BTV NEWS

សម្ដេចធិបតីបញ្ជាក់ជាថ្មីទៅប្រធានអាស៊ានប្តូរវេនចំពោះការប្ដេជ្ញាចិត្តរបស់កម្ពុជាលើការដោះស្រាយបញ្ហាជម្លោះព្រំដែនទាំងអស់ជាមួយប្រទេសជិតខាងដោយសន្តិភាព និងច្បាប់អន្តរជាតិ

គណៈកម្មាធិការអន្តរក្រសួងចុះពិនិត្យ និងវាយតម្លៃការស្ថាបនាផ្លូវក្រួសក្រហម១ខ្សែ ក្នុងស្រុកបាកាន ខេត្តពោធិ៍សាត់

រដ្ឋមន្ត្រីក្រសួងអភិវឌ្ឍន៍ជនបទចុះពិនិត្យវឌ្ឍនភាពការងារសាងសង់ស្ពានភ្នំក្រវាញ និងផ្លូវកៅស៊ូក្នុងខេត្តពោធិ៍សាត់

BREAKING NEWS|កម្ពុជាចាត់ទុកផែនការថៃចង់ដណ្តើមប្រាសាទតាក្របី និងបិទប្រាសាទតាមាន់ធំគឺជាការប៉ុនប៉ងឈ្លានពានកម្ពុជាគិតទុកជាមុន និងមិនគោរពបទឈប់បាញ់

នយោបាយ និង ការអភិវឌ្ឍន៍

ដំរីស្រុកញីតែមួយគត់របស់ខេត្តមណ្ឌលគិរី ទើបបង្កើតបានកូនញីមួយក្បាល បន្ទាប់ពីពពោះរយៈពេល២ឆ្នាំ

មណ្ឌលគិរី៖ មន្ទីរបរិស្ថានខេត្តមណ្ឌលគិរី បានឲ្យដឹងថា «ជីប៉ាល់» ជាដំរីស្រុកញីតែមួយគត់នៅខេត្តមណ្ឌលគិរី ដែលទើបបង្កើតបានកូនញីមួយក្បាលឈ្មោះនាង «ជីពេជ្រ» កាលពីព្រឹកថ្ងៃច័ន្ទទី២២ ខែ មីនា ឆ្នាំ២០២២។ «ជីពេជ្រ» ជាកូនដំរីស្រុកកាត់ព្រៃមួយក្បាល ដែលទើបនឹងកើតលើទឹកដីខេត្តមណ្ឌលគិរី បន្ទាប់ពីពពោះរយៈពេល២ឆ្នាំ។ ប្រធានអង្គការ ELIE បានលើកឡើងថា ពិតជាមានសេចក្ដីរំភើបរីករាយបំផុតព្រោះជាលើកទីមួយហើយដែលមានកូនដំរីស្រុកកាត់ដំរីព្រៃ នៅលើទឹកដីនៃខេត្តមណ្ឌលគិរី។ កញ្ញា បានពន្យល់ថា មូលហេតុដែលដាក់ឈ្មោះ «ជីពេជ្រ» គឺដោយសារកូនដំរីញីនេះ មានតម្លៃស្មើគ្រាប់ពេជ្រមួយគ្រាប់ដែលបានចាប់កំណើត នៅខេត្តមណ្ឌលគិរី។កញ្ញា បានបន្តទៀតថា អ្នកទាំងអស់គ្នាប្រហែលជាអាចចាំបានថា ២ឆ្នាំមុន មានដំរីព្រៃឈ្មោលមួយក្បាលបានចេញពីតំបន់ការពារនៃដែនជម្រកសត្វព្រៃកែវសីមា ហើយបានដើរឆ្លងកាត់ ព្រៃសហគមន៍ពូត្រំ រហូតបានមកដល់ Elephant Valley Project របស់យើង បន្ទាប់មកបាននាំជីប៉ាល់ទៅក្នុងព្រៃជាមួយរយៈពេល២សប្តាហ៍ ដែលជាលទ្ធផលធ្វើឱ្យនាង (ជីប៉ាល) មានផ្ទៃពោះដោយមិនបានព្រៀងទុក ។ កញ្ញា បានបន្តទៀតថា ម្តាយនឹងកូនមានសុខភាពល្អបន្ទាប់ពីបានសម្រាលកូនបានបីថ្ងៃ ដែលជីប៉ាល់បានអស់កម្លាំងខ្លាំងបន្ទាប់ពីសម្រាល ជីពេជ្រ ។ កញ្ញា បានបន្តទៀតថា មុនដំបូងយើងមានការព្រួយបារម្ភខ្លាំងខ្លាចមេដំរីខឹង នឹងខ្លាចកូនដំរីហើយរត់ទៅឆ្ងាយ ប៉ុន្តែអ្វីដែលយើងគិតគឺខុសស្រឡះ ព្រោះនាងបានបង្ហាញក្តីស្រលាញ់ ការពារយកចិត្តទុកដាក់ចំពោះកូន បំបៅដោះកូន ធ្វើអោយកូនរឹងមាំនឹងសុខភាពល្អ។បច្ចុប្បន្ន ជីពេជ្រ មានសុខភាពល្អ ក្រោមការមើលថែរបស់ក្រុមការងារអភិរក្សសត្វដំរី នឹងម្តាយរបស់នាងផងដែរ។ ក្នុងនាមមន្ទីរបរិស្ថានខេត្តមណ្ឌលគិរី ជានិច្ចកាលតែងតែគាំទ្រទៅលើសកម្មភាពអភិរក្ស ធនធានធម្មជាតិ វប្បធម៌ ប្រពៃណីទំនៀមទម្លាប់របស់បងប្អូនជនជាតិដើមភាគតិចព្នងនៅក្នុងខេត្តមណ្ឌលគិរី៕

ឯកឧត្តម លី ធុជ៖ កម្ពុជាធ្លាប់ញាំញីដោយសង្រ្គាមបានក្លាយជាប្រទេសមានកំណើន សេដ្ឋកិច្ចលឿនបំផុត

ភ្នំពេញ៖ ទេសរដ្ឋមន្ត្រី លី ធុជ មានប្រសាសន៍ថា ប្រទេសកម្ពុជា ជាប្រទេសមួយ ដែលធ្លាប់ញាំញីដោយសង្គ្រាមស៊ីវិល ឥឡូវនេះ បានក្លាយជាប្រទេសមួយមានការអភិវឌ្ឍ និងកំណើនសេដ្ឋកិច្ចលឿនបំផុត។ឯកឧត្តម ទេសរដ្ឋមន្ត្រី លី ធុជ អនុប្រធានទី១អាជ្ញាធរកម្ពុជាគ្រប់គ្រងសកម្មភាពមីន និងសង្គ្រោះជនពិការដោយសារមីន បានលើកឡើងយ៉ាងដូច្នេះ ក្នុងពេលចុះហត្ថលេខាលើអនុស្សារណៈយោគយល់គ្នារវាងអាជ្ញាធរកម្ពុជាគ្រប់គ្រងសកម្មភាពកំចាត់មីននិងសង្គ្រោះជនពិការដោយសារមីននិងអង្គការPlatinum East តំណាងដោយលោក ព្រំ សុភមង្គល អគ្គលេខាធិការ និងអង្គការមនុស្សធម៌ Platinum East ដែលមានមូលដ្ឋាននៅសហរដ្ឋអាមេរិក នាព្រឹកថ្ងៃទី២៩ មីនា ។ពិធីចុះហត្ថលេខាលើអនុស្សរណៈនៃការយោគយល់គ្នានេះ ក្នុងគោលបំណងពង្រឹងភាពជាដៃគូរ និងកិច្ចសហប្រតិបត្តិការគាំទ្រដល់ការអភិវឌ្ឍបច្ចេកវិទ្យា និវានុវត្តន៍ ការបណ្តុះបណ្តាល និងបច្ចេកទេសគាំទ្រដល់ការបោសសម្អាតមីន ដើម្បីបង្កើនប្រសិទ្ធភាពក្នុងតំបន់ និងជាសាកលនៃសហគមន៍សកម្មភាពមីនមនុស្សធម៌។ឯកឧត្តម ទេសរដ្ឋមន្ត្រី បានលើកឡើងថា បញ្ហាគ្រាប់មីន និងសំណល់ជាតិផ្ទុះសល់ពីសង្រ្គាមនៅកម្ពុជា បានបង្កនូវបញ្ហាយ៉ាងធ្ងន់ធ្ងរ និងរារាំងដល់ការអភិវឌ្ឍជាតិ ដែលយើងបានឃើញយ៉ាងច្បាស់នូវជីវិតមនុស្សស្លូតត្រង់រាប់ពាន់នាក់ បានបាត់បង់នៅលើដី ដែលពួកគាត់ចាត់ទុកថាមានសុវត្ថិភាពក្នុងការចាប់ផ្តើមជីវិតថ្មី និងអនាគតថ្មី បន្ទាប់ពីសង្រ្គាម និងការផ្លាស់ទីលំនៅអស់ជាច្រើនទសវត្សរ៍។ ជីវិតពួកគាត់នឹងមិនបាត់បង់ទេ ប្រសិនបើប្រទេសកម្ពុជាមានជំនាញបច្ចេកទេស បរិក្ខារ និងឧបករណ៍ចម្រុះ និងបច្ចេកវិជ្ជាជឿនលឿនជាងមុន ដើម្បីធ្វើសកម្មភាពដោះមីនឱ្យបានលឿននៅទូទាំងប្រទេស។ឯកឧត្តម បានបញ្ជាក់ថា ប្រទេសមួយដែលធ្លាប់ញាំញីដោយសង្រ្គាមស៊ីវិល កម្ពុជាបានក្លាយជាប្រទេសមួយក្នុងចំណោមប្រទេស ដែលមានកំណើនសេដ្ឋកិច្ចលឿនបំផុតនៅលើពិភពលោក ជាមួយនឹងកំណើនសេដ្ឋកិច្ច ៧.៥ % និងជាអ្នកចូលរួមចំណែកកងទ័ពយ៉ាងសកម្មនៅក្នុងបេសកកម្មរក្សាសន្តិភាពរបស់អង្គការសហប្រជាជាតិ។ ទោះបីជាទទួលបានភាពជោគជ័យ និងកេរ្តិ៍ឈ្មោះល្អក៏ដោយ កម្ពុជានៅតែត្រូវការជំនួយអន្តរជាតិ ដើម្បីធ្វើទំនើបកម្មបន្ថែមទៀតនូវជំនាញបច្ចេកទេស ការបង្កើតថ្មីនៃការដោះមីន ការរាវរក ឧបករណ៍បច្ចេកវិជ្ជា និងធ្វើស្តង់ដារប្រតិបត្តិកររបស់ខ្លួនទាក់ទងនឹងចំណេះដឹង និងវិជ្ជាជីវៈ ដែលក្នុងនោះអាជ្ញាធរមីន ដើរតួនាទីយ៉ាងសំខាន់រវាងរាជរដ្ឋាភិបាលកម្ពុជា និងម្ចាស់ជំនួយ។ឯកឧត្តម ទេសរដ្ឋមន្ត្រី ជឿជាក់ថា អង្គការ Platinum East ដែលជាស្ថាប័នជំនាញផ្នែកដោះមីនតាមបច្ចេកវិទ្យាច្នៃប្រឌិត នឹងធ្វើឲ្យប្រតិបត្តិការបោសសម្អាតមីននៅទីវាលកាន់តែមានសុវត្ថិភាព និងអាចរំដោះផ្ទៃដីបានលឿនសម្រាប់ប្រជាជនកម្ពុជា៕ អត្ថបទ មុត សុទ្ធ

សាលាប៉ូលឌុយប្រ៊ូល ស្នើក្រសួងទេសចរណ៍បណ្តុះបណ្តាលជំនាញទេសចរណ៍ តាមស្តង់ដារអាស៊ាន

ភ្នំពេញ៖ នៅល្ងាចថ្ងៃទី២៨ ខែមីនានេះ ឯកឧត្តម ថោង ខុន រដ្ឋមន្ត្រីក្រសួងទេសចរណ៍ បានទទួលជួបពិភាក្សាការងារជាមួយលោក François Schnoebelen នាយកសាលាសណ្ឋាគារ និងទេសចរណ៍ ប៉ូលឌុយប្រ៊ូល។ ក្នុងជំនួបនេះ លោកស្រី Eleonore បានស្នើសុំ រដ្ឋមន្ត្រីក្រសួងទេសចរណ៍ បន្តកិច្ចសហប្រតិបត្តិការបណ្តុះបណ្តាលជំនាញទេសចរណ៍ ជូនយុវជននៅខេត្តសៀមរាប ស្របតាមក្របខ័ណ្ឌអាស៊ាន និងក្របខ័ណ្ឌជាតិ។លោក François Schnoebelen នាយកសាលាសណ្ឋាគារ និងទេសចរណ៍ ប៉ូលឌុយប្រ៊ូល បានថ្លែងថា សាលាសណ្ឋាគារ និងទេសចរណ៍ ប៉ូល ឌុយប្រ៊ូល បានបង្កើតឡើងនៅឆ្នាំ២០០២ និងបានសហការជាមួយក្រសួងទេសចរណ៍ ទទួលការបណ្តុះបណ្តាលជំនាញទេសចរណ៍ជូនសិស្សនិស្សិត និងយុវជននៅខេត្តសៀមរាប ស្របតាមស្ដង់ដារកម្មវិធីរបស់អាស៊ាន ដែលបច្ចុប្បន្នមាន ៣២ជំនាញ ដោយធ្វើយ៉ាងណាឱ្យអ្នកដែលទទួលការបណ្ដុះបណ្ដាលពីសាលានេះ អាចធ្វើចល័តភាពការងារនៅតាមបណ្តាប្រទេសនៅក្នុងតំបន់អាស៊ាន។លោក François Schnoebelen បន្តថា បន្ថែមលើការបណ្តុះបណ្តាលជំនាញទេសចរណ៍នេះដែរ សាលាប៉ូលឌុយប្រ៊ូល ក៏បានសហការជាមួយសាលានៃអង្គការអង្គការបណ្តុះបណ្តាល និងវឌ្ឍនភាពកម្ពុជា ផ្តល់ការបណ្តុះបណ្តាលជំនាញវិជ្ជាជីវៈ ការងារបរិស្ថាន អេកូទេសចរណ៍ និងការងារសិល្បៈ និងជំនាញវិជ្ជាជីវៈសិល្បៈសូន្យរូបដែលកិច្ចសហការពីសាកលវិទ្យាល័យល្បីៗនៅតំបន់អឺរ៉ុប។នៅក្នុងជំនួបនេះ ឯកឧត្តម ថោង ខុន រដ្ឋមន្ត្រីក្រសួងទេសចរណ៍ បានថ្លែងការគាំទ្រសំណើរកិច្ចសហការពីអង្គការដៃគូទាំងពីរនោះ ហើយតាមរយៈសំណើរការបណ្ដុះបណ្ដាលជំនាញវិជ្ជាជីវៈទេសចរណ៍នេះដែរ យើងនឹងទទួលបានធនធានមនុស្សល្អៗ ដើម្បីត្រៀមទទួលភ្ញៀវទេសចរអន្តរជាតិនៅខេត្តសៀមរាបឡើងវិញ ឱ្យបានល្អប្រសើរប្រកបដោយគុណភាព។ក្នុងជំនួបនេះ ឯកឧត្តម ក៏បានស្នើឱ្យសាលាបន្ថែមការបណ្ដុះបណ្ដាលយុវជនថ្មីៗអោយបានច្រើន ដើម្បីឆ្លើយតបនឹងតម្រូវការកម្លាំងពលកម្មនៅខេត្តសៀមរាប ស្របតាមផែនការមេអភិវឌ្ឍន៍ទេសចរណ៍ខេត្តសៀមរាប ដែលតាមរយៈផែនការមេនេះ កម្ពុជាមានចក្ខុវិស័យថា នៅឆ្នាំ២០៣០ ខេត្តសៀមរាប នឹងផ្ដល់ឱកាសការងារដល់យុវជនឱ្យបាន ៩០ម៉ឺននាក់ ៕ អត្ថបទ៖ ស៊ុម សុខជា

OHCHR៖ ស្ថាប័នជាតិសិទ្ធិមនុស្ស ជាស្ពានដ៏សំខាន់សម្រាប់ការជឿជាក់រវាងរាជរដ្ឋាភិបាល និងNGO

ភ្នំពេញ៖ អនុប្រធានការិយាល័យឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្សនៅកម្ពុជា (OHCH R) បានចាត់ទុកស្ថាប័នសិទ្ធិមនុស្សជាតិ (NHRI) ថា ជាស្ពានមួយដ៏មានសារសំខាន់ សម្រាប់ការជឿជាក់រវាងរាជរដ្ឋាភិបាលកម្ពុជា និងអង្គការសង្គមស៊ីវិល។ លោកស្រី គាំទ្រចំពោះការបង្កើតឱ្យមាន ស្ថាប័នជាតិ សិទ្ធិមនុស្ស។ក្នុងកិច្ចពិគ្រោះយោបល់លើសេចក្តីព្រាងច្បាប់ ស្តីពីការរៀបចំ និងការប្រព្រឹត្តិទៅ នៃគណៈកម្មាធិការសិទ្ធិមនុស្សកម្ពុជា កាលពីម្សិលមិញ លោកស្រី លូឌីយ៉ា ឌឺឡា ហ្វូនតេ (Luadia deLa Fuente) បានបានលើកឡើងថា ភាពរឹងមាំ និងជឿជាក់ រវាងរាជរដ្ឋាភិបាល និងអង្គការសង្គមស៊ីវិល ពិតជាមាន សារៈសំខាន់ ដែលកើតចេញពីស្ថាប័នជាតិសិទ្ធិមនុស្ស ដែលឯករាជ្យមួយដ៏ពិតប្រាកដ។លោកស្រី គាំទ្រ ទាំងស្រុងចំពោះការបង្កើតស្ថាប័នជាតិសិទ្ធិមនុស្ស និងប្តេជ្ញាគាំទ្ររាជរដ្ឋាភិបាលកម្ពុជា ក្នុងការការពារ និងលើកកម្ពស់សិទ្ធិមនុស្សនៅកម្ពុជា។លោក កត្តា អ៊ន សមាជិកគណៈកម្មាធិការជាតិសិទ្ធិមនុស្សកម្ពុជា បានឱ្យដឹងថា រាជរដ្ឋាភិបាលកម្ពុជា មានជំហរបង្កើតឱ្យមានស្ថាប័នជាតិសិទ្ធិមនុស្សនេះឡើង ចាប់តាំងពីឆ្នាំ១៩៩៨មកម្ល៉េះ ប៉ុន្តែដោយ សារតែពេលនោះ កម្ពុជាខ្វះខាតនូវធនធានមនុស្ស ទើបបង្កើតឡើងត្រឹមតែគណៈកម្មាធិការជាតិសិទ្ធិ មនុស្សប៉ុណ្ណោះ។នៅពេលដែលរាជរដ្ឋាភិបាលទៅការពាររបាយការណ៍សិទ្ធិមនុស្ស នៅក្នុងអង្គការសហប្រជាជាតិ និងនៅក្រុមប្រឹក្សាសិទ្ធិមនុស្ស តែងតែទទួលបានអនុសាសន៍ពីបណ្តាប្រទេសមួយចំនួន ដោយ ស្នើដល់រាជរដ្ឋាភិបាលកម្ពុជា បង្កើតស្ថាប័នសិទ្ធិមនុស្សជាតិនេះឡើង។ការបង្កើតស្ថាប័នជាតិសិទ្ធិមនុស្សជាតិ (NHRI) នៅក្នុងប្រទេសកម្ពុជា ត្រូវបានពិភាក្សាអស់រយៈពេលជាច្រើនទសវត្សរ៍មកហើយ។ កម្ពុជាទទួលបានជាបន្តបន្ទាប់នូវអនុសាសន៍ពីស្ថាប័ននាន តាមសន្ធិសញ្ញា និងពីរដ្ឋជាសមាជិកអង្គការសហប្រជាជាតិ តាមរយៈយន្តការពិគ្រោះពិនិត្យឡើងវិញតាមកាលកំណត់។ដើម្បីធានាថា សេចក្តីព្រាងច្បាប់ ស្តីពីការបង្កើតស្ថាប័នសិទ្ធិមនុស្សជាតិ ស្របទៅនឹងគោលការណ៍ ទីក្រុងប៉ារីស និងសេចក្តីសង្ខេបទូទៅ ដែលអនុម័តដោយសម្ព័ន្ធសកល នៃស្ថាប័នសិទ្ធិមនុស្សជាតិ (GANHRI) និងគណ:កម្មាធិការសិទ្ធិមនុស្សកម្ពុជា (គ.ស.ម.ក) ភាគីពាក់ព័ន្ធ បានរៀបចំកិច្ចពិគ្រោះ យោបល់លើសេចក្តីព្រាងច្បាប់ ស្តីពីការរៀបចំ និងការប្រព្រឹត្តទៅ នៃគណៈកម្មាធិការសិទ្ធិមនុស្សជាតិ កម្ពុជា ហើយត្រូវបានដាក់ពិគ្រោះយោបល់លើសេចក្តីព្រាងជាបន្តបន្ទាប់ និងបន្តនីតិវិធីសម្រាប់ការអនុម័ត ពីរដ្ឋសភានៅពេលខាងមុខ៕ អត្ថបទ៖ បាន សុខរិទ្ធ

ភូមិឋាន និងវត្តអារាមនានា ត្រៀមរៀបចំតុបតែងសម្រាប់អបអរសាទរពិធីបុណ្យចូលឆ្នាំខ្មែរ

ភ្នំពេញ៖ ពិធីបុណ្យចូលឆ្នាំប្រពៃណីជាតិខ្មែរ គឺកាន់តែខិតចូលមកដល់ហើយ ដោយសល់ពេលប្រមាណតែកន្លះខែទៀតតែប៉ុណ្ណោះ។ ការខិតចូលមកដល់នេះ តាមភូមិឋាន ក៏ដូចជាវត្តអារាមមួយចំនួន បាននឹងកំពុងរៀបចំតុបតែង ដើម្បីអបអរសាទរ និងដើម្បីភាពសប្បាយរីករាយ ក្នុងឱកាសពិធីបុណ្យចូលឆ្នាំខ្មែរ។ពិធីបុណ្យចូលឆ្នាំប្រពៃណីជាតិខ្មែរ នឹងចូលមកដល់នៅថ្ងៃទី ១៤ ដល់ថ្ងៃទី ១៦ ខែមេសា ឆ្នាំ២០២២ខាងមុខ។ ពាក់ព័ន្ធនឹងពិធីបុណ្យចូលឆ្នាំប្រពៃណីជាតិខ្មែរនេះ រាជរដ្ឋាភិបាលកម្ពុជា បានប្រកាសជាច្រើនដងថា ពិធីបុណ្យចូលឆ្នាំប្រពៃណីជាតិខ្មែរឆ្នាំនេះ គឺត្រូវតែរៀបចំ ពុំមានការផ្អាកដូចពីរឆ្នាំកន្លងនោះទេ។ការអនុញ្ញាតឱ្យមានការរៀបចំពិធីបុណ្យចូលឆ្នាំប្រពៃណីជាតិខ្មែរនេះ បានផ្ដល់នូវភាពសប្បាយរីករាយដល់ប្រជាពលរដ្ឋ ព្រោះតែកម្ពុជាបានខកខានរៀបចំពិធីនេះរយៈពេល ២ឆ្នាំមកហើយ តាំងពីឆ្នាំ២០២០មក។ ជាក់ស្ដែងកំឡុងពេលនេះ ភូមិឋានក៏ដូចជាវត្តអារាមមួយចំនួនក៏បានតុបតែងលម្អដើម្បីសាទរនិងកំសាន្តនថ្ងៃចូលឆ្នាំខ្មែរផងដែរ។ សម្រាប់ភូមិ យកបាត្រ ក្នុងសង្កាត់ក្បាលកោះ ខណ្ឌច្បារអំពៅ ប្រជាពលរដ្ឋក្នុងភូមិនេះ បានចាប់ផ្ដើមចងខ្សែរំលេចដោយក្រណាត់ពណ៌នៅតាមដងផ្លូវចាប់ពីពេលនេះ ហើយក៏នឹងបន្តរៀបចំតុបតែងជាច្រើនថែមទៀតសម្រាប់អបអរពិធីបុណ្យចូលឆ្នាំខ្មែរ។ ការរៀបចំ ការលេងល្បែងប្រជាប្រិយ និងរាំកម្សាន្ត ជាទំនៀមទំលាប់របស់ប្រជាពលរដ្ឋក្នុងភូមិនេះ ជាយូរមកហើយ នេះជាការលើកឡើងរបស់ពួកគាត់។ពាក់ព័ន្ធនឹងការរៀបចំពិធីបុណ្យចូលឆ្នាំប្រពៃណីជាតិខ្មែរ នៅទីតាំងរមណីយដ្ឋានប្រវត្តិសាស្រ្តវត្តភ្នំ ក៏នឹងចាប់ផ្ដើមរៀបចំ តុបតែងលម្អចាប់ពីថ្ងៃទី ១ខែ មេសាឆ្នាំ ២០២២ខាងមុខ។ ឆ្នាំ២០២២នេះ ជាឆ្នាំដំបូងហើយដែល រាជរដ្ឋាភិបាលកម្ពុជាប្រកាសឱ្យមានការរៀបចំពិធីបុណ្យចូលឆ្នាំប្រពៃណីជាតិខ្មែរឡើងវិញ តាំងពីមានវត្តមានកូវីដ-១៩មក។ ឱកាសពិធីបុណ្យចូលឆ្នាំប្រពៃណីជាតិខ្មែរ គឺជាឱកាសមួយដែលកម្ពុជា អាចស្រូបទាញភ្ញៀវទេសចរជាតិ និងអន្តរជាតិជាច្រើនជាពិសេសនៅតំបន់ទីតាំងទេសចរណ៍ ដែលរៀបចំពិធីធំៗដូចជា សង្រ្កាន្តខេត្តសៀមរាប៕ អត្ថបទ៖ គឹមហុក

ទេសរដ្ឋមន្រ្ដី ស៊ុន ចាន់ថុល៖ ផ្លូវជាតិលេខ៣ វាលរេញ-កំពត ធ្វើរួចមិនជាប់ជាយូរ ដោយសារធ្វើមិនតាមលក្ខណៈបច្ចេកទេសនៃតំបន់

កំពត៖ ឯកឧត្ដមទេសរដ្ឋមន្រ្ដី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានថ្លែងថា ផ្លូវជាតិលេខ៣ វាលរេញ-កំពត ប្រវែង២០គីឡូម៉ែត្រ ធ្វើរួចមិនជាប់ជាយូរហើយ ដោយសារធ្វើមិនតាមលក្ខណៈបច្ចេកទេសនៃតំបន់។ក្នុងឱកាសដឹកនាំមន្ដ្រីជំនាញ ចុះត្រួតពិនិត្យស្ថានភាពផ្លូវជាតិលេខ៣ ដែលតភ្ជាប់ពីតំបន់វាលរេញផ្លូវជាតិលេខ៤ទៅកាន់ក្រុងកំពត នាព្រឹកថ្ងៃទី២៩ ខែមីនា ឆ្នាំ២០២២ ឯកឧត្ដមទេសរដ្ឋមន្រ្ដី ស៊ុន ចាន់ថុល បានប្រាប់BTVថា ការស្ថាបនាផ្លូវមិនជាប់ជាយូរហើយ ដោយសារការធ្វើមិនតាមលក្ខណៈបច្ចេកទេសនៃតំបន់ ដែលមានដីស្អុយរហូតដល់ជំរៅ១៨ម៉ែត្រខាងក្រោម ដូច្នេះដើម្បីធ្វើផ្លូវនេះឲ្យបានជាប់ គឺត្រូវវាយគ្រឹះឲ្យទៅដល់ជំរៅ១៨ម៉ែត្រ សម្រាប់ចម្ងាយផ្លូវ ៥គីឡូម៉ែត្រ ដែលចេញពីផ្លូវជាតិលេខ៤វាលរេញក្នុងស្រុកព្រៃនប់ ខេត្តព្រះសីហនុ ហើយសម្រាប់ចម្ងាយផ្លូវ១៥គីឡូម៉ែត្រទៀត ឆ្ពោះទៅខេត្តកំពត គឺត្រូវពង្រឹងគ្រឹះ ទើបអាចចាក់បេតុងកម្រាស់ ២,៦តឹក ទើបផ្លូវនេះលែងស្រុត បើមិនដូច្នេះទេចំណាយថវិកាហើយ មិនបានមួយឆ្នាំទេផ្លូវនៅតែស្រុត។សូមជម្រាបជូនថា ផ្លូវជាតិលេខ៣ វាលរេញ កំពត មានប្រវែង៥៤គីឡូម៉ែត្រ ផ្លូវនេះបានស្ថាបនារួចរាល់ហើយ ប៉ុន្តែចម្ងាយផ្លូវ៣៤គីឡូម៉ែត្រពីក្រុងកំពត បានចាក់កៅស៊ូល្អស្អាត និងជាប់មានគុណភាព ។ ដោយឡែកចម្ងាយ២០គីឡូម៉ែត្រពីវាលរេញផ្លូវជាតិលេខមានការខូចខាតខ្លាំង ដោយសារគ្រឹះខាងក្រោមជំរៅ ១៨ម៉ែត្រមានដីស្អុយ ដែលត្រូវការជំនាញបច្ចេកទេសបុក ឬវាយគ្រឹះដូចជាការសាងសង់ស្ពានផងដែរ ទើបតំបន់នោះលែងមានការស្រុត និងខូចខាត៕

គ.ជ.ប បើកសវនាការលើបណ្តឹងសុំលុបបញ្ជីបេក្ខជន និងប្តឹងជំទាស់ចំពោះបេក្ខជន

ភ្នំពេញ៖ គណៈកម្មាធិការជាតិរៀបចំការបោះឆ្នោត (គ.ជ.ប) នៅថ្ងៃនេះ បានបើកសវនាការជំនុំជម្រះជា សាធារណៈលើបណ្តឹងសុំលុបបញ្ជីបេក្ខជនដំបូង និងការប្តឹងជំទាស់ចំពោះបេក្ខជន ដែលមិនមានលក្ខណៈ សម្បត្តិស្របតាមលក្ខខន្តិកៈរបស់គ.ជ.ប។ឯកឧត្តម ប្រាជ្ញ ច័ន្ទ ប្រធានគណៈកម្មាធិការជាតិរៀបចំការបោះឆ្នោត និងជាប្រធានក្រុមប្រឹក្សាជំនុំ ជម្រះ បានបើកសវនាការជំនុំជម្រះជាសាធារណៈលើសំណុំរឿងចំនួន៦ ពាក់ព័ន្ធនឹងការប្ដឹងសុំលុបបញ្ជី បេក្ខជនដំបូងរបស់គណបក្សភ្លើងទៀន នៅសង្កាត់វាលវង់ និងសង្កាត់សំបួរមាស ក្រុងកំពង់ចាម ខេត្តកំពង់ចាម ពាក្យប្ដឹងជំទាស់នឹងបេក្ខជន និងបញ្ជីបេក្ខជនរបស់គណបក្សភ្លើងទៀន និងគណបក្សឆន្ទៈខ្មែរ នៅសង្កាត់ផ្សារថ្មីទី៣ ខណ្ឌដូនពេញ រាជធានីភ្នំពេញ។ក្នុងសវនាការ ពាក់ព័ន្ធការសុំលុបបញ្ជីបេក្ខជនដំបូងរបស់គណបក្សភ្លើងទៀន ភាគីដើមបណ្តឹងជា ប្រជាពលរដ្ឋ បានអះអាងមុខក្រុមប្រឹក្សាជំនុំជម្រះថា បេក្ខជនរបស់គណបក្សភ្លើងទៀន បានក្លែងបន្លំ ដោយសារបេក្ខជននោះ ពុំមានចំណេះដឹងគ្រប់គ្រាន់ ឬចេះអាន និងសរសេរឡើយ ដូច្នេះការបំពេញលក្ខខណ្ឌចុះឈ្មោះជាបេក្ខជន ដោយបុគ្គលផ្សេងជំនួសសាម៉ីខ្លួន។ ចំពោះសវនាការសំណុំរឿងប្តឹងជំទាស់នឹងបេក្ខជនរបស់គណបក្សឆន្ទៈខ្មែរ ដើមបណ្តឹង បានទាម ទារឲ្យលុបឈ្មោះបេក្ខជន ក៏ដូចជាបញ្ជីបេក្ខជនទាំងមូល ចេញពីសង្កាត់ផ្សារថ្មីទី៣ ខណ្ឌដូនពេញ ដោយមូលហេតុមិនមានលក្ខណៈស្របតាមលក្ខខណ្ឌ នៃការចុះឈ្មោះរបស់បេក្ខជន។ សវនាការនេះ ក្រុមប្រឹក្សាជំនុំជម្រះ នឹងប្រកាសសេចក្តីសម្រេច នៅពេលរសៀលថ្ងៃនេះ។ ការរៀបចំបញ្ជីចុះឈ្មោះបេក្ខជនរបស់គណបក្សនយោបាយ ត្រូវបានធ្វើឡើង ដើម្បីឈានទៅរក ការប្រកាសអំពីសុពលភាពរបស់បញ្ជីបេក្ខជនផ្លូវការ នៅថ្ងៃទី២៤ ខែមេសា ខណៈការបោះឆ្នោតជ្រើសរើសក្រុមប្រឹក្សាឃុំ-សង្កាត់ នឹងប្រព្រឹត្តទៅ នៅថ្ងៃទី៥ ខែមិថុនា ឆ្នាំ២០២២៕អត្ថបទ៖ សេក ឧត្តម

វ៉ាក់សាំងកូវីដ-១៩ និងសឺរ៉ាំង ជំនួយរបស់មិត្តចិនបានដឹកមកដល់កម្ពុជា នាព្រឹកនេះ

ភ្នំពេញ៖ វ៉ាក់សាំងបង្ការជំងឺកូវីដ-១៩ ប្រភេទស៊ីណូវ៉ាក់ ចំនួន០៥លានដូស និងសឺរ៉ាំងម្ជុលចាក់ ចំនួន៥លាន ត្រូវដឹកមកប្រគល់ជូនកម្ពុជា រយៈពេល០២ថ្ងៃជាប់គ្នា គឺនៅថ្ងៃទី២៩ និង៣០ ខែមីនា ឆ្នាំ២០២២។លោកជំទាវវេជ្ជបណ្ឌិត យក់ សម្បត្តិ រដ្ឋលេខាធិការក្រសួងសុខាភិបាល ជាមួយលោកទីប្រឹក្សាសេដ្ឋកិច្ច តំណាងស្ថានទូតសាធារណរដ្ឋប្រជាមានិតចិន ប្រចាំព្រះរាជាណាចក្រកម្ពុជា នៅអាកាសយានដ្ឋានអន្តរជាតិភ្នំពេញ(VIP) ព្រឹកថ្ងៃទី២៩ ខែមីនា ឆ្នាំ២០២២នេះ បានអញ្ជើញមកទទួលការមកដល់របស់វ៉ាក់សាំងបង្ការជំងឺកូវីដ-១៩ និងសឺរ៉ាំងម្ជុល ដឹកតាមយន្តហោះជើងទី១ ។ក្នុងឱកាសនោះ លោកជំទាវវេជ្ជបណ្ឌិត យក់ សម្បត្តិ បានប្រាប់BTV ព័ត៌មានថា នាថ្ងៃនេះ ក្រសួងសុខាភិបាល នៃព្រះរាជាណាចក្រកម្ពុជា បានអញ្ជើញមកទទួលវ៉ាក់សាំងបង្ការជំងឺកូវីដ-១៩ ប្រភេទស៊ីណូវ៉ាក់ ចំនួនជាង១លានកន្លះដូស បើគិតជាចំនួនដប ប្រហែល ជា ៧៨ម៉ឺនដប រួមជាមួយនឹងសឺរ៉ាំងម្ជុលសម្រាប់ចាក់ ដែលមានគម្រោងទទួលជំហានទី១ ក្នុងចំនួន០៥ លានដូស ដែលមកដល់ថ្ងៃនេះ មានចំនួន១ភាគ៣។ ដោយឡែកថ្ងៃស្អែក មានយន្តហោះដឹកវ៉ាក់សាំងនឹងសឺរ៉ាំង ចំនួន០២ជើងទៀត មកបង្គប់ចំនួន៥លានដូស និងសឺរ៉ាំងចំនួន៥លាន ចុះមកដល់កម្ពុជា នៅម៉ោង៩ព្រឹក នេះគឺជាជំនួយក្នុងចំណោម២០លានដូស ដែលប្រមុខរាជរដ្ឋាភិបាលសាធារណរដ្ឋប្រជាមានិតចិន បានខិតខំ ជួបផ្ទាល់តាមទូរស័ព្ទពិសេស ជាមួយនឹងសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រី្ត នៃព្រះរាជាណាចក្រកម្ពុជានាពេលថ្មីៗនេះ។ដូច្នេះវ៉ាក់សាំងចំនួន២០លានដូសនៅថ្ងៃនេះ នឹងថ្ងៃស្អែក កម្ពុជា ក៏ទទួលបានជំហានទី១ ចំនួន០៥លានដូស ហើយយើងនៅសល់១៥លានដូសទៀត។ កម្ពុជា-ចិន កំពុងតែពិភាក្សាគ្នា ថាតើយើងតម្រូវការនាពេលណា ថាសាធារណរដ្ឋប្រជាមានិត ចិន នឹងបំពេញនូវតម្រូវការជូនដល់ព្រះរាជាណាចក្រកម្ពុជា។លោកជំទាវ វេជ្ជបណ្ឌិត យក់ សម្បតិ្ត បានបញ្ជាក់ទៀតថា នាពេលខាងមុខនេះ កម្ពុជា នឹងទទួលវ៉ាក់សាំងបង្ការជំងឺកូវីដ-១៩ ពីយន្តការកូវ៉ាក់ ចំនួន៧លាន៥សែនដូស ពីដើមខែមេសា រហូតដល់ចុងខែកញ្ញា ឆ្នាំ២០២២។ ដូច្នេះវ៉ាក់សាំងជំនួយរបស់មិត្តចិន នៅចំនួន១៥លានដូសទៀត កម្ពុជានឹងស្នើឲ្យចិនផ្តល់ជូនក្រោយខែកញ្ញា ឆ្នាំ២០២២។ ទន្ទឹមនឹងនោះយើងនឹងធ្វើការពិភាក្សា រងចាំការសម្រេចពីគណៈកម្មការចំពោះកិច្ចចាក់វ៉ាក់សាំងបង្ការជំងឺកូវីដ-១៩ ក្របខណ្ឌទូទាំងប្រទេស នៅពេលសម្រេចយ៉ាងណា គឺចិន នឹងប្រគល់ជូនតាមតម្រូវការរបស់ភាគីកម្ពុជា៕ អត្ថបទ រដ្ឋា សុភ័ណ្ឌ

សម្ដេចតេជោ ស្វាគមន៍ក្រុមប្រទេសនិយាយភាសាបារាំង ដែលមានបំណងមកវិនិយោគនៅកម្ពុជា

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានបានស្វាគមន៍ចំពោះបណ្ដា ក្រុមអ្នកវិនិយោគ នៃប្រទេសនិយាយភាសាបារាំង ដែលមានបំណងចង់មកធ្វើការវិនិយោគនៅក្នុងប្រទេសកម្ពុជា។សម្ដេចតេជោ ហ៊ុន សែន នៅព្រឹកថ្ងៃទី២៩ ខែមីនានេះ បានអនុញ្ញាតឱ្យលោកជំទាវ ល្វីស មូស៊ីគី វ៉ាបូ (Louise Mushikiwabo) អគ្គលេខាធិការ នៃអង្គការអន្តរជាតិហ្រ្វង់កូហ្វូនី ចូលជួបសំដែងការគួរសម និងពិភាក្សាការងារ ។ឯកឧត្តម អ៊ាង សុផល្លែត ជំនួយការផ្ទាល់សម្តេចតេជោនាយករដ្ឋមន្ត្រី បានប្រាប់ដល់ក្រុមអ្នកសារ ព័ត៌មានថា ក្នុងជំនួបនេះ លោកជំទាវ ល្វីស បានកោតសរសើរអំពីសេដ្ឋកិច្ចរីកចម្រើន របស់កម្ពុជា ដែលជាការការទាក់ទាញ និងជាគំរូ នៃការអភិវឌ្ឍន៍វិស័យពាណិជ្ជកម្ម សម្រាប់ប្រទេសនិយាយភាសាបារាំងផងដែរ។សម្ដេចតេជោ ហ៊ុន សែន បានសំដែងនូវការអបអរសាទរចំពោះជោគជ័យ នៃជំនួបរវាងអ្នកវិនិយោគ មកពីបណ្ដាប្រទេសនិយាយភាសាបារាំង និងអ្នកវិនិយោគកម្ពុជា។សម្ដេចតេជោ បានមានប្រសាសន៍ថា សេដ្ឋកិច្ចពាណិជ្ជកម្ម និងវិនិយោគ ជាចំណុចស្នូល នៃកិច្ច សហប្រតិបត្តិការ រវាងប្រទេស និងតំបន់ ដែលមានសក្តានុពល គ្រាន់តែមិនទាន់មាន ឱកាសនៅឡើយប៉ុណ្ណោះ ដូច្នេះគប្បីរួមគ្នាបង្កឱកាសដើម្បីចាប់យកសកម្មភាព សក្តានុពលទាំងឡាយណា ដែលមាននេះ ដើម្បីមិនត្រឹមតែពង្រីក និងពង្រឹងកិច្ចសហប្រតិបត្តិការរវាងប្រទេស និងតំបន់ទាំងពីរទេ តែសម្រាប់ជាទំនាក់ទំនងនយោបាយល្អ រវាងប្រទេសទាំងពីរផង និងតំបន់ផង ព្រោះថាទំនាក់ទំនងល្អលើវិស័យសេដ្ឋកិច្ច ពាណិជ្ជកម្ម និងវិនិយោគ នឹងនាំទៅដល់ភាពជិតស្និទ្ធផ្នែកនយោបាយ។សម្ដេចតេជោ បានជម្រាបជូនលោកជំទាវ ល្វីស ថា ក្នុងនាមជាប្រធានអាស៊ាន អ្វីដែលសម្ដេចចង់ បាន គឺជំរុញការអនុវត្ត អាស្តា និងអាស៊ឹម ឲ្យចលនាសេដ្ឋកិច្ច ពាណិជ្ជកម្ម និងវិនិយោគ និងរបៀងដំណើរ ទេសចរណ៍ក្នុងតំបន់អាស៊ាន ឱ្យមានដំណើរការប្រក្រតីភាពឡើងវិញ៕ អត្ថបទ៖ មុត សុទ្ធ

អភិបាលខេត្តកោះកុង អំពាវនាវឱ្យភ្ញៀវទេសចរចូលរួមប្រើកញ្ចប់សេវាទេសចរណ៍សហគមន៍

កោះកុង៖ អភិបាលខេត្តកោះកុង បានសំណូមពរដល់ពលរដ្ឋ និងភ្ញៀវទេសចរ ដែលមានបំណងទៅលេងកម្សាន្ត នៅតាមគោលដៅតំបន់ទេសចរណ៍សំខាន់ៗ ក្នុងខេត្តនេះ សូមចូលរួមប្រើប្រាស់កញ្ចប់សេវាទេសចរណ៍ក្នុងសហគមន៍។បន្ទាប់ពីមានការប្រកាសពីប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន ឱ្យមានការប្រារព្ធ ពិធីបុណ្យចូលឆ្នាំ លោកជំទាវ មិថុនា ភូថង អភិបាលខេត្តកោះកុង បានអះអាងថា ខេត្តទេសចរណ៍ជាប់មាត់សមុទ្រមួយនេះ បាននឹងកំពុងពង្រីក និងពង្រឹងគុណភាពវិស័យទេសចរណ៍ ដូចជា សេវាស្នាក់នៅ ហូបចុក ព្រមទាំងសោភ័ណភាពបរិស្ថានជុំវិញរមណីយដ្ឋានទេសចរធម្មជាតិនានា។លោកជំទាវ បានសំណូមពរដល់ភ្ញៀវទេសចរពីគ្រប់មជ្ឈដ្ឋានទាំងអស់ ចូលរួមប្រើប្រាស់កញ្ចប់ សេវាទេសចរណ៍សហគមន៍ ត្បិតតម្លៃថ្លៃបន្តិចក៏ពិតមែន តែដើម្បីគាំទ្រផ្តល់ជាមុខរបរ ប្រាក់ចំណូល និងលើកស្ទួលជីវភាពប្រជាសហគមន៍ ដែលបាននឹងកំពុងរងផលប៉ះពាល់ដោយសារវិបត្តិជំងឺកូវីដ-១៩។លោក ឈេង សុវណ្ណដា អភិបាលក្រុងខេរមភូមិន្ទ បានឱ្យដឹងថា លោកនឹងធ្វើសេចក្តីជូនដំណឹង ដល់ប្រជាពលរដ្ឋ សេវក (សេវៈក) និងប្រតិបត្តិករវិស័យទេសចរណ៍ ឱ្យរៀបចំសន្តិសុខសណ្តាប់ធ្នាប់ សោភ័ណភាពបរិស្ថាន សណ្ឋាគារ ផ្ទះសំណាក់ អាហារដ្ឋាន និងរមណីយដ្ឋាន ឱ្យបានស្អាត ត្រៀមទទួល ស្វាគមន៍ភ្ញៀវទេសចរ ។លោក បានឱ្យដឹងដែរថា ក្នុងឱកាសពិធីបុណ្យចូលឆ្នាំខ្មែរ នឹងមានពិព័រណ៍ពាណិជ្ជកម្ម សម្ភារៈកីឡា របស់សហព័ន្ធកីឡាជាតិ និងប្រគុំតន្រ្តីខ្នាតតូច សម្រាប់ផ្ដល់ការកម្សាន្តបន្ថែមដល់ទេសចរ។លោក សុខ ចាន់គ្រឹះស្នា ប្រធានមន្ទីរទេសចរណ៍ខេត្តកោះកុង បានបញ្ជាក់ដែរថា លោកបាន ត្រៀមណែនាំដល់អ្នកគ្រប់គ្រងរមណីយដ្ឋានធម្មជាតិ និងកែច្នៃទាំងអស់ ដែលជាគោលដៅទេសចរណ៍ ធម្មជាតិ ឱ្យពង្រឹងគុណភាពសេវាស្នាក់នៅ ចំណីអាហារ និងរក្សាសន្តិសុខ។ ហើយមិនឱ្យមានការដំឡើង ថ្លៃសេវាទេសចរណ៍លើសប្រមាណនោះទេ ដែលធ្វើឱ្យប៉ះពាល់ចំណូលសេដ្ឋកិច្ចពីវិស័យទេសចរណ៍៕ អត្ថបទ៖ ឈឹម មករា

បណ្ដាញសង្គម

ព័ត៌មានថ្មីៗ

ធានាគារវិនិយោគហេដ្ឋារចនាសម្ព័ន្ធអាស៊ី ចាប់អារម្មណ៍សហការ អភិវឌ្ឍហេដ្ឋារចនាសម្ព័ន្ធសង្គម និងវិស័យអប់រំទំនើប នៅកម្ពុជា

ឯកឧត្តម វ៉ាង វិនពីន៖សំឡេងរបស់ប្រទេសកម្ពុជាឮកាន់តែខ្លាំងឡើងៗនៅលើឆាកអន្តរជាតិ

សម្ដេចតេជោអរគុណវៀតណាមបានផ្ដល់អាហារូបករណ៍គ្រប់វិស័យជាបន្តបន្ទាប់ទាំងវិស័យសេដ្ឋកិច្ច វិស័យយោធាបណ្ដុះបណ្ដាលធនធានមនុស្សនៅកម្ពុជា

អគ្គលេខាធិការបក្សកុម្មុយនីសវៀតណាមសម្តែងក្តីរីករាយចំពោះវឌ្ឍនភាពនៃទំនាក់ទំនងរវាងកម្ពុជា និងវៀតណាមនាពេលបច្ចុប្បន្នដែលមានភាពរីកចម្រើន

សម្ដេចធិបតី ហ៊ុន ម៉ាណែត អំពាវនាវម៉ឺងម៉ាត់ឱ្យចាត់វិធានការចំពោះមុខតថភាពភូមិសាស្ត្រនយោបាយកាន់តែស្មុគស្មាញ

មន្ត្រីកូរ៉េខាងត្បូង៖ កូរ៉េខាងត្បូង និងអាមេរិក ពិភាក្សាគ្នា «យ៉ាងតានតឹង» ជុំវិញមូលនិធិ នៅមុនជំនួបកំពូល

ក្រុមអ្នកជំនាញ៖ អ៊ីស្រាអែលកំពុងប្រព្រឹត្តអំពើប្រល័យពូជសាសន៍នៅតំបន់ហ្កាហ្សា

នគរបាលអ៊ុយក្រែន សង្ស័យរុស្ស៊ីពាក់ព័ន្ធនឹងការសម្លាប់អតីតប្រធានសភា

រដ្ឋមន្រ្តីសុខាភិបាល «ភាពរឹងមាំក្នុងការបំពេញតួនាទីរបស់មន្រ្តីសុខាភិបាល ធ្វើឱ្យសម្រេចបានគោលដៅ និងទទួលបានលទ្ធផលល្អ តាមការរំពឹងទុក»

«បញ្ហាភាពស៊ាំនៃថ្នាំផ្សះប្រឆាំងមេរោគ គឺផ្តើមពីបុគ្គលម្នាក់ៗ ដែលត្រូវយកចិត្តទុកដាក់ ពិចារណា និងគោរពបទដ្ឋានវេជ្ជសាស្ត្រត្រឹមត្រូវ មុនការសម្រេចប្រើប្រាស់»

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ដំរីស្រុកញីតែមួយគត់របស់ខេត្តមណ្ឌលគិរី ទើបបង្កើតបានកូនញីមួយក្បាល បន្ទាប់ពីពពោះរយៈពេល២ឆ្នាំ

ឯកឧត្តម លី ធុជ៖ កម្ពុជាធ្លាប់ញាំញីដោយសង្រ្គាមបានក្លាយជាប្រទេសមានកំណើន សេដ្ឋកិច្ចលឿនបំផុត

សាលាប៉ូលឌុយប្រ៊ូល ស្នើក្រសួងទេសចរណ៍បណ្តុះបណ្តាលជំនាញទេសចរណ៍ តាមស្តង់ដារអាស៊ាន

OHCHR៖ ស្ថាប័នជាតិសិទ្ធិមនុស្ស ជាស្ពានដ៏សំខាន់សម្រាប់ការជឿជាក់រវាងរាជរដ្ឋាភិបាល និងNGO

ភូមិឋាន និងវត្តអារាមនានា ត្រៀមរៀបចំតុបតែងសម្រាប់អបអរសាទរពិធីបុណ្យចូលឆ្នាំខ្មែរ

គ.ជ.ប បើកសវនាការលើបណ្តឹងសុំលុបបញ្ជីបេក្ខជន និងប្តឹងជំទាស់ចំពោះបេក្ខជន

វ៉ាក់សាំងកូវីដ-១៩ និងសឺរ៉ាំង ជំនួយរបស់មិត្តចិនបានដឹកមកដល់កម្ពុជា នាព្រឹកនេះ

សម្ដេចតេជោ ស្វាគមន៍ក្រុមប្រទេសនិយាយភាសាបារាំង ដែលមានបំណងមកវិនិយោគនៅកម្ពុជា

អភិបាលខេត្តកោះកុង អំពាវនាវឱ្យភ្ញៀវទេសចរចូលរួមប្រើកញ្ចប់សេវាទេសចរណ៍សហគមន៍

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ដំរីស្រុកញីតែមួយគត់របស់ខេត្តមណ្ឌលគិរី ទើបបង្កើតបានកូនញីមួយក្បាល បន្ទាប់​ពី​ពពោះ​រយៈពេល​២ឆ្នាំ

ឯកឧត្តម លី ធុជ៖ កម្ពុជាធ្លាប់​ញាំញី​ដោយសង្រ្គាមបានក្លាយជាប្រទេសមានកំណើន សេដ្ឋកិច្ចលឿនបំផុត

សាលាប៉ូលឌុយប្រ៊ូល ស្នើ​ក្រសួងទេសចរណ៍​បណ្តុះ​បណ្តាល​ជំនាញ​ទេសចរណ៍​ តាមស្តង់ដារអាស៊ាន

OHCHR៖ ស្ថាប័នជាតិសិទ្ធិមនុស្ស ជាស្ពានដ៏សំខាន់សម្រាប់ការជឿជាក់រវាងរាជរដ្ឋាភិបាល និងNGO

ភូមិឋាន និង​វត្តអារាម​នានា ត្រៀម​រៀបចំ​តុបតែង​សម្រាប់​អបអរ​សាទរ​ពិធី​បុណ្យចូលឆ្នាំខ្មែរ

គ.ជ.ប បើកសវនាការលើបណ្តឹងសុំលុបបញ្ជីបេក្ខជន និងប្តឹងជំទាស់ចំពោះបេក្ខជន

វ៉ាក់សាំងកូវីដ-១៩ និងសឺរ៉ាំង ជំនួយរបស់មិត្តចិនបានដឹកមកដល់កម្ពុជា នាព្រឹកនេះ

សម្ដេចតេជោ ស្វាគមន៍ក្រុមប្រទេសនិយាយភាសាបារាំង ដែលមានបំណងមកវិនិយោគនៅកម្ពុជា

អភិបាលខេត្តកោះកុង អំពាវនាវឱ្យភ្ញៀវទេសចរចូលរួមប្រើកញ្ចប់សេវាទេសចរណ៍សហគមន៍

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ដំរីស្រុកញីតែមួយគត់របស់ខេត្តមណ្ឌលគិរី ទើបបង្កើតបានកូនញីមួយក្បាល បន្ទាប់ពីពពោះរយៈពេល២ឆ្នាំ

ឯកឧត្តម លី ធុជ៖ កម្ពុជាធ្លាប់ញាំញីដោយសង្រ្គាមបានក្លាយជាប្រទេសមានកំណើន សេដ្ឋកិច្ចលឿនបំផុត

សាលាប៉ូលឌុយប្រ៊ូល ស្នើក្រសួងទេសចរណ៍បណ្តុះបណ្តាលជំនាញទេសចរណ៍ តាមស្តង់ដារអាស៊ាន

ភូមិឋាន និងវត្តអារាមនានា ត្រៀមរៀបចំតុបតែងសម្រាប់អបអរសាទរពិធីបុណ្យចូលឆ្នាំខ្មែរ