BTV NEWS

ភ្ជុំបិណ្ឌ៣ថ្ងៃ គ្រោះថ្នាក់ចរាចរណ៍សម្លាប់អ្នកដំណើរជាង ២០នាក់ របួសធ្ងន់ស្រាលជាង ១០០នាក់

គិតត្រឹមខែកញ្ញាឆ្នាំ២០២៦នេះ មន្ត្រីនគរបាល ៧៧នាក់ត្រូវវិន័យធ្ងន់ធ្ងរដោយសារ Online Scams ខណៈជនជាតិខ្មែរ និងបរទេសជិត ៥ពាន់ទៀតត្រូវជាប់ឃុំ

សមត្ថកិច្ចឃាត់ខ្លួនជនបរទេស៣នាក់ ក្រោយរកឃើញសារធាតុញៀនប្រភេទកញ្ឆាជាង ១០០ដុំ ពេលត្រៀមចាកចេញពីកម្ពុជាតាមយន្តហោះ

ករណីបុរសម្នាក់ឡើងលើផ្លូវល្បឿនលឿនPK54 យកដែកដាក់ទទឹងផ្លូវត្រូវបានសមត្ថកិច្ចនគរបាលស្រាវជ្រាវបង្រ្កាបបានហើយ

សន្តិសុខ និង សង្គម

គុយបា ស្តីបន្ទោសទណ្ឌកម្មអាមេរិក ដែលបង្កឱ្យមានការធ្វើអន្តោប្រវេសន៍មិនទៀងទាត់ ចំពេលមនុស្សសម្រុកចាកចេញ

ក្រុមមន្ត្រីគុយបា និងសហរដ្ឋអាមេរិក បានជួបប្រជុំគ្នាកាលពីថ្ងៃអង្គារ ១៤ វិច្ឆិកា នៅទីក្រុង ឡាហាវ៉ាន់ ដើម្បីពិភាក្សាអំពីការធ្វើអន្តោប្រវេសន៍ ដែលជាកិច្ចប្រជុំលើកទី ២ នៅឆ្នាំនេះ ខណៈ ប្រទេសទាំងពីរកំពុងពិភាក្សាអំពីមធ្យោបាយល្អបំផុតដើម្បីបន្ថយលំហូរបំបែកកំណត់ត្រានៃប្រជាជនគុយបា ភាគខាងជើងសម្រុកទៅកាន់សហរដ្ឋអាមេរិក ។ សហរដ្ឋអាមេរិក ដែលជាគោលដៅធំបំផុតសម្រាប់ការធ្វើអន្តោប្រវេសន៍គុយបា កាលពីឆ្នាំ២០២២ បានពិភាក្សាជាថ្មីជាមួយគុយបា ហើយចាប់តាំងពីពេលនោះមក បានបង្កើនផ្លូវច្បាប់លើការធ្វើអន្តោប្រវេសន៍សម្រាប់គុយបា រួមទាំងការទទួលបានទិដ្ឋាការនៅទីក្រុងឡាហាវ៉ាន់ ការជួបជុំគ្រួសារ និងកម្មវិធីលើកលែងទោសមនុស្សធម៌ ក្នុងបំណងទប់ស្កាត់ការធ្វើអន្តោប្រវេសន៍ខុសច្បាប់។ អនុរដ្ឋមន្ត្រីការបរទេសគុយបាលោក ខាឡូស ហ្វឺណាដេស ដឺកូស៊ីសូ (Carlos Fernandez de Cossio)បាននិយាយថា ប៉ុន្តែបញ្ហានឹងមិនរលាយបាត់ឡើយ រហូតដល់សហរដ្ឋអាមេរិកបន្ធូរបន្ថយទណ្ឌកម្មលើកោះនេះ ដែលគុយបា បានស្តីបន្ទោសចំពោះការបំផ្លិចបំផ្លាញសេដ្ឋកិច្ចគ្រប់គ្រងដោយរដ្ឋដែលកំពុងរងគ្រោះស្រាប់។អាមេរិកនិយាយថា ទណ្ឌកម្ម គឺចាំបាច់ដើម្បីលើកកម្ពស់សិទ្ធិមនុស្ស និងសេរីភាពជាមូលដ្ឋាននៅគុយបា និងធ្វើឱ្យមានការលើកលែងសម្រាប់គោលបំណងមនុស្សធម៌។ ក្រសួងការបរទេសសហរដ្ឋអាមេរិកបាននិយាយនៅក្នុងសេចក្តីថ្លែងការណ៍ខ្លីមួយថា កិច្ចពិភាក្សាកាលពីថ្ងៃអង្គារគឺ ស្របតាមចំណាប់អារម្មណ៍របស់យើងក្នុងការជំរុញការជួបជុំគ្រួសារឡើងវិញ និងលើកកម្ពស់ការគោរពកាន់តែច្រើនឡើងសម្រាប់សិទ្ធិមនុស្ស និងសេរីភាពជាមូលដ្ឋាននៅក្នុងប្រទេសគុយបា ។គួររម្លឹកថា ពលរដ្ឋគុយបាស្ថិតក្នុងចំណោមមនុស្សរាប់ម៉ឺននាក់មកពីប្រទេសមួយចំនួននៅអាមេរិកឡាទីន និងតំបន់សមុទ្រការ៉ាអីប ដែលបានឆ្លងចូលសហរដ្ឋអាមេរិកពីម៉ិកស៊ិកក្នុងប៉ុន្មានសប្តាហ៍ថ្មីៗនេះ ដែលបានបង្កក្ដីបារម្ភដល់មន្ត្រីនៅក្នុងទីក្រុងជាប់ព្រំដែនសហរដ្ឋអាមេរិក និងជំរុញឱ្យមានការពន្យារពេលការធ្វើពាណិជ្ជកម្ម៕

អាមេរិក៖ ក្រុមហាម៉ាស មានមជ្ឈមណ្ឌលទីបញ្ជាការនៅក្រោមមន្ទីរពេទ្យអាល់ស៊ីហ្វាក្នុងតំបន់ហ្កាហ្សា

សហរដ្ឋអាមេរិកនិយាយថា ខ្លួនមានរបាយការណ៍ចារកម្មថា ក្រុមហាម៉ាស មានមជ្ឈមណ្ឌលទីបញ្ជាការមួយស្ថិតនៅក្រោមមន្ទីរពេទ្យ អាល់ស៊ីហ្វ(Al-Shifa) ក្នុងទីក្រុង ហ្កាហ្សា។អ្នកនាំពាក្យសន្តិសុខជាតិ លោក John Kirby បាននិយាយថា ក្រុមនេះបានរក្សាទុកអាវុធនៅទីនោះ ហើយត្រូវបានត្រៀមសម្រាប់ការវាយប្រហារលើប្រទេសអ៊ីស្រាអែល។នេះជាលើកទីមួយហើយដែលអាមេរិកបានគាំទ្រដោយឯករាជ្យលើការអះអាងរបស់សម្ព័ន្ធមិត្តជិតស្និទ្ធ អ៊ីស្រាអែល ដែលថាក្រុមហាម៉ាស ប្រើប្រាស់មន្ទីរពេទ្យដើម្បីលាក់មូលដ្ឋានរបស់ខ្លួនតែ ក្រុមហាម៉ាសបដិសេធរឿងនេះ។សេចក្តីថ្លែងការណ៍នេះបានកើតឡើង ស្របពេលអ៊ីស្រាអែលប្រឈមនឹងសម្ពាធពិភពលោកកាន់តែខ្លាំងឡើងឲ្យការពារជនស៊ីវិល ដែលជាប់នៅក្នុងមន្ទីរពេទ្យនោះ។លោកប្រធានាធិបតីអាមេរិកលោក Joe Biden បាននិយាយថា មន្ទីរពេទ្យ Al-Shifa ត្រូវតែទទួលបានការគាំពារ ពីការប្រយុទ្ធគ្នាដ៏ខ្លាំងក្លានៅជុំវិញបរិវេណនោះ ហើយនាយករដ្ឋមន្ត្រីអង់គ្លេសលោក រីស៊ី ស៊ូណាក់ (Rishi Sunak) បាននិយាយថា អ៊ីស្រាអែលត្រូវតែចាត់វិធានការស្របតាមច្បាប់អន្តរជាតិ។ នៅតំបន់ជុំវិញ មន្ទីរពេទ្យ Al-Shifa ដែលជាមន្ទីរពេទ្យដ៏ធំបំផុតរបស់ តំបន់ហ្កាហ្សា បានក្លាយជាចំណុចសំខាន់នៃការប្រយុទ្ធគ្នាក្នុងពេលប៉ុន្មានថ្ងៃថ្មីៗនេះ។ មនុស្សរាប់ពាន់នាក់ត្រូវបានគេជឿថាកំពុងស្នាក់នៅក្នុងមន្ទីរពេទ្យនោះ។ លោក Kirby បាននិយាយថា សហរដ្ឋអាមេរិកមានព័ត៌មានចារកម្មខ្លួនឯង ដែលប្រមូលបានពីប្រភពផ្សេងៗ ដោយលើកឡើងថា ក្រុមហាម៉ាស និងក្រុមអ៊ីស្លាមជីហាដ បានប្រើប្រាស់មន្ទីរពេទ្យនានាក្នុងតំបន់ហ្កាហ្សាស្ទ្រីប និងរូងក្រោមដី នៅពីក្រោមមន្ទីរពេទ្យ ដើម្បីធ្វើប្រតិបត្តិការយោធា និងឃុំខ្លួនចំណាប់ថ្នូរ៕

ភ្លៀងធ្លាក់ខ្លាំងនៅតំបន់ហ្កាហ្សា នាំមកនូវបញ្ហា និងការភ័យខ្លាចថ្មីសម្រាប់ពលរដ្ឋប៉ាឡេស្ទីន

ភ្លៀងធ្លាក់យ៉ាងខ្លាំងនៅតំបន់ហ្កាហ្សា កាលពីថ្ងៃអង្គារ (១៤ វិច្ឆិកា) បាននាំមកនូវក្តីបារម្ភ និងបញ្ហាប្រឈមថ្មីសម្រាប់ប្រជាជនប៉ាឡេស្ទីន ដែលភាគច្រើនគ្មានផ្ទះសម្បែង និងរស់នៅក្នុងតង់បណ្តោះអាសន្ន បន្ទាប់ពីការទម្លាក់គ្រាប់បែកជាច្រើនសប្តាហ៍របស់អ៊ីស្រាអែល។ ការចាប់ផ្តើមនៃរដូវវស្សា និងលទ្ធភាពនៃការជន់លិច បានបង្កើនការភ័យខ្លាចថា ប្រព័ន្ធលូរបស់តំបន់ហ៊ុមព័ទ្ធដែលមានប្រជាជនយ៉ាងច្រើននោះ នឹងលិចលង់ ហើយជំងឺនឹងរីករាលដាលកាន់តែខ្លាំង។អង្គការសុខភាពពិភពលោក (WHO) បាននិយាយកាលពីសប្តាហ៍មុនថា តំបន់ហ្កាហ្សា ប្រឈមមុខនឹងកំណើនហានិភ័យនៃការរីករាលដាលនៃជំងឺ ដោយសារការទម្លាក់គ្រាប់បែកតាមអាកាសរបស់អ៊ីស្រាអែល បានរំខានដល់ប្រព័ន្ធសុខាភិបាល លទ្ធភាពប្រើប្រាស់ទឹកស្អាតនៅមានកម្រិត និងបណ្តាលឱ្យមានមនុស្សម្នាប្រមូលផ្ដុំគ្នាយ៉ាងកកកុញនៅក្នុងជម្រកបណ្ដោះអាសន្ន។ទីភ្នាក់ងារនេះ បានបង្ហាញពីការព្រួយបារម្ភកាលពីថ្ងៃអង្គារ អំពីលទ្ធភាពនៃភ្លៀងដែលបណ្តាលឱ្យមានទឹកជំនន់ ព្រមទាំងជន់លិចលូ និងប្រព័ន្ធលូដែលបានខូចខាត។ លោក Ahmed Bayram អ្នកនាំពាក្យក្រុមប្រឹក្សាជនភៀសខ្លួនន័រវេស បាននិយាយថា ការចាប់ផ្តើមនៃរដូវវស្សាអាចក្លាយជា «រយៈពេលដ៏លំបាកបំផុតនៅតំបន់ហ្កាហ្សា ចាប់តាំងពីកំណើននៃសកម្មភាពយោធាបានចាប់ផ្តើមមក»៕

ចៅក្រមសម្រេចឃុំខ្លួនលោកផ្កាយ២ វ៉ាន់ កុសល និងបក្ខពួកបណ្ដោះអាសន្ន

ភ្នំពេញ ៖ សំណុំរឿងអនុប្រធានមន្ទីរប្រឆាំងបទល្មើសគ្រឿងញៀនម្នាក់ និងបក្ខពួក ទាក់ទិនករណីជំរិតយកប្រាក់ពីជនជាតិចិនក្នុងរឿងចាប់ខ្លួនពាក់ព័ន្ធគ្រឿងញៀន ហើយដោះលែងជាថ្នូរនឹងប្រាក់រាប់ម៉ីនដុល្លារ ត្រូវបានចៅក្រមស៊ើបសួរសម្រេចឃុំខ្លួជាបណ្ដោះអាសន្នហើយ។បន្ទាប់ពីបានទទួលសំណុំរឿងពីលោក វង្ស សាវ៉ាត ព្រះរាជអាជ្ញារងអមសាលាដំបូងរាជធានីភ្នំពេញ លោកស្រី សឿន ចរិយា ចៅក្រមស៉ើបសួរសាលាដំបូងរាជធានីភ្នំពេញ បានចេញដីកាបង្គាប់ឲ្យឃុំខ្លួនអនុប្រធានមន្ទីរប្រឆាំងបទល្មើសគ្រឿងញៀនម្នាក់ និងបក្ខពួក៤នាក់ទៀត ដាក់ពន្ធនាគារជាបណ្ដោះអាសន្ន ក្រោមបទចោទ ចាប់ និងបង្ខាំងដោយខុសច្បាប់មានស្ថានទម្ងន់ទោស ឬហៅថា ជំរិតយកប្រាក់។ ការសម្រេចរបស់ចៅក្រមស៊ើបសួរបានធ្វើឡើងនៅថ្ងៃទី១៣ ខែវិច្ឆិកា ឆ្នាំ២០២៣ម្សិលមិញ។ជនជាប់ចោទទាំង៥នាក់ដែលត្រូវបានស្ថាប័នតុលាការសម្រេចដាក់ពន្ធនាគារជាបណ្ដោះអាសន្នមាន ១-ឈ្មោះ វ៉ាន់ កុសល ភេទប្រុស ជាអនុប្រធានមន្ទីរប្រឆាំងបទល្មើសគ្រឿងញៀន ទី២-ឈ្មោះ ជួន លឹមហេង ភេទប្រុស ទី៣-ឈ្មោះ អុន សំអូន ភេទប្រុស ទី៤-ឈ្មោះ នេត សុខុម ភេទប្រុស និងទី៥-ឈ្មោះ ឈាវ ស៊ីដេត ភេទប្រុស។លោក ប្លង់ សុផល អ្នកនាំពាក្យតំណាងអយ្យការអមសាលាដំបូងរាជធានីភ្នំពេញបានឲ្យដឹងថា ក្រោយពីតំណាងអយ្យការបានធ្វើការស៊ើបអង្កេត ផ្ទៀងផ្ទាត់ និងពិនិត្យលើភស្តុតាងនានា ព្រមទាំងបានស្ដាប់ចម្លើយជនសង្ស័យទាំងអស់ខាងលើឃើញថា នៅថ្ងៃទី១៦ ខែតុលា ឆ្នាំ២០២៣ ក្រុមជនសង្ស័យខាងលើ ព្រមទាំងបក្ខពួក បានធ្វើសកម្មភាពឃាត់រថយន្តរបស់ជនរងគ្រោះជាជនជាតិចិនចំនួន៣ករណី ដោយយកជនរងគ្រោះទៅបង្ខាំង និងជំរិតយកប្រាក់ជាថ្នូរនឹងការដោះលែងឲ្យមានសេរីភាពវិញ។ អ្នកនាំពាក្យតំណាងអយ្យការអមសាលាដំបូងរាជធានីភ្នំពេញបញ្ជាក់ថា ផ្អែកតាមលទ្ធផលនៃការស៊ើបអង្កេតខាងលើ តំណាងអយ្យការអមសាលាដំបូងរាជធានីភ្នំពេញ បានសម្រេចបើកការស៊ើបសួរតាមរយៈដីកាសន្និដ្ឋានបញ្ចូនរឿងឲ្យស៊ើបសួរ ដោយស្នើសុំចៅក្រមស៊ើបសួរដាក់ឲ្យស្ថិតនៅក្រោមការពិនិត្យលើមនុស្សចំនួន៧នាក់ មានឈ្មោះ ១. វ៉ាន់ កុសល ២. ជួន លឹមហេង ៣. អ្នក សំអូន ៤. នេត សុខុម ៥. ឈាវ ស៉ីដេត ដែលអ្នកទាំង៥ត្រូវបានឃាត់ខ្លួន រីឯមនុស្ស២នាក់ទៀតកំពុងគេចខ្លួន និងស្វែងរកមានឈ្មោះ ១. កែវ ខេន និង២. គង់ វីរៈជាតិ និងបក្ខពួក ដោយចោទប្រកាន់ពីបទ ចាប់ និងបង្ខាំងដោយខុសច្បាប់មានស្ថានទម្ងន់ទោស ឬហៅថា ជំរិតយកប្រាក់ ប្រព្រឹត្តនៅរាជធានីភ្នំពេញ កាលពីថ្ងៃទី១៦ ខែតុលា ឆ្នាំ២០២៣ បទល្មើសមានបញ្ញត្តិឲ្យផ្តន្ទាទោសតាមមាត្រា ២៥៤ កថាខណ្ឌទី១ ចំណុច៣ នៃក្រមព្រហ្មទណ្ឌ៕អត្ថបទ ៖ ប្រាក់ វ៉ាន់ដា

របបសឹកមីយ៉ាន់ម៉ា រងការវាយប្រហារលើសមរភូមិមុខថ្មី ខណៈមនុស្សរាប់ពាន់នាក់ ភៀសខ្លួនទៅឥណ្ឌា

ក្រុមបះបោរជនជាតិភាគតិច បានវាយប្រហារលើប៉ុស្តិ៍សន្តិសុខក្នុងសហភាពមីយ៉ាន់ម៉ា កាលពីថ្ងៃច័ន្ទ (១៣ វិច្ឆិកា) នេះបើយោតាមអ្នកស្រុក ក្រុមឧទ្ទាម និងមន្ត្រីម្នាក់បាននិយាយ ខណៈការប្រយុទ្ធគ្នាបានផ្ទុះឡើងនៅលើសមរភូមិមុខថ្មីចំនួនពីរទីតាំង ដោយការវាយប្រហារថ្មីៗជាច្រើនបានកើតឡើងនៅរដ្ឋភាគខាងលិច Rakhine បង្កឲ្យមានបញ្ហាប្រឈមថ្មីដល់របបសឹក ខណៈមនុស្សរាប់ពាន់នាក់បានភៀសខ្លួនឆ្លងចូលទៅក្នុងប្រទេសជិតខាងឥណ្ឌា ដើម្បីសុវត្ថិភាព។ប្រធានាធិបតីដែលត្រូវបានតែងតាំងដោយយោធាកាលពីសប្តាហ៍មុនបាននិយាយថា សហភាពមីយ៉ាន់ម៉ា ដែលជាប្រទេសមានទំហំប៉ុនប្រទេសបារាំង កំពុងមានហានិភ័យនៃការបែកបាក់គ្នា ដោយសារតែការឆ្លើយតបមិនមានប្រសិទ្ធភាពចំពោះការបះបោរ ខណៈក្រុមឧត្តមសេនីយ៍និយាយថា ពួកគេកំពុងប្រយុទ្ធជាមួយ «ភេរវករ»។ការប្រយុទ្ធគ្នា ក៏បានផ្ទុះឡើងនៅក្នុងរដ្ឋ ជីន ដែលមានព្រំប្រទល់ជាប់ប្រទេសឥណ្ឌា ខណៈពួកបះបោរបានវាយប្រហារជំរំយោធាចំនួនពីរកន្លែង នេះបើយោងតាមក្រុមមន្ត្រីឥណ្ឌា និងប្រភពពីរដែលដឹងពីការវាយប្រហារនេះ។ លោក James Lalrinchana ស្នងការរងនៃស្រុកមួយនៅព្រំដែនមីយ៉ាន់ម៉ា បាននិយាយថា មនុស្សប្រហែល ៥.០០០នាក់ មកពីសហភាពមីយ៉ាន់ម៉ា បានឆ្លងចូលទៅក្នុងរដ្ឋ មីហ្សូរ៉ាម (Mizoram) របស់ប្រទេសឥណ្ឌា ដើម្បីស្វែងរកទីជម្រកសុវត្ថិភាពពីជម្លោះនេះ។ការប្រយុទ្ធថ្មីនេះ នឹងក្លាយជាការវាយប្រហារមួយទៀតសម្រាប់របបយោធា ដែលកាន់តែបែកបាក់នៅពេលដែលការប្រឆាំងប្រដាប់អាវុធចំពោះការគ្រប់គ្រងរបស់ខ្លួន បានកើនឡើងក្នុងទ្រង់ទ្រាយ និងកម្លាំងដ៏ធំ ដែលជំរុញដោយកំហឹងជុំវិញរដ្ឋប្រហារ និងការបង្ក្រាបនានា ដែលបានបញ្ចប់ការកែទម្រង់លទ្ធិប្រជាធិបតេយ្យរយៈពេលមួយទសវត្សរ៍នៅក្នុងប្រទេសមួយនេះ៕

ប្រទេសន័រវែសជំរុញឲ្យអ៊ីស្រាអែលធ្វើការការផ្ទេរពន្ធប៉ាឡេស្ទីនឲ្យពេញលេញ

នាយករដ្ឋមន្រ្តីន័រវែស លោក Jonas Gahr Stoere កាលពីថ្ងៃចន្ទ បានជំរុញឲ្យអ៊ីស្រាអែល ធ្វើការផ្ទេរពន្ធឲ្យពេញលេញ ដែលខ្លួនត្រូវបានកាត់ទុកពីអាជ្ញាធរប៉ាឡេស្ទីន(PA) ដោយនិយាយថា ការទូទាត់គឺពិតជា «សំខាន់»សម្រាប់សុខុមាលភាពប្រជាជនប៉ាឡេស្ទីន។ប្រទេសន័រវែស គឺជាប្រធាននៃក្រុមអ្នកផ្តល់ជំនួយអន្តរជាតិដល់ទឹកដីប៉ាឡេស្ទីន ដែលត្រូវបានគេស្គាល់ថាជាគណៈកម្មាធិការទំនាក់ទំនងអាដហុក(AdHoc)។ ប្រទេសនេះ គឺជាអ្នកសម្របសម្រួលនៅក្នុងកិច្ចចរចាឆ្នាំ១៩៩២-៩៣ រវាងអ៊ីស្រាអែល និងអង្គការរំដោះប៉ាឡេស្ទីន ដែលនាំទៅដល់កិច្ចព្រមព្រៀង Oslo ដែលផ្តល់សម្រាប់ស្វ័យគ្រប់គ្រងរបស់ប៉ាឡេស្ទីនមានកម្រិត។កាលពីថ្ងៃទី២ ខែវិច្ឆិកា អ៊ីស្រាអែល បាននិយាយថា ខ្លួននឹងបន្តការផ្ទេរចំណូលពន្ធទៅឲ្យអាជ្ញាធរប៉ាឡេស្ទីន(PA) នៅតំបន់ វេសបែងដែលគ្រប់គ្រងដោយអ៊ីស្រាអែល ប៉ុន្តែនឹងរក្សាទុកមូលនិធិសម្រាប់តំបន់ហ្កាហ្សាដែលគ្រប់គ្រងដោយក្រុមហាម៉ាស ជាកន្លែងដែលអាជ្ញាធរប៉ាឡេស្ទីន(PA) ជួយចំណាយលើប្រាក់ឈ្នួលផ្នែកសាធារណៈ និងបង់ថ្លៃអគ្គិសនី។ការសម្រេចចិត្តរបស់អ៊ីស្រាអែល បានកើតឡើង បន្ទាប់ពីការជជែកដេញដោលរបស់គណៈរដ្ឋមន្ត្រីផ្ទៃក្នុងលើថាតើត្រូវធ្វើការផ្ទេរនេះ នៅពេលដែលអ៊ីស្រាអែលប្រយុទ្ធជាមួយក្រុមសកម្មប្រយុទ្ធហាម៉ាស ដែលគ្រប់គ្រងតំបន់ហ្កាហ្សាស្ទ្រីប។កាលពីថ្ងៃទី៦ ខែវិច្ឆិកា អាជ្ញាធរប៉ាឡេស្ទីន បាននិយាយថា ខ្លួននឹងមិនទទួលយកការផ្ទេរមួយផ្នែកពីអ៊ី ស្រាអែលទេ។ វាត្រូវបានគេប៉ាន់ប្រមាណថានឹងចំណាយប្រហែល ៣០ភាគរយ នៃថវិការបស់ខ្លួន នៅក្នុងតំបន់ហ្កាហ្សា ជាកន្លែងដែលខ្លួនក៏ចំណាយសម្រាប់ថ្នាំពេទ្យ និងកម្មវិធីជំនួយសង្គមផងដែរ។

ក្រុមវេជ្ជបណ្ឌិតនៅមន្ទីរពេទ្យហ្កាហ្សា បដិសេធបទបញ្ជាជម្លៀសខ្លួនរបស់កងទ័ពអ៊ីស្រាអែល

យោងតាមប្រធានក្រុមវេជ្ជបណ្ឌិត នៃក្រសួងសុខាភិបាលគ្រប់គ្រងដោយក្រុមហាម៉ាសនៅក្នុងតំបន់ហ្កាហ្សា លោក វេជ្ជបណ្ឌិត មូនៀអាល់ប្រាស់( Munir Al-Brush) ប្រធានក្រុមវេជ្ជបណ្ឌិត នៅមន្ទីរពេទ្យ អាល់ស៊ីហ្វា(Al-Shifa) ស្ថិតនៅភាគខាងជើងតំបន់ហ្កាហ្សា បានបដិសេធមិនព្រមទទួលយកបញ្ជាជម្លៀសជាកាតព្វកិច្ចពីកងកម្លាំងការពារជាតិអ៊ីស្រាអែល (IDF)ទេ ដោយបារម្ភថា អ្នកជំងឺប្រមាណ៧០០នាក់ ប្រឈមនឹងការស្លាប់ ប្រសិនបើមិនបានព្យាបាល ។ លោក Al-Bursh បានប្រាប់ទូរទស្សន៍ CNN កាលពីថ្ងៃចន្ទដែលត្រូវបានរាយការណ៍នៅថ្ងៃអង្គារ ទី១៤ ខែវិច្ឆិកានេះថា បញ្ហាមិនមែនគ្រូពេទ្យទេ តែអ្នកជំងឺ។ ហើយប្រសិនបើត្រូវទុកចោល ពួកគេនឹងស្លាប់។ ប្រសិនបើត្រូវគេផ្ទេរ ពួកគេនឹងស្លាប់តាមផ្លូវ នេះជាបញ្ហា យើងកំពុងនិយាយអំពីអ្នកជំងឺ ប្រមាណ៧០០នាក់។លោកបានមានបន្ថែមថា រហូតមកដល់ពេលនេះ មិនទាន់មានការឆ្លើយតបពីក្រុមគ្រូពេទ្យនៅឡើយទេ ប៉ុន្តែជនភៀសខ្លួនមួយចំនួន និងក្រុមគ្រួសាររបស់ពួកគេបានចាកចេញពីផ្ទះរបស់ខ្លួនរួចទៅហើយ។យោងតាមលោកវេជ្ជបណ្ឌិត Al-Bursh បទបញ្ជាជម្លៀសមិនត្រូវបានសម្របសម្រួលជាមួយភ្នាក់ងារមនុស្សធម៌អន្តរជាតិណាមួយ ដូចជាកាកបាទក្រហមអន្តរជាតិនោះទេ។ លោកបាននិយាយថា កង្វះការសម្របសម្រួលនាំឱ្យមានការព្រួយបារម្ភអំពីសុវត្ថិភាព និងលទ្ធភាពនៃការផ្ទេរអ្នកជំងឺមួយចំនួនធំ ដែលភាគច្រើនស្ថិតក្នុងស្ថានភាពធ្ងន់ធ្ងរ ហើយអាចនឹងស្លាប់តាមផ្លូវ។ប្រមុខអង្គការសុខភាពពិភពលោក (WHO) លោកវេជ្ជបណ្ឌិត Tedros Adhanom Ghebreyesus បានហៅស្ថានភាពនេះថាជាសោកនាដកម្ម ដែលបានរារាំងអ្នកជំងឺមិនឱ្យទទួលបានការព្យាបាលត្រឹមត្រូវ ខណៈ អ្នកជំងឺថ្មីមិនអាចទទួលយកបានដោយសារតែគ្មានកន្លែងទំនេរ គ្មានប្រេងឥន្ធនៈ និងការផ្គត់ផ្គង់វេជ្ជសាស្រ្តមានកំណត់៕

ប្រធានគោលនយោបាយការបរទេសរបស់សហភាពអឺរ៉ុប លោក Borrell លើកសំណើសម្រាប់តំបន់ហ្កាហ្សាក្រោយសង្គ្រាម

ប្រធានគោលនយោបាយការបរទេសរបស់សហភាពអឺរ៉ុបលោក ចូសិប បូរ៉ែល (Josep Borrell) បានដាក់ចេញនូវសំណើកាលពីថ្ងៃចន្ទសម្រាប់របៀបដែលតំបន់ហ្កាហ្សា គួរតែដំណើរការ បន្ទាប់ពីសង្គ្រាមរវាងអ៊ីស្រាអែល និងក្រុមហាម៉ាស ដោយអំពាវនាវឲ្យបណ្តាប្រទេសអារ៉ាប់ដើរតួនាទីកាន់តែធំ នៅក្នុងរដ្ឋបាលប៉ាឡេស្ទីន នាពេលអនាគត។លោកបូរ៉ែល ដែលនឹងធ្វើដំណើរទៅកាន់ប្រទេសអ៊ីស្រាអែល ទឹកដីប៉ាឡេស្ទីន និងប្រទេសជិតខាង នៅចុងសប្តាហ៍នេះ បាននិយាយថា វាមានសារៈសំខាន់ណាស់ក្នុងការគិតអំពីអ្វីដែលកើតឡើង បន្ទាប់ពីសង្គ្រាម ទោះបីជាមានការប្រយុទ្ធគ្នាយ៉ាង ខ្លាំងក្លាក្តី។លោកបាននិយាយថា សហគមន៍អន្តរជាតិ បានបរាជ័យ«ខាងនយោបាយ និងសីលធម៌» ដើម្បីបង្កើតដំណោះស្រាយយូរអង្វែងចំពោះជម្លោះដ៏រ៉ាំរ៉ៃរវាងអ៊ីស្រាអែល និងប៉ាឡេស្ទីន ហើយឥឡូវនេះ វាដល់ពេលដែលត្រូវបង្កើនកិច្ចខិតខំប្រឹងប្រែងឡើងវិញ ដើម្បីស្វែងរកដំណោះស្រាយរដ្ឋពីរ។ថ្លែងទៅកាន់អ្នកសារព័ត៌មានបន្ទាប់ពីកិច្ចប្រជុំរដ្ឋមន្ត្រីការបរទេសសហភាពអឺរ៉ុប នៅទីក្រុងប្រ៊ុចសែល លោក បានបង្ហាញសំណើរបស់លោកថា «ទេ”»ចំពោះរឿងបី និង «បាទ» ចំពោះរឿងបីផ្សេងទៀត។លោកបាននិយាយថា ទេចំពោះការជម្លៀសប្រជាជនប៉ាឡេស្ទីនដោយបង្ខំចេញពីតំបន់ហ្កាហ្សា ការកាន់កាប់អចិន្ត្រៃយ៍ដោយយោធាអ៊ីស្រាអែល ឬការផ្លាស់ប្តូរណាមួយចំពោះទំហំរបស់តំបន់ហ្កាហ្សា និងការវិលត្រឡប់របស់ក្រុមហាម៉ាស។

លោក Zelenskyy ជំរុញឱ្យអ៊ុយក្រែនត្រៀមទប់ទល់ការវាយប្រហាររបស់រុស្ស៊ីលើហេដ្ឋារចនាសម្ព័ន្ធ

ប្រធានាធិបតីអ៊ុយក្រែន លោក Volodymyr Zelenskyy បានព្រមានថា រុស្ស៊ីអាចនឹងបង្កើនការវាយប្រហារលើហេដ្ឋារចនាសម្ព័ន្ធសំខាន់ៗរបស់អ៊ុយក្រែន នៅមុនពេលរដូវរងាខ្លាំងរបស់ខ្លួន។ លោក Zelenskyy និយាយនៅក្នុងសុន្ទរកថាតាមវីដេអូ ដែលបានចេញផ្សាយថា រុស្ស៊ីអាចនឹងបង្កើនចំនួនយានដ្រូន ឬការវាយប្រហារដោយមីស៊ីលមកលើហេដ្ឋារចនាសម្ព័ន្ធរនៅអ៊ុយក្រែន។ បណ្តាញអគ្គិសនី និងហេដ្ឋារចនាសម្ព័ន្ធផ្សេងទៀតរបស់អ៊ុយក្រែន ត្រូវបានដាក់គោលដៅដោយការវាយប្រហាររបស់រុស្ស៊ីក្នុងរយៈពេលប្រហែល៦ខែកន្លងទៅនេះចាប់តាំងពី ខែតុលា ឆ្នាំមុន ដោយបានកាត់ផ្តាច់ការផ្គត់ផ្គង់អគ្គិសនី និងឧបករណ៍កម្តៅក្នុងពេលរដូវរងា។ លោក Zelenskyy បានអំពាវនាវដល់ប្រទេសផ្សេងទៀតឱ្យបន្តជួយអ៊ុយក្រែនបង្កើនសមត្ថភាពការពារដែនអាកាសរបស់ខ្លួន។អ៊ុយក្រែនកំពុងព្យាយាមដណ្តើមយកមកវិញទឹកដីដែលបាត់បង់ ក្នុងតំបន់ Kherson។ កងទ័ពអ៊ុយក្រែន ត្រូវបានគេជឿថា បានឆ្លងកាត់ទៅច្រាំងភាគខាងកើតនៃទន្លេ Dnipro និងបានធ្វើប្រតិបត្តិការ ចាប់តាំងពីខែមុនមក។ ទន្ទឹមនឹងនោះ កងទ័ពរុស្ស៊ី បានបើកការវាយប្រហារលើទីក្រុង Kherson ជាទីក្រុងស្ថិតនៅត្រើយខាងលិចនៃទន្លេ ដែលពួកគេបានដកថយកាលពីមួយឆ្នាំមុន។កាលពីថ្ងៃចន្ទ ទីភ្នាក់ងារសារព័ត៌មានរដ្ឋរុស្ស៊ីចំនួនពីរ បានចេញសេចក្តីប្រកាសដោយដកស្រង់ប្រភពពីក្រសួងការពារជាតិរុស្ស៊ីនិយាយថា ទីបញ្ជាការរបស់អង្គភាពរុស្ស៊ី បានសម្រេចដាក់ទីតាំងកងទ័ពឡើងវិញនៅច្រាំងភាគខាងកើតទន្លេ Dnipro ។ ប៉ុន្តែ ១០ ទៅ ១៥ នាទីក្រោយមក ទីភ្នាក់ងារសារព័ត៌មាន Tass និង RIA-Novosti បានដកការរាយការណ៍ចេញវិញ ដែលបានលើកឡើងថា កងទ័ពរុស្ស៊ី បានត្រៀមខ្លួនរួចជាស្រេចដើម្បីដកថយ។ វាកម្រកើតមានណាស់សម្រាប់ទីភ្នាក់ងារព័ត៌មានរដ្ឋជាច្រើនរបស់រុស្ស៊ី ក្នុងការចេញផ្សាយ និងដកចេញវិញរបាយការណ៍ស្រដៀងគ្នាស្ទើរតែក្នុងពេលដំណាលគ្នា។

មន្ទីរពេទ្យនានានៅហ្កាហ្សាជិតបិទទ្វារទាំងស្រុង ខណៈក្រុមវេជ្ជបណ្ឌិតរៀបរាប់ពីស្ថានភាពសុបិន្តអាក្រក់

ក្រុមផ្ដល់ជំនួយសង្គ្រោះអ៊ីស្លាម(Islamic Relief)កំពុងព្រមានថា មន្ទីរពេទ្យនានានៅក្នុងតំបន់ហ្កាហ្សាជិតបិទទ្វារទាំងស្រុងហើយ ស្របពេលមានការទម្លាក់គ្រាប់បែកយ៉ាងខ្លាំងនៅថ្ងៃនេះ ។ ជិតពីរភាគបីនៃមន្ទីរពេទ្យទាំងអស់នៅក្នុងតំបន់ហ្កាហ្សា ឥឡូវនេះលែងដំណើរការទាំងស្រុង ហើយមន្ទីរពេទ្យនៅសេសសល់កំពុងតស៊ូដើម្បីបន្តដំណើរការ ខណៈចំនួនជនស៊ីវិលរងរបួសបន្តកើនឡើង។ ការវាយប្រហារកាន់តែខ្លាំងឡើងនាពេលបច្ចុប្បន្ននេះទៅលើមន្ទីរពេទ្យទាំងឡាយ បានធ្វើឱ្យបុគ្គលិកពេទ្យ និងជនស៊ីវិលរងគ្រោះថ្នាក់យ៉ាងធ្ងន់ធ្ងរ ហើយបណ្តាលឱ្យមានអ្នកស្លាប់ និងរបួស និងការបំផ្លិចបំផ្លិចយ៉ាងច្រើន។ ក្រុមផ្ដល់ជំនួយសង្គ្រោះអ៊ីស្លាមជឿថា មន្ទីរពេទ្យទាំងនោះ មិនត្រូវក្លាយជាគោលដៅឡើយ។ការវាយប្រហារថ្ងៃនេះបន្ថែមសម្ពាធយ៉ាងខ្លាំងទៅលើបណ្ដាមន្ទីរពេទ្យដែលនៅសេសសល់ក្នុងតំបន់ហ្កាហ្សានេះ។ វេជ្ជបណ្ឌិតមួយរូប មកពីមន្ទីរពេទ្យ អាល់ ស៊ីហ្វា (Al Shifa)ដែលត្រូវបានសម្ភាសដោយក្រុមសង្គ្រោះអ៊ីស្លាម មុនពេលការទម្លាក់គ្រាប់បែកថ្ងៃនេះ បានរៀបរាប់ពីស្ថានភាពដ៏គួរឱ្យរន្ធត់ ដោយបុគ្គលិកបានជីកផ្នូរដ៏ធំសម្រាប់សាកសពមិនស្គាល់អត្តសញ្ញាណ ច្រករបៀងដែលពោរពេញទៅដោយមនុស្សភៀសខ្លួនរាប់ពាន់នាក់ និងអ្នកជំងឺ ត្រូវបានរងការទម្លាក់គ្រាប់បែកនៅពេលពួកគេព្យាយាមគេចខ្លួន។ ការទម្លាក់គ្រាប់បែកនាពេលថ្មីៗនេះនៅមន្ទីរពេទ្យនេះ ជាកន្លែងដែលក្រុមសង្គ្រោះអ៊ីស្លាមបានចែកចាយ និងការផ្គត់ផ្គង់ថ្នាំពេទ្យ បានធ្វើឱ្យខូចខាតយ៉ាងធ្ងន់ធ្ងរដល់មន្ទីរសម្ភព និងបន្ទប់ឆ្លុះកាំរស្មីអ៊ិច និងបានវាយប្រហារលើទីធ្លាមន្ទីរពេទ្យ ដែលមានអ្នករត់គេចខ្លយនរាប់ម៉ឺននាក់បានស្វែងរកកន្លែងជ្រកកោណ។ វេជ្ជបណ្ឌិតរូបនេះ បានព្រមានពីការផ្ទុះឡើងនៃជំងឺផ្សេងៗ នៅក្នុងមន្ទីរពេទ្យដោយសារមនុស្សច្រើនពេក និងខ្វះទឹក និងប្រេងឥន្ធនៈជាដើម។ អ្នកជំងឺដែលបានទទួលការវះកាត់កំពុងឆ្លងមេរោគដោយសារតែលក្ខខណ្ឌគ្មានអនាម័យ និងកង្វះឧបករណ៍ ដោយសារការឡោមព័ទ្ធរបស់អ៊ីស្រាអែលនៅតែបន្ត រាំងខ្ទប់ការផ្គត់ផ្គង់សម្ភារៈចាំបាច់ដល់មន្ទីរពេទ្យទាំងអស់៕

បណ្ដាញសង្គម

ព័ត៌មានថ្មីៗ

-កម្ពុជា- អាស៊ែបៃហ្សង់ នឹងជំរុញសន្ទុះនៃទំនាក់ទំនង និងកិច្ចសហប្រតិបត្តិការទ្វេភាគី

កិច្ចប្រជុំលើកទី២ ថ្ងៃទី១ របស់គណៈកម្មការផ្សះផ្សាក្រោមអនុសញ្ញា UNCLOS ជាមួយកម្ពុជា និងថៃ បានបិទបញ្ចប់

ឯកឧត្តមទេសរដ្ឋមន្ត្រី ឆៃ ស៊ីណារិទ្ធ៖ ជាមួយលទ្ធផលសម្រេចបានជាបន្តបន្ទាប់ក្នុងកិច្ចខិតខំបោសសម្អាតOnline Scams កម្ពុជាបន្តប្តេជ្ញាទប់ស្កាត់មិនឱ្យវិលត្រឡប់ជាដាច់ខាត

កម្ពុជា-អាល្លឺម៉ង់ ពិភាក្សាពង្រឹងកិច្ចសហប្រតិបត្តិការលើវិស័យការងារ សន្តិសុខសង្គម និង TVET

កម្ពស់ទឹកស្ទឹងពោធិ៍សាត់ហក់ឡើងយ៉ាងកំហុក ឈានដល់កម្រិតប្រកាសអាសន្ន ប្រឈមនឹងការជនលិច

កម្ពុជា-អាស៊ែបៃហ្សង់ បង្ហាញសុទិដ្ឋិនិយមចំពោះការជំរុញទំនាក់ទំនង និងកិច្ចសហប្រតិបត្តិការរវាងប្រទេសទាំងពីរ

ភ្នាក់ងារតំណាងកម្ពុជា អញ្ជើញចូលរួមកិច្ចប្រជុំលើកទី២ របស់គណៈកម្មការផ្សះផ្សាក្រោមអនុសញ្ញា UNCLOS ជាមួយកម្ពុជា និងថៃ ដោយរក្សាគោលជំហរ និងគោលបំណង គឺដំណោះស្រាយមួយដែលផ្តល់ផលប្រយោជន៍ដល់ប្រជា ជននៃប្រទេសទាំងពីរ និងស្វែករកសន្តិភាពយូរអង្វែង

មន្ត្រី៖ បណ្តាប្រទេសអឺរ៉ុប និងវៀតណាម នឹងចុះហត្ថលេខាលើកិច្ចព្រមព្រៀងពាណិជ្ជកម្មសេរី នៅថ្ងៃអាទិត្យ

ការលាលែងពីតំណែងរបស់លោក លោក Yana គឺជាការប៉ះពាល់ដល់នាយករដ្ឋមន្ត្រីជប៉ុន លោកស្រី Takaichi

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877