BTV NEWS

TOP STORY | សម្ដេចធិបតី បានចាត់វិធានការចាំបាច់ជាបន្តបន្ទាប់ចំពោះការវិលត្រឡប់ទ្រង់ទ្រាយធំរបស់ពលករខ្មែរ និងជនភៀសសឹក

TOP STORY | សម្ដេចតេជោ៖ ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀតជាមួយនាយករដ្ឋមន្ត្រី, រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់

TOP STORY |សម្ដេចធិបតី ហ៊ុន ម៉ាណែត ដាក់លិខិតស្នើសុំកោះប្រជុំក្រុមប្រឹក្សាសន្តិសុខជាបន្ទាន់ ដើម្បីសុំការអន្តរាគមន៍បញ្ចប់ការឈ្លានពានរបស់កងទ័ពថៃមកលើដែនអធិបតេយ្យភាពរបស់កម្ពុជា

TOP STORY | សម្ដេចធិបតី៖ កងទ័ពថៃបានបើកការវាយប្រហារមកលើទីតាំងឈរជើងរបស់កងទ័ពកម្ពុជា នៅប្រាសាទតាមាន់ធំ តាក្របី និងបានពង្រីកភូមិសាស្ត្រវាយប្រហារទៅដល់តំបន់មុំបី

នយោបាយ និង ការអភិវឌ្ឍន៍

សាលារាជធានីភ្នំពេញ គ្រោងបើកការដ្ឋានសាងសង់ស្ពានអាកាសថ្មី ស្ថិតនៅត្រង់ភូមិឃ្លាំងសាំងក្នុងខណ្ឌឫស្សីកែវ

ភ្នំពេញ៖ សាលារាជធានីភ្នំពេញ គ្រោងបើកការដ្ឋានសាងសង់ស្ពានអាកាសថ្មីមួយទៀតស្ថិតក្នុងខណ្ឌឫស្សីកែវ នៅចុងខែនេះ ក្រោមអធិបតីភាពប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន។ក្នុងសេចក្ដីជូនដំណឹងនៅថ្ងៃនេះ សាលារាជធានីភ្នំពេញ បានឱ្យដឹងថា ស្ពានអាកាសផ្លូវជាតិលេខ៥ ស្ថិតត្រង់ភូមិឃ្លាំងសាំង ក្នុងសង្កាត់ឫស្សីកែវ នឹងបើកការដ្ឋានសាងសង់នៅថ្ងៃទី៣១ ខែមករា។បើតាមសេចក្ដីជូនដំណឹងដដែលនេះ សម្ដេចតេជោ ហ៊ុន សែន នឹងអញ្ជើញជាអធិបតីនៅក្នុងពិធីបើកការដ្ឋានសាងសង់ស្ពានអាកាសថ្មីនេះ។សាលារាជធានីភ្នំពេញ ក៏បានជូនដំណឹងផងដែរទៅប្រជាពលរដ្ឋជាអ្នកធ្វើដំណើរលើកំណាត់ផ្លូវជាតិលេខ៥ ឱ្យប្ដូរទិសចរាចរណ៍របស់ពួកគេទៅកាន់ផ្លូវផ្សេងនៅព្រឹកថ្ងៃចន្ទសប្ដាហ៍ក្រោយនេះ៕

ឆ្នាំ២០២១ប្រព័ន្ធផ្លូវថ្នល់ត្រូវបានកសាងឡើងជាច្រើនខ្សែ តែផ្លូវជាតិលេខ២ និងលេខ២២ មានភាពយឺតយ៉ាវ

ភ្នំពេញ៖ ទោះបីក្នុងឆ្នាំ២០២១ កម្ពុជាបានជួបប្រទះនឹងជំងឺរាតត្បាតដ៏កាចសាហាវយ៉ាងណាក្ដី ក៏កម្ពុជាមិនបានជួបផលលំបាកធ្ងន់ធ្ងរក្នុងការអភិវឌ្ឍប្រទេសនោះទេ ពិសេសការកសាងប្រព័ន្ធផ្លូវថ្នល់ និងស្ពានធំៗ ជាមួយគ្នានេះក្រសួងជំនាញក៏បានទទួលស្គាល់ថា ការកសាងផ្លូវជាតិលេខ២ និងផ្លូវជាតិលេខ២២ ពិតជាមានភាពយឺតយ៉ាវ។ថ្លែងក្នុងពិធីបើកសន្និបាតបូកសរុបលទ្ធផលការងារឆ្នាំ២០២១ និងលើកទិសដៅការងារឆ្នាំ២០២២ របស់ក្រសួងសាធារណការ និងដឹកជញ្ជូន នាព្រឹកថ្ងៃទី២៧ ខែមករា ឆ្នាំ២០២២ ឯកឧត្ដមទេសរដ្ឋមន្ដ្រី ស៊ុន ចាន់ថុល បានលើកឡើងពីសមិទ្ធផលជាច្រើនដែលក្រសួងសាធារណការ និងដឹកជញ្ជូនសម្រេចបានក្នុងឆ្នាំ២០២១ ជាមួយគ្នានោះ ឯកឧត្ដមទេសរដ្ឋមន្ដ្រី ក៏បានបញ្ជាក់ពីភាពយឺតយ៉ាងក្នុងការស្ថាបនាផ្លូវជាតិលេខ២ និងផ្លូវជាតិលេខ២២ ដែលតភ្ជាប់រាជធានីភ្នំពេញជាមួយនឹងខេត្តតាកែវ។សូមបញ្ជាក់ថា គម្រោងធ្វើឱ្យប្រសើរឡើងវិញកំណាត់ផ្លូវជាតិលេខ២ និងផ្លូវជាតិលេខ២២នេះ បានបើកការដ្ឋានសាងសង់នៅថ្ងៃទី១១ ខែកុម្ភៈ ឆ្នាំ២០២០។ គម្រោងផ្លូវនេះមានប្រវែងសរុប ៧២,១៧ គីឡូម៉ែត្រ ក្នុងនោះកំណាត់ផ្លូវជាតិលេខ២ ចាប់ពីរង្វង់មូលតាខ្មៅ ដល់អូរចំបក់ មានប្រវែង ៦២,៥៦ គីឡូម៉ែត្រ និងផ្លូវជាតិលេខ២២ ពីអូរចំបក់ ដល់អង្គតាសោម មានប្រវែង ៩,៦១គីឡូម៉ែត្រ ស្ថិតក្នុងភូមិសាស្រ្តខេត្តតាកែវ។ការស្ថាបនាផ្លូវជាតិទាំងពីរខ្សែខាងលើ ចែកចេញជាបីផ្នែក រួមមានផ្នែកទី១- កំណាត់ផ្លូវជាតិលេខ២ ចាប់ពីរង្វង់មូលតាខ្មៅ ដល់ផ្លូវប្រសព្វមហាវិថី សម្តេចតេជោហ៊ុនសែន មានប្រវែង ៤,៣៤គីឡូម៉ែត្រ ដែលនឹងត្រូវពង្រីកទទឹងតួផ្លូវរហូតដល់ ២០ម៉ែត្រ ដោយក្រាលបេតុងកៅស៊ូ AC ទទឹង ១៥ម៉ែត្រ ចែកចេញជាបួនគន្លង ខ័ណ្ឌដោយគំនូសចែកទ្រូងផ្លូវ។ ផ្នែកទី២- កំណាត់ផ្លូវជាតិលេខ២ ចាប់ពីផ្លូវប្រសព្វមហាវិថី សម្តេចតេជោ ហ៊ុន សែន ដល់រង្វង់មូលកួរស្រូវ ប្រវែង ៤,៤១គីឡូម៉ែត្រ ត្រូវពង្រីកទទឹងតួផ្លូវរហូតដល់ ២០,៥០ម៉ែត្រ ក្រាលបេតុងកៅស៊ូ AC ទទឹង ២០,៥០ម៉ែត្រ មានបួនគន្លង។ ផ្នែកទី៣- កំណាត់ផ្លូវជាតិលេខ២ និងផ្លូវជាតិលេខ២២ ចាប់ពីរង្វង់មូលកួរស្រូវ ដល់ផ្លូវបំបែកផ្លូវជាតិលេខ៣ តំបន់អង្គតាសោម ប្រវែង ៦៣,៤២គីឡូម៉ែត្រ ត្រូវពង្រីកទទឹងផ្លូវរហូតដល់ ១៣ម៉ែត្រ ដោយក្រាលបេតុងកៅស៊ូ AC ទទឹង ១៣ម៉ែត្រ ចែកចេញជាពីរគន្លង។គម្រោងធ្វើឱ្យប្រសើរឡើងវិញនេះគ្រោងចំណាយថវិកា ៥៦,១លានដុល្លាសហរដ្ឋអាមេរិក ដែលជាហិរញ្ញប្បទានពីរដ្ឋាភិបាលនៃសាធារណរដ្ឋកូរ៉េខាងត្បូង និងថវិកាបដិភាគរបស់រាជរដ្ឋាភិបាលកម្ពុជា។ គម្រោងនេះ សាងសង់ដោយយក្រុមហ៊ុន Hasan Engineering & Constructions Co., Ltd និងត្រួតពិនិត្យបច្ចេកទេសសាងសង់ដោយសម្ព័ន្ធក្រុមហ៊ុន Dasan Constructions Co., Ltd, Dong II Engineering Consultants Co., Ltd និង Seoyoung Engineering Co., Ltd Join Venture ប្រើប្រាស់រយៈពេល៣០ខែ គឺពីខែតុលា ឆ្នាំ២០១៩ ដល់ខែមេសា ឆ្នាំ២០២២។ក្នុងឱកាសនោះដែរ ឯកឧត្ដមទេសរដ្ឋមន្ដ្រី ស៊ុន ចាន់ថុល បានលើកឡើងពីការធ្វើឱ្យប្រសើរឡើងហេដ្ឋារចនាសម្ព័ន្ធដឹកជញ្ជូនដែលធន់នឹងការប្រែប្រួលអាកាសធាតុ ការគ្រប់គ្រងការងារសាងសង់ និងថែទាំផ្លូវ ស្ពានឱ្យមានគុណភាព ដោយផ្ដោតលើការប្រើប្រាស់បច្ចេកវិទ្យាទំនើប៕អត្ថបទ ៖ ប្រាក់ វ៉ាន់ដា

មន្ត្រីច្រកព្រំដែនមិនប្រហែស ក្នុងការឆែកសុខភាពពលករខ្មែរវិលមកពីថៃ មុនបុណ្យចូលឆ្នាំចិន

បាត់ដំបង៖ ស្របពេលដែលពិធីបុណ្យចូលឆ្នាំចិនខិតជិតមកដល់ពលករខ្មែរ បាននាំវិលត្រឡប់មកពីប្រទេសថៃ តាមច្រកខេត្តបាត់ដំបង ជាបន្តបន្ទាប់ ខណៈវិធានការសុខាភិបាល ត្រូវបានរឹតបន្តឹងនៅតាមច្រកព្រំដែន ដើម្បីទប់ស្កាត់ការនាំចូលមេរោគកូវីដ១៩ បំប្លែងខ្លួនថ្មីប្រភេទអូមីក្រុង។លោក សុខ គឹមខុន អភិបាលស្រុកកំរៀង បានថ្លែងឱ្យដឹងថា មន្រ្តីប្រចាំការ និងសមត្ថកិច្ចពាក់ព័ន្ធ ទាំងអស់នៅតាមច្រកព្រំដែន កំពុងបន្តអនុវត្តវិធានការសុខាភិបាលយ៉ាងខ្ជាប់ខ្ជួន ពុំមានការធ្វេសប្រហែសឡើយ ដើម្បីទប់ស្កាត់ការចម្លងជំងឺកូវីដ-១៩ ចូលមកប្រទេសកម្ពុជា។អភិបាលស្រុកកំរៀង ឱ្យដឹងបន្ថែមថា ការវិលត្រឡប់របស់ពលករ គឺមិនទៀងទាត់ឡើយ ពោលគឺថ្ងៃខ្លះមក ចំណែកថ្ងៃខ្លះអត់ ប៉ុន្តែពលករទាំងអស់ដែលចូលមកត្រូវបានរៀបចំចុះឈ្មោះ និងយកសំណាកតេស្ដរហ័សរកមេរោគកូវីដ-១៩ នៅចំណុចព្រំដែន។លោក សុខ គឹមខុន បានឱ្យដឹងថា នៅដើមឆ្នាំ២០២២នេះ ពលករខ្មែរ បានចូលទៅធ្វើការដោយ ស្របច្បាប់នៅប្រទេសថៃជាបន្តបន្ទាប់ តាមរយៈការធានាពីថៅកែជាជនជាតិថៃ និងកំណត់កាលបរិច្ឆេទធ្វើដំណើរដោយជាក់លាក់។ពលករខ្មែរ ដែលអាចចូលទៅធ្វើការនៅប្រទេសថៃ បានត្រូវមានលិខិតធ្វើដំណើរឆ្លងដែន ដែល ចេញដោយប្រទេសកម្ពុជា ឬលិខិតផ្សេងៗ ដែលចេញដោយក្រសួងការងារ និងតម្រូវឱ្យពលករភ្ជាប់ជាមួយនូវឯកសារភស្ដុតាង បញ្ជាក់ថា បានធ្វើតេស្ដអវិជ្ជមានជំងឺកូវីដ-១៩ (RT-PCR/RTK) មិនឱ្យលើស ៧២ម៉ោង និងត្រូវមានប័ណ្ណចាក់វ៉ាក់សាំងយ៉ាងតិច២លើក៕អត្ថបទ៖ នឿត សុភ័ក្ត្រ

មន្ដ្រីជាន់ខ្ពស់រដ្ឋាភិបាលចុះពិនិត្យ និងវាយតម្លៃការផ្តល់ប័ណ្ណសមធម៌ ដល់ពលរដ្ឋក្រីក្រ នៅខេត្តសៀមរាប

សៀមរាប៖ មន្ដ្រីជាន់ខ្ពស់ក្រសួងសេដ្ឋកិច្ច និងហិរញ្ញវត្ថុ បានចុះសង្កេត និងពិនិត្យវាយតម្លៃការផ្តល់ប័ណ្ណសមធម៌ និងការអនុវត្តកម្មវិធីឧបត្ថម្ភសាច់ប្រាក់ជូនគ្រួសារក្រីក្រ និងងាយរងគ្រោះ ក្នុងអំឡុងពេលប្រយុទ្ធនឹងជំងឺកូវីដ-១៩ នៅឃុំរុនតាឯក ស្រុកបន្ទាយស្រី ខេត្តសៀមរាប ។លោក ចន ណារិទ្ធ អនុរដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាអគ្គលេខាធិការក្រុមប្រឹក្សាជាតិគាំពារសង្គម បានលើកឡើងថា ការចុះសង្កេត និងពិនិត្យវាយតម្លៃនេះ ជាសកម្មភាពជាប្រចាំរបស់អគ្គលេខាធិការដ្ឋានក្រុមប្រឹក្សាជាតិគាំពារសង្គម និងក្រសួង-ស្ថាប័នពាក់ព័ន្ធ នៅតាមមូលដ្ឋាន ទាំងនៅទីក្រុង ទីប្រជុំជន និងទីជនបទ ដើម្បីធានាបាននូវប្រសិទ្ធភាព តម្លាភាព និងគណនេយ្យភាព ក្នុងការកំណត់គ្រួសារគោលដៅ និងការអនុវត្តកម្មវិធីជំនួយសង្គមរបស់រាជរដ្ឋាភិបាល ដែលកំពុងអនុវត្តក្រោមការដឹកនាំ និងសម្របសម្រួលរបស់ក្រុមប្រឹក្សាជាតិគាំពារសង្គម។ឯកឧត្តម បានលើកឡើងថា ប័ណ្ណសមធម៌នេះ ត្រូវបានផ្ដល់ជូនគ្រួសារ ដែលមានភាពខ្វះខាតក្នុងជីវភាព និងងាយរងគ្រោះរយៈពេលជាង ១៣ឆ្នាំហើយ សម្រាប់កំណត់គោលដៅនៃការផ្ដល់ការគាំពារពលរដ្ឋដែលខ្វះខាត ជាពិសេសផ្ដោតលើសេវាសុខាភិបាល ដោយរដ្ឋជាអ្នកចេញថ្លៃព្យាបាល និងចំណាយពាក់ព័ន្ធផ្សេងជំនួស ក្នុងបរិបទនៃការអភិវឌ្ឍប្រព័ន្ធគាំពារសង្គម ជាពិសេស នៅក្នុងអំឡុងពេលនៃការរីករាលដាលនៃកូវីដ-១៩។ គ្រួសារក្រីក្រ និងងាយរងគ្រោះ ដែលត្រូវបានកំណត់អត្តសញ្ញាណ និងមានបណ្ណសមធម៌ បាននឹងកំពុងទទួលការគាំពារ និងការផ្ដល់ប្រាក់ឧបត្ថម្ភពីរដ្ឋ។ ឯកឧត្ដមបញ្ជាក់ថា ប្រព័ន្ធកំណត់អត្តសញ្ញាណនេះត្រូវបានកែលម្អជាបន្តបន្ទាប់ និងដាក់ឱ្យអនុវត្តនូវយន្តការតាមការស្នើសុំផងដែរ។ឯកឧត្តម បានដឹកនាំក្រុមការងារចុះសួរសុខទុក្ខកុមារា គង់ សីហា ដែលត្រូវបានមហាជនចាប់អារម្មណ៍ខ្លាំង បន្ទាប់ពីសម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានបង្ហោះលើបណ្តាញសង្គម កាលពីពេលកន្លងទៅនេះ។ ឯកឧត្ដម បានបន្ថែមថា ដោយមានការយកចិត្តទុកដាក់ពីអាជ្ញាធរមូលដ្ឋាន និងសប្បុរសជននានា ស្ថានភាពគ្រួសារកុមារ គង់ សីហា មានភាពល្អប្រសើរច្រើនជាងមុន ហើយបច្ចុប្បន្នកុមាររូបនេះ កំពុងតែទទួលបានការរៀនសូត្រយ៉ាងពេញលេញ នៅក្នុងសាលាបឋមសិក្សាជ័យ នៃឃុំរុនតាឯក ស្រុកបន្ទាយស្រី ខេត្តសៀមរាប ។ បន្ថែមពីនេះ គ្រួសារ កុមារ គង់ សីហា ក៏ជាគ្រួសារក្រីក្រមួយក្នុងចំណោមគ្រួសារក្រីក្រដទៃទៀត ដែលមានបណ្ណសមធម៌ និងកំពុងទទួលបានប្រាក់ឧបត្ថម្ភជាទៀងទាត់ពីរាជរដ្ឋាភិបាលកម្ពុជា ក្នុងអំឡុងពេលប្រយុទ្ធនឹងជំងឺកូវីដ-១៩ និងការទទួលបានអត្ថប្រយោជន៍ជាច្រើនផ្សេងទៀតពីបណ្ណសមធម៌នេះ។ជាមួយគ្នានោះ ក្រុមការងារក៏បានទៅពិនិត្យមើលជីវភាព និងការរស់នៅរបស់ប្រជាពលរដ្ឋ ដែលបានផ្លាស់ទីលំនៅពីតំបន់មាត់ស្ទឹងក្រុងសៀមរាប ទៅរស់នៅដីដែលរដ្ឋផ្ដល់ឱ្យនៅភូមិរុនតាឯកផងដែរ៕ អត្ថបទ៖ ឈិត សាវី

ពលរដ្ឋរាជធានីភ្នំពេញ រៀបចំដំណើរកម្សាន្តនៅថ្ងៃបុណ្យចូលឆ្នាំចិន-វៀតណាមខាងមុខ

ភ្នំពេញ៖ ថ្ងៃបុណ្យចូលឆ្នាំថ្មីប្រពៃណីចិន-វៀតណាមដែលនឹងឈានចូលមកដល់នៅថ្ងៃទី៣១ ខែមករានេះ បងប្អូនពលរដ្ឋខ្មែរដែលកាត់សែស្រឡាយចិនភាគច្រើនជាអាជីវករតាមផ្សារ និងអ្នកប្រកបរបររកស៊ីនានា នៅរាជធានីភ្នំឈប់សំរាក បិទអាជីវិកម្មខ្លួនប្រមាណពី ៤ទៅ៥ថ្ងៃ ដើម្បីធ្វើពិធីសែន និងចេញដើរកម្សាន្តទៅតាមគោលដៅទេសចរណ៍នានា។ពលរដ្ឋ និងអាជីវករនៅផ្សារច្បារអំពៅរាជធានីភ្នំពេញ បានថ្លែងប្រាប់BTVនៅថ្ងៃទី២៦ ខែមករានេះ ជាទូទៅរៀងរាល់ថ្ងៃបុណ្យចូលឆ្នាំប្រពៃណីចិន បណ្តាអាជីវករលក់ដូរតាមផ្សារតែងតែធ្វើការបិទតូប ឈប់សំរាក ដើម្បីធ្វើពិធីសែនចូលឆ្នាំចិន និងរៀបចំដំណើរកម្សាន្តទៅតាមបណ្តាខេត្ត និងគោលទេសចរណ៍នានា។ពលរដ្ឋកាត់សែចិន និយាយថា គោលដៅទេសចរណ៍ដែលគេនឹងទៅកម្សាន្ត ភាគច្រើនគោលដៅទៅកាន់ខេត្តមណ្ឌលគិរី សៀមរាប និងបណ្តាខេត្តនៅតាមតំបន់ឆ្នេរជាដើម។បើតាមលោកស្រី ហ៊ុន សុភា អ្នកគ្រប់គ្រងសហគមសណ្ឋាគារកម្ពុជា បានថ្លែងថា នៅពេលនេះ សមាគមមិនទាន់បានទទួលបានតួលេខកក់បន្ទប់ស្នាក់នៅតាមផ្ទះសំណាក់ និងសណ្ឋាគារពីតាមបណ្តាសមាជិករបស់សមាគមនៅឡើយទេ។ ទោះយ៉ាងណា ជាទូទៅនៅរៀងរាល់ថ្ងៃមានកម្មវិធីបែបនេះ គឺពលរដ្ឋខ្មែរតែងតែធ្វើការឈប់សំរាកដើរកម្សាន្ត និងមានការកក់បន្ទប់ស្នាក់នៅតាមសំណាក់សណ្ឋាគារជាមុន ចៀសវាងការអត់កន្លែងស្នាក់នៅនៅពេលដើរកម្សាន្ត។ឯកឧត្តម តុប សុភ័ក រដ្ឋលេខាធិការ និងជាអ្នកនាំពាក្យក្រសួងទេសចរណ៍ បានថ្លែងថា ការដើរកម្សាន្តរបស់ប្រជាពលរដ្ឋទៅតាមបណ្តាគោលដៅទេសចរណ៍នានាគឺដោយសារស្ថានការផ្លូវមានការអភិវឌ្ឍស្រួលធ្វើដំណើរ ហើយស្ថានការណ៍កូវីដក៏ហាក់មានការធូរស្រាលដោយសារការចាក់វ៉ាក់សាំងមានចំនួនច្រើនលើសលប់។តាមការប៉ាន់ប្រមាណរបស់ឯកឧត្តម តុប សុភ័ក នៅថ្ងៃបុណ្យចូលឆ្នាំចិនឆ្នាំ២០២២នេះ ចំនួនភ្ញៀវទេសចរជាតិអន្តរជាតិនឹងចេញដើរកម្សាន្តកើនឡើងខ្លាំង បើប្រៀបធៀបការចេញដើរកម្សាន្តថ្ងៃសម្រាកចុងសប្តាហ៍។ ទន្ទឹមនឹងនេះ ឯកឧត្តម បានក្រើនរំលឹកទៅបណ្តាភ្ញៀវ និងបណ្តាអាជីវកម្មទេសចរណ៍ បន្តអនុវត្តវិធានសុវត្ថិភាពទេសចរណ៍ និងគោលការណ៍ណែនាំរបស់រាជរដ្ឋាភិបាល ៣កុំ៣ការដើម្បីអោយគោលដៅទេសចរណ៍មានសុវត្ថិភាពគ្មានការរាតត្បាតកូវិដ១៩៕អត្ថបទ៖ ស៊ុម សុខជា

កម្ពុជាអរគុណឆែក ចំពោះការជួយឧបត្ថម្ភសាងសង់មនី្ទរពេទ្យ និងបណ្តុះបណ្តាលដល់មន្រី្តសុខាភិបាលតាមបណ្តាខេត្ត

ភ្នំពេញ៖ ឯកឧត្តម សាស្រ្តាចារ្យ ម៉ម ប៊ុនហេង រដ្ឋមន្រី្តក្រសួងសុខាភិបាល បានអរគុណសាធារណរដ្ឋឆែក ចំពោះការជួយឧបត្ថម្ភសាងសង់មនី្ទរពេទ្យ និងបណ្តុះបណ្តាលដល់មន្រី្តសុខាភិបាល តាមបណ្តាខេត្តនានា។ការថ្លែងរបស់ឯកឧត្តម សាស្រ្តាចារ្យ ម៉ម ប៊ុនហេង យ៉ាងដូច្នេះ ក្នុងជំនួបសម្តែងការគួរសម និងពិភាក្សាការងារលើវិស័យសុខាភិបាល នាទីសី្តការក្រសួងសុខាភិបាល ព្រឹកថ្ងៃទី២៦ ខែមករា ឆ្នាំ២០២២នេះ ជាមួយឯកឧត្តម Martin Vavra ឯកអគ្គរដ្ឋទូតសាធារណរដ្ឋឆែក ប្រចាំព្រះរាជាណាចក្រកម្ពុជា រួមជាមួយលោកសាស្រ្តាចារ្យ វេជ្ជបណ្ឌិត Antonin Parizek ប្រធានមជ្ឈមណ្ឌលសិក្សាពីកំណើត(Perinatology) និងគ្លីនិករោគស្រី្ត និងសម្ពព នៃមហាវិទ្យាល័យវេជ្ជសាស្រ្តទី១ សាកលវិទ្យាល័យ Charles ទីក្រុងបា្រគ និងសាកលវិទ្យាល័យមនី្ទរពេទ្យទូទៅទីក្រុងប្រាគ។ឯកឧត្តម រដ្ឋមន្រី្ត បានថ្លែងអំណរគុណយ៉ាងជ្រាលជ្រៅចំពោះការជួយឧបត្ថម្ភរបស់សាធារណរដ្ឋឆែក ដូចជាការសាងសង់មណ្ឌលសុខភាពចំនួន០៣ គឺមណ្ឌលសុខភាពរាមអណ្តើក មណ្ឌលសុខភាពធ្លាប្រជុំ និងមណ្ឌលសុខភាពត្រពាំងក្រញូង និងអគារសម្ភពក្នុងមនី្ទរពេទ្យបង្អែកកោះអណ្តែត និងការបណ្តុះបណ្តាលដល់មន្រី្តសុខាភិបាលខេត្តតាកែវ។ជាមួយគ្នានោះដែរ ឯកឧត្តម Martin Vavra ឯកអគ្គរដ្ឋទូត បានជម្រាបថា ចាប់តាំងពីឆ្នាំ២០១៩មក ឆែក បានជួយគាំទ្រដល់មូលដ្ឋានសុខាភិបាលមួយចំនួនតាមរយៈអង្គការជាដៃគូរបស់ខ្លួន ដូចជាមនី្ទរពេទ្យកុមារជាតិ តាមរយៈគម្រោងSupporting Mother For Surviving Baby, ការផ្តល់ឧបករណ៍បរិក្ខារវេជ្ជសាស្រ្ត, គម្រោងNeonatal Care រួមមានការបណ្តុះបណ្តាល ការរៀបចំសេវានៅក្នុងមនី្ទរពេទ្យ និងការផ្តល់ឧបករណ៍វេជ្ជសាស្រ្ត, គម្រោងគាំពារសុខភាពទារក និងគម្រោង Improving Capacity of Maternal and Child Care in a Newly Built Perinatal Care Center Cambodia ដែលនឹងចុះហត្ថលេខាឆាប់ៗខាងមុខនេះ។ លើសពីនេះបានជួយដល់វិទ្យាស្ថានជាតិ សុខភាពសាធារណៈ តាមរយៈគម្រោង Finding Ways to Strengthen Infection Prevention and Control in Hospital Settings Through Improved Access to Safe and Quality Water, Sanitation and Hygiene មនី្ទរសុខាភិបាល នៃរដ្ឋបាលខេត្តកំពង់ឆ្នាំង តាមរយៈគម្រោងការផ្គត់ផ្គង់ ឧបករណ៍បរិក្ខារវេជ្ជសាស្រ្ត និងសំលៀកបំពាក់សុវតិ្ថភាពសម្រាប់បុគ្គលិកសុខាភិបាល (PPE)។ ទន្ទឹមនឹងនោះ ឯកឧត្តម ឯកអគ្គរដ្ឋទូតសាធារណរដ្ឋឆែក ក៏បានស្នើសុំការគាំទ្រពីឯកឧត្តម សាស្រ្តាចារ្យ ម៉ម ប៊ុនហេង រដ្ឋមន្រី្តក្រសួងសុខាភិបាល ដើម្បីចុះទៅធ្វើការសិក្សាទៅលើគម្រោងដែលបានអនុម័ត និងពិភាក្សាការងារជាមួយមនី្ទរសុខាភិបាលខេត្តកំពង់ឆ្នាំង ពីថ្ងៃទី២៨ ខែមករា ដល់ថ្ងៃទី០១ ខែកុម្ភៈ ឆ្នាំ២០២២នេះ។ជាការឆ្លើយតប ឯកឧត្តម សាស្រ្តាចារ្យ ម៉ម ប៊ុនហេង បានគាំទ្រចំពោះសំណើសុំទៅទស្សនកិច្ចនៅខេត្តកំពង់ឆ្នាំង និងបានជូនពរដល់គណៈប្រតិភូឲ្យទទួលបានជោគជ័យ និងស្នាក់នៅខេត្តកំពង់ឆ្នាំង ប្រកបដោយសុវត្ថិភាព។ ឯកឧត្តមរដ្ឋមន្រី្ត ក៏បានសម្តែងនូវសេចកី្តសង្ឃឹមយ៉ាងមុតមាំថា កិច្ចសហប្រតិបតិ្តការលើវិស័យសុខាភិបាល នៃប្រទេសទាំងពីរ មិនត្រឹមតែពង្រឹងប្រព័ន្ធសុខាភិបាលប៉ុណ្ណោះទេ តែចំណងមិត្តភាពសាមគ្គីភាពជាប្រពៃណី រវាងព្រះរាជាណាចក្រកម្ពុជា និងសាធារណរដ្ឋឆែក នឹងកាន់តែត្រូវបានពង្រឹង និងពង្រីកជាលំដាប់៕អត្ថបទ៖ រដ្ឋា

ផ្លូវកៅស៊ូចំនួន ៥ខ្សែប្រវែងជិត ២៥០០ម៉ែត្រ នៅសង្កាត់អាចារ្យលាក់ នឹងសង់រួចនៅក្នុងខែកុម្ភៈ ខាងមុខនេះ

កំពង់ធំ៖ លោក យាន ស៊ុនហឿង ចៅសង្កាត់អាចារ្យលាក់ ក្រុងស្ទឹងសែន ខេត្តកំពង់ធំ ប្រាប់ BTV នៅព្រឹកថ្ងៃទី២៦ ខែមករា ឆ្នាំ២០២២ ឲ្យដឹងថា នៅក្នុងសង្កាត់អាចារ្យលាក់ កំពុងសាងសង់ផ្លូវកៅចំនួន៥ ដែលមានប្រវែងសរុបចំនួន ២ ៣៣៨ម៉ែត្រ គ្រោងនឹងសាង់រួចរាល់១០០% នៅក្នុងខែកុម្ភៈ ឆ្នាំ២០២២ ដែលផ្លូវ៥ខែ្សខាងលើនេះ គឺជាគម្រោងថវិការបស់ គ.ជ.អ.ប ខេត្តកំពង់ធំ។លោកបន្តថា នៅក្នុងសង្កាត់អាចារ្យលាក់ មានផ្លូវគមនាគមន៍សរុបចំនួន ៥៨ ខ្សែ មានប្រវែងសរុប ៣១,២៦១ម៉ែត្រ។ ក្នុងនោះ ប្រភេទផ្លូវបេតុង ចំនួន ០៦ ខ្សែ មានប្រវែង ៣១០៤ ម៉ែត្រ ស្ថាបនាដោយរាជរដ្ឋាភិបាលចំនួន ០៤ខ្សែ ប្រវែង ២,៤៧៥ ម៉ែត្រ ស្ថាបនាដោយគ្រោងថវិកាមូលនិធិសង្កាត់ចំនួន ០២ខ្សែ ប្រវែង ៦២៩ម៉ែត្រ។ ប្រភេទផ្លូវក្រាលកៅស៊ូ ០៨ ខ្សែ មានប្រវែង ៦,៧២២ ម៉ែត្រ ក្នុងនោះរួមមាន ផ្លូវជាតិលេខ ៦ ឆ្លងកាត់សង្កាត់ចំនួន ០១ខ្សែ ប្រវែង ២,១០០ ម៉ែត្រ ស្ថាបនាដោយរាជរដ្ឋាភិបាល ផ្លូវខេត្តឆ្លងកាត់សង្កាត់អាចារ្យលាក់ ទៅឃុំព្រៃគុយ ចំនួន ០១ខ្សែ ប្រវែង ២,៣១០ ម៉ែត្រ ស្ថាបនាដោយក្រសួងអភិវឌ្ឍន៍ជនបទ, ផ្លូវកៅស៊ូក្នុងសង្កាត់ ចំនួន ០៦ ខ្សែ មានប្រវែង ២,៣១២ ម៉ែត្រ ស្ថាបនាដោយ ខេត្ត និងក្រុង ។ ប្រភេទផ្លូវក្រាលគ្រួសក្រហម ចំនួន ៣៦ ខ្សែ មានប្រវែង ១៨,៨៧០ ម៉ែត្រ និងប្រភេទដីស ចំនួន ០៨ខ្សែ ប្រវែង ២,៥៦៥ម៉ែត្រ៕

មន្ទីរសាធារណៈការ បន្តសកម្មភាពលាបថ្នាំរបាំងថ្មពុះចែកទ្រូងផ្លូវលេខ៥ ដើម្បីដាក់ឲ្យអ្នកធ្វើដំណើរងាយស្រួល ក្នុងពេលបើកបរ

ភ្នំពេញ៖ មន្ទីរសាធារណការរាជធានីភ្នំពេញ បានបន្តយកចិត្តទុកដាក់ជាប្រចាំពីបញ្ហា គំនូសសញ្ញាចរាចរណ៍ ការខូចខាតផ្លូវ ការកក់ស្ទះចរាចរណ៍ និងរៀបចំសណ្ដាប់ធ្នាប់ នៅតាមបណ្ដាមហាវិថីតូចធំ និងផ្លូវតូចៗមួយចំនួនធំក្នុងមូលដ្ឋានទាំង ១៤ខណ្ឌ ដើម្បីកាត់បន្ថយការកក់ស្ទះចរាចរណ៍។ជាក់ស្ដែងនៅថ្ងៃទី២៦ ខែមករា ឆ្នាំ២០២២ សកម្មភាពលាបថ្នាំបេតុងពុះចែកទ្រូងផ្លូវ និង លាបគំនូសចរាចរណ៍ តាមបណ្ដោយផ្លូវលេខ៥ ត្រង់ចំណុចក្រោមស្ពានជ្រោយចង្វារ រហូតដល់គល់ស្ពានប៉ាឡេ ក្នុងមូលដ្ឋានសង្កាត់ទួលសង្កែទី១ ខណ្ឌឬស្សីកែវ រាជធានីភ្នំពេញ។សូមបញ្ជាក់ផងដែរនៅតាមបណ្ដោយផ្លូវលេខ៥នេះ គំនូសចរាចរ និងបេតុងពុះចែកទ្រូងផ្លូវ ថ្នាំពណ៌ចំណាំងផ្លាតរលប់បាត់មើលមិនច្បាស់ បង្កឲ្យបងប្អូនប្រជាពលរដ្ឋ ធ្វើដំណើរឆ្លងកាត់ ពិបាកធ្វើដំណើរ អាចបង្កគ្រោះថ្នាក់ចរាចរណ៍ដោយកត្ដាផ្លូវថ្នល់មួយចំនួនផងដែរ។ដូចនេះ មន្ទីរសាធារណៈការរាជធានីភ្នំពេញ បានបន្តជួសជុល និងលាបពណ៌គំនូសចរាចរ បង្ហើយការងារ ដើម្បីដាក់ជូនបងប្អូនប្រជាពលរដ្ឋធ្វើដំណើរងាយស្រួល មិនបង្កការកកស្ទះ និងបង្កគ្រោះថ្នាក់ចរាចរណ៍នាពេលយប់ញឹកញាប់ដូចពេលកន្លងមក៕ អត្ថបទ៖ កុម្ភះ

សម្ដេចតេជោ ហ៊ុន សែន នឹងយកថវិកាបានពីការលក់សៀវភៅ«គូព្រេង មិនព្រាត់»សម្រាប់សាងសង់ផ្ទះជូនអតីតយុទ្ធជន

ភ្នំពេញ៖ ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានឱ្យដឹងថា សម្ដេចនឹងប្រើប្រាស់ថវិកាដែលបានមកពីការលក់សៀវភៅ«គូព្រេង មិនព្រាត់» សម្រាប់សាងសង់ផ្ទះសម្បែងជូនអតីតយុទ្ធជន។សម្ដេចតេជោ ហ៊ុន សែន បានបញ្ជាក់បែបនេះនៅក្នុងសំណេររបស់សម្ដេចនៅលើទំព័រហ្វេសប៊ុកផ្លូវការរបស់សម្ដេចនៅព្រឹកថ្ងៃនេះ។នៅក្នុងសំណេរនេះ សម្ដេចតេជោ ហ៊ុន សែន បានឱ្យដឹងថា សម្ដេចបានសរសេរសៀវភៅមួយក្បាលមានចំណងជើងថា «គូព្រេង មិនព្រាត់» ដែលត្រូវបានបោះពុម្ពផ្សាយជាភាសាខ្មែរ អង់គ្លេស និងចិន។សម្ដេចតេជោ ហ៊ុន សែន បានសម្ដែងការភ្ញាក់ផ្អើល បន្ទាប់ពីបានដឹងថា សៀវភៅជាភាសាចិន អាចលក់បាន ១,៥០០ក្បាលនៅក្នុងរយៈពេលដ៏ខ្លី និងរកចំណូលបាន ៧,៥០០ដុល្លារហើយ។សម្ដេចតេជោ ហ៊ុន សែន បានសរសេរថា៖ «ខ្ញុំនឹងប្រើថវិកានេះសម្រាប់សាងសង់ផ្ទះជូនអតីតយុទ្ធជន»។សៀវភៅ«គូព្រេង មិនព្រាត់» ត្រូវបានប្រែសម្រួលជាភាសាអង់គ្លេស និងភាសាចិនផងដែរ។ សម្រាប់ភាសាចិន សៀវភៅនេះ ត្រូវបានរាប់រងប្រែសម្រួល និងបោះពុម្ពផ្សាយដោយសមាគមសម្ព័ន្ធខ្មែរចិននៅកម្ពុជា៕

សម្តេចតេជោ នឹងជួបនាយឧត្តមសេនីយ៍ជាន់ខ្ពស់ មីន អោងឡាំង ជាថ្មីតាមវីដេអូ ចង់ដឹងពីស្ថានភាពវិវត្តនៅមីយ៉ាន់ម៉ា

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានប្រាប់ទៅឯកឧត្តមនាយករដ្ឋមន្ត្រី ម៉ាឡេស៊ី តាមប្រព័ន្ធវីដេអូ នៅព្រឹកថ្ងៃទី២៥មករានេះថា ពាក់ព័ន្ធបញ្ហានៅមីយ៉ាន់ម៉ា បន្ទាប់ពីដំណើរទស្សនកិច្ចរបស់សម្តេចទៅកាន់មីយ៉ាន់ម៉ា កាលពីថ្ងៃទី៧ទី៨មករាដើមឆ្នាំនេះ នៅថ្ងៃស្អែកទី២៦មករា សម្តេចនឹងជួបជាមួយនាយឧត្តមសេនីយ៍ មីន អោងឡាំង សារជាថ្មីម្តងទៀត ដើម្បីចង់ដឹងអំពីស្ថានភាពវិវត្តថ្មីៗ នៅមីយ៉ាន់ម៉ា។ឯកឧត្តម កៅ គឹមហួន រដ្ឋមន្ត្រីប្រតិភូអមនាយករដ្ឋមន្ត្រី បានប្រាប់ឱ្យដឹងថា៖ នៅក្នុងជំនួបនេះមានចំណុចពីរសំខាន់ៗទី១.គឺជំនួបស្ដីពីកិច្ចសហប្រតិបត្តិការទ្វេភាគី និងទី២.កិច្ចសហប្រតិបត្តិការក្នុងអាស៊ានជាពិសេសវិបត្តិទៅប្រទេសមីយ៉ាន់ម៉ា។សម្ដេច បានគូសបញ្ជាក់ថា ការដែលសម្តេចអញ្ជើញទៅទស្សនកិច្ចនៅមីយ៉ាន់ម៉ា ដើម្បីស្វែងយល់អំពីសកម្មភាព ជាក់ស្តែងហើយក៏ចង់ដឹងថាតើអ្វីជាបញ្ហាសំខាន់ដែលប្រទេសមីយ៉ាន់ម៉ាអាចធ្វើបាន។ តើអ្វីខ្លះដើម្បីអនុវត្តនូវការឯកភាពទាំង៥ចំណុចរបស់អាស៊ាន ជាពិសេសសម្ដេចបានគូសបញ្ជាក់ការអញ្ជើញទៅទស្សនកិច្ចនោះ សម្ដេចបានយកទៅជាមួយនូវធម្មនុញ្ញអាស៊ាន ។ ទី១.ប្រមុខរដ្ឋាភិបាលអាស៊ានបានព្រមព្រៀងគ្នាជាឯកច្ឆ័នទាំង៥ចំណុចនោះរួចមកហើយៗចំណុចនៃកិច្ចព្រមព្រៀងជាឯកច្ឆន្ទនោះមានលំដាប់លំដោយរបស់វា ប៉ុន្តែសំខាន់សម្ដេចគូសបញ្ជាក់ថា គឺត្រូវតែបញ្ឈប់អំពើហិង្សាដែលបាននិងកំពុងកើតឡើងនៅមីយ៉ាន់ម៉ា ជាពិសេសដើម្បីឲ្យមានបទឈប់បាញ់ នៅប្រទេសមីយ៉ាន់ម៉ា។ មិនត្រឹមតែប៉ុណ្ណោះទេ ក៏អាចមានឱកាសក្នុងការផ្ដល់ជំនួយមនុស្សធម៌ទៅប្រជាពលរដ្ឋមីយ៉ាន់ម៉ាដែលត្រូវការជំនួយជាចាំបាច់។ទី២. ជំរុញឲ្យមានកិច្ចសន្ទនាដែលជាផ្នែកមួយនៅក្នុងចំណុចទាំង៥ ដែលមេដឹកនាំអាស៊ានបានឯកភាពគ្នាហើយថ្វីត្បិតតែមិនទាន់មានការរីកចម្រើន ប៉ុន្តែសំខាន់សម្ដេចចង់ធ្វើយ៉ាងណា គឺទម្លុះនូវភាពទាល់ច្រក។សម្តេចបន្តថា៖ ស្ថានភាពនៅមីយ៉ាន់ម៉ាគឺមានភាពស្មុគស្មាញ ដូច្នេះវាមិនអាចដោះស្រាយក្នុងរយៈពេលខ្លីពីរបីថ្ងៃបានឡើយ គឺត្រូវការពេលវេលាច្រើនតទៅទៀតគឺអាចរហូតដល់រាប់សិបឆ្នាំឯណោះ។សម្តេចតេជោ ក៏បានជម្រាបលោករដ្ឋមន្ត្រីម៉ាឡេស៊ីថា ក្រោយពីទស្សនកិច្ចទៅមីយ៉ាន់ម៉ាបានពីរបីថ្ងៃក៏ស្រាប់តែមានការកាត់ទោសលោកជំទាវ អង់ សានស៊ូជី៤ឆ្នាំ ហើយក៏មានការប្រើប្រាស់យន្តហោះយោធាក្នុងប្រតិបត្តិការយោធា។សម្ដេចក៏គួរបញ្ជាក់ផងដែរថា សម្ដេចនឹងជួបជាមួយឯកឧត្តម មីនអោងឡាំង នៅថ្ងៃស្អែក២៦មករា២០២២ តាមប្រព័ន្ធវីដេអូ ដើម្បីចង់ដឹងបន្ថែមទៀត អំពីការងារទាំងអស់នេះ ហើយសម្ដេចក៏បានគូសបញ្ជាក់ផងដែរថា ឥឡូវនេះ ស្ថានភាពនៅមីយ៉ាន់ម៉ាមានលក្ខណៈស្មុគស្មាញយ៉ាងខ្លាំង ដោយសារមីយ៉ាន់ម៉ាមានរដ្ឋាភិបាលពីរ ,រួមទាំងរដ្ឋាភិបាលស្រមោលផងដែរ។សម្ដេចនឹងអញ្ជើញឯកឧត្តម មីន អោងឡាំង ចូលរួមក្នុងកិច្ចប្រជុំអាស៊ាន បើមានវឌ្ឍនភាពរីកចម្រើននៅក្នុងការអនុវត្តចំណុចទាំង៥ នៃកិច្ចព្រមព្រៀងជាឯកច្ឆ័ន្ទរបស់មេដឹកនាំអាស៊ាន ប៉ុន្តែប្រសិនបើមិនមានទេ ឯកឧត្តម មីន អោងឡាំង ក៏ត្រូវត្រៀមបញ្ជូនតំណាងថ្នាក់នយោបាយ មកចូលរួមកិច្ចប្រជុំកំពូលអាស៊ានផងដែរ។ សម្ដេច បញ្ជាក់ផងដែរថា៖ ហេតុអ្វីបានត្រូវផ្សារភ្ជាប់ចំណុចទាំង៥ ដោយមានចំណុចខ្លះស្រដៀងគ្នា ហើយដំណោះស្រាយចុងក្រោយគឺការបោះឆ្នោត ដែលការបោះឆ្នោតនេះ មិនមាននៅក្នុងចំណុចទាំង៥នោះទេ ប៉ុន្តែការនិយាយគ្នានៅមីយ៉ាន់ម៉ានោះគឺមាននិយាយដល់រឿងបោះឆ្នោត។ សម្តេច បន្តថា បើយើងមិនធ្វើការជាមួយអ្នកកាន់អំណាចតើយើងទៅធ្វើការជាមួយអ្នកណា?លើសពីនេះសម្តេចក៏បានជំរាបជូន នាយករដ្ឋមន្ត្រី ម៉ាឡេស៊ី អំពីសំណើរនៃការបង្កើតយន្តការពីរ ដើម្បីរកច្រកចេញ នៅក្នុងឱកាសនេះ ,ទី១.អាស៊ានត្រយកា ដើម្បីជួយសម្របសម្រួល និងតាមដានវឌ្ឈនភាពនៃការវិវត្តកិច្ចព្រមព្រៀងលើ ឯកច្ឆ័ន្ទទាំង៥ចំណុចរបស់អាស៊ាន ដែលមានអតីតប្រធានអាស៊ាន គឺប្រទេសប៊្រុយណេ និងអនាគត គឺប្រធានអាស៊ាន ដែលនឹងបន្តពីកម្ពុជា រួមទាំងអគ្គលេខាធិការអាស៊ានផងដែរ ដើម្បីធ្វើការងារនេះ។ យន្តការទី២.គឺសម្រប សម្រួលជំនួយ មនុស្សធម៌ឱ្យទៅសដល់ដៃប្រជាជនមីយ៉ាន់ម៉ា ដែលត្រូវការជាចាំបាច់ ជាពិសេសមានប្រេសិតពិសេសរបស់អាស៊ាន ,មជ្ឈមណ្ឌលអាហារ,មានភាគីខាងមីយ៉ាន់ម៉ា ភ្នាក់ងារអង្គការសហប្រជាជាតិនិងអង្គការមនុស្សធម៌ដទៃទៀតផងដែរ។នៅពេលនេះ អាស៊ាន មានការងារជាច្រើនដែលត្រូវធ្វើ ដូច្នេះអាស៊ាន មិនអាចក្លាយជាចំណាប់ខ្មាំងរបស់មីយ៉ាន់ម៉ាទេ។ជាការឆ្លើយតប ឯកឧត្តមនាយករដ្ឋមន្ត្រីម៉ាឡេស៊ី បានជូនពរសម្ដេចតេជោ ហើយក៏បានអបអរសាទរចំពោះកម្ពុជាដែលទទួលធ្វើជាប្រធានអាស៊ានសម្រាប់ឆ្នាំ២០២២។ឯកឧត្តមបានគូសបញ្ជាក់ថា៖ យើងត្រូវតែរួមគ្នាធ្វើការដោះស្រាយបញ្ហាប្រឈមនៅមីយ៉ាន់ម៉ា។ ក្នុងនាមជាគ្រួសារអាស៊ាន យើងត្រូវតែចូលរួមទាំងអស់គ្នា ដើម្បីដោះស្រាយនិងរកផ្លូវសម្រាប់ដោះស្រាយតទៅមុខទៀតសម្រាប់អាស៊ាន ជាពិសេសសម្រាប់សហគមន៍អាស៊ាននៅឆ្នាំ ២០២៥។ឯកឧត្តមបញ្ជាក់ថា៖ កម្ពុជាគឺជាដៃគូសំខាន់សម្រាប់ម៉ាឡេស៊ី ហើយក៏បានបញ្ជាក់ផងដែរថា ទំហំពាណិជ្ជកម្មរវាងប្រទេសទាំងពីរពិតជាមានការកើនឡើងយ៉ាងច្រើន ជាពិសេសឆ្នាំ ២០២០- ២០២១ ដែលលឆ្លុះបញ្ចាំងថា ទំនាក់ទំនងទ្វេភាគីរវាងប្រទេសទាំងពីរមានការរីកចំរើន។ទំនាក់ទំនងទ្វេភាគីរវាងប្រទេសទាំងពីរ គឺមានផលប្រយោជន៍ទាំងសង ខាង ហើយឆ្នាំនេះជាខួបនៃទំនាក់ទំនងលើកទី៥៥ឆ្នាំ ឯកឧត្តម បានបង្ហាញ ការរីករាយ ដែលប្រទេសទាំងពីរមានកិច្ចសហការល្អ។ឯកឧត្តមបន្តថា៖ ឯកឧត្តមពិតជាយល់អំពីគោលបំណងនៃដំណើរទស្សនកិច្ចរបស់សម្ដេចទៅកាន់ប្រទេសមីយ៉ាន់ម៉ា ហើយឥឡូវនេះអ្វីដែលសំខាន់មីយ៉ាន់ម៉ា មានសារៈសំខាន់សម្រាប់អាស៊ានផង និងសម្រាប់សហគមន៍អន្តរជាតិផង។ឯកឧត្តមបានគូសបញ្ជាក់ថា៖ ស្ថានភាពនៅមីយ៉ាន់ម៉ាគឺទាមទារឲ្យយើងទាំងអស់គ្នាត្រូវតែចូលរួមដោះស្រាយទាំងអស់គ្នាជាបន្ទាន់។ ជាពិសេសទៀត ក្នុងក្របខណ្ឌនៃធម្មនុញ្ញអាស៊ាន និងមជ្ឈភាពអាស៊ាន គឺយើងត្រូវតែរួមគ្នាដោះស្រាយជាបន្ទាន់បញ្ហានៅមីយ៉ាន់ម៉ា ដើម្បីឲ្យស្ថានភាពត្រឡប់មកជាធម្មតាវិញ ជាពិសេសបញ្ឈប់អំពើហិង្សាជំរុញការសន្ទនាជាមួយភាគីពាក់ព័ន្ធទាំងអស់ ជាពិសេសផលប្រយោជន៍របស់ប្រជាពលរដ្ឋមីយ៉ាន់ម៉ាតែម្ដង។ ឯកឧត្តម ក៏បានអំពាវនាវឱ្យដោះលែងអ្នកទោសនយោបាយនៅមីយ៉ាន់ម៉ា រួមទាំងលោកជំទាវអោងសានស៊ូជីផងដែរ។ឯកឧត្តម បានទទួលស្គាល់យន្តការផ្តល់ជំនួយតាមរយៈមជ្ឈមណ្ឌលអាហារអាស៊ាន និងភាគីផ្សេងទៀត តាមរយៈអាស៊ានដើម្បីធ្វើយ៉ាងណាឲ្យដល់ដៃប្រជាពលរដ្ឋដែលមានផលប៉ះពាល់យ៉ាងខ្លាំងដោយសារវិបត្តិនៅមីយ៉ាន់ម៉ា កន្លងមកនេះ។ឯកឧត្តម ពិតជាទទួលយកនិងកត់សម្គាល់ទាំងអស់រួមទាំងលិខិតរបស់សម្ដេចនិងការពិភាក្សានៅថ្ងៃនេះជាពិសេសគឺសំណើរបស់ក្នុងការបង្កើតយន្តការត្រយកាហើយប្រទេសមីយ៉ាន់ម៉ា និងប្រទេសម៉ាឡេស៊ី អាចគាំទ្រគោលការណ៍ទាំងនេះនិងការស្នើសុំឲ្យរដ្ឋមន្ត្រីការប្រទេសអាស៊ានជួបពិភាក្សាគ្នាជាដើម។ចំពោះប្រេសិតពិសេស របស់ប្រធានអាស៊ាន ឯកឧត្តមបានគាំទ្រទាំងស្រុងគឺធ្វើយ៉ាងណាឱ្យប្រេសិតពិសេសនេះអនុវត្តចំណុចកិច្ចព្រមព្រៀងជាឯកច្ឆន្ទទាំង៥ចំណុចជាពិសេសធ្វើយ៉ាងណាស្នើសុំឱ្យប្រេសិតពិសេស អាចជួបបានគ្រប់ភាគីទាំងអស់នៅប្រទេសមីយ៉ាន់ម៉ា។ឯកឧត្តមបានគូសបញ្ជាក់ថា៖ ដរាបណាមិនមានការរីកចម្រើន នៃការអនុវត្តនៃកិច្ចព្រមព្រៀងជាឯកច្ឆន្ទទាំង៥នោះទេ សេចក្តីសម្រេចដោយប្រមុខរដ្ឋាភិបាលអាស៊ានក្នុងការអញ្ជើញមីយ៉ាន់ម៉ាឱ្យចូលរួមប្រជុំកំពូលអាស៊ាននេះ នៅតែរក្សាឱ្យនៅដដែលដោយមិនមានការប្រែប្រួល។ នាយករដ្ឋមន្ត្រី ម៉ាឡេស៊ី បានគូសបញ្ជាក់ថា៖ កន្លងមកនេះ ឯកឧត្តម មីន អោងឡាំងដែលបានចូលរួមប្រជុំអាស៊ានកាលពីខែ៤ឆ្នាំ២០២១ នៅទីស្នាក់ការកណ្តាលអគ្គលេខាធិការអាស៊ានបានឯកភាពទៅលើកិច្ចព្រមព្រៀងជាឯកច្ឆន្ទទាំង៥នោះហើយ ដូច្នេះនៅពេលនេះ របបយោធាមីយ៉ាន់ម៉ាត្រូវតែអនុវត្តចំណុចកិច្ចព្រមព្រៀងជាលក្ខខណ្ឌទាំង៥នេះ។ យើងជាសមាជិកនៃគ្រួសារអាស៊ាន ដូច្នេះត្រូវតែដោះស្រាយដោយសន្តិវិធី ហើយអ្វីដែលយើងធ្វើនេះគឺមិនទទួលស្គាល់របបយោធាមីយ៉ាន់ម៉ាទេ។ ការខិតខំប្រឹងប្រែងរបស់យើងគឺកសាងសហគមន៍អាស៊ាននៅតែបន្ត។ ឯកឧត្តមនាយករដ្ឋមន្ត្រី ម៉ាឡេស៊ី ក៏បានអរគុណសម្ដេចតេជោជាថ្មី ហើយថាការសន្ទនាជាមួយសម្តេចនៅថ្ងៃនេះ ឯកឧត្តមថានឹងបន្តសហការ ហើយសន្យាថា នឹងមកចូលរួមកិច្ចប្រជុំកំពូលអាស៊ាននៅកម្ពុជាសម្រាប់ឆ្នាំ ២០២២នេះ។ជាទីបញ្ចប់សម្តេចក៏បានអញ្ជើញនាយករដ្ឋមន្ត្រីម៉ាឡេស៊ី មកបំពេញទស្សនកិច្ចនៅកម្ពុជាមុនកំពូលអាស៊ាននៅពេលខាងមុខផងដែរ៕ អត្ថបទ៖ មុត សុទ្ធ

បណ្ដាញសង្គម

ព័ត៌មានថ្មីៗ

សហគ្រាសក្នុងស្រុកកំពុងជំរុញផលិតយ៉ាងផុលផុស ផ្គត់ផ្គង់លើទីផ្សារ ខណៈកម្ពុជាកំពុងជួបវិបត្តិ

ជនសង្ស័យស្ថិតក្នុងដំណើរការកាត់ទោស ពាក់ព័ន្ធនឹងការវាយប្រហារកន្លែងប្រគុំតន្ត្រីសម្លាប់មនុស្ស ១៤៩នាក់ នៅមូស្គូ

អ៊ីរ៉ង់៖ ការទទួលខុសត្រូវរបស់អាមេរិក ចំពោះការវាយប្រហារលើទីតាំងនុយក្លេអ៊ែរ គឺជាផ្នែកនៃកិច្ចពិភាក្សា នាពេលអនាគត

សម្តេចព្រះមហាក្សត្រី ព្រះវររាជមាតាជាតិខ្មែរ ប្រោសព្រះរាជទានព្រះរាជទ្រព្យ១៥.០០០ដុល្លារ រួមជាមួយស្បៀង និងសម្ភារមួយចំនួនទៀត ចំពោះកាកបាទក្រហមកម្ពុជា សម្រាប់ជួយដល់ប្រជារាស្ត្រភៀសសឹក...!!

កងកម្លាំងអ៊ុយក្រែនវាយប្រហារមូលដ្ឋានអាកាសរុស្ស៊ី នៅគ្រីម៉ា ដោយយន្តហោះ ១គ្រឿង ត្រូវបានបំផ្លាញ ខណៈ ៤គ្រឿងខូចខាត

ក្រសួងការងារនាំយកឱកាសការងារជាង ៧ពាន់កន្លែង សម្រាប់ប្រជាពលរដ្ឋនៅក្នុងខេត្តសៀមរាប

ភាពអត់ឃ្លានកើនឡើង ហើយទីបញ្ចុះសពមានកាន់តែច្រើន នៅទីក្រុង Al-Fashir របស់ស៊ូដង់

TOP STORY | សម្ដេចតេជោ៖«សូមកុំភ្លេចថា ខ្ញុំជានាយឧត្តមសេនីយ៍ផុតលេខផ្កាយមាស៥, នៅកម្ពុជាគ្មានការប្រជែងអំណាចរវាងរដ្ឋាភិបាលជាមួយកងទ័ពនោះឡើយ»!

វិមានក្រឹមឡាំង៖ លោក Putinអាចជួបប្រេសិតពិសេសអាមេរិកក្នុងសប្តាហ៍នេះ

ជំនន់ទឹកភ្លៀងបានសម្លាប់មនុស្ស ១៥នាក់នៅប្រទេសហ្គីណេ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

សាលារាជធានីភ្នំពេញ គ្រោងបើកការដ្ឋានសាងសង់ស្ពានអាកាសថ្មី ស្ថិតនៅត្រង់ភូមិឃ្លាំងសាំងក្នុងខណ្ឌឫស្សីកែវ

ឆ្នាំ២០២១ប្រព័ន្ធផ្លូវថ្នល់ត្រូវបានកសាងឡើងជាច្រើនខ្សែ តែផ្លូវជាតិលេខ២ និងលេខ២២ មានភាពយឺតយ៉ាវ

មន្ត្រីច្រកព្រំដែនមិនប្រហែស ក្នុងការឆែកសុខភាពពលករខ្មែរវិលមកពីថៃ មុនបុណ្យចូលឆ្នាំចិន

មន្ដ្រីជាន់ខ្ពស់រដ្ឋាភិបាលចុះពិនិត្យ និងវាយតម្លៃការផ្តល់ប័ណ្ណសមធម៌ ដល់ពលរដ្ឋក្រីក្រ នៅខេត្តសៀមរាប

ពលរដ្ឋរាជធានីភ្នំពេញ រៀបចំដំណើរកម្សាន្តនៅថ្ងៃបុណ្យចូលឆ្នាំចិន-វៀតណាមខាងមុខ

កម្ពុជាអរគុណឆែក ចំពោះការជួយឧបត្ថម្ភសាងសង់មនី្ទរពេទ្យ និងបណ្តុះបណ្តាលដល់មន្រី្តសុខាភិបាលតាមបណ្តាខេត្ត

ផ្លូវកៅស៊ូចំនួន ៥ខ្សែប្រវែងជិត ២៥០០ម៉ែត្រ នៅសង្កាត់អាចារ្យលាក់ នឹងសង់រួចនៅក្នុងខែកុម្ភៈ ខាងមុខនេះ

សម្ដេចតេជោ ហ៊ុន សែន នឹងយកថវិកាបានពីការលក់សៀវភៅ«គូព្រេង មិនព្រាត់»សម្រាប់សាងសង់ផ្ទះជូនអតីតយុទ្ធជន

សម្តេចតេជោ នឹងជួបនាយឧត្តមសេនីយ៍ជាន់ខ្ពស់ មីន អោងឡាំង ជាថ្មីតាមវីដេអូ ចង់ដឹងពីស្ថានភាពវិវត្តនៅមីយ៉ាន់ម៉ា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ឆ្នាំ២០២១ប្រព័ន្ធផ្លូវថ្នល់ត្រូវបានកសាងឡើងជាច្រើនខ្សែ តែផ្លូវជាតិលេខ២ និងលេខ២២ មានភាពយឺតយ៉ាវ

មន្ត្រីច្រកព្រំដែនមិនប្រហែស ក្នុងការឆែកសុខភាពពលករខ្មែរវិលមកពីថៃ មុនបុណ្យចូលឆ្នាំចិន

មន្ដ្រីជាន់ខ្ពស់រដ្ឋាភិបាលចុះពិនិត្យ និងវាយតម្លៃការផ្តល់ប័ណ្ណសមធម៌ ដល់ពលរដ្ឋក្រីក្រ នៅខេត្តសៀមរាប

ពលរដ្ឋរាជធានីភ្នំពេញ រៀបចំដំណើរកម្សាន្តនៅថ្ងៃបុណ្យចូលឆ្នាំចិន-វៀតណាមខាងមុខ

ផ្លូវកៅស៊ូចំនួន ៥ខ្សែប្រវែងជិត ២៥០០ម៉ែត្រ នៅសង្កាត់អាចារ្យលាក់ នឹងសង់រួចនៅក្នុងខែកុម្ភៈ ខាងមុខនេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍