នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ឃាតកម្មសម្លាប់មនុស្ស ២នាក់រួចយកសពទៅកប់ចោលនៅខណ្ឌជ្រោយចង្វារ កម្លាំងសមត្ថកិច្ចរាជធានីបង្ក្រាបជនសង្ស័យបាន ៤នាក់
គណៈបញ្ជាការឯកភាពរដ្ឋបាលក្រុងកំពង់សោម ចុះត្រួតពិនិត្យរដ្ឋបាលចំហរ រកឃើញជនបរទេស ២៦នាក់ ពាក់ព័ន្ធករណី Online Scams
ចៅក្រមស៊ើបសួរសម្រេចឃុំខ្លួនមន្ត្រីនគរបាល-អាវុធហត្ថខេត្តកំពត និងអ្នកទទួលផលចោរកម្មសរុបចំនួន ៤៧នាក់
អាជ្ញាធររាជធានីភ្នំពេញ បន្តប្រតិបត្តិការបោសសម្អាត Online Scams ត្រួតពិនិត្យ ៨០ ទីតាំងទៀត និងផាកពិន័យម្ចាស់ទីតាំងរស់នៅប្រមូលផ្ដុំចំនួន ៤ទីតាំង

សន្តិសុខ និង សង្គម

បាតុករគាំទ្រប៉ាឡេស្ទីនជាង ១០០ នាក់ត្រូវបានចាប់ខ្លួននៅសាកលវិទ្យាល័យកូឡុំប៊ី ក្នុងសហរដ្ឋអាមេរិក

2024/04/19 09:10:26 am        76
Facebook Telegram Linkin
ក្រុមបាតុករគាំទ្រប៉ាឡេស្ទីនជាង ១០០ នាក់ត្រូវបានចាប់ខ្លួនកាលពីថ្ងៃពុធ (១៧ មេសា) នៅសាខាសាកលវិទ្យាល័យកូឡំប៊ី (Columbia University) ក្នុងទីក្រុងញូវយ៉ក (New York) សហរដ្ឋអាមេរិក បន្ទាប់ពីសាកលវិទ្យាធិការរបស់សាលានេះបានអនុញ្ញាតឱ្យនគរបាលក្រុង បោសសម្អាតជំរំដែលបង្កើតឡើងដោយនិស្សិត ដែលធ្វើបាតុកម្មប្រឆាំងនឹងសកម្មភាពរបស់អ៊ីស្រាអែល នៅក្នុងតំបន់ហ្កាហ្សា។សាកលវិទ្យាធិការ លោកស្រី ណេម៉ាត មីនូឆេ សាហ្វីក (Nemat Minouche Shafik) ដែលមួយថ្ងៃមុននោះរងការវាយប្រហារពីសមាជិកបក្សសាធារណរដ្ឋនៅឯសវនាការគណៈកម្មាធិការសភាតំណាងរាស្រ្ត បាននិយាយថា លោកស្រីបានអនុញ្ញាតឱ្យនគរបាលបោសសម្អាតជំរំតង់រាប់សិបកន្លែងដែលបង្កើតឡើងដោយក្រុមអ្នកតវ៉ាកាលពីព្រឹកថ្ងៃពុធ។អភិបាលក្រុងញូវយ៉ក លោក អេរីក អាដាមស៍ (Eric Adams) និយាយថា នគរបាលបានធ្វើការចាប់ខ្លួនអ្នកតវ៉ាជាង ១០៨ នាក់ ដោយបន្ថែមថា «មិនមានអំពើហឹង្សា ឬរបួសក្នុងអំឡុងពេលប្រតិបត្តិការនោះទេ»។ លោក អាដាមស៍ បន្ថែមថា និស្សិតមានសិទ្ធិបញ្ចេញមតិដោយសេរី ប៉ុន្តែមិនមែនជាសិទ្ធិក្នុងការរំលោភលើគោលនយោបាយរបស់សាកលវិទ្យាល័យនោះទេ។វិទ្យាស្ថានអប់រំកូឡុំប៊ីមួយនេះបាននិយាយថា ខ្លួនបានចាប់ផ្តើមផ្អាកនិស្សិតដែលបានចូលរួមក្នុងការតវ៉ាដោយជំរំតង់នេះ ព្រោះសាលាចាត់ទុកថាជាបាតុកម្មដែលពុំមានការអនុញ្ញាតត្រឹមត្រូវ៕

[BREAKING NEWS] មីស៊ីលជាច្រើនគ្រាប់របស់អ៊ីស្រាអែល បានវាយប្រហារចូលក្នុងទឹកដីអ៊ីរ៉ង់ ខណៈគេបានលឺសំឡេងផ្ទុះនៅទីក្រុង អ៊ីស្វាហាន់

2024/04/19 09:06:44 am        390
Facebook Telegram Linkin
យោងតាមទូរទស្សន៍ ABC News របស់សហរដ្ឋអាមេរិក មីស៊ីលជាច្រើនគ្រាប់របស់អ៊ីស្រាអែល បានវាយប្រហារចូលទៅក្នុងទឹកដីរបស់អ៊ីរ៉ង់។ទូរទស្សន៍រដ្ឋអ៊ីរ៉ង់ បានរាយការណ៍ពីការផ្ទុះជាច្រើននៅក្នុងទីក្រុង អ៊ីស្វានហាន់ (Isfahan) របស់ប្រទេសអ៊ីរ៉ង់។ អ៊ីស្រាអែល បានសន្យាថានឹងឆ្លើយតប បន្ទាប់ពីអ៊ីរ៉ង់ បានវាយប្រហារកាលពីថ្ងៃសៅរ៍ចុងសប្ដាហ៍មុន ដោយយានដ្រូន និងមីស៊ីល ចូលទឹកដីអ៊ីស្រាអែល។ សហរដ្ឋអាមេរិក និងប្រទេសមួយចំនួននៅអឺរ៉ុប កំពុងអំពាវនាវឲ្យអ៊ីស្រាអែលអត់ធ្មត់ កុំវាយប្រហារតបតទៅអ៊ីរ៉ង់វិញ ព្រោះបារម្ភថានឹងធ្វើឲ្យសង្រ្គាមរីកកាន់តែធំពាសពេញតំបន់មជ្ឈិមបូព៌ា៕

អាកាសយានដ្ឋានឌុយបៃ ធ្លាក់ក្នុងភាពច្របូកច្របល់ ខណៈអារ៉ាប់រួម និងអូម៉ង់ជួបប្រទះព្យុះដ៏កំណាច

2024/04/18 02:56:00 pm        141
Facebook Telegram Linkin
ភ្លៀងធ្លាក់ខ្លាំងបាន និងកំពុងវាយប្រហាររដ្ឋឈូងសមុទ្រ ដោយបង្កជាទឹកជំនន់យ៉ាងគំហុកភ្លាមៗ ដែលបានសម្លាប់មនុស្សយ៉ាងហោចណាស់ ២០នាក់ និងរំខានដល់ជើងហោះហើរ នៅឯអាកាសយានដ្ឋានដ៏មមាញឹកបំផុតទី២ របស់ពិភពលោក។ អាកាសយានដ្ឋានអន្តរជាតិឌូបៃ និយាយថា ខ្លួនកំពុងប្រឈមនឹង «ស្ថានភាពលំបាកខ្លាំង»។ អាកាសយានដ្ឋាននេះបានណែនាំអ្នកដំណើរកុំឲ្យធ្វើដំណើរមក ព្រោះផ្លូវរត់ត្រូវបានលិចលង់ដោយទឹកជំនន់។ នៅប្រទេសអូម៉ង់ឯណោះវិញ ក្រុមអ្នកជួយសង្គ្រោះបានរកឃើញសពក្មេងស្រីម្នាក់នៅទៅក្រុង Saham ដែលនាំឲ្យចំនួនអ្នកស្លាប់នៅក្នុងប្រទេសនេះ កើនដល់ ១៩នាក់ហើយ គិតចាប់តាំងពីថ្ងៃអាទិត្យចុងសប្ដាហ៍កន្លងមក។ យោងតាមទិន្នន័យរបស់ក្រុមហ៊ុន Flight Aware បានឲ្យដឹងថា ជើងហោះហើរជាង ២៧០វ៉ុល ទៅ និងមកពីអាកាសយានដ្ឋានអន្តរជាតិឌូបៃ កាលពីថ្ងៃពុធ (ទី១៧ ខែមេសា) ត្រូវបានលុបចោល។ ហើយជាមួយគ្នានេះ ទិន្នន័យបានបង្ហាញថា មានការពន្យារពេលជើងហោះហើរចំនួន ៣៧០វ៉ុលបន្ថែមទៀត។ អាកាសយានដ្ឋានដែលបម្រើការជាមជ្ឈមណ្ឌលដ៏សំខាន់ សម្រាប់ភ្ជាប់ជើងហោះហើរទៅកាន់គ្រប់ទ្វីបមួយនេះ បានព្រមានថា «ការស្តារឡើងវិញនឹងចំណាយពេលមួយរយៈ»។ ក្រុមហ៊ុន Emirates ដែលជាក្រុមហ៊ុនអាកាសចរណ៍អន្តរជាតិដ៏ធំមួយមានទីស្នាក់ការកណ្តាលនៅទីក្រុងឌូបៃនេះ បានផ្អាកការត្រួតពិនិត្យសំបុត្រយន្តហោះ សម្រាប់អ្នកដំណើរដែលចេញដំណើរពីទីក្រុងនេះ រហូតដល់ថ្ងៃព្រហស្បតិ៍។ ហើយខាងអាជ្ញាធរបានព្រមានថា ភ្លៀងធ្លាក់ច្រើនអមដោយផ្គររន្ទះ និងខ្យល់បក់ខ្លាំង នឹងនៅតែបន្តមាន ដោយតំបន់ទំនាបជាច្រើននៅតែត្រូវជន់លិច។ គួរបញ្ជាក់ថា អារ៉ាប់រួមដែលជាប្រទេសជិតខាងនៅភាគខាងជើងរបស់ប្រទេសអូម៉ង់ កាលពីថ្ងៃអង្គារ បានជួបប្រទះនឹងព្រឹត្តិការណ៍ភ្លៀងធ្លាក់ដ៏ធំបំផុតមិនធ្លាប់មាន គិតចាប់តាំងពីកំណត់ត្រាទឹកភ្លៀង ត្រូវបានចាប់ផ្តើមកត់ត្រាកាលពី ៧៥ឆ្នាំមុន។ ប្រទេសនេះមានទឹកភ្លៀងជាមធ្យមកម្រិត ១៤០-២០០មីលីម៉ែត្រ ក្នុង ១ឆ្នាំ ខណៈដែលទីក្រុងឌូបៃជាធម្មតាមានភ្លៀងធ្លាក់កម្រិត ៩៧មីលីម៉ែត្រប៉ុណ្ណោះ។ កម្រិតទឹកភ្លៀងជាមធ្យមប្រចាំខែ សម្រាប់ខែមេសា គឺប្រហែល ៨មីលីម៉េត្រប៉ុណ្ណោះ។នៅប្រទេសអូម៉ង់ ពេលនេះមនុស្សជាង ១.៤០០នាក់ត្រូវបានជម្លៀសទៅកាន់ទីជម្រកសុវត្ថិភាព។ សាលារៀន និងការិយាល័យរដ្ឋាភិបាលត្រូវបានបិទ ដើម្បីជាការប្រុងប្រយ័ត្ន។ កាលពីថ្ងៃអាទិត្យ សិស្សសាលាចំនួន ១០នាក់ដែលមានអាយុចន្លោះពី ១០ ទៅ ១៥ឆ្នាំ និងមនុស្សពេញវ័យម្នាក់ បានស្លាប់នៅពេលដែលរថយន្តក្រុងរបស់ពួកគេត្រូវបានលិចក្នុងទឹកជំនន់ ខណៈដែលរថយន្តនោះព្យាយាមបើកបរឆ្លងកាត់ផ្លូវ ក្នុងតំបន់ al-Mudhaibi នៃខេត្ត Sharqiya ដែលចម្ងាយប្រហែល ១១៥គីឡូម៉ែត្រ ភាគខាងត្បូងនៃរដ្ឋធានី Muscat៕

ទីភ្នាក់ងារ UNRWA និយាយថា បុគ្គលិកខ្លួនដែលជាប់ឃុំនៅហ្កាហ្សា ទទួលរងការធ្វើបាប

2024/04/18 02:23:29 pm        88
Facebook Telegram Linkin
ទីភ្នាក់ងារជនភៀសខ្លួនប៉ាឡេស្ទីនរបស់អង្គការសហប្រជាជាតិ (UNRWA) បាននិយាយថា បុគ្គលិករបស់ខ្លួនមួយចំនួន និងមនុស្សផ្សេងទៀតដែលត្រូវបានចាប់ខ្លួនដោយកងកម្លាំងអ៊ីស្រាអែល នៅតំបន់ហ្កាហ្សា ត្រូវបានទទួលរងនូវការធ្វើបាប រួមទាំងការវាយដំយ៉ាងធ្ងន់ធ្ងរ និងត្រូវបានបង្ខំឱ្យស្រាតសម្លៀកបំពាក់។នៅក្នុងរបាយការណ៍ដែលបានចេញផ្សាយកាលពីថ្ងៃអង្គារ ទីភ្នាក់ងារ UNRWA និយាយថា បុគ្គលិកមួយចំនួនដែលត្រូវចាប់ឃុំពេលកំពុងបំពេញមុខងារផ្លូវការ ត្រូវបាន «ឃុំខ្លួនដោយពុំមានទំនាក់ទំនង និងទទួលរងនូវលក្ខខណ្ឌដូចគ្នា និងការធ្វើបាបដូចអ្នកជាប់ឃុំផ្សេងទៀត» ដែលខ្លួនបាននិយាយថាមានទម្រង់ផ្សេងៗគ្នាជាច្រើននៃការរំលោភបំពាន។ស្ថាប័ននេះបន្ថែមថា បុគ្គលិកខ្លួនបានប្រាប់ថាពួកគេត្រូវបានទទួលរងនូវការវាយដំ និងការជ្រមុជក្បាលក្នុងទឹក ការគំរាមរំលោភ និងការឆក់អគ្គិសនី ហើយត្រូវបានបង្ខំឱ្យដោះខោអាវអាក្រាតកាយ ក្នុងចំណោមទម្រង់ធ្វើបាបផ្សេងទៀត។យោធាអ៊ីស្រាអែលប្រកែកថា ខ្លួនប្រព្រឹត្តទៅតាមច្បាប់អ៊ីស្រាអែល និងអន្តរជាតិ ហើយអ្នកដែលខ្លួនចាប់ខ្លួនទទួលបានអាហារ ទឹក ថ្នាំ និងសម្លៀកបំពាក់ត្រឹមត្រូវ។ សហរដ្ឋអាមេរិកនិយាយថា ខ្លួនមានការព្រួយបារម្ភយ៉ាងខ្លាំង ហើយនឹងដាក់សម្ពាធលើអ៊ីស្រាអែល ឱ្យមានការស៊ើបអង្កេតពេញលេញលើការចោទប្រកាន់ និងចាប់ជនល្មើសឱ្យទទួលខុសត្រូវ៕

ឥណ្ឌូនេស៊ី ព្រមានអំពីរលកយក្សស៊ូណាមិ បន្ទាប់ពីភ្នំភ្លើង Ruang ផ្ទុះឡើងខ្លាំង

2024/04/18 02:19:41 pm        98
Facebook Telegram Linkin
សេចក្តីថ្លែងការណ៍មួយនៅថ្ងៃព្រហស្បតិ៍នេះ បាននិយាយថា អាជ្ញាធរប្រទេសឥណ្ឌូណេស៊ី បានបង្កើនកម្រិតប្រកាសអាសន្ននៃភ្នំភ្លើង រូអាង(Ruang) នៅកោះស៊ូឡាវ៉េស៊ី(Sulawesi) ដល់កម្រិតខ្ពស់បំផុត ហើយបានចេញការព្រមានអំពីរលកយក្សស៊ូណាមិ បន្ទាប់ពីសកម្មភាពភ្នំភ្លើងបានកើនឡើងកាលពីយប់ថ្ងៃពុធ ទី១៧ ខែមេសា ។ការផ្ទុះដ៏ខ្លាំងកាលពីថ្ងៃពុធនៅលើកោះដាច់ស្រយាលក្នុងខេត្ត Sulawesi ខាងជើង បានបង្ហូរកម្អែភ្នំភ្លើងក្រហមដូចភ្លើង ព្រួសថ្មនិងផេះ ក្នុងចម្ងាយរហូតដល់៣គីឡូម៉ែត្រ ទៅលើអាកាស។មនុស្សយ៉ាងហោចណាស់៨០០នាក់ នៅក្នុងខេត្ត Sulawesi ខាងជើង ត្រូវបានជម្លៀសចេញពីតំបន់នេះ ដោយអាជ្ញាធរបានពង្រីកតំបន់ជម្លៀសបន្ថែមទៀត បន្ទាប់ពីទីភ្នាក់ងារភ្នំភ្លើងរបស់ប្រទេស បានបង្កើនស្ថានភាពប្រកាសអាសន្ន។វីដេអូនៅលើបណ្តាញផ្សព្វផ្សាយសង្គម បានបង្ហាញឲ្យឃើញផ្លេកបន្ទោរ និងផ្ទៃមេឃនៅខាងលើភ្នំភ្លើង ដែលកំពុងតែផ្ទុះនោះ។

ក្រុមនិស្សិត និងគ្រូបង្រៀននៅអាហ្សង់ទីន តវ៉ាប្រឆាំងការកាត់បន្ថយថវិការបស់រដ្ឋាភិបាល

2024/04/18 01:27:45 pm        63
Facebook Telegram Linkin
សាកលវិទ្យាល័យរដ្ឋជាច្រើនកន្លែងនៅក្នុងប្រទេសអាហ្សង់ទីន បានធ្វើការតវ៉ាកាលពីថ្ងៃពុធ (១៧ មេសា) ប្រឆាំងនឹងការកាត់បន្ថយថវិកាយ៉ាងខ្លាំងដោយរដ្ឋាភិបាលរបស់លោកប្រធានាធិបតី ហាវីយេ មីឡៃ (Javier Milei) ដោយការបិទភ្លើងក្នុងថ្នាក់រៀនដើម្បីទាក់ទាញការយកចិត្តទុកដាក់ចំពោះបញ្ហារបស់ពួកគេ និងសន្សំប្រាក់លើអគ្គិសនី។សាកលវិទ្យាល័យប៊ុយណូស៊ែរ (UBA) ដ៏ល្បីបាននិយាយថា ខ្លួនបានជួបប្រទះនឹងការកាត់ថវិកាចំនួន ៨០ ភាគរយក្នុងន័យជាក់ស្តែង ដែលជាស្ថានភាពមិនអាចដោះស្រាយបាន។ នៅក្នុងមហាវិទ្យាល័យវិទ្យាសាស្ត្រពិតរបស់សាកលវិទ្យាល័យ UBA នេះ ក្រុមនិស្សិត និងគ្រូបង្រៀនបានដំឡើងនាឡិកាជាមួយនឹងការរាប់ថយក្រោយដែលបង្ហាញថា ថវិការបស់ពួកគេជិតអស់ហើយ។លោក មីឡៃ ប្រឈមមុខនឹងឱនភាពសារពើពន្ធយ៉ាងជ្រៅ បន្ទាប់ពីការគ្រប់គ្រងសេដ្ឋកិច្ចមិនត្រឹមត្រូវជាច្រើនឆ្នាំដោយរដ្ឋាភិបាលស្តាំនិយម និងឆ្វេងនិយម បានធ្វើឱ្យការកាត់បន្ថយចំណាយរបស់រដ្ឋក្លាយជាចំណុចសំខាន់។ លោកប្រធានាធិបតីរូបនេះបានឈ្នះការបោះឆ្នោតកាលពីឆ្នាំមុន បន្ទាប់ពីការប្រមូលផ្តុំតវ៉ាជាទៀងទាត់ជុំវិញគម្រោងកាត់បន្ថយចំណាយនេះ។សាកលវិទ្យាល័យ UBA ដែលជាស្ថាប័នអប់រំកំពូលមួយនៅអាមេរិកឡាទីន ផ្តល់វគ្គសិក្សាថ្នាក់បរិញ្ញាបត្រ ដែលមិនគិតថ្លៃដល់មនុស្សគ្រប់គ្នា។ វិទ្យាស្ថាននេះបាននិយាយថា ថវិការបស់ខ្លួនត្រូវបានកាត់បន្ថយ ២៦ ភាគរយនៅក្នុងលក្ខខណ្ឌនាមករណ៍ និង ៨០ ភាគរយនៅក្នុងលក្ខខណ្ឌជាក់ស្តែង ដោយសារអតិផរណាក្នុងប្រទេសឡើងជិត ៣០០ ភាគរយ។ ការកាត់បន្ថយនេះបានប៉ះពាល់ដល់សកលវិទ្យាល័យរដ្ឋទាំងអស់នៅក្នុងប្រទេសអាហ្សង់ទីន ហើយមានការដើរក្បួនតវ៉ាយ៉ាងធំប្រឆាំងរដ្ឋាភិបាលដែលបានគ្រោងទុកនៅសប្តាហ៍ក្រោយ៕

ការវាយប្រហារដោយចាក់នឹងកាំបិតនៅព្រះវិហារក្នុងទីក្រុងស៊ីដនី៖ បព្វជិតអូស្ត្រាលីអភ័យទោស​ឲ្យអ្នកវាយប្រហារ

2024/04/18 01:23:35 pm        102
Facebook Telegram Linkin
បព្វជិតម្នាក់ដែលត្រូវបានគេចាក់នៅព្រះវិហារក្នុងក្រុងស៊ីដនី កាលពីថ្ងៃចន្ទ បាននិយាយថា ខ្លួន«បានជាសះស្បើយយ៉ាងឆាប់រហ័ស» និងអភ័យទោសឲ្យអ្នកវាយប្រហារ ដែលគេត្រូវចោទប្រកាន់។ក្នុងសារជាសំឡេង បព្វជិត ម៉ា ម៉ារី អេម៉ានុយអែល ក៏បានអំពាវនាវឲ្យសហគមន៍នេះ រក្សាភាពស្ងប់ ស្ងាត់។នគរបាល បាននិយាយថា ការវាយប្រហារដែលត្រូវបានផ្សាយផ្ទាល់ និងធ្វើឲ្យមនុស្ស៤នាក់រ ងរបួស គឺជាអំពើភេរវកម្មដែលបង្កឡើងដោយហេតុផលសាសនា។ការវាយប្រហារនេះ បានបង្កឲ្យមានកុបកម្មមួយ នៅខាងក្រៅព្រះវិហារ The Good Shepherd ជាកន្លែងដែលក្រុមអ្នកគាំទ្រដែលខឹងសម្បារបស់បព្វជិតរូបនេះ បានប្រមូលផ្តុំគ្នា។ក្មេងប្រុសអាយុ ១៦ឆ្នាំម្នាក់ ដែលរងរបួសផងដែរ ត្រូវបានចាប់ខ្លួន ជុំវិញហេតុការណ៍នេះ ប៉ុន្តែមិនត្រូវបានចោទប្រកាន់ពីបទល្មើសអ្វីឡើយ។ អាជ្ញាធរ បានបដិសេធមិនបញ្ជាក់អំពីជំនឿដែលគេសង្ស័យរបស់ក្មេងប្រុសនេះទេ។កាលពីដើមសប្តាហ៍នេះ ប្រធានអង្គការស៊ើបការណ៍សន្តិសុខអូស្ត្រាលី លោក Mike Burgess បាននិយាយថា អាជ្ញាធរកំពុងស៊ើបអង្កេតវីដេអូដែលចាប់បានជនសង្ស័យដែលកំពុងស្រែក ជាភាសាអារ៉ាប់ និងសំដៅលើ «បព្វជិតរូបនេះ»។នៅក្នុងវីដេអូឃ្លីបរយៈពេល ៤នាទីរបស់បព្វជិត អេម៉ានុយអែល ដែលចេញផ្សាយដោយព្រះវិហារនៅលើប្រព័ន្ធផ្សព្វផ្សាយសង្គមកាលពីថ្ងៃព្រហស្បតិ៍ លោកនិយាយថា លោកបានអភ័យទោសឲ្យ«អ្នកណាដែលបានធ្វើទង្វើនេះ»។លោកបាននិយាយថា៖«ហើយខ្ញុំនឹងអធិស្ឋានសម្រាប់អ្នកជានិច្ច ហើយអ្នកណាដែលចាត់អ្នកឲ្យធ្វើដូច្នេះ ខ្ញុំក៏អភ័យទោសឲ្យពួកគេផងដែរ នៅក្នុងព្រះនាមដ៏ខ្លាំងក្លារបស់ព្រះយេស៊ូ»។

នគរបាលចាប់ខ្លួនអ្នកបង្កចលាចល ដែលសង្ស័យជាប់ពាក់ព័ន្ធការវាយប្រហារ នៅព្រះវិហារក្រុងស៊ីដនី

2024/04/18 11:44:21 am        122
Facebook Telegram Linkin
នគរបាលរដ្ឋ New South Wales ប្រទេសអូស្ត្រាលី កាលពីថ្ងៃពុធ ទី១៧ ខែមេសា បានចាប់ខ្លួនបុរសម្នាក់ដំបូងគេដែលសង្ស័យពីបទបង្កភាពចលាចល បន្ទាប់ពីបុព្វជិតជនជាតិដើមភាគតិចអាស៊ីរៀន(Assyrian) ម្នាក់ត្រូវបានចាក់ដោយកាំបិត អំឡុងពេលនៅក្នុងព្រះវិហារទីក្រុងស៊ីដនី ដែលបង្កឱ្យមានជម្លោះនៅខាងក្រៅព្រះវិហារ។យោងតាមសេចក្តីថ្លែងការណ៍របស់នគរបាលបានឱ្យដឹងថា បុរសអាយុ ១៩ ឆ្នាំម្នាក់ ត្រូវបានចាប់ខ្លួន និងនាំទៅកាន់ប៉ុស្តិ៍នគរបាល ជាកន្លែងដែលបុរសរូបនេះត្រូវបានចោទប្រកាន់ពីបទបង្កភាពចលាចល បង្កជម្លោះ បំផ្លិចបំផ្លាញ និងធ្វើឲ្យខូចខាតទ្រព្យសម្បត្តិ ក្នុងអំឡុងពេលមានភាពចលាចលសាធារណៈ។ដោយឡែក យុវជនម្នាក់ត្រូវបានចាប់ខ្លួនពីបទវាយប្រហារលើបុព្វជិត ម៉ា ម៉ារី អ៊ីម៉ាញូអែល(Mar Mari Emmanuel)។ ការចាប់ខ្លួននេះ បានបង្កឱ្យមានកុបកម្ម បន្ទាប់ពីហ្វូងមនុស្សមានកំហឹង បានប្រយុទ្ធជាមួយក្រុមឆ្លើយតបបន្ទាន់ ដោយទាមទារឱ្យប្រគល់ជនសង្ស័យជាអ្នកវាយប្រហារឱ្យទៅពួកគេ។បុព្វជិត Emmanuel ដែលពេញនិយមសម្រាប់យុវវ័យតាមដាននៅលើបណ្តាញ TikTok និងបានរិះគន់ការស្រឡាញ់ភេទដូចគ្នា ការចាក់វ៉ាក់សាំងជំងឺCOVID និងសាសនាឥស្លាម នៅក្នុងធម្មទេសនារបស់លោក បានរងរបួសក្នុងការវាយប្រហារ ដែលត្រូវបានគេចាត់ទុកថាជាអំពើភេរវកម្ម ដែលជម្រុញដោយការសង្ស័យថាជាភាពជ្រុលនិយមសាសនា។

ប្រធានសិទ្ធិមនុស្សអង្គការសហប្រជាជាតិ ព្រមានវិបត្តិមនុស្សធម៌នៅកុងហ្គោខាងកើត

2024/04/18 11:40:36 am        122
Facebook Telegram Linkin
ប្រធានសិទ្ធិមនុស្សរបស់អង្គការសហប្រជាជាតិ កាលពីថ្ងៃពុធបានអំពាវនាវឱ្យមានការយកចិត្តទុកដាក់ពីអន្តរជាតិ ចំពោះសង្គ្រាមដែលនៅតែបន្តនៅក្នុងខេត្ត North Kivu នៅភាគខាងកើតសាធារណរដ្ឋប្រជាធិបតេយ្យកុងហ្គោ (DRC) ។ស្នងការជាន់ខ្ពស់អង្គការសហប្រជាជាតិទទួលបន្ទុកសិទ្ធិមនុស្ស លោក Volker Turk បានចុះពិនិត្យជំរំជនភៀសខ្លួនមួយកន្លែងនៅជាយក្រុង Goma នៃខេត្ត North Kivu ជាកន្លែងដែល លោក បានជួបជាមួយជនរងគ្រោះភៀសខ្លួនចេញដោយការវាយប្រហារ ធ្វើឡើងដោយក្រុមឧទ្ទាមចលនា M23 ។លោកនិយាយថា យើងត្រូវតែប្រឹងប្រែងបន្តការងារ ដើម្បីទទួលបានសន្តិភាព ដោយលោកបានបញ្ជាក់លើតម្រូវការដើម្បីធ្វើការលើមូលហេតុនៃជម្លោះ។ លោក Turk កំពុងបំពេញទស្សនកិច្ចជាផ្លូវការនៅ សាធារណៈរដ្ឋកុងហ្គោ តាមការអញ្ជើញរបស់រដ្ឋាភិបាលកុងហ្គោ។ លោកមានផែនការជួបជាមួយប្រធានាធិបតី លោក ហ្វីលីក ស្ស៊ីសេកេឌី(Felix Tshisekedi) និងមន្ត្រីជាន់ខ្ពស់នៅក្នុងរដ្ឋធានី គីនសាសា(Kinshasa) ។ ចាប់តាំងពីខែមករាមក ក្រុមឧទ្ទាម M23 បានបង្កើនការវាយប្រហារទៅលើទីតាំងផ្ទាល់របស់យោធាកុងហ្គោ និងសម្ព័ន្ធមិត្តរបស់ពួកគេ បណ្តាលឱ្យមានការពង្រីកតំបន់ដ៏មានឥទ្ធិពលរបស់ក្រុមនេះ តាមរយៈការដណ្តើមយកទីក្រុង និងភូមិសំខាន់ៗនៅក្នុងខេត្ត North Kivu ។ការរីកជម្លោះកាន់តែធំនេះ បាននាំឱ្យមានការពង្រីកបុគ្គលិកប្រដាប់អាវុធ ដោយនាំយកទីតាំងយោធារបស់សាធារណៈរដ្ឋកុងហ្គោ ឲ្យខិតទៅកាន់តែជិតជំរំជនភៀសខ្លួននៅជិតទីក្រុង Goma ធ្វើឱ្យសកម្មភាពឧក្រិដ្ឋកម្មកាន់តែខ្លាំងឡើង និងបណ្តាលឲ្យប្រជាជនងាយរងគ្រោះភៀសខ្លួនកាន់តែច្រើនថែមទៀត ។ដែនដី រុតស៊ូរូ (Rutshuru) និងម៉ាស៊ីស៊ី( Masisi) បច្ចុប្បន្នកំពុងទទួលរងនូវផលវិបាកធ្ងន់ធ្ងរបំផុតក្នុងជម្លោះនេះ។

អ៊ុយក្រែននិយាយថា រុស្ស៊ីកំពុងបង្កើនការប្រើប្រាស់ឧស្ម័នបង្ហៀរទឹកភ្នែកដោយខុសច្បាប់

2024/04/18 11:29:08 am        215
Facebook Telegram Linkin
យោធាអ៊ុយក្រែន កំពុងធ្វើសមយុទ្ធអាវុធគីមី ខណៈក្រុមនេះនិយាយថា រុស្ស៊ីកំពុងបង្កើនការប្រើប្រាស់ដោយខុសច្បាប់នៃភ្នាក់ងារបង្ក្រាបកុបកម្មនៅសមរភូមិមុខ ដើម្បីបោសសម្អាតលេណដ្ឋាន។ ទាហានថ្មើរជើងម្នាក់ និយាយថា យានដ្រូនមួយគ្រឿង បានទម្លាក់គ្រាប់បែកឧស្ម័នបង្ហៀរទឹកភ្នែកមកលើលេណដ្ឋានរបស់លោកនៅសមរភូមិភាគខាងកើត ប៉ុន្តែលោកមិនបានរងគ្រោះខ្លាំងពីគ្រាប់បែកនោះទេ ព្រោះលោកបានពាក់របាំងការពារឧស្ម័នយ៉ាងឆាប់រហ័ស។វាមិនគ្រោះថ្នាក់ទេ ប៉ុន្តែវារំខាននិងធ្វើឲ្យយើងដួល។ វាធ្វើឱ្យមានការលំបាកក្នុងការអនុវត្តភារកិច្ចរបស់យើងនៅពេលដែលយើងបានស្រូបឧស្ម័នបង្ហៀរទេកភ្នែក។ រយៈពេលជាងពីរឆ្នាំ ចាប់តាំងពីការវាយលុកពេញលេញរបស់ខ្លួន កងកម្លាំងរុស្ស៊ី កំពុងរុលចូលទៅមុខបន្តិចម្តងៗ។ ទីក្រុងគីវ បានកត់ត្រាការប្រើប្រាស់ភ្នាក់ងារបង្ក្រាបកុបកម្មប្រហែល៩០០នាក់ដោយប្រទេសរុស្ស៊ីក្នុង រយៈពេលប្រាំមួយខែកន្លងទៅនេះ ចំនួននេះកើនឡើងជារៀងរាល់ខែ នេះបើយោងតាមលោក សឺហ៊ី ប៉ាកខុំម៉ូវ(Serhii Pakhomov) ប្រធានស្តីទីនៃកងកម្លាំងការពារអាវុធបរមាណូ ជីវសាស្ត្រ និងអាវុធគីមីរបស់អ៊ុយក្រែន។លោកនិយាយថា ទាហាន ៥០០នាក់ ត្រូវការ ការថែទាំសុខភាពបន្ទាប់ពីរងផលប៉ះពាល់ ហើយយ៉ាងហោចណាស់មនុស្សម្នាក់បានស្លាប់ បន្ទាប់ពីថប់ដង្ហើមដោយសារតែឧស្ម័នបង្ហៀរទឹកភ្នែក។ អនុសញ្ញាអាវុធគីមីអន្តរជាតិ បានហាមប្រាមការប្រើប្រាស់ភ្នាក់ងារដូចជាឧស្ម័នបង្ហៀរទឹកភ្នែក នៅលើសមរភូមិ។ ទាំងរុស្ស៊ី និងអ៊ុយក្រែនគឺជាប្រទេសហត្ថលេខីនៃអនុសញ្ញានេះ។លោក Lennie Phillips គឺជាអ្នកស្រាវជ្រាវជាន់ខ្ពស់ផ្នែកអាវុធគីមីនៅវិទ្យាស្ថាន Royal United Services ក្នុងប្រទេសអង់គ្លេស និយាយថា ការប្រើប្រាស់ភ្នាក់ងារនេះត្រូវបានផ្សព្វផ្សាយនៅលើទូរទស្សន៍រុស្ស៊ី។

បណ្ដាញសង្គម

ព័ត៌មានថ្មីៗ

អាមេរិកប្រាប់អឺរ៉ុប និងកាណាដាឱ្យបង្កើនកងកម្លាំងអាកាស និងជើងទឹករបស់ណាតូ ខណៈទីក្រុងវ៉ាស៊ីនតោនកាត់បន្ថយការចំណាយ
06/04/2026 09:06 AM
Facebook Telegram Linkin
ក្រុមហេសបូឡា បាញ់រ៉ុក្កែតទៅលើអ៊ីស្រាអែល ជាការសាកល្បងកិច្ចព្រមព្រៀងសម្របសម្រួលដោយអាមេរិក
06/04/2026 09:06 AM
Facebook Telegram Linkin
លោក Netanyahu និយាយសម្រាលពីជម្លោះជាមួយលោក Trump ដោយមេដឹកនាំទាំងពីរយល់ស្របលើការរំសាយអាវុធក្រុមហេសបូឡា
06/04/2026 09:06 AM
Facebook Telegram Linkin
លោក គីម ជុងអ៊ុន មេដឹកនាំកូរ៉េខាងជើង ប្តេជ្ញាថានឹងបង្កើនទ្វេដងកងកម្លាំងនុយក្លេអ៊ែរ
06/04/2026 09:06 AM
Facebook Telegram Linkin
អ៊ីស្រាអែល និងលីបង់ យល់ព្រមអនុវត្តបទឈប់បាញ់ អាស្រ័យលើការបញ្ឈប់ការវាយប្រហាររបស់ក្រុមហេសបូឡា
06/04/2026 09:06 AM
Facebook Telegram Linkin
ក្នុងរយៈពេល៥ខែដើមឆ្នាំ២០២៦ ក្រសួងបរិស្ថានបានចុះល្បាត និងបង្រ្កាបបទល្មើសធនធានធម្មជាតិបានចំនួន ៨៩៦ករណី និងបានឃាត់ខ្លួនជនល្មើសបញ្ជូនទៅតុលាការចំនួន៤៣នាក់
06/04/2026 09:06 AM
Facebook Telegram Linkin
អ្នកជំនាញការអាដហុកអាយស៊ីស៊ីអង្គរ-សំបូរព្រៃគុក បន្តចុះពិនិត្យការដ្ឋានជួសជុលមួយចំនួន នៅអតីតរាជធានី ក្រុងអង្គរធំ
06/04/2026 08:06 AM
Facebook Telegram Linkin
រដ្ឋមន្ត្រីការបរទេសអ៊ីរ៉ងថាការចរចាគ្មានមានវឌ្ឍនភាព តែលោក Trump ថាកិច្ចព្រមព្រៀងជិតដល់ហើយ
06/04/2026 08:06 AM
Facebook Telegram Linkin
កម្ពុជាប្តេជ្ញាចិត្តក្នុងការធ្វើការជិតស្និទ្ធជាមួយប្រទេសសមាជិកអាស៊ាន និងសហរដ្ឋអាម៉េរិកដើម្បីលើកកម្ពស់ភាពជាដៃគូ និងផលប្រយោជន៍រួម
06/04/2026 08:06 AM
Facebook Telegram Linkin
អាល្លឺម៉ង់គាំទ្រកម្ពុជាលើវិធីសាស្ត្រដោះស្រាយជម្លោះព្រំដែនដោយសន្តិវិធី ខណៈសភាទាំងពីរប្តេជ្ញាពង្រីកកិច្ចសហប្រតិបត្តិការឱ្យកាន់តែស៊ីជម្រៅ តាមរយៈការផ្លាស់ប្ដូរទស្សនកិច្ចទៅវិញទៅមក
06/04/2026 07:06 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.