BTV NEWS

កម្ពុជា-អូស្រ្តាលី ប្រកាសផ្លូវការនូវផែនការភាពជាដៃគូសម្រាប់ការអភិវឌ្ឍ ដើម្បីជំរុញកំណើនសេដ្ឋកិច្ច

កម្ពុជាមានសុទិដ្ឋិនិយមថាទោះបិទការនាំចូលប្រេងឥន្ធនៈ និងឧស្ម័នពីថៃ ក៏អាចរក្សាការផ្គត់ផ្គង់តម្រូវការបាន

តំបន់សេដ្ឋកិច្ចពិសេសកម្ពុជាដើរតួនាទីយ៉ាងសំខាន់ ក្នុងការជំរុញកំណើននាំចេញវិស័យឧស្សាហកម្ម

ឯកឧត្តម ឌិត ទីណា បន្តក្រើនរម្លឹកមន្រ្តីកសិកម្មឃុំឱ្យចុះផ្សព្វផ្សាយផែនការ "មានហូប មានប្រើ មានបាន និងមានរហូត"

សេដ្ឋកិច្ច និង កសិកម្ម

ទំនាក់ទំនងពាណិជ្ជកម្មទ្វេភាគីរវាងកម្ពុជា-អាមេរិកបន្តកើនឡើង

ភ្នំពេញ ៖ ទំនាក់ទំនងពាណិជ្ជកម្មទ្វេភាគីរវាងកម្ពុជា និងសហរដ្ឋអាមេរិក បន្តកើនឡើង បើទោះជាស្ថិតរងការប៉ះពាល់ដោយសារការរីករាលដាលជំងឺកូវីដ១៩។ ក្នុងរយៈពេល ៤ ខែ ដើមឆ្នាំ ២០២១ ការនាំចេញនាំចូល មានទំហំទឹកប្រាក់ប្រមាណជិត ២ពាន់លានដុល្លារ កើនឡើង២៨ភាគរយ ។ឯកឧត្តម ប៉ែន សុវិជាតិ អ្នកនាំពាក្យ និងជាអនុរដ្ឋលេខាធិការក្រសួងពាណិជ្ជកម្ម បានថ្លែងប្រាប់ភ្នាក់ងារអ្នកយកព័ត៌មាន BTV ស្តីពីទំហំពាណិជ្ជកម្មទ្វេភាគីរវាងកម្ពុជា-អាមេរិក នៅថ្ងៃទី ១ ខែមិថុនា ឆ្នាំ២០២១ នេះថា ចំពោះទំនាក់ទំនងនៅក្នុងពាណិជ្ជកម្មកម្ពុជា-អាមេរិក ការនាំចេញផលិតផលពីកម្ពុជា ទៅកាន់សហរដ្ឋអាមេរិក គឺមានកំណើនកើនឡើងគួរជាទីកត់សម្គាល់ដូចជា ការនាំចេញសំលៀកបំពាក់ កាបូប ស្បែកជើង និងសម្ភារៈផ្សេងៗជាដើម។កម្ពុជានាំចូលពីសហរដ្ឋអាមេរិក មានតម្លៃទឹកប្រាក់សរុបជាង ៩៣ លានដុល្លារ កើនឡើងជាង ១០ភាគរយ ខណៈការនាំចេញមានចំនួនទឹកប្រាក់ជាង ១ ៩០០ ពាន់លានដុល្លារ កើនឡើងជាង ២៩ភាគរយ។ឯកឧត្តម បន្តថា ជុំវិញពាណិជ្ជកម្មទ្វេភាគីរវាងកម្ពុជា-អាមេរិក នេះ ទោះបីស្ថាននៅក្នុងកាលៈទេសៈនៃជំងឺកូវីដ-១៩ នេះក្តី ទំនាក់ទំនងពាណិជ្ជកម្មរវាងប្រទេសទាំងពីរ នៅតែរក្សាបានស្ថិរភាពល្អប្រសើរ ដោតសហរដ្ឋអាមេរិកនៅតែចាត់ទុកប្រទេសកម្ពុជា គឺជាប្រភពមួយ នៃការផលិតសម្រាប់ការនាំចេញ ខណៈសហរដ្ឋអាមេរិកមានក្រុមហ៊ុនធំៗជាដៃគូ បានកំពុងទទួលទិញផលិតផលពីកម្ពុជា ។ ទាក់ទងការធ្វើពាណិជ្ជកម្មរវាងកម្ពុជា-អាមេរិក នេះផងដែរ, លោកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា លើកឡើងថា ក្នុងដំណើរទស្សនកិច្ចនៅកម្ពុជារបស់លោកជំទាវ Wendy Ruth Sherman អនុរដ្ឋមន្ត្រីក្រសួងការបរទេសសហរដ្ឋអាមេរិក នៅក្នុងថ្ងៃអង្គារ គឺបានបង្ហាញនូវទំនាក់ទំនងកាន់តែជិត ស្និតថែមទៀតរវាងប្រទេសទាំងពីរ នឹងធ្វើឲ្យកិច្ចសហប្រតិបត្តិការពាណិជ្ជកម្មរវាងប្រទេសទាំងពីរ កាន់តែប្រសើរថែមទៀត ខណៈបច្ចុប្បន្នមានក្រុមដៃគូរជាច្រើន កំពុងរងចាំឱកាសវិនិយោគបន្ទាប់ពីស្ថានភាពជំងឺកូវីដ-១៩ បានធូរស្រាល ។សូមបញ្ជាក់ថា នៅក្នុងរយៈពេល ៤ ខែ ដើមឆ្នាំ ២០២១ ទីផ្សារសហរដ្ឋអាមេរិក បានឈរក្នុងលំដាប់ទី១ នៃការនាំចេញផលិតផលពីកម្ពុជាច្រើនជាងគេ តាមពីក្រោយដោយ ទីផ្សារចិន, អឺរ៉ុប, អាស៊ាន, ជប៉ុន, ចក្រភពអង់គ្លេស និងការនាំចេញទៅកាន់ទីផ្សារផ្សេងៗមួយចំនួនទៀត៕អត្ថបទ៖ សុន រ៉ាឌី

កម្ពុជានាំអង្ករចេញជាង២៣ម៉ឺនតោនក្នុងរយៈពេលប្រាំខែឆ្នាំ២០២១

ភ្នំពេញ ៖ កម្ពុជានាំចេញអង្ករទៅកាន់ទីផ្សារអន្តរជាតិ មានចំនួន ២៣៣ ០៣១តោន ក្នុងរយៈពេល៥ខែ ឆ្នាំ២០២១ ថយចុះ ៣៤,៥ ភាគរយ ធៀបនឹងរយៈពេលដូចគ្នាកាលពីឆ្នាំ២០២០។ ប្រទេសចិន ជាទីផ្សារធំជាងគេសម្រាប់ការនាំចេញអង្ករពីកម្ពុជា ដោយរួមចំណែកប្រមាណ៥១ភាគរយនៃបរិមាណអង្ករនាំចេញសរុប។ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បញ្ជាក់ថា អង្ករបាននាំចេញទៅកាន់ទិសដៅសហភាពអឺរ៉ុប ចំនួន២០ប្រទេស មានបរិមាណសរុប ចំនួន ៥៥ ១៨៨តោន សើ្មនឹង ២៣,៦៦ ភាគរយនៃបរិមាណនាំចេញសរុប ទៅប្រទេសចិនមានបរិមាណសរុបចំនួន ១២០ ៨៣៤តោន ស្មើនឹង៥១,៨៦ភាគរយ ទិសដៅអាស៊ានចំនួន ៥ប្រទេស មានបរិមាណសរុបចំនួន ២១ ៨៤៨តោន ស្មើនឹង៩,៣៨ភាគរយ និងទិសដៅដទៃទៀតចំនួន១៩ប្រទេស មានបរិមាណសរុប ៣៥ ១៦១តោន ស្មើនឹង១៥,១ភាគរយ។ឯកឧត្តម បន្ថែមថា ក្រុមហ៊ុនដែលបាននាំចេញអង្ករមាន ចំនួន ៥៤ក្រុមហ៊ុន ហើយបរិមាណអង្ករដែលបាននាំចេញដោយក្រុមហ៊ុនធំៗ ចំនួន១០ មានរហូតដល់ ១៦៨ ៥១១តោន (៧២,៣១%) និងក្រុមហ៊ុន៤៤ដទៃទៀតបាននាំចេញត្រឹមតែ ៦៤ ៥២០តោន (២៧,៦៩%)។ជាមួយគ្នានេះដែរ លោករដ្ឋមន្ដ្រីកសិកម្ម ក៏បានលើកឡើងថា ការនាំចេញស្រូវមានចំនួន ១,៦លានតោន ក្នុងរយៈពេល ៥ខែ ឆ្នាំ២០២១ ទៅកាន់ប្រទេសវៀតណាម និងប្រទេសអារ៉ាប់រួម មានការកើនឡើងចំនួន៨២ភាគរយ បើធៀបនឹងរយៈពេលដូចគ្នានៅឆ្នាំ២០២០ ។សម្រាប់នាំអង្ករទៅកាន់ទីផ្សារប្រទេសចិន ក្រសួងពាណិជ្ជកម្ម គ្រោងបើកការចរចាជាមួយភាគីចិន លើកូតានាំចេញអង្ករថ្មី ប្រមាណ៥០ម៉ឺនតោន បន្ទាប់ពីកូតានាំចេញអង្ករបច្ចុប្បន្ន មាន៤០ម៉ឺនតោន។ក្នុងរយៈពេល៥ខែ ដើមឆ្នាំ២០២១នេះ ការនាំចេញកសិផលទៅក្រៅប្រទេស មានបរិមាណសរុប ៤,១ លានតោន ទៅកាន់ទិសដៅ ៥៧ ប្រទេស គឺមានការកើនឡើង ចំនួន១ ៩៧៥ ៥៤៧,៥៦ តោន ស្មើនឹង ៨៩,៣២% បើធៀបនឹងរយៈពេលដូចគ្នា ក្នុងឆ្នាំ២០២០ ដែលទទួលបានត្រឹមតែ ២ ២១១ ៧០៩,៨៧ តោន៕អត្ថបទ៖ វណ្ណៈ

កម្ពុជាទទួលបានភ្ញៀវទេសចរជាង ១៩ម៉ឺននាក់ នៅក្នុងខែឧសភានេះ

ភ្នំពេញ៖ ក្នុងខែឧសភា ឆ្នាំ២០២១ កម្ពុជាទទួលបានភ្ញៀវទេសចរជាង ១៩ ម៉ឺននាក់ ក្នុងនោះ ភ្ញៀវជាតិ មានចំនួនជាង ១៩១,០០០ នាក់ និងភ្ញៀវបរទេសផ្ទៃក្នុង ២,២០៥នាក់ ធៀបនឹងខែមេសា ចំនួននេះបានកើនឡើងប្រមាណជាង ៦៩៦%។ឯកឧត្ដម ថោង ខុន រដ្ឋមន្ត្រីក្រសួងទេសចរណ៍ បានថ្លែងឲ្យដឹងនៅក្នុងផេកហ្វេសប៊ុកផ្លូវការ របស់ក្រសួងទេសចរណ៍ នៅថ្ងៃទី៣១ ខែឧសភា ឆ្នាំ២០២១ ជុំវិញនិងភ្ញៀវទេសចរណ៍ នៅក្នុងខែ ឧសភា ឆ្នាំ២០២១ សម្រាប់សប្តាហ៍ទី១ ទទួលបានភ្ញៀវប្រមាណ ១៩ពាន់នាក់, សប្តាហទី២ ជិត ៥០ ពាន់នាក់, សប្តាហទី៣ ជិត ៥៣ពាន់នាក់ និងសប្តាហ៍ទី៤ ទទួលបានភ្ញៀវជាង ៧១ ពាន់នាក់ បើសរុបនៅទូទៅប្រទេស កម្ពុជាទទួលបានភ្ញៀវទេសចរណ៍សរុប ១៩៤,០០០ នាក់ ក្នុងនោះ ភ្ញៀវជាតិមានចំនួនជាង ១៩១,០០០នាក់ និងភ្ញៀវបរទេសផ្ទៃក្នុង ២,២០៥នាក់។ ចំពោះគោលដៅសំខាន់ៗភ្ញៀវទៅទស្សនាកម្សាន្ត ដែលមានសកម្មភាពទេសចរណ៍ច្រើនជាងគេក្នុងខែឧសភានេះ រួមមាន៖ ខេត្តកំពតជិត ៣៩ពាន់នាក់, ខេត្តបាត់ដំបងជិត ២៧ពាន់នាក់, ខេត្តកែបជាង ២៣ ពាន់នាក់, ខេត្តសៀមរាបជិត ១៩ពាន់នាក់, ខេត្តកំពង់ស្ពឺជាង ១៦ពាន់នាក់ និងខេត្តព្រះសីហនុមានចំនួនជាង ១២ពាន់នាក់។ជុំវិញភ្ញៀវទេសចរណ៍នេះ, ឯកឧត្ដម ថោង ខុន បានបន្តថា នៅក្នុងខែឧសភា ឆ្នាំ២០២១ នេះ ចំនួនភ្ញៀវទេសបានកើនឡើងប្រមាណជាង ៦៩៦% ធៀបនឹងខែ មេសា, ចំពោះចំនួននៃការកើនឡើងនេះ គឺដោយសារក្នុងខែ មេសា រាជរដ្ឋាភិបាលបានផ្អាកដំណើរការរមណីយដ្ឋានទេសចរណ៍ទូទាំងប្រទេសជាបណ្តោះអាសន្ន រយៈពេលជាងពីរសប្តាហ៍។សូមបញ្ជាក់ថា រមណីយដ្ឋានគោលដៅទេសចរណ៍ និងមូលដ្ឋានអាជីវកម្មទេសចរណ៍ បានចាប់ផ្តើមបើកដំណើរឡើងវិញជាបណ្តើរៗ ចាប់ពីរាជរដ្ឋាភិបាល បានបើកដំណើរការរមណីយដ្ឋានទេសចរណ៍ឡើងវិញ រហូតដល់ដំណាច់ចុងខែឧសភានេះ ដោយបានអនុវត្តយ៉ាងហ្មត់ចត់តាមវិធានការ «៣ កុំ» និង «៣ ការពារ» រួមជាមួយវិធានសុវត្ថិភាពទេសចរណ៍ក្នុងការទប់ស្កាត់ជំងឺកូវីដ-១៩៕ អត្ថបទ៖ សុន រ៉ាឌី

កម្ពុជាកំពុងត្រៀមសេចក្តីព្រាងឯកសារសម្រាប់ចរចាកិច្ចព្រមព្រៀងពាណិជ្ជកម្មសេរីអាស៊ាន-កាណាដា

ភ្នំពេញ ៖ ក្រសួងពាណិជ្ជកម្មចូលរួមកិច្ចប្រជុំពិគ្រោះយោបល់អន្តរក្រសួង-ស្ថាប័ន ដើម្បីប្រមូលធាតុចូលលើជំពូកស្តីពីបរិស្ថាននៅក្នុងសេចក្តីព្រាងឯកសារក្របខណ្ឌសម្រាប់ចរចាកិច្ចព្រមព្រៀងពាណិជ្ជកម្មសេរីអាស៊ាន-កាណាដា។ឯកឧត្តម ពេជ ឫទ្ធី រដ្ឋលេខាធិការក្រសួងពាណិជ្ជកម្ម ជាតំណាងរបស់ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម កាលពីថ្ងៃសុក្រ បានដឹកនាំគណៈប្រតិភូក្រសួងពាណិជ្ជកម្ម ចូលរួមកិច្ចប្រជុំអន្តក្រសួង-ស្ថាប័ន ដើម្បីប្រមូលធាតុចូលលើជំពូកស្តីពីបរិស្ថាននៅក្នុងសេចក្តីព្រាងឯកសារក្របខណ្ឌសម្រាប់ចរចាកិច្ចព្រមព្រៀងពាណិជ្ជកម្មសេរីអាស៊ាន-កាណាដា តាមប្រព័ន្ធវីដេអូ ដែលកិច្ចប្រជុំនេះត្រូវបាន ដឹកនាំដោយឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន និងជាប្រធានក្រុមប្រឹក្សាជាតិអភិវឌ្ឍន៍ដោយចីរភាព ព្រមទាំងមានការចូលរួមពីក្រសួង-ស្ថាប័នពាក់ព័ន្ធមួយចំនួនទៀត។ថ្លែងទៅកាន់អង្គប្រជុំ ឯកឧត្តមប្រធានបានមានប្រសាសន៍ថា បញ្ហាបរិស្ថានគឺជាការទូតបៃតង ដែលកម្ពុជាតែងតែយកចិត្តទុកដាក់ ដើម្បីធ្វើឱ្យកម្ពុជាអាចអភិវឌ្ឍប្រកបដោយចីរភាព។ ក្នុងឱកាសនោះ អង្គប្រជុំបានផ្តល់ឱកាសឱ្យតំណាងក្រសួង-ស្ថាប័នពាក់ព័ន្ធដែលបានចូលរួម ផ្តល់ធាតុចូលដើម្បីបង្កើតបានជាជំហររបស់កម្ពុជា សម្រាប់ឆ្លើយតបទៅកាន់លេខាធិការអាស៊ានវិញ។ជាមួយគ្នានោះ ឯកឧត្តម ពេជ ឫទ្ធី រដ្ឋលេខាធិការក្រសួងពាណិជ្ជកម្ម បានជម្រាបអង្គប្រជុំអំពីសាវ តានៃការគ្រោងចរចាកិច្ចព្រមព្រៀងពាណិជ្ជកម្មសេរីអាស៊ាន-កាដាណា ព្រមទាំងបានជម្រាបជូននូវជម្រើសមួយចំនួនដែលជាជំហរសម្រាប់អង្គប្រជុំពិចារណា ក្នុងការរៀបចំធាតុចូលសម្រាប់ស្វែងរកជំហររួមអាស៊ាន ដើម្បីឆ្លើយតបទៅភាគីកាណាដាវិញផងដែរ។ជាកិច្ចបញ្ចប់ ឯកឧត្តម ប្រធានអង្គប្រជុំបានថ្លែងអំណរគុណដល់ក្រសួង-ស្ថាប័ន ពាក់ព័ន្ធ ដែលចូលរួមផ្តល់ធាតុចូល និងប្ដេជ្ញាសហការគ្នា ដើម្បីធានាសម្រេចបាននូវភាពជោគជ័យរបស់កម្ពុជា ក្នុងការធ្វើសមាហរណកម្មថា្នក់តំបន់ជាមួយកាណាដា ក៏ដូចជាបណ្តាប្រទេសដៃគូអាស៊ានផ្សេងទៀត។របាយការណ៍ក្រសួងពាណិជ្ជកម្មឱ្យដឹងថា ក្នុងឆ្នាំ ២០២០ ពាណិជ្ជកម្មទ្វេភាគីកម្ពុជា-កាណាដា មានតម្លៃសរុប ៨០០ លានដុល្លារ ធ្លាក់ចុះ ១៦ ភាគរយធៀបនឹងឆ្នាំ ២០១៩ ក្នុងនោះ ការនាំទំនិញពីកម្ពុជាមានតម្លៃ ៧៤៥ លានដុល្លារ ធ្លាក់ចុះ ១១ភាគរយ និងការនាំចូលទំនិញពីកាណាដាមានតម្លៃ ៥៥ លានដុល្លារ ធ្លាក់ចុះ ៥៤ ភាគរយ៕អត្ថបទ ៖ វណ្ណៈ

កំពង់ផែស្វយ័តក្រុងព្រះសីហនុ ប្រមូលចំណូលជាង ២៨ លានដុល្លារ ក្នុងរយៈពេល៤ខែ

ព្រះសីហនុ ៖ ទំនិញឆ្លងកាត់កំពង់ផែស្វយ័តក្រុងព្រះសីហនុ ក្នុងរយៈពេល៤ខែ ឆ្នាំ២០២១ សរុបមានចំនួនបរិមាណជាង២លានតោន កើនឡើងជាង ៩ភាគរយ ក្នុងនោះ ការប្រមូលចំណូលលើអាជីវកម្មសរុបចំនួនទឹកប្រាក់ជាង ២៨ពាន់លានដុល្លារ កើនឡើងជាង ៩ភាគរយ បើធៀបរយៈពេលដូចគ្នាឆ្នាំ២០២០ ។តាមរបាយការណ៍បូកសរុបលទ្ធផលការងារ រយៈពេល ៤ខែ ឆ្នាំ ២០២១ របស់កំពង់ផែស្វយ័តក្រុងព្រះសីហនុ បានបង្ហាញឲ្យដឹងថា ការនាំចូលមានចំនួន ១,៨ លានតោន កើនឡើងជាង ១១ ភាគរយ និងការនាំចេញមានបរិមាណជាង ៥៤ម៉ឺនតោន កើនឡើងជាង ៤ភាគរយ បើធៀបរយៈពេលដូចគ្នាទៅនឹងឆ្នាំ ២០២០ ។ការនាំចូលទំនិញសំខាន់ៗតាមកុងតឺន័រ រួមមាន៖ ម៉ូតូ, ក្រណាត់, បារី, និងទំនិញផ្សេងៗមានការកើនឡើង ខណៈការដឹកជញ្ជូនរួមមាន ៖ រថយន្ត, គ្រឿងចក្រ, កង់ និងសំលៀកបំពាក់ បានថយចុះ ។ ចំពោះការដឹកជញ្ជូនមិនមែនកុងតឺន័រមានដូចជា គ្រឿងចក្រ និងលោហៈធាតុ មានបរិមាណកើនឡើង ខណៈការដឹកជញ្ជូនប្រេង និងសម្ភារៈផ្សេងៗបានធ្លាក់ចុះ ។ ដោយឡែកការនាំចេញសម្រាប់ទំនិញសំខាន់ៗវិញរួមមាន ៖ ក្រណាត់, ស្បែកជើងនិងស្រោមជើង រួមជាមួយការនាំចេញសម្ភារៈផ្សេងៗទៀត មានបរិមាណកើនឡើង, ចំណែកការនាំអង្ករ, សំលៀកបំពាក់, គឿងចក្រ, ឈើកែច្នៃ និងបារី មានចំនួនបរិមាណធ្លាក់ចុះ ។កំពង់ផែស្វយ័តក្រុងព្រះសីហនុ អនុវត្តន៍ចំណូលលើការធ្វើអាជីវកម្មសរុបមានចំនួនជាង ២៨ លានដុល្លារ កើនឡើងប្រមាណជាង ៤ ភាគរយ បើធៀបទៅនឹងរយៈពេលដូចគ្នាក្នុងឆ្នាំ ២០២០ ក្នុងនោះចំពោះចំណូលលើករៀបទុកដាក់ ប្រមូលបានជាង ១៨ លានដុល្លារ, ចំណូលចលនានាវា ជាង ៥ លានដុល្លារ, ចំណូលស្តុកឃ្លាំងជាង ១លានដុល្លារ, ចំណូលដឹកជញ្ជូនជាង ១ម៉ឺនដុល្លារ និងអាករលើតម្លៃបន្ថែម ១០% អនុវត្តន៍បានជាង ២ លានដុល្លារអាមេរិកផងដែរ ៕អត្ថបទ ៖ សុន រ៉ាឌី

ផ្លែតាង៉ែនប៉ៃលិនកំពុងបង្ហាញវត្តមាននៅសៀមរាប ប៉ុន្តែមិនសូវមានអ្នកគាំទ្រ

សៀមរាប ៖ ផ្លែតាង៉ែន ឬហៅថាផ្លែមៀនប៉ៃលិន ដែលកន្លងមកគេធ្លាប់ឃើញតែនៅខេត្ដប៉ៃលិននោះ បច្ចុប្បន្ននេះ នៅក្នុងខេត្ដសៀមរាប មានអ្នកដាំហើយ និងទទួលផលជាច្រើនហិកតាហើយថែមទៀតផង ប៉ុន្តែដំណាំហូបផ្លែប្រភេទនេះ គេមិនសូវចាប់អារម្មណ៍ជាផលិតផលផ្លែឈើដាំដុះ នៅក្នុងខេត្ដសៀមរាបនោះទេ ព្រោះតាង៉ែននេះ មានដើមកំណើតនៅខេត្ដប៉ៃលិន។អ្នកចំការមួយរូបដែលមានវ័យ៧០ឆ្នាំនៅឃុំជប់តាត្រាវ ស្រុកអង្គរធំ មានចម្ងាយប្រមាណជាង៥០គីឡូ ម៉ែត្រពីក្រុងសៀមរាបឈ្មោះ ស៊ិន ធួន បានលើកឡើងកាលពីថ្ងៃទី៣០ ខែឧសភាថា លោកបានដាំតាង៉ែន ឬផ្លែមៀនប៉ៃលិននេះ ប្រមាណ៥ឆ្នាំទៅ៧ឆ្នាំហើយ ដោយឆ្នាំមុនៗមិនសូវបានទិន្នផលនោះទេ ដោយសារជួបគ្រោះរាំងស្ងួតផង និងខ្វះបច្ចេកទេសផង ប៉ុន្តែសម្រាប់នៅឆ្នាំនេះ គឺទទួលបានផលច្រើនគួរអោយកត់សំគាល់។ លោក បន្ដថា លោកបានដាំដើមតាង៉ែននេះ មានចំនួន៥០០ដើម លើផ្ទៃដីមួយហិកតាកន្លះ ដែលនៅក្នុងឆ្នាំនេះទទួលបានផលប្រមាណ៧តោន បើធៀបនឹងឆ្នាំមុនៗ មានការកើនគួរអោយកត់សំគាល់ ព្រោះដើមរបស់វាលូតលាស់ធំៗហើយដែរ។ លោកបន្ថែមថា ឆ្នាំមុនៗលោកបានយកផ្លែឈើប្រភេទនេះ ទៅលក់នៅតាមទីផ្សារក្នុងស្រុក ប៉ុន្ដែមិនសូវមានអ្នកចាប់អារម្មណ៍ជាផលិតផលនៅខេត្ដសៀមរាបនៅឡើយទេ បើទោះបីលោកប្រាប់ថា ជាផ្លែតាង៉ែនដាំនៅចំការរបស់លោកនៅក្នុងខេត្ដសៀមរាបក៏ដោយ។ លោក បានបញ្ជាក់ថា ផ្លែតាង៉ែននៅឆ្នាំនេះមិនសូវមានទីផ្សារទេ ព្រោះមិនសូវមានអ្នកទៅទិញដល់ចំការ ដែលខុសប្លែកពីឆ្នាំមុនៗមានអ្នកកុម្ម៉ង់ទិញដល់ចំការ ហើយមានតម្លៃខ្ពស់គួរសម ប៉ុន្ដែសម្រាប់ឆ្នាំនេះ ថយចុះ ដែលអាចសង្ស័យថា មកពីបញ្ហាជំងឺកូវីដ-១៩។ បច្ចុប្បន្ននេះ ផ្លែមៀនប៉ៃលិន របស់លោកមួយគីឡូក្រាមតម្លៃ៥ពាន់រៀល ហើយដឹកជញ្ជូនដល់ផ្ទះ។បើតាមការកត់សំគាល់ផ្លែតាង៉ែន ឬផ្លែមៀនប៉ៃលិននេះ មានកសិករតិចតួចនៅខេត្ដសៀមរាប បានបង្កើតមុខរបរដាំដើមតាង៉ែននេះ គឺមាននៅជើងភ្នំគូលែនក្នុងស្រុកបន្ទាយស្រី និងនៅតំបន់ឃុំជប់តាត្រាវ ក្នុងស្រុកអង្គរធំ នៃខេត្ដសៀមរាប។ អ្នកចំការដាំផ្លែតាង៉ែន ឬផ្លែមៀនប៉ៃលិន ក៏បានអំពាវនាវដល់ប្រជាពលរដ្ឋអោយចូលរួមគាំទ្រផ្លែឈើនេះ ថាពិតជាមានការដាំដុះនៅខេត្ដសៀមរាប ៕អត្ថបទ ឈិត សាវី

ទំហំពាណិជ្ជកម្មទ្វេភាគីកម្ពុជា-ចិន មានតម្លៃ៣ពាន់លានដុល្លារ ក្នុងរយៈពេលបួនខែឆ្នាំ២០២១

ភ្នំពេញ ៖ ការដោះដូរពាណិជ្ជកម្មទ្វេភាគីរវាងប្រទេសកម្ពុជា និងចិន មានតម្លៃបីពាន់លានដុល្លារ នៅក្នុងរយៈពេលបួនខែដើមឆ្នាំ២០២១ កើនឡើង១៩,៧ ភាគរយ ធៀបនឹងរយៈពេលដូចគ្នា កាលពីឆ្នាំមុន។ទិន្នន័យពីក្រសួងពាណិជ្ជកម្ម បង្ហាញថា ចាប់ពីខែមករា ដល់ខែមេសា កម្ពុជានាំចេញទៅកាន់ប្រទេសចិន មានតម្លៃ ៤២៤ លានដុល្លារ កើនឡើង ៤២ភាគរយ ខណៈតម្លៃនាំចូលទំនិញពីប្រទេសចិន មានទឹកប្រាក់សរុប ២,៥ពាន់លានដុល្លារ កើនឡើង ១៦,៧ភាគរយ។ទំនិញសំខាន់ៗប្រទេសកម្ពុជានាំចេញទៅកាន់ប្រទេសចិន មានដូចជា អង្ករ ផ្លែចេក កៅស៊ូ ដំឡូងមី ផលនេសាទ និងសំលៀកបំពាក់។ ចំណែកផលិតផលសំខាន់ៗ នាំចូលពីប្រទេសចិនវិញ មានដូចជា វត្ថុធាតុដើមសម្រាប់រោងចក្រកាត់ដេរ គ្រឿងចក្រ រថយន្ត អាហារ ឧបករណ៍អេឡិចត្រូនិក ថ្នាំពេទ្យ និងគ្រឿងសំអាង។កាលពីដើមខែឧសភានេះ កម្ពុជាបានចាប់ផ្តើមនាំចេញលើកដំបូង ផ្លែស្វាយស្រស់ដោយផ្ទាល់ទៅកាន់ប្រទេសចិន បន្ទាប់ពីអគ្គពន្ធគយចិនទទួលស្គាល់ចំការស្វាយចំនួន៣៧ និងក្រុមហ៊ុនវេចខ្ជប់ចំនួន៥ដើម្បីនាំចេញស្វាយស្រស់ទៅកាន់ទីផ្សារប្រទេសចិន។មន្ត្រីជាន់ខ្ពស់ក្រសួងពាណិជ្ជកម្ម ឯកឧត្តម ប៉ែន សុវិជាតិ ធ្លាប់បានលើកឡើងថា ការនាំចេញស្វាយស្រស់ទៅកាន់ប្រទេសចិន ជាការពង្រីកទីផ្សារសម្រាប់កសិផលកម្ពុជាដោយសារប្រទេសចិន ជាទីផ្សារដ៏ធំ។ ការទទួលបានទីផ្សារប្រទេសចិននឹងជួយជំរុញទំហំពាណិជ្ជកម្មកានតែធំ និងពង្រីកទំនាក់ទំនងកាន់តែខ្លាំងរវាងប្រទេសទាំងពីរនៅក្រោមកិច្ចព្រមព្រៀងពាណិជ្ជកម្មសេរីទ្វេភាគីកម្ពុជា ចិន ដែលទើបនឹងត្រូវបានចុះហត្ថលេខាកាលពីពេលថ្មីៗនេះ។ស្ថានទូតចិនប្រចាំនៅកម្ពុជា បានលើកឡើងនៅក្នុងទំព័រហ្វេសប៊ុកផ្លូវការ រយៈពេល៥ខែដំបូងឆ្នាំ២០២១នេះ ប្រទេសកម្ពុជាបាននាំចេញផ្លែស្វាយស្រស់ចំនួន១៥.២ម៉ឺនតោន ច្រើនជាងឆ្នាំ២០២០ចំនួន១០.៨ម៉ឺនតោន។ ផ្លែស្វាយកម្ពុជា គឺជាផ្លែឈើស្រស់ទី២ដែលមានគុណភាពត្រូវបានអនុញ្ញាតនាំចេញទៅកាន់ប្រទេសចិនបន្ទាប់ពីផ្លែចេក។ ក្រោយពីបានចូលទៅកាន់ទីផ្សារចិនដោយជោគជ័យមក បរិមាណនាំចេញក្នុងរយៈពេល៥ខែដំបូងនាឆ្នាំនេះ មានកំណើនកើនដល់៣៥០% បើធៀបនឹងរយៈពេលដូចគ្នាក្នុងឆ្នាំ២០២០។បន្ថែមពីលើនេះ ស្ថានទូតចិន បញ្ជាក់បន្ថែមថា រយៈពេល៤ខែដំបូងឆ្នាំ២០២១នេះ បរិមាណនៃការនាំចេញអង្ករកម្ពុជាទៅកាន់ប្រទេសចិនមានចំនួនជាង១០.៤៧ម៉ឺនតោន ស្មើនឹង៥៤.៤២%នៃការនាំចេញអង្ករសរុប។ ប្រទេសចិននៅតែជាទីផ្សារនាំចេញធំបំផុតសម្រាប់អង្ករកម្ពុជា។សូមបញ្ជាក់ថា ទំហំពាណិជ្ជកម្មទ្វេភាគីរវាងប្រទេសកម្ពុជា និងប្រទេសចិន មានតម្លៃ ៨,១ពាន់លានដុល្លារ ក្នុងឆ្នាំ២០២០ ធ្លាក់ចុះ ៥ភាគរយ។ ក្នុងនោះ ទំនិញកម្ពុជានាំចេញទៅកាន់ប្រទេសចិន មានតម្លៃ១,០៨ ពាន់លានដុល្លារ ថយចុះ៨ ភាគរយ៕អត្ថបទ៖ វណ្ណៈ

ការនាំចេញទំនិញកម្ពុជា ទៅកាន់ប្រទេសថៃ មានតម្លៃ៤០០លានដុល្លារក្នុងរយៈពេលបួនខែ

ភ្នំពេញ ៖ កម្ពុជានាំទំនិញចេញកាន់ប្រទេសថៃ មានតម្លៃ ៤០២លានដុល្លារ ក្នុងរយៈពេលបួនខែដើមឆ្នាំ២០២១ ថយចុះ ៤១ភាគរយ ធៀបនឹងរយៈពេលដូចគ្នា កាលពីឆ្នាំ២០២០។យោងតាមតួលេខពីក្រសួងពាណិជ្ជកម្ម ក្នុងរយៈពេលបួនខែ ឆ្នាំ២០២១ កម្ពុជាបាននាំចូលទំនិញពីប្រទេសថៃ មានតម្លៃសរុប ២ ២៩២លានដុល្លារ ថយចុះ៥,៨ ភាគរយ។ ទំហំពាណិជ្ជកម្មទ្វេភាគី មានតម្លៃសរុប ២ ៦៩៤លានដុល្លារ ថយចុះ១៣ ភាគរយ។ ផលិតសំខាន់ៗកម្ពុជានាំចេញទៅកាន់ប្រទេសថៃ ភាគច្រើនជាផលិតផលកសិកម្ម ចំណែកកម្ពុជានាំចូលពីប្រទេសថៃ មានដូចជាផលិតផល ប្រេងឥន្ធនៈ ជីកសិកម្ម អាហារ គ្រឿងសំណង់ រថយន្ត ភេសជ្ជៈ និងគ្រឿងសំអាង។ទាក់ទងនឹងការជំរុញពាណិជ្ជកម្មទេ្វភាគី និងការជំរុញវិនិយោគទ្វេភាគី ស្ថានទូតកម្ពុជាប្រចាំនៅប្រទេស ថៃបានដាក់ដំណើរការក្រុមប្រឹក្សាធុរកិច្ចកម្ពុជា ។ ឯកឧត្តម អ៊ូក សោភ័ណ ឯកអគ្គរាជទូតកម្ពុជាប្រចាំប្រទេសថៃ មានប្រសាសន៍ថា វត្តមានក្រុមប្រឹក្សាធុរកិច្ចកម្ពុជា (CBC) ប្រចាំប្រទេសថៃ គឺជាការបើកទំព័រសករាជថ្មី សម្រាប់ការពង្រឹងទំនាក់ទំនងពាណិជ្ជកម្ម និងវិនិយោគកម្ពុជា-ថៃ ក្រោយវិបត្តិជំងឺកូវីដ-១៩ ដែលបានបង្ករវិទ្ធង្សនាកំណើនសេដ្ឋកិច្ចប្រទេសទាំងពីរ រយៈពេលជាង ១ឆ្នាំ នេះ។ឯកឧត្តមឯកអគ្គរាជទូត លើកឡើងពីកិច្ចខំប្រឹងប្រែងរបស់រាជរដ្ឋាភិបាលកម្ពុជា ក្នុងការទប់ទល់វិបត្តិជំងឺកូវីដ-១៩ សំដៅកសាងភាពធន់នៃសេដ្ឋកិច្ចឡើងវិញ តាមរយៈការដាក់ចេញយុទ្ធសាស្ត្រការទូតសេដ្ឋកិច្ច ឆ្នាំ២០២១-២០២៣ ការបង្កើត និងចូលរួមប្លុកពាណិជ្ជកម្មសេរីទ្វេភាគី និងពហុភាគី ដើម្បីធ្វើពិពិធកម្មទីផ្សារនាំចេញ ព្រមទាំងការធ្វើវិសោធនកម្មច្បាប់វិនិយោគ និងកំណែទម្រង់ផ្សេងៗ ដើម្បីលើកកម្ពស់បរិយាកាសធុរកិច្ចនៅក្នុងប្រទេស។ក្នុងឆ្នាំ២០២០ ការដោះដូរពាណិជ្ជកម្មទ្វេភាគីរវាងប្រទេសកម្ពុជា និងប្រទេសថៃ មានតម្លៃ ៧,២ពាន់លានដុល្លារ ក្នុងនោះកម្ពុជា នាំចេញទៅកាន់ប្រទេសថៃ មានទឹកប្រាក់សរុប ១,១ពាន់លានដុល្លារ ធ្លាក់ចុះ៤៩ភាគរយ៕អត្ថបទ៖ វណ្ណៈ

ប្រាំខែដើមឆ្នាំ២០២១ ខេត្តកំពត ប្រមូលផលនេសាទ បានជាងប្រាំបីពាន់តោន

កំពត ៖ មន្ត្រីជំនាញជលផល បានលើកឡើងថា ស្ថានភាពការនេសាទ និងការធ្វើវារីវប្បកម្មទាំងទឹកសាប និងទឹកប្រៃ នៅក្នុងខេត្តកំពត ដំណើរការទៅជាប្រក្រតី ទោះជាស្ថិតក្នុងបរិបទវិបត្តិកូវីដ-១៩ក៏ដោយ ។ ក្នុងរយៈពេល៥ខែ ដើមឆ្នាំ២០២១នេះ ខេត្តកំពត ប្រមូលផលនេសាទសរុបចំនួនជាងប្រាំបីពាន់តោន។នាយខណ្ឌរដ្ឋបាលជលផល លោក ស សុរិន បានប្រាប់ឲ្យដឹងថា ខេត្តកំពត មានទូក -កាណូតនេសាទ សរុបចំនួន១ ០៥៣គ្រឿង ដែលបាននឹងកំពុងដំណើរការនេសាទនៅលើផ្ទៃសមុទ្រ ហើយគិតមកដល់ថ្ងៃនេះ ស្ថានភាពការធ្វើនេសាទប្រព្រឹត្តិទៅជាធម្មតា មិនមានការអះខានទេ។ បងប្អូនប្រជានេសាទនៅតែ ចេញទៅនេសាទ បើទោះជាអាចប្រឈមនឹងបញ្ហាកូវីដ-១៩ផង និងបញ្ហាខ្យល់កន្ត្រាក់ផងនោះ។ ចំពោះស្ថានភាពផលនេសាទរក្សានៅដដែល ប៉ុន្តែប៉ុន្មានថ្ងៃចុងក្រោយនេះ អាកាសធាតុប្រែប្រួល មានព្យុះ ខ្យល់កន្ទ្រាក់ធ្វើឲ្យប្រជានេសាទ ចេញទៅនេសាទមិនបានទៀងទាត់ទេ។លោកនាយខណ្ឌជលផល បានឲ្យដឹងដែរថា តាមរបាយការណ៍ផលនេសាទ រយៈពេល៥ខែ ដើម្បីឆ្នាំ២០២១ សរុប៨ ២០២តោន ក្នុងនោះ ផលនេសាទសមុទ្រ ៧ ៤៤៣តោន និងផលនេសាទទឹកសាប៧៥៩តោន។ ចំណែកផលវារីវប្បកម្ម សរុបមានចំនួន១ ៦៦៩តោន ក្នុងនោះវារីវប្បកម្មសមុទ្រ១៤០៧តោន និង វារីវប្បកម្មទឹកសាប២៦២តោន ។លោក បានបញ្ជាក់ដែរថា អំឡុងកូវីដ-១៩នេះ មានការនាំចូលផលនេសាទ ចតួច ដោយសារតម្រូវការទីផ្សារ មិនទាន់ធំទូលាយ ភោជនីយដ្ឋាន ភ្ញៀវទេសចរមិនទាន់ដើរលេងច្រើន តែទោះជាយ៉ាងណាក៏ដោយ តម្លៃផលនេសាទមិនធ្លាក់ថ្លៃនោះទេ គឺរក្សានៅដដែល។លោក បានស្នើសុំឲ្យប្រជានេសាទមានការប្រុងប្រយ័ត្ន និងតាមដានការព្យាករណ៍អាកាសធាតុដោយមើលសេចក្តីជូនដំណឹងរបស់រដ្ឋបាលជលផលមុននឹងចេញទៅនេសាទ ពិសេសសូមកុំប្រើប្រាស់ឧបករណ៍នេសាទខុសច្បាប់។ តែយ៉ាងណាក៏ដោយ ត្រីមាសទី១ ឆ្នាំ២០២១ បទល្មើសនេសាទមាន១៤ ករណី ៖ រឹបអូស និងបំផ្លាញចោល ១០ករណី មានឈិបរុញដៃភ្ជាប់ឧបករណ៍ឆក់ ៦គ្រឿង អាំងវ៉ែកទ័រឆក់៦គ្រឿង អាគុយ៣គ្រឿង និង រឹបអូស និងបំផ្លាញលបកន្ទុយកណ្តុរចំនួន៤ករណី ស្មើ ៣២០លប។ ទប់ស្កាត់ការកាប់បំផ្លាញ និងរំលោភដីព្រៃកោងកាងចំនួន ១៨ករណី ,ទប់ស្កាត់ការចាក់ដី និងបូមខ្សាច់លប់ដែននេសាទ ចំនួន៧ករណី៕អត្ថបទ ៖ អាន សារីម

សន្និសីទម៉ាក្រូសេដ្ឋកិច្ចឆ្នាំនេះ នឹងផ្តោតលើការដោះស្រាយបញ្ហា ដើម្បីជួយអភិវឌ្ឍន៍វិស័យ SME

ភ្នំពេញ ៖ ធនាគារជាតិនៃកម្ពុជា នឹងរៀបចំសន្និសីទម៉ាក្រូសេដ្ឋកិច្ចលើកទី ៨ នៅចុងឆ្នាំ២០២១ ដោយផ្តោតលើការអភិវឌ្ឍន៍វិស័យសហគ្រាសខ្នាតតូច និងមធ្យម ដែលរងផលប៉ះពាល់យ៉ាងខ្លាំងពីការរីករាលដាលនៃជំងឺកូវីដ-១៩។ធនាគារជាតិនៃកម្ពុជា នឹងរៀបចំសន្និសីទម៉ាក្រូសេដ្ឋកិច្ចប្រចាំឆ្នាំ លើកទី៨ ឆ្នាំ២០២១ ស្តីពី "បញ្ហាប្រឈម និងគោលនយោបាយអភិវឌ្ឍន៍សហគ្រាសធុនតូច និងមធ្យមនៅកម្ពុជា។ សហគ្រាសធុនតូច និងមធ្យមមានប្រមាណលើសពី ៩០% នៃសហគ្រាសសរុប ដែលបានរួមចំណែកជិត ៦០% នៃផលិតផលក្នុងស្រុកសរុប និងបង្កើតការងារជាង ៧០% នៃការងារសរុប ។ កន្លងមកសហគ្រាសធុនតូច និងមធ្យម បានរួមចំណែកដល់ការលើកកម្ពស់ជីវភាព និងកាត់បន្ថយភាពក្រីក្រ ជាពិសេសក្នុងចំណោមប្រជាពលរដ្ឋរស់នៅតាមទីជនបទ។ទោះបីវិស័យនេះ បានដើរតួនាទីយ៉ាងសំខាន់ ក្នុងការគាំទ្រកំណើនសេដ្ឋកិច្ច និងកាត់បន្ថយភាពក្រីក្រយ៉ាងណាក្តី ការសិក្សាពីស្ថានភាពសហគ្រាសធុនតូច និងមធ្យមនៅកម្ពុជា បានបង្ហាញថា សហគ្រាសធុនតូច និងមធ្យម មានបញ្ហាប្រឈមច្រើនក្នុងអាជីវកម្ម ហើយមានឧបសគ្គក្នុងការអភិវឌ្ឍខ្លួនប្រកបដោយចីរភាព។ លើសពីនេះ ការរីករាលដាលនៃជំងឺកូវីដ-១៩ បានបង្កផលប៉ះពាល់យ៉ាងខ្លាំងបន្ថែមទៀត ដល់ការធ្វើអាជីវកម្មរបស់សហគ្រាសធុនតូចនិងមធ្យម ដែលមានភាពងាយរងគ្រោះទៅនឹងការប៉ះទង្គិចស្រាប់ ។សន្និសីទម៉ាក្រូសេដ្ឋកិច្ចលើកទី៨ មានគោលបំណងលើកកម្ពស់ការស្រាវជ្រាវ លើប្រធានបទខាងលើ និងផ្តល់ជាវេទិកាពិភាក្សាជុំវិញបញ្ហាប្រឈម និងការអភិវឌ្ឍសហគ្រាសធុនតូច និងមធ្យមនៅកម្ពុជា ដែលអាចក្លាយជាធាតុចូលក្នុងការរៀបចំគោលនយោបាយអភិវឌ្ឍន៍សេដ្ឋកិច្ចជាតិឱ្យកាន់តែមានភាពធន់ និងប្រកបដោយបរិយាបន្នខ្ពស់ ។ប្រធានបទស្តីអំពីតួនាទីរបស់សហគ្រាសធុនតូច និងមធ្យម ក្នុងការអភិវឌ្ឍសេដ្ឋកិច្ចកម្ពុជា និងបញ្ហាប្រឈមផលិតភាព និងភាពប្រកួតប្រជែង ក្នុងការនាំចេញ នៃសហគ្រាសធុនតូច និងមធ្យមនៅកម្ពុជា ផលប៉ះពាល់នៃវិបត្តិជំងឺកូវីដ-១៩ មកលើសហគ្រាសធុនតូច និងមធ្យមតាមវិស័យនានា ការប្រើប្រាស់ប្រព័ន្ធឌីជីថល និងការធ្វើទំនើបកម្មសហគ្រាសធុនតូច និងមធ្យម និងការលើកកម្ពស់សហគ្រិនស្ត្រី នៅក្នុងសហគ្រាសធុនតូច និងមធ្យមនៅកម្ពុជា នឹងត្រូវបានជ្រើសរើសសម្រាប់ធ្វើបទបង្ហាញក្នុងសន្និសីទ៕អត្ថបទ ៖ សុន រ៉ាឌី

បណ្ដាញសង្គម

ព័ត៌មានថ្មីៗ

អ៊ីរ៉ាក់ឃុំខ្លួនអ្នកដែលអត្ថាធិប្បាយថា ប្រទេសនេះកំពុងជួយអ៊ីស្រាអែល ក្នុងជម្លោះជាមួយអ៊ីរ៉ង់

បុរសក្លែងខ្លួនធ្វើជាលោក Kim Jong Un តវ៉ានៅក្រៅទីតាំងរៀបចំកិច្ចប្រជុំកំពូលអង្គការណាតូ

ទីភ្នាក់ងារសារព័ត៌មាន៖ អ៊ីរ៉ង់បានឃាត់ខ្លួនមនុស្សជាង ៧០០នាក់ ដែលសង្ស័យថា បានសហការជាមួយអ៊ីស្រាអែល

គ្រាប់មីនផ្ទុះ បានបណ្តាលឲ្យមនុស្ស ៤នាក់ ស្លាប់ និងខ្លះទៀតរងរបួស នៅភាគពាយ័ព្យប៉ាគីស្ថាន

បាតុកម្មបានផ្ទុះឡើងនៅទីក្រុងញូវដែល្លី ប្រទេសឥណ្ឌា ទាមទារឲ្យបញ្ចប់អំពើប្រល័យពូជសាសន៍នៅហ្កាហ្សា

ក្រុមហាម៉ាស៖ កិច្ចចរចាបទឈប់បាញ់ នៅហ្កាហ្សា «មានភាពសកម្មខ្លាំង នៅប៉ុន្មានម៉ោងថ្មីៗនេះ»

ជនប៉ាឡេស្ទីននិយាយថា ពួកគេចង់ស្លាប់ជាជាងនៅរស់ ក្រោយអ៊ីស្រាអែលបញ្ជាឲ្យជម្លៀសខ្លួនថ្មី

អភិបាលខេត្តប៉ៃលិន ផ្តាំផ្ញើដល់បងប្អូនពលករដែលវិលត្រឡប់មកពីថៃ កុំព្រួយបារម្ភរឿងអត់ការងារធ្វើ ព្រោះរាជរដ្ឋាភិបាលកម្ពុជាបានត្រៀមរួចរាល់ហើយ

នាយករដ្ឋមន្ត្រីអ៊ីស្រាអែល និយាយថា «ថ្ងៃដ៏លំបាក» បន្ទាប់ពីទាហាន ៧នាក់ ត្រូវបានសម្លាប់ នៅហ្កាហ្សា

ឯកឧត្តមសាស្រ្តាចារ្យ ឈាង រ៉ា ចុះជួបមន្រី្តសុខាភិបាល នៅមណ្ឌលសុខភាពព្រែកលួង ដើម្បីស្វែងយល់ពីមូលដ្ឋាន និងការបម្រើសេវាសុខភាព

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សេដ្ឋកិច្ច និង កសិកម្ម

ទំនាក់ទំនងពាណិជ្ជកម្មទ្វេភាគីរវាងកម្ពុជា-អាមេរិកបន្តកើនឡើង

កម្ពុជានាំអង្ករចេញជាង២៣ម៉ឺនតោនក្នុងរយៈពេលប្រាំខែឆ្នាំ២០២១

កម្ពុជាទទួលបានភ្ញៀវទេសចរជាង ១៩ម៉ឺននាក់ នៅក្នុងខែឧសភានេះ

កម្ពុជាកំពុងត្រៀមសេចក្តីព្រាងឯកសារសម្រាប់ចរចាកិច្ចព្រមព្រៀងពាណិជ្ជកម្មសេរីអាស៊ាន-កាណាដា

កំពង់ផែស្វយ័តក្រុងព្រះសីហនុ ប្រមូលចំណូលជាង ២៨ លានដុល្លារ ក្នុងរយៈពេល៤ខែ

ផ្លែតាង៉ែនប៉ៃលិនកំពុងបង្ហាញវត្តមាននៅសៀមរាប ប៉ុន្តែមិនសូវមានអ្នកគាំទ្រ

ទំហំពាណិជ្ជកម្មទ្វេភាគីកម្ពុជា-ចិន មានតម្លៃ៣ពាន់លានដុល្លារ ក្នុងរយៈពេលបួនខែឆ្នាំ២០២១

ការនាំចេញទំនិញកម្ពុជា ទៅកាន់ប្រទេសថៃ មានតម្លៃ៤០០លានដុល្លារក្នុងរយៈពេលបួនខែ

ប្រាំខែដើមឆ្នាំ២០២១ ខេត្តកំពត ប្រមូលផលនេសាទ បានជាងប្រាំបីពាន់តោន

សន្និសីទម៉ាក្រូសេដ្ឋកិច្ចឆ្នាំនេះ នឹងផ្តោតលើការដោះស្រាយបញ្ហា ដើម្បីជួយអភិវឌ្ឍន៍វិស័យ SME

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សេដ្ឋកិច្ច និង កសិកម្ម

ទំនាក់ទំនង​ពាណិជ្ជកម្ម​ទ្វេភាគី​រវាង​កម្ពុជា​-​អាមេរិក​បន្ត​កើនឡើង

កម្ពុជា​នាំ​អង្ករ​ចេញ​ជាង​២៣​ម៉ឺន​តោន​ក្នុង​រយៈពេល​ប្រាំ​ខែ​ឆ្នាំ​២០២១

កម្ពុជា​ទទួល​បាន​ភ្ញៀវទេសចរ​ជាង ១៩ម៉ឺន​នាក់ នៅក្នុង​ខែឧសភា​នេះ​

កម្ពុជា​កំពុង​ត្រៀម​សេចក្តីព្រាង​ឯកសារ​សម្រាប់​ចរចា​កិច្ចព្រមព្រៀង​ពាណិជ្ជកម្ម​សេរី​អាស៊ាន​-​កាណាដា

កំពង់ផែ​ស្វយ័ត​ក្រុងព្រះសីហនុ ប្រមូល​ចំណូល​ជាង ២៨ លាន​ដុល្លារ ក្នុង​រយៈពេល​៤​ខែ

ផ្លែ​តា​ង៉ែ​ន​ប៉ៃលិន​កំពុង​បង្ហាញ​វត្ត​មាននៅ​សៀមរាប ប៉ុន្តែ​មិន​សូវមាន​អ្នកគាំទ្រ

ទំហំ​ពាណិជ្ជកម្ម​ទ្វេភាគី​កម្ពុជា​-​ចិន មានតម្លៃ​៣​ពាន់​លាន​ដុល្លារ ក្នុង​រយៈពេល​បួន​ខែ​ឆ្នាំ​២០២១

ការនាំចេញ​ទំនិញ​កម្ពុជា ​ទៅកាន់​ប្រទេស​ថៃ មានតម្លៃ​៤០០​លាន​ដុល្លារ​ក្នុង​រយៈពេល​បួន​ខែ​

ប្រាំខែ​ដើមឆ្នាំ​២០២១ ​ខេត្តកំពត ​ប្រមូល​ផល​នេសាទ ​បាន​ជាង​ប្រាំបី​ពាន់​តោន

សន្និសីទ​ម៉ាក្រូសេដ្ឋកិច្ច​ឆ្នាំនេះ ​នឹង​ផ្តោតលើ​ការដោះស្រាយ​បញ្ហា​ ដើម្បី​ជួយ​អភិវឌ្ឍន៍​វិស័យ SME

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ទំនាក់ទំនងពាណិជ្ជកម្មទ្វេភាគីរវាងកម្ពុជា-អាមេរិកបន្តកើនឡើង

កម្ពុជានាំអង្ករចេញជាង២៣ម៉ឺនតោនក្នុងរយៈពេលប្រាំខែឆ្នាំ២០២១

កម្ពុជាទទួលបានភ្ញៀវទេសចរជាង ១៩ម៉ឺននាក់ នៅក្នុងខែឧសភានេះ

កម្ពុជាកំពុងត្រៀមសេចក្តីព្រាងឯកសារសម្រាប់ចរចាកិច្ចព្រមព្រៀងពាណិជ្ជកម្មសេរីអាស៊ាន-កាណាដា

កំពង់ផែស្វយ័តក្រុងព្រះសីហនុ ប្រមូលចំណូលជាង ២៨ លានដុល្លារ ក្នុងរយៈពេល៤ខែ

ផ្លែតាង៉ែនប៉ៃលិនកំពុងបង្ហាញវត្តមាននៅសៀមរាប ប៉ុន្តែមិនសូវមានអ្នកគាំទ្រ

ទំហំពាណិជ្ជកម្មទ្វេភាគីកម្ពុជា-ចិន មានតម្លៃ៣ពាន់លានដុល្លារ ក្នុងរយៈពេលបួនខែឆ្នាំ២០២១

ការនាំចេញទំនិញកម្ពុជា ទៅកាន់ប្រទេសថៃ មានតម្លៃ៤០០លានដុល្លារក្នុងរយៈពេលបួនខែ

ប្រាំខែដើមឆ្នាំ២០២១ ខេត្តកំពត ប្រមូលផលនេសាទ បានជាងប្រាំបីពាន់តោន

សន្និសីទម៉ាក្រូសេដ្ឋកិច្ចឆ្នាំនេះ នឹងផ្តោតលើការដោះស្រាយបញ្ហា ដើម្បីជួយអភិវឌ្ឍន៍វិស័យ SME