BTV NEWS

សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាលដែលកំពុងធ្វើកិច្ចការងារយ៉ាងសកម្មស្វែងរកដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស

សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥

សម្ដេចធិបតី៖ រាជរដ្ឋាភិបាលប្តេជ្ញាចិត្តយ៉ាងមុតមាំលើកកម្ពស់ការងារអក្ខរកម្ម និងបំពាក់បំប៉ន ជំនាញ និងឱកាសសិក្សាពេញមួយជីវិត ជាពិសេសជំនាញឌីជីថល

ប្រជាពលរដ្ឋត្រេកអរនឹងសមិទ្ធផលអាកាសយានដ្ឋានថ្មីដែលត្រៀមបើកដំណើរការ

នយោបាយ និង ការអភិវឌ្ឍន៍

សម្តេចតេជោ ហ៊ុន សែន និងសម្តេចកិតិ្តព្រឹទ្ធបណ្ឌិត អញ្ជើញអភិសេករូបសំណាក “ព្រះថោងនាងនាគ” នៅខេត្តព្រះសីហនុ

ព្រះសីហនុ៖ នៅព្រឹកថ្ងៃសៅរ៍ទី១៦ ខែមេសា ឆ្នាំ២០២២ ដែលជាថ្ងៃទី៣ នៃពិធីបុណ្យចូលឆ្នាំថ្មី ប្រពៃណីជាតិខ្មែរ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្តេចកិតិ្តព្រឹទ្ធបណ្ឌិត ប៊ុនរ៉ានី ហ៊ុនសែន អញ្ជើញជាអធិបតីក្នុងពិធីអភិសេករូបសំណាក “ព្រះថោងនាងនាគ” នៅខេត្តព្រះសីហនុ។រូបសំណាក “ព្រះថោងនាងនាគ” ត្រូវបានរៀបចំនៅរង្វង់មូលព្រះថោងនាងនាគ ស្ថិតនៅភូមិគគីរ ឃុំបិតត្រាំង ស្រុកព្រៃនប់ ខេត្តព្រះសីហនុ ដែលជាចំណុចប្រសព្វគ្នារវាងមហាវិថីឆ្នេររាម និងមហាវិថីជំទាវម៉ៅ។ រូបសំណាក ព្រះថោងតោងស្បៃព្រះនាងនាគ ដ៏ធំសម្បើមនេះ មានកម្ពស់ជាង ២១ម៉ែត្រ រចនាស្ថាបត្យកម្ម ដោយកូនខ្មែរ ត្រូវបានសាងសង់ឡើងយ៉ាងហ្មត់ចត់នៅប្រទេសចិន និងបានដឹកមកដល់កំពង់ផែស្វយ័តក្រុងព្រះសីហនុ ប្រទេសកម្ពុជា កាលពីថ្ងៃ២៥ ខែមីនា ២០២២។ រូបសំណាក “ព្រះថោងនាងនាគ” បានដាក់បែរព្រះភក្ត្រ ឆ្ពោះទៅសមុទ្រ ដោយសាររឿងព្រេង ការកកើតនគរខ្មែរ គឺព្រះនាងនាគបានឲ្យព្រះថោង តោងកន្ទុយ ឬស្បៃ ដើម្បីមុជទឹក ហោះទៅកាន់ឋានស្ដេចភុជង្គនាគ ដើម្បីជួបមាតា បិតារបស់ព្រះនាង ហើយនោះ គឺជានិម្មិតរូប នៃការកកើតទឹកដី អារ្យធម៌ វប្បធម៌ ប្រពៃណី ទំនៀមទម្លាប់នគរខ្មែរ គោកធ្លក ដែលគេឃើញមានតរៀងមកក្នុងពិធីរៀបអាពាហ៍ពិពាហ៍របស់ខ្មែរ រហូតដល់សព្វថ្ងៃ។ រូបសំណាកដ៏ធំស្កឹមស្កៃនេះ ជារូបសំណាកមួយ ក្នុងចំណោមរូបសំណាក់និមិត្តរូប នៃខេត្តព្រះសីហនុចំនួន៤ ដែលរូបសំណាក់៣ផ្សេងទៀតមានដូចជា ៖ រូបសំណាកតោមាស រូបសំណាកព្រះសិវៈ និងព្រះនាងឧមា (សាងសង់ថ្មី) និងរូបសំណាកសីហក្បាលរាជសីជាដើម៕

លោក ហ៊ុន ម៉ាណែត រំលឹកគ្រាមួយឆ្នាំមុន ដែលជាយុទ្ធនាការដ៏ក្តៅគគុក ប្រយុទ្ធប្រឆាំងនឹងជំងឺកូវីដ-១៩

ភ្នំពេញ៖ លោក ហ៊ុន ម៉ាណែត បានរំលឹករយៈពេលមួយឆ្នាំមុន (១៣ មេសា ២០២១ - ១៣ មេសា ២០២២) ដែលលោក និងភរិយា ព្រមទាំងក្រុមការងារកំពុងមមារញឹកទាំងយប់ទាំងថ្ងៃក្នុងការរៀបចំមណ្ឌលព្យាបាលជំងឺកូវីដ-១៩ កម្រិតស្រាលនៅកោះពេជ្រ តាមបទបញ្ជារបស់សម្តេចតេជោ ហ៊ុន សែន អឲ្យបានលឿន (បន្ទាប់ពីបានបញ្ចប់ការរៀបចំមណ្ឌលព្យាបាលកូវីដ១៩ នៅសណ្ឋាគារ the Great Duke និងមន្ទីរពទ្យហ្លួងម៉ែ ដែលពេលនោះមានឈ្មោះថា នគរទេព្យ) ដោយសារការឆ្លងរីករាលដាលនៃជំងឺកូវីដ-១៩ នៅរាជធានីភ្នំពេញនាពេលនោះ មានការកើនឡើងខ្លាំង ដែលតម្រូវអោយរៀបចំកន្លែងព្យាបាលបន្ថែមជាបន្ទាន់សម្រាប់ព្យាបាលប្រជាពលរដ្ឋដែលឆ្លងជម្ងឺកូវីដ-១៩។ លោកជឿជាក់ថា បងប្អូនដែលរស់នៅភ្នំពេញប្រាកដជាចងចាំច្បាស់នូវអារម្មណ៍របស់យើងនៅពេលនោះ ដែលពោរពេញទៅដោយការព្រួយបារម្ភ ភ័យខ្លាច និងមិនច្បាស់លាស់ថាទៅមុខនឹងទៅជាយ៉ាងណា បើមួយថ្ងៃៗមានអ្នកឆ្លងកូវីដ១៩ច្រើនបែបនេះ? ការគិតគូរ អំពីការនាំគ្រួសារទៅដើរកម្សាន្តពេលចូលឆ្នាំថ្មី កាលពីឆ្នាំមុននោះ ប្រាកដជាមិនមែនជាអាទិភាពសម្រាប់បងប្អូនទេ។ អាទិភាពរបស់បងប្អូននាពេលនោះ គឺការថែរក្សាសុខភាពនិងអាយុជីវិតរបស់ខ្លួននិងក្រុមគ្រួសារ ពោលគឺធ្វើយ៉ាងណាកុំអោយឆ្លងជម្ងឺកូវីដ១៩។ លោកបញ្ជាក់ថា បើយើងចាំពីស្ថានភាពកាលពីមួយឆ្នាំមុនដូចខ្ញុំបានរៀបរាប់ដោយសង្ខេបពីខាងលើ យើងប្រាកដជាមានមោទនភាពណាស់ ដែលក្រោមការដឹកនាំផ្ទាល់របស់សម្តេចតេជោ យើងបានរួមគ្នាប្រយុទ្ធប្រឆាំងនឹងជម្ងឺកូវីដ១៩ បានជោគជ័យ ដែលអាចអោយយើងបើកដំណើរការប្រទេសរបស់យើងឡើងវិញបាន ហើយពេលចូលឆ្នាំនាឆ្នាំនេះ ប្រជាពលរដ្ឋទូទាំងប្រទេសអាចប្រារពពិធីចូលឆ្នាំថ្មីប្រពៃណីជាតិយើង ជាមួយមិត្តភក្តិនិងក្រុមគ្រួសារដោយសប្បាយរីករាយ និងមិនមានការព្រួយបារម្ភ ភ័យខ្លាចដូចឆ្នាំមុនទៀតទេ។ ទមន្ទឹមនឹងនោះ លោកសូមបងប្អូនបន្តការប្រុងប្រយ័ត្ន និងអនុវត្តវិធានសុខាភិបាលដើម្បីការពារសុខភាពផ្ទាល់ខ្លួន និងអ្នកជុំវិញខ្លួន៕

សម្ដេចតេជោ៖ ឥណ្ឌាជាមិត្តដែលយល់ចិត្តយល់ថ្លើមរបស់កម្ពុជាតាំងពីយូរមកហើយ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា មានប្រសាសន៍ថា ឥណ្ឌា ជាមិត្ត ដែលយល់ ចិត្ដយល់ថ្លើមរបស់កម្ពុជា តាំងពីយូរមកហើយ ជាពិសេសក្រោយការបិទបញ្ចប់របបខ្មែរក្រហម ឥណ្ឌា បានចូលរួមចំណែកយ៉ាងសំខាន់ជួយស្តារសេដ្ឋកិច្ច-សង្គមកម្ពុជាឡើងវិញ។ក្នុងឱកាសអញ្ជើញជាអធិបតីដ៏ខ្ពង់ខ្ពស់ក្នុងពិធី ប្រគល់-ទទួលអំណោយវ៉ាក់សាំងកូដ-១៩ (Covishield) ចំនួន២០ម៉ឺន ពីរដ្ឋាភិបាល និងប្រជាជនឥណ្ឌា នាព្រឹកថ្ងៃទី១២ ខែមេសានេះ សម្តេចតេជោ ហ៊ុន សែន បានមានប្រសាសន៍ថា ឥណ្ឌាជាមិត្ត ដែលយល់ចិត្ដយល់ថ្លើម បានជួយកម្ពុជា តាំងពីឆ្នាំ១៩៨១មក គឺបានជួយស្តារសេដ្ឋកិច្ច-សង្គមកម្ពុជាឡើងវិញ តាមរយៈជំនួយមនុស្សធម៌ និងគាំទ្រពាណិជ្ជកម្ម និងផ្តល់កម្ចីហិរញ្ញប្បទានជាដើម។ប្រទេសកម្ពុជា មកដល់ពេលនេះ ទទួលបានវ៉ាក់សាំងជិត៥០លានដូសហើយ តាមរយៈការបញ្ជា ទិញ និងជំនួយពីប្រទេសនានា និងយន្តការកូវ៉ាក់ ដែលបើតាមសម្ដេចតេជោ ហ៊ុន សែន ធ្លាប់បានបញ្ជាក់ថា ប្រទេសកម្ពុជា នឹងមិនខ្វះវ៉ាក់សាំងចាក់ជូនប្រជាពលរដ្ឋនោះទេ ដើម្បីទប់ទល់នឹងហានិភ័យនៃការឆ្លង ជំងឺកូវីដ-១៩៕អត្ថបទ៖ មុត សុទ្ធ

កម្ពុជា ចង់ឲ្យមានកិច្ចព្រមព្រៀងពាណិជ្ជកម្មសេរីជាមួយឥណ្ឌា ខណៈចំណងការទូតឈានដល់៧០ឆ្នាំ

ភ្នំពេញ៖ គណៈប្រតិភូរដ្ឋសភាជាន់ទាបឥណ្ឌា នឹងធ្វើទន្សនកិច្ចរយៈពេល៤ថ្ងៃនៅកម្ពុជា ដោយទស្សនកិច្ចនេះ បានបង្ហាញនូវផលវិជ្ជមានជាច្រើន រួមទាំងភាគីកម្ពុជា ក៏ចង់ឲ្យមានកិច្ចព្រមព្រៀងពាណិជ្ជកម្មសេរី រវាង ប្រទេសទាំងពីរ ខណៈចំណងការទូតកម្ពុជា-ឥណ្ឌា ឈានដល់៧០ឆ្នាំ។ក្នុងសន្និសីទសារព័ត៌មាន ស្តីពីលទ្ធផលកិច្ចប្រជុំគណៈកម្មាធិការអចិន្ត្រៃយ៍រដ្ឋសភា នៅថ្ងៃទី១២ ខែមេសា ឆ្នាំ២០២២ ឯកឧត្តម ឡេង ប៉េងឡុង អគ្គលេខាធិការរដ្ឋសភា មានប្រសាសន៍ថា ឯកឧត្តម អំ ប៊ឺឡា (Om Birla) ប្រធានសភាជាន់ទាបនៃសាធារណរដ្ឋឥណ្ឌា (Lok Sabha) នឹងដឹកនាំគណៈប្រតិភូ មកធ្វើទស្សនកិច្ច ចាប់ពីថ្ងៃទី២១ ដល់ទី២៤ ខែមេសា នេះ ដែលទស្សនកិច្ចនេះ ដើម្បីពង្រឹងចំណងកិច្ច សហប្រតិបត្តិការរវាងកម្ពុជា និងឥណ្ឌា ឲ្យកាន់តែរីកចម្រើនឡើង ។ឯកឧត្តម បានបន្តថា ការពង្រឹងកិច្ចសហប្រតិការនេះ គឺត្រូវធ្វើឡើងលើគ្រប់វិស័យ មានវិស័យ នីតិប្បញ្ញត្តិ ហើយប្រទេសឥណ្ឌា មានប្រជាជនច្រើនលំដាប់ទី២ បន្ទាប់ពីប្រទេសចិនផងនោះ បើកម្ពុជា បានធ្វើពាណិជ្ជកម្មសេរីជាឥណ្ឌានោះ កាន់តែល្អប្រសើរ ។ឯកឧត្តម ឡេង ប៉េងឡុង បានបន្ថែមថា គិតត្រឹមឆ្នាំ២០២២នេះ ចំណងការទូតរវាងកម្ពុជា និង ឥណ្ឌា បានឈានដល់៧០ឆ្នាំហើយ គឺចាប់តាំងពីឆ្នាំ១៩៥២ មុនកម្ពុជាទទួលបានឯករាជ្យពីបារាំង មួយ ឆ្នាំ ហើយដំណើរទស្សនកិច្ចរបស់សភាជាន់ទាបឥណ្ឌា គ្រោងយាងព្រះមហាក្សត្រខ្មែរ យាងធ្វើទស្សនកិច្ច នៅឥណ្ឌាផងដែរ ។គួរបញ្ជាក់ថា កិច្ចប្រជុំគណៈកម្មាធិការអចិន្រ្តៃយ៍រដ្ឋសភា ដឹកនាំប្រជុំដោយសម្តេចអគ្គមហាពញា ចក្រី ហេង សំរិន ប្រធានរដ្ឋសភា បានទទួលយកសេចក្តីព្រាងច្បាប់ ស្តីពីសុវត្ថិភាពម្ហូបអាហារ និងសេចក្តី សេចក្តីព្រាងច្បាប់ ស្តីពីវិសោធនកម្មច្បាប់ ស្តីពីការគ្រប់គ្រងរដ្ឋបាល រាជធានី ខេត្ត ក្រុង ខណ្ឌ មកពិនិត្យ និងសិក្សា និងបានអនុម័តទទួលយកសេចក្តីព្រាងច្បាប់ចំនួនពីរ ដែលជាសំណើរបស់រាជរដ្ឋាភិបាល មក ប្រគល់ជូនគណៈកម្មការជំនាញរដ្ឋសភាដើម្បីពិនិត្យ និងសិក្សា ៕អត្ថបទ៖ បាន សុខរិទ្ធិ

ឯកឧត្តម ទេព នីថា៖ បណ្តឹងសុំចុះបញ្ជីបេក្ខជនចុះឈ្មោះគណបក្សនយោបាយ និងបញ្ជីបេក្ខជនដំបូង បានដោះស្រាយចប់សព្វគ្រប់ហើយ

ភ្នំពេញ ៖ ឯកឧត្តម ទេព នីថា អគ្គលេខាធិការ គ.ជ.ប បានបញ្ជាក់ថា ការដោះស្រាយពាក្យបណ្តឹងពាក់ព័ន្ធការសុំចុះបញ្ជីបេក្ខជនចុះឈ្មោះគណបក្សនយោបាយបោះឆ្នោត និងបញ្ជីបេក្ខជនដំបូង នៃគណបក្សនយោបាយ ត្រូវបានដោះស្រាយចប់សព្វគ្រប់ហើយ ពុំមានអ្វីត្រូវកែប្រែទេ ពីព្រោះការដោះស្រាយទាំងអស់របស់ គ.ជ.ប ផ្នែកលើច្បាប់។ការបញ្ជាក់បែបនេះ បានធ្វើឡើងក្នុងកិច្ចប្រជុំ ស្តីពីដំណើរការរៀបចំការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ ជាមួយតំណាងគណបក្សភ្លើងទៀន នាព្រឹកថ្ងៃទី ទី១១ ខែមេសា ឆ្នាំ២០២២ នៅទីស្ដីការ គ.ជ.ប៕

សម្ដេចតេជោ ស្នើភាគីឡាវជំរុញសកម្មភាពពាណិជ្ជកម្មតាមព្រំដែន និងសក្តានុពលផ្សេងទៀតឱ្យកាន់តែប្រសើរ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី បានស្នើឱ្យឡាវជំរុញសកម្មភាពពាណិជ្ជកម្មនៅតាមព្រំដែន និងសក្តានុពលផ្សេងៗទៀត រវាងប្រទេសទាំងពីរឲ្យបានកាន់តែប្រសើរឡើងថែមទៀត ជាពិសេសក្នុងកាលៈទេសៈកូវីដ-១៩។នៅវិមានសន្តិភាពព្រឹកថ្ងៃទី១១មេសានេះ សម្តេចតេជោ ហ៊ុន សែន នាយករដ្ឋមន្ត្រីបានអនុញ្ញាតឱ្យ ឯកឧត្តម បួកែវ ភុំវង់សាយ (Buakeo Phumvongsay ) ឯកអគ្គរដ្ឋទូតថ្មីនៃសាធារណរដ្ឋប្រជាធិបតេយ្យប្រជាមានិតឡាវ ចូលជួបសំដែងការគួរសម។ឯកឧត្តម អ៊ាង សុផល្លែត ជំនួយការផ្ទាល់សម្តេចតេជោ បានឱ្យដឹងថា ឯកឧត្តម បួកែវ ភុំវង់សាយ បានគោរពថ្លែងអំណរគុណយ៉ាងជ្រាលជ្រៅជាទីបំផុតចំពោះសម្ដេចដែលបានចំណាយពេល អនុញ្ញាតឲ្យឯកឧត្តម បានជួបសំដែងការគួរសម។ឯឧត្តម ឯកអគ្គរដ្ឋទូតក្នុងនាមរដ្ឋាភិបាល និងប្រជាជនឡាវ ក៏បានអរគុណចំពោះរាជរដ្ឋាភិបាលកម្ពុជាដែលបានជួយដល់រដ្ឋាភិបាល និងប្រជាជនឡាវក្នុងការទប់ស្កាត់ការរីករាលដាលកូវីដ១៩ តាមរយៈការជួយឧបត្ថម្ភវ៉ាក់សាំង រថយន្តដឹកជញ្ជូនវ៉ាក់សាំងព្រមទាំងថវិកាជួយដល់រដ្ឋាភិបាលឡាវ ។ ឯឧត្តម ក៏បាននាំមកពាក្យបណ្ដាំផ្ញើសួរសុខទុក្ខពីប្រធានាធិបតី និងនាយករដ្ឋមន្ត្រីឡាវជូនចំពោះសម្ដេចតេជោ ផងដែរ ។ជាការឆ្លើយតប សម្តេចតេជោ ក៏បានស្វាគមន៍និងអបអរសាទរជូនចំពោះឯកឧត្តម ភុំវង់សាយ ដែលត្រូវបានតែងតាំងជាឯកអគ្គរដ្ឋទូតថ្មីនៃសាធារណៈរដ្ឋប្រជាធិបតេយ្យប្រជាមានិតឡាវប្រចាំព្រះរាជាណាចក្រកម្ពុជា និងបានស្នើភាគីឡាវជម្រុញសកម្មភាពផ្លាស់ប្តូរពាណិជ្ជកម្មតាមព្រំដែននិងពិនិត្យមើលសក្តានុពលផ្សេងទៀត សម្រាប់កិច្ចសហប្រតិបត្តិការរវាងប្រទេសទាំងពីរ។នៅក្នុងជំនួបនេះ ឯកឧត្តមឯកអគ្គរដ្ឋទូតថ្មីក៏បានប្ដេជ្ញាជូនចំពោះសម្ដេចជួបផងដែរថា ក្នុងបេសកកម្មជាអ្នកការទូតនៅព្រះរាជាណាចក្រកម្ពុជា ឯកឧត្តម នឹងប្រឹងឲ្យអស់ពីសមត្ថភាព ដើម្បីពង្រីក ពង្រឹងទំនាក់ទំនងនិងកិច្ចសហប្រតិបត្តិការរវាងប្រទេសទាំងពីរឲ្យកើនឡើងមួយកម្រិតទៀត ដោយឈរលើមូលដ្ឋានកិច្ចសហប្រតិបត្តិការ និងទំនាក់ទំនងល្អដែលមានស្រាប់៕

លោកឧត្តមសេនីយ៍ឯក ហ៊ុន ម៉ាណែត ចូលរួមពិធីពិសារអាហារស្រាយបួសខែរ៉ាម៉ាឌន ឆ្នាំ២០២២ ជាមួយថ្នាក់ដឹកនាំ និងសាសនិកខ្មែរឥស្លាមកម្ពុជា

ភ្នំពេញ៖ លោកឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងទ័ពជើងគោក បានអញ្ជើញចូលរួមពិធីពិសារអាហារស្រាយបួសខែរ៉ាម៉ាឌន ឆ្នាំ២០២២ ជាមួយថ្នាក់ដឹកនាំ និងសាសនិកខ្មែរឥស្លាមកម្ពុជា នៅថ្ងៃទី១០ ខែមេសា ឆ្នាំ២០២២។ លោកមានប្រសាសន៍ថា សម្តេចអគ្គមហាសេនាបតីតេជោ ហ៊ុន សែន និង សម្តេចកិត្តិព្រឹទ្ធបណ្ឌិត ជានិច្ចកាលតែងតែចូលរួមពិសារអាហារស្រាយបួសខែរ៉ាម៉ាឌន ជាមួយប្រជាពលរដ្ឋសាសនិកខ្មែរឥស្លាមរាប់ពាន់នាក់ លើកលែងតែឆ្នាំកន្លងទៅ ដែលកើតមានស្ថានភាពរីករាលដាលនៃជំងឺកូវីដ-១៩។ តាមរយៈFacebook សម្តេច ក៏បានសុំការអធ្យាស្រ័យយោគយល់ពីសំណាក់បងប្អូនសាសនិកខ្មែរឥស្លាមទាំងអស់ផងដែរ ចំពោះការផ្អាកកម្មវិធីជួបជុំស្រាយបួសខែរ៉ាម៉ាឌនទ្រង់ទ្រាយធំថ្នាក់ជាតិលើកទី៩ នៅឆ្នាំ២០២២ នេះ ដោយសារជំងឺកូវីដ-១៩ នៅមិនទានទៅណាឆ្ងាយនៅឡើយ។លោកកបានឲ្យដឹងថា អត្ថន័យដ៏សំខាន់ក្នុងទិដ្ឋភាពនៃការចូលរួមពិសារអាហារស្រាយបួសខែរ៉ាម៉ាឌនរួមគ្នាក្នុងថ្ងៃនេះ គឺជា ភស្តុតាងនៃសុខដុមភាវូបនីយកម្មសាសនានៅកម្ពុជា និងជាការចូលរួមគោរពផ្តល់តម្លៃចំពោះជំនឿសាសនា ទំនៀមទម្លាប់ និងប្រពៃណីដ៏បវររបស់សាសនិកឥស្លាម, ការបង្ហាញនូវសាមគ្គីភាពក្រោមដំបូលនៃការដឹកនាំតែមួយ និងក្នុងនាមពលរដ្ឋខែ្មរតែមួយ ជាការឆ្លុះបញ្ចាំងអំពីវប្បធម៌ចែករំលែក សេចក្តីស្រលាញ់ ការឱ្យទាន និងការផ្តល់ឱកាសសិក្សាស្វែងយល់អំពីគ្នាទៅវិញទៅមក ជាពិសេសអត្ថន័យដ៏ពិសិដ្ឋ និងផលប្រយោជន៍នៃការបួសខែរ៉ាម៉ាឌនរបស់សាសនិកឥស្លាម ទាំងផ្នែកជំនឿសាសនា សង្គម និងសុខភាព។លោកសូមកោតសរសើរ និងសូមអរគុណថ្នាក់ដឹកនាំ និងសហការី ព្រមទាំងបងប្អូនយុវជនសាសនិកឥស្លាម ក៏ដូចជាអាជ្ញាធរដែនដីគ្រប់លំដាប់ថ្នាក់ ដែលបានសហការរៀបចំពិធីជួបជុំដ៏មានអត្ថន័យនេះ ក្នុងស្មារតីសាមគ្គីភាពជាមហាគ្រួសារខ្មែរតែមួយ។“សន្តិភាព” បានផ្តល់ឱ្យកម្ពុជានូវឱកាសក្នុងការរីកចម្រើនទាំងកម្រិតជីវភាពបុគ្គល និងសង្គម ព្រមទាំងផ្តល់នូវលទ្ធភាពក្នុងការគោរពប្រតិបត្តិជំនឿសាសនា តាមប្រពៃណីរៀងៗខ្លួនដោយភាពសប្បាយ រីករាយ។ ជាមួយគ្នានេះ រាជរដ្ឋាភិបាល ក៏បានផ្តល់ការអនុញ្ញាត និងការឧបត្ថម្ភដ៏មហាធំធេងដល់សហគមន៍ខ្មែរឥស្លាម រួមមានជាអាទ៌៖ ការបើកឲ្យទទួលជំនួយដើម្បីអភិវឌ្ឍនសហគមន៍, ការបញ្ចូលគ្រូបង្រៀនខ្មែរឥស្លាម ១៥០០នាក់ក្នុងក្របខ័ណ្ឌក្រសួងអប់រំ យុវជន និងកីឡា, ការអនុញ្ញាតឲ្យសិស្ស-និស្សិតស្ត្រីឥស្លាម អាចទទូលហ៊ីយ៉ាបក្នុងការចូលសិក្សាតាមគ្រឹះស្ថានអប់រំសាធារណ:, ការអនុញ្ញាតឲ្យសាសនិកឥស្លាមអាច ស្លៀកសំលៀកបំពាក់តាមប្រពៃណីរបស់ខ្លួន ក្នុងការថតរូបដើម្បីធ្វើឯកសារនានា, ការអនុញ្ញាតឲ្យមាននូវស្ថាប័ន Halal កម្ពុជា និងការរៀបចំសកម្មភាពចូលរួមគាំទ្រផ្សេងៗដល់សហគមន៍ខ្មែរឥស្លាមផងដែរ៕

សម្តេចតេជោ ហ៊ុន សែន សម្រេចដាក់ខេត្ត៤ គឺខេត្តរតនគិរី ខេត្តមណ្ឌលគិរី ខេត្តស្ទឹងត្រែង និងខេត្តព្រះវិហារ អាចដកចេញកាតព្វកិច្ចពាក់ម៉ាស

ភ្នំពេញ៖ សម្តេចតេជោ ហ៊ុន សែន ប្រមុខរាជរដ្ឋាភិបាលកម្ពុជា បានសម្រេចដាក់ខេត្ត៤ គឺខេត្តរតនគិរី ខេត្តមណ្ឌលគិរីខេត្តស្ទឹងត្រែង និងខេត្តព្រះវិហារ អាចដកចេញកាតព្វកិច្ចពាក់ម៉ាស ដោយផ្តល់លទ្ធភាពជូនប្រជាពលរដ្ឋសម្រេចចិត្តក្នុងការពាក់ម៉ាស ឬមិនពាក់ម៉ាសគឺស្ថិតលើការសម្រេចចិត្តរបស់បុគ្គល ដោយចាប់អនុវត្តពីថ្ងៃទី១០ ខែមេសាឆ្នាំ២០២២តទៅ។សម្តេចតេជោ ហ៊ុន សែន ថ្លែងបញ្ជាក់ថា សម្រាប់ប្រជាពលរដ្ឋរស់នៅខេត្តទាំង៤នេះនៅពេលចេញទៅកាន់បណ្តាខេត្តដទៃត្រូវអនុវត្តវិធានការសុខាភិបាល ៣កុំ ៣ការពារ ជាពិសេសគឺការពាក់ម៉ាសជាចាំបាច់។ទន្ទឹមនឹងនោះ សម្តេចតេជោ ហ៊ុន សែន នាយករដ្ឋមន្ត្រី ស្នើដល់អាជ្ញាធរខេត្តទាំង៤ និងក្រសួងសុខាភិបាលត្រូវយកចិត្តទុកដាក់ពិនិត្យតាមដានឲ្យបានហ្មត់ចត់ទៅលើការអនុវត្តនូវវិធានការសាកល្បងសម្រាប់ខេត្តទាំង៤នេះ ។ការសាកល្បងបន្ធូរបន្ថយនូវវិធានការពាក់ម៉ាសសម្រាប់ខេត្តទាំង៤នេះ មិនមែនជាការយកអាយុជីវិតពលរដ្ឋមកសាកល្បងនោះទេ តែដើម្បីចង់ដឹងអំពីភាពសាំក្នុងសហគមន៍ទាំងនៅទីក្រុង និងជនបទ។ សម្តេចតេជោ ហ៊ុន សែន បន្តថា ចំពោះការសម្រេចមិនតម្រូវឲ្យពាក់ម៉ាសនេះ ក៏ដោយសារខេត្តទាំង៤ ជាខេត្តដែលគ្មានករណីឆ្លងកូវីដ-១៩ ឬបើមានក៏មានឆ្លងតិចតួចបំផុតក្នុងរយៈកាលកន្លងមកនេះ។ សម្តេចតេជោ ហ៊ុន សែន បានថ្លែងសារជូនពរដល់ជនរួមជាតិនៅទូទាំងប្រទេស ចូលរួមសប្បាយរីករាយនៅក្នុងឱកាសនៃពិធីបុណ្យចូលឆ្នាំថ្មី ប្រពៃណីជាតិខ្មែរនាពេលដ៏ខ្លីខាងមុខនេះ៕

កម្ពុជាឈរលេខ២ ក្នុងនាមជាប្រទេសមានសមត្ថភាពស្ដារខ្លួនងើបចេញពីកូវីដ-១៩ លឿនជាងគេនៅលើពិភពលោក

ភ្នំពេញ៖ ប្រទេសកម្ពុជាបានឡើងមកឈរនៅលេខរៀងទី២ ក្នុងនាមជាប្រទេសដែលមានសមត្ថភាពស្ដារខ្លួនងើបចេញពី COVID-19 លឿនជាងគេ នៅលើពិភពលោក។ នេះបើតាមការដកស្រង់ចេញផ្សាយពីសារព័ត៌មាន Nikkei នៅថ្ងៃអាទិត្យ ទី១០ ខែមេសា ឆ្នាំ២០២២។នៅក្នុងតារាងវាយតម្លៃរបស់ Nikkei ៖ ប្រទេសដែលឈរនៅលេខរៀងទី១ ដែលមានសមត្ថភាពស្ដារខ្លួនងើបចេញពី COVID-19 លឿនជាងគេនៅលើពិភពលោកគឺអេមីរ៉ាតអារ៉ាប់រួម ដោយទទួលបាន ៨៥.៥ពិន្ទុ ខណៈកម្ពុជាឈរនៅលេខរៀងទី២ មាន ៨០.៥ពិន្ទុ។

ឯកឧត្តម ប៊ុន ហុន អំពាវនាវពលរដ្ឋបន្តថែរក្សាសន្តិភាព និងរួមគ្នាអភិវឌ្ឍមូលដ្ឋាន

បាត់ដំបង៖ ឯកឧត្តម ប៊ុន ហុន ប្រធានក្រុមការងារគណបក្សចុះមូលដ្ឋានស្រុកគាស់ក្រឡ បានក្រើនរំលឹក និងអំពាវនាវពលរដ្ឋបន្តការពារ និងថែរក្សាសុខសន្តិភាព ដើម្បីរួមគ្នាកសាងអភិវឌ្ឍក្នុងមូលដ្ឋានជាមួយអាជ្ញាធរ និងរាជរដ្ឋាភិបាល ដែលដឹកនាំ ដោយគណបក្សប្រជាជនកម្ពុជា ។ ការលើកឡើងបែបនេះ បានធ្វើឡើងក្នុងពិធីសម្ពោធអគារប្រជុំទីស្នាក់ការបក្សប្រជាជនកម្ពុជាឃុំព្រះផុស ស្រុកគាស់ក្រឡ នៅថ្ងៃទី៩ ខែមេសា ឆ្នាំ២០២២ ។ឯកឧត្តម ប៊ុន ហុន មានប្រសាសន៍ថា បច្ចុប្បន្ន ប្រទេសកម្ពុជាយើងមានការអភិវឌ្ឍន៍លើគ្រប់វិស័យ ដោយសារតែមានសុខសន្តិភាព ដែលពីមុនកម្ពុជា បានឆ្លងកាត់ទុក្ខលំបាក រងវិនាសកម្ម ដោយសារសង្គ្រាមជាច្រើនឆ្នាំ ខណៈនៅលើពិភពលោក កំពុងមានការព្រួយបារម្ភពីសង្គ្រាម មានសង្គ្រាមសេដ្ឋកិច្ច និងសង្គ្រាមអាវុធប្រល័យលោក ។ ឯកឧត្តម បានបន្តថា ជាក់ស្ដែងដូចប្រទេសអ៊ុយក្រែន ដែលកំពុងកើតមានសង្គ្រាម ហើយប្រទេសរងការខ្ទេចខ្ទាំហិនហោចទាំងមនុស្ស និងផ្ទះសម្បែង ដោយពលរដ្ឋកម្ពុជា ត្រូវការពារឲ្យបាន កុំឲ្យមានសង្គ្រាម កើតឡើងនៅក្នងប្រទេសយើងជាដាច់ខាត ។ឯកឧត្តម ស្រេង វង្សហៀង ប្រធានក្រុមការងារគណបក្សចុះមូលដ្ឋានឃុំគាស់ក្រឡ បានថ្លែងថា កត្តាមានសុខសន្តិភាពនេះ បានផ្ដល់ឱកាស ដល់គណបក្សប្រជាជន បានអភិវឌ្ឍប្រទេសជាតិ បានរីកចម្រើនជាបន្តបន្ទាប់ហើយជាក់ស្ដែងគណបក្សឃុំព្រះផុស បានកសាងអគារប្រជុំថ្មីមួយខ្នង គឺជាអគារបន្ថែមពីលើអាគារស្នាក់ការបក្សដែលមានស្រាប់ សម្រាប់បម្រើការងារជួយពលរដ្ឋក្នុងមូលដ្ឋាន និងការងារបក្ស ហើយស្នាក់ការនេះ បានកើតចេញពីការចូលរួមរបស់បងប្អូនប្រជាពលរដ្ឋ និងសប្បុរសជននៅក្នុង និងក្រៅមូលដ្ឋាន ។ជាមួយនេះ ឯកឧត្តមបានបន្តអំពាវនាវ និងដាស់តឿនដល់គ្រប់អាជ្ញាធរមូលដ្ឋាន ជំរុញពលរដ្ឋទាំងអស់ ឲ្យទៅចាក់វ៉ាក់សាំងកូវីដ-១៩ ឱ្យបានគ្រប់គ្នា ចាប់ពីដូសទី១ ដល់ដូសទី៣ ឬដូសជំរុញ ដើម្បីកាត់បន្ថយបាននូវការឆ្លង និងពីហានិភ័យនៃការស្លាប់ ដោយមេរោគបំប្លែងថ្មីអូមីក្រុង និងបន្តអនុវត្តតាមវិធានការរបស់ក្រសួងសុខាភិបាល និងគោលការណ៍ ៣ការពារនិង ៣កុំ ឱ្យបានខ្ជាប់ខ្ជួន៕

បណ្ដាញសង្គម

ព័ត៌មានថ្មីៗ

ប្រធានធនាគារ CEXIM សន្យាជួយជំរុញវិនិយោគិនចិន ពិនិត្យលទ្ធភាពមកបណ្ដាក់ទុននៅកម្ពុជា

[BREAKING NEWS] ប៉ូឡូញ បានបាញ់ទម្លាក់យានដ្រូនរបស់រុស្ស៊ី ក្នុងដែនអាកាសខ្លួន ដោយជំរុញអ្នកស្រុកឱ្យប្រុងប្រយ័ត្ន

មេដឹកនាំពិភពលោកថ្កោលទោសការវាយប្រហាររបស់អ៊ីស្រាអែល លើមេដឹកនាំក្រុមហាម៉ាសនៅទីក្រុង Doha ប្រទេសកាតា

ប្រតិភូក្រុមសភាជាតិកម្ពុជា នៃអ្នកនយោបាយសភាស្រ្តី អញ្ជើញចុះសួរសុខទុក្ខវីរកងទ័ព ដែលកំពុងសម្រាកព្យាបាល នៅមន្ទីរពេទ្យបង្អែកខេត្តសៀមរាប

កាកបាទក្រហមអន្តរជាតិ៖ កងទ័ពកម្ពុជា១៨នាក់ ដែលថៃចាប់ទៅ គឺមានសុវត្ថិភាព និងមានសុខភាពល្អទាំងអស់គ្នា

ការបញ្ជាជម្លៀសពីសំណាក់យោធាអ៊ីស្រាអែល បង្កឱ្យមានការភ័យស្លន់ស្លោ និងចលាចលនៅក្រុងហ្កាហ្សា

គណៈកម្មការទី១ នៃរដ្ឋសភា នាំយកអំណោយជូនប្រជាពលរដ្ឋ នៅភូមិជោគជ័យ និងភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ

ការតវ៉ាដោយហិង្សា នៅតែបន្តក្នុងប្រទេសនេប៉ាល់ ទោះបីជានាយករដ្ឋមន្ត្រីលាលែងពីតំណែងក៏ដោយ

ក្រុមហាម៉ាសអះអាងថាមេដឹកនាំរបស់ខ្លួនរួចជីវិតពីការវាយប្រហាររបស់អ៊ីស្រាអែលនៅកាតា ខណៈអាមេរិកនិយាយថានេះជាការព្រមានតិចតួច

ក្រុមហ៊ុន Apple របស់អាមេរិក បើកបង្ហាញទូរសព្ទ iPhone ថ្មី និងរក្សាតម្លៃឱ្យនៅដដែល

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

សម្តេចតេជោ ហ៊ុន សែន និងសម្តេចកិតិ្តព្រឹទ្ធបណ្ឌិត អញ្ជើញអភិសេករូបសំណាក “ព្រះថោងនាងនាគ” នៅខេត្តព្រះសីហនុ

លោក ហ៊ុន ម៉ាណែត រំលឹកគ្រាមួយឆ្នាំមុន ដែលជាយុទ្ធនាការដ៏ក្តៅគគុក ប្រយុទ្ធប្រឆាំងនឹងជំងឺកូវីដ-១៩

សម្ដេចតេជោ៖ ឥណ្ឌាជាមិត្តដែលយល់ចិត្តយល់ថ្លើមរបស់កម្ពុជាតាំងពីយូរមកហើយ

កម្ពុជា ចង់ឲ្យមានកិច្ចព្រមព្រៀងពាណិជ្ជកម្មសេរីជាមួយឥណ្ឌា ខណៈចំណងការទូតឈានដល់៧០ឆ្នាំ

សម្ដេចតេជោ ស្នើភាគីឡាវជំរុញសកម្មភាពពាណិជ្ជកម្មតាមព្រំដែន និងសក្តានុពលផ្សេងទៀតឱ្យកាន់តែប្រសើរ

កម្ពុជាឈរលេខ២ ក្នុងនាមជាប្រទេសមានសមត្ថភាពស្ដារខ្លួនងើបចេញពីកូវីដ-១៩ លឿនជាងគេនៅលើពិភពលោក

ឯកឧត្តម ប៊ុន ហុន អំពាវនាវពលរដ្ឋបន្តថែរក្សាសន្តិភាព និងរួមគ្នាអភិវឌ្ឍមូលដ្ឋាន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

លោក ហ៊ុន ម៉ាណែត រំលឹកគ្រាមួយឆ្នាំមុន ដែលជាយុទ្ធនាការដ៏ក្តៅគគុក ប្រយុទ្ធប្រឆាំងនឹងជំងឺកូវីដ-១៩

សម្ដេចតេជោ៖ ឥណ្ឌាជាមិត្តដែលយល់ចិត្តយល់ថ្លើមរបស់កម្ពុជាតាំងពីយូរមកហើយ

កម្ពុជា ចង់ឲ្យមានកិច្ចព្រមព្រៀងពាណិជ្ជកម្មសេរីជាមួយឥណ្ឌា ខណៈចំណងការទូតឈានដល់៧០ឆ្នាំ

សម្ដេចតេជោ ស្នើភាគីឡាវជំរុញសកម្មភាពពាណិជ្ជកម្មតាមព្រំដែន និងសក្តានុពលផ្សេងទៀតឱ្យកាន់តែប្រសើរ

កម្ពុជាឈរលេខ២ ក្នុងនាមជាប្រទេសមានសមត្ថភាពស្ដារខ្លួនងើបចេញពីកូវីដ-១៩ លឿនជាងគេនៅលើពិភពលោក

ឯកឧត្តម ប៊ុន ហុន អំពាវនាវពលរដ្ឋបន្តថែរក្សាសន្តិភាព និងរួមគ្នាអភិវឌ្ឍមូលដ្ឋាន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍