BTV NEWS

ឃាត់ខ្លួនជនបរទេសចំនួន៥នាក់ក្នុងប្រតិបត្តិការបង្ក្រាបបទល្មើសឆបោកតាមប្រព័ន្ធបច្ចេកវិទ្យានៅឃុំសំរោង ស្រុកចន្ទ្រា ខេត្តស្វាយរៀង

បង្ក្រាបក្រុមចោរកាច់កម៉ូតូទាំងសំបុក ៦នាក់ដែលតែងធ្វើសកម្មភាពយ៉ាងសកម្មក្នុងភូមិសាស្ដ្ររាជធានីភ្នំពេញ

ស្នងការរាជធានី បញ្ជារឲ្យរឹតបន្តឹងកាន់តែខ្លាំង លើម៉ូតូកៃច្នៃបំពង់ស៊ីម៉ាំងបង្កសម្លេងរំខានដល់ពលរដ្ឋ តាមទីសាធារណៈ

ចាប់ខ្លួនជនសង្ស័យ៥នាក់ពាក់ពន្ធ័ករណីចាប់ ឃុំឃាំង និងបង្ខាំងមនុស្សដោយខុសច្បាប់

សន្តិសុខ និង សង្គម

ស្ត្រីម្នាក់ត្រូវកាត់ទោសឲ្យជាប់ពន្ធនាគារពីបទសម្អាតរូបិយប័ណ្ណគ្រីបតូ នៅអង់គ្លេស តាមរយៈការឆបោក ៦,៤ពាន់លានដុល្លារ នៅចិន

ស្ត្រីម្នាក់ត្រូវបានកាត់ទោសឲ្យជាប់ពន្ធនាគារជិត ៧ឆ្នាំ កាលពីថ្ងៃសុក្រ (ទី២៤ ខែឧសភា) ពីបទសម្អាតលុយកខ្វក់ បន្ទាប់ពីមានការកាត់ក្តី នៅតុលាការទីក្រុងឡុងដ្រ៍ ដោយរូបនាងត្រូវបានចោទប្រកាន់ពីបទបំប្លែងកាក់ប៊ីតខន (រូបិយប័ណ្ណគ្រីបតូ) ទៅជាសាច់ប្រាក់ និងទ្រព្យសម្បត្តិ ដើម្បីជួយបិទបាំងដំណើរការឆបោកទឹកប្រាក់ ៥ពាន់លានផោន (៦,៤ពាន់លានដុល្លារ)។ព្រះរាជអាជ្ញាបានឲ្យដឹងថា លោកស្រី Wen Jian បានជួយលាក់ប្រភពលុយដែលត្រូវបានគេចោទប្រកាន់ថាបានលួចពីអ្នកវិនិយោគចិនជិត ១៣០.០០០នាក់ នៅក្នុងគម្រោងទ្រព្យសម្បត្តិបោកប្រាស់ នៅចន្លោះឆ្នាំ២០១៤ និងឆ្នាំ២០១៧។ អ្នកទោសស្រីរូបនេះមិនត្រូវបានចោទប្រកាន់ថា មានជាប់ពាក់ព័ន្ធនឹងការឆបោកដែលរដ្ឋអាជ្ញាបាននិយាយថា ត្រូវបានរៀបគម្រោងដោយស្ត្រីម្នាក់ទៀត ដែលលោកស្រី Wen ជឿថា ជាអ្នកមានទ្រព្យស្ដុកស្ដម្ភមិនធម្មតាម្នាក់។ជាផ្នែកមួយនៃការស៊ើបអង្កេតរបស់ពួកគេ នគរបាលអង់គ្លេសបានរឹបអូសហឹបមួយដែលមានទុកកាក់ប៊ីតខនជាង ៦១.០០០កាក់ ដែលនេះធ្វើឲ្យវាជាក្លាយជាការរឹបអូសរូបិយប័ណ្ណគ្រីបតូដ៏ធំបំផុតមួយ តាមរយៈការអនុវត្តច្បាប់ទូទាំងពិភពលោក។ អំឡុងសវនាការរបស់លោកស្រី Wen ព្រះរាជអាជ្ញាបាននិយាយថា កាក់ប៊ីតខន ៦១.០០០កាក់នេះ មានតម្លៃប្រហែល ១,៤ពាន់លានផោន នៅពេលដែលនគរបាលទទួលបានសិទ្ធិចូលទៅរឹបអូស ក្នុងឆ្នាំ២០២១។ តែឥឡូវនេះវាមានតម្លៃជាង ៣ពាន់លានផោន។លោកស្រី Wen វ័យ ៤២ឆ្នាំ បានបដិសេធបទចោទ ៣ករណី ពាក់ព័ន្ធនឹងការសម្អាតលុយកខ្វក់ ហើយបាននិយាយថា លោកស្រីមិនមានចំណេះដឹងអំពីបទល្មើសឧក្រិដ្ឋដែលទាក់ទងនឹងកាក់ប៊ីតខននោះទេ។ អ្នកទោសរូបនេះត្រូវបានក្រុមប្រឹក្សាតុលាការរកឃើញថា មានទោស ១ករណី ក្នុងខែមីនា ក្រោយការកាត់ក្ដី នៅតុលាការ Southwark Crown តែគណៈវិនិច្ឆ័យមិនអាចឈានដល់ការចេញសាលក្រមលើបទចោទ ២ករណីផ្សេងទៀតទ។ កាលពីថ្ងៃសុក្រ លោកស្រី Wen ត្រូវបានកាត់ទោសឲ្យជាប់ពន្ធនាគាររយៈពេល ៦ឆ្នាំ និង ៨ខែ ពីបទសម្អាតលុយកខ្វក់ ដែលលោកស្រីត្រូវបានរកឃើញថា មានទោសពិតប្រាកដមែន៕

មនុស្សជាង ៣០០ នាក់ត្រូវបានកប់ក្នុងបំណាក់ដីនៅប៉ាពួ នូវ៉ែលហ្គីនណេ

ប្រព័ន្ធផ្សព្វផ្សាយក្នុងស្រុក បានរាយការណ៍នៅថ្ងៃសៅរ៍នេះថា មនុស្សជាង៣០០នាក់ និងលំនៅឋានជាង ១.១០០ខ្នង ត្រូវបានកប់ដោយបំណាក់ដីដ៏ធំ នៅភាគខាងជើង ប្រទេសប៉ាពួ នូវ៉ែលហ្គីនណេ។មនុស្សរាប់រយនាក់ ត្រូវបានគេបារម្ភថា ស្លាប់នៅក្នុងបំណាក់ដី ដែលបានកើតឡើងនៅភូមិ Kaokalam ក្នុងខេត្ត Enga ចម្ងាយប្រហែល៦០០ គីឡូម៉ែត្រ ភាគពាយព្យរដ្ឋធានី Port Moresby។សារព័ត៌មាន បាននិយាយថា បំណាក់ដីនៅក្នុងប្រទេសតំបន់ប៉ាស៊ីហ្វិកភាគខាងជើងប្រទេសអូស្ត្រាលីបានកប់មនុស្សជាង៣០០នាក់ និងលំនៅឋាន១.១៨២ខ្នង។ ក្រសួងការបរទេស និងពាណិជ្ជកម្មរបស់ប្រទេសអូស្ត្រាលី បាននិយាយនៅថ្ងៃសៅរ៍នេះថា ភូមិចំនួន៦ បានរងផលប៉ះពាល់ ដោយបំណាក់ដីនៅក្នុងតំបន់ Mulitaka ។អ្នកនាំពាក្យក្រសួង បាននិយាយនៅក្នុងសេចក្តីថ្លែងការណ៍ថា គណៈកម្មាធិការជាន់ខ្ពស់របស់ប្រទេសអូស្ត្រាលី នៅទីក្រុង Port Moresby កំពុងទាក់ទងយ៉ាងជិតស្និទ្ធជាមួយអាជ្ញាធរ ប៉ាពួ នូវ៉ែលហ្គីណេ សម្រាប់ការវាយតម្លៃបន្ថែមលើទំហំនៃការខូចខាត និងជនរងគ្រោះ។ សារព័ត៌មាន ABC បានរាយការណ៍នៅថ្ងៃសៅរ៍នេះថា សាកសពចំនួន៤នាក់ ត្រូវបានគេយកចេញពីទីក្រុង បន្ទាប់ពីក្រុមសង្គ្រោះបន្ទាន់បានទៅដល់តំបន់ដែលមានប្រជាជនរស់នៅដាច់ៗពីគ្នា ខណៈចំនួនអ្នកស្លាប់ត្រូវបានគេរំពឹងថា នឹងកើនឡើង។ប្រព័ន្ធផ្សព្វផ្សាយបានរាយការណ៍ថា បំណាក់ដី បានបិទផ្លូវហាយវ៉េ ធ្វើឱ្យឧទ្ធម្ភាគចក្រត្រូវបានប្រើប្រាស់ ជាមធ្យោបាយតែមួយគត់ដើម្បីទៅដល់តំបន់រងគ្រោះ។ នាយករដ្ឋមន្ត្រី លោក James Marape បាននិយាយថា មន្ត្រីគ្រោះមហន្តរាយ កងកម្លាំងការពារជាតិ និងក្រសួងសាធារណៈការនិងផ្លូវហាយវ៉េ កំពុងបង្កើនកិច្ចខិតខំប្រឹងប្រែងសង្គ្រោះ និងស្តារឡើងវិញ។

នគរបាលរាជធានី នឹងធ្វើសន្និសិទបង្ហាញមុខក្រុមក្មេងទំនើងដែលបង្ក្រាបបាន នៅរសៀលនេះ

ភ្នំពេញ៖ យោងតាមប្រភពមន្ត្រីនគរបាលរាជធានីភ្នំពេញ នៅម៉ោង១៤ និង០០នាទីរសៀលថ្ងៃទី២៥ ខែឧសភា ឆ្នាំ២០២៤នេះ សមត្ថកិច្ចនឹងធ្វើសន្និសិទព័ត៌មានបង្ហាញមុខក្រុមក្មេងទំនើងជាច្រើននាក់ ដែលធ្វើការបង្ក្រាបបានក្នុងរយះពេល២ថ្ងៃមកនេះ ។សន្និសិទនេះ នឹងធ្វើឡើងនៅការិយាល័យព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានី ដោយបង្ហាញមុខក្រុមជនសង្ស័យ រួមជាមួយវត្ថុតាងមានជាដាវ និងកាំបិតជាច្រើន ដែលបានដកហូត បន្ទាប់ពីក្រុមទាំងនេះ បានធ្វើសកម្មភាពអុកឡុក និងដើរកាប់ចាក់យ៉ាងខ្លាំងខ្លាក្នុងរាជធានីភ្នំពេញ ។ ក្នុងរយះពេល២ថ្ងៃមកនេះ កម្លាំងសមត្ថកិច្ចទូទាំងរាជធានីភ្នំពេញ ដោយបានសហការ ជាមួយកម្លាំងនគរបាល នៃនាយកដ្ឋាននគរបាលព្រហ្មទណ្ឌក្រសួងមហាផ្ទៃ បានបើកប្រតិបត្តិការទ្រង់ទ្រាយធំ ក្នុងការចុះល្បាតក្នុងភូមិសាស្ត្ររាជធានី ដើម្បីបង្ការទប់ស្កាត់ និងបង្ក្រាបលើសកម្មភាពក្រុមក្មេងទំនើង ដែលបានបង្កើតភាពអសន្តិសុខ បង្កជាក្តីព្រួយបារម្ភ និងភ័យខ្លាចដល់ប្រជាពលរដ្ឋស្លូតត្រង់នៅក្នុងសង្គមជាតិ ។ ប្រតិបត្តិការដ៏ក្តៅគគុករបស់កម្លាំងសមត្ថកិច្ចនេះ ធ្វើឡើង បន្ទាប់ពីមានបទបញ្ជាដ៏ម៉ឺងម៉ាត់របស់សម្តេចធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា ដែលបានបញ្ជារដល់កងកម្លាំងគ្រប់លំដាប់ថ្នាក់ ពិសេសអភិបាលរាជធានីខេត្តទាំង២៤ ធ្វើយ៉ាងណាដាច់ខាតត្រូវតែបង្ក្រាបឱ្យមានប្រសិទ្ធិភាពបំផុត លើសកម្មភាពក្រុមក្មេងទំនើង ដែលកំពុងមានការផុសផុលឡើងខ្លាំង បង្កជាភាពអសន្តិសុខដល់ពលរដ្ឋ និងសង្គមជាតិ ក្នុងពេលបច្ចុប្បន្ននេះ ៕ អត្ថបទ ៖ លីហេង

បាតុករគាំទ្រប៉ាឡេស្ទីននិយាយថា «មិនគ្រប់គ្រាន់ទេ» សម្រាប់សេចក្តីសម្រេចរបស់ ICJ លើអ៊ីស្រាអែល

ក្រុមបាតុករគាំទ្រប៉ាឡេស្ទីនមួយក្រុម បានមកប្រមូលផ្តុំគ្នានៅខាងក្រៅតុលាការយុត្តិធម៌អន្តរជាតិ (ICJ) កាលពីថ្ងៃសុក្រ ដោយបានស្តីបន្ទោសចំពោះសេចក្តីសម្រេចរបស់តុលាការដែលឲ្យអ៊ីស្រាអែលត្រឹមតែ បញ្ឈប់ប្រតិបត្តិការយោធាទាំងអស់នៅទីក្រុងRafah។ អ្នកតវ៉ានិយាយថា សវនាការនៅថ្ងៃនេះល្អ ប៉ុន្តែវាមិនទាន់គ្រប់គ្រាន់នៅឡើយទេ។ «សេរីភាពប៉ាឡេស្ទីន ព្រមទាំងដំណោះស្រាយរដ្ឋពីរដោយសេរីភាព នោះទើបគ្រប់គ្រាន់។ វាល្អសម្រាប់ប្រជាជនទាំងសងខាង ទាំងសាសនា និងសម្រាប់តំបន់មជ្ឈិមបូព៌ាផងដែរ។ចៅក្រមតុលាការកំពូលរបស់អង្គការសហប្រជាជាតិ បានបង្គាប់ឱ្យអ៊ីស្រាអែល បញ្ឈប់ការវាយលុកដោយយោធារបស់ខ្លួនលើទីក្រុងRafah ភាគខាងត្បូងតំបន់ហ្កាហ្សា នៅក្នុងសេចក្តីសម្រេចបន្ទាន់មួយលើករណីនាំមកដោយប្រទេសអាហ្រ្វិកខាងត្បូង ដែលចោទប្រកាន់អ៊ីស្រាអែលពីបទប្រល័យពូជសាសន៍។ តុលាការ ក៏បានបង្គាប់ឱ្យអ៊ីស្រាអែលបើកច្រកឆ្លងកាត់ទីក្រុង Rafah រវាងអេហ្ស៊ីប និងតំបន់ហ្កាហ្សា ដើម្បីអនុញ្ញាតឲ្យមានការដឹកជញ្ជូនជំនួយមនុស្សធម៌ចូលទៅក្នុងតំបន់ហ៊ុមព័ទ្ធ។បាតុករ អ្នកស្រី អ៊ីមម៉ាន ខាសាណេ(Eman Khasawneh) បាននិយាយថាតុលាការយុត្តិធម៌អន្តរជាតិ (ICJ) គួរតែបង្គាប់ឱ្យមានបទឈប់បាញ់ ដែលការចេញសេចក្តីសម្រេចរបស់តុលាការនៅពេលនេះ មិនគ្រប់គ្រាន់នៅឡើយទេ។ យើងកោតសរសើរចំពោះការចេញសេចក្តីសម្រេចឲ្យបញ្ឈប់ប្រតិបត្តិការនៅទីក្រុង Rafah ប៉ុន្តែវាមិនទាន់គ្រប់គ្រាន់។អ៊ីស្រាអែល បានច្រានចោល ការចោទប្រកាន់ករណីប្រល័យពូជសាសន៍ ម្តងហើយម្តងទៀតថា ការចោទប្រកាន់នេះ «គ្មានមូលដ្ឋាន» ដោយលើកហេតុផលនៅក្នុងតុលាការថា ប្រតិបត្តិការរបស់ខ្លួននៅតំបន់ហ្កាហ្សា គឺជាការ ការពារខ្លួន និងបានដាក់គោលដៅតែទៅលើក្រុមសកម្មប្រយុទ្ធហាម៉ាស ដែលបានវាយប្រហារលើអ៊ីស្រាអែល កាលពីថ្ងៃទី ៧ ខែតុលា។

ចំនួនអ្នកស្លាប់ជនជាតិប៉ាឡេស្ទីន នៅតំបន់ហ្កាហ្សា កើនឡើងលើសពី ៣៥.៨០០ នាក់

អាជ្ញាធរសុខាភិបាលប៉ាឡេស្ទីន បាននិយាយនៅក្នុងសេចក្តីថ្លែងការណ៍មួយចេញផ្សាយកាលពីថ្ងៃព្រហស្បតិ៍ (២៣ ឧសភា) ថា ចំនួនអ្នកស្លាប់របស់ប៉ាឡេស្ទីន ពីការវាយប្រហារដែលកំពុងបន្តរបស់អ៊ីស្រាអែល នៅតំបន់ហ្កាហ្សាស្ទ្រីប បានកើនឡើងដល់ជាង ៣៥.៨០០ នាក់ និងរបួសជាង ៨០.០០០ នាក់។ យោងតាមសេចក្តីថ្លែងការណ៍បានឱ្យដឹងថា ក្នុងរយៈពេល ២៤ ម៉ោងកន្លងទៅ ប្រតិបត្តិការយោធាអ៊ីស្រាអែល នៅតំបន់ហ្កាហ្សា បានបណ្តាលឱ្យមនុស្ស ៩១ នាក់ស្លាប់។តាំងពីយប់ថ្ងៃពុធមក យោធាអ៊ីស្រាអែល បានធ្វើការវាយប្រហារតាមអាកាសលើតំបន់ជាច្រើននៅភាគកណ្តាល និងភាគខាងជើងហ្កាហ្សា។ កាលពីថ្ងៃព្រហស្បត្តិ៍ យោធានិយាយថា ខ្លួនមិនទាន់បានបើកការវាយលុកដ៏ធំលើទីក្រុងរ៉ាហ្វា ភាគខាងត្បូងអេហ្ស៊ីប ដែលជាអ្នកជិតខាងរបស់តំបន់ហ្កាហ្សា នៅឡើយទេ ប៉ុន្តែកំពុងពង្រឹងការប្រយុទ្ធរបស់ខ្លួន ហើយនឹងបញ្ជូនទាហានបន្ថែមទៀតទៅកាន់ទីក្រុងនេះ។អ្នកនាំពាក្យកងកម្លាំងការពារអ៊ីស្រាអែល (IDF) លោក ដានីញ៉ែល ហាហ្ការី (Daniel Hagari) បាននិយាយកាលពីថ្ងៃព្រហស្បតិ៍ថា រហូតមកដល់ពេលនេះ កងកម្លាំងអ៊ីស្រាអែល បានសម្លាប់យុទ្ធជនប្រដាប់អាវុធរាប់សិបនាក់នៅក្នុងទីក្រុងរ៉ាហ្វា បានរកឃើញផ្លូវរូងក្រោមដីរាប់សិបកន្លែង និងបានបំផ្លាញទីតាំងយោធា រួមទាំងកន្លែងបាញ់គ្រាប់រ៉ូកែតផងដែរ។អាជ្ញាធរសុខាភិបាលហ្កាហ្សា បាននិយាយកាលពីយប់ថ្ងៃព្រហស្បតិ៍ថា ស្តុកប្រេងឥន្ធនៈសម្រាប់មន្ទីរពេទ្យ អាល់អាកសា ម៉ាទីស (Al-Aqsa Martyrs) កំពុងជិតអស់ ហើយមន្ទីរពេទ្យនឹងឈប់ដំណើរការ ដោយធ្វើឱ្យអ្នករងរបួស ស្ថិតក្នុងស្ថានភាពគំរាមកំហែងដល់អាយុជីវិត៕

មនុស្ស១១នាក់ ស្លាប់ ក្នុងការផ្ទុះរោងចក្រផលិតស្ករស នៅប្រទេសតង់ហ្សានី

មន្ត្រីតំបន់ និយាយថា ជនបរទេសបីនាក់មកពីប្រទេសប្រេស៊ីល កេនយ៉ា និងប្រទេសឥណ្ឌា ព្រមទាំងអ្នកបច្ចេកទេសនៅប្រទេសតង់ហ្សានីចំនួន៨នាក់ បានស្លាប់ ហើយពីរនាក់ផ្សេងទៀត បានរងរបួសធ្ងន់ កាលពីថ្ងៃព្រហស្បតិ៍ ក្នុងការផ្ទុះនៅរោងចក្រផលិតស្ករសមួយកន្លែងក្នុងតំបន់ Morogoro ភាគខាងកើត ប្រទេសតង់ហ្សានី។ លោក Shaban Marujugo មេបញ្ជាការក្រុមពន្លត់អគ្គិភ័យក្នុងតំបន់ Morogoro បាននិយាយថា ការផ្ទុះបានកើតឡើងនៅរោងចក្រផលិតស្ករស អ៊ឹមទីបវ៉ា(Mtibwa)។លោក ជូម៉ា រ៉ាម៉ាដហាន ប៉ាឡាំបា (Juma Ramadhan Palamba) បុគ្គលិកផ្នែកអគ្គិសនីនៅរោងចក្រ បាននិយាយថា ការផ្ទុះនេះបានកើតឡើងបន្ទាប់ពីបន្ទប់ត្រួតពិនិត្យ ជាកន្លែងដែលបុគ្គលិកអគ្គិសនី កំពុងធ្វើតេស្ត ប្រព័ន្ធកម្តៅដែលជួសជុលថ្មី សម្រាប់ការផលិតស្ករស។ ការផ្ទុះកើតឡើង បន្ទាប់ពីបំពង់បញ្ចេញចំហាយចូលទៅក្នុងឡចំហាយ បានផ្ទុះ។ លោក និយាយថា ប្រព័ន្ធដែលបានជួសជុលថ្មី គ្រោងនឹងចាប់ផ្តើមប្រតិបត្តិការនៅថ្ងៃសុក្រនេះ។ លោកនិយាយថា លោកបានរត់គេចខ្លួនចេញដោយគ្មានរបួសនោះទេ ដោយសារតែបានចាកចេញពីបន្ទប់ត្រួតពិនិត្យ ដើម្បីទៅទទួលទូរស័ព្ទនៅពេលមានការផ្ទុះ។ស្នងការប្រចាំតំបន់ Morogoro លោក Adam Malima កាលពីថ្ងៃព្រហស្បតិ៍ បានបញ្ជាឱ្យបិទរោងចក្រផលិតស្ករសនេះ រយៈពេលបីថ្ងៃបន្ទាប់ពីការផ្ទុះ ដែលលោកបាននិយាយថា នឹងត្រួសត្រាយផ្លូវសម្រាប់កងកម្លាំងពន្លត់អគ្គិភ័យនិងជួយសង្គ្រោះរបស់ប្រទេសតង់ហ្សានី ដើម្បីស៊ើបអង្កេតពីមូលហេតុនៃឧបទ្ទវហេតុ។ បន្ទាប់ពីការផ្ទុះ រដ្ឋមន្ត្រីក្រសួងឧស្សាហកម្ម និងពាណិជ្ជកម្ម លោក Ashatu Kijaji និងរដ្ឋមន្ត្រីក្រសួងកសិកម្ម លោក Hussein Bashe បានទៅពិនិត្យមើលរោងចក្រ និងបានសន្យា ពីការគាំទ្ររបស់រដ្ឋាភិបាល ក្នុងការជួសជុលការខូចខាត បណ្តាលមកពីការផ្ទុះ។

មនុស្ស១២នាក់ស្លាប់ នៅក្នុងការបាញ់ផ្លោងរបស់អ៊ីស្រាអែលលើមន្ទីរពេទ្យ Deir Al-Balah តំបន់ ហ្កាហ្សា

វេជ្ជបណ្ឌិតប្រចាំនៅមន្ទីរពេទ្យ បាននិយាយថា ប្រជាជនប៉ាឡេស្ទីន១២នាក់បានស្លាប់ នៅពេលដែលកងកម្លាំងអ៊ីស្រាអែល បានបាញ់ផ្លោងធ្លាក់ទៅលើឃ្លាំងមួយកន្លែងរបស់ក្រសួងសុខុមាលភាព នៅភាគខាងកើតទីក្រុង ឌែ អាល់ បាឡា(Deir Al-Balah) តំបន់ហ្កាហ្សាស្ទ្រីបភាគកណ្តាល កាលពីថ្ងៃព្រហស្បតិ៍។សាកសពនិងអ្នករងរបួស ត្រូវបានគេដឹកយកទៅមន្ទីរពេទ្យ អាល់ អាកសា ម៉ាទី(Al-Aqsa Martyrs) ក្នុងទីក្រុង Deir Al-Balah។លោកវេជ្ជបណ្ឌិត ខាលី អាល់ដេហ្គ្រាន(Khalil al Degran) បាននិយាយថា មនុស្ស១២នាក់ បានស្លាប់ក្នុងអំឡុងពេលការបាញ់ផ្លោងសម្លាប់រង្គាល ភាគច្រើនជាស្ត្រីនៅទីក្រុង Deir Al-Balah។ទាំងនេះត្រូវបានកំណត់គោលដៅដោយការបាញ់ផ្លោងពីរថក្រោះ។ សាកសពភាគច្រើន ត្រូវបានឆេះខ្លោច ហើយអ្នករងរបួសជាង៣០នាក់ បានទៅដល់មន្ទីរពេទ្យ។លោកបាននិយាយបន្ថែមថា មន្ទីរពេទ្យនេះ ជាមន្ទីរពេទ្យដែលនៅសល់តែមួយគត់នៅភាគកណ្តាលតំបន់ហ្កាហ្សា អាចឈប់ដំណើរការដោយសារតែខ្វះប្រេងសម្រាប់ម៉ាស៊ីនភ្លើង។ប្រជាជន និយាយថា រថក្រោះអ៊ីស្រាអែល បានរុលចូលទៅមុខទៅភាគអាគ្នេយ៍ទីក្រុង Rafah ឆ្ពោះទៅកាន់សង្កាត់ Yibna ភាគខាងលិចទីក្រុង ហើយបន្តប្រតិបត្តិការនៅតំបន់ជាយក្រុងភាគខាងកើតចំនួនបីតំបន់។ការវាយលុករបស់អ៊ីស្រាអែល ក្នុងពេលដំណាលគ្នានៅតំបន់ជាយភាគខាងជើង និងជាយខាងត្បូង តំបន់ហ្កាហ្សាក្នុងខែនេះ បានបណ្តាលឱ្យប្រជាជនប៉ាឡេស្ទីនរាប់សែននាក់ជម្លៀសខ្លួនជាថ្មីទៀត ជាអ្នកដែលបានភៀសខ្លួនចេញពីលំនៅឋានរបស់ពួកគេម្តងរួចមកហើយ ហើយការវាយលុកនេះ បានកាត់ផ្តាច់ផ្លូវចូលសំខាន់ៗសម្រាប់ការដឹកជញ្ចូនជំនួយ ដែលបង្កើនហានិភ័យនៃគ្រោះទុរ្ភិក្ស។

ស្នងការនគរបាលរាជធានីភ្នំពេញ ចេញបទបញ្ជាដល់អធិការខណ្ឌទាំងអស់ចេញល្បាតទ្វេដង ដើម្បីបង្ក្រាបក្មេងទំនើង

ភ្នំពេញ ៖ លោកឧត្តមសេនីយ៍ឯក ជួន ណារិន្ទ ស្នងការនគរបាលរាជធានីភ្នំពេញ បានចេញបទបញ្ជាដល់អធិការខណ្ឌទាំងអស់ចេញល្បាតទ្វេដង ដើម្បីបង្ក្រាបក្មេងទំនើងដែលកំពុងបន្តកើនឡើង។ថ្លែងក្នុងសន្និសីទសារព័ត៌មានស្តីពីការទប់ស្កាត់ និងបង្ក្រាបក្មេងទំនើង នៅថ្ងៃទី២៣ ខែឧសភា ឆ្នាំ២០២៤ លោកឧត្តមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ បានឱ្យដឹងថា តបតាមអនុសាសន៍របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី ស្នងការដ្ឋាននគរបាលរាជធានីភ្នំពេញ បានដាក់វិធានការ និងបង្ក្រាបលើបញ្ហាក្មេងទំនើងតាមទីកម្សាន្តសប្បាយភាព និងទីសាធារណៈ ដែលបញ្ហានេះត្រូវបានដាក់ចេញជាវិធានការចាំបាច់ទៅដល់អធិការដ្ឋានខណ្ឌទាំង១៤ក្នុងរាជធានីភ្នំពេញ។ ពាក់ព័ន្ធនឹងវិធានការបង្ក្រាបក្មេងទំនើង លោកឧត្តមសេនីយ៍ឯក ជួន ណារិន្ទ បញ្ជាក់ថា ក្នុងនាមស្នងការដ្ឋាននគរបាលរាជធានីភ្នំពេញបានដាក់ចេញបទបញ្ជាជាបន្ទាន់ដល់អធិការខណ្ឌទាំង១៤ ដោយរៀបចំកម្លាំងធ្វើការចុះតាមដាន និងត្រួតពិនិត្យទ្វេដងក្នុងភូមិសាស្រ្តរបស់ខ្លួន។ ជាមួយបញ្ហានេះ លោកឧត្តមឋេនីយ៍ឯក បានអំពាវនាវ និងស្នើឱ្យមានកិច្ចសហការរួមគ្នាជាមួយនគរបាល ក៏ដូចជាតាមបណ្តាគណៈគ្រប់គ្រងសាលារៀន និងអាណាព្យាបាលរបស់យុវជនទាំងអស់ចូលរួមអប់រំ និងបញ្ជៀបការយល់ដឹងអំពីការលុបបំបាត់បញ្ហាក្មេងទំនើងតាមរយៈយុទ្ធនាការសាធារណអប់រំដល់សិស្សានុសិស្ស។លោកឧត្តមសេនីយ៍ឯក បន្ថែមថា គិតត្រឹមខែឧសភានេះ ការទប់ស្កាត់ និងបង្ក្រាបបទល្មើសក្មេងទំនើង នគរបាលបង្ក្រាបបានចំនួន២០ករណី និងឃាត់ខ្លួនមនុស្សចំនួន៤៦នាក់ ខណៈ៤២នាក់ត្រូវបានបញ្ជូនខ្លួនទៅសាលាដំបូងរាជធានីភ្នំពេញ ដើម្បីអនុវត្តទៅតាមនីតិវិធីច្បាប់។អត្ថបទ៖ សេក ឧត្តម

ការវាយឆ្មក់របស់អ៊ីស្រាអែលនៅតំបន់វេសបែង ឈានចូលដល់ថ្ងៃទី២ បន្ទាប់ពីមនុស្ស ៨នាក់ បានស្លាប់

អ្នកឆ្លើយឆ្លងព័ត៌មាន AFP ម្នាក់ បានរាយការណ៍ថា កងកម្លាំងអ៊ីស្រាអែល បានវាយឆ្មក់ចូលទីក្រុងទីក្រុងជេនីន (Jenin)នៃតំបន់វេសបែង កាលពីថ្ងៃពុធ មួយថ្ងៃបន្ទាប់ពីទាហាន បានសម្លាប់ជនជាតិប៉ាឡេស្ទីន ៨នាក់។អ្នកឆ្លើយឆ្លងព័ត៌មាននោះ បាននិយាយថា កងទ័ពបានប្រយុទ្ធជាមួយក្រុមសកម្មប្រយុទ្ធ នៅក្នុងជំរំជនភៀសខ្លួននៅក្នុងទីក្រុងនេះ សម្រាប់ថ្ងៃទី២ ជាមួយនឹងការផ្ទុះ និងការបាញ់កាំភ្លើងពីខាងក្នុង ខណៈដែលទាហាននៅក្នុងរថពាសដែកអ៊ីស្រាអែល បានបាញ់ទៅលើយុវជនពាក់ម៉ាស់ នៅកណ្តាលទីក្រុង។ក្រសួងសុខាភិបាលប៉ាឡេស្ទីននៅទីក្រុងរ៉ាម៉ាឡា បាននិយាយថា កងកម្លាំងអ៊ីស្រាអែល បានសម្លាប់មនុស្ស ៨នាក់ និង២៤នាក់បានរងរបួស អំឡុងពេលការប្រយុទ្ធគ្នា ដែលបានចាប់ផ្តើមកាលពីព្រឹកថ្ងៃ អង្គារ។អ្នកឆ្លើយឆ្លងព័ត៌មាន AFP ម្នាក់កាលពីថ្ងៃអង្គារ បានឃើញសាកសព ៤នាក់ នៅឯកន្លែងបញ្ចុះសពរបស់មន្ទីរពេទ្យរដ្ឋាភិបាល Khalil Suleiman នៅក្នុងទីក្រុងជេនីន។កងទ័ពអ៊ីស្រាអែល បាននិយាយកាលពីថ្ងៃពុធថា កងទ័ពបាន «បានបាញ់តគ្នាជាមួយបុរសប្រដាប់អាវុធ និងបានសម្លាប់ភេរវករជាច្រើននាក់ រួមទាំងភេរវករពីរនាក់ ដែលបានគប់គ្រឿងផ្ទុះ ទៅលើកងកម្លាំង។ទីភ្នាក់ងារសារព័ត៌មានផ្លូវការរបស់ប៉ាឡេស្ទីន Wafa និងអង្គការសប្បុរសធម៌ ក្រុមគ្រូពេទ្យគ្មាព្រំដែន(Doctors Without Borders) បានរាយការណ៍ថា គ្រូពេទ្យវះកាត់ឈ្មោះ Usaeed Jabareen មកពីមន្ទីរពេទ្យរដ្ឋ គឺស្ថិតក្នុងចំណោមអ្នកស្លាប់ទាំងនោះ។

អ៊ីស្រាអែល បានសម្លាប់យុទ្ធជនហាម៉ាសពី ៣០ទៅ៣៥ភាគរយ នៅតំបន់ហ្កាហ្សា

ទីភ្នាក់ងារចារកម្មអាមេរិក ជឿជាក់ថា អ៊ីស្រាអែល បានសម្លាប់ភេរវករហាម៉ាសពី ៣០ទៅ៣៥ភាគរយប៉ុណ្ណោះ ដែលជាផ្នែកមួយនៃក្រុមនេះ មុនពេលការវាយប្រហារថ្ងៃទី៧ ខែតុលា។សារព័ត៌មាន Politico បានរាយការណ៍ថា លើសពីនេះទៀត ៦៥ភាគរយនៃបណ្តាញផ្លូវរូងក្រោមដីដ៏ធំ ដែលក្រុមហាម៉ាស បានប្រើដើម្បីធ្វើការវាយប្រហារ នៅមានដដែល។សារព័ត៌មាននេះ ក៏បាននិយាយផងដែរថា មន្ត្រីអាមេរិកជឿថា ក្រុមហាម៉ាស បានជ្រើសរើសសមាជិកថ្មីរាប់ពាន់នាក់ ក្នុងរយៈពេលប៉ុន្មានខែថ្មីៗនេះ។មន្ត្រីសំខាន់ៗមកពីរដ្ឋបាលលោក បៃដិន បានសម្តែងការភ័យខ្លាចថា អ៊ីស្រាអែល កំពុងខ្ជះខ្ជាយឱកាសរបស់ខ្លួនក្នុងការកម្ចាត់ក្រុមហាម៉ាស ដោយបានរិះគន់ជាសាធារណៈនូវយុទ្ធសាស្ត្ររបស់អ៊ីស្រាអែល នៅតំបន់ហ្កាហ្សាស្ទ្រីបថា ជា «ការបរាជ័យខ្លួនឯងទៅវិញ» និង «ទំនងជានឹងបើកឱកាសឲ្យក្រមហាម៉ាសវិលត្រឡប់មកវិញ»។ប្រទេសអ៊ីស្រាអែល បានប្តេជ្ញាថា នឹងកម្ទេចនិងបំផ្លាញក្រុមហាម៉ាស ជាការឆ្លើយតបនឹងការវាយប្រហារកាលពីថ្ងៃទី៧ ខែតុលា ដែលមនុស្សប្រហែល ១.២០០ នាក់ត្រូវបានសម្លាប់ និងជាង ២៥០នាក់ ត្រូវបានចាប់ជាចំណាប់ថ្នូរ។

បណ្ដាញសង្គម

ព័ត៌មានថ្មីៗ

អ៊ីស្រាអែលប្រើប្រាស់គ្រឿងចក្រ ដើម្បីគាស់រំលើងដើមឈើរាប់រយដើម នៅក្នុងភូមិនៃតំបន់ West Bank

មន្ត្រីនិយាយថា កងទ័ពអាកាសនីហ្សេរីយ៉ា ជួយសង្គ្រោះជនរងគ្រោះដែលត្រូវបានចាប់ពង្រត់ជាង ៧០នាក់

UNICEF៖ គ្រោះទុរ្ភិក្សនៅហ្កាហ្សា កើតចេញពីបរាជ័យក្នុងការផ្តល់ជំនួយ មិនមែនមកពីកង្វះស្បៀងទេ

WSJ រាយការណ៍ថា មន្ទីរបញ្ចកោណដាក់កំហិតលើអ៊ុយក្រែន ក្នុងការប្រើមីស៊ីលអាមេរិក ប្រឆាំងនឹងរុស្ស៊ី

ការស្ទង់មតិ៖ អត្រាគាំទ្ររបស់នាយករដ្ឋមន្ត្រីជប៉ុន Ishiba កើនឡើង ទោះជាចាញ់ឆ្នោតក៏ដោយ

របបសឹកមីយ៉ាន់ម៉ា និយាយថា ស្ពានផ្លូវរថភ្លើងដ៏ប្រវត្តិសាស្ត្ររបស់ប្រទេស «ត្រូវបានបំផ្ទុះ និងបំផ្លាញ»

សហរដ្ឋអាមេរិក បញ្ជាក់ករណីដង្កូវស៊ីសាច់ក្នុងខ្លួនមនុស្ស ស្របពេលការផ្ទុះឡើងនៅអាមេរិកកណ្តាល

លោកជំទាវ ចម និម្មល អញ្ជើញដឹកនាំកិច្ចប្រជុំគណៈកម្មការអន្តរក្រសួងដើម្បីរៀបចំ និងចូលរួមពិព័រណ៍ពិភពលោក និងពិព័រណ៍ពាណិជ្ជកម្មអន្តរជាតិ

ឧត្តមសេនីយ៍ឯក ឯក សំអូន៖ កម្ពុជា-ថៃ នឹងខិតខំដោះស្រាយបញ្ហាដោយសន្តិវិធីជៀសវាងការប៉ះទង្គិចគ្នា

កិច្ចប្រជុំ RBC ព្រឹកនេះ កម្ពុជា និងថៃ បានប្តេជ្ញាចិត្តធ្វើការរួមគ្នាឆ្ពោះទៅស្តារប្រក្រតីភាពឡើងវិញ នៅតាមតំបន់ព្រំដែន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877