BTV NEWS

សម្ដេចធិបតីបញ្ជាក់ជាថ្មីទៅប្រធានអាស៊ានប្តូរវេនចំពោះការប្ដេជ្ញាចិត្តរបស់កម្ពុជាលើការដោះស្រាយបញ្ហាជម្លោះព្រំដែនទាំងអស់ជាមួយប្រទេសជិតខាងដោយសន្តិភាព និងច្បាប់អន្តរជាតិ

គណៈកម្មាធិការអន្តរក្រសួងចុះពិនិត្យ និងវាយតម្លៃការស្ថាបនាផ្លូវក្រួសក្រហម១ខ្សែ ក្នុងស្រុកបាកាន ខេត្តពោធិ៍សាត់

រដ្ឋមន្ត្រីក្រសួងអភិវឌ្ឍន៍ជនបទចុះពិនិត្យវឌ្ឍនភាពការងារសាងសង់ស្ពានភ្នំក្រវាញ និងផ្លូវកៅស៊ូក្នុងខេត្តពោធិ៍សាត់

BREAKING NEWS|កម្ពុជាចាត់ទុកផែនការថៃចង់ដណ្តើមប្រាសាទតាក្របី និងបិទប្រាសាទតាមាន់ធំគឺជាការប៉ុនប៉ងឈ្លានពានកម្ពុជាគិតទុកជាមុន និងមិនគោរពបទឈប់បាញ់

នយោបាយ និង ការអភិវឌ្ឍន៍

កម្ពុជាលើកកម្ពស់លក្ខខណ្ឌការងារ ការគោរពសិទ្ធ និងសេរីភាពអង្គការវិជ្ជាជីវៈ

ភ្នំពេញ៖ ឯកឧត្តមបណ្ឌិត អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានបញ្ជាក់ជូនភាគី អង្គការអន្តរជាតិខាងការងារ ហៅកាត់ អាយឡូ(ILO)ថា ការគោរពសិទ្ធិ និងសេរីភាពអង្គការវិជ្ជាជីវៈត្រូវបានធានា និងលើកម្ពស់នៅកម្ពុជា។ក្នុងឱកាសទទួលពិភាក្សាការងារជាមួយលោក Takanobu Teramoto ប្រធានប្រតិភូបេសកកម្ម របស់អង្គការ អន្តរជាតិខាងការងារ កាលពីព្រឹកថ្ងៃទី២៨ ខែមីនា ឆ្នាំ២០២២នេះ នៅទីស្តីការក្រសួង ឯកឧត្តមរដ្ឋមន្រ្តី អ៊ិត សំហេង បានជម្រាបជូនភ្ញៀវបន្តថា អនុលោមតាមច្បាប់ ស្តីពីសហជីពនៃកម្ពុជា ផ្តល់សិទ្ធិសេរីភាពយ៉ាងពេញលេញទៅកម្មករនិយោជិត និងនិយោជកក្នុងការបង្កើត និងអនុវត្តសិទ្ធិសេរីភាពអង្គការវិជ្ជាជីវៈដោយសេរី គ្មានការបង្ខិតបង្ខំ និងគំរាមកំហែង។ឯកឧត្តមរដ្ឋមន្ត្រី លើកឡើងថា នៅកម្ពុជា មិនទាន់ដែលមាន ហើយក៏នឹងមិនអនុញ្ញាតឱ្យមានករណីដែលកម្មករ និយោជិត ឬថ្នាក់ដឹកនាំសហជីព ត្រូវបានចាប់ខ្លួន ឬធ្វើទុកបុកម្នេញដោយសារសកម្មភាពស្របច្បាប់របស់ខ្លួនក្នុង ការអនុវត្តសិទ្ធិសេរីភាពអង្គការវិជ្ជាជីវៈឡើយ។ ឯកឧត្តមរដ្ឋមន្ត្រី បានលើកឡើងថា តាមរយៈការជួបពិភាក្សាជាមួយមន្ត្រីបច្ចេកទេសរបស់ក្រសួងការងារ ក្រសួងពាក់ព័ន្ធ តំណាងអង្គការវិជ្ជាជីវៈ និងដៃគូសង្គមនាពេលបន្ទាប់នេះ គណៈប្រតិភូនឹងទទួលបាននូវព័ត៌មានត្រឹមត្រូវ គ្រប់ជ្រុងជ្រោយ និងយកទៅពិចារណា និងវាយតម្លៃប្រកបដោយសុភវិនិច្ឆ័យ ឈរលើមូលដ្ឋានច្បាប់ និងបទប្បញត្តិជាតិ និងអន្តរជាតិជាធរមាន។ក្រសួងការងារ រងចំាទទួលយកនូវអនុសាសន៍របស់បេសកកម្មដោយផ្ទាល់នេះ ដើម្បីកែលម្អលក្ខខណ្ឌការងារ និងសិទ្ធិសេរីភាពរបស់អង្គការវិជ្ជាជីវៈឱ្យកាន់តែល្អប្រសើរបន្ថែមទៀត ស្របតាមបរិបទសង្គម និងសេដ្ឋកិច្ចកម្ពុជា។នាឱកាសនោះ លោកប្រធានប្រតិភូ បានលើកឡើងថាការប្រជុំពិភាក្សា និងប្រឹក្សាយោបល់គ្នាទៅវិញទៅមក រវាងគណៈប្រតិភូ ជាមួយនឹងថ្នាក់ដឹកនាំរបស់ក្រសួងការងារ និងបណ្តុះបណ្តាលវិជ្ជាជីវៈ មានការយល់គ្នាកាន់តែប្រសើរ ដែលគណៈប្រតិភូមានលទ្ធភាពធ្វើសេចក្តីសន្និដ្ឋាន ឲ្យគ្រប់ភាគីពាក់ព័ន្ធអនុវត្តឲ្យមានប្រសិទ្ធភាពខ្ពស់ ពាក់ព័ន្ធទៅនឹងទំនាក់ទំនងវិជ្ជាជីវៈ សិទ្ធិការងារ សេរីភាពអង្គការវិជ្ជាជីវៈ ស្របតាមតាមច្បាប់ការងារ និងបទដ្ឋានអន្តរជាតិដែលកម្ពុជាបានផ្តល់សច្ចាប័ន កាន់តែមានភាពល្អប្រសើរបន្តទៀត៕អត្ថបទ៖ ឈិត បូរ៉ាវី

កាកបាទក្រហមកម្ពុជា ទទួលថវិកាពីសប្បុរជន៤ក្រុមផ្សេងគ្នាទៀត សម្រាប់ទិវា៨ឧសភា

ភ្នំពេញ៖ នៅថ្ងៃទី២៨ ខែមីនានេះ នៅទីស្នាក់ការកណ្តាល មានសប្បុជនចំនួន៤ក្រុមផ្សេងៗគ្នា បានចូលរួមបរិច្ចាគថវិកា តាមសទ្ធាជ្រះថ្លាជូនដល់កាកបាទក្រហមកម្ពុជា សម្រាប់ទុកបន្តជួយសង្គ្រោះ ដល់ប្រជាពលរដ្ឋដែលរងគ្រោះមហន្តរាយផ្សេងៗ ដោយមិនប្រកាន់និន្នាការអ្វីទាំងអស់។ក្នុងឱកាសទទួលជួបសវនាការ និងទទួលអំណោយពីសប្បុរជន លោកជំទាវ អាន្នី សុខអាន អនុប្រធានកាកបាទក្រហមកម្ពុជា សូមថ្លែងអំណរគុណយ៉ាងជ្រាលជ្រៅបំផុត ចំពោះម្ចាស់អំណោយទាំងអស់ ដែលបានចូលរួមជាមួយកាកបាទក្រហមកម្ពុជា ទី១,អ្នកឧកញ៉ា ហុង ពីវ អគ្គនាយក និងជាម្ចាស់បុរីពិភពថ្មី បានចូលរួមបរិច្ចាគថវិកាចំនួន ១,៣០០,០០០ ដុល្លារអាមេរិក (១លានបីសែនដុល្លារអាមេរិក) ទី២,ក្រុមហ៊ុន ជីប ម៉ុង បានបរិច្ចាគថវិកាចំនួន ៧០០,០០០ ដុល្លារអាមរិក (ចិតសិបម៉ឺនដុល្លារអាមេរិក) ទី៣,ធានាគារអេស៊ីលីដា ចំនួន៨០០,០០០,០០០ រៀល (ប្រាំបីរយលានរៀល) និងទី៤,សាកលវិទ្យាល័យវិទ្យាសាស្រ្តសុខាភិបាល ចំនួន២០,០០០,០០០ រៀល (ម្ភៃលានរៀល)។លោកជំទាវ អនុប្រធានកាកបាទក្រហមកម្ពុជា បានឱ្យដឹងទៀតថា សម្រាប់សប្បុរសជនគ្រប់មជ្ឈដ្ឋាន ដែលមានសទ្ធាជ្រះថ្លា ចូលរួមបរិច្ចាគថវិកា ជូនកាកបាទក្រហមក្រហមកម្ពុជា ក្នុងឱកាសខួបលើកទី១៥៩ ទិវាពិភពលោក កាកបាទក្រហម និងអឌ្ឍចន្ទក្រហម៨ឧសភា ឆ្នាំ២០២២នេះ គឺដើម្បីធ្វើឱ្យសមាគមជាតិមានធនធានបន្ត ផ្តល់សេវាកម្មមនុស្សធម៌ ដោះស្រាយបញ្ហាប្រឈមនានា បន្តពង្រឹងភាពធន់សហគមន៍ និងជួយសម្រាលទុក្ខលំបាក ជូនប្រជាពលរដ្ឋរងគ្រោះ និងងាយរងគ្រោះបំផុត តាមគោលការណ៍គ្រឹះ របស់ចលនាអន្តរជាតិកាកបាទក្រហម និងអឌ្ឍចន្ទក្រហម។ ដែលនេះជាទង្វើមួយជួយដល់សង្គម និងអាចជួយឲ្យប្រជាជនខ្មែរ ដែលកំពុងជួបការលំបាក ទទួលបាននូវភាពកក់ក្តៅ និងការយកចិត្តទុកដាក់យ៉ាងពេញលេញពីរាជរដ្ឋាភិបាល និងសប្បុរសជនគ្រប់ទិសទីផងដែរ៕

ទេសរដ្ឋមន្រ្តី លី ធុជ អនុញ្ញាតអ្នកសម្របសម្រួល UN ប្រចាំនៅកម្ពុជា ចូលជួបសម្ដែងការគួរសម និងជម្រាបលា

ភ្នំពេញ៖ ឯកឧត្តមទេសរដ្ឋមន្រ្តី លី ធុជ អនុប្រធានទី១ អាជ្ញាធរមីន នាព្រឹកថ្ងៃទី២៨ ខែមីនាឆ្នាំ២០២២ បានអនុញ្ញាតឱ្យលោកស្រី Pauline Tamesi អ្នកសម្របសម្រួលអង្គការសហប្រជាជាតិប្រចាំនៅកម្ពុជា ចូលជួបសម្តែងការគួរសម និងជម្រាបលា ។ក្នុងនោះផងដែរលោកស្រី Pauline Tamesis បានសម្ដែងនូវការអបអរសាទរ និងវាយតម្លៃខ្ពស់ចំពោះការដឹកនាំរបស់រាជរដ្ឋាភិបាលកម្ពុជា ដែលមានសម្តេចតេជោ ហ៊ុន សែន ជាប្រមុខ បានធ្វើឲ្យប្រទេសជាតិមានការអភិវឌ្ឍលើគ្រប់វិស័យ និងធ្វើឲ្យកម្ពុជាមានការប្រែប្រួលមុខមាត់ខ្លាំង ដែលលោកស្រីបានមើលឃើញយ៉ាងច្បាស់ ក្នុងអាណត្តិបេសកកម្មរបស់លោកស្រីនៅកម្ពុជា។លោកស្រី បានកោតសរសើរចំពោះសមិទ្ធផលសម្រេចបានសម្រាប់វិស័យមីនកម្ពុជា ក្រោមការងារសម្របសម្រួល និងដឹកនាំរបស់អាជ្ញាធរមីន។លោកស្រី Pauline Tamesis នឹងបន្តចូលរួមជាមួយរាជរដ្ឋាភិបាលក្នុងវិស័យសកម្មភាពមីននៅកម្ពុជា និងបន្តកៀរគរធនធានគាំទ្រដល់គោលដៅរបស់កម្ពុជារហូតដល់ឆ្នាំ២០២៥។ជាមួយគ្នានេះ លោកស្រី បានវាយតម្លៃចំពោះការយកចិត្តទុកដាក់របស់រាជរដ្ឋាភិបាលកម្ពុជា ដែលបានដាក់ចេញនូវចក្ខុវិស័យដឹកនាំយ៉ាងច្បាស់លាស់ ដោយបានដាក់បញ្ចូលការងារសកម្មភាពមីនក្នុងគោលដៅទី១៨ នៃការអភិវឌ្ឍប្រកបដោយចីរភាព និងគោលនយោបាយសំខាន់ៗសម្រាប់អភិវឌ្ឍន៍ជាតិ។ឯកឧត្តមទេសរដ្ឋមន្រ្តី លី ធុជ បានថ្លែងអំណរគុណដល់លោកស្រី Pauline Tamesis ដែលបានផ្តល់នូវភាពជាមិត្ត ជាដៃគូរ និងកិច្ចសហប្រតិបត្តិការយ៉ាងល្អជាមួយរាជរដ្ឋាភិបាល និងប្រជាជនកម្ពុជា ព្រមទាំងបានគាំទ្រដល់កិច្ចដំណើរការថែរក្សាសន្តិភាព ក៏ដូចជាការងារបោសសម្អាតមីន ក្នុងអាណត្តិបេសកកម្មរបស់លោកស្រី។ឯកឧត្តម លី ធុជ បានបន្តទៀតថា ចាប់តាំងពីផ្តើមដំណើរបេសកកម្មរបស់លោកស្រីអ្នកសម្របសម្រួល UN ប្រចាំនៅកម្ពុជា ឆ្នាំ២០១៨ លោកស្រី បានចូលរួមគាំទ្រដល់ការរៀបចំសន្និបាតជាតិសកម្មភាពមីន និងចូលរួមដល់ការរៀបចំ និងកសាងនូវផែនការយុទ្ធសាស្ត្រជាតិសកម្មភាពមីន ២០១៨-២០២៥៕

រដ្ឋមន្រ្តីពាណិជ្ជកម្ម ជំរុញការអនុវត្តការពារអ្នកប្រើប្រាស់កិច្ចការប្រកួតប្រជែង និងបង្ក្រាបការក្លែងបន្លំ

ភ្នំពេញ៖ ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម បានណែនាំការងារសំខាន់ៗ ដែលជាការងារអាទិភាពមួយចំនួន ដល់មន្រ្តីមន្ទីរពាណិជ្ជកម្ម និងមន្ត្រីសាខាការពារអ្នកប្រើប្រាស់ កិច្ចការប្រកួតប្រជែង និងបង្រ្កាបការក្លែងបន្លំ (ក.ប.ប.) ខេត្តរតនគីរីទាំងអស់ ត្រូវបន្តបដិបត្តិឱ្យបានខ្ជាប់ខ្ជួន ដើម្បីឱ្យការងារមានប្រសិទ្ធិភាពខ្ពស់ និងលទ្ធផលកាន់តែល្អប្រសើ។ក្នុងពិធីជួបសំណេះសំណាលជាមួយមន្ត្រីរាជការមន្ទីរពាណិជ្ជកម្ម និងសាខា ក.ប.ប ខេត្តរតនគីរី កាលពីសប្តាហ៍កន្លងទៅ នៅខេត្តរតនគីរី ឯកឧត្តមរដ្ឋមន្ត្រី ប៉ាន សូរស័ក្តិ បានជំរុញមន្ត្រីទាំងអស់ត្រូវបន្តខិតខំពង្រីកចំណេះដឹងខ្លួនបន្ថែមទៀត ទាំងកម្រិតជំនាញ និងភាសាបរទេស តាមរយៈការសិក្សាបន្ថែម ការស្រាវជ្រាវ និងដកស្រង់នូវបទពិសោធន៍ពីមន្ត្រីដែលមានសមត្ថភាព និងជាពិសេសរួមសហការគ្នាចុះត្រួតពិនិត្យទំនិញដែលខូចគុណភាព នៅលើទីផ្សារឱ្យកាន់តែស្វាហាប់ ដើម្បីការពារសុខភាពរបស់ប្រជាពលរដ្ឋ ក៏ដូចជាការពារសុខភាពបងប្អូន កូនចៅរបស់ខ្លួនឯងដែរ។ មន្រ្តីទាំងអស់ត្រូវបន្តធ្វើសហប្រតិបត្តិការឱ្យកាន់តែជិតស្និទ្ធជាមួយអាជ្ញាធរមូលដ្ឋាន ដើម្បីចូលរួមផ្សព្វផ្សាយឱ្យបានទូលំទូលាយនូវកម្មវិធីកែទម្រង់ស៊ីជម្រៅរបស់រាជរដ្ឋាភិបាល ជាពិសេសកំណែទម្រង់ស៊ីជម្រៅរបស់ក្រសួងពាណិជ្ជកម្ម ក្នុងការដាក់ចេញគោលនយោបាយពាណិជ្ជកម្ម សំដៅជួយសម្រួលពាណិជ្ជកម្ម ក្នុងការនាំចេញ និងសម្រួលដល់ការផ្តល់សេវាសាធារណៈជូនប្រជាពលរដ្ឋ។ បន្ថែមពីលើនេះ រដ្ឋមន្ត្រីក្រសួងពាណិជ្ជកម្ម ណែនាំមន្ត្រ ត្រូវបញ្ចៀសដាច់ខាតការទាមទារកម្រៃសេវាក្រៅផ្លូវការពីអាជីករ ពាណិជ្ជករ ផលិតករ អ្នកនាំចេញ និងសេវាផេ្សងៗ និងត្រូវបន្តជំរុញពង្រឹងបន្ថែមយន្តការតាមដាន និងត្រួតពិនិត្យការគ្រប់គ្រងអាជីវកម្ម សេវាកម្ម ពាណិជ្ជកម្ម ថ្លៃទំនិញ និងសន្និធិទំនិញចាំបាច់ ស្រូវ-អង្ករ ប្រេងឥន្ធនៈ និងការធ្វើពាណិជ្ជកម្មទំនិញនៅតាមព្រំដែន ដោយប្រើប្រាស់ប្រព័ន្ធបច្ចេកវិទ្យាព័ត៌មាន និងជំរុញយន្តការដោះស្រាយបញ្ហាដល់កសិករ ផលិតករ ដោយផ្តោតលើផលិតផលសក្តានុពលចំនួន ៥មុខ មាន់ស្រែ បន្លែ ដំឡូង ស្រូវប្រណិត និងសូត្រ។ឯកឧត្តម រដ្ឋមន្ត្រី បានលើកឡើងទៀតថា រដ្ឋាភិបាលកម្ពុជា បាននិងកំពុងជំរុញការនាំចេញ និងបើកច្រកទីផ្សារបន្ថែមទៀត ទាំងទីផ្សារក្នុងស្រុក តំបន់ និងទីផ្សារអន្តរជាតិផ្សេងៗទៀត ក្រោមប្រព័ន្ធអនុគ្រោះពន្ធដែលកម្ពុជាសម្រេចបាន នាពេលថ្មីៗនេះ រួមមាន៖ កិច្ចព្រមព្រៀងពាណិជ្ជកម្មសេរីទ្វេភាគីកម្ពុជា-ចិន កិច្ចព្រមព្រៀងពាណិជ្ជកម្មសេរីទ្វេភាគីកម្ពុជា-កូរ៉េ និង ភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) ជាដើម៕ អត្ថបទ៖ ឈិត បូរ៉ាវី

គ.ជ.ប បើកសវនាការលើបណ្តឹងរបស់បក្សនយោបាយចំនួនពីរពាក់ព័ន្ធការតវ៉ាលើបញ្ជីបេក្ខជន

ភ្នំពេញ៖ គណៈកម្មាធិការជាតិរៀបចំការបោះឆ្នោត ហៅកាត់ គ.ជ.ប នៅថ្ងៃទី២៨ ខែមីនានេះ បានបើកសវនាការជំនុំជម្រះលើបណ្តឹងរបស់គណបក្សភ្លើងទៀន និងគណបក្សសំបុកឃ្មុំសង្គមប្រជាធិបតេយ្យ ពាក់ព័ន្ធសេចក្តីសម្រេចរបស់គណៈកម្មការរៀបចំការបោះឆ្នោតចំពោះការចុះឈ្មោះបញ្ជីបេក្ខជន និងការប្តឹងតវ៉ាស្នើលុបឈ្មោះចេញពីបញ្ជីគណបក្សនយោបាយ។ឯកឧត្តម នុត សុខុម អនុប្រធានគណៈកម្មាធិការជាតិរៀបចំការបោះឆ្នោត ហៅកាត់ គ.ជ.ប និងជាប្រធានក្រុមប្រឹក្សាជំនុំជម្រះ នៅថ្ងៃទី២៨ ខែមីនា ឆ្នាំ២០២២ បានបើកសវនាការជំនុំជម្រះជាសាធារណៈលើបណ្តឹងរបស់គណបក្សភ្លើងទៀន ជុំវិញការប្តឹងតវ៉ានឹងសេចក្តីសម្រេចរបស់គណ:កម្មការរៀបចំការបោះឆ្នោតខេត្តពោធិ៍សាត់ ខណៈមានដើមបណ្តឹងជាប្រជាពលរដ្ឋប្តឹងតវ៉ាមក គ.ជ.ប ដើម្បីស្នើលុបឈ្មោះបេក្ខជនរបស់ខ្លួនចេញពីបញ្ជីគណបក្សសំបុកឃ្មុំសង្គមប្រជាធិបតេយ្យ សង្កាត់វាលវង់ ខណ្ឌ៧មករា រាជធានីភ្នំពេញ។ក្នុងសវនាការជំនុំជម្រះលើបណ្តឹងតវ៉ារបស់គណបក្សភ្លើងទៀន ក្រុមប្រឹក្សាជំនុំជម្រះ បានសួរដេញដោលទៅនឹងសមាសភាព និងការយល់ព្រមឈរឈ្មោះជាបេក្ខជន ខណៈសវនការនេះ មានតែមេធាវីតំណាង តែអវត្តមានរបស់ដើមបណ្តឹង។ ដោយឡែក ចំពោះសវនាការប្តឹងតវ៉ាលុបឈ្មោះចេញពីបញ្ជីបេក្ខជនរបស់គណបក្សសំបុកឃ្មុំសង្គមប្រជាធិបតេយ្យ ត្រូវបានក្រុមប្រឹក្សាជំនុំជម្រះសាកសួរអំពីមូលហេតុការលុបឈ្មោះចេញពីបញ្ជី ដោយដើមបណ្តឹងអះអាងថា ពួកគាត់មិនបានស្ម័គ្រចិត្តយល់ព្រមឈរឈ្មោះជាបេក្ខជនរបស់គណបក្សសំបុកឃ្មុំសង្គមប្រជាធិបតេយ្យឡើយ តែបែរជាគណបក្សនេះ ស្នើសុំឯកសារ ហើយប្រាប់ថា ដើម្បីឈរឈ្មោះជាមន្រ្តី គ.ជ.ប និងទទួលអំណោយពីសប្បុរសជន។ចំពោះសវនាការទាំងពីរខាងលើនេះ ក្រុមប្រឹក្សាជំនុំជម្រះ នឹងប្រកាសសេចក្តីសម្រេច នៅរសៀលថ្ងៃនេះ។ការរៀចចំបញ្ជីចុះឈ្មោះបេក្ខជនរបស់គណបក្សនយោបាយធ្វើឡើង ដើម្បីឈានទៅរកការប្រកាសអំពីសុពលភាពរបស់បញ្ជីបេក្ខជនផ្លូវការ នាថ្ងៃទី២៤ ខែមេសា ខាងមុខ ខណៈការបោះឆ្នោតជ្រើសរើសក្រុមប្រឹក្សាឃុំ-សង្កាត់ នឹងប្រព្រឹត្តទៅ នាថ្ងៃទី៥ ខែមិថុនា ឆ្នាំ២០២២៕ អត្ថបទ៖ ឧត្តម

អាជីវកម្មសណ្ឋាគារនិងភោជនីយដ្ឋានជាង ៧០% បើកឡើងវិញ តែមិនដំឡើងថ្លៃ តាមតម្លៃបេ្រងសាំង

ភ្នំពេញ៖ ប្រធានសហព័ន្ធទេសចរណ៍កម្ពុជា អះអាងថា អាជីវកម្មទេសចរណ៍មានដូចគ្នាសណ្ឋាគារ ភោជនីយដ្ឋានជាដើម រៀបចំបើកឡើងវិញច្រើន ហើយមិនមានការដំឡើងថ្លៃទៅតាមតំលៃប្រេងសាំងនោះទេ បើទោះណាថ្ងៃបុណ្យចូលឆ្នាំថ្មីប្រពៃណីជាតិជិតឈានក៏ដោយ។លោក លូ ម៉េង ប្រធានសហព័ន្ធទេសចរណ៍កម្ពុជា បានថ្លែងប្រាប់BTV នៅថ្ងៃទី២៨ ខែមីនានេះថា បន្ទាប់ពីរបាំងតេស្តកូវីដត្រូវបានលប់ចោលនៅតាមច្រកទ្វារព្រំដែន សំគាល់ឃើញថា ភ្ញៀវទេសចរអន្តរជាតិមកកម្ពុជា ចាប់ផ្តើមមានកំណើន ជាពិសេសនោះ គឺមានអ្នកវិនិយោគទុនជាជនបរទេស បានទំនាក់ទំនងជាមួយយើង ដើម្បីបង្កើតដៃគូអាជីវកម្មទេសចរណ៍ឡើងវិញជាពិសេសអាជីវកម្មរៀបចំកញ្ចប់ទេសចរណ៍ សណ្ឋាគារ និងការបើកភោជនីយដ្ឋាន ជាដើម។លោក បន្តថា សម្រាប់អាជីវកម្មសណ្ឋាគារ និងភោជនីយដ្ឋាននៅក្នុងអំឡុងពេលនេះ ក្រៅពីមានទទួលភ្ញៀវទេសចរក្នុងស្រុក យើងសំគាល់ឃើញថា ក៏មានភ្ញៀវជាជនបរទេសចូលមកទទួលសេវាស្នាក់នៅដើម្បីធ្វើការងារ ដើរកម្សាន្ត និង ចូលហាងទទួលទានអាហារច្រើន ខណៈបណ្តាអាជីវកម្មទេសចរណ៍មិនដំឡើងថ្លៃ ទៅតាមតំលៃប្រេងសាំង និងហ្គាស៍ទោះទេ ហើយយើងរំពឹងថា ប្រេងសាំងហ្គាស៍នឹងចុះវិញឆាប់ៗនេះ។លោក លូ ម៉េង រំពឹងថា តំលៃប្រេងសាំង និងហ្គាស៍ នឹងអាចចុះវិញឆាប់ៗ ហើយនៅថ្ងៃបុណ្យចូលឆ្នាំថ្មីនេះ នឹងមានមនុស្សចេញដើរកម្សាន្តច្រើន ដែលជាកត្តាជម្រុញអោយអាជីវកម្មក្នុងវិស័យទេសចរណ៍មានទឹកចិត្តចាប់អារម្មរណ៍ការបើកឡើងវិញកាន់តែច្រើនថែមទៀត។លោក គឹម សេរីរដ្ឋ ប្រធាននាយកដ្ឋានសេវាស្នាក់នៅទេសចរណ៍ និងម្ហូបអាហារ នៃក្រសួងទេសចរណ៍ បានថ្លែងថា ក្នុងចំណោមអាជីកម្មក្នុងវិស័យទេសចរណ៍ មានដូចជា សណ្ឋាគារ និងភោជនីយដ្ឋានដែលបានបិទទ្វារ និង ព្យួរអាជីវកម្មនាពេលកន្លងមក មកដល់ពេលនេះ គឺមានប្រមាណ៧០% បានប្រកាសបើកអាជីវកម្មឡើងវិញធម្មតា ហើយខ្លះទៀត បានកំពុងរៀបចំបើកសាខាអាជីវកម្ម អោយទាន់ថ្ងៃបុណ្យចូលឆ្នាំថ្មីឈានមកដល់ខាងមុខនេះ ហើយនៅសល់អាជីវកម្មប្រមាណជិត៣០% បានកំពុងបន្តបិទទ្វារ។តាមរបាយការណ៍ក្រសួងទេសចរណ៍ចេញផ្សាយនៅថ្ងៃនេះដែរ ចំនួនទេសចរជាតិអន្តរជាតិចេញដើរកម្សាន្ត នៅថ្ងៃចុងសប្តាហ៍ថ្ងៃទី២៦ ដល់ថ្ងៃទី២៧ ខែមីនា គឺមានប្រមាណជាង ២០ម៉ឺននាក់ក្នុងភ្ញៀវបរទេសមានប្រមាណជាង១២៥០០នាក់ ហើយគោលដៅដែលនៅតែបន្តរក្សាកំណើនក្នុងទទួលភ្ញៀវទៅទស្សនាច្រើន ភាគច្រើនគោលដៅទេសចរណ៍តាមតំបន់ឆ្នេរ រាជធានីភ្នំពេញ ខេត្តសៀមរាប និងខេត្តបាត់ដំបង ពោធិ៍សាត់ជាដើម៕ អត្ថបទស៊ុម សុខជា

ឧបនាយករដ្ឋមន្រ្តី ប្រាក់ សុខុន ជួបពិភាក្សាការងារជាមួយអង្គការអន្តរជាតិហ្វ្រង់កូហ្វូនី (OIF)

ភ្នំពេញ៖ ឯកឧត្តម ឧបនាយករដ្ឋមន្រ្តី ប្រាក់ សុខុន រដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិ នៅថ្ងៃទី២៨ខែមីនានេះ មានជំនួបផ្លូវការមួយ ជាមួយលោកជំទាវ ល្វីស មូស៊ីគីវ៉ាបូ (Louise Mushikiwabo) អគ្គលេខាធិការនៃអង្គការអន្តរជាតិហ្វ្រង់កូហ្វូនី (OIF) ក្នុងឱកាសដែលលោកជំទាវអញ្ជើញមកបំពេញទស្សនកិច្ចផ្លូវការនៅព្រះរាជាណាចក្រកម្ពុជា និងដឹកនាំបេសកកម្មសេដ្ឋកិច្ច និងពាណិជ្ជកម្មហ្វ្រង់កូហ្វូនី លើកដំបូងនៅអាស៊ីអាគ្នេយ៍ (MECA)។ កិច្ចជំនូបនេះ ធ្វើឡើងនៅទីស្តីការក្រសួងការបរទេស និងសហប្រតិបត្តិការអន្តរជាតិ។

ក្រសួងអប់រំ បើកកិច្ចប្រជុំបីថ្ងៃ ពិភាក្សាលើការងារ សហគមន៍សង្គម-វប្បធម៌អាស៊ាន

ភ្នំពេញ៖ ក្រសួងអប់រំ យុវជន និងកីឡា ជាតំណាងជាតិកម្ពុជា ផ្នែកសសរស្ដម្ភ សហគមន៍សង្គម-វប្បធម៌អាស៊ាន ដែលកម្ពុជាជាម្ចាស់ផ្ទះកិច្ចប្រជុំកំពូលអាស៊ាន បើកកិច្ចប្រជុំរយៈពេលបីថ្ងៃ ពិភាក្សាលើការងារ នៃសសរស្ដម្ភ សហគមន៍សង្គម-វប្បធម៌អាស៊ាន។កិច្ចប្រជុំកំពូលអាស៊ាន គឺមានសសរស្ដម្ភសំខាន់ចំនួន ៣ ក្នុងនោះរួមមាន សសរស្ដម្ភសហគមន៍នយោបាយ-សន្តិសុខ សសរស្ដម្ភសហគមន៍សេដ្ឋកិច និងសសរស្ដម្ភ សហគមន៍សង្គម-វប្បធម៌អាស៊ាន។ សម្រាប់សសរស្ដម្ភ សង្គម-វប្បធម៌អាស៊ាន គឺក្រសួងអប់រំ យុវជន និងកីឡា ជាតំណាងជាតិកម្ពុជាក្នុងការរៀបចំកិច្ចប្រជុំ។យោងតាមឯកឧត្តម ឌី ខាំបូលី ជាឧត្តមមន្រ្តីសហគមន៍សង្គម-វប្បធម៌អាស៊ាន សសរស្ដម្ភសហគមន៍សង្គម-វប្បធម៌អាស៊ាននេះ គឺកម្ពុជា បានសម្រេចកំណត់យកចំណុចអាទិភាពចំនួន ៤។ ក្រសួងអប់រំ យុវជន និងកីឡា បានរៀបចំកិច្ចប្រជុំលើពិភាក្សាលើសរស្ដម្ភសហគមន៍សង្គម-វប្បធម៌អាស៊ាន ចំនួន បីថ្ងៃ ចាប់ពីថ្ងៃទី ២៨ដល់ថ្ងៃទី ៣០ ខែមីនា។ ថ្ងៃចាប់ផ្ដើមដំបូងជាកិច្ចប្រជុំនៃក្រុមការងារអាស៊ានសម្រាប់ការអនុវត្តសេចក្ដីថ្លែងការណ៍ស្ដីពីវប្បធម៌នៃការបង្ការសម្រាប់សង្គមមួយប្រកបដោយសន្តិភាព បរិយាបន្ន ភាពជាសះស្បើយ សុខភាព និងសុខដុមនីយកម្ម រីឯកិច្ចប្រជុំទី២ ជាកិច្ចប្រជុំឧត្តមមន្រ្តីសហគមន៍សង្គម-វប្បធម៌អាស៊ានលើកទី ៣២ និងកិច្ចប្រជុំចុងក្រោយនៅថ្ងៃទី៣០ខែមីនា ជាកិច្ចប្រជុំក្រុមប្រឹក្សាសហគមន៍សង្គម-វប្បធម៌អាស៊ានលើកទី ២៧ ដែលដឹកនាំដោយ ឯកឧត្តម ហង់ ជួនណារ៉ុន រដ្ឋមន្រ្តីក្រសួងអប់រំ យុវជន និងកីឡា។ ក្នុងនាមជាប្រធានប្រធានក្រុមប្រឹក្សាសហគមន៍សង្គម-វប្បធម៌អាស៊ាន ឯកឧត្តម ហង់ ជួនណារ៉ុន នឹងជម្រាបជូនអង្គប្រជុំ ពីសមិទ្ធផលសំខាន់ៗ អាទិភាព ឯកសារលទ្ធផល និងព្រឹត្តិការណ៍អម ដែលនឹងត្រូវសម្រេចបានក្នុងឆ្នាំ ២០២២ ក្រោមមូលបទ “អាស៊ានរួមគ្នាធ្វើ៖ ដោះស្រាយបញ្ហាប្រឈមទាំងអស់គ្នា”៕ អត្ថបទ៖ គឹមហុក

សម្តេចតេជោ ហ៊ុន សែន ហួសចិត្តនឹងការផ្សព្វផ្សាយថា«ការចាក់វ៉ាក់សាំងកូវីដ-១៩ នឹងនាំឱ្យមានជំងឺមហារីកនៅពេលក្រោយ»

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីបានប្រកាសដោយសម្តែងការហួសចិត្តចំពោះការផ្សព្វផ្សាយដ៏អកុសលថា «ការចាក់វ៉ាក់សាំងកូវីដ-១៩ នឹងនាំឱ្យមានជំងឺមហារីកនៅពេលក្រោយ»។ថ្លែងក្នុងពិធីម្ពោធដាក់ឱ្យប្រើប្រាស់ជាផ្លូវការ អគារជំងឺត្រចៀក ច្រមុះ បំពង់ក មិត្តភាពកម្ពុជា-កូរ៉េ (មន្ទីរពេទ្យព្រះអង្គឌួង) រាជធានីភ្នំពេញ ក្រោមជំនួយឥតសំណងពីរដ្ឋាភិបាល នៃសាធារណរដ្ឋកូរ៉េ(កូរ៉េខាងត្បូង)នៅព្រឹកថ្ងៃទី២៨ ខែមីនានេះ សម្តេចតេជោ ហ៊ុន សែន បានចាត់ទុកការផ្សព្វផ្សាយទាំងនោះ គឺជារឿងដែលមិនអាចទទួលយកបាន ខណៈដែលប្រទេសជាច្រើនលើពិភពលោកកំពុងតែចាក់ និងដំណើរការចាក់វ៉ាក់សាំងកូវីដ-១៩នេះជាបន្តបន្ទាប់ និងយ៉ាងសស្រាក់សស្រាំ ហើយថែមទាំងមានចំនួនច្រើនទៀតផង ដូចជា ប្រទេសចិន អាមេរិក ឥណ្ឌា កូរ៉េខាងត្បូង..។ល។ពាក់ព័ន្ធនឹងបញ្ហានេះ លោកជំទាវ ឱ វណ្ណឌីន ប្រធានគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេសក៏ធ្លាប់បានប្រកាសច្រានចោលផងដែរ ហើយលោកជំទាវ ក៏បានក្រើនរំលឹកដល់ប្រជាពលរដ្ឋ ដែលដល់វេនត្រូវចាក់ដូសទី២ ឫដូសទី៣ និងដូសទី៤ ត្រូវរួសរាន់មកចាក់នៅតាមទីតាំងមូលដ្ឋានសុខាភិបាលរបស់ខ្លួន ដែលនៅជិតផ្ទះ ដើម្បីបង្កើននូវកងការពារជំងឺកូវីដ-១៩។ ទន្ទឹមនឹងនោះ លោកជំទាវក៏បានអំពាវនាវដល់អ្នកដែលមានជំងឺប្រចាំកាយ ដូចជា អេសដ៍ ឬជំងឺផ្សេងៗទៀត ត្រូវតែចាក់វ៉ាក់សាំងបង្ការជំងឺកូវីដ-១៩ ជាចាំបាច់ ដើម្បីការពារខ្លួនផងដែរ៕

សម្តេចតេជោ ហ៊ុន សែន ៖ គ្មានជនណា អាចបង្ហាញជំហរជាលក្ខណៈអន្តរជាតិជំនួសកម្ពុជាបានឡើយ

ភ្នំពេញ៖ សម្តេចតេជោ ហ៊ុន សែន ប្រកាសថា មិនមានជនណា អាចបង្ហាញជំហរជាលក្ខណៈអន្តរជាតិជំនួសកម្ពុជាបានឡើយ។ថ្លែងក្នុងពិធីម្ពោធដាក់ឱ្យប្រើប្រាស់ជាផ្លូវការ អគារជំងឺត្រចៀក ច្រមុះ បំពង់ក មិត្តភាពកម្ពុជា-កូរ៉េ (មន្ទីរពេទ្យព្រះអង្គឌួង) រាជធានីភ្នំពេញ ក្រោមជំនួយឥតសំណងពីរដ្ឋាភិបាល នៃសាធារណរដ្ឋកូរ៉េ(កូរ៉េខាងត្បូង)នៅព្រឹកថ្ងៃទី២៨ ខែមីនានេះ សម្តេចតេជោ ហ៊ុន សែន បន្តថា ជំហររបស់កម្ពុជា គឺតំណាងអចិន្ត្រៃយ៍កម្ពុជា ប្រចាំអង្គការសហប្រជាជាតិ ដែលមានចង្អុលបង្ហាញពីរាជរដ្ឋាភិបាលកម្ពុជា ត្រឹមត្រូវ និងច្បាស់លាស់។ សម្តេចបញ្ជាក់ថា អ្នកវិភាគ អ្នកអត្ថាធិប្បាយ តាមប្រព័ន្ធផ្សព្វផ្សាយនានា គឺជាទស្សនៈផ្ទាល់ខ្លួនគេ មិនមែនជាជំហររបស់កម្ពុជាឡើយ៕

បណ្ដាញសង្គម

ព័ត៌មានថ្មីៗ

សម្តេចម៉ែ ប្រោសព្រះរាជទានព្រះរាជូបត្ថម្ភចំនួន ២០ ០០០ដុល្លារដល់ CMAC ដើម្បីឧបត្ថម្ភដល់មន្ត្រីបោសសម្អាតមីននៅតាមបណ្តោយព្រំដែន

កម្ពុជា អាហ្រ្វិកខាងត្បូង ពង្រីកទំហំពាណិជ្ជកម្មទ្វេភាគី កាន់តែល្អប្រសើរ

មេដឹកនាំអឺរ៉ុប ជជែកតាមទូរសព្ទជាមួយលោក Trump បន្ទាប់ពីមានកិច្ចប្រជុំកំពូល ស្តីពីសន្តិសុខអ៊ុយក្រែន

រុស្ស៊ីបណ្តេញអ្នកការទូតអេស្តូនី ជាវិធានការសងសឹកវិញ

អ៊ីរ៉ង់ទម្លាក់កម្រិតទំនាក់ទំនងការទូតជាមួយអូស្ត្រាលី ក្រោយមានជម្លោះ ជុំវិញការវាយប្រហារដោយដុត

[UPDATE] លោក ថាក់ស៊ីន ទៅពិនិត្យសុខភាព នៅសិង្ហបុរី ខណៈសន្យាវិលទៅស្ដាប់សាលក្រមវិញ ក្នុងរយៈពេល ២ថ្ងៃ

ប្រមុខអង្គការណាតូ៖ មិនមែនរុស្ស៊ីជាអ្នកសម្រេចទេ ជុំវិញថា តើលោកខាងលិចអាចដាក់ពង្រាយទ័ព នៅអ៊ុយក្រែន ឬអត់

មេដឹកនាំចិន និងកូរ៉េខាងជើង ប្រារព្ធកិច្ចពិភាក្សា នៅទីក្រុងប៉េកាំង

BREAKING NEWS ៖ លោក ថាក់ស៊ីន ទៅពិនិត្យសុខភាព នៅសិង្ហបុរី ខណៈសន្យាវិលត្រលប់វិញក្នុងរយៈពេល ២ថ្ងៃ

គម្រោង «ពង្រឹងបច្ចេកវិទ្យា និងធនធាន សម្រាប់ស្រ្តីជនជាតិដើមភាគតិច ក្នុងវិស័យកសិកម្ម (STRIVE Project)» សម្ពោធក្រោមការចូលរួមពីដៃគូអន្តរជាតិ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

កម្ពុជាលើកកម្ពស់លក្ខខណ្ឌការងារ ការគោរពសិទ្ធ និងសេរីភាពអង្គការវិជ្ជាជីវៈ

កាកបាទក្រហមកម្ពុជា ទទួលថវិកាពីសប្បុរជន៤ក្រុមផ្សេងគ្នាទៀត សម្រាប់ទិវា៨ឧសភា

ទេសរដ្ឋមន្រ្តី លី ធុជ អនុញ្ញាតអ្នកសម្របសម្រួល UN ប្រចាំនៅកម្ពុជា ចូលជួបសម្ដែងការគួរសម និងជម្រាបលា

គ.ជ.ប បើកសវនាការលើបណ្តឹងរបស់បក្សនយោបាយចំនួនពីរពាក់ព័ន្ធការតវ៉ាលើបញ្ជីបេក្ខជន

អាជីវកម្មសណ្ឋាគារនិងភោជនីយដ្ឋានជាង ៧០% បើកឡើងវិញ តែមិនដំឡើងថ្លៃ តាមតម្លៃបេ្រងសាំង

ឧបនាយករដ្ឋមន្រ្តី ប្រាក់ សុខុន ជួបពិភាក្សាការងារជាមួយអង្គការអន្តរជាតិហ្វ្រង់កូហ្វូនី (OIF)

ក្រសួងអប់រំ បើកកិច្ចប្រជុំបីថ្ងៃ ពិភាក្សាលើការងារ សហគមន៍សង្គម-វប្បធម៌អាស៊ាន

សម្តេចតេជោ ហ៊ុន សែន ៖ គ្មានជនណា អាចបង្ហាញជំហរជាលក្ខណៈអន្តរជាតិជំនួសកម្ពុជាបានឡើយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

កម្ពុជាលើកកម្ពស់លក្ខខណ្ឌការងារ ការគោរពសិទ្ធ និងសេរីភាពអង្គការវិជ្ជាជីវៈ

កាកបាទក្រហមកម្ពុជា ទទួលថវិកាពីសប្បុរជន៤ក្រុមផ្សេងគ្នាទៀត សម្រាប់ទិវា៨ឧសភា

គ.ជ.ប បើកសវនាការលើបណ្តឹងរបស់បក្សនយោបាយចំនួនពីរពាក់ព័ន្ធការតវ៉ាលើបញ្ជីបេក្ខជន

អាជីវកម្មសណ្ឋាគារនិងភោជនីយដ្ឋានជាង ៧០% បើកឡើងវិញ តែមិនដំឡើងថ្លៃ តាមតម្លៃបេ្រងសាំង

ឧបនាយករដ្ឋមន្រ្តី ប្រាក់ សុខុន ជួប​ពិភាក្សា​ការងារ​ជាមួយ​អង្គការអន្តរជាតិហ្វ្រង់កូហ្វូនី (OIF)

ក្រសួងអប់រំ បើកកិច្ចប្រជុំបីថ្ងៃ ពិភាក្សាលើការងារ សហគមន៍សង្គម-វប្បធម៌អាស៊ាន

សម្តេចតេជោ ហ៊ុន សែន ៖ គ្មានជនណា អាចបង្ហាញជំហរជាលក្ខណៈអន្តរជាតិជំនួសកម្ពុជាបានឡើយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ឧបនាយករដ្ឋមន្រ្តី ប្រាក់ សុខុន ជួបពិភាក្សាការងារជាមួយអង្គការអន្តរជាតិហ្វ្រង់កូហ្វូនី (OIF)