នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ឯកឧត្តម កែវ រតនៈ បញ្ជាក់ជាថ្មីថាបច្ចុប្បន្នកម្ពុជាពុំបាននាំចូលអគ្គិសនី ប្រេងសាំង និង​ឧស្ម័ន​ពី​ប្រទេស​ថៃ​នោះទេ
ទំនប់អូរតេធិបតី ត្រៀមផ្គត់ផ្គង់ទឹកស្អាតជូនពលរដ្ឋរាប់ពាន់គ្រួសារបន្ថែមទៀតក្នុងខេត្តមណ្ឌលគិរី
រដ្ឋមន្ត្រីអាកាសចរណ៍ស៊ីវិល ចុះពិនិត្យអាកាសយានដ្ឋានអន្តរជាតិតេជោ ដើម្បីត្រៀម​ផ្តល់​វិញ្ញា​បន​ប័ត្រ​ដល់ប្រតិបត្តិករ
ស្ពានមិត្តភាពកម្ពុជា-ចិន មេគង្គក្រចេះ” គ្រោងនឹងបើកឱ្យឆ្លងកាត់បណ្តោះអាសន្ន អំឡុង​ពិធី​បុណ្យ​ដា​​ក់បិណ្ឌ និងភ្ជុំបិណ្ឌនៅខែកញ្ញាខាងមុខនេះ សម្រាប់យានយន្តធុនតូច

នយោបាយ​ និង ការអភិវឌ្ឍន៍

UNESCOគ្រោងប្រកាសលទ្ធផល​សំណើរ​សុំចុះបញ្ជីតំបន់ប្រាសាទកោះកេរ នៅពាក់កណ្ដាលឆ្នាំនេះ

2022/03/23 04:48:41 pm        2260
Facebook Telegram Linkin
សៀមរាប៖ រដ្ឋមន្ត្រីក្រសួងវប្បធម៌ បានឱ្យដឹងថា អង្គការយូណេស្កូ គ្រោងនឹងប្រកាសលទ្ធផលនៃសំណើរសុំដាក់ តំបន់ប្រាសាទកោះកេរ ចូលក្នុងបញ្ជីបេតិកភណ្ឌពិភពលោក នៅក្នុងខែមិថុនា ឆ្នាំនេះ ខណៈដែលអាជ្ញាធរជាតិព្រះវិហារ បាននឹងកំពុងយកចិត្ដទុកដាក់ខ្ពស់ ក្នុងការអភិរក្ស និងអភិវឌ្ឍន៍ ក្នុងរមណីយដ្ឋានប្រាសាទ កោះកេរនោះ។លោកជំទាវសភាចារ្យ ភឿង សកុណា រដ្ឋមន្ដ្រីក្រសួងវប្បធម៌ និងវិចិត្រសិល្បៈ បន្ទាប់ពីបញ្ចប់កិច្ច ប្រជុំ អាយស៊ីស៊ីព្រះវិហារ កាលពីល្ងាចថ្ងៃទី២២​ ខែមីនា នេះ បានឱ្យដឹងថា ​អង្គការយូណេស្កូ គ្រោងនឹង ប្រកាសលទ្ធផលសម្រេចនៅក្នុងខែមិថុនា ខាងមុខនេះ ឬលើស​បន្ដិចបន្ដួច អាស្រ័យ​លើ​អង្គការ​យូណេស្កូ ​ប៉ុន្ដែស្ថិតនៅឆ្នាំ២០២២នេះ ។កិច្ចប្រជុំអាយស៊ីស៊ីព្រះវិហានេះ បានធ្វើបទបង្ហាញជាច្រើនអំពីតំបន់រមណីយដ្ឋានប្រាសាទកោះកេរ ដើម្បីឱ្យអង្គការយូណេស្កូ ​វាយតម្លៃលើការអភិរក្ស ​និងអភិវឌ្ឍន៍​ ដែលអាជ្ញាធរជាតិព្រះវិហារ បានអនុវត្ដកន្លងមក។ បទបង្ហាញត្រូវបានធ្វើលើការងារអភិរក្សប្រាសាទដងទង់ ប្រាសាទតាមែន ប្រាសាទធំ ប្រាសាទចិន ប្រាសាទក្រចាប់ និងប្រាសាទអណ្ដូងគុក ក្នុងតំបន់បេតិកភណ្ឌប្រាសាទកោះកេរ។ ការងារកំ ណាយបុរាណនៅប្រាសាទថ្មបាយក្រៀម ប្រាសាទក្រចាប់ និងប្រាសាទចិន ក្នុងតំបន់បេតិកភណ្ឌប្រាសាទ កោះកេរ។ក្រសួងវប្បធម៌ និងវិចិត្រសិល្បៈ បានបញ្ជូនឯកសារស្នើសុំចុះបញ្ជីតំបន់ប្រាសាទកោះកេរ ទៅអង្គ ការយូណេស្កូកាលពីខែមករា ឆ្នាំ២០២១។ តំបន់ប្រាសាទកោះកេរ ​ដែលស្នើទៅអង្គការយូណេស្កូ មានផ្ទៃ ដីទំហំជាង៨,៧០០ហិកតា ​នៅក្នុងភូមិសាស្ត្រឃុំស្រយ៉ង់ ក្នុងស្រុកគូលែន ខេត្តព្រះវិហារ បន្ទាប់ពីប្រាសាទព្រះវិហារ ត្រូវបានចុះបញ្ជីបេតិកភណ្ឌពិភពលោកកាលពីឆ្នាំ២០០៨៕ អត្ថបទ៖ ឈិត សាវី

សម្តេចតេជោ ហ៊ុន សែនបញ្ជាឲ្យត្រៀមឧទ្ធម្ភាគចក្រ សម្រាប់ដេញចាប់ពួកប្រព្រឹត្តិបទល្មើសនេសាទ

2022/03/23 10:21:41 am        3162
Facebook Telegram Linkin
ភ្នំពេញ ៖ សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានចេញបទបញ្ជាយ៉ាងម៉ឺងម៉ាត់ ដោយឲ្យត្រៀមឧទ្ធម្ភាគចក្រគ្រប់ខេត្តទាំងអស់ដែលមានបទល្មើសនេសាទ សម្រាប់តាមចាប់ និងបាញ់ដល់ពួកប្រព្រឹត្តិបទល្មើសជលផល ខណៈការរាយការណ៍នាពេលកន្លងទៅ ឃើញចាប់បានតែប្រជានេសាទតូចតាច ហើយអ្នកប្រព្រឹត្តិបទល្មើសធំៗពុំដែលបាននោះ។  ការចេញបទបញ្ជាដាច់អាណាត់របស់សម្តេចតេជោ ហ៊ុន សែននាយករដ្ឋមន្រ្តីនេះ គឺបានធ្វើឡើង នៅរសៀលថ្ងៃទី២៣ ខែមីនា ឆ្នាំ២០២២នេះ ក្នុងឱកាសអញ្ជើញជាអធិបតីភាពក្នុងពិធីបិទសន្និបាតបូកសរុបការងារឆ្នាំ២០២១ និងលើកទិសដៅអនុវត្តការងារឆ្នាំ២០២២ របស់ក្រសួងកសិកម្ម រុក្ខាប្រមាញ់ និងនេសាទ។ សម្តេចតេជោ ហ៊ុន សែន បានបញ្ជាក់យ៉ាងធ្ងន់ៗថា ចាប់ពីពេលនេះតទៅ អាជ្ញាធរគ្រប់ខេត្តទាំង អស់ជាពិសេសខេត្តដែលនៅជាប់ជុំវិញបឹងទន្លេសាប ត្រូវតែតាមចាប់ពួកឈ្មួញ និងពួកប្រព្រឹត្តិបទល្មើស នេសាទធំៗឲ្យទាល់តែបាន ដោយមិនថាត្រូវប្រើគ្រប់វិធីណានោះឡើយ ហើយមួយវិញទៀតសម្តេចក៏បាន បញ្ជាឲ្យធ្វើការចាប់ដាក់គុកផងដែរ ប្រសិនបើអ្នកណានៅតែហ៊ានប្រឆាំងចំពោះបទបញ្ជានេះ។​ជាមួយគ្នានោះដែរ សម្តេចតេជោ ហ៊ុន សែន នាយករដ្ឋមន្រ្តីក៏បានរិះគន់ចំៗចំពោះអាជ្ញាធរមួយចំនួនថាអាចនឹងមានការឃុបឃិតគ្នាជាមួយពួកប្រព្រឹត្តិបទល្មើសទាំងនោះ ខណៈពេលដែលមានបទបញ្ជា ឲ្យធ្វើការបង្រ្កាបពួកគេ(ពួកប្រព្រឹត្តិបទល្មើសជលផល)ពួកទាំងនោះតែងតែដឹងមុន ហើយគេចខ្លួនបាត់ ដោយធ្វើការចាប់ពុំដែលបាន ឃើញបានតែប្រជានេសាទដែលមានទួកតូចៗទៅវិញនោះ។យ៉ាងណាក៏ដោយដើម្បី កុំឲ្យផលត្រីនៅប្រទេសកម្ពុជាកាន់តែខ្សោយទៅៗពីមួយឆ្នាំទៅមួយឆ្នាំនោះ សម្តេចតេជោ បានចេញបទបញ្ជាយ៉ាងដាច់ណាត់ ត្រូវតែធ្វើការបង្រ្កាប់ក្រុមប្រព្រឹត្តិបទល្មើសនេសាទ ខុសច្បាប់ទាំងនោះឲ្យខាងតែបាន ដោយមិនថាប្រើប្រាស់វិធីណានោះឡើយ៕​ អត្ថបទ ៖ ចក់

សភាពាណិជ្ជកម្ម EU សន្យាចូលរួមការងារបោសសម្អាតមីនមនុស្សធម៌នៅកម្ពុជា នៅខេត្តកំពង់ចាម

2022/03/23 02:52:56 pm        578
Facebook Telegram Linkin
កំពង់ចាម៖ សភាពាណិជ្ជកម្មសហគមន៍អឺរ៉ុបប្រចាំនៅកម្ពុជា បានសន្យាថា នឹងចូលរួមលើការងារបោសសម្អាត មីនមនុស្សធម៌នៅកម្ពុជា ដោយអនុវត្តនៅខេត្តកំពង់ចាម ខណៈរាជរដ្ឋាភិបាល បានកំណត់ផែនការ នៅឆ្នាំ២០២៥ កម្ពុជាគ្មានមីន ។ក្នុងជំនួបជាមួយឯកឧត្តម លី ធុជ ទេសរដ្ឋមន្ត្រី អនុប្រធានទី១ អាជ្ញាធរមីនកម្ពុជា នៅថ្ងៃទី២៣ ខែមីនា ឆ្នាំ២០២២ លោក Tassilo Brinzer ប្រធានសភាពាណិជ្ជកម្មសហគមន៍អឺរ៉ុបប្រចាំនៅកម្ពុជា (EuroCham Cambodia) បានសម្តែងការសោកស្តាយចំពោះប្រទេសកម្ពុជា ដែលបានទទួលរងគ្រោះ​យ៉ាង​ធ្ងន់ធ្ងរ​ដោយ​សារសង្រ្គាម ​ព្រមទាំង​បាន​បន្សល់ទុកគ្រាប់មីន ​និងគ្រាប់យុទ្ធភណ្ឌមិនទាន់ផ្ទុះ​យ៉ាងច្រើន​សន្ធឹកសន្ធាប់​ ពាសពេញផ្ទៃប្រទេស​ បានបង្កឲ្យមានការគ្រោះថ្នាក់​ ដល់ប្រជាពលរដ្ឋខ្មែរ ។លោកបន្តថា សភាពាណិជ្ជកម្មសហគមន៍អ៊ឺរ៉ុបប្រចាំនៅកម្ពុជា នឹងចូលរួមជាមួយរាជរដ្ឋាភិបាល​កម្ពុជា​ ក្នុងការងារបោសសម្អាតមីន​មនុស្សធម៌ ព្រមទាំងកៀរគរនូវធនធានហិរញ្ញវត្ថុពីបណ្តាវិស័យ​ឯកជននានា​ក្នុងក្របខណ្ឌសហគមន៍​អឺរ៉ុប សម្រាប់គាំទ្រដល់ការងារបោសសម្អាតមីន​នៅខេត្តកំពង់ចាម ផងដែរ។ជាមួយគ្នានេះ ប្រធានសភាពាណិជ្ជកម្ម បានកោតសរសើរ និងវាយតម្លៃខ្ពស់ចំពោះកិច្ចខិតខំ​ប្រឹង​ប្រែង ​និង​សមិទ្ធផល​សម្រេច​បាន​របស់រាជរដ្ឋាភិបាលកម្ពុជា​ ដែលមានអាជ្ញាធរមីន​ជា​សេនាធិការ ក្នុងការ​ដោះស្រាយបញ្ហាមីន ​និងសំណល់ជាតិផ្ទុះពីសង្រ្គាម​រយៈពេលកន្លងមក ។ក្នុងជំនួបនោះ ​ឯកឧត្តមទេសរដ្ឋមន្រ្តី ​មានប្រសាសន៍ថា​ រាជរដ្ឋាភិបាលកម្ពុជាបានខិតខំ និង​ទទួល​ជោគជ័យ​ក្នុងដោះស្រាយបញ្ហាមីន​ និង​សំណល់ជាតិផ្ទុះនៅកម្ពុជារយៈពេល ​៣០ឆ្នាំកន្លងទៅនេះ មាន​ការចូលរួមគាំទ្រពីដៃគូអភិវឌ្ឍន៍ ​និងប្រទេសជាមិត្ត នឹងបានដាក់ចេញនូវចក្ខុវិស័យយ៉ាង​ច្បាស់លាស់ ​ក្នុងការបញ្ចប់ការគម្រាមកំហែង​ដោយសារមីន ​នៅត្រឹមឆ្នាំ២០២៥ និងបន្ត​ដោះ​ស្រាយ​បញ្ហា​នៅសេសសល់ដោយសារសំណល់ជាតិផ្ទុះពីសង្រ្គាមក្រោយឆ្នាំ២០២៥ ។ឯកឧត្តម បានបន្តថា ដើម្បីគាំទ្រដល់ផែនការ​អាទិភាព​របស់​រាជរដ្ឋាភិបាល​ និងឈានទៅ​សម្រេច​បាន​នូវចក្ខុវិស័យ “កម្ពុជាមួយគ្មានមីនឆ្នាំ២០២៥” អាជ្ញាធរមីន ​បានរៀប​ចំគោលការណ៍ណែនាំ​ស្តីពីការ​អនុវត្តយន្តការភូមិអស់មីន​ ដែលនឹងធានាថា​ រាល់ចម្ការមីនទាំងអស់ ដែលមាននៅ​ក្នុង​ភូមិត្រូវបានបោសសម្អាត​ ក្នុងគោលដៅ​ជួយ​ពន្លឿន​ដល់ការបោសសម្អាតមីន និងទាក់ទាញនូវការ​ចូលរួម​គាំទ្រ​ពីដៃគូអភិវឌ្ឍន៍ ​និងសប្បុរសជននានា។ឯកឧត្តម លី ធុជ បានបន្ថែមថា ​ការអនុវត្តយន្តការនេះ នឹងចាប់ផ្តើមអនុវត្តចេញ​ពីភូមិមួយ​ទៅ​ភូមិមួយ​ និងខេត្តដែលមានផលប៉ះពាល់ដោយសារមីន​តិចតួច ​ជាក់ស្តែងអាជ្ញាធរមីន បាន​បញ្ចប់​ដោយជោគជ័យក្នុងខេត្តកែប​ និងគ្រោងបញ្ចប់ការងារបោសសម្អាតមីន ​នៅខេត្តព្រៃវែង ​ខាងមុខនេះ ក្រោមការចូលរួមជួយគាំទ្រពីសភាពាណិជ្ជកម្មអាមេរិក​ប្រចាំនៅកម្ពុជា ៕​អត្ថបទ បាន សុខរិទ្ធិ

កងទ័ពប្តេជ្ញាចូលរួមអនុវត្តគ្រប់សកម្មភាពរបស់រាជរដ្ឋាភិបាល ដើម្បីផ្តល់ទំនុកចិត្តទុកជូនពលរដ្ឋ

2022/03/23 01:55:52 pm        914
Facebook Telegram Linkin
បាត់ដំបង៖ នៅថ្ងៃទី២៣ ខែមីនា ឆ្នាំ២០២២ ក្នុងសិក្ខាសាលាបូកសរុបលទ្ធផលការងារយោធាសន្តិសុខឆ្នាំ២០២១ និងទិសដៅអនុវត្តបន្តឆ្នាំ២០២២ នៅទីបញ្ជាការតំបន់ប្រតិបត្តិការសឹងរងខេត្តបាត់ដំបង លោក ឧត្តមសេនីយ៍ទោ សេង ធារិន មេបញ្ជាការរង នាយសេនាធិការ យោធភូមិភាគទី៥ ថ្លែងថា កងទ័ពប្តេជ្ញាចូលរួមអនុវត្តគ្រប់សកម្មភាពរបស់រាជរដ្ឋាភិបាល ដើម្បីផ្តល់ទំនុកចិត្តទុកជូនប្រជាពលរដ្ឋ។ក្នុងនោះដែរ លោកឧត្តមសេនីយ៍ទោ សេង ធារិន ក៏បានកោតសរសើរ និងវាយតម្លៃខ្ពស់​ចំពោះ​យោធិន​ទាំងអស់​គ្រប់កង​ឯកភាពចំណុះ ​ដែលកន្លងមក​ប្រឹងប្រែង​អនុវត្តសម្រេច​បាន​ជោគជ័យ​គ្រប់ភារកិច្ចដែលថ្នាក់លើដាក់ជូន ​និងការប្រកាសគាំទ្រ​ឯកឧត្តម ហ៊ុន ម៉ាណែត ជា​បេក្ខភាពនាយករដ្ឋមន្រ្តី នាពេលអនាគត ​របស់អង្គភាពតំបន់ប្រតិបត្តិការសឹករងបាត់ដំបង និងគ្រប់បណ្តាអង្គភាពចំណុះយោធភូមិភាគទី៥ទាំងអស់ ។លោកឧត្តមសេនីយ៍ទោ សេង ធារិន បានបន្តថា ​ក្នុងដំណាក់កាលការរាតត្បាតជំងឺកូវីដ-១៩ កម្លាំង​កងទ័ពរបស់តំបន់ប្រតិបតិ្តការសឹករងបាត់ដំបង បានចូលរួមចំណែកយ៉ាងសកម្មក្នុង​ការការពារ​ទប់ស្កាត់ ​ដោយបានអនុវត្តតាមបទបញ្ជា ​តាមសេចក្តីណែនាំរបស់ប្រមុខរាជរដ្ឋាភិបាល ក្រសួងការពារជាតិ អគ្គបញ្ជាការ កងទ័ពជើងគោក ​និងយោធភូមិភាគទី៥ ធ្វើឱ្យកងទ័ពកាន់​តែ​មានកិត្យានុភាព​ និងមានទំនុកចិត្តពីប្រជាពលរដ្ឋ ជាក់ស្តែងក្នុងយុទ្ធនាការចាក់វ៉ាក់សាំងជូន​ប្រជាពលរដ្ឋ ​ដោយ​ទទួលបានលទ្ធផលល្អប្រសើរ ​និងការទទួលខុសត្រូវខ្ពស់។ក្នុងឆ្នាំ២០២២នេះ ដោយឈរលើផែនការការងារកសាង ​ពង្រឹងអង្គភាពឱ្យរឹងមាំលើគ្រប់វិស័យ របស់​តំបន់ប្រតិបត្តិការសឹករងបាត់ដំបង​ ត្រូវធានា​អោយបានគ្រប់ភារកិច្ចដែលថ្នាក់លើប្រគល់ជូន គ្រប់កងឯកភាព ​និងត្រូវបន្តសហការជាមួយអាជ្ញាធរគ្រប់លំដាប់ថ្នាក់​ ក្នុងកិច្ចការងារសន្តិសុខ បន្ត​លើការងារហ្វឹកហ្វឺន អប់រំចិត្តសាស្ត្រ ប្រមូលផ្តុំគ្រប់គ្រងកម្លាំង ​ពង្រឹងប្រៀបការពារជាតិ ជំរុញ​ការងារ​បង្កបង្កើនផល ចិញ្ចឹមសត្វ ​បង្កើនធានាជីវភាពកងទ័ព ​មានផ្ទះបាយរួម មាន​ម្ហូបអាហារ​ហូបគ្រប់គ្រាន់ ​ប្រកបដោយសុខមាលភាព​ ត្រូវត្រៀមកម្លាំងអន្តរាគមន៍២៤ម៉ោង តាមបទ​បញ្ជា​របស់ថ្នាក់លើ ដើម្បីចុះជួយសង្រ្គោះប្រជាពលរដ្ឋជួបគ្រោះមហន្តរាយដោយកត្តាមនុស្ស និង​ធម្មជាតិជាយថាហេតុ។លោកឧត្តមសេនីយ៍ទោ សេង ធារិន បន្តថា ​កងទ័ពទាំងអស់មានមោទភាពចំពោះថ្នាក់ដឹកនាំ​ជំនាន់​ក្រោយ ​និងគាំទ្របេក្ខភាព ឯកឧត្តម ហ៊ុន ម៉ាណែត ​ជានាយករដ្ឋមន្រ្តីនាពេលអនាគត៕

អាណាព្យាបាលសម្រុកនាំកុមារអាយុក្រោម៥ឆ្នាំទៅចាក់វ៉ាក់សាំងដូសទី២

2022/03/23 12:25:09 pm        892
Facebook Telegram Linkin
ភ្នំពេញ៖ ដំណើរការចាក់វ៉ាក់សាំងដូសទី២ ជូនកុមារអាយុពី៣ឆ្នាំ ដល់ក្រោម៥ឆ្នាំ នៅរាជធានីភ្នំពេញ ចាប់ផ្តើមអនុវត្តនពីថ្ងៃនេះតទៅ ខណៈអាណាព្យាបាលសម្រុកនាំកូនៗ ទៅចាក់វ៉ាក់សាំង តាមការកំណត់របស់គ្រូពេទ្យ។អាណាព្យាបាលរស់នៅរាជធានីភ្នំពេញ នាំកុមារមកចាក់វ៉ាក់សាំងនៅមន្ទីរពេទ្យបង្អែកច្បារអំពៅ នៅថ្ងៃទី២៣ ខែមីនានេះ បានប្រាប់BTVឱ្យដឹងថា​បន្ទាប់ពីកូនៗដែលមានអាយុពី៣ឆ្នាំដល់ក្រោម៥ឆ្នាំ ចាក់វ៉ាក់សាំងដូសទី២រួចរាល់ហើយ បន្ថយការព្រួយបារម្ភឆ្លងជំងឺកូវីដ-១៩ ពេលពួកគេនៅសាលារៀន និងដើរលេងនៅកន្លែងផ្សេងៗ។ លើសពីនេះ ពួគគេបានអគុណចំពោះសម្តេចតេជោហ៊ុន សែន នាយករដ្ឋមន្រ្តី នៃកម្ពុជា ដែលបាន​ស្វះស្វែងរកវ៉ាក់សាំងកូវីដ-១៩មកចាក់ជូនពលរដ្ឋអាយុពី៣ឆ្នាំឡើង ​ដោយឥតគិតថ្លៃ ហើយពួកគេ​គាំទ្រ​យ៉ាងពេញទំហឹង ​ដល់គណបក្សប្រជាជនកម្ពុជា​បន្តដឹកនាំប្រទេសទៀត។យុទ្ធនាការចាក់វ៉ាក់សាំងបង្ការជំងឺកូវីដ-១៩​ ប្រភេទ​ Sinovac ដូសទី២ ជូនកុមារអាយុពី៣ឆ្នាំ ដល់ ក្រោម៥ឆ្នាំ ​នៅក្នុងប្រទេសកម្ពុជា​ ចាប់ផ្តើមអនុវត្តពីថ្ងៃទី២៣​ ខែកុម្ភៈ ឆ្នាំ២០២២ ហើយការចាក់​ដូសទី២ ​ត្រូវមានគម្លាត១ខែ ​បន្ទាប់ពីចាក់ដូសទី១រួចរាល់។ ​ការចាក់វ៉ាក់សាំងកូវីដ-១៩ គឺ​ដើម្បីបង្កើតអង់ទីគ័រទប់​ ទល់នឹងការវាយលុកពីជំងឺកូវីដ-១៩​ ជាពិសេសមេរោគបំប្លែងថ្មីអូមីក្រុង។បច្ចុប្បន្នកម្ពុជា រកវ៉ាក់សាំងកូវីដ-១៩ បានជាង៤៤លានដូស ​រាប់​បញ្ជូល​ទាំងការបញ្ជាទិញពី​ប្រទេសចិន ​ជំនួយតាមរយៈយន្តការកូវ៉ាក់​ និងបណ្តាប្រទេសផ្សេងៗមួយចំនួនទៀត សម្រាប់ប្រើប្រាស់ក្នុង ​យុទ្ធនាការចាក់វ៉ាក់សាំងបង្ការជំងឺកូវីដ-១៩ ជូនពលរដ្ឋពីដូសទី១ ដល់ដូសទី៤៕អត្ថបទ៖ សោភ័ណ 

កម្ពុជា ប្រកាន់ខ្ជាប់ភាពមិនលម្អៀងនិងជ្រៀតជ្រែកកិច្ចការផ្ទៃក្នុងរបស់មីយ៉ាន់ម៉ា

2022/03/23 12:18:55 pm        488
Facebook Telegram Linkin
ភ្នំពេញ៖ ឯកឧត្តម ឧបនាយករដ្ឋមន្រ្តី ប្រាក់ សុខុន បានអះអាងថា កម្ពុជា ប្រកាន់ខ្ជាប់ជានិច្ចនូវភាពមិនលម្អៀង និងជ្រៀតជ្រែកកិច្ចការផ្ទៃក្នុងរបស់មីយ៉ាន់ម៉ា និងបន្តអំពាវនាវឲ្យគ្រប់ភាគីទាំងអស់ ប្រកាន់ភាព ស្ងប់ស្កាត់ ដើម្បីសុវត្ថិភាពប្រជាពលរដ្ឋរបស់ខ្លួន។ក្នុងសន្និសីទសារព័ត៌មាន ក្រោយបញ្ចប់ដំណើរទស្សនកិច្ចលើកដំបូងនៅប្រទេសមីយ៉ាន់ម៉ា ដើម្បី ស្វែងរកដំណោះស្រាយទៅលើបញ្ហានានា ដែលកំពុងប្រឈម ទាំងអំពើហិង្សា និងជំនួយមនុស្សធម៌ នោះ ក្នុងឋានៈជាប្រេសិតពិសេសរបស់ប្រធានអាស៊ាន ឯកឧត្តម ឧបនាយករដ្ឋមន្រ្តី ប្រាក់ សុខុន ប្រមុខការទូតកម្ពុជា មានប្រសាសន៍ថា តាមរយៈទស្សនកិច្ចលើកដំបូងនេះ ​គឺដើម្បីតាមដាន និង​ពិនិត្យការ​ជឿនលឿន​ បន្ទាប់ពីដំណើរទស្សនកិច្ចរបស់សម្តេចតេជោ ហ៊ុន សែន នាយករដ្ឋមន្រ្តី និងជាប្រធានអាស៊ាន ​កាលពីអំ​ឡុងខែមករា​ ឆ្នាំ២០២២។ឯកឧត្តម បានប្តេជ្ញាជាថ្មីថា កម្ពុជា ប្រកាន់ខ្ជាប់ជានិច្ចភាពមិនលម្អៀង ជ្រៀតជ្រែក កិច្ចការផ្ទៃក្នុង និងអធិបតេយ្យភាពរបស់មីយ៉ាន់ម៉ាឡើយ។ទន្ទឹមគ្នានេះ ក្រៅពីការស្នើបញ្ឈប់អំពើហិង្សានៅមីយ៉ាន់ម៉ា ​ឯកឧត្តម ប្រាក់ សុខុន ​បានបញ្ជាក់ថា បញ្ហា​ជំនួយមនុស្សធម៌សម្រាប់ចែកជូនប្រជាជនមីយ៉ាន់ម៉ា ​ក៏ជាជំហានសំខាន់ ក្នុង​ឋានៈជា​ប្រេសិតពិសេស ដើម្បីពិចារណាដាក់​បញ្ជូល​ទៅក្នុងកិច្ចប្រជុំពិ​គ្រោះយោបល់​ក្នុងបំណាច់​ខែមេសាខាង​មុខនេះ។យ៉ាងណាមិញ ជុំវិញបញ្ហានៅមីយ៉ាន់ម៉ា ឯកឧត្តម ប្រាក់ សុខុន បានលើកឡើងជាថ្មីថា នឹងមិន អាច​បញ្ចប់បានតាមរយៈទស្សនកិច្ចមួយថ្ងៃ​ ឬមួយខែ​ និងមួយឆ្នាំបានឡើយ​ ដោយសារមីយ៉ាន់ម៉ា ជាប្រទេស​បានប្រឈមការវាយប្រហារគ្នារវាងយោធា ​និងក្រុមប្រដាប់អាវុធ​ ដែលមកទល់ពេលនេះ មានរយៈពេលជាង៧០ឆ្នាំមកហើយ។ក្នុងឋានៈប្រេសិតពិសេសរបស់ប្រធានអាស៊ាន ឯកឧត្តម ប្រាក់ សុខុន បន្ថែមថា ទស្សនកិច្ច​លើកដំបូងនេះ​ បានបើកផ្លូវឲ្យមានការស្នើផ្ទាល់ទៅកាន់ថ្នាក់ដឹកនាំមីយ៉ាន់ម៉ា ស្តីពីការ​បញ្ចប់​អំពើហិង្សា ក៏ដូចជា​ ការអត់ធ្មត់​ឱ្យបានខ្ពស់បំផុតពីគ្រប់ភាគីទាំងអស់ និង​ការ​ចែកចាយ​ជំនួយ​មនុស្សធម៌ ​ដោយមានការគាំទ្រ ​ក៏ដូចជាសម្របសម្រួលពីលេខាធិការដ្ឋានអាស៊ាន និង​មជ្ឈមណ្ឌល​សម្របសម្រួល​អាស៊ាន​ ដើម្បីឈាន ​ទៅរកជំនួយមនុស្សធម៌ ​និងការគ្រប់គ្រងគ្រោះមហន្តរាយ និង​លើកទឹកចិត្តឱ្យមានកិច្ចពិគ្រោះយោបល់ រួម ​ទាំងកិច្ចសន្ទនានយោបាយ ក្នុងចំណោមភាគីពាក់ព័ន្ធ​ទាំងអស់ផងដែរ៕​អត្ថបទ៖ សេក ឧត្តម 

កម្លាំងមួកខៀវកម្ពុជាមួយកងធំថ្មីទៀត ត្រៀមបញ្ជូនចូលរួមបេសកកម្មនៅអាហ្វ្រឹកកណ្តាល

2022/03/23 11:39:45 am        518
Facebook Telegram Linkin
ភ្នំពេញ៖ ក្រុមមន្ត្រី៤រូបមកទីស្នាក់ការកណ្តាលអង្គការសហប្រជាជាតិUNនៅទីក្រុងញូវយ៉ក សហរដ្ឋអាមេរិច បាននឹងកំពុងប្រើប្រាស់ពេលចំនួន៥ថ្ងៃ ចាប់ពីថ្ងៃទី ២០ដល់ថ្ងៃទី ២៥ខែមីនា នៅកម្ពុជា ដើម្បីធ្វើការងារត្រួតពិនិត្យ និងវាយតម្លៃការរៀបចំមធ្យោបាយសម្ភារៈគ្រឿងបំពាក់កងកម្ទេចគ្រឿងផ្ទុះ និងវាយតម្លៃសមត្ថភាពកងកម្ទេចគ្រឿងផ្ទុះកម្ពុជាមួយកងថ្មី ដើម្បីស្នើបញ្ជូនទៅបំពេញបេសកកម្មថែរក្សាសន្តិភាពUNនៅសាធារណរដ្ឋអាហ្វឹ្រកកណ្តាល។បន្ទាប់ពីចុះត្រួតពិនិត្យសំភារៈគ្រឿងបំពេញ និងការហ្វឹកហ្វឺនបង្ហាញសមត្ថភាព​កងកម្ទេច​គ្រឿង​ផ្ទុះ១កងធំ ​នៅសាលាហ្វឹកហ្វឺកហ្វឺនACO​ ខេត្តកំពង់ស្ពឺ លោក Adler Cardoso Ferreira ប្រធាន​ក្រុម​ការងារផ្នែករក្សាសន្តិភា​ពមកពីស្នាក់កណ្តាលអង្គការសហប្រជាជាតិ បានថ្លែងកោតសរសើរកង​កម្លាំង​កម្ទេច​គ្រឿងផ្ទុះEODកម្ពុជា ដែលជាកងថ្មីមានសមត្ថភាពជំនាញវិជ្ជាជីវៈ និងចេះប្រើប្រាស់​សំភារៈ​គ្រឿង​បំពាក់កម្ទេច​គ្រឿងផ្ទុះច្បាស់លាស់ ​ស្របតាម​លក្ខខ័ណ្ឌ​តម្រូវការ​របស់​អង្គការ​សហប្រជាជាតិUN។បើតាមនាយឧត្តមសេនីយ៍ សែម សុវណ្ណនី អគ្គនាយកមជ្ឈមណ្ឌលជាតិរក្សាសន្តិភាព បានបញ្ជាក់​ប្រាប់BTV នៅថ្ងៃទី២៣ ខែមីនានេះថា កងថ្មី ​ដែលជាកងកម្ទេចគ្រឿងផ្ទុះEOD សរុប​មានចំនួន ៩៨នាក់ ក្នុងនោះ មានកងកម្លាំងគាំទ្រថ្នាក់ជាតិចំនួន ៣នាក់ផងដែរនោះ​ ត្រូវបាន ក្រុមមន្ត្រីមកពី UN ចំនួន៤រូប​ ធ្វើការត្រួតពិនិត្យ និងវាយតម្លៃសមត្ថភាពជំនាញវិជ្ជាជីវៈប្រើប្រាស់​សំភារៈកំទិច​គ្រឿងផ្ទុះ EOD និងត្រួតពិនិត្យសំភារៈគ្រឿងបំពាក់នានា ​ធ្វើរបាយការណ៍​រាយការណ៍​បញ្ជូន​ទៅ​ស្នាក់កណ្តាលUN ដើម្បីរៀបចំកងEODថ្មី ១កងនេះ បញ្ជូនទៅបំពេញបេសកកម្មថែរក្សា​សន្តិភាព​UN រដ្ឋធានី ប៊ែងហ្គី សាធារណរដ្ឋអាហ្វ្រឹកកណ្តាលបន្ថែមទៀត នៅក្នុងអំឡុងត្រីមាសទី៣ ក្នុងឆ្នាំ២០២២នេះ។នាយឧត្តមសេនីយ៍ សែម សុវណ្ណនី ក្នុងនាមជាអនុប្រធានគណៈកម្មាធិការជាតិ​សម្របសម្រួលការ​បញ្ជូន​កងកម្លាំងរក្សាសន្តិភាព បានថ្លែងថា កម្ពុជា បានបញ្ជូនទ័ពមួកខៀវទៅបំពេញ​បេសកកម្ម​រក្សាសន្តិភាពUN ​នៅតំបន់BRIA ​សាធារណៈរដ្ឋអាហ្វ្រឹកកណ្តាលលើកដំបូងនៅឆ្នាំ២០១៥ មកដល់​ឆ្នាំ២០២២ គឺកម្ពុជា បាន​បញ្ជូនទ័ពមួកខៀវប្តូរវេន​ប្រចាំឆ្នាំ ១ឆ្នាំម្តងមាន​ចំនួនជាង ២០០នាក់​បានចំនួន៨លើក ​។ ដោយឡែកការបញ្ជូនប្តូរវេនលើកទី៨ក្នុងឆ្នាំ២០២២នេះ ​ភាគីUN ​បានស្នើកម្ពុជា បន្ថែមកងកម្លាំងចំនួន ១៥នាក់បន្ថែមទៀត ​ដើម្បីពង្រឹក​បេសកកម្មដូចជា ​សាងសង់​សំណង់​ផ្តេក សាងសង់សំណង់បញ្ឈរ ដោះមីន កំទិចគ្រឿង​យុទ្ធភ័ណ្ឌ​មិនទាន់ផ្ទុះ​ ជីក​អណ្តូងទឹក ជួយ​ជនស៊ីវិល​ផ្នែក​មនុស្សធម៌​ និងការពារជនស៊ីវិល ​នៅតំបន់មានជម្លោះសង្គ្រាមនៅតំបន់ BRIAជាដើម។សូមបញ្ជាក់ថា កម្ពុជា ​គិតចាប់ពីឆ្នាំ២០០៦ រហូតមកដល់ឆ្នាំ២០២២នេះបាន​បញ្ជូន​កង​កម្លាំង​សរុប​ជាង ៨០០០នាក់ ​ក្នុងនោះ​មាន​នារីចំនួន​ ៥២៨នាក់​ ទៅកាន់បេសកកម្មចំនួន១១ ក្នុង​ប្រទេស​ចំនួន ៩ប្រទេស ។ ដោយឡែកនៅក្នុងឆ្នាំ២០២២នេះ កម្ពុជា ​មានកងទ័ពមួកខៀវចំនួនជិត ៨០០នាក់​កំពុង​បំពេញបេសកកម្មរក្សាសន្តិភាពនៅតាមបណ្តាប្រទេសចំនួន ៤រួមមាន៖ ប្រទេសស៊ូដង់ខាងត្បូង លីបង់​ អាហ្រ្វឹកកណ្តាល​ និងប្រទេសម៉ាលី៕អត្ថបទ ស៊ុមសុខជា

រដ្ឋមន្រ្តីពាណិជ្ជកម្ម ជំរុញមន្រ្តីពាក់ព័ន្ធបន្តការអនុវត្តការងារលើកកម្ពស់ហាឡាល

2022/03/23 11:07:51 am        285
Facebook Telegram Linkin
ភ្នំពេញ៖ គណៈកម្មាធិការត្រួតពិនិត្យផលិតផលហាឡាលកម្ពុជា បានរៀបចំកិច្ចប្រជុំលើកទី១ ក្រោមវត្តមានឯកឧត្តម ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្ម និងជាប្រធាន ដើម្បីណែនាំអំពីសមាសភាពគណៈកម្មាធិការត្រួតពិនិត្យផលិតផលហាឡាលកម្ពុជាដែលទើបតែងតាំងថ្មី និងពិនិត្យរបាយការណ៍របស់លេខាធិការដ្ឋាន ប្រមូលធាតុចូលបន្ថែមពីភាគីពាក់ព័ន្ធ ព្រមទាំងកំណត់ផែនការសកម្មភាពដែលត្រូវអនុវត្តបន្ត។តាមរយៈកិច្ចប្រជុំកាលពីថ្ងៃទី២២ មីនាឆ្នាំ២០២២នេះ ដោយមានការអញ្ជើញចូលរួមពីឯកឧត្តម អូស្មាន ហាស្សាន់ ទេសរដ្ឋមន្ត្រីទទួលបន្ទុកបេសកកម្មពិសេស​ និងជាអនុប្រធាន ព្រមទាំង​សមាជិក​ជាច្រើន​រូបផ្សេងទៀត ​ឯកឧត្តមរដ្ឋមន្ត្រី បានជំរុញ​និងលើកទឹកចិត្តឱ្យក្រុមការងារបច្ចេកទេស ជា​ពិសេសក្រុមឯកទេសផលិតផលហាឡាល ​និងមន្ត្រីអគ្គនាយកដ្ឋានការពារអ្នកប្រើប្រាស់ កិច្ចការ​ប្រកួតប្រជែង​ និងបង្ក្រាបការក្លែងបន្លំ បន្តនិរន្តរភាពកិច្ចការហាឡាល​នៅកម្ពុជាឱ្យកាន់​តែ​មាន​ប្រសិទ្ធភាពខ្ពស់បន្ថែមទៀត​ ដើម្បី​ទទួលបាននូវការគាំទ្រ ​និងទំនុកចិត្តពីគ្រប់មជ្ឈដ្ឋាន។ឯកឧត្តមរដ្ឋមន្ត្រី បានជំរុញបន្តអនុវត្តការងារអាទិ៍ភាពមួយចំនួន​ រួមមាន បន្តពង្រឹងគុណភាព​ការ​ផ្តល់​សេវា និង​ជំរុញការស្នើសុំវិញ្ញាបនបត្រ​បញ្ជាក់បច្ចេកទេស​ស្តង់ដារ​ផលិតផល​ហាឡាលកម្ពុជា និង​ការយកកម្រៃសេវាសាធារណៈលើកិច្ចការចុះបញ្ជី ​និងវិញ្ញាបនបត្រ​បញ្ជាក់​បច្ចេកទេសស្តង់ដារ​ផលិតផលហាឡាលកម្ពុជា។បន្ថែមពីលើនេះ ជំរុញលើកកម្ពស់ទំនុកចិត្តលើការប្រើប្រាស់ស្លាក​សញ្ញា​ហាឡាល​កម្ពុជា តាម​រយៈការ​ជំរុញ​ការអនុវត្តច្បាប់ ​និង​បទប្បញ្ញត្តិ​បច្ចេកទេស​ពាក់ព័ន្ធ​ដោយ​ទន់ភ្លន់ ប្រកប​ដោយ​ជំនាញ​និងវិជ្ជាជីវៈ និងជំរុញការលើកកម្ពស់ការយល់​ដឹងជាសាធារណៈអំពីកិច្ចការ​ហាឡាល។ឯកឧត្តម ​ប៉ាន សូរស័ក្តិ ​បានបញ្ជាក់ជូនអង្គប្រជុំថា​ កិច្ចការហាឡាល គឺជាប្រធានបទដ៏សំខាន់​ដែល​រដ្ឋាភិបាលកម្ពុជា ​បាននិងកំពុងយកចិត្តទុកដាក់យ៉ាងខ្លាំង ​ដោយក្នុងនោះ ​ផលិតផលហាឡាល មិនត្រឹម​តែមានតម្រូវការខ្ពស់​សម្រាប់ប្រទេស​ដែលកាន់​សាសនា​ឥស្លាមប៉ុណ្ណោះទេ ប៉ុន្តែ​សម្រាប់ប្រទេសដទៃទៀត ​ក៏មានតម្រូវការផលិតផលហាឡាលផងដែរ ​ដោយ​សារ​ពាក្យថា “ហាឡាល” គឺសំដៅលើភាពស្អាត​ ឬអនាម័យខ្ពស់​ ដែលធ្វើការផលិតដោយអនុលោមតាមច្បាប់ និងបទប្បញ្ញត្តិឥស្លាម។តាមការលើកឡើងរបស់ឯកឧត្តម ផាន អូន អគ្គនាយក​ នៃអគ្គនាយកដ្ឋានការពារអ្នកប្រើប្រាស់ កិច្ចការ​ប្រកួតប្រជែង ​និងបង្រ្កាបការក្លែងបន្លំ ​រហូតមកដល់បច្ចុប្បន្ននេះ កិច្ចការវិញ្ញាបនបត្រ​បញ្ជាក់​បច្ចេកទេស​ស្តង់ដារ​ផលិតផលហាឡាលកម្ពុជា ​សម្រេចបាននូវការទទួលពាក្យស្នើសុំចំនួន ​២២១ ពាក្យស្នើសុំបានចេញវិញ្ញាប​នបត្រ​ចំនួន ១៩៦​ វិញ្ញាបនបត្រ​មាន ​១០០ក្រុមហ៊ុន​ សហគ្រាស សិប្បកម្ម ​និងអាហារដ្ឋាន ​ស្មើនឹងផលិតផលចំនួន​ ៦១៩មុខទំនិញ៕ អត្ថបទ៖ ឈិត បូរ៉ាវី

គ.ជ.ប លុបបេក្ខជនឈរឈ្មោះបោះឆ្នោតរបស់បក្សភ្លើងទៀន នៅសង្កាត់ទួលស្វាយព្រៃ១ ពាក់ព័ន្ធករណីក្លែងឯកសារ

2022/03/23 10:02:04 am        345
Facebook Telegram Linkin
ភ្នំពេញ៖ គណៈកម្មាធិការជាតិរៀបចំការបោះឆ្នោត (គ.ជ.ប) បានសម្រេចលុបបេក្ខជនឈរឈ្មោះបោះឆ្នោត នៃគណបក្សភ្លើងទៀន នៅសង្កាត់ទួលស្វាយព្រៃ១ ខណ្ឌបឹងកេងកង ពាក់ព័ន្ធករណីក្លែងឯកសារ ដែលឲ្យអ្នកផ្សេងបំពេញ និងចុះហត្ថលេខាជំនួស ។យោងតាមសេចក្តីប្រកាសព័ត៌មាន របស់គណៈកម្មាធិការជាតិរៀបចំការបោះឆ្នោត ស្តីពី​លទ្ធផល​សវនាការជាសាធារណៈ ដោះស្រាយពាក្យបណ្ដឹងបដិសេធបញ្ជីបេក្ខជន នៃគណបក្សភ្លើងទៀន កាលពីថ្ងៃទី២២ ខែមីនា ឆ្នាំ២០២២ បានឲ្យដឹងថា បន្ទាប់ពីទទួលបណ្ដឹងរបស់ពលរដ្ឋឈ្មោះ ម៉ៅ មុន្នី បានឆ្លើយនៅក្នុងសវនាការ គឺឈ្មោះបេក្ខជន ៤រូប ក្នុងបញ្ជីបេក្ខជននៃគណបក្សភ្លើងទៀន នៅ​សង្កាត់ទួលស្វាយព្រៃ១ ពួកគេមិនបានសរសេរ និងផ្ដិតមេដៃ ឬចុះហត្ថលេខាលើជីវប្រវត្តិសង្ខេប និងសេចក្តីប្រកាសយល់ព្រមឈរឈ្មោះជាបេក្ខជន នៃគណបក្សមួយនេះ ។សេចក្តីប្រកាសព័ត៌មាន បានបន្តថា តាមការឆ្លើយរបស់លោក យ៉ែម សារ៉ាក់ តំណាង​គណបក្ស​ភ្លើងទៀន​ ក្នុងសវនាការបានទទួលស្គាល់ថា ​បេក្ខជនទាំង៤រូបខាងលើ ពិតជាមិនបាន​បំពេញ​ឯកសារ​ដូចការ​លើកឡើងរបស់ដើមបណ្ដឹងចោទប្រាកដមែន ។លោកក៏ទទួលស្គាល់របាយការណ៍ ​ស្តីពីការចុះស៊ើបអង្កេត និងស្រាវជ្រាវ​របស់មន្ត្រី​អគ្គ​លេខា​ធិការដ្ឋាន គ.ជ.ប ដែលបានបញ្ជាក់​ចម្លើយ​របស់លោក សួន វណ្ណី អនុប្រធានទី២ ក្រុមការងារ​គណបក្ស​ភ្លើងទៀន ​នៅខណ្ឌបឹងកេងកង ​ជា​បេក្ខជនឈរឈ្មោះរបស់គណបក្សភ្លើងទៀន មួយ​ចំនួន​មិនបានបំពេញ ​និងចុះហត្ថលេខាលើជីវប្រវត្តិសង្ខេប និងសេចក្តីប្រកាសយល់ព្រម​ឈរឈ្មោះ​ជាបេក្ខជនដោយផ្ទាល់នោះទេ​ គឺក្រុមការងារគណបក្សជាអ្នកបំពេញ ​និងចុះហត្ថលេខាជំនួស ។សេចក្តីប្រកាសព័ត៌មានដដែល ​បានបន្ថែមថា ​បន្ទាប់ពីពិនិត្យ ​និងពិចារណារគ្រប់អង្គហេតុ និង​អង្គច្បាប់រួចមក​ ក្រុមប្រឹក្សាជំនុំជម្រះនៃ គ.ជ.ប យល់ឃើញថា ​ផ្អែកតាមមាត្រា ​៤២ នៃច្បាប់ស្តីពី ការ​បោះឆ្នោតជ្រើសរើសក្រុមប្រឹក្សាឃុំសង្កាត់ ​ និងចំណុច ៦.៦.៣.៥ នៃបទបញ្ជា និងនីតិវិធី​សម្រាប់ការបោះឆ្នោតជ្រើសរើសក្រុមប្រឹក្សាឃុំ ​សង្កាត់ អាណត្តិទី៥ ឆ្នាំ២០២២ ជីវប្រវត្តិសង្ខេប និងសេចក្តីប្រកាសយល់ព្រមឈរឈ្មោះរបស់បេក្ខជន​ ត្រូវបំពេញផ្ទាល់ដៃរបស់បេក្ខជនម្នាក់ៗ ។ប្រភព បានបញ្ជាក់ថា​ ដោយយល់ឃើញថា គ​ណបក្សភ្លើងទៀន ​បានអនុវត្តខុសពីបទប្បញ្ញត្តិ ដូចមាន​ចែងក្នុងច្បាប់ស្តីពី​ ការបោះឆ្នោតជ្រើសរើសក្រុមប្រឹក្សាឃុំ សង្កាត់ និងបទបញ្ជា ក្រុម​ប្រឹក្សាជំនុំជម្រះ គ.ជ.ប បាន​សម្រេចយល់ព្រមតាមពាក្យបណ្ដឹង ដោយលុបបញ្ជីបេក្ខជន​ឈរ​ឈ្មោះនៃគណបក្សភ្លើងទៀន ​នៅសង្កាត់ទួលស្វាយព្រៃ១ និងឲ្យ​គណៈកម្មការរៀបចំការ​បោះឆ្នោត​សង្កាត់នេះ បដិសេធ ​និងលុបបញ្ជីបេក្ខជននៃគណបក្សភ្លើងទៀន​ ក្នុងសង្កាត់ទួលស្វាយព្រៃ១ ព្រមទាំង​ដកហូត​ និងបដិសេធពាក្យសុំចុះបញ្ជីបេក្ខជន ​នៃគណបក្សនយោបាយ និងសេចក្តី​សម្រេចរបស់ គឃ.សប (ទម្រង់បែបបទ ១០០៨) ​នៃគណបក្សភ្លើងទៀន នៅសង្កាត់មួយនេះ ៕ អត្ថបទ៖ បាន សុខរិទ្ធិ

សម្តេចតេជោ ហ៊ុន សែន ប្រកាសជំហរជាលក្ខណៈអន្តរជាតិ​ប្រឆាំងការឈ្លានពាន​ប្រទេសមួយ​លើប្រទេសមួយ

2022/03/23 03:15:48 am        993
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីបានបញ្ជាក់ថា កម្ពុជាប្រឆាំង​ដាច់ខាតការប្រើប្រាស់កម្លាំងមួយរំលោភបំពានទៅលើប្រទេសដទៃ ដោយសម្តេចបានបញ្ជាក់ និងនិយាយជារួមថា «គឺប្រឆាំងការប្រើប្រាស់កម្លាំងការឈ្លានពាននៅកាន់ប្រទេសមួយទៀត»។ថ្លែងក្នុងពិធីសម្ពោធបើកឱ្យប្រើប្រាស់ជាផ្លូវការផ្លូវជាតិលេខ២១ ប្រវែង៦៣,៦គីឡូម៉ែត្រ ចាប់ពីរង្វង់មូលតាខ្មៅ ដល់ជ្រៃធំ ក្រោមឥណទានសម្បទានពីរដ្ឋាភិបាលនៃសាធារណរដ្ឋកូរ៉េ នៅព្រឹកថ្ងៃទី២៣ ខែមីនា ឆ្នាំ២០២២នេះ សម្តេចតេជោ ហ៊ុន សែន បានបញ្ជាក់ថា «កម្ពុជាមិនចាំតែបោះឆ្នោតអនុបវាទដូចមុនទេ នេះជាគោលជំហរអន្តរជាតិរបស់កម្ពុជា»។សម្តេចតេជោ ហ៊ុន សែន បានបន្ថែមថា កម្ពុជាប្រកាន់ជំហរអហិង្សា នឹងធ្វើយ៉ាង ដើម្បីធានា​ការធ្វើដំណើរទៅកាន់តុចរចាស្វែងរកសុខសន្តិភាព នៃប្រទេសមួយនឹងប្រទេសមួយ ដោយសម្តេច មិនចង់ឃើញទម្លាប់អាក្រក់កើតមាននៅលើពិភពលោក ដោយឱ្យតែអ្នកធំទៅរំលោភបំពានអ្នក​តូចតាចនោះ​ឡើយ៕

បណ្ដាញសង្គម

ព័ត៌មានថ្មីៗ

មន្ត្រីរាជការទីស្តីការគណៈរដ្ឋមន្ត្រីជួបជុំគ្នាគោរពវិញ្ញាណក្ខន្ធ និងទូងស្គរអបអរសាទរការចុះ បូជនីយដ្ឋានចងចាំកម្ពុជា ក្នុងបញ្ជីបេតិកភណ្ឌពិភពលោក
07/13/2025 10:07 AM
Facebook Telegram Linkin
លោក Zelenskiy ៖ រុស្ស៊ីបើកការវាយប្រហារយានដ្រូន Shahed ៣៣៩គ្រឿង កាលពីយប់ថ្ងៃសុក្រ
07/13/2025 10:07 AM
Facebook Telegram Linkin
លោក Trumpបង្កើនសង្រ្គាមពាណិជ្ជកម្មជាមួយនឹងការគំរាមដំឡើងពន្ធ ៣០ភាគរយលើ EU និងម៉ិកស៊ិក
07/13/2025 09:07 AM
Facebook Telegram Linkin
មេដឹកនាំកូរ៉េខាងជើងបញ្ជាក់ឡើងវិញពីការគាំទ្ររុស្ស៊ីដោយគ្មានលក្ខខណ្ឌនៅក្នុងជម្លោះអ៊ុយក្រែន
07/13/2025 09:07 AM
Facebook Telegram Linkin
បាតុករអ៊ីស្រាអែលដង្ហែរក្បួនតាមដងផ្លូវ ប្រឆាំងរដ្ឋាភិបាល ដោយជំរុញឲ្យមានកិច្ចព្រមព្រៀងចំណាប់ថ្នូរ
07/13/2025 09:07 AM
Facebook Telegram Linkin
រដ្ឋបាលខេត្តកោះកុង រៀបចំពិធីទូងស្គរ អបអរសាទរការចុះ "បូជនីយដ្ឋានចងចាំនៃកម្ពុជា៖ ពីទីតាំងឧក្រិដ្ឋកម្មមកជាមណ្ឌលផ្សះផ្សា និងសន្តិភាព" ក្នុង​បញ្ជីសម្បត្តិវប្បធម៌ពិភពលោក
07/13/2025 09:07 AM
Facebook Telegram Linkin
កងកម្លាំងអ៊ីស្រាអែលសម្លាប់ជនប៉ាឡេស្ទីន ១១០នាក់នៅហ្កាហ្សា ខណៈកិច្ចប្រជុំបទឈប់បាញ់ជាប់គាំង
07/13/2025 09:07 AM
Facebook Telegram Linkin
រដ្ឋបាលរាជធានីភ្នំពេញ រៀបចំពិធីទូងស្គរ អបអរសាទរការចុះបញ្ជី "បូជនីយដ្ឋានចងចាំនៃកម្ពុជា" ក្នុងបញ្ជីសម្បត្តិវប្បធម៌ពិភពលោក
07/13/2025 08:07 AM
Facebook Telegram Linkin
រដ្ឋបាលខេត្តពោធិ៍សាត់ រៀបចំពិ​ធីអបអរសាទរការចុះបញ្ជី «បូជនីយដ្ឋានចងចាំនៃកម្ពុជា៖ ពី​ទីតាំង​ឧក្រិដ្ឋកម្មមកជាមណ្ឌលផ្សះផ្សា និងសន្តិភាព» ទៅក្នុងបញ្ជីបេតិកភណ្ឌពិភពលោក
07/13/2025 08:07 AM
Facebook Telegram Linkin
ក្រសួងប្រៃសណីយ៍ រៀបចំ​ពិធីទូងស្គរ​ អបអរសាទរនៃការចុះ “បូជនីយដ្ឋានចងចាំនៃកម្ពុជា៖ ពីទីតាំងឧក្រិដ្ឋកម្ម មកជាមណ្ឌលផ្សះផ្សា និងសន្តិភាព” ជាសម្បត្តិបេតិកភណ្ឌពិភពលោក
07/13/2025 08:07 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.