នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាល​ដែលកំពុង​ធ្វើកិច្ច​ការងារ​យ៉ាង​សកម្ម​ស្វែង​រក​ដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស
សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥
សម្ដេចធិបតី៖ រាជរដ្ឋាភិបាលប្តេជ្ញាចិត្តយ៉ាងមុតមាំលើកកម្ពស់ការងារអក្ខរកម្ម និងបំពាក់បំប៉ន ជំនាញ និងឱកាសសិក្សាពេញមួយជីវិត ជាពិសេសជំនាញឌីជីថល
ប្រជាពលរដ្ឋត្រេកអរនឹងសមិទ្ធផលអាកាសយានដ្ឋានថ្មីដែលត្រៀមបើកដំណើរការ

នយោបាយ​ និង ការអភិវឌ្ឍន៍

ឯកឧត្តម ស៊ុយ ជីហ៊ាង ជំរុញអោយការយកចិត្តទុកដាក់លើសកម្មភាពយុទ្ធនាការរកសំឡេងឆ្នោតឃុំ-សង្កាត់ នាពេលឆាប់ៗខាងមុខនេះ

2022/04/24 05:07:51 pm        469
Facebook Telegram Linkin
ស្វាយរៀង៖ នៅរសៀលថ្ងៃអាទិត្យ ទី២៤ ខែមេសា ឆ្នាំ២០២២នេះ ឯកឧត្តម ស៊ុយ ជីហ៊ាង ប្រធានក្រុមការងារគណបក្សចុះមូលដ្ឋានសង្កាត់ច្រកម្ទេស ក្រុងបាវិត ខេត្តស្វាយរៀង បានអញ្ជើញចុះជួបសំណេះសំណាល ជាមួយប្រធាន អនុប្រធាន សមាជិកគណបក្សសង្កាត់ច្រកម្ទេស និងលោកប្រធានសាខាបក្សភូមិទាំង១៥ភូមិ ក្នុងសង្កាត់ច្រកម្ទេស នៅទីស្នាក់ការគណបក្សប្រជាជនកម្ពុជាសង្កាត់ច្រកម្ទេស។ឯកឧត្តម ស៊ុយ ជីហ៊ាង ពិនិត្យ និងពិភាក្សាការងារ រៀបចំផែនការ ក្នុងយុទ្ធនាការឃោសនារកសំឡេងឆ្នោតបោះឆ្នោតជ្រើសរើសក្រុមប្រឹក្សាឃុំ សង្កាត់ នាពេលឆាប់ៗខាងមុខនេះ និងធានាអោយបាននូវជោគជ័យ ក្នុងការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ ៕

ឯកឧត្ដម លី ធុជ បានជំរុញអោយបក្សត្រូវបន្តប្តូរឥរិយាបទ និងហ៊ានទទួលយកនូវគំនិតតិះទៀនដើម្បីស្ថាបនាពីប្រជាពលរដ្ឋមូលដ្ឋាន

2022/04/24 04:54:40 pm        338
Facebook Telegram Linkin
បាវិត៖ ព្រឹកថ្ងៃទី២៤ ខែមេសា ឆ្នាំ២០២២ ក្នុងនាមលោកជំទាវកិត្តិសង្គហបណ្ឌិត ម៉ែន សំអន អនុប្រធានគណបក្សប្រជាជនកម្ពុជា និងជាប្រធានក្រុមការងារគណបក្សចុះមូលដ្ឋានខេត្តស្វាយរៀង ឯកឧត្ដម លី ធុជ សមាជិកគណៈកម្មាធិការកណ្តាល និងជាប្រធានក្រុមការងារគណបក្សចុះមូលដ្ឋានក្រុងបាវិត បានដឹកនាំកិច្ចប្រជុំត្រួតពិនិត្យវឌ្ឍនភាព នៃផែនការឆ្ពោះទៅរកការបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៥ ក្រុងបាវិត ខេត្តស្វាយរៀង ដែលកិច្ចប្រជុំនេះមានការអញ្ជើញចូលរួមពីក្រុមការងារគណបក្សចុះមូលដ្ឋានសង្កាត់ទាំង៥ គណៈកម្មាធិការគណបក្សក្រុង និងគណៈកម្មាធិការគណបក្សសង្កាត់។ក្នុងឱកាសនេះ ឯកឧត្ដម លី ធុជ បានថ្លែងអំណរគុណ និងវាយតម្លៃខ្ពស់ចំពោះក្រុមការងារ និងសមាជិកគណបក្សគ្រប់ជាន់ថ្នាក់ ដែលបានខិតខំប្រឹងបែង ពលីគ្រប់បែបយ៉ាង និងគាំទ្រដល់សកម្មភាពនានារបស់គណបក្សនៅតាមមូលដ្ឋាន ក្នុងបុព្វហេតុដើម្បីឧត្តមប្រយោជន៍ជាតិមាតុភូមិ គណបក្សប្រជាជនកម្ពុជា និងប្រជាពលរដ្ឋ។ លោកប្រធានក្រុមការងារគណបក្សចុះមូលដ្ឋានក្រុងបាវិត បានជម្រុញឲ្យសមាជិកគណបក្សទាំងអស់ ត្រូវបន្តរៀបចំកម្លាំងស្នូលគណបក្ស បន្តចុះឲ្យដល់គ្រប់ទីកន្លែងក្នុងមូលដ្ឋាន ចុះគ្រប់តាមគ្រួសារបក្ស និងកែលំអររាល់សកម្មភាពអវិជ្ជមានដែលខ្លួនមាន ដើម្បីត្រៀមរៀបចំកយុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៥ ដែលនឹងចាប់ពីថ្ងៃទី២១ ខែឧសភា ឆ្នាំ២០២២ ខាងមុខនេះ។ជាមួយគ្នានេះ ឯកឧត្ដមបានណែនាំឲ្យក្រុមការងារគណបក្ស ក្រុមប្រឹក្សាសង្កាត់ និងមេក្រុមបក្សទាំងអស់ ត្រូវបន្តប្តូរឥរិយាបទ បន្ទាបខ្លួន និងហ៊ានទទួលយកនូវការតិះទៀនទាំងឡាយពីប្រជាពលរដ្ឋនៅមូលដ្ឋាន ជាពិសេសត្រូវបន្តកែលំអររាល់ទង្វើអវិជ្ជមាន និងយកចិត្តទុកដាក់បន្ថែមចំពោះទុក្ខធុរៈរបស់ប្រជាពលរដ្ឋ សមាជិកបក្ស និងក្រុមគ្រួសារបក្ស ដើម្បីទាក់ទាញការគាំទ្រ និងការទទួលជោគជ័យសម្រាប់ការបោះឆ្នោតនាពេលខាងមុខ៕

សម្ដេចតេជោ ហ៊ុន សែន អញ្ជើញទទួលជួបជាមួយអភិបាលខេត្តគូម៉ាម៉ូតូ និងក្រុមហ៊ុនធុរកិច្ចចំនួន៨ ក្រុមហ៊ុន

2022/04/23 10:03:31 pm        604
Facebook Telegram Linkin
ភ្នំពេញ​៖ បន្ទាប់ពីបានជួបជាមួយអ្នកចាត់ការទូទៅនៃក្រុមហ៊ុនមីតស៊ូប៊ីស៊ី (MITSUBISHI)រួចហើយនោះ នៅរសៀលថ្ងៃទី២៣ ខែមេសា ឆ្នាំ២០២២ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ក៏បានទទួលជួបពិភាក្សាការងារជាបន្តទៀត ជាមួយឯកឧត្តម កាបាសហ្ស៊ីម៉ា អ៊ីគូអុ អភិបាលខេត្តគូម៉ាម៉ូតូ និងក្រុមហ៊ុនធុរកិច្ចចំនួន ៨ក្រុមហ៊ុនទៀត ដែលកំពុងធ្វើពាណិជ្ជកម្មនៅកម្ពុជា និងកំពុងរៀបចំធ្វើពាណិជ្ជកម្មបន្ថែមទៀតនៅកម្ពុជានាពេលខាងមុខ។ ក្នុងជំនួបនេះ សម្ដេចតេជោ ហ៊ុន សែន បានស្វាគមន៍ចំពោះក្រុមហ៊ុនទាំងអស់ដែលបាននឹងកំពុងធ្វើពាណិជ្ជកម្មនៅកម្ពុជា និងកំពុងមានគម្រោងទៅបណ្ដាក់ទុនវិនិយោគនៅក្នុងប្រទេសកម្ពុជានៅពេលខាងមុខ។ ជាមួយគ្នានេះផងដែរ សម្តេចតេជោបានអនុញ្ញាតឱ្យក្រុមហ៊ុននីមួយៗបានលើកឡើងអំពីសកម្មភាពវិនិយោគរបស់ខ្លួន នៅក្នុងប្រទេសកម្ពុជា ក៏ដូចជាគម្រោងវិនិយោគនាពេលខាងមុខផងដែរ។ សម្ដេចតេជោបានមានប្រសាសន៍ថា បច្ចុប្បន្ននេះច្បាប់វិនិយោគនៅក្នុងប្រទេសកម្ពុជា គឺមានភាពល្អប្រសើរច្រើនសម្រាប់អ្នកវិនិយោគក្រៅប្រទេសទាំងអស់ដែលចូលមកវិនិយោគនៅក្នុងប្រទេសកម្ពុជា។ សម្ដេចតេជោនាយករដ្ឋមន្ត្រី បានមានប្រសាសន៍ថា ការវិនិយោគនៅក្នុងប្រទេសកម្ពុជាគឺជាការរួមចំណែកយ៉ាងសំខាន់ ក្នុងការពង្រឹង ពង្រីក ទំនាក់ទំនងសេដ្ឋកិច្ចរវាងប្រទេសទាំងពីរឲ្យកាន់តែល្អប្រសើរបន្ថែមទៀត។ សម្ដេចតេជោ ហ៊ុន សែន ក៏បានជូនពរ អោយក្រុមហ៊ុនទាំងអស់ដែលបាននិងកំពុងវិនិយោគនៅកម្ពុជា ក៏ដូចជាមានគម្រោងទៅវិនិយោគ ឲ្យទទួលបាននូវភាពជោគជ័យជាបន្តបន្ទាប់នាពេលខាងមុខ៕

សម្តេចតេជោ ចាត់ទុកទឹកជាមាស ស ដែលមិនអាចខ្វះបាន

2022/04/23 07:43:06 am        665
Facebook Telegram Linkin
ភ្នំពេញ៖ ក្នុងឱកាសអញ្ជើញថ្លែងសុន្ទរកថា ទៅកាន់មេដឹកនាំតំបន់ក្នុងកិច្ចប្រជុំកំពូលលើកទី៤ ស្តីពីបញ្ហាទឹកនៅតំបន់អាស៊ី ប៉ាស៊ីហ្វិក នៅប្រទេសជប៉ុន នាព្រឹកថ្ងៃទី២៣មេសានេះ សម្តេចតេជោ នាយករដ្ឋមន្ត្រីកម្ពុជា បានចាត់ទុកទឹកជាមាស ស ដែលមិនអាចខ្វះបាន។សម្តេច បានថ្លែងថា ធនធានទឹកបានក្លាយជារបៀបវារៈមួយសំខាន់ដែលយើងត្រូវខិតខំប្រឹងប្រែង​រួមគ្នាគ្រប់គ្រងឲ្យបានប្រកបដោយចីរភាពសម្រាប់បច្ចុប្បន្ន និងទៅ​អនាគតតាមរយៈ ការបន្តជំរុញ​អភិវឌ្ឍន៍​និង​សមាហរណកម្មបណ្ដាញហេដ្ឋារចនាសម្ព័ន្ធ ​សំដៅគាំទ្រ​ដល់ការគ្រប់គ្រង​ធនធាន​ទឹកទាំង​ក្នុងប្រទេសតំបន់ និងសកលលោក។ បន្តជួយអភិវឌ្ឍសកម្មភាពសង្គម-សេដ្ឋកិច្ចប្រកប​ដោយការទទួលខុសត្រូវ និងការគាំទ្រដល់ការអភិវឌ្ឍបៃតង ជាពិសេសសម្រាប់វិស័យកសិកម្មដែល​ជាវិស័យប្រើប្រាស់ទឹកច្រើន។ ការជំរុញ​និងលើក​កម្ពស់​សហគ្រាស​លើ​ផ្នែក​ឌីជីថល​របស់យើង​ដើម្បី​ចាប់យក​វឌ្ឍនភាព​នៃការ​អភិវឌ្ឍ​សេដ្ឋកិច្ចឌីជីថល​ក្នុងការប្រើប្រាស់និងគ្រប់គ្រង​ទឹកប្រកប​ដោយ​ប្រសិទ្ធភាព​និងប្រសិទ្ធផល។ ការបន្តលើកកម្ពស់ជីវភាពសង្គមក្នុងការប្រើប្រាស់​និង​គ្រប់គ្រង​ទឹកសំដៅ​ធានាឲ្យបានថា ប្រជាជនសកលលោកគ្រប់រូបទទួលបានទឹកមកប្រើប្រាស់​តាមតម្រូវការ។សម្តេច បញ្ជាក់ថា ការប្រើប្រាស់ធនធានទឹកប្រកបដោយចីរភាពគឺចាំបាច់ណាស់​សម្រាប់ការ​អភិវឌ្ឍ​សង្គមសេដ្ឋកិច្ចប្រកបដោយចីរភាព។ ជាក់ស្ដែងនៅក្នុងរបៀបវារៈឆ្នាំ២០៣០​ របស់អង្គការ​សហប្រជាជាតិ​សម្រាប់​ការអភិវឌ្ឍប្រកបដោយចីរភាព​ ធនធានទឹកត្រូវបាន​កំណត់​នូវគោលដៅ​ទី០៦ ស្ដីពីការធានាអោយបាននូវការគ្រប់គ្រងទឹក​និងអនាម័យប្រកប​ដោយ​ចីរភាព​សម្រាប់​ប្រជាជន​គ្រប់រូប។កម្ពុជាចាត់ទុកថាទឹកជាមាសសដែលជាកម្លាំង​ចលករ​ជំរុញ​ការ​អភិវឌ្ឍ​និងវឌ្ឍនភាពសេដ្ឋកិច្ច​សង្គម​ប្រកប​ដោយ​ចីរភាព ​និងបរិយាបន្ន។ រដ្ឋាភិបាលកម្ពុជា​តែងទទួលស្គាល់​អំពី​សារៈសំខាន់​ជីវសាស្ត្រ​និង​ផ្ដល់អាទិភាពខ្ពស់ចំពោះវិស័យធនធាន​ទឹកសំដៅជំរុញ​ការ​គ្រប់គ្រងធនធាន​ទឹកឲ្យកាន់តែ​ប្រសើរ​ដើម្បីធានាឲ្យបាននូវសន្តិសុខទឹកក្នុងក្របខ័ណ្ឌទូទាំងប្រទេសកម្ពុជា​និងបន្តកិច្ចសហការ​ជាមួយគ្រប់​ភាគីពាក់ព័ន្ធ ក្រុមហ៊ុនអង្គការតំបន់និងសកល ដើម្បីពង្រឹងនិងលើកកម្ពស់អភិបាលកិច្ច​និងការ​គ្រប់គ្រង​ធនធានទឹកនិងអាងទន្លេឆ្លងដែនឲ្យកាន់តែមានប្រសិទ្ធភាពថែមទៀត និង​ការឈាន​ទៅសម្រេចគោលដៅទឹក ​ដើម្បីការអភិវឌ្ឍប្រកបដោយចីរភាព។ក្នុងន័យនេះ សម្តេចមានជំនឿយ៉ាងមុតមាំថា ឆន្ទៈនយោបាយកម្រិតខ្ពស់ការខិតខំប្រឹងប្រែងនិង​ការធ្វើ​សកម្មភាពរួមគ្នារបស់យើងនឹងធានាបានជោគជ័យ​ក្នុងការសម្រេចជោគជ័យ​ខាងលើ​ហើយកម្ពុជា​ទន្ទឹងរង់ចាំលទ្ធផលប្រកបដោយផ្លែផ្កាពីកិច្ចប្រជុំលើកទី៤នេះ​ស្ដីពីបញ្ហាទឹកនៅតំបន់​អាស៊ីប៉ាស៊ីហ្វិក​ជាមួយ​នឹង​សេចក្តីប្រកាស​ទីក្រុងគូម៉ាម៉ូតុ​ដែលនឹងក្លាយ​ជាឯកសារបង្ហាញ​ផ្លូវដ៏មាន​សារសំខាន់សម្រាប់កិច្ចខិតខំប្រឹងប្រែងរួមគ្នារបស់យើងដែលធានា​បានការប្រើប្រាស់ការអភិវឌ្ឍ​និងការ​គ្រប់គ្រង​ទឹកប្រកបដោយចីរភាពនិងបរិយាប័ន្នសម្រាប់មនុស្សជាតិគ្រប់ជំនាន់៕

ឯកឧត្តម គន់ គីម ណែនាំដល់យុវជនចូលរួមការពារសមិទ្ធផលរាជរដ្ឋាភិបាល ដើម្បីបន្តថែរក្សាសុខសន្តិភាព

2022/04/23 11:29:42 am        977
Facebook Telegram Linkin
ឧត្ដរមានជ័យ៖ ទេសរដ្ឋមន្រ្តី គន់ គីម សមាជិកគណៈអចិន្រ្តៃយ៍​នៃ​គណៈកម្មាធិការ​កណ្តាល និងជាប្រធានក្រុមការងារចុះជួយខេត្តឧត្តរមានជ័យ ណែនាំ​សល់យុវជន​ត្រូវចូល​រួមការពារសមិទ្ធផលរាជរដ្ឋាភិបាល ដើម្បីបន្តថែរក្សាសុខសន្តិភាព។នាព្រឹកថ្ងៃទី២៣ ខែមេសា ឆ្នាំ២០២២ ឯកឧត្តម ទេសរដ្ឋមន្រ្តី គន់ គីម សមាជិក​គណៈអចិន្រ្តៃយ៍​នៃគណៈកម្មាធិការកណ្តាល និងជាប្រធាន​ក្រុមការងារ​ចុះជួយ​ខេត្ត​ឧត្តរមានជ័យ បានជួបសំណេះសំណាល ជាមួយ​យុវជន​គណបក្ស​ក្នុង​ស្រុក​អន្លង់វែង។ ឯកឧត្តម គន់ គីម មានប្រសាសន៍ថា ក្រោមការ​ដឹងនាំ​របស់​សម្តេច​តេជោ ហ៊ុន សែន នាយករដ្ឋមន្រ្តីនៃកម្ពុជា ក្នុងរយៈពេលជាង២០ឆ្នាំ បន្ទាប់ពី​ប្រទេស​ជាតិ ត្រូវបានរំដោះចេញពីសង្រ្គាមស៊ីវិល ក្លាយជា​ប្រទេស​មាន​សុខសន្តិភាព ស្ថេរភាព និងការអភិវឌ្ឍ លើគ្រប់វិស័យ ជីវភាព​របស់​ប្រជាពលរដ្ឋ​មាន​ភាព​ប្រសើរឡើងជាបន្តបន្ទាប់។ឯកឧត្តម គន់ គីម បានលើកឡើងថា សន្តិភាព ស្ថេរភាពនិងការអភិវឌ្ឍ មិនមែន​កើត​​ឡើងដោយចៃដន្យទេ គឺកើតចេញពីការបូជា លះបង់របស់យុវជន​យើង​ជំនាន់​មុន និងការខិតខំប្រឹងប្រែងពុះពារគ្រប់ឧបសគ្គ ប្រកបដោយផែនការច្បាស់លាស់ និង​ទស្សនៈវិស័យវែងឆ្ងាយរបស់ថ្នាក់ដឹកនាំគណបក្សប្រជាជនកម្ពុជា ដែលមាន​សម្តេច​អគ្គមហាសេនាបតីតេជោ ហ៊ុន សែន ជាប្រធាន។ឯកឧត្តម គន់ គីម បានកោតសរសើរដល់យុវជនគណបក្សស្រុកអន្លង់វែង ដែលបាន​ចូលរួម និងលះបង់ខ្ពស់ដើម្បីបុព្វហេតុ​គណបក្ស និងជាតិមាតុភូមិ និងបានជំរុញដល់សកម្មជនយុវជនទាំងអស់ត្រូវខិតខំពង្រឹងសមត្ថភាពរបស់ខ្លួនដើម្បី​ក្លាយជាអ្នកបន្តវេនចូលរួមដឹកនាំគណបក្ស និងប្រទេសជាតិឱ្យកាន់តែរុងរឿង។ឯកឧត្តម គន់ គីម បានផ្តាំផ្ញើដល់​យុវជន​ទាំងអស់​ត្រូវ​ ចូល​រួម​ជួយ​សកម្មភាព​ក្នុង​មូលដ្ឋាន និងត្រូវជួយផ្សព្វផ្សាយនូវសមិទ្ធផលរបស់រាជរដ្ឋាភិបាល ដើម្បី​បន្ត​ថែ​រក្សា​ឲ្យ​បាន​នូវសុខសន្តិភាពដែលមានមកដល់បច្ចុប្បន្ន៕

គណបក្សប្រជាជនសង្កាត់ទូសង្កែទី១​ ខណ្ឌឬស្សីកែវ ប្រកាសបញ្ចូលសមាជិកចំនួន ៦៦៣នាក់

2022/04/23 10:28:36 am        169
Facebook Telegram Linkin
ភ្នំពេញ៖  ឯកឧត្ដម អូស្មាន ហាស្សាន់ អនុប្រធានក្រុមការងារថ្នាក់កណ្តាលចុះជួយរាជធានីភ្នំពេញ និងជាប្រធានក្រុមការងារគណបក្សចុះមូលដ្ឋានខណ្ឌឫស្សីកែវ និងឯកឧត្តម ​ឧកញ៉ា​ សំ ប៊ន អនុប្រធានក្រុមការងារគណបក្សចុះមូលដ្ឋាន ខណ្ឌឬស្សីកែវ បានអញ្ជើញប្រកាសបញ្ចូលសមាជិក ក្នុងមូលដ្ឋានសង្កាត់ទូលសង្កែទី១ ចំនួន ៦៦៣នាក់ នៅព្រឹកថ្ងៃទី២៣ ខែមេសា​ ឆ្នាំ២០២២នេះ។

មន្រ្តីជំនាញ៖ បច្ចុប្បន្នការចាក់វ៉ាក់សាំងដូសជំរុញ មានល្បឿនលឿន បន្ទាប់ពីគ្រូពេទ្យស្ពាយវ៉ាក់សាំងចាក់តាមខ្នងផ្ទះ និងទីប្រជុំជន

2022/04/23 09:53:28 am        688
Facebook Telegram Linkin
មណ្ឌលគិរី៖ មន្រ្តីជំនាញនៃក្រសួងសុខាភិបាល នៅថ្ងៃទី២៣ ខែមេសានេះ បានឱ្យដឹងថា បច្ចុប្បន្នដំណើការចាក់វ៉ាក់សាំងដូសជំរុញ ជូនប្រជាពលរដ្ឋមានល្បឿនលឿន បន្ទាប់ពីក្រុមគ្រូពេទ្យ សហការណ៍ជាមួយអាជ្ញាធរមូលដ្ឋានស្ពាយវ៉ាក់សាំងចាក់តាមខ្នងផ្ទះ និងទីប្រជុំជន។ លោកជំទាវវេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិបាល និងប្រធានគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស និងលោកស្រីវេជ្ជបណ្ឌិត លី អាយលែនតំណាងអង្គការសុខភាពពិភពលោក ប្រចាំប្រទេសកម្ពុជា និងមន្រ្តីពាក់ព័ន្ឋមួយចំនួនទៀត នៅព្រឹកថ្ងៃទី២៣ ខែមេសានេះ បានបន្តអញ្ចើញចុះពិនិត្យមើលទីតាំងចាក់វ៉ាក់សាំងកូវីដ នៅមណ្ឌលសុខភាពអូអាម ស្ថិតនៅខេត្តមណ្ឌលគិរី។លោកជំទាវវេជ្ជបណ្ឌិតឱ វណ្ណឌីន មានប្រាសន៍ប្រាប់ក្រុមអ្នកសារព័ត៌មានថា បច្ចុប្បន្នដំណើរការចាក់វ៉ាក់សាំងវ៉ាក់សាំងកូវីដ-១៩ ដូសជំរុញ ជូនប្រជាពលរដ្ឋមានល្បឿនលឿនគួរអោយកត់សំគាល់ បន្ទាប់ពីក្រុមគ្រូពេទ្យនៃក្រសួងសុខាភិបាល សម្ព័ន្ធគ្រូពេទ្យសហភាពសហព័ន្ធយុវជនកម្ពុជា ក្រុមគ្រូពេទ្យស្ម័គ្រចិត្តសម្តេចវិបុលសេនាភក្តីសាយ ឈុំ និងក្រុមគ្រូពេទ្យនៃក្រសួងការពារជាតិជាដើមនោះ បានស្ពាយវ៉ាក់សាំងទៅចាក់ដល់ខ្នងផ្ទះ និងទីប្រជុំជន ដែលប្រជាពលរដ្ឋរស់នៅ។ លើសពីនេះ លោកជំទាវវេជ្ជបណ្ឌិត បន្តក្រើនរម្លឹកដល់ប្រជាពលរដ្ឋមិនទាន់ចាក់វ់ាក់សាំង សូមរួសរាន់ទៅទទួលការចាក់វ៉ាក់សាំងកូវីដ ជាពិសេសដូសជំរុញ ដើម្បីបង្កើនអង់ទីគ័រក្នុងសារពាង្គកាយ ទប់ទល់នឹងការវាយលុកពីជំងឺកូវីដ។ការចាក់វ៉ាក់សាំងកូវីដ-១៩ ស្រោចលើប្រជាពលរដ្ឋ ត្រូវបានរាជរដ្ឋាភិបាលកម្ពុជា ចាត់ទុកជាយុទ្ធសាស្រ្តចម្បងមួយ ដើម្បីទប់ស្កាត់ការរីករាលដាលជំងឺកូវីដ-១៩ ខណៈបច្ចុប្បន្នប្រទេសកម្ពុជាបើកដំណើរសេដ្ឋកិច្ចធម្មតា ជាមួយជំងឺកូវីដ។គិតត្រឹមថ្ងៃទី២៣ខែមេសានេះ ប្រទេសកម្ពុជារកវ៉ាក់សាំងកូវីដបានជិត៥០លានដូស រាប់បញ្ជូលទាំងការបញ្ជាទិញពីប្រទេសចិន ជំនួយតាមរយៈយន្តការកូវ៉ាក់ និងបណ្តាប្រទេសផ្សេងៗមួយចំនួនទៀត សម្រាប់ប្រើប្រាស់ក្នុងយុទ្ធនាការចាក់វ៉ាក់សាំងបង្ការជំងឺកូវីដ-១៩ ជូនពលរដ្ឋអាយុពី៣ឆ្នាំឡើង ចាប់ពីដូសទី១ ដល់ទី៤។ អត្ថបទ៖ទូច សោភ័ណ

សម្តេចតេជោ ហ៊ុន សែន​​ ជួបពិភាក្សាទ្វេភាគីជាមួយនាយករដ្ឋមន្ត្រីឡាវ

2022/04/23 08:39:28 am        446
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី បានជួបពិភាក្សាទ្វេភាគីជាមួយ ឯកឧត្តម ផនខាំ វីផាវ៉ាន់ នាយករដ្ឋមន្រ្តី នៃសាធារណរដ្ឋប្រជាធិបតេយ្យប្រជាមានិតឡាវ ​​​នៅព្រឹកថ្ងៃទី២៣ ខែមេសា ឆ្នាំ២០២២ ក្នុងសម្ពេចស្នាក់នៅប្រទេសជប៉ុន ដើម្បីចូលរួមកិច្ចប្រជុំកំពូលលើកទី៤ ស្តីពីបញ្ហាទឹក នៅតំបន់អាស៊ី-ប៉ាស៊ីហ្វីក ។កិច្ចជំនួបនេះ ដើម្បីពង្រឹងទំនាក់ទំនងរវាងប្រទេសទាំងពីរ។

ឯកអគ្គរដ្ឋទូតសិង្ហបុរី សាទរចំពោះវឌ្ឍនភាពរបស់ខេត្ដព្រះសីហនុ និង​ការ​ប្រែក្លាយ​ទៅ​ជា​ទីក្រុងទំនើប​សម្រាប់​សេដ្ឋកិច្ចជាតិ

2022/04/22 04:09:12 pm        694
Facebook Telegram Linkin
ព្រះសីហនុ៖ ដើម្បីពង្រឹងទំនាក់ទំនងកិច្ចសហប្រតិបត្ដិការ និងធ្វើទស្សកិច្ចសិក្សាស្វែងយល់ពីវឌ្ឍនភាពរបស់ខេត្ដព្រះសីហនុ ឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋសឹង្ហបុរី ប្រចាំព្រះរាជាណាចក្រកម្ពុជា បានចូលជួបសំដែងការគួរសម និងពិភាក្សាការងារជាមួយអភិបាលខេត្តព្រះសីហនុ កាលពីម្សិលមិញ។លោកជំទាវឯកអគ្គរដ្ឋទូតសិង្ហបូរី មានប្រសាសន៍កោតសរសើរចំពោះការអភិវឌ្ឍរីកចម្រើននូវហេដ្ឋារចនាសម្ព័ន្ធ ជាច្រើន ពិសេស​អគារទាំងឡាយខ្ពស់ៗ និងផ្លូវស្អាត។ ទន្ទឹមនឹងនោះ លោកជំទាវក៏ចង់ ឃើញការអភិវឌ្ឍថ្មីៗ​បន្ថែម​ទៀត ​ដូចជាកំពង់ផែ ផ្លូវល្បឿនលឿន ។ល។ និងគម្រោងជាច្រើនផ្សេងទៀត ធ្វើឱ្យទីក្រុងនេះ ក្លាយ​ជាទីក្រុងទំនើប (Smart City) គួរឱ្យចង់រស់នៅ ​និងជាមជ្ឈមណ្ឌលហិរញ្ញវត្ថុ ​ដែលខេត្តព្រះសីហនុ ត្រូវបាន​រាជរដ្ឋាភិបាលកម្ពុជា​ កំណត់ជាខេត្តប៉ូលសេដ្ឋកិច្ចគំរូពហុបំណងតែមួយគត់សម្រាប់​ការ​អភិវឌ្ឍសេដ្ឋកិច្ចជាតិ។ឯកឧត្ដម គួច ចំរើន បានបញ្ជាក់ថា​ ខេត្តព្រះសីហនុ ​ត្រូវបានរាជរដ្ឋាភិបាលកំណត់ជាប៉ូល សេដ្ឋកិច្ច​ពិសេសគំរូពហុបំណង តំបន់ឧស្សាហ៍កម្មពាណិជ្ជកម្ម ​និងទេសចរណ៍​ ដែល​មាន​សក្តានុពល​ធនធាន​ធម្មជាតិសម្បូរបែប។ ខេត្ដមានផ្លូវ​គមនាគមន៍​ច្រើន ផ្លូវគោក ផ្លូវដែក ផ្លូវទឹក ផ្លូវអាកាស ។ ពិសេសកំពង់ផែអន្តរជាតិទឹកជ្រៅតែមួយគត់ របស់ព្រះរាជាណាចក្រកម្ពុជា ក្នុងការ​ដឹក​ជញ្ជូន​ផ្ទេរទំនិញគ្រប់ប្រភេទទៅកាន់បណ្ដាប្រទេសទូទាំងពិភពលោក។ឯកឧត្ដម បានបន្តថា ​ខេត្តត្រូវបានរាជរដ្ឋាភិបាលទម្លាក់​កញ្ចប់​ថវិកា​ក្នុងការកែលម្អ​ហេដ្ឋា​រចនា​សម្ព័ន្ធ​ផ្លូវថ្នល់ក្នុងក្រុង ព្រះសីហនុ ​៣៧ខ្សែ ​រួមទាំងប្រព័ន្ធលូ ​ស្ដារអូរប្រឡាយ និងកសាងស្ថានីយ​អាង​ប្រព្រឹត្តកម្មទឹកកខ្វក់ ​៣ទីតាំង​ ដើម្បីចម្រោះ ទឹកកខ្វក់ ​មុននឹងបង្ហូរចូលទៅក្នុងសមុទ្រ កាត់​បន្ថយការ​បំពុលបរិស្ថាន។ ខេត្តមានជនជាតិសិង្ហបុរី បានមកធ្វើការវិនិយោគ ​លើផ្នែកអចលនទ្រព្យ និង​ទេសចរណ៍ ​និងស្នើសុំឱ្យលោកជំទាវ ​ជួយផ្សព្វផ្សាយ​ពី​សក្តានុពលរបស់ខេត្តព្រះសីហនុ ​ដល់​ពលរដ្ឋ​សិង្ហបុរី ​ពិសេសជំរុញអ្នកវិនិយោគប្រទេសសិង្ហបុរី ​មកធ្វើការវិនិយោគនៅខេត្ត​ព្រះសីហនុ​កាន់​តែច្រើន​បន្ថែមទៀត៕ អត្ថបទ៖ គង់ ប៊ុនថា

សម្តេចតេជោ ហ៊ុន សែន អញ្ជើញទៅដល់អាកាសយានដ្ឋាន Aso Kumamuto ទីក្រុងគូម៉ាម៉ូតូ ប្រទេសជប៉ុន​ប្រកប​ដោយ​សុវត្ថិភាព

2022/04/22 07:59:58 am        1120
Facebook Telegram Linkin
ភ្នំពេញ៖ ដើម្បីចូលរួមកិច្ចប្រជុំកំពូលលើកទី៤ ស្តីពីបញ្ហាទឹក នៅតំបន់អាស៊ី-ប៉ាស៊ីហ្វីក នៅទីក្រុងគូម៉ាម៉ូតូ ប្រទេសជប៉ុន នៅថ្ងៃទី២៣មេសា សម្តេចតេជោ ហ៊ុន សែន នាយករដ្ឋមន្រ្តី និងគណៈប្រតិភូជាន់ខ្ពស់រាជរដ្ឋាភិបាលកម្ពុជា បានអញ្ជើញទៅដល់ទីក្រុង Kumamuto ប្រទេសជប៉ុន ប្រកបដោយសុវត្ថិភាព កាលពីវេលាម៉ោង១៤ និង១៥នាទី ម៉ោងនៅទីក្រុងតូក្យូ ប្រទេសជប៉ុន ត្រូវនិងម៉ោង១២និង១៥ ម៉ោងនៅរាជធានីភ្នំពេញ បានអញ្ជើញដល់ប្រទេសជប៉ុនប្រកបដោយសុវត្ថិភាព ដើម្បីចូលរួមកិច្ចប្រជុំកំពូលលើកទី៤ ស្តីពីបញ្ហាទឹក នៅតំបន់អាស៊ី-ប៉ាស៊ីហ្វីក ដែលគ្រោងធ្វើឡើងនៅថ្ងៃទី២៣មេសាស្អែក។ នៅអាកាសយានដ្ឋាន Aso Kumamuto ទីក្រុង Kumamuto ប្រទេសជប៉ុន វត្តមាននៃការអញ្ជើញដល់របស់សម្តេចតេជោនាយករដ្ឋមន្រ្តី និងគណៈប្រតិភូជាន់ខ្ពស់ រាជរដ្ឋាភិបាលកម្ពុជា ត្រូវបានការធ្វើគារវកិច្ចស្វាគមន៍យ៉ាងកក់ក្តៅបំផុត ពីឯកឧត្តម មិកាមិ ម៉ាសាហ៊ីរ៉ូ ឯកអគ្គរាជទូតវិសាមញ និងពេញសមត្ថភាព នៃប្រទេសជប៉ុន ប្រចាំកម្ពុជា, ឯកឧត្តម ទុយ រី ឯកអគ្គរាជទូតវិសាមញ និងពេញសមត្ថភាព នៃព្រះរាជាណាចក្រកម្ពុជា ប្រចាំប្រទេសជប៉ុន ឯកឧត្តម អូនីស៊ិ កាហ្សឺកហ្វូមិ អភិបាល ក្រុងគូម៉ាម៉ូតូ ឯកឧត្តមអនុរដ្ឋមន្រ្តី ក្រសួងដែនដី ហេដ្ឋារចនាសម្ព័ន្ធ ដឹកជញ្ជូន និងទេសចរណ៍ជប៉ុន ព្រមទាំងវត្តមាន ឯកឧត្តម លោកជំទាវ ជាឥស្សរជនជាន់ខ្ពស់រដ្ឋាភិបាលជប៉ុន ខេត្តគូម៉ាម៉ូតូ និងឥស្សរជនការទូត នៃព្រះរាជាណាចក្រកម្ពុជា ប្រចាំប្រទេសជប៉ុន ជាច្រើនរូប។ដោយឡែកនៅសណ្ឋាគារ Kumamoto Castle វត្តមាននៃការអញ្ជើញដល់របស់សម្តេចតេជោ និងគណៈប្រតិភូជាន់ខ្ពស់រាជរដ្ឋាភិបាលកម្ពុជា ត្រូវបានការធ្វើគារវកិច្ចស្វាគមន៍យ៉ាងស្និទ្ធស្នាលរ៉ាក់ទាក់បំផុត ពីសិស្ស និស្សិត កម្មសិក្សាការី និងបងប្អូនសហគមន៍ខ្មែរ ដែលកំពុងសិក្សា ធ្វើការ និងស្នាក់នៅប្រទេសជប៉ុន ប្រមាណ ជាង១០០នាក់។ សម្តេចតេជោនាយករដ្ឋមន្រ្តី បានសំដែងនូវសេចក្តីសប្បាយរីករាយដោយបានជួបដោយផ្ទាល់ ជាមួយបងប្អូនកូនក្មួយចៅៗ ជាសិស្ស និស្សិត កម្មសិក្សាការី និងបងប្អូនសហគមន៍ខ្មែរ ដែលកំពុងសិក្សា ធ្វើការ និងស្នាក់នៅប្រទេសជប៉ុន ដែលនេះបង្ហាញឲ្យឃើញពីការគោរពស្រឡាញ់ រវាងថ្នាក់ដឹកនាំនិងប្រជាពលរដ្ឋខ្លួន ដែលកំពុងឃ្លាតឆ្ងាយពីមាតុ ប្រទេស ទៅបំពេញការសិក្សា រកស៊ីទទួលទាន ស្នាក់នៅប្រទេសជប៉ុន។តាមទូរលេខដែលបញ្ជាក់ដោយក្រសួងការបរទេស បានឲ្យដឹងថា នៅកម្ពុជាមានជនជាតិជប៉ុនស្នាក់នៅប្រទេសកម្ពុជា មានចំនួន ៤ ២១៦នាក់ គិតត្រឹមខែមករាឆ្នាំ២០២១ ដោយឡែកសិស្ស និស្សិត កម្ពុជាសិក្សាអាហារូបករណ៍បង់ថ្លៃ នៅប្រទេសជប៉ុនចំនួន ៦៩៣នាក់ និងមានពលរដ្ឋកម្ពុជារស់នៅ និងប្រកបរបរអាជីវកម្មនៅក្នុងប្រទេសជប៉ុន មានចំនួន ៥ ២០៣នាក់ គិតត្រឹមខែមិថុនាឆ្នាំ២០២០។ តាមកម្មវិធីដែលបានគ្រោងទុក សម្តេចតេជោនាយករដ្ឋមន្រ្តី និងអញ្ជើញកិច្ចប្រជុំកំពូលលើកទី៤ ស្តីពីបញ្ហាទឹក នៅតំបន់អាស៊ី-ប៉ាស៊ីហ្វីក នៅទីក្រុងគូម៉ាម៉ូតូ ប្រទេសជប៉ុន នៅថ្ងៃទី២៣មេសា ជាមួយប្រមុខរដ្ឋាភិបាល នៃប្រទេសជប៉ុន ប្រទេសទូវ៉ាលូ ឡាវ នេប៉ាល់ និងបណ្តារដ្ឋមន្រ្តី មកពីប្រទេសក្នុងតំបន់អាស៊ី ប៉ាស៊ីហ្វីក ជាច្រើនរូបទៀត។ជាមួយគ្នានេះ សម្តេចតេជោ និងជួបសន្ទនាការងារទ្វេភាគី ជាមួយសមភាគីជប៉ុន ឯកឧត្តម គីស៊ីដា ហ្វីមីអូ នាយករដ្ឋមន្រ្តីជប៉ុន ហើយនៅក្នុងជំនួបទ្វេភាគីនោះ ប្រមុខរដ្ឋាភិបាលនៃប្រទេសទាំងពីរកម្ពុជា ជប៉ុន និងធ្វើជាសាក្សីនៃពិធីចុះហត្ថលេខាលើអនុស្សារណៈ នៃការយោគយល់គ្នា រវាងក្រសួងធនធានទឹក និងឧតុនិយម នៃព្រះរាជាណាចក្រកម្ពុជា ជាមួយនិងក្រសួងដែនដី ហេដ្ឋារចនាសម្ព័ន្ធដឹកជញ្ជូន និងទេសចរណ៍ជប៉ុន ដែលចុះហត្ថលេខារវាង ឯកឧត្តម លឹម គានហោ រដ្ឋមន្រ្តីក្រសួង ធន ធានទឹក និងឧតុនិយមកម្ពុជា ជាមួយឯកឧត្តម សាយតុ តេត្យុអុ (Saito Tetsuo) រដ្ឋមន្រ្តីក្រសួងដែនដី ហេដ្ឋារចនាសម្ព័ន្ធដឹកជញ្ជូន និងទេសចរណ៍ជប៉ុន។ ជាមួយគ្នានេះ សម្តេចតេជោ និងជួបសន្ទនាការងារទ្វេភាគីជាមួយ ឯកឧត្តម ផនខាំ វីផាវ៉ាន់ នាយករដ្ឋមន្រ្តី នៃសាធារណរដ្ឋប្រជាធិបតេយ្យប្រជាមានិតឡាវ និងជួបសន្ទានជាមួយ ឯកឧត្តមអភិបាលខេត្តគួម៉ាម៉ូតូ និងបណ្តាមេដឹកនាំក្រុមហ៊ុនធំៗ របស់ប្រទេសជប៉ុនផងដែរ៕

បណ្ដាញសង្គម

ព័ត៌មានថ្មីៗ

រដ្ឋមន្រ្តីសុខាភិបាល អនុញ្ញាតឱ្យគណៈកម្មការប្រយុទ្ធប្រឆាំងផលិតផលក្លែងក្លាយ ដែលបង្កគ្រោះថ្នាក់មានហានិភ័យខ្ពស់ដល់សុខភាព និងសុវត្ថិភាពសង្គម ជួបសម្តែងការគួរសម និងពិភាក្សាការងារ
09/10/2025 08:09 PM
Facebook Telegram Linkin
រ៉្វាន់ដា៖ ការអំពាវនាវរបស់កុងហ្គោឲ្យ UN ទទួលស្គាល់មាន «អំពើប្រល័យពូជសាសន៍» គឺជាទង្វើ «ល្ងង់ខ្លៅ»
09/10/2025 08:09 PM
Facebook Telegram Linkin
វិមានក្រឹមឡាំងបដិសេធមិនធ្វើអត្ថាធិប្បាយ ជុំវិញឧប្បត្តិហេតុយានដ្រូន នៅប៉ូឡូញ
09/10/2025 07:09 PM
Facebook Telegram Linkin
ក្រុមបារាំងកៀរគរគ្នាដើម្បីបេតិកភណ្ឌកម្ពុជា
09/10/2025 07:09 PM
Facebook Telegram Linkin
នាយករដ្ឋមន្ត្រីអង់គ្លេស៖ ការរំលោភរបស់រុស្ស៊ីលើដែនអាកាសប៉ូឡូញ គឺជា «ធ្វេសប្រហែសខ្លាំងណាស់»
09/10/2025 07:09 PM
Facebook Telegram Linkin
សមាជិកព្រឹទ្ធសភាអូស្ត្រាលីស្តាំនិយម ត្រូវបណ្តេញចេញពីក្រសួងស្រមោល ជុំវិញការអត្ថាធិប្បាយប្រឆាំងឥណ្ឌា
09/10/2025 06:09 PM
Facebook Telegram Linkin
ក្រុងច្បារមន និងខេត្តកំពង់ស្ពឺ ទទួលបាន ជ័យលាភី “ទីក្រុងទេសចរណ៍គ្មានផ្សែងបារី”
09/10/2025 06:09 PM
Facebook Telegram Linkin
ក្រុមហ៊ុនអាកាសចរណ៍ JAL រងការព្រមានជាលើកទី២ ពាក់ព័ន្ធនឹងអ្នកបើកបរយន្តហោះស្រវឹង
09/10/2025 06:09 PM
Facebook Telegram Linkin
ប្រមុខគណៈកម្មការ EU បញ្ជាក់ថា លោកស្រីនឹងស្នើវិធានការថ្មីផ្ដោតលើអ៊ីស្រាអែល
09/10/2025 06:09 PM
Facebook Telegram Linkin
សំឡេងផ្ទុះបន្លឺឡើង ក្រោយរថយន្តផ្លូវដែកផ្ទុកដោយឥន្ធនៈ មានអគ្គិភ័យ នៅលីទុយអានី
09/10/2025 06:09 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.