BTV NEWS

ប្រតិបត្តិការការទូទាត់តាម QR Code នៅកម្ពុជា កំពុងពេញនិយមសម្រាប់អ្នកប្រើប្រាស់

ឯកឧត្តម ឌិត ទីណា លើកទឹកចិត្តសហគមន៍ និងក្រុមហ៊ុនបន្តស្មារតីសាមគ្គីភាព ដើម្បីទទួលផលចំណេញទាំងអស់គ្នាថែមទៀត

កម្ពុជា និងកូរ៉េ រួមគ្នាជំរុញការកាត់បន្ថយឧស្ម័នផ្ទះកញ្ចក់តាមរយៈការវិនិយោគមធ្យោបាយដឹកជញ្ជូន-អគ្គិសនី ឆ្ពោះទៅគោលដៅអព្យាក្រឹតកាបូនឆ្នាំ២០៥០

កសិករខេត្តកំពង់ធំជិតពីររយគ្រួសារទទួលផលចំណេញច្រើនក្រោយចងក្រងជាសហគមន៍កសិកម្មទំនើប

សេដ្ឋកិច្ច និង កសិកម្ម

ក្រុមហ៊ុនវិនិយោគរបស់ចិនចំនួន៣ សុំស្វែងយល់ពីសម្តេចតេជោ នូវបរិយាកាសវិនិយោគនៅកម្ពុជា

ភ្នំពេញ៖ គណៈប្រតិភូវិនិយោគចំនួន ៣ ក្រុមហ៊ុន ដឹកនាំដោយអ្នកឧកញ៉ា ចេន ហ្ស៊ី ប្រធានសម្ព័ន្ធក្រុមហ៊ុន ព្រីនស៍គ្រុប ត្រូវបានសម្ដេចតេជោ ហ៊ុន សែន នាយករដ្ឋមន្ត្រី កម្ពុជា អនុញ្ញាតឲ្យចូលជួបសំដែងការគួរសម និងពិភាក្សាការងារ នៅវិមានសន្តិភាព នាព្រឹកថ្ងៃទី២៥មេសានេះ។ឯកឧត្តម អ៊ាង សុផល្លែត ជំនួយការផ្ទាល់សម្តេចតេជោ បានឱ្យដឹងថា លោក ចេន ហ្ស៊ី និងថ្នាក់ដឹកនាំក្រុមហ៊ុន វ៉េសមិន .ក្រុមហ៊ុន អ៊ីស្ទើរ និងក្រុមហ៊ុនគូអាន បានគោរពថ្លែងអំណរគុណយ៉ាងជ្រាលជ្រៅជាទីបំផុតជូនចំពោះសម្ដេចតេជោ ដែលបានឆ្លៀតឱកាសដ៏មមាញឹកអនុញ្ញាតឱ្យក្រុមហ៊ុនបានចូលជួបសំដែងការគួរសម និងស្វែងយល់អំពីបរិយាកាសវិនិយោគនៅកម្ពុជា។ជាការឆ្លើយតបសម្ដេចតេជោ បានស្វាគមន៍លោក ចេន ហ្ស៊ី និងថ្នាក់ដឹកនាំក្រុមហ៊ុន china វ៉េសមិន .ក្រុមហ៊ុនអ៊ីស្ទើរ និងក្រុមហ៊ុនគូអាន ដោយបានជម្រាបជូនថា បរិយាកាសវិនិយោគនៅកម្ពុជាមានភាពល្អប្រសើរដោយមូលហេតុ ទី១.កម្ពុជាមានសុខសន្តិភាព និងស្ថេរភាពដែលជាមូលដ្ឋានគ្រឹះសម្រាប់ការវិនិយោគ.ទី២.កម្ពុជាមានច្បាប់វិនិយោគដែលផ្ដល់ការងាយស្រួលដល់អ្នកវិនិយោគ.ទី៣. កម្ពុជាមានក្បាលម៉ាស៊ីនគ្រប់គ្រងច្រកចេញចូលតែមួយសម្រាប់ជួយសម្រួលដល់ការវិនិយោគ.ទី៤.កម្ពុជាមិនតំរូវឲ្យអ្នកវិនិយោគប្រើតែប្រាក់រៀលសម្រាប់បើកប្រាក់ខែអោយបុគ្គលិកទេកម្ពុជាគឺអនុញ្ញាតអោយប្រើប្រាក់ដទៃទៀតដូចជាដុល្លារជាដើម ដើម្បីបើកប្រាក់ខែឱ្យបុគ្គលិកផងនិងធ្វើពាណិជ្ជកម្មនៅកម្ពុជា ផងនិងទី៥.កម្ពុជាមានកម្លាំងពលកម្មវ័យក្មេងច្រើន។ជាទីបញ្ចប់សម្ដេច បានណែនាំឲ្យលោក ចេន ហ្ស៊ី និងប្រតិភូធ្វើការស្វែងយល់បន្ថែមទៀតពីឯកឧត្តម សុខចិន្តា សោភា អគ្គលេខាធិការក្រុមប្រឹក្សាអភិវឌ្ឍន៍កម្ពុជា(CDC)អំពីទិសដៅវិនិយោគនៅកម្ពុជា៕ អត្ថបទ មុត សុត

អ្នកប្រកបរបរសេដ្ឋកិច្ចក្រៅព័ន្ធ រកចំណូលបានសមរម្យ បន្ទាប់ពីសកម្មភាពសង្គមសេដ្ឋកិច្ចដំណើរការឡើងវិញ

ភ្នំពេញ៖ អ្នកប្រកបមុខរបរសេដ្ឋកិច្ចក្រៅព័ន្ធរួមមាន អ្នករត់ម៉ូតូឌុប តាក់ស៊ី និងអ្នកកង់បី រកចំណូលបានសមរម្យឡើងវិញ សម្រាប់ការរស់នៅប្រចាំថ្ងៃបន្ទាប់ពីកម្ពុជា បានបង្កើតភាពស៊ាំសហគមន៍ជាបណ្តើរៗ និងស្របពេល រាជរដ្ឋាភិបាលបើកប្រទេសឡើងវិញ ដោយគ្មានការរឹតត្បិត។អ្នកប្រកបរបររត់កង់បី នៃសមាគមរួមគ្នាដើម្បីអភិវឌ្ឍន៍កម្ពុជា និងជាចលនាសេដ្ឋកិច្ចក្រៅប្រព័ន្ធ នៃ ស.ស.យ.ក រាជធានីភ្នំពេញ បានលើកឡើង នៅថ្ងៃទី២១ ខែមេសា ឆ្នាំ២០២២ថា នៅក្នុងរយៈពេល២ឆ្នាំ បន្ទាប់ពីការផ្ទុះឡើង នៃការរីករាលដាលជម្ងឺកូវីដ១៩ ការរកស៊ីទទួលទានរបស់ពួកគាត់ រងនូវការប៉ះពាល់យ៉ាងខ្លាំង ដោយធ្វើឲ្យបាត់បង់ចំណូលស្ទើរទាំងស្រុង ហើយស្ថិតនៅក្នុងកាលៈទេសៈនោះ ក្រៅពីការរកស៊ីទទួលទាន ពួគគាត់បានចូលរួម ការងារសង្គមជាច្រើន តាមរយៈ ស.ស.យ.ក រាជធានីភ្នំពេញ និងការចុះផ្សព្វផ្សាយព័ត៌មាននានាជាដើម។ចំណែកការកស៊ីទទួលទានបច្ចុបប្បន្នវិញ, ពួកគាត់បានលើកឡើងស្រដៀងគ្នាថា ដោយសារការយកចិត្តទុកដាក់ ទប់ស្កាត់ និងការចាក់ថ្នាំបង្ការជម្ងឺកូវីដ ១៩ របស់រាជរដ្ឋាភិបាល បានបង្កើតភាពស៊ាំដល់សហគមន៍ជាបណ្តើរៗ និងស្របពេលរាជរដ្ឋាភិបាលបើកប្រទេសដោយគ្មានការរឹយតត្បឹត ប្រជាពលរដ្ឋដើរកម្សាន្តជាហូរហែរ និងមានការបើកអាជីវកម្មដំណើរការគ្រប់ច្រកទីកន្លែងឡើងវិញ ការរកស៊ីទទួលទាន់ រត់ម៉ូតូរបស់ពួកគាត់ រកចំណូលបានសមរម្យជាណ្តើរៗឡើងវិញផងដែរ។ទាក់ទងសេដ្ឋកិច្ចក្រៅប្រព័ន្ធនេះ,លោក ឯ សុភាស់ ប្រធានសមាគមរួមគ្នាដើម្បីអភិវឌ្ឍន៍កម្ពុជា នៃចលនា សេដ្ឋកិច្ចក្រៅព័ន្ធ ស.ស.យ.ក រាជធានីភ្នំពេញ ថ្លែងលើកឡើងថា ជុំវិញស្ថានភាពសេដ្ឋកិច្ចក្នុងស្រុក ងើបឡើងល្អ ប្រសើរវិញជាបណ្តើរៗនេះ គឺបានកើតចេញក្រោមការខិតខំប្រឹងប្រែងរបស់រាជរដ្ឋាភិបាល ក្នុងការទប់ស្កាត់នៃការ រីករាលដាលជម្ងឺកូវីដ ១៩ ជាពិសេសការជម្រុញចាក់ស្រោចវ៉ាក់សាំងជូនប្រជាពលរដ្ឋ។ទោះយ៉ាងណា លោករំពឹងថា ស្ថានភាពទៅថ្ងៃមុខ សេដ្ឋកិច្ចកម្ពុជានឹងងើបល្អប្រសើរឡើងវិញ, ប៉ុន្តែក្នុងនោះអ្វីដែលបងប្អូនអ្នក រកស៊ីទទួលទានសេដ្ឋកិច្ចក្រៅព័ន្ធ បានកំពុងជួបប្រទះ គឺបញ្ហាប្រេងឡើងថ្លៃ, ដែលតាមរយៈនេះ លោក ឯ សុភាស់ ស្នើសុំឲ្យក្រុមហ៊ុនអេប (App) ទាំងអស់ មានការយោគយល់ ជួយកាត់កម្រៃជើងសារមួយឲ្យបានសមរម្យ ដើម្បីជួយសម្រួលដល់អ្នករកស៊ីក្រៅប្រព័ន្ធ អាចរកចំណូលបាន សម្រាប់ជីវភាពរស់នៅប្រចំថ្ងៃរបស់ពួកគាត់។ចំពោះការចាក់វ៉ាក់សាំងវិញ, លោក ឯ សុភាស់ បានអំពាវដល់អ្នកប្រកបរបរក្រៅប្រព័ន្ធទាំងអស់ ទាំងអ្នករត់ម៉ូតូឌុប តាក់ស៊ី និងអ្នកកង់បី សហការចូលរួមចាក់វ៉ាក់សាំង ដូសទី៣ ឬទី៤ ឲ្យបានគ្រប់ៗគ្នា ខណៈដែលរាជរដ្ឋាភិបាលកំពុងយកចិត្តទុកដាក់ខ្ពស់ ដើម្បីបង្កើតភាពស៊ាំសហគមន៍ ដើម្បីវិលត្រលប់ទៅរកកិច្ចដំណើរការជាប្រក្រតីឡើងវិញ នៃសកម្មភាពសង្គម-សេដ្ឋកិច្ច តាមគន្លងប្រក្រតីភាពថ្មី ស្របតាមការអនុវត្តក្របខណ្ឌយុទ្ធសាស្រ្ត និងកម្មវិធីស្តារ និងជំរុញកំណើនសេដ្ឋកិច្ចកម្ពុជា ក្នុងការរស់នៅជាមួយកូវីដ-១៩ តាមគន្លងប្រក្រតីភាពថ្មីសម្រាប់ឆ្នាំ ២០២១-២០២៣ របស់រាជរដ្ឋាភិបាល៕ អត្ថបទ៖ សុន រ៉ាឌី

រដ្ឋមន្រ្តីពាណិជ្ជកម្ម ចាត់ទុក GMAC ជាដៃគូសំខាន់ក្នុងការជំរុញកំណើនសេដ្ឋកិច្ចជាតិ

ភ្នំពេញ៖ ឯកឧត្តម ប៉ាន សូរស័ក្ត រដ្ឋមន្ត្រីក្រសួងពាណិជ្ជកម្ម កាលពីរសៀលថ្ងៃទី២១ ខែមេសា ឆ្នាំ២០២២កន្លងទៅបានទទួលជួបពិភាក្សាការងារជាមួយគណៈប្រតិភូសមាគមរោងចក្រកាត់ដេរនៅកម្ពុជា ហៅកាត់ GMAC ដើម្បីបន្តជំរុញវិស័យវាយនភណ្ឌ កាត់ដេរសំលៀកបំពាក់ ផលិតស្បែកជើង ផលិតផលធ្វើដំណើរ និងកាបូបនៅកម្ពុជាឱ្យ កាន់តែរីកចម្រើនបន្ថែមទៀត។នៅក្នុងជំនួបនេះ ឯកឧត្តមរដ្ឋមន្រ្ដី បានលើកឡើង ពីកិច្ចសហការយ៉ាងល្អ រវាងក្រសួងពាណិជ្ជកម្ម និង GMAC កន្លងមក ព្រមទាំងបានបញ្ជាក់ថា GMAC ជាដៃគូដ៏សំខាន់របស់ក្រសួងពាណិជ្ជកម្ម ក៏ដូចជារដ្ឋាភិបាលកម្ពុជាក្នុងការជួយជំរុញកំណើនសេដ្ឋកិច្ច និងភាពប្រកួតប្រជែងរបស់កម្ពុជាក្នុងវិស័យវាយនភណ្ឌកាត់ដេរសំលៀកបំពាក់ ផលិតស្បែកជើង ផលិតផលធ្វើដំណើរនិងកាបូប។ឯកឧត្តម ប៉ាន សូរស័ក្តិ បានបន្តថា ក្រសួងពាណិជ្ជកម្មបានជួយសម្រួលយ៉ាងច្រើនដល់ បរិយាកាសធុរកិច្ចនៅកម្ពុជា តាមរយៈការធ្វើកំណែទម្រង់ការផ្តល់សេវាសាធារណៈ និងការដាក់ឱ្យប្រើប្រាស់ប្រព័ន្ធស្វ័យ ប្រវត្តិកម្មក្នុងការផ្តល់វិញ្ញាបនបត្របញ្ជាក់ដើមកំណើតទំនិញ ការចុះបញ្ជីក្រុមហ៊ុន ព្រមទាំងការចុះបញ្ជីម៉ាក ឱ្យកាន់តែមានភាពងាយស្រួល មានតម្លាភាព និងប្រសិទ្ធភាពខ្ពស់។ព្រមជាមួយគ្នានេះ ក្រសួងបានដឹកនាំចរចារបើកទីផ្សារបន្ថែមទៀត រួមមាន៖ កិច្ចព្រមព្រៀងពាណិជ្ជកម្មសេរីតំបន់ និងដៃគូសេដ្ឋកិច្ច និងកិច្ចព្រមព្រៀងពាណិជ្ជកម្មសេរីទ្វេភាគី កម្ពុជា-ចិន និងកម្ពុជា-កូរ៉េ ជាដើម។បន្ថែមពីលើនេះ ក្រសួងបាននិងកំពុងសិក្សាលទ្ធភាពក្នុងការចរចាបង្កើតកិច្ចព្រមព្រៀងពាណិជ្ជកម្ម សេរីថ្មីៗបន្ថែម ទៀត ជាមួយដៃគូពាណិជ្ជកម្មសំខាន់ៗផងដែរ។លោកឧកញ៉ា គង់ សាង ប្រធានសមាគមរោងចក្រកាត់ដេរនៅកម្ពុជា បានឲ្យដឹងថាគិតត្រឹមត្រីមាសទី១ ឆ្នាំ២០២២នេះ វិស័យកាត់ដេរនៅរក្សាបានកំណើននៃការនាំចេញក្នុងអត្រា ២៥% ជាមួយទឹកប្រាក់ចំនួនជាង ៣ពាន់លានដុល្លារ ក្នុងនោះសំលៀកបំពាក់មានចំនួនជាង ២ពាន់លានដុល្លារ ស្បែកជើងជាង ៤២០លានដុល្លារ និងផលិតផលធ្វើដំណើរ និងកាបូបមានចំនួនជាង ៤៦០លានដុល្លារ ហើយផលិតផលវាយនភណ្ឌផ្សេងៗទៀត មានចំនួន ១២៨លានដុល្លារ។តាមរយៈជំនួបខាងលើនេះ ឯកឧត្តមរដ្ឋមន្រ្តី និងលោកប្រធានសមាគម បានសម្តែងនូវការប្តេជ្ញាចិត្ត បន្តកិច្ចសហការល្អប្រសើរនេះ ដើម្បីចូលរួមអភិវឌ្ឍ និងប្រែក្លាយវិស័យវាយនភណ្ឌ កាត់ដេរ សំលៀកបំពាក់ ផលិត ស្បែកជើង ផលិតផលធ្វើដំណើរនិងកាបូបនៅកម្ពុជា ឱ្យក្លាយទៅជាមជ្ឈមណ្ឌលឧត្តមភាព នៃឧស្សាហកម្មកាត់ដេរ នៅអាស៊ីអាគ្នេយ៍៕អត្ថបទ៖ ឈិត បូរ៉ាវី

មន្រ្តីកសិកម្មខេត្តឧត្ដរមានជ័យ ជំរុញកសិករឱ្យបង្កើនការដាំដុះបន្លែដើម្បីផ្គត់ផ្គង់តម្រូវការទីផ្សារ

ឧត្ដរមានជ័យ៖ មន្ត្រីកសិកម្មខេត្ដឧត្ដរមានជ័យ បានជំរុញកសិករឱ្យបង្កើនការដាំដុះបន្លែឱ្យបានកាន់តែច្រើន ដើម្បីផ្គត់ផ្គង់តម្រូវការទីផ្សារ ។លោក សូត្រ ស៊ីសុខឃាង ប្រធានមន្ទីរកសិកម្មរុក្ខាប្រមាញ់ និងនេសាទ ខេត្តឧត្តរមានជ័យ បានឱ្យដឹងថា បច្ចុប្បន្ននៅលើទីផ្សារ បន្លែ មានតម្រូវការខ្ពស់ ដែលជាឱកាសសម្រាប់កសិករបង្កើនការដាំដុះ ដើម្បីបំពេញតម្រូវការទីផ្សារ។លោក បានឱ្យដឹងថា ប្រសិនបើប្រជាកសិករ ចង់ដាំដុះដំណាំ មន្ទីរកសិកម្ម នឹងផ្ដល់ពូជ និង បង្រៀនពីបច្ចេកទេសដាំដុះឱ្យបន្លែទទួលបានទិន្នផលល្អដោយមិនប្រើប្រាស់សារធាតុគីមី។ លោក បានបញ្ជាក់ថា មន្ទីរកសិកម្ម និងអង្គការដៃគូនានា នឹងខិតខំជួយជ្រោមជ្រែងកសិករដើម្បីឱ្យ ការដាំដុះរបស់ពួកគេទទួលបានជោគជ័យ។ប្រជាសហគមន៍អូរឫស្សី ក្នុងខេត្តឧត្ដរមានជ័យ ដែលបានដាំដុះបន្លែច្រើនឆ្នាំហើយ បានឱ្យដឹងថា ក្នុងពេលបច្ចុប្បន្ន បន្លែពិតជាមានទីផ្សារល្អមែន មានការបញ្ជាទិញច្រើន ដើម្បីយកទៅផ្គត់ផ្គង់នៅតាមភោជនីយដ្ឋាន អាហារដ្ឋាននានា ។ប្រជាសហគមន៍ បានឱ្យដឹងទៀតថា ដំណាំបន្លែ បានផ្ដល់ចំណូលដល់គ្រួសាររបស់ពួកគេល្អសមរម្យ និងបានបញ្ចប់ការធ្វើចំណាកស្រុកទៅធ្វើការងារនៅឯប្រទេសថៃ ៕អត្ថបទ៖ ឃិន សារិទ្ធ

ការនាំចេញផលិតផលមិនមែនកាត់ដេរ មានកំណើនខ្ពស់ក្នុងត្រីមាសទី១

ភ្នំពេញ៖ កម្ពុជាបាននាំចេញផលិតផលមែនមែនកាត់ដេរ មានតម្លៃជាង ១,២ ប៊ីលានដុល្លារ ក្នុងត្រីមាសទី១ ឆ្នាំ២០២២នេះ កើនឡើង ៣៨,២ភាគរយ ធៀបនឹងរយៈពេលដូចគ្នាឆ្នាំមុន។ កំណើននេះ គឺខ្ពស់ជាងកំណើននៃការនាំចេញផលិតផលកាត់ដេរ និងផលិតកសិកម្ម។យោងតាមរបាយការណ៍របស់អគ្គនាយកដ្ឋានគយ និងរដ្ឋាករកម្ពុជា នៅរយៈពេល៣ខែ ឆ្នាំ២០២២នេះ កម្ពុជារកចំណូលបានជាង ១,២១២លានដុល្លារ ពីការនាំចេញផលិតផលមិនមែនកាត់ដេរ ដែលតួលេខនេះកើនឡើង ៣៨,២ភាគរយ។ផលិតផលវិនិយោគដែលមិនមែនកាត់ដេរ មានដូចជា៖ កង់ គ្រឿងបង្គុំអេឡិចត្រូនិច បង្គុំខ្សែភ្លើង គ្រឿងបន្លាស់រថយន្ត អំពូលលម្អ ផលិតផលពីឈើ ផលិតផលប្លាស្ទិក និងផលិតផលស្បែកសត្វកែច្នៃជាដើម។កំណើននៃការនាំចេញផលិតផលមិនមែនកាត់ដេរនេះ រាជរដ្ឋាភិបាលកម្ពុជា ក៏កំពុងបន្តរៀបចំធ្វើសេចក្តីព្រាងផែនទីបង្ហាញផ្លូវការអភិវឌ្ឍ និងទាក់ទាញវិនិយោគលើវិស័យយានយន្ត និងអេឡិចត្រូនិកផងដែរ។គណៈកម្មាធិការគោលនយោបាយសេដ្ឋកិច្ច និងហិរញ្ញវត្ថុ កំពុងរៀបចំ «ផែនទីបង្ហាញផ្លូវការអភិវឌ្ឍ និងទាក់ទាញវិនិយោគលើវិស័យយានយន្ត និងអេឡិចត្រូនិកនៅកម្ពុជា សម្រាប់ការផលិតផ្គត់ផ្គង់ទីផ្សារអន្តរជាតិ។ ការរៀបចំផែនទីបង្ហាញផ្លូវនេះ គឺធ្វើឡើងបន្ទាប់ពីវិស័យយានយន្ត និងវិស័យអេឡិចត្រូនិកនៅកម្ពុជា នារយៈពេលចុងក្រោយនេះមានភាពរីកចម្រើនគួរឱ្យកត់សម្គាល់។រាជរដ្ឋាភិបាល បានកំណត់យកវិស័យយានយន្ត និងវិស័យអេឡិចត្រូនិក ជាវិស័យអាទិភាពដែលមានសក្តានុពល សម្រាប់ជំរុញការចូលរួមរបស់កម្ពុជា ទៅក្នុងខ្សែច្រវាក់តម្លៃសកល ក៏ដូចជាការលើកកម្ពស់ ការធ្វើពិពិធកម្មសេដ្ឋកិច្ច។ ជាពិសេសវិស័យនេះ នឹងចូលរួមស្តារសេដ្ឋកិច្ចកម្ពុជាឡើងវិញ ក្រោយវិបត្តិនៃជំងឺកូវីដ-១៩ ស្របតាមក្របខណ្ឌយុទ្ធសាស្ត្រ និងកម្មវិធីស្តា និងជំរុញកំណើនសេដ្ឋកិច្ចកម្ពុជា ក្នុងការរស់នៅជាមួយកូវីដ-១៩ តាមគន្លងប្រក្រតីភាពថ្មី សម្រាប់ឆ្នាំ២០២១-២០២៣» ៕ អត្ថបទ៖ វណ្ណៈ

ប្រេងសាំងឡើង១០០រៀល,ប្រេងម៉ាស៊ូតឡើង៤០០រៀល ចាប់ពីថ្ងៃទី២១-៣០ ខែមេសា បើធៀបនឹងសន្ទស្សន៍ចាស់

ភ្នំពេញ៖ ក្រសួងពាណិជ្ជកម្មប្រកាសពីតម្លៃលក់រាយប្រេងឥន្ធនៈសម្រាប់ថ្ងៃទី២១-៣០ ខែមេសា ឆ្នាំ២០២២ ដោយប្រេងសាំងធម្មតាត្រូវលក់តម្លៃ ៥.១៥០រៀល/លីត្រ (ឡើង ១០០រៀល) និងប្រេងម៉ាស៊ូតតម្លៃ ៥.៥០០រៀល/លីត្រ(ឡើង ៤០០រៀល)។

រដ្ឋមន្រ្តីក្រសួងឧស្សាហកម្ម សរសើរសហគ្រិនស្រ្តីចូលរួមចំណែកដល់ការអភិវឌ្ឍសេដ្ឋកិច្ចជាតិ

ភ្នំពេញ៖ មន្រ្តីជាន់ខ្ពស់ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ កោតសរសើរចំពោះភាពរីកចម្រើន និងធនធានមនុស្សជាស្ត្រី ដែលមានសហគ្រិនភាពដ៏ឆ្នើមនៅក្នុងក្រុមហ៊ុន ឬសហគ្រាសរបស់ខ្លួន ដែលបានចូលរួមយ៉ាងសកម្ម ក្នុងសកម្មភាពអភិវឌ្ឍន៍សេដ្ឋកិច្ចជាតិ ។ឯកឧត្តមកិត្តិសេដ្ឋាបណ្ឌិត ចម ប្រសិទ្ធ ទេសរដ្ឋមន្រ្តី រដ្ឋមន្ត្រី ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ លើកឡើងនៅក្នុងកិច្ចប្រជុំត្រីមាសទី១ រវាងសមាគមសហគ្រិនស្ត្រីកម្ពុជា និងក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ កាលពីថ្ងៃទី១៩ ខែមេសា ឆ្នាំ២០២២ថា នៅក្នុងវិបត្តិកូវីដ-១៩ ផលប៉ះពាល់បានកើតឡើងជាច្រើន ជាពិសេសការធ្វើឲ្យប៉ះពាល់ដល់សេដ្ឋកិច្ចសង្គម ស្ថិតក្នុងស្ថានភាពនេះ សហគ្រិនជាស្រ្តីជាច្រើនបានតស៊ូយ៉ាងស្វិតស្វាញ នៅក្នុងដំណើរការអាជីវកម្ម ដែលមកដល់បច្ចុប្បន្នយើងឃើញថា អាជីវកម្មមួយចំនួនបានកំពុងងើបឡើងវិញ។ឯកឧត្តមទេសរដ្ឋមន្រ្តី បានកោតសរសើរចំពោះភាពរីកចម្រើន ជាពិសេសធនធានមនុស្សជាស្ត្រី ដែលមានសហគ្រិនភាពដ៏ឆ្នើមនៅក្នុងក្រុមហ៊ុន ឬសហគ្រាសរបស់ខ្លួន ដែលបានជម្រុញឲ្យសង្វាក់ផលិតកម្មរបស់ខ្លួនបានដំណើរ នៅក្នុងស្ថានភាពដ៏លំបាក ដែលកត្តាទាំងអស់នេះ ជាការបង្ហាញនូវស្នាដៃធំធេងមួយ នៃសកម្មភាពអភិវឌ្ឍ និងជាការចូលរួមចំណែកដ៏សំខាន់ដល់ការអភិវឌ្ឍសេដ្ឋកិច្ចជាតិ ។សូមបញ្ជាកថា នៅក្នុងកិច្ចប្រជុំសមាគមសហគ្រិនស្ត្រីកម្ពុជា ដែលដឹកនាំដោយលោកជំទាវ កែវ មុំ បានធ្វើបទបង្ហាញនូវបញ្ហាចំនួន ៣ចំណុច ដែលមានចែងក្នុងសៀវភៅស ទី២ និងទី៣ របស់សមាគម ក្នុងនោះរួមមាន៖ បុគ្គលិកខ្វះជំនាញ និងប្រាក់ឈ្នួលខ្ពស់, ការលំបាកក្នុងការទទួលកម្ចីពីធនាគារ និងផលប៉ះពាល់ដោយជម្ងឺរាតត្បាតកូវីដ-១៩ មកលើអាជីវកម្ម ។ ជាការឆ្លើយតប, ឯកឧត្តមកិត្តិសេដ្ឋាបណ្ឌិត ទេសរដ្ឋមន្រ្តី ចម ប្រសិទ្ធ និងថ្នាក់ដឹកនាំទទួលបន្ទុកបានផ្តល់អនុសាសន៍ និងដំណោះស្រាយជាក់ស្តែងជាច្រើន ដោយសង្កត់ធ្ងន់ទៅលើការអភិវឌ្ឍអាជីវកម្មតាមបទដ្ឋានបច្ចេកទេស ការសន្សំសំចៃថាមពល អនុវត្តឧស្សាហកម្មបៃតង ជាពិសេសការបណ្តុះបណ្តាលពង្រឹងសមត្ថភាពដល់បុគ្គលិក និងនិយោជិក ឲ្យមានចំណេះជំនាញស្រប នឹងមុខសញ្ញាការងាររបស់ខ្លួន។ ចំណែកទាក់ទងនឹងការលំបាកទទួលបានប្រាក់កម្ចីពីធនាគារ ថ្នាក់ដឹកនាំបានលើកឡើងពីការខិតខំរបស់រាជរដ្ឋាភិបាល និងក្រសួង ស្ថាប័នពាក់ព័ន្ធ បង្កើតឲ្យមានធនាគារ SME ធនាគារអភិវឌ្ឍជនបទជាដើម ដើម្បីសហគ្រាសទទួលបានប្រាក់កម្ចីដែលមានការប្រាក់ទាប៕ អត្ថបទ៖ សុន រ៉ាឌី

កម្ពុជាកំណត់យកវិស័យយានយន្ត និងអេឡិចត្រូនិក សម្រាប់ជំរុញកំណើនសេដ្ឋកិច្ច ក្រោយវិបត្តិកូវីដ

ភ្នំពេញ៖ រាជរដ្ឋាភិបាលកម្ពុជា កំណត់យកវិស័យយានយន្ត និងវិស័យអេឡិចត្រូនិក ជាវិស័យអាទិភាពដែលមានសក្តានុពល សម្រាប់ជំរុញការចូលរួមរបស់កម្ពុជា ទៅក្នុងខ្សែច្រវាក់តម្លៃសកល ក៏ដូចជាការលើកកម្ពស់ការធ្វើពិពិធកម្មសេដ្ឋកិច្ច និងជាពិសេសចូលរួមស្តារសេដ្ឋកិច្ចកម្ពុជាឡើងវិញ ក្រោយវិបត្តិនៃជំងឺកូវីដ-១៩ ។ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងជាប្រធានគណៈកម្មាធិការគោលនយោបាយសេដ្ឋកិច្ច និងហិរញ្ញវត្ថុ (គ.ស.ហ.) បានដឹកនាំកិច្ចប្រជុំពិភាក្សាស្តីពីការរៀបចំ “ផែនទីបង្ហាញផ្លូវការអភិវឌ្ឍ និងទាក់ទាញវិនិយោគលើវិស័យយានយន្ត និងអេឡិចត្រូនិក តាមប្រព័ន្ធវីដេអូពីចម្ងាយ (Zoom) នៅថ្ងៃទី ១៩ ខែ មេសា ឆ្នាំ ២០២២ នេះ ដោយមានការចូលរួមដោយក្រុមការងារអន្តរក្រសួង-ស្ថាប័ន បានសហការជាមួយការិយាល័យបរទេស, សហធនរដ្ឋ និងការអភិវឌ្ឍ នៃចក្រភពអង់គ្លេស និងក្រុមហ៊ុន BCG។កិច្ចប្រជុំបានរៀបចំឯកសារចំនួនពីរ ដើម្បីបង្ហាញពីចក្ខុវិស័យវែងឆ្ងាយរបស់រាជរដ្ឋាភិបាល ជាពិសេសគំនិតផ្តួចផ្តើម សម្រាប់ការអភិវឌ្ឍវិស័យយានយន្ត និងអេឡិចត្រូនិក។ឯកសារទី១ គឺ “ផែនទីបង្ហាញផ្លូវការអភិវឌ្ឍ និងទាក់ទាញវិនិយោគលើវិស័យយានយន្ត” មានគោលបំណងអភិវឌ្ឍន៍ និងផ្សារភ្ជាប់វិស័យយានយន្តនៃប្រទេសកម្ពុជា ទៅនឹងខ្សែច្រវាក់តម្លៃតំបន់ និងសកល និងជាពិសេសប្រែក្លាយកម្ពុជាទៅជាមជ្ឈមណ្ឌលផលិតគ្រឿងផ្គុំយានយន្ត ព្រមទាំងជំរុញការផលិតគ្រឿងផ្គុំយានយន្ត ដែលមានលក្ខណៈស្មុគស្មាញ និងតម្លៃបន្ថែមខ្ពស់ជាងមុន ។ចំណែកឯកសារទី២ គឺ “ផែនទីបង្ហាញផ្លូវការអភិវឌ្ឍ និងទាក់ទាញវិនិយោគលើវិស័យអេឡិចត្រូនិក» មានគោលបំណងប្រែក្លាយប្រទេសកម្ពុជាទៅជាមជ្ឈមណ្ឌលផលិតគ្រឿងអេឡិចត្រូនិក ដែលមានសមាហរណកម្មខ្ពស់ ដែលផលិតគ្រឿងបន្លាស់អេឡិចត្រូនិកជាច្រើនប្រភេទ, ផលិតគ្រឿងបង្គុំពាក់កណ្តាលសម្រេច និងផលិតផលសម្រេច ដើម្បីបម្រើទីផ្សារនាំចេញក្នុងតំបន់ និងពិភពលោក ។ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី ប្រធានអង្គប្រជុំ បានស្នើឱ្យក្រសួង-ស្ថាប័នពាក់ព័ន្ធ បន្តផ្តល់កិច្ចសហការជាមួយបក្រុមហ៊ុន BCG និងកែសម្រួលសេចក្តីព្រាងផែនទីបង្ហាញផ្លូវនេះ ស្របតាមស្មារតីនៃអង្គប្រជុំ ឲ្យបានគ្រប់ជ្រុងជ្រោយ មុននឹងបន្តនីតិវិធីគោរពស្នើសុំការអនុម័តពីប្រមុខរាជរដ្ឋាភិបាល ៕អត្ថបទ៖ សុន រ៉ាឌី

អគ្គនាយកដ្ឋានពន្ធដារប្រមូលពន្ធ-អាករ បានចំនួនជាង ១ ២៦៣ លានដុល្លារ ក្នុងត្រីមាសទី១

ភ្នំពេញ៖ អគ្គនាយកដ្ឋានពន្ធដារ ប្រមូលចំណូលពន្ធ-អាករ តាមប្រព័ន្ធគ្រប់គ្រងទិន្នន័យចំណូលអនឡាញ ក្នុងត្រីមាសទី១ ដើមឆ្នាំ ២០២២ បានចំនួនជាង ៥ ១១៥ ប៊ីលានរៀល ត្រូវប្រមាណជាង ១ ២៦៣ លានដុល្លារអាមេរិក បើធៀបរយៈពេលដូចគ្នាឆ្នាំ ២០២១ ចំណូលនេះកើនឡើងជាង ២២%។ឯកឧត្តម គង់ វិបុល ប្រតិភូរាជរដ្ឋាភិបាលទទួលបន្ទុកជាអគ្គនាយក នៃអគ្គនាយកដ្ឋានពន្ធដារ បានបង្ហាញឲ្យដឹងនៅក្នុងកិច្ចប្រជូំបូកសរុបលទ្ធផលប្រមូលចំណូលខែ មីនា និងត្រីមាសទី១ ឆ្នាំ ២០២២ នៅថ្ងៃទី ១៩ ខែមេសា ឆ្នាំ ២០២២ នេះ។ចំពោះលទ្ធផលនៃការគ្រប់គ្រងប្រមូលចំណូលពន្ធ ក្នុងខែ មីនា ឆ្នាំ២០២២, ចំណូលពន្ធអាករគ្រប់ប្រភេទ ដែលអគ្គនាយកដ្ឋានពន្ធដារប្រមូលបានជាក់ស្តែង តាមប្រព័ន្ធគ្រប់គ្រងទិន្នន័យចំណូលអនឡាញ មានចំនួនជាង ៣ ០៤០ ប៊ីលានរៀល ត្រូវប្រមាណជាង ៧៥០ លានដុល្លារអាមេរិក ស្មើជាង ២៦% នៃផែនការច្បាប់ហិរញ្ញវត្ថុសម្រាប់ការគ្រប់គ្រងឆ្នាំ២០២២ បើប្រៀបធៀបនឹងចំណូលពន្ធអាករប្រចាំខែ មីនា ឆ្នាំ២០២១ ឃើញថាកើនឡើងចំនួនជាង ៥៤៧ ប៊ីលានរៀល ប្រមាណជាង ១៣៥ លានដុល្លារអាមេរិក ស្មើជិត ២២%។ដោយឡែកសម្រាប់រយៈពេល ៣ខែ ដើមឆ្នាំ ២០២២ នេះវិញ, ចំណូលពន្ធ-អាករ ដែលអគ្គនាយកដ្ឋានពន្ធដារប្រមូលបានជាក់ស្តែង តាមប្រព័ន្ធគ្រប់គ្រងទិន្នន័យចំណូលអនឡាញ មានចំនួនជាង ៥ ១១៥ ប៊ីលានរៀល ត្រូវប្រមាណជាង ១ ២៦៣ លានដុល្លារអាមេរិក ស្មើជិត ៤៥% នៃផែនការច្បាប់ហិរញ្ញវត្ថុប្រចាំឆ្នាំ ក្នុងនោះបើធៀបនឹងចំណូលពន្ធ-អាករ ក្នុងរយៈពេលដូចគ្នា ឆ្នាំ ២០២១ ឃើញថាកើនឡើងជិត ៩៣១ ប៊ីលានរៀល ត្រូវជាង ២២៩ លានដុល្លារអាមេរិក ស្មើជាង ២២%។ ចំណែកចំណូលប្រភេទពន្ធសំខាន់ៗ ដែលអគ្គនាយកដ្ឋានពន្ធដារប្រមូលបាន ក្នុងរយៈពេលនេះដែរ គឺមានប្រភេទពន្ធចំនួន ៥ បានរក្សាកំណើនឡើងគួរឱ្យកត់សម្គាល់ ធៀបនឹងខែរយៈពេលដូចគ្នាក្នុង ឆ្នាំ២០២១ ក្នុងនោះពន្ធលើប្រាក់ចំណូល អាករលើតម្លៃបន្ថែម អាករពិសេស ពន្ធលើប្រាក់បៀវត្ស និងលើពន្ធប្រថាប់ត្រា លើការផ្ទេរកម្មសិទ្ធិអចលនទ្រព្យ ៕អត្ថបទ៖ សុន រ៉ាឌី

កម្ពុជាមានទំហំជញ្ជីងពាណិជ្ជកម្មជាង ១៣ប៊ីលានដុល្លារ ក្នុងត្រីមាសទី១

ភ្នំពេញ៖ កម្ពុជាមានទំហំជញ្ជីងពាណិជ្ជកម្មជាមួយប្រទេសដៃគូពាណិជ្ជកម្មជាង ១៣ ប៊ីលានដុល្លារ នៅក្នុងត្រីមាសទី១ ឆ្នាំ២០២២នេះ កើនឡើង ៩ ភាគរយ ធៀបនឹងរយៈពេលដូចគ្នាកាលពីឆ្នាំ២០២១។ ការកើនឡើងនេះ គឺដោយសារកម្ពុជា ទទួលបានជោគជ័យលើយុទ្ធនាការចាក់វ៉ាក់សាំងកូវីដ អនុញ្ញាតឱ្យមានការបើកសកម្មភាពសង្គមសេដ្ឋកិច្ចឡើងវិញ។យោងតាមស្ថិតិជញ្ជីងពាណិជ្ជកម្ម អគ្គនាយកដ្ឋានគយនិងរដ្ឋាករកម្ពុជា ចាប់ពីខែមករា ដល់មីនា ឆ្នាំ២០២២កម្ពុជា មានទំហំពាណិជ្ជកម្មរហូតប្រមាណ ១៣,១៦ពាន់លានដុល្លារ។ ក្នុងនោះ កម្ពុជានាំចេញទំនិញទៅកាន់ទីផ្សារពិភពលោក ជាង៥,៧ពាន់លានដុល្លារ ខណៈនាំចូលវិញ មាន៧,៤ពាន់លានដុល្លារ។ឧកញ៉ា លឹម ហេង អនុប្រធានសភាពាណិជ្ជកម្មកម្ពុជា យល់ឃើញថា ភាពស៊ាំក្នុងសង្គមនឹងជំងឺកូវីដ ដោយសារយុទ្ធសាស្រ្តចាក់វ៉ាក់សាំងកូវីដ១៩ របស់រាជរដ្ឋាភិបាល ធ្វើឱ្យកម្ពុជា អាចដំណើរការសកម្មសង្គមសេដ្ឋកិច្ចបានយ៉ាងលឿន ធៀបនឹងប្រទេសដៃទៀត អំណោយផលដល់ការធ្វើពាណិជ្ជកម្ម និងវិនិយោគ។ស្ថិតិជញ្ជីងពាណិជ្ជកម្ម របស់អគ្គនាយកដ្ឋានគយនិងរដ្ឋាករកម្ពុជា បានបង្ហាញថា នៅក្នុងត្រីមាសទីមួយនេះ ប្រទេសចិនមានទំហំពាណិជ្ជកម្មធំជាងគេជាមួយកម្ពុជា ដែលមានតម្លៃរហូតដល់ជិត ២,៩ពាន់លានដុល្លារ។ចំណែក ទំហំពាណិជ្ជកម្មរវាង កម្ពុជា និងសហរដ្ឋអាម៉េរិក សម្រេចបាន ក្នុងរង្វង់ ២,២ពាន់ដុល្លារ។ ដៃគូពាណិជ្ជកម្មបន្ទាប់គឺប្រទេសវៀតណាមមាន ១,៧ពាន់ដុល្លារ ប្រទេសថៃ មាន ១,១ពាន់ដុល្លារ និងប្រទេសសិង្ហបុរី ជិត៩៨០លានដុល្លារ។សូមជម្រាបថា កាលឆ្នាំ២០២១ កម្ពុជាសម្រេចទំហំពាណិជ្ជកម្មជាមួយប្រទេស-តំបន់នៅលើពិភពលោកបានជាង ៤៨ពាន់ល្លានដុល្លារ។ ក្នុងនោះការនាំចេញរបស់កម្ពុជា គឺមាន ១៩,៣ពាន់លានដុល្លារ។ រីឯការនាំចូលវិញគឺមាន ២៨,៧ ពាន់លានដុល្លារ។ នេះបើយោងតាមស្ថិតិជញ្ជីងពាណិជ្ជកម្មទំនិញរបស់អគ្គនាយកដ្ឋានគយ និងរដ្ឋាករកម្ពុជា៕ អត្ថបទ៖ វណ្ណៈ

បណ្ដាញសង្គម

ព័ត៌មានថ្មីៗ

Press Briefing - Update on the implementation of the immediate and unconditional ceasefire agreement between Cambodia and Thailand ( August 7, 2025 )

ក្រសួងបរិស្ថានបន្តបានចែកកូនឈើដោយឥតគិតថ្លៃ ជូនប្រជាពលរដ្ឋដើម្បីយកទៅដាំនៅតាមទីតាំងនានា

BREAKING NEWS ! សារព័ត៌មាន Axios និយាយថា គណៈរដ្ឋមន្ត្រីសន្តិសុខអ៊ីស្រាអែលបានអនុម័តផែនការរបស់លោក Netanyahu ដើម្បីកាន់កាប់តំបន់ហ្កាហ្សា

សម្តេចព្រះមហាសុមេធាធិបតី កិត្តិបណ្ឌិត អំ លីមហេង យាងប្រារព្ធពិធីរំកិលព្រះពុទ្ធបដិមាតម្កល់ទុកក្នុងទីបរិវេណ អាកាសយានដ្ឋានអន្តរជាតិតេជោ

ធ្លាក់យន្តហោះនៅប្រទេសកេនយ៉ា បណ្តាលឲ្យមនុស្សយ៉ាងហោចណាស់៦នាក់ស្លាប់ និងរបួស២នាក់

សប្បុរសជន បន្តឧបត្ថម្ភដល់កងពលតូចដឹកជញ្ជូនលេខ៩៩ ដើម្បីយកទៅចែកជូនបងប្អូនវីរកងទ័ពជួរមុខ

មន្រ្តីរុស្ស៊ីបញ្ជាក់ថា លោក Trump-Putin អាចជួបគ្នានៅសប្ដាហ៍ក្រោយ ប៉ុន្តែមិនដឹងពីជំនួបមេដឹកនាំអ៊ុយក្រែនទេ

កម្ពុជា បន្តស្នើសុំយ៉ាងទទូចឲ្យថៃដោះលែងកងទ័ពទាំង១៨រូប ដែលថៃចាប់ទៅ ប្រគល់មកកម្ពុជាវិញឲ្យបានឆាប់

បារាំង ប្រឹងប្រែងទប់ស្កាត់ចំហេះព្រៃ ខណៈរលកកម្ដៅកាន់តែខ្លាំងនៅទូទាំងទ្វីបអឺរ៉ុប

លោក Netanyahu ប្រកាសពីបំណងក្នុងការឱ្យអ៊ីស្រាអែល គ្រប់គ្រងតំបន់ហ្កាហ្សា ទាំងមូល

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877