BTV NEWS

គម្រោងស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) និងផ្លូវតភ្ជាប់ សម្រេចបាន ៤៥% ហើយ ដែលលឿនជាងផែនការ ៤,១១%

សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាលដែលកំពុងធ្វើកិច្ចការងារយ៉ាងសកម្មស្វែងរកដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស

សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥

សម្ដេចធិបតី៖ រាជរដ្ឋាភិបាលប្តេជ្ញាចិត្តយ៉ាងមុតមាំលើកកម្ពស់ការងារអក្ខរកម្ម និងបំពាក់បំប៉ន ជំនាញ និងឱកាសសិក្សាពេញមួយជីវិត ជាពិសេសជំនាញឌីជីថល

នយោបាយ និង ការអភិវឌ្ឍន៍

ពលរដ្ឋមើលឃើញពីភាពល្អប្រសើរនៃស្ថានភាពនយោបាយ និងដំណើរការបោះឆ្នោតនៅកម្ពុជា

ភ្នំពេញ៖ ចាប់ផ្ដើមពីយុទ្ធនាការឃោសនាបោះឆ្នោត រហូតដល់ពេលបញ្ចប់ការបោះឆ្នោតជ្រើសរើសក្រុមប្រឹក្សាឃុំសង្កាត់ គ្រប់យ៉ាងគឺមានដំណើរការល្អប្រសើរ ពុំមានការភិតភ័យ រឺភាពចលាចលជាអវិជ្ជមានណាមួយកើតឡើងនោះទេ។ នេះជាការបញ្ជាក់របស់ប្រជាពលរដ្ឋរស់នៅ ខណ្ឌច្បារអំពៅ។ការឃោសនាបោះឆ្នោត ក៏ដូចជាការបោះឆ្នោតជ្រើសរើសក្រុមប្រឹក្សាឃុំសង្កាត់ ឆ្នាំ២០២២ បានបញ្ចប់ដោយភាពរលូនស្ងប់ស្ងាត់ ពុំមានការបង្ខិតបង្ខំ រឺភាពចលាចលអវិជ្ជមានណាមួយកើតឡើងនោះទេ។ នេះជាការបញ្ជាក់របស់ ប្រជាពលរដ្ឋរស់នៅក្នុងខណ្ឌ ច្បារអំពៅ ដែលធ្លាប់ចូលរួមបោះឆ្នោតតាំងពីឆ្នាំ១៩៩ ៣មកម្ល៉េះ។ក្រោយបញ្ចប់ការបោះឆ្នោតជ្រើសរើសក្រុមប្រឹក្សាឃុំសង្កាត់នេះ ពួកគាត់ក៏សប្បាយចិត្ត នៅពេលដែលគ្មានភាពចលាចលណាមួយកើតឡើងបែបនេះ។ ពួកគាត់ពេញចិត្តដែលប្រជាពលរដ្ឋមិនថា ជាអ្នកគាំទ្រគណបក្សណា ក៏នៅតែមានសមាគ្គីភាព ក្នុងនាមខ្មែរតែមួយ។ ក្រោយការបោះឆ្នោតនេះ ពួកគាត់ក៏សង្ឃឹមជឿជាក់ថា ថ្នាក់ដឹកនាំសង្កាត់ក្នុងអាណត្តិថ្មីនឹង បន្តការអភិវឌ្ឍន៍ក្នុងមូលដ្ឋានឱ្យកាន់តែប្រសើរ។ការបោះឆ្នោតជ្រើសរើសក្រុមប្រឹក្សាឃុំសង្កាត់ឆ្នាំ ២០២២ ដែលដំណើរការនៅថ្ងៃទី ៥ ខែមិថុនា ចាប់ពីវេលាម៉ោង ៧.០០ ព្រឹក ដល់ម៉ោង៣.00 រសៀល ទូទាំងប្រទេស គឺបញ្ចប់ដោយស្របច្បាប់ សន្តិសុខសុវត្ថិភាព មានសណ្ដាប់ធ្នាប់សាធារណៈ គ្មានអំពើហិង្សា និងការគំរាមគំហែងនោះទេ។ នេះជាការបញ្ជាក់របស់ គណៈកម្មាធិការជាតិរៀបចំការបោះឆ្នោត ក្រោយបញ្ចប់ការបោះឆ្នោតកាលពីម្សិលម៉ិញ។ក្រោយបញ្ចប់ការបោះឆ្នោតភ្លាមៗ គជប ក៏បានប្រកាសពីលទ្ធបណ្តោះអាសន្ននៃចំនួនអ្នកចូលរួមបោះឆ្នោតឆ្នាំ២០២២នេះ ដោយបានបញ្ជាក់ថា ចំនួនប្រជាពលរដ្ឋ ដែលបានទៅបោះឆ្នោតគឺមានចំនួន ៧៧, ៩១% នៃចំនួនប្រជាពលរដ្ឋសរុបដែលមានឈ្មោះក្នុងបញ្ជីបោះឆ្នោតចំនួនជាង ៩លាននាក់។ តួលេខនេះ អាចនឹងមានការកើនឡើងបន្ថែមទៀតផងដែរ។ នេះបើយោងតាមសេចក្តីប្រកាសព័ត៌មានរបស់ គជប៕ អត្ថបទ៖ គឹមហុក

អ្នកសង្កេតការណ៍អន្តរជាតិថា ការបោះឆ្នោតកម្ពុជា បានអនុវត្តប្រជាធិបតេយ្យពេញលេញ

ភ្នំពេញ៖ ក្រុមអ្នកសង្កេតការណ៍អន្តរជាតិ បានមើលឃើញថា ការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ ដែលទើបបញ្ចប់ គឺបានអនុវត្តលទ្ធិប្រជាធិបតេយ្យពេញលេញ ដោយសារគ្មានអំពើហិង្សា កើតឡើង បើប្រៀបធៀបនឹងប្រទេសដទៃ។ក្រុមអ្នកសង្កេតការណ៍អន្តរជាតិមកពីតំបន់អឺរ៉ុប ក្នុងសន្និសីទសារព័ត៌មាន នៅព្រឹកថ្ងៃទី៦ ខែមិថុ នា នេះ បានឲ្យដឹងថា បន្ទាប់ពីបានចូលរួមសង្កេតការណ៍លើដំណើរការបោះឆ្នោតជ្រើសរើសក្រុមប្រឹក្សា ឃុំ-សង្កាត់ កាលពីម្សិលមិញ នៅតាមមណ្ឌលបោះឆ្នោតមួយចំនួន ទាំងក្នុងរាជធានី ភ្នំពេញ និងតាមបណ្តាខេត្ត គឺការបោះឆ្នោតពេញមួយថ្ងៃ ត្រូវបានរៀបចំបានយ៉ាងល្អ ប្រកបដោយប្រសិទ្ធភាព និងប្រសិទ្ធផល រួមទាំងមានឥរិយាបថស្ងប់ស្ងាត់ ធ្វើឲ្យដំណើរការទាំងមូលមានសុវត្ថិភាព និងសណ្តាប់ធ្នាប់។លោក រ៉ាមីន ម៉ាម៉ាឌូវ អ្នកសង្កេតការណ៍អន្តរជាតិមកពីស្ថាប័នអាយខាប់ បានបញ្ជាក់ថា ការចូល រួមសង្កេតការណ៍របស់លោកនៅកម្ពុជា គឺដើម្បីចង់ឃើញអំពីភាពស្អាតស្អំរបស់កម្ពុជា ហើយក្រោយពីបាន ចុះអង្កេតការណ៍ការបោះឆ្នោតកាលពីម្សិលមិញ បានឃើញថា ការបោះឆ្នោតរបស់កម្ពុជា គ្មានការប្រកាន់និន្នាការនយោបាយ ដូចប្រទេសដទៃ រហូតឈានដល់មានអំពើហិង្សានោះទេ។លោក ម៉ូឌ ហាតា អ្នកសង្កេតការណ៍អន្តរជាតិមកពីស្ថាប័នអាយប៉ា បានបញ្ជាក់ដែរថា ការបោះ ឆ្នោតរបស់កម្ពុជា មានសេរីភាព តម្លាភាព និងយុត្តិធម៌ ដោយសារមាននីតិវិធីមួយចំនួន បានក្លាយជាបទ ពិសោធន៍សម្រាប់ប្រទេសមួយចំនួន។សេចក្តីថ្លែងការណ៍របស់អ្នកសង្កេតការណ៍អន្តរជាតិ បានវាយតម្លៃថា គ.ជ.ប បានរៀបចំដំណើរ ការបោះឆ្នោត មានលក្ខណៈត្រឹមត្រូវ ស្របតាមការប្តេជ្ញាចិត្តរបស់អន្តរជាតិ ដូចជាអត្រាអ្នកទៅបោះឆ្នោត មានភាពល្អប្រសើរ ហើយមន្រ្តីរបស់គ.ជ.ប បានអនុវត្តត្រឹមត្រូវ និងភាពស្មោះត្រង់។ បន្ថែមលើសពីនេះ ក្រុមអ្នកសង្កេតការណ៍អន្តរជាតិ បានកោតសរសើរកម្ពុជាទ្វេដង ដែលអាចរៀបចំការបោះឆ្នោតឃុំ-សង្កាត់ ក្នុងអាណត្តិទី៥ របស់ខ្លួនប្រកបដោយសមធម៌៕ អត្ថបទ៖ សេក ឧត្តម

បក្សនយោបាយពីរ បានទទួលស្គាល់ការបោះឆ្នោតថា ប្រកបដោយភាពសេរី ត្រឹមត្រូវ និងយុត្តិធម៌

ភ្នំពេញ៖ គណបក្សនយោបាយចំនួនពីរ គឺគណបក្សយុវជនកម្ពុជា និងគណបក្សខ្មែរតែមួយ បានប្រកាសទទួលស្គាល់ថា ដំណើរការនៃការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ បានប្រព្រឹត្តិទៅដោយសេរី និងយុត្តិធម៌ គ្មានរូបភាពគំរាមកំហែង ។ក្នុងសេចក្តីថ្លែងការណ៍ដាច់ដោយឡែកពីគ្នា នៅថ្ងៃទី៦ ខែមិថុនា ឆ្នាំ២០២២ ក្នុងនោះគណបក្សយុវជនកម្ពុជា បានឲ្យដឹងថា នៅកម្ពុជាកាលពីថ្ងៃទី៥ ខែមិថុនាកន្លងទៅថ្មីៗនេះ បានរៀបចំការបោះឆ្នោតជ្រើសរើសក្រុមប្រឹក្សាឃុំសង្កាត់ ដែលមានគណបក្សនយោបាយ ចូលរួមប្រកួតប្រជែងចំនួន ១៧គណបក្ស ។សេចក្តីថ្លែងការណ៍ដដែល បានបន្តថា គណបក្សយុវជនកម្ពុជា បានចូលរួមប្រកួតប្រជែងផងដែរនោះ បានកត់សម្គាល់ឃើញថា ដំណើរការនៃការបោះឆ្នោត បានប្រព្រឹត្តិទៅដោយរលូន ក្នុងស្ថានភាពសន្តិសុខល្អ សណ្ដាប់ធ្នាប់ល្អ និងក្នុងបរិយាកាសសេរី ត្រឹមត្រូវ យុត្តិធម៌ គ្មានរូបភាពគំរាមកំហែងកើតឡើងនោះទេ ជាពិសេសប្រជាពលរដ្ឋ បានទៅបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៥នេះ យ៉ាងច្រើនកុះករផងដែរ ។ដោយឡែកសេចក្តីថ្លែងការណ៍របស់គណបក្សខ្មែរតែមួយ បានឲ្យដឹងថា គណបក្សខ្មែរតែមួយ បានសង្កេតឃើញថា បរិយាកាសនៅក្នុងអំឡុងពេល ធ្វើយុទ្ធនាការឃោសនារកសំឡេងឆ្នោត ចាប់ពីថ្ងៃទី២១ ខែឧសភា ដល់ថ្ងៃទី៣ ខែមិថុនា ឆ្នាំ២០២២ និងការបោះឆ្នោតនៅថ្ងៃទី៥ ខែមិថុនាកន្លងទៅថ្មីៗនេះ គឺមានភាពល្អប្រសើរ ដោយសារគ្រប់ភាគីពាក់ព័ន្ធមានភាពចាស់ទុំខាងនយោបាយ ធ្វើឲ្យមានការរលូន គ្មានការរំខាន និងគ្មានអំពើហិង្សាណាមួយ បានកើនឡើងនោះទេ ហើយការបោះឆ្នោតអាណត្តិទី៥នេះ មានភាពល្អប្រសើរជាងអាណត្តិមុនៗ ។គណបក្សខ្មែរតែមួយ ថ្លែងអំណរគុណ ចំពោះគណៈកម្មាធិការជាតិរៀបចំការបោះឆ្នោត (គជប) បានរៀបចំការបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៥នេះ ដែលប្រព្រឹត្តិទៅដោយសេរី ត្រឹមត្រូវ និងយុត្តិធម៌ ស្របតាមគោលការណ៍លទ្ធិប្រជាធិបតេយ្យ សេរី ពហុបក្ស និងទទួលយកបាន ។គួរបញ្ជាក់ថា ក្នុងលទ្ធផលបណ្ដោះអាសន្នរបស់ គ.ជ.ប បានឲ្យដឹងថា ការបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៥ ឆ្នាំ២០២២ មានពលរដ្ឋចេញទៅបោះឆ្នោតបានប្រមាណ ៨០ភាគរយ ៕ អត្ថបទ៖ បាន សុខរិទ្ធិ

គ.ជ.ប៖ លទ្ធផលបណ្ដោះអាសន្ន ពលរដ្ឋប្រមាណ ៨០ភាគរយ បានទៅបោះឆ្នោត

ភ្នំពេញ៖ គណៈកម្មាធិការជាតិរៀបចំការបោះឆ្នោត (គជប) បានប្រកាសឲ្យដឹងថា លទ្ធផលជាបណ្ដោះអាសន្ន មានប្រជាពលរដ្ឋប្រមាណ ៨០ភាគរយ បានទៅបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ បើទោះបីមានការរំខានខ្លះៗដោយសារបញ្ហាអាកាសធាតុ។ក្នុងសេចក្តីជូនដំណឹងរបស់ គ.ជ.ប ចេញនៅថ្ងៃទី៥ ខែមិថុនា ឆ្នាំ២០២២ បានឱ្យដឹងថា តាមតួ លេខបណ្ដោះអាសន្ន ដែល គ.ជ.ប ទទួលបាន មានអ្នកបោះឆ្នោតចំនួនជាង៧លាន១សែននាក់ នៃអ្នក មានឈ្មោះនៅក្នុងបញ្ជីឈ្មោះបោះឆ្នោត ចំនួនជាង៩លាន២សែននាក់ ស្មើនឹង៧៧.៩១ភាគរយ។ តួលេខនេះ អាចនឹងកើនឡើងបន្ថែមទៀត ។គ.ជ.ប បានឱ្យដឹងទៀតថា ការិយាល័យបោះឆ្នោតនៅទូទាំងប្រទេស ដែលមានចំនួនសរុបជាង ២៣០០០ការិយាល័យ បានបើកបម្រើឲ្យការបោះឆ្នោតចាប់ពីម៉ោង៧ព្រឹក ហើយទោះបីមានការរំខានខ្លះ បង្កឡើងដោយកត្តាអាកាសធាតុយ៉ាងណាក៏ដោយ ក៏ដំណើរការនៃការបោះឆ្នោត បានប្រព្រឹត្តិទៅជាប្រក្រតី តាមការគ្រោងទុក ក្នុងបរិយាកាសសន្តិសុខ សុវត្ថិភាពនិងសណ្ដាប់ធ្នាប់សាធារណៈ។គ.ជ.ប បានបញ្ជាក់ថា តួលេខបណ្ដោះអាសន្ន ដែលមានជិត៨០ភាគរយនេះ គឺជាតួលេខខ្ពស់ បើ ធៀបទៅនឹងបណ្ដាប្រទេសមួយចំនួនលើសកលលោក។ គ.ជ.ប ទទួលបានជោគជ័យក្នុងការទប់ស្កាត់ ផែនការបំផ្លាញការបោះឆ្នោត។ ពលរដ្ឋមួយចំនួន មិនបានទៅបោះឆ្នោត ដោយសារពួកគេនៅក្រៅប្រទេស និងដោយសារកត្តាអាកាសធាតុផងដែរ ហើយចំពោះការមិនចូលរួមសង្កេតការណ៍បោះឆ្នោត របស់សហ ភាពអឺរ៉ុប ជាសិទ្ធិរបស់គេ ដោយ គ.ជ.ប បានជូនដំណឹង និងអំពាវនាវរួចហើយ ហើយទោះបីមិនមានអ្នក សង្កេតការណ៍មកពីសហភាពអឺរ៉ុប ក៏ការបោះឆ្នោតឃុំសង្កាត់នៅកម្ពុជាប្រព្រឹត្តិទៅស្របតាមច្បាប់ដែរ។គ.ជ.ប បានថ្លែងអំណរគុណដល់ពលរដ្ឋ ដែលបានចូលរួមបោះឆ្នោត និងអរគុណដល់សមត្ថកិច្ច គ្រប់លំដាប់ថ្នាក់ គណបក្សនយោបាយ និងភាគីពាក់ព័ន្ធទាំងអស់ ដែលបានចូលរួម និងសហការអនុវត្ត តាមភារកិច្ចរៀងៗខ្លួន ធ្វើឲ្យការបោះឆ្នោតប្រព្រឹត្តិទៅដោយជោគជ័យ និងប្រកបដោយសន្តិសុខ សុវត្ថិភាព និងសណ្ដាប់ធ្នាប់សាធារណៈ គ្មានអំពើហិង្សា។ចំពោះការប្រកាសលទ្ធផលផ្លូវការ នៃការបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៥ នេះ គឺនៅថ្ងៃទី២៦ ខែមិថុនា នេះ ៕ អត្ថបទ៖ បាន សុខរិទ្ធិ

លោកជំទាវ ឱ វណ្ណឌីន ក្រើនរំលឹកក្រុមគោលដៅអាទិភាពទៅចាក់វ៉ាក់សាំងកូវីដ-១៩ ដូសទី៥ ចាប់ពីថ្ងៃទី០៩ ខែមិថុនាតទៅ

ភ្នំពេញ៖ មន្ត្រីជាន់ខ្ពស់ក្រសួងសុខាភិបាល បានក្រើនរំលឹកដល់ក្រុមជួរមុខ និងក្រុមគោលដៅអាទិភាព ត្រូវទៅចាក់វ៉ាក់សាំងកូវីដ-១៩ ចាប់ពីថ្ងៃទី៩ ខែមិថុនា ឆ្នាំ២០២២ ខាងមុខនេះតទៅ ដើម្បីបន្តចូលរួមទប់ស្កាត់ការចម្លងនៃជំងឺកូវីដ-១៩ ។លោកជំទាវ ឱ វណ្ណឌីន ប្រធានគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្របខណ្ឌទូទាំងប្រទេស បានអំពាវនាវឲ្យថ្នាក់ដឹកនាំរាជរដ្ឋាភិបាល មន្ត្រីជួរមុខ និងក្រុមគោលដៅអាទិភាព ដែលមានអាយុចាប់ពី១២ឆ្នាំឡើងទៅ ហើយបានចាក់វ៉ាក់សាំងកូវីដ-១៩ ដូសទី៤ រួចហើយ មានគម្លាតយ៉ាងតិច ៣ខែឡើងទៅ សូមអញ្ជើញទៅចាក់វ៉ាក់សាំងកូវីដ-១៩ ដូសទី៥ ឲ្យបានគ្រប់ៗគ្នា ចាប់ពីថ្ងៃទី៩ ខែមិថុនា ឆ្នាំ២០២២ តទៅ នៅតាមទីតាំងដែលក្រសួងសុខាភិបាលបានកំណត់។លោកជំទាវ ឱ វណ្ណឌីន បញ្ជាក់ថា ការទៅទទួលយកវ៉ាក់សាំងកូវីដ-១៩ ដូសទី៥ គឺដើម្បីជួយបង្កើននូវភាពស៊ាំក្នុងរាង្គកាយរបស់បុគ្គលផង និងរក្សាបានភាពស៊ាំយ៉ាងរឹងមាំក្នុងសហគមន៍កម្ពុជាផងដែរ។ លោកជំទាវថា ការចាក់វ៉ាក់សាំងដូសទី៥ ក៏ដើម្បីបន្តចូលរួមទប់ស្កាត់ការវាយលុកពីវីរុសកូវីដ១៩ ជាពិសេសវីរុសបំប្លែងថ្មីៗ ខណៈស្ថានភាពឆ្លងនៃជំងឺរាតត្បាតនេះនៅលើពិភពលោកមិនធូរស្រាលនៅឡើយ៕

ទិដ្ឋភាពនៃដំណើរការរាប់សន្លឹកឆ្នោតនៅខេត្តក្រចេះ

ក្រចេះ៖ ខណៈពេលនេះការិយាល័យទាំង ៥៨៧ការិយាល័យ នៅទូទាំងខេត្តក្រចេះ បានបញ្ចប់ដំណើរការនៃការបោះឆ្នោតជ្រើសរើសក្រុមប្រឹក្សាឃុំ/សង្កាត់ អាណត្តិទី៥ ឆ្នាំ២០២២នេះ នៅវេលាម៉ោង ៣និង០០នាទី រសៀលថ្ងៃដដែល។ជាក់ស្ដែងនៅវិទ្យាល័យសម្តេច ហ៊ុន សែន ក្រុងក្រចេះ ស្ថិតក្នុងក្រុងក្រចេះ មាន ២ការិយាល័យ គឺការិយាល័យ លេខ ០១៩១ និង ០១៩២ ក៏ដូចជាការិយាល័យទាំង ៥៨៧ការិយាល័យផងដែរ បានបិទហិបឆ្នោតដើម្បីធ្វើការរាប់សន្លឹកឆ្នោត។ចំពោះវិទ្យាល័យសម្តេច ហ៊ុន សែន ក្រុងក្រចេះ មានអ្នកបោះឆ្នោតនៅក្នុងបញ្ជីបោះឆ្នោតផ្លូវការសរុបចំនួន ១១០៨នាក់ អ្នកបានមកបោះឆ្នោតសរុបមានចំនួន ៨៧៤នាក់ ស្មើនឹង ៨០%។គួរបញ្ជាក់ផងដែរថា លទ្ធផលបឋម គណបក្សប្រជាជកម្ពុជា ឈរនៅលេខរៀងទី១ នៅគ្រប់ការិយាល័យទូទាំងខេត្តក្រចេះ៕

អភិបាលខេត្តប៉ៃលិន រួមជាមួយពលរដ្ឋទូទៅ អញ្ជើញទៅបោះឆ្នោតជ្រើសរើស ក្រុមប្រឹក្សាឃុំ-សង្កាត់អាណត្តិទី០៥

ប៉ៃលិន៖ ឯកឧត្តម អ៊ី ឈាន និងលោកជំទាវ បាន ស្រីមុំ អភិបាលខេត្តប៉ៃលិន រួមជាមួយប្រជាពលរដ្ឋ បានអញ្ជើញទៅបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី០៥ នៅមណ្ឌលវិទ្យាល័យ ហ៊ុន សែន ក្រុងទេព្យនិម្មិត ប៉ៃលិន ស្ថិតក្នុងភូមិអូរតាពុកក្រោម សង្កាត់ទូលល្វា ក្រុងប៉ៃលិន ខេត្តប៉ៃលិន នៅព្រឹកថ្ងៃទី០៥ ខែមិថុនា ឆ្នាំ២០២២នេះ ។ក្នុងឱកាសនោះ ឯកឧត្តម អ៊ី ឈាន បានសម្តែងនូវក្តីសប្បាយរីករាយ ដែលបានបំពេញកាតព្វកិច្ចរួចរាល់ ក្នុងនាមជាពលរដ្ឋមួយរូបសម្រាប់ឃុំ-សង្កាត់ និងរាជរដ្ឋាភិបាលកម្ពុជា។ចំណែកលោកជំទាវ បាន ស្រីមុំ អភិបាលខេត្តប៉ៃលិន ក៏បានអំពាវនាវឲ្យប្រជាពលរដ្ឋដែលមានឈ្មោះក្នុងបញ្ជីឈ្មោះបោះឆ្នោតទាំងអស់ សូមអញ្ជើញទៅបោះឆ្នោតទាំងអស់គ្នា និងសម្រេចចិត្តឲ្យច្បាស់ដើម្បីជ្រើសរើសមេឃុំ-ចៅសង្កាត់ ដែលបងប្អូនស្រលាញ់គាំទ្រពេញចិត្តពេញថ្លើម ពិសេសបន្តអភិវឌ្ឍន៍ភូមិ ឃុំ សង្កាត់ ឲ្យកាន់តែរីកចម្រើនបន្ថែមទៀត។បើតាម លោក គង់ ជឺ អនុប្រធាន គ.ជ.ប ខេត្តប៉ៃលិន ឱ្យដឹងថា នៅទូទាំងខេត្តប៉ៃលិន មានគណបក្សនយោបាយ ឈរឈ្មោះបោះឆ្នោតសរុបចំនួន ៥គណបក្ស មានពលរដ្ឋមានឈ្មោះ ក្នុងបញ្ជីចុះឈ្មោះបោះឆ្នោត សរុបចំនួន ៤២២៦៤ និងមានការិយាល័យបោះឆ្នោតសរុប ១១៨ ការិយាល័យផងដែរ៕

អ្នកនាំពាក្យ គ.ជ.ប ៖ ដំណើរការបោះឆ្នោតជ្រើសរើសក្រុមប្រឹក្សាឃុំ- សង្កាត់ អាណត្តិទី៥ ពុំមានភាពមិនប្រក្រតីកើតឡើងនោះទេ

ភ្នំពេញ៖ អ្នកនាំពាក្យគណៈកម្មាធិការជាតិរៀបចំការបោះឆ្នោត ឯកឧត្តម សោម សូរីដា បានបញ្ជាក់ថា ដំណើរការបោះឆ្នោតជ្រើសរើសក្រុមប្រឹក្សាឃុំ- សង្កាត់ អាណត្តិទី៥ នៅថ្ងៃទី៥ ខែមិថុនា ឆ្នាំ២០២២នេះ នៅតាមបណ្តាការិយាល័យបោះឆ្នោតទាំង ២៣.៦០២ ការិយាល័យ ពុំទាន់មានបញ្ហា នៃភាពមិនប្រក្រតីកើតឡើងនោះទេ។គ.ជ.ប បានបញ្ជាក់ថា នៅក្នុងការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ មានអ្នកបោះឆ្នោត ៩.២០៥.៦៨១នាក់ និងមានការិយាល័យបោះឆ្នោតសរុប ២៣.៦០២ការិយាល័យ។ សន្លឹកឆ្នោតដែលត្រូវប្រើប្រាស់មានចំនួន ១១.៦១១.៤០០សន្លឹក និងសន្លឹកឆ្នោតបម្រុងជាង ១លាន ២សែនសន្លឹក (១.២៣៩.០០០សន្លឹក)។ ទឹកខ្មៅលុបលាងមិនជ្រះមានចំនួន ៥២០០០ដប៕

ឯកឧត្តម ជា សុផារ៉ា អញ្ជើញទៅបោះឆ្នោតនៅមណ្ឌលវិទ្យាល័យសម្ដេចតេជោហ៊ុន សែន សួង ខេត្តត្បូងឃ្មុំ

ត្បូងឃ្មុំ៖ ឯកឧត្តម ជា សុផារ៉ា ឧបនាយករដ្ឋមន្ត្រី រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ រួមទាំងថ្នាក់ដឹកនាំក្រសួងមួយចំនួន បានអញ្ជើញទៅបោះឆ្នោតនៅវិទ្យាល័យសម្តេចតេជោ ហ៊ុន សែន សួង ស្ថិតនៅក្រុងសួង ខេត្តត្បូងឃ្មុំ នាថ្ងៃទី ០៥ ខែមិថុនា ឆ្នាំ ២០២២។គួរជម្រាបជូនថា ការបោះឆ្នោតជ្រើសរើសក្រុមប្រឹក្សាឃុំ/សង្កាត់ អាណត្តិទី៥នេះ បានចាប់ផ្ដើមដំណើរការចាប់ពីម៉ោង ៧ព្រឹកនេះ រហូតដល់ម៉ោង៣រសៀល ដោយមានគណបក្សនយោបាយចំនួន១៧ បានចូលរួមប្រកួតប្រជែង ដោយមានបេក្ខជនក្រុមប្រឹក្សាឃុំ/សង្កាត់សរុប ៨៦,០៩២នាក់ ស្ត្រី ២៧,៨១៣នាក់។ដំណើរការបោះឆ្នោតក្រុមប្រឹក្សាឃុំ/សង្កាត់ អាណត្តិទី៥នេះ មានការិយាល័យបោះឆ្នោតសរុបចំនួន ២៣,៦០២ ការិយាល័យ។ ប្រជាពលរដ្ឋមានឈ្មោះក្នុងបញ្ជីបោះឆ្នោតសរុបចំនួន ៩,២០៥,៦៨១នាក់ ស្មើនឹង ៨៧,៩៤ ភាគរយនៃប្រជាជនកម្ពុជាទាំងអស់ ក្នុងនោះមានស្រីចំនួន ៤,៩០៤,៨៣២នាក់៕

គិតត្រឹមម៉ោង១២ថ្ងៃត្រង់ ពលរដ្ឋក្នុងខេត្តកំពតជាង ២៦ម៉ឺននាក់ បានទៅបោះឆ្នោត

កំពត៖ ការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណតិ្តទី៥ ឆ្នាំ២០២២នេះ ប្រជាពលរដ្ឋក្នុងខេត្តកំពត បានទៅចូលរួមយ៉ាងផុសផុល គិតត្រឹមម៉ោង១២ថ្ងៃត្រង់នេះ ប្រជាពលរដ្ឋជាង ២៦ម៉ឺននាក់ ស្មើ៦៧ភាគរយហើយ បានទៅចូលរួមបោះឆ្នោត បានប្រព្រឹត្តទៅដោយរលូន មិនមានបញ្ហាអ្វីកើតឡើងនោះឡើយ។ នេះបើតាមការឱ្យដឹងពីលោក តែ ជិនណារិទ្ធ ប្រធានគណៈកម្មការខេត្តរៀបចំការបោះឆ្នោត។លោកបានបន្តថា ខេត្តកំពតមានការិយាល័យបោះឆ្នោតសរុបចំនួន ១.០៥០ការិយាល័យ ក្នុង ៩៣ឃុំ-សង្កាត់ និង៩ក្រុងស្រុ ក្នុងនោះដែរមន្ត្រីដែលប្រើប្រាស់ដើម្បីបំពេញការងារទាំង ១.០៥០ការិយាល័យមានចំនួន ៦.៣០០នាក់។លោកប្រធាន បានបន្ថែមថា ការិយាល័យបោះឆ្នោតទាំងអស់ត្រូវបានបើកដំណើរការព្រមៗគ្នានៅម៉ោង៧ព្រឹក មកដល់ពេលនេះ ដំណើរការបោះឆ្នោតរលូន ចំណែកកត្តាអាកាសធាតុអំណោយផល ទើបធ្វើឱ្យប្រជាពលរដ្ឋមានការចូលរួមបោះឆ្នោតយ៉ាងផុសផុលនៅគ្រប់ការិយាល័យបោះឆ្នោតទាំងអស់។ចំពោះការថែរក្សាសន្តិសុខសណ្តាប់ធ្នាប់ក្នុងការបោះឆ្នោតនេះ តាមការឱ្យដឹងពីលោកឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការនគរបាលខេត្តកំពត បានឱ្យដឹងដែរថា កម្លាំងការពារសន្តិសុខសណ្តាប់ធ្នាប់ចាប់ពីយុទ្ធនាការឃោសនា រហូតដល់ពេលចប់នៃការបោះឆ្នោត គឺប្រើប្រាស់កម្លាំងសរុបចំនួន ២.២៤៨នាក់ លើ ១.០៥០ការិយាល័យ (កងកម្លាំងទាំងបីប្រភេទ) ក្នុងនោះកម្លាំងនគរបាលមានចំនួន ១.៤៤១នាក់ និងបន្ថែមកម្លាំងប្រជាការពារចំនួន ២៩១នាក់ផងដែរ៕

បណ្ដាញសង្គម

ព័ត៌មានថ្មីៗ

ឯកឧត្តម ឌិត ទីណា ទទួលជួបតំណាងថ្មីនៃកម្មវិធីអភិវឌ្ឍន៍សហប្រជាជាតិ ដើម្បីពិភាក្សាការងារវិស័យកសិកម្ម

លោកជំទាវបណ្ឌិត ពេជ ចន្ទមុន្នី ព្រមទាំងពុទ្ធបរិស័ទ អញ្ជើញចូលរួមពិធីបុណ្យកាន់បិណ្ឌវេនទី៧ នៅវត្តឧណ្ណាលោម

មនុស្ស ៩៧នាក់យ៉ាងតិចបានស្លាប់ ហើយជាង ៤,៤លាននាក់រងប៉ះពាល់ដោយសារទឹកជំនន់នៅខេត្ត Punjab របស់ប៉ាគីស្ថាន

នគរបាលក្រុងឡុងដ៍ ត្រៀមទប់ទល់នឹងការតវ៉ាដ៏ធំពីក្រុមបដិបក្ខ

អ៊ីស្រាអែលចោទអេស្ប៉ាញថា បានគំរាមកំហែងប្រល័យពូជសាសន៍ ខណៈទីក្រុងម៉ាឌ្រីដតបវិញដោយកំហឹង

អភិបាលស្រុកមុខកំពូល និងភរិយា នាំយកទេយ្យវត្ថុប្រគេនព្រះសង្ឃគង់នៅវត្តព្រះធម៌កំពូលត្រ័យភព (ហៅវត្តអំពិលទឹក) ក្នុងឱកាសបុណ្យកាន់បិណ្ឌវេនទី៦

ក្រុមអ្នកតវ៉ា នៅក្រុងមែលប៊ន ប៉ះទង្គិចគ្នា ខណៈការប្រមូលផ្តុំធ្វើឡើងនៅទូទាំងអូស្ត្រាលី

ក្រុងមូស្គូបញ្ជាក់ថា កិច្ចចរចាសន្តិភាពជាប់គាំង ខណៈលោក Zelensky ថា លោក Putin ចង់ក្ដោបអ៊ុយក្រែន

ADB ប្តេជ្ញាចិត្តខ្ពស់ ដោយបន្តជួយលើវិស័យអាទិភាពរបស់កម្ពុជា ដើម្បីសម្រេចចក្ខុវិស័យឆ្នាំ២០៥០

លោក Rubio៖ អាមេរិកឈរជាមួយហ្វីលីពីន ប្រឆាំងផែនការរបស់ចិន នៅតំបន់ថ្មប៉ប្រះទឹក ក្នុងសមុទ្រចិនខាងត្បូង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ពលរដ្ឋមើលឃើញពីភាពល្អប្រសើរនៃស្ថានភាពនយោបាយ និងដំណើរការបោះឆ្នោតនៅកម្ពុជា

អ្នកសង្កេតការណ៍អន្តរជាតិថា ការបោះឆ្នោតកម្ពុជា បានអនុវត្តប្រជាធិបតេយ្យពេញលេញ

បក្សនយោបាយពីរ បានទទួលស្គាល់ការបោះឆ្នោតថា ប្រកបដោយភាពសេរី ត្រឹមត្រូវ និងយុត្តិធម៌

គ.ជ.ប៖ លទ្ធផលបណ្ដោះអាសន្ន ពលរដ្ឋប្រមាណ ៨០ភាគរយ បានទៅបោះឆ្នោត

លោកជំទាវ ឱ វណ្ណឌីន ក្រើនរំលឹកក្រុមគោលដៅអាទិភាពទៅចាក់វ៉ាក់សាំងកូវីដ-១៩ ដូសទី៥ ចាប់ពីថ្ងៃទី០៩ ខែមិថុនាតទៅ

ទិដ្ឋភាពនៃដំណើរការរាប់សន្លឹកឆ្នោតនៅខេត្តក្រចេះ

អភិបាលខេត្តប៉ៃលិន រួមជាមួយពលរដ្ឋទូទៅ អញ្ជើញទៅបោះឆ្នោតជ្រើសរើស ក្រុមប្រឹក្សាឃុំ-សង្កាត់អាណត្តិទី០៥

ឯកឧត្តម ជា សុផារ៉ា អញ្ជើញទៅបោះឆ្នោតនៅមណ្ឌលវិទ្យាល័យសម្ដេចតេជោហ៊ុន សែន សួង ខេត្តត្បូងឃ្មុំ

គិតត្រឹមម៉ោង១២ថ្ងៃត្រង់ ពលរដ្ឋក្នុងខេត្តកំពតជាង ២៦ម៉ឺននាក់ បានទៅបោះឆ្នោត

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ពលរដ្ឋមើលឃើញពីភាពល្អប្រសើរនៃស្ថានភាពនយោបាយ និងដំណើរការបោះឆ្នោតនៅកម្ពុជា

អ្នកសង្កេតការណ៍អន្តរជាតិថា ការបោះឆ្នោតកម្ពុជា បានអនុវត្តប្រជាធិបតេយ្យពេញលេញ

បក្សនយោបាយពីរ បានទទួលស្គាល់ការបោះឆ្នោតថា ប្រកបដោយភាពសេរី ត្រឹមត្រូវ និងយុត្តិធម៌

គ.ជ.ប៖ លទ្ធផលបណ្ដោះអាសន្ន ពលរដ្ឋប្រមាណ ៨០ភាគរយ បានទៅបោះឆ្នោត

លោកជំទាវ ឱ វណ្ណឌីន ក្រើនរំលឹកក្រុមគោលដៅអាទិភាពទៅចាក់វ៉ាក់សាំងកូវីដ-១៩ ដូសទី៥ ចាប់ពីថ្ងៃទី០៩ ខែមិថុនាតទៅ

ទិដ្ឋភាពនៃដំណើរការរាប់សន្លឹកឆ្នោតនៅខេត្តក្រចេះ

អភិបាលខេត្តប៉ៃលិន រួមជាមួយពលរដ្ឋទូទៅ អញ្ជើញទៅបោះឆ្នោតជ្រើសរើស ក្រុមប្រឹក្សាឃុំ-សង្កាត់អាណត្តិទី០៥

ឯកឧត្តម ​ជា សុផារ៉ា អញ្ជើញទៅបោះឆ្នោតនៅមណ្ឌលវិទ្យាល័យសម្ដេចតេជោហ៊ុន សែន សួង ខេត្តត្បូងឃ្មុំ

គិតត្រឹមម៉ោង១២ថ្ងៃត្រង់ ពលរដ្ឋក្នុងខេត្តកំពតជាង ២៦ម៉ឺននាក់ បានទៅបោះឆ្នោត

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ឯកឧត្តម ជា សុផារ៉ា អញ្ជើញទៅបោះឆ្នោតនៅមណ្ឌលវិទ្យាល័យសម្ដេចតេជោហ៊ុន សែន សួង ខេត្តត្បូងឃ្មុំ