នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ប្រជាពលរដ្ឋត្រេកអរនឹងសមិទ្ធផលអាកាសយានដ្ឋានថ្មីដែលត្រៀមបើកដំណើរការ
ពុទ្ធបដិមាធ្វើអំពីស្ពាន់ទម្ងន់៩តោន ត្រៀមធ្វើពុទ្ធាភិសេកនៅរសៀលថ្ងៃនេះ
សម្ដេចធិបតីបញ្ជាក់ជាថ្មីទៅប្រធានអាស៊ានប្តូរវេនចំពោះការប្ដេជ្ញាចិត្តរបស់កម្ពុជាលើការដោះស្រាយបញ្ហាជម្លោះព្រំដែនទាំងអស់ជាមួយប្រទេសជិតខាងដោយសន្តិភាព និងច្បាប់អន្តរជាតិ
គណៈកម្មាធិការអន្តរក្រសួងចុះពិនិត្យ និងវាយតម្លៃការស្ថាបនាផ្លូវក្រួសក្រហម១ខ្សែ ក្នុង​ស្រុកបាកាន ខេត្តពោធិ៍សាត់

នយោបាយ​ និង ការអភិវឌ្ឍន៍

សម្តេចតេជោ ហ៊ុន សែន ហួសចិត្តនឹងការផ្សព្វផ្សាយថា«ការចាក់វ៉ាក់សាំងកូវីដ-១៩ នឹងនាំឱ្យមានជំងឺមហារីកនៅពេលក្រោយ»

2022/03/28 10:00:14 am        433
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីបានប្រកាសដោយសម្តែងការហួសចិត្តចំពោះការផ្សព្វផ្សាយដ៏អកុសលថា «ការចាក់វ៉ាក់សាំងកូវីដ-១៩ នឹងនាំឱ្យមានជំងឺមហារីកនៅពេលក្រោយ»។ថ្លែងក្នុងពិធីម្ពោធដាក់ឱ្យប្រើប្រាស់ជាផ្លូវការ អគារជំងឺត្រចៀក ច្រមុះ បំពង់ក មិត្តភាពកម្ពុជា-កូរ៉េ (មន្ទីរពេទ្យព្រះអង្គឌួង) រាជធានីភ្នំពេញ ក្រោមជំនួយឥតសំណងពីរដ្ឋាភិបាល នៃសាធារណរដ្ឋកូរ៉េ(កូរ៉េខាងត្បូង)នៅព្រឹកថ្ងៃទី២៨ ខែមីនានេះ សម្តេចតេជោ ហ៊ុន សែន បានចាត់ទុកការផ្សព្វផ្សាយទាំងនោះ គឺជារឿងដែលមិនអាចទទួលយកបាន ខណៈដែលប្រទេសជាច្រើនលើពិភពលោកកំពុងតែចាក់ និងដំណើរការចាក់វ៉ាក់សាំងកូវីដ-១៩នេះជាបន្តបន្ទាប់ និងយ៉ាងសស្រាក់សស្រាំ ហើយថែមទាំងមានចំនួនច្រើនទៀតផង ដូចជា ប្រទេសចិន អាមេរិក ឥណ្ឌា កូរ៉េខាងត្បូង..។ល។ពាក់ព័ន្ធនឹងបញ្ហានេះ លោកជំទាវ ឱ វណ្ណឌីន ប្រធានគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេសក៏ធ្លាប់បានប្រកាសច្រានចោលផងដែរ ហើយលោកជំទាវ ក៏បានក្រើនរំលឹកដល់ប្រជាពលរដ្ឋ ដែលដល់វេនត្រូវចាក់ដូសទី២ ឫដូសទី៣ និងដូសទី៤ ត្រូវរួសរាន់មកចាក់នៅតាមទីតាំងមូលដ្ឋានសុខាភិបាលរបស់ខ្លួន ដែលនៅជិតផ្ទះ ដើម្បីបង្កើននូវកងការពារជំងឺកូវីដ-១៩។ ទន្ទឹមនឹងនោះ លោកជំទាវក៏បានអំពាវនាវដល់អ្នកដែលមានជំងឺប្រចាំកាយ ដូចជា អេសដ៍ ឬជំងឺផ្សេងៗទៀត ត្រូវតែចាក់វ៉ាក់សាំងបង្ការជំងឺកូវីដ-១៩ ជាចាំបាច់ ដើម្បីការពារខ្លួនផងដែរ៕

សម្តេចតេជោ ហ៊ុន សែន ៖ គ្មានជនណា អាចបង្ហាញជំហរជាលក្ខណៈអន្តរជាតិជំនួសកម្ពុជាបានឡើយ

2022/03/28 09:46:11 am        775
Facebook Telegram Linkin
ភ្នំពេញ៖ សម្តេចតេជោ ហ៊ុន សែន ប្រកាសថា មិនមានជនណា អាចបង្ហាញជំហរជាលក្ខណៈអន្តរជាតិជំនួសកម្ពុជាបានឡើយ។ថ្លែងក្នុងពិធីម្ពោធដាក់ឱ្យប្រើប្រាស់ជាផ្លូវការ អគារជំងឺត្រចៀក ច្រមុះ បំពង់ក មិត្តភាពកម្ពុជា-កូរ៉េ (មន្ទីរពេទ្យព្រះអង្គឌួង) រាជធានីភ្នំពេញ ក្រោមជំនួយឥតសំណងពីរដ្ឋាភិបាល នៃសាធារណរដ្ឋកូរ៉េ(កូរ៉េខាងត្បូង)នៅព្រឹកថ្ងៃទី២៨ ខែមីនានេះ សម្តេចតេជោ ហ៊ុន សែន បន្តថា ជំហររបស់កម្ពុជា គឺតំណាងអចិន្ត្រៃយ៍កម្ពុជា ប្រចាំអង្គការសហប្រជាជាតិ ដែលមានចង្អុលបង្ហាញពីរាជរដ្ឋាភិបាលកម្ពុជា ត្រឹមត្រូវ និងច្បាស់លាស់។ សម្តេចបញ្ជាក់ថា អ្នកវិភាគ អ្នកអត្ថាធិប្បាយ តាមប្រព័ន្ធផ្សព្វផ្សាយនានា គឺជាទស្សនៈផ្ទាល់ខ្លួនគេ មិនមែនជាជំហររបស់កម្ពុជាឡើយ៕

ប្រសាសន៍សំខាន់ៗសម្ដេចតេជោ ហ៊ុន​ សែន ក្នុងពិធីសម្ពោធដាក់ឲ្យប្រើប្រាស់ជាផ្លូវការអគារ​ជំងឺត្រចៀក ច្រមុះ បំពង់ក មិត្តភាពកម្ពុជា-កូរ៉េ (មន្ទីរពេទ្យព្រះអង្គឌួង)

2022/03/28 02:15:26 am        648
Facebook Telegram Linkin
ភ្នំពេញ៖ នៅព្រឹកថ្ងៃទី២៨ ខែមីនា ឆ្នាំ២០២២នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បាន​អញ្ជើញជា​អធិបតីភាព​ដ៏ខ្ពង់ខ្ពស់​ក្នុងពិធី​សំណេះសំណាល និងសម្ពោធដាក់ឱ្យប្រើប្រាស់ជាផ្លូវការ អគារជំងឺត្រចៀក ច្រមុះ បំពង់ក មិត្តភាពកម្ពុជា-កូរ៉េ (មន្ទីរពេទ្យព្រះអង្គឌួង) រាជធានីភ្នំពេញ ក្រោមជំនួយ​ឥតសំណង​ពីរដ្ឋាភិបាល នៃសាធារណរដ្ឋកូរ៉េ(កូរ៉េខាងត្បូង)។ដើម្បីទទួលបានព័ត៌មានថ្មីៗ រហ័ស សូមចុច Join Channel Telegram BTV News ខាងក្រោមនេះ ជាប្រសាសន៍សំខាន់ៗរបស់សម្ដេចតេជោ ហ៊ុន សែន​ នាយករដ្ឋមន្ត្រី៖- សម្តេចតេជោ ហ៊ុន សែន មានប្រសាសន៍ថា នៅឆ្នាំនេះ២០២២នេះ គឺជាខួបលើកទី២៥ នៃខួបទំនាក់ការទូតឡើងវិញរវាងកម្ពុជា-កូរ៉េ ដែលជាចំណងការទូតប្រកបដោយមោទនភាព និងវឌ្ឍនភាព។- សម្តេចតេជោ ហ៊ុន សែន នាយករដ្ឋមន្ត្រីបានបញ្ជាក់ថា ពេលនេះស្ថានភាពកម្ពុជាបានធូរស្រាល ដោយសារយើងអាចគ្រប់គ្រងជំងឺកូវីដ-១៩បាន ឱ្យស្ថិតនៅកម្រិតមួយ ហើយក៏ជាចូលរួមចំណែក​ដ៏ធំធេងមិនអាចបំភ្លេចបាន នូវវិរៈភាពរបស់ក្រុមគ្រូពេទ្យកម្ពុជាទាំងអស់ ដែលប្រឹងប្រែងអស់​កម្លាំងកាយចិត្ត​ដើម្បីប្រជាពលរដ្ឋកម្ពុជា។- សម្តេចតេជោ ហ៊ុន សែន បានបញ្ជាក់ថា កម្ពុជាបានប្រើប្រាស់វ៉ាក់សាំងកូវីដ-១៩ក្នុងកម្រិតខ្ពស់ ដែលធ្វើឱ្យសហគមន៍កម្ពុជាមានភាពស៊ាំប្រឆាំងកូវីដ-១៩ ទោះជាករណីឆ្លងកើតឡើង ក៏ដោយ ក៏មិនបណ្តាលឱ្យក្លាយជាករណីធ្ងន់ធ្ងរ ឬស្លាប់ឡើយ។- សម្តេចតេជោ ហ៊ុន សែន បានប្រកាសឡើងវិញថា ប្រជាពលរដ្ឋកម្ពុជា អាចកម្សាន្តសប្បាយ​រីករាយ​ក្នុងឱកាសបុណ្យចូលឆ្នាំថ្មី ប្រពៃណីជាតិ ឆ្នាំ២០២២នេះ យ៉ាងពិតប្រាកដ ព្រោះយើងមិន​មាន​ការព្រួយបារម្ភខ្លាំងដោយសារជំងឺកូវីដ-១៩ទៀតទេ តែយើងបារម្ភនោះ គឺបញ្ហាតម្លៃ​ប្រេងឥន្ធនៈ ដែលយើងមិនដឹងថា ដល់ពេលចូលឆ្នាំ តម្លៃសាំងឡើងដល់កម្រិតណានោះឡើយ។- សម្តេចតេជោ ហ៊ុន សែន នៅតែប្រកាសបន្តការសាងសង់មន្ទីរពេទ្យឯកទេស​សម្រាប់ព្យាបាលជំងឹកូវីដ-១៩ ដែលអាចដាក់អ្នកជំងឺកូវីដ-១៩បានចំនួន១ម៉ឺននាក់ សាងសង់ដោយរាជរដ្ឋាភិបាលកម្ពុជា។- សម្តេចបញ្ជាក់ថា ទោះពេលសាងសង់រួច ជំងឺកូវីដ-១៩បានធូរស្រាលយ៉ាងណាក៏ដោយ យើងក៏អាចនៅតែប្រែក្លាយមន្ទីរពេទ្យនោះទៅជាកន្លែងព្យាបាលជំងឺទូទៅតាមជាក់ស្តែង។- សម្តេចតេជោ ហ៊ុន សែន ប្រកាសថា ពេលនេះកូវីដ-១៩ មិនមានតួលេខស្លាប់​ដូចករណីគ្រោះថ្នាក់ចរាចរណ៍នោះទេ ដែលអត្រាស្លាប់ដោយគ្រោះថ្នាក់ចរាចរណ៍​ក្នុងមួយថ្ងៃមានចំនួនប្រមាណ៥នាក់ ដែលជាចំនួនច្រើនគួរឱ្យព្រួយបារម្ភ និងសោកស្តាយ ខណៈដែលប្រជាពលរដ្ឋអ្នកធ្វើដំណើរ, អ្នកប្រើប្រាស់ដងផ្លូវ សុទ្ធតែអាចការពារខ្លួនពីករណី​នេះបានទាំអស់គ្នា តាមរយៈការគោរពច្បាប់ចរាចរណ៍ គោរពសិទ្ធិអទិភាព និងចេះអត់ឱនយោគយល់អធ្យាស្រ័យគ្នាទៅវិញទៅមក។- សម្តេចតេជោ ហ៊ុន សែន ប្រកាសដោយសម្តែងការហួសចិត្តចំពោះការផ្សព្វផ្សាយដ៏អកុសលថា «ការចាក់វ៉ាក់សាំងកូវីដ-១៩ នឹងនាំឱ្យមានជំងឺមហារីកនៅពេលក្រោយ» ដែលសម្តេចចាត់​ទុកការផ្សព្វផ្សាយទាំងនោះ គឺជារឿងដែលមិនអាចទទួលយកបាន ខណៈដែលប្រទេសជាច្រើន​លើ​ពិភពលោកកំពុងតែចាក់ និងដំណើរការចាក់វ៉ាក់សាំងកូវីដ-១៩នេះជាបន្តបន្ទាប់ និងយ៉ាង​​សស្រាក់សស្រាំ ហើយថែមទាំងមានចំនួនច្រើនទៀតផង ដូចជា ប្រទេសចិន អាមេរិក ឥណ្ឌា កូរ៉េខាងត្បូង..។ល។- សម្តេចតេជោ ហ៊ុន សែន ប្រកាសថា អ្នកដំណើរពីក្រៅប្រទេស ចូលមកកម្ពុជា ត្រូវបានលើកលែងអស់ហើយពាក់ព័ន្ធនឹងវិធានការកូវីដ-១៩ ដែលជាផ្នែក​ដើម្បីស្រូបទាញទេសចរ និងធុរកិច្ច តែយើងក៏មិនបានមើលស្រាលចំពោះបញ្ហាកូវីដ-១៩នោះដែរ។- សម្តេចតេជោ ហ៊ុន សែន ប្រកាសថា កម្ពុជាមានជំហរ​ជាលក្ខណៈអន្តរជាតិចំពោះបញ្ហាពិភពលោក ដែលអធិបតេយ្យភាពជាតិផ្តាច់មុខរបស់កម្ពុជា។ កម្ពុជាមិនសំដៅតែលើរុស្ស៊ីនោះទេ គឺកម្ពុជាប្រឆាំងរាល់ការប្រើប្រាស់កម្លាំងយោធា ដើម្បីរំលោភបំពានលើប្រទេសមួយទៀត។- សម្តេចតេជោ ហ៊ុន សែន បញ្ជាក់ថា ការគោរពអធិតេយ្យជាតិរបស់អ៊ុយក្រែន គឺស្នើនឹងគោរពអធិបតេយ្យជាតិរបស់ខ្លួនឯងផងដែរ ដែលនេះគឺជាអ្វីដែលយើងត្រូវតែធ្វើ និងប្រកាន់យក។- សម្តេចតេជោ ហ៊ុន  សែន នាយករដ្ឋមន្ត្រីបានប្រកាសថា កម្ពុជាមិនត្រូវការយន្តហោះចម្បាំង ឬនាវាមុជទឹកនោះទេ តែអ្នកឯងក៏មិនអាចរំលោភបំពានលើកម្ពុជាបានដែរ ព្រោះយើងមានអាវុធពីក្រោមដើម្បីកម្ទេចអ្នកឯង អ្វីដែលយើងត្រូវមាននៅពេលនេះ គឺសំណាញ់មេឃ សម្រាប់ការពារកម្ពុជា។- សម្តេចតេជោ ហ៊ុន សែន ប្រកាសថា បើយកលុយទៅទិញយន្តហោះចម្បាំង ឬនាវាមុជទឹក សុខចិត្តយកលុយទាំងនោះ ទៅកសាងសាលារៀន ឬមន្ទីរពេទ្យ បម្រើឱ្យសេចក្តីត្រូវការរបស់ប្រជាពលរដ្ឋវិញ។- សម្តេចតេជោ ហ៊ុន សែន ប្រកាសឈរខាងអ៊ុយក្រែន ឈរនៅជាមួយប្រជាជនអ៊ុយក្រែន ប្រឆាំងនឹងការឈ្លានពានរបស់រុស្ស៊ី ព្រោះកម្ពុជាយើងក៏ធ្លាប់​ទទួលរងនូវការ​ឈ្លានពានដូច​ករណីនោះដែរ។- សម្តេចតេជោ ហ៊ុន សែន ប្រកាសបន្ថែមទៀតថា សម្តេចមិនអនុញ្ញាតឱ្យ​ប្រជាជនកម្ពុជាណាម្នាក់ ទៅធ្វើទាហានដើម្បីជួយច្បាំងអ៊ុយក្រែននោះទេ តែអ្វី​ដែលកម្ពុជាយើងអាចធ្វើទៅបាននោះ គឺបង្ហាញជំហរជាលក្ខណៈអន្តរជាតិដើម្បីគាំទ្រអ៊ុយក្រែន។- សម្តេចតេជោ ហ៊ុន សែន សង្ឃឹមថា រុស្ស៊ី និងអ៊ុយក្រែន នឹងប្រឹងប្រែងអត់ធ្មត់ និងចូលតុចរចា ដោយមិនប្រើប្រាស់កម្លាំង ដោះស្រាយបញ្ហា ដើម្បីឈានទៅរកសន្តិភាពសម្រាប់ប្រទេសទាំងពីរ។- សម្តេចតេជោ ហ៊ុន សែន ប្រកាសថា មិនមានជនណា អាចបង្ហាញជំហរជា​លក្ខណៈអន្តរជាតិជំនួសកម្ពុជាបានឡើយ។ ជំហររបស់កម្ពុជា គឺតំណាងអចិន្ត្រៃយ៍កម្ពុជា ប្រចាំអង្គការសហប្រជាជាតិ ដែលមានចង្អុលបង្ហាញពីរាជរដ្ឋាភិបាលកម្ពុជា ត្រឹមត្រូវ និងច្បាស់លាស់។ អ្នកវិភាគ អ្នកអត្ថាធិប្បាយ តាមប្រព័ន្ធផ្សព្វផ្សាយនានា គឺជាទស្សនៈផ្ទាល់ខ្លួនគេ មិនមែនជាជំហររបស់កម្ពុជាឡើយ។ សង្កថាសម្តេចចប់នៅវេលាម៉ោង៩ និង០០នាទី

ទេសរដ្ឋមន្រ្តី គន់ គីម ចុះជួបសមាជិកសមាគមអតីតយុទ្ធជនកម្ពុជា ខេត្តព្រៃវែងចំនួនជាង ៣០០នាក់

2022/03/27 11:57:15 am        362
Facebook Telegram Linkin
ព្រៃវែង៖ នាព្រឹកថ្ងៃទី២៧ ខែមីនានេះ ឯកឧត្តម ទេសរដ្ឋមន្រ្តី គន់ គីម អនុប្រធាន និងជាអគ្គលេខាធិការសមាគមអតីតយុទ្ធជនកម្ពុជា បានអញ្ជើញក្នុងពិធីសំណេះសំណាលជាមួយសមាជិកសមាគមអតីតយុទ្ធជនកម្ពុជាខេត្តព្រៃវែងចំនួនជាង ៣០០នាក់។ នាឱកាសនោះ ឯកឧត្តម ទេសរដ្ឋមន្រ្តី គន់ គីម បានពាំនាំនូវការផ្តាំផ្ញើសួរសុខទុក្ខរបស់​សម្តេច​តេជោ ហ៊ុន សែន នាយករដ្ឋមន្រ្តី និងជាប្រធានសមាគមអតីតយុទ្ធជនកម្ពុជា ជូនដល់អតីតយុទ្ធជន ជាពិសេសសូមឲ្យអតីតយុទ្ធជនទាំងអស់បន្តអនុវិធានការសុខាភិបាល និងការចាក់វ៉ាក់សាំង​ដូស​ជំរុញ​ឲ្យបានគ្រប់ៗគ្នា។ ឯកឧត្តម ទេសរដ្ឋមន្រ្តី គន់ គីម​ បានស្នើដល់មូលដ្ឋានត្រូវថែទាំ និងយកចិត្តទុកដាក់សុខទុក្ខ​ជូន​អតីត​យុទ្ធជនឲ្យបានទាន់ពេលវេលា ​ព្រោះពួកគាត់បានចូលរួមពលី និងលះបង់ ដើម្បី​ជាតិ​ច្រើន​ណាស់។

លោកជំទាវ ឱ វណ្ណឌីន ៖ អ្នកមានជំងឺប្រចាំកាយ(អេដស៍ ឬជំងឺផ្សេងៗទៀត) ត្រូវតែចាក់វ៉ាក់សាំងបង្ការជំងឺកូវីដ-១៩ជាចាំបាច់

2022/03/27 08:16:50 am        762
Facebook Telegram Linkin
កំពត៖ លោកជំទាវ ឱ វណ្ណឌីន ជាប្រធានគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេសប្រកាសថា អ្នកដែលមានជំងឺប្រចាំកាយ ដូចជា៖ អេដស៍ ឬជំងឺផ្សេងៗទៀត ត្រូវតែចាក់វ៉ាក់សាំងបង្ការជំងឺកូវីដ-១៩ ជាចាំបាច់ ដើម្បីការពារខ្លួន ពីរោគរាតត្បាតកូវីដ-១៩។ ថ្លែងក្នុងពិធីចុះពិនិត្យមើលមណ្ឌលចាក់វ៉ាក់សាំងកូវីដ-១៩ និង ពិនិត្យការងារថែទាំសុខភាពបឋមរបស់សហគមន៍ និងប្រព័ន្ធសុខាភិបាល និងជួបសំណេះសំណាលជាមួយបងប្អូនប្រជាពលរដ្ឋនៅក្នុងមូលដ្ឋាននៃខេត្តកំពត លោកជំទាវ ឱ វណ្ណឌីន បានប្រកាសក្រើនរំលឹកដល់ប្រជាពលរដ្ឋ ដែលដល់វេនត្រូវចាក់ដូសទី២ ឬដូសទី៣ និងដូសទី៤ ត្រូវរួសរាន់មកចាក់នៅតាមទីតាំងមូលដ្ឋានសុខាភិបាលរបស់ខ្លួន ដែលនៅជិតផ្ទះ ដើម្បីបង្កើននូវកងការពារជំងឺកូវីដ-១៩៕

រាជធានីភ្នំពេញ អនុញ្ញាតរៀបចំកម្មវិធីអបអរពិធីបុណ្យចូលឆ្នាំថ្មី តែត្រូវរឹតបន្តឹង​អនុវត្តវិធាន​សុខាភិបាល

2022/03/26 03:31:19 pm        1421
Facebook Telegram Linkin
ភ្នំពេញ៖ អនុវត្តតាមប្រសាសន៍សម្តេចតេជោ នាយករដ្ឋមន្ត្រី នៃកម្ពុជា នៅក្នុងឆ្នាំ២០២២នេះ រដ្ឋបាលសាលារាជធានីភ្នំពេញ បានប្រកាសរៀបចំកម្មវិធីអបអរសាទរបុណ្យចូលឆ្នាំថ្មីប្រៃពៃណីជាធម្មតាឡើងវិញ ហើយពិធីបុណ្យចូលឆ្នាំថ្មីប្រពៃណីយ៍ខ្មែរនេះ នឹងឈានចូលមកដល់នៅថ្ងៃទី១៤ ដល់ថ្ងៃទី១៦ ខែមេសាឆ្នាំ២០២២។ បើតាមឯកឧត្តម កើត ឆែ អភិបាលរងសាលារាជធានីភ្នំពេញ បានថ្លែងប្រាប់BTV នៅថ្ងៃទី២៦ ខែមីនានេះថា នៅក្នុងឱកាសពិធីបុណ្យចូលឆ្នាំថ្មីប្រពៃណីជាតិខ្មែរឆ្នាំនេះ រដ្ឋបាលរាជធានីភ្នំពេញ បានអនុញ្ញាតឱ្យបណ្តាគ្រឹះស្ថានរដ្ឋនិងឯកជន វត្តអារ៉ាមនានា រៀបចំកម្មវិធីកម្សាន្ត​សប្បាយ​ជា​ធម្មតាឡើងវិញ ​ដើម្បីអបអរសាទរពិធីបុណ្យចូលឆ្នាំថ្មីប្រពៃណីខ្មែរ ដែលឈានចូលមក​ក្នុង​រយៈពេលប្រមាណ ១៦ថ្ងៃបន្ទាប់ទៀតនេះ។ឯកឧត្តម កើត ឆែ បន្តថា នៅក្នុងឆ្នាំនេះដែរ រដ្ឋបាលរាជធានីភ្នំពេញ នឹងរៀបចំកម្មវិធីសង្ក្រាន្តឆ្នាំថ្មី​នៅ​វត្តភ្នំឡើងវិញ​ជាធម្មតា តែការរៀបចំកម្មវិធីសង្ក្រាន្តនោះ នឹងត្រូវដាក់កម្រិតអោយអ្នកចូលរួមត្រូវ​អនុវត្តវិធានសុខាភិបាល ​ដោយត្រូវកំណត់ចំនួន​មនុស្សមិនអោយចូលច្រើន​កុះករ​ខ្លាំង ហើយ​អ្នកគ្រប់​​​អ្នក​ចូលរួមទាំងអស់​គឺត្រូវតែធ្វើការពាក់ម៉ាស់ជាចាំបាច់។ឯកឧត្តម កើត ឆែ បន្តថា ដោយឡែកសម្រាប់ការរៀបចំកម្មវិធីបុណ្យចូលឆ្នាំថ្មី​នៅតាមបណ្តាទីវត្ត​អារ៉ាមវិញ ​រដ្ឋបាលរាជធានីភ្នំពេញ ​ក៏បានណែនាំអោយអាជ្ញាធរតាមបណ្តាខ័ណ្ឌទាំងអស់ ត្រូវ​សហការជាមួយព្រះចៅអធិការគ្រប់វត្តទាំងអស់ ​ដើម្បីរៀបចំកម្មវិធីចូលឆ្នាំថ្មីប្រពៃណីជាតិឡើងវិញ ប៉ុន្តែ ​ត្រូវរឹតបន្តការអនុវត្តវិធានសុខាភិបាល ​មិន​អនុញ្ញាត​អោយពលរដ្ឋចេញចូលសេរី ដោយ​មិន​ពាក់ម៉ាស់ ​និងធ្វើអោយបរិវេណវត្តមានភាពចង្អៀតណែននោះទេ។ទោះយ៉ាងណានៅក្នុងឱកាសការរៀបចំកម្មវិធីសង្ក្រាន្ត និងកម្មវិធីបុណ្យចូលឆ្នាំប្រពៃណី​ជាតិ​នៅ​តាមទីសាធារណៈនិងនៅតាមទីវត្តអារ៉ាមនានា ឯកឧត្តម កើត ឆែ ក៏បានស្នើសុំបណ្តាភ្ញៀវទេសចរ​ជាតិអន្តរជាតិ ​ក៏ដូចប្រជាពលរដ្ឋ ​សូមធ្វើការពាក់ម៉ាស់ជាចំបាច់ ​ហើយបើអាច ​គឺ​សូម​ដាក់​ប័ណ្ណ​ចាក់វ៉ាក់សាំង​ការពារកូវីដ១៩​ នៅតាមជាប់ខ្លួន ​ព្រោះថា ​អាជ្ញាធរមូលដ្ឋាន​អាច​នឹងធ្វើពិនិត្យ​កាត​ចាក់វ៉ាក់សាំង​នៅចូលក្នុងបរិវេណវត្ត និ​ងកន្លែងប្រារព្វកម្មវិធីសង្គ្រាន្តនានាទៀត៕អត្ថបទ៖ ស៊ុម សុខជា

ទឹកឃ្មុំព្រៃមណ្ឌលគិរី នឹង​សម្ពោធ​ដាក់​ឱ្យ​ប្រើប្រាស់​ជាផ្លូវការ​ម៉ាក​សម្គាល់​ភូមិសាស្រ្ត​ទំនិញ​នៅថ្ងៃស្អែកនេះ

2022/03/26 02:08:48 pm        1079
Facebook Telegram Linkin
មណ្ឌលគិរី៖ នៅថ្ងៃស្អែកនេះ ក្រសួងពាណិជ្ជកម្ម នឹងចុះបញ្ជីម៉ាកសម្គាល់ភូមិសាស្រ្តទំនិញ ទឹកឃ្មុំព្រៃមណ្ឌលគិរី ក្នុងគោលបំណងផ្តល់កិច្ចការពារកម្មសិទ្ធិបញ្ញា ដល់សមាគមអភិរក្សឃ្មុំព្រៃខេត្តមណ្ឌលគិរី ដែលជាម្ចាស់ម៉ាកសម្គាល់ភូមិសាស្រ្តទំនិញ ក្រោមច្បាប់ស្តីពីម៉ាកសម្គាល់ភូមិសាស្រ្តទំនិញនៃកម្ពុជា។ក្រសួងពាណិជ្ជកម្មកម្ពុជា បានបញ្ជាក់ថា នៅថ្ងៃស្អែកទី២៧ ខែមីនា ឆ្នាំ២០២២ នឹងសម្ពោធដាក់ឱ្យប្រើប្រាស់ជាផ្លូវការម៉ាកសម្គាល់ភូមិសាស្រ្តទំនិញ ដែលនឹងប្រារព្ធធ្វើឡើងនៅសួនច្បារសែនមនោរម្យ ក្រុងសែនមនោរម្យ ខេត្តមណ្ឌលគិរី ក្រោមអធិបតីភាពឯកឧត្តម ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្ម និងមានការចូលរួមពី ឯកឧត្តមអភិបាលខេត្ត តំណាងអង្គទូតប្រចាំកម្ពុជា អង្គការដៃគូអភិវឌ្ឍន៍ថ្នាក់ជាតិ និងអន្តរជាតិ សមាជិកសមាគមអភិរក្សឃ្មុំព្រៃខេត្តមណ្ឌលគិរី ដែលមានអ្នកចូលរួមប្រមាណ ៣០០រូប។នាយកដ្ឋានកម្មសិទ្ធិបញ្ជា នៃក្រសួងពាណិជ្ជកម្ម កាលពីថ្ងៃទី២៥ ខែមីនាកន្លងទៅ បានឲ្យដឹងថា ការចុះបញ្ជីម៉ាកសម្គាល់ភូមិសាស្រ្តទំនិញ ទឹកឃ្មុំព្រៃមណ្ឌលគិរី គឺដើម្បីទប់ស្កាត់ការក្លែងបន្លំម៉ាកសម្គាល់ភូមិសាស្រ្តទំនិញ ទឹកឃ្មុំព្រៃមណ្ឌលគិរីនៅលើទីផ្សារជាតិ និងអន្តរជាតិ, អភិរក្សចំណេះដឹង-ចំណេះធ្វើ និងទេពកោសល្យតាមបែបប្រពៃណីរបស់ប្រជាកសិករ និងសហគមន៍ជនជាតិពូនងក្នុងខេត្តមណ្ឌលគិរី តាមរយៈការរៀបចំចងក្រងសៀវភៅបន្ទុក «ទឹកឃ្មុំព្រៃមណ្ឌលគិរី», លើកកម្ពស់គុណភាពសំបកវេចខ្ចប់ ផ្សព្វផ្សាយអំពីកេរ្តិ៍ឈ្មោះម៉ាកសម្គាល់ភូមិសាស្រ្តទំនិញ «ទឹកឃ្មុំព្រៃមណ្ឌលគិរី» និងចូលរួមថែរក្សាតំបន់ព្រៃការពារ ជាគោលដៅទេសចរណ៍ និងបង្កើនច្រវ៉ាក់តម្លៃ បង្កើតការងារ និងលើកកម្ពស់ជីវភាពប្រជាកសិករក្នុងតំបន់។ប្រភពដដែល បានលើកឡើងបន្តថា រួមជាមួយនឹងព្រឹត្តិការណ៍សម្ពោធនេះ នឹងមាន​ពិធី​ប្រារព្ធ​ទិវា​មួយម៉ោង​សម្រាប់ភពផែនដី​ (Earth Hour) ឆ្នាំ២០២២​ និងមាន​ស្តង់​សម្រាប់ដាក់តាំងបង្ហាញ និង​លក់ផលិតផលម៉ាកសម្គាល់ភូមិសាស្រ្តទំនិញ​ “ទឹកឃ្មុំព្រៃមណ្ឌលគិរី” “ម្រេចកំពត” “ស្ករត្នោតកំពង់ស្ពឺ” និង “ក្រូចថ្លុងកោះទ្រង់” និងផលិតផលម៉ាកសមូហភាព “អង្ករព្រះវិហារ” និង“អំបុកកំពង់ធំ” ព្រមទាំងផលិតផលផ្សេងៗទៀតចាប់ពីថ្ងៃ២៦ ​រហូតដល់២៨ ខែមីនា ឆ្នាំ២០២២ផងដែរ។ក្រសួងពាណិជ្ជកម្ម ដែលមាននាយកដ្ឋានកម្មសិទ្ធិបញ្ញាជាសេនាធិការ ​បានចុះបញ្ជីម៉ាកសម្គាល់​ភូមិសាស្រ្តទំនិញ “ទឹកឃ្មុំព្រៃមណ្ឌលគិរី” នៅថ្ងៃទី១០ ខែធ្នូ ឆ្នាំ២០២០​ ដោយបានរៀបចំចងក្រង និងតម្កល់សៀវភៅបន្ទុក “ទឹកឃ្មុំព្រៃមណ្ឌលគិរី” ក្រោមកិច្ចគាំទ្ររបស់អង្គការមូលនិធិសកល​សម្រាប់​អភិរក្សធម្មជាតិ (WWF) វិទ្យាស្ថានស្រាវជ្រាវ ​និងអភិវឌ្ឍន៍​ជនបទកម្ពុជា (CIRD) និងសមាគមអភិរក្សឃ្មុំព្រៃខេត្តមណ្ឌលគិរី ​ក្រោមជំនួយពីពលរដ្ឋអាមេរិក USAID, សហភាពអឺរ៉ុប និងស៊ីដា (EU/Sida), ក្រសួងសហព័ន្ធអាល្លឺម៉ង់សម្រាប់កិច្ចសហប្រតិបត្តិការ​ និងអភិវឌ្ឍន៍សេដ្ឋកិច្ច (BMZ), ធនាគាអភិវឌ្ឍន៌អាស៊ី (ADB) ​តាមរយៈក្រសួងបរិស្ថាន ​និងក្រសួងកសិកម្ម រុក្ខាប្រមាញ់ និងនេសាទ និងមូលនិធិ October Hill Foundation៕ អត្ថបទ ឈិត បូរ៉ាវី

រាជធានី-ខេត្ត បើកយុទ្ធនាការចាក់វ៉ាក់សាំងកូវីដ-១៩ ដូសជំរុញទី៣ និងទី៤

2022/03/26 01:27:26 pm        654
Facebook Telegram Linkin
ភ្នំពេញ៖ លោកជំទាវវេជ្ជបណ្ឌិត ឱ វណ្ណឌីន រដ្ឋលេខាធិការជាអ្នកនាំពាក្យក្រសួងសុខាភិបាល និងជាប្រធានគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស ប្រាប់BTV ព័ត៌មាន កាលពីរសៀលថ្ងៃទី២៥ ខែមីនា ឆ្នាំ២០២២ថា បណ្តារាជធានី-ខេត្តទាំង២៥ ទទួលបានវ៉ាក់សាំងចំនួន០២ប្រភេទ ពីគ.វ.ក-១៩ បើកយុទ្ធនាការចាក់វ៉ាក់សាំងបង្ការជំងឺកូវីដ-១៩ជូនពលរដ្ឋ។លោកជំទាវវេជ្ជបណ្ឌិត ឱ វណ្ណឌីន បានបន្តទៀតថា មកដល់ពេលនេះ គ.វ.ក-19 បានបែង​ចែក​នូវវ៉ាក់សាំងប្រភេទPfizer ក៏ដូចជាវ៉ាក់សាំងប្រភេទ AstraZeneca ដែលយើងទទួល​បានពី​ប្រទេស​ប៉ូឡូញកន្លងមកនេះ ធ្វើការបែងចែកជូនទៅកាន់បណ្តារាជធានី-ខេត្តទាំង២៥ ​រួចរាល់​អស់​ហើយ ដើម្បី​បើកយុទ្ធនាការចាក់វ៉ាក់សាំងបង្ការជំងឺកូវីដ-១៩ដូសជំរុញទី៣ ​និងទី៤​ ជូនប្រជាពលរដ្ឋ។ជាចុងក្រោយលោកជំទាវវេជ្ជបណ្ឌិត ឱ វណ្ណឌីន ​ក៏សូមអំពាវនាវដ៏ទទូចដល់បងប្អូន​ប្រជាពលរ​ដ្ឋ​ទាំងអស់ ​អញ្ជើញមកទទួលនូវវ៉ាក់សាំងបង្ការជំងឺកូវីដ-១៩ ​ដូសជំរុញទី៣ ​និងទី៤​ ឲ្យបានគ្រប់ៗគ្នា ពិព្រោះបើយើងគិតមកដល់ពេលនេះ ​មានបងប្អូនប្រជាពលរដ្ឋមួយចំនួន​ដល់​ពេល​វេ​លា​ដែល​ត្រូវ​ចាក់វ៉ាក់សាំងកូវីដ-១៩ហើយ។ ដូច្នេះសូមអញ្ជើញមកទទួលយកវ៉ាក់សាំង ពិព្រោះវ៉ាក់សាំងរបស់យើង​មិនខ្វះនោះទេ គឺយើងមាន​វ៉ាក់សាំង​ប្រភេទ AstraZeneca និងPfizer ដែល​គណៈកម្មការចំពោះកិច្ច ​ចាក់វ៉ាក់សាំងកូវីដ-១៩ ក្នុង​ក្របខណ្ឌទូទាំងប្រទេស ​កំពុងណែនាំឲ្យមានការប្រើប្រាស់នៅទូទាំង ព្រះរាជាណាចក្រកម្ពុជា៕ អត្ថបទ រដ្ឋា

ឯកឧត្តម ហ៊ុន ម៉ានី៖ ខ្មែរមួយចំនួនសម្ដីខ្លាំងដាក់តែរដ្ឋាភិបាលខ្លួន តែមួយបរទេសវិញឱនជ្រុល

2022/03/26 10:18:20 am        548
Facebook Telegram Linkin
ភ្នំពេញ៖ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា (ស.ស.យ.ក) បានថ្លែងថា មានខ្មែរមួយចំនួនបានតែសម្ដីខ្លាំងលើរាជរដ្ឋាភិបាលខ្លួនឯង និងនិយាយថាយ៉ាងនេះ យ៉ាងនោះ ប៉ុន្តែជាមួយបរទេសវិញ គឺឱនដាក់គេជ្រុល ។ក្នុងឱកាសអញ្ជើញជា​អធិបតី​បិទសន្និបាត​បូកសរុបលទ្ធផលការងារ ឆ្នាំ២០២១ និងលើកទិសដៅ​ការងារឆ្នាំ២០២២ ​របស់ក្រុមប្រឹក្សាយុវជនគ្រឹះស្ថានឧត្តមសិក្សានៃ ​ស.ស.យ.ក នៅថ្ងៃទី២៥ ខែមីនា ឆ្នាំ២០២២ ឯកឧត្តម ហ៊ុន ម៉ានី បានមានប្រសាសន៍ថា​ នៅលើឆាកអន្តរជាតិ ​ពេលយើងតំណាងខ្មែរ ទៅនិយាយជាមួយបរទេសទាំងទ្វេរភាគី ឬពហុភាគី គេមិនខ្វល់យើងធ្វើអ្វីនៅក្នុងប្រទេសនោះទេ គេគៀបយើងតែសមត្ថភាពមួយគត់ ។ឯកឧត្តម បានបន្តថា ពេលខ្លះមានខ្មែរមួយចំនួន ដោយសារចង់ឲ្យគេជួយពេក ហើយខ្លាច​គេ​មិនជួយ​ ទាល់តែដើរតួនាទីឱនបន្តិច ឬពេលខ្លះឱនជ្រុល តែមកដល់ខ្មែរវិញធ្វើខ្លាំងណាស់ ជា​មួយរាជរដ្ឋាភិបាល ខ្លាំងណាស់ជាមួយខ្មែរគ្នាឯង ប៉ុន្តែជាមួយបរទេសអត់ហ៊ានមួយគេ ។ឯកឧត្តម ហ៊ុន ម៉ានី បន្ថែមថា ចំណុចដែលត្រូវចងចាំមិនភ្លេច ទី១. នៅលើឆាកអន្តរជាតិ គឺ​ទទួលភាពគោរពដោយស្មើមុខស្មើមាត់ ទី២. អាចការពារថែរក្សា និងអាចទាញផល​ប្រយោជន៍​ដើម្បី​ប្រទេសជាតិបាន​ ហើយចង់ឲ្យបរទេសឲ្យតម្លៃខ្មែរ ​ភាពជាតំណាង ​ក្នុងនាម​ជាប្រទេសអធិបតេយ្យ និងឯករាជ្យ ​មានតែសមត្ថភាពមួយគត់​ទៅនិយាយជាមួយគេ ។ប្រធាន ស.ស.យ.ក បាន​សង្កត់ធ្ងន់ថា ​យើងត្រូវមានភាពច្បាស់លាស់​ ត្រូវ​ស្គាល់​ខ្លួនឯង ​ថា​មក​ពីណា​ ស្ថិតនៅទីណា ​ចំណុចខ្លាំងនៅទីណា ​ចំណុចដែលប្រឈម ​និងត្រូវកែនៅចំណុចណា តែទោះ​យ៉ាងណាក៏ដោយ​ មិនឱនក្បាលមុខគេ ត្រូវខិតខំប្រឹងប្រែងពុះពារទៅមុខ​ ដើម្បីដឹកនាំ ទទួល​ខុសត្រូវចំពោះជោគវាសនាប្រទេសជាតិ ៕ អត្ថបទ៖ បាន សុខរិទ្ធិ

គ.ជ.ប៖ ការលុបបញ្ជីឈ្មោះបេក្ខជនបក្សភ្លើងទៀន នៅសង្កាត់ទទួលស្វាយព្រៃទី១ គឺស្របតាមច្បាប់

2022/03/25 02:51:21 pm        818
Facebook Telegram Linkin
ភ្នំពេញ៖ ជាថ្មីម្តងទៀតគណៈកម្មការធិការជាតិរៀបចំការបោះឆ្នោត ដែលហៅកាត់ថា គ.ជ.ប នៅថ្ងៃទី២៥ ខែមីនានេះ បានបញ្ជាក់ថា ការលុបបញ្ជីឈ្មោះបេក្ខជនឈរឈ្មោះបោះឆ្នោត នៃគណបក្សភ្លើងទៀន នៅសង្កាត់ទទួលស្វាយព្រៃទី១ គឺស្របតាមច្បាប់ស្តីពីការបោះឆ្នោតជ្រើសរើស ក្រុមក្រុមប្រឹក្សាឃុំ សង្កាត់។ឯកឧត្តម សោម សូរីដា ទីប្រឹក្សាគ.ជ.ប និងជាអគ្គលេខាធិការរង គ.ជ.ប បានអះអាងថា ការលុប​បញ្ជី​ឈ្មោះបេក្ខជនឈរឈ្មោះបោះឆ្នោត​នៃគណបក្សភ្លើងទៀន ​នៅសង្កាត់ទទួលស្វាយព្រៃទី១ ខណ្ឌបឹងកេងកង ​រាជធានីភ្នំពេញ គឺស្របតាមច្បាប់ស្តីពីការបោះឆ្នោតជ្រើសរើស​ក្រុមក្រុមប្រឹក្សាឃុំ សង្កាត់​ ខណៈបក្សនេះ បានក្លែងបន្លំឯកសារ។ ការអះអាងនេះ បានធ្វើងឡើង​ក្នុង​សន្និសីទ​សារព័ត៌មាន​ស្តីពី​ការ​លុប​បញ្ជី​បេក្ខជនឈរ​ឈ្មោះបោះឆ្នោត ​បក្សភ្លើងទៀន ​នៅសង្កាត់ទទួលស្វាយព្រៃទី១។ឯកឧត្តម សោម សូរីដា បានបន្តថា​ ក្រោយពីលុបបញ្ជីឈ្មោះបេក្ខជនបក្សភ្លើងទៀន​ អង្គការជាតិ និងអន្តរជាតិ ​បំពេញការងារពាក់ព័ន្ធ​នឹងការបោះឆ្នោត ​មិនបានរិះគន់មកលើស្ថាប័ន គ.ជ.បនោះទេ ពោលគឺដោយគ.ជ.ប មាន​ភស្តុតាង​ច្បាស់លាស់​ មុននឹងមានការសម្រេច។យោងតាមសេចក្តីប្រកាសព័ត៌មានរបស់ គ.ជ.ប ស្តីពីលទ្ធផលសវនាការជាសាធារណៈ ដោះស្រាយ​ពាក្យបណ្ដឹងបដិសេធបញ្ជីបេក្ខជន ​នៃគណបក្សភ្លើងទៀន ​កាលពីថ្ងៃទី២២ ​ខែមីនា ឆ្នាំ២០២២ បាន​ឲ្យដឹងថា បន្ទាប់ពីទទួលបណ្ដឹង​របស់ពលរដ្ឋឈ្មោះ ម៉ៅ មុន្នី ​បានឆ្លើយនៅក្នុងសវនាការ គឺ​ឈ្មោះបេក្ខជន៤រូប ​ក្នុងបញ្ជីបេក្ខជននៃគណបក្សភ្លើងទៀន​ នៅសង្កាត់ទួលស្វាយព្រៃទី១ ពួកគេ​មិន​បានសរសេរ ​និងផ្ដិតមេដៃ ​ឬចុះហត្ថលេខាលើជីវប្រវត្តិសង្ខេប និងសេចក្តីប្រកាសយល់ព្រម​ឈរ​ឈ្មោះជាបេក្ខជន​ នៃគណបក្សមួយនេះ។ តាមការឆ្លើយបំភ្លឺលោក យ៉ែម សារ៉ាក់ ​តំណាងគណបក្សភ្លើងទៀន ក្នុងសវនាការ​បាន​ទទួល​ស្គាល់ថា ​បេក្ខជនទាំង៤រូបខាងលើ ពិតជាមិនបានបំពេញ​ឯកសារដូច​ការ​លើកឡើង​របស់​ដើមបណ្ដឹងចោទប្រាកដមែន។ ក្រៅពីនេះ លោក​ក៏ទទួលស្គាល់របាយការណ៍​ ស្តីពីការចុះស៊ើបអង្កេត និងស្រាវជ្រាវរបស់មន្ត្រី​អគ្គ​លេខាធិការដ្ឋាន គ.ជ.ប ​ដែលបាន​បញ្ជាក់​ចម្លើយ​របស់លោក សួន វណ្ណី ​អនុប្រធានទី២ ក្រុមការងារ​គណបក្សភ្លើងទៀន​ នៅខណ្ឌបឹងកេងកង ​ជាបេក្ខជនឈរឈ្មោះរបស់គណបក្សភ្លើងទៀន មួយ​ចំនួនមិនបាន​បំពេញ​ និងចុះហត្ថលេខាលើជីវប្រវត្តិសង្ខេប ​និងសេចក្តីប្រកាសយល់ព្រមឈរឈ្មោះ​ជាបេក្ខជន​ដោយផ្ទាល់នោះទេ​ ពោលគឺក្រុមការងារគណបក្សជាអ្នកបំពេញ និងចុះហត្ថ​លេខាជំនួស។ ការនេះគឺផ្ទុយទៅមាត្រា ៣៥ នៃច្បាប់ស្តីពី ការបោះឆ្នោតជ្រើសរើសក្រុមប្រឹក្សា/ឃុំសង្កាត់ ដែល​ត្រូវមាន​លក្ខខណ្ឌដូចជា៖ បេក្ខជនឈឈ្មោះត្រូវ​មាន​សញ្ជាតិខ្មែរពីកំណើត​ ចេះអាន និង​សរសេរអក្សខ្មែរ បាន​ចុះឈ្មោះ​ក្នុង​បញ្ជីបោះឆ្នោត​ក្នុងឃុំ/សង្កាត់ដែលខ្លួន​មានបំណង​ឈរ​ឈ្មោះ​បោះឆ្នោត ​និងមានអាយុយ៉ាងតិច២៥ឆ្នាំ ​គិតមកដល់ទល់ថ្ងៃបោះឆ្នោតជ្រើសរើស​ក្រុម​ប្រឹក្សាឃុំ/សង្កាត់៕អត្ថបទ៖ទូច សោភ័ណ

បណ្ដាញសង្គម

ព័ត៌មានថ្មីៗ

កងកម្លាំងនគរបាលខេត្តកោះកុងបានរៀបចំដេីម្បីការពារ សន្តិសុខ សុវត្ថិភាព និងសណ្ដាប់ធ្នាប់ ក្នុងកិច្ចប្រជុំវិសាមញ្ញគណៈកម្មាធិការព្រំដែនទូទៅកម្ពុជា-ថៃ (GBC) នៅខេត្តកោះកុង
09/06/2025 07:09 PM
Facebook Telegram Linkin
អធិការបតីអាល្លឺម៉ង់ សារភាពថា អឺរ៉ុបមិនអាចដើរតួនាទីជាសកល ដែលខ្លួនចង់បាននោះទេ
09/06/2025 05:09 PM
Facebook Telegram Linkin
លោក Kim Jong Un៖ កូរ៉េខាងជើងគាំទ្រការតស៊ូរបស់រុស្ស៊ី ដើម្បីការពារអធិបតេយ្យភាពរបស់ខ្លួន
09/06/2025 04:09 PM
Facebook Telegram Linkin
ប្លុកអារ៉ាប់ និយាយថា ពុំមានសន្តិភាពកើតឡើង ដោយគ្មានទីបញ្ចប់សកម្មភាព «អរិភាព»របស់ អ៊ីស្រាអែលនោះទេ
09/06/2025 04:09 PM
Facebook Telegram Linkin
សហភាពអឺរ៉ុប និងអាមេរិក នឹងពិភាក្សាអំពីទណ្ឌកម្មថ្មីលើរុស្ស៊ី នៅថ្ងៃទី 0៨ ខែកញ្ញា
09/06/2025 04:09 PM
Facebook Telegram Linkin
ទីប្រឹក្សា៖ អ៊ីស្រាអែលគ្រោងនឹងឆ្លើយតបទៅនឹងការប៉ុនប៉ងរបស់ក្រុមហ៊ួទី ក្នុងការប្រើប្រាស់អាវុធគីមី
09/06/2025 04:09 PM
Facebook Telegram Linkin
កងទ័ពជួយសង្គ្រោះជនរងគ្រោះដោយទឹកជំនន់ នៅរដ្ឋ Punjab ខណៈទឹកទន្លេហូរលើសពីសញ្ញាគ្រោះថ្នាក់ នៅប្រទេសឥណ្ឌា
09/06/2025 04:09 PM
Facebook Telegram Linkin
លោក Trump៖ សហរដ្ឋអាមេរិក មិនមានផែនការផ្តួលរំលំរដ្ឋាភិបាលវ៉េណេហ្ស៊ុយអេឡាទេ
09/06/2025 04:09 PM
Facebook Telegram Linkin
នាយករដ្ឋមន្ត្រីឥណ្ឌាកោតសរសើរការវាយតម្លៃជាវិជ្ជមានរបស់លោក Trump ចំពោះទំនាក់ទំនងរវាងប្រទេសទាំងពីរ
09/06/2025 04:09 PM
Facebook Telegram Linkin
ឯកឧត្តម វង សូត អញ្ជើញទស្សនកិច្ចសិក្សាឈ្វេងយល់អាកាសយានដ្ឋានអន្តរជាតិតេជោ
09/06/2025 04:09 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.