នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
គម្រោងស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) និងផ្លូវតភ្ជាប់ សម្រេចបាន ៤៥% ហើយ ដែលលឿនជាងផែនការ ៤,១១%
សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាល​ដែលកំពុង​ធ្វើកិច្ច​ការងារ​យ៉ាង​សកម្ម​ស្វែង​រក​ដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស
សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥
សម្ដេចធិបតី៖ រាជរដ្ឋាភិបាលប្តេជ្ញាចិត្តយ៉ាងមុតមាំលើកកម្ពស់ការងារអក្ខរកម្ម និងបំពាក់បំប៉ន ជំនាញ និងឱកាសសិក្សាពេញមួយជីវិត ជាពិសេសជំនាញឌីជីថល

នយោបាយ​ និង ការអភិវឌ្ឍន៍

អគ្គនាយកសម្ព័ន្ធសន្តិភាពសកលកោតសរសើរថា សម្តេចតេជោ បានធ្វើឱ្យពិភពលោកកោត​ស្ញប់ស្ញែង​​

2022/06/04 01:03:38 pm        680
Facebook Telegram Linkin
ភ្នំពេញ៖ នៅព្រឹកថ្ងៃទី៤មិថុនានេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា អនុញ្ញាតឱ្យលោកបណ្ឌិត Xun young ho អគ្គនាយកសម្ព័ន្ធសន្តិភាពសកល (UPF) ចូលជួបសំដែងការគួរសមនៅវិមានសន្តិភាព។បើតាមឯកឧត្តម អ៊ាង សុផល្លែត រដ្ឋលេខាធិការក្រសួងបរិស្ថាន ​ក្នុងនាម​ជា​អ្នកនាំពាក្យ​ បាន​ឱ្យ​ដឹង​ថា លោក យុង ហូ បានគោរពជំរាបជូនសម្តេចថា តាមរយៈប្រវត្តិរូប​របស់​សម្តេច ដែល​បាន​ផ្សព្វផ្សាយ​ក្នុងពេលទទួល​ពាន​រង្វាន់ស៊ុនហាក់ថ្មីៗនេះ​បានធ្វើឱ្យពិភព​លោកកោត​ស្ញប់ស្ញែង​​យ៉ាងខ្លាំង។ជាការឆ្លើយតបសម្ដេចតេជោ បានថ្លែងអំណរគុណជូនចំពោះឯកឧត្តម យុង ហូ ដែលបានទទួល​ការ​អញ្ជើញ​មកចូលរួមសង្កេតការណ៍បោះឆ្នោតជ្រើសរើស​ក្រុមប្រឹក្សាឃុំ ​សង្កាត់ នៅពេលនេះ​ដែល​ជាកត្តា​ជំរុញ​លទ្ធិប្រជាធិបតេយ្យ​នៅកម្ពុជា។ចំពោះករណី​សម្ព័ន្ធ​សន្តិភាព​សកល​សម្ដេច​ មានប្រសាសន៍ថា គប្បីណា​មានការ​ជួបជុំ​គ្នារ​វាងឥស្សរជន​ជាន់ខ្ពស់​និង​អ្នកវាយតម្លៃធ្វើការ​សម្របសម្រួល ធ្វើការជាមួយ​អង្គការផ្សេងៗ​លើ​បញ្ហាសន្តិភាពដោយមិនសំរាប់តែអាស៊ីប៉ាស៊ីហ្វិកទេ​ ប៉ុន្តែសម្រាប់ពិភពលោកទាំងមូល ជា​ពិសេសចូលរួមចំណែកក្នុងកិច្ចការពិភពលោកនាពេលបច្ចុប្បន្ន៕អត្ថបទ៖ មុត សុទ្ធ

សម្តេចតេជោ ហ៊ុន សែន ៖កម្ពុជាធ្លាប់តែល្បីខាងធ្វើសង្គ្រាម ក្លាយជាប្រទេសប្រជាធិបតេយ្យតាមរយៈការបោះឆ្នោតជាទៀតទាត់

2022/06/04 12:19:29 pm        700
Facebook Telegram Linkin
ក្នុងឱកាសអនុញ្ញាតឱ្យប្រតិភូសង្កេតការណ៍សម្រាប់ការបោះឆ្នោត ជួបសំដែងការគួរសម សម្តេចតេជោ ហ៊ុន សែន នាយក រដ្ឋមន្ត្រីកម្ពុជាបានមានប្រសាសន៍ថា ប្រទេសកម្ពុជាធ្លាប់តែជាប្រទេសដែលល្បីល្បាញខាងធ្វើសង្គ្រាម បានប្រែក្លាយជាប្រទេសប្រជាធិបតេយ្យតាមរយៈការបោះឆ្នោត ជាពិសេសដំណើរការឃោសនា១៤ថ្ងៃមកនេះដោយរលូន គ្មានអំពើហិង្សា។សម្តេចតេជោ ហ៊ុន សែន នាយករដ្ឋមន្ត្រីកម្ពុជាបានអញ្ជើញលើកឡើងយ៉ាងដូច្នេះ ក្នុងពេលអនុញ្ញាតឱ្យក្រុមអ្នក សង្កេតការណ៍មើលការបោះឆ្នោតនៅថ្ងៃស្អែកនេះ ចូលជួបសំដែងការគួរសម នៅវិមានសន្តិភាពព្រឹកថ្ងៃទី៤មិ ខែមិថុនា ឆ្នាំ២០២២នេះ ។នៅក្នុងជំនួបរវាងសម្ដេចតេជោ និងប្រតិភូសង្កេតការណ៍បោះឆ្នោត ដឹកនាំដោយ Andres pastrana ប្រធានអង្គការCDI ឯកឧត្តមបានគោរពជម្រាបជូនសម្ដេចចូលថា ប្រតិភូអ្នកសង្កេតការណ៍ទាំង១១ក្រុម រួមទាំងប្រតិភូខ្មែរ ក្នុងនោះ ប្រតិភូសង្កេតការណ៍មកពីបរទេស មានមកពីប្រទេសអូស្រ្តាលីនិង ប្រទេសកូរ៉េ ហើយក៏បានសម្ដែង នូវអំណរគុណ ជូនចំពោះរាជរដ្ឋាភិបាលកម្ពុជាដែលបានអញ្ជើញប្រតិភូទាំងអស់មកសង្កេតការណ៍មើលការបោះឆ្នោតជ្រើសរើសក្រុមប្រឹក្សាឃុំ សង្កាត់នៅពេលនេះ។ឯកឧត្តមក៏បានគោរពជូនពរ ឲ្យដំណើរការបោះឆ្នោតនៅថ្ងៃស្អែកដំណើរការបានល្អ សេរី យុត្តិធម៌ និងគ្មានអំពើហិង្សា។ជាការឆ្លើយតប សម្ដេចតេជោបានស្វាគមន៍ប្រតិភូសង្កេតការណ៍ទាំងអស់ហើយក៏បានជម្រាបជូន ប្រតិភូទាំងមូលអំពីប្រវត្តិសាស្រ្តរបស់កម្ពុជាដែលបានឆ្លងកាត់សង្គ្រាមរ៉ាំរ៉ៃ របបប្រល័យពូជសាសន៍ដែលបានសម្លាប់ប្រជាជនខ្មែរអស់ជាង៣លាននាក់។សម្ដេចបានជម្រាបជូនប្រតិភូទាំងមូលថា ពេលដែលសម្ដេចចូលមកដល់ទីក្រុងភ្នំពេញដំបូង បានជួបប្រជាជនតែ៧នាក់ប៉ុណ្ណោះ។ សម្ដេចបន្តថាពេលនោះភ្នំពេញជារហោឋាន មិនដូចភ្នំពេញនាពេលនេះ ដែលមានការកកស្ទះចរាចរណ៍ផង និងអគារខ្ពស់ៗផង។សម្ដេចបានមានប្រសាសន៍បន្តថា អង្គការសហប្រជាជាតិធ្លាប់បានបញ្ជូនកងទ័ពមួកខៀវមកកម្ពុជា ប៉ុន្តែពេលនេះកម្ពុជាបានបញ្ជូនកងទ័ព ក្រោមឆ័ត្រអង្គការសហប្រជាជាតិទៅប្រតិបត្តិការនៅប្រទេសដទៃ។ សម្ដេចបន្តថាដំណើរការបោះឆ្នោតជ្រើសរើសក្រុមប្រឹក្សាឃុំសង្កាត់ចាប់ ផ្ដើមតាំងពីឆ្នាំ២០០២។ នេះជាការបោះឆ្នោតសកលហើយការបោះឆ្នោតនេះគឺជា ការផ្ទេរអំណាចទៅថ្នាក់ក្រោមជាតិដើម្បីបោះឆ្នោតអសកលជ្រើសរើស ក្រុមប្រឹក្សាស្រុក ខេត្ត និងការបោះឆ្នោតព្រឹទ្ធសភា។សម្ដេចបានថ្លែងអំណរគុណចំពោះគណប្រតិភូ សង្កេតការណ៍ទាំងអស់ ដែលបានមកធ្វើការសង្កេតការណ៍បោះឆ្នោតជ្រើសរើសក្រុមប្រឹក្សាឃុំ សង្កាត់ នាពេលនេះ ដើម្បីសង្កេតមើល អំពីដំណើរការលទ្ធិប្រជាធិបតេយ្យរបស់ប្រទេសមួយដែលធ្លាប់តែល្បីល្បាយអំពីការធ្វើសង្គ្រាមការកាប់សម្លាប់ប្រល័យពូជសាសន៍ប្រែក្លាយជាប្រទេសប្រជាធិបតេយ្យតាមរយៈការបោះឆ្នោត។សម្ដេចបានជម្រាបជូនប្រតិភូអំពី ជោគជ័យ នៃការគ្រប់គ្រងការរីករាលដាលជំងឺកូវីដ-១៩ ដែលមកដល់ពេលនេះកម្ពុជាមិនមានការឆ្លងរយៈពេលជាង ២០ថ្ងៃមកហើយ។ ពីនោះទៅទៀតបានដំណើរការលើការ ឃោសនារកសំឡេងឆ្នោតរបស់គណបក្សនីមួយៗដោយរលូន គ្មានអំពើហិង្សា ទាំងពាក្យសម្ដីនិងកាយវិការ៕

សម្តេចតេជោ ហ៊ុន សែន ៖ យុទ្ធសាស្ត្រផ្ការីកចាក់វ៉ាក់សាំងកូវីដ-១៩ នាំឱ្យកម្ពុជាសម្រេចជោគជ័យជាពិសេសការបោះឆ្នោតនៅថ្ងៃស្អែកនេះ

2022/06/04 11:26:38 am        493
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី បានមានប្រសាសន៍ដោយមោទភាពថា យុទ្ធសាស្ត្រនៃការចាក់វ៉ាក់សាំងប្រយុទ្ធប្រឆាំងកូវីដ-១៩ បាននាំឱ្យកម្ពុជាសម្រេចបានជោគជ័យ ជាពិសេសសម្រាប់ការបោះឆ្នោតនៅថ្ងៃស្អែកនេះតែម្តង។នេះជាប្រសាសន៍លើកឡើងរបស់សម្តេច ខណៈបានអនុញ្ញាតឱ្យឯកឧត្តម Andres pastrana ប្រធានអង្គការអ្នកប្រជាធិបតេយ្យនិយម កណ្តាលអន្តរជាតិ(CDI)ចូលជួបសំដែងការគួរសម នៅវិមានសន្តិភាព នាព្រឹកថ្ងៃទី៤ ខែមិថុនា ឆ្នាំ២០២២នេះ ។នៅក្នុងជំនួបនេះ ឯកឧត្តម Andres pastrana  បានមានប្រសាសន៍ថា ក្នុងនាមក្រុមគ្រួសារ ស៊ីឌីអាយ ឯកឧត្តម សូមគោរពសម្ដែងនូវមរណទុក្ខចំពោះការបាត់បង់ បងប្រុស របស់សម្ដេច ហើយក៏បានគោរពជម្រាបជូនសម្ដេចថា ឯកឧត្តមពិតជាមានកិត្តិយសណាស់ ដែលបានអញ្ជើញមកធ្វើជាអ្នកសង្កេតការណ៍សម្រាប់ការបោះឆ្នោតក្រុមប្រឹក្សាឃុំ-សង្កាត់ឆ្នាំ ២០២២នេះ។ឯកឧត្តម បានបន្ថែមថា នេះជាលើកទី៣ហើយ ដែលឯកឧត្តមបានមកសង្កេតការណ៍មើលការបោះឆ្នោតនៅកម្ពុជា។លើកទី១ គឺនៅឆ្នាំ២០១៤ លើកទី២ឆ្នាំ២០១៨ និងលើកទី៣គឺនៅពេលនេះ។ឯកឧត្តមក៏បានគោរពជូនពរឱ្យដំណើរការនៃការបោះឆ្នោតជ្រើសរើសក្រុមប្រឹក្សាឃុំ សង្កាត់នៅថ្ងៃស្អែកនេះ ដំណើរការទៅដោយរលូន និងជោគជ័យ។ជាការឆ្លើយតប សម្ដេចតេជោបានថ្លែងអំណរគុណឯកឧត្តម Andres ចំពោះការចូលរួមរំលែកមរណទុក្ខ និងបានជម្រាបជូនឯកឧត្តម Andres អំពីដំណើរការចាក់វ៉ាក់សាំងប្រយុទ្ធប្រឆាំងកូវីដ-១៩ នៅកម្ពុជាដែលយកយុទ្ធសាស្ត្រផ្ការីក ចាក់ចេញពីរាជធានីភ្នំពេញនិងខេត្តកណ្តាលមុនគេដែលនាំឱ្យទទួលបានជោគជ័យ ជាពិសេស សម្រាប់ការបោះឆ្នោតជ្រើសរើសក្រុមប្រឹក្សាឃុំ សង្កាត់នៅថ្ងៃស្អែកនេះ។សម្ដេចបានបន្តថាកម្ពុជាឥឡូវនេះមិនមានការឆ្លងកូវីដ-១៩ ជាង២០ថ្ងៃហើយ។ ជាទីបញ្ចប់សម្ដេចតេជោ ហ៊ុនសែន បានថ្លែងអំណរគុណដល់ឯកឧត្ដមAndres ដែលបានដឹកនាំប្រតិភូCDIមកសង្កេតការណ៍បោះឆ្នោតនៅកម្ពុជានៅថ្ងៃស្អែកនេះ៕

ឯកឧត្តម លុយ សុន អញ្ជើញបិទវគ្គយុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំ សង្កាត់ នៅឃុំឆ្នាល់មាន់

2022/06/03 06:07:49 pm        225
Facebook Telegram Linkin
បាត់ដំបង៖ ឯកឧត្តម លុយ សុន ប្រធានក្រមការងារគណបក្សប្រជាជនកម្ពុជា ចុះមូលដ្ឋានឃុំឆ្នាល់មាន់ ស្រុកគាស់ក្រឡ ខេត្តបាត់ដំបង នៅព្រឹកថ្ងៃទី០៣ ខែមិថុនា ឆ្នាំ២០២២នេះ បានអញ្ជើញដង្ហែក្បួនបិទវគ្គយុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ នៅមូលដ្ឋានឃុំឆ្នាល់មាន់ ស្រុកគាស់ក្រឡ ខេត្តបាត់ដំបង ។សម្រាប់យុទ្ធនាការឃោសនាបោះឆ្នោតជ្រើសរើសក្រុមប្រឹក្សា ឃុំ សង្កាត់ អាណត្តិទី៥ រយៈពេល ១៤ថ្ងៃ ដែលបានចាប់ផ្តើមកាលពីថ្ងៃទី២១ ខែឧសភា ឆ្នាំ ២០២២ ត្រូវបិទបញ្ចប់ នៅថ្ងៃទី០៣ ខែមិថុនា ឆ្នាំ២០២២នេះ ដោយជាទូទៅយុទ្ធនាការ ក្នុងរយៈពេលប៉ុន្មានថ្ងៃកន្លងទៅនេះបាន ប្រព្រឹត្តិទៅក្រោមបរិយាកាសល្អប្រសើរ គ្មានអំពើហិង្សាកើតឡើងឡើយ៕

ឯកឧត្តម លី ធុជ ​ដឹកនាំ​សមាជិក​ សមាជិកា ​ជាង​ ៣០០០នាក់​ ដង្ហែ​ក្បួន​បិទ​យុទ្ធនាការ​ឃោសនា​បោះ​ឆ្នោត​ជ្រើសរើស​ក្រុម​​ប្រឹក្សា​ឃុំ​សង្កាត់​ អាណត្តិ​ទី​៥​ ឆ្នាំ​២០២២

2022/06/03 04:38:47 pm        158
Facebook Telegram Linkin
បាវិត,ស្វាយរៀង៖ នៅព្រឹក​ថ្ងៃ​ទី​០៣​ ខែ​មិថុនា​ ឆ្នាំ​២០២២​ ឯកឧត្តម លី ធុជ ប្រធានក្រុមការងារគណបក្សចុះមូលដ្ឋានក្រុងបាវិត ខេត្តស្វាយរៀង ​បាន​ដឹកនាំ​សមាជិក​ សមាជិកា ​គណបក្ស​ប្រជាជន​កម្ពុជា​ក្រុងបាវិត​​ជាង​ ៣០០០នាក់​ ដង្ហែ​ក្បួន​បិទ​យុទ្ធនាការ​ឃោសនា​បោះ​ឆ្នោត​ជ្រើសរើស​ក្រុម​​ប្រឹក្សា​ឃុំ​សង្កាត់​ អាណត្តិ​ទី​៥​ ឆ្នាំ​២០២២។ 

ឯកឧត្ដម ជា សុផារ៉ា អញ្ជើញជួបសំណេះសំណាលជាមួយសមាជិកសមាជិកាបក្សខេត្តត្បូងឃ្មុំ

2022/06/03 04:37:45 pm        576
Facebook Telegram Linkin
ត្បូងឃ្មុំ៖ ថ្ងៃបិទបញ្ចប់យុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី៥ឆ្នាំ ឯកឧត្តម ឧបនាយករដ្ឋមន្ត្រី ជា សុផារ៉ា ប្រធានក្រុមការងាររាជរដ្ឋាភិបាលចុះមូលដ្ឋានខេត្តត្បូងឃ្មុំ បានអញ្ជើញជួបសំណេះសំណាលជាមួយប្រធានក្រុមបក្ស សមាជិក សមាជិកា នៃគណបក្សប្រជាជនកម្ពុជា និងប្រជាពលរដ្ឋ នៅតាមមូលដ្ឋាននានាទូទាំងខេត្តត្បូងឃ្មុំ។ឯកឧត្ដម ឧបនាយករដ្ឋមន្រ្តី ជា សុផារ៉ា មានប្រសាសន៍ថា យុទ្ធនាការឃោសនាបោះឆ្នោត​បាន​បញ្ចប់​ប្រកបដោយភាពជោគជ័យ ដោយមានការចូលរួមយ៉ាងច្រើនកុះករពីសមាជិក សមាជិកា​គណបក្សប្រជាជនកម្ពុជា​ នៅគ្រប់មូលដ្ឋានទាំងអស់ទូទាំងខេត្តត្បូងឃ្មុំ ​ហើយប្រជាពលរដ្ឋ និង​សមាជិកសមាជិកា​បក្សទាំងអស់ ​បានគាំទ្រយុទ្ធនាការឃោសនាបោះឆ្នោតនេះ ឱ្យដំណើរការ​ទៅដោយរលូន ​ដែលកាយវិការនេះ គឺបានបង្ហាញយ៉ាងច្បាស់ថា ប្រជាពលរដ្ឋ និងសមាជិក សមាជិកា​បក្សគ្រប់រូប ​ស្រលាញ់គាំទ្រគោលនយោបាយរបស់គណបក្សប្រជាជនកម្ពុជា។ ពលរដ្ឋ ចង់បានការ​អភិវឌ្ឍលើគ្រប់វិស័យ ​ការលើកកម្ពស់ជីវភាព​ចង់ ​បានហេដ្ឋារចនាសម្ព័ន្ធ​លើ​គ្រប់វិស័យ​បន្ថែមទៀត។ឯកឧត្ដម បានបន្ថែមថា នៅក្នុងយុទ្ធនាការឃោសនាបោះឆ្នោតនេះ ​ក៏បានបង្ហាញអំពីការទទួលខុស​ត្រូវរបស់​អាជ្ញាធរគ្រប់លំដាប់ថ្នាក់ កងកម្លាំងគ្រប់ប្រភេទ ​បានថែរក្សាសន្តិសុខ សុវត្ថិភាព​បាន​យ៉ាងល្អប្រសើរ ​ហើយដំណើរការនៃការឃោសនាបោះឆ្នោតនេះ ក៏បានបង្ហាញថា​លទ្ធិប្រជាធិបតេយ្យ​សេរីពហុបក្ស ​កំពុងតែមានភាពរឹងមាំស្ថិតស្ថេរនៅក្នុងព្រះរាជាណាចក្រកម្ពុជា ដែលចាត់ទុកថានេះ​ជារបត់ដ៏ត្រឹមត្រូវ​ ដែលគណបក្សប្រជាជនកម្ពុជាបានប្រកាន់យក។ គណបក្សប្រជាជនកម្ពុជា គឺជាបង្អែក និងជាសេចក្តីសង្ឃឹមរបស់ប្រជាពលរដ្ឋ។ គណបក្សប្រជាជនកម្ពុជា​ ជាគណបក្សរបស់ប្រជាជន ​ដើម្បីប្រជាជន និងបន្តការដឹកនាំតទៅ​មុខទៀត ​សម្រាប់កូនចៅប្រជាពលរដ្ឋគ្រប់ជំនាន់នាពេលអនាគត។ឯកឧត្តម មានសង្ឃឹមជឿជាក់ថា ក្នុងការបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី០៥ នេះ ​នៅគ្រប់មូលដ្ឋានក្នុងខេត្តត្បូងឃ្មុំ ​ប្រជាពលរដ្ឋនឹងផ្ដល់ការគាំទ្រដល់គណបក្សប្រជាជនកម្ពុជា ដែល ​មានក្រុមប្រឹក្សាឃុំរបស់បក្សនេះ តែងតែបម្រើ និងផ្ដល់សេវាសាធារណៈជូន​ប្រជាពលរដ្ឋ​បានល្អប្រសើរ៕

ឯកឧត្តម ម៉ឹង មករា និងអ្នកគាំទ្រជាង ៣០០០នាក់នៅស្រុកជើងព្រៃ ហែរបក្សបិទយុទ្ធនាការឃោសនាបោះឆ្នោត

2022/06/03 03:47:10 pm        873
Facebook Telegram Linkin
កំពង់ចាម៖ ថ្ងៃទី៣ខែមិថុនាឆ្នាំ២០២២ ឯកឧត្តម ម៉ឹង មករា សមាជិកក្រុមការងារថ្នាក់ជាតិ ចុះជួយមូលដ្ឋានខេត្តកំពង់ចាម និងជាប្រធានក្រុមការងារជនបង្គោលចុះជួយស្រុកជើងព្រៃ ខេត្តកំពង់ចាម ព្រមទាំងសមាជិកសមាជិកា ចូលរួមហែរបក្សបិទយុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី៥ ឆ្នាំ២០២២ មានអ្នកគាំទ្រចូលរួមជាង ៣០០០នាក់។ក្នុងពិធីនោះ ឯកឧត្តម សូមឱ្យប្រជាពលរដ្ឋបន្តគាំទ្ររាជរដ្ឋាភិបាល ពិសេសបន្តគាំទ្រគណបក្ស​ប្រជាជន​ដែល​បានប្រឹងប្រែងកសាង នឹងរក្សាសន្តិភាព ដែលជាមូលដ្ឋាននៃការអភិវឌ្ឍ​លើក​កំពស់គុណភាពជីវិត ​និងការស់នៅរបស់ប្រជាពលរដ្ឋកាន់តែប្រសើរឡើង។ មាន​តែ​គណបក្ស​ប្រជាជន​កម្ពុជា ​ដែលបានថែរក្សាសុខសន្តិភាព ​សណ្តាប់ធ្នាប់ និងការអភិវឌ្ឍពិតប្រាកដ​ជូន​ប្រជាជនកម្ពុជា។ឯកឧត្តម ម៉ឹង មករា បានបន្ដថា គណបក្សប្រជាជនបង្កើតឡើងដោយប្រជាជន បម្រើប្រជាជន រួម​សុខរួមទុក្ខជាមួយប្រជាជន ក្នុងស្មារតីជាមហាគ្រួសារខ្មែរដ៏ធំ ពិសេស​គណបក្សប្រជាជន គឺ​ស្មោះត្រង់នឹងរួមចំណែកជាមួយពលរដ្ឋខ្លួនក្នុងគ្រប់កាលៈទេសៈទាំងអស់​ តាំងពីអតីតកាល បច្ចុប្បន្ន និង​ទៅ​ថ្ងៃ​អនាគត​ជា​និរន្តរ៍។នាថ្ងៃដដែលនេះ ឯកឧត្តម ក៏បានអញ្ជើញទៅពិនិត្យមើល​សមិទ្ធផល​អាងទឹក​អូរតាកេរ្តិ៍ដែល​ជា​សមិទ្ធផលដ៏ថ្លៃថ្លារបស់ឯកឧត្ដមបណ្ឌិត ហ៊ុន ម៉ាណែត និងលោកជំទាវ ដែល​សមិទ្ធផល​នេះ​នឹងរួមចំណែកក្នុងការបង្កើតនូវសហគមន៍កសិករគំរូ ​ទីផ្សារកសិផល ​និងជាកន្លែង​ផ្ទេរនូវបច្ចេកវិជ្ជា បច្ចេកទេសកសិកម្ម​ និងគាំទ្រដល់ប្រជាកសិករក្នុងការលើកកំពស់សេដ្ឋកិច្ច និងជីវភាពរស់នៅ​របស់​ប្រជាជនលើវិស័យកសិកម្មរួមមានសួនដំណាំបន្លែសុវត្ថិភាព ​វារីវប្បកម្ម​ និងដំណាំស្រូវ ដើម្បី​បង្ហាត់បង្ហាញ​ជូនប្រជាពលរដ្ឋនៅមូលដ្ឋានតែម្តង។សមិទ្ធផល និងស្នាដៃជាក់ស្តែងជាច្រើនដែលកើតឡើងក្រោមការដឹកនាំផ្ទាល់របស់ គណបក្ស​ប្រជាជនកម្ពុជា ​គឺដើម្បីនាំ ​នាវាកម្ពុជា ឆ្ពោះទៅមុខប្រកបដោយសន្តិភាពនឹងការអភិវឌ្ឍជូន​ប្រជាជនកម្ពុជា។ក្រោមការដឹកនាំរបស់ឯកឧត្ដម ម៉ឹង មករា និងការចង្អុលបង្ហាញដោយផ្ទាល់ពី​ឯកឧត្ដមបណ្ឌិត ហ៊ុន ម៉ាណែត ក្រុមការងារបានរួមចំណែកយ៉ាងច្រើន ក្នុងការជួយដល់កិច្ចការមនុស្សធម៌មានដូចជា វិស័យសុខាភិបាល ​វិស័យអប់រំ វិស័យកសិកម្ម ​និងការកសាងហេដ្ឋារចនាសម្ព័ន្ធ ជូនប្រជាពលរដ្ឋ​នៅ​ជនបទរួមមាន ការកសាងផ្លូវថ្នល់ ​សាលារៀន មន្ទីរពេទ្យ វត្តអារាម ​ទំនប់ទឹក​ ប្រលាយទឹក ស្រះទឹក ​ការដាំកូនឈើលម្អអមសងខាងផ្លូវ ព្រមទាំងហេដ្ឋារចនាសម្ព័ន្ធផ្សេងៗឯទៀត ដើម្បីរួម​ចំណែក​ជាមួយរាជរដ្ឋាភិបាលក្នុងការកាត់បន្ថយភាពក្រីក្រ របស់ប្រជាពលរដ្ឋ​នៅតាមជនបទ ៕

សម្តេចតេជោ អំពាវនាវដល់ពលរដ្ឋឱ្យប្រុងប្រយ័ត្នចំពោះកូវីដ១៩ ក្នុងពេលបោះឆ្នោតខាងមុខ បើទោះបីបច្ចុប្បន្នពុំមានករណីឆ្លងថ្មីក៏ដោយ

2022/06/03 02:55:23 pm        568
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា បានក្រើនរំលឹកដល់បងប្អូនជនរួម ជាតិទាំងអស់ ពេលទៅបោះឆ្នោតជ្រើសរើសក្រុមប្រឹក្សាឃុំ-សង្កាត់ នាថ្ងៃទី៥ ខែមិថុនា ខាងមុខនេះ គប្បីបន្តអនុវត្តឲ្យបានខ្ជាប់ខ្ជួនជានិច្ច ដោយត្រូវមានអាកុល និងពាក់ម៉ាស ដើម្បីការពារមេរោគកូវីដ១៩ បើទោះបីជាបច្ចុប្បន្នប្រទេសកម្ពុជាយើង ពុំមានករណីឆ្លងថ្មីក៏ដោយ។ក្នុងនោះសម្តេចតេជោ ហ៊ុន សែន បានអំពាវនាវដល់បងប្អូនជនរួមជាតិជាថ្មីម្តងទៀត សូមមេត្តាកុំលក់នូវគ្រឿងស្រវឹង ក្នុងថ្ងៃបោះឆ្នោតជ្រើសរើសក្រុមប្រឹក្សាឃុំ-សង្កាត់ នាថ្ងៃអាទិត្យ ទី៥ខែមិថុនា ខាងមុខនេះ។សម្តេចតេជោ បានថ្លែងអំណរគុណចំពោះក្រុមប្រឹក្សាឃុំ-សង្កាត់អាណត្តិទី៤ កន្លងទៅ ដែលបាន​ធ្វើការ​បំរើដល់បងប្អូនប្រជាពលរដ្ឋទូទំាងប្រទេសបានយ៉ាងល្អ ​ជាពិសេសគឺការរៀបចំ ឲ្យ​ប្រជាពលរដ្ឋ​គ្រប់រូបបានចាក់វ៉ាក់សាំងការពារមេរោគកូវីដ១៩​ ជាដើម។សម្តេចនាយករដ្ឋមន្រ្តី បានប្រកាសថា សម្តេចមិនបានភ្លេចនោះឡើយចំពោះសកម្មភាព​និង​គុណ​បំណាច់របស់បងប្អូនប្រធានក្រុមប្រឹក្សាឃុំ-សង្កាត់ទូទាំង​ប្រទេស ដែលបាន​រៀបចំ​យ៉ាងយក​ចិត្តទុក​ដាក់បំផុតចំពោះប្រជាពលរដ្ឋនៅតាមមូលដ្ឋានរបស់ខ្លួនពេលដែលប្រទេសកំពុងជួបនូវវិបត្តិកូវីដ១៩។សម្តេចតេជោ ហ៊ុន សែន បានប្រកាសអគុណជាថ្មីម្តងទៀតចំពោះក្រុមប្រឹក្សាឃុំ-សង្កាត់ទាំងអស់ ដែល​បានលះបង់គ្រប់បែបយ៉ាងបំរើដល់អាយុជីវិតរបស់បងប្អូនប្រជាពលរដ្ឋ​ដោយមិនបាន​គិត​អំពី​និន្នាការនយោបាយ​អ្វីនោះឡើយ ​ជាពិសេសក្នុងពេលដំណាក់កាលនៃការគ្រប់គ្រងមេរោគកូវីដ១៩ និងពេលចាក់វ៉ាក់សាំងប្រឆាំងកូវីដ១៩នេះតែម្តង ​ខណៈការខិតខំរបស់ក្រុមប្រឹក្សាឃុំ-សង្កាត់​នេះហើយ ​បានកាត់បន្ថយអាយុជីវិតរបស់ពលរដ្ឋខ្មែរយើងពីមេរោគកូវីដ១៩នោះ។សម្តេចតេជោ ហ៊ុន សែន នាយករដ្ឋមន្រ្តីបានថ្លែងអំណរគុណចំពោះបងប្អូនជនរួមជាតិទាំងអស់ ដែលបានចូលរួមកិច្ចការដ៏ល្អ ក្នុងរយៈពេលនៃយុទ្ធនាការបោះឆ្នោត ដែលបានធ្វើឲ្យប្រទេស​កម្ពុជា​យើង ដំណើរការ ​យុទ្ធនាការរក​សំឡេងឆ្នោត​ប្រព្រឹត្តទៅ​ភាព​ស្ងប់ស្ងាត់​ល្អ ដោយពុំមានបាតុភាព​អ្វីកើតឡើងនោះ។សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា និងជាប្រធានគណបក្សប្រជាជនកម្ពុជា បា​នប្រកាសថ្លែងអំណរគុណចំពោះគ្រប់បណ្តាគណបក្សនយោបាយទាំងអស់នៅកម្ពុជា ដែល​បានចូលរួមអនុវត្តច្បាប់ ស្របទៅ​តាមការណែនាំ​រ​បស់​គណៈកម្មាធិការជាតិរៀបចំការ​បោះឆ្នោត (គ.ជ.ប.) ហើយសម្តេចសង្ឃឹមថា​ គ្រប់​គណបក្សនយោបាយទាំងអស់​នឹងចូលរួមជាមួយគ្នាដើម្បី​ជោគជ័យ​នូវ​លទ្ធិប្រជាធិបតេយ្យ ​សេរី​ពហុបក្សនៅកម្ពុជាយើង ​ក្នុងពេលបោះឆ្នោតនាថ្ងៃអាទិត្យទី៥ ខែមិថុនា ខាងមុខនេះ។សម្តេចតេជោ ​បានសម្តែងក្តីរំពឹងថា ​គ្រប់គណបក្សនយោបាយទាំងអស់គ្នា នឹងទទួលយក​នូវ​លទ្ធផល​ការបោះឆ្នោត​ ដែល​ប្រជាជន​នឹង​ផ្តល់​សម្រាប់​យើង​ទាំង​អស់គ្នា ​នាពេលប៉ុន្មាន​ថ្ងៃ​ខាងមុខនេះ៕

ពលរដ្ឋថ្លែងការសប្បាយចិត្ត ខណៈបានចូលរួមហែរគណបក្សដែលខ្លួនស្រឡាញ់នៅថ្ងៃបិទបញ្ចប់យុទ្ធនាការ

2022/06/03 02:43:05 pm        611
Facebook Telegram Linkin
ភ្នំពេញ៖ នៅក្នុងឱកាសការចូលរួមហែរគណបក្សឃោសនាបោះឆ្នោតជ្រើសរើសក្រុមប្រឹក្សាឃុំ សង្កាត់អណត្តិទី៥ នៅថ្ងៃទី៣ ខែមិថុនា ដែលជាថ្ងៃចុងក្រោយនេះ បណ្តាពលរដ្ឋ និងបណ្តាសកម្មជនគណបក្សនយោបាយនានា នៅរាជធានីភ្នំពេញ បានថ្លែងការសប្បាយចិត្ដជាខ្លាំង ខណៈគេបានចូលរួមឃោសនាបោះឆ្នោតជូនគណបក្សដែលគេស្រឡាញ់។បើតាមពលរដ្ឋនៅសង្កាត់អូឬស្សី បានថ្លែងថា នៅថ្ងៃនេះគឺជាថ្ងៃចុងក្រោយនៃ យុទ្ធនាការឃោសនា​បោះឆ្នោតជ្រើសរើសក្រុមប្រឹក្សាឃុំសង្កាត់អណត្តិទី៥ ហើយគេឃើញមានបណ្តាអ្នកគាំទ្រ និង​សកម្មជន​គណបក្សនយោបាយជាច្រើនបានធ្វើសកម្មភាពហែរគណបក្ស ​ឃោសនា​អោយពលរដ្ឋ​អញ្ជើញទៅបោះឆ្នោតជូនគណបក្សដែលខ្លួនស្រឡាញ់ពេញចិត្ត។សម្រាប់ទិដ្ឋភាពនៃ ​ការហែរគណបក្សឃោសនាបោះឆ្នោតនេះ សំគាល់ឃើញថា បណ្តា​សកម្មជន​គណបក្សនយោបាយគឺបានគោរពក្រមសីលធម៌ ​គោរព​គោលការណ៍​ណែនាំ ​និងច្បាប់ គណៈកម្មាធិការ​ជាតិរៀបចំ​ការបោះឆ្នោត គ.ជ.ប និង​បានធ្វើអោយសកម្មភាពនៃយុទ្ធនាការ​ឃោសនាបោះឆ្នោតនេះ ​គឺមានសន្តិសុខ ​សណ្តាប់ធ្នាប់ល្អ។សូមបញ្ជាក់ថា យុទ្ធនាការឃោសនាបោះឆ្នោតជ្រើសរើសឃុំសង្កាត់អណត្តិទី៥នេះ គឺបានធ្វើ​ឡើង​រយៈពេល១៤ថ្ងៃ គិតចាប់ពីថ្ងៃទី២១ ​ខែឧសភា ​រហូតដល់ថ្ងៃទី៣​ ខែមិថុនានេះ ហើយនៅ​ថ្ងៃ​អាទិត្យទី៥ ​ខែមិថុនាខានស្អែក ​សូមបណ្តាពលរដ្ឋដែលមានឈ្មោះក្នុងបញ្ជីឈ្មោះបោះឆ្នោត អញ្ជើញទៅបោះឆ្នោតទាំងអស់គ្នា៕ អត្ថបទ ស៊ុម សុខជា

ឯកឧត្តម ថោង ខុន និងអ្នកគាំទ្រជាង ៣០០០នាក់​នៅស្រុកបារាយណ៍ និងតាំងគោក ហែរបក្សបិទយុទ្ធនាការ

2022/06/03 02:27:15 pm        608
Facebook Telegram Linkin
កំពង់ធំ៖ ឯកឧត្តម ថោង ខុន ប្រធានក្រុមការងារចុះជួយស្រុកបារាយណ៍ និងស្រុកតាំងគោក និងសមាជិកសមាជិការបក្សជាង ៣០០០នាក់ នៅស្រុកបារាយណ៍ និងស្រុកតាំងគោក ខេត្តកំពង់ធំ នាថ្ងៃទី៣ ខែមិថុនា ឆ្នាំ២០២២ បានដង្ហែក្បួន បិទយុទ្ធនាការឃោសនាបោះឆ្នោត និង​បានអំពាវនាវដល់សមាជិកបក្ស និងប្រជាពលរដ្ឋទៅបោះឆ្នោតឱ្យបានគ្រប់គ្នា។ឯកឧត្តម ថោង ខុន ថ្លែងថា នៅថ្ងៃបិទយុទ្ធនាការឃោសនាបោះឆ្នោតនេះ បានថ្លែងទៅកាន់​សមាជិក​គណបក្សថា ក្នុងរយៈពេល១៤ថ្ងៃនៃយុទ្ធនាការឃោសនាបោះឆ្នោត បេក្ខជន​ក្រុមប្រឹក្សា​ឃុំរបស់​គណបក្សប្រជាជនកម្ពុជា រួមជាមួយក្រុមការងារគ្រប់លំដាប់ថ្នាក់បាន​អនុវត្តការងារ​យ៉ាង​សកម្ម និងទទួលបានលទ្ធផលល្អប្រសើរ ក្នុងនោះសមាជិកសមាជិកគណបក្ស បានជួបសំណេះ​សំណាល និងចុះសួរសុខទុក្ខប្រជាពលរដ្ឋ ​និងសមាជិកបក្សនៅតាមភូមិ តាមខ្នងផ្ទះ ពិសេស​គឺបានធ្វើការផ្សព្វផ្សាយយ៉ាងទូលំទូលាយអំពីគោលនយោបាយនៃការអភិវឌ្ឍឃុំ-សង្កាត់ អាណត្តិទី៥ ។ឯកឧត្តម ថោង ខុន បានថ្លែងអំណរគុណចំពោះក្រុមការងារ មន្រ្តីបក្ស និងសមាជិកគណបក្ស​ប្រជាជន​នៃឃុំទាំង ១០របស់ស្រុកបារាយណ៍​ និងឃុំទាំង៨របស់ស្រុកតាំងគោក ដែលបានចូលរួម​ក្នុងការឃោសនារកសំឡេងឆ្នោតរយៈពេល១៤ថ្ងៃនេះ ​និងដង្ហែក្បួនបិទយុទ្ធនាការឃោសនា​បោះឆ្នោត​ក្រុមប្រឹក្សាឃុំ អាណត្តិទី៥ ឱ្យប្រព្រឹត្តទៅដោយរលូន និងទទួលបានជោគជ័យ។ ឯកឧត្តម ក៏បានផ្ញើដល់សមាជិក-សមាជិកាគណបក្ស និងប្រជាពលរដ្ឋគ្រប់គ្នាថែរក្សាសុខភាព កុំ​ពិសារគ្រឿងស្រវឹង កុំចេញទៅណាឆ្ងាយៗ​ និងសូមត្រៀមខ្លួនទៅចូលរួមបោះឆ្នោតទាំងអស់គ្នា ហើយ​ត្រូវត្រៀមឱ្យបានស្រេចបាច់នូវអត្តសញ្ញាណប័ណ្ណ ឬឯកបញ្ជាក់​អត្តសញ្ញាណ​បម្រើឱ្យការបោះឆ្នោត (ឯ.អ)។សូមជម្រាបថា យុទ្ធនាការឃោសនាបោះឆ្នោតសម្រាប់ការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ បានប្រព្រឹត្តទៅរយៈពេល១៤ថ្ងៃ​ ពោលគឺចាប់ពីថ្ងៃទី២១ ខែឧសភា ​ដល់ថ្ងៃទី៣ ខែមិថុនា ឆ្នាំ២០២២​ តាមការកំណត់គណៈកម្មាធិការជាតិរៀបចំការបោះឆ្នោត (គ.ជ.ប)។ ការបោះឆ្នោតនឹងប្រព្រឹត្តទៅរយៈពេល១ថ្ងៃ ​គឺនៅថ្ងៃអាទិត្យ ទី៥ ខែមិថុនា ឆ្នាំ២០២២៕ អត្ថបទ ស៊ុម សុខជា

បណ្ដាញសង្គម

ព័ត៌មានថ្មីៗ

ឯកឧត្តម ឌិត ទីណា ទទួលជួបតំណាងថ្មីនៃកម្មវិធីអភិវឌ្ឍន៍សហប្រជាជាតិ ដើម្បីពិភាក្សាការងារវិស័យកសិកម្ម
09/13/2025 07:09 PM
Facebook Telegram Linkin
លោកជំទាវបណ្ឌិត ពេជ ចន្ទមុន្នី ព្រមទាំងពុទ្ធបរិស័ទ អញ្ជើញ​ចូល​រួម​ពិធី​បុណ្យ​កាន់​បិណ្ឌ​វេន​ទី៧ នៅវត្តឧណ្ណាលោម
09/13/2025 06:09 PM
Facebook Telegram Linkin
មនុស្ស ៩៧នាក់យ៉ាងតិចបានស្លាប់ ហើយជាង ៤,៤លាននាក់រងប៉ះពាល់ដោយសារ​ទឹកជំនន់​នៅខេត្ត Punjab របស់ប៉ាគីស្ថាន
09/13/2025 06:09 PM
Facebook Telegram Linkin
នគរបាលក្រុងឡុងដ៍ ត្រៀមទប់ទល់នឹងការតវ៉ាដ៏ធំពីក្រុមបដិបក្ខ
09/13/2025 06:09 PM
Facebook Telegram Linkin
អ៊ីស្រាអែលចោទអេស្ប៉ាញថា បានគំរាមកំហែងប្រល័យពូជសាសន៍ ខណៈទីក្រុងម៉ាឌ្រីដ​តបវិញ​ដោយកំហឹង
09/13/2025 05:09 PM
Facebook Telegram Linkin
អភិបាលស្រុកមុខកំពូល និងភរិយា នាំយកទេយ្យវត្ថុ​ប្រគេន​ព្រះសង្ឃ​គង់​នៅវត្តព្រះធម៌កំពូលត្រ័យភព (ហៅវត្តអំពិលទឹក) ក្នុងឱកាសបុណ្យកាន់បិណ្ឌវេនទី៦
09/13/2025 05:09 PM
Facebook Telegram Linkin
ក្រុមអ្នកតវ៉ា នៅក្រុងមែលប៊ន ប៉ះទង្គិចគ្នា ខណៈការប្រមូលផ្តុំធ្វើឡើងនៅទូទាំងអូស្ត្រាលី
09/13/2025 04:09 PM
Facebook Telegram Linkin
ក្រុងមូស្គូបញ្ជាក់ថា កិច្ចចរចាសន្តិភាពជាប់គាំង ខណៈលោក Zelensky ថា លោក Putin ចង់ក្ដោបអ៊ុយក្រែន
09/13/2025 04:09 PM
Facebook Telegram Linkin
ADB ប្តេជ្ញាចិត្តខ្ពស់ ដោយបន្តជួយលើវិស័យអាទិភាពរបស់កម្ពុជា ដើម្បីសម្រេច​ចក្ខុវិស័យ​ឆ្នាំ​២០៥០
09/13/2025 04:09 PM
Facebook Telegram Linkin
លោក Rubio៖ អាមេរិកឈរជាមួយហ្វីលីពីន ប្រឆាំងផែនការរបស់ចិន នៅតំបន់ថ្មប៉ប្រះទឹក ក្នុងសមុទ្រចិនខាងត្បូង
09/13/2025 03:09 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.