BTV NEWS

ជាង៧ខែ កម្ពុជាបណ្តេញជនបរទេសចេញជាង ៥ម៉ឺននាក់ ពាក់ព័ន្ធ Online Scams និងការប្រព្រឹត្តបទល្មើសផ្សេងៗ

ឆមាសទី១ឆ្នាំនេះ សមត្ថកិច្ចបង្ក្រាបបទល្មើសជួញដូរមនុស្ស និងអាជីវកម្មផ្លូវភេទជាង ១១០ករណី និងសង្គ្រោះបាន ៥៨១នាក់

មនុស្ស៦នាក់ស្លាប់ និងម្នាក់រងរបួសធ្ងន់ក្នុងប្រតិបត្តិការបង្ក្រាបគ្រឿងញៀននៅវាលវែង

ក្រសួងព័ត៌មានអប់រំណែនាំក្រុមអ្នកផលិតមាតិកា ២ក្រុម គឺ «ក្រុមនាយក្រឹប» និង «ក្រុមគ្រូតឿ» ដែលបានផលិតផ្សព្វផ្សាយមាតិកាមិនសមរម្យ និងបំពានលើក្រមសីលធម៌

សន្តិសុខ និង សង្គម

ទឹកជំនន់នៅខេត្ត Nova Scotia បណ្តាលឲ្យមានការខូចខាតនឹកស្មានមិនដល់ ខណៈមនុស្ស ៤នាក់បាត់ខ្លួន

ក្រុមមន្ត្រីបាននិយាយកាលពីថ្ងៃសៅរ៍ (ទី២២ ខែកក្កដា) ថា ភ្លៀងធ្លាក់ខ្លាំងបំផុត ដែលបានវាយប្រហារខេត្តអាត្លង់ទិក Nova Scotia របស់ប្រទេសកាណាដា ជាលើកដំបូងក្នុងរយៈពេលជាង ៥០ឆ្នាំ បានបង្កជាទឹកជំនន់ដែលបណ្តាលឲ្យមានការខូចខាត «មិនអាចនឹកស្មានដល់» ហើយពេលនេះ មនុស្ស ៤នាក់បានបាត់ខ្លួន ក្នុងនោះក៏មានកុមារ ២នាក់ផងដែរ។ខ្យល់ព្យុះ ដែលបានចាប់ផ្តើម កាលពីថ្ងៃសុក្រ (ទី២១ ខែកក្កដា) បានធ្វើឲ្យមានកម្រិតទឹកជាង ២៥សង់ទីម៉ែត្រ នៅផ្នែកខ្លះក្នុងរយៈពេលត្រឹមតែ ២៤ម៉ោងប៉ុណ្ណោះ ពោលគឺជាបរិមាណដូចគ្នាដែលជាធម្មតាមានភ្លៀងធ្លាក់ក្នុងរយៈពេល ៣ខែ។ ទឹកជំនន់នេះបានបំផ្លាញផ្លូវថ្នល់ ធ្វើឲ្យស្ពានមានសភាពយ៉ាប់យ៉ឺន និងអគារនានាលិចទឹក។ទឹកជំនន់គឺជាគ្រោះមហន្តរាយចុងក្រោយបង្អស់ទាក់ទងនឹងអាកាសធាតុ ដែលបានវាយលុកប្រទេសកាណាដា ក្នុងឆ្នាំនេះ។ មុននេះចំហេះព្រៃបានបំផ្លាញផ្ទៃដីរាប់ហិកតារួចហើយ ដោយសំណុំផ្សែងពីការឆេះនេះ បានអណ្ដែតចូលទៅបង្កបញ្ហាដល់សហរដ្ឋអាមេរិក។ ស្ថានភាពទឹកជំនន់ បានជំរុញឲ្យអាជ្ញាធរប្រកាសភាពអាសន្ន នៅទីក្រុង Halifax ដែលជាទីក្រុងធំបំផុតនៅខេត្ត Nova Scotia និងតំបន់ចំនួន៤ ផ្សេងទៀត។កាលព្រឹកថ្ងៃសៅរ៍ អាជ្ញាធរនៅភាគខាងជើងខេត្ត Nova Scotia បានបញ្ជាឲ្យអ្នកស្រុកជម្លៀសខ្លួន ដោយសារមានការភ័យខ្លាចថា ទំនប់នៅជិតប្រព័ន្ធទន្លេ St. Croix (សាំង គ្រ័រ) អាចបាក់ តែក្រោយមកបានលុបចោលបញ្ជាជម្លៀសនោះវិញ៕

ការតវ៉ាទ្រង់ទ្រាយធំ បានកើតឡើងប្រឆាំងនឹងការព្រួតវាយដំលើស្ត្រី នៅក្នុងរដ្ឋ Manipur ប្រទេសឥណ្ឌា

មនុស្សរាប់ពាន់នាក់ ដែលភាគច្រើនជាស្ត្រី កាលពីថ្ងៃសៅរ៍ (ទី២២ ខែកក្កដា) បាននាំគ្នាអង្គុយតវ៉ាក្នុងទ្រង់ទ្រាយធំ នៅភាគឦសានរដ្ឋ Manipur របស់ប្រទេសឥណ្ឌា ដែលទទួលរងនូវអំពើហិង្សា ដោយទាមទារឲ្យចាប់ខ្លួនជាបន្ទាន់នូវអ្នកដែលពាក់ព័ន្ធនឹងការព្រួតគ្នាវាយដំយ៉ាងឃោឃៅលើស្ត្រី ២នាក់ ដែលត្រូវបានបង្ខំឲ្យដើរដង្ហែតាមដងផ្លូវទាំងអាក្រាតកាយ។បណ្ដាមេដឹកនាំខាងសាសនា និងអង្គការស្ត្រី បាននិយាយប្រាស្រ័យទៅកាន់អ្នកចូលរួមបាតុកម្មជិត ១៥.០០០នាក់ ដែលបានអំពាវនាវឲ្យបណ្តេញលោក Biren Singh ដែលជាមន្ត្រីជាប់ឆ្នោតលំដាប់ខ្ពស់នៅក្នុងរដ្ឋ ដែលមានមនុស្សជាង ១៣០នាក់ ត្រូវបានសម្លាប់ ចាប់តាំងពីអំពើហិង្សា រវាងក្រុមជនជាតិភាគតិច២ បានផ្ទុះឡើង កាលពីដើមខែឧសភា។ ការតវ៉ានេះត្រូវបានធ្វើឡើងនៅសង្កាត់ Churachandpur ជាទីប្រជុំជនមានចម្ងាយ ៦៥គីឡូម៉ែត្រភាគខាងត្បូងក្រុង Imphal ដែលនេះជារដ្ឋធានីរបស់រដ្ឋ Manipur។សូមបញ្ជាក់ថា កាលពីល្ងាចថ្ងៃពុធ (ទី១៩ ខែកក្កដា) វីដេអូដែលបង្ហាញពីការវាយដំលើនារីភេទ បានបង្កឲ្យមានការខឹងសម្បាយ៉ាងខ្លាំង និងត្រូវបានចូលរួមចែករំលែកយ៉ាងសុសសាយ នៅលើបណ្ដាញសង្គម បើទោះបីជាប្រព័ន្ធអ៊ិនធឺណិត ត្រូវបានបិទដោយភាគច្រើន ហើយអ្នកសារព័ត៌មានត្រូវបានរារាំងមិនឲ្យចូលទៅរដ្ឋដាច់ស្រយាលមួយនេះក៏ដោយ។ ខ្សែវីដេអូនោះបង្ហាញពីស្ត្រីអាក្រាតកាយ ២នាក់ ដែលត្រូវបានឡោមព័ទ្ធដោយយុវជនជាច្រើននាក់ ដែលនាំគ្នាលូកស្ទាបលើកេរ្តិ៍ខ្មាសរបស់នារីទាំង ២នាក់នោះ មុននឹងទាញអូសជនរងគ្រោះទៅកាន់ទីវាល ដើម្បីរំលោភ។នគរបាលបាននិយាយថា ការបំពារបំពាននេះបានកើតឡើង នៅថ្ងៃទី៤ ខែឧសភា ពោលគឺ ១ថ្ងៃបន្ទាប់ពីមានអំពើហិង្សាផ្ទុះឡើង។ ការតវ៉ានេះស្រែកចោទប្រកាន់ពីការរំលោភសេពសន្ថវៈ និងការសម្លាប់ដោយ «ពួកទមិឡមិនស្គាល់មុខ»។ រដ្ឋាភិបាលប្រចាំរដ្ឋ កាលពីថ្ងៃសៅរ៍ (ទី២២ ខែកក្កដា) បានប្រកាសពីការចាប់បានជនសង្ស័យទី៥ ហើយអគ្គស្នងការនគរបាល់របស់រដ្ឋ លោក Rajiv Singh បាននិយាយថា នគរបាលកំពុងឆ្មក់ចូលចាប់ខ្លួនជនសង្ស័យផ្សេងទៀត៕

មនុស្ស ១១នាក់បានស្លាប់ សង្ស័យថា ជាការវាយប្រហារដោយដុតភ្លើង នៅបារភាគខាងជើងប្រទេសម៉ិកស៊ិក

អាជ្ញាធរក្នុងរដ្ឋ Sonora បាននិយាយកាលពីថ្ងៃសៅរ៍ (ទី២២ ខែកក្កដា) ថា មនុស្ស ១១នាក់ បានសម្លាប់នៅក្នុងការវាយប្រហារដោយការដុតបារមួយកន្លែង ក្នុងទីក្រុង San Luis Rio Colorado នៅព្រំដែនភាគខាងជើងប្រទេសម៉ិកស៊ិក ដោយហរតុការណ៍នោះ កើតឡើង បន្ទាប់ពីភ្ញៀវមួយរូប ដែលត្រូវបានបណ្តេញចេញ បានដុតបារនោះដោយគ្រាប់បែកភ្លើង ។រដ្ឋអាជ្ញារបស់រដ្ឋ Sonora បានប្រាប់ថា ការរកឃើញបឋមបង្ហាញថា ជនសង្ស័យមានវ័យក្មេង ភេទប្រុស និងស្ថិតក្នុងស្ថានភាពស្រវឹងខ្លាំង អំឡុងបង្កបញ្ហារករឿងអ្នកដទៃ នាព្រឹកថ្ងៃសៅរ៍នោះ ហើយត្រូវបានគេបណ្តេញចេញពីរបារ ដោយសារការមិនគោរពចំពោះនារីៗ នៅទីនោះ។យោងតាមសេចក្តីថ្លែងការណ៍របស់រដ្ឋអាជ្ញានៅក្នុងរដ្ឋដែលមានព្រំដែនយ៉ាងវែងជាមួយរដ្ឋ Arizona បានឲ្យដឹងថា បន្ទាប់មក ជននោះបានត្រឡប់មកវិញ ហើយបានគប់គ្រាប់បែកភ្លើង នៅមាត់ទ្វារចូល ដែលបង្កជាអគ្គិភ័យឆាបឆេះឡើង។ អាជ្ញាធរបានបន្ថែមថា ជនរងគ្រោះ ៤នាក់ ក្នុងចំណោមអ្នកស្លាប់ ១១នាក់ ជាស្ត្រី ហើយមនុស្ស ៤នាក់ទៀត កំពុងសម្រាកព្យាបាលនៅមន្ទីរពេទ្យ ដើម្បីព្យាបាលរបួសរបស់ពួកគេ។អភិបាលក្រុងលោក Santos Gonzalez បាននិយាយថា ជនសង្ស័យជាបុរសនោះ ត្រូវបាននគរបាលចាប់ខ្លួនហើយ៕

វិមានក្រឹមឡាំង៖ អ៊ុយក្រែនបង្កគ្រោះថ្នាក់ដល់ការដឹកជញ្ជូនផ្នែកស៊ីវិលនៅសមុទ្រខ្មៅ

វិមានក្រឹមឡាំងបាននិយាយកាលពីថ្ងៃសុក្រថា អ្វីដែលខ្លួនហៅថាជាសកម្មភាពមិនអាចស្មានទុកជាមុនបានរបស់អ៊ុយក្រែនបានបង្កគ្រោះថ្នាក់ដល់ការដឹកជញ្ជូនផ្នែកស៊ីវិលនៅសមុទ្រខ្មៅ ហើយបានចោទប្រកាន់ទីក្រុង Kyiv ថាបានធ្វើការវាយប្រហារភេរវកម្មនៅក្នុងតំបន់។រុស្ស៊ីបាននិយាយនៅសប្តាហ៍នេះថា នាវាទាំងអស់ដែលធ្វើដំណើរទៅកាន់កំពង់ផែសមុទ្រខ្មៅរបស់អ៊ុយក្រែន អាចចាត់ទុកថា ជាគោលដៅយោធា ហើយប្រទេសដែលមានទង់ជាតិរបស់ពួកគេជាភាគីនៃជម្លោះនៅខាងអ៊ុយក្រែន បន្ទាប់ពីរុស្ស៊ីបានដកការធានាសន្តិសុខរបស់ខ្លួនដោយការបោះបង់ចោលកិច្ចព្រមព្រៀងគ្រាប់ធញ្ញជាតិសមុទ្រខ្មៅ។ចាប់តាំងពីពេលនោះមក កងទ័ពជើងទឹករបស់ខ្លួនបានអនុវត្តការបាញ់គ្រាប់រ៉ុក្កែតលើគោលដៅលើទឹក និងរឹបអូសនាវា ទោះបីជាឯកអគ្គរដ្ឋទូតរបស់ទីក្រុងមូស្គូប្រចាំនៅទីក្រុងវ៉ាស៊ីនតោនកាលពីថ្ងៃព្រហស្បតិ៍ បានបដិសេធផែនការណាមួយក្នុងការវាយប្រហារលើនាវាស៊ីវិលក៏ដោយ។ នៅពេលសួរថាតើនាវាដឹកប្រេងរុស្ស៊ី និងទំនិញផ្សេងទៀតពីកំពង់ផែសមុទ្រខ្មៅរបស់រុស្ស៊ីមានហានិភ័យដែរឬទេ ហើយថាតើរុស្ស៊ីនឹងផ្លាស់ប្តូរផ្លូវនាវារបស់ខ្លួននៅសមុទ្រខ្មៅដែរឬទេ លោក Peskov បានប្រាប់អ្នកសារព័ត៌មានថា ក្រសួងរដ្ឋាភិបាលនឹងធ្វើការសម្រេចចិត្តពីស្ថានភាពកំពុងត្រូវបានវិភាគ ហើយភ្នាក់ងារទទួលខុសត្រូវរបស់យើងនឹងបង្កើតអនុសាសន៍សមស្របដើម្បីកាត់បន្ថយគ្រោះថ្នាក់។

ទីប្រឹក្សាសន្តិសុខជាតិអាមេរិក៖ ក្រុមហ៊ុន Wagner មិនកំពុងប្រយុទ្ធនៅអ៊ុយក្រែនទេនៅពេលនេះ

ទីប្រឹក្សាសន្តិសុខជាតិសេតវិមានលោក Jake Sullivan បាននិយាយទៅកាន់វេទិកាសន្តិសុខ Aspen កាលពីថ្ងៃសុក្រទី២១ ខែកក្កដាថា ក្រុមទាហានស៊ីឈ្នួលក្រុមហ៊ុន Wagner មិនកំពុងប្រយុទ្ធនៅក្នុងប្រទេសអ៊ុយក្រែននោះទេ នៅពេលនេះ។មេបញ្ជាការក្រុមនេះ លោក Yevgeny Prigozhin ត្រូវបានបង្ហាញនៅក្នុងវីដេអូមួយកាលពីថ្ងៃពុធ ទី ១៩ ខែកក្កដា ដោយនិយាយថាក្រុមអ្នកប្រយុទ្ធរបស់លោកនឹងមិនចូលរួមក្នុងសង្គ្រាមអ៊ុយក្រែនទៀតនោះទេសម្រាប់ពេលនេះ ប៉ុន្តែបានបញ្ជាឱ្យពួកគេប្រមូលកម្លាំងរបស់ពួកគេសម្រាប់ទ្វីបអាហ្វ្រិក។នៅក្នុងការអត្ថាធិប្បាយរបស់លោកនៅក្នុងវេទិកាសន្តិសុខ លោក Sullivan បាននិយាយថា ប្រធានាធិបតីសហរដ្ឋអាមេរិកលោក Joe Biden មិនទាន់បានធ្វើការសម្រេចចិត្តលើការផ្តល់មីស៊ីលរយៈចម្ងាយឆ្ងាយ ATACM ដល់អ៊ុយក្រែននៅឡើយទេ។ទោះជាយ៉ាងណា លោកបាននិយាយថា លោក Biden និងប្រធានាធិបតីអ៊ុយក្រែន លោក Volodymyr Zelenskiy បានសន្ទនាគ្នា ហើយនឹងបន្តពិភាក្សាអំពីរឿងនេះ។ នៅចុងក្រោយ លោក Sullivan បានឆ្លើយសំណួរអំពីកាលបរិច្ឆេទនៃការបណ្តុះបណ្តាលអ្នកបើកយន្តហោះអ៊ុយក្រែន លើការប្រើប្រាស់យន្តហោះចម្បាំង F16 ។ លោកនិយាយទៅកាន់វេទិកាថាលោករំពឹងថា ការបណ្តុះបណ្តាលនឹងចាប់ផ្តើមក្នុងរយៈពេលប៉ុន្មាន សប្តាហ៍ទៀតនេះ។

សារអេឡិចត្រូនិករបស់មន្ត្រីជាន់ខ្ពស់អាមេរិកទទួលបន្ទុកគោលនយោបាយចិន ត្រូវបានគេលួចយក

ប្រព័ន្ធផ្សព្វផ្សាយសហរដ្ឋអាមេរិកនិយាយថា គណនីសារអេឡិចត្រូនិករបស់មន្ត្រីជាន់ខ្ពស់អាមេរិកទទួលបន្ទុកគោលនយោបាយប្រទេសចិនរបស់ទីក្រុងវ៉ាស៊ីនតោន ត្រូវបានចូលលួចដោយចោរព័ត័មានបច្ចេកវិទ្យា។ សារព័ត៌មាននានារាយការណ៍ថា ឯកអគ្គរដ្ឋទូតសហរដ្ឋអាមេរិកប្រចាំប្រទេសចិនលោក Nicholas Burns និងលោក Daniel Kritenbrink ឧបការីរដ្ឋមន្ត្រីការបរទេសប្រចាំតំបន់អាស៊ីបូព៌ា ស្ថិតក្នុងចំណោមអ្នកដែលត្រូវបានកំណត់គោលដៅក្នុងការវាយប្រហារតាមបណ្តាញអ៊ីនធឺណិត។ដោយលើកឡើងពីអ្នកដែលដឹងពីបញ្ហានេះ សារព័ត៌មាន Wall Street Journal បាននិយាយថា ការវាយប្រហារនេះ ត្រូវបានគេជឿថាបានសម្របសម្រួលយ៉ាងហោចណាស់រាប់ម៉ឺនសារអេឡិចត្រូនិកនៃបុគ្គល រដ្ឋាភិបាលសហរដ្ឋអាមេរិក។ កាលពីដើមខែនេះ ក្រុមហ៊ុន Microsoft បានប្រកាសពីការបំពាននេះ ហើយសន្មត់ថាវាជាក្រុមចូលលួចប្រើប្រាស់មានមូលដ្ឋាននៅប្រទេសចិន។ ក្រុមហ៊ុនបច្ចេកវិទ្យាព័ត៌មានខ្នាតយក្ស(IT) បាននិយាយថា ក្រុមចោរលួចទិន្នន័យឬ Hacker ប្រហែលជាបានទាញយកភាពចន្លោះប្រហោងនៅក្នុងប្រព័ន្ធដំណើរការ cloud របស់ខ្លួន។កាលពីថ្ងៃសុក្រ រដ្ឋមន្ត្រីការបរទេសសហរដ្ឋអាមេរិក លោក Antony Blinken បាននិយាយថា ការស៊ើបអង្កេតមួយកំពុងធ្វើឡើងដើម្បីវាយតម្លៃផលប៉ះពាល់។ លោកនិយាយថា លោកជឿថាពុំមានការបែកធ្លាយព័ត៌មានសម្ងាត់នោះទេ។ លោក Blinken បាននិយាយថា សហរដ្ឋអាមេរិកបានបញ្ជាក់យ៉ាងច្បាស់ចំពោះប្រទេសចិនថា ខ្លួននឹងឆ្លើយតបចំពោះសកម្មភាពណាមួយដែលដាក់គោលដៅលើរដ្ឋាភិបាលសហរដ្ឋអាមេរិក ក្រុមហ៊ុនអាមេរិក ឬពលរដ្ឋអាមេរិក ប្រសិនបើមើលឃើញថាចាំបាច់។ ប្រព័ន្ធផ្សព្វផ្សាយរបស់សហរដ្ឋអាមេរិក បានរាយការណ៍ថា លោក Blinken បានលើកឡើងពីឧបទ្ទហេតុនៃការលួចចូលប្រើប្រាស់នៅពេលលោកបានជួបជាមួយអ្នកការទូតជាន់ខ្ពស់របស់ចិនលោក Wang Yi កាលពីសប្តាហ៍មុន។

លោក Zelenskiy៖ យើងកំពុងរង់ចាំសព្វាវុធរយៈចម្ងាយឆ្ងាយ

ប្រធានាធិបតីអ៊ុយក្រែន លោក Volodymyr Zelenskiy បាននិយាយកាលពីថ្ងៃសុក្រ ក្នុងវេទិកាសន្តិសុខ Aspen ថា កងកម្លាំងប្រដាប់អាវុធអ៊ុយក្រែន កំពុងរង់ចាំអាវុធរយៈចម្ងាយឆ្ងាយ ដើម្បីបន្តការវាយបកទៅលើរុស្ស៊ី។លោក Zelenskiy បាននិយាយថា លោកសង្ឃឹមថា សហរដ្ឋអាមេរិកនឹងជួយដោះស្រាយបញ្ហានេះ ក្នុងតួនាទីឈានមុខគេនៅក្នុងប្រទេសដែលផ្តល់ជំនួយផ្នែកការពារជាតិដល់ប្រទេសអ៊ុយក្រែន។ចាប់តាំងពីខែមុនមក កងកម្លាំងអ៊ុយក្រែនបានរុលចូលទៅកាន់ភាគខាងកើត និងភាគខាងត្បូង ដោយដណ្តើមបានមកវិញទឹកដីមួយចំនួនតូចនៅក្នុងការវាយបកទ្រង់ទ្រាយធំលើកដំបូងរបស់ពួកគេចាប់តាំងពីឆ្នាំមុន។ ប៉ុន្តែការរុលទៅមុខមានភាពយឺតយ៉ាវ ហើយពួកគេនៅមិនទាន់ចូលទៅដល់ខ្សែការពារសំខាន់របស់រុស្ស៊ីនៅឡើយ។លោក Zelenskiy បាននិយាយថា កំពង់ផែ Odesa ជាទីតាំងគ្រាប់ធញ្ញជាតិរបស់ខ្លួន និងតំបន់ជុំវិញ បានប្រែក្លាយម្តងទៀតជាគោលដៅវាយប្រហាររបស់រុស្ស៊ីដោយមានមនុស្សជាង២០បានរងរបួសក្នុងរយៈពេលតែ១សប្តាហ៍នេះ។ លោកបាននិយាយក្នុងសុន្ទរកថា តាមវីដេអូថា នឹងមានការឆ្លើយតបចំពោះការវាយប្រហារនេះ។រុស្ស៊ីបានបាញ់ផ្លោងនៅទីតាំងនាំចេញស្បៀងអាហាររបស់អ៊ុយក្រែន រយៈពេលបួនថ្ងៃជាប់គ្នា កាលពីថ្ងៃសុក្រ ហើយបានអនុវត្តការរឹបអូសនាវានៅសមុទ្រខ្មៅក្នុងការបង្កើននូវអ្វីដែលមេដឹកនាំប្រទេសលោកខាងលិចនិយាយថា ជាការប៉ុនប៉ងដើម្បីគេចចេញពីទណ្ឌកម្មដោយការគំរាមកំហែងដល់វិបត្តិស្បៀងអាហារពិភពលោក។

សីតុណ្ហភាពនៅទីក្រុង Athens ឈានដល់ចំណុចក្រហមក្នុងរលកកម្ដៅលើកទីពីរ បន្ទាប់ពីអគ្គិភ័យដ៏មហន្តរាយ

ទីក្រុង Athens បានឡើងកម្តៅខ្លាំងកាលពីថ្ងៃសុក្រ បន្ទាប់ពីរលកកម្ដៅលើកទីពីរក្នុងរយៈពេលប៉ុន្មានថ្ងៃនេះបានវាយបក់មកលើប្រទេសនេះ ដោយនាំឲ្យសីតុណ្ហភាពកើនឡើងលើសពី៤០អង្សារសេ។ ទីតាំងបុរាណស្ថាននានា រួមទាំងទីតាំងល្បីល្បាញបំផុត Acropolis ត្រូវបិទអំឡុងម៉ោង១២ថ្ងៃត្រង់និងម៉ោង៥:៣០នាទីល្ងាច ម៉ោងក្នុងតំបន់ ដែលមានកម្តៅខ្លាំងបំផុត រហូតដល់ថ្ងៃទី២៣ ខែកក្កដា ដើម្បីបញ្ជៀស កម្តៅព្រះអាទិត្យដែលកំពុងក្តៅខ្លាំង។អាជ្ញាធរសុខាភិបាល បានបញ្ជូនការព្រមានជាច្រើនដល់សាធារណជនឱ្យស្នាក់នៅក្នុងលំនៅឋាន និងមានជាតិទឹក ខណៈការធ្វើការងារពីចម្ងាយត្រូវបានណែនាំ ជាពិសេសសម្រាប់ក្រុមដែលងាយរងគ្រោះ។ អាជ្ញាធររដ្ឋាភិបាល បានណែនាំឲ្យបុគ្គលិកឈប់សម្រាក បញញជៀសការហាត់ប្រាណ និងហាលកម្តៅថ្ងៃ។ សីតុណ្ហភាពក្តៅខ្លាំងបានហក់ឡើងវិញបន្ទាប់ ពីចំហេះព្រៃរយៈពេលមួយសប្តាហ៍ដែលបានវាយបក់ដោយខ្យល់បក់ខ្លាំង បានបំផ្លាញលំនៅឋាននិងព្រៃឈើ។ ក្រុមមន្ត្រីឧតុនិយម បាននិយាយថា សីតុណ្ហភាពត្រូវបានគេរំពឹងថានឹងឡើងដល់កម្រិតខ្ពស់ខ្លាំងនៅចុងសប្តាហ៍នេះ ដោយឈានដល់ ៤៥ អង្សាសេ ។

ចំនួនអ្នកស្លាប់កើនឡើងដល់២២នាក់ ដោយបំណាក់ដី នៅប្រទេសឥណ្ឌា

មន្ត្រីសង្គ្រោះគ្រោះមហន្តរាយ បាននិយាយថា ចំនួនអ្នកស្លាប់ ដោយសារបំណាក់ដីនៅរដ្ឋ Maharashtra ភាគខាងលិចប្រទេសឥណ្ឌាបានកើនឡើងដល់២២នាក់ កាលពីថ្ងៃសុក្រ ដោយសាកសពចំនួន៦នាក់ទៀត ត្រូវបានទាញយកចេញពីក្រោមស្រទាប់ដីល្បាប់ មុនពេលប្រតិបត្តិការជួយសង្គ្រោះត្រូវបានផ្អាក។ បំណាក់ដី បានកើតឡើង កាលពីយប់ថ្ងៃព្រហស្បតិ៍នៅក្នុងភូមិ Irshalwadi តំបន់ភ្នំដាច់ស្រយាលមួយមាន ចម្ងាយប្រហែល ៦០ គីឡូម៉ែត្រពីទីក្រុង Mumbai ដោយបានធ្វើឱ្យលំនៅឋានជាច្រើនខ្នងបាក់រលំ។ភូមិតូចមួយនេះ ត្រូវបានប៉ាន់ប្រមាណថា ជាលំនៅឋានរបស់មនុស្សយ៉ាងហោចណាស់ ២២៥ នាក់ ដែលជាង៨០នាក់ បានរត់ភៀសខ្លួន ហើយមនុស្សជាង១០០ នាក់ទៀតត្រូវបានគេសង្ស័យថា នៅតែជាប់នៅក្រោមគំនរបាក់បែក។

UN ព្រមានបន្ទាប់ពីការបញ្ចប់កិច្ចព្រមព្រៀងគ្រាប់ធញ្ញជាតិសមុទ្រខ្មៅថា មនុស្សច្រើននាក់អាចស្លាប់

ប្រធានជំនួយរបស់អង្គការសហប្រជាជាតិ បាននិយាយទៅកាន់ក្រុមប្រឹក្សាសន្តិសុខកាលពីថ្ងៃសុក្រថា ការកើនឡើងតម្លៃគ្រាប់ធញ្ញជាតិចាប់តាំងពីរុស្ស៊ីបានដកខ្លួនចេញពីកិច្ចព្រមព្រៀងមួយដែលអនុញ្ញាតឱ្យមានការនាំចេញគ្រាប់ធញ្ញជាតិរបស់អ៊ុយក្រែន នៅសមុទ្រខ្មៅដោយសុវត្ថិភាព អាចគំរាមកំហែងដល់ភាពអត់ឃ្លាន និងកាន់តែធ្ងន់ធ្ងរសម្រាប់មនុស្សរាប់លាននាក់។លោក Martin Griffiths បាននិយាយទៅកាន់ក្រុមប្រឹក្សាដែលមានសមាជិក ១៥ រូបថា មនុស្សមួយចំនួននឹងស្រេកឃ្លាន អ្នកខ្លះទៀតអត់អាហារ ដែលមនុស្សជាច្រើននាក់អាចស្លាប់ដោយសារតែការសម្រេចចិត្តនេះ។ លោកនិយាយថា ប្រជាជនប្រហែល ៣៦២ លាននាក់នៅក្នុង ៦៩ ប្រទេសកំពុងត្រូវការជំនួយមនុស្សធម៌។រុស្ស៊ី បានដកខ្លួនចេញពីកិច្ចព្រមព្រៀងគ្រាប់ធញ្ញជាតិសមុទ្រខ្មៅ កាលពីថ្ងៃចន្ទដោយនិយាយថាការទាមទារដើម្បីធ្វើឲ្យប្រសើរការនាំចេញស្បៀងអាហារនិងជីរបស់ខ្លួនមិនត្រូវបានបំពេញ ហើយគ្រាប់ធញ្ញជាតិអ៊ុយក្រែន មិនគ្រប់គ្រាន់នោះដែលបានទៅដល់ប្រទេសក្រីក្របំផុត។ អនាគតស្រូវសាលីរបស់សហរដ្ឋអាមេរិកនៅទីក្រុងឈីកាហ្គោ បានកើនឡើងជាង ៦% ក្នុងសប្តាហ៍នេះ ហើយកាលពីថ្ងៃពុធមានការកើនឡើងប្រចាំថ្ងៃខ្ពស់បំផុតចាប់តាំងពីរុស្ស៊ីបានវាយលុកលើអ៊ុយក្រែនក្នុងខែកុម្ភៈ ឆ្នាំ ២០២២។ កិច្ចព្រមព្រៀងគ្រាប់ធញ្ញជាតិសមុទ្រខ្មៅ ត្រូវបានសម្របសម្រួលកាលពីមួយឆ្នាំមុនដោយអង្គការសហប្រជាជាតិ និងប្រទេសទួរគី ដើម្បីប្រយុទ្ធប្រឆាំងវិបត្តិស្បៀងអាហារពិភពលោកដែលកាន់តែយ៉ាប់យ៉ឺនដោយការវាយលុករបស់រុស្ស៊ី។

បណ្ដាញសង្គម

ព័ត៌មានថ្មីៗ

អគ្គនាយកស៊ីម៉ាក់កម្ពុជាថា សៀមកំពុងកែប្រែ ទម្លាក់កំហុស និងបង្វែរសាច់រឿង ពិតប្រឌិតរឿងថ្មី ដើម្បីមូលបង្កាច់កម្ពុជា

កំពង់ផែស្វយ័តភ្នំពេញ ប្រកាសជាថ្មីពីការផ្តល់សេវាឥតគិតថ្លៃនៃការស្តុកទុកទំនិញកុងតឺន័រលើទីលាន ក្រោម ៧ថ្ងៃ

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ផ្ដល់ប័ណ្ណសមធម៌ និងអំណោយពលរដ្ឋជាង១ពាន់គ្រួសារនៅខណ្ឌមានជ័យ

ទីក្រុងប៉េកាំងត្រៀមទប់ទល់សម្រាប់មួយភាគបីនៃទឹកភ្លៀងប្រចាំឆ្នាំរបស់ខ្លួនក្នុងរយៈពេល២៤ ម៉ោងខាងមុខ

កម្ពុជា បន្តតវ៉ា និងប្រឆាំងយ៉ាងខ្លាំងចំពោះការរំលោភបំពានរបស់កងកម្លាំងថៃលើអធិបតេយ្យ និងទឹកដីកម្ពុជា

Ronald Araujo ផ្លាស់ពី Barcelona មក Liverpool ក្នុងលក្ខខណ្ឌខ្ចីជើង និងជម្រើសទិញផ្តាច់

មនុស្ស ១៥ នាក់ស្លាប់ និង ៨ នាក់បាត់ខ្លួននៅហ្វីលីពីន បន្ទាប់ពីទឹកជំនន់ និងបំណាក់ដីដោយសារព្យុះចំនួនពីរ

សសយក អលស្ដារ ជួបក្រុមរួមគ្នាដើម្បីកំពង់ស្ពឺ ល្ងាចនេះ ក្នុងកម្មវិធីបេះដូងសប្បុរសដើម្បីភូមិរង់ចាំ

អភិបាលខេត្តកំពង់ស្ពឺ ប្រគល់វិញ្ញាបនបត្រសម្គាល់ម្ចាស់អចលនវត្ថុជាង ២៥០០បណ្ណ ដល់ពលរដ្ឋនៅស្រុកភ្នំស្រួច

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877