នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ប្រតិភូចិនស្វែងរកឱកាសវិនិយោគលើវិស័យសក្តានុពលរួមចំណែកដល់ការរីកចម្រើនរបស់កម្ពុជា
ក្រុមហ៊ុនមីនេបៀប្រទេសជប៉ុន ដាក់ឱ្យដំណើរការសាកល្បងរោងចក្រតម្លៃជិត ៤០លានដុល្លារ ក្នុងខេត្តពោធិ៍សាត់
ក្រសួងពាណិជ្ជកម្មបើកវេទិកាស្ដីពីវិស័យនាំចេញកម្ពុជា កំឡុងរៀបចំ“ពិព័រណ៍ពាណិជ្ជកម្មកម្ពុជា” លើកទី១៨
ការដឹកជញ្ជូនតាមផ្លូវទឹក កំពុងមានសកម្មភាពយ៉ាងផុលផុស គាំទ្រដល់ការធ្វើពាណិជ្ជកម្មកម្ពុជា

សេដ្ឋកិច្ច និង កសិកម្ម

រោងចក្រផ្គុំដំឡើងយានយន្តអគ្គិសនីតម្លៃជាង ២០លានដុល្លារ សម្ពោធជាផ្លូវការនៅខេត្តកណ្តាល

2022/05/25 01:40:02 pm        324
Facebook Telegram Linkin
ភ្នំពេញ៖ នៅព្រឹកថ្ងៃទី២៤ ឧសភា ឆ្នាំ២០២២នេះ ក្រុមហ៊ុន អនៀន ម៉ូប៊ីលីធី ឯ.ក (Inion Mobility) បានសម្ពោធជាផ្លូវការ រោងចក្រផ្គុំតំឡើងទោចក្រយានយន្ត និងត្រីចក្រយានយន្តអគ្គិសនី ដែលមានទំហំវិនិយោគសរុបចំនួនប្រមាណជាង ២០លានដុល្លារអាម៉េរិក ស្ថិតក្នុងតំបន់សេដ្ឋកិច្ចពិសេសសុវណ្ណភូមិ ស្រុកកៀនស្វាយ ខេត្តកណ្តាល នៃប្រទេសកម្ពុជា។ពិធីសម្ពោធនេះ បានប្រព្រឹត្តទៅក្រោមវត្តមានរបស់ឯកឧត្តម ទា​ ជុប រដ្ឋលេខាធិការក្រសួងបរិស្ថាន និងមានការអញ្ជើញចូលរួមពីអ្នកវិនិយោគទុនមកពីប្រទេសកូរ៉េ សិង្ហបុរី និងអន្តរជាតិ ដៃគូពាណិជ្ជកម្មក្នុង និងក្រៅស្រុក និងពីសំណាក់ដៃគូសហការរបស់ក្រុមហ៊ុនប្រមាណ ៤០០នាក់។ លោក ខេ វូ (Kay Woo) ស្ថាបនិក និងជានាយកប្រតិបត្តិក្រុមហ៊ុនអនៀន ម៉ូប៊ីលីធី បានមាន​ប្រសាសន៍​ថា ​នេះជាការវិនិយោគដ៏ល្អមួយ ក្នុងការកសាង​ហេដ្ឋា​រដ្ឋា​សម្ព័ន្ធសម្រាប់​យានយន្ត​អគ្គិសនី ​ដើម្បីឈានទៅ​រក​អភិវឌ្ឍន៍​បៃតងដោយគ្មានផ្សែង​បំពុល​ ក្នុង​តំបន់អាស៊ីអាគ្នេយ៍​ និង​ពិភពលោក។លោកឲ្យដឹងទៀតថា ក្រុមហ៊ុនកំពុងរៀបចំផ្តល់​សេវា​កម្ម​នៃយាន​ជំនិះ​អគ្គិសនី​ទាំងមូល រាប់​ចាប់​តាំងពីទោចក្រក្រយានយន្ត រហូតដល់ត្រីចក្រក្រយានយន្ត (កង់បីអគ្គិសនី) ជាមួយនឹងស្ថានីយ​សំខាន់ៗ​ផងដែរ គ្រាដែលបច្ចុប្បន្ន ក្រុមហ៊ុន កំពុងបន្តសិក្សាដើម្បីអនុវត្តន៍ឈាន​ដល់ការពង្រីក​យាន​ជំនិះ​ជារថយន្តប្រើដោយ​ថាមពលអគ្គិសនី។លោក បានបញ្ជាក់ថា ​អនៀន ម៉ូប៊ីលីធី ​ជាក្រុមហ៊ុនដែលមានរោងចក្រផ្គុំដំឡើងទោចក្រយានយន្ត និង​ត្រីចក្រយានយន្តអគ្គិសនី ​ដែលអាចបង្កើនចង្វាក់ផលិតកម្មកាន់​តែច្រើន និង​ផ្តល់​ឱកាសការងារ​ជាង ៥០០កន្លែង ក្នុងផែនការឆ្នាំ២០២៥ ហើយបច្ចុប្បន្នក៏បានបើកដំណើរ​ការស្ថានីយមេហ្គា​របស់​ខ្លួនចំនួន ១កន្លែង និងអនុស្ថានីយប្តូរអាគុយចំនួន ៣កន្លែង និងអនុស្ថានីយដៃគូចំនួន​ ៦កន្លែង ដែល​បច្ចុប្បន្នសរុបរួមមានដល់ ១០ស្ថានីយ ​និងបន្តពង្រីកជាបន្តបន្ទាប់​តាមផែន​ការរបស់​ក្រុមហ៊ុន នៅទី​ក្រុងភ្នំពេញ ​និងតាមបណ្តាខេត្តផ្សេងៗជុំវិញ​ប្រទេសកម្ពុជា។សូមជម្រាបជូនទៀតថា ​ក្នុងពិធីសម្ពោធនេះដែរ ​ក្រុមហ៊ុន MVL Energy Investment Company នៃ​ក្រុមហ៊ុន អនៀន ម៉ូប៊ីលីធី ​បានចុះអនុស្សរណៈនៃការយោគយល់ជាមួយក្រុមហ៊ុន​ Central ស្តីអំពី​គម្រោង​ផលិតយានជំនិះដឹកទំនិញខ្នាតតូច​ដែលប្រើថាមពលអគ្គិសនី ដើម្បីជម្រុញឲ្យមានការលើក​កម្ពស់​ការប្រើប្រាស់​យានយន្តអគ្គិសនីឲ្យកាន់តែច្រើនឡើងបន្ថែមទៀត៕អត្ថបទ៖ ឈិត បូរ៉ាវី

អង្ករកម្ពុជា នឹងកើនតម្លៃពី១០ទៅ១៥ ភាគរយក្នុងរយៈពេល២ខែខាងមុខ

2022/05/25 01:18:52 pm        934
Facebook Telegram Linkin
ភ្នំពេញ៖ អ្នកជំនាញក្នុងវិស័យស្រូវអង្ករកម្ពុជា បានព្យាករណ៍ថា ក្នុងរយៈពេល២ខែខាងមុខ ពោលចាប់ខែកក្កដា និងសីហា តម្លៃស្រូវនៅកម្ពុជា នឹងអាចឡើងថ្លៃយ៉ាងហោចណាស់ពី ១០ ទៅ១៥% ដោយសារតម្លៃអង្ករលើទីផ្សារអន្តរជាតិ បានហក់ឡើងថ្លៃ។លោក លន់ យ៉េង អគ្គលេខាធិការ នៃសហព័ន្ធស្រូវអង្ករកម្ពុជា កាលពីល្ងាចថ្ងៃទី២៥ ខែឧសភា​កន្លងទៅ មានប្រសាសន៍ប្រាប់ប៊ីធីវីថា វិបត្តិសង្រ្គាមរុស្ស៉ី-អ៊ុយក្រែន បានធ្វើឱ្យពិភពលោក​ខ្វះ​ស្បៀងអាហារ ព្រោះប្រទេសទាំង២នេះ ផលិតស្រូវសាលីសម្រាប់នាំចេញទៅអឺរ៉ុបច្រើនជាងគេ និងប្រទេសមួយចំនួនទៀតនៅអាហ្រ្វិក ដែលបណ្តាលឱ្យស្រូវសាលីកើនឡើងខ្លាំង​រហូត​ដល់​៣០%។ ក្នុងពេលពិភពលោកកំពុងខ្វះស្បៀងអាហារនេះ ក៏ជាឱកាសល្អសម្រាប់​អង្ករកម្ពុជា​ផងដែរ​។ លោក បានបន្ថែមថា ​ប៉ុន្តែយ៉ាងណាមិញ ​លោកមានការព្រួយបារម្ភពីការឡើង​ថ្លៃជី នឹង​ធ្វើ​ឲ្យប្រជាកសិករមួយចំនួនកាត់បន្ថយការដាំស្រូវវិញ។តាមការលើកឡើងរបស់មន្រ្តីអង្គការសហប្រជាជាតិ កាលពីពេលកន្លងទៅនេះ បានបញ្ជាក់ថា បច្ចុប្បន្ននេះ​តម្លៃអាហារបានកើនឡើងថ្លៃយ៉ាងគំហុក​ ហើយប្រសិនបើកំពង់ផែ Odesa របស់​អ៊ុយក្រែន មិនត្រូវបានបើកនោះទេ ​នឹងធ្វើឱ្យមានបញ្ហាកាន់តែខ្លាំង ខណៈមានមនុស្សប្រមាណ ៤៩លាននាក់​ នៅក្នុងប្រទេសចំនួន៤៣ ​ដែលកំពុងជួបគ្រោះទុរភិក្ស ហើយពិភព​លោក​នឹង​ប្រឈមមុខ ​អស្ថិរភាព និងការធ្វើចំណាកស្រុកដ៏ធំប្រសិនបើមិនដោះស្រាយ។យោងតាមរបាយការណ៍របស់សហព័ន្ធស្រូវអង្ករកម្ពុជា ក្នុងរយៈពេល៤ខែ ដើមឆ្នាំ២០២២ ការនាំចេញ​អង្ករកម្ពុជាទៅ​កាន់ទីផ្សារអន្តរជាតិ ​មានចំនួនជាង ​២២ម៉ឺនតោន ដោយទទួល​បាន​ចំណូលជាង ១៣៩លានដុល្លារអាមេរិក។ ​ដោយឡែក​ការនាំចេញស្រូវក្នុងរយៈពេល៤ខែដូចគ្នានេះ​ តាមរយៈការឆ្លងកាត់ព្រំដែន​ជាមួយ​ប្រទេសវៀតណាម ​មានចំនួន ១.៦លានតោន ​ទទួល​បាន​ទឹកប្រាក់​ប្រមាណជាង ៣៧០លានដុល្លារ៕អត្ថបទ៖ បូរ៉ាវី

កម្ពុជាជំរុញយន្តការបើកចំហរទីផ្សារសម្រាប់ពាណិជ្ជកម្ម និងការតភ្ជាប់ខ្សែច្រវាក់ផ្គត់ផ្គង់

2022/05/24 12:40:11 pm        474
Facebook Telegram Linkin
ភ្នំពេញ៖ ឯកឧត្តម ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្ម កាលពីថ្ងៃម្សិលមិញ បានចូលរួមកិច្ចពិភាក្សាក្រោមប្រធានបទ "ការដោះស្រាយបញ្ហារបាំងពាណិជ្ជកម្មដើម្បីការងើបឡើងវិញ" ដែលត្រូវបានរៀបចំឡើងក្នុងកិច្ចប្រជុំប្រចាំឆ្នាំ២០២២ របស់វេទិកាសេដ្ឋកិច្ចពិភពលោក នៅដាវ៉ូស-ក្លូស្ទ័រ ប្រទេសស្វីស។ក្នុងកិច្ចប្រជុំ កាលពីរសៀលថ្ងៃទី២៣ ខែឧសភា ឆ្នាំ២០២២នេះ ឯកឧត្តមរដ្ឋមន្រ្តី បានបញ្ជាក់​អំពី​សារៈសំខាន់ ​និងភាពចាំបាច់នៃការលុបបំបាត់​ និងកាត់បន្ថយរបាំងពាណិជ្ជកម្ម តាមរយៈយន្ដការ​នៃកិច្ចសម្រួលពាណិជ្ជកម្មក្នុងប្រទេស តំបន់ និងពិភពលោក ដែលជាមធ្យោបាយដ៏សំខាន់ ដើម្បីស្ដារសេដ្ឋកិច្ចឡើងវិញឱ្យបានឆាប់រហ័ស។ឯកឧត្ដម​ បានសង្កត់ធ្ងន់លើភាពចាំបាច់នៃការបើកចំហរទីផ្សារសម្រាប់ពាណិជ្ជកម្ម និងផែនការ​សកម្មភាព​ដែលផ្ដោតលើការធ្វើឱ្យប្រសើរឡើងនូវ ​ការតភ្ជាប់សេដ្ឋកិច្ច និងពង្រឹងខ្សែច្រវាក់ផ្គត់ផ្គង់​ពិភពលោក ដែលទាំងនេះ គឺជាផ្នែកនៃអាទិភាពអាស៊ាន ក្នុងអំឡុងពេលដែលកម្ពុជា​ធ្វើជា​ប្រធាន​អាស៊ាន ២០២២ ស្របតាមមូលបទ “អាស៊ានរួមគ្នាធ្វើ – ដោះស្រាយបញ្ហាប្រឈមទាំងអស់គ្នា” (ASEAN : Addressing Challenges Together)។ឯកឧត្តមរដ្ឋមន្ដ្រី បានលើកឡើងអំពីសកម្មភាពរបស់កម្ពុជា ​ក្នុងការសម្រួលពាណិជ្ជកម្ម ដូចជា ក្របខណ្ឌយុទ្ធសាស្ដ្រ និងកម្មវិធីស្ដារ និងជំរុញកំណើនសេដ្ឋកិច្ចកម្ពុជាក្នុងការរស់នៅជាមួយកូវីដ-១៩ តាមគន្លងប្រក្រតីថ្មី​សម្រាប់ឆ្នាំ២០២១-២០២២, វេទិកាវេទិការដ្ឋាភិបាល ​និងវិស័យឯកជន, ប្រព័ន្ធ ASYCUDA, ប្រព័ន្ធបញ្ជរតែមួយជាតិ (National Single Window) ​និងកំណែទម្រង់មួយចំនួន ដែលជួយ​ពន្លឿនដល់ការបញ្ចេញទំនិញតាមព្រំដែនសម្រាប់ទំនិញទូទៅ ក៏ដូចជាទំនិញនិង​សម្ភារៈពេទ្យ​សំខាន់ៗ ក្នុងអំឡុងពេលវិបត្តិកូវីដ-១៩។បន្ថែមពីនេះទៀត ឯកឧត្តមបានបន្ដថា កម្ពុជានៅតែបន្ដធ្វើឱ្យប្រសើរឡើងនូវប្រព័ន្ធទាំងនេះ និង​បាន​លើកឡើងអំពី គម្រោង SeT4SME ជាមួយ Global Alliance ដើម្បីកិច្ចសម្រួលពាណិជ្ជកម្ម​ដើម្បី​បង្កើត Electronic Advance Data ដ៏ពេញលេញមួយ តាមរយៈការច្របាច់បញ្ចូលគ្នានៃប្រព័ន្ធ ASYCUDA និងប្រព័ន្ធប្រកាសពន្ធគយ​ នៃប្រៃសណីយ៍កម្ពុជា។ឯកឧត្តម បានស្នើឱ្យមានការចាប់អារម្មណ៍លើបញ្ហាសម្រាប់ប្រទេសអភិវឌ្ឍន៍​តិចតួច ពាក់ព័ន្ធ​នឹង​អនុលោមភាពនៃឯកសារតម្រូវសម្រាប់ការនាំចេញ ដូចជា "proof of non-manipulation" ឬ វិញ្ញាបនបត្រ​បញ្ជាប់ប្រភពដើម ​ដែលឯកសារតម្រូវទាំងនេះ ធ្វើឱ្យការចំណាយកើនឡើង​សម្រាប់​អ្នក​នាំចេញទំនិញ ដូច្នេះឯកសារតម្រូវទាំងនេះគួរត្រូវបានលុបចោល ​និងជំនួសវិញដោយ ការបញ្ជាក់ប្រភពដើមដោយខ្លួនឯង (self-certification)៕អត្ថបទ៖ ឈិត បូរ៉ាវី

ចំណូលពន្ធកើនឡើង ឆ្លុះបញ្ចាំង​ពីសកម្មភាពសេដ្ឋកិច្ចល្អប្រសើរ បន្ទាប់ពីការបើកប្រទេសឡើងវិញ

2022/05/24 12:28:21 pm        469
Facebook Telegram Linkin
ភ្នំពេញ៖ ចំណូលប្រភេទពន្ធសំខាន់ៗចំនួន ៦ បានរក្សាកំណើនខ្ពស់ ធ្វើឲ្យការប្រមូលចំណូលពន្ធ របស់អគ្គនាយកដ្ឋានពន្ធដារ ក្នុងរយៈពេល៤ខែ ឆ្នាំ២០២២នេះ ប្រមូលបានចំណូលកើនឡើងខ្ពស់ ហើយលទ្ធផលអនុវត្តបានល្អប្រសើរនេះ គឺជាបច្ច័យនៃសកម្មភាពសេដ្ឋកិច្ចបន្ទាប់ពីការបើកប្រទេសឡើងវិញ ការ​ឆ្លុះបញ្ចាំង​អំពីជោគជ័យ​នៃកិច្ចខិតខំប្រឹងប្រែង ការអនុវត្តកំណែទម្រង់ស្ថាប័ន និងការធ្វើទំនើបកម្មពន្ធដារជាដើម។អគ្គនាយកដ្ឋានអនុវត្តបានចំនួនប្រមាណជិត ៩៦១ ប៊ីលានរៀល ត្រូវជាង ២៣៧ លានដុល្លារ ស្មើនឹង ៨,៤២% នៃផែនការច្បាប់ហិរញ្ញវត្ថុសម្រាប់ការគ្រប់គ្រងឆ្នាំ២០២២ បើប្រៀបធៀបនឹង​ចំណូលពន្ធ-អាករ ប្រចាំខែមេសា ឆ្នាំ២០២១ ឃើញថាកើនឡើងជាង ៤៤៨ ប៊ីលានរៀល ត្រូវជាង ១១០លានដុល្លារ ស្មើនឹង ២៩,៣៦%។បើសរុបរយៈពេល ៤ខែ ឆ្នាំ២០២២នេះវិញ ចំណូលពន្ធ-អាករ ដែលអគ្គនាយកដ្ឋានពន្ធដារប្រមូល​បានជាក់ស្ដែង ​តាមប្រព័ន្ធគ្រប់គ្រងទិន្នន័យចំណូលអនឡាញមានចំនួនជាង ៦ ០៨២ប៊ីលានរៀល ត្រូវជិត ១៥០២ លានដុល្លារ ស្មើនឹង ៥៣,២៧% នៃផែនការច្បាប់ហិរញ្ញវត្ថុប្រចាំឆ្នាំ ធៀបនឹងចំណូល​ពន្ធអាករក្នុងរយៈពេលដូចគ្នា ឆ្នាំ២០២១ បានកើនឡើង ១ ៣៧៩ ប៊ីលានរៀល ត្រូវជាង ៣៤០​លានដុល្លារ ស្មើនឹង២៩,៣៦%។ឯកឧត្តម គង់ វិបុល រដ្ឋមន្រ្តីប្រតិភូអមនាយករដ្ឋមន្រ្តី និងជាប្រតិភូរាជរដ្ឋាភិបាល ទទួលបន្ទុក​ជា​អគ្គនាយក នៃអគ្គនាយកដ្ឋានពន្ធដារ បានលើកឡើង​នៅក្នុងប្រជុំបូកសរុបលទ្ធផលប្រមូល​ចំណូល​ពន្ធប្រចាំ នៅថ្ងៃទី ២៣ ខែឧសភា ឆ្នាំ២០២២ នេះ ថា លទ្ធផលនៃកំណើនចំណូលនេះ គឺជាបច្ច័យ​នៃសកម្មភាពសេដ្ឋកិច្ចបន្ទាប់ពីការបើកប្រទេសឡើងវិញ ​ចាប់តាំងពីខែវិច្ឆិកា ឆ្នាំ២០២១ ហើយ​លទ្ធផលនេះ ​ក៏ពិតជាបាន​ឆ្លុះបញ្ចាំង​អំពីជោគជ័យ​ និង​កិច្ចខិតខំប្រឹងប្រែងនៃការអនុវត្តនូវ កំណែ​ទម្រង់ស្ថាប័ន ​និងទំនើបកម្មពន្ធដារ ​ព្រមទាំងការអនុវត្ត​ ក្នុងស្មារតីសកម្ម និងបុរេសកម្មរាល់​វិធាន​ពន្ធដារនានា។ឯកឧត្តម លើកឡើងបន្តថា​ ជុំវិញការប្រមូលចំណូលនេះ ​នៅក្នុងខែមេសា ឆ្នាំ២០២២​ ចំណូល​ពន្ធប្រភេទពន្ធសំខាន់ៗចំនួន ៤ បានរក្សាកំណើនកើនឡើងគួរឱ្យកត់សម្គាល់ ធៀបនឹងខែ មេសា ក្នុងឆ្នាំ២០២១ គឺក្នុងរង្វង់ប្រមាណ ៨០% ទៅ ៩០% ក្នុងនោះពន្ធលើប្រាក់ចំណូលជិត ៨២%, អាករលើតម្លៃបន្ថែមជាង ៨៤%, ពន្ធលើប្រាក់បៀវត្សជាង ៨៨%, និងពន្ធប្រថាប់ត្រា​លើ​ការ​ផ្ទេរកម្ម​សិទ្ធិអចលនទ្រព្យជាង ៧៧% ខណៈដែលកំណើនខ្ពស់​សម្រាប់​ចំណូល​អាករពិសេស​បាន​កើនឡើងជាង ១១០% ​និងពន្ធលើឈ្នួលផ្ទះ​ និងដីជាង ១១៤%៕ អត្ថបទ៖ សុន រ៉ាឌី

យុវជនម្នាក់នៅកំពង់ឆ្នាំង កំពុងទទួលជោគជ័យលើការចិញ្ចឹមមាន់ស្រែ ក្រោយបញ្ចប់ការសិក្សា

2022/05/24 11:49:53 am        695
Facebook Telegram Linkin
កំពង់ឆ្នាំង៖ កសិករវ័យក្មេងម្នាក់ ក្រោយពីបញ្ចប់ការសិក្សាថ្នាក់បរិញ្ញាប័ត្រ នៅសកលវិទ្យាល័យភូមិន្ទកសិកម្ម ជំនាញផ្នែកពេទ្យសត្វ បានចាប់យកមុខរបរចិញ្ចឹមមាន់ស្រែយកសាច់លក់ កំពុងទទួលបានជោគជ័យ ដោយមាន់ត្រូវបានគេបញ្ជាទិញរាល់ថ្ងៃ ខណៈតម្រូវការទីផ្សារកាន់តែកើនឡើងជាបន្តបន្ទាប់ ។កសិករឈ្មោះ ណក់ ផល្លី ជាម្ចាស់កសិដ្ឋានចិញ្ចឹមមាន់ស្រែ នៅក្នុងភូមិដំណាក់ព្រីង ឃុំស្វាយជុក ស្រុកសាមគ្គីមានជ័យ ខេត្តកំពង់ឆ្នាំង បានឲ្យដឹងថា គាត់បានចាប់យកមុខរបរចិញ្ចឹមមាន់ស្រែយកសាច់លក់ រយៈពេលជាច្រើនឆ្នាំហើយ ដោយមាន ទ្រុងមាន់ធំៗទំហំ១០ម៉ែត្រ គុណ៦០ម៉ែត្រ ចំនួន២ខ្នង និងមានមាន់ស្រែកំពុងចិញ្ចឹមរាប់ពាន់ក្បាល បានលក់ចេញ និងរកចំណូលជួយបង្កើនជីវភាពគ្រួសារជារៀងរាល់ថ្ងៃ ។យុវជនរូបនេះបន្តថា មាន់ស្រែនេះដំបូងទិញកូន ដែលមានអាយុ៣អាទិត្យ ពីអ្នកស្រុកនៅ​តាមមូលដ្ឋាន​ និងតាមសហគមន៍ ក្នុង១ក្បាល តម្លៃ៤ ៥០០រៀល យកមកចិញ្ចឹមថែបំប៉នក្នុងទ្រុង ឲ្យចំណីគ្រាប់ៗទិញពីទីផ្សារ ឲ្យវាស៊ីតិចតួចតែប៉ុណ្ណោះ ដែលភាគច្រើផលិតចំណីធម្មជាតិ​ដោយ​ខ្លួនឯង ​ឲ្យមាន់ស៊ីទើបវាឆាប់ធំធាត់ ហើយការចិញ្ចឹមត្រឹមរយៈពេល ៣ខែ ទទួលផលបានមាន់ ដែលមានសុខភាពល្អ ស្របតាមស្តង់ដា និងមានអ្នកមកបញ្ជាទិញច្រើន ហើយគាត់ក៏កំពុង​ពង្រីក​មុខ​របរនេះបន្ថែម ។លោក ណក់ ផល្លី បានបន្ថែមថា សម្រាប់ចំណីធម្មជាតិដែលផលិតខ្លួនឯងនោះ មានពោត សណ្តែកសៀង ម្សៅត្រី ​កាល់ស្យូម បាស់ស្មិច​ យក​មកកិន​លាយ​ជាមួយកន្ទក់ ឲ្យស៊ីរយៈពេល​៣ខែនឹងធំធាត់ ​ដែលមាន់ ១ក្បាលៗ មានទម្ងន់ចាប់ពីជាង ១គីឡូកន្លះ ឬជិត២គីឡូក្រាម ​ហើយ លក់ក្នុង ១គីឡូក្រាម តម្លៃពី ១៦ ០០០រៀល ទៅ១៧០០០រៀល ​ ដែលអតិថិជន មានអ្នកលក់​បន្តនៅផ្សារ និ​ងម៉ូយធ្វើម្ហូបបុណ្យការ ​មកទិញដល់កសិដ្ឋាន ។កសិករដដែល បានបញ្ជាក់ថា ការចិញ្ចឹមមាន់មិនងាយស្រួលប៉ុន្មានឡើយ ដោយត្រូវ​មាន​ដើមទុនច្រើន ​ត្រូវរៀនបច្ចេកទេសចិញ្ចឹម ត្រូវចេះផលិតចំណីធម្មជាតិ និងមានអ្នកថែទាំឲ្យ​ចំណី​ទឹកជាប្រចាំ ​ត្រូវចាក់វ៉ាក់សាំងឲ្យតាមដំណាក់កាលវាធំ ​និងនៅពេលវាមានជំងឺជាដើម គឺគ្មាន​ពេលទំនេរឡើយ​ មិនតែប៉ុណ្ណោះក៏ត្រូវការជួលកម្មករ៣ទៅ៤នាក់ ​ឲ្យជួយធ្វើការ​នេះផងដែរ ទើប​អាចចិញ្ចឹមវាបាន ៕អត្ថបទ៖ ហុង វាស្នា

IMF ព្យាករណ៍សេដ្ឋកិច្ចកម្ពុជា មានកំណើនក្នុងរង្វង់ ៥,១ភាគរយ ក្នុងឆ្នាំ២០២២

2022/05/23 12:23:30 pm        514
Facebook Telegram Linkin
ភ្នំពេញ៖ មូលនិធិរូបិយវត្ថុអន្តរជាតិ (IMF) ព្យាករណ៍ថា សេដ្ឋកិច្ចកម្ពុជា នឹងមានកំណើនក្នុងរង្វង់ ៥,១ ភាគរយសម្រាប់ឆ្នាំ២០២២ ដោយសារការបន្តងើបឡើងវិញ លឿននៃសកម្មភាពសង្គម-សេដ្ឋកិច្ច និងតម្រូវការខាងក្រៅ។លោក Alasdair Scott ប្រធានក្រុម​បេសកកម្មរបស់ IMF បានលើកឡើងការព្យាករណ៍​កំណើន​សេដ្ឋកិច្ច​កម្ពុជា​ ក្នុងជំនួបជាមួយ នឹងឯកឧត្តម អូន ព័ន្ធមុនីរ័ត្ន ​ឧបនាយករដ្ឋមន្រ្តី រដ្ឋមន្ត្រីក្រសួង​សេដ្ឋកិច្ច និងហិរញ្ញវត្ថុក្នុងជំនួបពិភាក្សាការងារ នៅទីស្តីការក្រសួងកាលពីសប្តាហ៍មុន។ក្នុងឆ្នាំ២០២២កម្ពុជានឹងសម្រេចកំណើនសេដ្ឋកិច្ចបាន៥,១ភាគរយ ដូចគ្នានឹងការព្យាករកាល​ពីខែមុន ។​ កំណើននេះ គឺបានដោយសារការបន្តងើបឡើងវិញលឿននៃសកម្មភាពសង្គម-សេដ្ឋកិច្ច និងតម្រូវការខាងក្រៅ។លោក Alasdair Scott លើកឡើងថា ទន្ទឹមនឹងការព្យាករដ៏ប្រសើរនេះ កម្ពុជាក៏ប្រឈមនូវហានិភ័យ​មួយចំនួន ​ដែលអាចនឹងប៉ះពាល់ដល់កំណើនសេដ្ឋកិច្ចនេះផងដែរ។​ លោក លើកឡើងថា កំណើននេះ គឺអាចប្រឈមនឹងហានិភ័យ ព្រោះតែការកើនឡើងខ្ពស់​នៃ​អត្រា​អតិផរណា​, សង្រ្គាមរុស្សី-អ៊ុយក្រែន,ការធ្លាប់ចុះនៃសេដ្ឋកិច្ចចិននិងការរឹតបន្តឹងគោល​នយោបាយ​រូបិយវត្ថុរបស់ប្រទេស​អភិវឌ្ឍន៍ ។លោក Alasdair Scott ​បានបញ្ជាក់ថា បញ្ហាប្រឈមដែលប៉ះពាល់កំណើនសេដ្ឋកិច្ចកម្ពុជានោះ គឺ​មានការកើនឡើងខ្ពស់នៃអត្រាអតិផរណា, ការបន្តអូសបន្លាយនៃសង្រ្គាមរុស្ស៊ី-អ៊ុយក្រែន, ការ​ថមថយ​នៃសេដ្ឋកិច្ចចិន, និងការរឹតបន្តឹងគោលនយោបាយរូបិយវត្ថុរបស់ប្រទេស​អភិវឌ្ឍន៍​លឿន​ជាងការរំពឹងទុក។ទន្ទឹមនឹងនេះ ប្រធាន IMF​ បានបញ្ជាក់ថា នឹងបន្តគាំទ្របន្ថែមដល់កម្ពុជា ជាជំនួយបច្ចេកទេស និង​ការណែនាំនៃគោល​នយោបាយចាំបាច់នានា ​ដើម្បីរក្សាលំនឹងនៃកំណើនសេដ្ឋកិច្ច។ឯកឧត្តម អូន ព័ន្ធមុនីរ័ត្ន ក៏បានកត់សម្គាល់មានលក្ខណៈស្រដៀងនឹង IMF លើ​ការ​វាយ​តម្លៃស្ថានភាពម៉ាក្រូសេដ្ឋកិច្ច​កម្ពុជា​ ក្នុងរយៈពេលខ្លី ​និងមធ្យម ផងដែរ។ឯកឧត្តម ស្នើដល់ក្រុមការងារIMF ពិនិត្យមើលលើបញ្ហានៃការកើនឡើង​នៃអត្រាអតិផរណា​ដោយ​សារសង្រ្គាមរវាងរុស្សី-អ៊ុយក្រែន ​ដែលជះឥទ្ធិពលមកសេដ្ឋកិច្ចកម្ពុជា ជាពិសេសវិស័យកសិកម្ម ព្រមទាំង​ការកើនឡើង​ នៃឥណទានក្នុងវិស័យឯកជន​ និង​ហានិភ័យ​មួយចំនួនទាក់ទង​វិស័យ​សំណង់ និងអចលនទ្រព្យ៕ អត្ថបទ៖ វណ្ណៈ

វិនិយោគិនប្រទេសអូទ្រីស ចាប់អារម្មណ៍លើការវិនិយោគ និងការអភិវឌ្ឍលើវិស័យអគ្គិសនី

2022/05/23 12:09:47 pm        691
Facebook Telegram Linkin
ភ្នំពេញ៖ ក្រុមធុរកិច្ចប្រទេសអូទ្រីស ចាប់អារម្មណ៍លើការវិនិយោគ និងផ្គត់ផ្គង់គ្រឿងបរិក្ខារបច្ចេកទេស បច្ចេកវិទ្យាសម្រាប់បម្រើឱ្យការអភិវឌ្ឍក្នុងស្ថានីយវារីអគ្គិសនី ហេដ្ឋារចនាសម្ព័ន្ធតភ្ជាប់ និងការគ្រប់គ្រងថាមពលជាដើម។លោ Guamur Sucmer ទីប្រឹក្សាសហគមន៍នៃស្ថានទូតអូទ្រីស ក្នុងជំនួបពិភាក្សាការងារជាមួយ ឯកឧត្តម ឌិត ទីណា រដ្ឋលេខាធិការក្រសួងរ៉ែ និងថាមពល នាសប្តាហ៍កន្លងមកនេះ បានថ្លែងនូវការ​អបអរសាទរចំពោះរាជរដ្ឋាភិបាលកម្ពុជា បានទប់ស្កាត់ការរីករាលដាលជំងឺកូវីដ ១៩ មាន​ប្រសិទ្ធ​ខ្ពស់ ដោយកម្ពុជាបានចាកចេញនៃការឆ្លងជំងឺនេះ និងបានបើកប្រទេសឡើងវិញដើម្បីជម្រុញស្តារ និងជំរុញកំណើនសេដ្ឋកិច្ចកម្ពុជា ក្នុងការរស់នៅជាមួយកូវីដ-១៩ តាមគន្លងប្រក្រតីភាពថ្មីជាដើម។ ចំណែកទាក់ទងវិស័យអគ្គិសនីប្រតិភូធុរកិច្ចអូទ្រីសបានផ្តោតសំខាន់ លើការពិភាក្សាអំពីការរៀបចំ​ផែន​ការ​យុទ្ធសាស្ត្រអភិវឌ្ឍថាមពលកម្ពុជា ​និងចំណាប់អារម្មណ៍ ​លើការវិនិយោគ និងផ្គត់ផ្គង់​គ្រឿង​បរិក្ខារបច្ចេកទេស​ និងបច្ចេកវិទ្យាសម្រាប់បម្រើឱ្យការអភិវឌ្ឍ ​ក្នុងស្ថានីយ៍វារីអគ្គិសនី ហេដ្ឋារចនា​សម្ព័ន្ធ​តភ្ជាប់​និងការគ្រប់គ្រងថាមពលជាដើម។ឯកឧត្តម ឌិត ទីណា បានជម្រាបជូនអំពីវឌ្ឍនភាព នៃការរៀបចំផែនការមេអភិវឌ្ឍថាមពលថ្មីរបស់​កម្ពុជា ឆ្នាំ២០២១-២០៤០ ដែលនឹងអនុម័តជាផ្លូវការដោយរាជរដ្ឋាភិបាលកម្ពុជា​នាពេលឆាប់ៗ​ខាង​មុខនេះ។ ផែនការមេថ្មីនេះ មិនត្រឹមតែមានគោលដៅធ្វើយ៉ាងណាឲ្យប្រភពអគ្គិសនីមានគ្រប់គ្រាន់ មានស្ថិរភាព ​មានសន្តិសុខថាមពល ​និងមានថ្លៃកាន់តែប្រសើរប៉ុណ្ណោះទេ យើងក៏បានបង្កើន​ចំណែក​ប្រភពថា​មពលដែលស្អាតឲ្យបានអតិបរិមា​ តាមដែលអាចធ្វើទៅបានផងដែរ។របាយការណ៍អាជ្ញាធរអគ្គិសនីកម្ពុជា​ បង្ហាញឲ្យដឹងថា នៅចុងឆ្នាំ ២០២១ ប្រភពផលិតអគ្គិសនី​ក្នុង​ស្រុកមានអានុភាពជាង ​៣ ០៣៣ មេហ្គាវ៉ាត់ ស្មើនឹង ៧៥.៥៧% ខណៈការនាំចូលអគ្គិសនី​មក​ពី​ប្រទេសជិត​ខាងមាន ជាង ៩៨០ មេហ្គាវ៉ាត់ ស្មើនឹង ២៤.៤៣ភាគរយ​ ក្នុងនោះនាំចូលពីប្រទេសថៃ មានចំនួនជាង ​២៧៧ មេហ្គាវ៉ាត់, វៀតណាមជាង ៣៣២ មេហ្គាវ៉ាត់ និងឡាវ ៣៧១ ​មេហ្គាវ៉ាត់។ ចំណែកនៅក្នុងឆ្នាំ ​២០២២ នេះ ​បើតាមផែនការ​ កម្ពុជានឹងដំឡើងថាពលអគ្គិសនី រហូតដល់ ៣ ១១៦​ មេហ្គាវ៉ាត់ ស្មើនឹង ៧៣.៣៧ % ខណៈថាមពលអគ្គិសនីនាំចូលពីប្រទេសជិតខាង​នឹងកើន​ឡើង​ជាង ១ ១៣០ មេហ្គាវ៉ាត់ ស្មើនឹង ២៦.៦៣%៕ អត្ថបទ៖ សុន រ៉ាឌី

ពីថ្ងៃទី២១-៣១ ខែឧសភា ប្រេងសាំងធម្មតាឡើង ៥០រៀល និងប្រេងម៉ាស៊ូតចុះ ៤០០រៀល

2022/05/23 11:15:45 am        324
Facebook Telegram Linkin
ភ្នំពេញ៖ ក្រសួងពាណិជ្ជកម្មប្រកាសពីតម្លៃលក់រាយប្រេងឥន្ធនៈតាមស្ថានីយនានាទូទាំងប្រទេស ចាប់ពីថ្ងៃទី២១-៣១ ខែឧសភា ឆ្នាំ២០២២ ដោយប្រេងសាំងធម្មតាត្រូវលក់តម្លៃ ៥.៦០០រៀល/លីត្រ(ឡើង ៥០រៀល) និងប្រេងម៉ាស៊ូតត្រូវលក់តម្លៃ ៥.៤០០រៀល/លីត្រ(ចុះ៤០០រៀល)។

សភាពាណិជ្ជកម្មកម្ពុជា រំពឹងទាក់ទាញវិនិយោគិនអាមេរិកកាន់តែច្រើនចូលមកកម្ពុជា

2022/05/20 01:18:05 pm        681
Facebook Telegram Linkin
ភ្នំពេញ៖ សភាពាណិជ្ជកម្ម ទើបតែបិទបញ្ចប់ទស្សនកិច្ចផ្សព្វផ្សាយសក្តានុពល និងឱកាសវិនិយោគរបស់កម្ពុជា នៅសហរដ្ឋអាមេរិក ជាមួយនឹងក្តីរំពឹងខ្ពស់ក្នុងការទាក់ទាញវិនិយោគិន និងធុរកិច្ចជនអាមេរិកកាន់តែច្រើន ចូលមកបណ្តាក់ទុនពង្រីកអាជីវកម្មនៅកម្ពុជា។សភាពាណិជ្ជកម្មកម្ពុជា បានអះអាងថា កម្ពុជានឹងទទួលបានកំណើនអ្នកវិនិយោគិន និង​អ្នក​ធុរកិច្ចជន​អាមេរិកបានច្រើននៅឆ្នាំខាងមុខ បន្ទាប់ពីវិនិយោគិន និងក្រុមហ៊ុនធំៗអាមេរិក​ បានស្វែង​យល់​ពី​ឱកាសវិនិយោគ ​​និងសក្តានុពល នៅកម្ពុជា​តាមរយៈការផ្សព្វផ្សាយ​របស់​សភាពាណិជ្ជកម្ម​កម្ពុជា។ឧកញ៉ា លឹម ហេង អនុប្រធានសភាពាណិជ្ជកម្មកម្ពុជា លើកឡើងថា បេសកម្ម​ផ្សព្វផ្សាយ​ឱកាស​វិនិយោគ និងសក្តានុពលលើវិស័យធុរកិច្ចរបស់កម្ពុជានៅ​សហរដ្ឋអាមេរិក​គឺជាជោគជ័យ​ថ្មីមួយបន្ថែម​ទៀត​របស់កម្ពុជា ​ក្នុងការស្រូបទាញលំហូរអ្នកវិនិយោគពីតំបន់អឺរ៉ុប និង​សហរដ្ឋអាមេរិក។ឧកញ៉ា លឹម ហេង លើកឡើងថា ឆ្នាំ២០២២នេះ គឺជាឆ្នាំដ៏ប្រសើរសម្រាប់កម្ពុជាក្នុងនាមជាប្រធាន​អាស៊ាន ​ជាពិសេសកិច្ចសម្រួលធុរកិច្ច ​និងវិនិយោគបរទេសទាំងអស់ ​នៅក្រោមច្បាប់វិនិយោគថ្មី និង​កិច្ចព្រមព្រៀងពាណិជ្ជកម្មសេរីទ្វេភាគីជាមួយដៃគូពាណិជ្ជកម្ម​ទ្វេភាគី​ជាមួយនឹងប្រទេសចិន កូរ៉េខាងត្បូង ​និងកិច្ចព្រមព្រៀងសេដ្ឋកិច្ចគ្រប់ជ្រុងជ្រោយតំបន់។សភាពាណិជ្ជកម្មមកម្ពុជា ​និងសភាពាណិជ្ជកម្មអាមេរិក បានឯកភាពគ្នា​ក្នុងការចុះហត្ថលេខា​លើ​អនុស្សារណយោគយល់គ្នា​ ដើម្បីជំរុញការវិនិយោគ ​ធុរកិច្ច​ និងកិច្ចសហប្រតិបត្តិការ៕ អត្ថបទ៖ វណ្ណៈ

ភាពជាដៃគូកម្ពុជា-សហភាពអឺរ៉ុប នឹងជំរុញវិស័យពាណិជ្ជកម្មកាន់តែប្រសើរថែមទៀត

2022/05/20 01:03:52 pm        691
Facebook Telegram Linkin
ភ្នំពេញ៖ ក្នុងឱកាសចូលរួមកិច្ចប្រជុំពិភាក្សាលើយុទ្ធសាស្រ្តអឺរ៉ុបរួម ស្តីពីកិច្ចសហប្រតិបត្តិការអភិវឌ្ឍនៅកម្ពុជាឆ្នាំ២០២១-២០២៧ មន្រ្តីជាន់ខ្ពស់នៃរាជដ្ឋាភិបាលកម្ពុជា បានសំណូមពរភាគីអឺរ៉ុបរួម ឆ្លើយតបជាក់ស្តែងជាមួយផែនការសកម្មភាព និងទស្សនវិស័យដែលកម្ពុជាបានបង្កើតនិងបញ្ជ្រាបទៅក្នុងយុទ្ទសាស្រ្ត និងគោលនយោបាយសំខាន់ៗ ដើម្បីធានាឱ្យមានលទ្ធផលកាន់តែប្រសើរឡើងនូវកិច្ចសហប្រតិបត្តិការ និងភាពជាដៃគូកម្ពុជា-សហភាពអឺរ៉ុប។ក្រសួងពាណិជ្ជកម្ម នៅក្រោយកិច្ចប្រជុំ កាលពីថ្ងៃទី១៩ ឧសភា ឆ្នាំ២០២២កន្លងទៅ បានឲ្យដឹងថា យុទ្ធសាស្រ្តអឺរ៉ុបរួម មានគោលបំណងលើកកម្ពស់សង្គតិភាពនៃគោលនយោបាយអឺរ៉ុប បង្កើនការ​យល់​ដឹងអំពីការប្តេជ្ញាចិត្តរួមរបស់អឺរ៉ុប និងធានាឱ្យមានលទ្ធផលកាន់តែប្រសើរឡើង​នូវកិច្ច​សហប្រតិបត្តិការ ​និងភាពជាដៃគូកម្ពុជា-សហភាពអឺរ៉ុប។បន្ថែមពីនេះ ក្នុងចំណោមវិស័យអាទិភាពទាំង៦ នៃគម្រោងគាំទ្ររបស់ភាគីសហភាពអឺរ៉ុប មាន​មួយផ្នែក ផ្តោតលើការបង្កើនភាពប្រកួតប្រជែង​របស់កម្ពុជា​ក្នុងទីផ្សារតំបន់ និងសកល​តាម​រយៈការអភិវឌ្ឍ​វិស័យពាណិជ្ជកម្ម ​និងវិស័យឯកជនការបង្កលក្ខណៈងាយស្រួលដល់បរិយាកាស​ធុរកិច្ច ​និងការជំរុញផលិតកម្មប្រកបដោយចីរភាព ក៏ដូចជាការអនុវត្តការងារសមរម្យស្របតាម​ស្តង់ដារ​អន្តរជាតិផងដែរ។ឯកឧត្តម ប៉ែន សុវិជាតិ បានជម្រាបពីកិច្ចខិតខំប្រឹងប្រែងរបស់រដ្ឋាភិបាលកម្ពុជា ជាពិសេស​ក្រសួងពាណិជ្ជកម្ម ​ដែលជាសេនាធិការ ក្នុងកិច្ចការធ្វើសេរីភាវូបនីយកម្មពាណិជ្ជកម្ម ការ​អនុវត្តកិច្ចព្រមព្រៀងពាណិជ្ជកម្មសេរីទ្វេភាគី និងពហុភាគី និងការធ្វើកំណែទម្រង់ច្បាប់​និង​ប្បញ្ញត្តិជាដើម។ល។ បន្ថែមពីការធ្វើពិពិធកម្មទីផ្សារពាណិជ្ជកម្ម រាជរដ្ឋាភិបាលកម្ពុជាបានបង្កើតបរិយាកាស​អំណោយ​ផល​សម្រាប់វិនិយោគិន និងធុរជនតាមរយៈការអនុវត្តច្បាប់ និងគោលនយោបាយ​លើកទឹកចិត្ត​ការវិនិយោគ។ឯកឧត្តម បានសំណូមពរឱ្យការអនុវត្តយុទ្ធសាស្ត្រអឺរ៉ុបរួម ឆ្លើយតបជាក់ស្តែងជាមួយផែនការ​សកម្មភាព ​និងទស្សនវិស័យដែលកម្ពុជាបានបង្កើត ​និងបញ្ជ្រាបទៅក្នុងយុទ្ទសាស្រ្ត និង​គោល​នយោបាយសំខាន់ៗដូចជា ​យុទ្ធសាស្រ្តពាណិជ្ជកម្មតាមប្រព័ន្ធអេឡិចត្រូនិក, យុទ្ធសាស្រ្ត​សមាហរណកម្មពាណិជ្ជកម្មកម្ពុជា២០១៩-២០២៣, យន្តការដែលដាក់ចេញក្រោម​ក្របខណ្ឌ​យុទ្ធសាស្ត្រ ​និងកម្មវិធីស្តារ ​និងជំរុញកំណើនសេដ្ឋកិច្ចកម្ពុជាក្នុងការរស់នៅជាមួយកូវីដ-១៩ តាមគន្លងប្រក្រតីភាពថ្មីសម្រាប់ឆ្នាំ២០២១-២០២៣​ និងយុទ្ធសាស្រ្ដអភិវឌ្ឍន៍វិស័យកាត់ដេរ ផលិតស្បែកជើង និងកាបូបកម្ពុជាជាអាទិ៍។សូមជម្រាបជូនថា កិច្ចប្រជុំពិភាក្សាលើយុទ្ធសាស្រ្តអឺរ៉ុបរួម ស្តីពីកិច្ចសហប្រតិបត្តិការអភិវឌ្ឍ​នៅ​កម្ពុជា​ឆ្នាំ២០២១-២០២៧ ​បានប្រព្រឹត្តទៅក្រោមការដឹកនាំដោយសហប្រធាន ឯកឧត្តម ឈៀង យ៉ាណារ៉ា រដ្ឋមន្រ្តីប្រតិភូអមនាយករដ្ឋមន្ត្រី ​និងជាអគ្គលេខាធិការគណៈកម្មាធិការនីតិសម្បទា​និង​អភិវឌ្ឍន៍កម្ពុជា​នៃក្រុមប្រឹក្សាអភិវឌ្ឍន៍កម្ពុជា​ និងលោកជំទាវ Carmen Moreno ឯកអគ្គរដ្ឋទូត​សហភាពអឺរ៉ុប​ប្រចាំកម្ពុជា​ ព្រមទាំងមានការចូលរួមពីសំណាក់ក្រសួង-ស្ថាប័នជាតិ និង​អន្តរជាតិប្រមាណ ៧០រូប៕អត្ថបទ៖ ឈិត បូរ៉ាវី

បណ្ដាញសង្គម

ព័ត៌មានថ្មីៗ

សង្ខេបស្ថានការណ៍នៅតាមបន្ទាត់ព្រំដែនកម្ពុជា-ថៃ អំពីករណីយោធាថៃនៅតែបន្តការបាញ់ប្រហារ ដើម្បីឈ្លានពានមកលើដែនអធិបតេយ្យរបស់កម្ពុជានៅទិសយោធភូមិភាគទី៤ និងយោធភូមិភាគទី៥
12/21/2025 09:12 PM
Facebook Telegram Linkin
ក្រសួងការពារជាតិកម្ពុជា៖ ករណីយោធាថៃនៅតែបន្តធ្វើសកម្មភាពបាញ់ប្រហារយ៉ាងកំរោល ដោយមិនរើសអើង និងមិនរើសគោលដៅ ផ្លោងចូលទីតាំងប្រជាជនស៊ីវិល និងហេដ្ឋារចនាសម្ព័ន្ធស៊ីវិលកម្ពុជាក្នុងភូមិសាស្រ្តក្រុងប៉ោយប៉ែត នាថ្ងៃទី២១ ខែធ្នូ
12/21/2025 07:12 PM
Facebook Telegram Linkin
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ស្ត្រីទី១នៃព្រះរាជាណាចក្រកម្ពុជា អញ្ជើញចូលរួមដោយផ្ទាល់ ដើម្បីរំលែកមរណទុក្ខដ៏ក្រៀមក្រំបំផុតជាមួយក្រុមគ្រួសារនៃសពរបស់វីរកងទ័ពពលី
12/21/2025 07:12 PM
Facebook Telegram Linkin
រដ្ឋបាលខេត្តកំពង់ឆ្នាំងចុះសួរសុខទុក្ខក្រុមគ្រួសារ និងកុមារភៀសសឹកៗ នៅមណ្ឌលកុមារកំព្រាខេត្ត
12/21/2025 05:12 PM
Facebook Telegram Linkin
មកទល់រសៀលនេះយោធាថៃបន្តបាញ់ប្រហារឈ្លានពានដែនអធិបតេយ្យភាពកម្ពុជាលើទីតាំងជាច្រើន
12/21/2025 04:12 PM
Facebook Telegram Linkin
ឯកឧត្តមបណ្ឌិត អ៊ាង សុផល្លែត នាំយកអំណោយជាស្បៀងអាហារ និងសម្ភារៈប្រើប្រាស់ របស់សម្តេចតេជោ និងសម្តេចធិបតី ជូនដល់បងប្អូនភៀសសឹកក្នុងភូមិសាស្រ្តខេត្តសៀមរាប
12/21/2025 03:12 PM
Facebook Telegram Linkin
ឯកឧត្តម ហេង សួរ នាំយកអំណោយសម្តេចធិបតី និងលោកជំទាវបណ្ឌិត ជូនគណៈកម្មាធិការគណបក្សខេត្តកោះកុង សម្រាប់ផ្តល់ជូនវីរកងទ័ពដ៏អង់អាចក្លាហាន និងបងប្អូនប្រជាពលរដ្ឋភៀសសឹក នៅក្នុងខេត្តកោះកុង
12/21/2025 03:12 PM
Facebook Telegram Linkin
ប្រជាជនអ៊ីស្រាអែល បានប្រមូលផ្តុំគ្នានៅទីក្រុង Tel Aviv ទាមទារឱ្យមានការស៊ើបអង្កេតពីរដ្ឋលើការវាយប្រហារថ្ងៃ៧តុលា
12/21/2025 03:12 PM
Facebook Telegram Linkin
លោក Netanyahu គ្រោងរាយការណ៍ទៅលោក Trumpពីលទ្ធភាពដែលអាចបើកការវាយប្រហារថ្មីលើអ៊ីរ៉ង់
12/21/2025 03:12 PM
Facebook Telegram Linkin
BREAKING NEWS | ម៉ោង ១៤:៣៦នាទី ដល់ម៉ោង១៤:៥៧នាទី យោធាថៃនៅតែបន្តវាយប្រហារចូលទីតាំងប្រជាជនស៊ីវិលដោយប្រើប្រាស់កាំភ្លើងធំផ្លោងចំនួន ១១គ្រាប់ ចូលក្នុងភូមិសាស្ត្រ សង្កាត់ប៉ោយប៉ែត
12/21/2025 03:12 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.