នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
រដ្ឋសម្រេចលុបបំបាត់កម្រៃស្កែនកុងតឺន័រទាំងស្រុងចាប់ពីខែឧសភាតទៅ ដើម្បីសម្រួល​ពាណិជ្ជ​កម្ម​ក្នុង​ស្រុក
កូនផ្សោតទន្លេមេគង្គទើបកើតថ្មី ១ក្បាលទៀត នាំមកក្តី​សង្ឃឹ​ម​សម្រាប់​ការ​អភិរក្ស​នៅ​ដើម​ឆ្នាំ​២០២៦
ធនាគារជាតិ ដាក់ឱ្យប្រើប្រាស់ប្រព័ន្ធវដ្តករសាស្រ្តហិរញ្ញវត្ថុ ដើម្បីបង្កើនការយល់ដឹងដល់ភាគីពាក់ព័ន្ធ
គិតត្រឹមត្រីមាសទី១ឆ្នាំនេះ សហគ្រាស ក្រុមហ៊ុន រោងចក្រនៅកម្ពុជា កើនដល់ជាង ៤៧ ០០០ សហគ្រាស ខណៈចំនួនកម្មករនិយោជិតកើនឡើងដល់ប្រមាណ ២,៣លាននាក់

សេដ្ឋកិច្ច និង កសិកម្ម

ក្រសួងពាណិជ្ជកម្ម បន្តទទួលពាក្យស្នើសុំលិខិតអនុញ្ញាត ឬអាជ្ញាប័ណ្ណពាណិជ្ជកម្មតាមប្រព័ន្ធអេឡិចត្រូនិក

2022/07/08 01:12:44 pm        734
Facebook Telegram Linkin
ភ្នំពេញ៖ ក្រសួងពាណិជ្ជកម្មកម្ពុជា បានប្រកាសថានៅថ្ងៃទី៧ ខែកក្កដា ឆ្នាំ២០២២នេះ ក្រសួងនៅតែបន្តទទួលពាក្យស្នើសុំលិខិតអនុញ្ញាត ឬអាជ្ញាបណ្ណពាណិជ្ជកម្មតាមប្រព័ន្ធអេឡិចត្រូនិក តាមការកំណត់លើនីតិវិធីមួយចំនួន។យោងតាមសេចក្តីជូនដំណឹងស្តីពី ការដាក់ពាក្យស្នើសុំលិខិតអនុញ្ញាត ឬអាជ្ញាប័ណ្ណពាណិជ្ជកម្មតាមប្រព័ន្ធអេឡិចត្រូនិក ក្រសួងពាណិជ្ជកម្ម បានឲ្យដឹងថា មានរូបវន្តបុគ្គល និងនីតិបុគ្គលជាច្រើនពាន់នាក់ បានមកដាក់ពាក្យស្នើសុំ ជាបន្តបន្ទាប់ ដើម្បីក្លាយជាអ្នកប្រកបអាជីវកម្មស្របច្បាប់។ក្រសួងបញ្ជាក់ថា ក្រសួងនៅតែបន្តទទួលពាក្យស្នើសុំ ដោយតាមនីតិវិធីដូចជា សម្រាប់នីតិបុគ្គល សាខាក្រុមហ៊ុនបរទេស និងសហគ្រាសឯកបុគ្គល ដែលបានធ្វើប្រតិបត្តិការពាណិជ្ជកម្មតាមប្រព័ន្ធ​អេឡិចត្រូនិក​ដោយមិនមានការអនុញ្ញាតពីក្រសួងពាណិជ្ជកម្ម ត្រូវមកដាក់ពាក្យស្នើសុំ តែត្រូវរងការផាក​ពិន័យតាមច្បាប់ជាធរមាន។ ចំណែកឯ នីតិបុគ្គលសាខាក្រុមហ៊ុនបរទេស ​និងសហគ្រាសឯកបុគ្គល ដែលទើបចាប់ផ្តើមធ្វើ​ប្រតិបត្តការ ឬមានបំណងធ្វើប្រតិបត្តិការពាណិជ្ជកម្មតាមប្រព័ន្ធអេឡិចត្រូនិក អាចមកដាក់​ពាក្យស្នើសុំលិខិតអនុញ្ញាត ឬអាជ្ញាប័ណ្ណពាណិជ្ជកម្មតាមប្រព័ន្ធអេឡិចត្រូនិក​ដោយមិនរងការផាកពិន័យឡើយ។ដោយឡែក រូបវន្តបុគ្គលដែលមានផលរបរនៅក្រោមកម្រិតផលរបរជាអ្នកជាប់ពន្ធតូច អាចបន្តជូន​ដំណឹង​មកក្រសួងពាណិជ្ជកម្ម ដើម្បីអាចទទួលបានការលើកលែងមិនតម្រូវឱ្យដាក់ពាក្យស្នើសុំ ឬក៏បើរូបវន្តបុគ្គលនោះនៅចង់ទទួលបានលិខិតអនុញ្ញាត អាចអញ្ជើញមកដាក់ពាក្យស្នើសុំលិខិត​អនុញ្ញាតពាណិជ្ជកម្មតាមប្រព័ន្ធអេឡិចត្រូនិក ដោយមិនរងការផាកពិន័យឡើយ។ សូមបញ្ជាក់ថា ការប្រកាសរបស់ក្រសួងពាណិជ្ជកម្ម ទទួលពាក្យស្នើសុំលិខិតអនុញ្ញាត ឬអាជ្ញាប័ណ្ណពាណិជ្ជកម្មតាមប្រព័ន្ធអេឡិចត្រូនិក ធ្វើឡើងកាលពីថ្ងៃទី២៦​ ខែឧសភា ឆ្នាំ២០២១ និងបានពន្យាពេលបន្តបន្ទាប់​ ក្នុងការដាក់ពាក្យស្នើសុំដោយមិនជាប់ពិន័យចំនួន៤លើកហើយ គិតត្រឹមថ្ងៃទី៣ ខែកក្កដា ឆ្នាំ២០២២នេះ៕ អត្ថបទ៖ បូរ៉ាវី

កម្ពុជាទទួលបានទិន្នផលម្រេចប្រមាណ ២ម៉ឺនតោន ក្នុងរដូវប្រមូលផលឆ្នាំ២០២២

2022/07/08 12:21:28 pm        341
Facebook Telegram Linkin
ភ្នំពេញ៖ កម្ពុជាទទួលបានទិន្នផលម្រេចប្រមាណ ២ម៉ឺនតោន ក្នុងរដូវប្រមូលផលសម្រេចឆ្នាំ ២០២២នេះ ដែលជាទិន្នផលប្រហាក់ប្រហែល នឹងឆ្នាំមុន ខណៈការនាំចេញមានភាពប្រសើរឡើង ដោយសារនិតីវិធីបិទខ្ទប់នៃប្រទេសនាំចូលម្រេចកម្ពុជា បានបន្ទូរបន្ថយ ឬលុបចោល។លោក ម៉ាក់ នី ប្រធានសហព័ន្ធម្រេច និងគ្រឿងទេសកម្ពុជា បានលើកឡើងថា គិតមកដល់​ពេលនេះ ​ការប្រមូលផលម្រេចបានជិត១០០% ហើយទទួលបានទិន្នផលប្រមាណជិត២ម៉ឺនតោន។ លោក បន្តថា ការនាំចេញម្រេចរបស់កសិករនៅឆ្នាំនេះ ងាយស្រួលជាងឆ្នាំមុន បន្ទាប់ការរាតត្បាត​ជំងឺកូវីដ១៩ បានធូរស្បើយ ដោយទីផ្សារធំរបស់កម្ពុជា គឺវៀតណាមដែលមានចំណែកនាំចេញ​ម្រេច​កម្ពុជាប្រមាណ៨០% ក្រៅពីនោះនាំចេញទៅថៃ និងអឺរ៉ុប។លោក ម៉ាក់ នី លើកឡើងថា សហព័ន្ទម្រេច និងគ្រឿងទេសកម្ពុជា ​ស្នើដល់ក្រសួងពាក់ព័ន្ធ លើការ​ជំរុញ​នីតិវិធី​លើការនាំចេញម្រេចចូលទីផ្សារប្រទេសចិន​ និងប្រទេសដទៃទៀត នៅក្រោម​កិច្ច​ព្រមព្រៀង​សេរីពាណិជ្ជកម្មទ្វេភាគី និងRCEP។របាយការណ៍ក្រសួងកសិកម្ម រុក្ខាប្រមាញ់ និងនេសាទ បានឱ្យដឹងថា ​រយៈពេល៥ ខែដើមឆ្នាំ ២០២២ ​ការនាំចេញម្រេចសម្រេចបានជាង ​៥ ៥៥៨ តោនថយចុះ​ ២៥.៥ ភាគរយ។ក្នុងនោះនាំចេញទៅវៀតណាមជាង​ ៥ ១៣១តោន, អាល្លឺម៉ង់ ៣៥៥តោន, កោះតៃវ៉ាន់២១ តោន, ម៉ាឡេស៊ីជាង ​១៣ តោន, បារាំងជាង១០តោន ​និងទៅប្រទេសមួយចំនួនទៀតដូចជា ​បែលហ្ស៊ិក ជប៉ុន ឆេក ស៊ុយអ៊ែត​ កាណាដា អាមេរិក ឥណ្ឌា ចក្រភពអង់គ្លេស កាហ្សាក់ស្ថាន កូរ៉េ និងប្រទេសអូស្ត្រាលី ៕អត្ថបទ៖ វណ្ណៈ

ក្រសួងពាណិជ្ជកម្ម រៀបចំផែនការយុទ្ធសាស្រ្តបង្ហាញផលិតផលកសិកម្មមាន​ សក្តានុពលកម្ពុជា​សម្រាប់​នាំចេញ

2022/07/07 05:25:59 pm        965
Facebook Telegram Linkin
ភ្នំពេញ៖ ក្រសួងពាណិជ្ជកម្ម បានពិភាក្សា និងអនុម័តឯកសារផែនការ​យុទ្ធសាស្ត្រ​ជ្រើសរើស​ផលិត​ផលកសិកម្មមានសក្តានុពលរបស់កម្ពុជា សម្រាប់នាំចេញនៅ​ក្រោមការអនុវត្តកិច្ចព្រមព្រៀង​ពាណិជ្ជកម្ម​សេរី និងកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់។ឯកឧត្ដម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម កាលពីថ្ងៃទី៦ ខែកក្កដា ឆ្នាំ២០២២ បានដឹកនាំ​ក្រុម​ការងារអន្តរក្រសួង​ប្រជុំ​ពិភាក្សា​ និងអនុម័តឯកសារផែនការយុទ្ធសាស្ត្រទាញយក​អត្ថ​ប្រយោជន៍​ជា​អតិបរមាពីការអនុវត្តកិច្ចព្រមព្រៀង​ពាណិជ្ជកម្មសេរី មុននឹងដាក់ឆ្លងជូន​ទីស្ដីការ​គណៈរដ្ឋមន្ត្រី ដើម្បីពិនិត្យ និងសម្រេចជាលើកចុងក្រោយ។កិច្ចប្រជុំនេះ ​ក៏មានការអញ្ជើញចូលរួមពីឯកឧត្តម លោកជំទាវ រដ្ឋលេខាធិការ អនុរដ្ឋលេខាធិការ អគ្គនាយក ​ដែលអញ្ជើញមកពីក្រសួង-ស្ថាប័នពាក់ព័ន្ធចំនួន១៥​ និងមន្រ្តីជំនាញជាច្រើនរូប សរុបចំនួន ៥៧នាក់។គោលបំណងសំខាន់នៃការរៀបចំផែនការយុទ្ធសាស្ត្រនេះឡើង គឺដើម្បីជ្រើសរើសទំនិញ​នាំចេញ​សក្ដានុពល​របស់កម្ពុជា​ ដោយប្រើប្រាស់ទីផ្សារ​ដែលមានស្រាប់ ដើម្បីទាញយកប្រយោជន៍​ជា​អតិបរមាពីការអនុវត្តកិច្ចព្រមព្រៀងពាណិជ្ជកម្មសេរីទាំងនោះ។ក្នុងកិច្ចប្រជុំ ឯកឧត្តមរដ្ឋមន្រ្តី បញ្ជាក់ថា ក្រុមការងារបានផ្ដោត​ទៅលើការសិក្សាលើមុខទំនិញ​អាទិភាព​ចំនួន ១០ មុខមុនគេ រួមមាន៖ ១-ស្រូវអង្ករ ២-ដំឡូងមី ៣-ចេក ៤-មៀនប៉ៃលិន ៥-ស្វាយ ៦-ស្វាយចន្ទី ៧-សាច់ ៨-កៅស៊ូធម្មជាតិ ៩-ម្នាស់ និង១០-ម្រេច ព្រមទាំងការទាក់ទាញអ្នកវិនិយោគ​ធ្វើជាមូលដ្ឋានដើម្បីធ្វើការសិក្សាស្រាវជ្រាវ និងធ្វើជាគំរូសម្រាប់កិច្ចព្រមព្រៀងពាណិជ្ជកម្ម​សេរី​ទ្វេភាគីផ្សេងទៀត។ផែនការយុទ្ធសាស្ត្រនេះ ត្រូវបានចាប់ផ្ដើមរៀបចំនៅត្រីមាសទី៤ នៃឆ្នាំ២០២០ និងបាន​សម្រេច​សេចក្តីព្រាងបឋមនៅឆ្នាំ២០២១ ដោយ​បានឆ្លងកាត់កិច្ចប្រជុំផ្ទៃក្នុង ​និងកិច្ចប្រជុំប្រមូលធាតុចូល​ពី​អន្តរក្រសួង-ស្ថាប័នពាក់ព័ន្ធ សរុបចំនួន ៧ លើក, កិច្ចប្រជុំជាមួយវិស័យឯកជនកាលពីថ្ងៃទី០៥ ខែ វិច្ឆិកា ​ឆ្នាំ២០២១ និងកិច្ចប្រជុំអន្តរក្រសួងក្រោមអធិបតីភាព ​ឯកឧត្តមអគ្គបណ្ឌិតសភាចារ្យ អូន ព័ន្ធមុនី រ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច ​និងហិរញ្ញវត្ថុ ​កាលពីថ្ងៃទី៨ ខែវិច្ឆិកា ឆ្នាំ២០២១ កន្លងទៅ តាមប្រព័ន្ធវីដេអូ។នៅកិច្ចបញ្ចប់ ឯកឧត្តមរដ្ឋមន្រ្តី បានសំណូមពរឱ្យតំណាងក្រសួង-ស្ថាប័នពាក់ព័ន្ធ ជួយផ្តល់​ធាតុ​ចូល​ឱ្យបានឆាប់រហ័ស ដើម្បីឱ្យក្រុមការងារលេខាធិការដ្ឋានអាច​បញ្ចប់​ឯកសាររៀបចំ​ផែនការ​យុទ្ធសាស្ត្រ​ទាញយកអត្ថប្រយោជន៍ជាអតិបរមាពីការអនុវត្តកិច្ចព្រមព្រៀងពាណិជ្ជកម្មសេរីនេះ ក្នុងពេលឆាប់ៗនេះ ​ព្រោះថា​កិច្ចព្រមព្រៀងពាណិជ្ជកម្មសេរីទ្វេភាគីកម្ពុជា-ចិន (CCFTA) និង​កិច្ចព្រមព្រៀង​ភាពជាដៃគូសេដ្ឋកិច្ចគ្រប់ជ្រុងជ្រោយតំបន់​ (RCEP) បានចូលជាធរមានកាលពីថ្ងៃទី១ ខែមករា ឆ្នាំ២០២២​ ហើយកិច្ចព្រមព្រៀងពាណិជ្ជកម្មសេរីទ្វេភាគីកម្ពុជា-សាធារណរដ្ឋកូរ៉េ (CKFTA) ក៏​នឹងត្រូវចូលជាធរមានក្នុងពេលឆាប់ៗខាងមុខនេះផងដែរ៕ អត្ថបទ៖ វណ្ណៈ 

ប្រជាពលរដ្ឋ អរគុណរាជរដ្ឋាភិបាល ដែលមិនឡើងថ្លៃអគ្គិសនីដោយសារប្រេងឡើងថ្លៃជាសកល

2022/07/07 02:45:57 pm        1024
Facebook Telegram Linkin
ភ្នំពេញ៖ ប្រជាពលរដ្ឋថ្លែងនូវការសាទរចំពោះរាជរដ្ឋាភិបាល ចំពោះការទប់ស្កាត់ ដោះស្រាយនូវ​រាល់​បញ្ហា ក្នុងស្ថានភាពដ៏លំបាកនេះ ដើម្បីរក្សាស្ថិរភាពសេដ្ឋកិច្ច-សង្គម ជាពិសេសការមិន​ដំឡើង​ថ្លៃអគ្គិសនី ដែលកត្តាទាំងនេះបានបង្ហាញឲ្យឃើញពីការយកចិត្ត​ទុកដាក់ខ្ពស់ នៃជីវភាពរស់នៅ​របស់ប្រជាពលរដ្ឋ និងការស្តារសេដ្ឋកិច្ចឡើងវិញ។ប្រជាពលរដ្ឋ និងក្រុមអាជីវករ លើកឡើងនៅថ្ងៃទី ៧ ខែកក្កដា ឆ្នាំ ២០២២នេះថា នៅពេលដែល​វិបត្តិជំងឺកូវីដ បានផ្ទុះឡើង រាជរដ្ឋាភិបាលបានខិតខំប្រឹងប្រែង ​យកចិត្តទុកដាក់ខ្ពស់ ការទប់ស្កាត់​នៃការរីករាលដាល និងការដោះស្រាយបញ្ហាសង្គម។ ចំពោះបញ្ហាតម្លៃអគ្គិសនី ប្រសិនគ្មានការគិតគូរពីរាជរដ្ឋាភិបាល ពួកគាត់​ នឹងអាចរងផលប៉ះពាល់ និងប្រឈម​នឹងការចំណាយលើអគ្គិសនីដោយសារតម្លៃភ្លើងឡើងថ្លៃ ដែលប្រការទាំងនេះ​ធ្វើឲ្យ​ប្រជាពលរដ្ឋមិនអាចបំភ្លេចបាន​ អំពីការយកចិត្តទុកដាក់ខ្ពស់របស់រាជរដ្ឋាភិបាល ដោយ​ម្ខាងការដោះស្រាយសង្គម​ និងម្ខាងទៀតការទប់ស្កាត់ និងស្តារសេដ្ឋកិច្ចឡើងវិញ។ក្នុងពិធីសំណេះសំណាលជាមួយប្រតិភូកីឡាអាស៊ានប៉ារ៉ាហ្គេម នៅថ្ងៃទី៦ កក្កដា សម្តេចតេជោ ហ៊ុន សែន នាយករដ្ឋមន្ត្រី ថ្លែងថា ​ជាលើកដំបូងនៅក្នុងប្រវត្តិសាស្រ្ត ​អគ្គិសនីកម្ពុជា គឺចូល​ដល់​ដំណាក់កាលនៃការខាតបង់ហើយ ​ប្រសិនបើរដ្ឋមិនយកចិត្តទុកដាក់ទៅលើប្រជាពលរដ្ឋទេ ម៉ោងនេះ​ពេលនេះ ភ្លើងនឹងមានការឡើងថ្លៃមួយជាពីរទៅហើយ។សម្តេចតេជោ បានអំពាវនាវដល់ប្រជាពលរដ្ឋ សូម​មាន​ការប្រើប្រាស់អគ្គិសនីដោយភាព​សន្សំ​សំចៃខ្ពស់ ខណៈដែលអគ្គិសនីកម្ពុជា ​ក៏បានប្រឹងប្រែង​ទប់នៃការកើនឡើងតម្លៃប្រេងឥន្ធនៈ ដែលកើត​មានទូទាំងពិភពលោក ​ដោយសារវិបត្តិសង្គ្រាមរុស្ស៊ី-អ៊ុយក្រែន។សម្រាប់ចុងឆ្នាំ២០២២នេះ​ សម្តេច ហ៊ុន សែន ​គ្រោងប្រកាសការបញ្ចុះថ្លៃ​អគ្គិសនីដល់ប្រជាពលរដ្ឋ ប៉ុន្តែផែនការនេះ អាច​ត្រូវ​ពន្យារពេលវិញ ​ព្រោះតែរដ្ឋត្រូវបំពេញការខាតបង់របស់EDC ៕ អត្ថបទ៖ សុន រ៉ាឌី

អគ្គនាយកដ្ឋានគយ ប្រមូលចំណូលពន្ធអាករ បានជាង ១.២ប៊ីលានដុល្លារក្នុងឆមាសទី១

2022/07/07 11:38:10 am        1171
Facebook Telegram Linkin
ភ្នំពេញ៖ អគ្គនាយកដ្ឋានគយ និងរដ្ឋាករ បានប្រមូលពន្ធចំណូលពន្ធអាករ សរុប ១ ២៩៣លានដុល្លារ ក្នុងត្រីឆមាសទី១ ឆ្នាំ២០២២ ស្នើនឹង​៥០.១ភាគរយ នៃផែនការ ឆ្លុះបញ្ចាំងពីសកម្មភាពនាំចូលនាំចេញទំនិញ ស្របពេលដែលកម្ពុជា បានបើកសកម្មភាពសង្គមសេដ្ឋកិច្ចឡើងវិញ។​តួលេខចំណូលពន្ធគយនេះ ត្រូវបានបង្ហាញដោយ ឯកឧត្តម គុណ ញឹម រដ្ឋមន្ត្រីប្រតិភូអមនាយករដ្ឋមន្ត្រី អគ្គនាយកនៃអគ្គនាយកដ្ឋានគយ និងរដ្ឋាករកម្ពុជា ក្នុងសន្និសីទសារព័ត៌មានបង្ហាញលទ្ធផលនៃការងារប្រមូលពន្ធអាករលើរថយន្តគ្មានពន្ធ មានស្រាប់ក្នុងប្រទេស ជ្រកក្រោមផ្លាកលេខផ្សេងៗ នៅថ្ងៃទី៧ ខែកក្កដា។ឯកឧត្តម គុណ ញឹម ថ្លែងថា​ ចំណូលពន្ធអាករក្នុងរយៈពេលប្រាំខែដើមឆ្នាំនេះ ស្មើនឹងពាក់កណ្តាល​នៃផែនការគៀគរចំណូលឆ្នាំ២០២២ របស់ក្រសួងសេដ្ឋកិច្ច និងហិរញ្ញវត្ថុ។​ក្នុងអំឡុងពីខែមករា ដល់ខែមិថុនា ប្រភពចំណូលសំខាន់គឺ​បានមកពីចំណូលពន្ធអាករ លើយានយន្ត ប្រមាណ ៤៣ភាគរយ នៃចំណូលសរុប និងចំណូលពន្ធអាករលើរថយន្ត តំណាងប្រមាណ ជិត៤០ ភាគរយ នៃចំណូលពន្ធអាករសរុប៕ អត្ថបទ៖ វណ្ណៈ 

អគ្គនាយកដ្ឋានគយ ទទួលបានប្រាក់ពន្ធអាករលើរថយន្តគ្មានពន្ធ និងចង្កូតស្តាំ​ ជាង៧៦លានដុល្លារ

2022/07/07 11:15:04 am        2104
Facebook Telegram Linkin
ភ្នំពេញ៖ អគ្គនាយកដ្ឋានគយ និងរដ្ឋាករ បានចំណូលពីការបង់ពន្ធអាករលើរថយន្តចង្កូតឆ្វេងនាំចូលអត់ពន្ធ និងរថយន្តចង្កូតស្តាំ កែទៅចង្កូតឆ្វេង មានប្រមាណជាង៧៦លានដុល្លារ។​ឯកឧត្តម គុណ ញឹម រដ្ឋមន្រ្តីប្រតិភូអមនាយករដ្ឋមន្ត្រី និងជាអគ្គនាយក នៃអគ្គនាយកដ្ឋានគយ និងរដ្ឋាករកម្ពុជា បង្ហាញពីលទ្ធផលនៃការងារប្រមូលពន្ធអាករលើរថយន្តគ្មានពន្ធ មានស្រាប់ក្នុងប្រទេស ជ្រកក្រោមផ្លាកលេខផ្សេងៗ ក្នុងសន្និសីទសារព័ត៌មាន ធ្វើឡើងនៅថ្ងៃទី៧ ខែកក្កដា។​គិតត្រឹមថ្ងៃទី៣០ ខែមិថុនា ឆ្នាំ២០២២ អគ្គនាយកដ្ឋានគយ និងរដ្ឋាករ បានចុះទទួលប្រាក់បង់ពន្ធពន្ធអាករ និងកក់ប្រាក់សម្រាប់រថយន្តចង្កូតស្តាំ ទៅចង្កូតឆ្វេង សុរបចំនួន ៩ ៧៥៣គ្រឿង។ ក្នុងនោះ​ រថយន្តចង្កូតឆ្វេងនាំចូលអត់បង់ពន្ធ មានចំនួន ២ ៧១៣ គ្រឿង ដែលបានបង់ពន្ធអាករ សរុប ៣៥លានដុល្លារ។​ចំណែក រថយន្តចង្កូតស្តាំ កក់ប្រាក់សម្រាប់កែចង្កូតឆ្វេង មានសរុប ៧ ០៤០ គ្រឿង ដែលមានទឹកប្រាក់សរុប ៤១.៥លានដុល្លារ។ យុទ្ធនាការបង់ពន្ធអាករលើរថយន្តគ្មានពន្ធ និងរថយន្តចង្កូតស្តាំ បានបិទបញ្ចប់ នៅនៅចុងខែមិថុនា ឆ្នាំនេះ បន្ទាប់ពីចាប់អនុវត្ត ពីខែមករាដើមឆ្នាំ។ ក្នុងពិធីសំណេះសំណាលជាមួយប្រតិភូកីឡាអាស៊ានប៉ារ៉ាហ្គេម នៅថ្ងៃទី៦ កក្កដា សម្តេចតេជោ ហ៊ុន សែន នាយករដ្ឋមន្ត្រីការអនុញ្ញាតឲ្យរថយន្តចង្កូតស្តាំ ចូលបង់ដោយមិនបាច់កែចង្កូតនេះ សម្រាប់តែរថយន្តកំពុងមានវត្តមាននៅកម្ពុជា គិតត្រឹមថ្ងៃទី០៦ ខែកក្កដា ឆ្នាំ២០២២ប៉ុណ្ណោះ។សម្តេចតេជោ ហ៊ុន សែន បានណែនាំឲ្យមន្ត្រីគយ ក៏ដូចជាកម្លាំងសមត្ថកិច្ចតាមព្រំដែនត្រូវស្តាប់ឲ្យច្បាស់ គឺមិនត្រូវឲ្យមានការបន្លំយករថយន្តចង្កូតស្តាំថ្មីៗ ចូលមកកម្ពុជា ដើម្បីចូលបង់ពន្ធនោះទេ។ សម្តេចបញ្ជាក់ថា រថយន្តចង្កូតស្តាំអត់ពន្ធ មានតែលួចនាំចូលតាមព្រំដែនថៃប៉ុណ្ណោះ។អត្ថបទ៖ វណ្ណៈ 

CDC ត្រៀមខ្លួនសម្រួលដល់វិនិយោគិនម៉ាឡេស៊ី និងវិនិយោគិនគ្រប់ជាតិសាសន៍នៅកម្ពុជា

2022/07/06 04:36:25 pm        687
Facebook Telegram Linkin
ភ្នំពេញ៖ ក្រុមប្រឹក្សាអភិវឌ្ឍន៍កម្ពុជា (CDC) ក្នុងនាមជាស្ថាប័នជំរុញវិនិយោគ ត្រៀមចខ្លួនរួច​ជា​ស្រេច​ក្នុងការផ្តល់សេវាថែទាំ និងសម្រួលដល់វិនិយោគិនម៉ាឡេស៊ី ​និងវិនិយោគិន​គ្រប់ជាតិសាសន៍ ហើយច្បាប់ស្តីពីវិនិយោគថ្មីដែលបានចូលជាធរមានកាលពីចុងឆ្នាំ២០២១ ជាក្របខណ្ឌ​គតិយុត្តិមួយ​ដ៏រឹងមាំ​ដែលបានផ្តល់ការលើកទឹកចិត្តជាច្រើនដល់ការវិនិយោគក្នុងប្រទេសកម្ពុជា។ឯកឧត្ដម សុខ ចិន្តាសោភា រដ្ឋមន្ត្រីប្រតិភូអមនាយករដ្ឋមន្ត្រី អគ្គលេខាធិការក្រុមប្រឹក្សា​អភិវឌ្ឍន៍​កម្ពុជា លើកឡើងក្នុង “កម្មវិធីកិច្ចសន្ទនាកម្រិតខ្ពស់ស្តីពីទំនាក់ទំនង​សេដ្ឋកិច្ចអាស៊ាន និងអ៊ីតាលី ” លើកទី៦ ​នៅទីក្រុងគូឡាឡាំពួ ប្រទេសម៉ាឡេស៊ី ថ្ងៃទី៥-៦ ខែកក្កដា។កម្មវិធីនេះ ត្រូវបានរៀបចំដោយ សមាគមផ្គត់ផ្គង់ការលក់រាយម៉ាឡេស៊ី និងសាជីវកម្មសហគ្រាស​ធុនតូច និងមធ្យមម៉ាឡេស៊ី ​ដោយមានវត្តមានចូលរួមរបស់ ឯកឧត្តម ចឺយ វិចិត្ត ឯកអគ្គរាជ​ទូតកម្ពុជា​ប្រចាំ​ប្រទេសម៉ាឡេស៊ី ​លោក Sharan Valiram ប្រធានសមាគម MRCA លោក Dato Sri Ricky Yaw អនុប្រធាន​សាជីវកម្ម SME Malaysia និងលោក លោកស្រីជាប្រធាន និង​អ្នកគ្រប់គ្រង​ក្រុមហ៊ុន​ម៉ាឡេស៊ីចំនួន ១៥។ ឯកឧត្តម សុខ ចិន្តាសោភា បានសម្តែងនូវអំណរគុណចំពោះតំណាងក្រុមហ៊ុន​ទាំងអស់​ដែលមាន​ចំណាប់​អារម្មណ៍ក្នុងការស្វែងរកឱកាសវិនិយោគនៅកម្ពុជា។ ឯកឧត្តម បានលើកឡើងថា ការអភិវឌ្ឍ និងកត្តាជោគជ័យទាំងឡាយរបស់កម្ពុជា កើតចេញ​ពី​កិច្ចខិត​ខំប្រឹងប្រែងដោយពុំគិតពីការ​នឿយហត់​របស់រាជរដ្ឋាភិបាលកម្ពុជាដែលមាន សម្តេចតេជោ នាយករដ្ឋមន្រ្តី ជាប្រមុខដឹកនាំ ​ដែលបានទទួលជ័យជម្នះក្នុងសមរភូមិប្រយុទ្ធប្រឆាំងនឹងជំងឺកូវីដ-១៩ និង​បានផ្តល់លទ្ធភាពឱ្យកម្ពុជា​អាចបើកដំណើរការសង្គម សេដ្ឋកិច្ចលើគ្រប់វិស័យឡើងវិញ​ចាប់តាំងពីថ្ងៃទី១ ខែវិច្ឆិកា ឆ្នាំ២០២១ មក។ លោក លោកស្រី ដែលជាប្រធានសមាគម អនុប្រធានសាជីវកម្ម និងធុរជនទាំងអស់បានវាយ​តម្លៃខ្ពស់ ​និងសម្តែងនូវការកោតសរសើរចំពោះការអភិវឌ្ឍរបស់​ប្រទេសកម្ពុជានាប៉ុន្មាន​ឆ្នាំ​ចុងក្រោយនេះ​ ជាពិសេសលើការគ្រប់គ្រងបានយ៉ាងល្អប្រសើរនៃការរីករាលដាលជំងឺកូវីដ-១៩ ក្នុងសហគមន៍ ​ដែលបានធ្វើឱ្យអត្រាអ្នកឆ្លងនៅកម្ពុជា​មានចំនួនតិចតួចបំផុតនាពេលបច្ចុប្បន្ន។ ដោយមើលឃើញពីកត្តាវិជ្ជមានជាច្រើនរបស់កម្ពុជា តំណាងក្រុមហ៊ុនម៉ាឡេស៊ីទាំងអស់ប្តេជ្ញាពង្រីក​អាជីវកម្មរបស់ខ្លួននៅកម្ពុជា​ឱ្យខាងតែបាននាថ្ងៃអនាគតដ៏ខ្លី។ ជាក់ស្តែង ពីថ្ងៃទី៣១ ខែសីហា ដល់ថ្ងៃទី៣ ខែកញ្ញា ឆ្នាំ២០២២ ខាងមុខ​ស្ថានទូតកម្ពុជា​ប្រចាំប្រទេស​ម៉ា​ឡេស៊ី សហការជាមួយសមាគម MRCA នឹងរៀបចំបេសកកម្មពាណិជ្ជកម្មចំនួន ៤ថ្ងៃ នៅរាជធានីភ្នំពេញ និងខេត្តកំពង់ស្ពឺ ដើម្បីផ្តល់ឱកាសសន្ទនារវាងក្រុមហ៊ុននៅកម្ពុជា​និង​ក្រុមហ៊ុន​របស់ម៉ាឡេស៊ីដែលរំពឹងថា នឹងអាចឈានទៅរកការសហការគ្នាបន្ថែមទៀត ៕ អត្ថបទ៖ វណ្ណៈ

អត្រាប្តូរប្រាក់មានលំនឹងល្អ ជាការលើកកម្ពស់ជីវិភាពដល់ប្រជាពលរដ្ឋ និងការទាក់ទាញវិនិយោគិន

2022/07/06 01:31:30 pm        764
Facebook Telegram Linkin
ភ្នំពេញ៖ ស្ថានភាពអត្រាប្តូរប្រាក់មិនមានប្រែប្រួលខ្លាំង ជាការធ្វើឲ្យលំហូរសាច់ប្រាក់របស់កម្ពុជា​មាន​លំនឹង ស្ថេរភាពល្អ និងជាផ្នែកមួយយ៉ាងសំខាន់សម្រាប់អ្នកប្រើប្រាស់ និងជាទំនុកចិត្តរបស់អ្នក​វិនិយោគ ជាពិសេសការផ្តល់ភាពទាក់ទាញពីវិនិយោគិន ឲ្យមកបណ្តាក់ទុននៅក្នុងទីផ្សារ​ព្រះរាជា​ណា​ចក្រកម្ពុជា។លោកឧកញ៉ា លឹម ហេង អនុប្រធានសភាពាណិជ្ជកម្ពុជា និងជាអ្នកជំនួញនៅក្នុងអាជីវកម្ម ថ្លែង​លើកឡើងនៅក្នុងកិច្ចសម្ភាសន៍ ​ជាមួយភ្នាក់អ្នកយកព័ត៌ BTV ​នៅថ្ងៃទី៦ ខែកក្កដា ឆ្នាំ២០២២ នេះថា តាមការសង្កេតមើលទីផ្សារប្តូរប្រាក់នៅកម្ពុជា ​ជាច្រើនឆ្នាំមកនេះ គឺមិនមានការប្រែប្រួល​ខ្លាំង​នោះឡើយ ដោយរក្សាអតិផរណាលំនឹងប្រាក់រៀល​ និងប្រាក់ដុល្លារបានល្អប្រសើរ។លោកឧកញ៉ា បន្តថា ទោះបីអត្រាប្តូរប្រាក់មានស្ថេរភាពល្អយ៉ាងណាក៏ដោយ ការគាំទ្រ និងរួមគ្នាប្រើ​ប្រាស់​រូបិយវត្ថុ​ប្រាក់រៀល​ ត្រូវជំរុញឲ្យបានផុលផុសថែមទៀត។ទាក់ទងរូបិយវត្ថុនេះ, លោក សុខ វឿន ប្រធានក្រុមប្រឹក្សាភិបាលនៃសមាគមមីក្រូហិរញ្ញវត្ថុកម្ពុជា ថ្លែងថា ​ចំពោះការរក្សាស្ថេរ ភាពអត្រាប្តូរប្រាក់ល្អក្នុងរក្សាវែងបែបនេះ គឺមិនមែនជារឿង​ចៃដន​នោះឡើយ ​ពោលគឺបានកើតចេញពីការគិតគូរ ​និងយកចិត្តទុកដាក់ខ្ពស់ពីរាជរដ្ឋាភិបាល នឹង​ស្ថាប័នជំនាញ ​ជាពិសេសជាងនេះទៅទៀត ​វាជាការទាក់ទាញអ្នកវិនិយោគផងដែរ ។សូមបញ្ជាក់ថា៖ ថ្មីៗនេះមន្រ្តីជាន់ខ្ពស់ធនាគារជាតិនៃកម្ពុជា បានបង្ហាញថា ដោយមានការដាក់​ចេញ​នូវគោលនយោបាយជាច្រើន ​និងការជម្រុញលើកកម្ពស់ប្រាក់រៀលជាដើម​ ក្នុងរយៈពេល ២០ឆ្នាំ មកនេះ​ អត្រាប្តូរប្រាក់រៀល ធៀបនឹងដុល្លារ ​មានស្ថេរភាពល្អ ក្នុងរង្វង់មធ្យមជាង ៤ ០០០រៀល ក្នុងមួយដុល្លារ​ ពោលគឺដោយមានការប្រែប្រួលតិចតូច។ជាក់ស្តែងថ្ងៃទី ០៦ខែកក្កដា ឆ្នាំ ២០២២ ធនាគារជាតិនៃកម្ពុជា​ បានបង្ហាញអត្រាប្តូរប្រាក់ផ្លូវការ គឺ ៤ ០៧៥ រៀល ​ក្នុងមួយដុល្លារអាមេរិក។​ ដូច្នេះវត្តមានរបស់ប្រាក់រៀល គឺបានរួមចំណែកយ៉ាង​សំខាន់ ​ក្នុងការស្តារ ​និងពង្រឹងភាពធន់នៃសេដ្ឋកិច្ច ជាពិសេសការបន្ធូរបន្ថយអត្រាការប្រាក់​សម្រាប់​ជំរុញការវិនិយោគ ​និងការប្រើប្រាស់​ ក៏ដូចជាការផ្តល់សាច់ប្រាក់បន្ថែមដល់សេដ្ឋកិច្ចផងដែ ៕អត្ថបទ៖ សុន រ៉ាឌី

ចំណូលលក់សំបុត្រចូលទស្សនាអង្គរដល់ភ្ញៀវទេសចរបរទេស កើនឡើងក្នុងឆមាសទី១

2022/07/05 12:53:06 pm        892
Facebook Telegram Linkin
សៀមរាប៖ កម្ពុជាទទួលបានចំណូលពីការលក់ប័ណ្ណចូលទស្សនាប្រាសាទអង្គរវត្ត បានកើនឡើងខ្ពស់ ក្នុងឆមាសទី១​ឆ្នាំនេះ ឆ្លុះបញ្ជាំងពីវត្តមានភ្ញៀវទេសចរអន្តរជាតិ ចូលទស្សនានៅក្នុងប្រទេស ចាប់តាំងពីរដ្ឋាភិបាលប្រកាសបើកព្រំដែន ទទួលទេសចរណ៍បរទេសចាក់វ៉ាកសាំងកូវីដ១៩។កម្ពុជាទទួលបានចំណូលជាង ២,៤លានដុល្លារ ពីការលក់សំបុត្រចូលទស្សនាអង្គរ ក្នុងរយៈពេល ៦ខែ ដើមឆ្នាំ២០២២ កើនឡើងជាង ១០ដង ធៀបនឹងរយៈពេលដូចគ្នាក្នុងឆ្នាំ២០២១។ នេះបើតាមសេចក្តីប្រកាសព័ត៌មានរបស់គ្រឹះស្ថានអង្គរ។គ្រឹះស្ថានអង្គរ បានបញ្ជាក់ថា ៦ខែនេះ មានទេសចរសរុប ៥៩ ៩៨៣នាក់ បានទិញសំបុត្រចូល​រមណីយដ្ឋាន​អង្គរ ដែលកើន ១០ដង ធៀបនឹងរយៈពេលដូចគ្នាក្នុងឆ្នាំ២០២១ ។ ដោយឡែក ក្នុង​ខែមិថុនា កន្លងទៅនេះ មានទេសចរ ១៤ ២០៤នាក់ បាន​ទិញប័ណ្ណចូលទស្សនារមណីយដ្ឋានអង្គរ ហើយ​ចំណូលលក់សំបុត្រនោះមាន ៥៦៣ ៦៥៣ដុល្លារ។គួរបញ្ជាក់ដែរថា ក្នុងរយៈពេល ៦ខែ ចំណូលពីការលក់សំបុត្រចូលរមណីយដ្ឋានអង្គរ ដែលបាន​ឧបត្ថម្ភ​ទៅមូលនិធិ​គន្ធបុប្ផា ​មាន​ចំនួន ១១៩ ៩៦៦ដុល្លារ។ នេះបើតាមសេចក្តីប្រកាស​ព័ត៌មាន​របស់គ្រឹះស្ថានអង្គរ។ស្ថិតនៅភាគពាយព្យនៃខេត្តសៀមរាប ប្រាសាទអង្គរ ​ដែលត្រូវបានចុះក្នុងបញ្ជីបេតិកភណ្ឌ​ពិភព​លោក​របស់ យូណេស្កូ ក្នុងឆ្នាំ ១៩៩២ គឺជាគោលដៅទេសចរណ៍​ពេញ​និយមបំផុត​នៅក្នុង​ប្រទេសកម្ពុជា។ក្នុងអំឡុងមុនការរាតត្បាតជំងឺកូវីដ១៩ រមណីយដ្ឋាន​បេតិកភណ្ឌ​ពិភពលោក​ប្រាសាទអង្គរ បាន​ទទួល​ភ្ញៀវអន្តរជាតិដល់ទៅ ២,២ លាននាក់ក្នុងឆ្នាំ ២០១៩​ ដែលរកចំណូលបាន​ ៩៩ លានដុល្លារ ពីការលក់សំបុត្រ។គួរបញ្ជាក់ថា រាជរដ្ឋាភិបាលកម្ពុជា​ សម្រេចបើកប្រទេសពេញលេញឡើងវិញ ​កាលពីខែវិច្ឆិកាឆ្នាំមុន បន្ទាប់​ពីស្ថានភាពកូវីដ១៩ក្នុងប្រទេសមានភាពធូរស្រាល ​ដោយសារអត្រាខ្ពស់នៃប្រជាពលរដ្ឋ​បាន​ចាក់វ៉ាក់សាំងមូលដ្ឋាន។ នៅក្រោយ​ប្រកាស​ទទួលភ្ញៀវទេសចរបរទេសដែល​បានចាក់វ៉ាក់សាំង​កូវីដ១៩ អាជីវកម្មទេសចរណ៍នានា ​ត្រូវបានគេមើលឃើញថា បានបើកដំណើរការឡើងវិញ​ជា​បន្តបន្ទាប់៕

ប្រតិបត្តិការហិរញ្ញវត្ថុរបស់គ្រឹះស្ថានហិរញ្ញវត្ថុកម្ពុជា មានភាពល្អប្រសើរ

2022/07/04 02:25:18 pm        344
Facebook Telegram Linkin
ភ្នំពេញ៖ ធនាគារជាតិនៃកម្ពុជា បង្ហាញថា ប្រតិបត្តិការរបស់​ធនាគារ និង​ស្ថាប័ន​ហិរញ្ញវត្ថុនៅកម្ពុជា បាន​ដំណើរការយ៉ាងរលូន និងរឹងមាំនៅក្នុងត្រីមាសទី១ ឆ្នាំនេះ ដោយសារតែការស្ទុះងើបឡើងវិញ យ៉ាងឆាប់រហ័ស នៃសកម្មភាពអាជីវកម្មចាប់តាំងពីរាជរដ្ឋាភិបាលប្រកាសបើកដំណើរការ​សេដ្ឋកិច្ច​សង្គមពេញលេញឡើងវិញ ។គិតត្រឹមឆមាសទីមួយឆ្នាំ២០២២ គ្រឹះស្ថានធនាគារ និងហិរញ្ញវត្ថុនៅកម្ពុជា បានផ្តល់​ឥណទាន​ដល់វិស័យឯកជនសរុប ៥០,៧ពាន់លានដុល្លារ។ ​នេះបើយោងតា របាយការណ៍​ពី​ធនាគារជាតិ​នៃកម្ពុជា ដោយបានបញ្ជាក់ថា ​ទំហំឥណទាននេះ ​គឺកើនជាង ២២ភាគរយ បើធៀបនឹងចុងឆ្នាំ​ត្រីមាស​ទីមួយឆ្នាំ២០២១។របាយការណ៍ពីធនាគារជាតិនៃកម្ពុជា បានបញ្ជាក់ថា ទឹកប្រាក់ចំនួន២០៥,៤ទ្រីលានរៀល (ប្រមាណ​៥០,៧ពាន់លានដុល្លារ) ​គឺជាទំហំឥណទានដែល​គ្រឹះស្ថានធនាគារ​ និងហិរញ្ញវត្ថុនៅកម្ពុជា ផ្តល់ឱ្យវិស័យឯកជននានា ​ដើម្បីបំពេញតាមតម្រូវការវិនិយោគ និងសកម្មភាពសេដ្ឋកិច្ច។ យោងតាមរបាយការណ៍ដដែល ​ការផ្តល់ឥណទានតាមវិស័យរបស់គ្រឹះស្ថានធនាគារនិងហិរញ្ញវត្ថុ រួមមាន​ ១៣,៧ពាន់ដុល្លារបានគ្រប់ដណ្តប់លើវិស័យសំណង់ ​ដែលកើន២៩,៣ភាគរយ ធៀប​នឹង​ឆ្នាំមុន​ ឥណទាន ៤,៨ពាន់លានដុល្លារ គ្រប់​ដណ្តប់​លើវិស័យកសិកម្ម ​កើន១១,៦ភាគរយ និង​វិស័យ​សេវា​កម្មកើន ១១,៥ភាគរយក្នុងទំហំ ៥ពាន់លានដុល្លារ។ ដោយឡែក ផ្នែកពាណិជ្ជកម្មលក់ដុំ និងរាយទទួលបាន​ឥណទាន​ពីគ្រឹះស្ថានធនាគារ និងហិរញ្ញវត្ថុ ចំនួន១២,៦ ពាន់​លាន​ដុល្លារ កើន២៦,១ភាគរយ, អង្គភាពគ្រួសារមាន២,៧ ​ពាន់​លានដុល្លារ កើន៣៧ ភាគរយ, ផ្នែកកម្មន្តសាល ១,៧ ពាន់លានដុល្លារ ​កើន២៤,៨ ភាគរយ ​និងផ្នែកផ្សេងៗ ១០,២ ពាន់​លានដុល្លារ កើន ១៦,៨ ភាគរយ។បច្ចុប្បន្ន​កម្ពុជា មាន​ធនាគារ និងមីក្រូហិរញ្ញសរុប ៣៨៣គ្រឹះស្ថាន ក្នុង​នោះមាន ​ធនាគារពាណិ្ជកម្ម ចំនួន៥៤ ​និង​ធនាគារ​ឯកទេស ចំនួន១០។ដោយឡែក គ្រឹះស្ថានមីក្រូហិរញ្ញវត្ថុទទួល​ប្រាក់​បញ្ញើ​ពីសាធារណជន​ មាន៦, គ្រឹះ​ស្ថានមីក្រូហិរញ្ញវត្ថុ​មិន​ទទួល​ប្រាក់​បញ្ញើ ​មាន៧៩​ និង​គ្រឹះ​ស្ថាន​ឥណទាន​ជនបទ មាន២៣៤៕ អត្ថបទ៖ វណ្ណៈ

បណ្ដាញសង្គម

ព័ត៌មានថ្មីៗ

អ.ន.ក. ស្រុកគាស់ក្រឡ ចុះពិនិត្យការសាងសង់សាលារៀនសម្រាប់គ្រួសារអតីតយុទ្ធជន
04/28/2026 03:04 PM
Facebook Telegram Linkin
ក្រុមអនុព័ន្ធយោធាបរទេសប្រចាំកម្ពុជា ចុះសង្កេតការណ៍នៅតំបន់អូរភ្លុកដំរី ខេត្តពោធិ៍សាត់ជាលើកទីពីរ ក្នុងឆ្នាំ២០២៦នេះ
04/28/2026 03:04 PM
Facebook Telegram Linkin
ប្រធានស្តីទីព្រឹទ្ធសភា អរគុណម៉ាឡេស៊ីកាលជាប្រធានអាស៊ាន បានដើរតួនាទីយ៉ាងសកម្មជួយសម្របសម្រួលកាត់បន្ថយភាពតានតឹង និងជំរុញដំណើរការសន្តិភាពក្នុងតំបន់
04/28/2026 03:04 PM
Facebook Telegram Linkin
ក្រុមហ៊ុនទេសចរណ៍រំពឹងថា Visa Free នឹងទាក់ទាញទេសចរចិនច្រើនមកទស្សនាកម្ពុជា
04/28/2026 03:04 PM
Facebook Telegram Linkin
សមាជិកសភាវ័យក្មេងអាយប៉ាចូលរួមកិច្ចប្រជុំពិគ្រោះយោបល់លើកទី៣ «យុវជនអាស៊ាន៖ ការពង្រឹងសាមគ្គីភាព និងការផ្ដល់អំណាចជាអ្នកដឹកនាំដែលត្រៀមខ្លួនរួចជាស្រេចសម្រាប់អនាគត»
04/28/2026 03:04 PM
Facebook Telegram Linkin
ព្រះសង្ឃ និងពលរដ្ឋត្រេកអរ បន្ទាប់​ពីទទួល​ដំណឹង​អំពី​ព្រះរាជ​សុខ​ភាព​ព្រះ​មហា​ក្សត្រ​កាន់​តែ​ល្អ​ប្រសើរ​
04/28/2026 02:04 PM
Facebook Telegram Linkin
ពលរដ្ឋបន្តសាទរកិច្ចប្រឹងប្រែងរបស់រដ្ឋាភិបាលបោសសម្អាត Online Scams ដើម្បីស្ដារ​មុខមាត់​កម្ពុជា
04/28/2026 02:04 PM
Facebook Telegram Linkin
រដ្ឋមន្រ្ដីក្រសួងវប្បធម៌កម្ពុជា និងទូតនីការ៉ាហ្កាប្រចាំកម្ពុជា ប្ដេជ្ញាពង្រឹង-ពង្រីកទំនាក់ទំនងវិស័យវប្បធម៌ ប្រទេសទាំងពីរ
04/28/2026 02:04 PM
Facebook Telegram Linkin
Xavi Simons នឹងអវត្តមានដល់ចប់រដូវកាលរួមទាំង World Cup ដោយសាររបួស
04/28/2026 02:04 PM
Facebook Telegram Linkin
UN ប្ដេជ្ញាបន្តពង្រឹងសន្តិសុខស្បៀងជាមួយកម្ពុជា ខណៈពិភពលោកជួបវិបត្តិជាបន្តបន្ទាប់
04/28/2026 02:04 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.