ្រប់ ឯកសារបម្រើ​ដល់ការបោះឆ្នោត ​និងទៅបោះឆ្នោតឱ្យបានគ្រប់គ្នា ​នៅថ្ងៃទី០៥ ខែមិថុនា នេះ។សម្រាប់ថ្ងៃបិទបញ្ចប់យុទ្ធនាការរកសំឡងឆ្នោតនេះ ​គឺបានប្រព្រឹត្តទៅក្រោមការឃ្លាំមើលពីអ្នក សង្កេតការណ៍នានា​ និងក្រោមការការពារសន្តិសុខសារធារណៈ ​ពីសំណាក់កងកម្លាំងមានសមត្ថកិច្ច របស់ ខេត្ត ​ដើម្បីធ្វើយ៉ាងណាឲ្យដំណើរការ​ឃោសនា​រកសំឡេងឆ្នោត​របស់គណបក្សនានា ប្រព្រឹត្ត​ទៅប្រកបដោយភាពរលូន។ខេត្តរតនគិរី មានចំនួន៥០ឃុំ/សង្កាត់ ហើយមានគណបក្សនយោបាយចំនួន៦ ​បានដាក់បេក្ខជន របស់ខ្លួន​ប្រកួតប្រជែងដណ្ដើមអសនក្រុមប្រឹក្សាឃុំសង្កាត់ អាណត្តិទី៥នេះ៕

ទូកតូច ធំជាង១០០គ្រឿង ត្រូវបានដង្ហែក្បួនបិទយុទ្ធនាការឃោសនាបោះឆ្នោតនៅឃុំកោះជីវាំង ស្រុកឯកភ្នំ

2022/06/03 01:15:33 pm        649
Facebook Telegram Linkin
បាត់ដំបង៖ លោក លឹម ផាន់ភារៈ អនុប្រធានក្រុមការងារគណបក្សប្រជាជនកម្ពុជា ស្រុកឯកភ្នំ ខេត្តបាត់ដំបង និងជាប្រធានក្រុមការងារគណបក្ស ឃុំកោះជីវាំង តំណាងលោក សេង យូអ៊ាន់ ប្រធានក្រុមការងារគណបក្សស្រុកឯកភ្នំ ខេត្តបាត់ដំបង បានដឹកនាំ សមាជិក សមាជិកា គណបក្សប្រជាជនកម្ពុជា បិទយុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៥ ឆ្នាំ២០២២ នៅឃុំកោះជីវាំង នាព្រឹកថ្ងៃទី៣ ខែមិថុនា ឆ្នាំ២០២២ ដែលមានសមាជិក សមាជិកា ចូលរួម ៩៨៩នាក់ប្រើប្រាស់ទូកតូច ធំ ចំនួន ១៣៨ទូក។លោក លឹម ផាន់ភារៈ បានបង្ហាញពីសមិទ្ធផលសំខាន់ៗ ក្រោមការដឹកនាំរបស់សម្តេចតេជោ ហ៊ុន សែន ប្រធានគណបក្សប្រជាជនកម្ពុជា តាំងពីការរំដោះប្រជាជនចេញពីរបបប៉ុលពត រហូតដល់ការជួយសង្រ្គោះជីវិតពលរដ្ឋចេញពីវិបត្តិកូវីដ១៩ ឈានដល់ការបើកដំណើរ​ការ​ប្រទេស​ឡើងវិញ ដែលបច្ចុប្បន្នប្រជាពលរដ្ឋទូទាំងប្រទេសរស់នៅក្រោមដំបូលនៃសន្តិភាព និង ការអភិវឌ្ឍ ។ ជាមួយគ្នានោះដែរ ក្រុមការងារ​គណបក្ស​ប្រជាជន​ឃុំកោះជីវាំង​ក៏​បាន​ផ្សព្វផ្សាយ​ពី​គោលនយោយបាយ​សំខាន់ៗក្នុងការប្រកួតប្រជែងការបោះឆ្នោតនៅទី០៥ ខែមិថុនា ឆ្នាំ២០២២​ខាង​មុខ​នេះ ដោយផ្តោតទៅការពង្រឹងវិស័យសុខាភិបាល ការអប់រំ អនុវត្តនូវភូមិឃុំមានសុត្ថិភាព ដល់​ប្រជាពលរដ្ឋនៅក្នុងមូលដ្ឋានមួយនេះ ។ដោយហេតុថា ប្រជាពលរដ្ឋ​ភាគ​ច្រើន​នៅ​ឃុំ​កោះ​ជីវំាង រស់នៅលើទឹក ដូច្នេះការគិតគូរពីសុខភាពរបស់ពួកគាត់គឺជាកត្តាអាទិភាពបំផុត ជាក់​ស្តែង​កាល​អំឡុងវិបត្តិកូវីដ១៩កន្លង ប្រជាពលរដ្ឋពលរដ្ឋនៅក្នុងឃុំកោះជីវាំង បានទទួល​វ៉ាក់សាំង​គ្រប់​គ្នា​ដោយក្រុមកាងារបានដឹកជញ្ជូនវ៉ាក់សាំងទៅចាក់ជូនពួកគាត់ដល់ខ្នងផ្ទះ ។ក្រៅពីនេះ ជាគោលនយោបាយសំខាន់មួយទៀត គឺក្រុមការងារគណបក្សប្រជាជនកម្ពុជា បានផ្តោត​សំខាន់​ផង​ដែរ​ទៅលើជីវភាពរស់នៅប្រចាំថ្ងៃរបស់ពលរដ្ឋដោយជម្រុញលើវិស័យទេសចរណ៍មូលដ្ឋាន។ ដោយហេតុថាឃុំកោះជីវំាងមានសក្តានុពលលើវិស័យទេសចរណ៍បែបធម្មជាតិ ដូច្នេះហើយ ក្រុម​ការងារគណបក្សប្រជាជនកម្ពុជាបានសន្យាក្នុងការរៀបចំផែនការ បណ្តុះបណ្តាល​អប់រំ​ពលរដ្ឋ​អោយ​ពួកគាត់រៀបចំភូមិឋាន ការរស់នៅប្រកបដោយអនាម័យ បរិស្ថានល្អ បដិសណ្ឋារកិច្ចល្អ ជូន​ទៅ​ដល់ភ្ញៀវដែលទៅទស្សនាសត្វស្លាប និង ស្នាក់នៅ​កម្សាន្ត​នៅមូលដ្ឋានមួយនេះដែលនឹងផ្តល់​នូវ​ប្រាក់​ចំនូលសម្រាប់លើកស្ទួយជីវភាពរស់នៅប្រចាំថ្ងៃ។ សូមបញ្ជក់ថា ឃុំកោះជីវាំង មានភូមិ​ចំនួន៥ គឺភូមិថ្វាង ភូមិកំពង់ប្រហុក ភូមិអន្លង់តាអួរ ភូមិព្រែកទាល់ និង ភូមិក្បាលតោល៕ អត្ថបទ៖ ដាវណ្ណ 

ឯកឧត្តម ហ៊ុន ម៉ានី៖ យើងទាំងអស់គ្នាម្នាក់ៗ គឺជាតំណាងជូនគណបក្សប្រជាជនកម្ពុជា

2022/06/03 12:13:30 pm        416
Facebook Telegram Linkin
កំពង់ស្ពឺ៖ ថ្លែងក្នុងពិធីបិទយុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំសង្កាត់ ឆ្នាំ​២០២២ នៅក្រុងច្បារមក ខេត្តកំពង់ស្ពឺ នាព្រឹកថ្ងៃទី០៣ ខែមិថុនា ឆ្នាំ២០២២ ឯកឧត្តម ហ៊ុន ម៉ានី អនុប្រធានទី១ ក្រុមការងារចុះជួយខេត្តកំពង់ស្ពឺ បានមានប្រសាសន៍ជូនសមាជិក សមាជិកាបក្សថា “វត្តមានយើងទាំងអស់គ្នាម្នាក់ៗនៅទីនេះ គឺជាតំណាង​ជូន​គណបក្ស​ប្រជាជន​កម្ពុជា។” ការថ្លែងបែបនេះ គឺជាបន្ថែមទំនុកចិត្តក្នុងការ​នាំយកជ័យ​ជម្នះជូន​គណបក្ស​ប្រជាជន​កម្ពុជា​កាន់តែខ្ពស់ និងពង្រឹងស្មារតី​នៃក្រុមគ្រួសារ​គណបក្សប្រជាជន​កម្ពុជា​ឲ្យ​កាន់​តែ​ក្លៀវក្លា​បន្ថែម​ទៀត មុនពេលចាប់ផ្តើមក្បួនដង្ហែឃោសនាសម្រាប់ថ្ងៃចុងក្រោយ។ ឯកឧត្តម​តំណាងរាស្ត្រខេត្តកំពង់ស្ពឺរូបនេះ បានបន្ថែមទៀតថា “ថ្នាក់ដឹកនាំទាំង​អស់របស់​គណបក្ស​ប្រជាជនកម្ពុជា គ្រប់ជាន់ថ្នាក់បានជ្រាប និងដឹងច្បាស់ពីការ​ខិតខំ​ប្រឹងប្រែង​យ៉ាង​សស្រាក់​សស្រាំជាមួយការលះបង់ដ៏ធំធេងរបស់សមាជិក សមាជិកាបក្សយើងគ្រប់ៗគ្នា។ ដ្បិតថា ថ្ងៃនេះមិនមានវត្តមានថ្នាក់ដឹកនាំគ្រប់ៗគ្នានៅជាមួយគ្នាកន្លែងតែមួយ តែយើងទាំងអស់គ្នា មានបេះដូងតែមួយដូចគ្នា មានគោលដៅរួមគ្នា ហើយយើងម្នាក់ៗ ដែលមានវត្តមាននៅទីនេះ គឺជាតំណាងជូនគណបក្សប្រជាជនកម្ពុជា ដែលបាននាំមកនូវសុខសន្តិភាព នាំមកនូវការអភិវឌ្ឍ នាំមកនូវឱកាសការងារ នាំមកនូវបរិយាកាសអប់រំ រៀនសូត្រឆ្ពោះទៅរក​ភាព​ជោគ​ជ័យ​រៀង​ៗ​ខ្លួន​។”រយៈពេល១៤ថ្ងៃ នៃយុទ្ធនាការបោះឆ្នោតជ្រើសរើសក្រុមប្រឹក្សាឃុំសង្កាត់ កន្លងមកនេះ ឯកឧត្តម​តំណាង​រាស្ត្របានចុះ ជួបជាមួយក្រុមគ្រួសារគណបក្សប្រជាជនកម្ពុជា នៅទូទាំង៨ ក្រុង ស្រុក នៃ​ខេត្តកំពង់ស្ពឺ ដោយបាននាំយកការសួរសុខទុក្ខរបស់សម្តេចប្រធានបក្ស និងថ្នាក់​ដឹកនាំ​គ្រប់​ជាន់ថ្នាក់​ជូន​ប្រជាពលរដ្ឋ និងសមាជិកបក្ស រួមជាមួយការបង្ហាញ​នូវយន្ត​ការ​នានា​ឆ្ពោះ​ទៅកាន់​ការ​បោះឆ្នោត​នាពេលខាងមុខនេះ។ ការបោះឆ្នោតជ្រើសរើសក្រុមប្រឹក្សាឃុំ សង្កាត់ ឆ្នាំ២០២២ នឹងត្រូវបានប្រព្រឹត្តទៅនៅថ្ងៃទី០៥ ខែមិថុនា ឆ្នាំ២០២២ ចាប់ពីម៉ោង៧ព្រឹក ដល់ម៉ោង ៣រសៀល។ ជាមួយគ្នានេះ គណៈកម្មាធិការ​ជាតិ​រៀបចំការបោះឆ្នោត (គ.ជ.ប) ក៏បានអំពាវនាវ​សូមឲ្យប្រជាពលរដ្ឋ​អញ្ជើញទៅបោះឆ្នោត​ជ្រើសរើស​បេក្ខភាពថ្នាក់ដឹកនាំឃុំ សង្កាត់រៀងៗខ្លួនឲ្យបានគ្រប់ៗគ្នា ដើម្បីបំពេញភារកិច្ច និង​ទំនួល​ខុសត្រូវជាពលរដ្ឋល្អ៕

ខេត្តកោះកុង បិទយុទ្ធនាការឃោសនារកសំឡេងឆ្នោតជ្រើសរើសក្រុមប្រឹក្សាឃុំសង្កាត់ទ្រង់ទ្រាយធំ

2022/06/03 12:11:51 pm        546
Facebook Telegram Linkin
កោះកុង៖ នៅតាមបណ្តាស្រុកនីមួយៗខេត្តកោះកុង ព្រឹកថ្ងៃទី៣ ខែមិថុនា មានប្រមូលផ្តុំគ្នា ដង្ហែរក្បួនបិទបញ្ចប់ការឃោសនារកសំឡេងឆ្នោតជ្រើសរើសក្រុមប្រឹក្សាឃុំសង្កាត់ អាណត្តិ៥ លុះដល់ពេលរសៀល នឹងមានឃោសនាទ្រង់ទ្រាយធំនៅទីរួមខេត្ត។ដោយឡែកនៅមូលដ្ឋានឃុំភ្ញីមាស ស្រុកគិរីសាគរ ឯណោះវិញ ឯកឧត្តម ដុំ យុហៀន អនុប្រធាន ក្រុមការងារគណបក្សថ្នាក់កណ្តាលចុះមូលដ្ឋានខេត្តកោះកុង ​អញ្ជើញ​បិទយុទ្ធនាការ​ឃោសនា​រកសំឡេង ក្នុងឃុំចំនួន៣ គឺឃុំភ្ញីមាស ឃុំកោះស្តេច និងឃុំព្រែកខ្សាច់។ឯកឧត្តម ដុំ យុហៀន បានក្រើនរម្លឹកដល់សមាជិកសមាជិកា​គណបក្សប្រជាជនកម្ពុជា​ស្រុក​គិរីសាគរ ​ចាំបាច់ថែរក្សាសុខភាព​ឱ្យបានល្អ ​ខណៈដំណើរការបោះឆ្នោត នៅថ្ងៃទី៥ ខែមិថុនា ខិតជិត​មក​ដល់ទៅហើយ។ ​សូមពិនិត្យមើលអត្តសញ្ញាណប័ណ្ណ និងឯកសារបញ្ជាក់ផ្សេងៗ បម្រើការ​បោះឆ្នោតឱ្យបានត្រឹមត្រូវ ​ចៀសវាង​ខកខាន​ពុំបាន​ទៅ​បំពេញកាតព្វកិច្ចរបស់ខ្លួន ចំពោះការបោះឆ្នោត។ឯកឧត្តម បានសង្កត់ធ្ងន់ដែរថា ការអភិវឌ្ឍរីកចម្រើនរុងរឿងស្ទើរតែគ្រប់វិស័យដូចពេលបច្ចុប្បន្ន នេះ គឺដោយសារតែប្រទេសជាតិមាន​សុខសន្តិភាពពេញលេញ​ក្រោមការដឹកនាំរបស់សម្តេចតេជោ ហ៊ុន សែន មគ្គុទ្ទេសក៍​ឯក​ដ៏ឆ្នើម។ឯកឧត្តម បាន​អំពាវនាវ​ដល់​សមាជិកសមាជិក ​និងប្រជាពលរដ្ឋ ​មេត្តាបន្តបោះឆ្នោត​ជ្រើសរើស ក្រុម​ប្រឹក្សាឃុំសង្កាត់ អាណត្តិទី៥នេះ ​ដែល​មកពីគណបក្សប្រជាជនកម្ពុជា​ជាប់ឆ្នោត ​ច្បាស់ជាមិនខក បំណង​នោះឡើយ​សម្រាប់អភិវឌ្ឍន៍​មូលដ្ឋានឥតឈប់ឈរ។តំណាងសមាជិកសមាជិកាគាំទ្រស្រឡាញ់គណបក្សប្រជាជនកម្ពុជា ​បានលើកឡើងថា ការដែល​ពួកគេមក​ចូលរួមឃោសនារកសំឡេងឆ្នោត ព្រោះតែក្តីស្រឡាញ់ពេញចិត្តចំពោះការដឹកនាំ​របស់​មេឃុំ ​មកពីគណបក្សប្រជាជនកម្ពុជា ​ដែលធ្វើឱ្យមានមូលដ្ឋានមានផ្លូវបេតុង ​អណ្តូងទឹក សាលារៀន មណ្ឌល សុខភាព ស្ថិរភាពនយោបាយ និងសន្តិសុខ​សណ្តាប់ធ្នាប់ល្អ។នៅថ្ងៃទី៥ ខែមិថុនា នេះ ពួកគេនឹងទៅចូលរួមបោះឆ្នោត​ បន្តគាំទ្រឱ្យបក្សប្រជាជនកម្ពុជា​ដឹកនាំ​អភិវឌ្ឍន៍​ទៅ​មុខថែមទៀត៕ អត្ថបទ៖ ឈឹម មករា

ឯកឧត្តម វេង សាខុន ដឹកនាំសមាជិកជាង ២ពាន់នាក់ ធ្វើយុទ្ធនាការបោះឆ្នោតឃុំសង្កាត់ នៅស្រុកតំបែរ

2022/06/03 11:42:08 am        551
Facebook Telegram Linkin
ត្បូងឃ្មុំ៖ ឯកឧត្តម វេង សាខុន ប្រធានក្រុមការងារចុះមូលដ្ឋានស្រុកកំពង់សៀម និងស្រុកជើងព្រៃ ខេត្តកំពង់ចាម និងស្រុកតំបែរ ខេត្តត្បូងឃ្មុំ និងលោកជំទាវ ម៉ក់ ស៊ីថា បានដឹកនាំសមាជិកបក្សជាង២ពាន់នាក់ ធ្វើយុទ្ធនាការឃោសនារកសំឡេងឆ្នោត ក្នុងថ្ងៃបិទបញ្ចប់ នៅថ្ងៃទី៣ ខែមិថុនា ឆ្នាំ២០២២ សម្រាប់ការបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៥ នៅក្នុងស្រុកតំបែរ ។ក្នុងពិធីជួបជុំសមាជិកសមាជិកា ទូទាំងស្រុកតំបែរ ឯកឧត្តមប្រធានក្រុមការងារ មានប្រសាសន៍ថា ប្រជាពលរដ្ឋត្រូវបន្តអនុវត្តឲ្យបាន​ខ្ជាប់ខ្ជួន​ នូវច្បាប់បោះឆ្នោត ព្រមជាមួយ​គោលការណ៍​ណែ​នាំ​នានារបស់គណៈកម្មាធិការជាតិរៀបចំការបោះឆ្នោត (គ.ជ.ប), មិនត្រូវពិសារគ្រឿងស្រវឹងនៅថ្ងៃទី៤ និងទី៥ ខែមិថុនា ជាដាច់ខាត, ត្រូវត្រៀម​ឯកសារទាក់ទងការបោះឆ្នោត​ឲ្យបាន​គ្រប់គ្រាន់​មុនទៅ​បោះឆ្នោត, ត្រូវរក្សា​សណ្តាប់ធ្នាប់​សាធារណៈ ធ្វើចរាចរឲ្យបានល្អ ​រក្សាភាពថ្លៃថ្នូរ ​មានវិន័យ និង​សីលធម៌ ក្នងអំឡុងពេលដង្ហែរក្បួន និង​បោះឆ្នោត និងសូមនាំគ្នាទៅ​បោះឆ្នោត​ជូនគណបក្ស​ប្រជាជន​កម្ពុជា ​ដើម្បីសន្តិភាព និងការអភិវឌ្ឍ ។ឯកឧត្តម បានលើកទឹកចិត្ត ​និងជូនពរឲ្យសមាជិកបក្សគ្រប់ៗរូប ​ទទួលបានសុខសុវត្ថិភាព និង​ដណ្តើម​បានជ័យជំនះមកជូនគណបក្សប្រជាជនកម្ពុជា ​ដែលជាគណបក្សដ៏ធំ ដែលនៅរួមសុខ​រួមទុក្ខជាមួយប្រជាពលរដ្ឋ ​យកប្រជាពលរដ្ឋជាធំ ​បម្រើប្រជាពលរដ្ឋ ។ជាមួយគ្នានេះ ឯកឧត្តម វេង សាខុន បានកោតសរសើរ​ និងវាយតម្លៃខ្ពស់ចំពោះកិច្ចខិតខំប្រឹងប្រែង និង​ការលះបង់គ្រប់បែបយ៉ាងក្រុមការងារ ​សមាជិក ​សមាជិកាគណបក្សទាំងថ្នាក់ជាតិ និងថ្នាក់​មូលដ្ឋាន ក្នុងការចូលរួមយុទ្ធនាការឃោសនារកសំឡេងឆ្នោត ​កន្លងមកទទួលបានជោគជ័យ និង​ថ្លែងអំណរ​គុណជូនដល់អាជ្ញាធរខេត្ត​ ស្រុក ឃុំ ភូមិ​ កងកម្លាំងគ្រប់លំដាប់ថ្នាក់ដែលបានយក​ចិត្តទុក​ដាក់​បង្ក​លក្ខណងាយស្រួលដល់យុទ្ធនាការនេះ ៕

សមាជិកបក្សប្រជាជនកម្ពុជាខេត្តបាត់ដំបង ច្រើនកុះករនាំគ្នាដង្ហែរក្បួនឃោសនាថ្ងៃចុងក្រោយ

2022/06/03 11:30:53 am        355
Facebook Telegram Linkin
បាត់ដំបង៖ នាថ្ងៃទី៣ ខែមិថុនានេះ ដែលជាថ្ងៃបិទបញ្ចប់យុទ្ធនាការឃោសនាបោះឆ្នោតជ្រើសរើសក្រុមប្រឹក្សា ឃុំ-សង្កាត់ សមាជិកសមាជិកាគណបក្សប្រជាជនកម្ពុជាច្រើនកុះករ បាននាំគ្នាដង្ហែរក្បួនឃោសនារកសំឡេងឆ្នោត។ក្នុងពិធីបិទយុទ្ធនាការឃោសនាបោះឆ្នោតនេះ ក្រោមការដឹកនាំឯកឧត្តម ស សុខា សមាជិក​គណៈកម្មាធិការ​កណ្ដាល​និងជាអនុប្រធានក្រុមការងារគណបក្សប្រជាជនកម្ពុជា​ចុះមូលដ្ឋាន​ខេត្តបាត់ដំបង ​បានលើកឡើងថា យុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំ-សង្កាត់អាណត្តិទី៥នេះ ប្រព្រឹត្តទៅក្នុងបរិយាកាសប្រទេស មានសុខសន្តិភាព ​ស្ថិរភាពនយោបាយ សន្តិសុខ សណ្ដាប់ធ្នាប់សាធារណៈ ​និងសុវត្ថិភាព​សង្គមយ៉ាងល្អប្រសើរ ​បរិយាកាស​សង្គម​ប្រជាធិបតេយ្យ សេរីពហុបក្សដ៏ជាក់ស្ដែងពិតប្រាកដ ​និងរស់រវើកនៅកម្ពុជា ក្រោមគោល​នយោបាយ ​និងការដឹកនាំរបស់គណបក្សប្រជាជនកម្ពុជា។ស្ថានភាពសង្គមដ៏ពិតប្រាកដនេះ ​កើតមានឡើងអាស្រ័យដោយការខិតខំប្រឹងប្រែង និងការ​ប្ដេជ្ញាចិត្ត​របស់គណបក្សប្រជាជនកម្ពុជា ដែលបាននឹងកំពុងដឹកនាំគ្រប់គ្រងប្រទេសជាតិ។ឯកឧត្តម បានសង្កត់ធ្ងន់ថា​ មានតែគណបក្សប្រជាជនកម្ពុជាតែប៉ុណ្ណោះ ដែលមានលទ្ធភាព សមត្ថភាព ​បទពិសោធន៍ ​និងភាពចាស់ទុំខាងនយោបាយក្នុងការបន្តដឹកនាំអភិវឌ្ឍន៍ឃុំ-សង្កាត់ និងបន្ត ដឹកនាំអភិវឌ្ឍប្រទេសជាតិឱ្យឆ្ពោះទៅកាន់ភាព​សម្បូរសប្បាយ​រុងរឿង​ដ៏ពិតប្រាកដ ស្របតាមបំណង ប្រាថ្នារបស់ប្រជាជនកម្ពុជាគ្រប់រូប។ឯកឧត្តម បានបញ្ជាក់បន្ថែមថា គណបក្សប្រជាជនកម្ពុជា ​ប្ដេជ្ញាបន្តពង្រឹងសន្តិភាព​ ស្ថិរភាពនយោបាយ ការឯកភាពជាតិ និងឯកភាពទឹកដី​ ដែលជា​សមិទ្ធផល​ប្រវត្តិសាស្រ្តជូនជាតិ មាតុភូមិ កើតចេញពី ​ស្នាដៃខិតខំប្រឹងប្រែងរបស់គណបក្សប្រជាជនកម្ពុជា។គណបក្សប្រជាជនកម្ពុជា​ប្រកាន់ខ្ជាប់​ឥតប្រួលប្រែ ​នូវគោលបំណង​ និងឧត្តមគតិរបស់ខ្លួន គឺឈរនៅ​ខាងប្រជាជន​ រួមសុខរួមទុក្ខជាមួយប្រជាជននៅគ្រប់ ​កាលៈទេសៈ ពុះពារជម្នះ​គ្រប់​ឧបសគ្គ ហ៊ានធ្វើពលីកម្មឥតរុញរា ​ដើម្បីប្រទេសកម្ពុជាមួយ​ឯករាជ្យ ​សន្តិភាព​ សេរីភាព ប្រជាធិបតេយ្យ អព្យាក្រឹត្យ​ និង​វឌ្ឍនភាពសង្គម។សម្រាប់ខេត្តបាត់ដំបង មានគណបក្សនយោបាយចំនួន១០ ​បានចុះឈ្មោះប្រកួតប្រជែងក្នុងការ បោះឆ្នោត​ជ្រើសរើសក្រុមប្រឹក្សាឃុំ-សង្កាត់ អាណត្តិទី៥ នេះ។ ​ការិយាល័យបោះឆ្នោត មានចំនួន ១៦៨៥ លើ១០៣ឃុំ-សង្កាត់។ ប្រជាពលរដ្ឋមានអាយុចាប់ពី១៨ឆ្នាំឡើង ​ដែលមានឈ្មោះក្នុង​បញ្ជី​បោះឆ្នោតផ្លូវការ មានចំនួនជាង ៦៣ម៉ឺននាក់៕ អត្ថបទ៖ នឿត សុភក្ត្រ

ឯកឧត្តម ជាម យៀប ប្រកាសបិទយុទ្ធនាការឃោសនាបោះឆ្នោតឃុំ-សង្កាត់ អាណត្តិទី៥ ចំនួន៤ឃុំ នៅស្រុកពាមរក៍

2022/06/03 11:12:22 am        397
Facebook Telegram Linkin
ព្រៃវែង៖ នៅព្រឹកថ្ងៃទី៣ ខែមិថុនា ឆ្នាំ២០២២ គណបក្សប្រជាជនកម្ពុជាស្រុកពាមរក៍​ខេត្ត​ព្រៃវែង បានប្រកាសបិទយុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិ​ទី៥ ក្រោមអធិបតីភាព ឯកឧត្តម កិត្តិសេដ្ឋាបណ្ឌិត ជាម យៀប អនុប្រធានទី១រដ្ឋសភា និង​ជា​សមាជិក​អចិន្ត្រៃយ៍គណកម្មាធិការកណ្តាល គណបក្សប្រជាជនកម្ពុជា អនុប្រធាន ក្រុមការងារ ចុះមូលដ្ឋានខេត្តព្រៃវែង នៅបរិវេណសួនច្បារអតីតកំពង់ចម្លងអ្នកលឿងត្រើយខាងកើត។ក្នុងពិធីនោះក៏មានការចូលរួមពីឯកឧត្តម លោកជំទាវ លោកឧកញ៉ា អស់លោក លោកស្រី ជាសមាជិក សមាជិកា ក្រុមការងារគណៈកម្មាធិការកណ្តាល សមាជិកគណៈកម្មាធិការ​គណបក្ស​ខេត្ត ក្រុង ស្រុក ចូលរួមយ៉ាងច្រើនកុះករ។ឯកឧត្តមកិត្តិសេដ្ឋាបណ្ឌិត ជាម យៀប បានមានប្រសាសន៍ថា ក្រោមកិច្ចដឹកនាំ​ប្រកប​ដោយ​គតិប​​ណ្ឌិតដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន ប្រធាន​គណបក្ស​ប្រជាជន​កម្ពុជា និងជានាយករដ្ឋមន្រ្តីនៃព្រះរាជាណាចក្រកម្ពុជា បានសម្រេច​ជោគជ័យ​ដ៏​ធំធេង​លើ​គ្រប់​វិស័យនាពេលនេះ គឺដោយសារគណបក្ស ប្រជាជនកម្ពុជា មានគោលដៅ​ចម្បង​ក្នុង​ការ​បន្ត​ពង្រឹងសន្តិភាពស្ថិរភាព សន្តិសុខ និងសណ្តាប់ធ្នាប់សង្គម ឲ្យបានរឹងមាំ និងជំរុញ​ការកសាង អភិវឌ្ឍន៍ប្រទេសលើគ្រប់វិស័យប្រកបដោយនិរន្តរភាព ដើមី្បថែ​រក្សា​ការពារ​រាល់​សមិទ្ធផលនៃសង្គមជាតិឲ្យបានគង់វង្ស។ឯកឧត្តមកិត្តិសេដ្ឋាបណ្ឌិត ជាម យៀប បានអំពាវនាវអោយ សមាជិកសមាជិកា គណបក្ស​ប្រជាជន និងប្រជាពលរដ្ឋខេត្តព្រៃវែង ដែលមានឈ្មោះបោះឆ្នោត សូមអញ្ជើញ​ទៅបោះឆ្នោត​គាំទ្រ​គណបក្ស​ប្រជាជនកម្ពុជា ដែលមានសញ្ញារូបទេវតាបាចផ្កា ទៅតាមលំដាប់​លេខរៀង​នៃ​ឃុំសង្កាត់​របស់ខ្លួន ដើមី្បគាំទ្របេក្ខភាពមេឃុំចៅសង្កាត់ក្នុងកិច្ចអភិវឌ្ឍបន្តបន្ទាប់ទៀត។ឯកឧត្តមកិត្តិសេដ្ឋាបណ្ឌិត ជាម យៀប ក៏បានថ្លែងអំណរគុណផងដែរ ជូនចំពោះ​សម្តេច​ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធាន​ក្រុមការងារ​ចុះ​ជួយ​ខេត្តបាត់ដំបង និងខេត្តព្រៃវែង ដែលតែងតែជួយអភិវឌ្ឍបណ្តាភូមិ ឃុំ ខេត្តទាំងពីរ​មាន​ការ​អភិវឌ្ឍ​រីក​ចម្រើនជារៀងរាល់ថ្ងៃ។សូមបញ្ជាក់ផងដែរថា ក្នុងពិធីបិទយុទ្ធនាការបោះឆ្នោត​ក៏​មានការ​ហែ​ក្បួន​យុទ្ធនាការ​ឃោសនា​បោះឆ្នោត​ជ្រើសរើសក្រុមប្រឹក្សា ឃុំ-សង្កាត់ អាណត្តិទី៥នេះ បានប្រព្រឹត្តទៅនៅតាមដែន​រដ្ឋបាល​ឃុំ សង្កាត់របស់ខ្លួនយ៉ាងអធឹកអធម តាមរថយន្តតូច ធំ ម៉ូតូ និងម៉ូតូរ៉ឺម៉ក់ ជាច្រើនគ្រឿង ដោយមាន​ការ​លាយឡំទៅនឹងសំឡេងឧឃោសនស័ព្ទ និងសម្រែក​ជ័យឃោស​ប្រកប​ទៅ​ដោយ​ខ្លឹមសារ​អត្ថន័យនៃគោលនយោបាយរបស់គណបក្ស៕

ឯកឧត្តម គន់ គីម អំពាវនាវពលរដ្ឋបោះឆ្នោតជូនបក្សប្រជាជនកម្ពុជា ដើម្បីការអភិវឌ្ឍ និងជីវភាពកាន់តែប្រសើរ

2022/06/03 11:08:24 am        480
Facebook Telegram Linkin
ឧត្តរមានជ័យ៖ ឯកឧត្តម គន់ គីម សមាជិកអចិន្ត្រៃយ៍នៃគណៈកម្មាធិការកណ្តាលគណបក្ស ប្រជាជនកម្ពុជា និងជាប្រធានក្រុមការងារចុះមូលដ្ឋានខេត្តឧត្តរមានជ័យ បានអំពាវនាវទៅប្រជាពលរដ្ឋ ដែលមានឈ្មោះក្នុងបញ្ជីឈ្មោះបោះឆ្នោត បោះឆ្នោតជូនគណបក្សប្រជាជនកម្ពុជា ដើម្បីការអភិវឌ្ឍ និងធ្វើឲ្យជីវភាពកាន់តែល្អប្រសើរ។ក្នុងឱកាសអញ្ជើញបិទយុទ្ធនាការឃោសនារកសំឡេង សម្រាប់ការបោះឆ្នោតជ្រើសរើស​ក្រុម​ប្រឹក្សាឃុំ​សង្កាត់ អាណត្តិទី៥ នៅថ្ងៃទី៣ ខែមិថុនា ឆ្នាំ២០២២ ក្នុងខេត្តឧត្តរមានជ័យ ឯកឧត្តម គន់ គីម បានថ្លែងអំណរគុណដល់សមាជិកសមាជិកា កម្លាំងយុវជន និងសកម្មជនទាំងអស់នៅក្នុង​ខេត្តឧត្តរមានជ័យ ​ដែលបានធ្វើសកម្មភាពឃោសនា និងចុះជួបប្រជាពលរដ្ឋដោយផ្ទាល់នៅ​តាម​ខ្នងផ្ទះ​បង្រៀនពលរដ្ឋពីរបៀបគូសសន្លឹកឆ្នោត ព្រមទាំងបង្ហាញនូវគុណតម្លៃ និង​កិច្ចប្រឹងប្រែង​កសាងអភិវឌ្ឍន៍ជាតិ ​និងលើកកម្ពស់ជីវភាពប្រជាពលរដ្ឋ ​របស់គណបក្សប្រជាជនកម្ពុជា។ឯកឧត្តម បន្តថា បើទោះបីខេត្តឧត្តរមានជ័យ ​ជាទឹកដីទទួលបានសុខសន្តិភាពក្រោយគេ ទឹកដី​ទទួលបានកិច្ចអភិវឌ្ឍន៍ ក្រោយគេយ៉ាងណាក្តី តែក្រោមគោលនយោបាយប្រែក្លាយ​ទឹកដីអតីត​សមរភូមិសង្គ្រាមទៅជាតំបន់អភិវឌ្ឍន៍​ និងតំបន់ពាណិជ្ជកម្ម របស់សម្តេចតេជោ ហ៊ុន សែន ប្រធាន​គណបក្សប្រជាជនកម្ពុជា បានធ្វើឱ្យខេត្តនេះ ​មានការរីកចម្រើនលូតលាស់លើគ្រប់វិស័យ ។ឯកឧត្តម គន់ គីម សង្កត់ធ្ងន់ថា ទឹកដីឧត្តរមានជ័យ មិនខុសពីខេត្តដទៃនៅទូទាំងប្រទេស​កម្ពុជា​នោះឡើយ ទោះបីខេត្តបិទបញ្ចប់ភ្លើងសង្គ្រាមក្រោយគេក្តី ដោយហេដ្ឋារចនាសម្ព័ន្ធ ដូចជា ផ្លូវ ស្ពាន សាលារៀន ការសិក្សាអប់រំ សុខភាពសាធារណៈ ប្រព័ន្ធទឹកស្អាត អគ្គិសនី ​ការធ្វើកសិកម្មជាដើម បាន​រីកចម្រើន និងផុសឡើងជាបន្តបន្ទាប់ ​ដើម្បីបម្រើផលប្រយោជន៍​របស់ប្រជាពលរដ្ឋ ។ជាមួយគ្នានេះ ឯកឧត្តម ប្រធានក្រុមការងារ ​បានអំពាវនាវប្រជាពលរដ្ឋទៅបោះឆ្នោតឱ្យបាន​គ្រប់គ្នា​នៅថ្ងៃអាទិត្យ ទី៥ ខែមិថុនា ឆ្នាំ២០២២ ដោយបោះជូនគណបក្សប្រជាជនកម្ពុជា​មានរូប​សញ្ញា​ទេវតា​បាចផ្កា ​ដើម្បីផ្តល់ឱកាសឱ្យមេឃុំ/ចៅសង្កាត់ ​របស់គណបក្សប្រជាជនកម្ពុជា បាន​បម្រើ​ប្រជាពលរដ្ឋ ​កសាងអភិវឌ្ឍន៍ ឃុំ/សង្កាត់ឱ្យកាន់តែរីកចម្រើន និងធ្វើឱ្យជីវភាព​កាន់​តែ​ល្អប្រសើរ ៕

បណ្ដាញសង្គម

ព័ត៌មានថ្មីៗ

ADB ប្តេជ្ញាចិត្តខ្ពស់ ដោយបន្តជួយលើវិស័យអាទិភាពរបស់កម្ពុជា ដើម្បីសម្រេចចក្ខុវិស័យឆ្នាំ២០៥០
09/14/2025 10:09 AM
Facebook Telegram Linkin
នាយឧត្តមសេនីយ៍ សៅ សុខា បានចលនាមូលនិធិគាំទ្រកម្លាំងជួរមុខនូវថវិកាសរុបចំនួន ១,៨២០,០០០,០០០៛
09/14/2025 09:09 AM
Facebook Telegram Linkin
ឯកឧត្តម ឌិត ទីណា ទទួលជួបតំណាងថ្មីនៃកម្មវិធីអភិវឌ្ឍន៍សហប្រជាជាតិ ដើម្បីពិភាក្សាការងារវិស័យកសិកម្ម
09/13/2025 07:09 PM
Facebook Telegram Linkin
លោកជំទាវបណ្ឌិត ពេជ ចន្ទមុន្នី ព្រមទាំងពុទ្ធបរិស័ទ អញ្ជើញ​ចូល​រួម​ពិធី​បុណ្យ​កាន់​បិណ្ឌ​វេន​ទី៧ នៅវត្តឧណ្ណាលោម
09/13/2025 06:09 PM
Facebook Telegram Linkin
មនុស្ស ៩៧នាក់យ៉ាងតិចបានស្លាប់ ហើយជាង ៤,៤លាននាក់រងប៉ះពាល់ដោយសារ​ទឹកជំនន់​នៅខេត្ត Punjab របស់ប៉ាគីស្ថាន
09/13/2025 06:09 PM
Facebook Telegram Linkin
នគរបាលក្រុងឡុងដ៍ ត្រៀមទប់ទល់នឹងការតវ៉ាដ៏ធំពីក្រុមបដិបក្ខ
09/13/2025 06:09 PM
Facebook Telegram Linkin
អ៊ីស្រាអែលចោទអេស្ប៉ាញថា បានគំរាមកំហែងប្រល័យពូជសាសន៍ ខណៈទីក្រុងម៉ាឌ្រីដ​តបវិញ​ដោយកំហឹង
09/13/2025 05:09 PM
Facebook Telegram Linkin
អភិបាលស្រុកមុខកំពូល និងភរិយា នាំយកទេយ្យវត្ថុ​ប្រគេន​ព្រះសង្ឃ​គង់​នៅវត្តព្រះធម៌កំពូលត្រ័យភព (ហៅវត្តអំពិលទឹក) ក្នុងឱកាសបុណ្យកាន់បិណ្ឌវេនទី៦
09/13/2025 05:09 PM
Facebook Telegram Linkin
ក្រុមអ្នកតវ៉ា នៅក្រុងមែលប៊ន ប៉ះទង្គិចគ្នា ខណៈការប្រមូលផ្តុំធ្វើឡើងនៅទូទាំងអូស្ត្រាលី
09/13/2025 04:09 PM
Facebook Telegram Linkin
ក្រុងមូស្គូបញ្ជាក់ថា កិច្ចចរចាសន្តិភាពជាប់គាំង ខណៈលោក Zelensky ថា លោក Putin ចង់ក្ដោបអ៊ុយក្រែន
09/13/2025 04:09 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.