BTV NEWS

កម្ពុជាមានសុទិដ្ឋិនិយមថាទោះបិទការនាំចូលប្រេងឥន្ធនៈ និងឧស្ម័នពីថៃ ក៏អាចរក្សាការផ្គត់ផ្គង់តម្រូវការបាន

តំបន់សេដ្ឋកិច្ចពិសេសកម្ពុជាដើរតួនាទីយ៉ាងសំខាន់ ក្នុងការជំរុញកំណើននាំចេញវិស័យឧស្សាហកម្ម

ឯកឧត្តម ឌិត ទីណា បន្តក្រើនរម្លឹកមន្រ្តីកសិកម្មឃុំឱ្យចុះផ្សព្វផ្សាយផែនការ "មានហូប មានប្រើ មានបាន និងមានរហូត"

ក្រសួងកសិកម្មត្រូវការមន្រ្តីកសិកម្មឃុំចំនួន ៣៥០នាក់បន្ថែមទៀត ដើម្បីលើកស្ទួយផលិតកម្មកសិករ

សេដ្ឋកិច្ច និង កសិកម្ម

កម្ពុជានាំទំនិញទៅសហរដ្ឋអាមេរិក បន្តកើនឡើង ទោះប្រឈមនឹងវិបត្តិកូវីដ១៩

ភ្នំពេញ ៖ កម្ពុជានាំទំនិញទៅកាន់សហរដ្ឋអាមេរិក បន្តកើនឡើងនៅក្នុងរយៈពេលពីរខែដើមនៅឆ្នាំ២០២១ ទោះបីវិបត្តិកូវីដ-១៩នៅតែបន្ត។តួលេខពាណិជ្ជកម្មរបស់ ការិយាល័យស្ថិតិអាមេរិក បង្ហាញថា ចាប់ពីខែមករា ដល់ខែកុម្ភៈ ឆ្នាំ២០២១ កម្ពុជានាំទំនិញចេញទៅកាន់ប្រទេសសេដ្ឋកិច្ចធំបំផុតលើពិភពលោក មានទឹកប្រាក់សរុប ១ ១២០ លានដុល្លារ កើនឡើង ៣,៣ ភាគរយ។ ទន្ទឹមគ្នានេះ ការនាំទំនិញពីសហរដ្ឋអាមេរិក មកកម្ពុជា មានតម្លៃ ៦៧ លានដុល្លារ កើនឡើង ២៦ ភាគរយ។ទំនិញសំខាន់ៗដែលកម្ពុជានាំចេញទៅកាន់សហរដ្ឋអាមេរិក មានផលិតផលកាត់ដេរ ស្បែកជើង ផលិតផលធ្វើដំណើរ-កាបូប ចំណែកទំនិញដែលកម្ពុជានាំចូលពីសហរដ្ឋអាមេរិក មានរថយន្ត ចំណីសត្វ និងគ្រឿងចក្រ ។ល។យោងតាមរបាយការណ៍ពីក្រសួងសេដ្ឋកិច្ច និងហិរញ្ញវត្ថុ ការនាំចេញទំនិញមិនមែនផលិតផលកាត់ដេរ បានកើនឡើង ក្នុងឆ្នាំ២០២០ ខណៈការនាំចេញផលិតផលកាត់ដេរ ធ្លាក់ចុះ។ ទំនិញមិនមែនផលិតផលកាត់ដេរ មានដូចជា កង់ គ្រឿងសង្ហារឹម និងគ្រឿងបង្គុំអេឡិចត្រូនិកជាដើម។ឆ្នាំ២០២០ ការដោះដូរពាណិជ្ជកម្មទ្វេភាគី រវាងកម្ពុជា និងសហរដ្ឋអាមេរិក មានតម្លៃសរុប ៦ ៩២១ លានដុល្លារ មានកំណើន ១៧,៨ភាគរយ ធៀបនឹងឆ្នាំ២០១៩៕អត្ថបទ ៖ វណ្ណៈ

ប្រតិបត្តិករផ្ដល់កម្ចីនៅកម្ពុជាសម្រេចផ្ដល់ការអនុគ្រោះបន្ថែមទៀតដល់អតិថិជនអំឡុងវិបត្តិកូវីដ១៩

ភ្នំពេញ៖ ក្រុមអ្នកផ្ដល់កម្ចីហិរញ្ញវត្ថុនៅកម្ពុជា បានប្រកាសនៅថ្ងៃនេះថា ឧស្សាហកម្មមួយនេះសម្រេចផ្ដល់ការអនុគ្រោះបន្ថែមទៀតទៅដល់អតិថិជនរបស់ខ្លួន ដែលកំពុងស្ថិតក្នុងវិបត្តិកើតចេញពីការឆ្លងរីករាលដាលនៃមេរោគកូវីដ១៩។ក្នុងសេចក្ដីប្រកាសព័ត៌មាននៅថ្ងៃនេះ សមាគមធនាគារនៅកម្ពុជា និងសមាគមមីក្រូហិរញ្ញវត្ថុកម្ពុជា បានសម្រេចផ្ដល់ការអនុគ្រោះទៅដល់អតិថិជនដែលបានឆ្លងមេរោគកូវីដ១៩ ដោយលើកលែងការបង់ប្រាក់ និងការផាកពិន័យរយៈពេល ១ខែ។សម្រាប់អតិថិជនដែលឆ្លងកូវីដ១៩នេះផងដែរ ក្រុមអ្នកផ្ដល់កម្ចីហិរញ្ញវត្ថុទាំងពីរ ក៏បានអនុញ្ញាតឱ្យមានការរៀបចំឥណទានឡើងវិញផង ទៅតាមសំណើរបស់អតិថិជន រួមទាំងការពន្យារពេលបង់ប្រាក់ដើម ៣ខែ។សម្រាប់អតិថិជនដែលកំពុងជាប់ធ្វើចត្តាឡីស័កវិញ សមាគមផ្ដល់កម្ចីហិរញ្ញវត្ថុទាំងពីរ បានសម្រេចផ្ដល់ការរៀបចំឥណទានឡើងវិញដោយស្វ័យប្រវត្តិសម្រាប់រយៈពេល ១ខែ និងត្រូវបានលើកលែងរាល់ការផាកពិន័យទាំងអស់ផងដែរ។ចំណែកឯអតិថិជនដែលទទួលមរណភាពដោយសារកូវីដ១៩ សមាគមទាំងពីរបានណែនាំទៅស្ថាប័នផ្ដល់កម្ចីឱ្យផ្ដល់ការអនុគ្រោះទៅតាមលទ្ធភាពជាក់ស្ដែង។ជាងនេះទៀត ឧស្សាហកម្មហិរញ្ញវត្ថុក៏បានសម្រេចបន្ធូរបន្ថយលក្ខខណ្ឌសម្រាប់កម្ចី និងទម្លាក់អត្រាការប្រាក់ផងដែរ ដោយថា ដើម្បីជួយស្ដារសេដ្ឋកិច្ចគ្រួសារ និងអាជីវកម្មឡើងនៅមុន និងក្រោយវិបត្តិកូវីដ១៩នេះ។រីឯអតិថិជនដែលបានខ្ចីប្រាក់សម្រាប់ទិញលំនៅដ្ឋានផ្ទាល់ សមាគមទាំងពីរនេះ ក៏បានសម្រេចលើកលែងការផាកពិន័យទាំងអស់ផងដែរ ដែលការអនុគ្រោះនេះ សមាគមកំណត់ថា សម្រាប់តែអតិថិជនទិញផ្ទាល់ផ្ទាល់ខ្លួនទីមួយសម្រាប់រស់នៅតែប៉ុណ្ណោះ។សមាគមផ្ដល់ឥណទានទាំងពីរនេះ បានអះអាងថា ប្រតិបត្តិករផ្ដល់កម្ចីនៅកម្ពុជា បានសម្រេចរៀបចំឥណទានឡើងវិញដល់អតិថិជនរហូតដល់ទៅ ៣៤ម៉ឺននាក់ហើយនៅត្រឹមដំណាច់ខែកុម្ភៈកន្លងមកនេះ។សមាគមទាំងពីរអះអាងបន្តថា ការរៀបចំឥណទានឡើងវិញសម្រាប់អតិថិជននៅទូទាំងប្រទេសត្រឹមចុងខែកុម្ភៈកន្លងមកនេះ មានទំហំសាច់ប្រាក់ដល់ទៅ ៤ពាន់លានដុល្លារអាមេរិក៕ អត្ថបទ៖ ដេត សុខធី

ទំហំពាណិជ្ជកម្មសម្រាប់ឆ្នាំ២០២០ ថមថយបន្តិចបន្តួច បើធៀបទៅឆ្នាំ ២០១៩

ភ្នំពេញ៖ កម្ពុជាបាននាំចេញផលិតផលក្នុងឆ្នាំ២០២០ សម្រេចបានក្នុងទំហំទឹកប្រាក់ប្រមាណជាង ១៤ ពាន់លានដុល្លារ ចំណែកការនាំចូល សម្រេចបានក្នុងទំហំទឹកប្រាក់សរុបចំនួនជិត ១៩ពាន់លានដុល្លារ។អគ្គនាយកដ្ឋានគោលនយោបាយ នៃក្រសួងសេដ្ឋកិច្ច និងហិរញ្ញវត្ថុ បានបង្ហាញរបាយការណ៍ នៃទំហំពាណិជ្ជកម្ម សម្រាប់ឆ្នាំ ២០២០ កម្ពុជាបាននាំចេញផលិតផលសរុប ដោយមិនគិតនៃការនាំចេញមាស គឺសម្រេចបានក្នុងទំហំទឹកប្រាក់ចំនួនប្រមាណ ១៤ ២០៤ លានដុល្លារ ថយចុះ ១,១ ភាគរយ បើប្រៀបធៀបទៅនឹងឆ្នាំ ២០១៩ ដោយបណ្ដាលមកពីការធ្លាក់ចុះ នៃការនាំចេញផលិតផលវាយនភណ្ឌ ក្នុងអត្រា ៩,៩ ភាគរយ។ដោយឡែកការនាំចូល កម្ពុជានាំចូលមុខទំនិញសរុប សម្រេចបានទំហំទឹកប្រាក់ចំនួន ប្រមាណ ១៨ ៩៣៩ លានដុល្លារអាមេរិក បានថមថយ ៦,១% បើធៀបទៅនឹងឆ្នាំ ២០១៩។ ការធ្លាក់ចុះនេះមកបណ្តាលមកពីការធ្លាក់ចុះខ្លាំង នៃការនាំចូលទំនិញសំខាន់ៗមួយចំនួនដូចជា ក្រណាត់, ប្រេងឥន្ធនៈ, សម្ភារៈសំណង់ និងគ្រឿងយន្ត។សូមបញ្ជាក់ថា សម្រាប់ការនាំចេញ ឆ្នាំ ២០២០ កម្ពុជាបាននាំចេញរួមមាន៖ ផលិតផលសំលៀកបំពាក់ ស្បែកជើង ផលិតផលវាយនភណ្ឌផ្សេងៗ គ្រឿងបង្គំអេឡិចត្រូនិក, គ្រឿងបង្គំរថយន្ត, កង់, ឈើមូលនិងកែច្នៃ, គ្រឿងសង្ហារឹម, ស្រូវ, អង្ករ និងកៅស៊ូជាដើម ។ ចំណែកការនាំចូលរួមមាន៖ ថ្នាំពេទ្យ បារី និងភេសជ្ជៈ, បរិក្ខាសំណង់, វាយនភណ្ឌ និងសម្លៀកបំពាក់, ទោចក្រយានយន្ត, គ្រឿងបន្លាស់យានយន្ត, ប្រេងឥន្ធន និងជីកសិកម្មជាដើម៕ អត្ថបទ៖ សុន រ៉ាឌី

ទីបំផុតអ្នកប៉ះពាល់បុរសផ្ទុកកូវីដ១៩ ក្នុងពិធីមង្គលការនៅស្រុកឈូកទាំង ១០នាក់ មិនឆ្លងជំងឺកូវីដ១៩ទេ

កំពត៖ ក្រោយពេលបានដឹងថា មានបុរសផ្ទុកកូវីដ១៩មា្នក់ មកពីរាជធានីភ្នំ បានចូលរួមក្នុងពិធីមង្គលការមួយនៅស្រុកឈូក ខេត្តកំពត អាជ្ញាធរស្រុកបានស្រាវជ្រាវរកឃើញអ្នកពាក់ព័ន្ធផ្ទាល់ជាមួយបុរសនោះចំនួន ១០នាក់។ ហើយក្រោយពេលយកសំណាកទៅវិភាគលើកទី៣ ជាលទ្ធផលនៅតែអវិជ្ជមានទាំងអស់ គ្មានពលរដ្ឋណាម្នាក់បានឆ្លងកូវីដ១៩ក្នុងហេតុការនោះទេ។ ប្រធានការិយាល័យបច្ចេកទេស នៃមន្ទីរសុខាភិបាលខេត្តកំពត លោក ហេង ចាន់ថា បានប្រាប់នៅរសៀលថ្ងៃទី៣០ ខែមីនានេះថា ពលរដ្ឋ ០៦នាក់ពាក់ព័ន្ធនឹងហេតុការណ៍បុរសផ្ទុកកូវីដ១៩ បានចូលរួមពិធីមង្គលការនៅស្រុកឈូក ខេត្តកំពត ដែលបានបញ្ជូនមកធ្វើចត្តាឡីស័កនៅសហគមន៍អ្នកផលិតអំបិល កំពត-កែប កាលពីថ្ងៃទី១៥ ខែមីនាកន្លងមកនោះ ថ្ងៃទី៣០ ខែមីនានេះ ត្រូវបានរដ្ឋបាលស្រុកឈូកមកទទួលយកទៅគេហដ្ឋានវិញហើយ ក្រោយពេលលទ្ធផលតេស្តលើកទី៣ បញ្ជាក់ថាអវិជ្ជមាននោះ ។ ហើយសំណាកវិភាគរបស់ពលរដ្ឋ ០៤នាក់ផ្សេងទៀត ដែលបានកំពុងធ្វើចត្តាឡីស័កនៅផ្ទះកូនក្រមុំ ក៏ទទួលបានលទ្ធផលអវិជ្ជមានដូចគ្នា។ ប្រជាពលរដ្ឋក្រោយពេលបានដឹងលទ្ធផល ពួកគាត់មានសេចក្តីសប្បាយរីករាយណាស់ នឹងបានថ្លែងអំណរគុណ ចំពោះអាជ្ញាធរគ្រប់លំដាប់ថ្នាក់ និងគ្រូពេទ្យជំនាញដែលបានយកចិត្តទុកដាក់ មើលថែចំពោះពួកគាត់។ ពលរដ្ឋ១០នាក់ បានប៉ះពាល់ផ្ទាល់ជាមួយបុរសវិជ្ជមានកូវីដ១៩ នៅក្នុងពិធីមង្គលការមួយកាល ពីថ្ងៃទី ១៤ ខែមីនា ឆ្នាំ២០២១ នៅភូមិដំណាក់ទ្រព្យខាងជើង ឃុំក្រាំងស្នាយ ស្រុកឈូក ហើយពលរដ្ឋ ០៦នាក់ ត្រូវបានបញ្ជូនមកធ្វើចត្តាឡីស័ក នៅសហគមន៍អ្នកផលិតអំបិល ខេត្តកំពត-កែប កាលពីថ្ងៃទី១៥ ខែមីនា ឆ្នាំ២០២១ និងមនុស្ស ០៤នាក់ផ្សេងទៀត តម្រូវអោយធ្វើចត្តាឡីស័កនៅផ្ទះកូនក្រមុំ ចំណែកអ្នកប៉ះពាល់ដោយប្រយោលប្រមាណ ៣៨នាក់ ត្រូវបានអាជ្ញាធរស្រុកឈូក ប្រាប់ឲ្យចត្តាឡីស័កតាមផ្ទះរៀងៗខ្លួនផងដែរ៕ អត្ថបទ៖ អាន សារីម

តម្លៃផលិតផលសរុបរបស់រោងចក្រសហគ្រាសឆ្នាំ២០២០ មានទំហំទឹកប្រាក់ជាង៩,៦០០លានដុល្លារ

ភ្នំពេញ ៖ តម្លៃផលិតផលសរុបនៃរោងចក្រសហគ្រាសទាំងអស់នៅកម្ពុជា ឆ្នាំ ២០២០ មានទំហំទឹកប្រាក់ ជាង ៩ ៦០០ លានដុល្លារ អាមេរិក ក្នុងនោះ មានតម្លៃបរិមាណបម្រើទីផ្សារក្នុងស្រុក មានចំនួនជាង ៣ ២០០ លានដុល្លារ ខណៈដែលតម្លៃបរិមាណនៃទីផ្សារនាំចេញលើផលិតផលផ្នែកកម្មន្តសាលនេះ មានទំហំជាង ៦ ៣០០ លានដុល្លារអាមេរិក ។ឯកឧត្តម ហេង សុខគង់ អ្នកនាំពាក្យ និងជារដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ លើកឡើងថា បានថ្លែងប្រាប់ភ្នាក់ងារអ្នកយកព័ត៌មាន BTV នៅថ្ងៃទី ២៦ ខែ មីនា ឆ្នាំ ២០២១ នេះថា ឆ្នាំ ២០២០ តម្លៃផលិតផលបរិមាណសរុបថយចុះជាង ៣៥% ធៀបនឹងឆ្នាំ២០១៩។ សម្រាប់តម្លៃបរិមាណបម្រើទីផ្សារក្នុងស្រុក មានចំនួនជាង ៣ ២០០ លានដុល្លារ បានថយចុះជិត ១២ ភាគរយ និងតម្លៃបរិមាណនៃការនាំចេញ កម្ពុជាបាននាំចេញមានទំហំទឹកប្រាក់ជាង ៦ ៣០០ លានដុល្លារ បានថយចុះជាង ៤៣ ភាគរយ បើធៀបទៅរយៈពេលដូចគ្នាក្នុងឆ្នាំ ២០១៩ ។ឯកឧត្តម បន្តថា ជុំវិញតម្លៃបរិមាណដែលបានថមថយចុះនេះ, នៅឆ្នាំ២០២០ ពិភពលោកបានជួបនឹងវិបត្តិនៃការរីករាលជម្ងឺកូវីដ-១៩ ដែលមានប្រភពចេញពីប្រទេសចិន, ក្នុងនោះ ប្រទេសចិនបានផ្អាកការនាំវត្ថុធាតុដើម ព្រោះចិនជាទីផ្សារបម្រើផលិតផល និងវត្ថុធាតុដើមពិភពលោក ។ ដោយសារកម្ពុជា មានទំនាក់ទំនងល្អជាមួយប្រទេសចិន ក្នុងនោះ យើងក៏ទទួលបានការនាំចូលវត្ថុធាតុដើមមុនគេ សម្រាប់បម្រើទីផ្សារក្នុងស្រុក ដូច្នេះនៅក្នុងឆ្នាំ ២០២១ នេះ ឯកឧត្តម រំពឹងថា តម្លៃបរិមាណផលិតផលនឹងមានការកើនឡើង។ឯកឧត្តម ហេង សុខគង់ បានបញ្ជាក់ឲ្យដឹងថា នៅក្នុងឆ្នាំ ២០២០ ការអភិវឌ្ឍន៍វិស័យរោងចក្រ សហគ្រាស ក្នុងនោះរោងចក្រធុនធ្ងន់ដែលបានដំណើរការ មានចំនួន ១ ៨៦៤ រោងចក្រ បានកើនឡើងជាង ៧ ភាគរយ បើធៀបទៅឆ្នាំ ២០១៩, រោងចក្រកកើតថ្មីមានចំនួន ២៣៥ រោងចក្រ ថយចុះជាង ១២ ភាគរយ, រោងចក្របិទទ្វាមានចំនួន ១០១ រោងចក្រ កើនឡើងជាង ៥០ ភាគរយ និងរោងចក្រដែលបានផ្អាក និងព្យួរការងារក្រោមឥទ្ធិពលជំងឺកូវីដ ១៩ ទាំងក្នុងរយៈពេលខ្លី និងវែង មានចំនួន ៣៩២ រោងចក្រ បើធៀបទៅនឹងរយៈពេលដូចគ្នាក្នុងឆ្នាំ ២០១៩ ៕អត្ថបទ៖ សុន រ៉ឌី

ការនាំចូលរថយន្តថ្មីកើនឡើង ក្រោយរដ្ឋាភិបាលសម្រួលអាករពិសេសនាំចូលរថយន្ត

ភ្នំពេញ ៖ ការនាំចូលរថយន្តថ្មីការកើនឡើង បន្ទាប់ពីរាជរដ្ឋាភិបាល បានកែសម្រួលអាករពិសេសលើរថយន្ត ដែលអាចធ្វើឲ្យប្រជាជនមានលទ្ធភាពទិញប្រើប្រាស់កាន់តែច្រើន ។យោងតាមសហព័ន្ធយានយន្តកម្ពុជា តាមរយៈគោលនយោបាយរបស់រាជរដ្ឋាភិបាល ស្តីពីការកែសម្រួលអាករពិសេសលើរថយន្ត នឹងធ្វើឲ្យប្រជាជនកម្ពុជា កាន់តែមានលទ្ធភាព ក្នុងការរកទិញរថយន្តសម្រាប់ការប្រើប្រាស់ ជាពិសេសរថយន្តថ្មី។លោក ងន សាំង ប្រធានសហព័ន្ធយានយន្តកម្ពុជា បានឱ្យដឹងថា ជុំវិញការនាំចូលរថយន្ត, សម្រាប់កម្ពុជា នៅក្នុងរយៈពេលជិត៣ ខែ ដើមឆ្នាំ ២០២១ នេះ ការនាំចូលរថយន្តសរុបរួមមាន ៖ រថយន្តជជុះ និងរថយន្តថ្មី បើធៀបនឹងប្រទេសជិតខាង គឺមានអត្រានៃការធ្លាក់ចុះបន្តិចបន្តួច តែក្នុងនោះសម្រាប់នាំចូលរថយន្តថ្មី ចូលមកកាន់ទីផ្សារកម្ពុជា កើនឡើង។ជាក់ស្តែងការនាំចូលរថយន្តរបស់ក្រុមហ៊ុន RMA Cambodia នៅក្នុងរយៈពេលជិត ៣ខែ នេះ បើធៀបទៅនិងឆ្នាំ ២០២០ គឺមានអត្រាកើនឡើងប្រមាណជាប់ ២០% ។ លោក បន្តថា ការកើនឡើងនៃរថយន្តថ្មីនេះ គឺដោយសារការលក់រថយន្តថ្មីក្នុងពេលបច្ចុប្បន្ន មានតម្លៃប្រហាក់ប្រហែល នឹងតម្លៃរថយន្តជជុះ ដែលធ្វើឲ្យប្រជាពលរដ្ឋមានលទ្ធភាព និងភាគច្រើនងាកមកទិញរថយន្តថ្មីសម្រាប់ការប្រើប្រាស់ ។សហព័ន្ធយានយន្តកម្ពុជា បញ្ជាក់ថា បច្ចុប្បន្នការនាំរថយន្តថ្មី មានប្រមាណជា ២០% នៃការនាំចូលរថយន្តសរុប ហើយចំនួននៃការនាំចូលរថយន្តថ្មីនេះ នឹងមានអត្រាកើនឡើងជាបណ្តើៗ ផងដែរ ។ ចំណែកចំពោះទីផ្សារ នៅពេលខាងមុខ លោកសង្ឃឹមថា បន្ទាប់ពីវិបត្តិនៃជំងឺកូវីដ-១៩ ប្រសើរឡើងវិញ ចំនួនអ្នកប្រើប្រាស់រថយន្តក្នុងស្រុកកាន់តែមានច្រើន ក្នុងនោះ តម្រូវការទីផ្សារនាំចូល ក៏បានហក់ឡើងជាបន្តបន្ទាប់ផងដែរ ៕ អត្ថបទ៖ សុន រ៉ាឌី

ប្រាក់បញ្ញើបានហក់ឡើងជិត ២ដង នៃឥណទានផ្តល់ឲ្យអតិថិជន នៅក្នុងរយៈពេលជាង២ខែនេះ

ភ្នំពេញ ៖ គិតត្រឹមរយៈពេលជាង ២ ខែ ដើមឆ្នាំ ២០២១ នេះ គ្រឹះស្ថានធនាគារហិរញ្ញវត្ថុ បានផ្តល់ឥណទានថ្មីជូនអតិថិជន ប្រមាណជាង ២២៧ លានដុល្លារអាមេរិក ខណៈប្រាក់បញ្ញើបានហក់ឡើងជិត ២ដង នៃទំហំឥណទានដែលបានផ្តល់ឲ្យអតិថិជន ។ លោកបណ្ឌិត អ៊ិន ចាន់នី ប្រធានសមាគមធនាគារនៅកម្ពុជា បានថ្លែងប្រាប់ភ្នាក់ងារអ្នកយកព័ត៌មាន BTV ស្តីពីការប៉ះពាល់ ដោយសារវិបត្តិនៃជំងឺកូវីដ-១៩ និងការផ្តល់ឥណទានជូនអតិថិជន នៅថ្ងៃទី ២៣ ខែ មីនា ឆ្នាំ ២០២១ នេះថា ពាក់ព័ន្ធ និងឥណទាន របស់គ្រឹះស្ថានធនាគារ ទោះបីស្ថិតនៅក្នុងដំណាក់កាលនៃការរីករាលដាលជំងឺកូវីដ-១៩ នេះយ៉ាងណាក៏ដោយ យើងសង្កេតឃើញថា នៅក្នុងមួយខែៗ ដើមឆ្នាំ ២០២១ នេះ គ្រឹះស្ថានធនាគារ បានបញ្ចេញឥណទានជូនអតិថិជនក្នុងរង្វង់ប្រមាណជា ៧៥ លានដុល្លារអាមេរិក ក្នុងនោះ បើគិតរយៈពេលជាង ២ខែ មកនេះ គ្រឹះស្ថានធនាគារហិរញ្ញវត្ថុ បានផ្តល់ឥណទានថ្មីជូនអតិថិជន ប្រមាណជាង ២២៧ លានដុល្លារអាមេរិក ។លោកបណ្ឌិត បន្តឲ្យដឹងទៀតថា ស្របពេលការផ្តល់ឥណទាននៅមានសុខភាពល្អ ប្រាក់បញ្ញើ សន្សំនៅគ្រឹះស្ថានធនាគារ ហិរញ្ញវត្ថុក្នុងដំណាក់កាលនេះដែរ បានហក់ឡើងក្នុងរង្វង់ ៣៧៧ លានដុល្លារអាមេរិក ក្នុងនោះ បើគិតក្នុងរយៈពេលមួយខែៗ មាន អតិថិជនមកដាក់ប្រាក់បញ្ញើ ប្រមាណជា ១២៥ លានដុល្លារអាមេរិក ដែលចំនួននេះ បានហក់ឡើងជិត ២ដង នៃឥណទានអតិថិជន ។ទាក់ទងនឹងប្រាក់បញ្ញើ, លោកបណ្ឌិត អ៊ិន ចាន់នី បានបញ្ជាក់ថា ពីមុនៗម្ចាស់សហគ្រាសច្រើនទុកថវិកាដើម្បីវិនិយោគ ឬទុកជាប់ ខ្លួនជាដើម, ស្របពេលដែលប្រព័ន្ធបច្ចេកវិទ្យាឌីជីថលមានការរីកច្រើន ជាការជំរុញកាត់បន្ថយពេលវេលា និងសុវត្ថិភាពពួកគាត់នោះ បច្ចុប្បន្នអ្នកកំពុងប្រតិបត្តិក្នុងអាជីវកម្ម ភាគច្រើនគឺទូទាត់ចូលគណនីធនាគាររបស់ខ្លួន ។ ចំណែកមូលហេតុមួយទៀត វិនិយោគិនខ្លះ ដែលធ្វើអាជីវកម្មមិនដំណើរល្អ ឬ លក់មិនសូវដាច់ ពួកគាត់ច្រើនទូទាត់ចូលគណនីសន្សំ ដើម្បីរក្សាប្រាក់ទុកជាបណ្តោះអាសន្នជាដើម ពិសេសជាងនេះទៅទៀត អតិថិជនដែលកក់ ឬទិញផលិតផលពីរោងចក្រ សហគ្រាស ពួកគេច្រើនទូទាត់តាមកុងធនាគារ ដែលបញ្ហា ទាំងនេះ ធ្វើឲ្យប្រាក់បញ្ញើបានហក់ឡើង៕អត្ថបទ៖ សុន រ៉ាឌី

រាជរដ្ឋាភិបាល អំពាវនាវ ដល់ក្រុមហ៊ុនអភិវឌ្ឍន៍អចលនវត្ថុបន្ធូរបន្ថយ លក្ខណៈបង់រំលស់ដល់អតិថិជន

ភ្នំពេញ ៖ រាជរដ្ឋាភិបាល នៅថ្ងៃទី២២ ខែមីនា ឆ្នាំ២០២១នេះ បានអំពាវនាវឲ្យក្រុមហ៊ុនអភិវឌ្ឍអចលនវត្ថុទាំងអស់នៅកម្ពុជា ឲ្យធ្វើការបន្ធូរបន្ថយដល់ប្រជាពលរដ្ឋដែលបានទិញផ្ទះ និងខុនដូ ក្នុងបរិបទការរីករាលដាលជំងឺកូវីដ-១៩។ក្រសួងសេដ្ឋកិច្ច និងហិរញ្ញវត្ថុ លើកឡើងថា បានអំពាវនាវដល់ក្រុមហ៊ុន អភិវឌ្ឍន៍អចលនវត្ថុទាំងអស់ ឲ្យជួយដោះស្រាយបញ្ហាសម្ពាធហិរញ្ញវត្ថុរបស់ពលរដ្ឋជាអ្នកទិញក្នុង ស្ថានភាពជំងឺកូវីដ-១៩ បានប៉ះពាល់យ៉ាងខ្លាំងដល់ជីវភាពរបស់ប្រជាពលរដ្ឋ។តាមសេចក្តីប្រកាសរបស់ក្រសួងសេដ្ឋកិច្ច និងហិរញ្ញវត្ថុ រដ្ឋាភិបាលអំពាវនាវដល់ក្រុមហ៊ុនអភិវឌ្ឍន៍អចលនវត្ថុទាំងអស់ បន្ធូរបន្ថយលក្ខខណ្ឌបង់រំលស់ទៅតាមស្ថានភាពជាក់ស្ដែងរបស់អតិថិជន។ ការអំពាវនាវនេះ គឺដើម្បីជួយដោះស្រាយដល់ប្រជាពលរដ្ឋនៅតាមបុរី និងអាគារសហកម្មសិទ្ធនានា លើកលែង ការផាកពិន័យចំពោះអតិថិជន ដែលមិនបានបង់ប្រាក់តាមកាលកំណត់ និងមិនត្រូវមានបន្ទុកការប្រាក់ ឬជាប់ការផាកពិន័យបន្ថែម ចំពោះការយឺតយ៉ាវក្នុងការបង់រំលស់។ លើសពីនេះ រាជរដ្ឋាភិបាល បានស្នើឲ្យមានការដាក់ចេញនូវគោលនយោបាយគាំពារនានាដល់អតិថិជនរបស់ខ្លួនលើការបង់រំលស់អចលនវត្ថុ។ ក្រុមហ៊ុន ត្រូវអនុវត្តវិធានការទាំងនេះឲ្យមានប្រសិទ្ធភាព រហូតដល់បំណាច់ខែមីនា ឆ្នាំ២០២២។ បន្ថែមពីលើនេះ ធនាគារជាតិនៃកម្ពុជា និងក្រសួងសេដ្ឋកិច្ច និងហិរញ្ញវត្ថុ នឹងបន្តតាមដានការវិវត្តសភាពការណ៍ថ្មីៗបន្ត ព្រមទាំងផ្តល់កិច្ចសហប្រតិបត្តិការល្អក្នុងការអនុវត្តវិធានការខាងលើ ដល់ធនាគារ និងហិរញ្ញវត្ថុ និងក្រុមហ៊ុនអភិវឌ្ឍន៍អចលនវត្ថុទាំងអស់៕អត្ថបទ៖ វណ្ណៈ

ចរាចរប្រាក់រៀល លើទីផ្សារកើនឡើង បង្ហាញពីទំនុកចិត្តរបស់ប្រជាពលរដ្ឋលើរូបិយវត្ថុជាតិ

ភ្នំពេញ ៖ ក្រោយការដាក់ចេញគោលការណ៍ ជំរុញប្រាក់រៀលឡើងវិញ ការប្រើប្រាស់ប្រាក់រៀល ជាពិសេស នៅក្នុងការផ្តល់សេវាឥណទាន (កម្ចី)ទៅដល់អតិថិជន និងចរាចរណ៍ប្រាក់រៀលលើទីផ្សារ ត្រូវបានសង្កេតឃើញថា មានការកើនឡើង។ លោក កាំង តុងងី ប្រធាននាយកដ្ឋានទំនាក់ទំនង នៃសមាគមមីក្រូហិរញ្ញវត្ថុកម្ពុជា បានមានប្រសាសន៍ប្រាប់ទូរទស្សន៍ព័ត៌មានថា មុនឆ្នាំ២០១៩ ពេលដែលធនាគារជាតិនៃកម្ពុជាជំរុញឱ្យគ្រប់គ្រឹះស្ថានទាំងអស់ ប្រើប្រាស់ប្រាក់រៀល ឱ្យបានច្រើនជាងមុន ក្នុងនោះបានមើលឃើញមានការកើនឡើងសន្សឹមៗ ។ លោក ជឿជាក់ថា ការប្រើប្រាស់ប្រាក់រៀល នឹងមានកំណើនក្នុងកម្រិតមួយ ដែលមិនលឿនពេកទេ ដោយសារសេដ្ឋកិច្ចជាតិពឹងពាក់លើការវិនិយោគពីក្រៅប្រទេស ក៏ប៉ុន្តែការប្រើប្រាស់ប្រាក់រៀលនឹងមានការកើនឡើង ដោយសារតែភាគីពាក់ព័ន្ធ មានទាំងរដ្ឋាភិបាល ក៏ដូចជាសមាគមមីក្រូហិរញ្ញវត្ថុកម្ពុជា ព្យាយាមជំរុញ និងផ្សព្វផ្សាយដល់ការប្រើប្រាស់ប្រាក់រៀលនេះ។សម្រាប់ពលរដ្ឋរស់នៅក្នុងរាជធានីភ្នំពេញម្នាក់ លោក សុគន្ធ បូរ៉ាយុទ្ធ បានលើកឡើងថា ក្នុងរយៈពេលចុងក្រោយនេះ បានមើលឃើញថា ការចាយវាយប្រាក់រៀលមានភាពទូលំទូលាយច្រើន មិនថា នៅក្នុងផ្សារទូទៅ សូម្បីផ្សារទំនើបនានា ក៏ងាកមកប្រើប្រាស់និងគាំទ្រប្រាក់រៀលច្រើនជាងមុនផងដែរ ជាពិសេសទូទាត់តាមប្រព័ន្ធឌីជីថលដែលងាយស្រួលក្នុងការប្រើប្រាស់។ដោយសារកម្ពុជា ជាប្រទេសដុល្លារូបនីយកម្ម ការប្រើប្រាស់ប្រាក់រៀលកាន់តែច្រើន នឹងជួយឱ្យកម្ពុជាទទួលបាននូវអត្ថប្រយោជន៍ច្រើនក្នុងវិស័យសេដ្ឋកិច្ច ដោយសារការទូទាត់ប្រាក់រៀល នៅពេលដែលមានលំហូរពីក្រៅ មកវិនិយោគនោះ នឹងជួយជំរុញឱ្យសេដ្ឋកិច្ចជាតិកាន់តែមានផលចំណេញពីការប្រើប្រាស់ប្រាក់រៀល។ លើសពីនេះទៀត គឺជួយឱ្យសេដ្ឋកិច្ចពឹងផ្អែកទៅលើរូបិយប័ណ្ណ ខ្លួនឯង ជាជាងពឹងផ្អែកទៅលើរូបិយប័ណ្ណបរទេស និងធ្វើឱ្យសេដ្ឋកិច្ចកម្ពុជាមានឯករាជ្យជាងមុន។យោងតាមមូលនិធិរូបិយវត្ថុអន្តរជាតិ (IMF) នៅកម្ពុជា ប្រាក់ដុល្លារត្រូវបានប្រើប្រាស់រហូតទៅដល់ប្រមាណជា ៨០% នៃបរិមាណសាច់ប្រាក់សរុប ដែលចរាចរនៅលើទីផ្សារ។ ធនាគារជាតិ នៃកម្ពុជា កាលពីពេលថ្មីៗនេះ បានអបអរសាទរទិវាប្រាក់រៀល ខួបលើកទី៤១ នៃការដាក់ឱ្យចរាចរប្រាក់រៀលឡើងវិញ (២០ មីនា ១៩៨០ - ២០ មីនា ២០២១)៕អត្ថបទ ឈិត បូរ៉ាវី

សហជីព និងកម្មការិនីរោងចក្រ អំពាវនាវម្ចាស់បន្ទប់ជួលបញ្ចុះថ្លៃជួល

ភ្នំពេញ ៖ ដោយសារវិបត្តិ នៃការរីករាលដាលជំងឺឆ្លងកូវីដ១៩ នៅតែបន្តអូសបន្លាយ ដែលធ្វើឱ្យប៉ះពាល់យ៉ាងខ្លាំង ដល់ការរស់នៅ និងថមថយប្រាក់ចំណូលជាដើម។ មេសហជីព និងកម្មការិនីបម្រើការងារក្នុងវិស័យកាត់ដេរ បានអំពាវនាវដល់ផ្ទះ ន្ទប់ជួល ឱ្យជួយសម្រួលដល់តម្លៃជួល គ្រាដែលម្ចាស់ផ្ទះ បន្ទប់ជួល មួយចំនួនបានប្រកាសមិនយកថ្លៃជួល និងមួយចំនួនទៀត សម្រេចបញ្ចុះតម្លៃដោយគ្មានកាលកំណត់។លោក ហ្វា សាលី ប្រធានសម្ព័ន្ធសហជីពជាតិ ក្រោយទទួលបានព័ត៌មានម្ចាស់ផ្ទះជួលមួយចំនួនប្រកាសបញ្ចុះថ្លៃ និងមួយចំនួនទៀតសម្រេចមិនយកថ្លៃជួលរហូតដល់៣ខែ លោក បានសម្តែងការសាទរ និងអរគុណដល់ម្ចាស់ផ្ទះ ដែលចូលរួមជួយសម្រួលដល់កម្មករនិយោជិត លើថ្លៃស្នាក់នៅ ។ជាមួយគ្នានេះ លោក ប៉ាវ ស៊ីណា ប្រធានសហភាពចលនាកម្មករកម្ពុជា បានលើកឡើងថា អ្វីដែលសំខាន់ កម្មករខ្លះ បាត់បង់ការងារ ព្រោះរោងចក្របិទទ្វារ ហើយពួកគាត់ មិនទាន់មានការងារថ្មីធ្វើ ដោយបន្តស្នាក់នៅផ្ទះជួលដើម្បីស្វែងរកការងារថ្មីធ្វើ ហើយរោងចក្រខ្លះទៀតបន្តព្យួរការងារនៅឡើយ និងរោងចក្រមួយចំនួនទៀត កាត់បន្ថយកម្មករនិយោជិត។ក្នុងកិច្ចសម្ភាសន៍ជាមួយទូរទស្សន៍ព័ត៌មាន ប៊ីធីវី លោក យឿន ប៊ុនសឿន អ្នកគ្រប់គ្រងបន្ទប់ជួល នៃអគារកម្ពស់ ៦ជាន់ ស្ថិតក្នុងខណ្ឌមានជ័យ បានប្រាប់ឱ្យដឹងថា មកដល់ពេលនេះ ជាលើកទី២ហើយ ដែលលោកបញ្ចុះតម្លៃជួលជូនដល់អ្នកជួល ដែលភាគច្រើនជាកម្មកររោងចក្រ និងវិស័យសំណង់ ដែលឆ្នាំនេះ ខាងលោកបញ្ចុះថ្លៃចំនួន ៤ម៉ឺនរៀល នៃតម្លៃបន្ទប់ជួលសរុបចំនួនចាប់ពី៣០ដុល្លារឡើងទៅ ក្នុងមួយខែ និងដោយគ្មានការកំណត់។ក្រុមកម្មការិនីបម្រើការងារក្នុងវិស័យកាត់ដេរ និងស្នាក់នៅបន្ទប់ជួលក្នុងរាជធានីភ្នំពេញ បានឱ្យដឹងថា ក្រោយវត្តមានជំងឺកូវីដ១៩ បានធ្វើឱ្យប្រាក់ចំណូលថយចុះយ៉ាងខ្លាំង ព្រោះថា ការងារសព្វថ្ងៃមិនមានថែមម៉ោងមុន និងកាត់បន្ថយផងដែរ ទៅលើប្រាក់ឧបត្ថម្ភនានា ដោយសាររោងចក្រមិនសូវមានទំនិញឱ្យធ្វើច្រើនដូចមុន។ យោងតាមតួលេខនៃបន្ទប់ជួលសរុបក្នុងរាជធានីភ្នំពេញ មានចំនួនប្រមាណជាង ១,៧០០ទីតាំង ស្មើនឹងប្រមាណជិត ០៣ម៉ឺនបន្ទប់ ៕ អត្ថបទ ៖ ឈិត បូរ៉ាវី

បណ្ដាញសង្គម

ព័ត៌មានថ្មីៗ

កម្ពុជា-អូស្រ្តាលី ប្រកាសផ្លូវការនូវផែនការភាពជាដៃគូសម្រាប់ការអភិវឌ្ឍ ដើម្បីជំរុញកំណើនសេដ្ឋកិច្ច

រូបភាពចក្រវាលលើកដំបូងរបស់តេឡេស្កូបអង្កេត Rubin បង្ហាញពីយុគសម័យនៃរបកគំហើញហ្វូងដួងតារាមិននឹកស្មានដល់

ជនប៉ាឡេស្ទីននាំគ្នាស្វែងរកជំនួយស្បៀងអាហារនៅតំបន់ហ្កាហ្សា ខណៈវិបត្តិស្រេកឃ្លានកើនឡើង

ភាពស្ងប់ស្ងាត់បានវិលត្រឡប់មកកាន់កាតាវិញ ក្រោយការវាយប្រហារអ៊ីរ៉ង់លើមូលដ្ឋានទ័ពអាមេរិក

លោកស្រី von der Leyen៖ វិស័យការពារជាតិអឺរ៉ុប នៅទីបំផុតបានងើបឡើងហើយ

ពលរដ្ឋហ្កាហ្សារងរបួសដោយសារបាញ់ប្រហាររបស់អ៊ីស្រាអែលនិយាយថា នេះគឺជាអាហារមានរសជាតិឈាម

រដ្ឋមន្ត្រីការពារជាតិឥណ្ឌា នឹងធ្វើដំណើរទៅចិន ដើម្បីចូលរួមកិច្ចប្រជុំកំពូល ក្នុងតំបន់

រដ្ឋអាជ្ញាពិសេសកូរ៉េខាងត្បូង ស្វែងរកដីកាចាប់ខ្លួនអតីតប្រធានាធិបតី លោក Yoon

ការវាយប្រហារមីស៊ីលរុស្ស៊ីសម្លាប់មនុស្ស ៩នាក់ បណ្តាលឲ្យខូចខាតវិហារ និងសាលារៀនៅតំបន់ Dnipropetrovsk

ឯកឧត្តម គួច ចំរើន៖ប្រជាពលរដ្ឋខ្មែរគ្រប់ទិសទីគាំទ្រយ៉ាងខ្លាំងក្លាចំពោះវីរៈភាពរបស់កងកម្លាំងជួរមុខ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សេដ្ឋកិច្ច និង កសិកម្ម

កម្ពុជានាំទំនិញទៅសហរដ្ឋអាមេរិក បន្តកើនឡើង ទោះប្រឈមនឹងវិបត្តិកូវីដ១៩

ប្រតិបត្តិករផ្ដល់កម្ចីនៅកម្ពុជាសម្រេចផ្ដល់ការអនុគ្រោះបន្ថែមទៀតដល់អតិថិជនអំឡុងវិបត្តិកូវីដ១៩

ទំហំពាណិជ្ជកម្មសម្រាប់ឆ្នាំ២០២០ ថមថយបន្តិចបន្តួច បើធៀបទៅឆ្នាំ ២០១៩

ទីបំផុតអ្នកប៉ះពាល់បុរសផ្ទុកកូវីដ១៩ ក្នុងពិធីមង្គលការនៅស្រុកឈូកទាំង ១០នាក់ មិនឆ្លងជំងឺកូវីដ១៩ទេ

តម្លៃផលិតផលសរុបរបស់រោងចក្រសហគ្រាសឆ្នាំ២០២០ មានទំហំទឹកប្រាក់ជាង៩,៦០០លានដុល្លារ

ការនាំចូលរថយន្តថ្មីកើនឡើង ក្រោយរដ្ឋាភិបាលសម្រួលអាករពិសេសនាំចូលរថយន្ត

ប្រាក់បញ្ញើបានហក់ឡើងជិត ២ដង នៃឥណទានផ្តល់ឲ្យអតិថិជន នៅក្នុងរយៈពេលជាង២ខែនេះ

រាជរដ្ឋាភិបាល អំពាវនាវ ដល់ក្រុមហ៊ុនអភិវឌ្ឍន៍អចលនវត្ថុបន្ធូរបន្ថយ លក្ខណៈបង់រំលស់ដល់អតិថិជន

ចរាចរប្រាក់រៀល លើទីផ្សារកើនឡើង បង្ហាញពីទំនុកចិត្តរបស់ប្រជាពលរដ្ឋលើរូបិយវត្ថុជាតិ

សហជីព និងកម្មការិនីរោងចក្រ អំពាវនាវម្ចាស់បន្ទប់ជួលបញ្ចុះថ្លៃជួល

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សេដ្ឋកិច្ច និង កសិកម្ម

កម្ពុជា​នាំ​ទំនិញ​ទៅ​សហរដ្ឋអាមេរិក​ បន្ត​កើនឡើង​ ទោះ​ប្រឈម​នឹង​វិបត្តិ​កូ​វីដ​១៩

​ទំហំ​ពាណិជ្ជកម្ម​សម្រាប់​ឆ្នាំ២០២០ ថមថយ​បន្តិចបន្តួច បើធៀប​ទៅ​ឆ្នាំ ២០១៩

​ទីបំផុតអ្នកប៉ះពាល់បុរសផ្ទុកកូវីដ១៩ ក្នុងពិធីមង្គលការនៅស្រុកឈូកទាំង ១០នាក់ មិនឆ្លងជំងឺកូវីដ១៩ទេ

តម្លៃ​ផលិតផល​សរុប​របស់​រោង​ចក្រ​សហគ្រាស​ឆ្នាំ​២០២០ ​មាន​ទំហំ​ទឹកប្រាក់​ជាង​៩,៦០០​លាន​ដុល្លារ

ការ​នាំចូល​រថយន្ត​ថ្មី​កើនឡើង ​ក្រោយ​រដ្ឋាភិបាល​សម្រួល​អាករ​ពិសេស​នាំចូល​រថយន្ត

ប្រាក់​បញ្ញើ​បាន​ហក់​ឡើង​ជិត ២​ដង នៃ​ឥណទាន​ផ្តល់​ឲ្យ​អតិថិជន​ នៅក្នុង​រយៈពេល​ជាង​២​ខែ​នេះ​

រាជរដ្ឋាភិបាល​ អំពាវនាវ​ ដល់​ក្រុមហ៊ុន​អភិវឌ្ឍន៍​អចលនវត្ថុ​បន្ធូរបន្ថយ ​លក្ខណៈ​បង់រំលស់​ដល់​អតិថិជន

ចរាចរ​ប្រាក់​រៀល​ លើ​ទីផ្សារ​កើនឡើង​ បង្ហាញ​ពី​ទំនុក​ចិត្ត​របស់​ប្រជាពលរដ្ឋ​លើ​រូបិយវត្ថុ​ជាតិ

សហជីព ​និង​កម្មការិនី​រោងចក្រ​ អំពាវនាវ​ម្ចាស់​បន្ទប់​ជួល​បញ្ចុះ​ថ្លៃ​ជួល

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កម្ពុជានាំទំនិញទៅសហរដ្ឋអាមេរិក បន្តកើនឡើង ទោះប្រឈមនឹងវិបត្តិកូវីដ១៩

ទំហំពាណិជ្ជកម្មសម្រាប់ឆ្នាំ២០២០ ថមថយបន្តិចបន្តួច បើធៀបទៅឆ្នាំ ២០១៩

ទីបំផុតអ្នកប៉ះពាល់បុរសផ្ទុកកូវីដ១៩ ក្នុងពិធីមង្គលការនៅស្រុកឈូកទាំង ១០នាក់ មិនឆ្លងជំងឺកូវីដ១៩ទេ

តម្លៃផលិតផលសរុបរបស់រោងចក្រសហគ្រាសឆ្នាំ២០២០ មានទំហំទឹកប្រាក់ជាង៩,៦០០លានដុល្លារ

ការនាំចូលរថយន្តថ្មីកើនឡើង ក្រោយរដ្ឋាភិបាលសម្រួលអាករពិសេសនាំចូលរថយន្ត

ប្រាក់បញ្ញើបានហក់ឡើងជិត ២ដង នៃឥណទានផ្តល់ឲ្យអតិថិជន នៅក្នុងរយៈពេលជាង២ខែនេះ

រាជរដ្ឋាភិបាល អំពាវនាវ ដល់ក្រុមហ៊ុនអភិវឌ្ឍន៍អចលនវត្ថុបន្ធូរបន្ថយ លក្ខណៈបង់រំលស់ដល់អតិថិជន

ចរាចរប្រាក់រៀល លើទីផ្សារកើនឡើង បង្ហាញពីទំនុកចិត្តរបស់ប្រជាពលរដ្ឋលើរូបិយវត្ថុជាតិ

សហជីព និងកម្មការិនីរោងចក្រ អំពាវនាវម្ចាស់បន្ទប់ជួលបញ្ចុះថ្លៃជួល