BTV NEWS

ឯកឧត្តម ប៉េង ពោធិ៍នា៖ «យើងត្រូវរួបរួមគ្នាជាធ្លុងមួយទប់ស្កាត់ និងបំផ្លាញមហិច្ឆតានយោបាយរបស់ក្រុមជ្រុលនិយមមួយក្តាប់តូច ដែលតែងតែបញ្ឆេះកំហឹងជាតិសាសន៍»

គណបក្សប្រជាជនខេត្តកំពង់ឆ្នាំង ប្រារព្ធពិធីអបអខួបអនុស្សាវរីយ៍លើកទី៧៤ថ្ងៃបង្កើតគណបក្ស

គណបក្សប្រជាជនកម្ពុជាជាកម្លាំងនយោបាយតែមួយគត់រួមសុខរួមទុក្ខជាមួយប្រជាជនគ្រប់កាលៈទេសៈ

គណបក្សប្រជាជនកម្ពុជារាជធានីភ្នំពេញ ប្រកាសបញ្ចូលសមាជិកសមាជិកាគណបក្សប្រជាជនកម្ពុជា ៥៧៧នាក់ ដែលជាអតីតសកម្មជនមកពីគណបក្សប្រឆាំង

នយោបាយ និង ការអភិវឌ្ឍន៍

អតីតសកម្មជនគណបក្សដទៃ សម្រេចចូលរួមជីវភាពនយោបាយជាមួយគណបក្សប្រជាជន ក្នុងស្រុកឱរ៉ាល់

កំពង់ស្ពឺ៖ អតីតសកម្មជនគណបក្សនយោបាយនានាជាង១០០នាក់ នៅឃុំតាសាល ស្រុកឱរ៉ាល់ ខេត្តកំពង់ស្ពឺ បានសម្រេចចូលរួមជីវភាពនយោបាយជាមួយគណបក្សប្រជាជនកម្ពុជា បន្ទាប់ពីពួកគេទាំងនោះ អស់ជំនឿចំពោះមេដឹកនាំគណបក្សរបស់ខ្លួនពូកែតែនិយាយ និងសន្យាតែមិនពូកែធ្វើ ខណៈបក្សប្រជាជនកម្ពុជា បានសន្យាហើយធ្វើ និងអភិវឌ្ឍន៍ពិតនៅក្នុងភូមិ ឃុំរបស់ពួកគេជាបន្តបន្ទាប់។នៅក្នុងពិធីប្រកាសបញ្ចូលសមាជិកថ្មី របស់គណបក្សប្រជាជនកម្ពុជាចំនួន១១៨នាក់ នាថ្ងៃទី១៣ ខែកុម្ភៈ ម្សិលមិញនេះ ឯកឧត្តម យឿន យឿត អនុប្រធានក្រុមការងារចុះជួយស្រុកឱរ៉ាល់ និងជាប្រធានក្រុមការងារចុះជួយឃុំតាសាល បានថ្លែថា បងប្អូនដែលជាអតីតសកម្មជនរបស់គណបក្សសង្រ្គោះជាតិ គណបក្សសម្ព័ន្ធដើម្បីប្រជាធិបតេយ្យ (LDP) គណបក្សហ៊្វុនស៊ិនប៉ិច និងគណបក្សមួយចំនួនទៀត បានសម្រេចចូលជាសមាជិកគណបក្សប្រជាជនកម្ពុជា បន្ទាប់ពីពួកគេមើលឃើញពីភាពដឹកនាំពិតប្រាកដរបស់គណបក្សប្រជាជន។ឯកឧត្តម បានបន្តទៀតថា ក្នុងរយៈពេលប៉ុន្មានឆ្នាំចុងក្រោយនេះ នៅក្នុងស្រុកឱរ៉ាល់ខេត្តកំពង់ស្ពឺ មានមន្រ្តី និងសកម្មជនគណបក្សដទៃទៀត បានសម្រេចចូលរួមជីវភាពនយោបាយជាមួយ គណបក្សប្រជាជនកម្ពុជាជាបន្តបន្ទាប់ ជាក់ស្តែងដូចថ្ងៃនេះជាដើម ពួកគេបានមកដោយស្រេចតែចិត្តដោយគ្មានការបង្ខិតបង្ខំនោះឡើយ ដោយសារតែពួកគាត់បានឃើញការសន្យាពិត និយាយពិត និងធ្វើពិត ជាពិសេសថ្នាក់ដឹកនាំគ្រប់លំដាប់ថ្នាក់ បានរស់នៅជាមួយប្រជាជនជានិច្ច ខណៈប្រទេសជាតិមានទុក្ខលំបាកដូចករណីជួបប្រទះ និងបញ្ហាកូវីដ១៩ ជាដើមនោះ។ឯកឧត្តម យឿន យឿត បានលើកឡើងថា តាមរយៈសមិទ្ធផលដែលគណបក្សបន្សល់ទុករយៈពេល ៤៣ ឆ្នាំកន្លងមកនេះ គឺផ្ដើមពីជ័យជម្នះ៧មករា ដែលគណបក្សប្រជាជនកម្ពុជា បានសម្រេចនូវការផ្លាស់ប្តូរសង្គមយ៉ាងធំធេង ដោយពុំអាចនឹកស្មានដល់។ ឯកឧត្តម បានបន្តថា កម្ពុជាបានប្រែក្លាយពីវាលពិឃាតនៃរបបប្រល័យពូជសាសន៍ ពីសមរភូមិនៃសង្គ្រាមដ៏រ៉ាំរ៉ៃ ពីការបែកបាក់ជាតិ និងការបែងចែកទឹកដី ពីគំនរផេះផង់ ទៅជាទឹកដីដែលមានសន្តិភាព ឯកភាព ស្ថិរភាព សេរីភាព ប្រជាធិបតេយ្យ នីតិរដ្ឋ និងអភិវឌ្ឍន៍លើគ្រប់វិស័យ ដែលធ្វើឱ្យប្រជាជនគ្រប់រូបបានរស់នៅយ៉ាងសុខដុមរមនា ក្រោមដំបូលនៃរដ្ឋធម្មនុញ្ញតែមួយ និងម្លប់ដ៏ត្រជាក់នៃអង្គព្រះមហាក្សត្រ។ឯកឧត្តម បានបញ្ជាក់ថា ការបញ្ចូលសមាជិកថ្មីនេះ ដើម្បីពង្រឹង និងបង្កើនការត្រៀមលក្ខណៈសម្រាប់ការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ នៅថ្ងៃទី៥ ខែមិថុនា ឆ្នាំ២០២២ ខាងមុខ៕អត្ថបទ៖ បាន ចក់

សម្ដេចតេជោ និងសហប្រធាននៃកិច្ចប្រជុំកំពូលសន្តិភាពពិភពលោកឆ្នាំ២០២២ អញ្ជើញចុះហត្ថលេខាលើសេចក្តីប្រកាសនៃមហាសន្និបាត

ភ្នំពេញ៖ នៅព្រឹកថ្ងៃទី១៣ ខែកុម្ភៈ នេះ បន្ទាប់ពីពិធីបើកសន្និបាតនៃក្រុមប្រឹក្សា កិច្ចប្រជុំកំពូលពិភពលោកដើម្បីសន្តិភាពនៃសម័យកិច្ចប្រជុំពិភពលោកឆ្នាំ២០២២ ស្ដីអំពីសន្តិភាព នៅឧបទ្វីបកូរ៉េរួចហើយនោះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃកម្ពុជា រួមជាមួយនឹងសហប្រធាននៃកិច្ចប្រជុំកំពូលសន្តិភាពពិភពលោក និងបណ្ដាមេដឹកនាំជាច្រើនទៀត បានចុះហត្ថលេខាលើសេចក្តីប្រកាសស្ដីពីលទ្ធផល នៃមហាសន្និបាតសកល នៃក្រុមប្រឹក្សាកិច្ចប្រជុំកំពូលពិភពលោក ដើម្បីសន្តិភាព (ISCP) និងមហាសន្និបាត នៃក្តីសង្ឃឹមមួយលាននាក់ នៃសន្តិភាពនៅ ឧបទ្វីបកូរ៉េ។ក្នុងនោះ ប្រមុខរដ្ឋ ប្រមុខរដ្ឋាភិបាលពេលបច្ចុប្បន្ន និងអតីតប្រមុខរដ្ឋ រដ្ឋាភិបាលសមាជិកសភា អ្នកតំណាងជាន់ខ្ពស់ មេដឹកនាំសាសនា អ្នកសិក្សា អ្នកដឹកនាំធុរកិច្ច និងសារព័ត៌មាន ស្ត្រីទីមួយ ថ្នាក់ដឹកនាំស្ត្រី និងសិល្បករ ដែលបានចូលរួមក្នុងកិច្ចប្រជុំកំពូលពិភពលោកឆ្នាំ ២០២២នេះ បានសម្រេចធ្វើការរួមគ្នាដើម្បី៖ ១/ជំរុញប្រទេសកូរ៉េទាំង២ និងសហគមន៍អន្តរជាតិឲ្យស្វែងរកយន្តការ ការទូតទ្វេភាគី និងពហុភាគី ដើម្បីជៀសវាងជម្លោះយោធា ពង្រឹង ស្ថិរភាព និងភាពអាចព្យាករណ៍បាន ព្រមទាំងបង្កើនការយល់គ្នាទៅវិញទៅមក និងការទុកចិត្តគ្នាទៅវិញទៅមក ដើម្បីកសាងឲ្យបានសម្រេចនូវសន្តិភាពនៅឧបទ្វីបកូរ៉េ ដោយគ្មាននុយក្លេអ៊ែ និងសន្តិភាពពេញលេញ។២/អំពាវនាវឲ្យភាគីពាក់ព័ន្ធបន្តជជែកពិភាក្សាគ្នា ក្នុងន័យស្ថាបនាដោយគោរពគ្នាទៅវិញទៅមក និងទទួលស្គាល់ផលប្រយោជន៍ផ្នែកសន្តិសុខ និងកង្វល់របស់គ្នាទៅវិញទៅមក ដោយផ្អែកលើបេតិកភណ្ឌវប្បធម៌រួមរបស់កូរ៉េទាំងពីរ។៣/លើកកម្ពស់វិធានការកសាងទំនុកចិត្ត កម្មវិធីកសាងទំនុកចិត្តនិងការការពារការទូតដែលពាក់ព័ន្ធនឹងភាគីពាក់ព័ន្ធសំខាន់ៗ ដែលកំពុងធ្វើការលើបញ្ហាឧបទ្វីបកូរ៉េ។៤/អំពាវនាវឲ្យភាគីពាក់ព័ន្ធទាំងអស់បញ្ចប់ជាផ្លូវការនូវផ្នត់គំនិតសង្គ្រាម និងការធ្វើការរួមគ្នា ដើម្បីគាំទ្រការអំពាវនាវរបស់ប្រធានាធិបតី មូន ចេអ៊ីន ដើម្បីបញ្ចប់សង្រ្គាមកូរ៉េ សំដៅបើកទំព័រថ្មីសម្រាប់វប្បធម៌សន្តិភាព និងគ្មានអំពើហិង្សា។៥/លើកសំណើ និងវេទិកាសម្រាប់ការសន្ទនា និងការពិគ្រោះយោបល់បែបស្ថាបនា ដោយផ្អែកលើស្មារតីនៃមិត្តភាព និងភាតរភាព ដែលបម្រើឲ្យផលប្រយោជន៍របស់ប្រជាជនកូរ៉េ និងកសាងមាគ៌ាឆ្ពោះទៅរកសន្ធិសញ្ញាសន្តិភាពនៅឧបទ្វីបកូរ៉េ។៦/រិះរកមធ្យោបាយដើម្បីប្រែក្លាយតំបន់គ្មានយោធា(DMZ)ទៅជាឧទ្យានសន្តិភាព តាមរយៈការដាក់ពង្រាយអ្នកយាមដែលមិនមែនជាកងទ័ព និងការអភិវឌ្ឍរបៀងវប្បធម៌ និងគម្រោងទេសចរណ៍រួមគ្នា ដើម្បីលើកកម្ពស់វិបុលភាពរួមនៅកូរ៉េទាំងពីរ។៧/លើកទឹកចិត្តភាគីពាក់ព័ន្ធឲ្យបង្កើតគម្រោងសហប្រតិបត្តិការក្នុងវិស័យទេសចរណ៍ កីឡាវប្បធម៌ និងការអប់រំ នៅកូរ៉េខាងជើង និងបណ្ដាលប្រទេសផ្សេងទៀត។៨/បង្កើតកិច្ចសហប្រតិបត្តិការពហុវិស័យ ដើម្បីជំរុញកិច្ចសហប្រតិបត្តិការសន្តិសុខស្បៀង និងសុខភាពសាធារណៈ ជាពិសេសរវាងឧបទ្វីបកូរ៉េ និងតំបន់ទន្លេមេគង្គ និងបណ្ដាលប្រទេសផ្សេងទៀតតាមរយៈគម្រោងឧទ្យានសន្តិភាពមេគង្គ។៩/ធ្វើកិច្ចការឆ្ពោះទៅរកភាពប្រក្រតី នៃទំនាក់ទំនងរវាងកូរ៉េទាំងពីរ ដើម្បីអនុញ្ញាតឲ្យប្រជាជនទទួលបានផលប្រយោជន៍ជាអតិបរមា ពីសក្តានុពលមិនអាចកាត់ថ្លៃបានដែលរដ្ឋទាំងពីរត្រូវផ្ដល់ជូន ជាពិសេសក្នុងវិស័យនយោបាយ សេដ្ឋកិច្ច វប្បធម៌មនុស្សធម៌ ការថែទាំសុខភាព អប់រំសង្គម(យុវជន និងកីឡា) និងវិស័យហេដ្ឋារចនាសម្ព័ន្ធ។១០/ពង្រឹងកិច្ចសន្ទនា និងកិច្ចសហប្រតិបត្តិការពហុភាគី លើការតភ្ជាប់វប្បធម៌ និងឧស្សាហកម្មឌីជីថល និងនាវានុវត្តន៍ ដើម្បីប្រើប្រាស់តួនាទីសំខាន់របស់សហគមន៍អន្តរជាតិក្នុងការលើកកម្ពស់សន្តិភាពស្ថេរភាព និងវិបុលភាពនៅឧបទ្វីបកូរ៉េ។១១/លើកទឹកចិត្តឲ្យសហគមន៍អន្តរជាតិគាំទ្រគោលការណ៍មិនអត់អោនដាច់ខាតចំពោះសង្គ្រាមការធានាសន្តិសុខទៅវិញទៅមកនិងវិបុលភាពរួម និងធ្វើឲ្យកិច្ចខិតខំប្រឹងប្រែងបន្តឆ្ពោះទៅរកដំណោះស្រាយសន្តិភាព និងវប្បធម៌ថ្មី នៃការផ្សះផ្សានៅឧបទ្វីបកូរ៉េ៕

ស្ពានបេតុងឆ្លងស្ទឹងសែនប្រវែង១៨០ម៉ែត្រ តភ្ជាប់ស្រុកសន្ទុក និងស្រុកកំពង់ស្វាយ នឹងសាងសង់រួចស្ថាពរនៅចុងឆ្នាំ២០២៣

កំពង់ធំ៖ នៅព្រឹកថ្ងៃទី១៣ ខែកុម្ភៈ ឆ្នាំ២០២២ លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច អញ្ជើញបើកការដ្ឋានសាងសង់ស្ពានសម្តេចជោតេ ស្ថិតនៅភូមិកាល់មេឃ ឃុំត្បូងក្រពើ ស្រុកសន្ទុក។ ក្នុងឱកាសនេះដែរ លោកជំទាវកិត្តិសង្គហបណ្ឌិត លើកឡើងថា ស្ពាននេះគឺជាការឆ្លើយតបតាមសំណូមពររបស់ប្រជាពលរដ្ឋ ដែលបានស្នើសុំសម្តេចតេជោ នាយករដ្ឋមន្ត្រី ក្នុងអំឡុងពេលដែល សម្តេចបានអញ្ជើញជាអធិបតីក្នុងពិធីសម្ពោធដាក់ឲ្យប្រើប្រាស់ជាផ្លូវការនូវ មជ្ឈមណ្ឌល សាសនា វប្បធម៌ ទេសចរណ៍ សំពៅត្រៃលោក សំពៅត្រៃលក្ខណ៍កាលពីឆ្នាំ២០១៣។ដើម្បីឆ្លើយតបសំណូមពររបស់ប្រជាពលរដ្ឋ សម្តេចតេជោ បានប្រគល់ជូន លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច និងលោកជំទាវឧកញ៉ា អ៊ឹង ស៊ីស៊្រុន ព្រមទាំង ឯកឧត្តម លោកជំទាវ ឧកញ៉ា លោក លោកស្រី សប្បុរសជននានា ដើម្បីជាជំហរក្នុងការ សាងសង់ស្ពាននេះឡើងជូនប្រជាពលរដ្ឋបានប្រើប្រាស់តាមតម្រូវការ។ លោកជំទាវ បន្តថា ស្ពាននេះមានប្រវែង ១៨០ម៉ែត្រ ទទឹង ៨,៨ម៉ែត្រ កំពស់កណ្ដាលស្ពានដល់ធ្នឹមបណ្តោយ ១២២ម៉ែត្រ សសរស្ពានមានចំនួន ៣០ដើម សសរបង្កាន់ដៃស្ពាន ចំនួន ១៣២ដើម និងកំពស់បង្កាន់ដៃស្ពាន១.៣ម៉ែត្រ (បូកទាំងឃឿន) ហើយគ្រោងនឹងសាងសង់រួចរាល់ជាស្ថាពរចំណាយពេល ២៤ខែ គឺត្រឹមចុងឆ្នាំ២០២៣ខាងមុខនេះ។ សារៈសំខាន់នៃការតភ្ជាប់រវាងស្រុកទាំងពីរ បានជួយសម្រួលដល់ការធ្វើដំណើរក្នុងជីវភាពប្រចាំថ្ងៃរបស់ប្រជាពលរដ្ឋ សិស្សានុសិស្ស សម្រួលដល់ការដឹកកសិផលរបស់បងប្អូនប្រជាកសិករ ការដោះដូរទំនិញ ទៅកាន់ទីផ្សារ ដែលចំណេញពេលវេលា ចំណេញថវិកា ក្នុងការធ្វើដំណើរមកកាន់ទីរួមខេត្ត ក៏ដូចជា ជំរុញឲ្យទេសចរណ៍ចូលមកកាន់មជ្ឈមណ្ឌល សាសនា វប្បធម៌ ទេសចរណ៍សំពៅត្រៃលោកត្រៃលក្ខណ៍ផងដែរ ។លោកជំទាវក៏បានគោរពអបអរសាទរយ៉ាងស្មោះអស់ពីដួងចិត្ត ក្នុងឱកាសដែលសម្តេចតេជោ ហ៊ុន សែន នាយករដ្ឋមន្ត្រីកម្ពុជា ទទួលបានពានរង្វាន់ «សន្តិភាពស៊ុនហាក់ - SUNHAK PEACE PRIZE 2022) ពីមូលនិធិសន្តិភាពស៊ុនហាក់ របស់ប្រទេសកូរ៉េខាងត្បូង កាលពីព្រឹកថ្ងៃទី១២ ខែកុម្ភៈ ឆ្នាំ២០២២ នៅទីក្រុងសេអ៊ូល ប្រទេសកូរ៉េខាងត្បូង។លោកជំទាវ ក៏បានផ្តាំផ្ញើរដល់ក្រុមជាង ត្រូវបំពេញការងារឲ្យបានហ្មត់ចត់ ត្រូវគោរពតាមបទដ្ឋាននៃសំណង់ ក្នុងការសាងសង់ស្ពាន សាងសង់ឲ្យមានភាពរឹងមាំ ជាប់ល្អ និងធ្វើការដោយប្រុងប្រយ័ត្ន ជៀសវាងគ្រោះថ្នាក់ដែលកើតមានជាយថាហេតុ ។លោកជំទាវ ក៏បានអំពាវនាវឲ្យបងប្អូនទាំងអស់គ្នាត្រូវបង្កើនការប្រុងប្រយ័ត្នខ្ពស់ ការរៀនរស់នៅ ធ្វើការជាមួយកូវីដ ១៩ តាមគន្លងថ្មី ដោយរក្សារគម្លាត និងគោរពតាមវិធានការរបស់ក្រសួងសុខាភិបាល គឺ ៣ការពារ ៣កុំ ខណៈដែល វីរ៉ុសប្រភេទ អូមីក្រុង បាននឹងកំពុងបន្តកើនឡើងជាលំដាប់៕

ប្រសាសន៍សំខាន់ៗរបស់សម្តេចតេជោ ហ៊ុន សែន ថ្លែងក្នុងឱកាសទទួលពានរង្វាន់សន្តិភាពស៊ុនហាក់ ឆ្នាំ២០២២

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅថ្ងៃទី១២ ខែកុម្ភៈ ឆ្នាំ២០២២នេះ បានអញ្ជើញទទួលពានរង្វាន់កិត្តិយសពិសេសនៃស្ថាបនិក( Founders’ Special Honorary Award )នៃពានរង្វាន់សន្តិភាពស៊ុនហាក់ ឆ្នាំ២០២២ នាទីក្រុងសេអ៊ូល សាធារណរដ្ឋកូរ៉េ។ ក្នុងឱកាសអញ្ជើញទទួលពានរង្វាន់សន្តិភាពស៊ុនហាក់ សម្ដេចតេជោ ហ៊ុន សែន នាយករដ្ឋមន្ត្រី បានថ្លែងថា «គ្មានសន្តិភាព គ្មានក្តីសង្ឃឹម , គ្មានសន្តិភាព គ្មានការអភិវឌ្ឍ , គ្មានសន្តិភាព គ្មានការគោពសិទ្ធមនុស្ស និងគ្មានលទ្ធិប្រជាធិបតេយ្យ»នោះដែរ។ -សម្តេចតេជោ បញ្ជាក់ថា សម្រាប់សម្តេច «សន្តិភាពមានតម្លៃជាងអ្វីៗទាំងអស់ , សន្តិភាពគឺជាអ្វីដ៏ស្រស់ស្អាតបំផុត, សន្តិភាពផ្តល់ក្តីសង្ឃឹមនិងស្នាមញញឹមដល់មនុស្សគ្រប់រូប»។ - សម្តេចតេជោ ហ៊ុន សែន ថ្លែងថា ពានរង្វាន់សន្តិភាពស៊ុនហាក់នេះ មិនមែនបានដោយសារតែសម្តេចម្នាក់ឯងនោះទេ ហើយក៏មានមនុស្សជាច្រើនរូបផ្សេងទៀត ដែលសាកសមនឹងទទួលបាននូវពានរង្វាន់សន្តិភាពនេះ ដោយពួកគេបានចូលរួមគាំទ្រយ៉ាងសកម្មដល់ការខិតខំប្រឹងប្រឹងរបស់សម្តេចនៅក្នុងដំណើរការនៃការកសាងសន្តិភាពនៅកម្ពុជា។ - សម្តេចតេជោ រំលឹកដឹងគុណដ៏ជ្រាលជ្រៅចំពោះអតីតព្រះមហាក្សត្រ សម្តេចព្រះនរោត្តម សីហនុ , សម្តេចព្រះវររាជមាតាជាតិខ្មែរ និងព្រះមហាក្សត្រកម្ពុជានាពេលបច្ចុប្បន្ន ដែលបានបំពេញព្រះរាជតួនាទី ក្នុងការលើកកម្ពស់នូវស្មារតីសាមគ្គីភាពជាតិរវាងប្រជាជនកម្ពុជាក្នុងឋានៈជាមហាគ្រួសារតែមួយ។ - សម្តេចតេជោ បញ្ជាក់ថា រដ្ឋាភិបាលរបស់សម្តេច បានយកសន្តិភាពជាអាទិភាពខ្ពស់ ដោយបានបញ្ជូនកងទ័ពកម្ពុជារាប់ពាន់នាក់ ទៅចូលរួមក្នុងប្រតិបត្តិការរក្សាសន្តិភាព និងបោសសម្អាតមីន របស់អង្គការសហប្រជាជាតិនៅអាហ្វ្រិក និងមជ្ឈិមបូព៌ា ដោយសង្ឃឹមថា នឹងអាចចូលរួមចំណែកក្នុងការស្តារសន្តិភាពនៅក្នុងតំបន់ទាំងនោះ។ - សម្តេចតេជោ ថ្លែងថា បើទោះជាកម្ពុជាតូចក៏ដោយ ក៏កម្ពុជាបានចូលរួមចំណែក ដល់ដំណើរការនៃការស្វែងរកសន្តិភាពនៅក្នុងតំបន់និងពិភពលោក ប្រកបដោយសុច្ឆន្ទៈ , ការទទួលខុសត្រូវ និងភាពស្មោះត្រង់ផងដែរ។ -សម្តេចតេជោលើកឡើងថា សន្តិភាពនៅក្នុងតំបន់ និងពិភពលោកនៅតែមានភាពផុយស្រួយ និងស្ថិតក្រោមភាពតានតឹង ដោយសារបញ្ហារួមផ្សំ ដូចជាការប្រកួតប្រជែងរវាងមហាអំណាច ការកើនឡើងនៃគំនិតជាតិនិយម អំពើភេរវកម្ម ភាពក្រីក្រ និងអសន្តិសុខស្បៀង ដែលបង្កឡើងដោយសារការប្រែប្រួលអាកាសធាតុ និងជំងឺរាតត្បាតកូវីដ១៩ ដែលបញ្ហាទាំងនេះ អាចនឹងបំផ្លិចបំផ្លាញវឌ្ឍនភាពរបស់មនុស្ស និងជាតិសាសន៍ទាំងមូល ប្រសិនបើមិនរួមគ្នាដោះស្រាយ។-សម្តេចតេជោ ជំរុញការបង្កើន និងធ្វើពិពិធកម្មកិច្ចសហការ និងភាពជាដៃគូ ដើម្បីកាត់បន្ថយផលប៉ះពាល់អវិជ្ជមាននានា ដែលបណ្តាលមកពីការគំរាមកំហែងនៃបញ្ហានានា ព្រមទាំងពង្រឹងនូវប្រព័ន្ធអេកូឡូស៊ីសន្តិភាពឲ្យកាន់តែរឹងមាំ។

កិច្ចព្រមព្រៀងភាពជាដៃគូរវាងសាកលវិទ្យាល័យភូមិន្ទវិចិត្រសិល្បៈ និងវិទ្យាស្ថានបារាំងនៅកម្ពុជា ផ្តោតលើសកម្មភាពវប្បធម៌

ភ្នំពេញ៖ កិច្ចព្រមព្រៀងភាពជាដៃគូរវាងសាកលវិទ្យាល័យភូមិន្ទវិចិត្រសិល្បៈ និងវិទ្យាស្ថានបារាំង នៅកម្ពុជា ផ្តោតលើសកម្មភាពវប្បធម៌សិល្បៈ និងការអប់រំ រយៈពេលយូរអង្វែង។កិច្ចព្រមព្រៀងខាងលើនេះ ធ្វើឡើងរវាងសាកលវិទ្យាល័យភូមិន្ទវិចិត្រសិល្បៈ(URBA) តំណាងដោយសាកលវិទ្យាធិការឯកឧត្តម បណ្ឌិត ហេង សុផាឌី និងវិទ្យាស្ថានបារាំងនៅកម្ពុជា (IFC) តំណាងដោយនាយកវិទ្យាស្ថាន លោក គ្រីស្តូហ្វ៍ ហ្សីហ្គូដូត៍, ដោយមានការអញ្ជើញចូលរួមពីសំណាក់លោកជំទាវ បណ្ឌិតសភាចារ្យ ភឿង សកុណា រដ្ឋមន្រី្តក្រសួងវប្បធម៌ និងវិចិត្រសិល្បៈ និងឯកឧត្តម ហ្សាក់ ប៉ឺឡេត (Jacques Pellet) ឯកអគ្គរដ្ឋទូតថ្មី នៃសាធារណរដ្ឋបារាំងប្រចាំព្រះរាជាណាចក្រកម្ពុជា, នាល្ងាចថ្ងៃទី១១ ខែកុម្ភៈ ឆ្នាំ២០២២ នៅសាកលវិទ្យាល័យភូមិន្ទវិចិត្រសិល្បៈ។កិច្ចព្រមព្រៀងនេះ កំណត់លក្ខខណ្ឌនៃកិច្ចសហប្រតិបតិ្តការដែលបានព្រមព្រៀងដោយហត្ថលេខី ដើម្បីអភិវឌ្ឍន៍សកម្មភាពរួមគ្នាក្នុងក្របខ័ណ្ឌនៃបេសកកម្មរៀងៗខ្លួន។ ក្នុងគោលបំណងជាពិសេសក្នុងការកសាងភាពជាដៃគូ ពង្រឹងទំនាក់ទំនងរវាងគ្រឹះស្ថានទាំងពីរ ដើម្បីគាំទ្រ និងលើកកម្ពស់គម្រោងអប់រំទាក់ទងនឹងវប្បធម៌ និងអរិយធម៌ តាមរយៈការរៀបចំព្រឹតិ្តការណ៍រួមគ្នា និងការអញ្ជើញភ្ញៀវកិតិ្តយស ដើម្បីធ្វើបទអន្តរាគមន៍ ចែករំលែកចំណេះដឹង និងបទពិសោធន៍ទៅវិញទៅមករវាងស្ថាប័នទាំងពីរ។ លើសពីនេះ កិច្ចព្រមព្រៀងនេះ ក៏រួមចំណែកដល់ការជំរុញភាពជាដៃគូក្នុងវិស័យផ្សេងៗទៀត នៃឯកទេសជំនាញរៀងៗខ្លួន ដូចជាការបណ្តុះបណ្តាល កម្មសិក្សាសម្រាប់សិស្ស និសិ្សត ការផ្លាស់ប្តូរសិស្ស និសិ្សត ដំណើរទស្សនកិច្ចការចូលបណ្ណាល័យពហុឯកសាររបស់វិទ្យាស្ថានបារាំង។ កិច្ចព្រមព្រៀងនេះ មានសុពលភាពចាប់ពីពេលចុះហត្ថលេខាដោយភាគីទាំងពីរ រហូតដល់ថ្ងៃទី១ ខែវិចិ្ឆកា ឆ្នាំ២០២៦។ កិច្ចព្រមព្រៀងនេះ នឹងត្រូវបានបន្តថ្មីដោយស្វ័យប្រវតិ្តក្រោយថ្ងៃកំណត់ បើពុំមានភាគីណាមួយចង់សុំបញ្ចប់។ ភាគីហត្ថលេខីត្រូវខិតខំរួមគ្នា ជំរុញសកម្មភាពវប្បធម៌ ដើម្បីញ៉ាំងឲ្យសាធារណជនចូលរួមសកម្មភាពវប្បធម៌កាន់តែទូលំទូលាយ ហើយភាគីទាំងពីរនឹងចូលរួមវិភាគទានចំណាយផ្សេងៗ ទៅតាមសមត្ថភាពរៀងៗខ្លួន និងទៅតាមប្រភេទប្រតិ្តបតិ្តការ ដោយមានកិច្ចព្រមព្រៀងហិរញ្ញវត្ថុបន្ថែមស្របតាមករណីជាក់ស្តែងនីមួយៗ។តាមរយៈនៃកិច្ចព្រមព្រៀងនេះ ដោយផ្តោតលើសកម្មភាពវប្បធម៌ សិល្បៈ និងការអប់រំ រយៈពេលយូរអង្វែង ដូចជា៖ ការតាំងពិព័រណ៍ ការប្រគុំតន្រី្ត ការរាំ/របាំ នៅវិទ្យាស្ថានបារាំង ការចូលរួមសកម្មភាពផ្សេងៗរបស់និសិ្សត និងការរៀបចំបង្កើតគម្រោងគរុកោសល្យ និងអប់រំនៅសាកលវិទ្យាល័យភូមិន្ទវិចិត្រសិល្បៈ។ ការរៀបចំតាំងពិព័រណ៍ នៅសាកលវិទ្យាល័យ និងវិទ្យាស្ថាន ឬនៅទីតាំងណាមួយដែលភាគីទាំងពីរបានឯកភាព ការរៀបចំប្រកួតស្នាដៃ ស្ថាបត្យកម្ម តន្រី្ត របាំ។ ជំរុញការផ្លាស់ប្តូរវប្បធម៌រាល់គ្រប់ទម្រង់រូបភាព នៃសិល្បៈមើលឃើញ របាំ តន្រី្ត ការចូលរួមមតិពិភាក្សាអំពីគំនិត ស្តីពីវប្បធម៌ និងសិល្បៈ។ ជំរុញឲ្យមានការផ្លាស់ប្តូរបទពិសោធន៍គ្នាទៅវិញទៅមក ទាក់ទងនឹងប្រវតិ្តវិទ្យា បុរាណវិទ្យា និងសារមន្ទីរវិទ្យា ការប្រើសាលបញ្ចាំងភាពយន្តវិទ្យាស្ថានបារាំងសម្រាប់ធ្វើការបញ្ចាំងភាពយន្ត និងការប្រគុំតន្រី្តដោយនិសិ្សតសាកលវិទ្យាល័យ គម្រោងរួមផ្សេងៗផ្នែកបណ្តុះបណ្តាលវិស័យភាពយន្ត និងការអញ្ជើញអ្នកនិពន្ធ សិល្បករ ស្ថាបត្យករ អ្នកជំនាញទេសភាពលំនៅស្ថាន អ្នកធ្វើបទបង្ហាញ និងការតាំងពិព័រណ៍រួមរវាងបណ្ណាល័យពហុឯកសារវិទ្យាស្ថានបារាំង និងបណ្ណាល័យសកលវិទ្យាល័យ និងការទស្សនកិច្ចរបស់និសិ្សតសាកលវិទ្យាល័យ នៅពេលមានការតាំងពិព័រណ៍ និងសកម្មភាពវប្បធម៌ផ្សេងៗរៀបចំដោយវិទ្យាស្ថានបារាំង និងការតាំងពិព័រណ៍ AJAP ជាលើកដំបូង នូវកម្រងស្នាដៃរបស់អ្នកជំនាញទេសភាពវ័យក្មេង ដែលនឹងប្រព្រឹត្តទៅនៅសាកលវិទ្យាល័យ ពីថ្ងៃទី២០ ខែមករា ឆ្នាំ២០២២ ដល់ថ្ងៃទី២៦ ខែកុម្ភះ ឆ្នាំ២០២២។ ការតាំងពិព័រណ៍មួយនេះ នឹងធ្វើឡើងក្នុងគោលបំណងលើកស្ទួយវិជ្ជាជីវៈអ្នកជំនាញទេសភាពនៅកម្ពុជា៕អត្ថបទ រដ្ឋា

កម្ពុជារកឃើញករណីឆ្លងកូវីដចំនួន៣០០នាក់ ខណៈឆ្លងក្នុងសហគមន៍អូមីក្រុងហក់ឡើងខ្ពស់

ភ្នំពេញ៖ ក្រសួងសុខាភិបាលនៅថ្ងៃនេះ បានប្រកាសថា លទ្ធផលតេស្តដោយម៉ាស៊ីន PCR រកឃើញថា មនុស្ស ៣០០នាក់ទៀត ត្រូវបានឆ្លងមេរោគកូវីដ-១៩ ជាប្រភេទអូមីក្រុងទាំងអស់ ក្នុងនោះ ឆ្លងក្នុងសហគមន៍អូមីក្រុងហក់ឡើងខ្ពស់រហូតដល់២៩៥នាក់ ។ប៉ុន្ដែក្រសួង បានឱ្យដឹងបន្ថែមថា ថ្ងៃនេះករណីស្លាប់គឺគ្មាននោះទេ ។បើតាមក្រសួងសុខាភិបាល ចំនួនមនុស្សស្លាប់ដោយសារជំងឺកូវីដ-១៩ បានកើនឡើងរហូតដល់ ៣,០១៥នាក់ ហើយគិតត្រឹមថ្ងៃនេះ ខណៈចំនួនអ្នកឆ្លងជំងឺនេះសរុបបានកើនឡើងដល់ ១២៣,០៤២នាក់នៅទូទាំងប្រទេស។ក្រសួងសុខាភិបាលបញ្ជាក់ថា អ្នកជំងឺកូវីដ-១៩ សរុបរហូតដល់ ១១៨,៦៦០នាក់ហើយ ត្រូវបានព្យាបាលជាសះស្បើយឡើងវិញ៕

អាជ្ញាធរភ្នំពេញនឹងចាត់វិធានការបិទអាជីវកម្មទេសចរណ៍ណា ដែលល្មើសបម្រាម និងវិធានសុខាភិបាល

ភ្នំពេញ៖ មន្ត្រីជំនាញនៃរដ្ឋបាលសាលារាជធានីភ្នំពេញ បានចាប់ផ្តើមចុះត្រួតពិនិត្យតាមដានការអនុវត្តវិធានការទប់ស្កាត់ការរាតត្បាតកូវីដ-១៩ របស់រាជរដ្ឋាភិបាល ក្រសួងសុខាភិបាល និងវិធានសុវត្ថិភាពទេសចរណ៍ ឬការអនុវត្តនីតិវិធីប្រតិបត្តិស្តង់ដារអប្បបរមា SOPលើអាជីវកម្មទេសចរណ៍ ក្នុងករណីពិនិត្យឃើញថា អាជីវកម្មខកខានអនុវត្ត ល្មើសបំរាមរាជរដ្ឋាភិបាល នឹងត្រូវតម្រូវឱ្យបិទជាបណ្តោះអាសន្ន។នៅក្នុងឱកាសចុះត្រួតពិនិត្យរៀបចំ និងការអនុវត្តនីតិវិធីប្រតិបត្តិស្តង់ដារអប្បបរមា SOP នៅភោជនីយដ្ឋាន ខេមា ឡា ប៉ុស្តិ៍ ព្រឹកថ្ងៃទី១១ ខែកុម្ភៈនេះ លោក ម៉ម វាសនា ប្រធានមន្ទីរទេសចរណ៍រាជធានីភ្នំពេញ បានថ្លែងថា បន្ទាប់ពីរដ្ឋបាលសាលារាជធានីភ្នំពេញ បានចេញសេចក្តីណែនាំ ក្រើនរំលឹកអនុវត្តវិធានការសុខាភិបាល ដើម្បីទប់ស្កាត់កូវីដ១៩ ជាពិសេសមេរោគបំលែងខ្លួនអូមីក្រុងមក នៅពេលនេះក្រុមមន្ត្រីជំនាញនៃរដ្ឋបាលសាលារាជធានីបានចុះត្រួតពិនិត្យតាមដានការអនុវត្ត វិធានសុខាភិបាល និងអនុវត្តវិធានប្រតិបត្តិស្តង់ដារអប្បបរមា SOP អោយបានខ្លាំងឡើងវិញលើមូលដ្ឋានអាជីវកម្មទេសចរណ៍នានា ហើយក្នុងករណីអាជីវកម្មណាខកខាន អនុវត្តមិនត្រូវអាជីវកម្មនោះ នឹងរងការផាកពិន័យ ។លោក ម៉ម វាសនា បញ្ជាក់ថា សម្រាប់ការចុះត្រួតពិនិត្យនេះយើងបានណែនាំតម្រូវអោយមូលដ្ឋានអាជីវកម្មទេសចរណ៍ត្រូវពង្រឹងវិធានការការត្រួតពិនិត្យសុខភាព វ៉ាស់កំដៅ ពាក់មាស់ Scan QR code និងរៀបចំរក្សាគន្លាតតុភ្ញៀវអង្គុយអោយបានត្រឹមត្រូវឡើងវិញ តាមគោលការណ៍ណែនាំ ទោះក្នុងពិធីជប់លៀងអ្វីក៏ដោយ។បើតាមអ្នកគ្រប់គ្រងទូទៅនៃភោជនីយដ្ឋានខេមាឡាប៉ុស្តិ៍ លោកស្រី សុខ ខន្តី បានថ្លែងថា ដើម្បីបានអាជីវកម្មទេសចរណ៍បានបើកដំណើរការប្រកបដោយសុវត្ថិភាព ភោជនីយដ្ឋានបានខិតខំអនុវត្តតាមគោលការណ៍នានារបស់រាជរដ្ឋាភិបាល ដើម្បីទប់ស្កាត់ការរាតត្បាតមេរោគកូវីដ១៩ និងអូមីក្រុង ដូចជា ការកំណត់អត្តសញ្ញាណភ្ញៀវ ការស្នើភ្ញៀវចុះឈ្មោះប្រើប្រាស់ប្រព័ន្ធ QR Code “ទប់ស្កាត់កូវីដ-១៩” ការត្រួតពិនិត្យកំដៅ ការប្រើអាកុលសម្លាប់មេរោគ ការពាក់ម៉ាស់ និង ការរក្សាគន្លាត ជាដើម។សូមបញ្ជាក់ថា នៅក្នុងមានសារាចរណែនាំក្រសួងទេសចរណ៍ស្ដីពីការពង្រឹងការអនុវត្តវិធានការនានារបស់រាជរដ្ឋាភិបាល ក្រសួងសុខាភិបាល និងវិធានសុវត្ថិភាពទេសចរណ៍ ដើម្បីប្រយុទ្ធ និងទប់ស្កាត់ការឆ្លងរាលដាលនៃមេរោគកូវីដ-១៩ ប្រភេទអូមីក្រុង នៅថ្ងៃទី៩ ខែកុម្ភៈឆ្នាំ២០២២នេះ ក៏បានសរសេរថា គ្រប់មូលដ្ឋានអាជីវកម្ម ត្រូវអនុវត្តរាល់វិធានការជាធរមាននេះ ហើយក្នុងករណីអាជីវកម្មទេសចរណ៍ណាខកខានមិនបានអនុវត្ត ឬអនុវត្តមិនបានត្រឹមត្រូវ មន្ទីរទេសចរណ៍រាជធានី ខេត្ត ត្រូវស្នើសុំការសហការពីអាជ្ញាធរមូលដ្ឋានបញ្ឈប់ប្រតិបត្តិការអាជីវកម្មនោះជាដាច់ខាត និងបន្តនីតិវិធីស្នើសុំការអនុវត្តវិធានការច្បាប់ជាធរមាន ពិសេសច្បាប់ស្តីពីវិធានការទប់ស្កាត់ការឆ្លងរាលដាលនៃជំងឺកូវីដ-១៩ និងជំងឺកាចសាហាវ និងប្រកបដោយគ្រោះថ្នាក់ធ្ងន់ធ្ងរផ្សេងទៀត៕ អត្ថបទ ស៊ុម សុខជា

វិធានការសំខាន់ៗតាមមន្ទីរពេទ្យថ្នាក់ជាតិ ក្នុងការឆ្លើយតបបន្ទាន់នៃមេរោគកូវីដ-១៩បំប្លែងថ្មី

ភ្នំពេញ៖ ក្នុងវិបត្តិកូវីដ-១៩ រយៈពេលជាង០២ឆ្នាំមកនេះ បណ្តាមន្ទីរពេទ្យថ្នាក់ជាតិទាំងអស់ បានផ្តល់ សេវាសុខភាពសាធារណៈជូនប្រជាពលរដ្ឋ ដោយអនុវត្តវិធានការសំខាន់ៗ ដើម្បីឆ្លើយតបបន្ទាន់ នៃមេរោគកូវីដ-១៩ បំប្លែងថ្មីនិងបន្តបន្ទាប់។បើតាមលោកសាស្រ្តាចារ្យ វេជ្ជបណ្ឌិត ញឹប អង្គាបុស្ស នាយកមន្ទីរពេទ្យកុមារជាតិ ប្រាប់BTVNEWS នាព្រឹកថ្ងៃទី១១ ខែកុម្ភៈ ឆ្នាំ២០២២នេះថា ស្ថានភាពជំងឺកូវីដ-១៩ បន្តរីករាលដាល និងបំប្លែងថ្មី ប្រភេទអូមីក្រុង មិនថាតែនៅប្រទេសកម្ពុជា ក៏ដូចជាពិភពលោកទាំងមូល។ ថ្វីត្បិតថាមេរោគកូវីដ-១៩ ប្រភេទអូមីក្រុងនេះ ស្រាលជាងប្រភេទដែលតា ពីមុនមក ក៏ប៉ុន្តែវានៅតែជាទម្ងន់ និងផលលំបាកចំពោះសុខភាពប្រជាជនកម្ពុជា។ ទាក់ទងនឹងការងារខាងលើនេះ មន្ទីរពេទ្យមានវិធានការ និងបង្កើនការប្រុងប្រយ័ត្នខ្ពស់ ចំពោះអ្នកជំងឺ និងលោកគ្រូពេទ្យ អ្នកគ្រូពេទ្យ នៅពេលមកទទួលសេវាពិនិត្យ សម្រាកព្យាបាល និងការផ្តល់សេវា ដោយអនុវត្តនូវវិធានការណ៍សំខាន់ៗ បង្ការការឆ្លងជាយថាហេតុនូវជំងឺកូវីដ-១៩ និងដើម្បីកាត់ផ្តាច់ការចម្លងចូលក្នុងសហគមន៍។លោកសាស្រ្តាចារ្យវេជ្ជបណ្ឌិត ញឹប អង្គាបុស្ស បានបញ្ជាក់ទៀតថា ស្របពេលដែលជំងឺកូវីដ-១៩ បន្តរីករាលដាល ស្នើឲ្យក្រុមដែលងាយរងគ្រោះ ដូចជាស្រី្តមានផ្ទៃពោះ ស្រី្តកំពុងតែបំបៅកូនដោយទឹកដោះ ជនចាស់ជរា ដែលមានជំងឺប្រចាំកាយ កុមារតូចមានអាយុចាប់ពី៥ឆ្នាំឡើង ចាំបាច់ ត្រូវតែមកទទួលការចាក់វ៉ាក់សាំងបង្ការជំងឺកូវីដ-១៩។ ប្រសិនបើពួកគាត់មិនបានចាក់វ៉ាក់សាំងនោះទេ នៅពេលជំងឺឆ្លងចូលមក អត្រាឈឺ និងស្លាប់ គឺខ្ពស់ជាង ក្រុមអ្នកដែលបានចាក់វ៉ាក់សាំងគ្រប់ដូស និងមានសុខភាពមាំមួន នេះជាបទពិសោធន៍ដែលមនី្ទរពេទ្យបានជួបប្រទះក្នុងរយៈពេលកន្លងមកនេះ ជាពិសេសការឆ្លងជំងឺកូវីដ-១៩ នាឆ្នាំ២០២១មកនេះ។ ដូច្នេះសូមអញ្ជើញបងប្អូនប្រជាពលរដ្ឋ មកចាក់វ៉ាក់សាំងឲ្យបានគ្រប់ៗគ្នា យ៉ាងតិចបំផុត២ដូស និងដូសជំរុញលើកទី៣ ប្រសិនបើអ្នកបានចាក់វ៉ាក់សាំងដូសទី៣ រួចហើយ សូមអញ្ជើញមកចាក់វ៉ាក់សាំងដូសទី៤ ដើម្បីជួយការពារសុខភាពបងប្អូនប្រជាពលរដ្ឋ ឲ្យចាកផុតពីជំងឺកាចសាហាវមួយនេះ៕ អត្ថបទ រដ្ឋា

អាជ្ញាធរចុះដាក់ស្លាកសម្គាល់ផ្ទះអ្នកឆ្លងកូវីដ និងបន្តតាមដានបញ្ហាសុខភាពជាប់ជាប្រចាំ

ភ្នំពេញ៖ អាជ្ញាធរមូលដ្ឋានក្នុងរាជធានីភ្នំពេញ ដើម្បីបង្កើនការយកចិត្តទុកដាក់ទប់ស្កាត់ការឆ្លងរាលដាលកូវីដ១៩ ពិសេសប្រភេទបំប្លែងថ្មីអូមីក្រុង បានចុះដាក់ស្លាកសម្គាល់នៅតាមផ្ទះរបស់ពលរដ្ឋណាដែលមានវិជ្ជមានកូវីដ និងបន្តទំនាក់ទំនងតាមដានសុខភាពរបស់ពួកគាត់ជាប់ជាប្រចាំ។ក្នុងកាលទេសៈបច្ចុប្បន្នដែលករណីវិជ្ជមានកូវីដ-១៩ ជាពិសេសវីរុសបំប្លែងថ្មី អូមីក្រុង មានការឡើងជាបន្តបន្ទាប់ក្នុងភូមិសាស្រ្តរាជធានីភ្នំពេញ អាជ្ញាធរមូលដ្ឋានតាមភូមិ សង្កាត់ ខណ្ឌ កំពុងមមាញឹកចាត់ចែងការងារនេះយ៉ាងយកចិត្តទុកដាក់។ ជាក់ស្ដែងសម្រាប់សង្កាត់ ដង្កោ ខណ្ឌដង្កោ ក៏មានករណីឆ្លងចំនួន២០ករណីផងដែរ គិតត្រឹមចុងខែ មករា មកទល់ពេលនេះ។ នេះជាការលើកឡើងរបស់លោកស្រី សឿង សេរី ជាចៅសង្កាត់ ខណៈដែលលោកស្រី នាំយកអំណោយមួយចំនួនជូនគ្រួសារដែលបានឆ្លង។លោកស្រីបន្តថា បច្ចុប្បន្ននេះអាជ្ញាធរគឺបន្តចុះដាក់ស្លាកសម្គាល់តាមទីផ្ទះដែលបានរាយការណ៍ថា វិជ្ជមានកូវីដ-១៩ និងអប់រំណែនាំមិនឱ្យចេញមកក្រៅ និងមិនអនុញ្ញាតឱ្យអ្នកជិតខាង ចូលទៅពាក់ព័ន្ធកំឡុងពេលព្យាបាលនេះ។ លោកស្រីចៅសង្កាត់បន្តថា កំឡុងពេលព្យាបាលក៏អាជ្ញាធរសង្កាត់ ខណ្ឌ បន្តទំនាក់ទំនងជាមួយអ្នកជំងឺជាប្រចាំ ដើម្បីតាមដានស្ថានភាពសុខភាព និងផ្ដល់ប្រឹក្សានានាលើបញ្ហានេះ ។ពាក់ព័ន្ធនឹងការទប់ស្កាត់កូវីដ-១៩ ជាពិសេសកំឡុងពេលមានការកើនឡើងវីរុសបំប្លែងថ្មី អូមីក្រុងនេះ រដ្ឋបាលរាជធានីភ្នំពេញបានចេញ សេចក្ដីណែនាំបន្ថែម ស្ដីពី ការពង្រឹងប្រសិទ្ធភាពនៃការគ្រប់គ្រង ថែទាំ និងព្យាបាលអ្នកជំងឺកូវីដ-១៩ នៅតាមផ្ទះក្នុងភូមិសាស្រ្តរាជធានីភ្នំពេញ។ សេចក្ដីណែនាំនោះ បានបញ្ជាក់ពីការផាកពិន័យ តាមមាត្រា២ នៃប្រកាសអន្តរក្រសួង ចុះថ្ងៃទី ១៩ ខែមីនា ឆ្នាំ២០២១របស់ក្រសួងសេដ្ឋកិច្ច និងក្រសួងសុខាភិបាល ស្ដីពីការពិន័យជាប្រាក់ចំពោះបុគ្គល ឬនីតិបុគ្គលដែលប្រព្រឹត្តិអំពើល្មើសនឹងវិធានការសុខាភិបាល ដើម្បីទប់ស្កាត់ការឆ្លងរាលដាលនៃជំងឺកូវីដ-១៩ និងជំងឺឆ្លងកាចសាហាវនិងប្រកបដោយគ្រោះថ្នាក់ធ្ងន់ធ្ងរផ្សេងទៀត។ លើសពីនេះគឺការដាក់ពន្ធនាគារ ស្របតាមមាត្រា ១០មាត្រា ១១ នៃច្បាប់ស្ដីពីវិធានការទប់ស្កាត់ការឆ្លងរាលដាលនៃជំងឺកូវីដ-១៩ និងជំងឺឆ្លងកាចសាហាវនិងប្រកបដោយគ្រោះថ្នាក់ធ្ងន់ធ្ងរផ្សេងទៀត៕ អត្ថបទ៖ គឹមហុក

ម្ចាស់ពិធីមង្គលការអនុវត្តតាមការណែនាំរបស់រដ្ឋបាលរាជធានី កំណត់ចំនួនមនុស្សមួយតុត្រឹម ៧នាក់

ភ្នំពេញ ៖ដើម្បីចូលរួមទប់ស្កាត់ការចម្លងរាលដាលជំងឺកូវីដ-១៩ បំប្លែងថ្មី អូមីក្រុង កាន់តែខ្លាំងឡើងចូលក្នុង សហគមន៍នោះ ម្ចាស់ពិធីមង្គលការ បានអនុវត្តតាមការណែនាំរបស់រដ្ឋបាលរាជធានីភ្នំពេញ កំណត់អ្នកចូលរួម គឺមួយតុអង្គុយតែមនុស្ស៧នាក់ និងវិធានការផ្សេងៗ មួយចំនួនទៀត។មួយថ្ងៃបន្ទាប់ពីរដ្ឋបាលរាជធានីភ្នំពេញ ចេញសេចក្តីក្រើនរំលឹក ដើម្បីទប់ស្កាត់ការឆ្លងរីករាលដាលមេរោគបំប្លែងថ្មី អូមីក្រុង នៅក្នុងភូមិសាស្រ្តរាជធានីភ្នំពេញ ដោយក្នុងនោះត្រូវកំណត់អ្នកចូលរួមក្នុង ពិធីមង្គលការ និងកម្មវិធីជួបជុំផ្សេងៗទៀត ត្រូវកំណត់ចំនួនមនុស្សត្រឹម ៧នាក់ចុះក្រោមនោះ ម្ចាស់ពិធី មង្គលការ និងកម្មពិធីជួបជុំផ្សេងៗ ប្រកាន់ភ្ជាប់ការណែនាំរបស់រដ្ឋបាលរាជធានីភ្នំពេញ។លោក តូច ពុទ្ធានី ម្ចាស់ពិធីមង្គលការ នៅថ្ងៃទី១១ ខែកុម្ភៈនេះ បានប្រាប់BTVឱ្យដឹងថា នៅក្នុង ពិធីមង្គលការប្អូនប្រុសលោក គឺបានប្រកាន់ភ្ជាប់តាមការណែនាំរបស់រដ្ឋបាលរាជរដ្ឋរាជធានីភ្នំពេញ ដោយ មានម៉ាស៊ីនវ៉ាស់កំដៅ ទឹកអាល់កុល និងការកំណត់ចំនួនភ្ញៀវចូលរួមមួយតុត្រឹម ៧នាក់ជាដើម។លោក បានបន្តថា ក្នុងបរិបទជំងឺកូវីដ-១៩ គឺត្រូវប្រុងប្រយ័ត្នទាំងអស់គ្នា ដើម្បីការពារកុំឱ្យឆ្លងជំងឺ កូវីដ-១៩ ជាពិសេសមេរោគបំប្លែងថ្មី អូមីក្រុង។លោក ជា សុខៃ ចៅសង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ បានឱ្យដឹងដែរថា បន្ទាប់ពីទទួលបានសេចក្តីក្រើនរំលឹករបស់រដ្ឋបាលរាជធានីភ្នំពេញ អាជ្ញាធរ បានផ្សព្វផ្សាយនៅតាមភូមិ និងសង្កាត់ ជំរុញពលរដ្ឋយល់ដឹងបន្ថែមពីវិធានការទប់ស្កាត់ជំងឺកូវីដ-១៩។ ក្រៅពីនេះ លោក បានព្រមានថា ប្រសិនពលរដ្ឋមិនគោរពតាមការណែនាំនោះទេ អាជ្ញាធរ នឹងចាត់វិធានការតាមផ្លូវច្បាប់។យោងតាមសេចក្តីណែនាំរបស់រដ្ឋបាលរាជធានីភ្នំពេញ ស្តីពីការក្រើនរំលឹកដល់ប្រជាពលរដ្ឋ បាន លើកឡើងថា ចាប់ពីពេលនេះតទៅចំពោះទីតាំងដែលប្រមូលផ្តុំមនុស្សច្រើនដូចជា កន្លែងរៀបចំពិធីមង្គលការ ភោជនីយដ្ឋាន ពិធីបុណ្យទាន កន្លែងកម្សាន្ត និងការជួបជុំ ប្រមូលផ្តុំផ្សេងៗ ដែលមានមនុស្សច្រើន ត្រូវឲ្យរៀបចំកៅអី អង្គុយមានគម្លាតសុវត្ថិភាព ដោយមិនឲ្យលើសពី៧នាក់ ក្នុងមួយតុ និងត្រូវប្រកាន់ខ្ជាប់នូវវិធានការសុខាភិបាល។ ក្រៅពីនេះ ក៏ត្រូវពិនិត្យប័ណ្ណចាក់វ៉ាក់សាំងបើបុគ្គលណាមួយមិនបានចាក់វ៉ាក់សាំង ឬហួសរយៈពេល៤ខែហើយ មិនបានទៅចាក់វ៉ាក់សាំងដូសទី៣ ឬដូសជំរុញដោយគ្មានមូលហេតុត្រឹមត្រូវ បុគ្គលនោះ មិនអនុញ្ញាតឲ្យចូលទីតាំង ឬកន្លែងប្រារព្ធពិធីនោះឡើយ៕អត្ថបទ៖ ទូច សោភ័ណ

បណ្ដាញសង្គម

ព័ត៌មានថ្មីៗ

រដ្ឋមន្រ្តីក្រសួងសុខាភិបាល បន្តចុះពិនិត្យ និងគាំទ្រតម្រូវការជាក់ស្តែងចំពោះមុខ ក្នុងមូលដ្ឋានសុខាភិបាលជាប់ព្រំដែន នៅមណ្ឌលសុខភាព ស្រអែម និងមណ្ឌលសុខភាពសម្តេចអគ្គមហាធម្មពោធិសាល ជា ស៊ីម ខេត្តព្រះវិហារ

ឯកឧត្តម ឌិត ទីណា បន្តជួបមន្ត្រីកសិកម្មឃុំ-សង្កាត់ ដេីម្បីផ្សព្វផ្សាយគោលនយោបាយអាទិភាព "មានហូប មានប្រេី មានបាន និងមានរហូត"

កងកម្លាំងរុស្ស៊ី បានប្រមូលផ្ដុំទាហាន ១១ម៉ឺននាក់ នៅជិតទីក្រុងយុទ្ធសាស្ត្ររបស់អ៊ុយក្រែន

មនុស្សជាច្រើននាក់ ស្លាប់និងរបួស ក្នុងហេតុការណ៍រត់ជាន់គ្នា ក្នុងពិធីបុណ្យសាសនានៅឥណ្ឌា

បាតុករសម្រុកតវ៉ានៅទីក្រុង Venice របស់អ៊ីតាលី ក្នុងពិធីមង្គលការរបស់ស្ថាបនិកក្រុមហ៊ុន Amazon

UN៖ ជនជាតិអាហ្វហ្គានីស្ថានយ៉ាងតិច ១,២លាននាក់ ត្រូវបង្ខំឱ្យចាកចេញពីអ៊ីរ៉ង់ និងប៉ាគីស្ថាន នៅឆ្នាំនេះ

មនុស្សជាង ២០នាក់ស្លាប់ និងជាច្រើននាក់បន្តបាត់ខ្លួន ក្នុងបំណាក់ដីនៅប្រទេសកូឡុំប៊ី

ឯកឧត្តម ហេង សួរ ឯកភាពជាមួយវិទ្យាស្ថាន CDRI ដើម្បីសិក្សាស្រាវជ្រាវពីវឌ្ឍនភាពតម្រូវការជំនាញនៅលើទីផ្សារ

លោក Trump៖ បទឈប់បាញ់នៅតំបន់ហ្កាហ្សា អាចកើតឡើងក្នុងពេលត្រឹមតែមួយសប្តាហ៍

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

អតីតសកម្មជនគណបក្សដទៃ សម្រេចចូលរួមជីវភាពនយោបាយជាមួយគណបក្សប្រជាជន ក្នុងស្រុកឱរ៉ាល់

ប្រសាសន៍សំខាន់ៗរបស់សម្តេចតេជោ ហ៊ុន សែន ថ្លែងក្នុងឱកាសទទួលពានរង្វាន់សន្តិភាពស៊ុនហាក់ ឆ្នាំ២០២២

កម្ពុជារកឃើញករណីឆ្លងកូវីដចំនួន៣០០នាក់ ខណៈឆ្លងក្នុងសហគមន៍អូមីក្រុងហក់ឡើងខ្ពស់

អាជ្ញាធរភ្នំពេញនឹងចាត់វិធានការបិទអាជីវកម្មទេសចរណ៍ណា ដែលល្មើសបម្រាម និងវិធានសុខាភិបាល

វិធានការសំខាន់ៗតាមមន្ទីរពេទ្យថ្នាក់ជាតិ ក្នុងការឆ្លើយតបបន្ទាន់នៃមេរោគកូវីដ-១៩បំប្លែងថ្មី

អាជ្ញាធរចុះដាក់ស្លាកសម្គាល់ផ្ទះអ្នកឆ្លងកូវីដ និងបន្តតាមដានបញ្ហាសុខភាពជាប់ជាប្រចាំ

ម្ចាស់ពិធីមង្គលការអនុវត្តតាមការណែនាំរបស់រដ្ឋបាលរាជធានី កំណត់ចំនួនមនុស្សមួយតុត្រឹម ៧នាក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

អតីតសកម្មជនគណបក្សដទៃ សម្រេចចូលរួមជីវភាពនយោបាយជាមួយគណបក្សប្រជាជន ក្នុងស្រុកឱរ៉ាល់

ប្រសាសន៍សំខាន់ៗរបស់សម្តេចតេជោ ហ៊ុន សែន ថ្លែងក្នុងឱកាសទទួល​ពាន​រង្វាន់​សន្តិភាព​ស៊ុនហាក់ ឆ្នាំ២០២២

កម្ពុជា​រក​ឃើញ​ករណី​ឆ្លង​​កូវីដចំនួន៣០០នាក់ ខណៈឆ្លងក្នុងសហគមន៍អូមីក្រុងហក់ឡើងខ្ពស់​

អាជ្ញាធរភ្នំពេញនឹងចាត់វិធានការបិទអាជីវកម្មទេសចរណ៍ណា ដែលល្មើសបម្រាម និងវិធានសុខាភិបាល

វិធានការសំខាន់ៗតាមមន្ទីរពេទ្យថ្នាក់ជាតិ ក្នុងការឆ្លើយតបបន្ទាន់នៃមេរោគកូវីដ-១៩បំប្លែងថ្មី

អាជ្ញាធរចុះដាក់ស្លាកសម្គាល់ផ្ទះអ្នកឆ្លងកូវីដ និងបន្តតាមដានបញ្ហាសុខភាពជាប់ជាប្រចាំ

ម្ចាស់ពិធីមង្គលការអនុវត្តតាមការណែនាំរបស់រដ្ឋបាលរាជធានី កំណត់ចំនួនមនុស្សមួយតុត្រឹម ៧នាក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ប្រសាសន៍សំខាន់ៗរបស់សម្តេចតេជោ ហ៊ុន សែន ថ្លែងក្នុងឱកាសទទួលពានរង្វាន់សន្តិភាពស៊ុនហាក់ ឆ្នាំ២០២២

កម្ពុជារកឃើញករណីឆ្លងកូវីដចំនួន៣០០នាក់ ខណៈឆ្លងក្នុងសហគមន៍អូមីក្រុងហក់ឡើងខ្ពស់