BTV NEWS

ករណីបុរសម្នាក់ឡើងលើផ្លូវល្បឿនលឿនPK54 យកដែកដាក់ទទឹងផ្លូវត្រូវបានសមត្ថកិច្ចនគរបាលស្រាវជ្រាវបង្រ្កាបបានហើយ

អង្គភាពប្រឆាំងអំពើពុករលួយបានធ្វើកោសល្យវិច័យទូរស័ព្ទជាង ៨០០គ្រឿង និងភស្តុតាងមួយចំនួនទៀតដែលសាលាដំបូងរាជធានីភ្នំពេញប្រគល់ឱ្យ

នគរបាលរាជធានីភ្នំពេញ ស្រាវជ្រាវឃាត់ខ្លួនក្មេងទំនើង ៩នាក់ ពាក់ព័ន្ធករណីវាយប្លន់យកម៉ូតូ

អាវុធហត្ថរាជធានីភ្នំពេញ បង្ក្រាបគ្រឿងញៀនជាង ៦គីឡូក្រាមឃាត់ខ្លួនមនុស្ស ១១នាក់

សន្តិសុខ និង សង្គម

ពលរដ្ឋអ៊ីស្រាអែលផ្ទុះកំហឹងកាន់តែខ្លាំង ក្រោយកងកម្លាំងការពារអ៊ីស្រាអែលបាញ់សម្លាប់ចំណាប់ថ្នូរ នៅហ្កាហ្សា

អ៊ីស្រាអែល បានបន្តវាយលុកតំបន់ហ្កាហ្សាកាលពីថ្ងៃអាទិត្យ ខណៈនាយករដ្ឋមន្ត្រី Benjamin Netanyahu បានប្រឈមនឹងសម្ពាធកាន់តែខ្លាំងឡើងក្នុងការធានាការដោះលែងចំណាប់ថ្នូរពីដៃក្រុមហាម៉ាសដែលនៅតែឃុំខ្លួននៅក្នុងតំបន់ហ្កាហ្សាស្ទ្រីប បន្ទាប់ពីកងទ័ពបានសារភាពថាបានបាញ់សម្លាប់ចំណាប់ខ្មាំងអ៊ីស្រាអែល បីនាក់ដោយច្រឡំ នៅក្នុងដែនដីប៉ាឡេស្ទីន។អ្នកទាំងបីស្ថិតក្នុងចំណោមមនុស្សប្រហែល ២៥០ នាក់ដែលត្រូវបានចាប់ជាចំណាប់ខ្មាំងក្នុងអំឡុងពេលការវាយឆ្មក់កាលពីថ្ងៃទី៧ខែតុលារបស់ក្រុមហាម៉ាស ចូលទៅក្នុងប្រទេសអ៊ីស្រាអែល និងក្នុងចំណោមមនុស្ស១៩.៨០០នាក់ ភាគច្រើនជាស្ត្រី និងកុមារដែលត្រូវបានសម្លាប់ដោយកងកម្លាំងអ៊ីស្រាអែលនៅតំបន់ហ្កាហ្សាចាប់តាំងពីអ៊ីស្រាអែលបានចាប់ផ្តើមការវាយលុកនៅទីនោះ។ មូលហេតុនៃការស្លាប់របស់ពួកគេនៅតែមិនច្បាស់លាស់ ប៉ុន្តែនៅក្នុងសេចក្តីថ្លែងការណ៍មួយកាលពីល្ងាចថ្ងៃសុក្រ កងកម្លាំងការពារអ៊ីស្រាអែល (IDF) បាននិយាយថា ក្នុងអំឡុងពេលប្រយុទ្ធនៅទីក្រុង សេចៃយ៉ា (Shejaiya)ក្នុងតំបន់ហ្កាហ្សា កងកម្លាំង IDF បានកំណត់អត្តសញ្ញាណចំណាប់ខ្មាំងអ៊ីស្រាអែលបីនាក់ដោយច្រឡំថាជាការគំរាមកំហែង។ កងទ័ពបានបាញ់ទៅលើពួកគេ ហើយចំណាប់ថ្នូរទាំង៣នាក់ ក៏ត្រូវបានកងទ័ពបាញ់សម្លាប់។ក្រោយមកមន្ត្រីយោធាម្នាក់ បានប្រាប់អ្នកយកព័ត៌មាននៅក្នុងសន្និសីទតាមទូរស័ព្ទថា ចំណាប់ខ្មាំងដែលគ្មានអាវ បានកាន់ទង់ពណ៌ស នៅពេលពួកគេត្រូវបានបាញ់ ដោយសំអាងប្រភពពីការស៊ើបអង្កេតដំបូងអំពីឧបទ្ទហេតុ ដែលបានធ្វើឱ្យប្រទេសនេះរង្គោះរង្គើ។ ដំណឹងដែលថាអ្នកទាំងបីត្រូវបានសម្លាប់ដោយកងកម្លាំងអ៊ីស្រាអែលបានជំរុញឱ្យមានការតវ៉ាពេលយប់នៅខាងក្រៅទីស្នាក់ការកងកម្លាំងការពារជាតិអ៊ីស្រាអែលក្នុងក្រុង Tel Aviv។ ចាប់តាំងពីពេលនោះមក កងទ័ពបានបង្ហាញពីសមានទុក្ខដ៏ជ្រាលជ្រៅហើយបាននិយាយថា ខ្លួនកំពុងស៊ើបអង្កេត ខណៈលោក Netanyahu បាននិយាយនៅក្នុងសេចក្តីថ្លែងការណ៍មួយថា លោករួមជាមួយប្រជាជនអ៊ីស្រាអែលទាំងអស់ សូមឱនគោរពដោយទុក្ខសោកយ៉ាងជ្រាលជ្រៅ និងកាន់មរណទុក្ខទុក្ខចំពោះការស្លាប់របស់កូនប្រុសជាទីស្រឡាញ់របស់យើងទាំងបីនាក់ ដែល ត្រូវបានគេចាប់ពង្រត់ បេះដូងរបស់យើងយល់ខ្លាំងណាស់ពីទុក្ខព្រួយរបស់ក្រុមគ្រួសារដែលបានជួបទុក្ខលំបាកនៅពេលនេះ៕

សង្គ្រាមអ៊ីស្រាអែល និងក្រុមហាម៉ាស៖ រថយន្តដឹកជំនួយ ត្រូវរងការវាយប្រហារពីហ្វូងមនុស្ស នៅតំបន់ហ្កាហ្សា

រថយន្តដឹកជំនួយនៅហ្កាហ្សា ត្រូវបានឡោមព័ទ្ធដោយហ្វូងមនុស្ស ដែលអស់សង្ឃឹម ដើម្បីដណ្តើមយកស្បៀងអាហារ និងគ្រឿងផ្គត់ផ្គង់សំខាន់ៗ ផ្សេងទៀត។រូបភាពវីដេអូពីសារព័ត៌មាន AP បានបង្ហាញជនជាតិប៉ាឡេស្ទីនរាប់សិបនាក់ជុំវិញរថយន្តជំនួយ នៅឯច្រកឆ្លងកាត់ Rafahពីប្រទេសអេហ្ស៊ីប ហើយឡើងលើរថយន្តជំនួយទាំងនោះ ដើម្បីរើយកកេសស្បៀង និង សម្ភារៈផ្គត់ផ្គង់បោះទៅឲ្យហ្វូងមនុស្ស។ករណីនេះ កើតឡើង បន្ទាប់ពីអង្គការសហប្រជាជាតិ បាននិយាយនៅសប្តាហ៍នេះថា ភាពអត់ឃ្លាន និងភាពអស់សង្ឃឹម កំពុងជំរុញមនុស្សឲ្យដណ្តើមយកជំនួយមនុស្សធម៌ ដែលត្រូវបានបញ្ជូនទៅតំបន់ហ្កាហ្សា ដោយព្រមានអំពី «ការឲ្យប៉ះពាល់ដល់សណ្តាប់ធ្នាប់ស៊ីវិល»។លោក Philippe Lazzarini ប្រធានទីភ្នាក់ងារអង្គការសហប្រជាជាតិទទួលបន្ទុកជនភៀសខ្លួនប៉ាឡេស្ទីនបាននិយាយកាលពីថ្ងៃសៅរ៍ថា៖«ខ្ញុំនឹងមិនមានការភ្ញាក់ផ្អើលទេ ប្រសិនបើមនុស្ស ចាប់ផ្តើមស្លាប់ ដោយភាពស្រេកឃ្លាន ឬការរួមបញ្ចូលគ្នានៃភាពស្រេកឃ្លាន ជំងឺ និងភាពស៊ាំនៃជំងឺចុះខ្សោយ»។

មនុស្សរាប់ពាន់នាក់រត់ភៀសខ្លួន ខណៈសង្រ្គាមស៊ូដង់ បានបើកសមរភូមិមុខថ្មី

កងកម្លាំងគាំទ្ររហ័ស RSF របស់ស៊ូដង់បានប្រយុទ្ធជាមួយកងទ័ពនៅខាងក្រៅភាគកណ្តាលទីក្រុង វ៉ាដ ម៉ាដានី (Wad Madani) កាលពីថ្ងៃសៅរ៍ ដោយបានបង្កឲ្យមានការបើកសមរភូមិថ្មីនៅក្នុងសង្គ្រាមរយៈពេលប្រាំបីខែហើយបានបង្ខំឱ្យមនុស្សរាប់ពាន់នាក់រត់ភៀសខ្លួន នេះបើយោងតាមសាក្សីជាច្រើន។ហ្វូងមនុស្ស ដែលភាគច្រើនបានភៀសខ្លួនចូលទៅក្នុងទីក្រុងនេះគេចពីអំពើហឹង្សាក្នុងរដ្ឋធានី ខាទុម (Khartoum) អាចត្រូវបានគេមើលឃើញថាកំពុងរៀបចំរបស់របរ និងចាកចេញដោយថ្មើរជើងនៅក្នុងវីដេអូដែលបានបង្ហោះនៅលើប្រព័ន្ធផ្សព្វផ្សាយសង្គម។សាក្សីបាននិយាយថា កងទ័ពស៊ូដង់ ដែលបានកាន់កាប់ទីក្រុងនេះចាប់តាំងពីការចាប់ផ្តើមនៃជម្លោះមក បានបើកការវាយប្រហារតាមអាកាសលើកងកម្លាំង RSF ទៅកាន់ភាគខាងកើតនៃទីក្រុង ដែលជារដ្ឋធានីនៃរដ្ឋ ហ្កេហ្ស៊ីរ៉ា (Gezira) ខណៈព្យាយាមវាយបកទៅវិញនូវការវាយប្រហារដែលបានចាប់ផ្តើមកាលពីថ្ងៃសុក្រ។សាក្សីបានបន្ថែមថា កងកម្លាំង RSF បានឆ្លើយតបដោយកាំភ្លើងធំ ហើយកងទ័ពរបស់កងកម្លាំង RSF នេះត្រូវបានគេមើលឃើញថាកំពុងចល័តទៅកាន់ទិសដៅនៃការប្រយុទ្ធ។ អង្គការសហប្រជាជាតិបាននិយាយថា មនុស្ស ១៤.០០០នាក់បានភៀសខ្លួនចេញពីតំបន់នោះមកទល់ពេលនេះ ហើយមនុស្សចំនួនពីរបីពាន់នាក់បានទៅដល់ទីក្រុងផ្សេងទៀតរួចហើយ។សហភាពវេជ្ជបណ្ឌិតស៊ូដង់បានព្រមាននៅក្នុងសេចក្តីថ្លែងការណ៍មួយថា មន្ទីរពេទ្យនានាក្នុងតំបន់ ដែលបានក្លាយជាមជ្ឈមណ្ឌលមនុស្សធម៌ និងផ្នែកវេជ្ជសាស្រ្តនេះ កំពុងអស់គ្រឿងសម្ភារៈសង្រ្គោះ ហើយអាចត្រូវបានបង្ខំឱ្យបិទដំណើរការក្នុងពេលឆាប់ៗនេះ៕

ប្រមុខការទូតបារាំង អំពាវនាវឲ្យមានបទឈប់បាញ់ នៅហ្កាហ្សាជាបន្ទាន់ និងយូរអង្វែង

រដ្ឋមន្ត្រីការបរទេសបារាំងលោកស្រី Catherine Colonna កាលពីថ្ងៃអាទិត្យ បានជំរុញឲ្យមានបទឈប់បាញ់ «ជាបន្ទាន់ និងយូរអង្វែង» នៅក្នុងសង្រ្គាមហ្កាហ្សា ដោយនិយាយថា៖«ជនស៊ីវិលច្រើនពេក កំពុងត្រូវបានសម្លាប់» នៅក្នុងទឹកដីប៉ាឡេស្ទីន។រដ្ឋាភិបាលហាម៉ាសរបស់ដែនដីនេះ បាននិយាយថា អ៊ីស្រាអែល បានស្ថិតនៅក្រោមសម្ពាធអន្តរជាតិកាន់តែខ្លាំងឡើងសម្រាប់បទឈប់បាញ់ នៅតំបន់ហ្កាហ្សា ជាកន្លែងដែលសង្រ្គាមរបស់ខ្លួនប្រឆាំងនឹងក្រុមសកម្មប្រយុទ្ធហាម៉ាសបានសម្លាប់មនុស្សយ៉ាងហោចណាស់ ១៨.៨០០នាក់ ដែលភាគច្រើនជាស្ត្រី និងកុមារ។ ការវាយលុកនេះ ធ្វើឡើងក្នុងការឆ្លើយតបទៅនឹងការវាយប្រហារដែលមិនធ្លាប់មានពីមុនមករបស់ក្រុមហាម៉ាស កាលពីថ្ងៃទី៧ ខែតុលា នៅ ប្រទេសអ៊ីស្រាអែលភាគខាងត្បូង ដែលមនុស្សចំនួន ១.១៣៩ នាក់ត្រូវបានសម្លាប់ ភាគច្រើនជាជនស៊ីវិល និងប្រហែល ២៥០នាក់ ត្រូវបានចាប់ធ្វើជាចំណាប់ថ្នូរ នេះបើយោងតាមតួលេខរបស់អ៊ីស្រាអែល។ដោយជួបសមភាគីអ៊ីស្រាអែលលោក Eli Cohen នៅទីក្រុងតែលអាវីវ( Tel Aviv) មុនពេលជួបពិភាក្សាជាមួយមន្ត្រីប៉ាឡេស្ទីននៅទីក្រុងរ៉ាម៉ាឡា (Ramallah) ភាគខាងលិចដែលគ្រប់គ្រងដោយអ៊ីស្រាអែល នោះ លោកស្រី Colonna បានសង្កត់ធ្ងន់ថា ជនរងគ្រោះនៃការវាយប្រហាររបស់ក្រុមហាម៉ាស មិនត្រូវបំភ្លេចឡើយ រួមទាំងអ្នកដែលទទួលរងអំពើហិង្សាផ្លូវភេទផងដែរ។

អធិការរងក្រុងកំពតម្នាក់នឹងត្រូវបានបណ្តេញចេញពីក្របខណ្ឌព្រោះពាក់ព័ន្ធប្រើប្រាស់គ្រឿងញៀន

ឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការនគរបាលខេត្តកំពតបានឱ្យដឹងថា អនុវត្តវិន័យ ០០៦ របស់កងកម្លាំងនគរបាលជាតិ បទបញ្ជារបស់ ឯកឧត្តម នាយឧត្តមសេនីយ៍ អគ្គស្នងការនគរបាលជាតិ និងអនុសាសន៍ណែនាំដ៏ខ្ពង់ខ្ពស់របស់ ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ កងកំលាំងដាច់ខាតមិនត្រូវប្រើប្រាស់ និងចែកចាយគ្រឿងញៀន និងជាគំរូល្អសំរាប់ប្រជាពលរដ្ឋ ។ ស្នងការនគរបាលខេត្តកំពតបន្ថែមថា ជាក់ស្តែងស្នងការដ្ឋាននគរបាលខេត្តកំពត និងគោរពស្នើសុំគោលការណ៍ពីថ្នាក់ដឹកនាំអគ្គស្នងការនគរបាលជាតិ និងថ្នាក់ដឹកនាំក្រសួងមហាផ្ទៃ បណ្តេញចេញពីក្របខណ្ឌនគរបាលជាតិចំពោះលោកអនុសេនីយ៍ឯក មាស ពិសិដ្ឋ អធិការរងក្រុងកំពត ដែលបានពាក់ព័ន្ធប្រើប្រាស់គ្រឿងញៀន និងបានធ្វើឱ្យប៉ះពាល់យ៉ាងធ្ងន់ធ្ងរដល់កិត្តិយសកងកម្លាំងនគរបាលជាតិ ។ ឧត្តមសេនីយ៍ទោ ម៉ៅ ច័ន្ទមធុរិទ្ធ បានសង្កត់ធ្ងន់ថា នេះជាសារព្រមានដល់កងកម្លាំងទាំងអស់ នៃស្នងការរដ្ឋាននគរបាលខេត្តកំពតដាច់ខាតមិនត្រូវពាក់ពន្ធ័និងគ្រឿងញៀន៕ អត្ថបទ ៖ ប្រាក់ វ៉ាន់ដា

មនុស្ស៩០នាក់ បានស្លាប់ ក្នុងការវាយប្រហារចុងក្រោយរបស់អ៊ីស្រាអែលលើជំរំជនភៀសខ្លួន ចាបាលីយ៉ា នៅហ្កាហ្សា

មនុស្សយ៉ាងហោចណាស់ ៩០ នាក់បានស្លាប់ និងជាង១០០ នាក់បានរងរបួសនៅក្នុងការវាយប្រហារចុងក្រោយរបស់អ៊ីស្រាអែលទៅលើជំរំជនភៀសខ្លួនចាបាលីយ៉ា (Jabalia) នៅភាគខាងជើងក្នុងតំបន់ហ្កាហ្សា ។ ទីភ្នាក់ងារព័ត៌មានប៉ាឡេស្ទីន Wafa បានរាយការណ៍ថា ក្រសួងសុខភាពរបស់តំបន់រងការឡោមព័ទ្ធហ្កាហ្សា បាននិយាយថា ការវាយប្រហារកាលពីថ្ងៃអាទិត្យបានប៉ះចំប្លុកអគារលំនៅដ្ឋានមួយ ជាកម្មសិទ្ធិរបស់គ្រួសារ លោក អាល់បាស(al-Barsh)និងអ្នកស្រី អាល់វ៉ាន់(Alwan)ក្នុងទីក្រុង Jabalia ។សារព័ត៌មាន Wafa បាននិយាយនៅក្នុងរបាយការណ៍របស់ខ្លួនថា ស្ត្រី និងកុមារស្ថិតក្នុងចំណោមអ្នកស្លាប់ ក្នុងនោះមនុស្សរាប់សិបនាក់នៅតែបាត់ខ្លួន។ អ្នកឆ្លើយតបដំបូង និងអ្នកស្រុកកំពុងស្វែងរកអ្នករបួស ហើយសាកសពជាច្រើនទៀតត្រូវបានគេជឿថាបានកប់នៅក្រោមគំនរកម្ទេចថ្មបែកបាក់។អ្នករងរបួសជាច្រើននាក់ រួមទាំងកុមារត្រូវ បានបញ្ជូនទៅមណ្ឌលវេជ្ជសាស្ត្រនៅក្បែរនោះ ដែលផ្ទុកពេញដោយអ្នកជំងឺដ៏ច្រើនរួចទៅហើយ។ ក្រុមគ្រូពេទ្យនៅតំបន់ ឌៀ អេល បាឡា ( Deir el-Balah) ភាគកណ្តាលហ្កាហ្សា បាននិយាយថា ជនជាតិប៉ាឡេស្ទីន យ៉ាងហោចណាស់ ១២នាក់បានស្លាប់ និងរាប់សិបនាក់រងរបួស ចំណែកនៅទីក្រុង Rafah ភាគខាងត្បូង ការវាយប្រហារតាមអាកាសរបស់អ៊ីស្រាអែល ទៅលើផ្ទះមួយខ្នង បានបណ្តាលឲ្យមនុស្សយ៉ាងតិច៤នាក់ស្លាប់។ ពលរដ្ឋប៉ាឡេស្ទីនប្រហែល ១៩.០០០នាក់ បានស្លាប់ នៅក្នុងតំបន់ហ្កាហ្សាចាប់តាំងពីថ្ងៃទី ៧ ខែតុលា។ អ៊ីស្រាអែល និយាយថាមនុស្ស ១.១៤៧នាក់ បានស្លាប់ នៅលើទឹកដីរបស់ខ្លួននៅថ្ងៃជាមួយគ្នានោះ៕

ចំនួនអ្នកស្លាប់ក្នុងជម្លោះរវាងប៉ាឡេស្ទីន និងអ៊ីស្រាអែល បានកើនឡើងជាង២០.២០០នាក់

បច្ចុប្បន្នជម្លោះរបស់ប្រទេសអ៊ីស្រាអែល និងប៉ាឡេស្ទីន បានផ្ដាច់ជីវិតមនុស្សយ៉ាងហោចណាស់២០.២៨៨នាក់ នៃភាគីទាំងសងខាង ចាប់តាំងពីថ្ងៃទី៧ខែតុលាមក។ កាលពីថ្ងៃសៅរ៍ ក្រសួងសុខាភិបាល ប៉ាឡេស្ទីន បានប្រកាសថាជនជាតិប៉ាឡេស្ទីនជាង១៩.០០០នាក់ បានស្លាប់ ក្នុងនោះ ជាង២០០នាក់ នៅក្នុងតំបន់ West Bank។ទិន្នន័យបញ្ចេញពីអ៊ីស្រាអែល បង្ហាញថា ចំនួនអ្នកស្លាប់ក្នុងប្រទេសរបស់ខ្លួនក្នុងការវាយប្រហាររបស់ក្រុមហាម៉ាស មានប្រមាណ១.២០០នាក់ ។ កាលពីថ្ងៃសៅរ៍ ទាហានអ៊ីស្រាអែល នៅតែបន្តការវាយប្រហារតាមអាកាស និងវាយរុលទៅមុខក្នុងប្រតិបត្តិការថ្មើរជើងរបស់ខ្លួននៅក្នុងតំបន់ហ្កាហ្សាស្ទ្រីប ពិសេសនៅក្នុងទីក្រុងនានាភាគខាងត្បូង រ៉ាហ្វា និងខាន់យូនីស ។ កងកម្លាំងការពារអ៊ីស្រាអែល IDF បាននិយាយកាលពីថ្ងៃសៅរ៍ថា កងទ័ពរបស់ខ្លួន បានវាយប្រហារលើសាលារៀន២កន្លែង ជាទីដែលក្រុមសកម្មប្រយុទ្ធបានលាក់ខ្លួនក្នុងតំបន់ហ្កាហ្សាភាគខាងជើង។យោងតាមការិយាល័យសម្របសម្រួល កិច្ចការមនុស្សធម៌របស់អង្គការសហប្រជាជាតិ OCHA គិតត្រឹមថ្ងៃសុក្រសប្ដាហ៍នេះ ពលរដ្ឋប៉ាឡេស្ទីនសរុប៤៧៧នាក់ បានស្លាប់ ក្នុងតំបន់ West Bank និងទីក្រុងហ្សេរ៉ុយសេឡឹមខាងកើត នៅឆ្នាំនេះ ក្នុងនោះជាងពាក់កណ្ដាលនៃពួកគេត្រូវបានសម្លាប់ចាប់តាំងពីថ្ងៃទី៧ខែតុលា៕

ព្យុះដ៏កំណាចបានវាយប្រហារទីក្រុងឆ្នេរក្នុងប្រទេសអាហ្សង់ទីន ឆក់យកជីវិតមនុស្ស១៣នាក់

អភិបាលក្រុងក្នុងតំបន់ម្នាក់បាននិយាយកាលពីថ្ងៃសៅរ៍ថា មនុស្សយ៉ាងហោចណាស់១៣នាក់បានស្លាប់ នៅក្នុងប្រទេសអាហ្សង់ទីន ក្រោយព្យុះដ៏កំណាចដែលបានវាយប្រហារតំបន់ឆ្នេរអាត្លង់ទិករបស់ប្រទេសអាមេរិកខាងត្បូងមួយនេះ ។ លោកហ្វឺឌឺរីកូ សាប់ប៊ីឡេស (Federico Susbielles) អភិបាលក្រុង បាហ៊ីយ៉ា ប្លាន់កា( Bahia Blanca) បានបញ្ជាក់ពីចំនួនអ្នកស្លាប់នៅក្នុងសារបង្ហោះតាមបណ្ដាញសង្គម X ថា ទីក្រុងនេះ នៅជិតភាគខាងត្បូងនៃខេត្តប៊ុយណូស៊ែរ(Buenos Aires) ដែលជាតំបន់មួយស្ថិតក្នុងចំណោមតំបន់ផលិតគ្រាប់ធញ្ញជាតិដ៏សំខាន់របស់ប្រទេសអាហ្សង់ទីន ។នៅក្នុងសេចក្ដីថ្លែងការណ៍មួយការិយាល័យរបស់ប្រធានាធិបតីលោក ចាវៀ មីឡេ((Javier Milei) បានបង្ហាញសមានទុក្ខដល់ក្រុមគ្រួសារជនរងគ្រោះ និងបានជំរុញប្រជាពលរដ្ឋស្នាក់នៅក្នុងផ្ទះរហូតដល់ព្រឹកថ្ងៃអាទិត្យនេះ ជាមួយគ្នានោះ គេរំពឹងថា ខ្យល់ដែលមានកម្លាំងបំផ្លិចបំផ្លាញអាចមានរហូតដល់ជាង ១៥០ គីឡូម៉ែត្រក្នុងមួយម៉ោង៕

មនុស្សរាប់ពាន់នាក់ បានប្រមូលផ្តុំគ្នានៅទីក្រុង Tel Aviv ទាមទារឱ្យដោះលែងចំណាប់ថ្នូរ

ក្រុមបាតុកររាប់ពាន់នាក់បានប្រមូលផ្ដុំគ្នា ក្នុងក្បួនតវ៉ា មានឈ្មោះថា ចំណាប់ខ្មាំងផ្លាហ្សា ក្នុងទីក្រុង Tel Aviv កាលពីថ្ងៃសៅរ៍ ១៦ ខែធ្នូ ដើម្បីអំពាវនាវឱ្យមានការរំដោះចំណាប់ថ្នូរ ដែលត្រូវបានឃុំខ្លួនដោយក្រុមសកម្មប្រយុទ្ធហាម៉ាស នៅក្នុងតំបន់ហ្កាហ្សា។ ពួកគេបានកាន់ស្លាកសញ្ញាដែលមានរូបភាពមុខចំណាប់ខ្មាំង និងសារដូចជានាំពួកគេចេញពីនរក "Get Them Out of Hell"។ក្រុមតន្ត្រីករក៏បានសម្តែង និងដឹកនាំការច្រៀងជាភាសាហេប្រ៊ូ(Hebrew)ផងដែរ។ការតវ៉ា បានកើតឡើងមួយថ្ងៃបន្ទាប់ពីចំណាប់ខ្មាំងអ៊ីស្រាអែលបីនាក់ត្រូវបានកងកម្លាំងអ៊ីស្រាអែលសម្លាប់ដោយច្រឡំនៅតំបន់ហ្កាហ្សា។ចំណាប់ខ្មាំងជាង ១០០ នាក់នៅតែស្ថិតក្នុងតំបន់ហ្កាហ្សា ដែលត្រូវបានឃុំឃាំងបាត់ការទាក់ទង បើទោះបីជាអ៊ីស្រាអែល អំពាវនាវឱ្យមានការចូលទៅទីនោះដោយក្រុមការងារកាកបាទក្រហមក៏ដោយ។ក្រុមសកម្មប្រយុទ្ធហាម៉ាសបានវាយលុកពេញទីក្រុងនានារបស់អ៊ីស្រាអែលកាលពីថ្ងៃទី ៧ ខែតុលាដោយបានសម្លាប់មនុស្ស ១.២០០នាក់ និងចាប់មនុស្សជាចំណាប់ថ្នូរចំនួន២៤០នាក់។យោងតាមអាជ្ញាធរសុខាភិបាលហ្គាហ្សាបានឱ្យដឹងថា មនុស្សជិត១៩.០០០នាក់ បានស្លាប់នៅក្នុងការទម្លាក់គ្រាប់បែកជាបន្តបន្ទាប់របស់អ៊ីស្រាអែលទៅលើតំបន់ហ្កាហ្សា៕

ក្រុមយុទ្ធជនជនជាតិភាគតិចមីយ៉ាន់ម៉ា ដណ្តើមបានទីក្រុងមួយពីកងកម្លាំងយោធា

ក្រុមយុទ្ធជនជនជាតិភាគតិចដែលកំពុងប្រយុទ្ធ នឹងរបបសឹកមីយ៉ាន់ម៉ាបាននិយាយកាលពីថ្ងៃសៅរ៍ ១៦ខែធ្នូថា ពួកគេបានដណ្តើមយកមជ្ឈមណ្ឌលពាណិជ្ជកម្មមួយនៅក្នុងរដ្ឋ Shan ប៉ុន្មានថ្ងៃបន្ទាប់ពីប្រទេសចិន បាននិយាយថា ខ្លួនបានសម្របសម្រួលបទឈប់បាញ់បណ្តោះអាសន្ន។ ការប៉ះទង្គិចគ្នាបានកើតឡើងនៅទូទាំងរដ្ឋ Shan ភាគខាងជើងរបស់សហភាពមីយ៉ាន់ម៉ា ចាប់តាំងពីកងទ័ពរំដោះអារ៉ាកាន់(Arakan)(AA) កងទ័ពសម្ព័ន្ធភាពប្រជាធិបតេយ្យជាតិមីយ៉ាន់ម៉ា (MNDAA) និងកងទ័ពរំដោះជាតិ តាអាង (Ta'ang) (TNLA) បានចាប់ផ្តើមការវាយលុករួមគ្នាមួយកាលពីចុងខែតុលា។ក្រុមសម្ព័ន្ធភាពទាំង៣ ដែលត្រូវបានគេស្គាល់ថាជាសម្ព័ន្ធភាតរភាពត្រីភាគី បាននិយាយថា ពួកគេបានដណ្តើមយកបានទីតាំងយោធា និងមជ្ឈមណ្ឌលព្រំដែនសំខាន់មួយចំនួន សម្រាប់ពាណិជ្ជកម្មជាមួយប្រទេសចិន ដោយបានបង្ហាញពីអ្វីដែលក្រុមអ្នកវិភាគនិយាយថា គឺជាការប្រកួតប្រជែងខាងយោធាដ៏ធំបំផុត ចំពោះរបបសឹកមួយនេះ ចាប់តាំងពីខ្លួនបានដណ្តើមអំណាចតាមរយៈរដ្ឋប្រហារកាលពីឆ្នាំ២០២១។ កាលពីថ្ងៃព្រហស្បតិ៍ ទីក្រុងប៉េកាំងបានប្រកាសបទឈប់បាញ់ជាបណ្តោះអាសន្នរវាងសម្ព័ន្ធមិត្ត និងយោធាមីយ៉ាន់ម៉ា។ មានភាពស្ងប់ស្ងាត់នៅក្នុងតំបន់ដែលកាន់កាប់ដោយក្រុមជនជាតិភាគតិច កងទ័ពសម្ព័ន្ធភាពប្រជាធិបតេយ្យជាតិមីយ៉ាន់ ប៉ុន្តែការប៉ះទង្គិចបានបន្តនៅក្នុងតំបន់ដែលគ្រប់គ្រងដោយ កងកម្លាំងជនជាតិភាគតិច TNLA និង AA ។កងកម្លាំងជនជាតិភាគតិច TNLA បាននិយាយថា ពួកគេបានដណ្ដើមយក ទីក្រុង ណាំសាន(Namhsan) កាលពីថ្ងៃសុក្រ បន្ទាប់ពីបើកការវាយប្រហារនៅតំបន់នោះជាងពីរសប្តាហ៍មុន៕

បណ្ដាញសង្គម

ព័ត៌មានថ្មីៗ

អ្នកវិភាគ៖ ទស្សនកិច្ចសម្តេចធិបតីទៅតំបន់អឺរ៉ុបនឹងបង្កើនការផ្សារភ្ជាប់ទំនាក់ទំនងរឹតតែខ្លាំងរវាងអឺរ៉ុប-កម្ពុជា

ភ្ញៀវទេសចរ និងប្រជាពលរដ្ឋដើរលេងកម្សាន្តឱកាសបុណ្យភ្ជុំបិណ្ឌ៣ថ្ងៃសរុបជាង ២លាននាក់

ភ្នាក់ងាររាជរដ្ឋាភិបាលកម្ពុជា អញ្ជើញដល់ក្រុងឡាអេ ដើម្បីចូលរួមកិច្ចប្រជុំលើកទី២ នៃ UNCLOS នៅថ្ងៃស្អែក

ក្រសួងការពារជាតិដាក់ដំណើរការការចុះឈ្មោះបំពេញកាតព្វកិច្ចយោធា តាមប្រព័ន្ធអនឡាញ ជាជម្រើសបន្ថែម

ក្រសួងផែនការ អនុវត្តការប្រឡងជាចាំបាច់ស្របតាមកំណែទម្រង់ ក្នុងការជ្រើសរើសតែងតាំងតួនាទីមន្ត្រី

លោកជំទាវ ឌី សុខីទីឃាយុកោ ហ៊ុនម៉ានិត នាំយកអណ្តូងទឹកជាអំណោយដ៏ថ្លៃថ្លាសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៉ុន រ៉ានី ហ៊ុនសែន ប្រគល់ជូនបងប្អូនប្រជាពលរដ្ឋ

ពលរដ្ឋអរគុណរាជរដ្ឋាភិបាល បន្តផ្ដល់សេវារថយន្តក្រុងឥតគិតថ្លៃជិះទាំងទៅ និងមកក្នុងឱកាសភ្ជុំបិណ្ឌ

Manchester City ទទួលការស្វាគមន៍បែបចំអកនៅកីឡដ្ឋាន Anfield មុនពេលលត់ Liverpool ៣-០

យុវជនបន្តនាំគ្នាទៅចុះឈ្មោះបោះឆ្នោត ខណៈដំណើរការចុះឈ្មោះនៅបន្តរហូតដល់ចុងខែវិច្ឆិកា

Ronaldo រកបានមួយគ្រាប់ ខណៈ Al Nassr ឈ្នះក្រោយការពន្យារពេលដោយសារសន្តិសុខ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877