BTV NEWS

កម្ពុជា-អូស្រ្តាលី ប្រកាសផ្លូវការនូវផែនការភាពជាដៃគូសម្រាប់ការអភិវឌ្ឍ ដើម្បីជំរុញកំណើនសេដ្ឋកិច្ច

កម្ពុជាមានសុទិដ្ឋិនិយមថាទោះបិទការនាំចូលប្រេងឥន្ធនៈ និងឧស្ម័នពីថៃ ក៏អាចរក្សាការផ្គត់ផ្គង់តម្រូវការបាន

តំបន់សេដ្ឋកិច្ចពិសេសកម្ពុជាដើរតួនាទីយ៉ាងសំខាន់ ក្នុងការជំរុញកំណើននាំចេញវិស័យឧស្សាហកម្ម

ឯកឧត្តម ឌិត ទីណា បន្តក្រើនរម្លឹកមន្រ្តីកសិកម្មឃុំឱ្យចុះផ្សព្វផ្សាយផែនការ "មានហូប មានប្រើ មានបាន និងមានរហូត"

សេដ្ឋកិច្ច និង កសិកម្ម

សហជីព និងកម្មការិនីរោងចក្រ អំពាវនាវម្ចាស់បន្ទប់ជួលបញ្ចុះថ្លៃជួល

ភ្នំពេញ ៖ ដោយសារវិបត្តិ នៃការរីករាលដាលជំងឺឆ្លងកូវីដ១៩ នៅតែបន្តអូសបន្លាយ ដែលធ្វើឱ្យប៉ះពាល់យ៉ាងខ្លាំង ដល់ការរស់នៅ និងថមថយប្រាក់ចំណូលជាដើម។ មេសហជីព និងកម្មការិនីបម្រើការងារក្នុងវិស័យកាត់ដេរ បានអំពាវនាវដល់ផ្ទះ ន្ទប់ជួល ឱ្យជួយសម្រួលដល់តម្លៃជួល គ្រាដែលម្ចាស់ផ្ទះ បន្ទប់ជួល មួយចំនួនបានប្រកាសមិនយកថ្លៃជួល និងមួយចំនួនទៀត សម្រេចបញ្ចុះតម្លៃដោយគ្មានកាលកំណត់។លោក ហ្វា សាលី ប្រធានសម្ព័ន្ធសហជីពជាតិ ក្រោយទទួលបានព័ត៌មានម្ចាស់ផ្ទះជួលមួយចំនួនប្រកាសបញ្ចុះថ្លៃ និងមួយចំនួនទៀតសម្រេចមិនយកថ្លៃជួលរហូតដល់៣ខែ លោក បានសម្តែងការសាទរ និងអរគុណដល់ម្ចាស់ផ្ទះ ដែលចូលរួមជួយសម្រួលដល់កម្មករនិយោជិត លើថ្លៃស្នាក់នៅ ។ជាមួយគ្នានេះ លោក ប៉ាវ ស៊ីណា ប្រធានសហភាពចលនាកម្មករកម្ពុជា បានលើកឡើងថា អ្វីដែលសំខាន់ កម្មករខ្លះ បាត់បង់ការងារ ព្រោះរោងចក្របិទទ្វារ ហើយពួកគាត់ មិនទាន់មានការងារថ្មីធ្វើ ដោយបន្តស្នាក់នៅផ្ទះជួលដើម្បីស្វែងរកការងារថ្មីធ្វើ ហើយរោងចក្រខ្លះទៀតបន្តព្យួរការងារនៅឡើយ និងរោងចក្រមួយចំនួនទៀត កាត់បន្ថយកម្មករនិយោជិត។ក្នុងកិច្ចសម្ភាសន៍ជាមួយទូរទស្សន៍ព័ត៌មាន ប៊ីធីវី លោក យឿន ប៊ុនសឿន អ្នកគ្រប់គ្រងបន្ទប់ជួល នៃអគារកម្ពស់ ៦ជាន់ ស្ថិតក្នុងខណ្ឌមានជ័យ បានប្រាប់ឱ្យដឹងថា មកដល់ពេលនេះ ជាលើកទី២ហើយ ដែលលោកបញ្ចុះតម្លៃជួលជូនដល់អ្នកជួល ដែលភាគច្រើនជាកម្មកររោងចក្រ និងវិស័យសំណង់ ដែលឆ្នាំនេះ ខាងលោកបញ្ចុះថ្លៃចំនួន ៤ម៉ឺនរៀល នៃតម្លៃបន្ទប់ជួលសរុបចំនួនចាប់ពី៣០ដុល្លារឡើងទៅ ក្នុងមួយខែ និងដោយគ្មានការកំណត់។ក្រុមកម្មការិនីបម្រើការងារក្នុងវិស័យកាត់ដេរ និងស្នាក់នៅបន្ទប់ជួលក្នុងរាជធានីភ្នំពេញ បានឱ្យដឹងថា ក្រោយវត្តមានជំងឺកូវីដ១៩ បានធ្វើឱ្យប្រាក់ចំណូលថយចុះយ៉ាងខ្លាំង ព្រោះថា ការងារសព្វថ្ងៃមិនមានថែមម៉ោងមុន និងកាត់បន្ថយផងដែរ ទៅលើប្រាក់ឧបត្ថម្ភនានា ដោយសាររោងចក្រមិនសូវមានទំនិញឱ្យធ្វើច្រើនដូចមុន។ យោងតាមតួលេខនៃបន្ទប់ជួលសរុបក្នុងរាជធានីភ្នំពេញ មានចំនួនប្រមាណជាង ១,៧០០ទីតាំង ស្មើនឹងប្រមាណជិត ០៣ម៉ឺនបន្ទប់ ៕ អត្ថបទ ៖ ឈិត បូរ៉ាវី

សមាគមសេដ្ឋកិច្ចក្រៅប្រព័ន្ធ អំពាវនាវដល់គ្រឹះស្ថានហិរញ្ញវត្ថុបន្ធូរបន្ថយ និងអនុគ្រោះបន្ថែមទៀត

ភ្នំពេញ ៖ ប្រធានសមាគមរួមគ្នាដើម្បីអភិវឌ្ឍន៍នៃចលនាសេដ្ឋកិច្ចក្រៅប្រព័ន្ធ អំពាវនាវដល់វិស័យធនាគារ និងមីក្រូហិរញ្ញវត្ថុ សូមមានការយោគយល់ដល់សមាជិករបស់ខ្លួន ក្នុងករណីដែលអាចធ្វើបាន និងសូមឲ្យសមាជិកចលនា សេដ្ឋកិច្ចក្រៅព័ន្ធទាំងអស់ អត់ធ្មត់ និងគោរពតាម ការណែនាំក្រសួងសុខាភិបាល ។លោក ឯ សុភាស់ ប្រធានសមាគមរួមគ្នាដើម្បីអភិវឌ្ឍន៍កម្ពុជា នៃចលនាសេដ្ឋកិច្ចក្រៅប្រព័ន្ធ ស.ស.យ.ក រាជធានីភ្នំពេញ នៅថ្ងៃទី២២ ខែ នា ឆ្នាំ ២០២១ថា បានអំពាវនាវដល់វិស័យធនាគារ សូមមានការយោគយល់ខ្ពស់ ក្នុងករណីដែលអាច ធ្វើបាន និងសូមឲ្យសមាជិកចលនាសេដ្ឋកិច្ចក្រៅប្រព័ន្ធទាំងអស់ សូមព្យាយាមអត់ធ្មត់ និងគោរពតាមការណែនាំក្រសួងសុខាភិបាល ឲ្យ បានត្រឹមត្រូវ ខណៈជំងឺកូវីដ-១៩ កំពុងឆ្លងចូលដល់សហគមន៍ ស្របពេលរាជរដ្ឋាភិបាលកំពុងខិតខំប្រឹងប្រែង ដើម្បីជំរុញឲ្យបាន ចាក់វ៉ាក់សាំងបង្ការបន្ថែមទៀត ក្នុងនោះយើងសង្ឃឹមថា អ្នកដែលកំពុងរកស៊ីលើផ្នែកទាំងនេះ នឹងទទួលបានការចាក់វ៉ាក់សាំងផងដែរ។លោកបណ្ឌិត គី សេរីវឌ្ឍន៍ អ្នកស្រាវជ្រាវសេដ្ឋកិច្ច នៃរាជបណ្ឌិត្យសភាកម្ពុជា ថ្លែងថា បញ្ហាកូវីដ១៩ បានធ្វើឲ្យសេដ្ឋកិច្ចពិភពលោកបានធ្លាក់ចុះយ៉ាងខ្លាំង ក្នុងនោះ សម្រាប់កម្ពុជា, ក្នុងស្ថានភាពបច្ចុប្បន្ន ប្រសិនបើព្រឹត្តិការណ៍ ២០ កុម្ភៈ នៅតែបន្ត អ្នកដែលរងការប៉ះពាល់ គឺក្រុមអ្នកដែលមានមុខរបរផ្គត់ផ្គង់សេវាខ្នាតតូចដូចជា ៖ អ្នកបម្រើការងារនៅកន្លែងម៉ាស្សា តាមភោជនីយដ្ឋាន ជាពិសេសក្រុមអ្នករត់កង់បី បច្ចុប្បន្នពួកគាត់កំពុងជួបបញ្ហាប្រឈមខ្លះៗ ខណៈដែលប្រជាពលរដ្ឋលែងសូវដើរហើរ និងនៅតាមកន្លែងមួយចំនួនត្រូវបានបិត ដែលកត្តាទាំងនោះជា ហេតុធ្វើឲ្យពួកគាត់ជួបវិបត្តិក្នុងសេដ្ឋកិច្ចគ្រួសារ ។ទាក់ទងបញ្ហានេះ, លោក ផល វ៉ាន់ឌី នាយកប្រតិបត្តិសមាគមមីក្រូហិរញ្ញវត្ថុកម្ពុជា (CMA) ថ្លែងថា ស្ថិតក្នុងព្រឹត្តិការណ៍ ២០ កុម្ភៈនេះ សមាគមតែងតែយកចិត្តទុកដាក់ជាមួយរាជរដ្ឋាភិបាល និងបារម្ភអំពីបញ្ហាសុខុមាលភាព និងប្រាក់ចំណូលរបស់អតិថិជន ក្នុងនោះ សមាជិករបស់មីក្រូហិរញ្ញវត្ថុ នៅតែបើកចិត្តទូលាយ ក្នុងការតាមដានអំពីស្ថានភាពអតិថិជន តម្រូវការអតិថិជន និងបន្តយល់ យោគនៃការរៀបចំឥណទានឡើងវិញផងដែរ ។សូមបញ្ជាក់ថា ជុំវិញការរៀបចំឥណទាន របស់គ្រឹះស្ថានមីក្រូហិរញ្ញវត្ថុ និងរួមបញ្ចូលធនាគារចំនួន៤ផ្សេងទៀត ក្នុងនោះសម្រាប់ អតិថិជនរងផលប៉ះពាល់ដោយជំងឺកូវីដ-១៩, គិតត្រឹមខែ កុម្ភៈ ឆ្នាំ ២០២១ មានអតិថិជនប្រមាណជា ២៩ ម៉ឺននាក់ ទទួលបានការ អនុម័តរៀបចំឥណទាន ឡើងវិញ ដែលមានទំហំឥណទានសរុប ១ ៤០០ លានដុល្លារ៕អត្ថបទ៖ សុន រ៉ាឌី

ការនាំទំនិញកម្ពុជាទៅកូរ៉េខាងត្បូងកើនឡើងរយៈពេលពីរខែ ដើមឆ្នាំ២០២១

ភ្នំពេញ ៖ ការនាំទំនិញចេញរបស់ប្រទេសកម្ពុជា ទៅកាន់ទីផ្សារប្រទេសកូរ៉េខាងត្បូង បានកំណើនជាប់គ្នារយៈពេលពីរខែដើមឆ្នាំ ទោះស្ថិតក្នុងបរិបទជំងឺកូវីដ១៩ នៅតែបន្តរីករាលដាល។យោងតាមរបាយការណ៍ពីសមាគម ពាណិជ្ជកម្មអន្តរជាតិកូរ៉េ ការនាំចេញទំនិញពីប្រទេសកម្ពុជាទៅទីផ្សារកូរ៉េខាងត្បូង មានទំហំទឹកប្រាក់ ប្រមាណ ៦៤ លានដុល្លារ មានកំណើន ៣ភាគរយ ធៀបនឹងរយៈពេលដូចគ្នាឆ្នាំមុន ។ ដោយឡែក កម្ពុជានាំចូលទំនិញពីកូរ៉េខាងត្បូងវិញ មានទំហំទឹកប្រាក់សរុប ៩៣ លានដុល្លារ ធ្លាក់ចុះឡើង ៣,៨ ភាគរយ។យោងតាមរបាយការណ៍ពីក្រសួងពាណិជ្ជកម្ម ទំនិញដែលកម្ពុជា នាំចេញទៅទីផ្សារកូរ៉េខាងត្បូង មាន ដូចជា សំលៀកបំពាក់ ផលិតផលស្បែកជើង ផលិតធ្វើដំណើរ គ្រឿងបង្គំអគ្គិសនី និងផលិតផលកសិកម្ម ។ ចំណែកផលិតផលដែលកូរ៉េខាងត្បូងនាំចូលមកកម្ពុជាវិញ មានដូចជា រថយន្ត ឧបករណ៍អេឡិចត្រូនិក ភេសជ្ជៈ ថ្នាំពេទ្យ និងផលិតផលបា្លស្ទិក។គួរបញ្ជាក់ថា ប្រទេសកម្ពុជា និងកូរ៉េខាងត្បូង រំពឹងថា នឹងកើនឡើងបន្ថែមទៀត បន្ទាប់ពីកិច្ចព្រមព្រៀងពាណិជ្ជកម្មសេរីទ្វេភាគី រវាងប្រទេសទាំងពីរ ចូលជាធរមាន ខណៈសេចក្កីព្រាងនៃកិច្ចព្រមព្រៀងនេះ ស្ថិតក្នុងដំណាក់កាលពិភាក្សា ដែលគ្រោងនឹងបញ្ចប់នៅមុនដំណាច់ឆ្នាំ២០២០នេះ។ក្នុងឆ្នាំ២០២០កន្លងទៅ ទំហំពាណិជ្ជកម្មទ្វេភាគីរវាងប្រទេសទាំងពីរ កម្ពុជា កូរ៉េខាងត្បូង ធ្លាក់ចុះ ១៤ភាគរយ មកត្រឹម ៨៨៤លានដុល្លារ ដោយសារការរីករាលដាលជំងឺកូវីដ១៩។ ក្នុងនោះ កម្ពុជា នាំចេញទៅកូរ៉េខាងត្បូង មានទឹកប្រាក់សរុប ៣១៧ លានដុល្លារ ធ្លាក់ចុះ១៨ភាគរយ៕ អត្ថបទ៖ វណ្ណៈ

សេវាកម្មដឹកជញ្ជូនម្ហូបអាហារ និងទំនិញនានាកាន់តែពេញនិយមក្នុងបរិបទកូវីដ១៩

ភ្នំពេញ ៖ ប្រៀបធៀបស្ថានភាពពីមុន និងក្នុងកំឡុងការរីករាលដាលនៃជំងឺឆ្លងកូវីដ១៩ សេវាកម្មដឹក ជញ្ជូនកាន់តែ មមាញឹក ខ្លាំង និងធ្វើឱ្យក្រុមហ៊ុនកាន់តែច្រើនបើកជាបន្តបន្ទាប់ដើម្បីបំពេញតម្រូវការអតិថិជន តាមរយៈកម្មវិធី អេប (App) ដែលផ្តល់នូវសេវាកម្មដឹកជញ្ជូនយ៉ាងងាយស្រួល និងឆាប់រហ័សទាន់ចិត្ត ក្នុងនោះ កត់សម្គាល់ឃើញថា សេវាកម្មដឹកជញ្ជូនផ្នែកម្ហូបអាហារមានសន្ទុះច្រើនជាងគេ។លោក ប៉ាត់ ចំណាន នាយកក្រុមហ៊ុន ស៊ូភើ អេប តិចណូឡូជី ភីអិលស៊ី (Super App Technology plc) បានឲ្យដឹងនៅព្រឹកថ្ងៃទី១៨ មីនា នេះថា ក្រុមហ៊ុនលោក មាន ផ្តល់សេវាកម្មសំខាន់ៗ៣ ដូចជា ៖សេវាកម្មតាក់ស៊ីអេប ការផ្ញើទំនិញ និងផ្សារអនឡាញ។ លោក ទទួលស្គាល់ ថា សេវាកម្មដឹកជញ្ជូន ពិសេសផ្នែកម្ហូបអាហារមានការពេញនិយមក្នុងអំឡុងពេល នៃការរីករាលនៃជំងឺកូវីដ១៩ ហើយដើរតួយ៉ាងសំខាន់ក្នុងការជួយម្ចាស់អាជីវកម្មរកចំណូលទ្រទ្រង់អាជីវកម្មពួកគាត់ឱ្យនៅតែបន្តដំណើរការបាន។លោក បន្តថា ក្រោយបើកឱ្យប្រើប្រាស់ផ្លូវការនូវកម្មវិធីតាម អេប ដើម្បីបញ្ជាទិញទំនិញ និងកក់ទុកនូវមធ្យោបាយ ធ្វើដំណើរ គិតមកទល់បច្ចុប្បន្ននេះ មានអ្នកដោនឡូត និងប្រើប្រាស់ចំនួនសរុបជាង ២ម៉ឺននាក់ ក្នុងនោះ ដៃគូសហការជាហាងលក់ទំនិញចំនួនជាង ៣០០ហាង និងផ្នែកដឹកជញ្ជូន មានកង់បី និងម៉ូតូ ចំនួនជាង ០៣ពាន់។លោក តុប និមល អគ្គនាយកក្រុមហ៊ុន ផេសអេប តិចណូឡូជី ខូអិលធីឌី (PassApp Technologies Co.,Ltd) ដែលផ្តល់សេវាកម្មដឹកជញ្ជូនតាមរយះម៉ូតូកង់បី និងរថយន្តតាក់ស៊ី បានលើកឡើងថា សម្រាប់ក្រុមហ៊ុន លោកក្នុងអំឡុងជំងឺកូវីដ១៩ ផ្ទុះឡើងលក្ខណៈសហគមន៍ មិនថា តែព្រឹត្តិការណ៍២០កុម្ភៈទេ ពោលគឺគ្រប់ព្រឹត្តិការណ៍នាពេលកន្លងមក គឺរងផល ប៉ះពាល់ធ្ងន់ធ្ងរ និងធ្វើឲ្យធ្លាក់ចុះរហូតប្រមាណ ៧០ភាគរយ៕អត្ថបទ ៖ ឈិត បូរ៉ាវី

អ្នកជំនាញពន្យល់ពីមូលហេតុប្រេងសាំងឡើងថ្លៃ ជាបន្តបន្ទាប់នៅកម្ពុជា

ភ្នំពេញ ៖ ខណៈដែលតម្លៃលក់រាយប្រេងឥន្ធនៈនៅកម្ពុជា បានកើនថ្លៃបន្តបន្ទាប់ គិតចាប់ពីដើមខែមករា រហូតមកទល់ ខែមីនានេះ។ លោកអ្នកវិភាគសេដ្ឋកិច្ច ពន្យល់ ការឡើងថ្លៃប្រេងនេះ គឺបណ្តាលមកពីស្ថានភាពសេដ្ឋកិច្ច នៅសហរដ្ឋអាម៉េរិក និងដោយសាររដ្ឋាភិបាលថ្មី ចាប់ផ្តើមដំណើរការការងារឡើងវិញ។ឯកឧត្តមបណ្ឌិត គី សេរីវឌ្ឍន៍ អ្នកវិភាគសេដ្ឋកិច្ច មានប្រសាសន៍ថា ការ ឡើងថ្លៃប្រេង ដោយសារតែអាម៉េរិក បានវាយលុកចូលទីផ្សារភាគហ៊ុននៃវិស័យប្រេង ទើបធ្វើឱ្យដំណើរការ ថ្លៃប្រេងល្អប្រសើរឡើងវិញ និងមានវិបត្តិមួយចំនួននៅក្នុងប្រទេស អារ៉ាប់សាអូឌីត ដូច្នេះ វិបត្តិទាំងអស់នេះហើយ ធ្វើឱ្យថ្លៃប្រេងឡើងថ្លៃ។ ឯកឧត្តម បណ្ឌិត បានឱ្យដឹងទៀតថា ប្រទេសកម្ពុជា ថ្វីត្បិតតែមានដំណក់ប្រេងខ្លួនឯង តែយើងមិនអាចចម្រាញ់ប្រេងនេះ ទៅជាប្រេងសាំងប្រើក្នុងស្រុកទេ គឺយើងលក់ប្រេងឆៅ ដូច្នេះហើយ ប្រេងដែលប្រើបច្ចុប្បន្ននេះ ជាប្រេងនាំចូល។សូមបញ្ជាក់ថា ថ្លៃលក់រាយប្រេងឥន្ធនៈ ពីថ្ងៃទី១៦ ដល់ថ្ងៃទី៣១ ខែមីនា ដើមឆ្នាំ២០២១ សម្រាប់ប្រេងសាំងធម្មតា ថ្លៃ ៣,៧៥០រៀល ក្នុងមួយលីត្រ។ រីឯ ប្រេងម៉ាស៊ូតថ្លៃ ៣,៣៥០រៀល ក្នុងមួយលីត្រ ខណៈដែលចន្លោះថ្ងៃទី១ ដល់ថ្ងៃទី១៥ ខែមករា កន្លងទៅ សម្រាប់ប្រេងសាំងធម្មតាថ្លៃ ៣,២០០រៀល ក្នុងមួយលីត្រ។ ដោយឡែក ប្រេងម៉ាស៊ូតថ្លៃតែ ២,៩៥០រៀល ប៉ុណ្ណោះ នៅក្នុងមួយលីត្រ៕អត្ថបទ ៖ ឈិត បូរ៉ាវី

កំណើនសេដ្ឋកិច្ចកម្ពុជា ឆ្នាំ២០២១ នឹងសម្រេចជាង៣,៥ភាគរយទោះប្រឈម នឹងវិបត្តិកូវីដ-១៩

ភ្នំពេញ ៖ មន្ត្រីជាន់ខ្ពស់រាជរដ្ឋាភិបាល អះអាងជាថ្មី កំណើនសេដ្ឋកិច្ចកម្ពុជា នៅឆ្នាំ២០២១ នឹងងើបឡើងវិញ ក្នុងរង្វង់៣,៥ភាគរយ ទោះបីជាព្រឹត្តិការណ៍២០កុម្ភៈ នៃការរីករាលដាលជំងឺកូវីដ១៩ កំពុងតែបន្តនៅកម្ពុជា។ កំណើននេះ គឺ ផ្អែកតាមនិន្នាការរួម ខណៈដែលពិភពលោកបានរកឃើញវ៉ាក់សាំងចាក់បង្ការជំងឺកូវីដ-១៩ ហើយបច្ចុប្បន្នមានប្រទេសមួយចំនួន កំពុងអនុវត្ត អំពីការចាក់វ៉ាក់សាំងបង្ការ ជាពិសេសប្រទេសនៅបែកអឺរ៉ុប ។ឯកឧត្តម អគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ បានលើក ឡើង នៅក្នុងការចុះត្រួតពិនិត្យការងារគ្រប់គ្រង, បង្ការ និងទប់ស្កាត់ការរីករាលដាលនៃជំងឺកូវីដ-១៩ ក្នុងខេត្តកណ្តាល ថ្ងៃទី១៧ ខែមីនា ឆ្នាំ២០២១ ថា រាជរដ្ឋាភិបាលរំពឹងថា នៅក្នុងឆ្នាំ២០២១ នេះ សេដ្ឋកិច្ចត្រូវបានព្យាករណ៍ថានឹងនឹងងើប ឡើងវិញ ខណៈនៅឆ្នាំ ២០២០ កំណើនសេដ្ឋកិច្ចធ្លាក់ចុះរង្វង់ -៣,១% ។ឯកឧត្តមឧបនាយករដ្ឋមន្ត្រី បន្តថា រាជរដ្ឋាភិបាលរំពឹងថា នឹងងើបឡើងវិញនោះ ដោយអាស្រ័យផ្អែកតាមនិន្នាការរួម ខណៈដែលពិភពលោក បានរកឃើញវ៉ាក់សាំងចាក់បង្ការជំងឺកូវីដ-១៩ ក្នុងនោះប្រទេស មួយចំនួនកំពុងអនុវត្ត អំពីការចាក់វ៉ាក់សាំងបង្ការនេះ ជាពិសេសប្រទេសអង់គ្លេស, សហរដ្ឋអាមេរិក និងប្រទេសនៅបែក អឺរ៉ុបមួយចំនួនទៀត, បន្ទាប់ពីការអនុវត្តការចាក់វ៉ាក់សាំងបង្ការនេះ យើងសង្កេតឃើញថា អត្រាឆ្លង និងអត្រានៃការស្លាប់ បានធ្លាក់ចុះជាបណ្តើរៗ ដែលជាសញ្ញាណល្អនៃការងើបឡើងវិញនៃសេដ្ឋកិច្ចសកល ក៏ដូចជាសេដ្ឋកិច្ចក្នុងស្រុក ។ស្រដៀងគ្នានេះដែរ លោកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា លើកឡើងផងដែរថា ចំពោះ ការទទួលបានវ៉ាក់សាំង បង្ការនៅពេលនេះ ជាគិតគូរយ៉ាងយកចិត្តទុកដាក់បំផុតរបស់រាជរដ្ឋាភិបាល គឺដើម្បីសុខុមាលភាព និងសុវត្ថិភាព របស់ប្រជាជន ដែលឆ្លុះបញ្ចាំងពីការវិលទៅរកប្រក្រតីភាពនៃ សេដ្ឋកិច្ចឆាប់ៗខាងមុខ។សូមបញ្ជាក់ថា ៖ តាមច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ ២០២១ សេដ្ឋកិច្ចកម្ពុជា ត្រូវបានរំពឹងថា អាចនឹងងើប ឡើងវិញ ក្នុងអត្រាកំណើន ៣,៥% ដោយសារការរំពឹងទុកការងើបឡើងវិញយឺត នៃសកម្មភាពសេដ្ឋកិច្ច ជាពិសេសការ កើនឡើងក្នុងកម្រិតទាបនៃតម្រូវការខាងក្រៅ និងទំនុកចិត្តទីផ្សារក្នុងស្រុក៕អត្ថបទ៖ សុន រ៉ាឌី

អាជីវកម្មតូចៗនិងរបរក្នុងសេដ្ឋកិច្ចក្រៅប្រព័ន្ធរងផលប៉ះពាល់ខ្លាំងពីព្រឹត្តិការណ៍សហគមន៍២០កុម្ភៈ

ភ្នំពេញ ៖ គិតមកដល់ពេលនេះ រយៈពេលជិត ១ខែហើយ ក្រោយព្រឹត្តិការណ៍សហគមន៍ ២០ កុម្ភៈ ជំងឺកូវីដ១៩ នៅបន្ត ការរីករាលដាល ដែល ត្រូវបានអ្នកជំនាញក្នុងវិស័យសេដ្ឋកិច្ច លើកឡើងថា ប្រជាពលរដ្ឋដែលស្ថិត នៅក្នុង សេដ្ឋកិច្ចក្រៅប្រព័ន្ធ ដូចជា ប្រកបរបររត់ម៉ូតូកង់បី និងអ្នកបម្រើតាមភោជនីយដ្ឋានប្រមាណ ៨៥ ទៅ៩០ភាគរយ រងផលប៉ះពាល់វិបត្តិសេដ្ឋកិច្ចក្នុងគ្រួសារ និងថយចុះនូវប្រាក់ចំណូលប្រចាំថ្ងៃ។ឯកឧត្តមបណ្ឌិត គី សេរីវឌ្ឍន៍ អ្នកវិភាគសេដ្ឋកិច្ច កាលពីរសៀលថ្ងៃទី១៦ ខែមីនា ឆ្នាំ២០២១កន្លងទៅ មាន ប្រសាសន៍ថា ការរីករាលដាលសហគមន៍នេះ គឺមានទ្រង់ទ្រាយធំ ហើយ ទាក់ទងនឹង ការបិទបញ្ចប់នៅក្នុងការឆ្លងសហគមន៍នេះ ហាក់ដូចជាមិនទាន់មានភាពកំណត់ច្បាស់នៅឡើយ ហើយអ្វីដែល ធ្វើឱ្យប៉ះពាល់ទៅដល់វិស័យសេដ្ឋកិច្ចជាងគេ គឺក្តីព្រួយបារម្ភរបស់ប្រជាពលរដ្ឋដែលមិនបានចេញ ក្រៅហើយពេល នោះឯង ជាចំណុចធ្វើឱ្យការចាយរបស់របស់ប្រជាពលរដ្ឋទៅក្នុងសេដ្ឋកិច្ចថមថយ និងឈានទៅ ដល់ការធ្លាក់ចុះនៃ កម្លាំងផលិតក្នុងវិស័យសេដ្ឋកិច្ច។ក្រៅពីរបរដែលប៉ះពាល់ខាងលើនេះ លោក សេរីវឌ្ឍន៍ បានបញ្ជាក់ទៀតថា ក្នុងរយះពេល១ខែនេះ វិស័យ កសិកម្មនៅកម្ពុជា ក៏មានការស្រុតចុះដែរ សម្រាប់អ្នកធ្វើស្រែ ចម្ការ និងការនាំផលិតផលចេញដូចជា ស្វាយ ដំឡូងជាដើមទៅប្រទេសថៃហើយ ត្រូវបានគេបន្ទាបថ្លៃ។ជាមួយគ្នានេះ លោកបានលើកឡើងនូវដំណោះស្រាយដើម្បីចូលរួមការពារពីជំងឺកូវីដនេះថា ត្រូវចូលរួម ការពារឱ្យបាន ល្អប្រសើរតាមការណែនាំរបស់ក្រសួងសុខាភិបាល។ ចំពោះការលក់ដូររបស់ប្រជាពលរដ្ឋ ត្រូវឱ្យ មានធម្មតាកុំឱ្យបិទតែត្រូវរក្សាអនាម័យ និងស្តង់ដារគម្លាតទៅតាមការណែនាំរបស់ក្រសួងសុខាភិបាល។ដោយឡែក រាជរដ្ឋាភិបាល គួរតែមានការឧបត្ថម្ភមួយចំនួនទៅលើក្រុមអ្នកផ្គត់ផ្គង់សេវា ព្រោះអ្នកទាំង នោះក៏រងផលប៉ះពាល់ តាមរយៈការរៀបចំឥណទានឡើងវិញ ដូចជា ការបង់ប្រាក់ធនាគារ ព្រោះពួកគាត់រក ចំណូលផ្គត់ផ្គង់ក្នុងគ្រួសារមិនបានគ្រប់គ្រាន់ផង ទម្រាំទៅដល់ការបង់ធនាគារទៀត។ លោក ជឿថា រដ្ឋគួរតែ ពិចារណាលើបញ្ហានេះ ដើម្បីដោះស្រាយនូវវិបត្តិនេះ។ យ៉ាងណាមិញ អ្នកវិភាគសេដ្ឋកិច្ចបានអំពាវនាវទៅដល់ប្រជាពលរដ្ឋ និងជនរួមជាតិទាំងអស់ មេត្តាចូលរួម ទប់ស្កាត់ការរីករាលដាលនៃជំងឺឆ្លងកូវីដ១៩ និងកាត់បន្ថយការជួបជុំគ្នា ព្រោះថា នៅតាមតំបន់មួយចំនួនធំ នៅតែ មានការជួបជុំគ្នា ហើយមិនមានការភ័យខ្លាច ការមិនពាក់ម៉ាស មិនគោរពតាមច្បាប់ថ្មីរបស់ រដ្ឋាភិបាល ក្នុងវិបត្តិ កូវីដ ដែលធ្វើឱ្យមានការឆ្លងពីមួយទៅមួយ។ គិតចាប់ពីព្រឹត្តិការណ៍សហគមន៍ ២០កុម្ភៈ រហូតត្រឹមថ្ងៃទី១៦ ខែមីនា ឆ្នាំ២០២១នេះ បានរកឃើញអ្នក ឆ្លងថ្មីនៃវីរុសកូវីដ-១៩ ចំនួនសរុបជាង ១ពាន់នាក់៕អត្ថបទ ៖ ឈិត បូរ៉ាវី

ចំនួនរៀបចំឥណទានឡើងវិញនៅតាមគ្រឹះស្ថានមីក្រូហិរញ្ញវត្ថុ នឹងកើនឡើង

ភ្នំពេញ ៖ តំណាងសមាគមមីក្រូហិរញ្ញវត្ថុកម្ពុជា (CMA) រំពឹងថា នៅក្នុងពេលឆាប់ៗនេះ ការរៀបចំឥណទានជូនអតិថិជន នឹងមានចំនួនការកើនឡើងជាបន្តទៀត ខណៈដែលប្រជាពលរដ្ឋនូវរងការប៉ះពាល់ ដោយសាររីករាលដាលនៃជំងឺកូវីដ-១៩ នេះ។លោក កាំង តុងងី ប្រធាននាយកដ្ឋានទំនាក់ទំនង សមាគមមីក្រូហិរញ្ញវត្ថុកម្ពុជា (CMA) បានថ្លែងលើកឡើងក្នុងកិច្ចសម្ភាសន៍ ជាមួយភ្នាក់ងារអ្នកយកព័ត៌មាន BTV ស្តីពីស្ថានភាពអតិថិជនដែលរងការប៉ះពាល់ និងកិច្ចដំណើរការរបស់សមាជិកមីក្រូហិរញ្ញវត្ថុ នៅថ្ងៃទី ១៦ ខែ មីនា ឆ្នាំ ២០២១ នេះថា ផ្អែកតាមទិន្នន័យរបស់សមាគម ក្នុងមួយសប្តាហ៍ ការរៀបចំឥណទានឡើងវិញមានចំនួនថេរ ក្នុងរង្វង់ ១ពាន់អតិថិជន ក្នុងនោះ ចំពោះការផ្ទុះរលកនៃជំងឺកូវីដ-១៩, ព្រឹត្តិការណ៍២០ កុម្ភៈ ចុងក្រោយនេះ សមាគមមិនទាន់ទទួលបានព័ត៌មានផ្លូវការនៅឡើយ ។លោក បញ្ជាក់ថា បើផ្អែកតាមស្ថានភាពសេដ្ឋកិច្ចប្រចាំថ្ងៃ យើងសង្កេតឃើញថា អតិថិជនមួយចំនួន បានរងនូវការប៉ះពាល់ ដោយសារព្រឹត្តិការណ៍២០កុម្ភៈ នេះហើយ ក្នុងនោះ សមាគមមីក្រូហិរញ្ញវត្ថុកម្ពុជា រំពឹងថា ក្នុងពេលឆាប់ៗនេះ នឹងមានការកើនឡើងនៃការៀបចំឥណទានឡើងវិញជូនអតិថិជន ។ចំណែក លោក ផល វ៉ាន់ឌី នាយកប្រតិបត្តិសមាគមមីក្រូហិរញ្ញវត្ថុកម្ពុជា (CMA) បានបញ្ជាក់បន្ថែមថា ស្ថិតនៅក្នុងស្ថានការណ៍នេះ សមាគមមីក្រូហិរញ្ញវត្ថុកម្ពុជា ក៏ដូចរាជរដ្ឋាភិបាល ក្នុងនោះសមាគមក៏មានការបារម្ភអំពីសុខុមាលភាព របស់អតិថិជន និងប្រាក់ចំណូលរបស់ពួកគាត់ផងដែរ ។ សមាគមនឹងបន្តចូលរួមជាមួយរាជរដ្ឋាភិបាល ធ្វើយ៉ាងណាទប់ស្កាត់កុំឲ្យមានការរីករាល ដើម្បីឲ្យវិបត្តិនេះត្រឡប់មកល្អប្រសើរឡើងវិញ តែចំណែកស្ថានភាពនៃការប៉ះពាល់ចុងក្រោយនេះ ប្រសិនបើមានតម្រូវការរៀបចំឥណទានឡើងវិញ សមាគមនិងជជែកពិភាក្សា អំពីការបន្តរៀបចំជូនអតិថិជន។សូមបញ្ជាក់ថា ជុំវិញការរៀបចំឥណទាន របស់គ្រឹះស្ថានមីក្រូហិរញ្ញវត្ថុ និងរួមបញ្ចូលធនាគារចំនួន៤ផ្សេងទៀត ក្នុងនោះ សម្រាប់អតិថិជនរងផលប៉ះពាល់ដោយជំងឺកូវីដ-១៩, គិតត្រឹមខែ កុម្ភៈ ឆ្នាំ ២០២១ មានអតិថិជនប្រមាណជា ២៩ ម៉ឺននាក់ ទទួលបានការអនុម័តរៀបចំឥណទានឡើងវិញ ដែលមានទំហំឥណទានសរុប ១ ៤០០ លានដុល្លារអាមេរិក ៕ អត្ថបទ៖ សុន រ៉ាឌី

គណៈកម្មការមូលបត្រ ចេញគោលការណ៍ថ្មី ដើម្បីជំរុញដល់ប្រសិទ្ធភាពក្នុងមូលបត្រកម្ពុជា

ភ្នំពេញ ៖ គណៈកម្មការមូលបត្រកម្ពុជា ចេញគោលការណ៍ណែនាំ ពីលក្ខខណ្ឌតម្រូវ លើភាពរឹងមាំហិរញ្ញវត្ថុ នៃក្រុមហ៊ុនសមភាគី កណ្តាល និងឈ្មួញជើងសាឧបករណ៍និស្សន្ទ ដើម្បីជម្រុញប្រកបដោយសណ្តាប់ធ្នាប់ និងប្រសិទ្ធភាពនៅក្នុងទីផ្សារមូលបត្រ ។ទម្រង់របាយការណ៍របស់ក្រុមហ៊ុនសមភាគី កណ្តាល និងឈ្មួញ ជើងសារឧបករណ៍និស្សន្ទ រួមមាន សម្រាប់ទម្រង់របាយការណ៍ ប្រចាំថ្ងៃ, ក្រុមហ៊ុនសមភាគីកណ្តាល និង ឈ្មួញជើងសា ឧបករណ៍និស្សន្ទ ត្រូវរៀបចំជូនគណៈកម្មការមូលបត្រកម្ពុជា នូវរបាយការណ៍មូលធនសុទ្ធប្រចាំថ្ងៃ ក្នុងទម្រង់ ដូចកំណត់ក្នុង ឧបសម្ព័ន្ធ ១ នៃគោលការណ៍ណែនាំ។ ចំណែកទម្រង់របាយការណ៍ប្រចាំសប្តាហ៍, ឈ្មួញជើងសាឧបករណ៍ និស្សន្ទត្រូវរៀបចំជូន គណៈកម្មការមូលបត្រកម្ពុជា ជាប្រចាំសប្តាហ៍នៃខែនីមួយៗ នូវរបាយការណ៍ ស្តីពីការជួញ ដូរឧបករណ៍ និស្សន្ទ ។ដោយឡែកទ្រង់របាយការណ៍ប្រចាំខែ, ក្រុមហ៊ុនសមភាគីកណ្តាលត្រូវរៀបចំជូន គណៈកម្មការមូលបត្រ កម្ពុជានូវរបាយការណ៍ ប្រចាំខែក្នុងទម្រង់មាន ៖ របាយការណ៍សន្ទនីយភាព មានរបាយការណ៍ស្តីពីការជួញដូរ ឧបករណ៍និស្សន្ទ និង ឈ្មួញជើងសាឧបករណ៍ និស្សន្ទ ត្រូវរៀបចំនូវរបាយការណ៍ប្រចាំខែក្នុងទម្រង់ដូចជា ៖ របាយការណ៍សន្ទនីយភាព, របាយ ការណ៍ស្តីពីការជួញដូរឧបករណ៍និស្សន្ទ, របាយការណ៍សរុប ស្តីពីការដាក់ ឬដកសាច់ប្រាក់របស់អតិថិជន, របាយការណ៍ ធនាគារ នៃគណនីសាច់ប្រាក់អតិថិជនឧបករណ៍និស្សន្ទ ។ចំពោះទម្រង់របាយការណ៍ប្រចាំឆមាស, ក្រុមហ៊ុនសមភាគីកណ្តាល និងឈ្មួញជើងសាឧបករណ៍និស្សន្ទ ត្រូវរៀប ចំជូន គណៈកម្មការមូលបត្រកម្ពុជា នូវរបាយការណ៍ប្រចាំឆមាសក្នុងទម្រង់រួមមាន ៖ របាយការណ៍ស្តីពី ការត្រួតពិនិត្យផ្ទៃក្នុង, របាយការណ៍ អំពីនិយោជិត, បុគ្គលទទួលបានការទទួលស្គាល់គុណវឌ្ឍ និងភ្នាក់ងារនៃ ក្រុមហ៊ុនសមភាគីកណ្តាល, របាយ ការណ៍អំពីនិយោជិត, របាយការណ៍ស្តីពីការវាយតម្លៃរបស់បុគ្គលិកជំនាញ ផ្នែកច្បាប់ លើអនុលោមភាពតាមច្បាប់, របាយ ការណ៍ស្តីពីការដោះស្រាយវិវាទ និងពាក្យបណ្តឹងជាដើម ។ ចំណែកទម្រង់របាយការណ៍ ប្រចាំឆ្នាំ, ក្រុមហ៊ុនសមភាគីកណ្តាល និងឈ្មួញជើងសាឧបករណ៍និស្សន្ទ ត្រូវរៀបចំជូនគណៈកម្មការ មូលបត្រកម្ពុជា នូវរបាយការណ៍ប្រចាំឆ្នាំស្តីពីសមិទ្ធផល និងបញ្ហាប្រឈម ដែលអនុវត្តតាមផែនការអាជីវកម្ម ដែលបានតម្កល់នៅ គណៈកម្មការមូលបត្រកម្ពុជា ។ ដូច្នេះគោល ការណ៍ណែនាំ ពីលក្ខខណ្ឌតម្រូវលើភាពរឹងមាំហិរញ្ញវត្ថុ នៃក្រុមហ៊ុនសមភាគីកណ្តាល និងឈ្មួញជើងសាឧបករណ៍និស្សន្ទ ជំរុញប្រកបដោយសណ្តាប់ធ្នាប់ និងប្រសិទ្ធភាព នៅក្នុងវិស័យមូលបត្រនេះ ៕អត្ថបទ៖ សុន រ៉ាឌី

វិស័យឯកជនរំពឹងទុកក្រោយវ៉ាក់សាំង នឹងមានការវិនិយោគកាន់តែច្រើនមកកម្ពុជា

ភ្នំពេញ ៖ ស្របពេលដែលកម្ពុជាទទួលបានវ៉ាក់សាំងការពារវីរុសកូវីដ១៩ លោកអនុប្រធានសភាពាណិជ្ជកម្មកម្ពុជា បានឱ្យដឹងថា វិស័យឯកជនមានជំនឿចិត្ត និងទឹកចិត្ត ជាពិសេសអ្នកវិនិយោគពីក្រៅនឹងលែងព្រួយបារម្ភពីការឆ្លងរាតត្បាតនៃជំងឺដ៏កាចសាហាវនេះ ដែលធ្វើឱ្យពួកគេនឹងចូលមកកម្ពុជាងាយស្រួល។កាលពីរសៀលថ្ងៃទី១០មីនា កន្លងទៅនេះ លោកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា បានលើកឡើងថា នេះ ជារឿងមួយល្អដែលយើងមានវ៉ាក់សាំង ព្រោះជាក្តីសង្ឃឹមទាំងអស់គ្នា មិនថាតែវិស័យឯកជនទេ គឺប្រជាជនក្នុងពិភពលោកទាំងមូលតែម្តង។ លោក បន្តថា ដូច្នេះអ្វីដែលគួរត្រៀមបម្រុង និងត្រូវរៀបចំ គឺធនធានមនុស្ស ព្រោះថា នៅថ្ងៃខាងមុខនឹងមានវិនិយោគិនកាន់តែច្រើនមកវិនិយោគនៅកម្ពុជា ជាពិសេសខណៈដែលកិច្ចព្រមព្រៀងពាណិជ្ជកម្មសេរីកម្ពុជា-ចិន(FTA)គ្រោងនឹងចូលជាធរមានក្នុងឆ្នាំនេះ បន្ទាប់ពីភាគីទាំងពីរបញ្ចប់នីតិវិធីផ្ទៃក្នុងរួច។ឯកឧត្តម ប៉ែន សុវិជាតិ អនុរដ្ឋលេខាធិការ នៃក្រសួងពាណិជ្ជកម្ម បានមានប្រសាសន៍ថា កិច្ចព្រមព្រៀងពាណិជ្ជកម្មសេរីកម្ពុជា-ចិន បច្ចុប្បន្នឯកសារទាំងអស់ត្រូវបានដាក់បញ្ជូនទៅគណៈរដ្ឋមន្ត្រីរួចហើយ ត្រៀមនឹងប្រជុំពេញអង្គក្នុងពេលឆាប់ៗនេះ បន្ទាប់ពីកូវីដស្ងប់។ ឯកឧត្តម បានបញ្ជាក់ថា ការចាក់វ៉ាក់សាំងនៅកម្ពុជា បានបង្ហាញពីសញ្ញាណនៃការងើបឡើងវិញនៃសកម្មភាពសេដ្ឋកិច្ច ទោះជានៅក្រោមរូបភាពប្រក្រតីភាពនៃទម្រង់ថ្មីក៏ដោយ។ ការចាក់វ៉ាក់សាំងសំរាប់មហាជនទូទៅដែល រដ្ឋាភិបាលទើបនឹងប្រកាសអនុវត្តថ្មីៗនេះនឹងធ្វើឱ្យមជ្ឈដ្ឋានធុរៈជនវិនិយោគិនប្រជាជនទូទៅមានទំនុកចិត្តនិងជំនឿចិត្តកាន់តែខ្លាំងឡើងដល់ការវិលទៅរកប្រក្រតីភាពឡើងវិញក្នុងវិស័យសេដ្ឋកិច្ច ពិសេសសកម្មភាពពាណិជ្ជកម្ម ទាំងពាណិជ្ជកម្មក្នុងស្រុកនិងអន្តរជាតិ។ ទំនុកចិត្តនេះ នឹងបង្កឱ្យមានការកម្រើកឡើងវិញកាន់តែប្រសើរឡើងនូវសកម្មភាពទីផ្សារ ដែលជំរុញដោយកំណើននូវតំរូវការ និងការបញ្ជាទិញកាន់តែសកម្មជាងមុន៕អត្ថបទ៖ ឈិត បូរ៉ាវី

បណ្ដាញសង្គម

ព័ត៌មានថ្មីៗ

មានអ្នកស្លាប់ ៤នាក់ និងរបួស ៥នាក់ ក្នុងហេតុការណ៍ឆេះនាវាដឹកប្រេង នៅឥណ្ឌូនេស៊ី

ក្រុមហ៊ួទីប្តេជ្ញាបន្តប្រតិបត្តិការយោធាប្រឆាំងនឹងអ៊ីស្រាអែល ទោះបីជាមានបទឈប់បាញ់រវាងអ៊ីរ៉ង់និងអ៊ីស្រាអែលក្តី

ប្រមុខសិទ្ធិមនុស្សរបស់ UN ស្នើឲ្យស្រីលង្កាដាក់ទោសឧក្រិដ្ឋជនសង្គ្រាម

វៀតណាមបញ្ចប់ទោសប្រហារជីវិតសម្រាប់ករណីព្រហ្មទណ្ឌប្រឆំាងរដ្ឋ ការសូកប៉ាន់ និងគ្រឿងញៀន

ឥណ្ឌាបញ្ជូនអវកាសយានិកលើកដំបូងរបស់ខ្លួនទៅកាន់ទីអវកាស ក្រោយរយៈពេល ៤១ឆ្នាំ

សម្ដេចធិបតី អញ្ជើញដឹកនាំកិច្ចប្រជុំពិនិត្យវឌ្ឍនភាពគម្រោងក្នុងវិស័យស្រូវអង្ករជាមួយស្ថាប័នពាក់ព័ន្ធ និងវិស័យឯកជន

ប្រមុខនយោបាយ UN អំពាវនាវឲ្យប្រើការទូត ដើម្បីធានាបានសន្តិភាពនៃកម្មវិធីនុយក្លេអ៊ែររបស់អ៊ីរ៉ង់

មេដឹកនាំអាល្លឺម៉ង់៖ «ពេលវេលាបានមកដល់» សម្រាប់បទឈប់បាញ់ នៅហ្កាហ្សា

ក្រុមហ៊ុនកូរ៉េ បានកំពុងចូលរួមចំណែកដល់ការអភិវឌ្ឍន៍ និងគាំទ្រដល់សេដ្ឋកិច្ចកម្ពុជា

ប្រជាជនកេនយ៉ា ត្រៀមដើរតវ៉ាប្រារព្ធខួបមួយឆ្នាំក្រោយសម្រុកចូលអគាររដ្ឋសភា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សេដ្ឋកិច្ច និង កសិកម្ម

សហជីព និងកម្មការិនីរោងចក្រ អំពាវនាវម្ចាស់បន្ទប់ជួលបញ្ចុះថ្លៃជួល

សមាគមសេដ្ឋកិច្ចក្រៅប្រព័ន្ធ អំពាវនាវដល់គ្រឹះស្ថានហិរញ្ញវត្ថុបន្ធូរបន្ថយ និងអនុគ្រោះបន្ថែមទៀត

ការនាំទំនិញកម្ពុជាទៅកូរ៉េខាងត្បូងកើនឡើងរយៈពេលពីរខែ ដើមឆ្នាំ២០២១

សេវាកម្មដឹកជញ្ជូនម្ហូបអាហារ និងទំនិញនានាកាន់តែពេញនិយមក្នុងបរិបទកូវីដ១៩

អ្នកជំនាញពន្យល់ពីមូលហេតុប្រេងសាំងឡើងថ្លៃ ជាបន្តបន្ទាប់នៅកម្ពុជា

កំណើនសេដ្ឋកិច្ចកម្ពុជា ឆ្នាំ២០២១ នឹងសម្រេចជាង៣,៥ភាគរយទោះប្រឈម នឹងវិបត្តិកូវីដ-១៩

អាជីវកម្មតូចៗនិងរបរក្នុងសេដ្ឋកិច្ចក្រៅប្រព័ន្ធរងផលប៉ះពាល់ខ្លាំងពីព្រឹត្តិការណ៍សហគមន៍២០កុម្ភៈ

ចំនួនរៀបចំឥណទានឡើងវិញនៅតាមគ្រឹះស្ថានមីក្រូហិរញ្ញវត្ថុ នឹងកើនឡើង

គណៈកម្មការមូលបត្រ ចេញគោលការណ៍ថ្មី ដើម្បីជំរុញដល់ប្រសិទ្ធភាពក្នុងមូលបត្រកម្ពុជា

វិស័យឯកជនរំពឹងទុកក្រោយវ៉ាក់សាំង នឹងមានការវិនិយោគកាន់តែច្រើនមកកម្ពុជា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សេដ្ឋកិច្ច និង កសិកម្ម

សហជីព ​និង​កម្មការិនី​រោងចក្រ​ អំពាវនាវ​ម្ចាស់​បន្ទប់​ជួល​បញ្ចុះ​ថ្លៃ​ជួល

ការ​នាំ​ទំនិញ​កម្ពុជា​ទៅ​កូរ៉េខាងត្បូង​កើន​ឡើង​រយៈពេល​ពីរ​ខែ ​ដើមឆ្នាំ​២០២១

សេវាកម្ម​ដឹកជញ្ជូន​ម្ហូបអាហារ និង​ទំនិញ​នានា​កាន់តែ​ពេញ​និយម​ក្នុង​បរិបទ​កូ​វីដ​១៩

អ្នក​ជំនាញ​ពន្យល់​ពី​មូលហេតុ​ប្រេងសាំង​ឡើងថ្លៃ​ ជា​បន្តបន្ទាប់​នៅ​កម្ពុជា

កំណើន​សេដ្ឋកិច្ច​កម្ពុជា ​ឆ្នាំ​២០២១ ​នឹង​សម្រេច​ជាង​៣,៥​ភាគរយ​ទោះ​ប្រឈម​ នឹង​វិបត្តិ​កូ​វីដ​-១៩

ចំនួន​រៀបចំ​ឥណទាន​ឡើងវិញ​នៅ​តាម​គ្រឹះស្ថាន​មីក្រូហិរញ្ញវត្ថុ​ នឹង​កើនឡើង

គណៈកម្មការ​មូល​ប​ត្រ ចេញ​គោលការណ៍​ថ្មី ​ដើម្បី​ជំរុញ​ដល់​ប្រសិទ្ធភាព​ក្នុង​មូល​ប​ត្រ​កម្ពុជា

វិស័យ​ឯកជន​រំពឹងទុក​ក្រោយ​វ៉ាក់សាំង ​នឹង​មាន​ការ​វិនិយោគ​កាន់​តែច្រើន​មក​កម្ពុជា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សហជីព និងកម្មការិនីរោងចក្រ អំពាវនាវម្ចាស់បន្ទប់ជួលបញ្ចុះថ្លៃជួល

ការនាំទំនិញកម្ពុជាទៅកូរ៉េខាងត្បូងកើនឡើងរយៈពេលពីរខែ ដើមឆ្នាំ២០២១

សេវាកម្មដឹកជញ្ជូនម្ហូបអាហារ និងទំនិញនានាកាន់តែពេញនិយមក្នុងបរិបទកូវីដ១៩

អ្នកជំនាញពន្យល់ពីមូលហេតុប្រេងសាំងឡើងថ្លៃ ជាបន្តបន្ទាប់នៅកម្ពុជា

កំណើនសេដ្ឋកិច្ចកម្ពុជា ឆ្នាំ២០២១ នឹងសម្រេចជាង៣,៥ភាគរយទោះប្រឈម នឹងវិបត្តិកូវីដ-១៩

ចំនួនរៀបចំឥណទានឡើងវិញនៅតាមគ្រឹះស្ថានមីក្រូហិរញ្ញវត្ថុ នឹងកើនឡើង

គណៈកម្មការមូលបត្រ ចេញគោលការណ៍ថ្មី ដើម្បីជំរុញដល់ប្រសិទ្ធភាពក្នុងមូលបត្រកម្ពុជា

វិស័យឯកជនរំពឹងទុកក្រោយវ៉ាក់សាំង នឹងមានការវិនិយោគកាន់តែច្រើនមកកម្ពុជា