នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាល​ដែលកំពុង​ធ្វើកិច្ច​ការងារ​យ៉ាង​សកម្ម​ស្វែង​រក​ដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស
សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥
សម្ដេចធិបតី៖ រាជរដ្ឋាភិបាលប្តេជ្ញាចិត្តយ៉ាងមុតមាំលើកកម្ពស់ការងារអក្ខរកម្ម និងបំពាក់បំប៉ន ជំនាញ និងឱកាសសិក្សាពេញមួយជីវិត ជាពិសេសជំនាញឌីជីថល
ប្រជាពលរដ្ឋត្រេកអរនឹងសមិទ្ធផលអាកាសយានដ្ឋានថ្មីដែលត្រៀមបើកដំណើរការ

នយោបាយ​ និង ការអភិវឌ្ឍន៍

សម្តេច ហេង សំរិន ប្រធានរដ្ឋសភាដឹកនាំកិច្ចប្រជុំគណៈកម្មាធិការអចិន្រ្តៃយ៍រដ្ឋសភានៅព្រឹកនេះ

2022/05/03 10:32:53 am        436
Facebook Telegram Linkin
ភ្នំពេញ៖ សម្តេចអគ្គមហាពញាចក្រី ហេង សំរិន ប្រធានរដ្ឋសភា បានដឹកនាំកិច្ចប្រជុំគណៈកម្មាធិការ អចិន្រ្តៃយ៍រដ្ឋសភានៅព្រឹកថ្ងៃអង្គារ ទី៣ ខែឧសភា ឆ្នាំ២០២២ នៅវិមានរដ្ឋសភា។កិច្ចប្រជុំបានអនុម័តកំណត់កាលបរិច្ឆេទបន្តសម័យប្រជុំរដ្ឋសភាលើកទី៧នីតិកាលទី៦ នៅព្រឹកថ្ងៃទី១១ ខែឧសភា ឆ្នាំ២០២២ខាងមុខនេះ ដោយមានរបៀបវារៈចំនួនពីរគឺ ការពិភាក្សាអនុម័ត សេចក្តីព្រាងច្បាប់ស្តីពីសុវត្ថិភាពម្ហូបអាហារ និងការពិភាក្សាអនុម័តសេចក្តីសេចក្តីព្រាងច្បាប់ ស្តីពីវិសោធនកម្មមាត្រា១៤០នៃច្បាប់ស្តីពីការគ្រប់គ្រងរដ្ឋបាល រាជធានី ខេត្ត ក្រុង ខណ្ឌ។សេចក្តីព្រាងច្បាប់ទំាងពីរខាងលើ ត្រូវបានគណៈកម្មការជំនាញរដ្ឋសភា ពិនិត្យសិក្សាចប់សព្វគ្រប់ តាមនីតិវិធីបន្ទាប់ពីគណៈកម្មាធិការអចិន្រ្តៃយ៍រដ្ឋសភា អនុម័តឲ្យពិនិត្យសិក្សាកាលពីថ្ងៃទី១២ ខែមេសា ឆ្នាំ២០២២ កន្លងមកនេះ៕

សម្តេចតេជោ ហ៊ុន សែន អញ្ជើញជួបសំណេះសំណាល និងផ្តល់រង្វាន់ដល់សិស្សនិទ្ទេស A ជាង១ពាន់នាក់

2022/05/03 02:14:21 am        782
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី អញ្ជើញជួបសំណេះសំណាល ព្រមទាំង​ផ្តល់រង្វាន់លើកទឹកចិត្តដល់សិស្សប្រឡងជាប់និទ្ទេស A ក្នុងឆ្នាំសិក្សា២០២០-២០២១ សរុប ១,៧៥៣នាក់ ដែលពិធីសំណេះសំណាលត្រូវធ្វើឡើងនៅសាលសន្និសីទ និងពិព័រណ៍​ជ្រោយចង្វារ នៅព្រឹកថ្ងៃទី០៣ ខែឧសភានេះ។ការប្រលងបាក់ឌុប ដែលបានប្រព្រឹត្តទៅកាលពីថ្ងៃទី២៧-២៨ ខែធ្នូ ឆ្នាំ២០២១ មានបេក្ខជនប្រឡងជាប់មានចំនួន ៧២,០១៦នាក់ ស្មើនឹងប្រមាណ ៦៥.៦៥% (បេក្ខជនប្រលងសរុប ១១៤,១៨៣នាក់)។ បេក្ខជនទទួលបាននិទ្ទេស A មានចំនួន ១,៧៥៣នាក់ (ឆ្នាំ២០១៩ មានចំនួន ៤៤៣នាក់), និទ្ទេស B មានចំនួន ៥,២១៥នាក់ (ឆ្នាំ២០១៩ ចំនួន ២,៤៣០នាក់), និទ្ទេស C មានចំនួន ១១,៦៣៤នាក់ (ឆ្នាំ២០១៩ ចំនួន ៥,៨៤៧នាក់), និទ្ទេស D មានចំនួន ២៣,៤៩៩នាក់ (ឆ្នាំ២០១៩ ចំនួន ១៤,១០០នាក់), និងនិទ្ទេស E មានចំនួន ២៩ ៩១៥ នាក់ (ឆ្នាំ២០១៩ ចំនួន ៥៦,២៣២នាក់)។ សិស្សដែលទទួលបាននិទ្ទេស A ក្នុងរាជធានីភ្នំពេញ ៥៦៥នាក់, ខេត្តសៀមរាប ១៥៣នាក់, កណ្តាល ១២៧នាក់, បាត់ដំបង ១២៣នាក់, កំពង់ចាម ១១៨នាក់, បន្ទាយមានជ័យ ៩៩នាក់, តាកែវ ៩៩នាក់, ព្រៃវែង ៨៧នាក់, កំពត ៧៥នាក់, ត្បូងឃ្មុំ ៥៤នាក់, ក្រចេះ ៤៥នាក់, កំពង់ធំ ៤១នាក់, កំពង់ស្ពឺ ៣៣នាក់, ពោធិ៍សាត់ ២៨នាក់, ស្វាយរៀង ២៦នាក់, កំពង់ឆ្នាំង ២២នាក់,ព្រះសីហនុ ២០នាក់, រតនគិរី ០៩នាក់, ស្ទឹងត្រែង ០៦នាក់, ប៉ៃលិន ០៦នាក់, ឧត្តរមានជ័យ ០៥នាក់, កោះកុង០៤នាក់, ព្រះវិហារ ០៤នាក់, កែប ០៣នាក់, និងខេត្តមណ្ឌលគិរី ០១នាក់៕

គណៈប្រតិភូមីយ៉ាន់ម៉ា នឹងអញ្ជើញមកកាន់កម្ពុជាដើម្បីចូលរួមកិច្ចប្រជុំពិគ្រោះយោបល់ស្តីពីជំនួយមនុស្សធម៌ទៅកាន់មីយ៉ាន់ម៉ា

2022/05/02 12:57:05 pm        430
Facebook Telegram Linkin
ភ្នំពេញ៖ ប្រធានសម្របសម្រួលជំនួយមនុស្សធម៌របស់មីយ៉ាន់ម៉ា នឹងដឹកនាំគណៈប្រតិភូមកកាន់កម្ពុជា នៅថ្ងៃទី៦ ខែឧសភា ឆ្នាំ២០២២នេះ ដើម្បីចូលរួមកិច្ចប្រជុំពិគ្រោះយោបល់ស្តីពីបញ្ហាជំនួយមនុស្សធម៌ទៅកាន់មីយ៉ាន់ម៉ា។ក្នុងឋានៈជាប្រេសិតពិសេសរបស់ប្រធានអាស៊ានស្តីពីមីយ៉ាន់ម៉ា ឯកឧត្តម ឧបនាយករដ្ឋមន្រ្តី ប្រាក់ សុខុន រដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិ នឹងអញ្ជើញដឹកនាំកិច្ចប្រជុំពិគ្រោះយោបល់ស្តីពីបញ្ហាជំនួយមនុស្សធម៌ទៅកាន់មីយ៉ាន់ម៉ា ជាមួយប្រធានសម្របសម្រួលជំនួយមនុស្សធម៌របស់មីយ៉ាន់ម៉ា តំណាងនាយឧត្តមសេនីយ៍ជាន់ខ្ពស់ មីង អោង ឡាំង។ ការបញ្ជាក់ជុំវិញការចូលរួមកិច្ចប្រជុំពិគ្រោះយោបល់របស់គណៈប្រតិភូមីយ៉ាន់ម៉ាមកកាន់កម្ពុជា តាមរយៈប្រសាសន៍របស់នាយសេនីយ៍ជាន់ខ្ពស់ មីង អោង ឡាំង ក្នុងពេលជួបពិភាក្សាការងារជាមួយសម្តេចតេជោ ហ៊ុន សែន នាយករដ្ឋមន្រ្តី នាព្រឹកថ្ងៃទី២ ខែឧសភា ឆ្នាំ២០២២ តាមប្រព័ន្ធវីដេអូ។

សម្តេចតេជោ ហ៊ុន សែន នឹងអញ្ជើញសំណេះសំណាល និងផ្តល់រង្វាន់ដល់សិស្សនិទ្ទេស A ជាង១ពាន់នាក់ នៅព្រឹកស្អែកនេះ

2022/05/02 06:27:07 pm        828
Facebook Telegram Linkin
ភ្នំពេញ៖សម្តេចតេជោ ហ៊ុន សែន នាយករដ្ឋមន្ត្រី នឹងអញ្ជើញជួបសំណេះសំណាល ព្រមទាំងផ្តល់រង្វាន់លើកទឹកចិត្តដល់សិស្សប្រលងជាប់និទ្ទេស A ក្នុងឆ្នាំសិក្សា២០២០-២០២១ សរុប ១,៧៥៣នាក់ ដែលពិធីសំណេះសំណាលត្រូវធ្វើឡើងនៅសាលសន្និសីទ និងពិព័រណ៍ជ្រោយចង្វារ នៅព្រឹកថ្ងៃទី០៣ ខែឧសភាស្អែកនេះ។ ការប្រលងបាក់ឌុប ដែលបានប្រព្រឹត្តទៅកាលពីថ្ងៃទី២៧-២៨ ខែធ្នូ ឆ្នាំ២០២១ មានបេក្ខជនប្រលងជាប់មានចំនួន ៧២,០១៦នាក់ ស្មើនឹងប្រមាណ ៦៥.៦៥% (បេក្ខជនប្រលងសរុប ១១៤,១៨៣នាក់)។ បេក្ខជនទទួលបាននិទ្ទេស A មានចំនួន ១,៧៥៣នាក់ (ឆ្នាំ២០១៩ មានចំនួន ៤៤៣នាក់), និទ្ទេស B មានចំនួន ៥,២១៥នាក់ (ឆ្នាំ២០១៩ ចំនួន ២,៤៣០នាក់), និទ្ទេស C មានចំនួន ១១,៦៣៤នាក់ (ឆ្នាំ២០១៩ ចំនួន ៥,៨៤៧នាក់), និទ្ទេស D មានចំនួន ២៣,៤៩៩នាក់ (ឆ្នាំ២០១៩ ចំនួន ១៤,១០០នាក់), និងនិទ្ទេស E មានចំនួន ២៩ ៩១៥ នាក់ (ឆ្នាំ២០១៩ ចំនួន ៥៦,២៣២នាក់)។ សិស្សដែលទទួលបាននិទ្ទេស A ក្នុងរាជធានីភ្នំពេញ ៥៦៥នាក់, ខេត្តសៀមរាប ១៥៣នាក់, កណ្តាល ១២៧នាក់, បាត់ដំបង ១២៣នាក់, កំពង់ចាម ១១៨នាក់, បន្ទាយមានជ័យ ៩៩នាក់, តាកែវ ៩៩នាក់, ព្រៃវែង ៨៧នាក់, កំពត ៧៥នាក់, ត្បូងឃ្មុំ ៥៤នាក់, ក្រចេះ ៤៥នាក់, កំពង់ធំ ៤១នាក់, កំពង់ស្ពឺ ៣៣នាក់, ពោធិ៍សាត់ ២៨នាក់, ស្វាយរៀង ២៦នាក់, កំពង់ឆ្នាំង ២២នាក់,ព្រះសីហនុ ២០នាក់, រតនគិរី ០៩នាក់, ស្ទឹងត្រែង ០៦នាក់, ប៉ៃលិន ០៦នាក់, ឧត្តរមានជ័យ ០៥នាក់, កោះកុង០៤នាក់, ព្រះវិហារ ០៤នាក់, កែប ០៣នាក់, និងខេត្តមណ្ឌលគិរី ០១នាក់៕

សម្ដេចតេជោ ហ៊ុន សែន ជួបពិភាក្សាការងារជាមួយនាយឧត្ដមសេនីយ៍ មីន អោងឡាំង

2022/05/02 04:15:26 pm        593
Facebook Telegram Linkin
ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅថ្ងៃនេះ បានអញ្ជើញជួបជា មួយនាយឧត្តមសេនីយ៍ មីន ឡោងឡាំង របស់ប្រទេសមីយ៉ាន់ម៉ា តាមប្រព័ន្ធវីដេអូ មុនពេលសម្ដេចតេជោ អញ្ជើញទៅចូលរួមកិច្ចប្រជុំកំពូលអាស៊ាន-អាមេរិក នៅសប្ដាហ៍ក្រោយ។សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅថ្ងៃទី១០ ខែឧសភានេះ នឹងអញ្ជើញទៅកាន់សហរដ្ឋអាមេរិក ដើម្បីចូលរួមធ្វើជាសហប្រធាន នៃកិច្ចប្រជុំកំពូលអាស៊ាន-សហរដ្ឋអាមេរិក ក្នុងឋានៈដែលសម្តេចជាប្រធានអាស៊ាន ឆ្នាំនេះ។គោលបំណងនៃកិច្ចជំនួបរបស់សម្ដេចតេជោ ហ៊ុន សែន ជាមួយនាយឧត្តមសេនីយ៍ មីន ឡោងឡាំង របស់ប្រទេស មីយ៉ាន់ម៉ា នៅថ្ងៃនេះ មិនទាន់ត្រូវបានបញ្ជាក់នៅឡើយទេ តែប៉ុន្តែ​គេអាចយល់បានថា ជំនួបពិភាក្សានេះ អាចជាការពិនិត្យលើបច្ចុប្បន្នភាព និងការវិវត្ត នៃ​ដំណោះ​ស្រាយ​វិបត្តិរបស់​មីយ៉ាន់ម៉ា​ ពិសេសគឺការ​អនុវត្តកិច្ច​ព្រមព្រៀងជា​ឯកច្ឆន្ទ​ ៥ចំណុចរបស់អាស៊ាន និង​ក៏អាចមានការលើកឡើងពាក់ព័ន្ធ​នឹងកិច្ចប្រជុំកំពូលអាស៊ាន-អាមេរិក ដែលគ្រោង​ធ្វើឡើង​នៅសប្តាហ៍ក្រោយនេះ។នេះជាជំនួបលើកទីពីរ រវាងសម្ដេចតេជោ ហ៊ុន សែន ​និងនាយឧត្ដមសេនីយ៍ មីន អោងឡាំង តាម ប្រព័ន្ធវីដេអូ ​នៅក្នុងអំឡុងដើមឆ្នាំនេះ ​បន្ទាប់ពីសម្ដេចតេជោ បាន​បង្ហាញពីឆន្ទៈក្នុងការ​ដោះស្រាយ​វិបត្តិ របស់ប្រទេសមីយ៉ាន់ម៉ា ​ដែលបាន​អូសបន្លាយ​អស់រយៈពេលជាច្រើនឆ្នាំមកហើយនោះ៕ អត្ថបទ៖ មុត សុត

ពលរដ្ឋខ្មែរនៅអាម៉េរិក បានសម្ដែងការស្វាគមន៍សម្ដេចតេជោ ដែលគ្រោងអញ្ជើញទៅទីនោះ

2022/05/02 02:02:46 pm        1089
Facebook Telegram Linkin
ភ្នំពេញ៖ ប្រជាពលរដ្ឋខ្មែរជាច្រើននាក់ ដែលកំពុងរស់នៅអាម៉េរិក បានសម្ដែងការស្វាគមន៍ និងគាំទ្រដំណើររបស់សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា អញ្ជើញចូលរួមកិច្ចប្រជុំកំពូលពិសេសអាស៊ាន-សហរដ្ឋអាម៉េរិក នៅលើទឹកដីអាម៉េរិក ដែលនឹងប្រព្រឹត្តិទៅនៅសប្ដាហ៍ក្រោយ។តាមការគ្រោងទុក សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា និងជាប្រធានអាស៊ាន ក្នុង​ឆ្នាំ២០២២ នៅថ្ងៃទី១០ខែឧសភានេះ នឹងដឹកនាំគណៈប្រតិភូជាន់ខ្ពស់ អញ្ជើញទៅ​ចូលរួមកិច្ច​ប្រជុំ កំពូល​ពិសេសអាស៊ាន-សហរដ្ឋអាម៉េរិក​ ដែលគ្រោងធ្វើឡើងនៅថ្ងៃទី១២-១៣ ​ខែឧសភា នេះ។ក្រោយពេលទទួលបានដំណឹងថា ​សម្តេចតេជោ នឹងអញ្ជើញទៅកាន់ទឹកដីអាម៉េរិក ពលរដ្ឋខ្មែរ​ជាច្រើន ​រស់នៅតាមបណ្តារដ្ឋផ្សេងៗ ក្នុងសហរដ្ឋអាម៉េរិក ​កាលពីម្សិលមិញ ​បាន​បង្ហាញការ​ស្វាគមន៍​ និង​បានត្រៀមខ្លួនរួចជាស្រេច​ទទួលដំណើរ​សម្តេចតេជោ ​និង​គណៈប្រតិភូ ពេល​ទៅដល់​សហរដ្ឋអាម៉េរិក។លោក ចូ បៃដិន ប្រធានាធិបតីសហរដ្ឋអាម៉េរិក ​កាលពីថ្ងៃទី២០ ខែមេសាខែមុននេះ ​បាន​ផ្ញើ​លិខិត​អញ្ជើញសម្តេចតេជោ ហ៊ុន សែន ​នាយករដ្ឋមន្រ្តី នៃកម្ពុជា​ទៅចូលរួមកិច្ចប្រជុំកំពូលពិសេស​អាស៊ាន-សហរដ្ឋអាម៉េរិក។ នៅក្នុងលិខិតនោះ ​លោកបៃឌិន បានបញ្ជាក់ថា ​ក្នុងឱកាសកិច្ចប្រជុំកំពូលនោះ ក៏នឹង​ប្រារព្ធ​ខួប​អនុស្សាវរីយ៍លើកទី៤៥ ​នៃភាពជាដៃគូយូរអង្វែង ​និងលើកឡើងអំពី​មហិច្ឆតា​រួម ​សម្រាប់​សករាជថ្មី នៃទំនាក់ទំនង​ដៃគូសន្ទនាអាស៊ាន-សហរដ្ឋអាម៉េរិក។លោក​ទន្ទឹង​រង់ចាំជួបសម្ដេចតេជោ នាយករដ្ឋមន្រ្តី និងថ្នាក់ដឹកនាំអាស៊ានដទៃទៀត នៅ​សេតវិមាន៕ អត្ថបទ៖ ទូច សោភ័ណ

ច្រកទ្វារអន្តរជាតិប៉ោយប៉ែត-ខ្លងលឹក ត្រូវបានអាជ្ញាធរកម្ពុជា-ថៃ បើកឲ្យប្រជាពលរដ្ឋធ្វើដំណើរចេញជាធម្មតាឡើងវិញហើយនៅព្រឹកនេះ

2022/05/01 10:43:53 am        1572
Facebook Telegram Linkin
បន្ទាយមានជ័យ៖ ច្រកទ្វារអន្តរជាតិប៉ោយប៉ែត-ខ្លងលឹក ត្រូវបានអាជ្ញាធរកម្ពុជា-ថៃ បើកឲ្យប្រជាពលរដ្ឋធ្វើដំណើរចេញ-ចូលជាធម្មតាឡើងវិញ នៅព្រឹកថ្ងៃទី១ ខែឧសភានេះ តែត្រូវភ្ជាប់មកជាមួយកាតចាក់វ៉ាក់សាំងកូវីដ-១៩ពេញលេញ និងប័ណ្ណចេញ-ចូលព្រំដែន។ការបើកឱ្យដំណើរការប្រជាពលរដ្ឋចេញ-ចូលឡើងវិញនេះ បន្ទាប់ពីស្ថានភាព នៃការឆ្លងរីករាលដាលជំងឺកូវីដ-១៩ ស្ថិតនៅក្នុងកម្រិតមួយអាចគ្រប់គ្រងបាន ហើយភាពស៊ាំសហគមន៍ក៏មានកម្រិតខ្ពស់ហើយដែរ៕

សម្តេចតេជោ ហ៊ុន សែន៖ ទោះស្ថិតនៅក្នុងស្ថានភាពកូវីដ-១៩ក្តី រាជរដ្ឋាភិបាលនៅតែបានប្រឹងប្រែង ស្វះស្វែង និងបន្តការងារដែលមានស្រាប់ និងការងារថ្មីៗ ជូនពលរដ្ឋ

2022/05/01 10:36:33 am        1402
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី ប្រកាសថា ទោះស្ថិតនៅក្នុងស្ថានភាពកូវីដ-១៩ក្តី រាជរដ្ឋាភិបាលនៅតែបានប្រឹងប្រែង ស្វះស្វែង និងបន្តការងារដែលមានស្រាប់ និងការងារថ្មីៗ ជូនពលរដ្ឋ ដែលនាំឲ្យចំនួនការងារការងារស្ថិតក្នុងកម្រិតមួយដែលអាចគ្របគ្រងបាន។ថ្លែងតាមរយៈសារជូនជនរួមជាតិ ក្នុងឱកាសខួបអនុស្សាវរីយ៍ លើកទី១៣៦ នៃទិវាពលកម្មអន្តរជាតិ ថ្ងៃទី១ ខែឧសភា ឆ្នាំ២០២២ សម្តេចតេជោ ហ៊ុន សែន បានបញ្ជាក់ថា រាជរដ្ឋាភិបាលកំពុងបន្តជំរុញការអនុវត្តគោលនយោបាយ ស្ដីពីទេសន្តរប្រវេសន៍ការងារ សម្រាប់ប្រទេសកម្ពុជា ឆ្នាំ២០១៩-២០២៣ និងបទដ្ឋានគតិយុត្តពាក់ព័ន្ធក្នុងការការពារ និងលើកកម្ពស់សិទ្ធិ និងផលប្រយោជន៍ពលករ ទាំងការទទួលបានកិច្ចគាំពារសង្គម ក្នុងពេលបម្រើការងារ និងពេលត្រឡប់មកស្រុកកំណើតវិញ៕

គ.ជ.ប ប្រកាសបញ្ចប់ការចុះបញ្ជីបេក្ខជននៃគណបក្សនយោបាយសម្រាប់ឈរឈ្មោះបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥

2022/05/01 10:23:46 am        1038
Facebook Telegram Linkin
ភ្នំពេញ៖ គណៈកម្មាធិការជាតិរៀបចំការបោះឆ្នោត ប្រកាសពីការបញ្ចប់ការចុះបញ្ជីបេក្ខជននៃគណបក្សនយោបាយសម្រាប់ឈរឈ្មោះបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ ឆ្នាំ២០២២ ខណៈការឃោសនារកសំឡេងឆ្នោតនឹងដំណើរការរយៈពេល១៤ថ្ងៃ (ថ្ងៃទី២១ ខែឧសភា -៣ ខែមិនថុនា ឆ្នាំ២០២២ ) និងកាបោះឆ្នោតជ្រើសរើសក្រុមប្រឹក្សាឃុំ-សង្កាត់ ចាប់ផ្តើមនៅថ្ងៃអាទិត្យទី៥ ខែមិថុនា ឆ្នាំ២០២២។

អតីតមេបញ្ជាការ UNTAC ជួបឯកឧត្តម ហោ ណាំហុង រម្លឹកពីការងារចាស់ និង​សរសើរ​ពី​ការរីក​ចម្រើន​របស់កម្ពុជា

2022/04/29 04:21:19 pm        929
Facebook Telegram Linkin
ភ្នំពេញ៖ នៅថ្ងៃទី​២៩ ខែមេសា ឆ្នាំ២០២២នេះ ឯកឧត្តមឧបនាយករដ្ឋមន្រ្តី ហោ ណាំហុង បានទទួលជួបឧត្តមសេនីយ៍ឯក ចន សេនឌឹសុន (John Sanderson) អតីតមេបញ្ជាការរបស់ UNTAC ពីឆ្នាំ១៩៩២-១៩៩៣ នៅទីស្តីការគណៈរដ្ឋមន្រ្តី។ ក្នុងជំនួបនោះ ឧត្តមសេនីយ៍ឯក ចន សេនឌឹសុន បានសរសើរពីភាពរីចម្រើនរបស់កម្ពុជា។ឯកឧត្តមឧបនាយករដ្ឋមន្ត្រី ហោ ណាំហុង បានស្វាគមន៍យ៉ាងកក់ក្ដៅជូន ឧត្តមសេនីយ៍ឯក John Sanderson ដែលបានមកទស្សនកិច្ចនៅកម្ពុជា ក្នុងឱកាសខួប ៣០ឆ្នាំនៃ UNTAC និងខួប៧០ឆ្នាំ នៃទំនាក់ទំនងការទូតរវាងកម្ពុជា និងអូស្រ្តាលី។ឯកឧត្តមឧបនាយករដ្ឋមន្ត្រី បានរំលឹកថា ក្នុងរយៈពេល៣០ឆ្នាំ ឯកឧត្តមជាមួយឯកឧត្តម យ៉ាស៊ូស៊ី អាកាស៊ី តំណាងអគ្គលេខាធិការអង្គការសហប្រជាជាតិដើម្បីដឹកនាំ UNTAC អនុវត្តកិច្ចព្រមព្រៀង​ទីក្រុងប៉ារីស។ ទោះជាខ្មែរក្រហមបានធ្វើពហិការមិនរំសាយអាវុធ មិនចូលរួមការបោះឆ្នោតរៀបចំដោយ UNTAC ពីឆ្នាំ១៩៩១ តែUNTAC បានរៀបចំនូវការបោះឆ្នោតបានជោគជ័យសម្រាប់ ជ្រើសតាំង​​​សភាធម្មនុញ្ញ និងបន្ទាប់មកប្ដូរជារដ្ឋសភារហូតដល់សព្វថ្ងៃនេះ។ឯកឧត្តមឧបនាយករដ្ឋមន្ត្រី បានរំលឹកថា ដោយមានកិត្តិយសចូលរួមអម សម្ដេចអគ្គមហាសេនា​បតី​តេជោ ហ៊ុន សែន នាយករដ្ឋមន្រ្តី ក្នុងការ​ចរចារ​កសន្ដិភាព​ឱ្យជំលោះនៅកម្ពុជា​អស់រយៈពេលជិត​៤ឆ្នាំ​ពីខែធ្នូ ឆ្នាំ១៩៨៧-១៩៩១ រហូតដល់មានការចុះហត្ថលេខាលើកិច្ចព្រមព្រៀង​សន្ដិភាព​ទីក្រុងប៉ារីស នៅថ្ងៃទី២៣ ខែតុលា ឆ្នាំ១៩៩១ ក្នុងរយៈពេលជិត៤ឆ្នាំនេះការចរចាមានឧបសគ្គ និង​ការលំបាកយ៉ាងច្រើន ​លើកឡើងដោយខ្មែរក្រហម​ ក៏ប៉ុន្តែក្រោយពីការចរចាជិត៤ឆ្នាំ ខ្មែរក្រហម​សុខ​ចិត្ត​ចូលរួមចុះហត្ថលេខា លើកិច្ចព្រមព្រៀងទីក្រុងប៉ារីស តែខ្មែរក្រហមមិនចូលរួមអនុវត្តកិច្ច​ព្រមព្រៀង​នេះទេ ​ដោយមិនរំសាយអាវុធ​ និងមិនចូលរួមការបោះឆ្នោត ដើម្បីវាយប្រហារលើកង​ទ័ពរដ្ឋាភិបាល ។ ក្រោយពីUNTAC ដកចេញពីកម្ពុជានៅឆ្នាំ១៩៩៣ រហូតដល់មាន នយោបាយឈ្នះ ឈ្នះ របស់ សម្ដេចតេជោ នៅខែធ្នូ ឆ្នាំ១៩៩៨ បានខ្មែរក្រហមត្រូវរំលាយទំាងនយោបាយ ទំាងយោធា ហើយ​មេដឹកនាំសំខាន់ៗរបស់ខ្មែរក្រហម ត្រូវបាន «អង្គជំនុំជម្រះវិសាមញ្ញក្នុងតុលាការកម្ពុជា» កាត់ទោស។ឯកឧត្តមឧបនាយករដ្ឋមន្ត្រី កត់សម្គាល់ថា ក្នុងពេលទស្សនកិច្ចនេះ ឧត្តមសេនីយ៍ឯក អាចមើល​ឃើញភាពខុសគ្នារវាងកម្ពុជា ពីឆ្នាំ១៩៩១ និងជីវភាពរស់នៅរបស់ប្រជាជនកម្ពុជា​ប្រកបដោយ​សន្ដិភាព និងការអភិវឌ្ឍសព្វថ្ងៃនេះ។ឧត្តមសេនីយ៍ឯក ចន សេនឌឹសុន បានលើកជាអាទិ៍ថា លោកនៅចងចាំច្បាស់អំពីតួនាទីដ៏សំខាន់​របស់ ឯកឧត្តមឧបនាយករដ្ឋមន្ត្រី ក្នុងដំណើរការដំណោះស្រាយសន្តិភាពនៅកម្ពុជា។ ឧត្តមសេនីយ៍ឯករូបនះ បានបញ្ជាក់ថា ជោគជ័យ​នៃបេសកកម្មរបស់អាជ្ញាធរបណ្ដោះអាសន្ន​អង្គការ​សហប្រជាជាតិប្រចាំកម្ពុជា (UNTAC) ដោយមានការគាំទ្រជានិច្ចពីក្រុមប្រឹក្សាជាតិ​ជាន់​ខ្ពស់កម្ពុជា (SNC) ។ ទោះបីជាខ្មែរក្រហមមិនចូលរួមក្នុងការបោះឆ្នោត យើងបានរៀបចំការ​បោះឆ្នោត​ប្រកបដោយជោគជ័យ ​ដោយមានការចូលរួមពីប្រជាជនបានយ៉ាងល្អ។ឧត្តមសេនីយ៍ឯក ចន សេនឌឹសុន បានលើកឡើងថា លោកមិននឹកស្មានថាកម្ពុជាមានការអភិវឌ្ឍ​យ៉ាងឆាប់រហ័សដូច្នេះទេ ​និងឃើញប្រជាជនមានភាពសប្បាយរីករាយ។ លោកបន្ថែមថា ដោយសម្ដេចតេជោនាយករដ្ឋមន្រ្តី មានបទពិសោធន៍ខ្ពស់ក្នុងដំណោះស្រាយ​សន្ដិភាព​នៅកម្ពុជា ​ជាពិសេសជោគជ័យនៃ​ នយោបាយ ឈ្នះ ឈ្នះ របស់ ​សម្ដេចតេជោ ដូច្នេះ​ក្នុងពេលកម្ពុជា ​ជាប្រធានអាស៊ាន ​កម្ពុជាអាចមានតួនាទីយ៉ាងសំខាន់ក្នុងការដោះស្រាយ​បញ្ហា​មីយ៉ាន់ម៉ាផងដែរ៕

បណ្ដាញសង្គម

ព័ត៌មានថ្មីៗ

រដ្ឋមន្រ្តីសុខាភិបាល អនុញ្ញាតឱ្យគណៈកម្មការប្រយុទ្ធប្រឆាំងផលិតផលក្លែងក្លាយ ដែលបង្កគ្រោះថ្នាក់មានហានិភ័យខ្ពស់ដល់សុខភាព និងសុវត្ថិភាពសង្គម ជួបសម្តែងការគួរសម និងពិភាក្សាការងារ
09/10/2025 08:09 PM
Facebook Telegram Linkin
រ៉្វាន់ដា៖ ការអំពាវនាវរបស់កុងហ្គោឲ្យ UN ទទួលស្គាល់មាន «អំពើប្រល័យពូជសាសន៍» គឺជាទង្វើ «ល្ងង់ខ្លៅ»
09/10/2025 08:09 PM
Facebook Telegram Linkin
វិមានក្រឹមឡាំងបដិសេធមិនធ្វើអត្ថាធិប្បាយ ជុំវិញឧប្បត្តិហេតុយានដ្រូន នៅប៉ូឡូញ
09/10/2025 07:09 PM
Facebook Telegram Linkin
ក្រុមបារាំងកៀរគរគ្នាដើម្បីបេតិកភណ្ឌកម្ពុជា
09/10/2025 07:09 PM
Facebook Telegram Linkin
នាយករដ្ឋមន្ត្រីអង់គ្លេស៖ ការរំលោភរបស់រុស្ស៊ីលើដែនអាកាសប៉ូឡូញ គឺជា «ធ្វេសប្រហែសខ្លាំងណាស់»
09/10/2025 07:09 PM
Facebook Telegram Linkin
សមាជិកព្រឹទ្ធសភាអូស្ត្រាលីស្តាំនិយម ត្រូវបណ្តេញចេញពីក្រសួងស្រមោល ជុំវិញការអត្ថាធិប្បាយប្រឆាំងឥណ្ឌា
09/10/2025 06:09 PM
Facebook Telegram Linkin
ក្រុងច្បារមន និងខេត្តកំពង់ស្ពឺ ទទួលបាន ជ័យលាភី “ទីក្រុងទេសចរណ៍គ្មានផ្សែងបារី”
09/10/2025 06:09 PM
Facebook Telegram Linkin
ក្រុមហ៊ុនអាកាសចរណ៍ JAL រងការព្រមានជាលើកទី២ ពាក់ព័ន្ធនឹងអ្នកបើកបរយន្តហោះស្រវឹង
09/10/2025 06:09 PM
Facebook Telegram Linkin
ប្រមុខគណៈកម្មការ EU បញ្ជាក់ថា លោកស្រីនឹងស្នើវិធានការថ្មីផ្ដោតលើអ៊ីស្រាអែល
09/10/2025 06:09 PM
Facebook Telegram Linkin
សំឡេងផ្ទុះបន្លឺឡើង ក្រោយរថយន្តផ្លូវដែកផ្ទុកដោយឥន្ធនៈ មានអគ្គិភ័យ នៅលីទុយអានី
09/10/2025 06:09 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.