BTV NEWS

គណៈបញ្ជាការឯកភាពរាជធានី បន្តចុះបង្ក្រាប Online Scams នៅសង្កាត់ចាក់អង្រែលើ ឃាត់មនុស្ស១៦នាក់

ផ្តន្ទាទោសជនជាប់ចោទ ៦នាក់ ដាក់ពន្ធនាគារអស់មួយជីវិតពាក់ព័ន្ធនឹងករណីឃាតកម្មដោយមានទារុណកម្មលើនិស្សិតជនជាតិកូរ៉េខាងត្បូង

ឃាត់ខ្លួនជនជាតិចិន ៦១នាក់ ក្នុងប្រតិបត្តិការបង្ក្រាបទីតាំង Online Scams នៅខណ្ឌចំនួនពីរ ក្នុងភូមិសាស្រ្តរាជធានីភ្នំពេញ

រយៈពេល៣សប្តាហ៍ខែឧសភានេះ សមត្ថកិច្ច បង្ក្រាប Online Scams ចំនួន ៥០ទីតាំង ឃាត់ខ្លួនជនបរទេសសង្ស័យប្រមាណ ៣ ៣២០នាក់ និងបណ្តេញចេញជាង១ពាន់នាក់

សន្តិសុខ និង សង្គម

ពលរដ្ឋអ៊ីស្រាអែល ប្រមូលផ្ដុំគ្នាទាមទារឲ្យរដ្ឋាភិបាលសង្រ្គោះចំណាប់ថ្នូរបន្ទាប់ពីក្រុមហាម៉ាស បដិសេធកិច្ចព្រមព្រៀម

ក្រុមគ្រួសារនៃចំណាប់ថ្នូរអ៊ីស្រាអែល ដែលក្រុមហាម៉ាសបានចាប់ខ្លួន បានប្រមូលផ្តុំគ្នានៅច្រកទ្វារសំខាន់នៃក្រសួងការពារជាតិអ៊ីស្រាអែល ក្នុងទីក្រុង តែលអាវីវ (Tel Aviv) កាលពីថ្ងៃច័ន្ទ (២៥ ធ្នូ) ដើម្បីរង់ចាំគណៈរដ្ឋមន្ត្រីសន្តិសុខក្នុងក្តីសង្ឃឹមថានឹងបញ្ឈប់រថយន្តរបស់ពួកគេ ហើយអង្វរសុំឲ្យជួយសង្រ្គោះមនុស្សជាទីស្រលាញ់របស់ខ្លួន បន្ទាប់ពីដឹងថាក្រុមហាម៉ាស បានបដិសេធកិច្ចព្រមព្រៀងចំណាបថ្នូរ។ក្រុមបាតុករបានដាក់នាឡិកាដីខ្សាច់ដែលសន្មត់ថាពេលវេលាកំពុងជិតអស់សម្រាប់ចំណាប់ថ្នូរម្នាក់ៗដែលស្ថិតនៅក្នុងការចាប់ខ្លួនរបស់ក្រុមហាម៉ាស។ ក្រុមបាតុករបាននិយាយថា «យើងនឹងប្រាប់លោកនាយករដ្ឋមន្ត្រីថា លោកជាអ្នកទទួលខុសត្រូវចំពោះអ្វីដែលបានកើតឡើងនៅថ្ងៃទី០៧ ខែតុលា ហើយលោកត្រូវតែនាំចំណាប់ថ្នូរត្រឡប់មកវិញឱ្យបានឆាប់តាមដែលអាចធ្វើទៅបាន។ ខណៈដែលក្រុមហាម៉ាស បានបដិសេធកិច្ចព្រមព្រៀងចំណាប់ថ្នូរនេះ ពួកយើងចង់ដឹងថាតើអ៊ីស្រាអែលមានផែនការអ្វីបន្ទាប់ទៀត»។ក្រុមហាម៉ាស និងក្រុមអ៊ីស្លាមសម្ព័ន្ធមិត្ត ជីហាត ដែលក្រុមទាំងពីរបានស្បថថាមិនអត់ឱនចំពោះការបំផ្លាញរបស់អ៊ីស្រាអែល ត្រូវបានគេជឿថាកំពុងចាប់ចំណាប់ថ្នូរជាង ១០០នាក់ក្នុងចំណោមមនុស្ស ២៤០នាក់ ដែលពួកគេចាប់បានក្នុងអំឡុងពេលការវាយឆ្មក់កាលពីថ្ងៃទី០៧ ខែតុលា ឆ្លងកាត់ទីប្រជុំជនអ៊ីស្រាអែល។ចាប់តាំងពីពេលនោះមក អ៊ីស្រាអែល បានបង្កការបំផ្លិចបំផ្លាញយ៉ាងធ្ងន់ធ្ងរដល់តំបន់ហ៊ុមព័ទ្ធមួយនេះ។ យោងតាមក្រុមអាជ្ញាធរនៅតំបន់ហ្កាហ្សា ដែលគ្រប់គ្រងដោយក្រុមហាម៉ាស បានឱ្យដឹងថា មនុស្សជិត ២០.៧០០នាក់ ត្រូវបានសម្លាប់រួមទាំងមនុស្ស ២៥០នាក់ស្លាប់ក្នុងរយៈពេល ២៤ម៉ោងចុងក្រោយនេះ៕

ទឹកជំនន់បង្ខំឲ្យមនុស្សជិត១ម៉ឺននាក់នៅម៉ាឡេស៊ី ជម្លៀសខ្លួននិងបណ្ដាលឲ្យមនុស្សម្នាក់ស្លាប់

ទឹកជំនន់បានបង្ខំឲ្យមនុស្ស ៩.៩៦៧នាក់ ក្នុងប្រទេសម៉ាឡេស៊ី ត្រូវជម្លៀសខ្លួនគិតត្រឹមថ្ងៃច័ន្ទ (២៥ ធ្នូ) បន្ទាប់ពីមានភ្លៀងធ្លាក់ខ្លាំងជាបន្តបន្ទាប់។ យោងតាមនាយកដ្ឋានសុខុមាលភាពសង្គមរបស់ប្រទេសនេះបានឱ្យដឹងថា អ្នកដែលត្រូវបានជម្លៀសទាំងនោះត្រូវបានគេដាក់ឲ្យស្នាក់នៅក្នុងមជ្ឈមណ្ឌលសម្រាលបន្ទុកទឹកជំនន់ចំនួន ១២១ទីតាំងនៅក្នុងរដ្ឋចំនួនបួន។ជាមួយគ្នានោះដែរ អធិការរងនគរបាលស្រុក ផាសឺ ម៉ាស (Pasir Mas) លោក ស៊ុបនីក អាមីនុដឌីន រ៉ាចាអាបឌុលឡាហ្វ (Supt Nik Aminuddin Raja Abdullah) បាននិយាយនៅក្នុងសេចក្តីថ្លែងការណ៍មួយថា ក្មេងស្រីអាយុ ១១ឆ្នាំម្នាក់ បានលង់ទឹកស្លាប់ ខណៈដែលម្នាក់ទៀតបានបាត់ខ្លួន បន្ទាប់ពីបានធ្លាក់ចូលទៅក្នុងទឹកជំនន់ក្នុងរដ្ឋ ខេឡានតាន (Kelantan)។នាយកដ្ឋានឧតុនិយមបានចេញការព្រមានអំពីភ្លៀងធ្លាក់ខ្លាំង ដោយសារខ្យល់មូសុងឦសាន ដែលជាធម្មតាអូសបន្លាយពីខែតុលា ដល់ខែមីនា ជាមួយនឹងខ្យល់បក់ខ្លាំង និងកំណើនទឹកសមុទ្រដែលរំពឹងទុក នៅក្នុងរដ្ឋភាគខាងជើង និងឆ្នេរសមុទ្រភាគខាងកើតនៃប្រទេសអាស៊ីអាគ្នេយ៍មួយនេះ៕

អង្គការសុខភាពពិភពលោក៖ មន្ទីរពេទ្យ Shifa តំបន់ហ្កាហ្សា «ជាករណីទុក្ខវេទនាទាំងស្រុង»

អង្គការសុខភាពពិភពលោក (WHO) និងដៃគូនានា បានទៅសួរសុខទុក្ខ និងផ្តល់គ្រឿងផ្គត់ផ្គង់ដល់មន្ទីរពេទ្យ Al-Shifa និងបានទៅពិនិត្យមើលមន្ទីរពេទ្យចំនួនបីផ្សេងទៀតនៅតំបន់ហ្កាហ្សា តាមក្បួនរថយន្តជាច្រើន ក្នុងពេលមានទិដ្ឋភាពនៃភាពអស់សង្ឃឹម និងសេចក្តីត្រូវការខ្លាំង។យោងតាមអង្គការសុខភាពពិភពលោកបានឲ្យដឹងថា មន្ទីរពេទ្យ Al-Shifa ធ្លាប់ជាមន្ទីរពេទ្យធំបំផុតនៅតំបន់ហ្កាហ្សា ប៉ុន្តែជម្លោះឥតឈប់ឈរ និងចំនួនអ្នករងរបួសច្រើន បានធ្វើឱ្យសមត្ថភាពមន្ទីរពេទ្យនេះធ្លាក់ចុះខ្សោយ។លោក Sean Casey អ្នកសម្របសម្រួលក្រុមគ្រូពេទ្យសង្គ្រោះបន្ទាន់របស់អង្គការសុខភាពពិភពលោកបានពណ៌នាពីទីកន្លែងកើតហេតុ ដោយនិយាយថា គ្រូពេទ្យ និងគិលានុបដ្ឋាយិកា កំពុងប្រញាប់ប្រញាល់ ខណៈប្រជាជនកំពុងស្រែកយំ ពួកគេត្រូវការឈាមសម្រាប់កូនប្រុសស្រីរបស់ពួកគេដែលអាចនឹងស្លាប់។អ៊ីស្រាអែល បានបដិសេធការដាក់គោលដៅទៅលើជនស៊ីវិល ក្នុងប្រតិបត្តិការយោធារបស់ខ្លួននៅហ្កាហ្សា និងបានចោទប្រកាន់ក្រុមហាម៉ាសថា បានសាងសង់ផ្លូវរូងក្រោមដី និងហេដ្ឋារចនាសម្ព័ន្ធយោធានៅក្នុងតំបន់ជនស៊ីវិលដែលមានប្រជាជនរស់នៅច្រើន។ក្រុមហាម៉ាស់ និងក្រុមជីហាតអ៊ីស្លាម ជាសម្ព័ន្ធមិត្តសកម្មប្រយុទ្ធ ដែលក្រុមទាំងពីរនេះបានស្បថចំពោះការបំផ្លាញអ៊ីស្រាអែល ត្រូវបានគេជឿថាកំពុងចាប់ចំណាប់ថ្នូរជាង ១០០នាក់ក្នុងចំណោម ២៤០ នាក់ដែលពួកគេចាប់ទៅ ក្នុងអំឡុងពេលការវាយសម្រុកចូលកាលពីថ្ងៃទី ៧ ខែតុលា ឆ្លងកាត់ក្រុងនានារបស់អ៊ីស្រាអែល ដែលនៅពេលនោះបានសម្លាប់មនុស្ស ១.២០០ នាក់។

ការវាយប្រហារតាមអាកាសរបស់អ៊ីស្រាអែល នៅស៊ីរី សម្លាប់សមាជិកជាន់ខ្ពស់កងឆ្មាំបដិវត្តន៍អ៊ីរ៉ង់

ប្រភពពីសន្តិសុខចំនួនបី និងប្រព័ន្ធផ្សព្វផ្សាយរដ្ឋរបស់អ៊ីរ៉ង់ បាននិយាយថា ការវាយប្រហារតាមអាកាសរបស់អ៊ីស្រាអែល នៅខាងក្រៅរដ្ឋធានីដាម៉ាស(Damascus) របស់ប្រទេសស៊ីរី កាលពីថ្ងៃចន្ទ បានសម្លាប់ទីប្រឹក្សាជាន់ខ្ពស់ម្នាក់នៅក្នុងកងឆ្មាំបដិវត្តន៍អ៊ីរ៉ង់។ ប្រភពនានា បានប្រាប់សារព័ត៌មានរ៉យទ័រថា ទីប្រឹក្សាដែលគេស្គាល់ឈ្មោះថា សាយយ៉េត រ៉ាហ្សី មូសាវី(Sayyed Razi Mousavi) ជាអ្នកទទួលខុសត្រូវក្នុងការសម្របសម្រួលសម្ព័ន្ធភាពយោធារវាងស៊ីរី និងអ៊ីរ៉ង់។ទូរទស្សន៍រដ្ឋរបស់អ៊ីរ៉ង់ បានអាក់ខានការផ្សាយព័ត៌មានជាប្រចាំរបស់ខ្លួន ដើម្បីប្រកាសថា លោក Mousavi ត្រូវបានសម្លាប់ ដោយចាត់ទុកលោកថា ជាទីប្រឹក្សាចាស់ទុំបំផុតម្នាក់របស់កងឆ្មាំនេះ នៅក្នុងប្រទេសស៊ីរី។ ប្រធានាធិបតីអ៊ីរ៉ង់ លោក Ebrahim Raisi បាននិយាយថា ការធ្វើឃាតលោក Mousavi បង្ហាញពីភាពទន់ខ្សោយរបស់អ៊ីស្រាអែល។ ប្រព័ន្ធផ្សព្វផ្សាយអ៊ីរ៉ង់ បានដកស្រង់សម្តីលោក Raisi ដែលនិយាយថា ទង្វើនេះគឺជាសញ្ញាមួយបង្ហាញពីការខកចិត្ត និងភាពទន់ខ្សោយរបស់របបអ៊ីស្រាអែល នៅក្នុងតំបន់ ដែលប្រទេសនេះនឹងទទួលនូវទង្វើរដែលខ្លួនបានប្រព្រឹត្ត។ ឆ្មាំបដិវត្តន៍បាននិយាយថា អ៊ីស្រាអែលនឹងរងការលំបាក ចំពោះការសម្លាប់លោក Mousavi ដែលមានឋានន្តរស័ក្តិជាឧត្តមសេនីយត្រីរ បស់កងឆ្មាំបដិវត្តន៍។ ទន្ទឹមនឹងនេះ ក្រុមជីហាតអ៊ីស្លាមប៉ាឡេស្ទីន បានថ្កោលទោសការសម្លាប់លោក Mousavi ថាជា ទង្វើដ៏កំសាក ដោយនិយាយថាលោកបានមានតួនាទីយ៉ាងសំខាន់ក្នុងការគាំទ្រការតស៊ូក្នុងតំបន់ ព្រមទាំងពលរដ្ឋប៉ាឡេស្ទីន និងបុព្វហេតុរបស់ពួកគេ។

មនុស្សរាប់ពាន់នាក់ តវ៉ានៅទីក្រុង Belgrade ជុំវិញលទ្ធផលបោះឆ្នោតនៅស៊ែរប៊ី

ប្រជាជនស៊ែរប៊ីរាប់ពាន់នាក់ បានចេញធ្វើបាតុកម្មនៅរដ្ឋធានីប៊ែលក្រាដ(Belgrade) កាលពីថ្ងៃចន្ទ ដើម្បីតវ៉ាចំពោះលទ្ធផលនៃការបោះឆ្នោត ដែលអ្នកអង្កេតការណ៍អន្តរជាតិបាននិយាយថា អយុត្តិធម៌។ ក្រុមនិស្សិតបានបិទផ្លូវជាច្រើនកន្លែង នៅខាងក្រៅអគារក្រសួងនានាដោយគប់វត្ថុជាច្រើន និងស្រែកថា «បង្ហាញបញ្ជីសន្លឹកឆ្នោត»។យោងតាមលទ្ធផលបឋមរបស់គណៈកម្មាធិការបោះឆ្នោតរដ្ឋ បានឲ្យដឹងថា ក្រុមអ្នកតវ៉ា កំពុងទាមទារឱ្យមានការត្រួតពិនិត្យបញ្ជីឈ្មោះអ្នកបោះឆ្នោតសម្រាប់ការបោះឆ្នោតសភាមុនអាណត្តិ ដែលបានធ្វើឡើងកាលពីចុងសប្តាហ៍កន្លងទៅ បានមើលឃើញគណបក្សជឿនលឿនស៊ែរប៊ី (SNS) បានគ្រប់គ្រងអំណាចដោយមានសំឡេងឆ្នោតជាង ៤៦ភាគរយ។បេសកកម្មអង្កេតការណ៍អន្តរជាតិ បាននិយាយថាគណបក្សជឿនលឿនស៊ែរប៊ី (SNS) ទទួលបានអត្ថប្រយោជន៍ដោយអយុត្តិធម៌ តាមរយៈការលំអៀងប្រព័ន្ធផ្សព្វផ្សាយ ឥទ្ធិពលមិនត្រឹមត្រូវរបស់ប្រធានាធិបតី លោក Aleksandr Vucic និងភាពមិនប្រក្រតីនៃការបោះឆ្នោត ដូចជាការទិញសន្លឹកឆ្នោតជាដើម។ លោក Vucic បាននិយាយថា ការបោះឆ្នោតមានភាពយុត្តិធម៌ ហើយអាជ្ញាធរបានបដិសេធនូវភាពមិនប្រក្រតីណាមួយ។នគរបាលនិយាយថា មនុស្ស ៣៨នាក់ ត្រូវបានឃុំខ្លួន ហើយនគរបាល ៨នាក់ បានរងរបួសនៅក្នុងការប៉ះទង្គិចគ្នា។ កាលពីថ្ងៃចន្ទ ក្រុមបាតុករ បានដើរដង្ហែបាតុកម្មទៅកាន់ប៉ុស្តិ៍នគរបាលធំ ជាកន្លែងដែលពួកគេជឿថា អ្នកដែលត្រូវបានចាប់ខ្លួនដោយនគរបាលកំពុងត្រូវបានឃុំខ្លួននៅទៅនោះ។ ក្រុមបាតុករដែលដឹកនាំដោយសម្ព័ន្ធឆ្វេងនិយមស៊ែរប៊ីប្រឆាំងអំពើហឹង្សា បានបង្ហាញជំនឿតិចតួចលើស្ថាប័នរបស់ប្រទេស ហើយបានអំពាវនាវឱ្យលុបចោលលទ្ធផលការបោះឆ្នោត។ សហភាពអឺរ៉ុប និងសហរដ្ឋអាមេរិកបានជំរុញឱ្យប្រទេសស៊ែរប៊ី ដោះស្រាយកង្វល់អំពីដំណើរការបោះឆ្នោតរបស់ខ្លួន បន្ទាប់ពីការវាយតម្លៃដោយអង្គការសន្តិសុខ និងកិច្ចសហប្រតិបត្តិការនៅអឺរ៉ុប (OSCE) ដែលបានរកឃើញបញ្ហានីតិវិធី។

សហរដ្ឋអាមេរិកសងសឹកនៅអ៊ីរ៉ាក់ បន្ទាប់ពីទាហានអាមេរិក បីនាក់រងរបួសក្នុងការវាយប្រហារ

ក្រុមមន្ត្រីបាននិយាយថា យោធាសហរដ្ឋអាមេរិកបានបើកការវាយប្រហារតាមអាកាសសងសឹកកាលពីថ្ងៃចន្ទនៅក្នុងប្រទេសអ៊ីរ៉ាក់ បន្ទាប់ពីការវាយប្រហារដោយយានដ្រូនកាលពីថ្មីៗនេះ ដោយក្រុមសកម្មប្រយុទ្ធគាំទ្រដោយអ៊ីរ៉ង់ ដែលបានបណ្ដាលឱ្យសមាជិកកងទ័ពអាមេរិកម្នាក់រងរបួសធ្ងន់ និងពីរនាក់ផ្សេងទៀតរងរបួសស្រាល។ ការប៉ះទង្គិចគ្នាទៅវិញទៅមក គឺជាការបង្ហាញចុងក្រោយបំផុតអំពីរបៀបដែលសង្រ្គាមអ៊ីស្រាអែល និងក្រុមហាម៉ាស កំពុងរាលដាលពាសពេញមជ្ឈិមបូព៌ា ដោយបង្កើតភាពចលាចលដែលបានប្រែក្លាយទាហានអាមេរិកនៅមូលដ្ឋានទ័ពនៅក្នុងប្រទេសអ៊ីរ៉ាក់ និងស៊ីរី ទៅជាគោលដៅវាយប្រហារ។ ក្រុមសម្ព័ន្ធមិត្តអ៊ីរ៉ង់នៅអ៊ីរ៉ាក់ និងស៊ីរី ប្រឆាំងនឹងយុទ្ធនាការរបស់អ៊ីស្រាអែលនៅតំបន់ហ្កាហ្សា ហើយចាត់ទុកអាមេរិក ជាផ្នែកមួយ នៃអ្នកទទួលខុសត្រូវចំពោះសង្រ្គាមនេះ។ យោធាអាមេរិកបាននិយាយថា តាមការណែនាំរបស់លោកប្រធានាធិបតី Joe Biden យោធាអាមេរិក បានបើកការវាយប្រហារនៅក្នុងប្រទេសអ៊ីរ៉ាក់នៅម៉ោង ១:៤៥នាទីម៉ោងសកល ដែលទំនងជាបានសម្លាប់ ក្រុមសកម្មប្រយុទ្ធ កាថេប ហេសបូឡា ( Kataib Hezbollah)មួយចំនួន និងកម្ទេចកន្លែងជាច្រើនដែលប្រើប្រាស់ដោយក្រុមនេះ ។ថ្លែងនៅក្នុងសេចក្តីថ្លែងការណ៍មួយលោកឧត្តមសេនីយ មៃឃើល អ៊ីរីក គូរីឡា (Michael Erik Kurilla)ប្រមុខបញ្ជាការកណ្តាលអាមេរិកបាននិយាយថា ការវាយប្រហារទាំងនេះមានគោលបំណង ទទួលខុសត្រូវ ចំពោះបញ្ហាទាំងនោះ ដែលទទួលខុសត្រូវដោយផ្ទាល់ចំពោះការវាយប្រហារ លើកងកម្លាំងចម្រុះ នៅក្នុងប្រទេសអ៊ីរ៉ាក់ និងស៊ីរី និងធ្វើឱ្យប៉ះពាល់សមត្ថភាពរបស់ពួកគេក្នុងការបន្តការវាយប្រហារ។ យើងនឹងការពារកងកម្លាំងរបស់យើងជានិច្ច៕

មនុស្សរាប់ម៉ឺននាក់រងគ្រោះ ខណៈទឹកជំនន់បានវាយប្រហារភាគខាងត្បូងប្រទេសថៃ

ក្រុមមន្ត្រីបាននិយាយកាលពីថ្ងៃចន្ទ ២៥ ធ្នូ ថា ទឹកជំនន់ដែលបង្កឡើងដោយភ្លៀងធ្លាក់ខ្លាំង បានប៉ះពាល់ដល់មនុស្សរាប់ម៉ឺននាក់នៅភាគខាងត្បូងដាច់ស្រយាលរបស់ប្រទេសថៃ ដោយផ្លូវថ្នល់ និងផ្លូវរថភ្លើងមួយចំនួនត្រូវបានបង្ខំឱ្យបិទ មិនឲ្យធ្វើចរាចរណ៍។ សាលារៀនយ៉ាងហោចណាស់រាប់សិបនៅក្នុងខេត្តយ៉ាឡា(Yala)និងខេត្តណារ៉ាធីវ៉ាត់(Narathiwat) ត្រូវបានបង្ខំឱ្យបិទ ស្របពេលវីដេអូពីតំបន់ បានបង្ហាញឱ្យឃើញលំនៅឋាន និងហាងនានាត្រូវបានជន់លិចដោយទឹកពណ៌ត្នោត ហើយអ្នកស្រុកកំពុងស្នាក់នៅទីទួលមានសុវត្ថិភាព។ ភ្លៀងធ្លាក់ខ្លាំងក៏បានបង្កបញ្ហានៅសមុទ្រផងដែរ ក្នុងនោះ មានទូកយ៉ាងហោចណាស់៧គ្រឿង បានលិចនៅក្នុងឈូងសមុទ្រថៃ និងសមុទ្រ អានដាម៉ាន់ (Andaman) ចាប់តាំងពីថ្ងៃសុក្រសប្ដាហ៍មុនមក។ក្រុមហ៊ុនផ្លូវដែករដ្ឋរបស់ព្រះរាជាណាចក្រនេះ បាននិយាយថា ការជន់លិចផ្លូវមានន័យថារថភ្លើងដែលធ្វើដំណើរឆ្ពោះទៅភាគខាងត្បូងទៅកាន់ព្រំដែនម៉ាឡេស៊ីបានឈប់នៅខេត្តយ៉ាឡា (Yala ចម្ងាយ) ចម្ងាយ១០០ គីឡូម៉ែត្រ។ក្រុមអាជ្ញាធរបានព្រមានឲ្យប្រជាពលរដ្ឋក្នុងខេត្តនេះត្រៀមខ្លួនជម្លៀសចេញ ប្រសិនបើទឹកជំនន់មានសភាពកាន់តែធ្ងន់ធ្ងរជាងនេះទៀតនោះ៕

បុគ្គលិកជំនួយរបស់UN៖ មានកន្លែងតិចតួចសម្រាប់ជនភៀសខ្លួនហ្កាហ្សា ដើម្បីទៅជ្រកកោន

មេដឹកនាំក្រុមមនុស្សធម៌របស់អង្គការសហប្រជាជាតិ បាននិយាយកាលពីថ្ងៃចន្ទថា ប្រជាជនប៉ាឡេស្ទីនជាច្រើននាក់ នៅតំបន់ហ្កាហ្សាស្ទ្រីប បានធ្វើតាមការបញ្ជាជម្លៀសរបស់កងទ័ពអ៊ីស្រាអែល និងស្វែងរកសុវត្ថិភាព នៅក្នុងតំបន់ដែលបានកំណត់ ដោយយល់ឃើញថា មានកន្លែងទំនេរតិចតួច នៅក្នុងដែនដីដែលមានប្រជាជនរស់នៅច្រើន។អ្នកស្រី Gemma Connell ដែលត្រូវបានដាក់ឲ្យបំពេញការងារនៅតំបន់ហ្កាហ្សាអស់រយៈពេលជាច្រើន សប្តាហ៍ ឥឡូវនេះ បានពណ៌នាអំពីអ្វីដែលអ្នកស្រីហៅថា «ក្តារអុកមនុស្ស» ដែលមនុស្សរាប់ពាន់នាក់ត្រូវបានផ្លាស់ទីលំនៅជាច្រើនដងរួចមក ហើយកំពុងរត់ម្តងទៀត ហើយមិនមានការធានាថា គោលដៅ នឹងមានសុវត្ថិភាពនោះទេ។សហរដ្ឋអាមេរិក ដែលជាសម្ព័ន្ធមិត្តដ៏រឹងមាំបំផុតរបស់អ៊ីស្រាអែល ក្នុងសង្គ្រាមប្រឆាំងនឹងក្រុមហាម៉ាស អស់រយៈពេលជាច្រើនសប្តាហ៍ បានគាបសង្កត់អ៊ីស្រាអែលឲ្យចាត់វិធានការបន្ថែមទៀត ដើម្បីកាត់បន្ថយគ្រោះថ្នាក់ដល់ជនស៊ីវិល ដោយកំណត់តំបន់សុវត្ថិភាព និងការឈូសឆាយផ្លូវមនុស្សធម៌សម្រាប់ប្រជាជនក្នុងការរត់គេចខ្លួន។អ្នកស្រី Connell ដែលបានទៅលេងសង្កាត់ Deir al-Balah នៅកណ្តាលតំបន់ហ្កាហ្សា កាលពីថ្ងៃចន្ទ បាននិយាយថា៖«មនុស្សបានធ្វើដំណើរឆ្ពោះទៅភាគខាងត្បូងជាមួយនឹងពូក និងរបស់របរទាំងអស់របស់ពួកគេនៅក្នុងរថយន្តវ៉ែន និងក្នុងរថយន្តដឹកទំនិញ និងក្នុងរថយន្តតូចៗ ដើម្បីព្យាយាម និងស្វែងរកកន្លែងដែលមានសុវត្ថិភាព»។

ប្រទេសចិនព្រមានថា បំណែកសំណល់នៃយានចម្លង អាចនឹងប៉ះពាល់ដល់សមុទ្រចិនខាងត្បូង

ប្រទេសចិនបានព្រមានថា បំណែកសំណល់នៃយានចម្លងអាចនឹងប៉ះពាល់ដល់តំបន់មួយនៅសមុទ្រចិនខាងត្បូងនៅថ្ងៃអង្គារនេះ បន្ទាប់ពីការដាក់ពង្រាយលើកទី៦ នៃយានយន្តសម្រាប់បាញ់បង្ហោះដ៏មានឥទ្ធិពលបំផុតរបស់ខ្លួនកាលពី ១១ ថ្ងៃមុន។ រដ្ឋបាលសុវត្ថិភាពដែនសមុទ្រចិន បាននិយាយថា បំណែកសំណល់នៃយានចម្លង ដែលជាទូទៅឆេះនៅក្នុងបរិយាកាសនៅពេលចូលឡើងវិញ ត្រូវបានគេរំពឹងថានឹងធ្លាក់ក្បែរឆ្នេរសមុទ្រនៃខេត្តកោះ ហៃណាន (Hainan) របស់ប្រទេសចិន ចន្លោះម៉ោង ១១:០០នាទី ព្រឹក ដល់ថ្ងៃត្រង់ ម៉ោ៤សកល។ ប្រទេសចិនបានបាញ់បង្ហោះយានចម្លង Long March 5 កាលពីថ្ងៃទី ១៥ខែធ្នូ ចេញពីទីតាំងបាញ់បង្ហោះយាន វ៉េនឆាង(Wenchang) ក្នុងខេត្ត ហៃណាន (Hainan) ជាការបាញ់បង្ហោះលើកទី ៦នៃប្រភេទយានចម្លង ចាប់តាំងពីការហោះហើរលើកដំបូងក្នុងឆ្នាំ២០១៦ ។ យានចម្លង Long March 5B ធ្លាប់ត្រូវបានប្រើដើម្បីបាញ់បង្ហោះការស៊ើបអង្កេតរបស់ប្រទេសចិនទៅកាន់ភពព្រះអង្គារ និងម៉ូឌុលនៃស្ថានីយអវកាសរបស់ខ្លួនផងដែរ។ ក្នុងការបាញ់បង្ហោះកាលពីឆ្នាំ ២០២១នៃយានចម្លង Long March 5B បណ្តាលឱ្យមានក្ដីបារម្ភខ្លាំងជាពិសេសដោយសារតែការរំពឹងទុកអំពីទីកន្លែងដែលសំណល់នឹងធ្លាក់។កាលពីឆ្នាំ ២០២០ បំណែកសំណល់ ពី យានចម្លង Long March 5B បានធ្លាក់លើប្រទេសកឌីវ័រ (Ivory Coast) ដោយបានបំផ្លាញអគារជាច្រើន។បេសកកម្ម Long March 5 នៅដើមខែនេះ បានបាញ់បង្ហោះដោយជោគជ័យ នូវអ្វីដែលប្រព័ន្ធផ្សព្វផ្សាយរដ្ឋរបស់ចិន ហៅថាជា ផ្កាយរណបអុបទិកដែលមានសញ្ញាពីចម្ងាយក្នុងគន្លងខ្ពស់។ យានដ៏មានឥទ្ធិពលនេះ ជាធម្មតាត្រូវបានប្រើប្រាស់ដើម្បីបាញ់បង្ហោះចំនួនបន្ទុកដ៏ធំ៕

ជំងឺកូវីដនិងជំងឺផ្តាសាយកើនឡើងខ្លាំងនៅអាមេរិក ស្របពេលថ្ងៃឈប់សម្រាក ខណៈបង្កកំណើនហានិភ័យសុខភាព

សហរដ្ឋអាមេរិក បានមើលឃើញករណីជំងឺគ្រុនផ្តាសាយ និងជំងឺកូវីដ១៩ កើនឡើងយ៉ាងខ្លាំងស្របពេលថ្ងៃឈប់សម្រាក ហើយក្រុមអ្នកជំនាញសុខភាពមានការព្រួយបារម្ភអំពីការកើនឡើងហានិភ័យសុខភាពដែលបណ្តាលមកពីការរីករាលដាលនៃជំងឺផ្លូវដង្ហើមក្នុងពេលដំណាលគ្នានេះ។ការកើនឡើងនៃជំងឺទាំងនេះបណ្តាលមកពីកត្តាជាច្រើន រួមទាំងការជួបជុំគ្នាក្នុងថ្ងៃសម្រាក ចំនួនបុគ្គលដែលមិនបានចាក់វ៉ាក់សាំងច្រើន និងការលេចចេញនូវវីរុសប្រភេទថ្មីដែលអាចចម្លងបានច្រើនជាងមេរោគកូរ៉ូណាពីមុន នេះបើយោងតាមអ្នកជំនាញសុខភាព។ទិន្នន័យចុងក្រោយបំផុតរបស់មជ្ឈមណ្ឌលគ្រប់គ្រង និងបង្ការជំងឺរបស់សហរដ្ឋអាមេរិក CDC បានបង្ហាញថា សកម្មភាពជំងឺគ្រុនផ្តាសាយតាមរដូវមានការកើនឡើងនៅក្នុងសហរដ្ឋអាមេរិក ហើយនៅតែបន្តកើនឡើងនៅក្នុងតំបន់ភាគច្រើននៃប្រទេសនេះ។ ទន្ទឹមនឹងនេះដែរ មេរោគឆ្លងកូរ៉ូណាប្រភេទថ្មី ជេអ៊ិនវ័ន (JN.1) កំពុងរីករាលដាលយ៉ាងឆាប់រហ័សនៅក្នុងសហរដ្ឋអាមេរិក ដោយក្លាយជាអ្នករួមចំណែកយ៉ាងសំខាន់ចំពោះករណីជំងឺកូវីដ១៩ ថ្មីនៅក្នុងប្រទេស។ក្រុមអ្នកជំនាញសុខភាពមានការព្រួយបារម្ភថា ការរីករាលដាលនៃជំងឺផ្លូវដង្ហើមក្នុងពេលដំណាលគ្នាអាចបង្កើនហានិភ័យនៃផលប៉ះពាល់យ៉ាងទូលំទូលាយដល់សុខភាពសាធារណៈ និងប្រព័ន្ធថែទាំសុខភាព ដោយជំរុញឱ្យសាធារណជនចាត់វិធានការបង្ការ រួមទាំងការចាក់វ៉ាក់សាំង និងប្រកាន់ខ្ជាប់នូវគោលការណ៍ណែនាំសុខភាព ដើម្បីកាត់បន្ថយការរីករាលដាលនៃការឆ្លងមេរោគ និងលទ្ធផលជៀសវាងធ្ងន់ធ្ងរនៃមេរោគទាំងនេះ៕

បណ្ដាញសង្គម

ព័ត៌មានថ្មីៗ

ក្រុមអ្នកជួយសង្គ្រោះ៖ មនុស្ស ៤នាក់ទៀតដែលជាប់ក្នុងរូងភ្នំ នៅឡាវ ត្រូវបាននាំចេញដោយសុវត្ថិភាព

លោក Hegseth៖ យុគសម័យឧបត្ថម្ភធនការពារជាតិពីអាមេរិក សម្រាប់ «ប្រទេសអ្នកមាន» ចប់ហើយ

មន្ត្រីជាន់ខ្ពស់អ៊ីរ៉ង់ និយាយថា លោក Trump «ក្បត់ការទូត» ដោយបន្តបិទខ្ទប់ដោយទ័ពជើងទឹកអាមេរិក

វេជ្ជបណ្ឌិត៖ សុខភាពលោក Trump គឺល្អប្រសើរណាស់ ប៉ុន្តែគួរតែសម្រកទម្ងន់

អ្នកនៅរស់ពីការជាប់ក្នុងរូងភ្នំ នៅឡាវ បានបរិភោគថាសឈើសម្រាប់រែងមាស ដើម្បីបន្តជីវិត

មនុស្ស ១៨នាក់ស្លាប់ និង ៣០នាក់រងរបួស ដោយសាររថយន្តដឹកជនភៀសខ្លួន ក្រឡាប់នៅភាគខាងកើតអាហ្វហ្គានីស្ថាន

សេតវិមាន៖ លោក Trump «នឹងធ្វើតែកិច្ចព្រមព្រៀងដែលល្អសម្រាប់អាមេរិកប៉ុណ្ណោះ» ជាមួយអ៊ីរ៉ង់

នាយករដ្ឋមន្ត្រី៖ កាណាដា និងចិន កំពុងសាង «ភាពជាដៃគូប្រកបដោយស្ថិរភាព និងការស្ថាបនាបន្ថែមទៀត»

រដ្ឋមន្រ្ដីក្រសួងការងារ ចុះពិនិត្យមើលខ្សែច្រវាក់ផលិតកម្មក្រុមហ៊ុន THACO AGRI ក្នុងខេត្តក្រចេះ ដែលផ្តល់ឱកាសការងារប្រមាណ២ម៉ឺននាក់ និងផ្ទេរជំនាញបច្ចេកទេសកសិកម្មទំនើប

របាយការណ៍៖ សភាអាមេរិកកំពុងធ្វើសមាហរណកម្មកងកម្លាំងយោធាអាមេរិក និងអ៊ីស្រាអែលដោយស្ងាត់ៗ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877