នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ធនាគារជាតិ ដាក់ឱ្យប្រើប្រាស់ប្រព័ន្ធវដ្តករសាស្រ្តហិរញ្ញវត្ថុ ដើម្បីបង្កើនការយល់ដឹងដល់ភាគីពាក់ព័ន្ធ
គិតត្រឹមត្រីមាសទី១ឆ្នាំនេះ សហគ្រាស ក្រុមហ៊ុន រោងចក្រនៅកម្ពុជា កើនដល់ជាង ៤៧ ០០០ សហគ្រាស ខណៈចំនួនកម្មករនិយោជិតកើនឡើងដល់ប្រមាណ ២,៣លាននាក់
ត្រីមាសទី១ឆ្នាំនេះ កម្ពុជានាំចេញកង់ មានទឹកប្រាក់ជាង ២០១ លានដុល្លារ កើនឡើងជិត ៤៤%
រោងចក្រ វិរៈ ប៊ុនថាំ ជីកសិកម្ម មានសមត្ថភាពផលិតបានប្រមាណ ២០០តោន ក្នុង​មួយ​ថ្ងៃ​សម្ពោធ​ដាក់​ឱ្យដំណើរការជាផ្លូវការ

សេដ្ឋកិច្ច និង កសិកម្ម

ការប្រើប្រាស់ប្រព័ន្ធឌីជីថល ផ្តល់ដល់ប្រសិទ្ធភាពនៃការប្រមូលចំណូល

2022/09/06 03:22:40 pm        792
Facebook Telegram Linkin
ភ្នំពេញ៖ ការផ្សារភ្ជាប់បរិវត្តកម្មឌីជីថល ​ទៅនឹងកម្មវិធីកែទម្រងការគ្រប់គ្រងហិរញ្ញវត្ថុសាធារណៈ បានធ្វើឱ្យការប្រមូលចំណូលមានភាពល្អប្រសើរ ​និងឡើងជារៀងរាល់ឆ្នាំ ​តាមរយៈការដាក់ចេញ​នូវយុទ្ធសាស្ត្រ​កៀរគរ​ចំណូល, ពិសេសការពង្រីកនូវការប្រើប្រាស់ប្រព័ន្ធឌីជីថល សម្រាប់គ្រប់គ្រង​ការប្រមូលពន្ធ។ឯកឧត្តម វង្សី វិស្សុត រដ្ឋមន្រ្តីប្រតិភូអមនាយករដ្ឋមន្រ្តី ​និងជារដ្ឋលេខាធិការក្រសួងសេដ្ឋកិច្ច និង​ហិរញ្ញវត្ថុ លើកឡើងនៅក្នុងសិក្ខាសាលាប្រចាំតំបន់ស្តីពី “រដ្ឋាភិបាលឌីជីថល និងឌីជីថលនីយ​កម្មការ​គ្រប់គ្រង​ហិរញ្ញវត្ថុ​សាធារណៈ” នៅសណ្ឋាគារ ​Sofitel Angkor Phokeethra ខេត្តសៀមរាប ថ្ងៃទី ៥ ខែសីហា ឆ្នាំ ២០២២ នេះថា ​ក្នុងយុគសម័យសកលភាវូបនីយកម្មឌីជីថល ដែលមាន​បដិវត្តន៍​ឧស្សាហកម្ម ៤.០ ​ជានិន្នាការដឹកមុខ, បច្ចេកវិទ្យាឌីជីថលបានបោះជំហានយ៉ាងលឿន ហើយបានក្លាយជាកត្តាគន្លឹះសម្រាប់ជំរុញការគ្របដណ្តប់ និងការតភ្ជាប់បណ្តាសេដ្ឋកិច្ច និង​សង្គមនៅទូទាំងពិភពលោក ឱ្យកាន់តែស្អិតរមួត, ខិតជិតគ្នា ​និងអាស្រ័យគ្នាទៅវិញទៅមក ។ ក្នុងឆ្នាំ ២០២២ នេះ រាជរដ្ឋាភិបាលក៏បានប្រកាសដាក់ឱ្យអនុវត្ត គោលនយោបាយរដ្ឋាភិបាល​ឌីជីថលកម្ពុជា ២០២២-២០៣៥ ​ដើម្បីធ្វើបរិវត្តកម្មឌីជីថល ប្រព័ន្ធអភិបាលកិច្ចរបស់វិស័យ​សាធារណៈ, ​ទាំងថ្នាក់ជាតិ និងថ្នាក់ក្រោមជាតិ, ​សំដៅកសាងរដ្ឋាភិបាលរឹងមាំ ឆ្លាត និងស្អាតស្អំ។ ជាមួយគ្នានេះ ​រាជរដ្ឋាភិបាលបានបន្តការសាងប្រព័ន្ធហិរញ្ញវត្ថុសាធារណៈឱ្យកាន់តែមានភាពរឹងមាំ ជាមួយ​នឹងលក្ខខណ្ឌចាំបាច់ផ្សេងៗទៀតមានដូចជា ​ការកសាងប្រព័ន្ធបច្ចេកវិទ្យាព័ត៌មាន ក្រប​ខ័ណ្ឌច្បាប់​និង​បទប្បញ្ញត្តិ ក៏ដូចជាការកសាង​ និងអភិវឌ្ឍន៍​ធនធានមនុស្ស ដែលកត្តានឹងជួយគាំទ្រ​ដល់ការងារកែទម្រង់របស់យើងផងដែរ ជាក់ស្តែងក្នុងរយៈពេលជាង ២ ឆ្នាំមកនេះ, រាជរដ្ឋាភិបាល​កម្ពុជា​មិនត្រឹមតែបានបន្តខិតខំរៀបចំ និងដាក់ឱ្យអនុវត្តនូវផែនការយុទ្ធសាស្ត្រគោលនយោបាយ និងលិខិតបទដ្ឋានគតិយុត្តប៉ុណ្ណោះទេ​ គឺបានកសាងប្រព័ន្ធ ​និងសិក្សានូវឧត្តមានុវត្តន៍អន្តរជាតិ ក៏ដូចជា​ពង្រឹងកិច្ចសហប្រតិបត្តិការល្អជាមួយគ្រប់តួអង្គទាំងអស់ ​ដើម្បីរក្សាបាននូវជវភាព នៃការងារកែ​ទម្រង់ការគ្រប់គ្រងហិរញ្ញវត្ថុសាធារណៈ។ ឯកឧត្តម វង្សី វិស្សុត បានបញ្ជាក់ថា ជារួមការផ្សារភ្ជាប់បរិវត្តកម្មឌីជីថលទៅ​នឹងកម្មវិធី​កែទម្រងការ​គ្រប់គ្រង​ហិរញ្ញវត្ថុសាធារណៈ ​បានធ្វើឱ្យការប្រមូលចំណូលមានភាពល្អប្រសើរ តាមរយៈការដាក់​ចេញនូវយុទ្ធសាស្ត្រគៀរគរចំណូល, ​ពិសេសការពង្រីកនូវការប្រើប្រាស់ប្រព័ន្ធឌីជីថល សម្រាប់​គ្រប់គ្រងការប្រមូលពន្ធ ដូចជា E-Registraion, E-Filing, E-Payment និង E-VAT refund, ប្រព័ន្ធបច្ចេកវិទ្យា​ព័ត៌មាន​គ្រប់គ្រងចំណូលមិនមែនសារពើពន្ធ (NRMIS) និង​ប្រព័ន្ធអាស៊ីគូដា) ជាដើម៕អត្ថបទ៖ សុន រ៉ាឌី

តម្លៃហាងឆេងមាសកំពុងបន្តធ្លាក់ចុះ ខណៈអត្រាលុយដុល្លារកំពុងមានតម្រូវការខ្ពស់

2022/09/06 03:09:18 pm        1030
Facebook Telegram Linkin
ភ្នំពេញ៖ តម្លៃហាងឆេងមាស កំពុងបន្តធ្លាក់ចុះ ​ស្របពេល​ធនាគារ​កណ្តាល​សហរដ្ឋអាមេរិក​បានដំឡើងអត្រាការប្រាក់ដុល្លារ ​ធ្វើឱ្យលុយដុល្លារអាមរិក ​មានតម្រូវការលើទីផ្សារខ្ពស់ ។លោក ឈា ឆាយហេង ប្រធានផ្នែកប្រឹក្សាយោបល់ហិរញ្ញវត្ថុ នៃក្រុមហ៊ុន PP Link Securities លើកឡើងនៅថ្ងៃទី ០៦ ខែកញ្ញា ឆ្នាំ២០២២នេះថា ធនាគារកណ្តាលសហរដ្ឋអាមេរិក បានតម្លៃអត្រាប្រាក់ប្រមាណ ០.៧៥% ។ នៅក្នុងរយៈពេលនេះសម្រាប់អ្នកវិនិយោគបានមើលឃើញអត្ថប្រយោជន៍កាន់លុយដុល្លារ ប្រសើរ​ជាង​កាន់មាស​ សម្រាប់ឱកាសស្វែងរកប្រាក់ចំណេញផ្សេងៗ ដែលបានធ្វើឲ្យទីផ្សារមាសបាត់បង់​តម្រូវការ។តម្លៃហាងឆេងមាសបានបន្តធ្លាក់ថ្លៃក្នុងរង្វង់ប្រមាណជា ១០០ ដុល្លារ ក្នុងមួយអោន ពោលគឺពី ១ ៨០០ ដុល្លារអាមេរិក ​មកនៅត្រឹម ១ ៧០០ ដុល្លាអាមេរិក​ ក្នុងមួយអោន។ ​ជាក់ស្តែងនៅព្រឹកនេះ គឺស្ថិតនៅ ១ ៧១៧ ដុល្លារក្នុងមួយអោន​​។លោក ឈា ឆាយហេង បន្តថា ទាក់ទងនឹងតម្លៃមាសធ្លាក់ចុះនេះ ​ចំពោះអ្នកធ្វើអាជីវកម្មមាស ដែល​មាន​មាសនៅក្នុងដៃ​ ប្រាកដជាមានការប៉ះពាល់ ប៉ុន្តែវាក៏ជាឱកាសសម្រាប់អ្នកត្រូវការទិញក្នុង​ពេល​បច្ចុប្បន្នផងដែរ ព្រោះខណៈនេះទីផ្សារមាសកំពុងបន្តធ្លាក់ចុះ ​ដែលអាចនឹងបន្ត ​ក្នុងរយៈពេល ២ ទៅ ៣ខែបន្ថែមទៀត​ ដោយសារទីផ្សារមាសកំពុងរងនូវ​សម្ពោធ​ពី​រូបិយវត្ថុដុល្លារ។សម្រាប់រយៈពេលវែង​ ចំពោះអ្នកដែលទិញមាសទុក​ ក្នុងពេលកំពុងធ្លាក់ថ្លៃនេះ អាចទទួលបាន​ប្រាក់​ចំណេញ ​ដោយផ្អែកលើការព្យាករថា ​ទីផ្សារមាសអាចឡើងថ្លៃនៅចុងខែធ្នូរ ជាពិសេស​នៅ​ឱកាស​ចូលឆ្នាំចិនខាងមុខ។សូមបញ្ជាក់ថា ជុំវិញការនាំចូលមាសនេះ ​យោងតាមរបាយការណ៍អគ្គនាយកដ្ឋានគយ និង​រដ្ឋាករកម្ពុជា ក្នុងរយៈពេល ៣ ខែ ឆ្នាំ២០២២នេះ កម្ពុជា​បាននាំចូលមាស ​មានទំហំទឹកប្រាក់ ១ ២៨១ ​លានដុល្លារអាមេរិក ​ថយចុះជាង ៤៧% បើធៀបរយៈពេលដូចគ្នានិងឆ្នាំ ២០២១ នឹងនៅក្នុងរយៈពេលនេះដែរ កម្ពុជាក៏បាននាំចេញមាស មានទំហំទឹកប្រាក់ប្រមានជាង ៨៤ លានដុល្លារអាមេរិក៕ អត្ថបទ៖ សុន រ៉ាឌី

ក្រសួងពាណិជ្ជកម្ម ADB ពិភាក្សាលើវឌ្ឍនភាពថ្មីៗក្នុងវិស័យពាណិជ្ជកម្មនិងវិនិយោគនៅកម្ពុជា

2022/09/05 03:13:52 pm        495
Facebook Telegram Linkin
ភ្នំពេញ៖ ក្រសួងពាណិជ្ជកម្ម និងធនាគារអភិវឌ្ឍន៍អាស៊ី (ADB) បានពិភាក្សាលើ​​​វឌ្ឍន​ភាព​ថ្មីៗ​ក្នុង​វិស័យ​ពាណិជ្ជកម្ម និង​វិនិយោគ​នៅកម្ពុជា និងការ​​ជំរុញ​ការ​ធ្វើ​សមាហរណកម្ម​ឌីជីថល​ និង​កិច្ច​សម្រួល​ពាណិជ្ជកម្ម​ឌីជីថល។ឯកឧត្តម សុខ សុភ័ក្ត្រ រដ្ឋលេខាធិការក្រសួងពាណិជ្ជកម្ម កាលពីសប្តាហ៍កន្លងទៅ ​បាន​ជួប​ពិភាក្សា​ការងារ​ទ្វេភាគី​ជា​មួយ​ ​លោក Albert Park ប្រធាន​ក្រុម​សេដ្ឋកិច្ច​វិទូ ប្រចាំ​ធនាគារ​អភិវឌ្ឍន៍អាស៊ី (ADB) ​ក្នុង​គោល​បំណង​​ផ្លាស់​ប្ដូរ​យោបល់​លើ​​​វឌ្ឍន​ភាព​ថ្មីៗ​ក្នុង​វិស័យ​ពាណិជ្ជកម្ម និង​វិនិយោគនៅកម្ពុជា។ឯកឧត្តម ​រដ្ឋ​លេខាធិការ​ បាន​បញ្ជាក់​ថា ​ការ​នាំ​ចេញ​ទំ​និញ​​កម្ពុជា​ទៅ​កាន់​ទី​ផ្សារ​ពិ​ភព​លោក​​ក្នុង​ឆ្នាំ​២០២១ ​បាន​កើន​ឡើង​​​ប្រមាណ ១៩,៣ ប៊ីលាន ដុល្លារអាម៉េរិក ​ក្នុងអត្រា​កំណើន​ប្រមាណ​ ៥,៨% ធៀប​នឹង​ឆ្នាំ​២០២១។ ទំ​ហំ​ពាណិជ្ជកម្ម​កម្ពុជា​​​ បាន​កើន​ឡើង​ក្នុង​អត្រា​ ២៨,២៣% ​ក្នុង​រយៈ​ពេល​១​ឆ្នាំ ចាប់​ពី​ឆ្នាំ​២០២០-២០២១​ និង​មាន​ការ​កើន​ឡើង​ក្នុង​អត្រា​ ២៦% ​ក្នុង​ឆមាស​ទី​១ ឆ្នាំ ២០២២ នេះ​។ ដោយ​ឡែក​ ចំពោះ​វិស័យ​វិនិយោគ​វិញ នៅ​ក្នុង​ឆមាស​ទី​១ ឆ្នាំ​២០២២ នេះ​ ក្រុម​ប្រឹក្សា​អភិ​វឌ្ឍន៍​កម្ពុជា (CDC) បាន​អនុ​ម័ត​លើ​គម្រោង​វិនិយោគ​ចំនួន ៤៧ គម្រោង ​ដែល​មាន​ដើម​ទុន​សរុប​ប្រមាណ ២,៥ ប៊ីលាន​ ដុល្លារអាម៉េរិក ក្នុងអត្រាកំណើនប្រមាណ​ ១៤,២% ធៀប​នឹង​រយៈ​ពេល​ដូច​គ្នា​នៃ​ឆ្នាំ​២០២១។ ​គម្រោង​វិនិយោគ​ទាំង​នោះ​ផ្ដោត​លើ គម្រោង​សាងសង់​មជ្ឈមណ្ឌលភស្ដុភារកម្ម​និង​កំពង់​ផែ​ពហុបំណង វារីអគ្គិសនី ការ​ផលិត​សំបកកង់ឡាន ​សណ្ឋាគារ រោង​ចក្រ​ស៊ីម៉ង់ត៍​ ការ​ដាំ​ដុះ​ចេក​ និង​ផ្លែ​ឈើ​ផ្សេងៗ រោង​ចក្រ​ដំឡើង​រថយន្ដ​ និង​មន្ទីរ​ពេទ្យ ជាដើម​។ឯកឧត្តម បាន​សង្កត់ធ្ងន់ផងដែរថា ​ទោះ​បី​ជា​ទំ​ហំពាណិជ្ជកម្ម​ និង​ការ​វិនិយោគ​នៅ​កម្ពុជា​មាន​ការ​កើន​ឡើង​ជា​វិជ្ជមាន​ក្នុង​រយៈ​ពេល​ ១៨ ​ខែចុង​ក្រោយ​នេះ​ក៏​ដោយ ក៏​​កម្ពុជា​នៅ​តែ​​បន្ដ​ជួប​ប្រទះ​នូវ​បញ្ហា​ប្រឈម​មួយ​ចំ​នួន​ដូច​ជា៖ ភាព​មិន​ច្បាស់​លាស់​នៃ​វិបត្តិ​កូវីដ-១៩ ​ជម្លោះ​រវាង​រុស្សី​និង​អ៊ុយ​ក្រែន និង​កង្វះ​ខាត​ហេដ្ឋា​រចនា​សម្ព័ន្ធ​​បច្ចេកវិទ្យា ព័ត៌មាន និង​ទំ​នាក់​ទំ​នង។ជា​មួយ​គ្នា​នេះ​ដែរ ដើម្បី​ដោះ​ស្រាយ​បញ្ហា​ប្រឈម​ទាំង​នេះ ឯក​ឧត្តម​រដ្ឋ​លេខា​ធិការ ​បាន​ស្នើ​ឱ្យ​ភាគី ADB ពិចារណា​ផ្ដល់​ការ​គាំ​ទ្រ​កម្ពុជា​តាម​រយៈ​ការ​ផ្ដល់​ជំ​នួយ​បច្ចេកទេស ​និង​ហិរញ្ញវត្ថុ​​​សម្រាប់​សកម្មភាពនានា រួមមាន​៖ ការ​រៀប​ចំ​​គោល​នយោបាយ​​​​​យុទ្ធ​សាស្ដ្រ​សម្រាប់​ការ​ស្ដារ​ឡើង​​វិញ​នូវ​ខ្សែ​ច្រវ៉ាក់​​តម្លៃ​និង​ការផ្គត់​ផ្គង់​​ក្នុង​តំបន់​និង​សកល ​ការរៀបចំគម្រោង​​អភិវឌ្ឍន៍​ហេដ្ឋារចនា​សម្ព័ន្ធ​​បច្ចេកវិទ្យា ព័ត៌មាន និង​ទំ​នាក់​ទំ​នង (ICT) សម្រាប់​ការ​គាំ​ទ្រ​សមាហរណ​កម្ម​ឌីជីថល​ និង​កិច្ច​សម្រួល​ពាណិជ្ជកម្ម​ឌីជីថល និង​ការ​​ពង្រឹង​សមត្ថ​ភាព​​​និង​ជំនាញ​ក្នុង​ការ​ចរចា​ពាពាណិជ្ជកម្ម​សេរី​សម្រាប់​មន្ត្រី​កម្ពុជា តាម​រយៈ​វិទ្យាស្ថាន​បណ្ដុះ​បណ្ដាល​ពាណិជ្ជកម្ម ​​និង​ស្រាវ​ជ្រាវ (TTRI) ​នៃ​ក្រសួង​ពាណិជ្ជកម្ម៕ អត្ថបទ៖ វណ្ណៈ 

សណ្ឋាគារនិងផ្ទះសំណាក់ បើកដំណើរការឡើងវិញក្រោយកូវីដធូរស្រាល បានបង្កើតការងារជាង ៧០ភាគរយ

2022/09/05 12:53:20 pm        488
Facebook Telegram Linkin
ភ្នំពេញ៖ របាយការណ៍ក្នុងក្រសួងទេសចរណ៍ បានឱ្យដឹងថា គ្រប់សេវាស្នាក់នៅនិងអាជីវកម្ម​អាហារដ្ឋាន​ ដែលបាននិងកំពុងបានបើកឡើងវិញ ក្នុងអំឡុងពេលនេះ គឺបានទាក់ទាញបុគ្គលិក​កម្មករ​និយោជិក​ចូលបំរើការងារបានប្រមាណជាង ៧០%។នៅក្នុងរបាយការណ៍ បានបញ្ជាក់ថា ក្នុងរយៈពេល៨ខែឆ្នាំ២០២២នេះ កម្ពុជា បាន​ទទួលភ្ញៀវទេសចរអន្តរជាតិមកទស្សនាកម្ពុជាកើនដល់ ១លាននាក់ និងមាន​អាជីវកម្ម​សេវាកម្មស្នាក់នៅចំនួន ៥២០ទីតាំងកំពុងបើកដំណើរការ, និងមានអាជីវកម្មសេវាស្នាក់នៅជាង ២២០ទីតាំងទៀតបន្តផ្អាក។ដោយឡែកភោជនីយដ្ឋានវិញគឺមានជាង ២ពាន់កន្លែងកំពុងបើកដំណើរការ និង៣៦៣ទីតាំងទៀត​បានបន្តផ្អាក ហើយសម្រាប់អាជីវកម្មសេវាស្នាក់នៅ និងភោជនីយដ្ឋាន​ដែលបើកនោះគឺ បើក​មិនទាន់បានពេញលេញនៅឡើយទេ​ ពោលភាគច្រើនបើកតែត្រឹម៥០% នៃទំហំទីតាំងអាជីវកម្ម​សរុប និងបានជ្រើសរើសបុគ្គលិកចូលបំរើការវិញ ​មានប្រមាណ៧០%។បើតាមអ្នកគ្រប់គ្រងសណ្ឋាគារ ឡង លីវ និងសណ្ឋាគារEmion នៅរាជធានីភ្នំពេញ ថ្លែង​ប្រាប់BTVនៅថ្ងៃទី៥ ខែកញ្ញានេះថា ​ក្នុងអាជីវកម្មទេសចរណ៍របស់លោក បច្ចុប្បន្នផ្នែក​សណ្ឋាគារ​បានបើកដំណើរការវិញមិនទាន់បានពេញលេញទេ ខណៈផ្នែកអាហារដ្ឋាន​ក្នុង​សណ្ឋាគារគឺមិនទាន់​បានបើកដំណើរការវិញទេ ហើយអាជីវកម្មទេសចរណ៍ក៏កំពុងជួបប្រឈម​ការលំបាករើសបុគ្គលិក​ចូលមក​បំរើការវិញផងដែរ។សម្រាប់ការបើកដំណើរការអាជីវកម្មទេសចរណ៍នេះ ឯកឧត្តម ថោង ខុន រដ្ឋមន្ត្រីក្រសួងទេសចរណ៍ បានវាយតម្លៃជារួមថា បុគ្គលិកបំរើការងារក្នុងវិស័យទេសចរណ៍នៅក្នុងអំឡុងពេលនេះ​មួយ​ចំនួនធំៗ​គេមិនទាន់ចូលបំរើការងារវិញដោយសារគេរងចាំចំនួនភ្ញៀវទេសចរអន្តរជាតិ មក​ទស្សនាកម្ពុជា​ មានចំនួនច្រើនដូចដើមវិញ ហើយខ្លះទៀត គេក៏បានផ្លាស់ប្តូរជំនាញទៅបំរើការងារ​ផ្សេង​ក្រៅ​ពីវិស័យទេសចរណ៍។សូមបញ្ជាក់ថា ក្នុងឆ្នាំ២០១៩ ដែលជាឆ្នាំគ្មានវិបត្តិកូវីដ១៩ទូទាំងប្រទេសមានបុគ្គលិកជំនាញ​ក្នុង​វិស័យ​ទេសចរណ៍បំរើការតាមអាជីវកម្មនានាមានប្រមាណជាង៦៥ម៉ឺននាក់ ខណៈបច្ចុប្បន្នក្រសួង​ទេសចរណ៍បានបណ្តុះបណ្តាលជំនាញថ្មីក្នុងវិស័យទេសចរណ៍បានប្រមាណជិត៥៧០០០នាក់៕ អត្ថបទ ស៊ុម សុខជា

វិស័យឧស្សាហកម្មរួមចំណែកជំរុញកំណើនសេដ្ឋកិច្ច និងបង្កើតការងារដល់ប្រជាពលរដ្ឋ

2022/09/05 12:29:36 pm        695
Facebook Telegram Linkin
ភ្នំពេញ៖ វិស័យឧស្សាហកម្ម បានចូលរួមចំណែកដល់ការជំរុញកំណើនសេដ្ឋកិច្ច និងបង្កើតការងារធ្វើដល់ប្រជាពលរដ្ឋ ឱ្យទទួលបានប្រាក់ចំណូលខ្ពស់ ជាពិសេសក្នុងវិបត្តិកូវីដ១៩ រាជរដ្ឋាភិបាល បានអនុវត្តវិធានការជាច្រើនបន្ថែមទៀត ដើម្បីជម្រុញសម្រេចបានតាមចក្ខុវិស័យ​ដែល​បានដាក់ចេញ។ឯកឧត្តម ហេង សុខគង់ អ្នកនាំពាក្យនិងជារដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ លើកឡើងអំពីកំណើន GDP របស់ប្រជាជនកម្ពុជា ថា ទាក់ទង​កំណើន​សេដ្ឋកិច្ច ក្នុងនោះវិស័យឧស្សាហកម្មបានកើនឡើងជាបន្តបន្ទាប់ពីមួយ​ឆ្នាំទៅមួយឆ្នាំ ខណៈកម្ពុជា​កំពុងឈាន​ទៅរកឧស្សាហកម្មដែលពឹងផ្អែកជំនាញ និងបច្ចេកវិទ្យា បានធ្វើកំណើនក្នុងវិស័យ​ឧស្សាហកម្ម​ បានចូលរួមចំណែកក្នុង​ (GDP) ជិត ៤០% ជាក់ស្តែងផលិតផលដែលកើតចេញពី​ផលិតកម្ម​រោងចក្រ ក្នុងរយៈពេល ៦ខែ ដើមឆ្នាំ ​២០២២ ​ការផលិតសម្រាប់លក់សរុបមានចំនួនជាង ៧ ៥០០​ លានដុល្លារអាមេរិក ខណៈការនាំចេញក្នុងបំណាច់ឆ្នាំ ២០២១ ​បានត្រឹម ជាង ៨ ៦០០ លានដុល្លារអាមេរិកប៉ុណ្ណោះ។ ជុំវិញ កំណើន GDP ប្រជាជន, ថ្មីៗនេះ លោកជំទាវ ហង់ លីណា ប្រតិភូរាជរដ្ឋាភិបាល​ទទួល​បន្ទុក​ជាអគ្គនាយក វិទ្យាស្ថានជាតិស្ថិតិ នៃក្រសួងផែនការ លើកឡើងថា បើតាមការព្យាករណ៍ ជាពិសេស​ការកំណត់របស់ប្រមុខរាជរដ្ឋាភិបាលនៅឆ្នាំ ២០៣០ នឹងប្រែក្លាយកម្ពុជា​ទៅជា​ប្រទេស​មានចំណូលមធ្យមកម្រិតខ្ពស់,​ ក្នុងនោះកម្ពុជាបានកំពុងបង្ហាញឲ្យឃើញជាបណ្តើរៗ តាម​រយៈការគណនា​សាកល្បងទៅលើកំណើន GDP ប្រជាជន ​គឺមានការប្រែប្រួលខ្លាំង ដោយយើង​អាច​រំពឹងថា នៅឆ្នាំ២០៣០ ប្រជាជនកម្ពុជា ក្លាយទៅជាប្រទេសដែលមានចំណូលមធ្យម​កម្រិតខ្ពស់​ជាមិនខាន។សូមបញ្ជាក់ថា អង្គការសហប្រជាជាតិបានកំណត់ថា ​ប្រទេសដែលមានចំណូលទាប, គឺប្រជាជន​មាន​កំណើន GDP ក្រោម ១ ពាន់ដុល្លារ ក្នុង១ឆ្នាំ , ចំពោះប្រទេសមានចំណូលមធ្យម​កម្រិត​ទាប ប្រជាជនមាន GDP លើ ១ ពាន់ដុល្លារ ​និងប្រទេសដែលមានចំណូលមធ្យមកម្រិតខ្ពស់ ​ចំណូល GDP របស់ប្រជាជន ចាប់ពីលើ ២ ពាន់ដុល្លារ ដល់ជាង ៣ ពាន់ដុល្លារ ក្នុង១ឆ្នាំ, ក្នុងនោះសម្រាប់​ប្រទេស​កម្ពុជា ​បើតាមព្យាករណ៍ ចាប់ពីឆ្នាំ ២០២៥ ដល់ ២០៣០, ​ចំណូល GDP ​របស់ប្រជាជនកម្ពុជា នឹងអាច​សម្រេច​បានក្នុងរង្វង់ ២ ៤០០ ដុល្លារអាមេរិក ៕ អត្ថបទ៖ សុន រ៉ាឌី

រយៈពេល៨ខែ ឆ្នាំ២០២២ទេសចរអន្តរជាតិមកទស្សនាកម្ពុជាកើនដល់១លាននាក់

2022/09/03 06:39:35 pm        614
Facebook Telegram Linkin
ភ្នំពេញ៖ ក្រសួងទេសចរណ៍ បានបង្ហាញតួលេខក្នុងរយៈពេល៨ខែឆ្នាំ២០២២នេះ កម្ពុជាទទួលបានភ្ញៀវទេសចរអន្តរជាតិចូលមកទស្សនាមានប្រមាណ ១លាននាក់ កើនឡើង៥៨០% ប្រៀបធៀបនឹងឆ្នាំ២០២១ ខណៈភ្ញៀវទេសចរជាតិអន្តរជាតិមានស្រាប់នៅក្នុងស្រុកចេញដើរកម្សាន្ត ៨លាន៥សែននាក់ កើនឡើង២៤៥% ធៀបនឹងឆ្នាំ២០២១ដូចគ្នា។នៅក្នុងពិធីប្រគល់វិញ្ញាបនបត្របញ្ជាក់ការសិក្សាដល់សិក្ខាកាមបញ្ចប់ការសិក្សាជំនាញឆុងកាហ្វេ និងភេសជ្ជៈនៅក្រសួងទេសចរណ៍នៅថ្ងៃទី២ ខែកញ្ញានេះ ឯកឧត្តម ថោង ខុន រដ្ឋមន្ត្រីក្រសួង ទេសចរណ៍ ថ្លែងថា តាមរយៈការទទួលបានតួលេខភ្ញៀវអន្តរជាតិមកទស្សនា កម្ពុជាប្រមាណ ១លាននាក់នេះ បើប្រៀបធៀបនឹងរយៈពេល០៨ខែ ២០១៩វិញ គឺថយចុះ ៨៥% ហើយ បើយោងតាម ការព្យាករណ៍ចុងក្រោយនេះ កម្ពុជាយើងអាចទទួលបានទេសចរអន្តរជាតិប្រមាណ ១លាន៥សែននាក់ទៅ ២ លាននាក់ នៅក្នុងឆ្នាំ២០២២ នេះ។ឯកឧត្តម ថោង ខុន បន្តថា យ៉ាងណាក៏ដោយ នៅក្នុងដំណាក់កាលនេះ សំគាល់ឃើញថា បណ្តា អាជីវកម្មនានា ក្នុងវិស័យទេសចរណ៍នៅតែបន្តមានតម្រូវការខ្ពស់នៃការចេញដើរ​កម្សាន្តរបស់​ភ្ញៀវទេសចរជាតិអន្តរជាតិ ដែលមានស្រាប់នៅក្នុងស្រុក ហើយដើម្បីជម្រុញចលនាទេសចរ​ក្នុងស្រុកចេញដើរបាន អាជីវកម្មទេសចរណ៍គឺត្រូវសហការរៀបចំផ្តល់សេវាប្រកបដោយគុណភាព តម្លៃសមរម្យ ខណៈរាជរដ្ឋាភិបាលក៏បានបើកឱកាសឲ្យទេសចរអន្តរជាតិ​ដែលស្នាក់នៅកម្ពុជាបាន ២ឆ្នាំគឺអាចចូលទស្សនាអង្គរវត្តដោយមិនបាច់ទិញសំបុត្រ។ឯកឧត្តម ថោង ខុន បន្តថា ក្នុងងបរិការណ៍ងើបឡើងវិញនៃវិស័យទេសចរណ៍នេះ ក្រសួង​ទេសចរណ៍ បានគិតគូរ និងយកចិត្តទុកដាក់ខ្ពស់លើ(១)ការពង្រឹងភាពជឿជាក់និងទំនុកចិត្ត (២)ការពង្រឹងគុណភាពសេវាកម្មប្រកបដោយគុណភាព និងសុវត្ថិភាពជូនភ្ញៀវទេសចរតាមគន្លងថ្មី (៣)ការបន្តជំរុញផ្សព្វផ្សាយទាក់ទាញទេសចរទាំងទេសចរអន្តរជាតិ និង​ទេសចរក្នុងស្រុក និង(៤)ការកំណត់តម្លៃសេវាកម្មសមរម្យដែល​ជាទិសដៅយុទ្ធសាស្រ្តក្នុងដំណាក់កាលទី២ នៃផែនការស្តារ និងលើកស្ទួយវិស័យទេសចរណ៍កម្ពុជា ក្នុង និងក្រោយដំណាក់កាលជំងឺកូវីដ-១៩ ឆ្នាំ២០២០-២០២៥ ៕ អត្ថបទ ស៊ុម សុខជា

កសិករខេត្តស្វាយរៀង សម្រេចផលិតស្រូវវស្សាជាង ៨០ភាគរយ

2022/09/02 04:10:46 pm        861
Facebook Telegram Linkin
ស្វាយរៀង៖ លោក សុខ សុទ្ធាវុធ ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តស្វាយរៀង បានឱ្យដឹងថា គិតត្រឹមដំណាច់ខែសីហា កសិករនៅទូទាំងខេត្ត សម្រេចផលិតស្រូវរដូវវស្សា​បានជាង៨០ភាគរយ នៃផែនការផលិតស្រូវប្រចាំឆ្នាំ១៦៧ពាន់ ៥០០ហិកតា ។លោកប្រធានមន្ទីរកសិកម្មខេត្តស្វាយរៀង បានឱ្យដឹងថា ស្រុកដែលផលិតស្រូវមានល្បឿនលឿន​ជាងគេ គឺស្រុកស្វាយជ្រំ សម្រេចបាន ៩៩%ភាគរយ នៃផែនការផលិតស្រូវប្រចាំឆ្នាំ ​ជាង៣ម៉ឺន ៤ពាន់ ហិកតា ស្រុករមាសហែក សម្រេចបាន៩៦ភាគរយ នៃផែនការផលិតប្រចាំឆ្នាំ ជាង៣ម៉ឺន ២ពាន់ហិកតា ស្រុកស្វាយទាប សម្រេចបាន ៦៥ភាគរយ​ នៃផែនការផលិតស្រូវប្រចាំឆ្នាំ ជាង២ម៉ឺន ៣ពាន់ហិកតា ឯស្រុក-ក្រុងចំនួន៥ផ្សេងទៀត កសិករ បាននិងកំពុងសម្រុកធ្វើ បន្ទាប់ពីភ្លៀងបាន​បង្អុររាយប៉ាយ ។លោក បានបញ្ជាក់បន្ថែមថា ទន្ទឹមនឹងការងារផលិតស្រូវ កសិករដែលមានដីទំនាប និងដីជាប់ប្រព័ន្ធ​ធារាសាស្ត្រ នៅក្នុងស្រុកស្វាយជ្រំ​ ចន្ទ្រា និងស្រុកកំពង់រោទិ៍ បានធ្វើការប្រមូលផលស្រូវដើមរដូវ​រួចរាល់ហើយ ​នៅលើផ្ទៃដីផលិតស្រូវស្រាលដើមរដូវ ​និងស្រូវបង្កើនរដូវ ជាង ២ម៉ឺនហិកតា ដោយទទួលបាន​ទិន្នផល ក្នុង១ហិកតា ​ជាង៤តោន ៕ អត្ថបទ៖ ភា សារិត                                  

ប្រធានអាស៊ានដឹកនាំពិភាក្សាសេចក្តីព្រាងនៃកិច្ចព្រមព្រៀងពាណិជ្ជកម្មសេរី អាស៊ាន-អូស្ត្រាលី-នូវែលសេឡង់

2022/09/02 12:14:40 pm        249
Facebook Telegram Linkin
ភ្នំពេញ៖ ក្រសួងពាណិជ្ជកម្ម ក្នុងនាមជារដ្ឋមន្រ្តីសេដ្ឋកិច្ចអាស៊ានឆ្នាំ២០២២នេះ បានដឹកនាំប្រជុំ ដើម្បីពិភាក្សា សេចក្តីព្រាង​នៃកិច្ចព្រមព្រៀងពាណិជ្ជកម្មសេរី រវាងអាស៊ាន អូស្ត្រាលី និងនូវែលសេឡង់។រដ្ឋាភិបាលកម្ពុជា សង្ឃឹមថា សេចក្តីព្រាង​នៃកិច្ចព្រមព្រៀងពាណិជ្ជកម្មសេរី រវាងអាស៊ាន អូស្ត្រាលី និងនូវែលសេឡង់ ​នឹងត្រូវបញ្ចប់តាមពេលវេលាកំណត់ ដែលជាសមិទ្ធផលអាទិភាពសេដ្ឋកិច្ចមួយ ក្នុង​ចំណោម​សមិទ្ធផល​អាទិភាពសេដ្ឋកិច្ចទាំងឡាយដែលកម្ពុជាបានលើកឡើង ក្រោមភាព​ជា​ប្រធានអាស៊ានប្តូរវេនស្ថិតក្រោម​សសរស្ដម្ភ​សហគមន៍​សេដ្ឋកិច្ចអាស៊ាន។នេះជាការលើកឡើងរបស់ ឯកឧត្តម ប៉ាន សូរស័ក្ដិ រដ្ឋមន្រ្ដីក្រសួងពាណិជ្ជកម្ម ក្នុងនាម​ជា​ប្រធាន​កិច្ចប្រជុំរដ្ឋមន្រ្តីសេដ្ឋកិច្ចអាស៊ាន​ (AEM Chair) ឆ្នាំ២០២២ ក្នុងកិច្ចប្រជុំពិសេសរដ្ឋមន្រ្តី​សេដ្ឋកិច្ច​អាស៊ាន (ASEAN Economic Ministers’ Special Meeting) ​តាមប្រព័ន្ធវីដេអូ កាលពីថ្ងៃទី១ ខែកញ្ញា ដោយមាន​ការអញ្ជើញចូលរួម​ដោយបណ្តារដ្ឋមន្ត្រី​សេដ្ឋកិច្ចអាស៊ាន គណៈប្រតិភូ​នៃប្រទេស​សមាជិកអាស៊ាន​ អគ្គលេខាធិការអាស៊ាន ព្រមទាំងមន្ត្រីលេខាធិការដ្ឋានអាស៊ាន។ប្រភពពីក្រសួងពាណិជ្ជកម្ម ​នៅក្រោយចប់កិច្ចប្រជុំ បានឱ្យដឹងថា​ សមាជិក​អង្គប្រជុំទាំងអស់ បាន​ចូលរួមផ្លាស់ប្តូរ​មតិយោបល់យ៉ាងសកម្ម ​និងផ្តល់ការ​ណែនាំ​កម្រិតគោលនយោបាយ​ដល់​មន្ត្រី​ជំនាញ​ចរចារ​ ដោយធ្វើយ៉ាងណា​ បង្ហាញនូវភាពបត់បែន​ ក្នុងការដោះស្រាយបញ្ហាដែល​នៅសេសសល់។នៅក្នុងកិច្ចប្រជុំខាងលើនេះ ឯកឧត្តម ប៉ាន សូរស័ក្តិ ​បានថ្លែងអំណរគុណដ៏ជ្រាលជ្រៅជូន​ចំពោះ​បណ្តា​រដ្ឋមន្ត្រីសេដ្ឋកិច្ចអាស៊ានទាំងអស់ ​អគ្គលេខាធិការអាស៊ាន ​និងគណៈប្រតិភូសមាជិកអាស៊ាន និងលេខាធិការដ្ឋានអាស៊ាន​ ដែលតែងតែផ្តល់នូវការគាំទ្រ​ដល់កម្ពុជា ក្នុងនាមជាប្រធាន​អាស៊ាន​ប្តូរវេនសម្រាប់ឆ្នាំ២០២២ ​ក្រោម​សសរស្តម្ភ​សហគមន៍​សេដ្ឋកិច្ចអាស៊ាន។ កិច្ចប្រជុំពិសេសនាពេលនេះ​ មានគោលបំណងដើម្បីពិនិត្យ​ និងផ្តល់អនុសាសន៍ណែនាំដល់ភាគី​ចរចារ​ដំឡើង​កម្រិតកិច្ចព្រមព្រៀងតំបន់ពាណិជ្ជកម្មសេរីអាស៊ាន-អូស្ត្រាលី-នូវែលសេឡង់ ឱ្យ​បញ្ចប់​តាមពេលវេលាដែលបានកំណត់៕អត្ថបទ៖ ឈិត បូរ៉ាវី

គម្រោងឧស្សាកម្មបៃតង ចូលរួមផ្លាស់ប្តូរច្រវ៉ាក់ផលិតកម្មក្នុងវិស័យឧស្សាហកម្ម ឆ្ពោះទៅរកការរីកចម្រើន

2022/09/02 12:08:07 pm        328
Facebook Telegram Linkin
ភ្នំពេញ៖ គម្រោងឧស្សាកម្មបៃតង (Green Industry) កំពុងជម្រុញការអភិវឌ្ឍខ្សែច្រវ៉ាក់ផលិតកម្ម​ក្នុងវិស័យឧស្សាហកម្ម រោងចក្រ សហគ្រាស ក្នុងកិច្ចដំណើរផ្លាស់ប្តូរឥរិយាបទដំណើរធុរកិច្ច ការ​គិតគូរ​ដល់ផ្នែកសេដ្ឋកិច្ច ​បរិស្ថាន​ និងសង្គម ព្រមទាំងជួយលើក​ស្ទួយ​ដល់វិស័យ​ឧស្សាហកម្ម​នៅកម្ពុជា​ឱ្យអភិវឌ្ឍន៍​ឈានមុខ និងប្រកបដោយនិរន្តភាព។ឯកឧត្តមបណ្ឌិត ទឹង ស៊ីនី រដ្ឋលេខាធិការក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ លើកឡើង នៅថ្ងៃទី២ ខែកញ្ញា ឆ្នាំ២០២២នេះថា គម្រោងឧស្សាហកម្មបៃតងបង្កើតឡើង​សម្រាប់​ជួយគាំទ្រ និងលើកទឹកចិត្តដល់ឧស្សាហកម្ម រោងចក្រ សហគ្រាស ឲ្យអនុវត្តគោលការណ៍​ សកម្មភាព​បៃតងដូចជា ​ការកាត់បន្ថយការប្រើប្រាស់វត្ថុធាតុដើម ទឹក ថាមពល ​និងកាកសំណល់។ ​​គម្រោងនេះ​ បានជួយលើកកម្ពស់ដល់កិច្ចដំណើរការផលិតកម្ម ​និងការប្រកួតប្រជែង​នៅក្នុងខ្សែ​ច្រវ៉ាក់ផលិត​កម្មរបស់ខ្លួន។ឯកឧត្តម បន្តថា ការអនុវត្តគម្រោងឧស្សាហកម្មបៃតង ពិតជាមានសារៈសំខាន់ណាស់ ជាពិសេសការកាត់បន្ថយការបំពុល ការប៉ះពាល់ដល់សេដ្ឋកិច្ច បរិស្ថាន និងជាដាស់តឿន ដល់រោងចក្រ សហគ្រាស ចូលរួមជាមួយសកម្មភាពសង្គម​។នៅក្នុងរយៈពេលកន្លងមក ចំពោះរោងចក្រ សហគ្រាស ដែលបានចូលរួម គឺទទួលបានជោគជ័យ​ក្នុងកិច្ចដំណើរការខ្សែច្រវ៉ាកផលិតកម្មយ៉ាងខ្លាំងក្លា ក្នុងនោះសម្រាប់​ជំហានបន្ទាប់ ក្រសួង​នឹងរៀបចំឲ្យមានការប្រកួតប្រជែងឧស្សាកម្មបៃតង​ នៅចុងឆ្នាំ ២០២២ នេះបន្តទៀត ដើម្បីលើកកម្ពស់ដល់កិច្ចដំណើរការនៅក្នុងវិស័យឧស្សាហកម្ម រោងចក្រ សហគ្រាសក្នុងព្រះរាជាណាចក្រកម្ពុជា។នៅចុងឆ្នាំ២០២២ នេះ ក្រសួង​ គ្រោងលើកយកគម្រោងថ្មីៗបន្តទៀត ដើម្បីការប្រកួតប្រជែង​ឧស្សាហកម្មបៃតង សម្រាប់ឧស្សាហកម្ម រោងចក្រ សហគ្រាស៕ អត្ថបទ៖ សុន រ៉ាឌី

ក្រុមប្រឹក្សាជាតិប្រាក់ឈ្នួលអប្បបរមា គណនាប្រាក់ឈ្មួលសម្រាប់ឆ្នាំ២០២៣​ ចំនួនជាង ១៩៧ដុល្លារ

2022/09/01 01:18:34 pm        447
Facebook Telegram Linkin
ភ្នំពេញ៖ ក្រុមប្រឹក្សាជាតិប្រាក់ឈ្នួលអប្បបរមា ​បានគណនា រកឃើញតួលេខប្រាក់ឈ្នួល​អប្បបរមា​សម្រាប់ឆ្នាំ២០២៣គឺចំនួន ១៩៧,៨៦ ដុល្លារអាម៉េរិក​ ខណៈភាគីសហជីពបានស្នើ ២១៣ដុល្លារ និង​ភាគីនិយោជកដាក់ស្នើ ១៩៦ដុល្លារ ។ឯកឧត្តម ហេង សួរ សមាជិកក្រុមប្រឹក្សាជាតិប្រាក់ឈ្នួលអប្បបរមា និងជារដ្ឋលេខាធិការ​ក្រសួង​ការ​ងារ ​និងបណ្តុះបណ្តាលវិជ្ជាជីវៈ នៅក្រោយបញ្ចប់​កិច្ចប្រជុំ​ក្រុមប្រឹក្សាជាតិប្រាក់ឈ្នួល​អប្បបរមា​លើកទី៣នេះ ​បានមានប្រសាសន៍​ប្រាប់ក្រុមអ្នកសារព័ត៌មានថា​ ងភាគីនិយោជក ​និងនិយោជិត បាន​បន្តពន្យល់ ​និងការពារគោលជំហររបស់ខ្លួន​ទៅវិញទៅមកប្រកបដោយវិជ្ជាជីវៈ និង​ភាពចាស់ទុំ។នៅក្នុងកិច្ចប្រជុំត្រីភាគីនេះ ​ភាគីរាជរដ្ឋាភិបាល ​បានបន្ត ​សម្របសម្រួល និងផ្តល់នូវការពន្យល់​បន្ថែម​លើចំណុចនានា ​តាមសំណូមពររបស់ភាគីតំណាងកម្មករនិយោជិត និងភាគីតំណាង​និយោជកផងដែរ។តាមលក្ខណបច្ចេកទេស​ និងបម្រែបម្រួលទិន្នន័យ​នៃលក្ខណវិនិច្ឆ័យទាំង ៧ ដែលជាមូលដ្ឋាន​កំណត់​ប្រាក់ឈ្នួលអប្បបរមា​ អគ្គលេខាធិការដ្ឋានក្រុមប្រឹក្សាជាតិប្រាក់ឈ្នួលអប្បបរមា បាន​គណនា​ឃើញថា​តួលេខប្រាក់ឈ្នួលអប្បបរមាសម្រាប់ឆ្នាំ២០២៣គឺ ​១៩៧,៨៦ដុល្លារអាម៉េរិក។លោក អាត់ ធន់ ភាគីសហជីព ​និងតំណាងឲ្យកម្មករនិយោជិត​ បានរំពឹងទុកថា ​ភាគីនិយោជក នឹង​អាចដំឡើង​ក្នុងកម្រិតមួយដែលអាចទទួលយកបាន ​បន្ថែមពីលើតួលេខលើកនេះចំនួន ​១៩៦ដុល្លារ ក្នុង​កិច្ចប្រជុំនាលើកក្រោយទៀត ​ព្រោះការទាមទារដំឡើងប្រាក់ឈ្នួល​ទាំងនេះ គឺ​ដើម្បី​ជួយ​ដល់កម្មករនិយោជិតតែប៉ុណ្ណោះ។អង្គប្រជុំកាល​ពី​រសៀល​ថ្ងៃពុធ ​បាន​ឯកភាពគ្នាកំណត់​កិច្ចពិភាក្សាជាលក្ខណត្រីភាគីបន្តទៀត ថ្ងៃទី១៣​ ខែកញ្ញា ឆ្នាំ២០២២ និងប្រជុំបញ្ចប់នៅថ្ងៃទី២១​ ខែកញ្ញា ឆ្នាំ២០២២។សូមបញ្ជាក់ថា​ សម្រាប់ប្រាក់ឈ្នួលអប្បបរមាណកម្មករនិយោជិកក្នុងវិស័យវាយនភណ្ឌកាត់ដេរ ផលិតស្បែកជើង​និងផលិតផលិតផលធ្វើដំណើរ​ និងកាបូប ​សម្រាប់ឆ្នាំ២០២២​ ទទួល​បាន ១៩៤​ដុល្លារអាម៉េរិក ក្នុង១ខែ ​ដោយមិនគិតពីប្រាក់អត្ថប្រយោជន៍ផ្សេងៗទៀតទេ៕ អត្ថបទ៖ បូរ៉ាវី

បណ្ដាញសង្គម

ព័ត៌មានថ្មីៗ

ពលរដ្ឋអាមេរិកនាំគ្នាដង្ហែរក្បួននៅទីក្រុង Miami អំពាវនាវឲ្យមានការផ្លាស់ប្តូរនយោបាយនៅគុយបា
04/27/2026 08:04 PM
Facebook Telegram Linkin
UN៖ ស៊ុយអែតបានរំលោភលើសិទ្ធិកុមារមានពិការភាពអាល់បានី តាមរយៈការនិរទេស
04/27/2026 08:04 PM
Facebook Telegram Linkin
សេតវិមាន នឹងពិភាក្សាអំពីសន្តិសុខប្រធានាធិបតី និងគាំទ្រសេវាសម្ងាត់
04/27/2026 08:04 PM
Facebook Telegram Linkin
អធិការបតីអាល្លឺម៉ង់ លើកឡើងថា អ៊ុយក្រែនអាចនឹងព្រមបាត់បង់ទឹកដី ដើម្បីបើកផ្លូវចូល EU
04/27/2026 08:04 PM
Facebook Telegram Linkin
លោកស្រី Von der Leyen រិះគន់លោក Merz ដោយបញ្ជាក់ថា ការលុបទណ្ឌកម្មអ៊ីរ៉ង់ គឺឆាប់ពេក
04/27/2026 08:04 PM
Facebook Telegram Linkin
សហភាពអឺរ៉ុប ពង្រីករយៈពេលដាក់ទណ្ឌកម្មលើមីយ៉ាន់ម៉ា ១ឆ្នាំទៀត
04/27/2026 07:04 PM
Facebook Telegram Linkin
ឯកឧត្តម ឃួង ស្រេង អភិបាលរាជធានីភ្នំពេញ បានអញ្ជើញចូលរួមពិធីបើកជាផ្លូវការកិច្ចប្រជុំកំពូលលើកទី៣ នៃបណ្តាញទីក្រុងសកលសម្រាប់ចីរភាព 3rd G-NETS Leaders Summit នៅទីក្រុងតូក្យូ ប្រទេសជប៉ុន​
04/27/2026 07:04 PM
Facebook Telegram Linkin
ប្រធានាធិបតីលីបង់ឆ្លើយតបទៅក្រុមហេសបូឡាថា ការនាំប្រទេសចូលទៅក្នុងសង្គ្រាម គឺ «ក្បត់ជាតិ»
04/27/2026 07:04 PM
Facebook Telegram Linkin
ប្រមុខការទូតកម្ពុជា ថ្លែងអំណរគុណសាធារណរដ្ឋឆែក បន្តផ្តល់ជំនួយអភិវឌ្ឍន៍ផ្លូវការ -ODA គាំទ្រដល់ការអភិវឌ្ឍសេដ្ឋកិច្ចសង្គមកម្ពុជា
04/27/2026 07:04 PM
Facebook Telegram Linkin
កម្ពុជា-អាល្លឺម៉ង់ ប្តេជ្ញាចិត្តរួមគ្នាពង្រឹងបន្ថែមទៀតនូវកិច្ចសហប្រតិបត្តិការទ្វេភាគី និងពហុភាគី
04/27/2026 07:04 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.