នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
អាវុធហត្ថរាជធានីភ្នំពេញ បង្ក្រាបទីតាំងលក់សម្ភារៈអាសអាភាសចំនួន ៣កន្លែង ឃាត់​ខ្លួន​ជន​សង្ស័យ​ ៩នាក់
គណៈបញ្ជាការឯកភាពរាជធានី បន្តចុះបង្ក្រាប Online Scams នៅសង្កាត់ចាក់អង្រែលើ ឃាត់មនុស្ស១៦នាក់
ផ្តន្ទាទោសជនជាប់ចោទ ៦នាក់ ដាក់ពន្ធនាគារអស់មួយជីវិតពាក់ព័ន្ធនឹងករណីឃាតកម្មដោយមានទារុណកម្មលើនិស្សិតជនជាតិកូរ៉េខាងត្បូង
ឃាត់ខ្លួនជនជាតិចិន ៦១នាក់ ក្នុងប្រតិបត្តិការបង្ក្រាបទីតាំង Online Scams នៅខណ្ឌចំនួនពីរ ក្នុង​ភូមិសាស្រ្តរាជធានីភ្នំពេញ

សន្តិសុខ និង សង្គម

លោក Biden បញ្ជាឲ្យហាមឃាត់ការវិនិយោគលើបច្ចេកវិទ្យាមួយចំនួនរបស់សហរដ្ឋអាមេរិកនៅក្នុងប្រទេសចិន

2023/08/10 11:47:53 am        79
Facebook Telegram Linkin
អាមេរិក៖ លោកប្រធានាធិបតី Joe Biden កាលពីថ្ងៃពុធបានចុះហត្ថលេខាលើក្រឹត្យដែលនឹងហាមឃាត់ការវិនិយោគថ្មីមួយចំនួនរបស់សហរដ្ឋអាមេរិក នៅក្នុងប្រទេសចិនក្នុងបច្ចេកវិទ្យារសើបដូចជាបន្ទះឈីបកុំព្យូទ័រនិងតម្រូវឲ្យមានការជូនដំណឹងពីរដ្ឋាភិបាលក្នុងវិស័យបច្ចេកវិទ្យាផ្សេងទៀត។ក្រឹត្យដែលបានរង់ចាំជាយូរមកហើយ អនុញ្ញាតឲ្យរដ្ឋមន្ត្រីក្រសួងរតនាគារសហរដ្ឋអាមេរិកហាមឃាត់ ឬដាក់កម្រិតការវិនិយោគរបស់សហរដ្ឋអាមេរិកនៅក្នុងអង្គភាពអាជីវកម្មរបស់ចិនក្នុងវិស័យចំនួនបីគឺ ឧបករណ៍បន្ទះអេឡិចត្រូនិក និងបន្ទះឈីប  បច្ចេកវិទ្យាព័ត៌មាន និងប្រព័ន្ធបញ្ញាសិប្បនិម្មិតមួយចំនួន។ រដ្ឋបាលបាននិយាយថាការរឹតបន្តឹងនឹងអនុវត្តចំពោះ ផ្នែកតូចចង្អៀត នៃវិស័យទាំងបីប៉ុន្តែមិនបានផ្តល់ព័ត៌មានជាក់លាក់ទេ។ សំណើនេះត្រូវបានបើកសម្រាប់ការបញ្ចូលទិន្នន័យជាសាធារណៈ។ ក្រឹត្យនេះមានគោលបំណងរារាំងដើមទុន និងក្រុមអ្នកជំនាញរបស់អាមេរិកកុំឲ្យជួយប្រទេសចិន ក្នុងការអភិវឌ្ឍបច្ចេកវិទ្យាដែលអាចគាំទ្រដល់ទំនើបកម្មយោធារបស់ខ្លួន និងធ្វើឲ្យប៉ះពាល់ដល់សន្តិសុខជាតិរបស់សហរដ្ឋអាមេរិក។ វិធានការទាំងនេះផ្តោតលើភាគហ៊ុនឯកជន ដើមទុនបណ្តាក់ទុន ការបណ្តាក់ទុនរួមគ្នា និងការវិនិយោគលើវិស័យបៃតង។ លោក Biden មកពីគណបក្សប្រជាធិបតេយ្យ បាននិយាយនៅក្នុងលិខិតមួយទៅកាន់សភាថា លោកកំពុងប្រកាសភាពអាសន្នថ្នាក់ជាតិ ដើម្បីដោះស្រាយការគំរាមកំហែងនៃការរីកចម្រើនដោយប្រទេសនានាដូចជាប្រទេសចិន នៅក្នុងបច្ចេកវិទ្យា និងផលិតផលដ៏រសើបចំពោះយោធា ផ្នែកចារកម្ម ការឃ្លាំមើល ឬសមត្ថភាពដែលអាចប្រើអ៊ីនធឺណិតបាន។ចំណែកប្រទេសចិនបាននិយាយនៅថ្ងៃព្រហស្បតិ៍នេះថា ខ្លួនមានការព្រួយបារម្ភយ៉ាងខ្លាំងចំពោះក្រឹត្យនេះ ហើយថាខ្លួនរក្សាសិទ្ធិក្នុងការចាត់វិធានការតប៕

ប្រទេសប៉ាគីស្ថាន បានពន្យារពេលការបោះឆ្នោតក្នុងវិបត្តិនយោបាយចុងក្រោយបំផុត

2023/08/10 11:45:30 am        65
Facebook Telegram Linkin
ប៉ាគីស្ថាន៖ សភាប៉ាគីស្ថាន ត្រូវបានរំលាយជាផ្លូវការ ប៉ុន្តែការបោះឆ្នោតដែលមានន័យថានឹងត្រូវបានពន្យារពេលក្នុងរយៈពេល៩០ថ្ងៃ ទំនងជាត្រូវពន្យារពេល ។ គណៈកម្មាធិការរៀបចំការបោះឆ្នោតនិយាយថា ព្រំដែននៃការបោះឆ្នោតត្រូវតែត្រូវបានគូរឡើងវិញ ដើម្បីឆ្លុះបញ្ចាំងពីទិន្នន័យជំរឿនថ្មីៗ ដែលជាដំណើរការ ត្រូវការរយៈពេលជាច្រើនខែ។  កាលពីសប្ដាហ៍មុន អតតីនាយករដ្ឋមន្ត្រី លោក អ៊ីមរាន ខាន់ (Imran Khan) ត្រូវបានចាប់ខ្លួននិងជាប់ពន្ធនាគារ៣ឆ្នាំ និងបានហាមប្រាមពីឆាកនយោបាយរយៈពេល៥ឆ្នាំ ។លោកបានជំទាស់ដោយបើកចំហចំពោះការបង្កើតយោធាដ៏មានឥទ្ធិពល ហើយបានអះអាងថា នេះជាការបង្កភាពជ្រួលច្របល់ នៃការបោះឆ្នោត។ ខណៈដែលបទបញ្ជារបស់លោកប្រធានាធិបតី អារីហ្វ អាល់វី (Arif Alvi) កាលពីថ្ងៃពុធឲ្យរំលាយសភា រដ្ឋាភិបាលចាំផ្ទះ នឹងទទួលបន្ទុក ។លោកនាយករដ្ឋជិតផុតអាណត្តិ សេបាស សារីហ្វ (Shehbaz Sharif) និង រដ្ឋាភិបាល របស់លោកត្រូវបានផ្ដល់រយៈពេលឲ្យ៣ថ្ងៃ ដើម្បីតែងតាំងមេដឹកនាំអន្តរកាលមួយរូប។ គណៈកម្មការរៀបចំការបោះឆ្នោតជាន់ខ្ពស់ប៉ាគីស្ថានមួយរូបបានប្រាប់សារព័ត៌មាន BBC ថា ការបោះឆ្នោត នឹងត្រូវរៀបចំឡើងនៅពេលដែលការធ្វើជំរឿនត្រូវបានបញ្ចប់រួចរាល់ ដែលនឹងត្រូវការពេលវេលាប្រហែល៤ខែ ។ជាលទ្ធផល ការបោះឆ្នោតអាចត្រូវបានពន្យារពេលរហូតដល់ឆ្នាំក្រោយ ៕

សហរដ្ឋអាមេរិកចេញទណ្ឌកម្មថ្មីប្រឆាំងសម្ព័ន្ធមិត្តដ៏ជិតស្និទ្ធរបស់រុស្ស៊ី គឺប្រទេសបេឡារុស

2023/08/10 11:42:33 am        78
Facebook Telegram Linkin
អាមេរិក៖ ក្រសួងរតនាគារ បាននិយាយថា សហរដ្ឋអាមេរិកបានចេញទណ្ឌកម្មថ្មីប្រឆាំងនឹងបេឡារុសកាលពីថ្ងៃពុធ (ទី៩ សីហា) ដោយបន្ថែមថា ខ្លួនកំពុងរៀបចំដាក់បុគ្គលចំនួន ៨រូប និងអង្គភាពចំនួន៥ ទៅក្នុងបញ្ជីមួយជុំវិញការចោទប្រកាន់ថា បានផ្តល់មូលនិធិដល់រដ្ឋាភិបាលបេឡារុស។ ក្រសួងនេះ បាននិយាយនៅក្នុងសេចក្តីថ្លែងការណ៍មួយថា៖«វិធានការនេះ កំណត់គោលដៅទៅលើអង្គភាពមួយចំនួនដែលពាក់ព័ន្ធនឹងការបន្តការគាបសង្កត់សង្គមស៊ីវិលរបស់របបបេឡារុស ភាពស្មុគស្មាញនៅក្នុងសង្គ្រាមអយុត្តិធម៌របស់សហព័ន្ធរុស្ស៊ី នៅប្រទេសអ៊ុយក្រែន និងការពង្រឹងនៃរបបមេដឹកនាំបេឡារុសដែលផ្តាច់ការ គឺ លោក អាឡិចសាន់ឌឺ លូកាសិនកូ ( Alexander Lukashenko)។ លោកលូកាសិនកូ បានចោទប្រកាន់លោកខាងលិចម្តងហើយម្តងទៀតថា បានព្យាយាមផ្តួលរំលំរូបលោក បន្ទាប់ពីការតវ៉ាដ៏ធំប្រឆាំងនឹងការគ្រប់គ្រងរបស់គាត់ បានផ្ទុះឡើងក្នុងឆ្នាំ២០២០ បន្ទាប់ពីការបោះឆ្នោតប្រធានាធិបតីដែលក្រុមប្រឆាំង បាននិយាយថា គាត់បានឈ្នះឆ្នោតដោយការក្លែងបន្លំ។ លោកលូកាសិនកូ បាននិយាយថា គាត់បានឈ្នះដោយយុត្តិធម៌ ខណៈពេលដែលបានធ្វើការបង្រ្កាបជាទូទៅទៅលើក្រុមប្រឆាំងរបស់លោក។ទណ្ឌកម្មរបស់លោកខាងលិច ត្រូវបានដាក់លើប្រទេសបេឡារុស ក្នុងរយៈពេលជាច្រើនឆ្នាំទាក់ទងនឹងការបង្រ្កាបដែលត្រូវបានចោទប្រកាន់ និងការក្លែងបន្លំការបោះឆ្នោត។ ទីក្រុងមីនស្ក៍ (Minsk) ក៏បានអនុញ្ញាតឲ្យទីក្រុងមូស្គូប្រើប្រាស់ទឹកដីបេឡារុស ដើម្បីបញ្ជូនទ័ពចូលប្រទេសអ៊ុយក្រែន កាលពីថ្ងៃទី២៤ ខែកុម្ភៈ ឆ្នាំ២០២២៕

WHO ចាត់ថ្នាក់វីរុស EG.5 ជាវីរុសបំប្លែងថ្មីនៃCovid-19 ដែលកំពុងចាប់អារម្មណ៍តាមដាន

2023/08/10 11:33:15 am        141
Facebook Telegram Linkin
អង្គការសុខភាពពិភពលោក (WHO) កាលពីថ្ងៃពុធបានចាត់ថ្នាក់អំបូរវីរុសកូរ៉ូណា EG.5 ដែលកំពុង រាលដាលនៅក្នុងសហរដ្ឋអាមេរិក និងប្រទេសចិន ថាជា«វីរុសបំប្លែងថ្មីនៃការចាប់អារម្មណ៍តាមដាន» ប៉ុន្តែបាននិយាយថា វាមិនទំនងជាដាក់ការគំរាមខ្លាំងដល់សុខភាពសាធារណៈជាងវីរុសបំប្លែងខ្លួនដ៏ទៃទៀតនោះទេ។ វីរុសបំប្លែងខ្លួនរាលដាលឆាប់រហ័ស ដែលរាលដាលខ្លាំងបំផុតនៅក្នុងសហរដ្ឋអាមេរិកតាមការប៉ាន់ប្រមាណមានករណីជាង១៧ភាគរយ ដែលនៅពីក្រោយការកើនឡើងចំពោះវីរុសនេះនៅទូទាំងប្រទេស ហើយត្រូវបានរកឃើញ​នៅ​ក្នុងប្រទេស​ចិន កូរ៉េខាងត្បូង ជប៉ុន និងប្រទេសកាណាដា ក្នុងចំណោមប្រទេសដ៏ទៃទៀត។អង្គការសុខភាពពិភពលោក បាននិយាយក្នុងការវាយតម្លៃពីហានីភ័យថា ជារួម ភស្តុតាងដែល​ទទួលទទួលបាន ពុំបានបង្ហាញថា វីរុស EG.5 មានហានីភ័យចំពោះ​សុខភាព​សាធារណៈបន្ថែម​នោះទេ ទាក់ទងទៅនឹងអំបូរវីរុសបំប្លែងថ្មី Omicron ដែលកំពុងរាលដាលនាពេល​បច្ចុប្បន្នផ្សេងទៀត។ ការវាយតម្លៃដ៏ទូលំទូលាយបន្ថែមទៀត ពីហានីភ័យដែលបង្កឡើងដោយវីរុស EG.5 គឺចាំបាច់។ ជំងឺ Covid-19 បានសម្លាប់មនុស្សជាង៦.៩លាននាក់នៅទូទាំងពិភពលោក ដោយមានករណីជាង៧៦៨លានករណី ចាបតាំងពីវីរុសនេះបានលេចចេញ។ អង្គការសហប្រជាជាតិ បានប្រកាសពីការផ្ទុះឡើងជំងឺរាតត្បាតនៅក្នុងខែមីនា ឆ្នាំ២០២០ និងបានបញ្ចប់ស្ថានភាពគ្រាអាសន្នពិភពលោក សម្រាប់ជំងឺCovid-19 នៅក្នុងខែឧសភា ឆ្នាំនេះ។ លោកស្រី Maria Van Kerkhove អ្នកដឹកនាំបច្ចេកទេសរបស់អអ្គការសហប្រជាជាតិ លើជំងឺCovid-19 បាននិយាយថា វីរុស EG.5 បានកើនឡើងការចម្លង ប៉ុន្តែមិនធ្ងន់ធ្ងរខ្លាំងជាងវីរុសបំប្លែងខ្លួន Omicron ផ្សេងៗទៀតនោះទេ។

ប្រទេសកាណាដា៖ ចិនទំនងជាកំណត់គោលដៅសមាជិកសភា ក្នុងយុទ្ធនាការផ្សព្វផ្សាយព័ត៌មានមិនពិត

2023/08/10 11:13:58 am        62
Facebook Telegram Linkin
ប្រទេសកាណាដា បាននិយាយកាលពីថ្ងៃពុធ (ទី៩ ខែសីហា)ថា សមាជិកសភាគណបក្សកាណាដាជាមួយគ្រួសារនៅក្នុងទីក្រុងហុងកុង ត្រូវបានគេកំណត់គោលដៅ នៅក្នុងប្រតិបត្តិការផ្សព្វផ្សាយព័ត៌មានមិនពិតតាមអ៊ីនធឺណិត ហើយបាននិយាយថា ប្រទេសចិន ទំនងជាពាក់ព័ន្ធនឹងតួនាទីនេះ។នៅក្នុងសេចក្តីថ្លែងការណ៍មួយ ក្រសួងការបរទេសកាណាដា បានឲ្យដឹងទៀតថា គោលដៅ គឺលោក ម៉ៃឃើល ចុង (Michael Chong) ដែលសមាជិកនៃគណបក្សប្រឆាំងអភិរក្ស ដែលជាអ្នករិះគន់ជាញឹកញាប់ចំពោះប្រទេសចិនដែលបានធ្វើឲ្យទីក្រុងប៉េកាំងខឹងសម្បាយ៉ាងខ្លាំង។ការប្រកាសនេះ ទំនងជាធ្វើឲ្យទំនាក់ទំនងទ្វេភាគីកាន់តែអាប់អួរបន្ថែមទៀត។ អាជ្ញាធរកាណាដាកំពុងធ្វើការស៊ើបអង្កេតករណីជាច្រើនលើការចោទប្រកាន់អំពីការជ្រៀតជ្រែករបស់ចិននៅក្នុងការបោះឆ្នោតសហព័ន្ធពីរលើកចុងក្រោយរបស់ប្រទេសកាណាដា។ស្ថានទូតចិន បាននិយាយនៅក្នុងសេចក្តីថ្លែងការណ៍មួយថា៖«រឿងនេះត្រូវបានបញ្ជាក់ម្តងហើយម្តងទៀតថា គ្មានការចោទប្រកាន់ណា ផ្អែកលើការពិតទេ ដោយច្រានចោលការអត្ថាធិប្បាយរបស់កាណាដាថា គ្មានមូលដ្ឋាន»។

បុរសម្នាក់ដែលបានគំរាមលោកប្រធានាធិបតី Biden ត្រូវបានបាញ់ស្លាប់ ក្នុងការវាយឆ្មក់របស់ FBI នៅរដ្ឋយូថា(Utah)

2023/08/10 10:58:44 am        81
Facebook Telegram Linkin
បុរសម្នាក់ដែលបានបង្ហោះសារគំរាមដោយហិង្សាលើលោកប្រធានាធិបតីអាមេរិក លោក Joe Biden និងក្រុមមន្ត្រីផ្សេងទៀតតាមបណ្ដាញសង្គម ត្រូវបានបាញ់សម្លាប់អំឡុងការវាយឆ្មក់របស់ទីភ្នាក់ងារចារកម្ម FBI កាលពីថ្ងៃពុធ។ ក្រុមភ្នាក់ងារនេះ បានព្យាយាមអនុវត្តដីកាចាប់ខ្លួនលោក ក្រេក រ៉ូប៊ើតសុន(Craig Robertson) នៅផ្ទះរបស់លោកក្នុងរដ្ឋយូថា (Utah) ប៉ុន្មានម៉ោងមុនដំណើរទស្សនកិច្ចដែលបានគ្រោងទុកទៅកាន់រដ្ឋនេះ ពីសំណាក់ លោក Biden ។ពាក្យបណ្តឹងព្រហ្មទណ្ឌបាននិយាយថា រ៉ូប៊ើតសុន បានបង្ហោះសារគំរាមកំហែងនៅលើបណ្ដាញសង្គម Facebook លើលោកBiden និងរដ្ឋអាជ្ញាម្នាក់ដែលកំពុងបន្តការចោទប្រកាន់បទព្រហ្មទណ្ឌលើលោក Donald Trump ។ ទីភ្នាក់ងារFBI បានបដិសេធមិនផ្តល់ព័ត៌មានលម្អិតបន្ថែមទេ ពាក់ព័ន្ធករណីនេះ។ការវាយឆ្មក់នេះបានកើតឡើងនៅម៉ោងប្រហែល៦និង១៥នាទី ម៉ោងក្នុងស្រុក នៅទីក្រុង ប្រូវ៉ូ (Provo )ស្ថិតនៅចម្ងាយប្រហែល ៦៥ គីឡូម៉ែត្រ ភាគខាងត្បូងទីក្រុងសលត៍លេក ( Salt Lake City)។ពាក្យបណ្តឹងព្រហ្មទណ្ឌបានគូសបញ្ជាក់ពីសារដែលលោក Robertson បានបង្ហោះនៅលើបណ្ដាញសង្គម Facebook រួមទាំងរូបភាព កាំភ្លើង និងការគំរាមកំហែងសម្លាប់លោក Biden និងលោកអាល់វីន ប្រាក( Alvin Bragg)ដែលជាមេធាវីសង្កាត់ Manhattan ដឹកនាំការស៊ើបអង្កេតលើ Trump ពាក់ព័ន្ធការបង់ប្រាក់បំបិទមាត់ឲ្យតារាភាពយន្តអាសអាភាស ។ យោងតាមពាក្យបណ្តឹង សារផ្សេងទៀតបានផ្តោតទៅលើរដ្ឋមន្ត្រីក្រសួងយុត្តិធម៌សហរដ្ឋអាមេរិក លោក មើរីក ហ្គាលែន ( Merrick Garland) និងរដ្ឋអាជ្ញាធរទីក្រុង New York លោក ឡេទីទីយ៉ា ចេមស៍ (Letitia James) ។ លោក Robertson បានបង្ហោះនៅលើ Facebook ថា ខ្ញុំលឺថា លោក Biden នឹងមកកាន់រដ្ឋ Utah ។ ស្វែងរកសម្លៀកបំពាក់បំភន្តភ្នែកចាស់របស់ខ្ញុំ ហើយសម្អាតធូលីចេញពីកាំភ្លើង M24 ៕

ហ្វីលីពីន និងអាមេរិក នឹងចាប់ផ្តើមការល្បាតរួមគ្នានៅសមុទ្រចិនខាងត្បូងក្នុងឆ្នាំនេះ

2023/08/10 10:36:30 am        143
Facebook Telegram Linkin
ហ្វីលីពីន៖ មន្ត្រីជាន់ខ្ពស់ម្នាក់នៅទីក្រុងម៉ានីលបាននិយាយកាលពីថ្ងៃពុធថា ប្រទេសហ្វីលីពីន និងសហរដ្ឋអាមេរិក គ្រោងនឹងចាប់ផ្តើមការល្បាតរួមគ្នានៅក្នុងសមុទ្រចិនខាងត្បូងនៅឆ្នាំនេះ ស្របពេលមានភាពតានតឹងកាន់តែខ្លាំងឡើងនៅក្នុងតំបន់ដែលបង្កឡើងដោយកំណើននៃការវាតទីរបស់ប្រទេសចិន និងការប្រើកាណុងបាញ់ទឹកដាក់នាវាហ្វីលីពីន ពីឆ្មាំល្បាតឆ្នេរចិន។ការល្បាតរួមគ្នានោះបានស្ថិតនៅក្នុងការគ្រោងទុកចាប់តាំងពីប្រធានាធិបតីហ្វីលីពីន លោក Ferdinand Marcos Jr. ឡើងកាន់អំណាចកាលពីឆ្នាំមុនមក ដោយបានបង្វែរគោលជំហររបស់លោកអតីតប្រធានាធិបតីហ្វីលីពីន លោក Rodrigo Duterte ទៅកាន់ទីក្រុងប៉េកាំង ក្នុងអំឡុងពេលដែលប្រទេសចិនកាន់តែពង្រឹងការអះអាងសិទ្ធិលើដែនដីរបស់ខ្លួន។លោក Jonathan Malaya អ្នកនាំពាក្យក្រុមកងកម្លាំងហ្វីលីពីននៅសមុទ្រចិនខាងត្បូងបានប្រាប់សារព័ត៌មាន BenarNews ថា «ការពិភាក្សាលើការល្បាតរួមគ្នានោះ គឺស្ថិតក្នុងដំណាក់កាលជឿនលឿន ហើយវានឹងធ្វើឡើងនៅក្នុងឆ្នាំនេះ»។ លោកបដិសេធមិនផ្តល់ព័ត៌មានលម្អិតបន្ថែមទេ ដោយលើកឡើងពីភាពរសើបនៃបញ្ហានេះ ហើយមិនទាន់មានការឆ្លើយតបភ្លាមៗពីស្ថានទូតអាមេរិកចំពោះសំណើសុំធ្វើអត្ថាធិប្បាយនោះដែរ៕

[BREAKING NEWS] បេក្ខជនក្នុងការបោះឆ្នោតប្រធានាធិបតីអេក្វាឌ័រត្រូវបានបាញ់សម្លាប់

2023/08/10 07:57:58 am        201
Facebook Telegram Linkin
អេក្វាឌ័រ៖ បេក្ខជនម្នាក់ក្នុងការបោះឆ្នោតជ្រើសរើសប្រធានាធិបតីអេក្វាឌ័រខាងមុខត្រូវបានគេបាញ់សម្លាប់។លោក ហ្វើណដូ វីឡាសីសេនស៊ីយ៉ូ (Fernando Villavicencio) សមាជិកសភាជាតិរបស់ប្រទេសនេះ ត្រូវបានវាយប្រហារបន្ទាប់ពីព្រឹត្តិការណ៍មួយនៅភាគខាងជើងនៃទីក្រុង គីតូ (Quito) កាលពីថ្ងៃពុធ។សមាជិកម្នាក់នៃក្រុមយុទ្ធនាការរបស់លោកបានប្រាប់ប្រព័ន្ធផ្សព្វផ្សាយក្នុងស្រុក ថា លោក Villavicencio ហៀបនឹងចូលទៅក្នុងរថយន្ត នៅពេលដែលបុរសម្នាក់បានដើរទៅមុខ ហើយបាញ់លោកចំក្បាល។ការស្លាប់នេះត្រូវបានបញ្ជាក់នៅលើប្រព័ន្ធផ្សព្វផ្សាយសង្គមដោយប្រធានាធិបតីបច្ចុប្បន្ន លោក Guillermo Lasso ។ គួរឲ្យដឹងថា ការបោះឆ្នោតប្រធានាធិបតីគ្រោងនឹងធ្វើឡើងនៅថ្ងៃទី ២០ ខែសីហាខាងមុខនេះ ៕

ប្រទេសន័រវេសនឹងពិន័យក្រុមហ៊ុន មេតា សម្រាប់ការប្រឆាំងនឹងបម្រាមប្រើប្រាស់ទិន្នន័យផ្ទាល់ខ្លួន

2023/08/09 02:40:48 pm        416
Facebook Telegram Linkin
ទីភ្នាក់ងារការពារទិន្នន័យរបស់ប្រទេសន័រវេស បាននិយាយថា ខ្លួននឹងចាប់ផ្តើមពិន័យម្ចាស់កម្មវិធីបណ្ដាញសង្គម Facebook និងកម្មវិធី Instagram របស់ក្រុមហ៊ុន មេតា ក្នុងទឹកប្រាក់ជិត ១០ម៉ឺនដុល្លារក្នុងមួយថ្ងៃ សម្រាប់ការប្រឆាំងនឹងបម្រាមប្រើប្រាស់ព័ត៌មានផ្ទាល់ខ្លួនរបស់អ្នកប្រើប្រាស់ ដើម្បីកំណត់គោលដៅផ្សាយពាណិជ្ជកម្ម។ អង្គការឃ្លាំមើលន័រវេស ឈ្មោះ Datatilsynet បាននិយាយថា ក្រុមហ៊ុន មេតា នឹងត្រូវពិន័យជាប្រាក់១លានក្រូន័រន័រវេស (៩៧.០០០ដុល្លារ) ក្នុងមួយថ្ងៃ ចាប់ពីថ្ងៃទី១៤ ខែសីហា។លោក Tobias Judin ប្រធាននាយកដ្ឋានអន្តរជាតិរបស់ទីភ្នាក់ងារ Datatilsynet បាននិយាយថា ការផាកពិន័យនោះទាក់ទងនឹងការសម្រេច ដែលបានធ្វើឡើងនៅថ្ងៃទី១៤ ខែកក្កដា ដោយទីភ្នាក់ងារនេះបានដាក់បម្រាមបណ្តោះអាសន្នលើការផ្សាយពាណិជ្ជកម្មនៅលើកម្មវិធីបណ្ដាញសង្គម Facebook និងកម្មវិធី Instagram។ ទីភ្នាក់ងារ Datatilsynet បានប្រកាសពីបម្រាមនៅថ្ងៃទី១៧ ខែកក្កដា ហើយដើមឡើយបាននិយាយថា ក្រុមហ៊ុន មេតា មានពេលរហូតដល់ថ្ងៃទី៤ ខែសីហា ដើម្បីចាត់វិធានការកែតម្រូវ។ប្រព័ន្ធផ្សព្វផ្សាយសង្គមយក្សនេះបាននិយាយកាលពីសប្តាហ៍មុនថា ខ្លួនមានបំណងស្នើសុំអ្នកប្រើប្រាស់នៅក្នុងសហភាពអឺរ៉ុប EEA (តំបន់សេដ្ឋកិច្ចអឺរ៉ុប) និងប្រទេសស្វីស ដើម្បីផ្តល់ការយល់ព្រមរបស់ពួកគេ មុនពេលអនុញ្ញាតឱ្យមានការផ្សាយពាណិជ្ជកម្មតាមគោលដៅលើបណ្តាញរបស់ខ្លួន៕

ចិនព្រមានពីការផ្ទុះជំងឺនៅតំបន់ដែលរងគ្រោះដោយទឹកជំនន់ ខណៈចំនួនអ្នកស្លាប់កើនឡើង

2023/08/09 02:29:29 pm        351
Facebook Telegram Linkin
ប្រទេសចិនបានព្រមានអំពីជំងឺផលដំណាំ និងសត្វដែលកំពុងផ្ទុះឡើង ខណៈទឹកជំនន់​បានស្រកចុះពីតំបន់ជនបទនៅភាគខាងជើង ហើយទីក្រុងមួយចំនួនជួបការលំបាក ក្នុងការស្តារការផ្គត់ផ្គង់ទឹកស្អាតឡើងវិញ បន្ទាប់ពីទឹកជំនន់ដ៏មហន្តរាយបំផុតក្នុងរយៈពេល៦ទសវត្សរ៍ ដែលបានបណ្តាលឱ្យមនុស្ស៣៣នាក់ ស្លាប់ និងមនុស្ស១៨នាក់បាត់ខ្លួន។ខេត្តហឺប៉ី ដែលមានព្រំប្រទល់ជាប់នឹងរដ្ឋធានីប៉េកាំង ត្រូវបានវាយប្រហារដោយ​ភ្លៀងធ្លាក់​ជាងមួយឆ្នាំកាលពីសប្តាហ៍មុន ​ពីព្យុះដែលមកតាមពីក្រោយព្យុះទីហ្វុង Doksuri និងប៉ះពាល់​ដល់ដំណាំរដូវស្លឹកឈើជ្រុះ ព្រមទាំងបណ្ដាលឲ្យខូចខាតសម្ភារៈកសិកម្មផងដែរ។រដ្ឋមន្ត្រីក្រសួងកសិកម្មលោក Tang Renjian បាននិយាយថា ក្រុមអាជ្ញាធរមូលដ្ឋាន​ត្រូវតែ​បង្កើនវិធានការដើម្បីការពារ និងគ្រប់គ្រងការរីករាលដាល​នៃជំងឺធ្ងន់ធ្ងរ​បណ្តាលមកពីសត្វ សត្វល្អិតបំផ្លាញ និងសត្វល្អិតផ្សេងៗ ដែលបានងាប់៕

បណ្ដាញសង្គម

ព័ត៌មានថ្មីៗ

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញនាំយកទេយ្យវត្ថុ ប្រគេនព្រះសង្ឃ និងចែកអំណោយប្រជាពលរដ្ឋ នៅស្រុកភ្នំស្រួច ខេត្តកំពង់ស្ពឺ
05/31/2026 07:05 PM
Facebook Telegram Linkin
ឯកឧត្តមកិត្តិសង្គហបណ្ឌិត គន់ គីម អញ្ជើញជួបប្រជាពលរដ្ឋភៀសសឹក និងពិនិត្យទីតាំងរៀបចំផ្សារបណ្តោះអាសន្ន ក្នុងខេត្តបន្ទាយមានជ័យ
05/31/2026 06:05 PM
Facebook Telegram Linkin
ក្រសួងការងារ៖ ខេត្តស្ថិតក្នុងតំបន់ទំនាបកណ្ដាលចំនួន៣ មាន​ឱកាស​ការ​ងារ​ជាង ៨,០០០​កន្លែង កំពុង​រង់​​ចាំអតីត​​ពលករ​​ត្រឡ​ប់​មក​ពី​ថៃ និង​អ្នកកំ​ពុង​ស្វែងរកកា​រងា​រ​ធ្វើ
05/31/2026 06:05 PM
Facebook Telegram Linkin
ក្រសួងការងារ៖ នៅខេត្តជាប់សមុទ្រទាំង៤ មានឱកាសកា​រងារជិត ៧,០០០កន្លែង ដែល​កំពុងរង់ចាំ​អតីត​ពលករត្រឡ​ប់ម​កពីថៃ និង​អ្នក​​កំពុង​​ស្វែង​រក​ការ​ងារ​ធ្វើ
05/31/2026 06:05 PM
Facebook Telegram Linkin
ឯកឧត្តមឧបនាយករដ្ឋមន្ត្រី ហ៊ុន ម៉ានី៖ វិញ្ញាសាតាក់តែងចប់ភ្លាម ប្រឡងភ្លាមតែម្តង
05/31/2026 03:05 PM
Facebook Telegram Linkin
រដ្ឋមន្រ្តីការពារជាតិជប៉ុនលោក Koizumi ច្រានចោល​ការចោទប្រកាន់ពីយោធានិយមថ្មី
05/31/2026 03:05 PM
Facebook Telegram Linkin
ក្រសួងការងារ៖ ខេត្តចំនួន៤ នៅភូមិភាគ​ឦសាន្ត មានឱកាសកា​រងារជិត ៤,០០០​កន្លែង កំពុងរង់​ចាំអតីតព​ល​ករត្រឡប់​មកពីថៃ និងអ្នក​​កំពុង​ស្វែង​រ​កការងារធ្វើ
05/31/2026 02:05 PM
Facebook Telegram Linkin
ប្រមុខ WHO ទទួចសុំឲ្យមានការបញ្ចុះសពដោយសុវត្ថិភាព អំឡុងធ្វើដំណើរទៅកាន់តំបន់រីករាលដាលឆ្លងជំងឺអេបូឡា
05/31/2026 01:05 PM
Facebook Telegram Linkin
អាជ្ញាធរជាតិអប្សរា និង JQA បិទបញ្ចប់កម្មវិធីអប់រំបរិស្ថានសម្រាប់កុមារ ឆ្នាំ២០២៦ និងប្រគល់​រង្វាន់​ដល់​សិស្សឆ្នើម
05/31/2026 01:05 PM
Facebook Telegram Linkin
អ៊ីរ៉ង់និយាយថា កិច្ចប្រជុំជាមួយអាមេរិកកំពុងបន្ត តែពុំឈានដល់កិច្ចព្រមព្រៀងផ្តាច់ព្រ័ត្រនោះទេ
05/31/2026 01:05 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.