BTV NEWS

ប្រធានក្រុមការងារចុះមូលដ្ឋាន ប្រកាសបញ្ចូលសមាជិកថ្មីគណបក្សប្រជាជនកម្ពុជាចំនួន ៦៩០០នាក់ ក្នុងស្រុកប្រាសាទបល្ល័ង្ក ខេត្តកំពង់ធំ

សម្ដេចតេជោ៖ការពង្រឹងខឿនការពារជាតិមិនសំដៅតែនៅសមរភូមិមុខទេ ត្រូវយកចិត្តទុកដាក់ទំនុកបម្រុងអ្នកសមរភូមិក្រោយជាគ្រួសារយុទ្ធជនជួរមុខ និងអតីតយុទ្ធជន

ឯកអគ្គរដ្ឋទូតហុងគ្រីចប់អាណត្តិមើលឃើញថាកម្ពុជាគឺជាដៃគូដ៏ជិតស្និទ្ធរបស់ហុងគ្រី

ឯកអគ្គរដ្ឋទូតបញ្ចប់អាណត្តិស្វីស៖ រដ្ឋាភិបាលស្វីសនឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា

នយោបាយ និង ការអភិវឌ្ឍន៍

អាជ្ញាធរខេត្តកំពង់ចាមសម្រេចយកថ្ងៃទី៦ ខែធ្នូឆ្នាំ២០២១ ជាថ្ងៃក្រុងពាលីសាងសង់វិមានឯករាជ្យ

កំពង់ចាម ៖ អាជ្ញាធរខេត្តកំពង់ចាម បានសម្រេចយកថ្ងៃចន្ទទី៦ ខែធ្នូ ឆ្នាំ២០២១ ជាថ្ងៃប្រារព្ធពិធីក្រុងពាលី សុំម្ចាស់ទឹកម្ចាស់ដី ដើម្បីធ្វើការសាងសង់វិមានឯករាជ្យ សម្រាប់ក្របខ័ណ្ឌខេត្តកំពង់ចាម ។ថ្លែងនៅក្នុងកិច្ចប្រជុំ ស្តីពីការសិក្សាគម្រោងសាងសង់វិមានឯករាជ្យ ដែលមានទីតាំងស្ថិតនៅលើកំណាត់ផ្លូវទន្លេអុំ លើសួនសាធារណៈ នៃសាលាគរុកោសល្យ និងវិក្រឹតការ ខេត្តកំពង់ចាម នៅព្រឹកថ្ងៃទី១ ខែធ្នូ ឆ្នាំ២០២១នេះ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម ក៏បានស្នើឱ្យក្រុមហ៊ុនទទួលការ ធ្វើយ៉ាងណាសាងសង់ឱ្យត្រូវទៅតាមបទដ្ឋានបច្ចេកទេស ដើម្បីឱ្យសំណង់ជាប្រវត្តិសាស្ត្រមួយនេះ រួចរាលជាស្ថាពរមុនថ្ងៃបុណ្យឯករាជ្យជាតិឆ្នាំក្រោយ ។កិច្ចប្រជុំនេះ ក៏មានការចូលរួមពីសំណាក់ ឯកឧត្តមខ្លូត ផន ប្រធានក្រុមប្រឹក្សាខេត្ត,ឯកឧត្តមអភិបាលរងខេត្ត, លោកនាយក នាយករងរដ្ឋបាលសាលាខេត្ត,ដៃគូរអភិវឌ្ឍ រួមនឹងមន្ត្រីពាក់ព័ន្ធ ៕

ពលរដ្ឋខេត្តបាត់ដំបងនឹងទទួលបានវ៉ាក់សាំងដូសទី៣ ចាប់ពីថ្ងៃស្អែកទៅ

បាត់ដំបង៖ រដ្ឋបាលខេត្តបាត់ដំបង នឹងចាប់ផ្ដើមយុទ្ធនាការចាក់វ៉ាក់សាំងកូវីដ-១៩ ដូសជំរុញឬដូសទី៣ ជូនប្រជាពលរដ្ឋដែលមានអាយុចាប់ពី១៨ឆ្នាំឡើងទៅ ដែលបានចាក់ដូសទី២រួច ឬគ្រប់ដូស នៅក្នុងក្របខណ្ឌទូទាំងខេត្ត ចាប់ពីថ្ងៃស្អែកទៅ។ដំណើរការចាក់វ៉ាក់សាំងដូសជំរុញជូនប្រជាពលរដ្ឋប្រមាណជាង៥០ម៉ឺននាក់ គឺនឹងធ្វើឡើងចាប់ ពីថ្ងៃទី០២ខែធ្នូនេះ នៅក្នុងក្រុងបាត់ដំបង និងចាប់ពីថ្ងៃទី០៦ ខែធ្នូនេះ នៅតាមបណ្តាស្រុកទាំងអស់ ខណៈទីតាំងចាក់ត្រូវបានរដ្ឋបាលខេត្តកំណត់រួចរាល់អស់ហើយ។ដើម្បីសម្រួលដល់ក្រុមការងារ និងប្រជាពលរដ្ឋក្នុងការមកទទួលវ៉ាក់សាំង មន្ទីរសុខាភិបាល បានណែនាំដល់ប្រធានស្រុកប្រតិបត្តិទាំង៥ ត្រូវចលនាប្រជាពលរដ្ឋឱ្យមកទទួលវ៉ាក់សាំង ដូចគ្នានឹងធ្វើយុទ្ធនាការកន្លងមក ដើម្បីធានាការចាក់ជូនប្រជាពលរដ្ឋឱ្យបានគ្រប់ៗគ្នា និងបានទាន់ពេល ជាពិសេសត្រូវផ្តល់វ៉ាក់សាំងកូវីដ-១៩ ជូនប្រជាពលរដ្ឋណា ដែលមិនទាន់បានទទួលវ៉ាក់សាំងសោះ។ក្នុងពិធីសំណេះសំណាល ជាមួយមន្រ្តីរាជការនៅតាមបណ្ដាក្រុង ស្រុកនានា ឯកឧត្តម សុខ លូ អភិបាលខេត្តបាត់ដំបង ជាបន្តបន្ទាប់បានជំរុញដល់រដ្ឋបាលក្រុង ស្រុក និងរដ្ឋបាលឃុំ-សង្កាត់ទាំង អស់ ត្រូវត្រួតពិនិត្យនិងជំរុញឲ្យមានការចាក់វ៉ាក់សាំងជូនប្រជាពលរដ្ឋឲ្យបានគ្រប់ដូស និងគ្រប់ៗគ្នា ហើយត្រៀមលក្ខណៈក្នុងការចាក់ជូននូវដូសជំរុញ ដែលជាដូសទី៣ នាពេលខាងមុខនេះ ព្រោះវ៉ាក់សាំង មិនបង្កផលប៉ះពាល់អ្វីឡើយ ផ្ទុយមកវិញ វ៉ាក់សាំងនឹងជួយសង្រ្គោះជីវិតមនុស្សពីជំងឺកូវីដ-១៩ បើទោះបី ជាឆ្លងក៏មិនអាចធ្វើឱ្យស្ថានភាពជំងឺនោះធ្ងន់ធ្ងរឡើយ ៕អត្ថបទ៖ នឿត សុភក្ត្រ

ខេត្តកំពតប្រមូលផលស្រូវរដូវវស្សាបានជាង៣សែនតោន គឺស្មើនឹង៧៦ភាគរយ

កំពត៖ ឋិតក្នុងបរិបទជំងឺកូវីដ-១៩ ប្រជាកសិករក្នុងខេត្តកំពតបានខិតខំបង្កបង្កើនផលស្រូវ និងដំណាំដាំដុះផ្សេងៗទៀតបែបធម្មតា ហើយគិតត្រឹមថ្ងៃទី៣០ ខែវិច្ឆិកា ឆ្នាំ២០២១ ប្រជាកសិករប្រមូលផលស្រូវវស្សា បានជាង៣សែនតោន ស្មើនឹង៧៦ភាគរយ។ប្រធានមន្ទីរកសិកម្មរុក្ខាប្រមាញ់ និងនេសាទខេត្តកំពត លោក ចាន់ រិទ្ធិ បានឱ្យដឹងថា គិតត្រឹមថ្ងៃទី៣០ ខែវិច្ឆិកា ឆ្នាំ២០២១ ខេត្តកំពត ប្រមូលផលស្រូវរដូវវស្សាបានចំនួនជាង៣២ម៉ឺនតោនគឺស្មើនឹង៧០ភាគរយ ហើយទិន្នផលជាមធ្យមជាង៣តោនក្នុងមួយហិកតា។លោកបានបន្តថា ឆ្នាំ២០២១ខេត្តកំពត មានផ្ទៃដីបង្កបង្កើនផល សរុបចំនួនជាង១៥២ពាន់ហិកតា ក្នុងនោះផ្ទៃដីប្រមូលផលបាន ចំនួនជាង១០១ពាន់ហិកតាហើយ គឺស្មើនឹង៧៦,០៦ភាគរយ។លោកប្រធានមន្ទីរ បានបញ្ជាក់ដែរថា ទន្ទឹមនឹងការប្រមូលផល ការនាំចេញស្រូវរដូវវស្សា ក៏មានដំណើរការល្អផងដែរ។ ក្នុងនោះ ការនាំស្រូវចេញតាមច្រកតន់ហន់ ក្នុងស្រុកកំពង់ត្រាច ប្រចាំខែវិច្ឆិកា ឆ្នាំ២០២១ មានស្រូវអ៊ីអ៊ា ចំនួន៧១០តោន ស្រូវចម្រុះចំនួនជាង៣ពាន់តោន សរុបរួមប្រមាណ៤៥៥០ តោន។ តម្លៃលក់ចេញស្រូវអ៊ីអ៊ា គឺ៨៥០រៀន ក្នុងមួយគីឡូក្រាម ស្រូវចម្រុះ តម្លៃ១ពាន់៥០រៀល ក្នុងមួយគីឡូក្រាម។លោកប្រធានមន្ទីរកសិកម្ម បានបន្ថែមឲ្យដឹងទៀតថា ចំពោះល្បឿនការងារបង្កបង្កើនផលស្រូវ រដូវប្រាំង ឆ្នាំ២០២១-២០២២ គិតត្រឹមថ្ងៃទី៣០ខែវិច្ឆិកា ឆ្នាំ២០២១ រួមមាន ផែនការសន្ទូង ចំនួនជាង ៨ពាន់ហិកតា ផ្ទៃដីភ្ជួរអនុវត្តបាន៤.៨០០ហិកតា គឺអនុវត្តដោយគ្រឿងយន្ដ ផ្ទៃដីស្ទូងនិងព្រោះ អនុវត្តបានចំនួន៤.៨០០ហិកតា ស្មើនឹង៥៨,៣៩ភាគរយ នៃផែនការ៕អត្ថបទ៖ អន សារឹម

UNDP កៀរគរថវិកា ១,៦លានដុល្លារ សម្រាប់គម្រោងអភិវឌ្ឍន៍អគ្គិសនីនៅជនបទ

ភ្នំពេញ៖ កម្មវិធីអភិវឌ្ឍន៍សហប្រជាជាតិប្រចាំកម្ពុជា (UNDP) ស្នើសុំកញ្ចប់ថវិកាពីជប៉ុន ដោយនឹងអនុម័តក្នុងពេលឆាប់ៗ ក្នុងថវិការរង្វង់ប្រមាណ ១,៦ លានដុល្លារអាមេរិក សម្រាប់គម្រោងអភិវឌ្ឍន៍អគ្គិសនីនៅជនបទ ដើម្បីឲ្យប្រជាពលរដ្ឋនៅជនបទ មានលទ្ធភាពបានប្រើប្រាស់អគ្គិសនី និងការធ្វើអាជីវកម្មផ្សេងៗ។លោកស្រី Alissar Chaker ប្រធានកម្មវិធីអភិវឌ្ឍន៍សហប្រជាជាតិប្រចាំកម្ពុជា (UNDP) ក្នុងជំនួបពិភាក្សាការងារជាមួយឯកឧត្តម ស៊ុយ សែម រដ្ឋមន្រ្តីក្រសួងរ៉ែនិងថាមពល នៅថ្ងៃទី៣០ ខែវិច្ឆិកា ឆ្នាំ ២០២១ លោកស្រីបានសម្តែងនូវការអបអរសាទរ ចំពោះការអភិវឌ្ឍវិស័យថាមពលរបស់រាជរដ្ឋាលភិបាល ដោយទទួលបានជោគជ័យទាំងស្រុង លើការផ្គត់ផ្គង់អគ្គិសនីគ្របដណ្តប់ គ្រប់ភូមិទូទាំងប្រទេស ។ ពិសេសនោះ ការតភ្ជាប់ទៅតំបន់ជនបទ ដែលការងារនេះបានផ្សារភ្ជាប់យ៉ាងខ្លាំងស្របតាមបេសកម្មរបស់ UNDP ដោយសារគោលដៅរបស់ UNDP គឺការពិនិត្យមើលពីការខ្វះចន្លោះនៅតំបន់ដែលពិបាកតភ្ជាប់អគ្គិសនី ធ្វើយ៉ាងណាដើម្បី ឲ្យប្រជាពលរដ្ឋដែលនៅតាមតំបន់ដាច់ស្រយាល ទទួលបានអគ្គិសនីប្រើប្រាស់ ។លោកស្រី បន្តថា តាមរយៈនៃការអភិវឌ្ឍន៍វិស័យអគ្គិសនីនេះ UNDP នឹងបន្តជម្រុញកិច្ចសហការស្របតាមការចុះអនុស្សារណៈ ព្រមទាំងបន្តស្វែងរក និងការកៀរគរជំនួយហិរញ្ញវត្ថុពីដៃគូអភិវឌ្ឍន៍ផ្សេងៗ។ ជាក់ស្តែងនាថ្មីៗនេះ UNDP បានដាក់សំណើរទៅស្ថានទូតជប៉ុន ហើយគម្រោងនេះ គ្រោងនឹងអនុម័តក្នុងពេលឆាប់ៗ សម្រាប់អភិវឌ្ឍនៃការផ្សារភ្ជាប់អគ្គិសនីនៅជនបទ ដែលមានកញ្ចប់ថវិការប្រមាណ ១,៦ លានដុល្លារអាមេរិក សម្រាប់អនុវត្តន៍គម្រោងរយៈពេល ១៨ខែ ដែលគោលការណ៍នេះនឹងអភិវឌ្ឍន៍តាមហេដ្ឋរចនាសម្ព័ន្ធ នៃក្របខណ្ឌច្បាប់ថាមពលរបស់កម្ពុជា ដើម្បីឲ្យប្រជាពលរដ្ឋនៅជនបទមានលទ្ធភាពបានប្រើប្រាស់អគ្គិសនី ដើម្បីចូលរួមកាត់បន្ថយភាពក្រីក្រផងដែរ។ក្នុងជំនួបនេះ, ឯកឧត្តម ស៊ុយ សែម រដ្ឋមន្រ្តីក្រសួងរ៉ែ និងថាមពល បានស្នើដល់ UNDP បន្ថែម លើការពិនិត្យលទ្ធភាពសហការ និងអនុវត្តសកម្មភាពការងារថាមពលដោយផ្ទាល់ជាមួយក្រសួងរ៉ែ និងថាមពលសម្រាប់គម្រោងថ្មីៗបន្តទៀត ជាពិសេស សហការរៀបចំគម្រោងសាកល្បងផ្គត់ផ្គង់អគ្គិសនីខ្នាតតូចដល់សហគមន៍ និងភូមិពុំទាន់មានការផ្គត់ផ្គង់អគ្គិសនីទៅដល់ ដែលបច្ចុប្បន្ន នៅសល់៣៥០ភូមិ ស្មើនឹង ២,៤៧% នៃភូមិសរុបទូទាំងប្រទេស ដែលភូមិទាំងអស់នោះ គឺជាភូមិលំបាកតភ្ជាប់អគ្គិសនីទៅជូនពួកគាត់ដូចជា ភូមិលេចទឹក ភូមិនៅកណ្តាលព្រៃភ្នំ គ្មានផ្លូវឆ្លងកាត់ជាដើម។សូមបញ្ជាក់ថា៖ ជុំវិញគម្រោងអភិវឌ្ឍន៍វិស័យថាមពលនេះ, កម្មវិធីអភិវឌ្ឍន៍សហប្រជាជាតិប្រចាំកម្ពុជា (UNDP) បានគាំទ្រគម្រោង អភិវឌ្ឍន៍ថាមពលរបស់កម្ពុជារួមមាន៖ ការផ្តល់ជំនួយហិរញ្ញប្បទាន គម្រោងកសាងសមត្ថភាព, គម្រោងបច្ចេកទេស និងការសិក្សាស្រាវជ្រាវ និងការផ្តល់ជាសម្ភារៈបរិក្ខាជាដើម ដែលសរុបមានចំនួនប្រមាណ ១០ គម្រោងសម្រាប់ឆ្នាំ២០២១ នេះ ៕អត្ថបទ៖ សុន រ៉ាឌី

ប្រមុខការទូតកម្ពុជា និងឥណ្ឌូនេស៊ី ជជែកគ្នាដើម្បីពង្រឹងកិច្ចសហប្រតបត្តិការទ្វេភាគី

ភ្នំពេញ ៖ រដ្ឋមន្រ្តីការបរទេសកម្ពុជាឯកឧត្តម ប្រាក់ សុខុន នៅថ្ងៃនេះបានទទួលជួបពិភាក្សាការងារជាមួយរដ្ឋមន្រ្តីការបរទេសឥណ្ឌូនេស៊ី ដើម្បីពង្រឹងកិច្ចសហប្រតិបត្តិការរវាងប្រទេសទាំងពីរ។ឯកឧត្តម ឧបនាយករដ្ឋមន្រ្តី ប្រាក់ សុខុន រដ្ឋមន្រ្តីក្រសួងការបរទេសកម្ពុជា នៅថ្ងៃទី១ ខែធ្នូ ឆ្នាំ២០២១នេះ បានអញ្ជើញជួបពិភាក្សាទ្វេភាគីជាមួយលោកជំទាវ រ៉េតណូ អិល.ភី. ម៉ារស៊ូឌី រដ្ឋមន្រ្តីការបរទេសនៃសាធារណរដ្ឋឥណ្ឌូនេស៊ី ជុំវិញទំនាក់ទំនងនិងកិច្ចសហប្រតិបត្តិការទ្វេភាគី រួមទាំងអាទិភាពនានា របស់កម្ពុជាពេលធ្វើជាប្រធានអាស៊ានឆ្នាំ២០២២ ខណៈលោកជំទាវរដ្ឋមន្រ្តីនឹងអញ្ជើញទៅកាន់មាតុប្រទេសរបស់ខ្លួនវិញ ក្រោយជំនួបទ្វេភាគីនៅព្រឹកនេះ។តាមរយៈជំនួបទ្វេភាគីរវាងប្រមុខការទូតទាំងពីរនេះ ត្រូវបានរំពឹងថា នឹងមានការជជែកទាក់ទិននឹង បញ្ហាកម្ពុជារង់ចាំចម្លើយពីភាគីឥណ្ឌូនេស៊ី ជុំវិញបណ្ដឹងទាមទារប្រេងឆៅប្រមាណ៣០ម៉ឺនប៉ារ៉ែល មកកាន់ប្រទេសវិញ ក្រោយត្រូវបានអាជ្ញាធរប្រទេសឥណ្ឌូណេស៊ី ចាប់ក្រុមនាវិកនៃនាវា MT Strovolos ពាក់ព័ន្ធនឹងការចោទប្រកាន់ បទល្មើសព្រហ្មទណ្ឌ អំពីការលួចប្រេងឆៅរបស់កម្ពុជា។ដំណើរទស្សនកិច្ចផ្លូវការរបស់រដ្ឋមន្រ្តីការបរទេសឥណ្ឌូនេស៊ី រ៉េតណូ មកកាន់កម្ពុជា ជាការរួមចំណែកបន្តពង្រឹង និងធ្វើឱ្យស៊ីជម្រៅបន្ថែមទៀតនូវទំនាក់ទំនងដ៏យូរអង្វែង និងកិច្ចសហប្រតិបត្តិការដ៏ជិតស្និទ្ធ រវាងកម្ពុជា និងឥណ្ឌូនេស៊ី ទាំងក្នុងក្របខ័ណ្ឌទ្វេភាគី និងពហុភាគី សម្រាប់ផលប្រយោជន៍ទៅវិញទៅមករបស់ប្រជាជាតិទាំងពីរ និងពិភពលោក។សូមរម្លឹកថា តាមរយៈជំនួបនាអំឡុងខែកក្កដាកន្លងទៅ រវាងមន្រ្តីជាន់ខ្ពស់ក្រសួងការបរទេសកម្ពុជាជាមួយឯកអគ្គរដ្ឋទូតឥណ្ឌូនេស៊ីប្រចាំកម្ពុជា កម្ពុជា-ឥណ្ឌូនេស៊ី ក៏សង្ឃឹមថា ប្រទេសឥណ្ឌូនេស៊ី នឹងនៅតែអាចបន្តផ្តល់ជំនួយក្នុងការកសាងសមត្ថភាព និងផ្តល់អាហារូបករណ៍ដល់និស្សិតកម្ពុជាបន្ថែមទៀត ដើម្បីកាត់បន្ថយគម្លាតនៃការអភិវឌ្ឍរវាងឥណ្ឌូនេស៊ី និងកម្ពុជា និងបង្កើនសមត្ថភាពធនធានមនុស្ស៕

អភិបាលរាជធានី ជំរុញឲ្យអាជ្ញាធរខណ្ឌទាំងអស់ផ្ដល់អាវរងា ភួយ ក្រមា និងថវិកាដល់មនុស្សចាស់ក្នុងរដូវរងានេះ

ភ្នំពេញ៖ ឯកឧត្តម ឃួង ស្រេង បានជំរុញឲ្យអាជ្ញាធរខណ្ឌ១៣ទៀតបង្កើតកម្មវិធី ដើម្បីផ្ដល់អំណោយរបស់សម្ដេចតេជោ និងសម្ដេចកិត្តិព្រឹទ្ធបណ្ឌិត ប៊ុន រ៉ានីហ៊ុន សែន ដែលមានដូចជា អាវរងា ភួយ ក្រមា និងថវិកា ជូនដល់មនុស្សចាស់នៅក្នុងមូលដ្ឋានរបស់ខ្លួនឲ្យបានលឿន និងទាន់ពេលវេលា ពោលគឺកម្មវិធីនេះ ត្រូវរៀបចំឡើងកុំឲ្យហួសពីថ្ងៃអាទិត្យសប្តាហ៍នេះ ។ការជំរុញបែបនេះរបស់ឯកឧត្តម ឃួង ស្រេង អភិបាលរាជធានីភ្នំពេញ បានធ្វើឡើងក្នុងពិធីប្រគល់អំណោយរបស់សម្ដេចតេជោ ហ៊ុននសែន នាយករដ្ឋមន្ត្រី និងសម្ដេចកិត្តិព្រឹទ្ធបណ្ឌិតប៊ុនរ៉ានី ហ៊ុនសែន ជូនសមាជិកសមាជិកាសមាគមមនុស្សចាស់ដែលមានជីវភាពក្រីក្រនៅក្នុងខណ្ឌដង្កោ នៅសាលាខណ្ឌដង្កោ ព្រឹកថ្ងៃទី០១ ខែធ្នូ ឆ្នាំ២០២១នេះ ។ឯកឧត្តម ឃួង ស្រេង បានមានប្រសាសន៍ថា ក្នុងពិធីសម្ពោធដាក់ឱ្យប្រើប្រាស់ស្ពានឆ្លងទន្លេមេគង្គនៅស្ទឹងត្រង់ កាលពីថ្ងៃទី២៣ ខែវិច្ឆិកាកន្លងមកនេះ សម្ដេចតេជោ ហ៊ុន សែន បានណែនាំឲ្យអាជ្ញាធររាជធានី ខេត្ត ត្រូវយកចិត្តទុកដាក់ផ្ដល់នូវអាវរងា ភួយជូនមនុស្សចាស់ ដោយសារតែអាកាសធាតុនឹងចុះត្រជាក់នៅប៉ុន្មានថ្ងៃខាងមុខនេះ ។ អនុវត្តទៅតាមអនុសាសន៍ដ៏ខ្ពង់ខ្ពស់របស់សម្ដេចតេជោ ថ្ងៃនេះរដ្ឋបាលរាជធានីភ្នំពេញ បាននាំនូវអំណោយរបស់សម្ដេចតេជោ និងសម្ដេចកិត្តិព្រឹទ្ធបណ្ឌិតមកចែកជូនបងប្អូនសមាជិកសមាជិកាសមាគមមនុស្សចាស់ នៅក្នុងខណ្ឌដង្កោចំនួន១២០នាក់។ឯកឧត្តម ឃួង ស្រេង ក៏បានស្នើឲ្យអាជ្ញាធរខណ្ឌ១៣ផ្សេងទៀតត្រូវបង្កើតកម្មវិធីផ្ដល់អំណោយជូនមនុស្សចាស់ដែលមានទាំងថវិកា អាវរងា ភួយក្រមា កុំឱ្យហួសថ្ងៃអាទិត្យសប្តាហ៍នេះ ដោយសារតែអាកាសធាតុបានចាប់ផ្ដើមចុះត្រជាក់ហើយ ខណៈដែលបានកសាងសមាគមមនុស្សចាស់បានទាំង១០៥សង្កាត់ហើយ។ដូច្នេះអាជ្ញាធរខណ្ឌ សង្កាត់ត្រូវ ចុះពិនិត្យតាមដាន និងសួរសុខទុក្ខមនុស្សចាស់នៅក្នុងមូលដ្ឋានរបស់ខ្លួនដោយសារតែមនុស្សចាស់ ជាអ្នកមានគុណរបស់យើង ហើយប្រពៃណីដូនតាខ្មែរក៏បានបន្សល់ទុក ដោយឲ្យយើងត្រូវតែមានកតញ្ញូចំពោះមនុស្សចាស់ផងដែរ៕អត្ថបទ ៖ ប្រាក់ វ៉ាន់ដា

លោក កឹម សុខា អះអាងថា លោកបញ្ជាក់ជំហររបស់លោកដោយគ្មាននរណាបង្ខិតបង្ខំឡើយ

ភ្នំពេញ៖ លោក កឹម សុខា មេដឹកនាំបក្សប្រឆាំងដែលត្រូវរំលាយទៅហើយនោះ អះអាងនៅថ្ងៃនេះថា លោកបានបង្ហាញជំហររបស់លោកកាលពីប៉ុន្មានថ្ងៃមុនដោយគ្មាននរណាបង្ខិតបង្ខំ ឬគំរាមកំហែងនោះឡើយ។លោក កឹម សុខា បានសរសេរបែបនេះនៅលើទំព័រហ្វេសប៊ុកផ្លូវការរបស់ខ្លួននៅព្រឹកថ្ងៃទី០១ ខែធ្នូនេះ ដែលជាប្រតិកម្មតបទៅនឹងលោក សម រង្ស៊ី ដែលលើកឡើងនៅលើទំព័រហ្វេសប៊ុករបស់លោកថា លោក កឹម សុខា ទទួលរងការគំរាមកំហែងពីសម្ដេចតេជោ ហ៊ុន សែន។កាលពីថ្ងៃទី២៨ ខែវិច្ឆិកាកន្លងមកថ្មីៗនេះ លោក កឹម សុខា បានសរសេរនៅលើទំព័រហ្វេសប៊ុករបស់លោកថា លោក សម រង្ស៊ី និងសហការីរបស់គាត់នៅឯក្រៅប្រទេស បានយកឈ្មោះ និងរូបថតរបស់លោក កឹម សុខា ទៅប្រើប្រាស់នៅក្នុងសកម្មភាពនានាដោយពុំមានការអនុញ្ញាតនោះឡើយ។លោក កឹម សុខា ក៏បានអំពាវនាវទៅលោក សម រង្ស៊ី និងក្រុមអ្នកគាំទ្រលោក ឱ្យបញ្ឈប់ការប្រើឈ្មោះ និងរូបថតរបស់លោក ដើម្បីបំភាន់សាធារណមតិជាតិ និងអន្តរជាតិ ខណៈដែលលោក សម រង្ស៊ី និងក្រុមអ្នកគាំទ្រលោក បានវិលត្រឡប់ទៅគាំទ្រគណបក្សភ្លើងទៀនឡើងវិញនោះ។លោក កឹម សុខា សរសេរថា៖ «ទង្វើរបស់ពួកគេសបញ្ជាក់ឱ្យឃើញថា សម រង្ស៊ី និង កឹម សុខា មិនមែនជាមនុស្សតែមួយទេ ព្រោះសកម្មភាពទាំងអស់នេះ មិនមានការគាំទ្រ ឬជាជំហររបស់ខ្ញុំឡើយ»។ផ្ទុយទៅវិញ លោក សម រង្ស៊ី បែរជាចាត់ទុកការលើកឡើងរបស់លោក កឹម សុខា ថា ធ្វើឡើងដោយមានការបង្ខិតបង្ខំ ឬការគំរាមកំហែងពីសម្ដេចតេជោ ហ៊ុន សែន។ចំណែកឯកូនស្រីបង្កើតរបស់លោក កឹម សុខា គឺកញ្ញា កឹម មនោវិទ្យា វិញ បានបញ្ជាក់ថា ឪពុករបស់នាងមានសិទ្ធិបញ្ចេញមតិយោបល់ផ្ទាល់ខ្លួន និងបញ្ជាក់ទៅលោក សម រង្ស៊ី ផងដែរ។កញ្ញា កឹម មនោវិទ្យា បានចាត់ទុកសកម្មភាពរបស់លោក សម រង្ស៊ី ថាជាការកេងចំណេញខាងនយោបាយទៅលើឪពុករបស់នាង ហើយថា សម្ព័ន្ធភាព សម រង្ស៊ី-កឹម សុខា បានចប់ទៅហើយ។នៅមុនគណបក្សសង្គ្រោះជាតិត្រូវបានរំលាយនៅចុងឆ្នាំ២០១៧ លោក កឹម សុខា គឺជាប្រធានគណបក្សប្រឆាំងមួយនេះ ប៉ុន្តែ លោក សម រង្ស៊ី និងក្រុមអ្នកគាំទ្រលោក បានបង្កើនចលនានៅឯក្រៅប្រទេស ហើយបានតែងតាំងខ្លួនឯងជាប្រធានស្ដីទីគណបក្សនេះថែមទៀតផងអំឡុងពេលលោក កឹម សុខា ត្រូវបានចាប់ខ្លួនដាក់ឃុំក្រោមការចោទប្រកាន់ពីបទ«ក្បត់ជាតិ»៕

១០ខែស៊ីម៉ាក់បោសសំអាតដីចម្ការមីនបានជាង៨៣លានម៉ែត្រក្រឡា និងមីនជិត៧ម៉ឺនគ្រាប់

ភ្នំពេញ ៖ កងកម្លាំងនៃមជ្ឈមណ្ឌលសកម្មភាពកំចាត់មីនកម្ពុជា (CMAC) រយៈពេល១០ខែ នៅឆ្នាំ២០២១នេះ បានធ្វើការបោសសំអាតគ្រាប់មីន និងគ្រាប់យុទ្ធភ័ណ្ឌមិនទាន់ផ្ទុះ តាមតំបន់នានា បានចំនួនជាង ៨៣លានម៉ែត្រក្រឡា និងរកឃើញគ្រាប់មីនបានជិត ៧ម៉ឺនគ្រាប់ ត្រូវបានកម្ទេចចោល ។យោងតាមរបាយការណ៍ ដែលបង្ហាញក្នុងកិច្ចប្រជុំក្រុមប្រឹក្សាភិបាលស៊ីម៉ាក់ កាលពីថ្ងៃទី៣០ ខែវិច្ឆិកាម្សិលមិញ ដើម្បីពិនិត្យវឌ្ឍនភាពការងារ១០ខែ ឆ្នាំ២០២១ និងពង្រាងផែនការសមាហរណកម្មឆ្នាំ២០២២ បានឲ្យដឹងថា លទ្ធផលការងារគ្រប់មុខព្រួញរបស់អង្គភាព CMAC ចាប់ពីខែមករា ដល់ខែតុលា បានទទួលលទ្ធផលប្រកបដោយជោគជ័យ គួរឲ្យកត់សម្គាល់ បើទោះជាស្ថិតក្នុងបរិបទសកល នៃការឆ្លងរាលដាលជំងឺកូវីដ-១៩ក៏ដោយ ។ខ្លឹមសារនៃកិច្ចប្រជុំ បានបន្ថែមថា លទ្ធផលកិច្ចប្រតិបត្តិការក្នុងរយៈពេល១០ខែនេះ បានធ្វើការ រំដោះផ្ទៃដីរងផលប៉ះពាល់ដោយសារគ្រាប់មីន និងសំណល់យុទ្ធភណ្ឌសង្គ្រាម សរុបចំនួនជាង ៨៣លានម៉ែត្រក្រឡា ស្មើនឹង៨៨,១៣ភាគរយ នៃផែនការរយៈពេល១០ខែ (មករា-តុលា) ឬស្មើនឹង ៧៣,៤៤ភាគ រយ នៃផែនការប្រចាំឆ្នាំ ។របាយការណ៍ដដែល បានបន្តថា លទ្ធផលដែលទទួលបាន គឺទាបជាងផែនការមួយផ្នែក ដោយ សារការចល័តក្រុមពហុជំនាញ ដែលមានស្រាប់ ពីការបោសសម្អាត ទៅធ្វើការស្រាវជ្រាវចម្ការមីន ឬគ្រាប់វិញ ហើយលទ្ធផលស្រាវជ្រាវកំណត់ចម្ការមីន និងគ្រាប់ថ្មីសម្រេចបាន៥១៤ទីតាំង ស្មើនឹងជាង៨០លាន ម៉ែត្រក្រឡា ដោយកិច្ចប្រតិបត្តិការនេះ រុករកឃើញ និងកម្ទេចចោលគ្រាប់មីន និងយុទ្ធភណ្ឌមិនទាន់ផ្ទុះ គ្រប់ប្រភេទចំនួនជាង៦ម៉ឺន៩៩០០គ្រាប់ ព្រមទាំងមានពលរដ្ឋ ទទួលផលដោយផ្ទាល់និងដោយប្រយោលចំនួនជាង៣ម៉ឺន៦ពាន់គ្រួសារ ។ក្នុងរយៈពេលដូចគ្នា ការងារផ្សព្វផ្សាយបានធ្វើការអប់រំយល់ដឹងពីគ្រោះថ្នាក់ដោយសារគ្រាប់មីន និងសំណល់ជាតិផ្ទុះពីសង្គ្រាមដល់ក្រុមគោលដៅ បានចំនួនជាង១ម៉ឺន៤ពាន់លើក ស្មើនឹងជាង ៤៨ម៉ឺនខ្នងផ្ទះ មានប្រជាពលរដ្ឋចូលរួមចំនួនជាង៧៨ម៉ឺននាក់។សម្រាប់ពង្រាងផែនការឆ្នាំ២០២២ មានផែនការរំដោះផ្ទៃដីមានបញ្ហាគ្រាប់មីន និងសំណល់យុទ្ធភណ្ឌសង្គ្រាម ចំនួនប្រមាណ១២៥គីឡូម៉ែត្រក្រឡា និងបន្តពង្រឹងសមត្ថភាពជាតិ ក្នុងការដោះស្រាយ វិបត្តិសំណល់គ្រាប់បែកចង្កោម និងសំណល់យុទ្ធភណ្ឌសង្គ្រាម ដើម្បីគាំទ្រសកម្មភាពមនុស្សធម៌ និងការអភិវឌ្ឍរបស់រាជរដ្ឋាភិបាល អនុលោមតាមផែនការជាតិ និងការប្តេជ្ញាចិត្តជាមួយសហគមន៍អន្តរជាតិ ស្តីពីសម្រេចឱ្យបានអនុសញ្ញាអន្តរជាតិអូតាវ៉ា ត្រឹមចុងឆ្នាំ២០២៥ ៕អត្ថបទ៖ បាន សុខរិទ្ធិ

ប្រមុខរាជរដ្ឋាភិបាលអំពាវនាវទៅគ្រប់ភាគីពាក់ព័ន្ធឱ្យខិតខំបន្ថែមទៀតដើម្បីលុបបំបាត់ជំងឺអេដស៍នៅកម្ពុជា

ភ្នំពេញ៖ ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានអំពាវនាវទៅគ្រប់ភាគីទាំងអស់ ឱ្យខិតខំបន្ថែមទៀតដើម្បីសម្រេចតាមគោលដៅលុបបំបាត់ជំងឺអេដស៍នៅក្នុងប្រទេសកម្ពុជា។សម្ដេចតេជោ ហ៊ុន សែន បានអំពាវនាវបែបនេះនៅក្នុងសារលិខិតរបស់សម្ដេចនៅក្នុងឱកាសប្រារព្ធទិវាពិភពលោកប្រយុទ្ធនឹងជំងឺអេដស៍ ១ ធ្នូ។សម្ដេចតេជោ ហ៊ុន សែន អំពាវនាវថា៖ «យើងទាំងអស់គ្នាត្រូវខិតខំថែមទៀតក្នុងការស្វែងរកអ្នកផ្ទុកមេរោគអេដស៍ដែលបាត់មុខមិនទាន់ទទួលបានសេវាព្យាបាល និងក្នុងការបញ្ចៀសកុំឱ្យមានការបោះបង់ការព្យាបាលរបស់អ្នកផ្ទុកមេរោគអេដស៍ទាំងអស់ចំនួនប្រមាណ ១២ ០០០នាក់»។ប្រមុខរាជរដ្ឋាភិបាលបានបញ្ជាក់បន្ថែមថា ស្ថាប័នថ្នាក់ជាតិរហូតដល់អាជ្ញាធរដែនដី ត្រូវនាំមុខគេនៅក្នុងការសម្របសម្រួលកម្មវិធីបង្ការ និងទប់ស្កាត់ការរីករាលដាលនៃមេរោគអេដស៍ក្នុងចំណោមប្រជាជន។សម្ដេចតេជោ ហ៊ុន សែន ក៏បានអំពាវនាវទៅដល់អង្គការដៃគូអន្តរជាតិ ឱ្យជួយផ្ដល់ជំនួយហិរញ្ញវត្ថុ និងជំនួយបច្ចេកទេសបន្ថែមទៀតទៅដល់អាជ្ញាធរជាតិប្រយុទ្ធនឹងជំងឺអេដស៍ ដែលជាស្ថាប័នដឹកនាំសម្របសម្រួលការឆ្លើយតបនឹងមេរោគអេដស៍ និងជំងឺអេដស៍។សុន្ទរកថារបស់សម្ដេចតេជោ ហ៊ុន សែន បន្តថា៖ «ខ្ញុំក៏សូមអំពាវនាវដល់គ្រប់ក្រសួង ស្ថាប័ន រាជធានី ខេត្ត ក្រុង ស្រុក ខណ្ឌ ឃុំសង្កាត់ ធ្វើការរួមគ្នាជាពហុវិស័យ សហការយ៉ាងជិតស្និទ្ធជាមួយកាកបាទក្រហមកម្ពុជា អង្គការមិនមែនរដ្ឋាភិបាល សង្គមស៊ីវិល វិស័យឯកជន អ្នកផ្ទុកមេរោគអេដស៍ ក្រុមប្រជាជនគន្លឹះ និងសហគមន៍ ដើម្បីលុបបំបាត់ការចម្លងមេរោគអេដស៍ និងយកជ័យជម្នះលើមេរោគអេដស៍ឱ្យបានតាមកាលកំណត់»។បើតាមសុន្ទរកថារបស់ប្រមុខរាជរដ្ឋាភិបាល កម្ពុជាមានប្រជាជនចំនួន ១៩៧៤គ្រួសារ ឬស្មើនឹងប្រមាណ ១២ ០០០នាក់ កំពុងរស់នៅដោយផ្ទុកមេរោគអេដស៍នៅទូទាំងប្រទេសគិតត្រឹមឆ្នាំនេះ។កម្ពុជាបានផ្ដល់សេវាថែទាំងអ្នកជំងឺអេដស៍រហូតដល់ ៨៣%នៅទូទាំងប្រទេស ដែលជាអត្រាខ្ពស់ជាងគេនៅតំបន់អាស៊ីប៉ាស៊ីហ្វិក ពោលគឺមានអត្រាខ្ពស់ជាងប្រទេសចិន ឥណ្ឌា ថៃ និងវៀតណាមជាដើម៕

ព្រឹទ្ធសភានឹងអនុម័តសេចក្តីព្រាងច្បាប់ ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២២នៅថ្ងៃស្អែក

ភ្នំពេញ៖ ព្រឹទ្ធសភា នៃព្រះរាជាណាចក្រកម្ពុជា នៅព្រឹកថ្ងៃទី២ ខែធ្នូ ឆ្នាំ២០២១ ស្អែកនេះ នឹងបើកកិច្ចប្រជុំជាវិសាមញ្ញ នីតិកាលទី៤ ដើម្បីពិនិត្យ និងអនុម័តសេចក្តីព្រាងច្បាប់ ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២២ ខណៈសេចក្តីព្រាងច្បាប់នេះ នឹងផ្តល់អត្ថប្រយោជន៍ជាច្រើនដល់ប្រជាពលរដ្ឋ និងប្រទេសជាតិទាំងមូល ក្រោមគោលនយោបាយរបស់រាជរដ្ឋាភិបាល។ថ្លែងប្រាប់អ្នកយកព័ត៌មានក្រោយពីបញ្ចប់កិច្ចប្រជុំរបស់ គណៈកម្មាធិការអចិន្រ្តៃយ៍ព្រឹទ្ធសភានាព្រឹកថ្ងៃទី១ធ្នូនេះ ក្រោមអធិបតីភាពដ៏ខ្ពង់ខ្ពស់របស់សម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា ឯកឧត្តម ម៉ម ប៊ុននាង អ្នកនាំពាក្យព្រឹទ្ធសភាកម្ពុជាបានឲ្យដឹងថា បន្ទាប់ពីបានពិនិត្យ និងពិភាក្សារួចមក គណៈកម្មាធិការអចិន្ត្រៃយ៍ព្រឹទ្ធសភា បានកំណត់យកថ្ងៃព្រហស្បតិ៍ ទី០២ ខែធ្នូ ឆ្នាំ២០២១ វេលាម៉ោង០៨ និង០០នាទីព្រឹក ដើម្បីប្រជុំព្រឹទ្ធសភាជាវិសាមញ្ញ នីតិកាលទី៤ ពិនិត្យ និងឱ្យយោបល់លើសេចក្តីព្រាងច្បាប់ ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២២។ឯកឧត្តមបានបន្តថា ក្រៅពីពិនិត្យ និងអនុម័តនូវសេចក្តីព្រាងច្បាប់ខាងលើនេះ ព្រឹទ្ធសភាក៏នឹងប្រជុំពិនិត្យ និងឲ្យយោបល់លើរបៀបវារៈ នៃសេចក្តីព្រាងច្បាប់មួយចំនួនផ្សេងៗទៀតផងដែរ ដោយក្នុងនោះពិនិត្យ និងឱ្យយោបល់លើសេចក្តីព្រាងច្បាប់ ស្តីពីការទូទាត់ថវិកាទូទៅរបស់រដ្ឋ សម្រាប់ការគ្រប់គ្រងឆ្នាំ២០២០។ និងពិនិត្យ និងឱ្យយោបល់លើសេចក្តីព្រាងច្បាប់ ស្តីពីការអនុម័តយល់ព្រមលើពិធីសារអាស៊ាន ស្តីពីការពង្រឹងយន្តការដោះស្រាយវិវាទផងដែរ៕ អត្ថបទ៖ បាន ចក់

បណ្ដាញសង្គម

ព័ត៌មានថ្មីៗ

សម្ដេចតេជោ បង្ហាញចំណារលើលិខិតរបស់អគ្គនាយកដ្ឋានពន្ធដារដែលជាជំហានចំណុចខ្លាំង ដើម្បីជោគជ័យលើកំណែទម្រង់រដ្ឋ និងហិរញ្ញវត្ថុសាធារណៈ

សម្ដេចធិបតី អំពាវនាវដល់ពលរដ្ឋ និងទេសចរចូលរួមថែរក្សាបរិស្ថាន ពេលធ្វើដំណើរកម្សាន្តនៅតំបន់ភ្នំខ្នងផ្សារ និងតំបន់ទេសចរណ៍ធម្មជាតិផ្សេងៗ

សម្ដេចតេជោ ហ៊ុន សែន៖ ភាពធន់សេដ្ឋកិច្ចកម្ពុជាបង្ហាញច្បាស់ចាប់តាំងពីដំណាក់ការកូវីដ-១៩ រហូតមកដល់ពេលនេះ ខណៈរដ្ឋមានសាច់ប្រាក់គ្រប់គ្រាន់ដំឡើងបៀវត្ស និងបើកបៀវត្សពីរដងក្នុងមួយខែ

NEA បន្តរៀបចំសិក្ខាសាលាស្ដីពី៖ ការរៀបចំផែនការអាជីព និងការជ្រើសរើសជំនាញសិក្សាដល់សិស្សវិទ្យាល័យនៅខណ្ឌព្រែកព្នៅ

ចិនស្នើឱ្យកម្ពុជាពន្លឿនការតភ្ជាប់ប្រព័ន្ធបញ្ជរតែមួយ និងប្រព័ន្ធផ្លាស់ប្តូរទិន្នន័យ ដើម្បីសម្រួលការធ្វើពាណិជ្ជកម្ម

មន្រ្ដីជាន់ខ្ពស់ក្រសួងធនធានទឹកចុះពិនិត្យវឌ្ឍនភាព និងវាយតម្លៃបញ្ចប់ការងារសាងសង់គម្រោងអភិវឌ្ឍន៍ប្រព័ន្ធធារាសាស្ត្រ និងកាត់បន្ថយទឹកជំនន់ ក្នុងខេត្តបន្ទាយមានជ័យ

ត្រីមាសទី១ឆ្នាំនេះ កម្ពុជាប្រមូលថវិកាពីដៃគូ និងការបោះលក់មូលបត្រមានទំហំជាង ៥៦១ លានដុល្លារ សម្រាប់តម្រូវការអភិវឌ្ឍ

ជនជាតិវៀតណាម ១៨០នាក់ទៀត ពាក់ព័ន្ធករណីឆបោកតាមប្រព័ន្ធបច្ចេកវិទ្យាត្រូវបានបណ្ដេញចេញពីកម្ពុជា

Napoli ទិញផ្តាច់ Rasmus Hojlund ពី Manchester United តម្លៃ ៥០ លានអឺរ៉ូ

មនុស្សរាប់ពាន់នាក់នៅអាហ្សង់ទីន តវ៉ាប្រឆាំងអំពើហិង្សាលើស្ត្រី ក្នុងពេលមានកំហឹងចំពោះការសម្លាប់ស្ត្រីជំទង់ម្នាក់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

អាជ្ញាធរខេត្តកំពង់ចាមសម្រេចយកថ្ងៃទី៦ ខែធ្នូឆ្នាំ២០២១ ជាថ្ងៃក្រុងពាលីសាងសង់វិមានឯករាជ្យ

ពលរដ្ឋខេត្តបាត់ដំបងនឹងទទួលបានវ៉ាក់សាំងដូសទី៣ ចាប់ពីថ្ងៃស្អែកទៅ

ខេត្តកំពតប្រមូលផលស្រូវរដូវវស្សាបានជាង៣សែនតោន គឺស្មើនឹង៧៦ភាគរយ

UNDP កៀរគរថវិកា ១,៦លានដុល្លារ សម្រាប់គម្រោងអភិវឌ្ឍន៍អគ្គិសនីនៅជនបទ

ប្រមុខការទូតកម្ពុជា និងឥណ្ឌូនេស៊ី ជជែកគ្នាដើម្បីពង្រឹងកិច្ចសហប្រតបត្តិការទ្វេភាគី

អភិបាលរាជធានី ជំរុញឲ្យអាជ្ញាធរខណ្ឌទាំងអស់ផ្ដល់អាវរងា ភួយ ក្រមា និងថវិកាដល់មនុស្សចាស់ក្នុងរដូវរងានេះ

លោក កឹម សុខា អះអាងថា លោកបញ្ជាក់ជំហររបស់លោកដោយគ្មាននរណាបង្ខិតបង្ខំឡើយ

១០ខែស៊ីម៉ាក់បោសសំអាតដីចម្ការមីនបានជាង៨៣លានម៉ែត្រក្រឡា និងមីនជិត៧ម៉ឺនគ្រាប់

ប្រមុខរាជរដ្ឋាភិបាលអំពាវនាវទៅគ្រប់ភាគីពាក់ព័ន្ធឱ្យខិតខំបន្ថែមទៀតដើម្បីលុបបំបាត់ជំងឺអេដស៍នៅកម្ពុជា

ព្រឹទ្ធសភានឹងអនុម័តសេចក្តីព្រាងច្បាប់ ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២២នៅថ្ងៃស្អែក

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

អាជ្ញាធរខេត្តកំពង់ចាមសម្រេចយកថ្ងៃទី៦ ខែធ្នូឆ្នាំ២០២១ ជាថ្ងៃក្រុងពាលីសាងសង់វិមានឯករាជ្យ

ពលរដ្ឋខេត្តបាត់ដំបងនឹងទទួលបានវ៉ាក់សាំងដូសទី៣ ចាប់ពីថ្ងៃស្អែកទៅ

ខេត្តកំពតប្រមូលផលស្រូវរដូវវស្សាបានជាង៣សែនតោន គឺស្មើនឹង៧៦ភាគរយ

UNDP កៀរគរ​ថវិកា ១,៦លានដុល្លារ សម្រាប់​គម្រោង​អភិវឌ្ឍន៍​អគ្គិសនីនៅជនបទ

ប្រមុខការទូតកម្ពុជា និងឥណ្ឌូនេស៊ី ជជែកគ្នាដើម្បីពង្រឹងកិច្ចសហប្រតបត្តិការទ្វេភាគី

លោក កឹម សុខា អះ​អាង​ថា លោក​បញ្ជាក់​ជំហរ​របស់​លោក​ដោយ​គ្មាន​នរណា​បង្ខិត​បង្ខំ​ឡើយ

១០ខែស៊ីម៉ាក់បោសសំអាតដីចម្ការមីនបានជាង៨៣លានម៉ែត្រក្រឡា និងមីនជិត៧ម៉ឺនគ្រាប់

ព្រឹទ្ធសភានឹងអនុម័តសេចក្តីព្រាងច្បាប់ ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២២នៅថ្ងៃស្អែក

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

UNDP កៀរគរថវិកា ១,៦លានដុល្លារ សម្រាប់គម្រោងអភិវឌ្ឍន៍អគ្គិសនីនៅជនបទ

លោក កឹម សុខា អះអាងថា លោកបញ្ជាក់ជំហររបស់លោកដោយគ្មាននរណាបង្ខិតបង្ខំឡើយ