BTV NEWS

ជាង៧ខែ ជនបរទេសជាង៥ម៉ឺននាក់ត្រូវបានបណ្ដេញចេញពីកម្ពុជា ក្នុងនោះមាន ១ម៉ឺន៧ពាន់នាក់ពាក់ព័ន្ធ Online Scams

ឆមាសទី១ឆ្នាំនេះ សមត្ថកិច្ចបង្ក្រាបបទល្មើសជួញដូរមនុស្ស និងអាជីវកម្មផ្លូវភេទជាង ១១០ករណី និងសង្គ្រោះបាន ៥៨១នាក់

មនុស្ស៦នាក់ស្លាប់ និងម្នាក់រងរបួសធ្ងន់ក្នុងប្រតិបត្តិការបង្ក្រាបគ្រឿងញៀននៅវាលវែង

ក្រសួងព័ត៌មានអប់រំណែនាំក្រុមអ្នកផលិតមាតិកា ២ក្រុម គឺ «ក្រុមនាយក្រឹប» និង «ក្រុមគ្រូតឿ» ដែលបានផលិតផ្សព្វផ្សាយមាតិកាមិនសមរម្យ និងបំពានលើក្រមសីលធម៌

សន្តិសុខ និង សង្គម

កម្ពុជារកឃើញអ្នកឆ្លងថ្មីកូវីដ-១៩ចំនួន២៥នាក់ សុទ្ធតែជាករណីឆ្លងក្នុងសហគមន៍ និងគ្មានករណីស្លាប់ថ្មីទេ

ភ្នំពេញ៖ ក្រសួងសុខាភិបាល ប្រកាសពីការរកឃើញករណីឆ្លងថ្មីជំងឺកូវីដ-១៩ ចំនួន ២៥នាក់ (PCR) សុទ្ធតែជាប្រភេទអូមីក្រុង និងសុទ្ធតែជាករណីឆ្លងក្នុងសហគមន៍,ជាសះស្បើយចំនួន ២៧នាក់ និងគ្មានករណីស្លាប់ថ្មីទេ នៅថ្ងៃទី០៩ ខែមេសា ឆ្នាំ២០២២នេះ។គួរបញ្ជាក់ថា មកទល់ពេលនេះ កម្ពុជាមានអ្នកឆ្លងជំងឺកូវីដ-១៩ សរុបចំនួន ១៣៥.៩១៤នាក់ ,ជាសះស្បើយសរុបចំនួន ១៣២.៥៩៦នាក់ និងករណីស្លាប់សរុបចំនួន ៣.០៥៥នាក់។

ថ្ងៃនេះ គ្រោះថ្នាក់ចរាចរណ៍ទូទាំងប្រទេសកើតឡើង៥លើក(ស្លាប់ ១នាក់, របួស ៨នាក់)

ភ្នំពេញ៖ របាយការណ៍នគរបាលចរាចរណ៍ផ្លូវគោកចេញផ្សាយថា គិតត្រឹមម៉ោង៤រសៀល ថ្ងៃទី៨ ខែមេសា ឆ្នាំ២០២២នេះ គ្រោះថ្នាក់ចរាចរណ៍ទូទាំងប្រទេសបានកើតឡើងចំនួន ៥លើក បណ្តាលឲ្យមនុស្សចំនួន ១នាក់ស្លាប់ និងរងរបួសចំនួន ៨នាក់ ក្នុង នោះរបួសធ្ងន់ ៥នាក់ និងរបួសស្រាលចំនួន ៣នាក់។គ្រោះថ្នាក់ចរាចរណ៍បានកើតនៅរាជធានី-ខេត្តចំនួន ៤ មានដូចជា៖ ខេត្តកំពត របួស ២នាក់, ភ្នំពេញ របួស ៣នាក់ , ព្រៃវែង ស្លាប់ ១នាក់ និងខេត្ត ពោធិ៍សាត់ របួស ២នាក់៕

តុលាការបង្គាប់ឱ្យសមត្ថកិច្ចនាំខ្លួនតំណាងស្ថាបនិក គណបក្សបេះដូងជាតិ ពាក់ព័ន្ធករណីក្លែងបន្លំ និងប្រើប្រាស់លិខិតក្លែង ក្នុងការបង្កើតគណបក្ស

ភ្នំពេញ៖ ចៅក្រមស៊ើបសួរ នៃសាលាដំបូងរាជធានីភ្នំពេញ នៅថ្ងៃទី០៨ ខែមេសា ឆ្នាំ២០២២នេះ បានចេញដីកាមួយបង្គាប់ឱ្យកម្លាំងសាធារណៈឱ្យនាំខ្លួន លោក សៀម ភ្លុក តំណាងស្ថាបនិក គណបក្សបេះដូងជាតិ ឱ្យបានមុនថ្ងៃទី២៥ ខែមេសា ឆ្នាំ២០២២ ពាក់ព័ន្ធនឹងករណីក្លែងបន្លំ និងប្រើប្រាស់លិខិតក្លែង ក្នុងការបង្កើតគណបក្សនេះ។តាមដីកាតុលាការ បានបញ្ជាក់ថា លោក សៀម ភ្លុក ត្រូវបានចោទប្រកាន់ចំនួន២បទល្មើស រួមមាន បទក្លែងបន្លំ និងបទប្រើប្រាស់លិខិតក្លែង ប្រព្រឹត្តនៅរាជធានីភ្នំពេញ កាលពីអំឡុងឆ្នាំ២០២១ ដែលបទល្មើស ដែលមានចែង និងឱ្យផ្តន្ទាទោសតាមមាត្រា៦២៦, មាត្រា៦២៧ និងមាត្រា៦២៨ នៃក្រមព្រហ្មទណ្ឌ។ដីកានេះ បានបញ្ជាក់ទៀតថា ដើម្បីធានាដល់ការស៊ើបសួរឱ្យបានពេញលេញ គប្បីសម្រេចនាំខ្លួនឈ្មោះ សៀម ភ្លុក មកចំពោះមុខចៅក្រមស៊ើបសួរ ដើម្បីបំភ្លឺការពិត។ ហេតុដូច្នេះសម្រេច៖១៖ ឱ្យនាំខ្លួនឈ្មោះ សៀម ភ្លុក ភេទប្រុស ដែលមានអត្តសញ្ញាណខាងលើនេះ។២៖ បង្គាប់មកកងកម្លាំងសាធារណៈឱ្យនាំខ្លួនជនត្រូវចោទខាងលើនេះ មកប្រគល់ជូនសាលាដំបូងរាជធានីភ្នំពេញ ឱ្យបានមុនថ្ងៃទី២៥ ខែមេសា ឆ្នាំ២០២២ ជាកំហិត ដើម្បីចាត់ការតាមច្បាប់។សូមជម្រាបថា ក្រសួងមហាផ្ទៃ នៅថ្ងៃទី០២ ខែមីនា ឆ្នាំ២០២២ បានចេញប្រកាសមួយ ដោយសម្រេចលុបឈ្មោះ «គណបក្សបេះដូងជាតិ» ចេញពីបញ្ជីគណបក្សនយោបាយ។ ការចេញប្រកាសលុបឈ្មោះគណបក្សបេះដូងជាតិនេះ បានធ្វើឡើងបន្ទាប់ពី តុលាការកំពូល បានបើកសវនការ និងបានប្រកាសសាលដីកា សម្រេចទាត់ចោលបណ្ដឹងរបស់ លោក សៀម ភ្លុក ដែលប្រឆាំងនឹងការបដិសេធក្រសួងមហាផ្ទៃ ចំពោះសំណើបង្កើតគណបក្សបេះដូងជាតិ កាលពីថ្ងៃទី២៤ ខែធ្នូ ឆ្នាំ២០២១ ហើយបានបិទផ្លូវតវ៉ា៕

ពលករមកពីថៃ ចូលតាមខេត្តបន្ទាយមានជ័យកើនឡើង ខណៈបុណ្យចូលឆ្នាំខិតជិតមកដល់

បន្ទាយមានជ័យ៖ ពិធីបុណ្យចូលឆ្នាំប្រពៃណីជាតិខ្មែរ កាន់តែគៀកជិតឈានមកដល់ ពលករខ្មែរដែលធ្វើការនៅប្រទេសថៃ បានត្រឡប់មកស្រុកកំណើតវិញ តាមច្រកខេត្តបន្ទាយមានជ័យ ក្រោមការអនុវត្តរឹតបន្តឹងត្រួតពិនិត្យវិធានការសុខាភិបាល។ថ្លែងប្រាប់BTV នៅថ្ងៃទី៨ ខែមេសា ឆ្នាំ២០២២ ឯកឧត្តម អ៊ុំ រាត្រី អភិបាលខេត្តបន្ទាយមានជ័យ បានឲ្យដឹងថា ពលករខ្មែរដែលត្រឡប់មកពីប្រទេសថៃ តាមច្រកខេត្តបន្ទាយមានជ័យ បានកើនឡើងតាំងពីសប្តាហ៍ចុងក្រោយខែមីនា ហើយបន្តកើនឡើងក្នុងសប្តាហ៍ដំបូងខែមេសា ដោយក្នុងមួយថ្ងៃមានចំនួនយ៉ាងហោចណាស់ប្រមាណ១ពាន់។ ឯកឧត្តម បន្តថា ក្នុងចំណោមនោះ បានឆ្លងដែនតាមច្រកចំនួន៤ រួមមាន ច្រកទ្វារព្រំដែនអន្តរជាតិប៉ោយប៉ែត ច្រកបឹងត្រកួន ស្រុកថ្មពួក ច្រកបឹងបេង ស្រុកម៉ាឡៃ និងច្រកអូរបីជាន់ ស្រុកអូរជ្រៅ ខណៈច្រកដែលមានពលករឆ្លងដែនច្រើនជាងគេមានច្រកទ្វារអន្តរជាតិប៉ោយប៉ែត និងច្រកអូរបីជាន់។ឯកឧត្តម បញ្ជាក់ថា ទោះបីមានការកើនឡើងនៃចំនួនពលករមកពីថៃ ប៉ុន្តែក្រុមការងារជំនាញដែលឈរជើងតាមបណ្តាព្រំដែនបន្តអនុវត្តវិធានការសុខាភិបាលម៉ឺងម៉ាត់ ពោលគឺអ្នកមិនទាន់បានចាក់វ៉ាកសាំងដូសមូលដ្ឋាន ឬយ៉ាងហោចណាស់ចំនួនដូសនោះនឹងត្រូវបញ្ជូនទៅធ្វើចត្តាឡីស័ក។ឯកឧត្តម បន្តថា រាល់ការឆ្លងដែនរបស់ពលករទាំងអស់តម្រូវឲ្យធ្វើតេស្តសម្រាប់អ្នកដែលមានអាការៈមិនស្រួលខ្លួន ហើយអ្នកបានចាក់វ៉ាក់សាំង ដូសទី២រួចរាល់ អនុញាត ឲ្យត្រឡប់ទៅផ្ទះ និងអ្នកមិនទាន់ចាក់ត្រូវធ្វើចត្តាឡីស័កគ្រប់ចំនួនថ្ងៃ ដែលកំណត់ បន្ទាប់ពីបញ្ចប់ការធ្វើចត្តាឡីស័ក បានរៀបចំចាក់វ៉ាក់សាំងជូនពួកគេ។ឯកឧត្តម អ៊ុំ រាត្រី បន្ថែមថា ដើម្បីឆ្លើយតបចំពោះបញ្ហាកំណើនពលករ រដ្ឋបាលខេត្តបន្ទាយមានជ័យ បានបន្តឲ្យកងកម្លាំងប្រដាប់អាវុធ និងមន្រ្តីជំនាញឈរជើងជាប់ជាប្រចាំរង់ចាំទទួលពលករមកពីថៃ និងបានរៀបចំទីតាំងធ្វើចត្តាឡីស័ក និងព្យាបាល សំដៅធានាឲ្យបានពីការរីករាលមេរោគកូវីដ១៩ក្នុងសហគមន៍ ខណៈប្រទេសថៃនៅថ្ងៃទី៨ ខែមេសានេះ បានរកឃើញករណីឆ្លងចំនួនជាង ២ម៉ឺនករណី និងស្លាប់៨៩នាក់៕ អត្ថបទ សេក ឧត្តម

នៅថ្ងៃនេះ កម្ពុជារកឃើញអ្នកឆ្លងថ្មីកូវីដ-១៩ចំនួន២៨នាក់ សុទ្ធតែជាករណីឆ្លងក្នុងសហគមន៍ និងគ្មានករណីស្លាប់ថ្មីទេ

ភ្នំពេញ៖ ក្រសួងសុខាភិបាល ប្រកាសពីការរកឃើញករណីឆ្លងថ្មីជំងឺកូវីដ-១៩ ចំនួន ២៨នាក់ (PCR) សុទ្ធតែជាប្រភេទអូមីក្រុង និងសុទ្ធតែជាករណីឆ្លងក្នុងសហគមន៍,ជាសះស្បើយចំនួន ៥២នាក់ និងគ្មានករណីស្លាប់ថ្មីទេ នៅថ្ងៃទី០៨ ខែមេសា ឆ្នាំ២០២២នេះ។គួរបញ្ជាក់ថា មកទល់ពេលនេះ កម្ពុជាមានអ្នកឆ្លងជំងឺកូវីដ-១៩ សរុបចំនួន ១៣៥.៨៨៩នាក់ ,ជាសះស្បើយសរុបចំនួន ១៣២.៥៦៩នាក់ និងករណីស្លាប់សរុបចំនួន ៣.០៥៥នាក់។

គ្រោះថ្នាក់ចរាចរណ៍ទូទាំងប្រទេសនៅថ្ងៃទី៧ ខែមេសាកើតឡើង ៦លើក(ស្លាប់ ២នាក់ និងរបួស ១០នាក់)

ភ្នំពេញ៖ គិតត្រឹមម៉ោង ៤រសៀល ថ្ងៃទី៧ ខែ មេសា ឆ្នាំ២០២២ នេះ គ្រោះថ្នាក់ចរាចរណ៍ទូទាំងប្រទេសបាន កើត ឡើងចំនួន ៦លើក បណ្តាលឲ្យមនុស្សចំនួន ២នាក់ស្លាប់ និងរបួសចំនួន ១០នាក់ ក្នុងនោះរបួសធ្ងន់ចំនួន ៩នាក់ និងរបួសស្រាលចំនួន ១នាក់ ។គ្រោះថ្នាក់ចរាចរណ៍ កើត នៅរាជធានី-ខេត្កចំនួន ៥មានដូចជា៖ ខេត្តកំពង់ចាម ស្លាប់ ១នាក់ និងរបួស ២នាក់ , កំពត របួស ១នាក់ , ភ្នំពេញ របួស ១នាក់ រតនគីរី របួស ៥នាក់ និងខេត្តសៀមរាប ស្លាប់ ១នាក់ និងរបួស ១នាក់ ៕

ភ្លៀងធ្លាក់យ៉ាងខ្លាំង បានបង្កផលប៉ះពាល់ផលដំណាំនិងសត្វចិញ្ចឹមមួយចំនួន នៅឃុំក្បាលរមាស ស្រុកសេសាន

ស្ទឹងត្រែង ៖ ភ្លៀងកក់ខែធ្លាក់យ៉ាងខ្លាំង បានជន់លិចផ្ទះប្រជាពលរដ្ឋជាច្រើនខ្នង នៅភូមិក្បាលរមាស និងភូមិស្រែស្រណុកថ្មី នៅឃុំក្បាលរមាស ស្រុកសេសាន ខេត្តស្ទឹងត្រែង ចាប់ពីថ្ងៃទី៣១ មកដល់ថ្ងៃទី០១មេសានេះ បានបង្កផលប៉ះពាល់ផលដំណាំ និងសត្វចិញ្ចឹមមាន់ទាមួយចំនួនផងដែរ។លោកគ្រុ យូរ មេភូមិក្បាលរមាស បានបញ្ជាក់ថា ឆ្នាំនេះភ្លៀងខុសរដូវ ទោះបីចង់ទៅធ្វើស្រែក៏មិនកើតដែរព្រោះក្រែងដល់ទៅចុងខែមេសា និងដើមខែឧសភា មានភាពរាំងស្ងួតអាចបង្កឱ្យខូចផលដំណាំដូចនេះបងប្អូនជនជាតិ មិនទាន់ហ៊ាននាំគ្នាចេញទៅធ្វើអ្វីទេ។លោកប៉ែន វិបុល សមាជិកឃុំក្បាលរមាស បានទទួលស្គាល់ថា នៅខេត្តស្ទឹងត្រែងយើងមានភ្លៀងទៅតាមតំបន់និងកន្លែងខ្លះភ្លៀងខ្លាំង និងខ្លះទៀតមានតិចតួចតែប៉ុណ្ណោះដែលអំណោយផលទៅលើដំណាំផ្សេងៗ។លោកបន្តថា ស្ថិតក្នុងស្ថានភាពបែបនេះ បងប្អូនប្រជាពលរដ្ឋយើងទាំងអស់ត្រូវមានការប្រុងប្រយ័ត្នឲ្យបានខ្ពស់បំផុត ហាមប្រាមកូនចៅកុំឱ្យចុះលេងទឹក ដើម្បីបញ្ចៀសនៅការគ្រោះថ្នាក់ផ្សេងៗ។សូមបញ្ចាក់ថា ភ្លៀងធ្លាក់មួយយប់មួយថ្ងៃនេះ នៅស្រុកសេសាន បង្កផលប៉ះពាល់ ២ភូមិ ទី១.ភូមិក្បាលរមាស ទី២.ភូមិស្រែប្រណូកថ្មី ស្ថិតក្នុងឃុំក្បាលរមាស ស្រុកសេសាន ខេត្តស្ទឹងត្រែង មានប្រជាពលរដ្ឋរស់នៅប្រមាណ៥០០គ្រួសារ តែមិនមានសភាពធ្ងន់ធ្ងរទេ អាចក្នុងរយៈពេល ២ឬ៣ថ្ងៃទឹកស្រកផុតទៅវិញបាន៕ អត្ថបទ៖ មាស ផល្លា

នៅថ្ងៃនេះ ករណីឆ្លងថ្មីជំងឺកូវីដ-១៩ ចំនួន ៣២នាក់(ប្រភេទអូមីក្រុង) និងគ្មានករណីស្លាប់ថ្មីទេ

ភ្នំពេញ៖ ក្រសួងសុខាភិបាលប្រកាសពីការរកឃើញករណីឆ្លងថ្មីជំងឺកូវីដ-១៩ ចំនួន ៣២នាក់ (PCR)សុទ្ធតែជាប្រភេទអូមីក្រុង ,ករណីឆ្លងក្នុងសហគមន៍ចំនួន ៣០នាក់,ជាសះស្បើយចំនួន ១៣២នាក់ និងគ្មានករណីស្លាប់ថ្មីទេ នៅថ្ងៃទី០២ ខែមេសា ឆ្នាំ២០២២នេះ។គួរបញ្ជាក់ថា មកទល់ពេលនេះ កម្ពុជាមានអ្នកឆ្លងជំងឺកូវីដ-១៩សរុបចំនួន ១៣៥.៧១៤នាក់ ,ជាសះស្បើយសរុបចំនួន ១៣១.៩៤០នាក់ និងករណីស្លាប់សរុបចំនួន ៣.០៥៤នាក់៕

គ្រោះថ្នាក់ចរាចរណ៍ទូទាំងប្រទេសនៅថ្ងៃទី១ ខែមេសា កើតឡើង១២លើក(ស្លាប់១០នាក់,របួស២៨នាក់)

ភ្នំពេញ៖ របាយការណ៍ អគ្គស្នងការដ្ឋាននគរបាលជាតិប្រកាសថា នៅថ្ងៃទី១ ខែមេសា ឆ្នាំ២០២២ គ្រោះថ្នាក់ចរាចរណ៍ទូទាំងប្រទេសបាន កើត ឡើងចំនួន ១២លើក ស្លាប់មនុស្សចំនួន ១០នាក់ និងរងរបួសចំនួន ២៨នាក់ ដោយក្នុងនោះរបួសធ្ងន់ ១៣នាក់ និងស្រាល ១៥នាក់។គ្រោះថ្នាក់ចរាចរណ៍កើតនៅលើរាជធានី ខេត្ត ចំនួន ១០ មានដូចជាៈ ខេត្តបន្ទាយមានជ័យ របួស ៣នាក់ , បាត់ដំបង របួស ១នាក់ , កំពង់ឆ្នាំង ស្លាប់ ៣នាក់ និងរបួស ១១នាក់ , កណ្តាល ស្លាប់ ៥នាក់ និងរបួស ១នាក់ , ក្រចេះ របួស ៣នាក់ , ភ្នំពេញ របួស ៣នាក់ , ព្រះសីហនុ ស្លាប់ ១នាក់ , ស្ទឹងត្រែង ស្លាប់ ១នាក់ , តាកែវ របួស ១នាក់ និងខេត្តកែប របួស ៥នាក់៕

បទល្មើសនេសាទក្នុងតំបន់បឹងទន្លេសាបថយចុះ បន្ទាប់ពីកម្លាំងជំនាញបានបើកប្រតិបត្តិការបង្ក្រាបយ៉ាងសស្រាក់សស្រាំ

ភ្នំពេញ៖ បទល្មើសនេសាទក្នុងតំបន់បឹងទន្លេសាប មានការថយចុះ នៅពេលបច្ចុប្បន្ន បន្ទាប់ពីកម្លាំងជំនាញបានបើកប្រតិបត្តិការបង្ក្រាបយ៉ាងសស្រាក់សស្រាំ ដោយមានការណែនាំដ៏ខ្ពង់ខ្ពស់ពីសម្តេចតេជោ ហ៊ុន សែន នាយករដ្ឋមន្រ្តីកម្ពុជា តាមរយៈក្រសួងកសិកម្ម រុក្ខាប្រមាញ់ និងនេសាទ និងស្ថាប័នពាក់ព័ន្ធផ្សេងៗមួយចំនួនទៀត។មានប្រសាសន៍ប្រាប់BTV នៅថ្ងៃទី០១ខែមេសានេះ លោក អ៊ឹង ទ្រី អនុប្រធានរដ្ឋបាលជលផលនៃក្រសួងកសិកម្ម រុក្ខាប្រមាញ់ និងនេសាទ បានឱ្យដឹងថា បន្ទាប់ពីទទួលបានអនុសាសន៍ដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្រ្តីកម្ពុជា ក្រសួងកសិកម្ម និងស្ថាប័នព័ន្ធផ្សេងៗទៀត បានបើកកិច្ចពិភាក្សាជាបន្តបន្ទាប់ ដើម្បីដាក់ចេញវិធានការទប់ស្កាត់បទល្មើសជលផលនៅបឹងទន្លេសាប។ជាលទ្ធផល បច្ចុប្បន្ន បទល្មើសនេសាទក្នុងបឹងទន្លេសាបមានការថយចុះជាងមុន ក្រោយពីកម្លាំងជំនាញពាក់ព័ន្ធ បានបើកប្រតិបត្តិការបង្រ្កាបយ៉ាងសស្រាក់ស្រាំ។ ក្រៅពីនេះ លោក អំពាវនាវដល់ប្រជាពលរដ្ឋ ត្រូវបញ្ឈប់ជាបន្ទាន់ការនេសាទខុសច្បាប់នៅបឹងទន្លេសាប ដែលអាចនាំឱ្យមានទោសតាមច្បាប់ដែលបានកំណត់។បើតាមរបាយការណ៍របស់រដ្ឋបាលជលផល នៃក្រសួងកសិកម្ម រុក្ខាប្រមាញ់ និងនេសាទ បានបង្ហាញថា គិតចាប់ពីថ្ងៃទី២ ដល់ថ្ងៃទី៣១ ខែមីនាម្សិលមិញ ការបង្រ្កាបបទល្មើសជលផលដោយប្រើឧបករណ៍ខុសច្បាប់នៅក្នុងខេត្តចំនួន ៦ជាប់បឹងទន្លេសាបមានដូចជា៖ អួនអូសទឹកសាបចំនួន២៤វង់ ម៉ាញ់៣វង់ ឆក់ត្រជាក់ ៥គ្រឿង ឈិបយន្ត១គ្រឿង អួនហ៊ុម ៤វង់ ការណូត៥០គ្រឿង ម៉ាស៊ីនការណូត ១៤គ្រឿង និងចាប់ខ្លួនជនល្មើស បញ្ជូនសំណុំរឿងទៅតុលាការជាដើម។កន្លងទៅថ្មីៗនេះ នៅក្នុងពិធីបិទសន្និបាតបូកសរុបការងារឆ្នាំ ២០២១ និងលើកទិសដៅការងារឆ្នាំ២០២២ របស់ក្រសួងកសិកម្ម រុក្ខាប្រមាញ់ និងនេសាទសម្តេចតេជោ ហ៊ុន សែន នាយករដ្ឋមន្រ្តីបានចេញបទបញ្ជា ដល់ក្រសួងកសិកម្មរុក្ខាប្រមាញ់ និងនេសាទ ក្រសួងស្ថាប័នពាក់ព័ន្ធ រដ្ឋបាលថ្នាក់ក្រោមជាតិ ពិសេសគណៈបញ្ជាការឯកភាពរាជធានី- ខេត្ត ត្រូវរួមសហការស្រាវជ្រាវ ទប់ស្កាត់ និងបង្រ្កាបបទល្មើសព្រៃឈើ ជលផល និងការកាប់រានដុតឈូសឆាយដីព្រៃឈើ ព្រៃលិចទឹកតាមគ្រប់រូបភាព ក្នុងដែនសមត្ថកិច្ចរបស់ខ្លួនប្រកបដោយប្រសិទ្ធភាព និងតម្លាភាព៕អត្ថបទ៖ទូច សោភ័ណ

បណ្ដាញសង្គម

ព័ត៌មានថ្មីៗ

ទឹកឡើងក្នុងបឹង Tanganyika បានជន់លិចផ្ទះសម្បែងប្រជាពលរដ្ឋនៅភាគខាងកើតកុងហ្គោ

ពលរដ្ឋព័រតូរីកូស្វែងរកទឹក ស្របពេលគ្រោះរាំងស្ងួត បង្កការរឹតត្បិតការបែងចែកទឹកប្រើប្រាស់ប្រចាំថ្ងៃ

អតីតប្រធានាធិបតីកូរ៉េខាងត្បូង លោក Yoon ត្រូវបានចោទប្រកាន់ផ្លូវការ ជុំវិញយុទ្ធនាការការពារច្បាប់អាជ្ញាសឹក

ដាណឺម៉ាកនឹងចាត់វិធានការតាមព្រំដែន បើលំហូរអន្តោប្រវេសន៍នៅតែបន្តមានពីដែនដី Ceuta របស់អេស្ប៉ាញ

ផេះពីបន្ទុះភ្នំភ្លើង Etna នាំឲ្យបិទអាកាសយានដ្ឋានអ៊ីតាលី និងបង្អាក់រដូវកាលដើរកម្សាន្ត

មេបញ្ជាការជាន់ខ្ពស់អ៊ីរ៉ង់ បំពេញទស្សនកិច្ចទៅកាន់អ៊ីរ៉ាក់ ដើម្បីពិភាក្សាលើផែនការរំសាយអាវុធក្រុមប្រដាប់អាវុធ

IEA កាត់បន្ថយការព្យាករតម្រូវការប្រេងឆ្នាំ ២០២៦ម្តងទៀត ស្របពេលច្រកសមុទ្រ Hormuz នៅតែបិទ

យន្តហោះ C919 របស់ចិន ធ្វើការហោះហើរពាណិជ្ជកម្មអន្តរជាតិជាលើកដំបូង

មន្ត្រីជាន់ខ្ពស់៖ អ៊ីរ៉ង់ និងសហរដ្ឋអាមេរិក មិនបានពិភាក្សាអំពីការបន្តបទឈប់បាញ់ទេ

ការវាយប្រហារយានដ្រូនអ៊ុយក្រែន បង្កការខូចខាត ស្លាប់មនុស្សនៅទីក្រុង Novorossiysk របស់រុស្ស៊ី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

កម្ពុជារកឃើញអ្នកឆ្លងថ្មីកូវីដ-១៩ចំនួន២៥នាក់ សុទ្ធតែជាករណីឆ្លងក្នុងសហគមន៍ និងគ្មានករណីស្លាប់ថ្មីទេ

ថ្ងៃនេះ គ្រោះថ្នាក់ចរាចរណ៍ទូទាំងប្រទេសកើតឡើង៥លើក(ស្លាប់ ១នាក់, របួស ៨នាក់)

ពលករមកពីថៃ ចូលតាមខេត្តបន្ទាយមានជ័យកើនឡើង ខណៈបុណ្យចូលឆ្នាំខិតជិតមកដល់

គ្រោះថ្នាក់ចរាចរណ៍ទូទាំងប្រទេសនៅថ្ងៃទី៧ ខែមេសាកើតឡើង ៦លើក(ស្លាប់ ២នាក់ និងរបួស ១០នាក់)

ភ្លៀងធ្លាក់យ៉ាងខ្លាំង បានបង្កផលប៉ះពាល់ផលដំណាំនិងសត្វចិញ្ចឹមមួយចំនួន នៅឃុំក្បាលរមាស ស្រុកសេសាន

នៅថ្ងៃនេះ ករណីឆ្លងថ្មីជំងឺកូវីដ-១៩ ចំនួន ៣២នាក់(ប្រភេទអូមីក្រុង) និងគ្មានករណីស្លាប់ថ្មីទេ

គ្រោះថ្នាក់ចរាចរណ៍ទូទាំងប្រទេសនៅថ្ងៃទី១ ខែមេសា កើតឡើង១២លើក(ស្លាប់១០នាក់,របួស២៨នាក់)

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

កម្ពុជារកឃើញអ្នកឆ្លងថ្មីកូវីដ-១៩ចំនួន២៥នាក់ សុទ្ធតែជាករណីឆ្លងក្នុងសហគមន៍ និងគ្មានករណីស្លាប់ថ្មីទេ

ថ្ងៃនេះ គ្រោះថ្នាក់ចរាចរណ៍ទូទាំងប្រទេសកើតឡើង៥លើក(ស្លាប់ ១នាក់, របួស ៨នាក់)

ពលករមកពីថៃ ចូលតាមខេត្តបន្ទាយមានជ័យកើនឡើង ខណៈបុណ្យចូលឆ្នាំខិតជិតមកដល់

គ្រោះថ្នាក់ចរាចរណ៍ទូទាំងប្រទេសនៅថ្ងៃទី៧ ខែមេសាកើតឡើង ៦លើក(ស្លាប់ ២នាក់ និងរបួស ១០នាក់)

ភ្លៀងធ្លាក់​យ៉ាង​ខ្លាំង បានបង្កផលប៉ះពាល់ផលដំណាំនិងសត្វចិញ្ចឹមមួយចំនួន នៅឃុំក្បាលរមាស ស្រុកសេសាន

នៅថ្ងៃនេះ ករណីឆ្លងថ្មីជំងឺកូវីដ-១៩ ចំនួន ៣២នាក់(ប្រភេទអូមីក្រុង) និងគ្មានករណីស្លាប់ថ្មីទេ

គ្រោះថ្នាក់ចរាចរណ៍ទូទាំងប្រទេសនៅថ្ងៃទី១ ខែមេសា កើតឡើង១២លើក(ស្លាប់១០នាក់,របួស២៨នាក់)

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ភ្លៀងធ្លាក់យ៉ាងខ្លាំង បានបង្កផលប៉ះពាល់ផលដំណាំនិងសត្វចិញ្ចឹមមួយចំនួន នៅឃុំក្បាលរមាស ស្រុកសេសាន