BTV NEWS

ជាង៧ខែ ជនបរទេសជាង៥ម៉ឺននាក់ត្រូវបានបណ្ដេញចេញពីកម្ពុជា ក្នុងនោះមាន ១ម៉ឺន៧ពាន់នាក់ពាក់ព័ន្ធ Online Scams

ឆមាសទី១ឆ្នាំនេះ សមត្ថកិច្ចបង្ក្រាបបទល្មើសជួញដូរមនុស្ស និងអាជីវកម្មផ្លូវភេទជាង ១១០ករណី និងសង្គ្រោះបាន ៥៨១នាក់

មនុស្ស៦នាក់ស្លាប់ និងម្នាក់រងរបួសធ្ងន់ក្នុងប្រតិបត្តិការបង្ក្រាបគ្រឿងញៀននៅវាលវែង

ក្រសួងព័ត៌មានអប់រំណែនាំក្រុមអ្នកផលិតមាតិកា ២ក្រុម គឺ «ក្រុមនាយក្រឹប» និង «ក្រុមគ្រូតឿ» ដែលបានផលិតផ្សព្វផ្សាយមាតិកាមិនសមរម្យ និងបំពានលើក្រមសីលធម៌

សន្តិសុខ និង សង្គម

បង្រ្កាបអ្នកជួញដូរវល្លិរមៀតជាង៧តោន នៅស្រុកបូទុមសាគរ

កោះកុង៖ អយ្យការអមសាលាដំបូងខេត្តកោះកុង សហការជាមួយមន្រ្តីជំនាញ ចុះបង្រ្កាបទីតាំងកែច្នៃជួញដូរវល្លិរមៀតជាង៧តោននៅឃុំអណ្តូងទឹក ស្រុកបូទុមសាគរ បច្ចុប្បន្នកំពុងកសាងសំណុំរឿងអនុវត្តតាមនីតិវិធី។លោក វ៉ៃ ភីរម្យ ព្រះរាជអាជ្ញារងខេត្តកោះកុង គូសបញ្ជាក់ប្រាប់ទូរទស្សន៍BTvនៅវេលាម៉ោង៤និង១៥នាទីរសៀលថ្ងៃទី២២ ខែមេសា ឆ្នាំ២០២២ថា ប្រតិបត្តិការបង្រ្កាបការកែច្នៃវល្លិ៍រមៀតទម្ងង់ជាង៧តោននេះ ធ្វើឡើងនៅលំនៅដ្ឋានរបស់ជនសង្ស័យមានឈ្មោះ ណាង ពៅ ភេទស្រី អាយុ៤៣ឆ្នាំ រស់នៅភូមិជីមាល ឃុំអណ្តូងទឹក កាលពីថ្ងៃទី២១ ខែមេសា ម្សិលមិញ។លោកព្រះរាជអាជ្ញារងខេត្តកោះកុង បន្ថែមទៀតថា តាមចម្លើយសារភាពរបស់ស្រ្តីជាជនសង្ស័យ ប្រាប់ថា រូបគាត់បានទិញវល្លិ៍រមៀតទាំងនេះពីប្រជាពលរដ្ឋក្នុងមូលដ្ឋានដែលពួកគេទៅកាប់ដឹកជញ្ចូនពីលើភ្នំមកលក់ឱ្យខ្លួនជាអ្នកទទួលទិញ។ ដោយតម្លៃគីឡូក្រាមថ្លៃ២០០រៀល ហើយកាប់ឱ្យល្អិតហាលថ្ងៃឱ្យស្ងួតបានមួយផ្នែកត្រៀមបម្រុងយកទៅលក់បន្តនៅរាជធានីភ្នំពេញ គ្រាមិនទាន់រកអ្នកទិញបន្តមិនទាន់បាននៅឡើយទេ។លោក វ៉ៃ ភីរម្យ ពន្យល់ដែរថា ប្រសិនបើជនសង្ស័យរកឈ្នួញទិញបាន គាត់នឹងផ្ញើតាមរថយន្តទៅលក់ក្នុង១គីឡូក្រាមថ្លៃ៦០០រៀល គ្រាដែរជនសង្ស័យប្រព្រឹត្តជាលើកដំបូង ហើយត្រូវបានសមត្ថកិច្ចបង្រ្កាបបានតែម្តង ដោយទាំងមិនដឹងថាការប្រកបមុខរបរនេះខុសច្បាប់នោះទេ។បច្ចុប្បន្នចំពោះវត្ថុតាងត្រូវបានដកហូត និងដឹកជញ្ចូនយកទៅរក្សាទុកជាបណ្តោះអាសន្ននៅស្នាក់ការល្បាតព្រែកតាអុក ស្ថិតនៅភូមិព្រែកតាអុក ឃុំអណ្តូងទឹក រីឯជនសង្ស័យ បានបញ្ចូនមកអនុវត្តតាមនីតិវិធីនៅសាលាដំបូងខេត្តកោះកុងរួចរាល់ហើយដែរ។គួរជម្រាបថា ការបង្រ្កាបបទល្មើសកែច្នៃវល្លិរមៀតកម្រនឹងបង្រ្កាបបានណាស់។ ដូច្នេះសាធារណជន ក៏មានដាក់ការសង្ស័យដែរថា ផ្ទះស្រ្តីជនសង្ស័យនៅក្បែរទីស្នាក់ការល្បាតបរិស្ថានឃុំអណ្តូងទឹក ហេតុអ្វីទើបតែមានការបង្រ្កាបនៅពេលនេះយ៉ាងដូច្នេះ។ទាក់ទិននឹងបញ្ហានេះ ត្រូវបានលោក វេត សុនីម អនុប្រធានមន្ទីរបរិស្ថានខេត្តកោះកុង ឱ្យដឹងដែរថា មុននឹងឈានដល់ការសុំគោលការណ៍តំណាងអយ្យការអមសាលាដំបូងចុះបង្រ្កាប គឺមន្រ្តីរបស់លោកបានតាមដានជាង១០ថ្ងៃមុន គ្រាឃើញមានម្ចាស់គោយន្តដឹកវល្លិ៍រមៀតស្រស់ចូលមូលដ្ឋានជនសង្ស័យរស់នៅ។ ទោះបីជាដឹងថា តំបន់គ្រប់គ្រងដោយមន្ទីរកសិកម្ម រុក្ខាប្រមាញ់ និងនេសាទខេត្ត ក៏ដោយ តែក្នុងនាមនគរបាលយុត្តិធម៌ ចាំបាច់បង្រ្កាបឱ្យបានទាន់ពេលវេលា ព្រោះតែវល្លិ៍រមៀតជាសារធាតុម៉្យាងទៅផ្សំធ្វើជាគ្រឿងញៀនខុសច្បាប់បាន។មន្រ្តីជំនាញបរិស្ថានខេត្តដដែល អះអាងថា កាលពីឆ្នាំ២០២០កន្លងទៅ ធ្លាប់បង្រ្កាបករណីកែច្នៃវល្លិ៍រមៀតជាង៨តោនផងដែរ និងឃាត់ខ្លួនជនសង្ស័យម្នាក់នៅស្រុកថ្មបាំង រួចបញ្ចូនមកតុលាការអនុវត្តតាមនីតិវិធី៕ អត្តបទ ៖ ឈឹម មករា

ស្លាប់ម្នាក់ និងខូចខាតត្រាក់ទ័រមួយគ្រឿង ដោយសារភ្ជួរដីកិនលើមីនតោន

ឧត្តរមានជ័យ៖ បុរសអ្នកបើកបរត្រាក់ទ័រម្នាក់បានស្លាប់ និងត្រាក់ទ័រមួយគ្រឿងរងការខូចខាត ដោយសារភ្ជួរដីកិនលើមីនតោន នៅថ្ងៃទី២២ ខែមេសា ឆ្នាំ២០២២នេះ លើដីចំការមួយកន្លែង នៅចំណុចភូមិស្វាយចេក ឃុំថ្លាត ស្រុកអន្លង់វែង ខេត្តឧត្តរមានជ័យ ។ជនរងគ្រោះ ឈ្មោះ ឈៀក លី ភេទប្រុស អាយុ ៣០ឆ្នាំ មុខរបរធ្វើស្រែ ។អាជ្ញាធរមីនបានប្រកាសអំពាវនាវដល់បងប្អូនប្រជាពលរដ្ឋទាំងអស់ សូមកុំចូលទៅតំបន់ណាដែលមិនដឹងប្រវត្តិច្បាស់លាស់ និងត្រូវសាកសួរអាជ្ញាធរមូលដ្ឋានមុនចូលតំបន់នោះ និងសូមកុំប៉ះពាល់នៅពេលឃើញមីន និងគ្រាប់មិនទាន់ផ្ទុះ ហើយត្រូវរាយការណ៍ជាបន្ទាន់ដល់អាជ្ញាធរមានសមត្ថកិច្ច និងប្រតិបត្តិការបោសសម្អាតមីនដែលនៅជិតទីនោះ ដើម្បីយកគ្រាប់ទាំងនោះទៅកម្ទេចចោល៕

ឆ្មក់បង្ក្រាបទីតាំងលក់សត្វព្រៃមួយកន្លែង ក្រោយសាលាខណ្ឌដង្កោ ដកហូតបានសាច់ជ្រូកព្រៃ និងសាច់ឈ្លូលមួយចំនួន

ភ្នំពេញ៖ កម្លាំងអន្តរាគមន៍បង្ក្រាបសត្វព្រៃខណ្ឌរដ្ឋបាលព្រៃឈើភ្នំពេញ សហការជាមួយខណ្ឌរដ្ឋបាលរាជធានីភ្នំពេញ កាលពីព្រឹកថ្ងៃទី២២ ខែមេសា ឆ្នាំ២០២២ បានចុះឆែកឆេរ និងបង្ក្រាបទីតាំងលក់សាច់សត្វព្រៃមួយកន្លែង ស្ថិតនៅភូមិថ្មី សង្កាត់ដង្កោ ខណ្ឌដង្កោ រាជធានីភ្នំពេញ។លោក អ៊ុន វណ្ណារិទ្ធ នាយរងខណ្ឌរដ្ឋបាលព្រៃឈើភ្នំពេញ ប្រាប់ឲ្យដឹងថា មុនឈានដល់ការបង្ក្រាបគឺកម្លាំងសមត្ថកិច្ចចម្រុះ បានធ្វើការស្រាវជ្រាវរហូតកំណត់ច្បាស់ថា ទីតាំងនេះពិតជាមានលួចលក់សត្វព្រៃខុសច្បាប់ប្រាកដមែន ទើបកម្លាំងចុះត្រួតពិនិត្យឆែកឆេររកឃើញសាច់ជ្រូកព្រៃស្រល់ ចំនួន ៥,៥០គីឡូក្រាម សាច់សត្វឈ្លូស ចំនួន១០គីឡូក្រាម ។ក្រោមពិនិត្យឃើញជាក់ស្តែងសមត្ថកិច្ចបានដកហូតសាច់ព្រៃទាំងនោះ និងបានណែនាំម្ចាស់ទីតាំង រួមទាំងធ្វើការពិន័យទៅតាមផ្លូវច្បាប់។លោក អ៊ុន វណ្ណារិទ្ធ នាយរងខណ្ឌរដ្ឋបាលព្រៃឈើភ្នំពេញ បញ្ជាក់ឱ្យដឹងថា មិនមានការឃាត់មនុស្សនោះទេ ពីព្រោះសត្វព្រៃប្រភេទនេះ មានដោយបង្គួរ ។ ការបង្ក្រាបនេះ ដោយសារម្ចាស់ទីតាំង Live លក់តាមOnline ៕ អត្ថបទ៖ តារាវុទ្ធី

អាជ្ញាធរខណ្ឌឬស្សីកែវ ចុះបង្ក្រាបទីតាំងហាងកាហ្វេបង្កប់ល្បែងស៊ីសង ជល់មាន់អនឡាញ

ភ្នំពេញ៖ កម្លាំងគណៈបញ្ជាការឯកភាពខណ្ឌឬស្សីកែវ បានឆ្មក់ចុះបង្ក្រាប ហាងកាហ្វេបង្កប់ល្បែងស៊ីសង ជល់មាន់អនឡាញ និងឃាត់ខ្លួនមនុស្សម្នាក់ដែលជាម្ចាស់ទីតាំង ព្រមទាំងដកហូតវត្ថុតាងមួយចំនួន។ប្រតិបត្តិការនេះ បានធ្វើឡើងនៅវេលាម៉ោង១១និង២០នាទី នាថ្ងៃទី២២ ខែមេសា ឆ្នាំ២០២២ នៅចំណុចល្វែង តាមបណ្ដោយផ្លូវជាតិលេខ៥ ជិតស្តុបផ្សារតូច ភូមិផ្សារតូច សង្កាត់ទួលសង្កែទី១ ខណ្ឌឬស្សីកែវ រាជធានីភ្នំពេញ។តាមប្រភពពីមន្រ្តីជំនាញ បានឲ្យដឹងថា ក្រោយទួលបានព័ត៌មាន និងសេចក្ដីរាយការ ហើយមានការអនុញ្ញាតពីលោក ឯក ឃុនដឿន អភិបាលនៃគណៈអភិបាលខណ្ឌឬស្សីកែវ បានចាត់ឲ្យមន្ត្រីជំនាញនៃគណៈបញ្ជាការឯកភាពខណ្ឌ បន្តស្រាវជ្រាវស៊ើបអង្កេត រហូតឆ្មក់ចុះបង្ក្រាបជាក់ស្ដែងតែម្ដង ដោយដកហូតទូរទស្សន៍ សម្ភារៈសម្រាប់ ចាក់បញ្ចាំងល្បែងស៊ីសងអនឡាញនេះ។ក្រោយប្រតិបត្តិការកម្លាំងបានឃាត់ខ្លួនម្ចាស់ទីតាំងម្នាក់ជាបុរសនាំខ្លួនទៅនគរបាលប៉ុស្តិ៍ទួលសង្កែទី១ ដើម្បីសួនាំនិងចាត់ការតាមនីតិវិធី។ ចំណែកអ្នកលេង និងផឹកកាហ្វេជាង ១០នាក់ត្រូវបានអាជ្ញាធរធ្វើការអប់រំនិងឲ្យត្រឡប់ទៅផ្ទះវិញ៕ អត្ថបទ៖ កុម្ភះ

អគ្គិភ័យឆេះផ្ទះប្រជាពលរដ្ឋ អស់ជាច្រើនខ្នងផ្ទះ នៅសង្កាត់ជ្រោយចង្វារ ទាំងព្រឹកព្រលឹម

ភ្នំពេញ៖ អគ្គិភ័យបានឆាបឆេះយ៉ាងសន្ធោសន្ធៅ បំផ្លាញផ្ទះប្រជាពលរដ្ឋអស់ជាច្រើនខ្នងផ្ទះបង្កការភ្ញាក់ផ្អើលដល់ប្រជាពលរដ្ឋទាំងព្រឹកព្រលឹម។ ហេតុការណ៍នេះដែរបានកើតឡើងកាលពីវេលា៤និង៤០នាទីព្រឹក ថ្ងៃទី២២ ខែមេសា ឆ្នាំ២០២២ នៅផ្លូវមាត់ទន្លេ ខាងជើងគល់ស្ពានជ្រោយចង្វា ភូមិដើមមៀន សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ។ យោងតាមតាមប្រភពព័ត៌មានពីម្ចាស់ផ្ទះ បានប្រាប់អោយដឹងថា មុនកើតហេតុ ក្នុងគ្រួសារគាត់មានសមាជិក០៤នាក់ កំពុងគេងលង់លក់ ក៏លឺសំឡេងផ្ទុះ ទើបភ្ញាក់មកឃើញភ្លើងឆេះដល់ពូកក្នុងបន្ទប់គេងក្បែរខ្លួនបាត់ទៅហើយ។ ភ្លាមៗពួកគាត់បានដាស់សមាជិកគ្រួសារនាំគ្នារត់ចេញពីផ្ទះ និងស្រែកឆោឡោផ្អើលប្រជាពលរដ្ឋក្បែរខាងអោយភ្ញាក់ពីដំណេក។ ប្រភពដដែលបន្តទៀតថា ដោយសារតែភ្លើងឆេះក្នុងផ្ទះខ្លាំងរហូតទប់ទល់លែងឈ្នះ ទើបបណ្តាលឲ្យឆ្លងរាលដាលដល់ផ្ទះប្រជាពលរដ្ឋជិតខាងលឿន មានអ្នកខ្លះរត់ចេញពីផ្ទះសឹងតែមិនទាន់ និងបានរាយការណ៍ប្រាប់សមត្ថកិច្ចមូលដ្ឋានសុំរថយន្តពន្លត់អគ្គិភ័យចេញអន្តរាគមន៍ភ្លាមៗផងដែរ។ ក្នុងករណីហេតុការណ៍នេះដែរ អគ្គិភ័យបានឆាបឆេះផ្ទះប្រជាពលរដ្ឋអស់ចំនួន០៤ខ្នងផ្ទះទាំងស្រុង និងឆ្លងរាលដាលខូចខាតផ្ទះប្រជាពលរដ្ឋអស់០១ខ្នងផ្ទះ ។ ភាគច្រើនជាប្រភេទផ្ទះឈើ ប្រកស័ង្កសី និងប្រើប្រាស់រថយន្តពន្លត់អគ្គិភ័យអស់ចំនួន០៨គ្រឿង ទើបអាចអាចគ្រប់គ្រងស្ថានការណ៍បាន។ ចំពោះហេតុការណ៍គ្រោះអគ្គិភ័យនេះផងដែរ សមត្ថកិច្ចមិនទាន់ អាចបញ្ជាក់បានថាបង្កឡើងដោយមូលហេតុអ្វីអោយពិតប្រាកដនៅឡើយទេ៕ អត្ថបទ៖ កុម្ភះ

នគរបាល២នាក់ត្រូវក្រុមជួញដូរគ្រឿងញៀនបាញ់ស្លាប់ក្នុងប្រតិបត្តិការបង្រ្កាបនៅស្រុកអង្គស្នួល

កណ្ដាល ៖ នគរបាលចំនួន២នាក់បានបាត់បង់ជីវិតក្នុងប្រតិបត្តិការបង្ក្រាបក្រុមជួញដូរគ្រឿងញៀនក្នុងស្រុកអង្គស្នួល ដោយត្រូវក្រុមជួញដូរគ្រឿងញៀនបាញ់ពេលសម្រុកចូលទៅចាប់ខ្លួនពួកគេ។លោកឧត្ដមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាលបានប្រាប់ទូរទស្សន៍ BTV news នៅល្ងាចថ្ងៃទី២១ ខែមេសា ឆ្នាំ២០២២ថា ប្រតិបត្តិការបង្ក្រាបក្រុមជួញដូរគ្រឿងញៀននៅស្រុកអង្គស្នួល គឺបានបាត់បង់ជីវិតមន្ដ្រីនគរបាលចំនួន២រូប ហើយជនដៃដល់ម្នាក់ត្រូវបានចាប់ខ្លួន និងបក្ខពួកគេម្នាក់ទៀតក៏ត្រូវបានចាប់ខ្លួនផងដែរ។លោកឧត្ដមសេនីយ៍ទោ ឈឿន សុចិត្ត បានបន្ថែមថា ជនដៃដល់មិនស្លាប់ទេ គ្រាន់តែរបួសធ្ងន់ ឯបក្ខពួកគេម្នាក់ទៀតដែលចាប់ខ្លួនបានមិនមានរបួសអ្វីធ្ងន់ធ្ងរទេ ខណៈនេះកម្លាំងជំនាញកំពុងឆែកឆេរនៅតំបន់ប្រតិបត្តិការ។សូមជម្រាបជូនថា កាលពីវេលាម៉ោងជិត ១២ថ្ងៃត្រង់ ថ្ងៃទី២១ ខែមេសា ឆ្នាំ២០២២ កម្លាំងនគរបាលប៉ុស្តិ៍ទួលព្រេជ និងកម្លាំងផ្នែកប្រឆាំងគ្រឿងញៀននៃអធិការដ្ឋាននគរបាលស្រុកអង្គស្នួល ខេត្តកណ្តាល បានបើកប្រតិបត្តិការបង្ក្រាបករណីជួញដូរគ្រឿងញៀននៅផ្ទះទៀមមួយកន្លែង ក្នុងភូមិចន្ទ្រាថ្មី ឃុំទួលព្រេជ ស្រុកអង្គស្នួល ក្រោយពីបានស្រាវជ្រាវ និងទទួលបានព័ត៌មាន ប៉ុន្តែនៅពេលកម្លាំងសមត្ថកិច្ចធ្វើការឡោមព័ទ្ធទីតាំងដែលក្រុមជនសង្ស័យកំពុងលាក់ខ្លួននោះ មានជនដៃដល់ម្នាក់បានបើកការបាញ់ប្រហារមកលើកម្លាំងសមត្ថកិច្ច បណ្ដាលឲ្យកម្លាំងសមត្ថកិច្ច២រូបបានត្រូវគ្រាប់កាំភ្លើង និងស្លាប់ក្នុងរង្វង់ប្រតិបត្តិការ។ ភ្លាមៗសមត្ថកិច្ចក៏បានព្យាយាមបង្ក្រាបក្រុមជនសង្ស័យដោយប្រើសិទ្ធស្វ័យការពារ ទើបចាប់ខ្លួនបានជនដៃដល់ជាខ្មាន់កាំភ្លើងបានម្នាក់ និងបក្ខពួកគេម្នាក់។មន្ត្រីនគរបាលដែលបាត់បង់ជីវិតក្នុងប្រតិបត្តិការនេះមាន លោក ជុច សុភា ជានាយនគរបាលប៉ុស្តិ៍ទួលព្រិច និងលោក រីម សុផាន់ណា ជានាយរងផ្នែកប្រឆាំងគ្រឿងញៀននៃអធិការដ្ឋាននគរបាលស្រុកអង្គស្នួល ។ ដោយឡែកក្រុមជនសង្ស័យដែលចាប់ខ្លួនបានមានឈ្មោះ ធីម ឌឿន អាយុ២៣ឆ្នាំ ជាមុខសញ្ញាចាស់ដែលសកម្មជួញដូរគ្រឿងញៀន និងម្នាក់ទៀតឈ្មោះ ថេង ធឿន អាយុ១៦ ឆ្នាំ ក្នុងរង្វង់ប្រតិបត្តិការនេះដែរសមត្ថកិច្ចបានដកហូតកាំភ្លើងខ្លីមួយដើម និងវត្ថុតាងមួយចំនួនទៀត៕ អត្ថបទ ៖ ប្រាក់ វ៉ាន់ដា

ថ្ងៃនេះគ្រោះថ្នាក់ចរាចរណ៍ទូទាំងប្រទេសកើតឡើង៥លើក,ស្លាប់ ៣នាក់,របួស ៧នាក់

ភ្នំពេញ៖ គិតត្រឹមម៉ោង ៤រសៀល ថ្ងៃទី២០ ខែ មេសា នេះ គ្រោះថ្នាក់ថ្នាក់ចរាចរណ៍ទូទាំងប្រទេស កើតឡើងចំនួន ៥លើក បណ្តាលឲ្យមនុស្សស្លាប់ចំនួន ៣នាក់ និងរងរបួស ៧នាក់ ក្នុងនោះរងរបួសធ្ងន់ ២នាក់ និងស្រាល ៥នាក់។គ្រោះថ្នាក់ចរាចរណ៍ កើតនៅលើរាជធានី-ខេត្ត ចំនួន ៤ មានដូចជាៈ ខេត្តកណ្តាល របួស ២នាក់ , ភ្នំពេញ ស្លាប់ ១នាក់,សៀមរាប ស្លាប់ ១នាក់ និងរបួស ២នាក់ និងខេត្ត ព្រះសីហនុ ស្លាប់ ១នាក់ និងរបួស ៣នាក់៕

នៅថ្ងៃនេះ គ្រោះថ្នាក់ចរាចរណ៍ទូទាំងប្រទេសកើតឡើង៥លើក បណ្តាលឲ្យស្លាប់២នាក់,របួស ៩នាក់

ភ្នំពេញ៖ គ្រោះថ្នាក់ចរាចរណ៍ទូទាំងប្រទេសនៅថ្ងៃទី១៩ ខែមេសា ឆ្នាំ២០២២ កើតឡើងចំនួន ៥លើក បណ្តាលឲ្យមនុស្សចំនួន ២នាក់ស្លាប់ និងរបួសចំនួន ៩នាក់ ក្នុងនោះរងរបួសធ្ងន់ចំនួន ៤នាក់ និងរបួសស្រាលចំនួន ៥នាក់។ គ្រោះថ្នាក់ចរាចរណ៍កើតនៅរាជធានី ខេត្តចំនួន៤ មានដូចជា៖ ខេត្តក្រចេះ ស្លាប់១នាក់ និងរបួស ៤នាក់ , ភ្នំពេញ ស្លាប់ ១នាក់ និងរបួស ២នាក់ , សៀមរាប របួស ១នាក់ និងខេត្តស្វាយរៀង របួស២នាក់៕

សមត្ថកិច្ចខេត្តឧត្តរមានជ័យ ចុះធ្វើការស្រាវជ្រាវឃាត់ខ្លួនជនសង្ស័យចំនួន៣នាក់ លើករណីរំលោភសម្លាប់ នៅសង្កាត់អូរស្មាច់

ឧត្តរមានជ័យ៖ កម្លាំងអធិការដ្ឋាននគរបាលក្រុងសំរោង សហការជាមួយជំនាញផែនការងារនគរបាលព្រហ្មទណ្ឌខេត្ត បានបំបែកសំណុំរឿង លើករណីឃាតកម្មរំលោភសម្លាប់នៅសង្កាត់អូរស្មាច់ ក្រុងសំរោង ខេត្តឧត្ដរមានជ័យ រហូតដល់ការឃាត់ខ្លួនជនសង្ស័យ ចំនួន៣នាក់។ កម្លាំងជំនាញនៃអធិការដ្ឋាននគរបាលក្រុងសំរោង សហការជាមួយនិងកម្លាំងផែនការងារនគរបាលព្រហ្មទណ្ឌ នៃស្នងការដ្ឋានខេត្តឧត្តរមានជ័យ នៅថ្ងៃទី១៨ ខែមេសា ម្សិលមិញនេះ បានដឹកនាំចុះធ្វើការស្រាវជ្រាវ ស៊ើបអង្កេត និងបំបែកសំណុំរឿង លើករណីឃាតកម្មរំលោភសម្លាប់ នៅចំណុចសង្កាត់អូរស្មាច់ ក្រុងសំរោង ខេត្តឧត្តរមានជ័យ ឈានដល់ការឃាត់ខ្លួនជនសង្ស័យចំនួន៣នាក់។ការឃាត់ខ្លួនជនសង្ស័យទាំង៣នាក់ ទី១. ឈ្មោះ ភាក់ សីហា ភេទប្រុស អាយុ ១៨ឆ្នាំ មានទីលំនៅភូមិអូពក សង្កាត់កូនគ្រៀល ក្រុងសំរោង ខេត្តឧត្តរមានជ័យ។ ទី២. ឈ្មោះ ភាជ សុជាតិ ភេទប្រុស អាយុ ១៧ឆ្នាំ មានទីលំនៅភូមិអភិវឌ្ឍន៍ សង្កាត់អូរស្មាច់ ក្រុងសំរោង ខេត្តឧត្តរមានជ័យ ។ទី៣.ឈ្មោះ ត្រយ ចិត្រា ភេទប្រុស អាយុ១៥ឆ្នាំ រស់នៅភូមិអភិវឌ្ឍន៍ សង្កាត់អូរស្មាច់ ក្រុងសំរោង ខេត្តឧត្តរមានជ័យ ។ជនសង្ស័យទាំង ៣នាក់ បានឆ្លើយសារភាពថា ពួកគេទាំង ៣នាក់ ពិតជាបានធ្វើសកម្មភាព លបស្ទាក់ចាប់ជនរងគ្រោះនៅតាមផ្លូវ ដើម្បីយកទៅរំលោភបូក រួចហើយវាយសម្លាប់ និងបោះចូលទៅក្នុងទឹកអូរខាងត្បូងភូមិ ពិតប្រាកដមែន ។គួរបញ្ជាក់ថា ករណីរំលោភសម្លាប់នេះ កាលពីថ្ងៃទី១៥ខែមេសា ឆ្នាំ២០២២ វេលាម៉ោងប្រហែល ២៣:០០នាទី នៅចំណុចមាត់អូរខាងត្បូងភូមិ ស្ថិតក្នុងភូមិចំការចេក សង្កាត់អូរស្មាច់ ក្រុងសំរោង ខេត្តឧត្តរមានជ័យ មានកើតករណីរំលោភសម្លាប់ ដែលបង្កឡើងដោយជនសង្ស័យមិនស្គាល់អត្តសញ្ញាណ បានធ្វើសកម្មភាពចាប់ជនរងគ្រោះ មានទីលំនៅរស់នៅភូមិកើតហេតុខាងលើ ។បច្ចុប្បន្នជនសង្ស័យទាំង ៣នាក់ ត្រូវបានឃាត់ខ្លួននាំមកកាន់ស្នងការដ្ឋាននគរបាលខេត្តឧត្តរមានជ័យ ដើម្បីរៀបចំកសាងសំណុំរឿងតាមនីតិវិធី ៕អត្ថបទ៖ ឃិនសារិទ្ធ

ថ្ងៃនេះ គ្រោះថ្នាក់ចរាចរណ៍ទូទាំងប្រទេសកើតឡើងចំនួន ៩លើក បណ្តាលឲ្យស្លាប់ ៩នាក់ និងរបួសចំនួន ១៣នាក់

ភ្នំពេញ៖ គ្រោះថ្នាក់ចរាចរណ៍ទូទាំងប្រទេស នៅថ្ងៃទី១៨ ខែមេសា ឆ្នាំ២០២២ កើតឡើងចំនួន ៩លើក បណ្តាលឲ្យមនុស្សចំនួន ៩នាក់ស្លាប់ និងរងរបួសចំនួន ១៣ ក្នុងនោះរបួសធ្ងន់ចំនួន ៧នាក់ និងរងរបួសស្រាយចំនួន ៦នាក់។គ្រោះថ្នាក់ចរាចរណ៍កើតនៅលើរាជធានី-ខេត្ត ចំនួន ៧ មានដូចជា៖ ខេត្តកំពង់ចាម ស្លាប់ ១នាក់ , កណ្តាល របួស ៧នាក់ , ភ្នំពេញ របួស ១នាក់ , ព្រះវិហារ ស្លាប់ ១នាក់ និងរបួស ១នាក់ , ព្រៃវែង ស្លាប់ ៣នាក់ និងរបួស ១នាក់ , ពោធិសាត់ ស្លាប់ ២នាក់ និងរបួស ២នាក់ និងខេត្តតាកែវ ស្លាប់ ១នាក់ និងរបួស ១នាក់៕

បណ្ដាញសង្គម

ព័ត៌មានថ្មីៗ

ទឹកឡើងក្នុងបឹង Tanganyika បានជន់លិចផ្ទះសម្បែងប្រជាពលរដ្ឋនៅភាគខាងកើតកុងហ្គោ

ពលរដ្ឋព័រតូរីកូស្វែងរកទឹក ស្របពេលគ្រោះរាំងស្ងួត បង្កការរឹតត្បិតការបែងចែកទឹកប្រើប្រាស់ប្រចាំថ្ងៃ

អតីតប្រធានាធិបតីកូរ៉េខាងត្បូង លោក Yoon ត្រូវបានចោទប្រកាន់ផ្លូវការ ជុំវិញយុទ្ធនាការការពារច្បាប់អាជ្ញាសឹក

ដាណឺម៉ាកនឹងចាត់វិធានការតាមព្រំដែន បើលំហូរអន្តោប្រវេសន៍នៅតែបន្តមានពីដែនដី Ceuta របស់អេស្ប៉ាញ

ផេះពីបន្ទុះភ្នំភ្លើង Etna នាំឲ្យបិទអាកាសយានដ្ឋានអ៊ីតាលី និងបង្អាក់រដូវកាលដើរកម្សាន្ត

មេបញ្ជាការជាន់ខ្ពស់អ៊ីរ៉ង់ បំពេញទស្សនកិច្ចទៅកាន់អ៊ីរ៉ាក់ ដើម្បីពិភាក្សាលើផែនការរំសាយអាវុធក្រុមប្រដាប់អាវុធ

IEA កាត់បន្ថយការព្យាករតម្រូវការប្រេងឆ្នាំ ២០២៦ម្តងទៀត ស្របពេលច្រកសមុទ្រ Hormuz នៅតែបិទ

យន្តហោះ C919 របស់ចិន ធ្វើការហោះហើរពាណិជ្ជកម្មអន្តរជាតិជាលើកដំបូង

មន្ត្រីជាន់ខ្ពស់៖ អ៊ីរ៉ង់ និងសហរដ្ឋអាមេរិក មិនបានពិភាក្សាអំពីការបន្តបទឈប់បាញ់ទេ

ការវាយប្រហារយានដ្រូនអ៊ុយក្រែន បង្កការខូចខាត ស្លាប់មនុស្សនៅទីក្រុង Novorossiysk របស់រុស្ស៊ី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

បង្រ្កាបអ្នកជួញដូរវល្លិរមៀតជាង៧តោន នៅស្រុកបូទុមសាគរ

ស្លាប់ម្នាក់ និងខូចខាតត្រាក់ទ័រមួយគ្រឿង ដោយសារភ្ជួរដីកិនលើមីនតោន

ឆ្មក់បង្ក្រាបទីតាំងលក់សត្វព្រៃមួយកន្លែង ក្រោយសាលាខណ្ឌដង្កោ ដកហូតបានសាច់ជ្រូកព្រៃ និងសាច់ឈ្លូលមួយចំនួន

អាជ្ញាធរខណ្ឌឬស្សីកែវ ចុះបង្ក្រាបទីតាំងហាងកាហ្វេបង្កប់ល្បែងស៊ីសង ជល់មាន់អនឡាញ

អគ្គិភ័យឆេះផ្ទះប្រជាពលរដ្ឋ អស់ជាច្រើនខ្នងផ្ទះ នៅសង្កាត់ជ្រោយចង្វារ ទាំងព្រឹកព្រលឹម

នគរបាល២នាក់ត្រូវក្រុមជួញដូរគ្រឿងញៀនបាញ់ស្លាប់ក្នុងប្រតិបត្តិការបង្រ្កាបនៅស្រុកអង្គស្នួល

ថ្ងៃនេះគ្រោះថ្នាក់ចរាចរណ៍ទូទាំងប្រទេសកើតឡើង៥លើក,ស្លាប់ ៣នាក់,របួស ៧នាក់

នៅថ្ងៃនេះ គ្រោះថ្នាក់ចរាចរណ៍ទូទាំងប្រទេសកើតឡើង៥លើក បណ្តាលឲ្យស្លាប់២នាក់,របួស ៩នាក់

ថ្ងៃនេះ គ្រោះថ្នាក់ចរាចរណ៍ទូទាំងប្រទេសកើតឡើងចំនួន ៩លើក បណ្តាលឲ្យស្លាប់ ៩នាក់ និងរបួសចំនួន ១៣នាក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

បង្រ្កាបអ្នកជួញដូរវល្លិរមៀតជាង៧តោន នៅស្រុកបូទុមសាគរ

ស្លាប់ម្នាក់ និងខូចខាតត្រាក់ទ័រមួយគ្រឿង ដោយសារភ្ជួរដីកិនលើមីនតោន

ឆ្មក់បង្ក្រាបទីតាំងលក់សត្វព្រៃមួយកន្លែង ក្រោយសាលាខណ្ឌដង្កោ ដកហូតបានសាច់ជ្រូកព្រៃ និងសាច់ឈ្លូលមួយចំនួន

អាជ្ញាធរខណ្ឌឬស្សីកែវ ចុះបង្ក្រាបទីតាំងហាងកាហ្វេបង្កប់ល្បែងស៊ីសង ជល់មាន់អនឡាញ

អគ្គិភ័យ​ឆេះ​ផ្ទះ​ប្រជាពលរដ្ឋ​ អស់​ជា​ច្រើន​ខ្នង​ផ្ទះ​ នៅសង្កាត់​ជ្រោយ​ចង្វារ​ ទាំងព្រឹកព្រលឹម

នគរបាល២នាក់ត្រូវក្រុមជួញដូរគ្រឿងញៀនបាញ់ស្លាប់ក្នុងប្រតិបត្តិការបង្រ្កាបនៅស្រុកអង្គស្នួល

ថ្ងៃនេះគ្រោះថ្នាក់ចរាចរណ៍ទូទាំងប្រទេសកើតឡើង៥លើក,ស្លាប់ ៣នាក់,របួស ៧នាក់

នៅថ្ងៃនេះ គ្រោះថ្នាក់ចរាចរណ៍ទូទាំងប្រទេសកើតឡើង៥លើក បណ្តាលឲ្យស្លាប់២នាក់,របួស ៩នាក់

ថ្ងៃនេះ គ្រោះថ្នាក់ចរាចរណ៍ទូទាំងប្រទេសកើតឡើងចំនួន ៩លើក បណ្តាលឲ្យស្លាប់ ៩នាក់ និងរបួសចំនួន ១៣នាក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អគ្គិភ័យឆេះផ្ទះប្រជាពលរដ្ឋ អស់ជាច្រើនខ្នងផ្ទះ នៅសង្កាត់ជ្រោយចង្វារ ទាំងព្រឹកព្រលឹម