BTV NEWS

អាជ្ញាធរកម្ពុជាកំពុងសកម្មឈានទៅបំផ្លាញអង្គការចាត់តាំងឧក្រិដ្ឋកម្មគ្រឿងញៀន

សមត្ថកិច្ចចម្រុះរាជធានីភ្នំពេញឃាត់ខ្លួនជនជាតិកូរ៉េខាងត្បូង១០នាក់ ពាក់ព័ន្ធបទល្មើស Online Scam

អ្នកតាមដានព្រឹត្តិការណ៍សង្គម និងប្រជាពលរដ្ឋ កោតសរសើររាជរដ្ឋាភិបាលក្នុងការបោសសំអាតការឆបោកតាមអនឡាញ

កម្ពុជាសហការជាមួយបណ្តាប្រទេសជាដៃគូរបង្ក្រាបករណីដឹកជញ្ជូនគ្រឿងញៀនឆ្លងដែនក្នុងឆ្នាំ២០២៥ ទទួលបានលទ្ធផលល្អ

សន្តិសុខ និង សង្គម

រុស្ស៊ីវាយប្រហារលើហេដ្ឋារចនាសម្ព័ន្ធយោធាអ៊ុយក្រែន ជាច្រើនកន្លែង ខណៈអ៊ុយក្រែនស្ទាក់ចាប់បានយានដ្រូនរុស្ស៊ីជាច្រើនគ្រឿង

រុស្ស៊ីបាននិយាយកាលពីថ្ងៃសៅរ៍ថា កងទ័ពរបស់ខ្លួនបានធ្វើការវាយប្រហារ៣១លើកលើទីកន្លែងឧស្សាហកម្មយោធាអ៊ុយក្រែនជាច្រើនកន្លែងដោយប្រើប្រាស់អាវុធស៊ីបគោលដៅជាក់លាក់ជាកម្រិតខ្ពស់ និងយានដ្រូន ជាច្រើនគ្រឿងនៅក្នុងសប្ដាហ៍នេះចាប់ថ្ងៃទី៤កុម្ភៈមកម៉្លេះ ខណៈដែឡភាគីអ៊ុយក្រែនបានអះអាង នៅថ្ងៃជាមួយគ្នាថា កងទ័ពរបស់ខ្លួនបានស្ទាក់ចាប់យានដ្រូនរុស្ស៊ីជាច្រើនគ្រឿង។នៅក្នុងសេចក្ដីរាយការថ្មីៗស្ដីពីជម្លោះនេះ ក្រសួងការពារជាតិរុស្ស៊ី បាននិយាយថា ទីកន្លែងដែលបានតម្រង់គោលដៅវាយប្រហា រក្នុងនោះរួមមាន យន្ដហោះ យានដ្រូនកន្លែងផលិតនាវាគ្មានមនុស្សបើក និងសហគ្រាសថែរក្សា ប្រព័ន្ធមីស៊ីលកលយុទ្ធនិងទីកន្លែងឈរជើងបាញ់មីស៊ីលចហ្វូងផងដែរ។ខាងភាគីរុស្ស៊ីបាននិយាយថា កន្លែងដាក់ពង្រាយទ័ពអ៊ុយក្រែន ហើយនិងទ័ពស៊ីឈ្នួលបរទេសក៏ត្រូវ បានវាយប្រហារចំផងដែរ។ខណៈនេះ នាយអគ្គសេនាធិការកងទ័ពអ៊ុយក្រែន បាននិយាយថា មានការប៉ះទង្គិចគ្នា៨៧លើក នៅរយៈពេល២៤ម៉ោងកន្លងទៅនេះ ដោយគោលដៅតំរ៉ង់ទៅរក កន្លែងប្រូលផ្ដុំបុគ្គលិកយោធា អាវុធ តំបន់ប្រមូល សម្ភារៈសឹក មជ្ឈមណ្ឌុលបញ្ជាការ ហើយនិងឃ្លាំងស្ដុកគ្រាប់រំសេវរបស់រុស្ស៊ី។អ៊ុយក្រែនថែមទាំងបាននិយាយថា ខ្លូនបានចាប់យានដ្រូនបាន២៣គ្រឿងក្នុងចំណោមយានដ្រូន៣១គ្រៅងដែលបានចាប់ផ្ដើមបាញ់ដោយកងទ័ពរុស្ស៊ីនៅប៉ុន្មានម៉ោងមុនកាលពីថ្ងៃសៅរ៍។លោកអូលេ ស៊ីញីបូវ(Oleh Syniehubov) រដ្ឋបាលយោភូមិភាគខេត្ដខាគីវបាននិយាយនៅលើប្រព័ន្ធ ផ្សព្វផ្សាយបណ្ដាញសង្គមកាលពីថ្ងៃសៅរ៍ថា រុស្ស៊ីបានចាប់ផ្ដើមវាយប្រហារតាមអាកាសលើក្រុងខាគីវជាមួយនឹងយានដ្រូន១០គ្រឿងបណ្ដាលអោយមានភ្លើងឆេះដេប៉ូស្ដុកប្រេង១កន្លែង និងបានសម្លាប់មនុស្សអស់៧នាក់ក្នុងនោះមានក្មេង៣នាក់ផងដែរ៕

យប់មិញនគរបាលនៅភ្នំពេញ ឃាត់យានយន្តល្មើសបាន៩៤ គ្រឿង ក្នុងនោះល្មើសជាតិស្រវឹង ៦២ គ្រឿង

ភ្នំពេញ៖ នៅយប់នៅយប់ថ្ងៃទី១០ ខែកុម្ភៈ ឆ្នាំ២០២៤ តាមបណ្តាអធិការដ្ឋាននគរបាលខណ្ឌ នៃស្នងការដ្ឋាននគរបាលរាជធានី បានចុះអនុវត្តរឹតបន្តឹងច្បាប់ចរាចរណ៍ផ្លូវគោក និងត្រួតពិនិត្យជាតិអាល់កុល ក្នុងនោះបានឃាត់យានយន្តល្មើសបាន ៩៤ គ្រឿង ក្នុងនោះល្មើសជាតិស្រវឹង ៦២ គ្រឿង។ លទ្ធផលការអនុវត្តរឹតបន្តឹងច្បាប់ចរាចរណ៍ផ្លូវគោក និងត្រួតពិនិត្យជាតិអាល់កុលនេះ ធ្វើឡើងក្រោមការអនុវត្តតាមបទបញ្ជាផ្ទាល់ពី ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងមានការដឹកនាំត្រួតពិនិត្យអនុវត្តផ្ទាល់ពី ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ។ លទ្ធផលការអនុវត្តរឹតបន្តឹងច្បាប់ចរាចរណ៍ផ្លូវគោក និងត្រួតពិនិត្យជាតិអាល់កុលនេះ នៅយប់ថ្ងៃទី១០ ខែកុម្ភៈ ឆ្នាំ២០២៤ តាមបណ្តាអធិការដ្ឋាននគរបាលខណ្ឌ ក្នុងនោះបានឃាត់យានយន្តល្មើស ចំនួន៩៤គ្រឿង (រថយន្ត ចំនួន៣៦គ្រឿង, ម៉ូតូ ចំនួន៥៨គ្រឿង)។ ក្នុងនោះ ១.ល្មើសជាតិស្រវឹង ចំនួន៦២ គ្រឿងដែលមានកម្រិត ០.២៥ - ០.៣៩ mg/L ចំនួន ២៦ គ្រឿង។ ចំណែកអ្នកបើកបរម៉ូតូ ចំនួន ១៦ នាក់, អ្នកបើកបររថយន្ត ចំនួន ១០ នាក់ កម្រិត ០.៤០ mg/L ឡើង ចំនួន ៣៦ គ្រឿង។ អ្នកបើកបរម៉ូតូ ចំនួន ១៧ នាក់, អ្នកបើកបររថយន្ត ចំនួន ១៩ នាក់ រួមនឹងបទល្មើសផ្សេងៗ ចំនួន ៣២ គ្រឿង ក្នុងនោះ អត់មួកសុវត្ថិភាព ចំនួន ២៥ គ្រឿង, រថយន្តគ្មានប័ណ្ណបើកបរ ចំនួន៥ គ្រឿង, រថយន្តកែច្នៃខុសបច្ចេកទេស ចំនួន ១ គ្រឿង និងរថយន្តប័ណ្ណបើកបរហួសសុពលភាព ចំនួន១គ្រឿង៕

អ៊ីស្រាអែលចេញការព្រមានជាបន្តបន្ទាប់ ខណៈខ្លួនត្រៀមវាយប្រហារលើក្រុងរ៉ាហ្វាតំបន់ហ្កាហ្សា

អ៊ីស្រាអែលកំពុងប្រឈមនឹងការព្រមានពីអន្តរជាតិកាន់តែខ្លាំងឡើង ជុំវិញការវាយលុកដែលបានគ្រោងទុកលើទីក្រុងរ៉ាហ្វា(Rafah) ជាទីក្រុងនៅភាគខាងត្បូងហ្កាហ្សាប្រមូលផ្តុំដោយជនភៀសខ្លួនប៉ាឡេស្ទីន។ រដ្ឋមន្ត្រីការបរទេសអង់គ្លេសលោកដេវីដ កាមេរ៉ុន(David Cameron)បាននិយាយថា ជាងពាក់កណ្តាលនៃចំនួនប្រជាជននៅតំបន់ ហ្កាហ្សា កំពុងជ្រកកោននៅក្នុងតំបន់នេះ ខណៈរដ្ឋមន្ត្រីការបរទេស ហូឡង់លោកស្រី ហានកេ ប្រ៊ីន ស្លុត (Hanke Bruins Slot) បាននិយាយថា អាចមានជនស៊ីវិលស្លាប់ជាច្រើនទៀត។ អារ៉ាប៊ីសាអ៊ូឌីត បានព្រមានពីផលប៉ះពាល់យ៉ាងធ្ងន់ធ្ងរ ប្រសិនបើទីក្រុងរ៉ាហ្វានេះត្រូវបានវាយប្រហារ។របបដឹកនាំរបស់ក្រុមហាម៉ាស់នៅតំបន់ហ្កាហ្សាបាននិយាយថា អាចមានអ្នកស្លាប់ និងរបួសរាប់ម៉ឺននាក់ទៀត។ យោងតាមក្រសួងសុខាភិបាលគ្រប់គ្រងដោយក្រុមហាម៉ាស មនុស្សជាង២៧.៩០០នាក់ បានស្លាប់ និងយ៉ាងហោចណាស់ ៦៧.០០០នាក់បានរងរបួសនៅក្នុងតំបន់ហ្កាហ្សាចាប់តាំងពីពេលនោះមក។ ប្រជាពលរដ្ឋជាច្រើនបានសម្រុកទៅកាន់តំបន់រ៉ាហ្វា ដោយត្រូវបានបង្ខំឱ្យភៀសខ្លួនពីផ្ទះសម្បែងរបស់ពួកគេទៅកន្លែងផ្សេងទៀតយ៉ាងហោចណាស់ម្តង។ ការព្រមានកាលពីថ្ងៃសៅរ៍បានកើតឡើងមួយថ្ងៃបន្ទាប់ពីនាយករដ្ឋមន្ត្រីអ៊ីស្រាអែលលោក Benjamin Netanyahu បានបញ្ជាឱ្យយោធារបស់លោករៀបចំការជម្លៀសជនស៊ីវិលចេញពីទីក្រុងនេះ មុនពេលការវាយលុកកាន់តែខ្លាំងប្រឆាំងនឹងក្រុមហាម៉ាស។ ការិយាល័យរបស់លោក Netanyahu បាននិយាយថា វាមិនអាចទៅរួចទេក្នុងការសម្រេចគោលដៅនៃសង្គ្រាមដោយមិនបានកម្ទេចក្រុមហាម៉ាស ហើយទុកឲ្យកងវរសេនាតូចក្រុមហាម៉ាសចំនួន៤នៅក្នុង ទីក្រុងរ៉ាហ្វា ។ វាច្បាស់ណាស់ថាសកម្មភាពដ៏ខ្លាំងក្លានៅរ៉ាហ្វា តម្រូវឱ្យជនស៊ីវិលជម្លៀសចេញពីតំបន់ប្រយុទ្ធ៕

អ៊ីស្រាអែល និយាយថា ក្រុមហាម៉ាសមានរូងក្រោមដីជាច្រើនកន្លែងនៅខាងក្រោមទីស្នាក់ការUN នៅហ្កាហ្សា

កងកម្លាំងអ៊ីស្រាអែលបានរកឃើញបណ្តាញផ្លូវរូងក្រោមដីដែលដំណើរការមួយផ្នែកនៅក្រោមទីភ្នាក់ងារសំខាន់របស់អង្គការសហប្រជាជាតិនៅតំបន់ហ្កាហ្សា ដោយហៅថាជាភស្តុតាងថ្មីនៃការកេងប្រវ័ញ្ចរបស់ក្រុមហាម៉ាសលើអ្វីដែលត្រូវបានគេស្គាល់ថាទីភ្នាក់ងារផ្ដល់ជំនួយដល់ជនភៀសខ្លួន និងការងាររបស់អង្គការសហប្រជាជាតិUNRWA ជួយដល់ពលរដ្ឋប៉ាឡេស្ទីន។ កងវិស្វករកងទ័ពអ៊ីស្រាអែល បាននាំក្រុមអ្នកព័ត៌មានពីបណ្តាញព័ត៌មានបរទេសតាមរយៈផ្លូវឆ្លងកាត់ក្នុងអំឡុងពេលនៃវិបត្តិសម្រាប់ UNRWA។អ៊ីស្រាអែលកាលពីខែមុនបានចោទប្រកាន់ ថាបុគ្គលិករបស់ទីភ្នាក់ងារមួយចំនួន បានកើនឡើងទ្វេដង ជាប្រតិបត្តិកររបស់ហាម៉ាស ដែលបានធ្វើឲ្យប្រទេសម្ចាស់ជំនួយជាច្រើនបង្កកមូលនិធិរបស់ពួកគេដល់ទីភ្នាក់ងារនេះ។ UNRWA បានបើកការស៊ើបអង្កេតផ្ទៃក្នុងលើការអះអាងរបស់អ៊ីស្រាអែល។ផ្លូវរូងក្រោមដីនានាដែលស្ថិតនៅក្រោមទីស្នាក់ការរបស់ទីភ្នាក់ងារនៅទីក្រុងហ្កាហ្សា ក៏បានបង្ហាញបន្ទប់ដេក រួមទាំងការិយាល័យសុវត្ថិភាពសាងសង់ពីដែកថែបត្រូវបានបើកចំហទទេស្អាត។ បន្ទប់ធំមួយត្រូវបានផ្ទុកទៅដោយម៉ាស៊ីនមេកុំព្យូទ័រ ឬស៊ើវ័រផ្ទុកទិន្នន័យ មួយទៀតមានដុំថ្មឧស្សាហកម្ម។លោកវរសេនីយ៍ទោអ៊ីស្រាអែល អាយឌូ (Ido) បាននិយាយថា ក្រុមហាម៉ាសទំនងជាបានជម្លៀសចេញមុនពេលមានការប្រឈមជាមួយកងកម្លាំងអ៊ីស្រាអែល ដោយបានកាត់ផ្តាច់ខ្សែទំនាក់ទំនងជាមុន ដែលតភ្ជាប់ពីលើដីដោយលោកបានបង្ហាញការឆ្លងកាត់នៅខាងក្រោមនៃបន្ទប់ក្រោមដីរបស់ទីភ្នាក់ងារ UNRWA ។ ប៉ាឡេស្ទីនបានចោទប្រកាន់អ៊ីស្រាអែលពីបទក្លែងបន្លំព័ត៌មានដើម្បីបង្ខូចទីភ្នាក់ងារ UNRWA ដែលផ្តល់ការងារដល់មនុស្សប្រមាណ១៣.០០០នាក់នៅតំបន់ហ្កាហ្សាស្ទ្រីប និងអស់រយៈពេលជាច្រើនឆ្នាំមកនេះ បានក្លាយខ្នងបង្អែកនៃជីវិតប្រជាជន ផ្ដល់សាលារៀន គ្លីនិកថែទាំសុខភាព និងសេវាសង្គមផ្សេងទៀត៕

នគរបាល និងក្រុមបាតុករប្រយុទ្ធគ្នានៅតាមផ្លូវក្នុងប្រទេសសេណេហ្គាល់ ជុំវិញការពន្យារពេលការបោះឆ្នោត

កងកម្លាំងសន្តិសុខសេណេហ្គាល់ កាលពីចុងសប្ដាហ៍នេះ បានប៉ះទង្គិចជាមួយបាតុកររាប់រយនាក់ ដែលប្រឆាំងនឹងការពន្យារពេលនៃការបោះឆ្នោតប្រធានាធិបតី ខណៈរដ្ឋមន្ត្រីក្រសួងយុត្តិធម៌បានច្រានចោលការចោទប្រកាន់ថា ការពន្យារពេលនេះ គឺជាការប៉ុនប៉ងដណ្តើមអំណាច។តិចជាងបីសប្តាហ៍មុនការបោះឆ្នោតថ្ងៃទី២៥ ខែកុម្ភៈ សភាបានបោះឆ្នោតដើម្បីរុញពេលទៅខែធ្នូ វិញ ដោយបិទការបន្តអាណត្តិរបស់ប្រធានាធិបតី ម៉ាគីសាល់(Macky Sall) ដែលបានធ្វើឱ្យមានក្ដីបារម្ភថាមួយក្នុងចំណោមប្រទេសលទ្ធិប្រជាធិបតេយ្យ ដែលនៅសេសសល់ក្នុងរដ្ឋប្រហារនៅអាហ្វ្រិកខាងលិចមួយនេះ រងការគំរាមកំហែង។ យោងតាមសារព័ត៌មាន Reuters នៅក្នុងរដ្ឋធានី ដាកា (Dakar) នគរបាលបង្រ្កាបកុបកម្ម បានបាញ់ឧស្ម័នបង្ហូរទឹកភ្នែក គ្រាប់បែកផ្សែង និងអ្វីដែលទំនងជាគ្រាប់កាំភ្លើងជ័រទៅកាន់ហ្វូងបាតុករ ដែលកំពុងដុតសំបកកង់រថយន្ត និងគប់ដុំថ្ម នៅក្នុងជម្លោះដ៏ធ្ងន់ធ្ងរបំផុតនៃភាពចលាចលទាក់ទងនឹងការពន្យារពេលរៀបចំបោះឆ្នោត។ ក្រមបាតុករខ្លះគ្រវីទង់ជាតិសេណេហ្គាល់ ខណៈខ្លះទៀតស្រែកពាក្យស្លោកដូចជា លោក ម៉ាគី សាល់ 'Macky Sall គឺជាជនផ្តាច់ការ៕

ក្រុមអ៊ីស្លាមប៉ាគីស្ថាន តវ៉ានៅទីក្រុង ឡាហ័រ (Lahore) ប្រឆាំងលទ្ធផលបោះឆ្នោតដែលពន្យារពេល

ក្រុមអ្នកគាំទ្ររាប់រយនាក់នៃគណបក្សនយោបាយអ៊ីស្លាមនិយម តេរីក អ៊ី ឡាបេក ប៉ាគីស្ថាន( Tehreek-e-Labaik Pakistan) ឬ(TLP) បានចេញតវ៉ានៅតាមដងផ្លូវនានាក្នុងទីក្រុង ឡាហ័រ (Lahore)កាលពីថ្ងៃសៅរ៍ថ្ងៃទី១០ខែកុម្ភៈ ដើម្បីថ្កោលទោសលទ្ធផលបោះឆ្នោតបឋម និងការពន្យារពេលក្នុងការប្រកាសចំនួនសន្លឹកឆ្នោតចុងក្រោយ។ថ្លែងទៅកាន់ហ្វូងមនុស្សដែលកំពុងស្រែកខ្លាំងៗ មេដឹកនាំគណបក្ស TLP លោកសាដរីស្វី (Saad Rizvi) បានរិះគន់គណៈកម្មាធិការរៀបចំការបោះឆ្នោត ហើយបាននិយាយថា ភាពមិនប្រក្រតីដែលរីករាលដាល ត្រូវបានគេសង្កេតឃើញក្នុងអំឡុងពេលបោះឆ្នោត។លោក Rizvi បានប្រាប់ហ្វូងមនុស្សថា គណបក្ស TLP កំពុងនាំមុខនៅក្នុងមណ្ឌលបោះឆ្នោតជាច្រើន ប៉ុន្តែលទ្ធផលត្រូវបានបញ្ឈប់ ដោយមានចេតនារំខាន។ការបោះឆ្នោតសកលកាលពីថ្ងៃព្រហស្បតិ៍ ទី ៨ ខែកុម្ភៈ បានកើតឡើងនៅពេលដែលប្រទេសនេះប្រឹងប្រែងងើបឡើងចេញពីវិបត្តិសេដ្ឋកិច្ច និងប្រយុទ្ធប្រឆាំងនឹងអំពើហិង្សាដោយក្រុមសកម្មប្រយុទ្ធនៅក្នុងបរិយាកាសនយោបាយដ៏តានតឹង។ អតីតនាយករដ្ឋមន្ត្រីប៉ាគីស្ថាន និងគូប្រជែងដ៏ជូរចត់ លោកណាវ៉ាស ហ្សារីហ្វ (Nawaz Sharif) និង លោក អ៊ីមរ៉ានខាន់ (Imran Khan)សុទ្ធតែបានប្រកាសជ័យជម្នះរៀងៗខ្លួនកាលពីថ្ងៃសុក្រ ទី ៩ ខែកុម្ភៈ ដោយបង្កើនភាពមិនប្រាកដប្រជាលើអ្នកដែលនឹងបង្កើតរដ្ឋាភិបាលបន្ទាប់ នៅពេលដែលសកម្មភាពគោលនយោបាយរហ័សគឺចាំបាច់ដើម្បីដោះស្រាយបញ្ហាប្រឈមជាច្រើន។ គិតត្រឹមម៉ោង ៥ ល្ងាច កាលពីថ្ងៃសៅរ៍ លទ្ធផលនៅតែមិនមានសម្រាប់អាសនៈចំនួន ១០ ក្នុងចំណោមអាសនៈចំនួន២៦៥ ដែលបានប្រកួតប្រជែងនៅក្នុងការបោះឆ្នោត រយៈពេល៤៨ ម៉ោងបន្ទាប់ពីការបោះឆ្នោតបិទបញ្ចប់៕

ត្រូវការពេលវេលាបន្ថែម សម្រាប់បទឈប់បាញ់ បន្ទាប់ពីអ៊ីស្រាអែល ច្រានចោលសំណើរបស់ក្រុមហាម៉ាស

សេចក្តីរាយការណ៍របស់ប្រព័ន្ធផ្សព្វផ្សាយនិយាយថា ត្រូវការពេលវេលាបន្ថែមទៀត សម្រាប់អ៊ីស្រាអែល និងក្រុមហាម៉ាសអ៊ីស្លាមនិយម ដើម្បីឈានដល់កិច្ចព្រមព្រៀង ដែលនឹងនាំទៅដល់ការផ្អាកការប្រយុទ្ធគ្នានៅតំបន់ហ្កាហ្សា។ សេចក្តីរាយការណ៍របស់ប្រព័ន្ធផ្សព្វផ្សាយ Al Jazeera មានមូលដ្ឋាននៅប្រទេសកាតា ដោយដកស្រង់ប្រភពនានាពីប្រទេសអេហ្ស៊ីប បានសន្និដ្ឋានថា ការចរចាថ្មីនឹងចំណាយពេលយ៉ាងហោចណាស់ ១០ថ្ងៃ មុនពេលបទឈប់បាញ់ចាប់ផ្តើម ជាផ្នែកមួយនៃដំណាក់កាលដំបូងនៃកិច្ចព្រមព្រៀង។នេះ កើតឡើងបន្ទាប់ពី នាយករដ្ឋមន្ត្រីអ៊ីស្រាអែល លោក Benjamin Netanyahu កាលពីថ្ងៃពុធ បានច្រានចោលសំណើបទឈប់បាញ់របស់ក្រុមហាម៉ាស។ ផែនការបីដំណាក់កាល ស្នើឱ្យមានបទឈប់បាញ់ពេញលេញនៅក្នុងតំបន់ហ្កាហ្សា និងការដោះលែងចំណាប់ថ្នូរ ដែលបានចាប់ខ្លួនដោយក្រុមហាម៉ាស។ ក្រុមហាម៉ាស បាននិយាយកាលពីថ្ងៃព្រហស្បតិ៍ថា គណៈប្រតិភូរបស់ខ្លួន បានទៅដល់ទីក្រុងគែរ ដើម្បីបន្តកិច្ចចរចាជាមួយប្រទេសកាតា និងប្រទេសអេហ្ស៊ីប ដែលជាអ្នកសម្របសម្រួលក្នុងការចរចា។យោធាអ៊ីស្រាអែល បានប្រកាសកាលពីថ្ងៃព្រហស្បតិ៍ថា ខ្លួនកំពុងបង្កើនការវាយលុករបស់ខ្លួននៅតំបន់ភាគខាងលិចទីក្រុង Khan Younis នៅភាគខាងត្បូងតំបន់ហ្កាហ្សា។ អ៊ីស្រាអែល និយាយថា ក្រុមហាម៉ាស មានប៉ុស្តិ៍ជួរមុខធំរបស់ខ្លួនក្នុងទីក្រុងនេះ។ អ៊ីស្រាអែល ក៏បានត្រៀមពង្រីកប្រតិបត្តិការជើងគោកនៅទីក្រុងរ៉ាហ្វា ភាគខាងត្បូងដែលមានប្រជាជនប៉ាឡេស្ទីនជាងមួយលាននាក់ នៅជ្រកកោន។ អាជ្ញាធរសុខាភិបាលតំបន់ហ្កាហ្សា និយាយកាលពីថ្ងៃព្រហស្បតិ៍ថាមនុស្ស ១៣០នាក់ បានស្លាប់ ក្នុងរយៈពេល ២៤ ម៉ោង កន្លងទៅនេះ ដែលនាំឱ្យចំនួនអ្នកស្លាប់កើនឡើងដល់ ២៧.៨៤០នាក់។

ការជួយសង្គ្រោះរយៈពេលជិត៦០ម៉ោង បន្ទាប់ពីបំណាក់ដីនៅហ្វីលីពីន ត្រូវបានចាត់ទុកជា«អព្ភូតហេតុ»

ការជួយសង្គ្រោះក្មេងស្រីម្នាក់ នៅថ្ងៃសុក្រ ទី៩ ខែកុម្ភៈនេះ មានរយៈពេលជិត៦០ម៉ោង បន្ទាប់ពីបំណាក់ដី បានវាយប្រហារលើភូមិរុករករ៉ែមាសមួយកន្លែងនៅភាគខាងត្បូងប្រទេសហ្វីលីពីន ត្រូវបានសាទរថា ជា «អព្ភូតហេតុ» បន្ទាប់ពីក្រុមអ្នកស្វែងរក បានបោះបង់ចោលក្តីសង្ឃឹមក្នុងការស្វែងរកអ្នកនៅរស់រានមានជីវិត។ ក្មេងស្រីម្នាក់ ដែលអាយុមិនត្រូវបានគេបង្ហាញឱ្យដឹង ស្ថិតក្នុងចំណោមមនុស្សជាង ១០០នាក់ ដែលបាត់ខ្លួន បន្ទាប់ពីភ្លៀងធ្លាក់បង្កឲ្យមានបំណាក់ដីនៅក្នុងភូមិ បណ្តាលឲ្យមនុស្សយ៉ាងហោចណាស់ ១១ នាក់ស្លាប់។មន្ត្រីទីភ្នាក់ងារគ្រោះមហន្តរាយ ខេត្ត ដាវ៉ៅ ដេ អូរ៉ូ (Davao de Oro) បានប្រាប់សារព័ត៌មាន AFP ថា ក្មេងស្រីម្នាក់ ត្រូវបានគេរកឃើញ ខណៈអ្នកជួយសង្គ្រោះបានប្រើដៃទទេ និងប៉ែល ដើម្បីស្វែងរកអ្នកនៅរស់រានមានជីវិតនៅក្នុងភូមិ ម៉ាសារ៉ា(Masara) នៅលើកោះ មីនដាណាវ(Mindanao) ភាគខាងត្បូង។ មន្ត្រីនិយាយថា «វាជាអព្ភូតហេតុមួយ» ដែលអ្នកស្វែងរកជឿថា អ្នកបាត់ខ្លួនប្រហែលជាស្លាប់ទាំងអស់។ នោះ បានផ្តល់ក្តីសង្ឃឹមដល់ក្រុមអ្នកជួយសង្គ្រោះ។ ជាធម្មតា ភាពធន់របស់កុមារគឺតិចជាងមនុស្សពេញវ័យ ប៉ុន្តែក្មេងស្រីរូបនេះ នៅរស់រានមានជីវិត។ មន្ត្រីនិយាយថា យើងអាចឃើញនៅលើការបង្ហោះតាមប្រព័ន្ធផ្សព្វផ្សាយសង្គមថា ក្មេងស្រីនេះ ពុំមានរបួសដែលអាចមើលឃើញនោះទេ។ ឪពុករបស់ក្មេងស្រី បានឃើញកូនរបស់គាត់មុនពេលនាងត្រូវបានគេនាំទៅកាន់មណ្ឌលសុខភាពដើម្បីពិនិត្យ។ បំណាក់ដី បានវាយប្រហារកាលពីយប់ថ្ងៃអង្គារ បានបំផ្លាញលំនៅឋាន និងបំផ្លាញរថយន្តក្រុងចំនួនបីគ្រឿង និងរថយន្ត ដែលកំពុងរង់ចាំទទួលកម្មករពីអណ្តូងរ៉ែមាស។ តួលេខផ្លូវការបង្ហាញថា យ៉ាងហោចណាស់មនុស្ស ១១ នាក់បានស្លាប់ និង ៣១ នាក់រងរបួស ខណៈជាងមួយរយនាក់កំពុងបាត់ខ្លួននៅឡើយ។ក្រុមអ្នកស្វែងរកកំពុងស្វែងរកទាំងយប់ទាំងថ្ងៃអ្នកផ្សេងទៀតដែលអាចនៅរស់ក្នុងដីល្បប់ ខណៈភ្លៀងធ្លាក់មកលើតំបន់ នៅថ្ងៃសុក្រនេះ។

ការភ័យខ្លាចនៃការបាក់ទំនប់ទឹកនៅក្នុងប្រទេសប្រេស៊ីល ធ្វើឱ្យពលរដ្ឋស្ថិតនៅលើមាត់ជ្រោះ

ពលរដ្ឋនៅក្នុងតំបន់រុករករ៉ែ អ៊ីតាតៃគូ(Itatiaiucu) របស់ប្រទេសប្រេស៊ីល បានប្រាប់សារព័ត៌មាន Reuters ថាពួកគេភ័យខ្លាចថា ទំនប់ដែលភ្ជាប់ទៅនឹងក្រុមហ៊ុនផលិតដែកថែប អាសេលឡមីតាល់(ArcelorMittal) អាចបាក់ ដែលអាចបង្កគ្រោះមហន្តរាយខ្លាំងដល់សហគមន៍ជនបទមួយនេះ។ជញ្ជាំងទប់ កំពុងត្រូវបានសាងសង់នៅទីតាំងទំនប់ ដើម្បីការពារពីរលកនៃដីល្បប់ដែលអាចនឹងកើតចេញពីការបាក់ទំនប់។ ការសាងសង់ជញ្ជាំងទំនប់ គ្រោងនឹងបញ្ចប់នៅឆ្នាំ ២០២៥ ។ផ្លូវជម្លៀស និងសញ្ញាព្រមាន បានកើនឡើងនៅតំបន់ អ៊ីតាតៃគូ(Itatiaiucu) ក្នុងរដ្ឋមីណាស់ ជេរ៉ៃស៍( Minas Gerais) ។ កាលពីឆ្នាំ ២០១៩ ពលរដ្ឋមួយចំនួន ត្រូវបានគេរាយការណ៍ថាបានភៀសខ្លួនចេញពីលំនៅឋាន ជាវិធានការប្រុងប្រយ័ត្នជាមុន ដោយលំនៅឋានរបស់ពួកគេបច្ចុប្បន្ននេះ ត្រូវបានបោះបង់ចោល។ មន្ត្រីបរិស្ថានទីក្រុង រីអូ ម៉ានសូ(Rio Manso) បានព្រមានថា ការបាក់ទំនប់ អាចមើលឃើញសំណល់ ហូរចូលទន្លេ Manso នៅក្បែរនោះ ដែលនឹងមានលំហូរទឹករហូតដល់ ៤០ភាគរយនៅតំបន់ទីប្រជុំជន បេឡូហូរីហ្សូនតេ(Belo Horizonte) ។ការភ័យខ្លាចក្នុងតំបន់ អ៊ីតាតៃគូ(Itatiaiucu) រួមមានទាំងការបាក់ទំនប់កាលពីពេលមុននៅតំបន់ ម៉ារៀណា( Mariana) និងតំបន់ ប្រ៊ូម៉ាឌីនហូ( Brumadinho) ព្រមទាំងនៅតំបន់ មីនណាស ជេរ៉ៃស៍(Minas Gerais) ដែលបានបណ្តាលឲ្យមនុស្សរាប់រយនាក់ស្លាប់។

បាតុកម្មគាំទ្រ ប្រធានាធិបតី លោក Petro បញ្ចប់ដោយការប៉ះទង្គិចជាមួយនគរបាលក្នុងប្រទេសកូឡុំប៊ី

ការតវ៉ាដោយក្រុមអ្នកគាំទ្រ ប្រធានាធិបតីកូឡុំប៊ី លោក ហ្គាស្តាវ៉ូ ប៉េត្រូ (Gustavo Petro) ក្នុងទីក្រុង Bogota បានបញ្ចប់ដោយភាពចលាចលកាលពីថ្ងៃព្រហស្បតិ៍។ក្រុមបាតុករ ត្រូវបានគេដាក់ឲ្យនៅខាងមុខការិយាល័យរដ្ឋអាជ្ញា និងវិមានក្រសួងយុត្តិធម៌ ខណៈចៅក្រមតុលាការកំពូល បានបោះឆ្នោតជ្រើសរើសរដ្ឋអាជ្ញាថ្មី។ ការបោះឆ្នោតនេះ បានធ្វើឱ្យមានការរំពឹងទុកយ៉ាងខ្លាំងនៅក្នុងប្រទេស ដោយសារតែអ្នកគាំទ្ររដ្ឋាភិបាលដែលបានព្យាយាមដាក់សម្ពាធលើតុលាការឱ្យជ្រើសរើសអ្នកបន្តតំណែងសម្រាប់រដ្ឋមន្ត្រីបច្ចុប្បន្ន លោក ហ្រ្វានស៊ីស្កូ បាបូសា(Francisco Barbosa) ដែលលោក Petro ចោទប្រកាន់ពីបទញុះញង់ឱ្យមានរដ្ឋប្រហារ ដើម្បីដកលោកចេញពីតំណែង។ បន្ទាប់ពីការបោះឆ្នោតពីរជុំរួចមក គ្មានបេក្ខជនណាម្នាក់ក្នុងចំណោមបេក្ខជនទាំងបីរូបសម្រាប់រដ្ឋអាជ្ញាថ្មី ទទួលបានសំឡេងយ៉ាងតិច១៦ សំឡេង ដែលត្រូវការដើម្បីក្លាយជារដ្ឋមន្ត្រីបន្ទាប់នោះទេ។តុលាការកំពូលបានទាមទារឱ្យរដ្ឋាភិបាលរបស់ប្រទេស ផ្តល់ការធានាជាចាំបាច់ដើម្បីអនុវត្តអំណាចរបស់ស្ថាប័ននេះ និងចៅក្រមផ្សេងទៀត នៅប្រទេសកូឡុំប៊ី ដែលអាចត្រូវបានអនុវត្តដោយគ្មានសម្ពាធ ការរំខាន ឬការគំរាមកំហែង។បាតុកម្មទាំងនេះ កើតឡើងក្នុងពេលមានភាពតានតឹងក្នុងស្ថាប័នដ៏ខ្លាំងរវាងរដ្ឋាភិបាល តុលាការកំពូល និងការិយាល័យរដ្ឋមន្ត្រី។

បណ្ដាញសង្គម

ព័ត៌មានថ្មីៗ

អ៊ីរ៉ង់វាយប្រហាររ៉ាដាសំខាន់របស់អាមេរិក នៅហ្ស៊កដានី ដែលធ្វើឲ្យបញ្ហាការពារមីស៊ីលឈូងសមុទ្រកាន់តែពិបាក

កងម៉ារីនចក្រភពអង់គ្លេស អនុវត្តបេសកកម្មឈ្លបយកការណ៍ មុនប្រតិបត្តិការនៅអាកទិករបស់ណាតូ

អភិបាលរាជធានីភ្នំពេញបន្តជំរុញបង្ក្រាប ONLINE SCAMS ក្នុងពេលមួយសប្ដាហ៍ទៀត

កម្ពុជាត្រៀមសហការ ជាមួយដៃគូអភិវឌ្ឍន៍ ក្នុងការចូលរួមស្ដារជីវភាពពលរដ្ឋភៀសសឹក និងហេដ្ឋារចនាសម្ព័ន្ធ

ស្ត្រីជាកងទ័ពចូលរួមចំណែកយ៉ាងសកម្ម បម្រើជាតិមាតុភូមិពេលមានជម្លោះព្រំដែន

អបអរទិវាអន្តរជាតិនារី៖ ស្រ្ដីកំពុងចូលរួមការងារសកម្មនៅតាមមូលដ្ឋានក្នុងកិច្ចការងាររដ្ឋបាលថ្នាក់ក្រោមជាតិ

ប៉ាគីស្ថាន ដំឡើងតម្លៃប្រេងឥន្ធនៈលក់រាយប្រហែល២០% ដោយសារតែភាពតានតឹងនៅមជ្ឈិមបូព៌ា

អ្នកគាំទ្រក្រុមហ៊ូទីរាប់ពាន់នាក់ ធ្វើបាតុកម្មនៅទីក្រុង Sanaa ក្នុងសាមគ្គីភាពជាមួយអ៊ីរ៉ង់ និងលីបង់

AP៖ រុស្ស៊ីផ្តល់ព័ត៌មានឲ្យអ៊ីរ៉ង់ថា អាចជួយទីក្រុងតេអេរ៉ង់វាយប្រហារគោលដៅយោធាអាមេរិក

ស្ត្រីបានចូលរួមយ៉ាងសកម្មក្នុងការកសាង និងអភិវឌ្ឍន៍សេដ្ឋកិច្ច វិស័យអប់រំ វិទ្យាសាស្ត្រ ការគ្រប់គ្រង និងសុខាភិបាល

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877