BTV NEWS

តំណាងអយ្យការចោទប្រកាន់ រតនៈ ពិសាល ពីបទហិង្សាដោយចេតនាមានស្ថានទម្ងន់ទោស ក្រោយបង្កហិង្សា និងអះអាងថា ខ្លួនជាកូនខ្លាមេ០៧

សាម ម៉ីជូ ត្រូវបាននគរបាលនាំខ្លួនដល់អយ្យការអមសាលាដំបូងរាជធានីភ្នំពេញហើយ ដើម្បីចោទប្រកាន់

ក្មេងទំនើងដែលបង្កហិង្សា និងអះអាងថាខ្លួនជាកូនខ្លាមេ០៧ ត្រូវបានអាវុធហត្ថបញ្ជូនដល់ដំណាក់កាលអយ្យការហើយ

៦ខែដើមឆ្នាំ២០២៦ សមត្ថកិច្ចក្រសួងមហាផ្ទៃចុះឆែកឆេរជិត ៣ម៉ឺនទីតាំង ឃាត់ខ្លួនជនបរទេស Online Scams ជាង ២ពាន់នាក់ និងពិន័យប្រាក់ម្ចាស់ទីតាំងជិត ៨ប៊ីលានរៀល

សន្តិសុខ និង សង្គម

មនុស្សជាច្រើននាក់ ត្រូវគេបារម្ភថា បានស្លាប់ បន្ទាប់ពីមានកុបកម្ម និងភាពចលាចលដ៏ខ្លាំងក្លានៅ ប៉ាពួញូហ្គីណេ

មនុស្សជាច្រើនត្រូវបានគេបារម្ភថាបានស្លាប់ បន្ទាប់ពីកុបកម្ម និងភាពចលាចលដ៏ខ្លាំងខ្លា បានវាយប្រហាររដ្ឋធានី ព័រ ម៉ូរ៉េសប៊ី (Port Moresby) របស់ប្រទេសប៉ាពួ ញូហ្គីណេ Papua New Guinea។ហាង និងរថយន្តជាច្រើនត្រូវបានដុតបំផ្លាញ ហើយផ្សារទំនើបជាច្រើនត្រូវបានគេចូលលួច ខណៈមនុស្សរាប់រយនាក់បានចេញតវ៉ាតាមដងផ្លូវនានា ក្រោយនគរបាល ចេញបានធ្វើកូដកម្មជុំវិញជម្លោះប្រាក់ខែ។ លោក ផូវ៉េស ផាកូប (Powes Parkop) អភិបាលខណ្ឌ របស់រដ្ឋធានីនេះ បានថ្លែងក្នុងការផ្សាយតាមវិទ្យុថា ការលួចយកទំនិញ ពីហាងនានា ត្រូវបានធ្វើឡើងដោយជនឆ្លៀតឱកាស។ រដ្ឋាភិបាលនេះ បានពង្រាយកងទ័ពដើម្បីព្យាយាមនិងស្ដារសណ្តាប់ធ្នាប់ឡើងវិញ។ យោងតាមរបាការណ៍ពីសារព័ត៌មាន Reuters លោក Parkop បាននិយាយនៅក្នុងសុន្ទរកថាតាមវិទ្យុមួយថា យើងបានឃើញកម្រិតនៃជម្លោះមិនធ្លាប់មាននៅក្នុងទីក្រុងរបស់យើង ជាអ្វីមួយដែលមិនធ្លាប់មានពីមុនមកក្នុងប្រវត្តិសាស្ត្រនៃទីក្រុង និងប្រទេសរបស់យើង ។លោកបានបន្ថែមថា មនុស្សមួយចំនួនបានបាត់បង់ជីវិតនៅថ្ងៃនេះ ទោះបីជាលោកពុំបានផ្តល់ចំនួនអ្នកស្លាប់ក៏ដោយ។ភាពចលាចលនេះត្រូវបានបង្កឡើងបន្ទាប់ពីនគរបាល និងមន្ត្រីសាធារណៈផ្សេងទៀតបានធ្វើកូដកម្មតវ៉ានៅខាងក្រៅសភាកាលពីថ្ងៃពុធ បន្ទាប់ពីបានរកឃើញថាប្រាក់ខែរបស់ពួកគេត្រូវបានកាត់បន្ថយរហូតដល់ ៥០% ៕

ព្យុះរដូវរងានៅតាមបណ្តោយឆ្នេរខាងកើតរបស់សហរដ្ឋអាមេរិក ធ្វើឱ្យដាច់ចរន្តអគ្គិសនី និងមានទឹកជំនន់

តំបន់ឆ្នេរសមុទ្រភាគខាងកើតរបស់សហរដ្ឋអាមេរិក នៅតែស្ថិតក្រោមការគំរាមកំហែងនៃអាកាសធាតុធ្ងន់ធ្ងរកាលពីថ្ងៃពុធ (១០ មករា) ខណៈដែលព្យុះរដូវរងាដ៏ខ្លាំងក្លាមួយបានបោកបក់ពាសពេញតំបន់នេះ ដែលធ្វើឲ្យមានការដាច់ចរន្តអគ្គិសនី ជើងហោះហើរត្រូវបានផ្អាក និងទីក្រុងជាច្រើនបានលិចលង់ដោយទឹកជំនន់។សេវាអាកាសធាតុជាតិ (NWS) បាននិយាយថា មនុស្សជាង ៥០លាននាក់ ចាប់ពីភាគខាងកើតនៃរដ្ឋ អូហាយយ៉ូ (Ohio) កាត់តាមតំបន់ មីតអាត្លង់ទិច (Mid-Atlantic) និងទៅកាន់ភាគឦសាន កំពុងស្ថិតនៅក្រោមការណែនាំអំពីខ្យល់បក់ខ្លាំង និងទឹកជំនន់កាលពីថ្ងៃពុធ។ទឹកជំនន់បានជន់លិចតាមដងផ្លូវ ហូរទៅដល់លំនៅឋាន និងអាជីវកម្មជាច្រើន ព្រមទាំងបណ្ដាលឲ្យរថយន្តលិចលង់ និងធ្វើឱ្យក្រុមមន្ត្រីនៅក្នុងទីក្រុងឆ្នេរដែលមានប្រជាជនចំនួន ២.៥០០នាក់ប្រកាសភាពអាសន្ន និងចេញបញ្ជាជម្លៀស។គេហទំព័រតាមដានអគ្គិសនីអាមេរិក ផៅវើអោតថេក (Poweroutage) បានរាយការណ៍ថាលំនៅឋាន និងអាជីវកម្មប្រហែល ៣០០.០០០ទីទាំងចាប់ពីរដ្ឋ ណស ខារ៉ូឡាញណា (North Carolina) ដល់រដ្ឋម៉េន (Maine) បានដាច់ចរន្តអគ្គិសនីនៅរសៀលថ្ងៃពុធ។ យោងតាមគេហទំព័រតាមដានជើងហោះហើរ ហ្វ្លាយអឹវែរ (Flightaware) បានឲ្យដឹងថា ព្យុះនេះក៏បណ្តាលឱ្យជើងហោះហើរជាង ១.២០០ជើង ត្រូវបានពន្យារពេល ឬលុបចោលគិតត្រឹមរសៀលថ្ងៃពុធ រួមទាំងជើងហោះហើរជាង ២៧០ជើងខាងក្នុង និងក្រៅទីក្រុងឈីកាហ្គោ (Chicago) ផងដែរ៕

ការវាយប្រហារដោយមីស៊ីលរបស់រុស្សី បានកំណត់គោលដៅទៅលើសណ្ឋាគារ ក្នុងទីក្រុងខាកីវ (Kharkiv)

អភិបាលតំបន់ខាគីវ ( Kharkiv) លោក អូឡេ ស៊ីនីហ៊ុបូវ (Oleh Syniehubov) បាននិយាយនៅក្នុងសារ Telegram កាលពីថ្ងៃទី១០ ខែមករាថា កងកម្លាំងរុស្ស៊ី បានវាយប្រហារទៅលើសណ្ឋាគារមួយ នៅ ទីក្រុងខាកូវ ( Kharkov) ភាគកណ្តាល ជាមួយនឹងមីស៊ីលចំនួនពីរគ្រាប់ បណ្តាលឲ្យមនុស្សយ៉ាងហោចណាស់ ១០នាក់ រងរបួស។លោកបាននិយាយថា៖«អំពើភេរវកម្មមួយទៀតប្រឆាំងនឹងជនស៊ីវិល អ្នកកាន់កាប់ទាំងអស់ បានវាយប្រហារនៅជិតសណ្ឋាគារមួយ នៅកណ្តាលទីក្រុងខាកូវ ដោយមីស៊ីលចំនួនពីរគ្រាប់»។មន្ត្រីនោះ បាននិយាយថា មនុស្ស១០នាក់ បានរងរបួស។ ជនរងគ្រោះម្នាក់ ស្ថិតក្នុងស្ថានភាពធ្ងន់ធ្ងរ ម្នាក់ស្ថិតក្នុងស្ថានភាពមធ្យម និងម្នាក់ទៀត រងរបួសស្រាល។លោកស៊ីនីហ៊ុបូវ បានបន្ថែមថា៖«ក្នុងចំណោមអ្នករងរបួស មានអ្នកសារព័ត៌មានមកពីប្រព័ន្ធផ្សព្វផ្សាយទួរ គីដែលស្នាក់នៅក្នុងសណ្ឋាគារនោះ»។សេវាសង្គ្រោះបន្ទាន់ កំពុងដោះស្រាយក្រោយការវាយប្រហារនោះ។យោងតាមប្រធានការិយាល័យរដ្ឋអាជ្ញាប្រចាំតំបន់ Kharkiv លោក Oleksandr Filchakov មីស៊ីលត្រូវបានបាញ់ចេញពីតំបន់បែលហ្គោរូដ (Belgorod)របស់រុស្ស៊ី។ មីស៊ីលមួយគ្រាប់ បានវាយប្រហារអគារសណ្ឋាគារ ខណៈមួយទៀត បានផ្ទុះនៅចម្ងាយប៉ុន្មានម៉ែត្រពីទីនោះ។នៅពេលការវាយប្រហារនោះ បានកើតឡើង មានជនស៊ីវិលជាង ៣០នាក់នៅក្នុងអគារ រួមទាំងភ្ញៀវ២៣នាក់នៃសណ្ឋាគារនោះ។

លោកហ្សេឡិនស្គី៖ អ៊ុយក្រែន មិនស្ថិតនៅក្រោមសម្ពាធពីសម្ព័ន្ធមិត្ត ឲ្យបញ្ឈប់ការប្រយុទ្ធនោះទេ

ប្រធានាធិបតីអ៊ុយក្រែនលោក វ៉ូឡូមៀ ហ្សេឡិនស្គី (Volodymyr Zelenskiy) បានថ្លែងកាលពីថ្ងៃពុធថាទីក្រុងគីវ មិនស្ថិតនៅក្រោមសម្ពាធពីសម្ព័ន្ធមិត្តឲ្យបញ្ឈប់ការប្រយុទ្ធជាមួយរុស្ស៊ីទេ ខណៈដែលលោក បានចាប់ផ្តើមការធ្វើដំណើរទៅកាន់បណ្តារដ្ឋបាល់ទិក ដែលមានបំណងគាំទ្រដល់កិច្ចខិតខំប្រឹងប្រែង សង្គ្រាមនេះ។នៅក្នុងដំណើររបស់ខ្លួនទៅកាន់ប្រទេសលីទុយអានី ឡាតវី និងអេស្តូនី លោកហ្សេឡិនស្គី សង្ឃឹមថា នឹងបញ្ឈប់ភាពនឿយហត់ក្នុងសង្គ្រាមក្នុងចំណោមសម្ព័ន្ធមិត្តលោកខាងលិចរបស់អ៊ុយក្រែន ទទួលបានជំនួយផ្នែកហិរញ្ញវត្ថុ និងយោធាបន្ថែមទៀត ហើយពិភាក្សាអំពីកិច្ចប្រឹងប្រែងរបស់ទីក្រុងគីវ ដើម្បីចូលរួមជាមួយអង្គការណាតូ និងសហភាពអឺរ៉ុប។ប៉ុន្តែមិនយូរប៉ុន្មានមុនពេលមេដឹកនាំអ៊ុយក្រែនរូបនេះ បានចាប់ផ្តើមកិច្ចពិភាក្សាជាមួយប្រធានាធិបតីលីទុយអានីលោក Gitanas Nauseda នៅទីក្រុងវីលនីញូស (Vilnius) រដ្ឋមន្ត្រីការពារជាតិអ៊ីតាលី បាននិយាយនៅទីក្រុងរ៉ូមថា ពេលវេលាបានមកដល់សម្រាប់ផ្នែកការទូត ដើម្បីត្រួសត្រាយផ្លូវសម្រាប់សន្តិភាពហើយ។នៅពេលសួរនៅទីក្រុងវីលនីញូសថាតើដៃគូរបស់អ៊ុយក្រែនឥឡូវនេះ កំពុងជំរុញទីក្រុងគីវឲ្យបញ្ឈប់ការប្រយុទ្ធគ្នាឬយ៉ាងណានោះ លោកហ្សេឡិនស្គី បាននិយាយថា៖«មិនមានសម្ពាធពីដៃគូ ដើម្បីបញ្ឈប់ការការពាររបស់យើងទេ។ មិនមានសម្ពាធ ដើម្បីបញ្ឈប់ជម្លោះ នៅឡើយទេ»។លោកបានថ្លែងប្រាប់សន្និសីទសារព័ត៌មានរួមគ្នាជាមួយលោក Nauseda ថា៖«មានសំឡេងផ្សេងៗនៅក្នុងប្រព័ន្ធផ្សព្វផ្សាយ ខ្ញុំបានអានពួកវាទាំងអស់នោះហើយ»។«ប៉ុន្តែខ្ញុំគិតថា ដៃគូរបស់យើងមិនទាន់បានត្រៀមខ្លួនជាស្រេចក្នុងការផ្តល់សញ្ញាបែបនេះ ដល់យើងនៅឡើយទេ។ទោះបីជាយ៉ាងណាក៏ដោយ ខ្ញុំមិនបានឮពួកគេផ្ទាល់ទេ»។

ការប្រយុទ្ធគ្នានៅតំបន់ហ្កាហ្សាកាន់តែខ្លាំងឡើង បើទោះជាអ៊ីស្រាអែលសន្យាថា កាត់បន្ថយសង្គ្រាមក្តី

ការវាយប្រហាររបស់អ៊ីស្រាអែលនៅតំបន់ហ្កាហ្សាភាគខាងត្បូង និងភាគកណ្តាល កាន់តែខ្លាំងកាលពីថ្ងៃពុធ ទោះបីជាអ៊ីស្រាអែលសន្យាថា ខ្លួននឹងដកកងទ័ពមួយចំនួនចេញ ហើយផ្លាស់ប្តូរទៅរកយុទ្ធនាការដែលមានគោលដៅបន្ថែមទៀត ហើយការអង្វរករពីសម្ព័ន្ធមិត្តរបស់ខ្លួន គឺទីក្រុងវ៉ាស៊ីនតោនឲ្យកាត់បន្ថយការស្លាប់ជនស៊ីវិល។នៅក្នុងសញ្ញាចុងក្រោយនៃការរីករាលដាលនៃសង្គ្រាមរយៈពេល៣ខែ នាវាចម្បាំងអាមេរិក និងអង់គ្លេសនៅសមុទ្រក្រហម បានការពារការវាយប្រហារដ៏ធំបំផុតពីចលនាហួទីនៅប្រទេសយេម៉ែន ដែលនិយាយថាខ្លួនកំពុងធ្វើសកម្មភាពគាំទ្រតំបន់ហ្កាហ្សា។ ទីក្រុងវ៉ាស៊ីនតោន និងទីក្រុងឡុងដ៍ បាននិយាយថា ពួកគេបានបាញ់ទម្លាក់យានដ្រូន និងមីស៊ីលចំនួន ២១គ្រាប់ ដែលសំដៅលើផ្លូវដឹកជញ្ជូន។ គ្មាននរណាម្នាក់រងរបួសទេ។អ៊ីស្រាអែល បាននិយាយនៅសប្តាហ៍នេះថា ខ្លួនគ្រោងនឹងចាប់ផ្តើមដកទ័ព យ៉ាងហោចណាស់ពីផ្នែកខាងជើងនៃតំបន់ហ្កាហ្សា បន្ទាប់ពីសម្ពាធរបស់សហរដ្ឋអាមេរិកជាច្រើនសប្តាហ៍ ឲ្យកាត់បន្ថយប្រតិបត្តិការរបស់ខ្លួន ហើយប្តូរទៅអ្វីដែលទីក្រុងវ៉ាស៊ីនតោននិយាយថា គួរតែជាយុទ្ធនាការកំណត់គោលដៅបន្ថែម ទៀត។ប៉ុន្តែការប្រយុទ្ធគ្នាហាក់មានសភាពខ្លាំងក្លាដូចមុន ជាពិសេសនៅតំបន់ភាគខាងត្បូង និងភាគកណ្តាល ដែលកងកម្លាំងអ៊ីស្រាអែល បានបើកការវាយលុកថ្មើរជើង កាលពីខែមុន។អង្គការសុខភាពពិភពលោក បានលុបចោលបេសកកម្មជំនួយផ្នែកវេជ្ជសាស្រ្ដដែលបានគ្រោងទុកទៅកាន់តំបន់ហ្កាហ្សា ដោយសារការព្រួយបារម្ភអំពីសុវត្ថិភាព ដែលជាការលុបចោលលើកទី៦ ក្នុងរយៈពេលពីរសប្តាហ៍។

បណ្ដាប្រទេសជិតខាងអារ៉ាប់ ព្រមានប្រឆាំងនឹងការកាន់កាប់តំបន់ហ្កាហ្សា ឡើងវិញរបស់អ៊ីស្រាអែល

អេហ្ស៊ីប និងហ្ស៊កដានី បានព្រមានប្រឆាំងនឹងការកាន់កាប់ឡើងវិញរបស់អ៊ីស្រាអែល នៅក្នុងតំបន់ហ្កាហ្សាស្ទ្រីប ហើយបានអំពាវនាវឱ្យប្រជាជនដែលត្រូវបានបង្ខំឲ្យជម្លៀសខ្លួនត្រូវបានអនុញ្ញាតឱ្យត្រឡប់ទៅលំនៅឋានរបស់ពួកគេវិញ ខណៈដែលបណ្ដាមេដឹកនាំប្រទេសអារ៉ាប់ទាំងពីរនេះបានជួបជាមួយប្រធានអាជ្ញាធរប៉ាឡេស្ទីន លោក ម៉ាហ៍ម៉ូដ អាបបាស (Mahmoud Abbas) កាលពីថ្ងៃពុធ (១០ មករា)។ខណៈពេលដែលអ៊ីស្រាអែលបន្តទៅមុខជាមួយនឹងយុទ្ធនាការយោធា ដែលខ្លួននិយាយថានឹងមានរយៈពេលជាច្រើនខែ លោក អាបបាស ព្រះមហាក្សត្រ អាបឌូលឡាហ៍ (Abdullah) របស់ហ្ស៊កដានី និងលោកប្រធានាធិបតី អាបឌែល ហ្វាតតាហ៍ អាល់ស៊ីស៊ី (Abdel Fattah al-Sisi) របស់អេហ្ស៊ីប ក៏បាននិយាយឡើងវិញពីការបដិសេធរបស់ពួកគេចំពោះផែនការណាមួយក្នុងការផ្លាស់ទីលំនៅរបស់ប្រជាជនប៉ាឡេស្ទីនចេញពីទឹកដីរបស់ពួកគេ ដោយជាហានិភ័យមួយដែលអេហ្ស៊ីបនិយាយថាបានកើនឡើង ខណៈសង្គ្រាមអ៊ីស្រាអែល ប្រឆាំងក្រុមហាម៉ាស បានជំរុញអ្នកស្រុកហ្កាហ្សាភាគច្រើនរត់ភៀសខ្លួនទៅភាគខាងត្បូងឆ្ពោះទៅកាន់ព្រំដែនអេហ្ស៊ីប។ហ្ស៊កដានីមានការព្រួយបារម្ភចំពោះកំណើនអស្ថិរភាព និងការវាយប្រហារលើជនជាតិប៉ាឡេស្ទីនដោយអ្នកតាំងលំនៅជនជាតិជ្វីហ្វនៅតំបន់ វេស បែង (West Bank) កាន់កាប់ដោយអ៊ីស្រាអែល ដែលមានព្រំដែនជាប់ហ្ស៊កដានី។ សេចក្តីថ្លែងការណ៍មួយចេញដោយការិយាល័យរបស់លោកប្រធានាធិបតីអេហ្ស៊ីប ស៊ីស៊ី បាននិយាយថា សហគមន៍អន្តរជាតិចាំបាច់ត្រូវបង្ហាញ «ជំហរសម្រេចចិត្ត» ដើម្បីជំរុញឱ្យមានបទឈប់បាញ់ភ្លាមៗនៅហ្កាហ្សា។សេចក្តីថ្លែងការណ៍នោះបានបន្ថែមថា មេដឹកនាំទាំងបីរូបបានបញ្ជាក់ «ការបដិសេធទាំងស្រុងចំពោះការប៉ុនប៉ងណាមួយដើម្បីកាន់កាប់ឡើងវិញនូវផ្នែកខ្លះនៃតំបន់ហ្កាហ្សា និងបញ្ជាក់ពីតម្រូវការដើម្បីឱ្យប្រជាជនរបស់តំបន់ហ៊ុមព័ទ្ធមួយនេះបានត្រឡប់ទៅផ្ទះរបស់ពួកគេវិញ»៕

អង្គការមនុស្សធម៌ UN ព្រួយបារម្ភចំពោះមនុស្សជាង ៥០ ម៉ឺននាក់ភៀសខ្លួនពីស៊ូដង់ ចូលទៅស៊ូដង់ខាងត្បូង

អង្គការជំនួយមនុស្សធម៌របស់អង្គការសហប្រជាជាតិ បាននិយាយកាលពីថ្ងៃអង្គារថា ពួកគេមានការព្រួយបារម្ភយ៉ាងខ្លាំងចំពោះជនភៀសខ្លួន និងអ្នកវិលត្រឡប់ទៅវិញរាប់ម៉ឺននាក់ ដែលភៀសខ្លួនចេញពីជម្លោះនៅប្រទេសស៊ូដង់ ចូលទៅក្នុងប្រទេសស៊ូដង់ខាងត្បូង។ ការិយាល័យអង្គការសហប្រជាជាតិទទួលបន្ទុកការសម្របសម្រួលកិច្ចការមនុស្សធម៌ (OCHA) បាននិយាយថា មនុស្សជាង ៥០.០០០នាក់ បានឆ្លងកាត់ពីប្រទេសស៊ូដង់ក្នុងរយៈពេល៣សប្តាហ៍កន្លងទៅនេះ ដោយមនុស្សរាប់ពាន់នាក់ផ្សេងទៀតត្រូវបានគេរាយការណ៍ថា កំពុងរង់ចាំនៅព្រំដែនដើម្បីចូលទៅប្រទេសស៊ូដង់ខាងត្បូង។ ការិយាល័យនេះបាននិយាយថា ចាប់តាំងពីសង្រ្គាមនៅស៊ូដង់ ចាប់ផ្តើមនៅក្នុងខែមេសា ឆ្នាំ ២០២៣ មនុស្សជិត ៥០០.០០០នាក់ បានភៀសខ្លួនចូលទៅកាន់ប្រទេសស៊ូដង់ខាងត្បូង។ អង្គការ OCHA កំពុងអំពាវនាវបន្ទាន់ សម្រាប់ការផ្តល់មូលនិធិបន្ថែម ដើម្បីបំពេញតម្រូវការមនុស្សធម៌ដ៏ច្រើនលើសលប់នៅកន្លែងឆ្លងកាត់ និងរៀបចំការដឹកជញ្ជូនបន្តសម្រាប់អ្នកមកដល់ថ្មី ដើម្បីកាត់បន្ថយភាពចង្អៀតណែន នៅតាមមជ្ឈមណ្ឌលឆ្លងកាត់។ ការផ្គត់ផ្គង់ និងសេវាកម្មសំខាន់ៗ មានតិចតួច និងមានហានិភ័យនៃការរាលដាលជំងឺ។ការិយាល័យបាននិយាយថា ដៃគូមនុស្សធម៌របស់យើងនៅក្នុងប្រទេសស៊ូដង់ខាងត្បូង ក៏កំពុងឆ្លើយតបទៅនឹងការផ្ទុះឡើងជំងឺគ្រុនលឿង នៅក្នុងរដ្ឋភាគខាងត្បូង នៃរដ្ឋវ៉េស អេក្វាតូរីយ៉ា(West Equatoria) ហើយតំបន់ចំនួនបីនៅទីនោះ បានរាយការណ៍ករណីសង្ស័យចំនួន១៧ករណី និងកើតមាន១ករណី ដែលត្រូវបានបញ្ជាក់ និងមានអ្នកស្លាប់ចំនួន៦នាក់ ក្នុងចំណោមកុមារនៅចន្លោះអាយុ ២ឆ្នាំ និង ៥ ឆ្នាំ។អ្នកវិលត្រឡប់ទៅវិញ ដែលនិយាយយោងទៅរកប្រជាជនស៊ូដង់ខាងត្បូង ដែលបានភៀសខ្លួនចេញពីជម្លោះកាលពីពេលមុន បានចូលមកក្នុងប្រទេសស៊ូដង់ ហើយបច្ចុប្បន្នកំពុងត្រឡប់ចេញមកពីជម្លោះនៅស៊ូដង់វិញ។

នគរបាលខណ្ឌឫស្សីកែវ ធ្វើបង្ហាញមុខជនសង្ស័យ ២នាក់ ពាក់ព័ន្ធករណីកាប់ប្លន់

ភ្នំពេញ៖ ជនសង្ស័យចំនួន២នាក់ ជាមុខសញ្ញាកាប់ប្លន់យ៉ាងសកម្មក្នុងរាជធានីភ្នំពេញ ត្រូវបានកម្លាំងនគរបាលខណ្ឌឫស្សីកែវ ស្រាវជ្រាវ ឃាត់ខ្លួនបានជាបន្តបន្ទាប់ និងធ្វើការបង្ហាញមុខជាសាធារណៈ នៅព្រឹកថ្ងៃទី១០ ខែ មករា ឆ្នាំ២០២៤ នៅអធិការដ្ឋាននគរបាលខណ្ឌឫស្សីកែវ។ជនសង្ស័យទាំង ២នាក់ ទី១-ឈ្មោះ ធី សុបញ្ញារិទ្ធ ហៅផល្លា ភេទប្រុស អាយុ២៨ឆ្នាំមុខរបរ មិនពិតប្រាកដ មានទីលំនៅ បន្ទប់ជួល ផ្លូវលំ ភូមិទួលសំពៅ សង្កាត់ទួលសង្កែទី២ ខណ្ឌ ឫស្សីកែវ រាជធានីភ្នំពេញ (មានសារធាតុញៀន), និងទី២.ឈ្មោះ រ៉ាយ រ៉ាវុធ ភេទប្រុស អាយុ៣២ឆ្នាំ មុខរបរមិនពិតប្រាកដ មានទីលំនៅ បន្ទប់ជួល ផ្លូវលំ ខណ្ឌទួលគោក រាជធានីភ្នំពេញ(មានសារធាតុញៀន)។ការធ្វើបង្ហាញមុខជនសង្ស័យទាំងពីរនាក់នេះលោក វរៈសេនីយ៍ឯក ហ៊ាង ថារ៉េត អធិការនគរបាលខណ្ឌឫស្សីកែវ បានអោយដឹងថា ជនសង្ស័យទាំង ២នាក់ ត្រូវបានកម្លាំងជំនាញរបស់អធិការដ្ឋានខណ្ឌសហការជាមួយកម្លាំងនគរបាលការិយាល័យព្រហ្មទណ្ឌ នៃស្នងការនគរបាលរាជធានីភ្នំពេញ ស្រាវជ្រាវឃាត់ខ្លួនបាន ជាបន្តបន្ទាប់កាលពីយប់ ថ្ងៃទី០៨ ខែ មករា ឆ្នាំ ២០២៤ នៅចំណុច ផ្លូវលេខ ១០០៣ ភូមិ គង្គាផុស សង្កាត់ទួល សង្កែ ទី២ ខណ្ឌឬស្សីកែវ បន្ទាប់ពីធ្វើសកម្មភាពប្លន់ បានតែរយៈពេល ៤ថ្ងៃ ។លោកអធិការបានអោយដឹងថាទៀតថា កាលពីវេលាម៉ោង ៧យប់ ថ្ងៃទី ០៤ ខែមករា ឆ្នាំ ២០២៤ កន្លងទៅមានករណី កាប់ ប្លន់យក ម៉ូតូម៉ាក ហុង ដាឌ្រីម ១គ្រឿង នៅចំណុចដើមប្រេងខ្យល់ ស្ថិតនៅខាងជើង កាំកូស៊ីធី តាមផ្លូវលេខ ១០០៣ ក្នុង សង្កាត់ទួលសង្កែទី២។ នៅក្នុងសកម្មភាព ជនសង្ស័យ ២នាក់ បានប្រើដាវកែច្នៃ ភ្ជង់គំរាមជនរងគ្រោះ ដែលកំពុង តែចុះបត់ជើង ប្លន់យកម៉ូតូ ម៉ាកហុង ដាឌ្រីម ពណ៌ខ្មៅ ពាក់ស្លាកលេខភ្នំពេញ 1IN.8015 មួយគ្រឿងបានសម្រេច។ បន្ទាប់ពីមានករណី ប្លន់ដោយមានបទបញ្ជាពីឯកឧត្ដម ឧត្តមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ និងមានការដឹកនាំដោយ លោកវរសេនីយ៍ឯក ប៊ុន សត្យា ស្នងការង ទទួលផែនការងារនគរបាលព្រហ្មទណ្ឌកម្លាំង នគរបាលខណ្ឌ បានសហការជាកម្លាំង ជំនាញការិយាល័យនគរបាលព្រហ្មទណ្ឌកម្រិតធ្ងន់ និង ការិយាល័យព្រហ្មទណ្ឌកម្រិតស្រាលស្រាវជ្រាវ ឈានទៅឃាត់ខ្លួនបានជនសង្ស័យ ២នាក់ព្រមទាំងដកហូតបានម៉ូតូម៉ាកធូដេ ១គ្រឿងផងដែរ។ លោកអធិការនគរបាលខណ្ឌឫស្សីកែវ បានបញ្ជាក់ថាថា ជនសង្ស័យ ជាមុខ សញ្ញាចាស់ ប្លន់ និង លួច យ៉ាងសកម្ម ធ្លាប់ជាប់ពន្ធនាគារ និងបានប្រើប្រាស់គ្រឿងញៀនផងដែរ៕ អត្ថបទ៖ កុម្ភះ

ប្រទេសប៉េរូ ប្រកាសអាសន្ននៅព្រំដែនភាគខាងជើង ខណៈអំពើហិង្សាអង្រួនប្រទេសអេក្វាឌ័រ

រដ្ឋាភិបាលរបស់ប្រទេសប៉េរូ បានប្រកាសកាលពីថ្ងៃអង្គារ (០៩ មករា) នូវភាពអាសន្នតាមបណ្តោយព្រំដែនភាគខាងជើងរបស់ខ្លួនជាមួយអេក្វាឌ័រ ខណៈដែលការកើនឡើងនៃអំពើហិង្សាបានកើតមានឡើង ដោយភាគច្រើនត្រូវបានស្តីបន្ទោសទៅលើក្រុមឧក្រិដ្ឋជនមកពីប្រទេសជិតខាង។នាយករដ្ឋមន្ត្រីប៉េរូ លោក អាលប៊ឺតតូ អូតារ៉ូឡា (Alberto Otarola) បានធ្វើសេចក្តីប្រកាសដោយបញ្ជាក់ថា សេចក្តីប្រកាសគ្រាអាសន្ននេះនឹងដាក់ពង្រាយកងទ័ពចំនួនមិនជាក់លាក់ ដើម្បីគាំទ្រដល់កងកម្លាំងនគរបាល។ រដ្ឋមន្ត្រីក្រសួងការពារជាតិ និងមហាផ្ទៃរបស់ប្រទេសប៉េរូ ក៏នឹងធ្វើដំណើរទៅកាន់ព្រំដែនផងដែរ ដើម្បីសម្របសម្រួលប្រតិបត្តិការ នេះបើយោងតាមលោកនាយករដ្ឋមន្ត្រី។ប្រធានាធិបតីអេក្វាឌ័រ លោក ដានីញ៉ែល ណូបូអា (Daniel Noboa) បានចេញក្រឹត្យមួយកាលពីថ្ងៃអង្គារ ដោយចាត់ថ្នាក់ក្រុមជនអន្ធពាលចំនួន ២២ក្រុមជាអង្គការភេរវករ ភ្លាមៗបន្ទាប់ពីក្រុមប្រដាប់អាវុធទាំងនេះបានសម្រុកចូលកាន់កាប់ស្ទូឌីយ៉ូទូរទស្សន៍អំឡុងពេលការផ្សាយបន្តផ្ទាល់ នៅក្នុងឧទាហរណ៍ចុងក្រោយបង្អស់នៃការបង្កើនភាពគ្មានច្បាប់នៅក្នុងប្រទេសនេះ៕

ចំនួនអ្នកស្លាប់ខាងប៉ាឡេស្ទីន ក្នុងជម្លោះតំបន់ហ្កាហ្សា ឡើងដល់ជាង ២៣.០០០នាក់

ចំនួនអ្នកស្លាប់របស់ប៉ាឡេស្ទីន ពីការវាយប្រហាររបស់អ៊ីស្រាអែល លើតំបន់ហ្កាហ្សាស្ទ្រីប បានកើនឡើងដល់ ២៣.២១០នាក់ ហើយមនុស្សប្រហែល ២លាននាក់បានជម្លៀសខ្លួន ស្របពេលមានវិបត្តិមនុស្សធម៌ធ្ងន់ធ្ងរចាប់តាំងពីការផ្ទុះឡើងនៃជម្លោះអ៊ីស្រាអែល-ក្រុមហាម៉ាស កាលពីថ្ងៃទី០៧ ខែតុលាមក នេះបើយោងតាមក្រសួងសុខាភិបាលដែលមានមូលដ្ឋាននៅតំបន់ហ្កាហ្សា បាននិយាយកាលពីថ្ងៃអង្គារ (០៩ មករា)។ក្រសួងបានប្រកាសនៅក្នុងសេចក្តីថ្លែងការណ៍មួយថា កងទ័ពអ៊ីស្រាអែលបានសម្លាប់ជនជាតិប៉ាឡេស្ទីនយ៉ាងហោចណាស់ ១២៦នាក់ នៅតំបន់ហ្កាហ្សាស្ទ្រីប និងមនុស្ស ២៤១នាក់ ផ្សេងទៀតរងរបួសក្នុងរយៈពេល ២៤ម៉ោងកន្លងមក ដោយបន្ថែមចំនួនសរុបនៃអ្នករបួសប៉ាឡេស្ទីនបានកើនឡើងដល់ ៥៩.១៦៧ ចាប់តាំងពីថ្ងៃទី០៧ ខែតុលាមក។ទោះបីជាមានការអំពាវនាវជាអន្តរជាតិឱ្យការពារជនស៊ីវិលនៅតំបន់ហ្កាហ្សា រួមទាំងដោយរដ្ឋមន្ត្រីការបរទេសអាមេរិក លោក អាន់តូនី ប្លីងខិន (Antony Blinken) ដែលកំពុងបំពេញទស្សនកិច្ចនៅមជ្ឈិមបូព៌ាក៏ដោយ ក៏អ៊ីស្រាអែលបាននិយាយថា ខ្លួននឹងបង្កើនការវាយប្រហារនៅតំបន់ហ្កាហ្សាភាគខាងត្បូងបន្ថែមទៀត។យោងតាមតួលេខដែលចេញផ្សាយដោយមូលនិធិកុមាររបស់អង្គការសហប្រជាជាតិ (UNICEF) បានឲ្យដឹងថា ហានិភ័យនៃគ្រោះទុរ្ភិក្សនៅក្នុងតំបន់ហ្កាហ្សាស្ទ្រីបកំពុងកើនឡើង ដោយកុមារទាំងអស់ចំនួន ៣៣៥.០០០នាក់ ដែលមានអាយុក្រោម ៥ឆ្នាំនៅក្នុងតំបន់ កំពុងប្រឈមមុខនឹងកង្វះអាហារូបត្ថម្ភធ្ងន់ធ្ងរ៕

បណ្ដាញសង្គម

ព័ត៌មានថ្មីៗ

ការវាយប្រហាររបស់រុស្ស៊ីលើទីក្រុងគីវសម្លាប់មនុស្សយ៉ាងតិច ៩នាក់ ខណៈក្រុមពន្លត់អគ្គិភ័យកំពុងពន្លត់អគារដែលខូចខាត

ប្រព័ន្ធផ្សព្វផ្សាយ៖ មនុស្ស ២នាក់បានស្លាប់ ក្នុងការវាយប្រហាររបស់ជនសកម្មប្រយុទ្ធនៅតំបន់កាស្មៀររបស់ឥណ្ឌា

ប្រធានាធិបតីលីបង់ព្រមានថា ការវាយប្រហាររបស់អ៊ីស្រាអែលកំពុងគំរាមកំហែងកិច្ចចរចាក្របខណ្ឌ មុនជំនួបនៅទីក្រុងរ៉ូម

ប្រមុខUN ៖ ផែនទីបង្ហាញផ្លូវនៃការរំសាយអាវុធនៅតំបន់ហ្កាហ្សា ត្រូវតែអនុវត្តតាម

UN៖ ការខូចខាតហេដ្ឋារចនាសម្ព័ន្ធនៅភាគខាងត្បូងលីបង់ ធ្វើឲ្យប៉ះពាល់ដល់ការវិលត្រឡប់របស់ប្រជាពលរដ្ឋ

វិស័យអប់រំបោះជំហានទៅមុខលើការបណ្ដុះយុវជនឱ្យខិតខំអភិវឌ្ឍជំនាញនិងការច្នៃប្រឌិតថ្មី

ក្រុមហ៊ូទី អះអាងថាបានបង្ខំឱ្យនាវាដឹកប្រេងអារ៉ាប៊ីសាអ៊ូឌីតចំនួន៨គ្រឿងផ្លាស់ប្តូរទិសដៅ

ទេសចរក្នុងស្រុកដាក់ផែនការទៅទស្សនាខេត្តសៀមរាប កំឡុងការបញ្ចុះតម្លៃសេវាស្នាក់រហូតដល់៥០%

រដ្ឋមន្រ្តីសុខាភិបាល «ការព្យាបាល និងស្ដារនីតិសម្បទាអ្នកញៀនគ្រឿងញៀន មិនមែនគ្រាន់តែជាការចូលរួមប្រយុទ្ធប្រឆាំងគ្រឿងញៀនប៉ុណ្ណោះទេ ប៉ុន្តែជាការចូលរួមអភិវឌ្ឍមូលធនមនុស្ស»

ជំនាញបច្ចេកទេសចំនួន៦ នៅវិទ្យាស្ថាន ITI ត្រូវនឹងទីផ្សារការងារទាំងពេលបច្ចុប្បន្ននិងអនាគត

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877