BTV NEWS

ឃាត់ខ្លួនជនពាក់ព័ន្ធ Online Scams ជាង ៦៥០នាក់ នៅបាវិត ភាគច្រើនជាជនបរទេស

ជនជាតិវៀតណាមសរុប ៣៤នាក់ ត្រូវបានបណ្តេញចេញពីកម្ពុជា តាមប៉ុស្តិ៍នគរបាលច្រកទ្វារព្រំដែនអន្តរជាតិបាវិត ខេត្តស្វាយរៀង

កាស៊ីណូ ស៊ីលវើរ ស្តារនៅក្រុងបាវិតត្រូវបានព្យួរអាជ្ញាប័ណ្ណបន្ទាប់ពី រកឃើញមានជាប់ពាក់ព័ន្ធនឹងការឆបោកតាមប្រព័ន្ធបច្ចេកវិទ្យា

ឃាត់ខ្លួនជនបរទេសជាង១០០នាក់ ពាក់ព័ន្ធការឆបោកតាមប្រព័ន្ធបច្ចេកវិទ្យា ក្នុងអគារខនដូរ១កន្លែង នៅសង្កាត់បឹងសាឡាង ខណ្ឌទួលគោក

សន្តិសុខ និង សង្គម

ការតវ៉ារបស់ក្រុមអ្នកបើករថយន្តក្រុងនៅទីក្រុងសេអ៊ូល បានបញ្ចប់ក្រោយរដ្ឋាភិបាលយល់ព្រមដំឡើងប្រាក់ខែ

ក្រុមអ្នកបើកបររថយន្តក្រុងនៅក្នុងទីក្រុងសេអ៊ូល បានបញ្ចប់ការតវ៉ារយៈពេលមួយម៉ោង កាលពីថ្ងៃទី២៨មីនា បន្ទាប់ពីកិច្ចព្រមព្រៀងមួយ ត្រូវបានសម្រេច រវាងសហជីពរថយន្តក្រុងរបស់រដ្ឋធានីកូរ៉េខាងត្បូង និងបុគ្គលិករបស់ខ្លួន ស្ដីពីការដំឡើងប្រាក់ឈ្នួល ហើយការបញ្ចប់កូដកម្មនេះ បានធ្វើឲ្យចរាចរណ៍រដ្ឋក្នុងរដ្ឋធានីមានប្រជាជនជាង៩លាននាក់ បានធូរស្រាលឡើងវិញ។ រដ្ឋាភិបាលក្រុងសេអ៊ូល បាននិយាយថា សហជីពការងាររថយន្តក្រុងសេអ៊ូល និងបុគ្គលិក របស់ខ្លួន បានព្រមព្រៀងដំឡើងប្រាក់ឈ្នួល៤,៤៨% បន្ទាប់ពីការចរចា ទន្ទឹមនឹងប្រតិបត្តិការដឹកជញ្ជូនសាធារណៈបានត្រឡប់ទៅរកសភាពដើមវិញក្រោយការព្រមព្រៀង។ ដើមឡើយក្រុមសហជីព បានស្នើឲ្យមានការដំឡើងប្រាក់ខែជិត១៣% ។ កូដកម្មទ្រង់ទ្រាយធំ ធ្វើឡើងដោយក្រុមអ្នកបើកបររថយន្តក្រុងរបស់រដ្ឋធានីនេះ គឺជាលើកដំបូងក្នុងយៈពេល១២ឆ្នាំ ។ រថយន្តក្រុងនៅក្នុងរដ្ឋធានីសេអ៊ូល ត្រូវបានប្រតិបត្តិការលើប្រព័ន្ធដឹកជញ្ជូនសាធារណៈជាអ្វីដែលបណ្ដាក្រុមហ៊ុនឯកជនគ្រប់គ្រងរថយន្តក្រុង ខណៈបង្កើតធនបម្រុងដ៏ច្រើន និងត្រូវបានត្រួតពិនិត្យដោយរដ្ឋបាលក្រុងរបស់រដ្ឋធានីសេអ៊ូល ដើម្បីធានាការផ្ដល់ជូនសេវាដល់ប្រជាពលរដ្ឋ។ មុនពេលឈានដល់កិច្ចព្រមព្រៀង អភិបាលក្រុងសេអ៊ូល លោក Oh Se-hoon បានសន្យាឲ្យមានការសម្របសម្រួលភ្លាមៗ។ លោកថា រថយន្តក្រុងទាំងនោះគឺជាជើងរបស់ប្រជាពលរដ្ឋ ជីវិតរស់នៅប្រចាំថ្ងៃរបស់ពួកគេ ពិតជា ពឹងផ្អែកលើរថយន្តក្រុងទាំងអស់នោះជាចាំបាច់។ កូរ៉េខាងត្បូង ក៏កំពុងជួបប្រទះផងដែរនូវការតវ៉ាដែលនៅតែបន្តពីសំណាក់ក្រុមវេជ្ជបណ្ឌិត ខណៈ ក្រុមគ្រូពេទ្យកំពុងហាត់ការរាប់ពាន់នាក់ បានដើរចេញពីការងារប្រឆាំងទៅនឹងផែនការរដ្ឋាភិបាលក្នុងការបង្កើនចំនួននិស្សិតពេទ្យចូលរៀននៅសាលាពេទ្យ៕

សហគមន៍រដ្ឋ Kaduna ស្វាគមន៍សិស្សសាលានីហ្សេរីយ៉ា ដែលត្រូវបានរំដោះមកវិញ

សិស្សសាលានៅប្រទេសនីហ្សេរីយ៉ា ជាង ១០០នាក់ ដែលត្រូវបានចាប់ពង្រត់ ត្រូវបានស្វាគមន៍ការត្រឡប់មកលំនៅឋានវិញ ដោយសហគមន៍មូលដ្ឋានរបស់ពួកគេនៅក្នុងរដ្ឋ Kaduna ភាគពាយ័ព្យ កាលពីថ្ងៃព្រហស្បតិ៍ បន្ទាប់ពីត្រូវបានរំដោះដោយកងទ័ព។ ហ្វូងមនុស្សដ៏ច្រើន បានមកប្រមូលផ្តុំគ្នានៅក្នុងទីក្រុង Kuriga ដើម្បីសាទរការវិលត្រឡប់មកវិញរបស់ពួកគេ។យោធាបាននិយាយថា កងទ័ពប្រទេសនីហ្សេរីយ៉ា កាលពីថ្ងៃអាទិត្យ ទី២៤ ខែ មីនា បានជួយសង្គ្រោះសិស្សសាលា និងបុគ្គលិក ដែលត្រូវបានចាប់ពង្រត់ដោយខ្មាន់កាំភ្លើងពីសាលារៀនមួយកន្លែងនៅភាគខាងជើងរបស់ប្រទេសកាលពីដើមខែនេះ ខណៈការរំដោះនៃធ្វើឡើងប៉ុន្មានថ្ងៃមុនថ្ងៃកំណត់ដើម្បីបង់ប្រាក់លោះចំនួន៦៩០.០០០ដុល្លារ។ កាលពីថ្ងៃច័ន្ទ ទី២៥ ខែមីនា សិស្សសាលាដែលត្រូវបានដោះលែង បានមកដល់វិមានរដ្ឋាភិបាលរដ្ឋ មួយថ្ងៃបន្ទាប់ពីការរំដោះរបស់ពួកគេត្រូវបានប្រកាស។ការចាប់ពង្រត់សិស្ស ចំនួន២៨៧នាក់ កាលពីថ្ងៃទី ៧ ខែមីនា នៅក្រុង Kuriga គឺជាការចាប់ពង្រត់ទ្រង់ទ្រាយធំលើកដំបូងនៅក្នុងប្រទេសដែលមានប្រជាជនច្រើនបំផុតនៅទ្វីបអាហ្រ្វិក ចាប់តាំងពីឆ្នាំ ២០២១មក ដែលនៅឆ្នាំនោះសិស្សជាង ១៥០នាក់ ត្រូវបានគេចាប់ពង្រត់ពីវិសាលាទ្យាល័យមួយកន្លែងក្នុងទីក្រុង Kaduna។ការចាប់ពង្រត់សិស្សសាលា នៅក្នុងប្រទេសនីហ្សេរីយ៉ា បានចាប់ផ្តើមជាងមួយទសវត្សរ៍មកហើយ នៅពេលដែលក្រុមជីហាដ Boko Haram បានចាប់ពង្រត់ក្មេងស្រីចំនួន ២៧៦នាក់ ពីសាលារៀនមួយក្នុងទីក្រុង Chibok នៅភាគឦសានរដ្ឋ Borno ហើយរហូតមកដល់ពេលនេះក្មេងស្រីមួយចំនួននៅមិនទាន់ត្រូវបានដោះលែងនៅឡើយ។ការចាប់ពង្រត់ធ្វើឡើងដោយក្រុមជនអន្ធពាលឧក្រិដ្ឋជន ទាមទារប្រាក់លោះ បានក្លាយទៅជារឿងស្ទើរតែរាល់ថ្ងៃ ជាពិសេសនៅភាគខាងជើងប្រទេសនីហ្សេរីយ៉ា ដោយក្រុមគ្រួសារ និងសហគមន៍ ត្រូវតែសន្សំប្រាក់ដើម្បីបង់ប្រាក់លោះ ដែលជារឿយៗបង្ខំពួកគេឱ្យលក់ដីស្រែចំការ គោក្របី និងគ្រាប់ធញ្ញជាតិ ដើម្បីទទួលបានការដោះលែងមនុស្សជាទីស្រឡាញ់របស់ពួកគេ។

ប្រជាពលរដ្ឋហ្ស៊កដានី បន្តការតវ៉ាជិតស្ថានទូតរបស់អ៊ីស្រាអែល នៅក្នុងទីក្រុងអាម៉ង់

ពលរដ្ឋហ្ស៊កដានី រាប់រយនាក់នៅតែបន្តចេញតវ៉ានៅជិតស្ថានទូតរបស់ប្រទេសអ៊ីស្រាអែលនៅក្នុងរដ្ឋធានីអាម៉ង់ (Amman) កាលពីថ្ងៃព្រហស្បតិ៍ទី២៨មីនា បង្ហាញការគាំទ្រដល់ប្រជាពលរដ្ឋប៉ាឡេស្ទីននៅតំបន់ហ្កាហ្សា។ ក្រុមអ្នកតវ៉ា បានស្រែកពាក្យស្លោក កាន់បដា និង ក្រវីទង់ជាតិប៉ាឡេស្ទីន និងហ្ស៊កដានី អំឡុងតវ៉ាប្រឆាំង សន្ធិសញ្ញាសន្តិភាពរបស់ប្រទេសហ្ស៊កដានី ជាមួយអ៊ីស្រាអែល។ សន្ធិសញ្ញាសន្តិភាពរបស់ប្រទេសហ្ស៊កដានី ជាមួយអ៊ីស្រាអែល គឺគ្មានការគាំទ្រឲ្យបានទូលំទូលាយ ក្នុងចំណោម ប្រជាពលរដ្ឋជាច្រើន ដែលមើលឃើញថាជារឿងធម្មតា ប្រៀបដូចជាការក្បត់ចំពោះសិទ្ធិរបស់អ្នកស្នេហាជាតិប៉ាឡេស្ទីន។ ស្ថានទូតអ៊ីស្រាអែល ជាទីដែលក្រុមអ្នកបានប្រមូលផ្ដុំគ្នា បានក្លាយជាចំណុចក្ដៅរយៈយូរនៃការតវ៉ាប្រឆាំងអ៊ីស្រាអែល ចំពោះភាពវឹកវរនៅក្នុងតំបន់ហ្កាហ្សា និង ដែនដី ប៉ាឡេស្ទីនដែលត្រូវបានកាន់កាប់ដោយប្រទេសអ៊ីស្រាអែល។ កាលពីថ្ងៃចន្ទដើមសប្ដាហ៍នេះកងកម្លាំងនគរបាលបង្ក្រាបកុបកម្ម បានប៉ះទង្គិចគ្នាជាមួយក្រុមបាតុរអំឡុងហែរក្បួនតវ៉ាទៅកាន់ស្ថានទូតអ៊ីស្រាអែល ប្រចាំក្នុងរដ្ឋធានីអាម៉ង់ ។ កងទ័ពអ៊ីស្រាអែល បានបើកការវាយប្រហារតាមអាកាស និងបាញ់ផ្លោងក្នុងតំបន់ហ្កាហ្សា ឥតសំចៃដៃដែលបានសម្លាប់ពលរដ្ឋប៉ាឡេស្ទីនជាង៣២.០០០ នាក់៕

ការកើនឡើងនៃករណីជំងឺគ្រុនឈាមដ៏ច្រើននៅទ្វីបអាមេរិក បង្កឱ្យមានការប្រកាសអាសន្នបន្ទាន់

ប្រធានអង្គការសុខភាពទ្វីបអាមេរិក (PAHO) បាននិយាយកាលពីថ្ងៃព្រហស្បតិ៍ (២៨ មីនា) ថា ករណីជំងឺគ្រុនឈាមនៅអាមេរិក បានកើនឡើងខ្លាំងក្នុងរយៈពេល ៣ ខែដំបូងក្នុងឆ្នាំនេះ ដែលជាកំណើនបីដងនៃចំនួននៃការឆ្លងដែលត្រូវបានរាយការណ៍ក្នុងរយៈពេលដូចគ្នាកាលពីឆ្នាំមុន ដែលជាសញ្ញាប្រកាសអាសន្នសម្រាប់តំបន់រងហានិភ័យ។ប្រទេសប្រេស៊ីល អាហ្សង់ទីន និងប៉ារ៉ាហ្គាយ គឺជាប្រទេសដែលរងគ្រោះដោយជំងឺគ្រុនឈាមខ្លាំងបំផុត នៅក្នុងអ្វីដែលក្រុមមន្ត្រីទីភ្នាក់ងារ PAHO បានពណ៌នាថាអាចជាការផ្ទុះឡើងដ៏អាក្រក់បំផុតនៅក្នុងទ្វីបអាមេរិក រហូតមកដល់បច្ចុប្បន្នសម្រាប់ជំងឺមេរោគដែលឆ្លងដោយមូសខ្លានេះ។អង្គការសុខភាព PAHO ដែលជាទីភ្នាក់ងារអង្គការសហប្រជាជាតិ បានបញ្ជាក់ពីករណីជំងឺគ្រុនឈាមជាង ៣,៥ លានករណី និងការស្លាប់ជាង ១.០០០ នាក់នៅឆ្នាំនេះ គិតត្រឹមខែមីនា នៅទូទាំងទ្វីបអាមេរិក។ ប្រជាជនប្រហែល ៤ ពាន់លាននាក់ ឬប្រហែលពាក់កណ្តាលនៃចំនួនប្រជាជនពិភពលោក រស់នៅក្នុងតំបន់ដែលមានហានិភ័យនៃការឆ្លងជំងឺគ្រុនឈាម នេះបើយោងតាមទិន្នន័យពីមជ្ឈមណ្ឌលគ្រប់គ្រង និងការពារជំងឺរបស់សហរដ្ឋអាមេរិក។រោគសញ្ញានៃជំងឺគ្រុនឈាមរួមមាន គ្រុនក្តៅ ឈឺក្បាល ក្អួតចង្អោរ កន្ទួលលើស្បែក ក៏ដូចជាការឈឺចាប់សាច់ដុំ និងសន្លាក់។ ករណីគ្រុនឈាមភាគច្រើនត្រូវបានគេឃើញជាធម្មតានៅចន្លោះខែកុម្ភៈ និងឧសភា ដែលជាចុងខែរដូវក្តៅរបស់អឌ្ឍគោលខាងត្បូង៕

អ្នកបើកកប៉ាល់ បានប្រើវិទ្យុទាក់ទងស្នើសុំជំនួយពីទូកអូស មុនពេលកប៉ាល់បុកស្ពាន បាល់ទីម័រ

អ្នកបើកកប៉ាល់ដឹកទំនិញ ដាលី ដែលបានបុកស្ពានផ្លូវហាយវេមួយចូលទៅក្នុងកំពង់ផែក្រុង បាល់ទីម័រ (Baltimore) របស់អាមេរិក បានប្រើវិទ្យុទាក់ទងស្នើសុំជំនួយទូកអូស ហើយរាយការណ៍ពីការបាត់បង់ថាមពលនៅលើនាវាប៉ុន្មាននាទីមុនហេតុការណ៍បុកកើតឡើង នេះបើយោងតាមក្រុមមន្ត្រីសុវត្ថិភាពសហព័ន្ធបាននិយាយកាលពីថ្ងៃពុធ (២៧ មីនា) ដោយសំអាងដល់សំឡេងពីឧបករណ៍ថតទិន្នន័យ «ប្រអប់ខ្មៅ» របស់កប៉ាល់។ប្រធានក្រុមប្រឹក្សាសុវត្ថិភាពដឹកជញ្ជូនជាតិក៏បាននិយាយផងដែរថាស្ពាន ហ្រ្វង់ស៊ីស ស្កុត ឃី (Francis Scott Key) ដែលជាសរសៃឈាមចរាចរលើកំពង់ផែដែលត្រូវបានសាងសង់ក្នុងឆ្នាំ ១៩៧៦ ខ្វះខាតរចនាសម្ព័ន្ធវិស្វកម្ម ដែលធ្វើឱ្យស្ពាននេះកាន់តែងាយរងគ្រោះបង្កជាការដួលរលំដ៏មហន្តរាយ។ការយល់ដឹងថ្មីអំពីគ្រោះមហន្តរាយដ៏ធ្ងន់ធ្ងរនេះបានកើតឡើងរយៈពេលមួយថ្ងៃបន្ទាប់ពីកប៉ាល់ដឹកទូកុងតឺន័រដ៏ធំរបស់សិង្ហបុរី ឈ្មោះ ដាលី (Dali) បានបើកចេញពីកំពង់ផែ បាល់ទីម័រ ឆ្ពោះទៅប្រទេសស្រីលង្កា បានរាយការណ៍ថាបាត់បង់ថាមពល និងសមត្ថភាពក្នុងការធ្វើដំណើរ មុនពេលបុកបង្គោលជំនួយនៃស្ពាន។ផលប៉ះពាល់បាននាំឱ្យផ្នែកភាគច្រើននៃស្ពានបានបាក់ធ្លាក់ចូលទៅក្នុងទន្លេ ផាថាបស្កូ (Patapsco) ស្ទើរតែភ្លាមៗ ដោយបានកាត់ផ្ដាច់ផ្លូវដឹកជញ្ជូន និងបង្ខំឱ្យបិទដោយគ្មានកំណត់នៃច្រកកំពង់ផែ បាល់ទីម័រ ដែលជាច្រកដ៏មមាញឹកបំផុតមួយនៅលើឆ្នេរសមុទ្រភាគខាងកើតរបស់សហរដ្ឋអាមេរិក៕

ប្រទេសកាណាដា បញ្ជូនឧទ្ធម្ភាគចក្រទៅកាន់ស្ថានទូតនៅហៃទី ដើម្បីជម្លៀសបុគ្គលិក

ប្រទេសកាណាដា បានបញ្ជូនឧទ្ធម្ភាគចក្រទៅកាន់ស្ថានទូតរបស់ខ្លួននៅក្នុងទីក្រុង ព័រ អូប្រាំង កាលពីថ្ងៃព្រហស្បតិ៍ ដើម្បីជម្លៀសប្រជាជនកាណាដា ដែលមានបំណងចង់ចាកចេញពីប្រទេសហៃទី ខណៈអំពើហិង្សារបស់ក្រុមជនអន្ធពាលរាលដាលកាន់តែខ្លាំង។ ឧទ្ធម្ភាគចក្រមួយគ្រឿង ត្រូវបានគេមើលឃើញចុះចតនៅស្ថានទូតកាណាដា ខណៈមានទាហានជាច្រើនការពារនៅអគារនោះ។ការចាកចេញរបស់ជនបរទេសពីប្រទេសហៃទី បានកើនឡើងនាពេលថ្មីៗនេះ ខណៈអនាគតនយោបាយរបស់ប្រទេសនេះ ស្ថិតក្នុងភាពមិនប្រាកដប្រជា ដោយក្រុមជនអន្ធពាលប្រដាប់អាវុធ បានពង្រីកការគ្រប់គ្រងរបស់ពួកគេនៅរដ្ឋធានី និងនៅតំបន់ដាច់ស្រយាល។ជម្លោះនៅក្នុងប្រទេសហៃទី បានសម្លាប់មនុស្សរាប់ពាន់នាក់ និងរាប់សែននាក់ទៀតរត់ភៀសខ្លួន។ ការវាយប្រហារជាបន្តបន្ទាប់ក្នុងខែនេះ រួមមានការវាយឆ្មក់ទៅលើប៉ុស្តិ៍នគរបាល និងអាកាសយានដ្ឋានអន្តរជាតិ បាននាំទៅដល់ការផ្អាកជើងហោះហើរពាណិជ្ជកម្ម។ប្រទេសកាណាដា បាននិយាយកាលពីថ្ងៃចន្ទថា ដំបូងឡើយ ខ្លួននឹងសម្របសម្រួលការធ្វើដំណើរទៅកាន់សាធារណរដ្ឋដូមីនីក ដែលបែងចែកកោះ ហ៊ីស្បានីអូឡា(Hispaniola) ជាមួយប្រទេសហៃទី សម្រាប់ប្រជាជនកាណាដាដែលងាយរងគ្រោះ ដូចជាអ្នកទាំងឡាយណាដែលត្រូវការការថែទាំសុខភាព ឬអ្នកដែលមានកូន។ប្រជាជនកាណាដាប្រហែល ៣០ នាក់ ដែលត្រៀមខ្លួនធ្វើដំណើរដោយមានឯកសារចាំបាច់ រហូតមកដល់ពេលនេះបានចាកចេញ។រដ្ឋាភិបាលប្រទេសកាណាដា កំពុងធ្វើការលើជម្រើសនៃការចាកចេញផ្សេងៗទៀតសម្រាប់សមាជិកគ្រួសាររបស់ពលរដ្ឋកាណាដា និងអ្នករស់នៅអចិន្ត្រៃយ៍។

តុលាការ ICJ បញ្ជាឱ្យអ៊ីស្រាអែល បញ្ឈប់ទុរ្ភិក្សនៅហ្កាហ្សា ខណៈក្រុមហាម៉ាស ត្រូវការបទឈប់បាញ់

តុលាការពិភពលោកកាលពីថ្ងៃព្រហស្បតិ៍ (២៨ មីនា) បានបញ្ជាជាឯកច្ឆ័ន្ទឱ្យអ៊ីស្រាអែល ដែលត្រូវបានចោទប្រកាន់ដោយអាហ្វ្រិកខាងត្បូង ពីបទប្រល័យពូជសាសន៍នៅតំបន់ហ្កាហ្សា ត្រូវចាត់វិធានការចាំបាច់ និងមានប្រសិទ្ធភាពទាំងអស់ ដើម្បីធានាការផ្គត់ផ្គង់ស្បៀងជាមូលដ្ឋានដល់ប្រជាជនប៉ាឡេស្ទីននៃតំបន់ហ៊ុមព័ទ្ធ និងបញ្ឈប់ការរីករាលដាលទុរ្ភិក្ស។ ប៉ុន្តែក្រុមហាម៉ាស ដែលប់គ្រងនៅតំបន់ហ្កាហ្សាបាននិយាយថា បទឈប់បាញ់មួយ គឺចាំបាច់ដើម្បីបញ្ឈប់វិបត្តិមនុស្សធម៌។បញ្ជាពីតុលាការយុត្តិធម៌អន្តរជាតិ ICJ នេះបានកើតឡើងនៅពេលដែលកងកម្លាំងអ៊ីស្រាអែល និងក្រុមយុទ្ធជនប៉ាឡេស្ទីន បានប្រយុទ្ធគ្នាយ៉ាងស្និទ្ធស្វាញជុំវិញមន្ទីរពេទ្យ អាល់ ស៊ីហ្វា (Al Shifa) នៃតំបន់ហ្កាហ្សា ជាទីដែលក្រុមហាម៉ាស និងក្រុមអ៊ីស្លាមជីហាដបាននិយាយថា ពួកគេបានវាយប្រហារទាហាន និងរថក្រោះអ៊ីស្រាអែលដោយគ្រាប់រ៉ូកែត និងកាំភ្លើងត្បាល់។ចៅក្រមនៅតុលាការបាននិយាយថា ប្រជាជននៅតំបន់ហ៊ុមព័ទ្ធមាត់សមុទ្រនេះប្រឈមនឹងស្ថានភាពកាន់តែអាក្រក់។ វិធានការថ្មីនេះត្រូវបានស្នើដោយប្រទេសអាហ្វ្រិកខាងត្បូង ជាផ្នែកមួយនៃបណ្ដឹងរបស់ខ្លួនដែលចោទប្រកាន់អ៊ីស្រាអែល ពីអំពើប្រល័យពូជសាសន៍ដឹកនាំដោយរដ្ឋនៅក្នុងតំបន់ហ្កាហ្សា។មន្ត្រីជាន់ខ្ពស់ក្រុមហាម៉ាស លោក បាសេម ណេម (Basem Naim) បាននិយាយថា សេចក្តីសម្រេចពីតុលាការនោះមិនដំណើរការបានគ្រប់គ្រាន់ទេ ហើយអ៊ីស្រាអែល ត្រូវតែទទួលបានបញ្ជាឱ្យបញ្ចប់ការវាយលុកយោធារបស់ខ្លួន ដើម្បីបញ្ឈប់ការរងទុក្ខវេទនា៕

ក្រសួងដឹកជញ្ជូន៖ គ្រោះថ្នាក់រថយន្តក្រុងនៅអាហ្វ្រិកខាងត្បូងបណ្តាលឲ្យមនុស្ស ៤៥នាក់ស្លាប់

ក្រសួងដឹកជញ្ជូនរបស់ប្រទេសអាហ្រ្វិកខាងត្បូង បាននិយាយថា ឧបទ្ទវហេតុរថយន្តក្រុងនៅជិត ក្រុង Mamatlakala ក្នុងខេត្ត Limpopo ភាគខាងជើងប្រទេស បានបណ្តាលឱ្យមនុស្សយ៉ាងហោចណាស់ ៤៥ នាក់ស្លាប់ និងម្នាក់រងរបួសធ្ងន់។យោងតាមសេចក្រីថ្លែងការណ៍បានឲ្យដឹងថា ក្រសួងបានចោទប្រកាន់ថា អ្នកបើកបរបានបាត់បង់ការគ្រប់គ្រង ហើយបានបុករបាំងថ្មលើស្ពាន បណ្តាលឱ្យរថយន្តក្រុងឡើងលើស្ពាន ហើយបានធ្លាក់ចុះមកដី និងបានឆាបឆេះ ។សេចក្តីថ្លែងការណ៍បាននិយាយថា រថយន្តក្រុងដឹកអ្នកដំណើរ កំពុងដឹកជញ្ជូនមនុស្សពីប្រទេស បូស្វាណា ជាប្រទេសនៅអាហ្វ្រិកខាងត្បូង ទៅកាន់ទីក្រុង Moria ជាទីក្រុងក្នុងខេត្ត Limpopo ។នាយកដ្ឋានដឹកជញ្ជូនរបស់ខេត្ត Limpopo បាននិយាយនៅក្នុងសេចក្តីថ្លែងការណ៍ដាច់ដោយឡែកមួយថា ប្រតិបត្តិការជួយសង្គ្រោះ បានបន្តរហូតដល់ល្ងាចថ្ងៃព្រហស្បត្តិ៍ ខណៈសាកសពមួយចំនួនត្រូវបានឆេះរោលពុំអាចចំណាំបាន ហើយមួយចំនួនទៀតជាប់នៅក្នុងកម្ទេចកម្ទី និងរាយប៉ាយនៅកន្លែងកើតហេតុ។

ការខាតបង់ធានារ៉ាប់រងសម្រាប់ការបាក់ស្ពាននៅសហរដ្ឋអាមេរិកអាចឡើងដល់ ៣ ពាន់លានដុល្លារ

ប្រធានក្រុមហ៊ុនធានារ៉ាប់រងរបស់អង់គ្លេសបាននិយាយថា ការបាក់ស្ពាន ហ្វ្រង់ស៊ីស ស្កុតឃី( Francis Scott Key Bridge) នៅក្នុងទីក្រុង បាល់ទីម័រ (Baltimore) របស់សហរដ្ឋអាមេរិក នឹងបណ្តាលឱ្យមានការខាតបង់ធានារ៉ាប់រងលើសមុទ្រដ៍ធំធេងបំផុតមិនធ្លាប់មាន។មនុស្ស ៦ នាក់ត្រូវបានគេសន្មត់ថាបានស្លាប់បន្ទាប់ពីនាវដឹកទូកុងតឺន័រមួយបានបើកបុកស្ពានហើយក្រុមអ្នកមុជទឹកបានរកឃើញសាកសពពីរនាក់។កាលពីព្រឹកថ្ងៃអង្គារទី២៦មីនា សប្ដាហ៍នេះ ស្ពានដែលមានប្រវែង១,៥ម៉ាយល៍នៅក្នុងរដ្ឋម៉ារីលែន បានបាក់ បន្ទាប់ពីនាវាដឹកទំនិញ ធ្វើដំណើរទៅកាន់ប្រទេសស្រី លង្កា បានបុកបង្គោលស្ពានថ្មបេតុង។ក្រុមអ្នកជំនាញនិយាយថា ការខូចខាតអាចមានតម្លៃដល់ទៅ ៣ ពាន់លានដុល្លារ ឬស្មើ២,៣ពាន់លានអឺរ៉ូ។លោក ចន នីល (John Neal) នាយកប្រតិបត្តិក្រុមហ៊ុនធានារ៉ាប់រ៉ង ឡតស៍(Lloyd's)របស់ទីក្រុងឡុងដ៍្របាននិយាយថា លោកនឹងនិយាយថា ព្រឹត្តិការណ៍បាក់ស្ពានក្នុងរដ្ឋម៉ារីលែន នៅសហរដ្ឋអាមេរិក នេះ ប្រាកដណាស់ថា នឹងក្លាយជាការខាតបង់ដ៏ធំធេងបំផុតមួយនៅសមុទ្រក្នុងប្រវត្តិសាស្ត្រ ។លោក Neal បានប្រាប់ទូរទស្សន៍ BBC ថា មានការសង្ស័យតិចតួច ឬគ្មានតែម្ដង។ ប៉ុន្តែតាមពិត ទៅដំណឹងល្អគឺ ថា ស្ពាននេះ ត្រូវបានធានារ៉ាប់រ៉ង។ប្រធានក្រុមហ៊ុនធានារ៉ាប់រ៉ងនេះ បាននិយាយថា កំពង់ផែ និងនាវា ដែលបានបុកស្ពាននោះក៏ត្រូវបានធានាដែរ។លោកបានបន្តថា ដូច្នេះតាមទស្សនៈផ្នែកហិរញ្ញវត្ថុ មានដំណើរការមួយដែលនឹងអនុញ្ញាតឲ្យមានការផ្តល់សំណងហិរញ្ញវត្ថុ និងសម្រាប់ការទាមទារដើម្បីទទួលបានការដោះស្រាយ៕

UN៖ អង្គការមនុស្សធម៌បង្កើនការព្រួយបារម្ភចំពោះការផ្ទុះឡើងជំងឺអាសន្នរោគនៅសូម៉ាលី

ក្រុមអង្គការមនុស្សធម៌របស់អង្គការសហប្រជាជាតិ បាននិយាយកាលពីថ្ងៃពុធថា ពួកគេមានការព្រួយបារម្ភអំពីការរាលដាលជំងឺអាសន្នរោគនៅក្នុងស្រុកជិតពាក់កណ្តាលនៃស្រុកចំនួន៧២របស់ប្រទេសសូម៉ាលី ក្នុងពេលមានការខ្វះខាតដូសវ៉ាក់សាំងខ្លាំង។ ការិយាល័យអង្គការសហប្រជាជាតិ សម្រាប់ការសម្របសម្រួលកិច្ចការមនុស្សធម៌ (OCHA) បាននិយាយថា មានករណីជិត ៤.៤០០ករណី និងអ្នកស្លាប់ចំនួន ៥៤នាក់ ត្រូវបានកត់ត្រា កាលពីសប្តាហ៍មុន គិតចាប់តាំងពីដើមឆ្នាំនេះ ដែលជាង ៦០ ភាគរយនៃអ្នកស្លាប់ ស្ថិតក្នុងចំណោមកុមារអាយុក្រោម ៥ ឆ្នាំ។ អង្គការ OCHA បាននិយាយថា វ៉ាក់សាំង ១,៤ លានដូស ដែលក្រុមសម្របសម្រួលអន្តរជាតិទទួលបន្ទុកការផ្តល់វ៉ាក់សាំង បានបែងចែកសម្រាប់ប្រទេសសូម៉ាលី ត្រូវបានគេរំពឹងថា នឹងទៅដល់ក្នុងពេលឆាប់ៗនេះ។ ប្រទេសសូម៉ាលី ស្ថិតក្នុងចំណោមប្រទេសដែលទទួលរងផលប៉ះពាល់ខ្លាំងបំផុតរួចទៅហើយដោយជំងឺអាសន្នរោគ។ អង្គការសុខភាពពិភពលោក (WHO) និយាយថា ការផ្ទុះឡើងនេះ ត្រូវបានគេរំពឹងថានឹងរាលដាលបន្ថែមទៀត រួមទាំងទៅកាន់តំបន់ដែលជំងឺនេះមិនត្រូវបានគេមើលឃើញក្នុងរយៈពេលប៉ុន្មានឆ្នាំកន្លងទៅនេះក្នុងអំឡុងរដូវវស្សាខាងមុខ ដែលត្រូវបានគេរំពឹងថានឹងកាន់តែធ្ងន់ធ្ងរជាងធម្មតា។ អង្គការ OCHA បាននិយាយថា អង្គការសហប្រជាជាតិ និងដៃគូមនុស្សធម៌របស់ខ្លួន កំពុងធ្វើការជាមួយអាជ្ញាធរសុខាភិបាលរបស់ប្រទេសសូម៉ាលី ដើម្បីបង្កើនកិច្ចខិតខំប្រឹងប្រែងត្រៀមបង្ការ និងឆ្លើយតប ស្របតាមផែនការសកម្មភាពរយៈពេល៦ខែ ដែលនឹងត្រូវការថវិកាជិត ៦ លានដុល្លារ។ ទោះយ៉ាងណាអង្គការ OCHA បាននិយាយថា ការផ្តល់មូលនិធិបន្ថែមគឺត្រូវការជាបន្ទាន់ ហើយផែនការឆ្លើយតបមនុស្សធម៌របស់ប្រទេសសូម៉ាលី នៅឆ្នាំនេះត្រូវបានផ្តល់មូលនិធិតិចជាង ១០ ភាគរយ មានត្រឹមតែជាង ១៥០លានដុល្លារអាមេរិកប៉ុណ្ណោះដែលបានទទួល ក្នុងចំនួនទឹកប្រាក់ដែលត្រូវការជិត ១,៦ពាន់លានដុល្លារ ។

បណ្ដាញសង្គម

ព័ត៌មានថ្មីៗ

កសិករនៅរដ្ឋ Punjab ដែលដុតកាកសំណល់កសិកម្មអះអាងថា ពួកគេគ្មានជម្រើសទេ បានជាធ្វើបែបនេះ

អង្គការជំនួយនីហ្សេរីយ៉ា ជួយក្មេងៗដែលរងការចោទប្រកាន់ថាចេះអំពើអាបធ្មប់ឲ្យកសាងជីវិតថ្មី

ពលរដ្ឋវេណេស៊ុយអេឡានិរទេសពីសហរដ្ឋអាមេរិកទៅកាន់ពន្ធនាគារអែល សាល់វ៉ាឌ័រ ក្លាយជាកម្មវត្ថុនៃការធ្វើទារុណកម្ម

ក្រុមអ្នកតាំងលំនៅនិគមន៍អ៊ីស្រាអែលដុតកម្ទេចព្រះវិហារមួយខ្នងនៅតំបន់វ៉េសប៊ែង

ស៊ីរីបើកស្ថានទូតឡើងវិញ នៅទីក្រុងឡុងដ្រ៍ ក្រោយបិទអស់រយៈពេលជាច្រើនឆ្នាំ

ឯកឧត្ដមទេសរដ្ឋមន្រ្តីលី ធុជ ៖ ចក្ខុវិស័យដឹកនាំរបស់សម្តេចធិបតី ហ៊ុន ម៉ាណែត ស្របគ្នាទៅនឹងចក្ខុវិស័យសហគមន៍អាស៊ានឆ្នាំ ២០៤៥ និង ចក្ខុវិស័យនៃភាពជាដៃគូយុទ្ធសាស្ត្ររវាងកម្ពុជា និងសាធារណរដ្ឋកូរ៉េ

អាល្លឺម៉ង់ព្រមព្រៀងបន្តអនុវត្តការបម្រើយោធាដោយស្ម័គ្រចិត្ត ក្រោយខ្វែងគំនិតគ្នាជាច្រើនសប្ដាហ៍

លោក Xi មិនខុសពីលោក Trump រំលងកិច្ចប្រជុំកំពូល G20 ជាផលប៉ះពាល់ដ៏ធំដល់អាហ្វ្រិកខាងត្បូង

អង់គ្លេសជ្រើសរើសតំបន់ North Wales ជាទីតាំងសម្រាប់ម៉ាស៊ីនរ៉េអាក់ទ័រនុយក្លេអ៊ែរខ្នាតតូច

ប៉ាគីស្ថាន៖ ជនបំផ្ទុះគ្រាប់បែកអត្តឃាតនៅទីក្រុងអ៊ីស្លាម៉ាបាដ និងស្រុក South Waziristan គឺជាជនជាតិអាហ្វហ្គានីស្ថាន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877