នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
គណៈបញ្ជាការឯកភាពរាជធានី បើកការចុះបង្ក្រាបទីតាំងឆបោកអនឡាញ និងគ្រឿងញៀននៅខណ្ឌមានជ័យ ឃាត់ជនបរទេស៥៥នាក់
នគរបាលរាជធានីភ្នំពេញបង្ហាញមុខជនសង្ស័យ ១១នាក់ករណីហិង្សាវាយកម្ទេចរថយន្តក្បែរវត្តភ្នំ
ជនដែលឈ្លោះជាមួយជនបរទេស ក្នុងបណ្ដាញសង្គម គឺជាជនអនាថា គ្មានទីលំនៅពិតប្រាកដ
គណៈបញ្ជាការឯកភាពរាជធានី បន្តប្រតិបត្តិការបង្ក្រាបទីតាំង Online Scams ឃាត់ជនបរទេសជាង៣០០នាក់ នៅខណ្ឌដូនពេញ

សន្តិសុខ និង សង្គម

អ៊ុយក្រែន៖ ការវាយប្រហារមីស៊ីលរបស់រុស្ស៊ី សម្លាប់មនុស្ស ៣៦ នាក់ ខណៈធ្លាក់ត្រូវមន្ទីរពេទ្យកុមារ

2024/07/09 08:03:51 am        155
Facebook Telegram Linkin
ការប្រហារដោយមីស៊ីលរបស់រុស្ស៊ី បានធ្លាក់ត្រូវមន្ទីរពេទ្យកុមារដ៏ធំនៅទីក្រុងគីវ ក្នុងពេលថ្ងៃកាលពីថ្ងៃចន្ទ (០៨ កក្កដា) ហើយរុស្ស៊ី ក៏បានបាញ់មីស៊ីលជាច្រើនគ្រាប់ទៅលើទីក្រុងផ្សេងទៀតនៅទូទាំងប្រទេសអ៊ុយក្រែន ដោយបានសម្លាប់ជនស៊ីវិលយ៉ាងតិច ៣៦ នាក់នៅក្នុងការវាយប្រហារតាមអាកាសដ៏បង្ហូរឈាមបំផុតអស់រយៈពេលជាច្រើនខែ។ឪពុកម្តាយដែលបីទារកបានដើរតាមផ្លូវនៅខាងក្រៅមន្ទីរពេទ្យដោយភាពភិតភ័យ និងស្រក់ទឹកភ្នែក បន្ទាប់ពីការវាយប្រហារតាមអាកាសដ៏កម្រមួយនាពេលថ្ងៃ។ បង្អួចអគារត្រូវខ្ទេចខ្ទី ហើយជញ្ជាំងត្រូវប្រះបែក ខណៈអ្នកក្រុងគីវ រាប់រយនាក់កំពុងជួយសម្អាតកម្ទេចកម្ទីពីការវាយប្រហារ។រដ្ឋាភិបាលបានប្រកាសការកាន់ទុក្ខរយៈពេលមួយថ្ងៃនៅថ្ងៃអង្គារ (០៩ កក្កដា) នេះសម្រាប់ការវាយប្រហារតាមអាកាសដ៏អាក្រក់បំផុតមួយនៃសង្រ្គាម ដោយនោះបង្ហាញថា អ៊ុយក្រែនត្រូវការការធ្វើឱ្យប្រសើរឡើងជាបន្ទាន់នូវប្រព័ន្ធការពារដែនអាកាសរបស់ខ្លួនពីបណ្ដាសម្ព័ន្ធមិត្តលោកខាងលិចរបស់ខ្លួន។កងទ័ពអាកាសបាននិយាយថា ប្រព័ន្ធការពារដែនអាកាសបានបាញ់ទម្លាក់មីស៊ីលចំនួន ៣០ ក្នុងចំណោម ៣៨ គ្រាប់។ រដ្ឋមន្ត្រីក្រសួងមហាផ្ទៃបាននិយាយថា អគារស៊ីវិលចំនួន ៥០ ទីតាំងរួមទាំងលំនៅដ្ឋាន មជ្ឈមណ្ឌលពាណិជ្ជកម្មមួយកន្លែង និងមូលដ្ឋានពេទ្យចំនួនពីរកន្លែងត្រូវបានខូចខាតនៅក្នុងទីក្រុងគីវ កណ្តាលទីក្រុងគ្រីវយី រីហ្វ (Kryvyi Rih) និងក្រុង ឌីនីប្រូ (Dnipro) រួមទាំងទីក្រុងភាគខាងកើតចំនួនពីរ។ សេវាសន្តិសុខអ៊ុយក្រែន បានកំណត់អត្តសញ្ញាណមីស៊ីលទាំងនោះថាជាមីស៊ីលតម្រង់គោលដៅ Kh-101៕

កម្លាំងជំនាញ បង្រ្កាបគ្រឿងញៀនជាង ២គីឡូក្រាម ឃាត់ខ្លួនជនសង្ស័យ ២នាក់

2024/07/08 02:32:40 pm        90
Facebook Telegram Linkin
ភ្នំពេញ៖ កម្លាំងជំនាញ (ក៤) នៃមន្ទីរប្រឆាំងបទល្មើសគ្រឿងញៀន សហការ​ជាមួយ​ស្នង​ការ​ដ្ឋាន​រាជ​ធានី ដោយមានការសម្របសម្រួលពីលោក គឹម ហុងសាន ព្រះរាជអាជ្ញារង នៃអយ្យការ​អម​សាលាដំ​បូងរាជធានីភ្នំពេញ ស្រាវជ្រាវ ស៊ើបអង្កេតបង្រ្កាបករណីរក្សាទុក ដឹកជញ្ជូន និង ជួញ​ដូរ​ដោយ​ខុសច្បាប់នូវសារធាតុញៀន២គោលដៅ កាលពីថ្ងៃទី០៤ ខែកក្កដា ឆ្នាំ២០២៤ ។គោលដៅទី១ ស្ថិតនៅលើផ្លូវបេតុង ខាងក្រោយផ្សារប៉េសេ ភូមិត្នោតជ្រុំ សង្កាត់​បឹង​ទំពន់​ខណ្ឌ​មានជ័យ រាជធានីភ្នំពេញ។ គោលដៅទី២ ស្ថិតនៅសំណង់មិនរៀបរយ ភូមិព្រែកតាគង់១ សង្កាត់​ចាក់​អង្រែ​លើ ខណ្ឌមានជ័យ រាជធានីភ្នំពេញ។នាប្រតិបត្តិការនោះកម្លាំងជំនាញចាប់ខ្លួនជនសង្ស័យ ០២នាក់ ១.ឈ្មោះ លាង ស្រីពេញ ភេទ​ស្រី ​អាយុ ៣៧ឆ្នាំ ជនជាតិ ខ្មែរ , ២.ឈ្មោះ អ៊ុយ ណារី ភេទស្រី អាយុ ៣៤ឆ្នាំ ជនជាតិ ខ្មែរ វត្ថុ​តាង​ចាប់យកគ្រឿងញៀនប្រភេទ មេតំហ្វេតាមីន (ICE) ទម្ងន់ ២០៧៨,៤២ក្រាមគ្រឿង​​ញៀន ប្រភេទ កេតាមីន (Ketamine) ទម្ងន់ ១៩៥,៣៦ក្រាម ។ វត្ថុតាងគ្រឿង​​ញៀនសរុបចំនួនជាង ២ គីឡូក្រាម ។ចំពោះជនសង្ស័យត្រូវបានកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ ដើម្បី​ចាត់​ការ​តាមនីតិវិធី ។សមត្ថកិច្ចបញ្ជាក់ថា ការបង្ក្រាបគ្រឿងញៀននេះដោយអនុវត្តតាមបញ្ជារបស់ នាយឧត្ដមសេនីយ៍ ស ថេត អគ្គស្នងការនគរបាលជាតិ ឧត្ដមសេនីយ៍ឯក ប៊ុនប៉ា ម៉ារីលុច អគ្គស្នង​ការ​រង​ទទួល​ដឹកនាំ​ការងារ​ជំនាញមន្ទីរប្រឆាំងគ្រឿងញៀន និងឧត្ដមសេនីយ៍ឯក ព្រុំ សន្ធរ អគ្គស្នងការរង ទទួល​សហការ​ដឹកនាំការងារមន្ទីរប្រឆាំងគ្រឿងញៀន ក្រោមការបញ្ជាដឹកនាំផ្ទាល់របស់ឧត្ដមសេនីយ៍ឯក ឃឹង សារ៉ាត់ នាយកមន្ទីរប្រឆាំងបទល្មើសគ្រឿងញៀន៕ តារាវុទ្ធី

ការដ្ឋានមួយកន្លែងកំពុងវាយកម្ទេច​ខ្វះលក្ខណៈបច្ចេកទេសបានធ្លាក់ដែក និងថ្ម តែសំណាងល្អមិនបណ្ដាលឲ្យមនុស្សរងរបួស

2024/07/08 01:47:44 pm        162
Facebook Telegram Linkin
ភ្នំពេញ៖ ការដ្ឋានមួយកន្លែង ដែលកំពុងវៃដើម្បីកម្ទេចអគារ បែជាធ្លាក់ថ្មទាំងដុំ បាក់សំណាញ់ការពារ ធ្លាក់មកខាងក្រោមដោយខ្វះលក្ខណៈបច្ចេកទេសត្រឹមត្រូវ តែសំណាងល្អមិនបណ្ដាលឲ្យមនុស្សរងរបួសឡើយ។ហេតុការណ៍នេះ បានកើតឡើងនៅល្ងាចថ្ងៃទី០៧ ខែកក្កដា ឆ្នាំ២០២៤ នៅចំណុចអគារចាស់ មួយកន្លែង កំពុងកម្ទេចចោល ស្ថិតនៅតាមបណ្ដោយផ្លូវលេខ ១២៣ សង្កាត់ទួលទំពូងទី១ ខណ្ឌចំការមន រាជធានីភ្នំពេញ។តាមប្រភពព័ត៌មានពីប្រជាពលរដ្ឋ ក៏ដូចជាអ្នកធ្វើដំណើរឆ្លងកាត់ទីតាំងការដ្ឋាននេះ បានលើកឡើងថា ទីតាំងនេះ កំពុងវៃកម្ទេចចោល នៅធឹមស៊ីម៉ង និងវៃយកសសៃដែក មិនមានការប្រុងប្រយ័ត្នត្រឹមត្រូវ បណ្ដាលឲ្យធ្លាក់កម្ទេចថ្ម និងដែក ចុះមកក្រោម ដែលអាចបណ្ដាលឲ្យមានមនុស្សរងរបួស ជាយថាហេតុណាមួយគ្រប់ពេលវេលា។ប្រជាពលរដ្ឋ សំណូមពរអាជ្ញាធរមូលដ្ឋាន គួរចុះត្រួតពិនិត្យមើលលក្ខណៈបច្ចេកទេសផង ឬគួរមានវិធានការផង។ ពាក់ព័ន្ធករណីនេះ ភាក់ងារសារព័ត៌មាន BTV បានទំនាក់ទំនងទៅ លោក កៀង ល័ក្ស អភិបាលគណៈអភិបាលខណ្ឌចំការមន បានឲ្យដឹងថា ក្រោយទទួលបានព័ត៌មាននេះ លោកបានចុះដល់ទីតាំងកើតហេតុ និងបានធើ្វការណែនាំដល់ម្ចាស់គ្រប់គ្រងការដ្ឋាន ធ្វើយ៉ាងណា​ឲ្យមានលក្ខណៈបច្ចេកទេសត្រឹមត្រូវ ​ដោយមិន​អនុញ្ញាត​ឲ្យ​ហ៊ុមព័ទ្ធ​សំណាញ់ទេ ដោយ​ណែនាំឲ្យយកតង់ ហ៊ុមព័ទ្ធ ដើម្បីការពារ​កម្ទេចថ្ម ​ណែនាំ​ឲ្យ​វាយកម្ទេច​ពីលើចុះមក​ក្រោម ​រួចរុញ​កម្ទេចថ្មទៅក្រោយ ចំពោះ​ធ្នឹមសរស ​ត្រូវកាត់រួច​សន្ដោងចុះក្រោម ​តាមលក្ខណៈបច្ចេកទេស មិន​អនុញ្ញាត​ឲ្យ​បុកនៅខាងលើដូចនេះទេ។ជាចុងក្រោយលោកអភិបាល បានបញ្ជាក់ថា ម្ចាស់ទីតាំងបាន​ទទួល​យល់​ព្រម​តាម​ការណែនាំ​របស់​លោកអភិបាលខណ្ឌចំការមន ​ក្នុងករណី​ នៅបន្តមានករណីធ្លាក់ដែកធ្លាក់ថ្ម បណ្ដាលឲ្យ​មាន​មនុស្សរងរបួស ឬយ៉ាងណានោះ អាជ្ញាធរ នឹងមានវិធានការច្បាប់៕ អត្ថបទ៖ កុម្ភះ

អគ្គិភ័យឆេះអគារលំនៅឋានថែទាំមនុស្សចាស់នៅអ៊ុយរ៉ាហ្គាយ បណ្តាលឲ្យមនុស្ស១០នាក់ស្លាប់

2024/07/08 01:36:15 pm        55
Facebook Telegram Linkin
នាយកដ្ឋានពន្លត់អគ្គិភ័យជាតិ បានរាយការណ៍ថា អគ្គិភ័យដែលបានកើតឡើងនៅក្នុងអគារលំនៅឋានថែទាំមនុស្សចាស់មួយកន្លែងក្នុងទីក្រុង ត្រេនតាត្រេស(Treinta y Tres) ប្រទេសអ៊ុយរ៉ាហ្គាយ កាលពីថ្ងៃអាទិត្យ បណ្តាលឲ្យមនុស្ស១០នាក់ ស្លាប់។សេចក្តីថ្លែងការណ៍ផ្លូវការ បាននិយាយថា ជនរងគ្រោះរួមមានស្ត្រី៨នាក់ និងបុរស២នាក់។ ឧបទ្ទវហេតុនេះ បានកើតឡើងនៅម៉ោង ៦:00នាទីព្រឹក ម៉ោងក្នុងស្រុក នៅក្នុងអគារលំនៅឋាន Adulto Mayor នៅក្នុងទីក្រុង។ក្រុមអ្នកពន្លត់អគ្គិភ័យ និងអ្នកជំនាញ មកពីនាយកដ្ឋានស៊ើបអង្កេតឧបទ្ទវហេតុ នៅទីក្រុង Montevideo ត្រូវបានបញ្ជូនទៅដើម្បីជួយ និងស៊ើបអង្កេតពីមូលហេតុនៃការផ្ទុះឡើងអគ្គិភ័យនេះ។ចាប់តាំងពីសប្តាហ៍មុន ប្រទេសអ៊ុយរ៉ាហ្គាយ បានជួបប្រទះរលកត្រជាក់ ដោយសីតុណ្ហភាពនៅពេលព្រឹកព្រលឹម ក្រោមសូន្យអង្សាសេ ហើយសីតុណ្ហភាពនៅពេលថ្ងៃ មិនលើសពី១០អង្សារសេនោះទេ។ទីក្រុង ត្រេនតាត្រេស(Treinta y Tres) ជារដ្ឋធានី នៅភាគខាងកើតប្រទេសអ៊ុយរ៉ាហ្គាយ ជាទីក្រុងដែលមានប្រជាជនចំនួន ២៥.០០០នាក់ ស្ថិតនៅចម្ងាយ២៨៨គីឡូម៉ែត្រ ភាគឦសានទីក្រុង Montevideo ។

ជនជាតិបូលីវី២៤នាក់ ប្រឈមការជាប់ពន្ធនាគារ២៥ឆ្នាំ សម្រាប់ការជាប់ពាក់ព័ន្ធក្នុងរដ្ឋប្រហារមិនបានសម្រេច

2024/07/08 01:32:44 pm        106
Facebook Telegram Linkin
រដ្ឋអាជ្ញា លោក សេសា អាដាលីត ស៊ីល បាហ្សាន(Cesar Adalid Siles Bazan) បាននិយាយ កាលពីថ្ងៃអាទិត្យថា ប្រទេសបូលីវី កំពុងកាត់ទោសជនសង្ស័យចំនួន២៤នាក់ សម្រាប់ការជាប់ពាក់ព័ន្ធក្នុងការប៉ុនប៉ងធ្វើរដ្ឋប្រហារមិនបានសម្រេច កាលពីថ្ងៃទី២៦ ខែមិថុនា ដែលអាចជាប់ពន្ធនាគាររហូតដល់២៥ឆ្នាំ។លោក Siles Bazan បាននិយាយនៅក្នុងបទសម្ភាសន៍មួយជាមួយទូរទស្សន៍ Bolivia Tvថា ការស៊ើបអង្កេតត្រូវបានពន្លឿនយ៉ាងឆាប់រហ័ស។ ក្នុងរយៈពេល១១ថ្ងៃមកនេះ បទចោទប្រកាន់ជាផ្លូវការចំនួន៦ ករណី ត្រូវបានកំណត់ ដែលការិយាល័យរដ្ឋអាជ្ញា បានបង្ហាញភស្តុតាងគ្រប់គ្រាន់នៃការទទួលខុសត្រូវព្រហ្មទណ្ឌលើមនុស្ស២៤នាក់។ លោកបាននិយាយថា ក្នុងចំណោមជនសង្ស័យទាំង២៤នាក់ ដែលត្រូវបានចោទប្រកាន់នេះ មាន៣នាក់ កំពុងស្ថិតក្រោមការឃុំខ្លួនក្នុងផ្ទះ ខណៈអ្នកនៅសល់ កំពុងស្ថិតក្នុងការឃុំខ្លួន​បណ្តោះអាសន្ន​នៅពន្ធនាគារប្រទេសបូលីវី។ដោយកត់សម្គាល់ពីភាពធ្ងន់ធ្ងរនៃបទចោទប្រកាន់ព្រហ្មទណ្ឌនេះ រដ្ឋអាជ្ញានិយាយថា ការចោទប្រកាន់ពីបទភេរវកកម្មតែមួយ អាចកាត់ទោសឲ្យជាប់ពន្ធនាគារ២០ឆ្នាំ ដែលនៅ​ពេលបូកបញ្ចូលរួមជាមួយបទព្រហ្មទណ្ឌផ្សេងៗទៀត អាចនាំឱ្យជាប់ពន្ធនាគារ២៥ឆ្នាំ។ កាលពីថ្ងៃទី២៦ ខែមិថុនា ក្រុមយោធា ដឹកនាំដោយមេបញ្ជាការកងទ័ពដែលបច្ចុប្បន្នត្រូវបាន​បណ្តេញចេញ លោក ជូអាន ចូសេ ហ្ស៊ូនីហ្គា(Juan Jose Zuniga) បានប្រើប្រាស់រថក្រោះមួយគ្រឿង​សម្រុកចូលទៅវិមានរដ្ឋាភិបាល ដែលមានទីតាំងនៅទីលាន Murillo ក្នុងទីក្រុង La Paz ។ជនសង្ស័យ ត្រូវបានចោទប្រកាន់ពីបទបះបោរប្រដាប់អាវុធ អំពើភេរវកម្ម ការគំរាមកំហែង​ដល់សន្តិសុខរបស់ប្រធានាធិបតី និងមន្ត្រីដទៃទៀត បំផ្លាញឬធ្វើឲ្យខូចខាតទ្រព្យសម្បត្តិសាធារណៈ និងការប្រើប្រាស់សេវាកម្មសាធារណៈមិនត្រឹមត្រូវ។ អាជ្ញាធរ បានធ្វើការវាយឆ្មក់ចូលទៅក្នុងលំនៅឋាន បរិវេណយោធា និងការិយាល័យជាច្រើនកន្លែង ជាផ្នែកមួយនៃការស៊ើបអង្កេត។

បំណាក់ដីសម្លាប់មនុស្ស ១២ នាក់ និង១៨នាក់បាត់ខ្លួន នៅលើកោះ ស៊ូឡាវ៉េស៊ី ប្រទេសឥណ្ឌូនេស៊ី

2024/07/08 11:31:22 am        155
Facebook Telegram Linkin
មនុស្សយ៉ាងហោចណាស់ ១២នាក់បានស្លាប់ និង ១៨ នាក់កំពុងបាត់ខ្លួន បន្ទាប់ពីភ្លៀងធ្លាក់យ៉ាងគំហុក បណ្តាលឱ្យមានបំណាក់ដីនៅក្នុងអណ្តូងរ៉ែមាសខុសច្បាប់កាលពីចុងសប្តាហ៍នៅកោះ ស៊ូឡាវ៉េស៊ី (Sulawesi) ប្រទេសឥណ្ឌូនេស៊ី។ លោក ហេរីយ៉ាន់តូ (Heriyanto) ប្រធានទីភ្នាក់ងារជួយសង្គ្រោះក្នុងស្រុក បាសាណាស់ (Basarnas) បាននិយាយថា បំណាក់ដីកាលពីព្រឹកថ្ងៃអាទិត្យ នៅស្រុកស៊ូម៉ាវ៉ា (Sumawa) ខេត្ត ហ្គ័ររ៉ុនតាឡូ (Gorontalo) បានសម្លាប់កម្មករអណ្តូងរ៉ែ និងអ្នកស្រុកដែលរស់នៅក្បែរអណ្តូងរ៉ែខុសច្បាប់នោះ។លោកបាននិយាយថា អ្នកនៅរស់រានមានជីវិតចំនួន ៥នាក់ត្រូវបានជម្លៀសចេញ ដោយលោកបានបន្ថែមថា ក្រុមជួយសង្គ្រោះកំពុងស្វែងរកអ្នកបាត់ខ្លួនចំនួន ១៨ នាក់នៅថ្ងៃចន្ទនេះ។លោក បាននិយាយថា ទីភ្នាក់ងារនេះ បានបញ្ជូនបុគ្គលិកចំនួន១៦៤នាក់ រួមមានក្រុមសង្គ្រោះជាតិ នគរបាល និងទាហាន ដើម្បីស្វែងរកអ្នកបាត់ខ្លួន ។ ប្រធានទីភ្នាក់ងាររូបនេះ បាននិយាយថា ទោះបីយ៉ាងណាក៏ដោយ ក្រុមអ្នកជួយសង្គ្រោះត្រូវដើរប្រហែល ២០ គីឡូម៉ែត្រ ដើម្បីទៅដល់កន្លែងបំណាក់ដី ហើយត្រូវបានរារាំងដោយល្បាប់ក្រាស់ពេញផ្លូវ និងភ្លៀងបន្តធ្លាក់ក្នុងតំបន់នោះ៕

ប្រទេសប៉ាណាម៉ា បិទព្រំដែនឆ្លងកាត់ដោយបន្លាលួស បង្កឲ្យមានភាពចម្រូងចម្រាស់ក្នុងតំបន់

2024/07/08 10:31:01 am        136
Facebook Telegram Linkin
របងលួសបន្លា ដែលត្រូវបានដំឡើងដោយរដ្ឋាភិបាលប្រទេសប៉ាណាម៉ា ដើម្បីរារាំងលំហូរជនអន្តោប្រវេសន៍ឆ្លងកាត់តាមព្រៃ Darien ដែលភ្ជាប់ពីអាមេរិកកណ្តាលទៅកាន់ប្រទេសកូឡុំប៊ី បានបង្កឱ្យមានការប្រឆាំងពីអ្នកស្រុក និងប្រទេសជិតខាង។អង្គភាពសេវាព្រំដែនជាតិរបស់ប្រទេសប៉ាណាម៉ា បាននិយាយថា ការឆ្លងកាត់ព្រំដែនដែលគ្មានការអនុញ្ញាត នៅព្រៃនេះបានក្លាយជាផ្លូវដ៏សំខាន់សម្រាប់ជនអន្តោប្រវេសន៍ ដែលភាគច្រើនជាជនអន្តោប្រវេសន៍ធ្វើដំណើរទៅកាន់សហរដ្ឋអាមេរិក។អាជ្ញាធរប្រទេសប៉ាណាម៉ា និយាយថា ជនអន្តោប្រវេសន៍ជាង ១៩៥.០០០នាក់ បានឆ្លងកាត់ច្រកព្រំដែនទាំងនេះមិនទៀងទាត់ក្នុងឆ្នាំ២០២៤នេះ ។ការសម្រេចចិត្ត បានធ្វើឲ្យមានការរិះគន់ពីក្រុមសិទ្ធិមនុស្ស និងប្រទេសជិតខាង ដោយលើកហេតុផលថា របាំងលួសបន្លា ធ្វើឱ្យស្ថានភាពកាន់តែធ្ងន់ធ្ងរ ដែលជនអន្តោប្រវេសន៍ត្រូវប្រឈមមុខ ដោយបង្ខំឱ្យពួកគេធ្វើដំណើរទៅតាមផ្លូវដ៏គ្រោះថ្នាក់។ការិយាល័យរដ្ឋាភិបាលរបស់ប្រទេសកូឡុំប៊ី បានសម្តែងការព្រួយបារម្ភរបស់ខ្លួន និងបានស្នើសុំឱ្យរដ្ឋាភិបាលប្រទេសប៉ាណាម៉ា ធានានូវសិទ្ធិជ្រកកោននិងសិទ្ធមនុស្ស របស់ជនអន្តោប្រវេសន៍។កំណត់ត្រាខ្ពស់នៃជនអន្តោប្រវេសន៍ចំនួន ៥២០.០០០នាក់ បានឆ្លងកាត់ព្រៃ Darien កាលពីឆ្នាំមុន ភាគច្រើនជាកុមារ និងភាគច្រើនមកពីប្រទេសវេណេស៊ុយអេឡា អេក្វាឌ័រ និងប្រទេសហៃទី។ ប្រធានាធិបតីថ្មីរបស់ប្រទេសប៉ាណាម៉ា លោក ចូសេ រ៉ូល មូលីណូ(Jose Raul Mulino) បានចូលកាន់តំណែងកាលពីសប្តាហ៍មុន និងបានប្តេជ្ញាថានឹងទប់ស្កាត់ការធ្វើអន្តោប្រវេសន៍ខុសច្បាប់។រដ្ឋាភិបាលរបស់លោក ភ្លាមៗបានចុះហត្ថលេខាលើកិច្ចព្រមព្រៀងជាមួយសហរដ្ឋអាមេរិក ដើម្បីបញ្ចប់ការឆ្លងកាត់ព្រៃ Darien ដ៏គ្រោះថ្នាក់។

បន្ទាប់ពីសង្គ្រាម៩ខែ ប្រជាជនអ៊ីស្រាអែល តវ៉ាប្រឆាំងរដ្ឋាភិបាល និងទាមទារឱ្យដោះលែងចំណាប់ថ្នូរ

2024/07/08 10:23:55 am        102
Facebook Telegram Linkin
ក្រុមអ្នកតវ៉ាអ៊ីស្រាអែលរាប់ពាន់នាក់ បានមកប្រមូលផ្តុំគ្នានៅខាងក្រៅលំនៅឋានឯកជនរបស់នាយករដ្ឋមន្ត្រីអ៊ីស្រាអែល លោក Benjamin Netanyahu ក្នុងទីក្រុងហ្សេរុយសាឡឹម កាលពីថ្ងៃអាទិត្យ ដោយអំពាវនាវឱ្យរដ្ឋាភិបាល លាលែងពីតំណែង និងទាមទារឲ្យមានការដោះលែងចំណាប់ថ្នូរ ដែលត្រូវបានឃុំខ្លួនដោយក្រុមហាម៉ាស នៅថ្ងៃប្រារព្ធខួប ៩ ខែ ចាប់តាំងពីការវាយប្រហារថ្ងៃទី ៧ ខែតុលា។ការតវ៉ាមួយផ្សេងទៀត ត្រូវបានធ្វើឡើងនៅលើផ្លូវធំក្នុងទីក្រុង Tel Aviv ដែលការតវ៉ាមានបំណងដាក់សម្ពាធលើរដ្ឋាភិបាលអ៊ីស្រាអែល ឱ្យឈានដល់កិច្ចព្រមព្រៀងដោះលែងចំណាប់ថ្នូរជាមួយក្រុមហាម៉ាស ដែលបាតុកម្មបានធ្វើឡើងនៅទូទាំងប្រទេស ដោយក្រុមបាតុករបានបិទផ្លូវ និងតវ៉ានៅតាមលំនៅឋានរបស់រដ្ឋមន្ត្រីរដ្ឋាភិបាល។យោងតាមប្រព័ន្ធផ្សព្វផ្សាយអ៊ីស្រាអែល បានឱ្យដឹងថា ការតវ៉ាបានចាប់ផ្តើមនៅម៉ោង ៦:២៩នាទី ព្រឹក ដែលត្រូវនឹងម៉ោងនៃការវាយលុកកាលពីថ្ងៃទី៧ ខែតុលា របស់ក្រុមហាម៉ាស លើអ៊ីស្រាអែល។ កិច្ចខិតខំប្រឹងប្រែងដើម្បីទទួលបានកិច្ចព្រមព្រៀងដោះលែងចំណាប់ថ្នូររវាងអ៊ីស្រាអែល និងក្រុមហាម៉ាស នៅតំបន់ហ្កាហ្សា បន្ទាប់ពីសង្រ្គាមរយៈពេលប្រាំបួនខែ ទទួលបានសន្ទុះក្នុងប៉ុន្មានថ្ងៃថ្មីៗនេះ ដោយក្រុមមន្ត្រី បានបង្ហាញសុទិដ្ឋិនិយម ប៉ុន្តែបាននិយាយថា គម្លាតនៅតែមានរវាងភាគីទាំងពីរ។

បាតុករប្រឆាំងក្រុមស្ដាំនិយមជ្រុលនៅបារាំង ប៉ះទង្គិចជាមួយនគរបាល ក្រោយចេញលទ្ធផល​បោះឆ្នោតសភា

2024/07/08 10:18:33 am        144
Facebook Telegram Linkin
ក្រុមបាតុករបារាំង បានប៉ះទង្គិចគ្នាជាមួយនគរបាលកុបកម្មនៅទីក្រុងប៉ារីស កាលពីល្ងាចថ្ងៃអាទិត្យ (៧ កក្កដា) បន្ទាប់ពីលទ្ធផលដែលបានព្យាករជាលើកដំបូងពីការបោះឆ្នោតសភាជុំទីពីររបស់ប្រទេសបារាំង ត្រូវបានប្រកាស ដែលក្នុងនោះសម្ព័ន្ធភាពឆ្វេងនិយម គណបក្សរណសិរ្សប្រជាប្រិយថ្មី (NFP) ឈរនៅលេខរៀងទី១ ដ៏ភ្ញាក់ផ្អើល នៅពីមុខក្រុមកណ្តាលនិយម ដែលស្ថិតក្នុងលេខរៀងទី២ និងក្រុមស្តាំនិយមជ្រុល ដែលទទួលបានលំដាប់ទី៣។ បាតុកររាប់ពាន់នាក់បានប្រមូលផ្តុំគ្នានៅទីក្រុងប៉ារីស ដើម្បីតវ៉ាប្រឆាំងនឹងក្រុមស្តាំនិយមជ្រុល ដោយគ្រវីទង់ជាតិបារាំង និងកាន់បដាដែលមានពាក្យសរសេរថា «រណសិរ្សប្រជាប្រិយថ្មីរបស់យើងគឺប្រឆាំងអាណានិគម និងប្រឆាំងការរើសអើងជាតិសាសន៍! តាមគ្រប់មធ្យោបាយចាំបាច់ ហើយអនុញ្ញាតឱ្យយើងបញ្ឈប់ការងើបឡើងនៃពួកហ្វាស៊ីសនិយម (ក្រុមផ្ដាច់ការ) មិនឱ្យកាន់អំណាច»។ ជាមួយនេះគ្នា ក្រុមអ្នកគាំទ្របក្ស NFP បានអបអរសាទរ បន្ទាប់ពីលទ្ធផលនៃការបោះឆ្នោតសភាជុំទីពីរត្រូវបានប្រកាស ដោយផ្ដល់នូវជ័យជម្នះសម្រាប់សម្ព័ន្ធភាពឆ្វេងនិយម ដែលប្រមូលផ្តុំដោយក្រុមឆ្វេងនិយមប្រកាន់ជំហរតឹង (The hard left) ក្រុមសង្គមនិយម (The Socialists) និងក្រុមគណបក្សបៃតង (Greens)។មេដឹកនាំបក្សបៃតងបារាំង លោកស្រី ម៉ារីន តុងដឺលែរ (Marine Tondelier) កាលពីថ្ងៃអាទិត្យ បានប្តេជ្ញាថានឹងនាំមកនូវ «ការផ្សះផ្សារ យុត្តិធម៌សង្គម និងបរិស្ថាន» នៅក្នុងប្រទេសបារាំង ហើយខណៈពេលដែលនាងអបអរជ័យជម្នះរបស់បក្ស NFP លោកស្រី តុងដឺលែរ ក៏បានព្រមានអំពីអ្វីដែលលោកស្រីនិយាយថា អាចជាយប់មួយដែលពោរពេញដោយអំពើហិង្សាពីពួកស្ដាំនិយមជ្រុល៕

[UPDATE] ចំនួនអ្នកស្លាប់ ក្នុងទឹកជំនន់នៅរដ្ឋអាសាមរបស់ឥណ្ឌាកើនឡើងដល់៦៦នាក់ ក្រោយមានអ្នកស្លាប់៨នាក់បន្ថែម

2024/07/08 09:52:20 am        168
Facebook Telegram Linkin
ស្ថានភាពនៅក្នុងរដ្ឋ អាសាម(Assam) របស់ឥណ្ឌាកាន់តែធ្ងន់ធ្ងរ បន្ទាប់ពីមនុស្ស ៨ នាក់ រួមទាំងកុមារ ៣ នាក់បានស្លាប់ ក្រោយលង់ទឹកក្នុងទឹកជំនន់ក្នុងរយៈពេល ២៤ ម៉ោងចុងក្រោយ ហើយចំនួនអ្នកស្លាប់ដោយសារទឹកជំនន់ឆ្នាំនេះបានកើនឡើងដល់ ៦៦ នាក់។របាយការណ៍ស្ដីពីទឹកជំនន់បាននិយាយថា កាលពីថ្ងៃអាទិត្យ មនុស្សពីរនាក់បានស្លាប់នៅក្នុងស្រុក ឌូប្រ៊ី (Dhubri) និង ស្រុក ណាលបារី (Nalbari) និងម្នាក់នៅស្រុក កាចា(Cachar) ម្នាក់នៅស្រុក ហ្គូលប៉ារ៉ា (Goalpara) ម្នាក់នៅស្រុកដេម៉ាជី (Dhemaji)និងម្នាក់ទៀតនៅ ស្រុកស៊ីវ៉ាសាកា ( Sivasagar)។ ស្រុកមួយចំនួននៅក្នុងរដ្ឋនេះនៅតែមានស្ថានភាពធ្ងន់ធ្ងរកាលពីថ្ងៃអាទិត្យ ។ មនុស្សជាង ២លាន២សែន ៧៤ម៉ឺននាក់នៅក្នុងស្រុកចំនួន២៨ នៅតែរងផលប៉ះពាល់ដោយសារទឹកជំនន់។ ជាសរុប ភូមិចំនួន៣.៤៤៦ នៅតែស្ថិតនៅក្រោមទឹកនៅឡើយ ហើយទឹកជំនន់បានជន់លិចផ្ទៃដីដំណាំជិត៧ម៉ឺន ហិកតា។ មនុស្សសរុបចំនួន ៧៥៤.៧៩១ នាក់ត្រូវបានរងផលប៉ះពាល់នៅក្នុងស្រុក ឌូប្រ៊ី (Dhubri) តែមួយ ខណៈប្រជាពលរដ្ឋរាប់លាននាក់ទៀតក្នុងស្រុកមួយចំនួនកំពុងរងគ្រោះខ្លាំង៕

បណ្ដាញសង្គម

ព័ត៌មានថ្មីៗ

លោក Zelenskyy និយាយថា ការចរចាលើបញ្ហាអ៊ុយក្រែនមិនអាចរង់ចាំរហូតដល់សង្គ្រាមអ៊ីរ៉ង់ចប់បានទេ
04/23/2026 09:04 AM
Facebook Telegram Linkin
សម្ដេចធិបតី អញ្ជើញដឹកនាំកិច្ចប្រជុំគណៈរដ្ឋមន្ត្រីដើម្បីពិនិត្យ និងសម្រេចលើរបៀបវារៈសំខាន់ៗចំនួន៥
04/23/2026 09:04 AM
Facebook Telegram Linkin
មានសញ្ញាចម្រុះ ស្តីពីការបន្ថែមពេលបទឈប់បាញ់រវាងសហរដ្ឋអាមេរិក និងអ៊ីរ៉ង់
04/23/2026 09:04 AM
Facebook Telegram Linkin
ប្រធានាធិបតីទួរគី៖ ប្រទេសលោកកំពុងប្រឹងប្រែងដើម្បីធ្វើឲ្យរស់ឡើងវិញកិច្ចចរចារុស្ស៊ី និងអ៊ុយក្រែន
04/23/2026 09:04 AM
Facebook Telegram Linkin
ក្រសួងមុខងារសាធារណៈ និងក្រសួងប្រៃសណីយ៍ និងទូរគមនាគមន៍ ជួបពិភាក្សាពិនិត្យសេចក្តីព្រាងអនុក្រឹត្យស្តីពី «ការរៀបចំនិងការប្រព្រឹត្តទៅរបស់ ក្រសួងប្រៃសណីយ៍និងទូរគមនាគមន៍»
04/23/2026 09:04 AM
Facebook Telegram Linkin
ព្រះខ័នរាជស្វាយរៀងនឹងត្រូវជួប Al Kuwait SC របស់គូវ៉ែត ក្នុង​វគ្គផ្ដាច់ព្រ័ត្រ AFC Challenge League
04/23/2026 08:04 AM
Facebook Telegram Linkin
ប្រាសាទទន្លេស្ងួត៖ ពីមន្ទីរពេទ្យបុរាណ មកជាមរតកវប្បធម៌ដ៏មានជីវិត
04/23/2026 08:04 AM
Facebook Telegram Linkin
សហភាពអឺរ៉ុប បញ្ចេញប្រាក់កម្ចីដល់អ៊ុយក្រែនចំនួន៩០ពាន់លានអឺរ៉ូ ក្រោយពីជម្លោះជាមួយហុងគ្រី
04/23/2026 08:04 AM
Facebook Telegram Linkin
ប្រទេសនូវែលហ្សេឡង់ (New Zealand)និង អាជ្ញាធរជាតិអប្សរា ពិនិត្យវឌ្ឍនភាពរបស់គម្រោង AWR
04/23/2026 08:04 AM
Facebook Telegram Linkin
អ្នកគំាទ្របង្ហាញការគាំទ្រ និងផ្ដល់កម្លាំងចិត្តយ៉ាងខ្លាំងដល់ព្រះខ័នរាជស្វាយរៀង
04/23/2026 08:04 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.