នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចតេជោ៖សង្គ្រាមព្រំដែនកម្ពុជា-ថៃបានផ្ទេរពីសង្គ្រាមប្រើប្រាស់អាវុធមកជាសង្រ្គាម ប្រើប្រាស់ជំពាមកៅស៊ូ ខណៈបើពិនិត្យឲ្យសុីជម្រៅវាជារឿងធំ ប្រសិនបើមិនទប់ស្កាត់
ឯកឧត្តម ចាន់ ដារ៉ុង ដឹកនាំគណៈកម្មការ​អន្តរ​ក្រសួង​ចុះ​ពិនិត្យ​វាយ​តម្លៃ​បញ្ចប់​សុពល​ភាព​ការងារ​ថែ​ទាំ​ផ្លូវ​ខួបចំនួន ៣កំណាត់ ក្នុងខេត្តពោធិ៍សាត់
BREAKING NEWS! សម្តេចធិបតី អបអរសាទរចំពោះការប្រព្រឹត្តទៅដោយជោគជ័យ​នូវ​កិច្ច​ប្រជុំ​​វិសាមញ្ញ នៃ​គណៈកម្មាធិកា​រ​ព្រំដែន​ទូទៅកម្ពុជា-ថៃ
TOP STORY | សម្ដេចធិបតី បានចាត់វិធានការចាំបាច់​ជាបន្ត​បន្ទា​ប់ចំ​ពោះកា​រ​វិល​ត្រឡប់​ទ្រង់ទ្រាយ​ធំរ​បស់​ពលករ​ខ្មែរ និងជនភៀសសឹក

នយោបាយ​ និង ការអភិវឌ្ឍន៍

សម្តេចតេជោ៖ មិនថាកាលៈទេសៈណាទេ សម្តេចមិនឱនក្បាល​ទទួលយកការ​គាបសង្កត់​ពី​ប្រទេស​ណា​នោះ​ឡើយ​

2021/11/23 11:02:06 am        234
Facebook Telegram Linkin
កំពង់ចាម ៖ សម្តេចតេជោ ហ៊ុន សែន នាយករដ្ឋមន្រ្តី បានបញ្ជាក់ថា មិនថាក្នុងកាលៈទេសៈណានោះឡើយ សម្តេចមិនឱនក្បាលទទួលយកការគាបសង្កត់ ឬគំនាបពីប្រទេសណាមួយនោះទេ ខណៈការកាន់តំណែងនាយករដ្ឋមន្រ្តីរបស់សម្តេច នាពេលបច្ចុប្បន្ន និងអនាគតគឺកើតចេញពីការបោះឆ្នោតពីបងប្អូនប្រជាពលរដ្ឋទាំងអស់។ថ្លែងនៅក្នុងពិធីសម្ពោធស្ពានមិត្តភាពកម្ពុជា-ចិន (ស្ទឹងត្រង់-ក្រូចឆ្មា) ឬស្ពានភ្ជាប់និស្ស័យ និងបើកការដ្ឋានសាងសង់ផ្លូវជាតិលេខ៧១C នាព្រឹកថ្ងៃទី២៣ ខែ វិច្ឆិកា ឆ្នាំ២០២១នេះ សម្តេចតេជោ ហ៊ុន សែន បានលើកឡើងថា រាជរដ្ឋាភិបាលកម្ពុជា​បាន​ខិតខំ​យ៉ាងខ្លាំង​ ដើម្បី​កសាង​សុខសន្តិភាព ​និងការអភិវឌ្ឍជូនប្រជាពលរដ្ឋក៏ដូចជាប្រទេសទំាងមូល ​ហើយប្រសិនបើមានគំនាប ឬ​ការគាបសង្កត់​ណាមួយពីខាងក្រៅ ខណៈដែលប្រទេសកម្ពុជា កំពុងមាន​សុខសន្តិភាពនោះ គឺ​មិនអាច​ទៅ​រួចនោះឡើយ។សម្តេចតេជោ នាយករដ្ឋមន្រ្តី ក៏បានចំអកឲ្យទណ្ឌិត សម រង្ស៊ី ថាមិនទាន់បានកាន់អំណាច​ផង​មានចិត្ត និង​សម្តី​ផ្តាច់ការ​ទៅហើយ ​ខណៈដែល​ទណ្ឌិត​រត់ចោលស្រុករូបនេះ ព្រមាន​ដក​សញ្ជាតិ​អាមេរិក​របស់​ពលរដ្ឋខ្មែរ​ដែល​កំពុងរស់នៅអាមេរិក ដោយសារតែបងប្អូនខ្មែរ​ទាំងនោះ​ មាន​និន្នាការ​ប្រឆាំង​នឹងពួកគេជាដើមនោះ។សម្តេចតេជោ ហ៊ុន សែន ក៏បានអំពាវនាវដល់បងប្អូនប្រជាពលរដ្ឋខ្មែរ ដែលកំពុងរស់នៅអាមេរិក​ ហើយគាំទ្រសម្តេចនោះនាំគ្នាធ្វើបាតុកម្មប្រឆាំង នឹងការលើកឡើងរបស់ទណ្ឌិត សម រង្ស៊ីនេះ ហើយ​នាំគ្នា​ទៅសួរដល់វិមានកាពីតូល ឬក៏ព្រឹទ្ធសភារបស់អាមេរិកថា ការធ្វើរបស់បងប្អូន (គាំទ្ររាជរដ្ឋាភិបាលកម្ពុជា)នេះខុស ឬក៏ត្រូវ ហើយគប្បីប្រទេសអាមេរិក ដែល​ជា​ប្រទេស​បិតាប្រជាធិបតេយ្យ​នោះ ត្រូវដកសញ្ជាតិដែរ ឬទេ? ៕អត្ថបទ ៖ បាន ចក់

ក្រោយបើកប្រទេសពេញលេញ អាជីវករផ្នែកទេសចរណ៍ផ្តើមកើនចំណូល ពិសេសអំឡុងបុណ្យអុំទូក

2021/11/22 02:28:41 pm        475
Facebook Telegram Linkin
ភ្នំពេញ ៖ បណ្តាអាជីវករ ឬអ្នកប្រកបរបរផ្នែកសេវាទេសចរណ៍ បានចាប់ផ្តើមរកបានចំណូលល្អប្រសើរឡើងវិញ ក្រោយរាជរដ្ឋាភិបាល បានប្រកាសបើកប្រទេសពេញលេញ ជាពិសេសនៅក្រោយថ្ងៃឈប់សម្រាក នៃព្រះរាជពិធីបុណ្យអុំទូក បណ្តែតប្រទីប អកអំបុក និងសំពះព្រះខែ ។អាជីវករប្រកបរបរលក់ដូរអាហារ និងជួលគ្រែទឹក ដើម្បីបម្រើសេវាទេសចរណ៍ នៅក្នុងរមណីយដ្ឋាន​គ្រៀនស្វាយ បានប្រាប់ BTV នៅព្រឹកថ្ងៃទី២២ខែវិច្ឆិកានេះថា នៅក្នុងអំឡុងពេលកម្ពុជា ជួបវិបត្តិការ​រាតត្បាតជំងឺកូវីដ១៩ជាង១ឆ្នាំកន្លះកន្លងមកនេះ រមណីយដ្ឋានគៀនស្វាយ ពុំសូវមានភ្ញៀវច្រើន​មកលេងក​ម្សាន្តនោះទេ ប៉ុន្តែក្រោយ​ពេល​រាជរដ្ឋាភិបាល​ប្រកាស​បើកប្រទេសពេញលេញឡើងវិញ ​ទេសចរក្នុងស្រុក បានសម្រុកមកលេង​កម្សាន្តច្រើន ដោយបានធ្វើចំណូលរបស់ពួកគាត់ មាន​ការកើន​ឡើងប្រមាណពី៦០ទៅ៧០% ក្នុងអំឡុងពេលអុំទូក ដែលទើបបញ្ចប់ទៅថ្មីៗនេះ។លោក លូ ម៉េង ប្រធានសហភាពសហព័ន្ធទេសចរណ៍កម្ពុជា ថ្លែងថា នៅក្នុងអំឡុងថ្ងៃឈប់សំរាក​បុណ្យអុំទូកនេះ ទេសចរក្នុងស្រុកបានចេញដើរកម្សាន្ត ពោលគឺ​បានប្រើប្រាស់សេវានៅ​តាម​ភោជនីយដ្ឋាន អាហារដ្ឋានពេញពេញ​ ហើយបន្ទប់ស្នាក់តាមសណ្ឋាគារ ផ្ទះសំណាក់ និងតាម​ផ្ទះស្នាក់​នានា ក៏ត្រូវបានគេជួលស្នាក់នៅពេញផងដែរ ដែលនេះ គឺជាចំណុចចាប់ផ្តើមធ្វើ​អោយ​បណ្តាអាជីវកម្មដ្ឋានទេសចរណ៍ មានចំណូលល្អឡើងវិញ។ជារួមគ្នានៅថ្ងៃឈប់សំរាកបុណ្យអុំទូក លោក លូ ម៉េង បានវាយតំលៃថា សម្រាប់ភ្ញៀវទេសចរ​ដែល​ចេញ​កម្សាន្ត​នៅតាមគោលដៅទេសចរណ៍នៅជិតៗផ្ទះ គឺបានចំណាយថវិកា​ដើរកម្សាន្ត​ជា​មធ្យមជាង ១០ម៉ឺនរៀលម្នាក់ក្នុងមួយថ្ងៃ ដោយឡែកសម្រាប់ភ្ញៀវទេសចរដែលចេញដើរកម្សាន្ត​ តាមគោលដៅ​ទេសចរណ៍តាមបណ្តាខេត្តរាជធានីឆ្ងាយៗពីផ្ទះ ជាមធ្យមគេចំណាយថវិកា​ដើរ​កម្សាន្ត​ប្រមាណពី ៥០ម៉ឺនទៅ ៧០ម៉ឺនរៀលក្នុង១ក្រុមតូចៗ​ ដោយ​មិនគិតបូក​បញ្ចូល​ថ្លៃធ្វើដំណើរ។ឯកឧត្តម ថោង ខុន រដ្ឋមន្ត្រីក្រសួងទេសចរណ៍ បានឲ្យដឹងថា ​អំឡុងថ្ងៃឈប់សំរាកបុណ្យអុំទូក៣ថ្ងៃ​បូកនឹងថ្ងៃអាទិត្យមួយថ្ងៃទៀតនេះ ​មានភ្ញៀវទេសចរជាង ១លាន ១សែននាក់ ​ចេញដើរកម្សាន្ត ដោយ​កើនឡើង ២៥.៨% បើធៀប​នឹងរយៈពេលដូចគ្នា នៃពិធីបុណ្យភ្ជុំបិណ្ឌនាដើមខែតុលា ឆ្នាំ២០២១៕អត្ថបទ ស៊ុម សុខជា

អាណាព្យាបាលអះអាងថា នៅតែបង្កើនការយកចិត្តទុកចំពោះកូនៗ ទោះបីបានចាក់វ៉ាក់សាំងរួចក្តី

2021/11/22 02:19:37 pm        459
Facebook Telegram Linkin
ភ្នំពេញ ៖ ស្ថិតក្នុងបរិបទជំងឺកូវីដ-១៩ នៅថ្ងៃទី២២ ខែវិច្ឆិកានេះ អាណាព្យាបាល បានបន្តនាំកុមារអាយុពី៥ឆ្នាំឡើង ទៅទទួលការចាក់វ៉ាក់សាំងកូវីដ-១៩ នៅមន្ទីរពេទ្យកុមារជាតិ និងនៅតែបន្តយកចិត្តទុកដាក់ចំពោះពួកគេ ដើម្បីកុំឱ្យឆ្លងជំងឺកូវីដ-១៩ បើទោះជាចាក់វ៉ាក់សាំងហើយក្ដី។អាណាព្យាបាល ដែលមានកូនអាយុពី៥ឆ្នាំឡើង ទៅទទួលការចាក់វ៉ាក់សាំងកូវីដ នៅមន្ទីរពេទ្យ កុមារជាតិ នាថ្ងៃទី២២ ខែវិច្ឆិកានេះ បានប្រាប់BTVឲ្យដឹងថា ការចាក់វ៉ាក់សាំងពិតជារឿងសំខាន់ ព្រោះ អាចការពារកុំឲ្យឆ្លងជំងឺកូវីដ និងអាចឲ្យពួកគាត់ចូលសាលារៀនឡើងវិញបាន ហើយនៅតែបង្កើនការ យកចិត្តទុកចំពោះកូនៗ បើទោះបីបានចាក់វ៉ាក់សាំងរួចក្តី។ជាមួយគ្នានេះ កុមារ ដែលបានចាក់វ៉ាក់សាំង បានឲ្យដឹងដែរថា ក្រោយពីចាក់វ៉ាក់សាំងរួចសុខភាព ធម្មតា ហើយសប្បាយចិត្តព្រោះអាចចូលសាលារៀនវិញបាន ជួបមិត្តរួមថ្នាក់ និងលោកគ្រូ អ្នកគ្រូ។ពលរដ្ឋមិនទាន់ទទួលបានការចាក់វ៉ាក់សាំង រាប់បញ្ចូលទាំងកុមារអាយុពី៥ឆ្នាំឡើងទៅដែរនោះ គឺ អាចទៅទទួលការការចាក់វ៉ាក់សាំងកូវីដ-១៩ បាននៅទីតាំងសុខាភិបាលសាធារណៈ ក្នុងមូលដ្ឋាន​រស់នៅរបស់ពួកគេ ដោយភ្ជាប់ទៅជាមួយសំបុត្រកំណើត អត្តសញ្ញាណប័ណ្ណ ឬឯកសារពាក់ព័ន្ធផ្សេងៗមួយចំនួនទៀត។បច្ចុប្បន្នកម្ពុជា បានបើកដំណើរការប្រទេសឡើងវិញតាមបែបគន្លងថ្មី បន្ទាប់ពីទទួលបានជោគ ជ័យលើនយោបាយចាក់វ៉ាក់សាំងកូវីដ-១៩ ជូនពលរដ្ឋ ដែលរហូតមកដល់ពេលនេះ គឺចាក់ជូនបានជាង ១៤លាននាក់ហើយ ធៀបនឹងចំនួនប្រជាជន១៦លាននាក់៕អត្ថបទ៖ ទូច សោភ័ណ 

រដ្ឋសភា នឹងបោះឆ្នោតជ្រើសតំាងអនុប្រធានទី១ នៅថ្ងៃទី២៥ ខែវិច្ឆិកាខាងមុខ

2021/11/22 01:44:38 pm        440
Facebook Telegram Linkin
ភ្នំពេញ ៖ រដ្ឋសភា នឹងធ្វើការបោះឆ្នោតជ្រើសតំាង ឯកឧត្តមកិត្តិសេដ្ឋាបណ្ឌិត ជាម យៀប ជាអនុប្រធានទី១ ​ជំនួសឯកឧត្តមកិត្តិនីតិកោសលបណ្ឌិត ងួន ញ៉ិល ​ដែលបានទទួលមរណភាព កាលពីដើមខែនេះ។គណៈកម្មាធិការអចិន្រ្តៃយ៍រដ្ឋសភា នៅព្រឹកថ្ងៃទី២២ ខែវិចិ្ឆកា នេះ បានបើកកិច្ចប្រជុំ ក្រោមអធិប តីភាពរបស់សម្តេចពញាចក្រី ហេង សំរិន ប្រធានរដ្ឋសភា ដោយបានអនុម័តរបៀបវារៈមួយចំនួន។ នៅក្នុងអង្គប្រជុំ បានកំណត់កាលបរិច្ឆេទបន្តសម័យប្រជុំរដ្ឋសភាលើកទី៦ នីតិកាលទី៦ នៅ​ព្រឹកថ្ងៃទី២៥ ខែវិច្ឆិកា នេះដោយមានរបៀបវារៈចំនួន៦ មានដូចជា៖ទី១- ការសម្រេចអំពីសុពលភាពនៃអាណត្តិរបស់ឯកឧត្តម អ៊ុន ប៊ុនហាន ជាតំណាងរាស្រ្ត មណ្ឌលខេត្តកំពង់ធំ​ ជំនួសឯកឧត្តមកិត្តិនីតិកោសលបណ្ឌិត ងួន ញ៉ិល ដែលបានទទួលមរណភាព។២- ការបោះឆ្នោតជ្រើសតំាង ឯកឧត្តមកិត្តិសេដ្ឋាបណ្ឌិត ជាម យៀប ជាអនុប្រធានទី១ រដ្ឋសភា ។៣- ការបោះឆ្នោតជ្រើសតំាង ឯកឧត្តម ឈាង វុន ជាសមាជិកគណៈកម្មសេដ្ឋកិច្ច ហិរញ្ញវត្ថុ ធនាគារ និងសវនកម្ម នៃរដ្ឋសភា និងឯកឧត្តម ជៀប ស៊ីវន ជាសមាជិកគណៈកម្មការកិច្ចការបរទេស សហ ប្រតិបត្តិការអន្តរជាតិ ឃោសនាការ និងព័ត៌មាននៃរដ្ឋសភា។ ៤- ការពិភាក្សានិងអនុម័ត សេចក្តីព្រាងច្បាប់ ស្តីពីការអនុម័តយល់ព្រមលើពិធីសារអាស៊ាន ស្តីពី ការពង្រឹងយន្តការដោះស្រាយវិវាទ។ ៥- ការពិភាក្សា និងអនុម័ត សេចក្តីព្រាងច្បាប់ ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២២។៦- ការពិភាក្សា និងអនុម័ត សេចក្តីព្រាងច្បាប់ ស្តីពីការទូទាត់ថវិកាទូទៅរបស់រដ្ឋ សម្រាប់ការគ្រប់ គ្រងឆ្នាំ២០២០៕អត្ថបទ៖ បាន សុខរិទ្ធ

ក្រសួងវប្បធម៌ និងវិចិត្រសិល្បៈ បើកការចាក់បញ្ចាំងភាពយន្ត នៃមហោស្រពវប្បធម៌អាស៊ី-អឺរ៉ុប ២០២១

2021/11/22 12:35:44 pm        557
Facebook Telegram Linkin
ភ្នំពេញ ៖ ក្រសួងវប្បធម៌ និងវិចិត្រសិល្បៈ ព្រឹកថ្ងៃទី២២ ខែវិចិ្ឆកា ឆ្នាំ២០២១នេះ បានបើកការចាក់បញ្ចាំងខ្សែភាពយន្ត នៃមហោស្រពវប្បធម៌អាស៊ី-អឺរ៉ុបឆ្នាំ២០២១ក្រោមប្រធានបទ អាស៊ី-អឺរ៉ុប៖ ចំណងវប្បធម៌ គឺជាព្រឹត្តិការណ៍ប្រវត្តិសាស្រ្តថ្មីមួយទៀតសម្រាប់ប្រទេសកម្ពុជា ដែលធ្វើជាម្ចាស់ផ្ទះក្នុងការរៀបចំព្រឹត្តិការណ៍កិច្ចប្រជុំកំពូលអាស៊ី-អឺរ៉ុប លើកទី១៣ ទោះបីត្រូវបានពន្យាពេលជាច្រើនលើកច្រើនសារ ដោយសារវិបត្តិនៃជំងឺកូវីដ-១៩យ៉ាងណាក្តី។លោក ប៉ុក បូរក្ស ប្រធាននាយកដ្ឋានសិល្បភាពយន្ត និងផ្សព្វផ្សាយវប្បធម៌ នៃក្រសួងវប្បធម៌ និងវិចិត្រសិល្បៈបានលើកឡើងថា កម្មវិធីចាក់បញ្ចាំងភាពយន្តនៃមហោស្រពវប្បធម៌អាស៊ី-អឺរ៉ុប រៀបចំឡើង​ដោយក្រសួងវប្បធម៌ និងវិចិត្រសិល្បៈនៃព្រះរាជាណាចក្រកម្ពុជា សហការ​ជាមួយសហភាពអឺរ៉ុប ​មូលនិធិអាស៊ីអឺរ៉ុប (ASEF) គាំទ្រហិរញ្ញវត្ថុដោយសហភាពអឺរ៉ុប និង​រដ្ឋាភិបាល​នៃព្រះរាជាណាចក្រកម្ពុជា។គោលបំណងសំខាន់នៃការរៀបចំកម្មវិធីចាក់បញ្ចាំងភាពយន្តនាពេលនេះ ដែល​ជាព្រឹត្តិការណ៍​អមមួយ​នៃកិច្ចប្រជុំកំពូលអាស៊ីអឺរ៉ុបលើកទី១៣ គឺដើម្បីចូលរួមលើកស្ទួយទំនាក់ទំនង​មិត្ត​ភាព​សាមគ្គី​ភាពរវាងប្រជាជន​ និងប្រជាជន ​នៃទ្វីបទាំង២ អាស៊ី ​និងអឺរ៉ុប ពិសេសបង្កើនការ​យល់​ដឹង​ពីគ្នាទៅវិញទៅមក ​ក្នុងជីវភាពរស់នៅ​ ប្រពៃណីទំនៀមទំលាប់ និងភាពចម្រុះនៃវប្បធម៌អាស៊ី និងអឺរ៉ុប។ ភាពយន្តដែលបានដាក់ស្នើសុំចាក់បញ្ចាំងក្នុងមហោស្រពនេះ គឺសុទ្ធសឹងតែជាស្នា​ដៃ​ភាព​យន្ត​ដែល​ផលិតរួមគ្នារវាងផលិតករអាស៊ី ​និងអឺរ៉ុប ​(សហផលិតកម្ម) ឬជាស្នាដៃភាពយន្ត​ដែលមាន​ខ្លឹមសារ​បង្ហាញ​ពីទំនាក់ទំនងរវាងអាស៊ី និងអឺរ៉ុប​ ព្រមទាំងទទួលបានជោគជ័យលើឆាកអន្តរជាតិ។ លោក បានបន្ថែមទៀតថា ​ភាពយន្តទាំង០៤ចំណងជើង​ នោះរួមមាន៖ ១. ភាពយន្តរឿង ទ្វាររបង (The Gate) ផលិតក្នុងឆ្នាំ២០១៤ ​នៅក្នុងទឹកដីនៃព្រះរាជាណាចក្រកម្ពុជា ក្រោម​កិច្ច​សហការ​ផលិតរវាងកម្ពុជា បារាំង​ និងប៊ែលហ្សិក។ ភាពយន្តនេះ​ដឹកនាំរឿងដោយ​លោកRégisWargnier​ជនជាតិបារាំង។ ២. ភាពយន្តរឿង កង្វះរូបភាព (Missing the Picture) ផលិតក្នុងឆ្នាំ២០១៣ នៅក្នុង​ប្រទេសកម្ពុជា ​ក្រោមកិច្ចសហការផលិតរវាង កម្ពុជានិងបារាំង ។ រឿងកង្វះរូបភាព ដឹកនាំរឿងដោយ លោក ប៉ាន់ រិទ្ធី ​ជាផលិតករជនជាតិខ្មែរ ហើយស្នាដៃភាពយន្តរឿង​កង្វះ​រូបភាព​នេះ ទទួលបានពានរង្វាន់ពីមហាស្រពភាពយន្តអន្តរជាតិជាច្រើន ​ក្នុងនោះពានរង្វាន់ Un Certain regard Prize ក្នុងមហោស្រពភាពយន្តកាន ឆ្នាំ២០១៣។ ៣. ភាពយន្តរឿង ទាហ៊ានស្បែកស (White Soldier) ផលិតក្នុងឆ្នាំ២០១៥ ដោយប្រើប្រាស់ទីតាំងថតនៅកម្ពុជា ​ជំនួសប្រទេសវៀតណាម។ ភាពយន្តនេះ ដឹកនាំរឿងដោយលោក ÉrickZoncaជនជាតិបារាំង។ ភាពយន្តរឿង ទាហ៊ានស្បែកស ទទួលបានពានរង្វាន់ដ៏មានកិត្យានុភាពជា"ភាពយន្តទូរទស្សន៍ ឬរឿងភាគល្អបំផុត" ក្នុង​កម្មវិធី​ពានរង្វាន់ InternationalEmmy Awards។ ៤. ភាពយន្តរឿង ដុំហ្វីលចុងក្រោយ ​(The Last Reels) ផលិត​ក្នុងឆ្នាំ២០១៤ នៅក្នុងប្រទេសកម្ពុជា ​ដោយផលិតកម្មហនុមាន ​ដឹកនាំរឿងដោយ លោកស្រី សុទ្ធោ កូលីកា​ និងនិពន្ធដោយលោកIan Master ជនជាតិអង់គ្លេស។ ភាពយន្តរឿង ដុំហ្វីលចុង​ក្រោយ​ទទួល​បាន​ពានរង្វាន់«Spirit of Asia Award» ដែលជារង្វាន់ពិសេសពីមូលនិធិជប៉ុន​នៅក្នុង​មហោស្រព​ភាព​យន្តអន្តរជាតិតូក្យូឆ្នាំ២០១៤។ជាពិសេសនៅក្នុងព្រឹត្តិការណ៍​មហោស្រពវប្បធម៌​អាស៊ីអឺរ៉ុបនេះដែរ ភាពយន្តកម្ពុជា​មួយចំណង​ជើង​ទៀត គឺរឿង ប៊ូឌីញស (White Building) ក៏បានធ្វើការចាក់បញ្ចាំងនៅក្រុងព្រុចសែល ប្រទេសប៊ែលសហ្សិក​ ក្នុងកម្មវិធី Curtain Raiser កាលពីថ្ងៃទី១៥ ខែវិច្ឆិកា ​ឆ្នាំ២០២១ កន្លងទៅ​ផងដែរ។ ភាពយន្តរឿងប៊ូឌីញស ដែលនិពន្ធ ​និងដឹកនាំរឿងដោយលោក នាង កាវិច ផលិត​ក្នុងឆ្នាំ២០១៩​ នៅក្នុងប្រទេសកម្ពុជា ទទួល​បានពានរង្វាន់តួសម្តែងបុរសឆ្នើម ក្នុង​មហោស្រព​ភាព​យន្តអន្តរជាតិ ទីក្រុង Venice ប្រទេសអ៊ីតាលី កាលពីពេលថ្មីៗនេះ។ ឯកឧត្តម ហាប់ ទូច រដ្ឋលេខាធិការក្រសួងវប្បធម៌ និងវិចិត្រសិល្បៈ តំណាងដ៏ខ្ពង់ខ្ពស់លោកជំទាវ​បណ្ឌិត​សភាចារ្យ រដ្ឋមន្រ្តីក្រសួងវប្បធម៌ និងវិចិត្រសិល្បៈ ​បានថ្លែងអំណរគុណសហភាពអឺរ៉ុប មូល​និធីអាស៊ី-អឺរ៉ុប សម្រាប់ការឧបត្ថម្ភគាំទ្រដល់ការរៀបចំព្រឹត្តិការណ៍នេះ និងសូមថ្លែងអំណរ​គុណ​ដល់លោក លោកស្រីផលិតករនៃភាពយន្តទាំងអស់ខាងលើដែល​ចូលរួម​ផ្តល់កិច្ច​សហការ​ផ្តល់​ស្នាដៃ​ភាពយន្តសម្រាប់ចូលរួមក្នុងកម្មវិធីនេះ។ ជាមួយគ្នានេះ ក៏សូមថ្លែងអំណរគុណចំពោះរោងភាពយន្តLegend Cinema ​រោងភាពយន្ត Prime Cineplex ដែល​បានចូលរួមសហការផ្សព្វផ្សាយ ។ ជាពិសេសរោងភាពយន្ត​Major Cineplex by Smart ដែលបានគាំទ្រផ្តល់ទីកន្លែងសម្រាប់រៀបចំកម្មវិធីនាឱកាសនេះ និងសម្រាប់ការចាក់​បញ្ចាំង​នា​ថ្ងៃ​បន្តបន្ទាប់៕អត្ថបទ រដ្ឋា

សម្តេចតេជោ៖ អាស៊ាន-ចិន គប្បីបន្តប្រកាន់យកប្រព័ន្ធពហុភាគីនិយម

2021/11/22 12:09:20 pm        297
Facebook Telegram Linkin
ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រី បានថ្លែងស្នើឱ្យអាស៊ាន-ចិន គប្បី បន្តប្រកាន់យកប្រព័ន្ធពហុភាគីនិយម ដើម្បីជំរុញកិច្ចសហប្រតិបត្តិការលើគ្រប់វិស័យ និងដើម្បីដោះ ស្រាយនូវរាល់បញ្ហាប្រឈមរួម។ក្នុងឱកាសអញ្ជើញចូលរួមកិច្ចប្រជុំកំពូលពិសេសអាស៊ាន-ចិន ដើម្បីរំលឹកខួបអនុស្សាវរីយ៍លើក ទី៣០ នៃទំនាក់ទំនងដៃគូសន្ទនាអាស៊ាន-ចិន នាព្រឹកថ្ងៃទី២២ ខែវិច្ឆិកានេះ សម្តេចតេជោ ហ៊ុន សែន បានលើកឡើងថា អាស៊ាន-ចិន គប្បីបន្តប្រកាន់យកប្រព័ន្ធពហុភាគីនិយម ដើម្បីជំរុញ កិច្ចសហប្រតិបត្តិ ការលើគ្រប់វិស័យ និងដើម្បីដោះស្រាយនូវរាល់បញ្ហាប្រឈមរួមក្នុងតំបន់ និងសកល លោកដោយសន្តិវិធី ​និងឈរលើស្មារតី នៃការទុកចិត្តទៅវិញទៅមក និងការជឿជាក់ សំដៅរក្សាបាននូវសន្តិភាព ស្ថិរភាព និងកិច្ចសហប្រតិបត្តិការល្អប្រសើរ និងប្រកបដោយផ្លែផ្កា នៅក្នុងតំបន់។សម្ដេចតេជោ ​បានបញ្ជាក់ថា ក្នុងស្មារតីនេះ កម្ពុជាសូមគាំទ្រគំនិតផ្ដួចផ្ដើម ​ប្រារព្ធខួប២០ឆ្នាំ នៃការ ចុះហត្ថលេខាលើសេចក្តីថ្លែងការណ៍ ស្តីពីការប្រតិបត្តិរបស់បណ្តាភាគីនៅសមុទ្រចិនខាងត្បូង ក្នុងឆ្នាំ ២០២២។ កម្ពុជាក៏សូមវាយតម្លៃខ្ពស់លើវឌ្ឍនភាព នៃការចរចា​ឆ្ពោះ​ទៅ​រកការ​បញ្ចប់​ក្រុមប្រតិបត្តិនៅសមុទ្រចិនខាងត្បូង ដែលប្រកបដោយខ្លឹមសារពេញលេញ ​និងប្រសិទ្ធភាពខ្ពស់។សម្តេចតេជោ ​បានបន្តថា កម្ពុជា​សូមគាំទ្រចំពោះការលើកកម្ពស់ទំនាក់ទំនងទៅជាដៃគូយុទ្ធ សាស្ត្រ​គ្រប់​ជ្រុងជ្រោយ ​និងការអនុម័តសេចក្ដីថ្លែងការណ៍រួម ​ស្តីពីកិច្ចប្រជុំកំពូលអាស៊ាន-ចិន​ ដើម្បីរំលឹក ខួប​អនុស្សាវរីយ៍លើកទី៣០​ នៃទំនាក់ទំនងដៃគូសន្ទនាអាស៊ាន-ចិន។ កម្ពុជាក៏សូមស្វាគមន៍ផងដែរ នូវគំនិតផ្តួចផ្តើមការអភិវឌ្ឍសកលរបស់ឯកឧត្តមប្រធានាធិបតី ស៊ី ជីនពីង ​ដែលនឹងក្លាយជាកម្លាំងគាំទ្រដ៏សំខាន់ ​សម្រាប់បណ្តាប្រទេសកំពុងអភិវឌ្ឍន៍ នៅ​ក្នុងការ​ស្ដារ​សង្គម-សេដ្ឋកិច្ចឡើងវិញ ​ក្រោយវិបត្តិជំងឺកូវីដ-១៩​ និងក្នុងការលើកស្ទួយ​សិទ្ធិមនុស្ស តាម​រយៈការ​អភិវឌ្ឍ​ប្រកបដោយចីរភាព ​និងការកាត់បន្ថយភាពក្រីក្រ។ ក្នុងន័យនេះ កម្ពុជាសង្ឃឹមថា ​គំនិតផ្ដួចផ្តើមនេះ​ នឹងបំពេញបន្ថែម​ និងគាំទ្រដល់ភាពជាដៃគូ យុទ្ធសាស្ត្រ​គ្រប់ជ្រុងជ្រោយ​របស់អាស៊ាន-ចិន​ ឱ្យកាន់តែមានអត្ថន័យខ្លឹមសារ ផ្អែក​លើ​កិច្ច​សហប្រតិបត្តិ ​ការជាក់ស្តែង ​ដែលផ្តល់ប្រយោជន៍ទៅវិញទៅមក៕អត្ថបទ៖ មុត សុទ្ធ

សម្តេចតេជោ ស្នើឱ្យចិនបើកការធ្វើដំណើរចេញចូលប្រទេសរវាងអាស៊ាន-ចិនឡើងវិញឆាប់ៗ

2021/11/22 12:03:28 pm        295
Facebook Telegram Linkin
ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រី បានស្នើលើកទឹកចិត្តឱ្យចិនបើក ការធ្វើដំណើរចេញ-ចូលប្រទេសរវាងតំបន់ទាំងពីរអាស៊ាន-ចិន ឡើងវិញ សំដៅពង្រឹង និងលើកស្ទួយនូវវិស័យទេសចរណ៍ សេវាកម្មដឹកជញ្ជូនតាមផ្លូវអាកាស សកម្មភាពធុរកិច្ចពាណិជ្ជកម្ម និងការវិនិយោគ។ក្នុងពេលអញ្ជើញចូលរួមកិច្ចប្រជុំកំពូលពិសេសអាស៊ាន-ចិន ដើម្បីរំលឹកខួបអនុស្សាវរីយ៍លើកទី ៣០ នៃទំនាក់ទំនងដៃគូសន្ទនាអាស៊ាន-ចិន នៅព្រឹកថ្ងៃទី២២ ខែវិច្ឆិកានេះ សម្ដេចតេជោ ហ៊ុន សែន បានថ្លែងថា ក្នុងរយៈពេលបីទសវត្សរ៍កន្លងមកនេះអាស៊ាន-ចិន បានបង្កើតទំនាក់ទំនង​ដ៏ស្អិត​រមួត​ប្រកបដោយសាមគ្គីភាព និងផ្លែផ្កា ដែលផ្តល់ប្រយោជន៍ឱ្យគ្នាទៅវិញទៅមក និងចូលរួមចំណែក​យ៉ាង​សំខាន់ ក្នុងការនាំមកនូវសន្តិភាព ស្ថិរភាព សន្តិសុខ វិបុលភាព​ និងការអភិវឌ្ឍសង្គម-សេដ្ឋកិច្ច ប្រកបដោយចីរភាព ​និងបរិយាប័ន្ន ​នៅក្នុងតំបន់ទាំងពីរ។ស្របពេលដែលចិនបានក្លាយជាប្រទេសមហាអំណាចឈានមុខមួយ ​និងមានតួនាទីកាន់តែសំខាន់ និង​ច្រើនឡើង ទាំងក្នុងតំបន់​ និងសកលលោក​ ហើយអាស៊ាន​ ក៏បានបំពេញ តួនាទីកាន់​តែ​ទូលំទូលាយ​នោះ ​ទំនាក់ទំនងអាស៊ាន-ចិន នឹងក្លាយជាទំនាក់ទំនងមួយ ដែលកាន់តែសំខាន់ និង​ចាំបាច់ និងដែលមានអត្ថន័យធំធេង ​និងប្រកបដោយផ្លែផ្កា ​សម្រាប់តំបន់ទាំងពីរ ក៏ដូចជា សម្រាប់​សកលលោក​ទាំងមូល ​ជាពិសេសនៅក្នុងបរិការណ៍នៃការស្តារ ​និងជំរុញកំណើនសង្គម-សេដ្ឋកិច្ច ឡើងវិញ ក្នុងបរិបទនៃជំងឺកូវីដ-១៩ ។សម្តេចតេជោ បានបន្តថា ជាទិសដៅអនាគត កម្ពុជាសូមលើកទឹកចិត្តឱ្យអាស៊ាន-ចិន​ បន្តពង្រឹង ការតភ្ជាប់ក្នុងតំបន់ ស្របតាមស្មារតីនៃសេចក្តីថ្លែងការណ៍រួមអាស៊ាន-ចិន ស្តីពីការរួមផ្សំ​ផែនការ​មេតភ្ជាប់ អាស៊ាន ឆ្នាំ២០២៥ (MPAC 2025) ​និងគំនិត​ផ្តួចផ្តើម​ខ្សែក្រវាត់ និងផ្លូវ (BRI) ដើម្បី​បង្កើន​ប្រសិទ្ធភាព រំហូរទំនិញ សេវាកម្ម​ និងចលនាប្រជាជន​។ ជាមួយគ្នានេះ បន្ថែមលើកិច្ចព្រមព្រៀងពាណិជ្ជកម្មសេរី អាស៊ាន-ចិន ការទាញប្រយោជន៍​ជា​អតិបរិមា​ពីកិច្ចព្រមព្រៀង ​ស្តីពីភាពជាដៃគូសេដ្ឋកិច្ចគ្រប់ជ្រុងជ្រោយ ​ក្នុងតំបន់ (RCEP) គួរ​ត្រូវ​បាន​ជំរុញ​ និងយកចត្តិទុកដាក់បន្ថែម​ ដែលការណ៍នេះ​ នឹង​ពង្រឹងមូលដ្ឋានគ្រឹះ នៃ​កំណើន​សេដ្ឋកិច្ច​សម្រាប់​រយៈពេលវែង ​ព្រមទាំង​នឹងនាំមកនូវវិបុលភាពទៅវិញទៅមក​ ស្របតាមចក្ខុ វិស័យ នៃ​ភាព​ជាដៃគូយុទ្ធសាស្ត្រ អាស៊ាន-ចិន ឆ្នាំ ២០៣០។សម្ដេចតេជោ បានបញ្ជាក់ថា កម្ពុជា សូមអបអរសាទរចំពោះប្រទេសចិន ​ដែលបានស្តារ និងជំរុញ កំណើន​សង្គម-សេដ្ឋកិច្ចឡើងវិញឆាប់រហ័ស ​ជាមួយនឹងកំណើនប្រមាណ៩,៨% ក្នុង​រយៈពេលត្រឹម​តែ៩ ​ខែដំបូង ក្នុងឆ្នាំនេះ។ ​កម្ពុជា ក៏សូមអរគុណ​ និងវាយតម្លៃ ​ខ្ពស់ចំពោះចិន ដែលបានចូលរួម​យ៉ាង​សកម្ម ​ក្នុងការប្រយុទ្ធនឹងជំងឺកូវីដ-១៩​ និង​ការស្តារ​ និងជំរុញកំណើនសង្គម-សេដ្ឋកិច្ចឡើងវិញ នៅកម្ពុជា ក៏ដូច ជានៅក្នុងតំបន់ និងសកលលោក៕អត្ថបទ៖ មុត សុទ្ធ

៤ថ្ងៃភ្ញៀវទេសចរដើរកម្សាន្ត តាមរមណីយដ្ឋាននានាក្នុងខេត្តសៀមរាប ប្រមាណ១៤ម៉ឺននាក់

2021/11/22 11:51:09 am        640
Facebook Telegram Linkin
សៀមរាប ៖ មន្ទីរទេសចរណ៍ខេត្ដសៀមរាប បានអះអាងថា ក្នុងរយៈពេល៤ថ្ងៃ ចាប់ពីពីថ្ងៃទី១៨-២១ ខែ វិច្ឆិកា ឆ្នាំ២០២១ មានភ្ញៀវទេសចរជាតិ និងអន្ដរជាតិ ជាង១៤ម៉ឺននាក់ ទៅដើរកំសាន្ដនៅរណីយដ្ឋានខេត្ដសៀមរាប នាឱកាសព្រះរាជពិធីបុណ្យអំទូកអកអំបុក សំពះព្រះខែ និងបណ្ដែតប្រទីប នៅខេត្ដសៀមរាប។លោក ង៉ូវ សេងកាក់ ប្រធានមន្ទីរទេសចរណ៍ខេត្ដសៀមរាប មានប្រសាសន៍ថា ក្នុង​ចំណោម​ភ្ញៀវទេសចរ​ទាំង១៤១,២១៩ នាក់ ក្នុងនោះ ភ្ញៀវទេសចរបរទេសស្នាក់នៅក្នុងប្រទេសកម្ពុជា មាន​ចំនួន ១.២១៩ នាក់ ។លោកបញ្ជាក់ថា ភ្ញៀវជាតិមានចំនួនប្រមាណ ១៤០.០០០ នាក់ អ្នកទេសចរមក​ពី​តាម​បណ្តាខេត្ត​មាន​ចំនួនប្រមាណ ៧០-៨០% និងប្រមាណជា ១០០,០០០-១១០.០០០ នាក់ ដែល​ធ្វើដំណើរ​កម្សាន្ត​ជា​លក្ខណៈគ្រួសារ។ទីតាំងដែលពួកគាត់ទៅទស្សនា​កំសាន្ដនោះ​ រួមមាន រមណីយដ្ឋាន​អង្គរ​មាន​ចំនួនប្រមាណ ​៩៣.០០០ នាក់ រមណីយដ្ឋានឧទ្យានជាតិភ្នំគូលែន មានចំនួប្រមាណ ១៥.៤០០ នាក់ សហគមន៍ទេសចរណ៍-អេកូទេសចរណ៍ ​និងតំបន់ផ្សេងៗ មានចំនួនប្រមាណ ៣១.៦០០ នាក់៕

លោកជំទាវ ហ៊ុន ម៉ាណា អញ្ជើញប្រគល់ផ្ទះទេវតាពីរខ្នងជូនទុរគតជន ជនចាស់ជរាគ្មានទីពឹង និងប្រគេនទេយ្យទានដល់វត្ត៤ ក្នុងខេត្តតាកែវ

2021/11/21 08:52:53 pm        508
Facebook Telegram Linkin
តាកែវ ៖ លោកជំទាវ ហ៊ុន ម៉ាណា អគ្គនាយិកាវិទ្យុ និងទូរទស្សន៍បាយ័ន និងជាប្រធានកម្មវិធីផ្ទះទេវតា បានដឹកនាំក្រុមការងារ អញ្ជើញចុះប្រគល់ផ្ទះទេវតាចំនួន០២ខ្នងទៀត ជូនដល់ទុរគតជន ជនចាស់ជរាគ្មានទីពឹង នៅខេត្តតាកែវ នាព្រឹកថ្ងៃទី២១ ខែវិច្ឆិកា ឆ្នាំ២០២១ នេះ។ ក្នុងពិធីប្រគល់ផ្ទះទេវតានេះ លោកជំទាវ ហ៊ុន ម៉ាណា បាននាំយកនូវប្រសាសន៍​ផ្ដាំផ្ញើ​សាកសួរ​សុខទុក្ខ​ពីសំណាក់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលជានិច្ចកាល សម្តេចទាំងពីរតែងគិតអំពីសុខទុក្ខដល់ប្រជាពលរដ្ឋគ្រប់ទីកន្លែង និងគ្រប់ពេលវេលា។សូមបញ្ជាក់ថា ផ្ទះទី១ មានទំហំ៨គុណ ១១ម៉ែត្រ សង់ជូនគ្រួសារប្អូនស្រី ស៊ាន ស្រីនិច ជាជនពិការជើង រស់នៅភូមិក្រាំងឈើនាង ឃុំអង្កាញ់ ស្រុកទ្រាំង ខេត្តតាកែវ។ ប្អូនស្រីមានជំងឺហើមជើងពីកំណើត(ជើងដំរី) រស់នៅជាមួយសមាជិកគ្រួសារ៦នាក់ ក្នុងជីវភាពក្រីក្រលំបាក។ ផ្ទះនេះជាអំណោយកេរ្តិ៍មរកតរបស់ អ្នកឧកញ៉ា ព្រឹទ្ធមហាឧបាសិកាធម្មញ្ញាណវិវឌ្ឍនា ប៊ុន ស៊ាងលី។ផ្ទះទី២ មានទំហំ៦គុណ៧ម៉ែត្រ សង់ជូនគ្រួសារលោកយាយ ប្រាក់ សារឿន អាយុ ៦២ឆ្នាំរស់នៅ ភូមិកន្សោមអក ឃុំព្រៃខ្លា ស្រុកកោះអណ្ដែត ខេត្តតាកែវ។ ជាអំណោយកេរ្ត៍មរតករបស់អ្នកឧកញ៉ា ព្រឹទ្ធមហាឧបាសិកាធម្មញ្ញាណវិវឌ្ឍនា ប៊ុន ស៊ាងលី។ជាមួយនេះពួកគាត់ក៏បានទទួលអំណោយពីសម្តេចតេជោ និងសម្តេចកិត្តិព្រឹទ្ធបណ្ឌិត បន្ថែមទៀត​រួមមាន ៖ សម្ភារៈប្រើប្រាស់ក្នុងផ្ទះ គ្រឿងឧបភោគ-បរិភោគ ជាច្រើនមុខ និងថវិកា​មួយ​ចំនួន​ទៀត​ផងដែរ។ ជាមួយនេះលោកយាយ លោកតា និងសិស្សានុសិស្ស​ដែលបានចូលរួម​អបអរពិធី​ប្រគល់​ផ្ទះទេវតានេះដែរ រួមមាន ៖ សម្ភារៈសិក្សា នំកញ្ចប់ សំលៀកបំពាក់ ជែលលាងដៃ សាប៊ូលាងដៃ និងថវិកាមួយចំនួន។នៅព្រឹកថ្ងៃដដែលនេះដែរលោកជំទាវ ក៏បាននាំយកទេយ្យវត្ថុរបស់អ្នកឧកញ៉ា ព្រឹទ្ធមហាឧបាសិកាធម្មញ្ញាណវិវឌ្ឍនា ប៊ុន ស៊ាងលី មួយចំនួនធំមានជាស្បៀងអាហារ គ្រឿងឧបភោគ-បរិភោគ និងសម្ភារៈប្រើប្រាស់ជាច្រើនមុខ​យកទៅ​ប្រគេន​តាម​បណ្តា​វត្ត​ចំនួន០៤​ក្នុងស្រុកទ្រាំង ​និងស្រុកកោះអណ្តែត ខេត្តតាកែវ ដោយមានការចូលរួមពី ឯកឧត្តម អ៊ូច ភា អភិបាលខេត្តតាកែវផងដែរ។លោកជំទាវ បានជម្រាបពីការតែងបារម្ភ និងគិតគូរចំពោះព្រះសង្ឃគ្រប់ព្រះអង្គតាមទីអារាមនានា​ក្នុង​ប្រទេសកម្ពុជា ជាពិសេសក្នុងដំណាក់កាលដែលយើងប្រឈម នឹងបញ្ហាកូវីដ-១៩ ហើយការ​នាំ​យក​ទេយ្យវត្ថុ​មកប្រគេន​ជូននៅពេលនេះគឺ ​អាចចូលរួមចំណែកជួយសម្រាលនូវការលំបាក​របស់​ព្រះសង្ឃគ្រប់​អង្គបានមួយចំណែកផងដែរ ។ វត្តទាំង៤ដែលទទួលបានទេយវត្ថុនាពេលនេះរួមមាន ៖១-វត្តជួស ឃុំជីខ្មា ២-វត្តថ្មផុស ឃុំជីខ្មា៣-វត្តកសាងបវ ហៅវត្តដូនភើ ឃុំខ្វាវ៤-វត្តឫស្សីស្រុក ឃុំអង្គកែវទេយ្យវត្ថុដែលប្រគេនក្នុង១វត្តៗរួមមាន៖០១-អង្ករ១តោន ០២-ត្រីខ ចំនួន១កេស មាន១០យួរ០៣-មីចំនួន៥កេសធំ ០៤-ភេសជ្ជៈខារ៉ាបាវ ចំនួន៣កេស០៥-ត្រីងៀតចំនួន ១០ គីឡូក្រាម០៦-សាច់ក្រកចំនួន ១០ គីឡូក្រាម០៧- សាច់ជ្រូកផាត់ ចំនួន១០ គីឡូក្រាម០៨-ទឹកដោះគោខាប់ ចំនួន២កេស ០៩-កាហ្វេ ចំនួន ៥កញ្ចប់ធំ ១០-តែចំនួន ២គីឡូក្រាម១១-ស្ករសចំនួន១បេ ១២-អំបិលចំនួន១បេ១៣-ប៊ីចេងចំនួន១បេ ១៤- ទឹកត្រីចំនួន៥យួ ១៥- ទឹកស៊ីអ៊ីវចំនួន៥យួរ ១៦- សាប៊ូដុំ ចំនួន ៣០ ដុំតូច១៧- ច្រាស និងថ្នាំដុសធ្មេញ ចំនួន១០០ឈុត១៨- វីតាមីនសេ ចំនួន ១០ ប្រអប់ ១៩- ប្រេងកូឡា ចំនួន ៥ ដុំ ២០- ប្រេងខ្យល់ ចំនួន៥ដុំ ២១- ម៉ាស ចំនួន១០០០ម៉ាស ២២- អាល់កុលសម្លាប់មេរោគ ចំនួន៤កាន ២៣- ដបសំរាប់ដាក់អាល់កុល ចំនួន១០ ដប២៤- ស្លាដក់ចំនួន៤៩២៥- ថវិកា ចំនួន២លានរៀល៕

អាជ្ញាធរខេត្តស្ទឹងត្រែង ចុះត្រួតពិនិត្យការសាសង់ផ្លូវបេតុងចំនួន២ខ្សែ ក្នុងស្រុកថាឡាបរិវ៉ាត់

2021/11/21 01:00:43 pm        622
Facebook Telegram Linkin
ស្ទឹងត្រែង ៖ នៅថ្ងៃម្សិលមិញនេះ ឯកឧត្តម ស្វាយ សំអ៊ាង អភិបាលខេត្តស្ទឹងត្រែង បានដឹកនាំក្រុមការងារបច្ចេកទេស ចុះត្រួតពិនិត្យការដ្ឋានស្ថាបនាផ្លូវបេតុងប្រវែង៦គីឡូនឹង៣០ម៉ែត្រ ទទឹង៥ម៉ែត្រ លូមូលចំនួន ១៦កន្លែង លូប្រអប់ចំនួន២កន្លែង នឹងស្ពានធំៗចំនួន២កន្លែង (ទី១ ស្ពានអូរត្រែលប្រវែង៩០ម៉ែត្រ និងទី២ ស្ពានកាំងតេជោប្រវែង ៣០ម៉ែត្រ) ក្រោមគម្រោងគ្រប់គ្រងគ្រោះមហន្តរាយនៅកម្ពុជា និងអាស៊ីអាគ្នេយ៍។ក្នុងឱកាសនោះ ឯកឧត្តម អភិបាលខេត្ត បានបន្តពិនិត្យការងារសាងសង់ផ្លូវបេតុងចំនួន ១ខ្សែទៀត​ប្រវែងសរុប ៣៩៨ម៉ែត្រ ទទឹង៦ម៉ែត្រ និងការងារជួសជុលផ្លូវក្រាលគ្រួសក្រហមប្រវែង ១,០០០ ម៉ែត្រ និងទទឹង៦ (ថវិកាមូលនិធិស្រុកនិងឃុំ) ផ្លូវខាងលើនេះ តភ្ជាប់ពីត្រើយម្ខាងនៃស្ពាន​មិត្តភាពកម្ពុជា-ចិនមេគង្គ តាមបណ្តោយទន្លេមេគង្គ ស្ថិតនៅចំណុច ភូមិអូរត្រែល ឃុំថាឡាបរិវ៉ាត់ ស្រុកថាឡាបរិវ៉ាត់ ឆ្ពោះទៅកាន់ ទីរួមស្រុកថាឡាបរិវ៉ាត់ ខេត្តស្ទឹងត្រែង។ឯកឧត្តម ស្វាយ សំអ៊ាង បានមានប្រសាសន៍ថា សមិទ្ធផល​សំខាន់ៗ​ខាង​លើនេះ​ជា​អំណោយ​ដ៏ថ្លៃថ្លា​របស់រាជរដ្ឋាភិបាលដឹកនាំដោយសម្តេចតេជោ ហ៊ុន សែន នាយករដ្ឋមន្ត្រី ផ្តល់​ជូន​ដល់​ប្រជាពលរដ្ឋ តាមរយៈមន្ទីរអភិវឌ្ឍន៍ជនបទ និងរដ្ឋបាលខេត្ត ដើម្បីបង្កលក្ខណៈងាយស្រួលកាន់​តែច្រើនសម្រាប់ប្រជាពលរដ្ឋមូលដ្ឋានធ្វើដំណើរដោយសុវត្ថភាព។ក្នុងឱកាសនោះឯកឧត្តម អភិបាលខេត្ត បានណែនាំដល់ក្រុមការងារស្ថាបនាផ្លូវត្រូវខិតខំ​ប្រឹងប្រែង​ក្នុង​ការស្ថាបនាឲ្យបានលឿន និងស្របទៅ​តាមបទដ្ឋាន​បច្ចេកទេស​ត្រឹមត្រូវ ដើម្បីធានា​ដល់ការ​ប្រើប្រាស់​ប្រកប​ដោយគុណភាពខ្ពស់ ​និងតាមស្តង់ដារ ​បទដ្ឋាននឹង សំណូមពរដល់​ប្រជាពលរដ្ឋ​ដែលរស់នៅតាមបណ្ដោយផ្លូវនេះ ត្រូវចេះថែរក្សា ដើម្បីឲ្យផ្លូវមួយនេះបានគង់វង្ស និង​បង្ក​លក្ខណៈងាយ​ស្រួល​ក្នុងការធ្វើដំណើរ ​បានយូរអង្វែង​ និងសូមចូលរួមអនុវត្ត ៣កុំ ៣ការពារ ទាំងអស់គ្នា ដើម្បីទប់ស្កាត់ និងការពារនៅការឆ្លងជំងឺកូវីដ៕អត្ថបទ ៖ មាស ផ​ល្លា

បណ្ដាញសង្គម

ព័ត៌មានថ្មីៗ

PRESS BRIEFING – Update on the implementation of the immediate and unconditional ceasefire agreement between Cambodia and Thailand (7:00AM, August 10, 2025)
08/10/2025 08:08 AM
Facebook Telegram Linkin
BREAKING NEWS! មនុស្ស ៣នាក់ ត្រូវបានបាញ់ឲ្យរងរបួសនៅទីលានចតុរង្គ Times Square ទីក្រុងញូវយ៉ក
08/10/2025 08:08 AM
Facebook Telegram Linkin
ថ្ងៃនេះ ក្រុមអនុព័ន្ធយោធាបរទេសប្រចាំកម្ពុជា (MACPP) ចំនួន ៩ប្រទេស ធ្វើដំណើរទៅ​ពិនិត្យ​ស្ថានភាព​ជាក់ស្តែង និងទីតាំងស្នាក់នៅជនភៀសសឹក ខេត្តឧត្តរមានជ័យ
08/10/2025 08:08 AM
Facebook Telegram Linkin
មនុស្សបីនាក់ បានរងរបួស ក្នុងការបាញ់ប្រហារនៅទីលាន Times Square ក្នុងទីក្រុងញូវយ៉ក
08/09/2025 06:08 PM
Facebook Telegram Linkin
គណៈកម្មាធិការថ្នាក់រដ្ឋមន្ត្រីអារ៉ាប់ ឲ្យអ៊ីស្រាអែលទទួលខុសត្រូវទាំងស្រុង ចំពោះអំពើប្រល័យពូជសាសន៍ដែលកំពុងបន្តនៅហ្កាហ្សា
08/09/2025 06:08 PM
Facebook Telegram Linkin
យោធាកូរ៉េខាងត្បូង និយាយថា កូរ៉េខាងជើងកំពុងដកឧបករណ៍បំពងសំឡេងចេញពីព្រំដែនដ៏តានតឹងរបស់ពួកគេ
08/09/2025 05:08 PM
Facebook Telegram Linkin
ទូរទស្សន៍រដ្ឋនិយាយថា ប្រទេសស៊ីរី នឹងមិនចូលរួមក្នុងកិច្ចប្រជុំ ជាមួយកងកម្លាំង SDF ដឹកនាំដោយឃើដ នៅទីក្រុងប៉ារីសទេ
08/09/2025 05:08 PM
Facebook Telegram Linkin
កម្ពុជាអំពាវនាវដល់ថៃ សូមដោះលែងឱ្យបានឆាប់នូវកងទ័ពកម្ពុជា ដែលថៃចាប់ខ្លួនយកទៅ មានរយៈពេល ១១ ថ្ងៃហើយ
08/09/2025 05:08 PM
Facebook Telegram Linkin
ប្រមុខកងទ័ពអាកាស៖ ឥណ្ឌាបានបាញ់ទម្លាក់យន្តហោះចម្បាំងប៉ាគីស្ថានចំនួន ៥គ្រឿង និងយន្តហោះយោធា ១គ្រឿង កាលពីខែឧសភា
08/09/2025 04:08 PM
Facebook Telegram Linkin
ក្រុមអ្នកស្ម័គ្រចិត្ត៖ ជនស៊ីវិលយ៉ាងតិច ១៦នាក់ ស្លាប់ និង ៨នាក់ រងរបួស ក្នុងការវាយប្រហារដោយកងកម្លាំងយោធាប៉ារ៉ា នៅស៊ូដង់
08/09/2025 04:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.