BTV NEWS

កម្ពុជាមានសុទិដ្ឋិនិយមថាទោះបិទការនាំចូលប្រេងឥន្ធនៈ និងឧស្ម័នពីថៃ ក៏អាចរក្សាការផ្គត់ផ្គង់តម្រូវការបាន

តំបន់សេដ្ឋកិច្ចពិសេសកម្ពុជាដើរតួនាទីយ៉ាងសំខាន់ ក្នុងការជំរុញកំណើននាំចេញវិស័យឧស្សាហកម្ម

ឯកឧត្តម ឌិត ទីណា បន្តក្រើនរម្លឹកមន្រ្តីកសិកម្មឃុំឱ្យចុះផ្សព្វផ្សាយផែនការ "មានហូប មានប្រើ មានបាន និងមានរហូត"

ក្រសួងកសិកម្មត្រូវការមន្រ្តីកសិកម្មឃុំចំនួន ៣៥០នាក់បន្ថែមទៀត ដើម្បីលើកស្ទួយផលិតកម្មកសិករ

សេដ្ឋកិច្ច និង កសិកម្ម

អាជីវករបន្លែបោះដុំ ចង់ចូលលក់នៅផ្សារនាគមាស និងផ្សារដើមគ ឆាប់ៗខាងមុខ

ភ្នំពេញ ៖ ផ្សារបោះដុំបន្លែធំៗចំនួនពីរ ស្ថិតនៅរាជធានីភ្នំពេញ មិនទាន់ទាន់ត្រូវបានអនុញ្ញាតបើកដំណើរការឡើងវិញនៅឡើយទេ ខណៈផ្សាររដ្ឋមួយចំនួនបានបើកឡើង ដោយអនុញ្ញាតឱ្យអាជីវករផ្គត់ផ្គង់អាហារ មានបន្លែ ត្រីសាច់ លក់តែប៉ុណ្ណោះជាមួយនឹងការអនុវត្តវិធានសុខាភិបាល។ សម្រាប់អាជីវករបោះដុំបន្លែ ត្រូវបន្តលក់តាមដងផ្លូវបណ្តោះអាសន្ន ដើម្បីដោះស្រាយជីវភាព ក្នុងអំឡុងពេលបិទផ្សារទាំងពីរខាងលើ។តាមការសាកសួរព័ត៌មានរបស់ទូរទស្សន៍ព័ត៌មាន ប៊ីធីវី កាលពីល្ងាចថ្ងៃទី២៥ ឧសភា ឆ្នាំ២០២១កន្លងទៅ ក្រុមអាជីវករ ដែលងាកមកបោះដុំបន្លែបណ្តោះអាសន្នតាមដងផ្លូវ ស្ថិតនៅក្បែររង្វង់មូលគួរស្រូវ ខណ្ឌដង្កោ រាជធានីភ្នំពេញ បានឲ្យដឹងថា ពួកគាត់បាត់បង់ចំណូលយ៉ាងច្រើន ក៏ដូចជាបាត់បង់អតិថិជនប្រមាណ៥០% ដោយពីមុននៅក្នុង១ថ្ងៃ ជាមធ្យមអាចលក់បន្លែចេញអស់ប្រមាណ ១ពាន់តោនឯណោះ នៅផ្សារដើមគរ។អាជីវករបន្លែលក់រាយ អ្នកស្រី ម៉ៅ ឌួង មកទិញបន្លែដើម្បីយកលក់បន្តនៅខេត្តកណ្តាល បាននិយាយថា ទីតាំងលក់បន្លែបណ្តោះអាសន្ននេះ មានប្រជាពលរដ្ឋទូទៅ ចូលទៅទិញបន្លែច្រើន ធ្វើឱ្យការលក់បន្លែរបស់អាជីវករលក់រាយ នៅតាមផ្សាររដ្ឋនានា មិនសូវមានអតិថិជនចូលទិញច្រើនដូចមុន។សូមបញ្ជាក់ថា ការសម្រេចផ្អាកដំណើរការជាបណ្តោះអាសន្នមូលដ្ឋានផ្សារដើមគ និងផ្សារបន្លែ ស្ថិតនៅជុំវិញតំបន់ប្រជុំជនផ្សារដើមគរ ក្នុងខណ្ឌទួលគោក និងខណ្ឌបឹងកេងកង រាជធានីភ្នំពេញ ចាប់តាំងពីយប់ថ្ងៃទី១៧ ខែមេសា ឆ្នាំ២០២១ ក្រោយរកឃើញអាជីវករឆ្លងជំងឺកូវីដ-១៩ជាបន្ដបន្ទាប់៕អត្ថបទ ៖ ឈិត បូរ៉ាវី

ផ្សារតាខ្មៅចាស់ ចាប់ផ្តើមបើកដំណើរការឡើងវិញ តែអាជីវករត្រូវអនុវត្តតាមការណែនាំរបស់អាជ្ញាធរ

កណ្ដាល ៖ ផ្សារតាខ្មៅចាស់ ផ្សាររាយរង ភោជនីយដ្ឋាន និងហាងលក់ទំនិញតូចធំ ចាប់ថ្ងៃទី២៤ ខែឧសភានេះ តទៅ គឺបានអនុញ្ញាតឱ្យបើកដំណើរដំឡើងវិញទាំងអស់ ប៉ុន្តែតូបលក់ និងហាងលក់ទំនិញ ដែលមិនមានរបៀបរៀបរយ គ្មានសណ្តាប់ធា្នប់គឺ អាជ្ញាធរជំរុញអោយគាត់រៀបចំឡើងវិញ ដើម្បីបើកការលក់ដូរ ដែលមានសុវត្ថិភាពចៀសផុតពីការឆ្លងកូវីដ១៩។បើតាមថ្លែងរបស់ឯកឧត្តម គង់ សោភ័ណ្ឌ អភិបាលបាលខេត្តកណ្តាល បានថ្លែងប្រាប់BTV នៅថ្ងៃទី២៤ ខែឧសភានេះថា ជារួមគ្រប់មូលដ្ឋានអាជីវកម្ម ការលក់ដូរតាមផ្សារ និងតាមទីសាធារណៈនានា នៅក្នុងក្រុងតាខ្មៅ ខេត្តកណ្តាល គឺយើងបានអនុញ្ញាតអោយបើកដំណើរការ ដោយឡែកសម្រាប់តូបលក់ទំនិញមួយចំនួននៅក្នុងផ្សារតាខ្មៅចាស់ សម្រាប់តូបណាដែលជួសជុលកែលំអររួចហើយ គឺអនុញ្ញាតអោយបើកការលក់ដូរបាន ប៉ុន្តែតូបណាដែលបើកលក់មិនមានសណ្តាប់ធ្នាប់ មិនរក្សាគន្លាត ទុកផ្លូវអោយពលរដ្ឋដើររក្សាគន្លាតជាដើម យើងត្រូវបន្តការរៀបចំទៀត ដើម្បីកុំអោយឆ្លងកូវីដ១៩។ឯកឧត្តម អភិបាលខេត្តកណ្តាល បញ្ជាក់ថា ការអនុញ្ញាតបើកផ្សារ ការលក់ដូរឡើងវិញនេះ បើមានអាជីវកម្ម តូបណា ហាងលក់ទំនិញណា រឹងរួសលក់ទំនិញហាមឃាត់មាន ដូចជា លក់គ្រឿងស្រវឹង និងផឹកតាមទីសាធារណៈ និងទីតាំងអាជីវកម្មបន្ទប់បិទជិតជាដើម គឺ អនុវត្តតាមផ្លូវច្បាប់ ចុះឃាត់ខ្លួន និងបិទទីតាំងនោះតែម្តង។ពាក់ព័ន្ធនឹងអនុញ្ញាតបើកផ្សារលក់ដូរនេះដែរ បណ្តាអាជីវករនៅផ្សារតាខ្មៅចាស់ បានថ្លែងការសប្បាយចិត្ត ខណៈបច្ចុប្បន្នមានអាចអាជីវករខ្លះ បានចាប់ផ្តើមចូលបើកដំណើរការលក់ ខ្លះបាននិងកំពុងរៀបចំតូបត្រៀមលក់ និងតូបខ្លះកំពុងបន្តជួសជុល។សូមបញ្ជាក់ថា បច្ចុប្បន្ន នៅក្រុងតាខ្មៅ នៃខេត្តកណ្តាល បច្ចុប្បន្ន មិនមានកំណត់ជា តំបន់លឿង លឿងទុំ និងតំបន់ក្រហមណាទៀតទេ ប៉ុន្តែអាជ្ញាធរ គឺនៅតែបន្តតាមដានឃ្លាំមើល ការបន្តប្រុងប្រយ័ត្ន ការអនុវត្តវិធាន៣កុំ៣ការពារ ដើម្បីទប់ស្កាត់ការរាតត្បាតកូវីដ១៩ ខណៈក្រុងតាខ្មៅ មានលំហូរចេញចូលធ្វើការងារច្រើននៅក្នុងរាជធានីភ្នំពេញ៕អត្ថបទ ស៊ុម សុខជា

ការដោះដូរពាណិជ្ជកម្មទ្វេភាគី កម្ពុជា ជប៉ុន មានទឹកប្រាក់សរុប ៦៣២លានដុល្លារ ក្នុងត្រីមាសទី១

ភ្នំពេញ ៖ ការដោះដូរពាណិជ្ជកម្មទ្វេភាគីរវាងប្រទេសកម្ពុជា និងជប៉ុនចាប់ផ្តើមងើបឡើងវិញ ដោយនៅត្រឹមត្រីមាសទីមួយឆ្នាំ២០២១ ទំហំពាណិជ្ជកម្មទ្វេភាគី សម្រេចបាន ៦៣២លានដុល្លារ។យោងតាមតួលេខកត់ត្រាដោយអង្គការពាណិជ្ជកម្មក្រៅប្រទេសជប៉ុន ហៅកាត់ថា JETRO ទំហំពាណិជ្ជកម្មរវាងប្រទេសកម្ពុជា និងប្រទេសជប៉ុន ក្នុងរយៈពេលបីខែដើមឆ្នាំនេះ បានកើនឡើង ៧ភាគយ ធៀបនឹងរយៈពេលដូចគ្នាកាលពីឆ្នាំមុន។ចាប់ពីខែមករា ដល់ខែមីនា កម្ពុជា បាននាំចេញទំនិញទៅកាន់ទីប្រទេសសេដ្ឋកិច្ចធំទីបីពិភពលោកមួយនេះ មានទំហំទឹកប្រាក់សរុប៤៨៩ លានដុល្លារ កើនឡើង៣ភាគរយ ធៀបនឹងរយៈពេលដូចគ្នា កាលពីឆ្នាំ ២០២០។ក្នុងរយៈពេលដូចគ្នានេះដែរ កម្ពុជា បាននាំចូលទំនិញពីប្រទេសជប៉ុនវិញ មានទំហំទឹកប្រាក់ ១៤៣លានដុល្លារ កើនឡើង២៨ភាគរយ។យោងតាមក្រសួងពាណិជ្ជកម្ម ផលិតសក្ដានុពលដែលកម្ពុជានាំចេញទៅប្រទេសជប៉ុន មានដូចជា ផលិតសំលៀកបំពាក់ កង់ គ្រឿងបង្គំអេឡិចត្រូនិក និងផលិតកសិកម្ម។ កាលពីឆ្នាំ២០២០ ការដោះដូរពាណិជ្ជកម្មទ្វេភាគី រវាងប្រទេសទាំងពីរ មានទឹកប្រាក់សរុប ២ ០៩៩លានដុល្លារ ធ្លាក់ចុះ៨ ភាគរយ ធៀបនឹងឆ្នាំ២០១៩៕អត្ថបទ៖ វណ្ណៈ

ពលរដ្ឋចាត់ទុកដំណាំទុរេន ជាផលិតផលយុទ្ធសាស្ត្រ នឹងអាចមានទីផ្សារនាំចេញនាពេលខាងមុខ

កែប ៖ ប្រជាពលរដ្ឋខ្មែរលើកទឹកចិត្ត និងគាំទ្រដល់អ្នកមានលទ្ធភាព ឬអ្នកកំពុងដាំដុះទុរេន សូមឲ្យពង្រីកការដាំដុះដំណាំនេះ ឲ្យបានច្រើន ព្រោះទុរេនជាផលិតផលយុទ្ធសាស្ត្រថ្មីមួយ សម្រាប់ការផ្គត់ផ្គង់ក្នុងស្រុក ក៏ដូចជាទីផ្សារនាំចេញដ៏សំខាន់ ខណៈបច្ចុប្បន្នរាជរដ្ឋាភិបាលកំពុងយកចិត្តទុកដាក់ និងពង្រីកចាប់ដៃគូពាណិជ្ជកម្មក្រៅប្រទេស ដើម្បីបម្រើទីផ្សារនាំចេញ ។ប្រជាពលរដ្ឋដែលនិយមពិសារទុរេន បានលើកឡើងស្រដៀងគ្នា ក្នុងកិច្ចសម្ភាសន៍ជាមួយភ្នាក់ងារអ្នកយកព័ត៌មាន BTV នៅកសិដ្ឋានដាំទុរេន របស់លោកស្រី ហ៊ឹម ស៊ីវន នៅស្រុកដំណាក់ចង្អើរ ខេត្តកែប នៅថ្ងៃទី២៣ ខែឧសភានេះថា ចំពោះការដាំ ដុះដំណាំហូបផ្លែ នៅក្នុងរយៈពេលប៉ុន្មានឆ្នាំនេះ ប្រជាពលរដ្ឋដែលមានលទ្ធភាព ឬ មានផ្ទៃដីដាំដុះ បានពង្រីកការដាំដុះជាបន្តបន្ទាប់ ហើយផលិតផលមួយចំនួនបាននាំចេញទៅកាន់ទីផ្សារក្រៅប្រទេសជាបណ្តើៗផងដែរដូចជា ៖ ការនាំចេញ ស្រូវ ចេក និងក្នុងពេលថ្មីៗនេះ កម្ពុជា បានចុះកិច្ចព្រមព្រៀងនៃការនាំចេញស្វាយទៅកាន់ទីផ្សារចិនផងដែរ។ប្រជាពលរដ្ឋទាំងនោះ បានបន្ត ក្រៅពីការនាំចេញផលិតផលផ្នែកកសិកម្មខាងលើ កម្ពុជានៅមានដំណាំសក្ដានុពលជាច្រើនទៀត ដែលកំពុងចាប់អារម្មណ៍ ក៏ដូចជាដាំណាំ ម្រេច មៀន និងទុរេនជាដើម ក្នុងនោះចំពោះផលិតផលទុរេន ប្រជាពលរដ្ឋសង្ឃឹមថា នាថ្ងៃខាងមុខ ផលិតផលទុរេននិងក្លាយផលិតផលយុទ្ធសាស្ត្រថ្មីមួយទៀត សម្រាប់ការផ្គត់ផ្គង់ក្នុងស្រុក និងសម្រាប់ទីផ្សារនាំចេញដ៏សំខាន់ ខណៈដែលរាជរដ្ឋាភិបាលបានកំពុងយកចិត្តទុកដាក់ ពង្រឹងលើកកម្ពស់ការដាំដុះ ដើម្បីឆ្លើយតបតាមតម្រូវការ ។ជុំវិញការដាំដុះនេះ, លោកស្រី ហ៊ឹម ស៊ីវន ម្ចាស់កសិដ្ឋានដាំដុះទុរេន នៅជើងភ្នំវល្លិ៍ ក្នុងស្រុកដំណាក់ចង្អើរ ខេត្តកែប បានលើកឡើងថា ក្រៅពីអាជីពជាអ្នកចម្រៀង លោកស្រីបានយកពេលវេលា មកធ្វើកសិកម្ម ដាំដុះដំណាំទុរេន បច្ចុប្បន្ននៅក្នុងកសិដ្ឋានរបស់លោកស្រី មានទុរេន ចំនួនជាង ៤ពាន់ដើម រួមជាមួយដំណាំរួមផ្សំផ្សេងៗទៀតជាច្រើន កំពុងហុចផលផ្លែផ្កាជាបន្តបន្ទាប់ផងដែរ ។ ទាក់ទងទិន្នផលទុរេន លោកស្រី បានបន្តថា ក្នុងមួយឆ្នាំៗ លោកស្រីទទួលបានផលជាច្រើន នឹងបាននាំផលិតផលនេះ ទៅចែកចាយនៅតាមទីផ្សារក្នុងស្រុកមួយចំនួន ក្នុងនោះចំពោះបងប្អូនដែលបានស្គាល់ តែងតែចូលទិញដល់កសិដ្ឋានដោយផ្ទាល់ ព្រោះទុរេន របស់លោកស្រី គឺបានដាំដុះតាមធម្មជាតិ ១០០ ភាគរយ និងបានចុះបញ្ជីនៅក្រសួងកសិកម្ម រុក្ខាប្រមាញ់ និងនេសាទយ៉ាងត្រឹមត្រូវ ជាទុរេនដែលមានរស់ជាតិឆ្ងាញ់ និងមិនធ្វើឲ្យប៉ះពាល់ដល់បញ្ហាសុខភាពសម្រាប់អ្នកពិសារផងដែរ ។ចំណែកទីផ្សារនាំចេញផលិតផល, ឯកឧត្តម ប៉ែន សុវិជាតិ អ្នកនាំពាក្យនិងជាអនុរដ្ឋលេខាធិការក្រសួងពាណិជ្ជកម្ម ថ្លែងថា ចំពោះការដាំដុះដំណាំឈើហូបផ្លែ កម្ពុជាបានចាត់ទុកជាដំណាំសក្ដានុពលសម្រាប់បម្រើទីផ្សារនាំចេញ ក្នុងនោះ បន្ទាប់ពីផ្លែចេក និងស្វាយ,យើងនៅមានដំណាំសក្ដានុពលផ្សេងៗទៀតជាច្រើនដូចជា ៖ ម្រេច មៀន និងដំណាំទុរេន ជាដើម ដោយបច្ចុប្បន្នផលិតកម្មដំណាំទាំងអស់នេះ បានកំពុងចរាចរក្នុងស្រុក នឹងអាចមានលទ្ធភាពគ្រប់គ្រាន់ សម្រាប់ពង្រីកផ្ទៃដីដាំដុះបម្រើទីផ្សារនាំចេញផងដែរ ៕អត្ថបទ៖ សុន រ៉ាឌី

ផ្សាររដ្ឋចាប់ផ្តើមបើកដំណើរការឡើងវិញ ដោយអនុវត្តម៉ឺងម៉ាត់វិធានការណែនាំសុខាភិបាល

ភ្នំពេញ ៖ ផ្សាររដ្ឋទាំងអស់ក្នុងរាជធានីភ្នំពេញ នៅព្រឹកថ្ងៃទី២៤ ខែឧសភា ឆ្នាំ២០២១នេះ បានចាប់ផ្តើមបើកដំណើរការឡើងវិញហើយ ក្រោយត្រូវបានបិទបណ្តោះអាសន្នមួយរយៈ។ ការបើកដំណើរការផ្សារឡើងវិញនេះ អនុវត្តតែចំពោះការលក់ដូរចាំបាច់ប៉ុណ្ណោះ ដូចជា គ្រឿងឧបភោគបរិភោគជាដើម ដោយគោរពតាមវិធានណែនាំរបស់អាជ្ញាធរ។សាលារាជធានីភ្នំពេញ បានបញ្ជាក់ថា ការអនុញ្ញាតបើកផ្សាររដ្ឋឡើងវិញនេះ អនុវត្តតែចំពោះអាជីវករលក់ម្ហូបអាហារ គ្រឿងឧបភោគបរិភោគតែប៉ុណ្ណោះ និងត្រូវចូលរួមអនុវត្តតាមការណែនាំដូចជា ការពាក់ម៉ាស រក្សាគម្លាត និងកំណត់ចំនួនអតិថិជនចេញ-ចូលផ្សារក្នុងបរិមាណសមរម្យសមាមាត្រទៅនឹងទំហំផ្សារ។ទាក់ទងការបើកដំណើរការផ្សារឡើងវិញនេះដែរ អាជីវករផ្សារធំថ្មី បានបង្ហាញអារម្មណ៍សប្បាយរីករាយ និងសង្ឃឹមថា អាជីវករផ្សារ និងប្រជាពលរដ្ឋចូលរួមគោរពតាមការណែនាំវិធានការសុខាភិបាលទាំងអស់គ្នា ដើម្បីចៀសវាងការឆ្លងជំងឺកូវីដ១៩ ដែលនាំដល់ការបិទ ឬផ្អាកអាជីវកម្មម្តងទៀត។ប្រធានគ្រប់គ្រងនៃផ្សារធំថ្មី បានបញ្ជាក់ថា ជាការកត់សម្គាល់ក្នុងថ្ងៃបើកដំណើរការថ្ងៃដំបូងនេះ ឃើញថា ទាំងបងប្អូនអាជីវករ និងអតិថិជន បានគោរពតាមការណែនាំបានយ៉ាងល្អ ពិសេសគោរពតាមប្រសាសន៍ណែនាំរបស់ប្រមុខរាជរដ្ឋាភិបាល ៣ការពារ និង៣កុំ។ ចំពោះការអនុវត្តវិធានសុខាភិបាល លោកស្រី បានឲ្យដឹងទៀតថា ចំនួនអតិថិជនដែលអនុញ្ញាតឲ្យចូលផ្សារដើម្បីទិញទំនិញក្នុងមួយលើកតែចំនួនជាង៤០០នាក់ប៉ុណ្ណោះ ដើម្បីទប់ស្កាត់ការឆ្លងរាលដាលជំងឺកូវីដ១៩នេះ។ សូមជម្រាបថា ក្នុងអំឡុងពេលនៃចាប់ផ្តើមបើកដំណើរផ្សាររដ្ឋទាំងអស់ឡើងវិញនេះ សាលារាជធានីភ្នំពេញបានក្រើនរម្លឹកថា អាជីវករ សន្តិសុខ បុគ្គលិក កម្មករ អតិថិជន និងជនឡាំងឡាយដែលមានវត្តមានក្នុងបរិវេណផ្សារត្រូវមានកាតព្វកិច្ចពាក់ម៉ាស និងរក្សាគម្លាតសុវត្ថិភាពជាចាំបាច់ ដើម្បីទប់ស្កាត់ការឆ្លងរាលដាលនៃជំងឺកូវីដ១៩ ប្រសិនបើករណីពួកគាត់មិនចូលរួមសហការនោះទេ នឹងទទួលរងការផាកពិន័យជាទឹកប្រាក់ និងសេចក្តីប្រកាសអន្តរក្រសួងចំពោះជនល្មើសដែលមិនគោរពតាមការណែនាំ៕អត្ថបទ ៖ បូរ៉ាវី

ស្វាយស្រស់កម្ពុជា ត្រូវបានស្វាគមន៍នៅប្រទេសចិន

ភ្នំពេញ ៖ ឯកឧត្តមរដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានឲ្យដឹងថា ការនាំស្វាយស្រស់របស់កម្ពុជា ចេញទៅកាន់ចិន ត្រូវបានស្វាគមន៍ពីសំណាក់មន្ត្រីអគ្គរដ្ឋបាលគយ មន្ត្រីពាក់ព័ន្ធ និងពាណិជ្ជករចិន ជាច្រើននៅខេត្តហ្គ័ងស៊ី នៅកំពុងផែឈីងចូវ ខេត្តហ្គ័ងស៊ី នៃសាធារណរដ្ឋប្រជាមានិតចិន កាលពីថ្ងៃទី២០ ខែឧសភា កន្លងទៅនេះ។នៅក្នុងបណ្តាញសង្គមហ្វេសប៊ុក ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានមានប្រសាសន៍ថា ជាមួយដំណឹងស្វាយស្រស់របស់កម្ពុជាបានទៅដល់គោលដៅហើយនោះ ភាគីចិន នឹងរៀបចំការសម្ពោធជាផ្លូវការ ការទទួលផ្លែស្វាយស្រស់របស់កម្ពុជា នៅទីក្រុងប៉េកាំង នៅថ្ងៃទី២៥ ខែឧសភា ខាងមុន ក្រោមអធិបតីភាពពីមន្ត្រីតំណាងក្រសួង កសិកម្ម និងកិច្ចការជនបទ និងក្រសួងពាណិជ្ជកម្មចិន រួមនឹងអគ្គរដ្ឋបាលគយចិន ជាមួយនិងតំណាងស្ថានអគ្គរាជទូតកម្ពុជាប្រចាំទីក្រុងប៉េកាំងផងដែរ។ ក្នុងនោះ មានផ្លែស្វាយស្រស់ចំនួន ២ទូរកុងធែន័រ ដែលជារបស់ក្រុមហ៊ុន រីចហ្វាម អេស៊ា ឯ.ក និងក្រុមហ៊ុន ឡុងវ៉ូ អាហ្គ្រីខាធើរ ខេមបូឌា(Long Wo Agricalture (Cambodia) Co.,Ltd) ។សូមបញ្ជាក់ថា ក្រសួងកសិកម្ម រុក្ខប្រមាញ់ និងនេសាទ បានសហការជាមួយស្ថានអគ្គរដ្ឋទូតសាធារណរដ្ឋប្រជាមានិតចិនប្រចាំនៅកម្ពុជា បានរៀបចំពិធីសម្ពោធជាផ្លូវការក្នុងការនាំផ្លែស្វាយស្រស់ចេញពីកម្ពុជា នៅថ្ងៃទី៧ ខែឧសភា ឆ្នាំ២០២១កន្លងទៅ ដោយត្រូវប្រើប្រាស់រយៈពេលនៃការដឹកជញ្ជូនចំនួន ១៣ថ្ងៃ ទើបទៅដល់គោលដៅ៕អត្ថបទ ឈិត បូរ៉ាវី

មជ្ឈមណ្ឌលក្រុមប្រឹក្សាធុរកិច្ចកម្ពុជាប្រកាសដាក់ឲ្យដំណើរផ្លូវការហើយ ចាប់ពីថ្ងៃនេះតទៅ

ភ្នំពេញ ៖ មជ្ឈមណ្ឌលក្រុមប្រឹក្សាធុរកិច្ចកម្ពុជា (CBC) ដែលមាននាទីក្នុងការជួយសម្របសម្រួលដល់ការដោះដូរពាណិជ្ជកម្ម និងវិនិយោគរវាងប្រទេសកម្ពុជា និងថៃ ត្រូវបានប្រកាសដាក់ឲ្យដំណើរការជាផ្លូវការហើយ នៅថ្ងៃទី២០ ខែឧសភា ឆ្នាំ២០២១នេះ។នៅក្នុងកិច្ចប្រជុំវិសាមញ្ញលើកដំបូង ឯកឧត្តម អ៊ូក សោភ័ណ ឯកអគ្គរាជទូតកម្ពុជាប្រចាំប្រទេសថៃ បានចាត់ទុក វត្តមានមជ្ឈមណ្ឌលក្រុមប្រឹក្សាធុរកិច្ចកម្ពុជា គឺជាការបើកទំព័រសករាជថ្មីសម្រាប់ការពង្រឹងទំនាក់ទំនងពាណិជ្ជកម្ម និងវិនិយោគកម្ពុជា-ថៃ ក្រោយវិបត្តិជំងឺកូវីដ១៩ ដែលបានបំផ្លិចបំផ្លាញកំណើនសេដ្ឋកិច្ចប្រទេសទាំងពីររយៈពេលជាង ១ឆ្នាំកន្លងមកនេះ។ក្នុងឱកាសនោះ ឯកឧត្តមបានជម្រាបពីកិច្ចប្រឹងប្រែងរបស់រាជរដ្ឋាភិបាលកម្ពុជា ក្នុងការទប់ទល់វិបត្តិជំងឺកូវីដ១៩ សំដៅកសាងភាពធន់នៃសេដ្ឋកិច្ចឡើងវិញ តាមរយៈការដាក់ចេញយុទ្ធសាស្ត្រការទូតសេដ្ឋកិច្ចឆ្នាំ២០២១-២០២៣ ការបង្កើត និងចូលរួមប្លុកពាណិជ្ជកម្មសេរីទ្វេភាគី និងពហុភាគី ដើម្បីធ្វើពិពិធកម្មទីផ្សារនាំចេញ ព្រមទាំងការធ្វើវិសោធនកម្មច្បាប់វិនិយោគ និងកំណែទម្រង់ផ្សេងៗ ដើម្បីលើកកម្ពស់បរិយាកាសធុរកិច្ចនៅក្នុងប្រទេស។ វត្តមានក្រុមប្រឹក្សាធុរកិច្ចកម្ពុជា មានកាតព្វកិច្ចចូលរួមជំរុញផ្សព្វផ្សាយសកម្មភាពសេដ្ឋកិច្ច និងពាណិជ្ជកម្មទ្វេភាគីកម្ពុជា-ថៃ ព្រមទាំងផ្លាស់ប្តូរព័ត៌មាន និងចំណេះដឹងផ្សេងៗរវាងសមាជិក រាប់តាំងពីការធ្វើអាជីវកម្ម ការលើកកម្ពស់គុណភាពទំនិញ-សេវាកម្ម ការជំរុញផលិតកម្ម និងផ្គត់ផ្គង់ទីផ្សារ ព្រមទាំងការសម្របសម្រួល និងចរចាជាមួយស្ថាប័នរដ្ឋទាំងក្នុងប្រទេសថៃ និងកម្ពុជា ដើម្បីដោះស្រាយបញ្ហាប្រឈមផ្សេងៗរបស់សមាជិក។យោងតាមទិន្នន័យរបស់នាយកដ្ឋានចរចាពាណិជ្ជកម្មនៃក្រសួងពាណិជ្ជកម្មថៃ បានឲ្យដឹងថា ការដោះដូរពាណិជ្ជកម្មទ្វេភាគីកម្ពុជា-ថៃ ក្នុងឆ្នាំ២០២០កន្លងទៅ មានតម្លៃ ៧,៥ពាន់លានដុល្លារអាម៉េរិក ធ្លាក់ចុះ ២៣% ធៀបនឹងឆ្នាំ២០១៩ ដែលមានទឹកប្រាក់ ៩,៤ពាន់លានដុល្លារ។ ក្នុងនោះ ការនាំចេញរបស់កម្ពុជាទៅថៃ មានតម្លៃ ១,១៥ពាន់លានដុល្លារ។ ដោយឡែក ការនាំចូលពីថៃ មកកម្ពុជា មានតម្លៃ ៦,១ពាន់លានដុល្លារ។ មុខទំនិញដែលកម្ពុជា នាំចេញទៅទីផ្សារថៃ ភាគច្រើនជាផលិតផលកសិកម្ម ខណៈផលិតផលនាំចូលពីថៃ មានដូចជា រថយន្ត ប្រេងឥន្ធនៈ ជីកសិកម្ម ផលិតផលចំណីអាហារ និងគ្រឿងថែសម្រស់ជាដើម៕អត្ថបទ ៖ ឈិត បូរ៉ាវី

រាជធានីភ្នំពេញ និងខេត្តព្រះសីហនុ គឺជាតំបន់ប៉ូលសេដ្ឋកិច្ចល្អលើផ្នែកអចលនទ្រព្យ

ភ្នំពេញ ៖ អ្នកជំនាញផ្នែកអចលទ្រព្យ ថា ចិនផ្តោតការវិនិយោគសំខាន់ជាងគេនៅកម្ពុជា មានវិស័យសំណង់ និងវិស័យ ឧស្សាហកម្មកាត់ដេរ ដែលជាផ្នែកមួយធ្វើឲ្យវិស័យដីធ្លី នៅរាជធានីភ្នំពេញ និងខេត្តព្រះសីហនុ មានការហក់ឡើងខ្ពស់ ហើយផ្នែកនេះ នៅតែបន្តមានសក្ដានុពលបន្ថែមទៀត បន្ទាប់ពីស្ថានភាពជំងឺកូវីដ-១៩ បានធូរស្រាល ។លោក លឹម សុជាតិ ប្រធានក្រុមប្រឹក្សាភិបាល សមាគមអ្នកវាយតម្លៃ និងភ្នាក់ងារអចលនវត្ថុកម្ពុជា បានលើកឡើង នៅក្នុងសន្និសីទសារព័ត៌មាន ស្តីពីបច្ចុប្បន្នភាពទីផ្សារអចលនវត្ថុក្នុងកំឡុងកូវីដ-១៩ នៅថ្ងៃទី២០ខែកុម្ភៈ នេះថា ចិនគឺជាកំលាំងចលករមួយបានជំរុញការរីកចម្រើនវិស័យសេដ្ឋកិច្ច មិនមែនតែកម្ពុជាប៉ុណ្ណោះទេ គឺនៅក្នុងអាស៊ានទាំងមូល ក្នុងនោះ សម្រាប់ក្រប ខណ្ឌគោលនយោបាយដែលប្រទេសចិនបានអនុវត្តន៍ជាមួយកម្ពុជា គឺមានគ្រប់ផែនការអភិវឌ្ឍ និងគ្រប់ជ្រុងជ្រោយ ដូចជានាពេលកន្លងមកនេះ កម្ពុជា-ចិន បានចុះកិច្ចព្រមព្រៀងពាណិជកម្មសេរីបន្ថែម ដែលការចុះកិច្ចព្រមព្រៀងនេះ គឺបានជួយពេញផ្ទៃប្រទេស ដោយមិនបានកំណត់នូវតំបន់ប៉ូលណាមួយឡើយ ។លោក បន្តថា ពាក់ព័ន្ធកិច្ចសហប្រតិបត្តិការនេះ សម្រាប់ក្របខណ្ឌជាតិ ចិនមានកិច្ចសហការស្ទើរគ្រប់ប៉ូលសំខាន់ៗទាំងអស់ ប៉ុន្តែកម្រិតថ្នាក់ក្រោមជាតិ អ្នកវិនិយោគទុន គឺបានចាប់យកការវិនិយោគ ឬឱកាសណាដែលមានផលវិជ្ជមានត្រឡប់មកវិញ ដូចជា ការវិនិយោគលើវិស័យសំណង់ និងវិស័យឧស្សាហកម្មកាត់ដេរជាដើម ជាក់ស្តែងយើងសង្កេតឃើញថា តំបន់ចំនួនពីរគឺ រាជធានីភ្នំពេញ និងខេត្តព្រះសីហនុ គឺជាតំបន់ប៉ូលសេដ្ឋកិច្ចល្អលើផ្នែកអចលនទ្រព្យ ដែលកំពុងមានសន្ទុះរីកចម្រើន ។ជុំវិញអ្នកវិនិយោគចិន, លោក សន សៀប អនុប្រធានសមាគមអ្នកវាយតម្លៃនិងភ្នាក់ងារអចលនវត្ថុកម្ពុជា លើកឡើងថា បើតាមរបាយការណ៍ប្រធានប្រតិបត្តិក្រុមប្រឹក្សាភិបាលចិន-អាស៊ាន បានបង្ហាញថា ចិនមានការវិនិយោគលើគោលដៅធំៗចំនួន៥ គឺការវិនិយោគលើហេដ្ឋារចនាសម្ព័ន្ធ ខ្សែក្រវ៉ាត់មួយផ្លូវមួយ, គម្រោងវិស្វកម្ម, គម្រោងអចលនទ្រព្យ, E-commers និងឌីជីថល Economic និងផ្នែកផលិតកម្ម និងដង្គុំជាដើម, ដែលបញ្ហានេះ អ្នកវិនិយោគចិនកំពុងចាប់អារម្មណ៍ក្នុងការវិនិយោគផងដែរ, ជាក់ស្តែងនៅឆ្នាំ ២០២០ ចិនជាអ្នកទី១ សម្រាប់ការវិនិយោគនៅកម្ពុជា ហើយលោកសង្ឃឹមថា បន្ទាប់ពីស្ថានភាពជំងឺកូវីដ-១៩ បានធូរស្រាល ចិននៅតែនាំមុខគេ លើការវិនិយោគនៅកម្ពុជាដ៏ដែល ។ទាក់ទងនឹងគោលដៅវិនិយោគនេះដែរ, ឧកញ៉ា ចេង ខេង អគ្គនាយកក្រុមហ៊ុន CPL Cambodia Properties Limited, បានលើកឡើងផងដែរ ជុំវិញនិងការវិនិយោគ កម្ពុជានៅទាក់ទាញអ្នកវិនិយោគចិនបន្ថែមទៀត បន្ទាប់ពីកម្ពុជាបានចុះកិច្ចព្រមព្រៀងពាណិជ្ជកម្មសេរីជាមួយចិន, បច្ចុប្បន្នចិនក៏កំពុងសម្លឹងមើលការវិនិយោគលើផ្នែកកសិកម្មបន្ថែម សម្រាប់បម្រើទីផ្សារនាំចេញទៅកាន់ប្រទេសរបស់ខ្លួន ព្រោះទីផ្សារសេរីនៅប្រទេសចិនប្រាកដជានាំចូលបន្ថែម ចំពោះផលិតផលសក្ដានុពលដែលកម្ពុជាមាន, ខណៈដែលបច្ចុប្បន្នផលិតផលសក្ដានុពលទាំងនោះ កំពុងចាប់អារម្មណ៍ពីអ្នកវិនិយោគទុនបរទេសផងដែរ ៕អត្ថបទ៖ សុន រ៉ាឌី

វិស័យអចលនទ្រព្យរំពឹងថានឹងងើបឡើងវិញនៅចុងឆ្នាំ២០២១

ភ្នំពេញ៖ សមាគមអ្នកវាយតម្លៃនិងភ្នាក់ងារអចលនវត្ថុកម្ពុជារំពឹងថា វិស័យអចលទ្រព្យនៅកម្ពុជា នឹងងើបឡើងវិញ ជាបណ្តើរនៅចុងឆ្នាំ២០២១ ឬដើមឆ្នាំ២០២២ ដោយសារចរន្តនៃការទិញ-លក់ ចាប់ផ្តើមមានឡើងវិញ បន្ទាប់ពីកម្ពុជាទទួលបានការចាក់វ៉ាសាំងបង្ការជំងឺកូវីដ-១៩ដល់ប្រជាពលរដ្ឋ បានកាន់តែច្រើន។លោក ច្រឹក សុខនីម ប្រធានសមាគមអ្នកវាយតម្លៃនិងភ្នាក់ងារអចលនវត្ថុកម្ពុជា បានលើកឡើងនៅក្នុងសន្និសីទសារព័ត៌មាន ស្តីពីបច្ចុប្បន្នភាពទីផ្សារអចលនវត្ថុក្នុងកំឡុងកូវីដ-១៩ នៅថ្ងៃទី២០ ខែ កុម្ភៈ ឆ្នាំ២០២១ នេះថា បញ្ហាប្រឈមនៅក្នុងវិបត្តិកូវីដ១៩ គឺបានធ្វើឲ្យប៉ះពាល់ដល់សេដ្ឋកិច្ចជាតិយើង ក្នុងនោះ ចំពោះវិស័យអចលន ទ្រព្យក៏ជាផ្នែកមួយក្នុងការប៉ះពាល់ដោយសារវិបត្តិជំងឺនេះផងដែរ បានរាំងស្ទះដល់ការអភិវឌ្ឍន៍វិស័យនេះ និងបាត់បង់អ្នកវិនិយោគទុនទាំងជាតិ និងបរទេស។លោកយល់ថា ទោះបីនៅក្នុងស្ថានភាពអវត្តមាននៃវិនិយោគិនបរទេស ដោយសារការធ្វើដំណើរឆ្លងកាត់ប្រទេសពិបាក ប្រសិនអ្នកវិនិយោគទុកក្នុងស្រុកមានសកម្មភាពការធ្វើដំណើរបាន ពួគគេនឹងចាប់ផ្ដើមសម្លឹងមើល ឱកាសវិនិយោគឡើងវិញ ជាពិសេសអ្នកដែលមានធនធានហិរញ្ញវត្ថុ នឹងចាប់ផ្តើមមើលឃើញសក្តានុពល ទិញអចលនទ្រព្យ។ពាក់ព័ន្ធវិនិយោគិនក្នុងស្រុក, លោក លឹម សុជាតិ ប្រធានក្រុមប្រឹក្សាភិបាល សមាគមអ្នកវាយតម្លៃ និងភ្នាក់ងារអចលនវត្ថុកម្ពុជា លើកឡើងថា សម្រាប់ចរន្តនៃការទិញ-លក់ វិស័យអចលនទ្រព្យក្នុងពេលបច្ចុប្បន្ន យើងសង្កេតឃើញថា អ្នកវិនិយោគក្នុងស្រុកបានទិញ-លក់ មានកំណើនខ្ពស់ជាងបរទេស ក្នុងនោះ ចំពោះអចលនទ្រព្យដូចជាដីធ្លី, ផ្ទះ អ្នកវិនិយោគទុនក្នុងស្រុក មានការទិញលក់យ៉ាងច្រើន។ ចំណែកការវិនិយោគ ទិញ-លក់ ដូចជា ខុនដូ ឬអគារពាណិជ្ជកម្មផ្សេងៗ អ្នកវិនិយោគបរទេសមានការអភិវឌ្ឍន៍ និងទិញ-លក់ច្រើន ជាក់ស្តែង នៅក្នុងការរីករាលដាលនៃជំងឺកូវីដ-១៩ ឬការ Lockdown វិស័យនេះនៅតែដំណើរការទិញលក់ជាធម្មតា៕ អត្ថបទ៖ សុន រ៉ាឌី

រយៈពេល៤ខែ ការវិនិយោគវិស័យសំណង់ ក្នុងខេត្តកំពត មានទំហំទឹកប្រាក់ជិតម្ភៃលានដុល្លារ

កំពត ៖ មន្ត្រីជំនាញ បានឲ្យដឹងថា វិស័យសំណង់នៅខេត្តកំពត នៅតែបន្តរីកចម្រើនជាងឆ្នាំ២០២០កន្លងទៅ ហើយគិតត្រឹមរយៈពេល៤ខែដើមឆ្នាំ២០២១នេះ ការចេញលិខិតអនុញ្ញាតសាងសង់ និងទំហំទឹកប្រាក់វិនិយោគលើវិស័យសំណង់ស្មើ នឹងពាក់កណ្តាល ឆ្នាំ២០២០ កន្លងទៅ ដែលនេះបញ្ជាក់ថា វិស័យសំណង់ខេត្តមានសុខភាពល្អ និងមានសន្ទុះទៅមុខជានិច្ច ទោះស្ថិតក្នុងបរិបទកូវីដ១៩ក៏ដោយ។ អនុប្រធានមន្ទីររៀបចំដែនដី នគររូបនីយកម្ម សំណង់ និងសុរិយោដីខេត្តកំពត លោក ស៊ឹម សុខជា បានឲ្យដឹងថា ទោះស្ថិតក្នុងបរិបទកូវីដ១៩ វិស័យសំណង់ក្នុងខេត្តនៅតែបន្តដំណើរការមិនដាច់ និងមានអ្នកមករកស៊ីផ្នែកនេះ ជាហូរហែ។ លិខិតអនុញ្ញាតសាងសង់ពីសមត្ថកិច្ចទាំងបី ក្រុងស្រុក ខេត្ត និងក្រសួង រយៈពេល ៤ខែដើមឆ្នាំ២០២១នេះ មានចំនួន១៣៣គម្រោង គិតជាទុនវិនិយោគសរុបចំនួន ១៨លាន ដុល្លារ។ ចំណែកឆ្នាំ២០២០ ការដ្ឋានសំណង់ពេញមួយឆ្នាំ មានចំនួន ២៩៩ គម្រោង ដែលមានទុនវិនិយោគសរុប ៣៧លានដុល្លារ ។ផ្អែកតាមរបាយការណ៍នេះ គេឃើញថា ក្នុងរយៈបួនខែដើមឆ្នាំ២០២១ វិស័យសំណង់ខេត្តកំពត មានតម្លៃទុនវិនិយោគស្មើ និងពាក់កណ្ដាលឆ្នាំ២០២០ ទៅហើយ នេះបញ្ជាក់ឱ្យឃើញថា ឆ្នាំ២០២១នេះ វិស័យសំណង់ខេត្តកំពត នៅមានសុខភាពល្អ និងនៅតែបន្តរីកចម្រើនឡើងជាលំដាប់ពីមួយឆ្នាំទៅមួយឆ្នាំ ទោះស្ថិតក្នុងបរិបទកូវីដ១៩ក្តី។លោក បន្ថែមថា បច្ចុប្បន្នទោះស្ថានភាពកូវីដ១៩ហាក់មានសណ្ឋានធ្ងន់ធ្ងរក៏ពិតមែន ប៉ុន្តែការដ្ឋានសំណង់ទាំងអស់ក្នុងខេត្ត នៅតែបន្តដំណើរការជាដដែល គ្រាន់តែកម្មករ និងជាងសំណង់មិនមានចំនួនច្រើនដូចពេលមុន។ ហើយគិតមកដល់ពេលនេះ ពុំមានការដ្ឋានសំណង់ណាមួយបានផ្អាកការសាងសង់ ឬ បិទការដ្ឋានដោយសារកូវីដ១៩នោះទេ៕អត្ថបទ ៖ អន សារីម

បណ្ដាញសង្គម

ព័ត៌មានថ្មីៗ

សហរដ្ឋអាមេរិក ផ្ដល់ប្រាក់៣០លានដុល្លារ ឱ្យប្រតិបត្តិការជំនួយហ្កាហ្សា ទោះមានកង្វល់ជាច្រើនក្ដី

អ៊ីស្រាអែលបានសម្លាប់មនុស្សជាង ៨០នាក់នៅតំបន់ហ្កាហ្សា រួមទាំងអ្នកស្វែងរកជំនួយរាប់សិបនាក់

ប្រភពបាននិយាយថា ការវាយប្រហាររបស់អាមេរិកបរាជ័យក្នុងការបំផ្លាញទីតាំងនុយក្លេអ៊ែររបស់អ៊ីរ៉ង់

រដ្ឋមន្ត្រីសុខាភិបាល ជំរុញមន្រ្តីឆ្លុះបញ្ចាំង និងធ្វើខ្លួនឱ្យក្លាយជាបុគ្គលិកសុខាភិបាលប្រកបដោយគុណភាពពិតប្រាកដ

ក្រសួងបរិស្ថានអនុវត្តវិធានការច្បាប់ឈានដល់បិទផ្នែកផលិតកម្មរោងចក្រចំនួន២ នៅក្នុងខេត្តព្រះសីហនុ

កម្ពុជា-អូស្រ្តាលី ប្រកាសផ្លូវការនូវផែនការភាពជាដៃគូសម្រាប់ការអភិវឌ្ឍ ដើម្បីជំរុញកំណើនសេដ្ឋកិច្ច

រូបភាពចក្រវាលលើកដំបូងរបស់តេឡេស្កូបអង្កេត Rubin បង្ហាញពីយុគសម័យនៃរបកគំហើញហ្វូងដួងតារាមិននឹកស្មានដល់

ជនប៉ាឡេស្ទីននាំគ្នាស្វែងរកជំនួយស្បៀងអាហារនៅតំបន់ហ្កាហ្សា ខណៈវិបត្តិស្រេកឃ្លានកើនឡើង

ភាពស្ងប់ស្ងាត់បានវិលត្រឡប់មកកាន់កាតាវិញ ក្រោយការវាយប្រហារអ៊ីរ៉ង់លើមូលដ្ឋានទ័ពអាមេរិក

លោកស្រី von der Leyen៖ វិស័យការពារជាតិអឺរ៉ុប នៅទីបំផុតបានងើបឡើងហើយ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សេដ្ឋកិច្ច និង កសិកម្ម

អាជីវករបន្លែបោះដុំ ចង់ចូលលក់នៅផ្សារនាគមាស និងផ្សារដើមគ ឆាប់ៗខាងមុខ

ផ្សារតាខ្មៅចាស់ ចាប់ផ្តើមបើកដំណើរការឡើងវិញ តែអាជីវករត្រូវអនុវត្តតាមការណែនាំរបស់អាជ្ញាធរ

ការដោះដូរពាណិជ្ជកម្មទ្វេភាគី កម្ពុជា ជប៉ុន មានទឹកប្រាក់សរុប ៦៣២លានដុល្លារ ក្នុងត្រីមាសទី១

ពលរដ្ឋចាត់ទុកដំណាំទុរេន ជាផលិតផលយុទ្ធសាស្ត្រ នឹងអាចមានទីផ្សារនាំចេញនាពេលខាងមុខ

ផ្សាររដ្ឋចាប់ផ្តើមបើកដំណើរការឡើងវិញ ដោយអនុវត្តម៉ឺងម៉ាត់វិធានការណែនាំសុខាភិបាល

ស្វាយស្រស់កម្ពុជា ត្រូវបានស្វាគមន៍នៅប្រទេសចិន

មជ្ឈមណ្ឌលក្រុមប្រឹក្សាធុរកិច្ចកម្ពុជាប្រកាសដាក់ឲ្យដំណើរផ្លូវការហើយ ចាប់ពីថ្ងៃនេះតទៅ

រាជធានីភ្នំពេញ និងខេត្តព្រះសីហនុ គឺជាតំបន់ប៉ូលសេដ្ឋកិច្ចល្អលើផ្នែកអចលនទ្រព្យ

វិស័យអចលនទ្រព្យរំពឹងថានឹងងើបឡើងវិញនៅចុងឆ្នាំ២០២១

រយៈពេល៤ខែ ការវិនិយោគវិស័យសំណង់ ក្នុងខេត្តកំពត មានទំហំទឹកប្រាក់ជិតម្ភៃលានដុល្លារ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សេដ្ឋកិច្ច និង កសិកម្ម

អាជីវករ​បន្លែ​បោះ​ដុំ ចង់​ចូល​លក់​នៅ​ផ្សារ​នាគ​មាស ​និង​ផ្សារ​ដើម​គ​ ឆាប់ៗ​ខាងមុខ​

ផ្សារ​តាខ្មៅ​ចាស់​ ចាប់ផ្តើម​បើក​ដំណើរការ​ឡើងវិញ ​តែ​អាជីវករ​ត្រូវ​អនុវត្ត​តាម​ការណែនាំ​របស់​អាជ្ញាធរ

ការដោះដូរ​ពាណិជ្ជកម្ម​ទ្វេភាគី កម្ពុជា ជប៉ុន មាន​ទឹកប្រាក់​សរុប ៦៣២​លាន​ដុល្លារ ក្នុង​ត្រីមាស​ទី​១

ពលរដ្ឋ​ចាត់ទុក​ដំណាំ​ទុរេ​ន ជា​ផលិតផល​យុទ្ធសាស្ត្រ ​នឹង​អាច​មាន​ទីផ្សារ​នាំចេញ​នា​ពេលខាងមុខ

ផ្សារ​រដ្ឋ​ចាប់​ផ្តើម​បើក​ដំណើរការ​ឡើងវិញ ដោយ​អនុវត្ត​ម៉ឺងម៉ាត់​វិធានការ​ណែនាំ​សុខាភិបាល​

ស្វាយ​ស្រស់​កម្ពុជា ត្រូវបាន​ស្វាគមន៍​នៅ​ប្រទេស​ចិន

មជ្ឈមណ្ឌល​ក្រុមប្រឹក្សា​ធុរកិច្ច​កម្ពុជា​ប្រកាស​ដាក់​ឲ្យ​ដំណើរ​ផ្លូវការ​ហើយ​ ចាប់ពី​ថ្ងៃនេះ​តទៅ

រាជធានី​ភ្នំពេញ និង​ខេត្ត​ព្រះសីហនុ​ គឺជា​តំបន់​ប៉ូល​សេដ្ឋកិច្ច​ល្អ​លើ​ផ្នែក​អចលនទ្រព្យ

វិស័យ​អចលនទ្រព្យ​រំពឹងថា​នឹង​ងើបឡើង​វិញ​នៅ​ចុង​ឆ្នាំ​២០២១

រយៈពេល​៤​ខែ ​ការ​វិនិយោគ​វិស័យ​សំណង់​ ក្នុង​ខេត្តកំពត​ មាន​ទំហំ​ទឹកប្រាក់​ជិត​ម្ភៃ​លាន​ដុល្លារ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អាជីវករបន្លែបោះដុំ ចង់ចូលលក់នៅផ្សារនាគមាស និងផ្សារដើមគ ឆាប់ៗខាងមុខ

ផ្សារតាខ្មៅចាស់ ចាប់ផ្តើមបើកដំណើរការឡើងវិញ តែអាជីវករត្រូវអនុវត្តតាមការណែនាំរបស់អាជ្ញាធរ

ការដោះដូរពាណិជ្ជកម្មទ្វេភាគី កម្ពុជា ជប៉ុន មានទឹកប្រាក់សរុប ៦៣២លានដុល្លារ ក្នុងត្រីមាសទី១

ពលរដ្ឋចាត់ទុកដំណាំទុរេន ជាផលិតផលយុទ្ធសាស្ត្រ នឹងអាចមានទីផ្សារនាំចេញនាពេលខាងមុខ

ផ្សាររដ្ឋចាប់ផ្តើមបើកដំណើរការឡើងវិញ ដោយអនុវត្តម៉ឺងម៉ាត់វិធានការណែនាំសុខាភិបាល

ស្វាយស្រស់កម្ពុជា ត្រូវបានស្វាគមន៍នៅប្រទេសចិន

មជ្ឈមណ្ឌលក្រុមប្រឹក្សាធុរកិច្ចកម្ពុជាប្រកាសដាក់ឲ្យដំណើរផ្លូវការហើយ ចាប់ពីថ្ងៃនេះតទៅ

រាជធានីភ្នំពេញ និងខេត្តព្រះសីហនុ គឺជាតំបន់ប៉ូលសេដ្ឋកិច្ចល្អលើផ្នែកអចលនទ្រព្យ

វិស័យអចលនទ្រព្យរំពឹងថានឹងងើបឡើងវិញនៅចុងឆ្នាំ២០២១

រយៈពេល៤ខែ ការវិនិយោគវិស័យសំណង់ ក្នុងខេត្តកំពត មានទំហំទឹកប្រាក់ជិតម្ភៃលានដុល្លារ