BTV NEWS

គម្រោងស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) និងផ្លូវតភ្ជាប់ សម្រេចបាន ៤៥% ហើយ ដែលលឿនជាងផែនការ ៤,១១%

សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាលដែលកំពុងធ្វើកិច្ចការងារយ៉ាងសកម្មស្វែងរកដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស

សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥

សម្ដេចធិបតី៖ រាជរដ្ឋាភិបាលប្តេជ្ញាចិត្តយ៉ាងមុតមាំលើកកម្ពស់ការងារអក្ខរកម្ម និងបំពាក់បំប៉ន ជំនាញ និងឱកាសសិក្សាពេញមួយជីវិត ជាពិសេសជំនាញឌីជីថល

នយោបាយ និង ការអភិវឌ្ឍន៍

មន្រ្តីជំនាញ៖ វ៉ាក់សាំងប្រភេទ Pfizer នឹងបញ្ជូនទៅតាមខេត្តឆាប់ៗនេះ បន្ទាប់ពីដំឡើងទូត្រជាក់រួចរាល់

ភ្នំពេញ៖ គណៈកម្មការចំពោះកិច្ចចាក់វ៉ាក់សាំងបង្ការជំងឺកូវីដ-១៩ ក្នុងប្រកខណ្ឌទូទាំងប្រទស នឹងបញ្ចូនវ៉ាក់សាំងប្រភេទ Pfizer នៅតាមបណ្តាខេត្តឆាប់ៗនេះ បន្ទាប់ពីដំឡើងទូត្រជាក់រួចរាល់។ ជាជំហានដំបូង វ៉ាក់សាំងប្រភេទ Pfizer ដែលបញ្ចូនទៅតាមបណ្តារាជធានី-ខេត្ត ត្រូវចាក់ជូនក្រុមអាទិភាពជួរមុខ។មានប្រសាសន៍ក្នុងកិច្ចសំភាសន៍ជាមួយBTV នៅថ្ងៃទី០៣ខែមីនានេះ លោកជំទាវវេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណៈកម្មការចំពោះកិច្ចចាក់វ៉ាក់សាំងបង្ការជំងឺកូវីដ-១៩ ក្នុងក្របខណ្ឌទូទាំងប្រទេស បានឱ្យដឹងថា បច្ចុប្បន្នទូបង្កកត្រជាក់ខ្លាំង ទូទឹកកករក្សាវ៉ាក់សាំង និងបរិក្ខារប្រព័ន្ធត្រជាក់ដទៃទៀត ដែលកម្ពុជាទទួលបានពីរដ្ឋាភិបាល និងប្រជាជននៃប្រទេសអូស្រ្តាលី នៅថ្ងៃទី២៨ខែកុម្ភៈកន្លងទៅ បានបញ្ជូនទៅដល់ស្ទើរទាំងអស់ក្នុងរាជធានីខេត្តទាំង២៥។តាមការគ្រោងទុក វ៉ាក់សាំងប្រភេទPfizer នឹងបញ្ជូនទៅតាមបណ្តាខេត្តឆាប់ៗនេះ ក្រោយពេលពីរាជធានី-ខេត្ត ណាមួយ ដែលបានដំឡើងទូប្រព័ន្ធត្រជាក់រួចរាល់ បន្ទាប់មកវ៉ាក់សាំងនេះ និងចាក់ជូនក្រុមអាទិភាពជួរមុខ មានដូចជា៖ គ្រូពេទ្យ ប៉ូលិស និងអាជ្ញាធរមូលដ្ឋានជាដើម។បច្ចុប្បន្ន យុទ្ធនាការចាក់វ៉ាក់សាំងកូវីដ-១៩ ប្រភេទPfizer ដូសទី៤ ជូនក្រុមអាទិភាព និងពលរដ្ឋអាយុ១៨ឆ្នាំឡើង គឺអនុវត្តនៅតែរាជធានីភ្នំពេញប៉ុណ្ណោះ ព្រោះវ៉ាក់សាំងនេះ ត្រូវផ្ទុកក្នុងសីតុណ្ហភាពត្រជាក់ដក ៨០អង្សាសេ។ការចាក់វ៉ាក់សាំងបង្ការជំងឺកូវីដ-១៩ ជូនប្រជាពលរដ្ឋ គឺជាយុទ្ធសាស្រ្តចំម្បងមួយ ដែលរាជរដ្ឋាភិបាលកម្ពុជា បានដាក់ចេញដើម្បីប្រយុទ្ធប្រឆាំងនឹងការរាតត្បានៃជំងឺកូវីដ-១៩។ បច្ចុប្បន្នកម្ពុជា រកវ៉ាក់សាំងកូវីដ-១៩ បានជាង៤៣ លានដូស រាប់បញ្ជូលទាំងការបញ្ជាទិញពីប្រទេសចិន ជំនួយតាមរយៈយន្តការកូវ៉ាក់ និងបណ្តាប្រទេសផ្សេងៗមួយចំនួនទៀត សម្រាប់ប្រើប្រាស់ក្នុងយុទ្ធនាការចាក់វ៉ាក់សាំងបង្ការជំងឺកូវីដ-១៩ ជូនពលរដ្ឋអាយុពី៣ឆ្នាំឡើង ចាប់ពីដូសទី១ ដល់ដូសទី៤៕អត្ថបទ៖ទូច សោភ័ណ

សម្តេចតេជោ ផ្ដល់រូបមន្ត១បូក ជូនប្រធានកម្មវិធីតំបន់អាស៊ី-ប៉ាស៊ីហ្វិក ដើម្បីដោះស្រាយការវិនិយោគក្នុងវិបត្តិកូវីដ

ភ្នំពេញ៖ នៅព្រឹកថ្ងៃទី៣ ខែមីនា ឆ្នាំ២០២២នេះ សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអនុញ្ញាតឲ្យលោក Joo ok Lee ប្រធានកម្មវិធីតំបន់អាស៊ី-ប៉ាស៊ីហ្វិក និងជាសមាជិកគណៈកម្មការប្រតិបត្តិនៃវេទិកាសេដ្ឋកិច្ចពិភពលោកចូលជួបសំដែងការគួរសម។ឯកឧត្តម អ៊ាង សុផល្លែត ជំនួយការផ្ទាល់សម្តេចតេជោ បានឱ្យដឹងថា នៅក្នុងជំនួបជាមួយប្រធានកម្មវិធីតំបន់អាស៊ី-ប៉ាស៊ីហ្វិក នៅវិមានសន្តិភាពនៅថ្ងៃនេះ សម្ដេចតេជោ បានផ្ដល់ជូននូវទស្សនៈរបស់សម្ដេចពាក់ព័ន្ធ នឹងរូបមន្តមួយបូក ដោយក្នុងនោះគឺការវិនិយោគមិនប្រមូលផ្ដុំ ដើម្បីដោះស្រាយបញ្ហានៅពេលដែលប្រទេសមួយបានជួបប្រទះវិបត្តិដូចជាជំងឺកូវីដរីករាលដាលជាដើម។លោក JOO បានគោរពជម្រាបជូនសម្ដេចតេជោ អំពីដំណើរការរៀបចំកិច្ចប្រជុំវេទិកាសេដ្ឋកិច្ច ពិភពលោក ដែលនឹងប្រព្រឹត្តទៅនៅខែមិថុនាឆ្នាំ ២០២២ នេះ ជាមួយនឹងការទន្ទឹងទទួលនូវអនុសាសន៍ទស្សនៈរបស់សម្ដេចតេជោ ក្នុងវេទិកាសេដ្ឋកិច្ចពិភពលោកក្នុងនាមសម្ដេចជាប្រធានអាស៊ាន។ បន្ថែមពីលើនេះ ប្រធានកម្មវិធី តំបន់អាស៊ី-ប៉ាស៊ីហ្វិក បានសម្តែងនូវការអបអរសាទរ ជូនចំពោះសម្ដេចតេជោ ដែលបានទទួលធ្វើជាប្រធានអាស៊ានប្ដូរវេន និងចាប់អារម្មណ៍យ៉ាងខ្លាំងចំពោះវឌ្ឍនភាពការវិវត្តរបស់កម្ពុជា។ លោកថា លោកបានមកប្រទេសកម្ពុជា កាលពីឆ្នាំ២០១៧ ហើយនៅពេលនេះកម្ពុជាមានការអភិវឌ្ឍន៍យ៉ាងខ្លាំងទោះបីក្នុងដំណាក់កាលការរីករាលដាលជំងឺ កូវីដ-១៩ក៏ដោយ ហើយប្រសិនណាបើគ្មានការរីករាលដាលជំងឺកូវីតនោះទេ កម្ពុជាពិតជាមានការអភិវឌ្ឍលឿនជាងនេះជាមិនខាន។ សម្ដេចតេជោ បានយល់ស្របជាមួយនឹងលោក JOO ដែលថា ប្រសិនណាបើកុំមានការរីករាលដាលជំងឺកូវីដ-១៩ នោះកម្ពុជានឹងមានការអភិវឌ្ឍលឿនជាងនេះ ជាមួយនឹងការកាត់បន្ថយភាពក្រីក្រកាន់តែច្រើនថែមទៀត។ពាក់ព័ន្ធនឹងទស្សនៈរបស់សម្ដេចតេជោ ក្នុងនាមជាប្រធានអាស៊ាន សម្ដេចបានមានប្រសាសន៍ថា អ្វីដែលសម្ដេចបានចង់បាន គឺអាស៊ានសហការបើកប្រទេសវិញព្រមព្រមគ្នាជំរុញទំនាក់ទំនងក្នុងក្របខណ្ឌអាស៊ាន ដោយជំរុញពាណិជ្ជកម្មក្នុងតំបន់បំពេញឲ្យគ្នាទៅវិញទៅមក នៅពេលដែលទាំងអស់គ្នារស់នៅ ក្នុងបរិបទថ្មី នៃសម័យកូវីដ-១៩៕អត្ថបទ៖ មុត សុទ្ធ

គ.ជ.ប នឹងចាប់ផ្តើមចុះឈ្មោះបេក្ខជនចូលរួមបោះឆ្នោតក្រុមប្រឹក្សាឃុំ-សង្កាត់មកពីបក្សនានា នៅថ្ងៃស្អែក

ភ្នំពេញ៖ ឯកឧត្តម ហង្ស ពុទ្ធា អ្នកនាំពាក្យគណៈកម្មាធិការជាតិរៀបចំការបោះឆ្នោត (គជប) បានឲ្យដឹងថា នៅថ្ងៃស្អែកនេះ បណ្តាការិយាល័យរៀបចំការបោះឆ្នោតនៅតាមឃុំ-សង្កាត់ នឹងចាប់ផ្តើមទទួលការចុះឈ្មោះបេក្ខជនឈរឈ្មោះបោះឆ្នោតសម្រាប់ការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណ្ណត្តិទី៥ ឆ្នាំ២០២២ ខណៈគណបក្សនយោបាយចំនួន១១ ស្នើសុំបង្កើតគណនីប្រើប្រាស់កម្មវិធីរៀបចំបញ្ជីបេក្ខជនរបស់ខ្លួន។ថ្លែងក្នុងកិច្ចសម្ភាសន៍ជាមួយ BTV នៅថ្ងៃទី០៣ ខែមីនា ឆ្នាំ២០២២ ឯកឧត្តម ហង្ស ពុទ្ធា អ្នកនាំពាក្យគណៈកម្មាធិការជាតិរៀបចំការបោះឆ្នោត (គជប) លើកឡើងថា មុនឈានទៅដល់ដំណើរការជាផ្លូវការនៃការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណ្ណត្តិទី៥ ឆ្នាំ២០២២ គជប បានដំណើរការប្រកាសអំពីបញ្ជីឈ្មោះបោះឆ្នោតដំបូងឆ្នាំ២០២១ រហូតមកដល់ដំណាក់កាលបន្ទាប់នាពេលនេះ គឺការរៀបចំបញ្ជីបេក្ខជនឈរឈ្មោះរបស់គណបក្សនយោបាយដើម្បីចូលរួមការប្រកួតប្រជែងសម្រាប់ការបោះឆ្នោតជ្រើសរើសក្រុមប្រឹក្សាឃុំ-សង្កាត់។ ឯកឧត្តម បន្តថា ការចុះឈ្មោះបេក្ខជនរបស់គណបក្សនយោបាយនានា នឹងដំណើរការចាប់ពីថ្ងៃស្អែកទី០៤-០៦ ខែមីនា និងការចុះឈ្មោះបេក្ខជននឹងធ្វើឡើងតាមបណ្តាឃុំ-សង្កាត់។ឯកឧត្តម បញ្ជាក់ថា ក្នុងពេលដំណើរការចុះឈ្មោះបេក្ខជននៅថ្ងៃស្អែកនេះ ចំពោះលក្ខខណ្ឌរបស់បេក្ខជនឈរឈ្មោះបោះឆ្នោតត្រូវគោរពតាមនីតិវិធីរបស់គជប រួមមាន មានសញ្ជាតិខ្មែរ និងត្រូវបានផ្ទេរសិទ្ធិជាតំណាងត្រឹមត្រូវពីគណបក្សនយោបាយ។ ក្នុងនោះ ក្រោយការចុះឈ្មោះរបស់បេក្ខជន គជប នឹងប្រើប្រាស់រយះពេលមួយសប្តាហ៍ ដើម្បីពិនិត្យចំពោះការចុះឈ្មោះបេក្ខជន និងទុករយៈពេលចំនួន៥ថ្ងៃ ដើម្បីជូនដំណឹងដល់គណបក្សនយោបាយ ក្នុងករណីការចុះឈ្មោះនោះមិនពេញលេញ ឬត្រឹមត្រូវទៅតាមលក្ខខណ្ឌរបស់គជប។ជុំវិញដំណើរការចុះឈ្មោះបេក្ខជនចូលរួមការបោះឆ្នោតជ្រើសរើសក្រុមប្រឹក្សាឃុំ-សង្កាត់ខាងមុខ ឯកឧត្តម ហង្ស ពុទ្ធា បានលើកឡើងថា ការចុះឈ្មោះបេក្ខជនរបស់គណបក្សនយោបាយមានសារៈសំខាន់សម្រាប់ប្រជាពលរដ្ឋ ដោយសារពួកគាត់នឹងក្លាយជាសមាជិកក្រុមប្រឹក្សាឃុំ-សង្កាត់ក្នុងមូលដ្ឋានដែលរស់នៅកៀកជាមួយប្រជាពលរដ្ឋ ហើយពួកគាត់ក៏ជាអាជ្ញាកណ្តាលជូនប្រជាពលរដ្ឋផងដែរ។ការបោះឆ្នោតជ្រើសរើសក្រុមប្រឹក្សាឃុំ-សង្កាត់ នឹងប្រព្រឹត្តទៅនៅថ្ងៃទី០៥ ខែមិថុនា ឆ្នាំ២០២២ និងមានប្រជាពលរដ្ឋចុះឈ្មោះក្នុងបញ្ជីបោះឆ្នោតដំបូងឆ្នាំ២០២១ ចំនួនជិត១០លាននាក់ ខណៈការិយាល័យដំណើរការរៀបចំការបោះឆ្នោតនាពេលខាងមុខនៅទូទាំងប្រទេសសរុបចំនួន ១៦៥២ឃុំ-សង្កាត់៕អត្ថបទ សេក ឧត្តម

សម្តេចតេជោ ផ្តល់អនុសាសន៍ឲ្យអាស៊ានណាប៉ូល ពង្រឹងកិច្ចសហការថែមទៀតដើម្បីធ្វើឲ្យអាស៊ានគ្មានភេរវកម្ម

ភ្នំពេញ៖ នៅវិមានសន្តិភាព ព្រឹកថ្ងៃទី៣ខែមីនានេះ ប្រតិភូនគរបាលជាតិនៃបណ្ដាប្រទេសសមាជិកអាស៊ាន ជូនដំណើរដោយឯកឧត្តម នាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ បានមកចូលជួបសំដែងការគួរសមជាមួយសម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។ជាមួយនឹងសេចក្តីរីករាយ និងកោតសរសើរចំពោះកិច្ចសហប្រតិបត្តិការល្អ រវាងបណ្តាអាស៊ានណាប៉ូលដែលបានមកចូលរួមសន្និសីទលើកទី៤០នៅទីក្រុងភ្នំពេញស្តីពីអាស៊ានណាប៉ូល, សម្តេច បានផ្តល់អនុសាសន៍ឱ្យបណ្តាប្រទេសអាស៊ានណាប៉ូល ទាំងអស់ខិតខំពង្រឹង កិច្ចសហការបន្ថែមទៀត ដើម្បីធ្វើយ៉ាងណាឱ្យអាស៊ានបានក្លាយទៅជាអាស៊ានគ្មានភេរវកម្ម។សម្ដេចតេជោ ហ៊ុន សែន ក៏បានលើកទឹកចិត្តផងដែរ ឲ្យអាស៊ានណាប៉ូលទាំងអស់ចែករំលែកបទពិសោធន៍ព័ត៌មានហើយក៏ចង់ឲ្យអាស៊ានណាប៉ូលក្លាយជាឯកអគ្គរដ្ឋទូត ដើម្បីពង្រឹងពង្រីកទំនាក់ទំនងរវាងប្រទេសផងនិងជំរុញពាណិជ្ជកម្មរវាងប្រទេសអាស៊ានក្នុងតំបន់ផង។ បន្ថែមពីលើនេះ សម្ដេចតេជោ ក៏បានថ្លែងអំណរគុណជាថ្មី ចំពោះប្រតិភូអាស៊ានណាប៉ូលទាំងអស់ ហើយក៏បានផ្ដោតនូវក្តីសង្ឃឹមថា ប្រតិភូអាស៊ានណាប៉ូលទាំងអស់នឹងចូលរួមធ្វើអោយសន្និសីទលើកទី៤០ ស្តីពីអាស៊ានណាប៉ូលនៅទីក្រុងភ្នំពេញទទួលបានជោគជ័យ។ជាការឆ្លើយតប គណៈប្រតិភូទាំងអស់បានប្ដេជ្ញាចិត្តជូនចំពោះសម្ដេចតេជោថា នឹងអនុវត្តតាមអនុសាសន៍របស់សម្ដេចហើយនឹងប្រឹងប្រែងធ្វើយ៉ាងណាប្រែក្លាយតំបន់អាស៊ានឱ្យក្លាយជាតំបន់កិច្ចសហប្រតិបត្តិការប្រកបដោយសុខដុមនីយកម្ម,ស្ថេរភាព និងសន្តិភាព៕អត្ថបទ៖ មុត សុទ្ធ

ឯកឧត្ដម ជា សុផារ៉ា ជំរុញថ្នាក់ដឹកនាំរដ្ឋបាលខេត្តត្បូងឃ្មុំ ពង្រឹងរបៀបរបបធ្វើការងារឱ្យកាន់តែល្អ

ត្បូងឃ្មុំ៖ ឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តត្បូងឃ្មុំ បានជំរុញថ្នាក់ដឹកនាំរដ្ឋបាលខេត្តត្បូងឃ្មុំ ត្រូវពង្រឹងរបៀបរបបធ្វើការងារឱ្យបានកាន់តែល្អ ជាពិសេសការតែងតាំងការដំឡើងថ្នាក់ឋានន្តរសក្ដិត្រូវអនុវត្តឲ្យស្របតាមគោលការណ៍នីតិវិធី ដែលបានកំណត់។ក្នុងពេលអញ្ជើញជាអធិបតីក្នុងពិធីបិទសន្និបាតបូកសរុបលទ្ធផលការងារប្រចាំឆ្នាំ២០២១ និងលើកទិសដៅការងារឆ្នាំ២០២២ របស់រដ្ឋបាលខេត្តត្បូងឃ្មុំ នៅថ្ងៃទី០២ ខែមីនា នេះ ឯកឧត្តម ជា សុផារ៉ា បានមានប្រសាសន៍ណែនាំផ្ដល់នូវគោលការណ៍ជាគន្លឹះសំខាន់ៗជាច្រើន និងបានស្នើដល់ថ្នាក់ដឹកនាំរដ្ឋបាលគ្រប់ថ្នាក់ នៃខេត្តត្បូងឃ្មុំ ត្រូវពង្រឹងរបៀបរបបធ្វើការងារ ទំនាក់ទំនងការងារ សាមគ្គីភាព ឯកភាពផ្ទៃក្នុងឲ្យបានល្អ ក្នុងនោះប្រធានក្រុមប្រឹក្សា និងអភិបាលខេត្ត ក្រុង ស្រុក ត្រូវធ្វើជាស្នូលក្នុងការពង្រឹងរបៀបរបបការងារផ្ទៃក្នុងក្រុមប្រឹក្សា និងគណៈអភិបាលរបស់ខ្លួនស្របតាមច្បាប់ និងលិខិតបទដ្ឋាននានាជាធរមាន។ឯកឧត្ដម បានបញ្ជាក់ថា រដ្ឋបាលខេត្តត្បូងឃ្មុំ ត្រូវបង្កើនការពង្រឹង និងគ្រប់គ្រងបុគ្គលិក មន្ត្រីរាជការឱ្យបានគត់មត់ ជាពិសេសការតែងតាំង ការដំឡើងថ្នាក់ឋានន្តរស័ក ត្រូវអនុវត្តឲ្យស្របតាមគោលការណ៍នីតិវិធី ដែលបានកំណត់។ ទន្ទឹមនេះ ត្រូវរួមគ្នាដាក់ចេញឲ្យបានច្បាស់លាស់នូវគោលការណ៍ បែបបទ និងលក្ខណៈវិនិច្ឆ័យសម្រាប់រៀបចំចំនួនបុគ្គលិកជាក់លាក់ នៅតាមអង្គភាពនីមួយៗ ចំណុះរដ្ឋបាលខេត្ត ព្រមទាំងរៀបចំ និងដាក់ឱ្យអនុវត្តនូវប្រព័ន្ធវាយតម្លៃបុគ្គលិក មន្ត្រីរាជការ ដោយផ្អែកលើសមិទ្ធកម្មគុណភាពការងារ ការពិព័រណ៍នាមុខតំណែង និងលក្ខខណ្ឌការងាររបស់បុគ្គលម្នាក់ៗផងដែរ។ឯកឧត្តម បានកោតសរសើរ និងវាយតម្លៃខ្ពស់ចំពោះថ្នាក់ដឹកនាំ មន្ត្រីរាជការ បុគ្គលិក កងកម្លាំងមានសមត្ថកិច្ចនានា និងក្រុមការងាររាជរដ្ឋាភិបាលចុះមូលដ្ឋានគ្រប់លំដាប់ថ្នាក់ នៃខេត្តត្បូងឃ្មុំ ដែលបានខិតខំប្រឹងប្រែងរួមគ្នាយ៉ាងសកម្មក្នុងការបំពេញតួនាទីភារកិច្ចប្រកបដោយស្មារតីទទួលខុសត្រូវខ្ពស់ ដើម្បីសម្រេចបាននូវសមិទ្ធផលក្នុងការធានាថែរក្សាសុខសន្តិភាព ស្ថិរភាពនយោបាយ ការរក្សាសន្តិសុខសណ្ដាប់ធ្នាប់សាធារណៈ ការលើកកម្ពស់លទ្ធិប្រជាធិបតេយ្យ និងជំរុញការអភិវឌ្ឍសេដ្ឋកិច្ចសង្គម ស្របតាមគោលនយោបាយរបស់រាជរដ្ឋាភិបាល សំដៅលើកកម្ពស់ជីវភាពរស់នៅ និងបន្តកាត់បន្ថយភាពក្រីក្រ របស់ប្រជាពលរដ្ឋ។ឯកឧត្តម ជាម ច័ន្ទសោភ័ណ អភិបាលខេត្តត្បូងឃ្មុំ បានធ្វើរបាយការណ៍ពីលទ្ធផលការងាររបស់រដ្ឋបាលខេត្តត្បូងឃ្មុំ ដែលសម្រេចបានក្នុងឆ្នាំ២០២១ ដែលអនុវត្តយ៉ាងខ្ជាប់ខ្ជួនតាមកម្មវិធីនយោបាយ និងយុទ្ធសាស្ត្រចតុកោណដំណាក់កាលទី៤ របស់រាជរដ្ឋាភិបាលកម្ពុជា កំណែទម្រង់វិមជ្ឈការ វិសហមជ្ឈការ និងកម្មវិធីកំណែទម្រង់រដ្ឋបាលសាធារណៈ ក៏ដូចជាកម្មវិធីកំណែទម្រង់ស៊ីជម្រៅដទៃទៀតសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ៕អត្ថបទ៖ ថុង សីហា

ព្រះអង្គម្ចាស់នរោត្តម ចក្រាវុធ ដឹកនាំមន្រ្តីធ្វើពិធីបុណ្យ ១០០ថ្ងៃថ្វាយព្រះកុសលជូនសម្តេចក្រុមព្រះ

ភ្នំពេញ៖ ព្រះអង្គម្ចាស់នរោត្តម ចក្រាវុធ ព្រះប្រធានគណបក្សហ៊្វុនស៊ិនប៉ិច បានដឹកនាំមន្រ្តីគណបក្ស និងព្រះរាជវង្សានុវង្ស ធ្វើពិធីបុណ្យ១០០ថ្ងៃ ថ្វាយព្រះកុសលផលបុណ្យជូនសម្តេចក្រុមព្រះ នរោត្តម រណ ឫទ្ធិ ប្រធានក្រុមឧត្តមប្រឹក្សាផ្ទាល់ព្រះមហាក្សត្រ និងជាប្រធានគណបក្សហ៊្វុនស៊ិនប៉ិច ដែលព្រះអង្គបាន ទ្រង់សោយទិវង្គត កាលពីចុងឆ្នាំ២០២១ កន្លងទៅនេះ។ពិធីបុណ្យគោរព១០០ថ្ងៃ ដើម្បីថ្វាយព្រះកុសលផលបុណ្យជូនដល់សម្តេចក្រុមព្រះ នរោត្តម រណឫទិ្ធ គឺបានធ្វើឡើងចំនួនពីរថ្ងៃ គឺថ្ងៃទី១ ដល់ថ្ងៃទី២ ខែមិនា ឆ្នាំ២០២២នេះ នៅព្រះដំណាក់ព្រះអង្គ ស្ថិតនៅសង្កាត់វាលស្បូវ ខណ្ឌច្បារអំពៅ រាជធានីភ្នំពេញ ដោយមានការយាង និងអញ្ជើញចូលរួមពីព្រះរាជវង្សានុវង្ស និងសមាជិក-សមាជិកាគណបក្សហ៊្វុនស៊ិនប៉ិចមកពីគ្រប់រាជធានី-ខេត្តទាំងអស់ផង។នៅក្នុងកម្មវិធីបុណ្យ១០០ថ្ងៃនេះ ក៏បាននិមន្តព្រះសង្ឈចំនួន៧៨អង្គ ដើម្បីរាប់បាត្របង្សុកូលតាមបែបព្រះពុទ្ធសាសនា ថ្វាយព្រះកុសលផលបុណ្យជូនដល់សម្តេចក្រុមព្រះ និងព្រះវិញ្ញាណក្ខន្ធព្រះរាជវង្សា នុវង្ស និងបុព្វបុរសខ្មែរផងដែរ។សូមបញ្ជាក់ថា សម្តេចក្រុមព្រះនរោត្តម រណ ឫទ្ធិ ព្រះអង្គបានយាងសោយទិវង្គតហើយកាលពីព្រឹកថ្ងៃទី២៨ ខែ វិច្ឆិកា នៅប្រទេសបារាំង ត្រូវនឹងម៉ោង ៣,៤០នាទី រសៀលម៉ោងនៅកម្ពុជា ក្នុងព្រះជន្មាយុ ៧៧ព្រះវស្សា ដោយរោគាពាធ។ ភ្លាមៗ និងក្រោយព្រះអង្គសោយទិវង្គត អ្នកនយោបាយកម្ពុជាទាំងស្រប និងប្រឆាំងព្រះអង្គ រួមនឹងពលរដ្ឋខ្មែរជាច្រើន បានសម្ដែងនូវសមានចិត្តចូល នឹករលឹក អាឡោះអាល័យ និងចូលរួមរំលែកដល់ក្រុមគ្រួសាររាជវង្សរបស់សម្តេចក្រុមព្រះផងដែរ៕ អត្ថបទ៖ បានចក់

ទេសរដ្ឋមន្រ្តី លី ធុជ នាំម្ចាស់ជំនួយចុះពិនិត្យកិច្ចប្រតិបត្តិការបោសសម្អាតមីនរបស់ CMAC នៅខេត្តបាត់ដំបង

បាត់ដំបង៖ ព្រឹកថ្ងៃទី០២ ខែមីនានេះ ឯកឧត្ដម ទេសរដ្ឋមន្រ្តី លី ធុជ អនុប្រធានទី១ អាជ្ញាធរមីន បានដឹកនាំម្ចាស់ជំនួយ ចុះពិនិត្យកិច្ចប្រតិបត្តិការបោសសម្អាតមីន របស់កងឯកភាពទី២ នៃមជ្ឈមណ្ឌលសកម្មភាពកំចាត់មីនកម្ពុជា (CMAC) ក្រោមការគាំទ្រគម្រោងបោសសម្អាតមីន ដើម្បីលទ្ធផលដំណាក់កាលទី៤ (Clearing For Results,Phase4) នៅខេត្តបាត់ដំបង។រួមដំណើរម្ចាស់ជំនួយ លោកស្រី Allissar Chaker តំណាងUNDP ប្រចាំនៅកម្ពុជា, លោក Ryan Tierney លេខាទូតទី១នៃស្ថានទូតអូស្រ្តាលីប្រចាំនៅកម្ពុជា និងលោកស្រី Yeakyung Ji នាយករងប្រចាំប្រទេសនៃភ្នាក់ងារ KOICA ។ចម្ការមីនដែលចុះពិនិត្យនេះ មានលេខ BS/CMAA/09414 ផ្ទៃដីសរុប ៤១៥០០ ម៉ែត្រក្រឡា ស្ថិតក្នុងភូមិកុយវែង ឃុំព្រះផុស ស្រុកគាស់ក្រឡ ដោយមានអ្នកទទួលផល ២គ្រួសារ សរុប ៧នាក់។ក្នុងឱកាសចុះពិនិត្យនោះ ឯកឧត្តមទេសរដ្ឋមន្រ្តី លី ធុជ បានកោតសរសើរ និងវាយតម្លៃខ្ពស់ចំពោះកិច្ចខិតប្រឹងប្រែងរបស់កងកម្លាំងបោសសម្អាតមីនរបស់ស៊ីម៉ាក់ រយៈពេល ៣០ឆ្នាំកន្លងមកនេះ ព្រមទាំង បានថ្លែងអំណរគុណចំពោះទឹកចិត្តប្រកបដោយសប្បុរសរបស់ដៃគូអភិវឌ្ឍន៍ និងប្រទេសជាមិត្ត ដែលបានចូលរួមជាមួយរាជរដ្ឋាភិបាលក្នុងការកសាង និងបង្កើតនូវសមិទ្ធផលសម្រាប់វិស័យមីននាពេលកន្លងមក។ឯកឧត្តមទេសរដ្ឋមន្រ្តី បន្តទៀតថា អាជ្ញាធរមីន ក្នុងនាមជាសេនាធិការឲ្យរាជរដ្ឋាភិបាល បាននឹងកំពុងបន្តកិច្ចខិតខំប្រឹងប្រែង និងបំពេញបេសកកម្មរួមគ្នា ជាមួយដៃគូអភិវឌ្ឍន៍ ប្រទេសជាមិត្ត ប្រតិបត្តិករបោសសម្អាតមីន និងភាគីពាក់ព័ន្ធ ក្នុងការគាំទ្រដើម្បីឲ្យកម្ពុជារួចផុតពីគ្រាប់មីន ព្រមទាំងបានអំពាវនាវដល់ដៃគូអភិវឌ្ឍន៍ និងប្រទេសជាមិត្តដែលបានកំពុងជួយ និងមិនទាន់បានជួយកម្ពុជា បន្តគាំទ្រ និងចូលរួមដើម្បីបញ្ឈប់វត្តមានគ្រាប់មីន និងដើម្បីភាគជោគជ័យរបស់កម្ពុជា។ ឯកឧត្តម បានបញ្ជាក់បន្ថែមថា ការងារបោសសម្អាតមីនរបស់យើងនៅតែបន្តទៅមុខជានិច្ច ហើយការស្រាវជ្រាវទិន្នន័យចម្ការមីនមិនបច្ចេកទេស (Non-Technical Survey) និងការពិនិត្យឡើងវិញនូវការប្រើប្រាស់ដី (Revisit) ត្រូវតែដើរទន្ទឹមគ្នា ដើម្បីកាត់បន្ថយផ្ទៃដី កាត់បន្ថយពេលវេលា និងកាត់បន្ថយការចំណាយធនធានបោសសម្អាត៕

ការហាត់សមរបាំស្វាគមន៍ទិវាវប្បធម៌ ត្រៀមសម្តែង ក្នុងពិធីបើកទិវាវប្បធម៌ជាតិ លើកទី២៤ ឆ្នាំ២០២២

ភ្នំពេញ៖ នៅសាលសន្និសីទចតុម្មុខ លោកគ្រូ អ្នកគ្រូ និងសិល្បករ នៃនាយកដ្ឋានសិល្បៈទស្សនីយភាព បានធ្វើការហាត់សមត្រៀមសម្តែងក្នុង ពិធីបើកទិវាវប្បធម៌ជាតិ លើកទី២៤ ឆ្នាំ០២២២ ក្រោមប្រធានបទ «យុវជនដើម្បីវប្បធម៌ជាតិ» ។ផ្ទាំងទស្សនីយភាពនេះ គ្រោងនឹងធ្វើការផ្សាយផ្ទាល់តាមហ្វេសប៊ុកផេកផ្លូវការរបស់ក្រសួងវប្បធម៌ និងវិចិត្រសិល្បៈ នាព្រឹកថ្ងៃព្រហស្បតិ៍ ១កើត ខែផល្គុន ឆ្នាំឆ្លូវ ត្រីស័ក ព.ស២៥៦៥ ត្រូវនឹងថ្ងៃទី០៣ ខែមីនា ឆ្នាំ២០២២ វេលាម៉ោង ៨ និង៣០នាទី ព្រឹក។ សូមរង់ចាំតាមដានទស្សនាទាំងអស់គ្នា! កិច្ចថែរក្សាការពារបេតិកភណ្ឌវប្បធម៌ជាភារកិច្ចរបស់កូនខ្មែរគ្រប់ៗរូប៕

ជប៉ុនផ្តល់ជំនួយប្រមាណ ៤១លានដុល្លារ សម្រាប់អនុវត្តគម្រោងបោសសម្អាតមីន និងទឹកស្អាត

ភ្នំពេញ៖ ឯកឧត្ដម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិ និងឯកឧត្ដម មិកាមិ ម៉ាសាហ៊ីរ៉ូ ឯកអគ្គរាជទូតជប៉ុនប្រចាំកម្ពុជា នៅថ្ងៃនេះ បានចុះហត្ថលេខាលើលិខិតប្ដូរសារ និងឯកសារពាក់ព័ន្ធ ស្ដីពីការផ្ដល់ហិរញ្ញប្បទានឥតសំណងរបស់ជប៉ុន ដើម្បីអនុវត្តគម្រោងចំនួន ០២ដែលមានតម្លៃប្រមាណ ៤១លានដុល្លារអាមេរិក។នៅថ្ងៃទី ០២ ខែមីនា ឆ្នាំ២០២២ ឯកឧត្ដម ប្រាក់ សុខុន ឧបនាយករដ្ឋមន្រ្តី រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ និងឯកឧត្ដម មិកាមិ ម៉ាសាហ៊ីរ៉ូ (MIKAMI Masahiro) ឯកអគ្គរាជទូតជប៉ុនប្រចាំកម្ពុជា បានអញ្ជើញចុះហត្ថលេខាលើលិខិតប្ដូរសារ និងឯកសារពាក់ព័ន្ធស្ដីពីការផ្ដល់ហិរញ្ញប្បទានឥតសំណងរបស់ជប៉ុនដើម្បីអនុវត្តគម្រោងចំនួន ២ ទី១,ជាការបោសសម្អាតមីនប្រកបដោយសមាហរណកម្ម និងសង្រ្គោះជនពិការដោយសារមីនដំណាក់កាលទី២ ដែលមានទឹកប្រាក់ចំនួន ២.០០០ លានយ៉េន (ប្រមាណ ១៧ លានដុល្លារអាមេរិក) និងទី២, ការពង្រីកប្រព័ន្ធផ្គត់ផ្គង់ទឹកស្អាត នៅខេត្តស្វាយរៀង ដែលមានទឹកប្រាក់ចំនួន ២.៧៨៦ លានយ៉េន (ប្រមាណ ២៤ លានដុល្លារអាមេរិក)។នាឱកាសនោះ ឯកឧត្តម ប្រាក់ សុខុន បានថ្លែងអំណរគុណដល់រដ្ឋាភិបាលជប៉ុនចំពោះការផ្តល់ជំនួយនាពេលនេះ ដែលបង្ហាញថាជប៉ុនជាប្រទេសមានកិច្ចសហប្រតិបត្តិការល្អ និងសិទ្ធស្នាលលើគ្រប់វិស័យជាមួយកម្ពុជា សំដៅបន្ដដល់ទំនាក់ទំនងប្រទេសទាំងពីរ បើទោះបីស្ថិតក្នុងវិបត្តិកូវីដ១៩។ឯកឧត្ដម មិកាមិ ម៉ាសាហ៊ីរ៉ូ ឯកអគ្គរាជទូតជប៉ុនប្រចាំកម្ពុជា បានបង្ហាញក្តីសង្ឃឹមយ៉ាងមុតមាំថា គម្រោងនេះ នឹងរួមចំណែកដល់ការសម្រេចបាននូវគោលដៅជាតិស្តីពីកម្ពុជាគ្មានមីននៅឆ្នាំ២០២៥។បន្ថែមពីលើនេះ ឯកឧត្ដម ឯកអគ្គរាជទូតជប៉ុន ក៏បានសម្តែងការ គោរពដោយ ស្មោះចំពោះ កម្ពុជាដែល បានចាត់វិធានការយ៉ាងសកម្មក្នុងការកែលម្អស្ថានការណ៍ ក្នុងប្រទេសមីយ៉ាន់ម៉ា ។ក្នុងនោះ ឯកអគ្គរាជទូតជប៉ុន ប្តេជ្ញាថា ជប៉ុននឹងបន្តគាំទ្រដល់ការខិតខំប្រឹងប្រែងរបស់កម្ពុជាក្នុងការកែលម្អស្ថានការណ៍ ក៏ដូចជាការរក្សាឯកភាពនិង ភាពជាកណ្តាលរបស់អាស៊ាន ក្នុងការស្វែងរកដំណោះស្រាយឲ្យជូនមីយ៉ាន់ម៉ា ជាពិសេសតាមរយះការបំពេញទស្សនកិច្ចរបស់ឯកឧត្តម ប្រាក់ សុខុន នៅមីយ៉ាន់ម៉ានាពេលខាងមុខនេះ៕អត្ថបទ សេក ឧត្តម

កុមារមានពិការភាពនៅ បុរីទារក និងកុមារជាតិ ទទួលបានការចាក់វ៉ាក់សាំងនៅទីតាំងដោយផ្ទាល់

ភ្នំពេញ៖ កុមារមានពិការភាព ក៏ដូចជាកុមារកំព្រា ដែលកំពុងស្នាក់នៅទទួលការថែទាំនៅទីតាំង បុរីទារក និងកុមារជាតិ ទទួលបានការចាក់វ៉ាក់សាំងត្រឹមត្រូវតាមការកំណត់ផ្អែក លើកម្រិតអាយុរបស់ពួកគាត់។ ការចាក់វ៉ាក់សាំងនេះ គឺមានការសម្រួលដោយក្រុមគ្រូពេទ្យ ដោយចុះចាក់នៅទីតាំងដោយផ្ទាល់ ដើម្បីបង្កភាពងាយស្រួល។យុទ្ធនាការចាក់វ៉ាក់សាំង គឺបើកទូលាយសម្រាប់គ្រប់ប្រជាពលរដ្ឋដែលគ្រប់អាយុ ដោយអាចស្ម័គ្រចិត្តទៅទទួលការចាក់សាំងនៅគ្រប់ទីកន្លែង ស្របពេលដែលមានការពង្រីកទីតាំងចាក់វ៉ាក់សាំងកាន់តែច្រើនទូទាំងប្រទេសកម្ពុជា។ លើសពីនេះ ក៏មានការចុះចាក់វ៉ាក់សាំងដល់ខ្នងផ្ទះ សម្រាប់ប្រជាពលរដ្ឋដែលពិបាកក្នុងការបំលាស់ទីផងដែរ។ជាក់ស្ដែងសម្រាប់កុមារមានពិការភាព និងកំមារកំព្រាប្រមាណ ១៦០នាក់ ដែលរស់នៅទទួលការថែទាំនៅទីតាំងបុរីទារកនិងកុមារជាតិ ក៏ទទួលបានការចុះទៅចាក់វ៉ាក់សាំងនៅទីតាំងដោយផ្ទាល់ពីក្រុមគ្រូពេទ្យផងដែរ។ នេះជាការបញ្ជាក់របស់លោកស្រី ថោ ពៅ ប្រធានបុរីទារកនិងកុមារជាតិ។លោកស្រី មានប្រសាសន៍ថា មកទល់ពេលនេះ មានទាំងអ្នកដែលទទួលបានការចាក់វ៉ាក់សាំងលើកទី២ លើកទី៣ និងមានទាំងក្រុមគោលដៅថ្មី ដែលនឹងទទួលបានការចាក់វ៉ាក់សាំងក្នុងពេលឆាប់ៗខាងមុខផងដែរ។ពាក់ព័ន្ធនឹងការចាក់វ៉ាក់សាំងសម្រាប់ក្របខណ្ឌទូទាំងប្រទេស គឺមានដំណើរការល្អប្រសើរ ដោយរាជរដ្ឋាភិបាលកម្ពុជា ក៏បានសម្រេចចាក់វ៉ាក់សាំងដូសទី ៤ផងដែរ។តាមរបាយការណ៍របស់ក្រសួងសុខាភិបាល គិតត្រឹមថ្ងៃទី១ខែមីនា ឆ្នាំ២០២២ កម្ពុជា សម្រចបានការចាក់វ៉ាក់សាំងចំនួន ៩១,៣៩% បើធៀបនឹងចំនួនប្រជាពលរដ្ឋសរុប ១៦លាននាក់។ថ្មីនេះៗរាជរដ្ឋាភិបាលកម្ពុជា ក៏បានសម្រេចឱ្យមានការចាក់វ៉ាក់សាំងបង្ការកូវីដ-១៩ ជូនកុមារអាយុចាប់ពី ៣ឆ្នាំដល់ក្រោម ៥ឆ្នាំផងដែរ ក្រោយពីការមានការរកឃើញនូវករណីឆ្លងវីរុសបំប្លែងថ្មី អូមីក្រុង ជាច្រើនរយករណីរៀងរាល់ថ្ងៃ៕ អត្ថបទ៖ គឹមហុក

បណ្ដាញសង្គម

ព័ត៌មានថ្មីៗ

អូស្ត្រាលី ស្វាគមន៍លទ្ធផលនៃកិច្ចប្រជុំពិសេសលើកទី១ GBC រវាងកម្ពុជា-ថៃ ដែលនឹងត្រួសត្រាយផ្លូវសម្រាប់ការដោះស្រាយជម្លោះព្រំដែនដោយសន្តិវិធី

ស្ថានទូតអង់គ្លេសប្រចាំកម្ពុជា និងប្រចាំនៅប្រទេសថៃ ស្វាគមន៍ចំពោះលទ្ធផលនៃកិច្ចប្រជុំពិសេសលើកទី១ គណៈកម្មការព្រំដែនទូទៅកម្ពុជា និងថៃ (GBC)

អង្គការណាសារកឃើញភ័ស្តុតាងដែលអាចបញ្ជាក់ពីជីវិតបុរាណផុតពូជនៅលើភពព្រះអង្គារ

ជំរំជនភៀសខ្លួននៅម៉ាឡាវីប្រឈមនឹងការកាត់បន្ថយជំនួយ ខណៈមូលនិធិ UNHCR ធ្លាក់ចុះ

បុរសជនជាតិស៊ូដង់ ជួបជុំគ្រួសារវិញ ក្រោយរត់ភៀសខ្លួនពីទីក្រុងហែកហួរដោយភ្លើងសង្រ្គាម al-Fashir

ការអប់រំផ្តល់ជាខ្សែជីវិតថ្មីសម្រាប់ក្មេងៗជនភៀសខ្លួនហ្កាហ្សានៅប្រទេសអារ៉ាប់រួម

បារាំង សន្យាពង្រឹងកិច្ចសហប្រតិបត្តិការ គាំទ្រផែនការអាទិភាពរបស់ក្រសួងសុខាភិបាល

មេដឹកនាំស្លូវ៉ាគី លោក Fico កំណត់លក្ខខណ្ឌ ដើម្បីគាំទ្រការដាក់ទណ្ឌកម្មរុស្ស៊ីបន្ថែមទៀត

នេប៉ាល់ចាប់បានអ្នកទោសជិត ២០០នាក់វិញ ខណៈរាប់ពាន់នាក់ទៀត កំពុងរត់គេចខ្លួន

ក្រុមហ៊ុន VISA Worldwide Pte. Limited គាំទ្រគម្រោងរបស់ក្រសួងទេសចរណ៍លើការអភិវឌ្ឍន៍ប្រព័ន្ធទេសចរណ៍វៃឆ្លាត

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

មន្រ្តីជំនាញ៖ វ៉ាក់សាំងប្រភេទ Pfizer នឹងបញ្ជូនទៅតាមខេត្តឆាប់ៗនេះ បន្ទាប់ពីដំឡើងទូត្រជាក់រួចរាល់

គ.ជ.ប នឹងចាប់ផ្តើមចុះឈ្មោះបេក្ខជនចូលរួមបោះឆ្នោតក្រុមប្រឹក្សាឃុំ-សង្កាត់មកពីបក្សនានា នៅថ្ងៃស្អែក

សម្តេចតេជោ ផ្តល់អនុសាសន៍ឲ្យអាស៊ានណាប៉ូល ពង្រឹងកិច្ចសហការថែមទៀតដើម្បីធ្វើឲ្យអាស៊ានគ្មានភេរវកម្ម

ឯកឧត្ដម ជា សុផារ៉ា ជំរុញថ្នាក់ដឹកនាំរដ្ឋបាលខេត្តត្បូងឃ្មុំ ពង្រឹងរបៀបរបបធ្វើការងារឱ្យកាន់តែល្អ

ព្រះអង្គម្ចាស់នរោត្តម ចក្រាវុធ ដឹកនាំមន្រ្តីធ្វើពិធីបុណ្យ ១០០ថ្ងៃថ្វាយព្រះកុសលជូនសម្តេចក្រុមព្រះ

ទេសរដ្ឋមន្រ្តី លី ធុជ នាំម្ចាស់ជំនួយចុះពិនិត្យកិច្ចប្រតិបត្តិការបោសសម្អាតមីនរបស់ CMAC នៅខេត្តបាត់ដំបង

ការហាត់សមរបាំស្វាគមន៍ទិវាវប្បធម៌ ត្រៀមសម្តែង ក្នុងពិធីបើកទិវាវប្បធម៌ជាតិ លើកទី២៤ ឆ្នាំ២០២២

ជប៉ុនផ្តល់ជំនួយប្រមាណ ៤១លានដុល្លារ សម្រាប់អនុវត្តគម្រោងបោសសម្អាតមីន និងទឹកស្អាត

កុមារមានពិការភាពនៅ បុរីទារក និងកុមារជាតិ ទទួលបានការចាក់វ៉ាក់សាំងនៅទីតាំងដោយផ្ទាល់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

មន្រ្តីជំនាញ៖ វ៉ាក់សាំងប្រភេទ Pfizer នឹង​បញ្ជូន​ទៅ​តាម​ខេត្តឆាប់ៗ​នេះ បន្ទាប់​ពី​ដំឡើង​ទូ​ត្រជាក់​រួចរាល់

គ.ជ.ប នឹងចាប់ផ្តើមចុះឈ្មោះបេក្ខជនចូលរួមបោះឆ្នោតក្រុមប្រឹក្សាឃុំ-សង្កាត់មកពីបក្សនានា នៅថ្ងៃស្អែក

ឯកឧត្ដម ជា សុផារ៉ា ជំរុញថ្នាក់ដឹកនាំរដ្ឋបាលខេត្តត្បូងឃ្មុំ ពង្រឹងរបៀបរបបធ្វើការងារឱ្យកាន់តែល្អ

ព្រះអង្គម្ចាស់នរោត្តម ចក្រាវុធ ដឹកនាំមន្រ្តីធ្វើពិធីបុណ្យ ១០០ថ្ងៃថ្វាយព្រះកុសលជូនសម្តេចក្រុមព្រះ

ទេសរដ្ឋមន្រ្តី លី ធុជ នាំម្ចាស់ជំនួយចុះពិនិត្យកិច្ចប្រតិបត្តិការបោសសម្អាតមីនរបស់ CMAC នៅ​ខេត្តបាត់ដំបង

ការហាត់សមរបាំស្វាគមន៍ទិវាវប្បធម៌ ត្រៀមសម្តែង ក្នុងពិធីបើកទិវាវប្បធម៌ជាតិ លើកទី២៤ ឆ្នាំ២០២២

ជប៉ុន​ផ្តល់​ជំនួយ​ប្រមាណ ៤១លានដុល្លារ សម្រាប់អនុវត្តគម្រោង​បោសសម្អាត​មីន ​និងទឹកស្អាត

កុមារ​មាន​ពិការភាពនៅ បុរីទារក និងកុមារជាតិ ទទួលបានការចាក់វ៉ាក់សាំងនៅទីតាំងដោយផ្ទាល់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

មន្រ្តីជំនាញ៖ វ៉ាក់សាំងប្រភេទ Pfizer នឹងបញ្ជូនទៅតាមខេត្តឆាប់ៗនេះ បន្ទាប់ពីដំឡើងទូត្រជាក់រួចរាល់

ទេសរដ្ឋមន្រ្តី លី ធុជ នាំម្ចាស់ជំនួយចុះពិនិត្យកិច្ចប្រតិបត្តិការបោសសម្អាតមីនរបស់ CMAC នៅខេត្តបាត់ដំបង

ជប៉ុនផ្តល់ជំនួយប្រមាណ ៤១លានដុល្លារ សម្រាប់អនុវត្តគម្រោងបោសសម្អាតមីន និងទឹកស្អាត

កុមារមានពិការភាពនៅ បុរីទារក និងកុមារជាតិ ទទួលបានការចាក់វ៉ាក់សាំងនៅទីតាំងដោយផ្ទាល់