BTV NEWS

គណៈបញ្ជាការឯកភាពរាជធានី ចុះរដ្ឋបាលបង្ក្រាប Online Scams នៅខណ្ឌពោធិ៍សែនជ័យ ឃាត់ជនបរទេស ២០នាក់

ភ្ជុំបិណ្ឌ៣ថ្ងៃ គ្រោះថ្នាក់ចរាចរណ៍សម្លាប់អ្នកដំណើរជាង ២០នាក់ របួសធ្ងន់ស្រាលជាង ១០០នាក់

គិតត្រឹមខែកញ្ញាឆ្នាំ២០២៦នេះ មន្ត្រីនគរបាល ៧៧នាក់ត្រូវវិន័យធ្ងន់ធ្ងរដោយសារ Online Scams ខណៈជនជាតិខ្មែរ និងបរទេសជិត ៥ពាន់ទៀតត្រូវជាប់ឃុំ

សមត្ថកិច្ចឃាត់ខ្លួនជនបរទេស៣នាក់ ក្រោយរកឃើញសារធាតុញៀនប្រភេទកញ្ឆាជាង ១០០ដុំ ពេលត្រៀមចាកចេញពីកម្ពុជាតាមយន្តហោះ

សន្តិសុខ និង សង្គម

ប្រទេសជប៉ុននឹងចាប់ផ្តើមបង្ហូរសំណល់ទឹក ហ្វ៊ូគូស៊ីម៉ា ឆាប់បំផុតនៅចុងខែសីហានេះ

តូក្យូ៖ សារព័ត៌មាន Asahi Shimbun របស់ជប៉ុនបានរាយការណ៍នៅថ្ងៃចន្ទ (៧ សីហា)នេះថា ប្រទេសជប៉ុនគ្រោងនឹងចាប់ផ្តើមបញ្ចេញទឹកវិទ្យុសកម្ម ដែលត្រូវបានធ្វើប្រព្រឹត្តកម្មរួចចេញពីរោងចក្រថាមពលនុយក្លេអ៊ែរ ហ្វ៊ូគូស៊ីម៉ា ដែលបានបំផ្លាញដោយរលកយក្សស៊ូណាមិ ចូលទៅក្នុងមហាសមុទ្រនៅដើមខែសីហានេះ ដោយសំអាងដល់ប្រភពរដ្ឋាភិបាលដែលមិនបញ្ចេញឈ្មោះ។ការបង្ហូរទឹកនេះទំនងជានឹងធ្វើឡើងភ្លាមៗបន្ទាប់ពីនាយករដ្ឋមន្ត្រីជប៉ុនលោក Fumio Kishida ជួបជាមួយប្រធានាធិបតីអាមេរិកលោក Joe Biden និងប្រធានាធិបតីកូរ៉េខាងត្បូងលោក Yoon Suk Yeol នៅសហរដ្ឋអាមេរិកសប្តាហ៍ក្រោយ ហើយពន្យល់ពួកគេអំពីសុវត្ថិភាពនៃសំណល់ទឹកដែលកំពុងចោទជាសំណួរនេះ។និយតករនុយក្លេអ៊ែររបស់ប្រទេសជប៉ុនកាលពីខែមុន បានផ្តល់ការយល់ព្រមសម្រាប់ប្រតិបត្តិកររោងចក្រ Tepco ដើម្បីចាប់ផ្តើមបញ្ចេញសំណល់ទឹក ដែលជប៉ុន និងទីភ្នាក់ងារថាមពលបរមាណូអន្តរជាតិនិយាយថាមានសុវត្ថិភាព ប៉ុន្តែប្រទេសក្បែរខាងបារម្ភថាវាអាចបំពុលអាហារពីក្នុងសមុទ្រ។សារព័ត៌មាននោះបាននិយាយថា ការនេសាទត្រីតាមបាតសមុទ្រគ្រោងនឹងចាប់ផ្តើមពីខេត្ត ហ្វ៊ូគូស៊ីម៉ា ភាគឦសាននៃទីក្រុងតូក្យូក្នុងខែកញ្ញា ហើយរដ្ឋាភិបាលមានបំណងចាប់ផ្តើមការបង្ហូរទឹកមុនពេលរដូវនេសាទនោះចាប់ផ្តើម។ទោះជាយ៉ាងណាក៏ដោយ រដ្ឋមន្រ្តីទទួលបន្ទុកទីស្ដីការគណៈរដ្ឋមន្រ្តីរបស់ប្រទេសនេះ លោក Hirokazu Matsuno បាននិយាយនៅថ្ងៃចន្ទ (៧ សីហា) នេះថា ប្រទេសជប៉ុនមិនទាន់សម្រេចចិត្តលើកាលបរិច្ឆេទជាក់លាក់ណាមួយ ដើម្បីចាប់ផ្តើមបញ្ចេញសំណល់ទឹកវិទ្យុសកម្មដែលត្រូវបានធ្វើប្រព្រឹត្តកម្មរួច ពីរោងចក្រថាមពលនុយក្លេអ៊ែរ ហ្វ៊ូគូស៊ីម៉ា ចូលទៅក្នុងមហាសមុទ្រនោះទេ៕

ការរំខានពាណិជ្ជកម្ម និងបញ្ហាអាកាសធាតុធ្ងន់ធ្ងរបានបង្កក្តីបារម្ភដល់សន្តិសុខស្បៀងសកល

តម្លៃទំនិញស្បៀងអាហារសកល បានកើនឡើងជាលើកដំបូងក្នុងរយៈពេលជាច្រើនខែ ដោយសារការរំខានពាណិជ្ជកម្មនៃគ្រាប់ធញ្ញជាតិ និងស្ថានភាពអាកាសប្រែប្រួលខ្លាំង ជំរុញឲ្យមានការព្រួយបារម្ភទូទាំងពិភពលោក។ អង្គការស្បៀង និងកសិកម្មរបស់អង្គការសហប្រជាជាតិ (FAO) បាននិយាយកាលពីថ្ងៃសុក្រថា សន្ទស្សន៍តម្លៃស្បៀងអាហារសកលរបស់ខ្លួនបានកើនឡើង១,៣ភាគរយ ក្នុងខែកក្កដា បើធៀបនឹងខែមុន។សន្ទស្សន៍តម្លៃម្ហូបអាហាររបស់អង្គការ FAO តាមដានការផ្លាស់ប្តូរប្រចាំខែនៅក្នុងតម្លៃអន្តរជាតិនៃទំនិញម្ហូបអាហារ ដែលត្រូវបានជួញដូរជាទូទៅ។ នេះជាការឡើងថ្លៃលើកដំបូងចាប់តាំងពីខែមេសាមក នៅពេលដែលតម្លៃស្ករដ៏ខ្ពស់ បានធ្វើឲ្យសន្ទស្សន៍តម្លៃឡើងថ្លៃបន្តិចជាលើកដំបូងក្នុងរយៈពេលមួយឆ្នាំ។លោក Hu Bingchuan អ្នកស្រាវជ្រាវនៅវិទ្យាស្ថានអភិវឌ្ឍន៍ជនបទនៃបណ្ឌិត្យសភាវិទ្យាសាស្ត្រសង្គមចិនបាននិយាយថា មានហេតុផលសំខាន់ពីរសម្រាប់ការស្ទុះងើបឡើងវិញនៃតម្លៃអាហារពិភពលោកក្នុងខែកក្កដា។ហេតុផលទីមួយគឺការបញ្ចប់នៃគំនិតផ្តួចផ្តើមគ្រាប់ធញ្ញជាតិសមុទ្រខ្មៅគាំទ្រដោយអង្គការសហប្រជាជាតិ ដែលបានបន្ថែមទៅភាពភ័យស្លន់ស្លោនៅក្នុងទីផ្សារម្ហូបអាហារពិភពលោក ដោយជំរុញឱ្យតម្លៃម្ហូបអាហារកើនឡើង។ មូលហេតុមួយទៀតគឺបញ្ហាអាកាសធាតុដ៏អាក្រក់ក្នុងខែកក្កដា ដែលកន្លែងជាច្រើននៅទូទាំងពិភពលោកបានជួបប្រទះ ដោយធ្វើឲ្យខូចខាតទិន្នផលរំពឹងទុករបស់មនុស្សក្នុងការផលិតគ្រាប់ធញ្ញជាតិ៕

ប្រទេសស្លូវេនីទទួលរងការវាយប្រហារពីទឹកជំនន់ដ៏អាក្រក់បំផុតមិនធ្លាប់មាន

ស្លូវេនី៖ ទឹកជំនន់ដ៏មហន្តរាយដែលបង្កឡើងដោយភ្លៀងធ្លាក់ខ្លាំង បានបណ្តាលឱ្យមនុស្សយ៉ាងហោចណាស់៣នាក់ ស្លាប់ នៅក្នុងប្រទេសស្លូវេនី ជាមួយនឹងការខូចខាតប៉ាន់ស្មានចំនួន ៥០០លានអឺរ៉ូ (៥៥០លានដុល្លារ)។ នាយករដ្ឋមន្ត្រីប្រទេសស្លូវេនីលោក Robert Golob បាននិយាយកាលពីថ្ងៃសៅរ៍ថា ទឹកជំនន់កាលពីថ្ងៃព្រហស្បតិ៍ និងថ្ងៃសុក្រ គឺជា "គ្រោះមហន្តរាយធម្មជាតិដ៏ធំបំផុត" នៅក្នុងប្រវត្តិសាស្ត្ររបស់ប្រទេសតូចមួយនៅសហគមន៍ទាំង៨ប្រទេស អាល់ផែន នេះ។លោក Golob បាននិយាយថា ហេដ្ឋារចនាសម្ព័ន្ធផ្លូវថ្នល់ និងថាមពលត្រូវបានរងផលប៉ះពាល់យ៉ាងខ្លាំង ក៏ដូចជាផ្ទះរាប់រយខ្នង និងអគារផ្សេងៗទៀត។ មនុស្សរាប់ពាន់នាក់ត្រូវបានបង្ខំឱ្យជម្លៀសចេញពីផ្ទះរបស់ពួកគេ ហើយមនុស្សជាច្រើនត្រូវជួយសង្គ្រោះដោយឧទ្ធម្ភាគចក្រ ឬអ្នកពន្លត់អគ្គីភ័យនៅក្នុងទូក។កងទ័ពរបស់ប្រទេសស្លូវេនីបានចូលរួមកិច្ចខិតខំប្រឹងប្រែងសង្គ្រោះ ដោយកងកម្លាំងបានទៅដល់តំបន់កាត់ផ្តាច់នៅភាគខាងជើងដើម្បីប្រតិបត្តិការ។ លោកនាយករដ្ឋមន្ត្រីបាននិយាយថា ពីរភាគបីនៃទឹកដីក្នុងប្រទេសដែលមានប្រជាជនពីរលាននាក់ ត្រូវបានរងផលប៉ះពាល់។ប្រទេសស្លូវេនីកាលពីថ្ងៃអាទិត្យបានអំពាវនាវសុំជំនួយពីសហភាពអឺរ៉ុប និងសម្ព័ន្ធភាពណាតូដើម្បីដោះស្រាយជាមួយនឹងផលវិបាកនៃទឹកជំនន់នេះ។ ក្រុមអាជ្ញាធរបានជម្លៀសមនុស្សរាប់ពាន់នាក់ចេញពីផ្ទះសម្បែងរបស់ពួកគេ ហើយកងកម្លាំងប្រដាប់អាវុធស្លូវេនីបានប្រើប្រាស់ឧទ្ធម្ភាគចក្រ ដើម្បីជួយសង្គ្រោះអ្នកដែលជាប់គាំងដោយសារទឹកជំនន់។ អគ្គិសនីក៏ត្រូវបានកាត់ផ្ដាច់ផងដែរនៅក្នុងប្រទេសនេះ ដែលបណ្ដាលឲ្យមនុស្សរាប់ម៉ឺននាក់រងផលប៉ះពាល់៕

ខណៈដែលខ្លួនកំពុងរងសម្ពាធនៅអ៊ុយក្រែន លោក ពូទីន រិះគន់សហរដ្ឋអាមេរិកនៅប្រទេសស៊ីរី

អ៊ុយក្រែន៖ ការប្រឈមមុខដាក់គ្នាដ៏គ្រោះថ្នាក់រវាងរុស្ស៊ី និងសហរដ្ឋអាមេរិកនៅលើដែនអាកាសខាងលើប្រទេសស៊ីរី បង្ហាញពីសង្គ្រាមស្រមោលកាន់តែខ្លាំងឡើង ខណៈដែលប្រធានាធិបតីរុស្ស៊ីលោក វ្ល៉ាឌីមៀ ពូទីន ទទួលរងការខាតបង់កាន់តែច្រើន នៅក្នុងប្រទេសអ៊ុយក្រែន។អ្នកជំនាញព្រមានថា លោក ពូទីន កំពុងសំឡឹងរកការវាយប្រហារប្រឆាំងនឹងសហរដ្ឋអាមេរិកសម្រាប់ការគាំទ្រអ៊ុយក្រែនក្នុងសង្គ្រាមការពាររបស់ខ្លួន ដោយទីក្រុងមូស្គូផ្តោតលើសកម្មភាពសងសឹករបស់ខ្លួននៅមជ្ឈិមបូព៌ា ដើម្បីជៀសវាងជម្លោះកាន់តែទូលំទូលាយជាមួយណាតូនៅអឺរ៉ុប។លោក ម៉ូណា យ៉ាកូបៀន (Mona Yacoubian) អនុប្រធានវិទ្យាស្ថានសន្តិភាពមជ្ឈិមបូព៌ានិងអាហ្វ្រិកខាងជើងនៃវិទ្យាស្ថានសន្តិភាពសហរដ្ឋអាមេរិក បាននិយាយថា៖«យើងបានឃើញយ៉ាងច្បាស់ ចាប់តាំងពីខែមីនា ឆ្នាំនេះ ការកើនឡើងយ៉ាងច្បាស់នៃភាពតានតឹងដែលត្រូវបានជំរុញដោយប្រទេសរុស្ស៊ី។«ភាពតានតឹងដែលកើនឡើងទាំងនោះ កើតចេញពីសង្រ្គាមនៅអ៊ុយក្រែនដោយផ្ទាល់ ដែលខ្ញុំគិតថា ប្រជាជនរុស្ស៊ី កំពុងប្រឹងប្រែងប្រតិកម្មតបនឹងសហរដ្ឋអាមេរិក បង្ករឿងដល់សហរដ្ឋអាមេរិកដល់កម្រិតដែលពួកគេអាចធ្វើបាន នៅកន្លែងមួយដែលត្រូវដកចេញពីសង្វៀនជម្លោះអ៊ុយក្រែនដោយខ្លួនឯងផ្ទាល់»។កងកម្លាំងអ៊ុយក្រែន កំពុងដណ្តើមយកមកវិញបន្តិចម្តងៗនូវទឹកដីដែលរុស្ស៊ីដណ្តើមបាន នៅពេលដែលខ្លួនបានចាប់ផ្តើមការលុកលុយយ៉ាងពេញទំហឹងប្រឆាំងនឹងប្រទេសក្នុងខែកុម្ភៈ ឆ្នាំ ២០២២។ ក្នុងកិច្ចខិតខំប្រឹងប្រែង ដើម្បីបង្កើនសម្ពាធលើអ្នកគាំទ្រអ៊ុយក្រែន រុស្ស៊ីបានបោះបង់ចោលកិច្ចព្រមព្រៀងដែលអនុញ្ញាតឲ្យនាំចេញគ្រាប់ធញ្ញជាតិពីកំពង់ផែរបស់អ៊ុយក្រែន និងបង្កើនការវាយប្រហារទៅលើជនស៊ីវិល និងហេដ្ឋារចនាសម្ព័ន្ធកសិកម្មរបស់អ៊ុយក្រែន៕

មនុស្ស១៤នាក់បានស្លាប់បន្ទាប់ពីភ្លៀងធ្លាក់ខ្លាំង បង្កជាទឹកជំនន់នៅភាគឦសានប្រទេសចិន

សារព័ត៌មានរដ្ឋបានរាយការណ៍ថា មនុស្សយ៉ាងហោចណាស់១៤នាក់ បានស្លាប់ បន្ទាប់ពីភ្លៀងធ្លាក់ ខ្លាំងវាយប្រហារខេត្តជីលីន(Jilin) ភាគឦសានរបស់ប្រទេសចិន ក្នុងការបាត់បង់អាយុជីវិតចុងក្រោយបង្អស់ពីគ្រោះមហន្តរាយពាក់ព័ន្ធនឹងអាកាសធាតុជាង១សប្ដាហ៍នៅទូទាំងប្រទេស។ ប្រទេសចិនត្រូវបានវាយប្រហារដោយភ្លៀងធ្លាក់ខ្លាំងបំផុត ក្នុងរយៈពេលប៉ុន្មានសប្ដាហ៍ថ្មីៗ នេះ ខណៈដែលទីក្រុងប៉េកាំងនិយាយកាលពីថ្ងៃសុក្រថា គ្រោះមហន្តរាយធម្មជាតិនានាបានបណ្ដាលឲ្យមនុស្ស១៤៧នាក់ ស្លាប់ ឬ បាត់ខ្លួនកាលពីខែមុន។ ការស្លាប់ចំនួន១៤នាក់ បន្ថែមទៀត និងមនុស្សបាត់ខ្លួន ត្រូវបានរាយការណ៍កាលពីថ្ងៃអាទិត្យ ដោយទូរទស្សន៍រដ្ឋ CCTV សំអាងដល់ប្រភពពីក្រុមអាជ្ញាធរក្នុងស្រុក បន្ទាប់ពីភ្លៀងធ្លាក់ខ្លាំងនៅក្នុងទីក្រុងស៊ូឡាន (Shulan) ភាគឦសានរបស់ប្រទេសចិន។ ទីភ្នាក់ងារសារព័ត៌មានរដ្ឋ ស៊ីនហួ បាននិយាយថា នៅពេលនេះភ្លៀងធ្លាក់ខ្លាំងនៅក្នុងតំបន់នេះបានបញ្ចប់ ដោយមនុស្សជិតមួយម៉ឺន៩ពាន់នាក់ ត្រូវបានជម្លៀសចេញពីលំនៅឋាន និង ជម្រកស្នាក់នៅបណ្ដោះអាសន្នចំនួន២១កន្លែងត្រូវបានបង្កើតឡើង។ភ្លៀងធ្លាក់ខ្លាំង ដាក់បន្ទុកបន្ថែមក្រោយការវាយប្រហារដោយព្យុះទីហ្វុង ដុកស៊ូរី ( Doksuri) ដែលបានបោកបក់លើដីគោករបស់ចិន ខណៈព្យុះទីហ្វុងមួយមុនពេលបោះពួយទៅកាន់ភាគខាងជើង គឺជាព្យុះមានឥទ្ធិពលបំផុត ចាប់តាំងពីចាប់ផ្ដើមកត់ត្រាជាង១៤០ ឆ្នាំមកនេះ។ ប្រតិបត្តិការបោសសម្អាត កំពុងធ្វើឡើង បន្ទាប់ពីភ្លៀងធ្លាក់ខ្លាំងមិនធ្លាប់មាន ដែលបានបំផ្លិចបំផ្លាញហេដ្ឋារចនាសម្ព័ន្ធ និងជន់លិចស្រុកនានាទាំងស្រុង៕

មេធាវី៖ លោក ដូណាល់ ត្រាំ គ្រាន់តែស្នើសុំវិធានការបោះឆ្នោតឆ្នាំ២០២០ប៉ុណ្ណោះ

កាលពីថ្ងៃអាទិត្យ (ទី៦ ខែសីហា) មេធាវីរបស់លោក ដូណាល់ ត្រាំ បានជំទាស់ថា សកម្មភាពទាំងឡាយណាដែលអតីតប្រធានាធិបតីបានធ្វើបន្ទាប់ពីការចាញ់ការបោះឆ្នោតថ្មីឆ្នាំ២០២០ របស់លោកគឺគ្រាន់តែជាការសួរដេញដោល ហើយមិនសុខចិត្តនូវបទបញ្ជា ដែលបានស្នើឡើងក្នុងគោលបំណងការពារសាក្សី និងភស្តុតាងក្នុងសំណុំរឿងប៉ុណ្ណោះ។លោក John Lauro បានការពាររឿងក្ដីរបស់លោក ត្រាំ ដែលមកពីគណបក្សសាធារណរដ្ឋ ដោយនាំឱ្យមានការចោទប្រកាន់ថា លោកបានសមគំនិតក្នុងការបន្លំសន្លឹកឆ្នោតរបស់សហរដ្ឋអាមេរិក ដោយរារាំងសភាពីការបញ្ជាក់អំពីជ័យជម្នះរបស់ប្រធានាធិបតីគណបក្សប្រជាធិបតេយ្យលោក ចូ បៃដិន ដោយដកហូតសិទ្ធិបោះឆ្នោតរបស់ពលរដ្ឋសហរដ្ឋអាមេរិកក្នុងការបោះឆ្នោតដោយយុត្តិធម៌។កាលពីថ្ងៃសុក្រ (៤ សីហា) រដ្ឋអាជ្ញាពិសេសលោក Jack Smith បានស្វែងរកដីកាការពារ ដែលហាមឃាត់លោក ត្រាំ និងមេធាវីរបស់លោកមិនឲ្យចែករំលែកភស្ដុតាងរកឃើញ ជាមួយមនុស្សដែលគ្មានការអនុញ្ញាត ដោយលើកឡើងពីការបង្ហោះតាមប្រព័ន្ធផ្សព្វផ្សាយសង្គមរបស់លោក ត្រាំ ក្នុងកង្វល់ថាអតីតប្រធានាធិបតីរូបនោះ អាចនឹងបង្ហាញជាសាធារណៈនូវភស្ដុតាងសម្ងាត់ដែលទទួលបានពីក្រុមរដ្ឋអាជ្ញា ក្នុងពេលរឿងក្ដីកំពុងដំណើរការ។កាលពីថ្ងៃសៅរ៍ (៥ សីហា) ចៅក្រមសហព័ន្ធប្រចាំតំបន់របស់សហរដ្ឋអាមេរិក លោកស្រី Tanya Chutkan បានបដិសេធសំណើរបស់លោក ត្រាំ ក្នុងការពន្យារពេលការឆ្លើយតបជាផ្លូវការចំពោះបទបញ្ជាដែលបានស្នើឡើង នៅថ្ងៃច័ន្ទនេះ វេលាម៉ោង៥ល្ងាច (ម៉ោងក្នុងស្រុក)។ លោក ត្រាំ ដែលមានវ័យ៧៧ឆ្នាំ ត្រូវបានចោទប្រកាន់ក្នុងសំណុំរឿងចំនួន៣ករណី ហើយលោកបានបដិសេធការចោទប្រកាន់ទាំងអស់ប្រឆាំងនឹងរូបលោកផងដែរ៕

មេដឹកនាំកូរ៉េខាងជើង ធ្វើទស្សនកិច្ចនៅរោងចក្រផលិតអាវុធ និងប្តេជ្ញាជំរុញការត្រៀមខ្លួនធ្វើសង្គ្រាម ដើម្បីប្រឈមមុខនឹងភាពតានតឹង

ប្រព័ន្ធផ្សព្វផ្សាយរដ្ឋ បាននិយាយកាលពីថ្ងៃអាទិត្យ (ទី៦ ខែសីហា)ថា មេដឹកនាំកូរ៉េខាងជើង លោក គីម ជុងអ៊ុន បានចុះពិនិត្យរោងចក្រផលិតអាវុធសំខាន់ៗរបស់ប្រទេសនេះ រួមទាំងរោងចក្រផលិតប្រព័ន្ធកាំភ្លើងធំ និងបាញ់បង្ហោះយានសម្រាប់មីស៊ីលផ្លោងដែលអាចបំពាក់នុយក្លេអ៊ែរ ហើយបានសន្យាថា នឹងពន្លឿនកិច្ចខិតខំប្រឹងប្រែង ដើម្បីជំរុញសព្វាវុធរបស់យោធា និងការត្រៀមខ្លួនសម្រាប់សង្គ្រាម។ ការត្រួតពិនិត្យរយៈពេល៣ថ្ងៃរបស់លោក គីម គិតត្រឹមថ្ងៃសៅរ៍ បានកើតឡើង នៅពេលដែលសហរដ្ឋអាមេរិក និងកូរ៉េខាងត្បូង បានរៀបចំសម្រាប់ជុំបន្ទាប់នៃសមយុទ្ធយោធារួមបញ្ចូលគ្នារបស់ពួកគេ ដែលគ្រោងធ្វើនៅចុងខែនេះ ដើម្បីទប់ទល់នឹងការគំរាមកំហែងរបស់កូរ៉េខាងជើងដែលកំពុងកើនឡើង។ភាពតានតឹងនៅលើឧបទ្វីបកូរ៉េ គឺស្ថិតក្នុងកម្រិតខ្ពស់បំផុតក្នុងរយៈពេលប៉ុន្មានឆ្នាំមកនេះ ដោយសារល្បឿននៃការសាកល្បងមីស៊ីលរបស់កូរ៉េខាងជើង និងសមយុទ្ធយោធារួមគ្នារវាងសហរដ្ឋអាមេរិក និងកូរ៉េខាងត្បូង ដែលលោក គីម ចាត់ទុកថា ជាការហាត់សមវាយលុកនោះ កាន់តែមានភាពតានតឹងកាន់តែខ្លាំងឡើង នៅក្នុងវដ្តនៃការតបទៅតបមកនោះ ។អ្នកជំនាញខ្លះ និយាយថា ការធ្វើដំណើររបស់លោកគីម ទៅកាន់រោងចក្រផលិតសព្វាវុធ ក៏អាចពាក់ព័ន្ធនឹងលទ្ធភាពកិច្ចសហប្រតិបត្តិការយោធាជាមួយទីក្រុងមូស្គូដែលអាចពាក់ព័ន្ធនឹងការផ្គត់ផ្គង់កាំភ្លើងធំ និងគ្រាប់រំសេវផ្សេងទៀតរបស់កូរ៉េខាងជើង នៅពេលដែលប្រធានាធិបតីរុស្ស៊ី លោក វ្ល៉ាឌីមៀ ពូទីន បានទាក់ទងជាមួយប្រទេសផ្សេងទៀត ដើម្បីទទួលបានការគាំទ្រក្នុងសង្គ្រាមនៅអ៊ុយក្រែន។

ប្រទេសអារ៉ាប៊ីសាអ៊ូឌីត ដែលបានធ្វើជាម្ចាស់ផ្ទះកិច្ចប្រជុំស្ដីពីសង្រ្គាមអ៊ុយក្រែន បានបញ្ចប់ទៅដោយការប្ដេជ្ញាបន្តការចរចា

យោងតាមសេចក្ដីថ្លែងការណ៍បិទកិច្ចប្រជុំ ដែលបានបញ្ចេញដោយប្រទេសអារ៉ាប៊ីសាអ៊ូឌីត ទីក្រុងជេដា (Jeddah) ដែលបានទទួលធ្វើជាម្ចាស់ផ្ទះសម្រាប់កិច្ចពិភាក្សាស្ដីពីជម្លោះអ៊ុយក្រែន បានបញ្ចប់កាលពីថ្ងៃអាទិត្យ ទី៦សីហា ដោយពុំមានចំណាត់ការរឹងមាំហួសពីការប្ដេជ្ញាចិត្តបន្តការពិភាក្សានាពេលអនាគតដើម្បីទទួលបានសន្តិភាព ។ ប្រទេសជាង៤០ រួមទាំង ប្រទេសចិន ឥណ្ឌា សហរដ្ឋអាមេរិក និងបណ្ដាប្រទេស នៅសហភាពអឺរ៉ុប ប៉ុន្តែ ប្រទេសរុស្ស៊ី ពុំបានចូលរួមក្នុងជំនួបនេះទេ។ អ៊ុយក្រែន និងសម្ព័ន្ធមិត្តរបស់ខ្លួន បាននិយាយថាកិចិ្ចពិភាក្សាទាំងនេះ មានគោលបំណងធានាឲ្យបាននូវការគាំទ្រកាន់តែទូលំទូលាយពីអន្តរជាតិ សម្រាប់គោលការណ៍នានា ដែលទីក្រុង គីវ (Kyiv) ចង់បានជាមូលដ្ឋានសម្រាប់សន្តិភាព រួមទាំងការដកកងទ័ពរុស្ស៊ីទាំងអស់ចេញនិងប្រគល់ដែនដីទាំងអស់ដែលខ្លួនកំពុងគ្រប់គ្រងឲ្យទៅអ៊ុយក្រែនវិញ ។ទីក្រុងម៉ូស្គូ (Moscow) បានហៅកិច្ចប្រជុំនេះថាជាការប៉ុនប៉ងបង្វែងក្រុមប្រទេសកំពុងអភិវឌ្ឍន៍សកលលោកខាងត្បូង ឲ្យងាកមកគាំទ្រទីក្រុង Kyiv ហើយ ១៨ ខែបន្ទាប់ពីប្រទេសរុស្ស៊ី បានវាយលុកលើអ៊ុយក្រែន ការរំពឹងទុកណាមួយនៃកិច្ចចរចាសន្តិភាពដោយផ្ទាល់រវាងទីក្រុង Kyiv និងទីក្រុងម៉ូស្គូហាក់ដូចជានៅឆ្ងាយ៕

អ្នកគាំទ្ររដ្ឋប្រហារនីហ្សេ រាប់ពាន់នាក់សម្រុកទៅពហុកីឡដ្ឋានជាតិដើម្បីធ្វើបាតុកម្មយោធា

និហ្សេ៖ អ្នកគាំទ្ររបស់មេដឹកនាំរដ្ឋប្រហារប្រទេសនីហ្សេ រាប់ពាន់នាក់ បានប្រមូលផ្តុំគ្នាទៅកាន់ពហុកីឡាដ្ឋានក្នុងរដ្ឋធានី ណៃអាម៉ី (Niamey) កាលពីថ្ងៃអាទិត្យ (៦ សីហា) ហាក់ដូចជាមិនភ័យខ្លាចចំពោះការគំរាមកំហែងនៃការធ្វើអន្តរាគមន៍ផ្នែកយោធាពីប្លុកក្នុងតំបន់របស់អាហ្រ្វិកខាងលិច ខណៈដែលឱសានវាទក្នុងការប្រគល់តំណែងឲ្យប្រធានាធិបតីប្រទេសនេះវិញ បានផុតកំណត់។នៅតាមដងផ្លូវនានារបស់រដ្ឋធានី ណៃអាម៉ី (Niamey) ក៏មានការបង្ហាញនូវការគាំទ្រជាបណ្តើរៗ ប៉ុន្តែមិនមានសញ្ញានៃការប្រឆាំងទៅនឹងរបបសឹក ដែលបាននិយាយថា ខ្លួននឹងមិនធ្វើឱ្យមានសម្ពាធពីខាងក្រៅដើម្បីឈរជើងបន្ទាប់ពីការដណ្តើមអំណាចកាលពីថ្ងៃទី២៦ ខែកក្កដានោះទេ។សំឡេងអបអរសាទរបានស្វាគមន៍រាល់ប្រយោគនៃសុន្ទរកថា ដែលបានធ្វើឡើងដោយអ្នកតំណាងនៃរដ្ឋបាលដឹកនាំដោយកងទ័ពថ្មីទៅកាន់ហ្វូងមនុស្សនៅពហុកីឡដ្ឋាន ដោយបានសង្កត់ធ្ងន់លើការប្តេជ្ញាចិត្តរបស់របបសឹកក្នុងការបន្តកាន់អំណាច។រដ្ឋប្រហារលើកទីប្រាំពីរនៅអាហ្រ្វិកខាងលិច និងកណ្តាលក្នុងរយៈពេលបីឆ្នាំ បានធ្វើឱ្យកក្រើកតំបន់ Sahel អាហ្រ្វិក ដែលជាតំបន់ក្រីក្របំផុតមួយក្នុងពិភពលោក។ ដោយសារតំបន់នោះសម្បូរទៅដោយសារធាតុអ៊ុយរ៉ាញ៉ូម និងប្រេង ព្រមទាំងមានតួនាទីសំខាន់ក្នុងសង្រ្គាមជាមួយក្រុមសកម្មប្រយុទ្ធអ៊ីស្លាម នីហ្សេមានសារៈសំខាន់សម្រាប់ អាមេរិក អឺរ៉ុប ចិន និងរុស្ស៊ីជាខ្លាំង៕

មេដឹកនាំរដ្ឋប្រហារនីហ្សេនិយាយថា ប្រទេសជិតខាងកំពុងរៀបចំធ្វើសង្រ្គាម

នីហ្ស៖ នីហ្សេ បានបិទដែនអាកាសរបស់ខ្លួនកាលពីថ្ងៃអាទិត្យ (៦ សីហា) រហូតដល់មានការជូនដំណឹងបន្ថែម ដោយលើកឡើងពីការគំរាមកំហែងនៃអន្តរាគមន៍យោធាពីប្លុកតំបន់អាហ្វ្រិកខាងលិច បន្ទាប់ពីបណ្ដាមេដឹកនាំរដ្ឋប្រហារ បានច្រានចោលកាលបរិច្ឆេទកំណត់ ដើម្បីប្រគល់អំណាចឲ្យប្រធានាធិបតីដែលត្រូវបានបណ្តេញចេញពីអំណាចរបស់ប្រទេសនេះវិញ។ដោយធ្វើសេចក្តីថ្លែងការណ៍មួយនៅលើកញ្ចក់ទូរទស្សន៍ជាតិ អ្នកតំណាងរបបសឹកនោះបាននិយាយថា ខ្លួនមានព័ត៌មានថា “មហាអំណាចបរទេស” កំពុងរៀបចំវាយប្រហារប្រទេសនីហ្សេ ដោយមានការសម្របសម្រួលជាមួយបណ្តាប្រទេសនៃសហគមន៍សេដ្ឋកិច្ចនៃបណ្តារដ្ឋអាហ្វ្រិកខាងលិច (ECOWAS)។ប្រមុខការពារជាតិជាច្រើនរបស់សហគមន៍សេដ្ឋកិច្ច ECOWAS បានយល់ព្រមលើផែនការសកម្មភាពយោធាដែលអាចមាន រួមទាំងពេលវេលា និងទីកន្លែងដែលត្រូវធ្វើសកម្មភាព ប្រសិនបើប្រធានាធិបតីដែលត្រូវបានឃុំខ្លួន លោក Mohamed Bazoum មិនត្រូវបានដោះលែង និងប្រគល់អំណាចឲ្យវិញតាមកាលកំណត់នោះទេ។ប្លុកនេះមិនបានឆ្លើយតបទៅនឹងសំណើសុំការអត្ថាធិប្បាយអំពីជំហានបន្ទាប់របស់ខ្លួន ឬនៅម៉ោងណាពិតប្រាកដក្នុងថ្ងៃអាទិត្យដែលជាថ្ងៃផុតកំណត់ប្រគល់អំណាចនោះទេ។ អ្នកនាំពាក្យម្នាក់បាននិយាយមុននោះថា ខ្លួននឹងចេញសេចក្តីថ្លែងការណ៍មួយនៅចុងបញ្ចប់នៃថ្ងៃផុតកំណត់នោះ។ អតីតមហាអំណាចអាណានិគមបារាំងបាននិយាយកាលពីថ្ងៃសៅរ៍ (ទី 5 ខែសីហា) ថា ខ្លួននឹងគាំទ្រដល់កិច្ចខិតខំប្រឹងប្រែងក្នុងតំបន់ដើម្បីផ្តួលរំលំរដ្ឋប្រហារដោយមិនបានបញ្ជាក់ថាតើការលើកឡើងនោះរួមបញ្ចូលជំនួយយោធាដែរឬយ៉ាងណាទេ៕

បណ្ដាញសង្គម

ព័ត៌មានថ្មីៗ

វិទ្យាល័យ ជា ចាន់តូ ចាប់ផ្តើមឆ្នាំសិក្សាដំបូង ដើម្បីផ្តល់លទ្ធភាពដល់សិស្សានុសិស្សបានសិក្សារៀនសូត្រ

កម្ពុជា-កូរ៉េខាងត្បូងរម្លឹកពីប្រវត្តិ និងកិច្ចខិតខំរបស់សម្ដេចតេជោ ដើម្បីភ្ជាប់ទំនាក់ទំនងប្រទេសទាំងពីរឡើងវិញ

អណ្តូងប្រេងក្រុមហ៊ុន Borr Drilling លិចនៅជិតប្រទេសហ្គាបុង បណ្តាលឲ្យមនុស្សម្នាក់ស្លាប់ និង ៤នាក់ បាត់ខ្លួន

លីប៊ីកោះហៅឲ្យចូលខ្លួនប្រសិតពិសេសអាមេរិក ដើម្បីតវ៉ាសេចក្តីអត្ថាធិប្បាយរបស់លោក Trump

ក្រុមបាតករបារាំងទាមទារឲ្យមានការតវ៉ាបន្ថែមទៀត ខណៈលោក Macron ប្រឈមនឹងជម្រើសដ៏លំបាក

មនុស្ស ៦នាក់ រងរបួស នៅក្នុងការវាយប្រហាររបស់រុស្ស៊ីលើទីក្រុង Zaporizhzhia របស់អ៊ុយក្រែន

លោក Lee បញ្ជាក់ថា កូរ៉េខាងត្បូង ទំនងមិនចូលរួមកិច្ចព្រមព្រៀងពាណិជ្ជកម្មប៉ាស៊ីហ្វិកក្នុងអាណត្តិរបស់លោកទេ

ក្រុមមកពីប្រទេសកិច្ចព្រមព្រៀងក្រុង Mecca ជួបជាមួយក្រុមមន្រ្តីអ៊ីរ៉ង់នៅទីក្រុងតេអេរ៉ង់

ការវាយប្រហារយានដ្រូនលើតំបន់ Voronezh របស់រុស្ស៊ី សម្លាប់បុរស ២នាក់

នាយករដ្ឋមន្ត្រីព្រីតថេន លោក Burnham បញ្ជាក់ថា ការបោះឆ្នោតនឹងមិនកើតឡើង «ឆាប់ៗនេះ» ទេ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877