BTV NEWS

ករណីបុរសម្នាក់ឡើងលើផ្លូវល្បឿនលឿនPK54 យកដែកដាក់ទទឹងផ្លូវត្រូវបានសមត្ថកិច្ចនគរបាលស្រាវជ្រាវបង្រ្កាបបានហើយ

អង្គភាពប្រឆាំងអំពើពុករលួយបានធ្វើកោសល្យវិច័យទូរស័ព្ទជាង ៨០០គ្រឿង និងភស្តុតាងមួយចំនួនទៀតដែលសាលាដំបូងរាជធានីភ្នំពេញប្រគល់ឱ្យ

នគរបាលរាជធានីភ្នំពេញ ស្រាវជ្រាវឃាត់ខ្លួនក្មេងទំនើង ៩នាក់ ពាក់ព័ន្ធករណីវាយប្លន់យកម៉ូតូ

អាវុធហត្ថរាជធានីភ្នំពេញ បង្ក្រាបគ្រឿងញៀនជាង ៦គីឡូក្រាមឃាត់ខ្លួនមនុស្ស ១១នាក់

សន្តិសុខ និង សង្គម

ទូរទស្សន៍របស់ក្រុមហ៊ួទី ផ្សាយថា ការវាយប្រហារតាមអាកាសរបស់អាមេរិក និងអង់គ្លេស ដាក់គោលដៅលើកំពង់ផែយេម៉ែន

ទូរទស្សន៍ Al-Masira របស់ក្រុមហ៊ួទី នៅថ្ងៃសៅរ៍ (ទី២៧ ខែមករា) នេះ បានរាយការណ៍ថា សហរដ្ឋអាមេរិក និងចក្រភពអង់គ្លេសបានបើកការវាយប្រហារតាមអាកាសចំនួន ២ដង ដោយដាក់គោលដៅលើកំពង់ផែ Ras Issa ដែលជាស្ថានីយនាំចេញប្រេងដ៏សំខាន់របស់ប្រទេសយេម៉ែន។ពាក់ព័ន្ធនឹងការរាយការណ៍នេះ នៅមិនមានព័ត៌មានលម្អិតបន្ថែមភ្លាមៗនោះទេ។ ការវាយប្រហារតាមអាកាសបានកើតឡើងនៅពេលដែលក្រុមឧទ្ទាមហ៊ួទីរបស់ប្រទេសយេម៉ែនមួយនេះ បានបង្កើនការវាយប្រហារលើនាវាដែលឆ្លងកាត់សមុទ្រក្រហម ក្នុងនោះរួមទាំងការវាយប្រហារ ដែលបង្កមានអគ្គិភ័យលើនាវាដឹកប្រេង កាលពីថ្ងៃសុក្រ (ទី២៦ ខែមករា) ផងដែរ។យោធាអាមេរិកបាននិយាយថា នាវាដឹកប្រេង Marlin Luanda ដែលកំពុងប្រតិបត្តិការតំណាងឲ្យក្រុមហ៊ុនពាណិជ្ជកម្ម Trafigura បានរងការខូចខាត ប៉ុន្តែមិនមានការរាយការណ៍ថា មានអ្នករងរបួសទេ ហើយនាវាកងទ័ពជើងទឹកអាមេរិកកំពុងផ្តល់ជំនួយ។ ប្រមាណជា ៨ម៉ោងក្រោយមក យោធាអាមេរិក បានកម្ទេចមីស៊ីលប្រឆាំងនាវារបស់ក្រុមនេះ ដែលសំដៅចូលទៅក្នុងសមុទ្រក្រហម ហើយត្រៀមបាញ់វាយប្រហារ។សូមបញ្ជាក់ថា ក្រុមសកម្មប្រយុទ្ធហ៊ួទីដែលមានសម្ព័ន្ធមិត្តជាមួយអ៊ីរ៉ង់ បានចាប់ផ្តើមវាយប្រហារជាបន្តបន្ទាប់ដោយយានដ្រូន និងមីស៊ីល ទៅលើនាវានានា ចាប់តាំងពីថ្ងៃទី១៩ ខែវិច្ឆិកា ដើម្បីឆ្លើយតបទៅនឹងប្រតិបត្តិការយោធារបស់អ៊ីស្រាអែលនៅតំបន់ហ្កាហ្សា។ ការវាយប្រហារបានកំណត់គោលដៅចម្បងលើនាវាកុងតឺន័រដែលធ្វើដំណើរឆ្លងកាត់សមុទ្រក្រហម។ នាវាដឹកប្រេងជាច្រើនបានបន្តប្រើប្រាស់ផ្លូវដឹកជញ្ជូននេះ៕

មន្ទីរពេទ្យ Nasser បិទ ខណៈអ្នកស្រុកតំបន់ហ្កាហ្សាដែលរងរបួស និងគ្មានផ្ទះសម្បែង ប្រជ្រៀតគ្នាស្វែងរកជំនួយ

អមដោយការបានបញ្ចេញវីដេអូពីភាពច្របូកច្របល់នៅក្នុងមន្ទីរពេទ្យ អង្គការសុខភាពពិភពលោក (WHO) បានប្រាប់ថា មន្ទីរពេទ្យ Nasser នៅទីក្រុង Khan Younis ដែលប្រឈមនឹងការលំបាក នៅតំបន់ហ្កាហ្សា ត្រូវបានជោរជន់ទៅដោយអ្នករងរបួស និងអ្នកដែលស្វែងរកកន្លេងជ្រកកោន កាលពីថ្ងៃសុក្រ (២៦ មករា) បន្ទាប់ពីរថក្រោះអ៊ីស្រាអែលបានវាយលុកតំបន់ជុំវិញកន្លែងនោះ។មនុស្សដ៏ណែនណាន់តាន់តាប់ត្រូវបានគេឃើញនៅច្រកចូលមន្ទីរពេទ្យ ខណៈដែលបុគ្គលិកសុខាភិបាលបានធ្វើការយ៉ាងវក់វីជាមួយអ្នកជំងឺដែលដេកលើកម្រាលឥដ្ឋប្រឡាក់ឈាម ដែលពេញទៅដោយកាកសំណល់វេជ្ជសាស្ត្រ។លោកវេជ្ជបណ្ឌិត Muhammad Harara បាននិយាយថា៖ «យើងមិនព្យាយាមព្យាបាលពួកគេដូចដែលយើងបានធ្វើពីមុននោះទេ យើងគ្រាន់តែព្យាយាមជួយរក្សាជីវិតពួកគេតែប៉ុណ្ណោះ»។ លោកបានបន្ថែមថា មន្ទីរពេទ្យកំពុងប្រឈមនឹងការខ្វះខាតសម្ភារៈវេជ្ជសាស្ត្រ ថ្នាំបំបាត់ការឈឺចាប់ ព្រមទាំងអ្នកសម្អាត ដោយបង្ខំបុគ្គលិកគ្លីនិកទទួលខុសត្រូវលើការសម្អាតនេះ។WHO បានឲ្យដឹងថា អ្នកជំងឺ ៣៥០នាក់ និងមនុស្សផ្លាស់ទីលំនៅ ៥.០០០នាក់ កំពុងស្វែងរកទីជម្រក នៅមន្ទីរពេទ្យ។ ក្រុមគ្រូពេទ្យប៉ាឡេស្ទីនបាននិយាយថា រថក្រោះអ៊ីស្រាអែលក៏បានបាញ់ផ្លោងទៅលើគោលដៅ ជុំវិញមន្ទីរពេទ្យដែលនៅតែដំណើរការសំខាន់ផ្សេងទៀតរបស់ទីក្រុង គឺមន្ទីរពេទ្យ Al-Amal ដោយបង្កើតឲ្យមានស្ថានភាពស្រដៀងគ្នានេះ៕

កសិករបារាំងធ្វើការតវ៉ាដោយក្រេវក្រោធ ជុំវិញគម្រោងកាត់ប្រាក់ឧបត្ថម្ភធនរដ្ឋ

កសិករបារាំងដែលពេញដោយការក្រេវក្រោធ កាលពីថ្ងៃសុក្រ (ទី២៦ ខែមករា) បាននាំគ្នាដុតកង់ឡាន និងសំរាម នៅតាមបណ្តោយផ្លូវ A20 ដែលជាការតវ៉ានឹងផែនការរបស់រដ្ឋាភិបាល ក្នុងការកាត់បន្ថយការឧបត្ថម្ភធនរបស់រដ្ឋជាបណ្តើរៗលើប្រេងម៉ាស៊ូតកសិកម្ម។វីដេអូសាក្សីផ្ទាល់ក៏បានបង្ហាញឲ្យឃើញផងដែរពីសំរាម ដែលត្រូវបានដឹកយកទៅចាក់ចោលនៅខាងក្រៅការិយាល័យរដ្ឋបាល ក្នុងទីក្រុង Montauban។ ក្រោយមករដ្ឋាភិបាលបារាំងបានប្រកាសថា ខ្លួននឹងទម្លាក់ផែនការ ក្នុងការកាត់បន្ថយការគាំទ្ររបស់រដ្ឋលើប្រេងម៉ាស៊ូត ប៉ុន្តែវាមិនទាន់គ្រប់គ្រាន់ ដើម្បីបន្ថយកម្ដៅនៃកំហឹងរបស់កសិករដែលបានគំរាមកំហែងប្រមូលផ្ដុំគ្នានៅរដ្ឋធានីប៉ារីស នៅក្នុងត្រាក់ទ័ររបស់ពួកគេ។កសិករបារាំងបានចោទប្រកាន់រដ្ឋាភិបាលថា មិនបានធ្វើកិច្ចការឲ្យបានគ្រប់គ្រាន់ ដើម្បីជួយដល់ពួកគេ មានការប្រកួតប្រជែងមិនយុត្តិធម៌ ក្នុងចំណោមប្រទេសជិតខាង និងបង្កើតស្តង់ដារកសិកម្មតឹងរ៉ឹងដែលមានតម្លៃថ្លៃ ដែលពិបាកអនុវត្តគោរពតាម។នៅថ្ងៃសុក្រនោះ ប្រធានសហជីពកសិកម្មដ៏ធំបំផុតរបស់ប្រទេសបារាំង FNSEA បាននិយាយថា លោកកំពុងអំពាវនាវឲ្យសមាជិករបស់ខ្លួនបន្តកម្មវិធីតវ៉ារបស់ពួកគេនេះ បើទោះបីជារដ្ឋាភិបាលបានប្រាប់ថា ខ្លួនមានគម្រោងធ្វើឲ្យជីវភាព និងការងាររបស់កសិករប្រសើរឡើងក៏ដោយ៕

អាមេរិកកម្ទេចមីស៊ីលប្រឆាំងនាវារបស់ហ៊ួទី បន្ទាប់ពីក្រុមឧទ្ទាមនេះ វាយប្រហារនាវាដឹកប្រេង នៅឈូងសមុទ្រ Aden

យោធាអាមេរិក នៅថ្ងៃសៅរ៍ (ទី២៧ ខែមករា) នេះ បាននិយាយថា ខ្លួនបានកម្ទេចមីស៊ីលប្រឆាំងនាវារបស់ក្រុមហ៊ួទី នៅប្រទេសយេម៉ែន ដែលសំដៅចូលទៅក្នុងសមុទ្រក្រហម និងត្រៀមបាញ់ប្រហារ។តាមរយៈការបង្ហោះនៅលើបណ្ដាញសង្គម X (ពីមុនជា Twitter) ទីបញ្ជាការកណ្តាលរបស់សហរដ្ឋអាមេរិក បានប្រាប់ឲ្យដឹងថា មីស៊ីលនេះបានបង្កការគំរាមកំហែងដល់នាវាពាណិជ្ជករ និងនាវាទ័ពជើងទឹកអាមេរិក ក្នុងតំបន់។ ហើយបើយោងតាមយោធាអាមេរិក បានឲ្យដឹងទៀតថា ការវាយប្រហារនេះបានកើតឡើងក្នុងរយៈពេល ៨ម៉ោង បន្ទាប់ពីមីស៊ីលប្រឆាំងនាវារបស់ក្រុមហ៊ួទីនេះ បានវាយប្រហារបង្កការខូចខាតនាវាដឹកប្រេង នៅឈូងសមុទ្រ Aden កាលពីថ្ងៃសុក្រ (ទី២៦ ខែមករា) ប៉ុន្តែមិនមានអ្នករងរបួសទេ។នៅលើបណ្ដាញសង្គម X កាលពីថ្ងៃសៅរ៍នេះ ទីបញ្ជាការកណ្តាលរបស់សហរដ្ឋអាមេរិក បានប្រាប់បន្ថែមថា នាវា Marlin Luanda ដែលមានទង់ជាតិប្រជុំកោះ Marshall បានចេញការអំពាវនាវបង្ហាញពីទុក្ខលំបាក និងរាយការណ៍ពីការខូចខាត។ នាវា USS Carney និងនាវាសម្ព័ន្ធមិត្តផ្សេងទៀតកំពុងផ្តល់ជំនួយដល់នាវាដឹកប្រេងនេះ៕

ប្រជាជនហៃទី អំពាវនាវឱ្យមានដំណោះស្រាយក្នុងតំបន់ចំពោះអំពើហិង្សា បន្ទាប់ពីការចេញសេចក្តីសម្រេចរបស់តុលាការកេនយ៉ា

ប្រជាជនហៃទី បានអំពាវនាវឱ្យមានដំណោះស្រាយបង្កើតឡើងនៅក្នុងស្រុកចំពោះវិបត្តិច្បាប់ និងសណ្តាប់ធ្នាប់របស់ប្រទេសនេះ បន្ទាប់ពីតុលាការប្រទេសកេនយ៉ា កាលពីថ្ងៃសុក្រ បានច្រានចោលផែនការបញ្ជូនមន្រ្តីនគរបាលទៅកាន់ប្រទេសកាន់ហៃទី ដើម្បីដឹកនាំបេសកកម្មអនុម័តដោយអង្គការសហប្រជាជាតិ។ការសម្រេចនេះ បានធ្វើឱ្យមានការងឿងឆ្ងល់អំពីអនាគតនៃគំនិតផ្តួចផ្តើមមួយ មានគោលបំណងដើម្បីបំបាត់អំពើហិង្សារបស់ក្រុមជនអន្ធពាលនៅក្នុងប្រទេសតំបន់ការ៉ាអ៊ីបមួយនេះ។ប្រទេសកេនយ៉ា សង្ឃឹមថា នឹងមានមន្ត្រីរបស់ខ្លួននៅក្នុងប្រទេសហៃទី ឱ្យបានឆាប់នៅក្នុងខែនេះ បន្ទាប់ពីក្រុមប្រឹក្សាសន្តិសុខអង្គការសហប្រជាជាតិ បានអនុម័តបេសកកម្ម កាលពីខែតុលា។សេចក្តីសម្រេចនេះ កើតឡើងបន្ទាប់ពីករណីដូនជីកាតូលិក៦នាក់ ត្រូវបានចាប់ពង្រត់នៅក្នុងរដ្ឋធានីប្រទេសហៃទី ជិតមួយសប្តាហ៍កន្លងទៅនេះ ហើយក្រោយមកត្រូវបានដោះលែង ដែលបានធ្វើឱ្យរង្គោះរង្គើប្រទេស។ ឧក្រិដ្ឋកម្ម បានកើតឡើងនៅទីក្រុង ព័រ អូប្រាំង(Port-au-Prince) កាលពីថ្ងៃសុក្រ ទី ១៩ ខែមករា នៅពេលដែលខ្មាន់កាំភ្លើងប្រដាប់អាវុធ បានប្លន់រថយន្តក្រុង ហើយបើករថយន្តចេញដោយចាប់អ្នកដំណើរទាំងអស់ជាចំណាប់ថ្នូរ រួមទាំងដូនជី៦នាក់។អង្គការសហប្រជាជាតិ បាននិយាយនៅសប្តាហ៍នេះថា ស្ថាប័ននេះបានចងក្រងឯកសារថា មនុស្សចំនួន ៤.៧៨៩នាក់ ត្រូវបានសម្លាប់ដោយអំពើហឹង្សារបស់ក្រុមជនអន្ធពាលនៅប្រទេសហៃទី កាលពីឆ្នាំមុន កើនឡើង ១១៩ភាគរយពីឆ្នាំ ២០២២ ហើយមនុស្ស ៣.០០០នាក់ទៀត ត្រូវបានចាប់ពង្រត់។

ក្រុមឧទ្ទាមហ៊ូទី នៅយេម៉ែន អះអាងការវាយប្រហារលើនាវាដឹកប្រេងរបស់ចក្រភពអង់គ្លេស

ក្រុមឧទ្ទាមហ៊ូទី នៅប្រទេសយេម៉ែន បានអះអាងកាលពីថ្ងៃសុក្រនូវការវាយប្រហារដោយមីស៊ីលលើនាវាដឹកប្រេងរបស់ចក្រភពអង់គ្លេសនៅឈូងសមុទ្រ Aden ដែលបានបង្កអគ្គិភ័យឆេះនាវា ជាការវាយប្រហារចុងក្រោយបំផុត លើការដឹកជញ្ជូនអន្តរជាតិ ដោយក្រុមឧទ្ទាមគាំទ្រដោយអ៊ីរ៉ង់។វាបានកើតឡើងនៅថ្ងៃតែមួយ ដែលយោធាអាមេរិក បាននិយាយថា នាវាចម្បាំងរបស់ខ្លួនមួយគ្រឿង បានបាញ់ទម្លាក់មីស៊ីលដែលបាញ់មកលើនាវាដោយក្រុមឧទ្ទាម ដែលកំពុងតែធ្វើសកម្មភាពគាំទ្រប៉ាឡេស្ទីននៅតំបន់ហ្កាហ្សា ក្នុងពេលមានសង្រ្គាមរវាងអ៊ីស្រាអែល និងក្រុមហាម៉ាស។កងកម្លាំងសហរដ្ឋអាមេរិក និងអង់គ្លេស បានចាប់ផ្តើម ការវាយប្រហាររួមគ្នាចំនួនពីរលើក ក្នុងគោលបំណងកាត់បន្ថយសមត្ថភាពរបស់ក្រុមហ៊ូទី ដែលកំណត់គោលដៅលើនាវា ឆ្លងកាត់ផ្លូវពាណិជ្ជកម្មនៅសមុទ្រក្រហមដ៏សំខាន់។ ទីក្រុងវ៉ាស៊ីនតោន បានធ្វើការវាយឆ្មក់តាមអាកាសជាឯកតោភាគីជាបន្តបន្ទាប់ ប៉ុន្តែក្រុមហ៊ូទី បានប្តេជ្ញាបន្តការវាយប្រហាររបស់ពួកគេ។ អ្នកនាំពាក្យយោធារបស់ក្រុមលោក Yahya Saree បាននិយាយថា នាវាដឹកប្រេងរបស់អង់គ្លេស ឈ្មោះ Marlin Luanda ត្រូវបានវាយប្រហារដោយមីស៊ីល ដែលត្រូវបានបាញ់ដោយកងកម្លាំងជើងទឹកប្រទេសយេម៉ែន។ទីបញ្ជាការកណ្តាលរបស់សហរដ្ឋអាមេរិក បាននិយាយថា នៅក្នុងឧបទ្ទវហេតុពាក់ព័ន្ធនឹងនាវាកងទ័ពជើងទឹកសហរដ្ឋអាមេរិក ក្រុមហ៊ូទី បានបាញ់មីស៊ីលបាលីស្ទីកប្រឆាំងនាវា ពីប្រទេសយេម៉ែន ឆ្ពោះទៅកាន់នាវាពិឃាត USS Carney នៅឈូងសមុទ្រ Aden ។

ប្រជាជនអ៊ីស្រាអែល និយាយថា តុលាការពិភពលោក គួរតែដាក់កំហុសលើក្រុមហាម៉ាសជំនួសវិញ

បន្ទាប់ពីការចេញសេចក្តីសម្រេច របស់តុលាការពិភពលោក ដែលបានបញ្ឈប់ការបង្គាប់ភ្លាមៗ ចំពោះបទនៅតំបន់ហ្កាហ្សា ប្រជាជននៅតំបន់ដែលមានភ្លៀងធ្លាក់ក្នុងទីក្រុង Tel Aviv បាននិយាយថា ក្រុមហាម៉ាស គួរតែត្រូវបានពិនិត្យសម្រាប់ការរំលោភសិទ្ធិមនុស្ស។ នៅទីតាំងចំណាប់ថ្នូរ Plaza ដែលត្រូវបានគេដាក់ឈ្មោះដូច្នេះចាប់តាំងពីក្រុមហាម៉ាសបានចាប់ពង្រត់មនុស្សប្រហែល ២៤០ នាក់ ក្នុងអំឡុងពេលនៃការវាយប្រហារនៅថ្ងៃទី ៧ ខែតុលា នៅភាគខាងត្បូងប្រទេសអ៊ីស្រាអែល អ៊ីស្រាអែល បានគាំទ្រការប្រយុទ្ធរបស់ប្រទេសពួកគេប្រឆាំងក្រុមសកម្មប្រយុទ្ធឥស្លាមនិយម ដែលគ្រប់គ្រងនៅតំបន់ហ្កាហ្សា។ឌីវៀ(Dvir) ជាអ្នករស់នៅទីក្រុង Tel Aviv បាននិយាយថា ការចេញសេចក្តីសម្រេចរបស់តុលាការ ធ្វើឱ្យយើងកាន់តែធូស្រាលបន្ថែមទៀត ដោយការសម្រេចបន្តប្រយុទ្ធប្រឆាំងក្រុមហាម៉ាស អាយស៊ីស(ISIS)។ និស្សិតជនជាតិអ៊ីស្រាអែលម្នាក់ទៀត ឈ្មោះ Tikva Zimmerman បាននិយាយថា សម្ពាធសម្រាប់ការដោះលែងចំណាប់ថ្នូរ នឹងនៅតែដាក់លើក្រុមហាម៉ាស។ លោក Josh Mover ជាពលរដ្ឋកាណាដា ដែលស្ម័គ្រចិត្តក្នុងប្រទេសអ៊ីស្រាអែល បាននិយាយថា តុលាការរបស់អង្គការសហប្រជាជាតិ នៅតែបន្តប្រព្រឹត្តចំពោះអ៊ីស្រាអែល ជាមួយនឹងបទដ្ឋានទ្វេរដង។តុលាការពិភពលោកកាលពីថ្ងៃសុក្រ បានបង្គាប់ឱ្យអ៊ីស្រាអែល ចាត់វិធានការទប់ស្កាត់អំពើប្រល័យពូជសាសន៍ ខណៈប្រទេសនេះធ្វើសង្គ្រាមប្រឆាំងក្រុមសកម្មប្រយុទ្ធហាម៉ាសនៅតំបន់ហ្កាហ្សា និងធ្វើការបន្ថែមទៀតដើម្បីជួយជនស៊ីវិល ប៉ុន្តែតុលាការបានបញ្ឈប់ការអំពាវនាវឱ្យមានបទឈប់បាញ់បន្ទាន់ តាមការស្នើសុំរបស់ប្រទេសអាហ្វ្រិកខាងត្បូង។គណៈរដ្ឋមន្ត្រីទទួលបន្ទុកសង្គ្រាមរបស់អ៊ីស្រាអែល លោក Benny Gantz បាននិយាយថា ប្រទេសរបស់លោក កំពុងប្រឈមមុខ «សត្រូវឃាតកម្ម» ដែលនឹងត្រូវប្រឈមមុខសវនាការចំពោះការវាយប្រហារដែលបានវាយប្រហារមកលើអ៊ីស្រាអែល។

ជនភៀសខ្លួនតំបន់ហ្កាហ្សា និងអ្នកគាំទ្រប៉ាឡេស្ទីន ខកចិត្តចំពោះសេចក្តីសម្រេចរបស់តុលាការ ICJ ចំពោះអ៊ីស្រាអែល

ប្រជាជនភៀសខ្លួនប៉ាឡេស្ទីន បាននិយាយកាលពីថ្ងៃសុក្រថា ពួកគេខកចិត្តក្នុងការស្តាប់ឮអំពីការចេញសេចក្តីសម្រេចរបស់តុលាការពិភពលោក ចំពោះអ៊ីស្រាអែលជុំវិញសង្គ្រាមនៅតំបន់ហ្កាហ្សា។ តុលាការ ICJ បានបង្គាប់ឱ្យអ៊ីស្រាអែល ទប់ស្កាត់រាល់អំពើប្រល័យពូជសាសន៍ណាមួយទៅលើពលរដ្ឋប៉ាឡេស្ទីន និងធ្វើការបន្ថែមទៀតដើម្បីជួយជនស៊ីវិលដែលកំពុងរងទុក្ខ។ ទោះជាយ៉ាងណា តុលាការ បានបញ្ឈប់ភ្លាមៗក្នុងការបង្គាប់ឲ្យមានបទឈប់បាញ់ តាមការស្នើសុំរបស់ប្រទេសអាហ្វ្រិកខាងត្បូង ដែលបានប្តឹងក្នុងករណីនេះ។ ជនភៀសខ្លួនតំបន់ហ្កាហ្សា ដែលរស់នៅក្នុងទីជម្រកបណ្តោះអាសន្ននៅ ទីក្រុង Khan Younis បាននិយាយថា ពួកគេកំពុងសង្ឃឹមថាសេចក្តីសម្រេចរបស់តុលាការ នឹងនាំមកនូវបទឈប់បាញ់។ ទោះជាយ៉ាងនេះក្តី សេចក្តីសម្រេចនេះ បានធ្វើឲ្យលែងមានក្តីសង្ឃឹមសម្រាប់ពលរដ្ឋប៉ាឡេស្ទីននៃការបង្គាប់ដើម្បីបញ្ឈប់សង្រ្គាមនៅតំបន់ហ្សា និងបង្ហាញភាពយឺតយ៉ាវផ្លូវច្បាប់សម្រាប់អ៊ីស្រាអែល ដែលសង្ឃឹមថានឹងបោះបង់ចោលករណីដែលនាំមកនៅក្រោមអនុសញ្ញាប្រល័យពូជសាសន៍។ ទន្ទឹមនឹងនេះ ក្រុមបាតុករគាំទ្រប៉ាឡេស្ទីន នៅខាងក្រៅតុលាការពិភពលោកនៅទីក្រុងឡាអេ បានសម្តែងការខកចិត្តកាលពីថ្ងៃសុក្រ ដែលចៅក្រមបានបញ្ឈប់ភ្លាមៗការបង្គាប់ឱ្យមានបទឈប់បាញ់នៅហ្កាហ្សា។ តុលាការបានរកឃើញថា ពលរដ្ឋប៉ាឡេស្ទីន ត្រូវបានការពារនៅក្រោមអនុសញ្ញា ហើយមានករណីមួយដែលត្រូវស្តាប់ឮ អំពីថាតើសិទ្ធិរបស់ពួកគេត្រូវបានបដិសេធនៅក្នុងសង្រ្គាមឬយ៉ាងណា ដែលតុលាការ និយាយថា បានបង្កគ្រោះថ្នាក់មនុស្សធម៌ធ្ងន់ធ្ងរ។តុលាការ បានអំពាវនាវឱ្យក្រុមប្រដាប់អាវុធប៉ាឡេស្ទីន ដោះលែងចំណាប់ថ្នូរ ដែលត្រូវបានចាប់ខ្លួននៅក្នុងការវាយប្រហារកាលពីថ្ងៃទី ៧ ខែតុលា ដែលបណ្តាលឱ្យមានជម្លោះ។

កសិករបារាំងដែលកំពុងតវ៉ា បានបិទផ្លូវធំ នៅជិតព្រំដែនជាមួយប្រទេសអេស្ប៉ាញ

កសិករប្រទេសបារាំង បានបិទផ្លូវធំនៅទីក្រុងបាយុនណេ(Bayonne) ជិតព្រំដែនប្រទេសអេស្ប៉ាញកាលពីថ្ងៃសុក្រ ក្នុងគោលបំណងបង្អាក់ចរាចរណ៍ឆ្លងកាត់ព្រំដែន និងជាផ្នែកមួយនៃការតវ៉ាទូទាំងប្រទេសជុំវិញតម្លៃស្បៀងអាហារចុះទាប និងការចំណាយសេវាក្រៅផ្លូវការផ្សេងៗច្រើនហួសហេតុ។សហជីពនានា បានអំពាវនាវឱ្យមានការបិទផ្លូវទូទាំងប្រទេសបារាំង ដើម្បីបង្កើនសម្ពាធលើរដ្ឋាភិបាលរបស់នាយករដ្ឋមន្ត្រីថ្មី លោក Gabriel Attal ដែលកសិករចោទប្រកាន់ថា មិនបានធ្វើអ្វីគ្រប់គ្រាន់ដើម្បីជួយពួកគេ។ទុក្ខព្រួយមួយក្នុងចំណោមទុក្ខព្រួយរបស់កសិករ គឺការប្រកួតប្រជែងមិនយុត្តិធម៌ ក្នុងចំណោមប្រទេសជិតខាង និងស្តង់ដារកសិកម្មដ៏តឹងរ៉ឹង ប្រកាន់ខ្ជាប់ការចំណាយច្រើន។ ដោយព្យាយាមបន្ធូរបន្ថយភាពតានតឹង រដ្ឋមន្ត្រីក្រសួងហិរញ្ញវត្ថុ និងកសិកម្ម បានពិភាក្សាជាមួយមន្ត្រីឧស្សាហកម្មម្ហូបអាហារកាលពីថ្ងៃសុក្រ អំពីតម្លៃផលិតផលសមរម្យ ជាអាទិភាពទីមួយ សម្រាប់កសិករ ដែលនិយាយថាពួកគេកំពុងរងទុក្ខដោយសារការជំរុញរបស់រដ្ឋាភិបាលក្នុងការបញ្ចុះតម្លៃដល់អ្នកប្រើប្រាស់។

ប្រមុខUN រន្ធត់ចិត្ត ដោយការចោទប្រកាន់បុគ្គលិកទីភ្នាក់ងារ សង្ស័យចូលរួមការវាយប្រហារអ៊ីស្រាអែល

ទីភ្នាក់ងារអង្គការសហប្រជាជាតិ ទទួលបន្ទុកជនភៀសខ្លួនប៉ាឡេស្ទីន (UNRWA) បាននិយាយកាលពីថ្ងៃសុក្រថា ខ្លួនបានបើកការស៊ើបអង្កេតលើបុគ្គលិកជាច្រើននាក់ ដែលសង្ស័យថាមានជាប់ពាក់ព័ន្ធក្នុងការវាយប្រហារកាលពីថ្ងៃទី ៧ ខែតុលា នៅប្រទេសអ៊ីស្រាអែល ដោយក្រុមហាម៉ាស ហើយនិយាយថា ខ្លួនបានកាត់ផ្តាច់ទំនាក់ទំនងជាមួយសមាជិកបុគ្គលិកទាំងនោះ។ លោក ហ្វីលីព ឡាហ្សារីនី(Philippe Lazzarini) អគ្គស្នងការទីភ្នាក់ងារអង្គការសហប្រជាជាតិ ទទួលបន្ទុកជនភៀសខ្លួនប៉ាឡេស្ទីន (UNRWA) បាននិយាយថា អាជ្ញាធរអ៊ីស្រាអែល បានផ្តល់ព័ត៌មានដល់ ទីភ្នាក់ងារ UNRWA អំពីការជាប់ពាក់ព័ន្ធរបស់បុគ្គលិក UNRWA ជាច្រើននាក់ នៅក្នុងការវាយប្រហារដ៏រន្ធត់លើប្រទេសអ៊ីស្រាអែល កាលពីថ្ងៃទី ៧ ខែតុលា។ ដើម្បីការពារសមត្ថភាពរបស់ទីភ្នាក់ងារ ក្នុងការដឹកជញ្ជូនជំនួយមនុស្សធម៌ លោកហ្វីលីព ឡាហ្សារីនី(Philippe Lazzarini) បានសម្រេចចិត្ត បញ្ចប់កិច្ចសន្យាភ្លាមៗរបស់សមាជិកបុគ្គលិកទាំងនេះ ហើយចាប់ផ្តើមការស៊ើបអង្កេតមួយ ដើម្បីបង្កើតការពិតដោយមិនបង្អង់យូរ។ ទោះបីជាយ៉ាងណា លោកបាននិយាយថា បុគ្គលិកទីភ្នាក់ងារ UNRWA ណាក៏ដោយ ដែលជាប់ពាក់ព័ន្ធក្នុងសកម្មភាពភេរវកម្ម នឹងត្រូវឲ្យទទួលខុសត្រូវ រួមទាំងតាមរយៈការកាត់ទោសព្រហ្មទណ្ឌផងដែរ។ អ្នកនាំពាក្យរដ្ឋាភិបាលអ៊ីស្រាអែល លោក Eylon Levy បានចោទប្រកាន់ទីភ្នាក់ UNRWA ពីការប្រកាសព័ត៌មាននេះ ខណៈដែលការយកចិត្តទុកដាក់របស់ពិភពលោកផ្តោតលើតុលាការពិភពលោកដែលបង្គាប់ឱ្យអ៊ីស្រាអែល ទប់ស្កាត់អំពើប្រល័យពូជសាសន៍លើពលរដ្ឋប៉ាឡេស្ទីន និងធ្វើការបន្ថែមទៀតដើម្បីជួយជនស៊ីវិលនៅតំបន់ហ្កាហ្សា។ អ្នកនាំពាក្យ លោក Stéphane Dujarric បាននិយាយថា លោក អគ្គលេខាធិការមានការរន្ធត់ចិត្តចំពោះព័ត៌មាននេះ។ទីភ្នាក់ងារ UNRWA ដែលជាម្ចាស់ជំនួយធំបំផុតក្នុងឆ្នាំ ២០២២ រួមមានសហរដ្ឋអាមេរិក អាល្លឺម៉ង់ និងសហភាពអឺរ៉ុប បាននិយាយម្តងហើយម្តងទៀតថា សមត្ថភាពរបស់ខ្លួនក្នុងការផ្តល់ជំនួយមនុស្សធម៌ដល់ប្រជាជននៅតំបន់ហ្កាហ្សា គឺជិតដល់មាត់ជ្រោះនៃការដួលរលំហើយ។

បណ្ដាញសង្គម

ព័ត៌មានថ្មីៗ

ការស្លាប់សង្ស័យបណ្តាលមកពីជំងឺប៉េសរបស់បុគ្គលិកមន្ទីរពិសោធន៍រុស្ស៊ីម្នាក់ធ្វើឱ្យក្រុមអ្នកជំនាញងឿងឆ្ងល់

រដ្ឋមន្រ្ដីក្រសួងយុត្តិធម៌ប្រាប់នាយិកាថ្មីនៃអង្គការ UNICEFថា ការជំរុញការការពារសិទ្ធិកុមារត្រូវបានចាត់ទុកជាបេសកកម្មស្នូលរបស់រាជរដ្ឋាភិបាលកម្ពុជា

មន្រ្តីបរិស្ថានប្រចាំការក្នុងដែនជម្រកសត្វព្រៃភ្នំឱរ៉ាល់ ធ្វើការបង្រ្កាបបទល្មើសធនធានធម្មជាតិនិងឃាត់ខ្លួនជនសង្ស័យ០១នាក់

វិចារណកថា៖ កសិដ្ឋានមួយ គឺជាប្រព័ន្ធអេកូឡូស៊ី «វាលស្រែចម្ការផ្តល់ផលជាអាហារ តាមរយៈការរួមដំណើររវាងធម្មជាតិ ចំណេះដឹង កម្លាំងពលកម្ម និងពេលវេលា»

ទំនាក់ទំនងកម្ពុជា-ឡាវ រយៈពេល ៧០ឆ្នាំ បន្តលូតលាស់យ៉ាងរឹងមាំ និងផ្ដល់ផលប្រយោជន៍ទៅវិញទៅមក

WHO កំពុងតាមដាន ចំពោះការស្លាប់របស់បុគ្គលិកមន្ទីរពិសោធន៍រុស្ស៊ី ស្របពេលសង្ស័យពីជំងឺប៉េស្តសួត

សហជីព៖ សាលារៀនជិត ២ពាន់កន្លែង ត្រូវបិទផ្លូវ ឬបិទទ្វារ ខណៈការតវ៉ាកើតឡើងទូទាំងបារាំង

សាកលវិទ្យាល័យ Cornell រៀបចំបោះឆ្នោតដកសេចក្ដីទុកចិត្តលើរដ្ឋបាល ជុំវិញដំណោះស្រាយករណីរំលោភផ្លូវភេទ

កងកម្លាំងអ៊ីស្រាអែលសម្លាប់មនុស្សម្នាក់ និងជាច្រើននាក់ផ្សេងទៀតរងរបួសនៅតំបន់វ៉េសប៊ែង

លោកស្រី Von der Leyen ជំរុញឲ្យជំនួយថាមពលទៅដល់គ្រួសារខ្វះខាត់ខ្លាំងបំផុត

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877